Sermons

【3-14】< Ahebri 7:1-28 > Nsembe Yonsinthidwa



< Ahebri 7:1-28 >

“Pakuti Melikizedeke uyu, Mfumu ya Salemu, wansembe wa Mulungu Wamkulukulu, amene anakomana ndi Abrahamu, pobwera iye adawapha mafumu aja, namdalitsa, amenenso Abrahamu anamgawira limodzi la magawo khumi la zonse (ndiye posandulika, poyamba ali Mfumu ya cilungamo, pameneponso Mfumu ya Salemu, ndiko, Mfumu ya mtendere; wopanda atate wace, wopanda amace, wopanda mawerengedwe a cibadwidwe cace, alibe ciyambi ca masiku ace kapena citsiriziro ca moyo wace, wofanizidwa ndi Mwana wa Mulungu), iyeyu wakhala wansembe kosalekeza. Koma tapenyani ukulu wake wa iyeyu, amene Abrahamu, kholo lalikuru, anampatsa limodzi la magawo khumi la zosankhika za kunkhondo. Ndipo iwotu mwa ana a Levi akulandira nchito yakupereka nsembe, ali nalo lamulo lakuti atenge limodzi la magawo khumi kwa anthu monga mwa cilamulo, ndiko kwa abale ao, angakhale adaturuka m’cuuno ca Abrahamu; koma iye amene mawerengedwe a cibadwidwe cace sacokera mwa iwo, anatenga limodzi la magawo khumi kwa Abrahamu, namdalitsa iye amene ali nao malonjezano. Ndipo popanda citsutsano konse wamng’ono adalitsidwa ndi wamkuru. Ndipo pano anthu ofeka alandira limodzi la magawo khumi; koma apo iye, woti adamcitira umboni ali ndi moyo. Ndipo kuli ngati kunena, mwa Abrahamu Levinso wakulandira limodzi limodzi la magawo khumi; pakuti pajapo anali m’cuuno ca atate wace, pamene Melikizedeke anakomana naye. Ndipo pakadakhala ungwiro mwa unsembe wa Cilevi (pakuti momwemo anthu analandira cilamulo), pakadatsala kusowa kotani kuti auke wansembe wina monga mwa dongosolo la Melikizedeke, wosayesedwa monga mwa dongosolo la Aroni? Pakuti posandulika unsembe, kufunikanso kuti lamulo lisandulike. Pakuti iye amene izi zineneka za Iye, akhala wa pfuko lina, wa ili palibe munthu watumikira guwa la nsembe. Pakuti kwadziwikandi kuti Ambuye wathu anaturuka mwa Yuda; za pfuko ili Mose sanalankhula kanthu ka ansembe. Ndipo kwadziwikatu koposa nditu, ngati auka wansembe wina monga mwa mafanidwe a Melikizedeke, amene wakhala si monga mwa lamulo la lamuliro la kwa thupi, komatu monga mwa mpambvu ya moyo wosaonongeka; pakuti amcitira umboni, Iwe ndiwe wansembe nthawi yosatha Monga mwa dongosolo la Melikizedeke. Pakuti kuli kutaya kwace kwa lamulo lidzadza kalelo, cifukwa ca kufoka kwace, ndi kusapindulitsa kwace (pakuti cilamulo sicinacitira kanthu kakhale kopanda cirema), ndipo kulinso kulowa naco ciyembekezo coposa, cimene tiyandikira naco kwa Mulungu. Ndipo monga momwe sikudacitika kopanda lumbiro; (pakuti iwotu anayesedwa ansembe kopanda lumbiro; koma Iye ndi lumbiro mwa Iye amene ananena kwa Iye, walumbira Ambuye ndipo sadzalapa, Iwe ndiwe wansembe nthawi yosatha). Momwemonso Yesu wakhala Nkhoswe ya pangano loposa. Ndipo iwo ndiwo ambiri anakhala ansembe, popeza imfa idawaletsa asakhalebe; koma Iye cifukwa kuti akhala Iye nthawi yosatha ali nao unsembe wosasinthika, kucokera komweko akhoza kupulumutsa konse konse iwo akuyandikira kwa Mulungu mwa Iye, popeza ali nao moyo wace cikhalire wa kuwapembezera iwo. Pakuti mkulu wa nsembe wotere anatiyenera ife, woyera mtima, wopanda coipa, wosadetsedwa, wosiyana ndi ocimwa, wakukhala wopitirira miyamba; amene alibe cifukwa ca kupereka nsembe tsiku ndi tsiku monga akulu a nsembe, yoyambira cifukwa ca zoipa za anthu; pakuti ici anacita kamodzi, kwatha, podzipereka yekha. Pakuti cilamulo cimaika akuru a ansembe anthu, okhala naco cifoko; koma mau a lumbirolo, amene anafika citapita cilamulo, aike Mwana, woyesedwa wopanda cirema ku nthawi zonse.”



Pali wansembe otchedwa Melikizedeke omwe akuonekera m’Chipangano Chakale. Pamene tibvundukula mu Genesis14, tikuona Abrahamu akutenga asilikali amene anakula ndi kumphunzitsidwa mu nyumba yake kukamenya nkhondo ndi Kedorelaomere mfumu ya Elamu ndi mafumu ena omwe anapanga mgwirizano ndi iye, ndi kupulumutsa mchimwene wake Loti atatha kugonjetsa wonse. Pa nthawiyo, Abraham pobwerera ku nkhondo, wansembe otchedwa Melikizedeke anabweretsa mkate ndi vinyo kwa iye ndi kudalitsa iye. Choncho Abraham anaika pa mbali chakhumi cha zomwe anapeza ku nkhondo ndi kupatsa Melikizedeke wansembe (Genesis 14:17-20). 

Potchula wansembeyu Melikizedeke, m’malembo a ndime ya lero akukamba za kukwezedwa kwa unsembe wa Yesu mu ndondomeko ya Melikizeke. Wansembe Melikizedeke anali mfumu ya mtendere komanso mfumu ya chilungamo, opanda Tate kapena mayi opanda kochokera, opanda chiyambi cha masiku kapena kutha kwa moyo, koma opangwidwa monga Mwana wa Mulungu, iye anakhalabe wansembe. Iye anali mfumu yachilungamo ndi mfumu ya mtendere. Buku la Ahebri linabweretsa kuyerekeza kosemphana pakati pa unsembe wa Chipangano Chakale ndi unsembe wa Chipangano Chatsopano, mwa kuchita choncho Baibulo likupempha ife kuti tiyerekeze unsembe wa Yesu mu ndondomeko ya Melikizedeke ndi unsembe wa Aroni m’Chipangano Chakale, ndi kuganiza pa za m’mene Yesu anakwezedwera.

Mbumba ya Abrahamu pamapeto pake anapereka cha khumi cha ziri zonse kwa ansembe a Levi, ngakhale mu thupi anali anthu ao ndi abanja. Koma mu zoona ngakhale lamulo inadza kuchokera  kwa Mose m’Chipangano Chakale, Aroni anasankidwa kukwaniritsa unsembe wamkulu wa nsembe wa anthu a Israyeli, ndipo monga mkulu wansembe, Aroni anali mdindo wamkulu pakati pa Israyeli. Chosangalatsa kwambiri, tikuona apa kuti Abrahamu anapatsa chakhumi kwa wansembe Melikizedeke. 

Nanga kodi izi zikutanthauza kuti mkulu wansembe wa Chipanagano Chakale anali wamkulu kuposa Yesu? Baibulo likuyerekeza unsembe uwiri osiyanawu apa- mkulu wa nsembe wadziko lino komanso wa Yesu; ndani wamkulu tsopano? Kodi ndindani anayenera kudalitsidwa ndi m’nzake, ndipo ndani amayenera kupempha madalitso? Mafunsowo anayankidwa ndi olemba Buku la Ahebri kuchokera pa chiyambi pa ndime ya malembo a tsiku la lero. Kunalembedwa, “wamng’ono adalitsidwa ndi wamkuru.” Abrahamu, nayenso, anadalitsidwa ndi Melikizedeke, mkulu wansembe wa kumwamba. 

Kodi tiyenera kukhala bwanji moyo wathu wa chikhulupiliro? Kodi tiyenera kudalira pa lamulo kapena kudalira pa makhalidwe a chihema ndi ndondomeko ya kaperekedwe ka nsembe ka Chipangano Chakale? Kapena, tiyenera kudalira mu nsembe ya madzi ndi Mzimu yoperekedwa ndi Yesu panene Iye anadza padziko lino kupulumutsa ife? Kaya ndife odalitsidwa kapena otembeleredwa zikutengera mwa mitundu iwiri ya nsembe yomwe timadalira. Choncho ndime ya malembo a tsiku la lero ndiyofunika. Kodi tiyenera kubwera kwa Mulungu mwa kuyesa kusunga Mau Ake mokhulupirika ndi kupereka nsembe mwa chilamulo tsiku ndi tsiku, kapena tiyenera kukhala moyo wathu wa chikhulupiliro pokhulupilira mu chipulumutso chomwe Yesu anakwaniritsa kwa ife kudzera mu madzi Ake komanso mwazi mwa kupereka thupi Lake ndipo motero kupanga ife opanda uchimo kamodzi kokha? Tiyenera kusankha imodzi mwa mfundo ziwirizi kumoyo wathu wa chikhulupiliro.

M’Chipangano Chakale, anthu a Israyeli anali ndi ulemu olemekeza mbumba ya Levi, kwambiri mbumba ya Aroni. Koma mthawi ino ya Chipangano Chatsopano, pali kukaika pang’ono kwa akristu kuti ali yense amaona Yesu monga wamkulu oposa pa nyumba ya Aroni. Komabe, ngakhale Akristu ambiri amadziwa zimenezi bwino, ambiri a iwo sazionetsera myoyo yao ya chikhulupiro.  Pachifukwa ichi, Baibulo likunena zotsatirazi: “Pakuti posandulika unsembe, kufunikanso kuti lamulo lisandulike”(Ahebri 7:12). Ndi ndime imeneyi, Baibulo likunena kuti Yesu, amene ali wa mtundu wina omwe analibe udindo pa guwa m’Chipangano Chakale, wapatsidwa ntchito ya unsembe. 

Kudzera mwa Mose, Mulungu anapatsa malemba osachepera 613 komanso malamulo a lamulo kwa anthu a Israyeli. Mose analangiza anthu kukhala mwa lamulo. Ndipo anthu a Israyeli anayankha ndi mau ogwirizana kuti iwo adzakhaladi mwa lamulo pamaso pa Mulungu. Pamene tabvundukula ma Buku asanu oyamba (Genesis, Eksodo, Levitiko, Numeri komanso Deuteronomo), tikuona anthu a Israyeli akulonjeza Mulungu kukhala mwa Mau Ake a lamulo. Malamulo ali wonse amene Mulungu anawapatsa iwo, iwo ananena kuti inde ndi kulonjeza kuti adzalemekeza malamulo Ake onse mopanda malire. Komabe, pamene tapita kumbuyo mu Buku la Deuteronomo komanso Buku la Yoswa, tikuona kuti anthu a Israyeli sanakhale molingana ndi lamulo lopatsidwa ndi Mulungu. Pa nthawi yomwe tikufika nthawi ya Oweruza ndi kuyanga’ana Mafumu oyamba ndi wachiwiri, tikuona kuti anthu a Israyeli ayamba kale kunyalanyaza kulemekeza atsogoleri ao a uzimu ndipo kupitilira izi, tikuona iwo akuononga ngakhale ndondomeko ya kaperekedwe ka nsembe mwa kupereka nsembe muli monse momwe iwo ankaonera. Buku la Malaki likunena kuti ngakhale Mulungu anauza a Israyeli kuti adzibweretsa nsembe lopanda chirema, iwo sanamvere izi ndipo ankabweretsa ana a nkhosa odzala ndi zilema zomwe sakanagulitsa ngakhale kwa ali yense, kunena kwa wansembe, “tipumitseni pa nthawi iyi yokha ndipo landirani nsembeyi.” Kupatula chilungamo choti nsembe ili yonse inkayenera kuperekedwa molingana ndi zofunikira zokhazikitsidwa ndi Mulungu, a Israyeli ankapereka nsembe molingana ndi zofuna zao.

Monga chonchi, panalibe ngakhale kamodzi pomwe a Israyeli anasunga lamulo la Mulungu. Zotsatira zake, Mulungu anasintha ndondomeko yakaperekedwe ka nsembe ya anthu a Israyeli. Pamene tikubvundukula Buku la Yeremiya, tikuona Mulungu akunena kuti adzakhazikitsa lamulo lina kwa Yuda.

Tiyeni tione mu Yeremiya 31:31-34 apa: “Taonani, masiku adza, ati Yehova, ndipo ndidzapangana pangano latsopano ndi nyumba ya Israyeli, ndi nyumba ya Yuda; si monga pangano limene ndinapangana ndi makolo ao tsiku lija ndinawagwira manja kuwaturutsa m’dziko la Aigupto; pangano langa limenelo analiswa, ngakhale ndinali mbuyao, ati Yehova. Koma ili ndi pangano limene ndidzapangana ndi nyumba ya Israyeli atapita masiku aja, ati Yehova; ndidzaika cilamulo canga m’kati mwao, ndipo m’mtima mwa ndidzacilemba; ndipo ndidzakhala Mulungu wao, nadzakhala iwo anthu anga; ndipo sadzaphunzitsa yense mnansi wace, ndi yense mbale wace, kuti, mudziwe Yehova; pakuti iwo onse adzandidziwa, kuyambira wamng’ono kufikira wamkuru wa iwo, ati Yehova; pakuti ndidzakhululukira mphulupulu yao, ndipo sindidzakumbukira cimo lao.”

Ambuye wathu apa akunena kuti adzakhazikitsa pangano la tsopano ndi nyumba ya Israyeli ndi nyumba ya Yuda, ndipo ndi chifukwa ngakhala Mulungu anapanga pangano ndi anthu a Israyeli kudzera mwa Lamulo, sanakhale molingana ndi Mau a Mulungu, ndipo motero Mulungu anaganiza zokhazikitsa pangano lina la chipulumutso m’malo mwa Lamulo. Israyeli analonjeza Mulungu, “tidzapembedza inu Inu nokha ndipo tidzakhala molingana ndi Mau anu komanso malamulo Malamulo anu.” Pamene Mulungu anawauza iwo kuti, “musakhale ndi Milungu ina koma ine ndekha,” iwo onse anayankha kuti, “inde, Ambuye, sitidzakhala ndi milungu ina. Inu nokha ndiye Mulungu wathu. Ambuye ndiye Mulungu Wathu. Sipangakhale milungu ina ya ife.” Koma kupatula izi, a Israyeli sanasunge lonjezo  lopembedza Mulungbu yekha.

Lamulo likuphatikiza malamulo khumi, omwe akukamba za malamulo okhazikika omwe ali yense ayenera kutsatira: “musatchule dzina Langa pachabe; musagwadire milungu ina; musadzipangire nokha fano losema kapena kugwadira mafanowo; mudzisunga tsiku Lasabata likhale lopatulika; mudzilemekeza makolo anu; musaphe, musachite chigololo; musabe; musachite umboni onama; musakhumbire.” Lamulo likuphatikizanso malemba ena ambiri amene ayenera kusungidwa masiku onse a moyo wao, kufotokoza mwatsanetsatane zoyenera ndi zosayenera pamaso pa anthu a Mulungu. Chilichonse chabwino, lamulo limatiuza ife kuchita, ndipo chilichonse choipa, lamulo limatiuza ife osachita. Awa ndi Lamulo loperekedwa ndi Mulungu komanso malamulo ake. Komabe, kwa anthu onse, kulibe munthu amene angasunge Lamulo la Mulungu mosamala. Ndi chifukwa chake Mulungu anakhazikitsa njira ina yopezera chipulumutso ku machimo m’malo mwa Lamulo.

Kodi ndi pati penipeni pomwe kaperekedwe ka nsembe kanasinthidwa? Unsembe unasinthidwa  pamene Yesu anadza pa dziko lino. Pamene Yesu analandira ntchito yonse ya unsembe wa Aroni mkulu wansembe, Ambuye anatsiriza mwambo wa nsembe wa kukachisi, omwe unakhala ukutumikiridwa ndi mbeu ya Levi. Ambuye Yekha anatenga unsembe monga mkulu wansembe wa kumwamba.  Iye anadza pa dziko lino osati ngati mbeu ya Aroni koma ngati mbeu ya Yuda, ndipo Iye anapereka thupi Lake kwa Mulungu Atate pa chipulumutso cha mtundu onse wa anthu ku machimo. Ndipo machimo onse kudzera mu nsembe ya ubatizo ndi mwazi Wake. Ndipo mwa kutero, Ambuye wapanga tsopano kuthekera kwa anthu onse kukonza mabvuto ao onse a machimo mwa chikhulupiliro. Kudzera mu nsembeyi yomwe yabweretsa chipulumutso kwa anthu onse, kudzera mu nsembe ya ubatizo ndi mwazi wa Yesu, Ambuye wakonza mabvuto onse a machimo a mtundu wa anthu Iye wapereka nsembe yosatha ya chipulumutso.



“Pakuti posandulika unsembe, kufunikanso kuti lamulo lisandulike”


Ndondomeko ya kaperekedwe ka nsembe komanso unsembe wa  Chipangano Chakale wasinthidwa tsopano mu nthawi ino ya Chipangano Chatsopano. Mu nthawi ya Chipangano Chakale, anthu a Israyeli ankayenera kupereka nsembe ya tsiku ya chitetezero cha machimo kamodzi pa chaka kudzera mwa a Levi wokha, makamaka kudzera mu mbeu ya Aroni. M’masiku amenewo, machimo a Israyeli ankachotsedwa pokhapo ngati iwo apereka nsembe zao kudzera mwa Aroni mkulu wansembe ndi mbumba yake. Ndipo pamene mkulu wansembe Aroni walowa muchihema ndi kupita m’malo oyeretsetsa ku mbuyo kwa chinsalu kamodzi pa chaka, iye ankayenera kudzadzitsa chipindacho ndi zofukiza ndi kuweretsa mwazi wa nyama ya nsembe pamaso pa Mulungu. Mkulu wansembe yekha ndi amene ankalowa m’malo opatulikitsitsa mu chihema kamodzi pa chaka. 

Komabe, pamene Yesu anadza pa dziko lino, unsembe wa Aroni unasunthidwa kubwera kwa Yesu. Yesu anapatsidwa ntchito ya unsembe wosatha. Ndipo monga mkulu wansembe wamuyaya wa ufumu wa kumwamba, Iye anakwaniritsa unsembewu mopanda cholakwika mwa kupereka thupi Lake lomwe kuti abweretse chikhululukiro cha machimo ku mtundu onse wa anthu. 

Mu nthawi ya Chipangano Chakale, ngakhale mkulu wansembe mwini anali opanda chilema, ndipo choncho iye anayenera kupereka machimo ku  nyama ya nsembe mwa kuika manja ake pamutu ndi kulula, “Ambuye, ndachimwa machimo osaneneka.” Atatha kupereka machimo onse kwa nyama ya nsembe kudzera mu kuika manja ake, mkulu wansembe kenako ankapha nayma, kuwaza mwazi wake chakuno ndi chauko pa Likasa la umboni kasanu ndi kawiri, kuika mwazi otsala pa nyanga za guwa lansembe, kudula nyamayo mzidutswa, ndi kupereka nsembe potentha nyama yake pamodzi ndi mafuta, pa guwa lansembe. Podziwa choonadi kuti Aroni mkulu wansembe mwini anali ndi zolakwa zambiri, kodi nanga anthu wamba anali operewera chotani? Ngakhale Aroni anali mbeu ya Levi komanso mkulu wansembe wadziko lapansi, iye ankapereka nsembe pa Tsiku la Chitetezero cha machimo kamodzi pachaka malingana ndi Lamulo lokhazikitsidwa la Mulungu. Ndipo nsembeyi si ikanachotsa machimo a Israyeli kwamuyaya (Ahebri 10:1-4).

Komabe, Ambuye wathu anapanga lonjezo latsopano kwa anthu ake mu Yeremiya 31, kunena kuti, “ndidzachotsa Lamulo. Ngakhale ndinakhazikitsa pangano la Lamulo, sindinakuoneni inu kusunga Lamulo langa mwathunthu, osati ngakhale kamodzi. Choncho ndidzachotsa Lamuloli lomwe silinabweretse phindu kwa inu, ndipo m’malo mwake ndidzapanga pangano latsopano ndi kukhazikitsa lamulo lina la chipulumutso. Lil ndi lamulo latsopano, Ine mwini ndidzakupulumutsani Paine Ndekha kudzera mu ndondomeko ya kaperekedwe ka nsembe ya madzi ndi Mzimu, m’malo modalira pa ntchito zanu za Lamulo.” Choncho, pamene nthawi ya chipulumutso inafika, Ambuye anadza pa dziko lino muthupi la munthu, kusenza machimo onse adziko mwa ubatizo pathupi lake, ndi kukhetsa mwazi wake pamtanda. Motero anapereka nsembe kwa Mulungu yochotsa machimo onse a anthu onse, Ambuye anapulumutsa ife okhulupilira. Ndi chipulumutsochi cha madzi ndi Mzimu, Iye anafufuta machimo onse a anthu onse kamodzi kokha.

Lamulo la Mulungu linafunika kusinthidwa ndi kuchotsedwa. Ngakhale chipulumutso chikanapezeka ngati munthu akanasunga Lamulo malingana ndi Mau a Chipangano Chakale, Mulungu tsopano anadziwa izi kuti zinali zosatheka kwa anthu ake. Kunalembedwa, “Pakuti ucimo udziwika ndi lamulo” (Aroma 3:20). Mulungu wauza anthu Ake kuti chipulumutso sichingapezeka kudzera mu Lamulo; Iye anawapanga iwo kuzindikira machimo ao; ndipo kwa ife amene takhulupilira ndi kulemeza lamulo la Ambuye la chipulumutso la madzi ndi Mzimu, osati lamulo la ntchito, Iye wabweretsa chipulumutso. Kudzera mu pangano la tsopanoli la chipulumutso, momwe mtundu onse wa anthu wapulumukira mwa chikondi cha Mulungu-ndiye kuti, kudzera mu ubatizo ndi mwazi wa Yesu umene anasenza tchimo lili lonse-Mulungu mwini waombola mtundu onse wa anthu ku machimo a dziko.  

Ngati mukhulupilira mwa Yesu popanda kumvetsetsa kufunika kwa ubatizo wa Yesu ndi mwazi Wake, ndiye kuti chikhulupiliro chanu chili mwachabe. Ngati mukhulupilira mwa Yesu molakwika ngati chonchi, mtima wanu ndi obvutika kwambiri. Ndi chifukwa chake Mulungu ananena mu Buku la Ahebri kuti kupulumutsa ife anthu ku machimo, Iye analibe chisankho koma kupanga lonjezo la tsopano.  Koma nthawi ino, Iye analonjeza kupulumutsa onse a ife amene takhulupilira mwa Yesu ku machimo athu onse kudzera mu lamulo la chilungamo la chipulumutso, madzi ndi mwazi, m’malo mwa ntchito za lamulo. Ndipo Iye wakwaniritsa lonjezoli. Baibulo likutionetsanso ife apa kuti Yesu anali wapamwamba komanso osiyana tikayerekeza ndi a nsembe a Chipangano Chakale otsatira ndondomeko ya Aroni. 

Chikhulupiliro chathu chiyenera kupangidwa moyenera mwakukhulupilira muchipulumutso cha madzi ndi mwazi wa Yesu.  Kodi alipo mbusa woposa Yesu, posatengera chiyero cha Mau ake, m’mene iye anaphunzilira komanso m’mene iye amalankhulira mokopa? Ai, ndithudi ai. Ndi Yesu mwini amene wapulumutsa ife kudzera mu Uthenga Wabwino wa madzi ndi mwazi; palibe munthu amene angazipulumutse yekha mwa kusunga lamulo. Monga unsembe wa chipulumutso ku machimo wasinthidwa, lamulo la chipulumutso lomwe Mulungu anapulumutsa ife ku machimo lasinthanso.



Kutchuka Kwa Chikondi Cha Mulungu


Tingapulumutsidwe pokhapo ngati tazindikira m’mene Yesu anatipulumutsira ife ndipo pokhapo pamene tingapeze ndi kudalira mu kutchika kwa chikondi cha Mulngu.  Nanga, kodi, chikhulupiliro cha chilamulo ndi chiani, ndipo kodi chikhulupiliro chomwe chili mu kutchuka kwa chikondi cha Mulungu chiani? Chikhulupiliro cha chilamulo cha lero ndi choyang’ana pa chipembezo cha munthu, zikhulupiliro komanso zochitika, pamene chikhulupiliro cha uzimu ndi chikhulupiliro cho khulupilira mu chipulumutso cha pamwamba chomwe chadza mwa madzi ndi mzimu. Iwo amene ali ndi chikhulupiliro cha uzimu amakhulupilira mozama mu chipulumutso cha Yesu cha madzi ndi Mzimu ndi kukhala moyo wao onse ku Uthenga Wabwino.

Ngakhale lero, pali a Kristu ambiri amene amakhulupilira ndi kulalika kuti anachotseredwa ku tchimo lobadwa nalo lokha, ndipo iwo ayenera kupempha chikhululukiro masiku onse ku machimo a tsiku ndi tsiku, komanso kuti machimo ao a mtsogolo adzakhululukidwa mu nthawi yake. A Kristu otere amene amakhala moyo wao wa chikhulupiliro malingana ndi Chipangano Chakale amadalirabe ndi kutsatira Lamulola Mulngu. Pamene iwo ali mbulibe pa kutchuka kwa chipulumutso cha Ambuye chomwe chinadza mwa madzi ndi Mzimu, iwo akukhala myoyo yao ya chikhulupiliro popanda kudziwa choonadi cha kusinthidwa.

Ngakhale kunanenedwa m’Chipangano Chakale kuti munthu angapulumutsidwe kudzera mu ntchito zake za Lamulo mwa kulemekeza Mau a Mulungu mokhulupirika, izi sizikanakwaniritsidwa ndi munthu ali yense. Chifukwa Mulungu wathu anatidziwa ife tonse bwino bwino ndipo anazindikira kwa thunthu za kufooka kwa munthu ndi kulephera kwake, Iye anachotseratu Lamulo la kale la chipulumutso lomwe linkafuna ali yense kusunga Lamulo kuti apeze chipulumutso. Koma panalibe akanapeza chipulumutso mwa Lamulo. Choncho kudzera mu Uthenga Wabwino wa madzi ndi Mzimu, Yesu anati, “Ine Mwini ndidzakupulumutsani ku machimo anu mwa madzi anga ndi mwazi.” Kuonjezerapo, Mulungu anakamba kale kwa ife za chipulumutsochi mu Buku la Genesis. 

Kunalembedwa mu Genesis 3:5, “ndipo ndidzaika udani pakati pa iwe ndi mkaziyo, ndi pakati pa mbeu yako ndi mbeu yace; ndipo idzalalira mutu wako, ndipo iwe udzalalira citende cace.” 

Pamene Adamu ndi Hava anachimwa, Mulungu anapanga matewera a chikopa kuchokera ku nyama ya nsembe. Mitundu iwiri ya zobvala za chipulumutso zatchulidwa mu Genesis 3-oyamba ndi kubvala kwa masamba a mkuyu, ndipo wina ndi thewera la chikopa. Kodi mungasankhe chiani pakati pa masamba a mkuyu kapena matewera a chikopa? Ndi kukhulupilira mungasankhe matewera a chikopa. Matewera a chikopa ali bwino chifukwa moyo wa nyama unaperekedwa kuti uwutse moyo kuchoka ku imfa. Pamene zobvala za masamba a mkuyu sizabwino poti munthu ayenera kusoka mobwereza pofuna kubisa machimo ndi zolakwa. Masamba a mkuyu ali monga dzanja m’maonekedwe, ndipo chobvala chilichonse chopangidwa kuchokera ku masambawa chimang’ambika mosabvuta. Ku ubwana wanga ndinkapanga zobvala kuchokera ku masamba a mtengo ndi kuyerekeza ngati ndine msilikali pamene ndinkasewera, koma posatengera kuti masambawo asokedwa bwanji,  ankang’ambika pakutha pa tsiku ndipo ndinkaonekera. Mukutsutsana, ubatizo wa Yesu ndi mwazi Wake pamtanda, omwe pamodzi muli chikondi cha pamwamba cha Mulungu ndi chipulumutso cha ochimwa, osati chilungamo cha munthu, chapulumutsa mtundu onse wa anthu ku machimo onse a dziko mokwanira. Uku ndi kutchuka kwa chikondi cha Mulungu.



Iwo Amene Akukhalabe Moyo wa Chikhulupiliro Motsatira Lamulo


Ali yense amene akusoka ndi kubvala masamba a mkuyu a m’Chipangano Chakale akukhala moyo wabodza wa chikhulupiliro. A Kristu abodza otere amasintha zobvala zao kawiri kawiri mwa kulapa. Pamene zobvalazi sizikhala kwa nthawi itali kwa iwo, ayenera kuzisoka pafupi fupi tsiku lili lonse. Ngakhale tsopano, iwo amene akukhala mwa chikhulupiliro chotsatira Lamulo apanga chobvala chatsopano cha masamba a mkuyu ndi kubvala nthawi zonse popita kukachisi. Iwo kenako amanena kwa Mulungu, “Ambuye, ochimwa oipa uyu wachita machimo ambiri mulungu uno. Ambuye, ndikukhulupilira kuti mwandipulumutsa ine mwa kupachikidwa. Chonde ndi tsukeni machimo anga ndi mwazi Wanu wapatali!” iwo amapanga zobvala zao zachipulumutso ndikuzibvala, ndi kufuula,  “zikomo, Ambuye! Aleluya!” pamene iwo abwerera ku nyumba, akuyeneranso kupanga zobvala zina mwa masiku awiri, chifukwa zobvala zomwe iwo abvala zang’ambikiratu. Choncho amapemphera kwa Mulungu, “Ambuye, ndachimwa masiku atatu apitawo. Chonde ndikhululukireni ine.” Motere, akupanganso kachiwiri zobvala zao za kulapa ndi kudzibveka okha. 

Poyamba, iwo amapanga ndi kubvala zobvala zatsopano kamodzi mwa masiku angapo, koma posachedwa, amazipeza okha okakamizidwa kupanga zina zatsopano tsiku ndi tsiku. Pamene iwo azindikira kuti sangakhale mwa Mau a Mulungu, ayenera kupanga ndi kubvala zobvala za tsopano za kulapa, kunena kwa Mulungu kuti, “Ambuye, ndili wamanyazi. Ndachimwanso kachiwiri.” Iwo amayitana pa dzina la Ambuye, ndipo moonjezereka zimakhala zobvuta kwa iwo kupanga zobvala zao za chipulumutso. Mwamene anthu otere akuitana pa dzina la Ambuye, amangochita choncho pongofuna kuulula machimo ao kwa Mulungu. Pamapeto pake, iwo ayenera kupanaga zobvala zina zatsopano masiku onse. Kodi chingachitike ndi chiani ngati iwo sanapitirize kupanga? Iwo amapanga zobvala zolimba mwa masiku pa chaka, kupatula zobvala zomwe iwo amapanga mulungu uli onse kapene tsiku lili lonse. Mwa chisanzo ena a iwo amakwera phiri kusala kudya ndi kupemphera, kunena kwa Mulungu kuti, “nditsukeni ine, Ambuye! Ndikonzeninso ine! Ndikukhulupilira mwa Inu, Ambuye!” M’malo mopemphera masana, iwo amapumula nthawi ya masana ndi kupemphera usiku, kugwira kumtengo wa pine kapena kukwawira ku mphanga, ndi kufuula mokweza, “Ambuye, ndimakhulupilira mwa Inu!” Kupemphera mapemphero akulapa, amasisima ndi kulila, kupempha Ambuye kuti awakhululukire machimo ao. Mwanjira imeneyi, akupanga zobvala zapadera za chikhulupiliro ndi kuzibvala. Ngakhale amaganiza kuti zobvala zapaderazi zopangidwa ndi mapemphero ndi kusalakudya zingakhale kwa nthawi yaitali, koma zoona zake, ngakhale zobvala zimenezi sizikhala kwa nthawi yaitali. 

Atapemphera motere, amatsika kuchokera ku phiri kudzimva kutsitsimuka komanso kupangidwa mwatsopano, kutamanda Ambuye mnjira yao yonse kubwerera kunyumba ndi kukonzeka kukhala moyo wapamwamba wa Chikristu. Atatha kupanga ndi kubvala zobvala zapadera za chikhulupiliro, amazimva ngati adzazidwa ndi Mzimu oyera potsika phiri, koma pamene abwerera kunyumba, kupita kukachisi, ndi kukumana ndi mamembala anzao akumpingo, amadetsedwanso. Anzao amawafunsa iwo, “munali kuti?” “oh, ndinapita kutali penapake.” “mukuoneka ngati mwataya mphamvu.” “Yah, china chake chinachitika mkati mwa ulendo.” Kubisa kwa ali yense za m’mene anasalila kudya, amapita mukachisi ndi kupemphera, ndipo amadzikonza okha kunena kuti sadzalakalaka mkazi ali yense, kapena kunama, osakhala ndi udani kwa ali yense, koma kukonda ali yense. Konseku ndikudzitamanda, koma bvuto ndi lakuti pamene aona mzimayi wabvala  kakafupi akuyenda munsewu, mitima yao yoyera imasintha mwachangu ndi kukhala mitima ya zilakolako. Iwo amamwetulira pa siketi ya ifupi ya mzimayiyo, ngakhale kuti amadziletsa okha kumutsatira, koma maso ao sangachotse pa mzimayiyo. Choncho amadzipeza okha kupempha Ambuye kuti awakhululukire machimo a zilakolako kachiwiri, kunena kwa Iye, “Ambuye, ndachimwanso kachiwiri!” 

Okondedwa anzanga okhulupilira, muyenera kuzindikira apa kuti ngakhale chilamulo cha chikhulupiliro chingaoneke monga choyera, sichingathe ngakhale kwa masiku ochepa, kukakamiza munthu kupanga ndi kubvala zobvala zatsopano nthawi ndi nthawi. Muyenera kuzindikira kuti chikhulupiliro cha chilamulochi chomwe chimapangitsa kubvala masamba a mkuyu ndi chikhulupiliro cholakwika. Koma a Kristu ambiri akuyesa molimba kukhala mwa Lamulo. Kukwera pamwamba pa phiri, iwo amafuula dzina la Ambuye ngati kuti izi zidzapanga mau ao kukhala oyera, ndipo pamene iwo apemphera m’malo mwa mpingu, amasisima ndi kulila, kunena kuti, “oh, Atate athu Oyera ife tonse tachimwa mulungu wapitawu! Chonde khululukirani ochimwawa!” ali yense mu mpingo kenako amalila ndi kuganiza, “munthu uyo ndi wauzimu! Iye ayenera kuti wasalakudya komanso wapemphera ku phiri. Chikhulupiliro chake ndi chabwino!” komabe, chifukwa chakuti chikhulupiliro  cha anthu otere ndi cha mwa Lamulo, mwano umapitilira ngakhale mapemphero asanathe, ndipo iwo amathera kudziononga okha ndi maganizo ao.

Pamene munthu wina wapanga chobvala cha pamwamba cha Lamulo la masamba a mkuyu opangidwa ndi mapemphero ndi kusalakudya, chimakhala pafupi fupi myezi iwiri. Ikatha myezi iwiri, chimasanduka msanza, ndipo kachiwiri munthuyo ayenera kupanganso zobvala zatsopano tsiku ndi tsiku ndi kubwezeretsa makhalidwe achilamulo ndi moyo wa chinyengo. Moyo umenewu wa chikhulupiliro cha bodza ndi omwe umakhalidwa mwakudalira pa ntchito za chilamulo cha dziko lapansi monga masamba a mkuyu. Chikhulupiliro cha chilamulo ndi chikhulupiliro cha masamba a mkuyu. A chilamulo amanena kuti, “mwachimwa mulungu uno, kodi simunatero? Lapani!” Iwo amapita mu mipingo yosiyana siyana ndi kufuula ku mpingo mu mau okwera, “lapani! Pempherani chikhululukiro!” poonetsa kuphunzira ndi machitidwe a uzimu, amanena mwachisoni kwa Mulungu, “Ambuye, ndine olephera! Ndalephera kukhala mwa Mau anu. Ndalephera kukhala mwa Lamulo Lanu.” “Akristu” otere amene amayesera kusunga Lamulo tsiku ndi tsiku ngakhale akudziwa okha kuti izi nzosatheka akukhala mosemphana ndi Mulungu, kuyesa Lamulo Lake, ndi kungoonetsa mwano pamaso pa Mulungu. 



Chitsanzo Chofanana ndi Chikhulupiliro Cha Chilamulo Mu Korea 


Munthawi ya nkhondo ya ku Korea (1950-1953), pamene asilikali a chikominisi a kumpoto kwa Korea analowa mu chigawo cha kum’mwera kwa Korea, Akristu ambiri anazunzidwa. Pakati pa iwo panali munthu wina otchedwa Chudal Bae, wamngo’no mu Chikristu amene anaphedwa chifukwa cha zikhulupiliro zake za chipembedzo. Pa tsiku Lasabata, ena mwa asilikali a kum’mwera kwa Korea anamulamula iye kusesa pabwalo. Koma Bae anakana kuchita zimenezi, kunena kuti linali tsiku Lasabata. Iye anakana kusesa pabwalo chifukwa iye anafuna kusunga tsiku Lasabata. Pokumbva izi asilikali aja nauma mtima ndikufunabe kuti achite zomew iwo akufuna, ngati satero ndiye kuti  aphwanye chikhulupiliro chake. Koma Bae anapitliza kukana mpaka kumapeto. Asilikali aja anamgwira ndi kum’mangilira pa mtengo. Ndipo atamulozetsa mifuti, ankanena kuti, “tsopano, kodi usesa pa bwalo kapena kuombeledwa ndi kufa?” pomkakamiza kupanga chisankho, Bae anati, “sindidzasesa pa bwalo patsiku loyera ili ngakhale ndingaomboledwe mpaka kufa.” “chabwino, ngati ndi m’mene zilili, chabwino ndiye usadandaule.” Bae kenako anaomboledwa mpaka kufa. Pambuyo pake, atsogoleri a mpingo wa Bae anamsankha iye monga dikoni atafa kuti azikumbukira chikhulupiliro chake.

Chikhulupiliro chimenechi, okondedwa anzanga okhulupilira, ndi cholakwika. Bae akanangosesa pabwalo monga m’mene anamuuzila ndi kulalika Uthenga Wabwino wa Yesu kwa asilikali; panalibe mfundo yoti iye achitile makani, kuongodziphetsa pa mapeto pake. Kodi Mulungu amakupatsani mphotho chifukwa choti simunagwire ntchito pasiku la sabata? Ai, ichi si chikhulupiliro choona. Chikhulupiliro ndi chinthu chosungidwa mwa uzimu, osati mwa ku  thupi. Koma a Kristu a lero amapatsa udikoni anthu monga Bae pa zonjangula, ndipo amachita zimenezi kungofuna kukadzikitsa ndikukuza maganizo a chipembezo chao komanso chikalidwe. Monga Afarisi mu Baibulo anakumbatira chikhalidwe chao, a Kristu osocherawa aima motsutsana ndi Yesu mu chinyengo.

Atsogoleri a chi Kristu mu Korea mobwereza bwereza amakweza Bae m’maulaliki ao, kunena ku mpingo, “tiyeni titsanzire dikoni Bae ndi kusunga tsiku la sabata mokhulupirika.” Chifukwa chokha chimene iwo amamukwezera Bae ndi chakuti atsimikize otsatira ao kuti asamajombe kumpingo patsiku la sabata. Koma ndi kudziwa kuti nonse mukudziwa kale zimenezi. Sitiyenera kuphunzira ku chikhulupiliro cha chinyengochi. M’malo mwake tiyenera kuphunzira ku chikhulupiliro cha uzimu. “N’chifukwa chiani Yesu anayenera kubatizidwa ndi kupachikidwa mpaka kufa chifukwa cha ife?Kodi Uthenga Wabwino wa madzi ndi Mzimu ndi chiani? Kodi Uthenga Wabwino wa choonadi ndi chiani?” awa ndi mafunso a uzimu omwe tinyenera kudzifunsa tokha. A Kristu ambiri mu Korea sanabadwe mwatsopano; chifukwa cha iwo, tiyenera kulalika Uthenga Wabwino wa madzi ndi Mzimu ku dziko lonse, kuti anthu amenewa abadwenso mwatsopano. Mphamvu zathu mumoyo wathu wachikhulupiliro ziyenera kuperekedwa ku ntchitoyi ya uzimu yomwe yapanga kuthekera kuti moyo uli onse ubadwenso mwatsopano mwa uzimu.  Kungokhulupilira mwa khungu sikukwanira; muyenera kukhulupilira mwa Yesu molondola. 

Lolani ndi kuuzeni nkhani ina apa kuti ndiunikire mfundo yanga. Kalekalelo, kunali mzimayi wa chiKristu amene anakwatiwa kwa osakhulupilira. Chifukwa choti mwamuna wake sanali mKristu, ndipo apongozo ake sanalinso a Kristu, iye anakumana ndi zokhoma kuti asunge tsiku la sabata. Pa tsiku la chisanu usiku, kuti asunge tsiku la sabata, mzimayiyo anapita kumunda ndi kukakolola zam’munda zonse mwa iye yekha. Iye anadziwa kuti apongozi ake amuna adzamuza kuti, “osapita kukachisi mawa, poti tiyenera kukakolola zakumunda,” zonsezi zinali kumuletsa iye kupita ku kachisi. Chomcho iye anapita kumunda mwa iye yekha la chisanu usiku, anakhala usiku onse akukolola, ndipo keneko anapita kukachisi m’mawa otsatira kuti asunge tsiku la sabata. Indedi ndi chonyadista kuti tiyenera osalephera kukumana kumpingo monga mzimayiyu apa. Kona kodi chifukwa chakuti munthu wasunga tsiku la sabata, kodi izi zikutanthauza kuti munthuyu chikhulupiliro chake ndi chopambana? M’maso mwa Ambuye, kodi chikhulupiliro choonadi sikungokhulupilira m’Mau a Yesu, kulandira chikhululukiro cha machimo onse ndi kubadwa mwatsopano mwa madzi ndi Mzimu? Chikhulupiliro choonadi chimayamba pamene munthu wabadwa mwatsopano. 

 Kodi mungapulumutsidwe ngati mwakhulupilira mwa Yesu mnjira ya chilamulo? Ai, sizingatheke. Mfundo yanga apa ndi yakuti simuyenera kukhala motsatira Lamulo, koma kuti izi nzosatheka. Kumene, izi sizikutanthauza kuti ndi kubvomereza chikhulupiliro cha chilamulochi apa.

Buku la Yakobo limanena kuti ngati munthu waphwanya lemba limodzi la Lamulo atatha kusunga onse, munthu ameneyu ali ndi mlandu ophwanya malamulo onse. Choncho ngati mukhulupilira mwa Yesu, muyenera kuganiza za m’mene mungabadwire mwatsopano kudzera mu Uthenga Wabwino wa madzi ndi Mzimu; muyenera kupita kumalo amene mungapeze Mau a Uthenga Wabwino wa Yesu wa madzi ndi Mzimu; ndipo muyenera kumvetsera ku Mauwa a madzi ndi Mzimu. Pokhapo mungabadwe mwatsopano ndikukhala moyo wanu wachikhulupiliro. Ndipo pambuyo pokhala moyo wanu wachikhulupiliro motere, kupita kwa Ambuye pamene Iye wakuitanani. Musataye nthawi yanu ndi ndalama kupezeka mu mpingo opanda Mulungu pa chabe, kungodziona moyo wanu odzalabe ndi uchimo ndi kukuponyani kugahena. M’malo  mwake, mverani Mau a Yesu a madzi ndi Mzimu, kubadwa mwatsopano, ndi kukhala moyo wa choonadi mwa chikhulupiliro.

Ganizani mosamala chimene Yesu anabwelera pa dziko lino. Ngati wina ndi onse okhulupilira mwachilamulo pa dziko lino akanapita kumwamba, ndiye kuti Yesu sakanabwera pa dziko lino. Muyenera kumvetsetsa apa kuti pamene Ambuye anabwera, unsembe omwe upulumutsa inu ku machimo unasintha. Chikhulupiliro chinasinthanso, kuchoka ku chilamulo kufika ku uzimu. M’masiku a Chipangano Chakale, chipulumutso chimapezeka ngati munthu wasunga Lamulo ndi machitidwe ake koma sichinkapezeka ngati iye walephera kuchita choncho. Lero chikhulupiliro choona sichili chonchi.

Yesu anatiuza ife kuti Iye anapulumutsa ali yense wa ife ku machimo onse a dziko kudzera mwa madzi a ubatizo Wake, mwazi Wake ndi Mzimu. Mwanjira ina, Iye anapulumutsa ife mwa Lamulo la chipulumutso la madzi Ake, mwazi, ndi chikondi. Ndipo Iye wakwaniritsa kotheratu chipulumutso chathu kudzera mu ubatizo omwe Iye analandira mu mtsinje wa Yordano, mwazi omwe Iye anakhetsa pamtanda, ndi kuuka Kwake. Monga malamulo akale alibe ntchito kwa ife, Mulungu wathu Mwini anapulumutsa ife ku machimo onse kudzera mu ubatizo Wake ndi mwazi, kulonjeza kwa ife Payekha, “Pakuti cilamulo sicinacitira kanthu kakhale kopanda cirema, ndipo kulinso kulowa naco ciyembekezo coposa, cimene tiyandikira naco kwa mulungu. Ndipo monga momwe sikudacitika kopanda lumbiro” (Ahebri 7:19-20). Kuphedwa poteteza chikhulupiliro cha chilamulo ndi pachabe, pamene chikhulupiliro chodziwa ndi kukhulupilira ndi mtima onse mu Uthenga Wabwino wa choonadi wa madzi ndi Mzimu ndi chikhulupiliro choyenera.

Okondedwa anzanga okhulupilira, tonse a ife tiyenera kukhala chkhulupiliro chopindula. Kodi ndi chikhulupiliro chotani chomwe chingapindule mumoyo wanu? Kodi ndi chabwino kuti inu mudzipezeka kumpingo ndi kuchita chikhulupiliro cha Lamulo? Kapena ndi kwabwino kuti inu mupezeke kumpingo oonadi omwe uphunzitsa inu Mau a madzi ndi Mzimu, kukuthandizirani kukhulupilira mu Mauwa, ndikutsogolela moyo wanu kuti mubadwe mwatsopano mwa madzi ndi Mzimu? Kodi ndi mpingo uti komanso mbusa uti amene angapindulitse moyo wanu? Zonse zomwe ndikukupemphani ndi zakuti muyenera kupezeka kumpingo omwe ndi opindula ku moyo wanu.

Mulungu adzapulumutsa moyo wanu kudzera mwa munthu wina amene ali ndi Uthenga Wabwino wa madzi ndi Mzimu. Pangani chisankho chanu mosamala, pakuti moyo wanu ndi udindo wanu. Anthu oonadi a nzeru ndiwo amene anaika moyo wao pa Mau a Mulungu. 



Yesu Anakhala wa Nsembe Mwa Lumbiro


Kunalembedwa mu Ahebri 7:20-21: “Ndipo monga momwe sikudacitika kopanda lumbiro; (pakuti iwotu anayesedwa ansembe kopanda lumbiro; koma Iye ndi lumbiro mwa Iye amene ananena kwa Iye, walumbira Ambuye ndipo sadzalapa, Iwe ndiwe wansembe nthawi yosatha).” 

Pamene tibvundukula Masalimo 110:4, tikuona Baibulo likunena kuti, “Yehova walamulila, ndipo sadzasintha Inu ndinu Wansembe kosatha monga mwa cilongosoko ca Melikizedeke.” 

Ambuye Mulungu analunmbila kwa Iye Yekha, kulonjeza ife ndi Mau Ake olembedwa, “ndidzakhala Wansembe osatha monga mwandongolo la Melikizedeke. Wansembe Melikizedeke ndi mfumu yachilungamo, mfumu ya mtendere, komanso wa nsembe yosatha. Pachipulumutso chanu, ndidzakhala Melikizedeke wanu, Wansembe osatha.”

Pamene Yesu anadza pa dziko lino, anatipatsa ife ngakhale chidziwitso cha lonjezoli la chipulumutso ku uchimo (Ahebri 9:21-30). M’malo mochotsa machimo athu kudzera m’mwazi wa nyama za nsembe monga ng’ombe kapena nkhosa, Yesu anabatizidwa pa thupi Lake ndi kukhetsa mwazi Wake pamtanda, ndipo motero anasenza machimo athu onse ndi kufufuta onse. 

M’Chipangano Chakale, pamene mkulu wansembe akufa, mwana wake wamwamuna ankatenga unsembe wake monga Mkulu Wansembe watsopano pa zaka makumi atatu.  Choncho ngati mkulu wansembe ali pafupi kufa ndipo iye anali ndi mwana wa zaka makumi atatu, iye ankapereka unsembe wake kwa mwana wakeyo. Mwanjira imeneyi, ngakhale mkulu wansembe wafa, unsembe unali kuperekedwa mopitilira pa mbeu zake. Pamapeto pake pa nthawi ya Davide, panali mbumba yambiri ya Aroni yomwe mtundu wa unsembe unachokera mwadongosolo ndi kutumukira nsembe molingana ndi dongosololi. Pachiyambi, Aroni mkulu wansembe anali ndi ana ochepa okha, koma pa mbuyo pake panali mbumba yambiri. Monga mbumba yonse ya Aroni inali ndi udindo ndi ufulu ochita unsembe, iwo ankasinthana mu utumiki monga ansembe, monga kwalembedwa mu Uthenga Wabwino wa Luka, “Ndipo panali, pakucita iye nchito yakupereka nsembe m’dongosolo la gulu lace, pamaso pa Mulungu, monga mwa macitidwe a kupereka nsembe, adamgwera maere akufukiza zonunkhira polowa iye m’Kacisi wa Ambuye” (Luka 1:8-9).

Yesu tsopano wakhala wotsimikiza wabwino komanso wamuyaya wa chipulumutso cha uchimwa. Ambuye wakwaniritsa kotheratu Mau Ake olankhula a chipulumutso a madzi ndi Mzimu. Iye wapanga kuthekera kuti ali yense abadwenso mwatsopano. Mbeu ya Aroni m’Chipangano Chakale inali yoperewera ndi yolephera nthawi zonse. Pamene wansembe wafa, mwana wake ankatenga mpando wa unsembe, koma nsembe zoperekedwa ndi ansembe oterewa sizinkapanga moyo uli onse kubadwa mwatsopano kwa thunthu. Palibe chikhulupiliro chogona pa Lamulo chomwe chingapange wina wake kukhala wa ngwiro kwamuyaya, monga kunalembedwa, “Pakuti sikutheka kuti mwazi wang’ombe zamphongo, ndi mbuzi ukacotsera macimo” (Ahebri 10:4). 

Komabe, Ambuye wathu anadza pa dziko lino nthawi ya Chipangano Chatsopano. Ndipo panalibe chifukwa choti Ambuye achotsere machimo athu mopitiliza. Chifukwa chakuti Ambuye wathu amakhala kwa muyaya. Kudzera mu ubatizo Wake, Ambuye anasenza machimo athu onse kwamuyaya kamodzi kokha, ndipo mwakupereka thupi Lake pamtanda, ndi kukhetsa mwazi Wake mpaka kufa, Iye wayeretsa kumachimo onse amene wakhulupilira mu chipulumutso cha madzi ndi mwazi chomwe cha kwaniritsidwa ndi Ambuye kwamuyaya. Iye anabweretsa chipulumutso kwa ali yense, kuti onse apulumutsidwe kwamuyaya ku uchimo kamodzi kokha pokhulupilira mu Uthenga Wabwino wa madzi ndi Mzimu. Ndipo monga Ambuye ndi wamoyo ngakhale tsopano, Iye wakhala ku dzanja la manja wa mpando wa Mulungu Atate, ndipo iye akutsimikiza chipulumutso chathu pamaso pa Atate ndi kulimbikitsa m’malo mwathu, kunena kwa Atate, “Atate, ngakhale anthuwa ndi odzala ndi zolakwa, iwo amakhulupilirabe mwa Ine. Kodi sindinanyamule machimo ao kudzera mu ubatizo wanga ndi kulipila ndi mwazi wanga?” Ambuye wathu ndi Mkulu Wansembe wamuyaya wachipulumutso. 

Pamene wansembe wa dziko wafa, mwana wake anakapangidwa kukhala wansembe, kuma izi sizinali za ngwiro ndipo panalibe kuleka kupereka nsembe. Mwakutsutsana, Ambuye wathu akukhala kwa muyaya, Iye wakwaniritsa chikhululukiro cha machimo chosatha mwa kudza kumzinda wa Israyeli, kubatizidwa, ndi kukhetsa mwazi Wake pamtanda, zonsezi kunali kupulumutsa ife ku machimo a dziko. Kwalembedwa, “Koma pomwe pali cikhululukiro ca macimo palibenso copereka ca kwa ucimo” (Ahebri 10:18). Ambuye nthawi zonse akutitsimikizira ife za chipulumutso chathu cha kusinthidwa. Nanga inu bwanji? Kodi mwabadwa mwatsopano kudzera m’Mau a Uthenga Wabwino wa madzi ndi Mzimu?

Ahebri 7:26 akununa kuti, “Pakuti mkulu wa nsembe wotere anatiyenera ife, woyera mtima, wopanda coipa, wosadetsedwa, wosiyana ndi ocimwa, wakukhala wopitirira miyamba.” Kuonjezerapo pansi pake kwalembedwa kuti, “Pakuti cilamulo cimaika akuru a ansembe anthu, okhala naco cifoko; koma mau a lumbirolo, amene anafika citapita cilamulo, aike Mwana, woyesedwa wopanda cirema ku nthawi zonse” (Ahebri 7:28). 

Chomwe ndi kuyesera kunena apa n’chakuti chipulumutso chathu sichinabwere mwa Lamulo, kapene kupezeka udzera mwa ntchito zathu zabwino, kuphatikizapo sichinakwaniritsidwe ndi munthu operewera. M‘malo mwake, Yesu wa ngwiro ndi opanda chilema analadira machimo onse a dziko kamodzi kokha kudzera mu madzi Ake a ubatizo; Iye anaweruzidwa chifukwa cha machimo onsewa mwakukhetsa mwazi Wake pamtanda kamodzi pofuna kupanga okhulupilira Ake kukhala opanda uchimo; ndipo tsopano tiri ndi Mpulumutsiyu kumbali yathu, yemwe ndi Mkulunso wathu Wansembe wa kumwamba. Nanga tsopano mukukhulupilira mwa Yesu? Simwalamulo kuti Ambuye watipulumutsa ife, koma ndi mwa ubatizo Wake ndi mwazi kuti Yesu wapulumutsa ife kwa muyaya ku machimo onse a dziko. Kodi mukukhulupilira zimenezi? Ali yense amene akukhulupilira mu choonadichi adzapumutsidwa, koma ali yense amene sakhulupilira adzweruzidwa kugahena. 

Chukhulupiliro choonadi chimapezeka mwa kuphunzila Baibulo pa Mau a madzi ndi Mzimu. Yesu, amene ndi Mkulu wathu Wansembe wamuyaya wa ufumu wakumwamba, wakhala Mpulumutsi wathu wamuyaya kudzera mu ubatizo omwe Iye analandira ndi mwazi omwe Iye anakhetsa pamtanda.



Kumvetsetsa Koyenera Kwa Chikhulupiliro


Okondedwa anzanga okhulupilira, musanakhulupilire mwa Yesu mwa khungu, muyenera choyamba kudziwa njira yoyenera yokhulupilira mwa Iye. Kodi zikutanthauza chiani kukhulupilira mwa Yesu mwa uzimu ndi molondola? Zikutanthauza kukhulupilira mu Mau a Uthenga Wabwino wa ubatizo wa Yesu ndi mwazi Wake, Mau omwe Ambuye anapulumutsira ife ku machimo a dziko. Iyi ndi njira yolondola kukhulupilira mwa Yesu. Iwo amene akhulupirira kwa thunthu mu ntchito ya ubatizo wa Yesu ndi mwazi Wake popanda kuphatikiza ntchito yao ili yonse ndi amene amakhulupilira mwa Yesu moyenera ndi moonadi. Nanga inu bwanji? inu nonse mumakhulupilira mwa Yesu, koma kodi nyemgo zanu za uzimu zili bwanji? Ngakhale pamene mukhulupilira mwa Yesu, kodi simudalila mu mphamvu zanu, kuyesera kukoka chili chonse chanu ndi mphamvu zanu kufuna kukulitsa chikhulupiliro chanu?

Ngakhale kuti sindinakhale moyo wanga muchikhulupiliro chotere mu nthawi yaitali, panali nthawi imene ndinabvutika kwambiri chifukwa cha ckhikhulupiliro change cha chilamulo kwa zaka khumi. Inali nthawi yowawitsa ndi yobvuta mu moyo wanga. Pongoganiza pa iyo imandidwalitsa mutu. Mkazi wanga tiri naye pamodzi, koma iye nayenso ankakhala moyo wachilamulo moti nthawi zonse pamene ndampempha kuchita china chake pa tsiku la sabata, ankandinila kunena kuti ayenera kusunga tsiku la sabata lopatulika. Iye sankachapa nkomwe, ngakhale kukasangalala yekha. Iye ankasiya zonse mpaka lolemba. Koma muchoonadi, ine ndinali wachilamulo kuposa mkazi wanga. Chinali chobvuta kwambiri kuti ine ndisunge tsiku la sabata. Ndikukumbukira nataya mphamvu zambiri pofuna kusunga tsiku la Mulungu kuti likhale lopambana m’malo  mopumula, ndinkakhala otopa kwambiri.

Okhulupilira anzanga okondedwa, kukhulupilira mwa Yesu mwa choonadi ndi kukhulupilira mu Mau Ake, kuti Yesu anachotsa machimo athu onse kudzera mu ubatizo Wake ndi mwazi Wake pamtanda. Iwo amene amakhulupilira kuti Yesu ndi Mulungu komanso munthu, ndipo iwo amene amakhulupilira mu ntchito Yake ya chitetezero, ubatizo Wake ndi mwazi, ndi zonse zomwe Iye anachita pa dziko lino-awa ndi okhulupilira oyenera komanso okhulupirika.

Kodi zikutanthauza chiani kukhulupilira mwa Yesu molondola? Zikutanthauza kukhulupilira mu ubatizo wa Yesu ndi mwazi Wake. Kodi izi ndizophweka motani? Ngati izi ndi zomwe Abuye anatiuza, ndiyeno nthawi zonse mpamene mbusa akulaka kwa inu, chomwe muyenera kuchita ndi kufufuza ngati zomwe akulalikirazo  zikupezeka mu Mau a Mulungu, ngati ndi choncho,  kenako ingonenani kuti ame ndi kukhulupilira. Izi ndi zomwe zikutanthauza kukhulupilira molondola ndi moyenera. Pamene Baibulko likunena kuti, “Pakuti ucimo udziwika ndi Lamulo” (Aroma 3:20), muyenera kungoti, “zikomo, Ambuye! Ndaona tsopano kuti chipulumutso sichipezeka mwa mphamvu zanga! Kufikira lero, ndakhala ndikuyesera kusunga Lamulo kuganiza kuti ndi labwino ndipo liyenera kusungidwa, koma tsopano ndazindikira kuti kuyesera kusunga Lamulo ndi chikhulupiliro cholakwika. Tsopano ndadziwa kuti Lamulo silingasungidwe kotheratu! Munandipatsa ine Lamulo kuti ndizindikire kuipa kwanga ndi kunyansa kwa mtima wanga, machitidwe anga olephera, komanso machimo anga. Zikomo, Ambuye! Mu umbuli wanga, ndakhala ndi kuyesera mopitiliza kusunga Lamulo mokhulupilika. Chonde ndi khululukireni poyesa ungwiro Wanu. Tsopano ndakhulupilira kuti munafufuta machimo anga onse ndi kundipulumutsa ine mwa kubatizidwa ndi kukhetsa mwazi Wanu chifukwa cha ine.” Motere, muyenera kukhala chilungamo pamaso pa Yesu ndi kukhulupilira mwa Iye ndi mtima onse. Muyenera kukhulupilira mu Mau alembedwa a Mulungu mwathunthu popanda kusungitsa. Pokhapo ndi pamene mungabadwedi mwatsopano.

Kodi zikutanthauza chiani kukhala ndi chikhulupiliro choyenera mwa Yesu? Kodi chikhulupiliro ndi chinthu chomwe mungapange mkati mwa ulendo?  Kodi ndi mtundu wa chipembedzo? Ai, sichoncho! Chipembedzo ndi chinthu chomwe munapanga mwa inu nokha. Izi zili mwa kupanga mulungu wanu ndi kukulitsa chikhulupiliro chanu. Kupanga cholinga chanu ndikuthamanga nacho-izi ndizomwe chipembedzo chilili. 

Nanga kodi chikhulupiliro ndi chiani? Mu chi China, mau oti “chikhulupiliro” ndi opangidwa mu machitidwe awiri, umodzi ukutanthauza chikhulupiliro ndipo wina ukutanthauza zochitiridwa. Chikhulupiliro choona ndikungokhupilira mu ntchito yomwe Yesu anakwaniritsa pa dziko lino pobwera pa dziko lino ndi kubatizidwa kunyamula machimo athu onse ku chipulumutso chathu, kuchitira mwazi wa Kristu anakhetsa pamtanda, komanso kubvomereza ntchito ya chipulumutsoyi mu mtima mwathu ndi chikhulupiliro. Ichi ndi chikhulupiliro cheni cheni. Ichi ndi chimene chimaika pa mbali ku chipembedzo cha chabe chabe. Ndipo chikhulupiliro chanu ndi chobvomerezeka kwa Mulungu ngati mwapanga chisankho molondola.

Azamalamulo a lero amene sanabadwe mwatsopano amaphunzitsa kuti munthu ayenera kukhlupilira mwa Yesu ndi kukhala munthu ochita bwino, kodi  izi zikutanthauza kuti munthuyu amakhulupilira mwa Yesu molondola? Kumene, munthu ali yense ayeneradi kuchita bwino. Koma, kodi pali munthu amene amakhala mongoka kwambiri kuposa ife olungama? Bvuto ndilakuti, ndi ochimwa amene amauzidwa kuti adzichita bwino. Podziwa kuti ochimwawa sanabadwe mwatsopano, ndipo muli mitundu khumi ndi iwiri ya machimo mu mitima yao, kodi iwowa angakhale bwanji moyo wa pamwamba? Pamene angamve mu mitwi yao kuti ayenera kuchita bwino, mitima yao sili pafupi kuchita phunziroli. Kwa a Kristu ochimwa otere, kunena kuti ayenera kukhala mochita bwino pamene iwo aturuka mu kachisi ndi chiphunzitso chabodza chabe, poti onse amachimwa mobwereza bwereza.

Choncho, tiyenera kuganiza ngati kaya tikukhala moyo wa chikhulupiliro cha Lamulo mwa chabe, kapena kupeza chipulumutso mwa kukhulupilira mu ubatizo ndi mwazi wa Ambuye Yesu Kristu, Mkulu Wansembe wa muyaya amene anadza kuchokera ku ufumu wa kumwamba. Tiyeni tsopano tizindikire kuti iwo amene amakhulupilira mwa yesu moonadi ali ndi Mkulu Wansembe wa kumwamba; tiyeni tipulumutsidwe kwamuyaya ku machimo athu onse potenga ndi kukhulupilira mu ubatizo wa Yesu ndi mwazi Wake omwe pamodzi ukupanaga chipulumutso chathu choonadi; ndipo tiyeni tonse tikhale moyo wa choonadi wa chikhulupiliro mpaka tikalowe mu ufumu wa kumwamba.



Obadwa Mwatsopano Alibe Nkhawa Zakutha Kwa Dziko


Ngati munthu wakhulupilira mwa Yesu moonadi ndipo moyo wake wabadwa mwatsopano, iye sadzaopa kutha kwa dziko. Ndi iwo amene sanabadwe mwatsopano omwe ali ndi nkhawa za kutha kwa dziko. Aneneri ambiri a tsiku la chionongeko amanena kuti dziko lidzatha masiku otere ndi otere, koma iwo amene abadwadi mwatsopano akulalikira Uthenga Wabwino wakumwamba ndipo akukhala moyo wapamwamba ngakhale m’masiku omalizawa. Ngati titaya masiku athu atsalawa mu dziko lino kulalikira Uthenga Wabwino wa madzi ndi Mzimu, chomwe tiyenera kuchita kuti tikonzekere kumapeto a dziko ndi kukhulupilira mu Mau a Uthenga Wabwinowu ndi mitima yathu, posatengera kuti Ambuye wathu abwera liti. Pamene mkwati wadza, chomwe tikungoyenera kuchita ndi kumlandira Iye, kunena kuti, “Ambuye, ndili okondwera kuti muli pano! Ngakhale ndili odzadza ndi zolephera, munandipulumutsa ine chifukwa cha chikondi chanu. Zikomo, Ambuye! Ndili opepesa ndi wamanyazi chifukwa cha zolakwa zanga, koma ndinube Mpulumutsi wanga.” Yesu ndi Mkwati wa olungama amene apulumuka. Ndi Mkwati amene anakonda akwatibwi poyamba; sichifukwa chakuti akwatibwi anakonda Mkwati kuti iwo akwatiwe. Eya, pamene pa dziko lino zili pali ponse, koma zikabwera ku ukwati wa kumwamba ndi Yesu, izi sim’mene zilili. Zikutengera chikondi cha Mkwati ndi chipulumutso Chake kuti munthu amakwatiwa kwa Yesu posatengera kufooka kwa mkwatibwi. Ili ndi Lamulo la ukwati wa ufumu wa kumwamba.

Sikuti chifukwa choti mkwatibwi wanena kwa Mkwati kuti, “ndimakukonda,” ndiye kuti Mkwati anganene kuti, “ndakhudzika kuti umandikonda. Inenso, ndimakukonda.” Ai, Mkwati akudziwa bwino za mkwabwi. Mkwati anasenza machimo a mkwatibwi kudzera mu ubatizo Wake ndi kumutenga Iye ngati mkwatibwi Wake pokhetsa mwazi Wake chifukwa Iye anali ndi chisoni kwa iye, ndipo chifukwa chida chachikondi Chake chinali ochimwa, poopa kuti angaponyedwe kugahena. Ambuye wathu sanadze monga mbeu ya Aroni pansi pa Lamulo. Iye sanadze kupereka nsembe mwakuchotsa mwazi wa nyama ngati mkulu wansembe wa padziko, kapena iye kugwira ntchito ya unsembe wa padziko. Panalibe chifukwa chomwe Ambuye wathu anayenera kuchitira zimenezi, popeza kunali a Levi ndi mbumba ya Aroni yosawerengeka pa dziko lino kutumikira nsembe pa dziko lino.

Zoona zake, cheni cheni cha zochitika zonse za ndondomeko ya kaperekedwe ka nsembe m’Chipangano Chakale chinali Yesu Mwini. Baibulo likunena kuti ndondomeko ya kaperekedwe ka nsembe ya Lamulo ndi chithunzi thunzi cha zinthu zabwino zili mkudza ndipo sizinali chinthu cheni cheni (Ahebri 10:1). Ndi kubwera kwa Yesu, cheni cheni cha ndondomeko ya kaperekedwe ka nsembe chinabvumbulitsidwa pa dziko lino. Kodi Yesu akanatsata chithunzi thunzichi? Ai, chithunzi thunzi chimatsata mayendedwe a cheni cheni. Kodi zikupereka nzeru kuti cheni cheni chitsate chithunzi thunzi? Izi ndi zosaneneka. Pamene Ambuye wathu anadza pa dziko lino, Iye sanatumikire nsembe ili yonse muchihema monga Aroni anachitira. Komabe, Yesu anapereka thupi Lake kwa Mulungu m’malo mwa ochimwa onse kudzera mu ubatizo ndi mwazi Wake, ndipo pamtanda, Iye anatsiriza chipulumutso cha ngwiro chomwe chinapulumutsa ochimwa ali yense ku uchimo. 

Okondedwa okhulupilira anzanga, monga iwo amene akhulupilira mu ubatizo ndi mwazi wa Yesu, chikhululukiro chathu cha machimo chatsimikizika kotheratu. Kulibe funso lili lonse pa chili chonse chomwe Yesu anachita pamene Iye anadza pa dziko lino, Iye anakwaniritsa ntchito Yake ya chipulumutso kwa ife. Ngati mulibe chitsimikizo pa ichi, mudzakhala odabwabe za m’mene Yesu anakupulumutsirani, pamene anafufuta machimo anu onse atsopano, pamene anafufuta machimo anu onse amtsogolo, komanso pamene anafufuta machimo anu onse akale. Koma Ambuye wathu sanatipulumutse ife mopanda chitsimikizo. Iye anapulumutsa ife ku machimo athu onse kupitilira nzeru zathu. Yesu ndi njira, choonadi, ndi moyo, ndipo Ambuye ameneyu anadza pa dziko lino ndi kupulumutsa ife ndi chitsimikizo chokwanira, kudzera mu madzi Ake a ubatizo, mwazi, imfa, ndi kuuka.



Chipangano Chakale ndi Chinthunzinthunzi cha Yesu mu Chipangano Chatsopano


Chipangano Chakale ndi Chinthunzinthunzi mu Chipangano Chatsopano. Ngakhale unsembe wa Ambuye wathu si unali ukulu wa nsembe wa dziko lapansi monga wa mbeu ya  Aroni, Iye anapatsidwa ofesi yapamwamba  monga Mkulu Wansembe wa ufumu wakumwamba pamaso pa Mulungu Atate. Chifukwa choti aliyense padziko lino sangasunge Lamulo, aliyense ndi ochimwa, ndipo choncho ndizosatheka kwa ali yense kuti akhale olungama mwa kusunga lamuloli la Mulungu. Ichi ndi chifukwa chake kunali koyenera kuti Mulungu apange lamulo lina. Potumiza Mwana wake padziko lino, Mulungu Atate walamula anthu onse padziko lonse  kuti aike chikhulupiliro mu chipulumutso cha  ubatizo, mwazi, ndi kuuka kwa Mwana wake. Ndipo iye wakhazikitsa Lamulo la chipulumutso kuti ali yense amene wakhulupilira mu ubatizo ndi mwazi wa Mwana wake angachotseredwe machimo ake onse popanda kulephera. Ichi ndi chipangano chachiwiri.

Pangano lachiwiri likulamula ife kuika chikhulupiliro mu Mau a uthenga wabwino wa madzi ndi Mzimu. Mulungu sakufunanso ntchito zabwino kwa ife, kapena kulamula ife kukhala mosamala, koma m’malo mwake, Iye akupempha ife izi: “Kodi mukukhulupilira kuti Mwana wanga wakupulumutsani mwa kubatizidwa ndi kukhetsa mwazi wake? Kodi mukukhulupilra mu chipulumutso chomwe Mwana wanga anakwaniritsa kwa inu polandira ubatizo ndi kukhetsa mwazi wake pamtanda?” Tonse tiyenera kuyankha kuti indedi tikukhulupilira zimenezi.

Mu Baibulo, nyumba ya Yuda ikutanthauza mtundu wa ufumu. Davide anali wa fuko la chifumu. Mtundu wa Yuda ukuimiliranso anthu a Israyeli. Mtundu wa Levi mbali inayi, unali mtundu wansembe. Ndipo mtundu uli onse unapatsidwa ntchito yake. Moyenera, Mulungu analonjeza nyumba ya Yuda kuti Yesu adzabadwira ku mtunduwo. Chomwe Mulungu analonjeza kunyumba ya Yuda linali lonjezo lopangidwa ku mtundu onse wa anthu. kudzera mu ubatizo Wake, imfa Yake pamtanda ndi kuuka Kwake, Ambuye wathu wakwaniritsa chipulumutso cha mtundu onse ku tchimo lili lonse.



Machimo Anu Sangafufutidwe Mwakupemphera Mapemphero Akulapa 


Yeremiya 17:1 akufotokoza pomwe machimo athu analembedwa, ndipo akunena kuti analembedwa m’malo awiri: “Cimo la Yuda lalembedwa ndi peni lacitsulo, ndi nsonga ya diamond: lalembedwa pa colembapo ca m’ mtima mwao, ndi pa nyanga za maguwa a nsembe anu.” Monga ndimeyi ikuonetsa apa, amodzi mwa malo amene machimo anu alembedwa ndi mtima wanu. Apa ndipomwe mu madziwa kuti ndinu ochimwa. Koma simudziwa machimo anu musanakhulupilire mwa yesu. Izi zili choncho chifukwa Lamulo loyankhulidwa ndi Mulungu silili mu mtima mwanu. Posatengera kuti mwina m’makhulupilira mwa Yesu molondola kapena ai, pamene mwakhulupilira mwa Iye, zindikirani kuti ndinu ochimwa pamaso pa Mulungu Atate ndi Yesu.

A Kristu  ena amatenga nthawi yaitali asanaone ndi kuzindikira uchimo wao; pakuti ena mwa iwo amatenga pafupi fupi zaka khumi ndi kunena pomaliza, “ndine ochimwa. Ndi maganiza kuti ndalandira chikhululukiro cha machimo, koma ndine ochimwabe.” Poyamba, Akristuwa anali ndi chikondwelero pokhulupilira mwa Yesu, koma pamene anakhulupilira mwa Yesu kwa zaka khumi, iwo pamapeto pake anati, “Ambuye, ndine ochimwa.”

Kodi chikufotokoza ichi ndi chiani? Ndi chifukwa chauti anthuwa aona machimo ao ndi zolakwa zao kudzera mwa Lamulo la Mulungu. Ngakhale amakhulupilira mwa Yesu, iwo sanabadwe mwatsopano, ndipo choncho Mulungu walemba machimo ao onse mu mitima yao. Choncho machimo ao sanachoke koma atsala mu mitima yao, ndipo zotsatira zake, iwo atembenuka kukhala Akristu ochimwa. Pamene anangokhulupilira mwaYesu kwa zaka zisanu, khumi iwo azindikira choonadi choti ndi Akristu ochimwa. Zatenga kwa iwo nthawi yonseyi kuzindikira machimo ao, adziwa kuti ndi ochimwa, ndiponso azindikira kuti monga m’mene analili ochimwa asanakhulupilire mwa Yesu, iwo adakali ochimwabe ngakale anakhulupilira mwa Yesu. Izi zikuonetsa m’mene munthu alili kusadziwa tchimo. 

Kwa Akristu ena, zimatenga ngakhale kwa nthawi yaitali kuzindikira kuti ndi ochimwa-zaka makumi atatu kwa ena, zaka makumi asanu kwa ena, ndipo ena moyo wao onse- kubvomereza kuti, “Ambuye, pamene sindinkadziwa Lamulo lanu ndi malemba anu, ndinali bwino. Koma pamene ndinazindikira za Lamulo, ndinazindikira kuti ndine ochimwa, monga mtumwi Paulo ananena, ‘Koma pamene Lamulo linadza, uchimo unatsitsimuka, ndipo ine ndinafa. Ndipo Lamulo, limene linali lakupatsa moyo, ndinalipeza lakupatsa imfa’ (Aroma 7:8-10). Ndinali ndi chidaliro chonse chosunga Mau anu, koma tsopano kuti ndayang’ana kumbuyo kwa moyo wanga, ndaona kuti m’malo molemekeza Lamulo lanu, ndachimwa tsiku ndi tsiku. Ambuye, ngakhale ndimakhulupilira mwa inu, ndine ochimwabe.”

Ndi machimo a munthu omwe amapangitsa kulephera kuti iye akhale mwa Mau a Mulungu. Machimo a munthu ali yense alembedwa mu mtima mwake. Chifukwa Mulungu analemba tchimo lili lonse pa mtima wa munthu, pamene ochimwa aitana pa dzina la Ambuye ndi kuwerama kupemphera, machimo ake amayambukira mkati mwa mtima wake ndipo chikumbumtima chake chimanena kwa iye, “moni apo, mwachimwa machimo awa, sichoncho?”

“Ndinachotseredwa kale machimowa zaka ziwiri zapitazo.”

“Nanga ndi chifukwa chiani mukuwakumbukirabe, ndipo n’chifukwa chiani machimo onsewa ayambukira ndi kukubvutitsani motere? Ndiliti pamene munachotseredwa machimowo?”

“Kodi mukunena chiani? Ndipo ndi chifukwa chiani mukunena zinthu zonyansa?”

Chikumbumtima chake kenako chimati, “Mulungu walemba machimo ako mu mtima mwako, choncho sungakane machimo ako. Ukukana Mulungu apa. Osanamizira; ndiwe ochimwa.”

“Ai, sichoncho!”

    Choncho ndi  m’mene zilili, kuti mu Kristu ochimwa adzakakamizidwa kupempha Mulungu kuti amkhululukire machimo omwe iye anachita zaka ziwiri zapitazo, kunena kwa Iye, “Ambuye, chonde ndikhululukireni ine. Posatengera mphamvu zanga, ndazunzika kamba ka machimo omwe alembedwa mu mtima mwanga. Pamene ndiganiza zomwe zinachitika zaka ziwiri zapitazo, ndiri odandaula, koma sindingasinthe ku choona chakuti ndinachimwa. Sindikufuna kubweretsanso izi kachiwiri, koma ndinachimwa pamaso Panu.”

Koma kodi tchimo lili lonse limachotsedwa mwa mapemphero akulapa ndi mau opanda kanthu? Popanda choonadi cha Uthenga Wabwino wa madzi ndi Mzimu, palibe tchimo lingachotsedwe, pakuti machimo a munthu alembedwa mu mtima wa munthu ndi peni la chitsulo. Choncho, chikhululukiro cha machimo chimapezeka kudzera mu choonadi cha Mau a madzi ndi Mzimu. Ndipo  munthu amapulumutsidwa pokhapo ngati iye wakhulupilira mu ubatizo wa Yesu ndi mwazi Wake zomwe pamodzi zikupanga Uthenga Wabwino wa choonadi.



Kudzera Mu Uthenga Wabwino Oyamba, Ambuye Watilonjeza Ife Kukhala Mpulumutsi Wathu


Mulungu wathu wapanga lonjezo la tsopano kwa mtundu onse wa anthu, kunena kuti, “Ngati mukhulupilira mwa Ine, ndi dzakhala mpulumutsi wanu. Ndidzapulumutsa inu ku machimo a dziko mwa ngwiro kudzera mwa madzi ndi mwazi. Ali yense okhulupilira mwa Ine, ndidzamveka chisomo Changa.” Iye watipatsa ife pangano latsopano ndi la ngwiro. Kodi mukukhulupilira mu pangano latsopanoli la Mulungu? Kodi munachotseredwa machimo anu onse ndi kubadwa mwatsopano pokhulupilira mu Mau a choonadi a Mulungu olonjezedwa ndi mtima wanu, ndipo pokhulupilira mu ntchito ya chipulumutso yolonjezedwa ndi yokwaniritsidwa ndi Yesu pa dziko lino kudzera mu madzi Ake ndi mwazi. 

Sungadalire dotolo amene sadziwa bwino bwino. Matenda ayenera kudziwika kwa dotolo kuti apatse uphungu oyenera. Pali mitundu yonse yodabwitsa ya mankhwala masiku ano, koma simungagwiritse ntchito amodzi mwa iwo ndi chidaliro ngati dotolo wanu sanadziwe matenda moyenera, pali mankhwala ambiri okutandizani inu. Koma ngati kudziwa kwa dotolo wanu kuli kolakwika, ndiye kuti zonse mungapeze ku uphungu wa mankhwala anu ndi zotsatira zoipa posatengera kuti mankhalawo ndi abwino chotani.

Momwemonso, zikabwera pokhulupilira mwa Yesu, ndi chofunika kudziwa nyengo yanu ya uzimu molondola pa Mau a Mulungu. Pamene dotolo wa uzimu akulankhula ndi inu ndi kudziwa inu ndi Mau a choonadi, iye angakuuzeni mosabvuta matenda amene akukusatsani inu komanso m’mene mukukhalila moyo wanu wa chikhulupiliro. Dotolo wa uzimu otere angatsogolere membala ali yense wa mpingo kubadwa mwatsopano popanda kuchotsera. Membala ali yense wa mpingo wapangidwa olungama kwathunthu. Mwakutsutsana, iwo amene akutsogoleredwa ndi dotolo wa uzimu wabodza sangadziwe ngakhale m’mene angalandilire chikhululukiro cha machimo. Ichi sichipulumutso cheni cheni ku machimo. Ngati mbusa akunena kuti ndi ophunzira wa Yesu, ndiye kuti ayenera kukamba nkhani ya kusinthidwa kwa uzimu komanso kuthetsa bvuto la uchimo ku mpingo Wake. Mbusa kenako ayenera kutandiza mpingo kuthetsa mabvuto osiyana siyana a chikhulupiliro motsogoleredwa ndi Mzimu Woyera. Utumiki uli onse suyenera kuganizira za matenda a kuthupi; ngati membala wina wa mpingo akudwala, mbusa ayenera kumpatsa langizo kuti aonane ndi dotolo. Koma pamene membala wa mpingo akupempha uphungu wa uzimu, mbusa ndi obvomerezeka kupereka muyeso wa uzimu molondola ndi kudziwa ngati munthuyu ali ochimwa kapena ndi munthu olungama.

Yesu anadza pa dziko lino kudzafufuta machimo onse a dziko, ndipo pachifukwa ichi Iye anabatizidwa ndi kupachikidwa mpaka kufa. Nanga kodi ntchito imeneyi yachipulumutso siyokwanira kuti Iye mpaka akasiye machimo anu? Ai, nzosatheka. Iye anachotsa machimo anu onse ndi ntchito ya Uthenga Wabwino wa madzi ndi Mzimu. Uthenga Wabwino ndi bomba. Mabomba ndi oopsa moti angathe kusalaza nyumba yaitali mosabvuta. Bomba la nyukiliya lingaphulitse phiri lalikulu kufumbi ndi kutentha mu mwamba. Zomwe Yesu anakwaniritsa pa dziko lino ndi zosaposa mphamvu yotere ya Uthenga Wabwino, Uthenga Wabwino wa madzi ndi Mzimu. Ndi bomba. Ndi Uthenga Wabwino wachoonadiwu wa madzi ndi Mzimu, Yesu wachotseratu machimo onse a okhulupilira Ake onse.



Mulungu Analonjeza Ife Kuti Sadzakumbukiranso Machimo Athu Komanso Zoipa Zathu


Kunalembedwa mu Ahebri 8:10-12: “Pakuti ili ndi pangano ndidzalipangana ndi nyumba ya Israyeli, atapita masiku ajawa, ananena Ambuye: ndidzapatsa malamulo anga kuwalonga m’nzeru zao, ndipo pamtima pao ndidzawalemba iwo;ndipo ndidzawakhalira iwo Mulungu, ndipo iwo adzandikhalira Ine anthu: ndipo sadzaphunzitsa yense mfulu mnzace, ndipo yense mbale wace, ndi kuti, zindikira  Ambuye: pakuti onse adzadziwa Ine, kuyambira wamng’ono kufikira wamkuru wa iwo. Kuti adzacitira cifundo zosalungama zao, ndipo zoipa zao sindidzazikumbukanso.” Ame. Ambuye wathu apa akuti adzapulumutsa ali yense mwa ngwiro, kuchokera ku wamng’ono kufikira ku wamkulu.

M’Chipangano Chakale, mkulu wansembe ankalowa muchihema kamodzi pa chaka. Atatha kuika manja ake pamutu pa mbuzi ndi kupatsira machimo a anthu, mkulu wansembe ankachotsa mwazi ndi kupita nawo muchihema cha Mulungu, kuwaza mwazi pampando wachifundo kasanu ndi kawiri. Umu ndi m’mene machimo a Israyeli anakachotseredwa m’Chipangano Chakale, ndipo choncho anthu a Israyeli sakanakana ndondomeko yakaperekedwe ka nsembe, poti cheni cheni chake chinali chisanaoneke. Komabe, chipangano Chakale chinachotsedwa pamene cheni cheni chake chinafika. Izi sizikutanthauza kuti mau a Chipangano Chakale anachotsedwa kotheratu, koma izi zikutanthauza kuti ndondomeko yakaperekedwe ka nsembe m’Chipangano Chakale inaimitsidwa.

Mu Israyeli, anthu adakali kupha ng’ombe za mphongo ndi anaankhosa kusasaka chikhululukiro cha machimo ao. Koma papita kale zaka pafupi fupi 2000 pamene Yesu analandira ubatizo wa chikhululukiro cha machimo mu mtsinje wa Yordano ndi kufa pamtanda. Pafupi fupi zaka 2000 zatha pomwe Ambuye wathu anathetsera mabvuto onse a tchimo lili lonse. Kodi nanga Mulungu anaika pambali bvuto la tchimo la Israyeli ndi kusathetsa bvutoli? Ai, Iye anatsuka machimo onse a munthu ali yense mu dziko lino. Koma kupatula izi, ngakhale tsiku la lero anthu a ku Israyeli akuphabe anaankhosa ndi ng’ombe zamphongo. Pa nthawi imodzi mtsogolo, anthu a Israyeli adzamanganso kachisi mu Yerusalemu, kumene kachisi wakale anali kuimilila. Iwo azabwezeretsa ndondomeko yakaperekedwe kansembe zao kumeneku. Mbiri ya anthu idzafika kumapeto.

Mau onse a Chipangano Chakale ndi chilankhulo kuonetsa chinthu cheni cheni cha Chipangano Chatsopano. Chilankhulo chimagwiritsidwa ntchito kufotokoza chinthu china chake cheni cheni pochionetsa icho ndi chinthu china chake choganiziridwa. Mwachisanzo, fanizo limagwiritsa ntchito nkhani zopeka kuti zikhale zosabvuta kwa omvera kumvetsetsa chochitika cha nkhani.

Kudzera mu ndondomeko yakaperekedwe kansembe yokhazikitsidwa ndi Mulungu ya Chipangano Chakale, chikumbumtima chathu sichingakhale cha ngwiro. Pakuti anthu a Israyeli a Chipangano Chakale kuti alandire chikhululukiro cha machimo ao, iwo ankayenera kubweretsa mwanawankhosa, kuika manja ao pamutu pake, ndi kupha mwanawankhosayo, koma izi sizinkawapanga iwo kukhala a ngwiro kwamuyaya. Kodi ndinanena chiani pazatanthauzo la kuika manja? Zikutanthauza kuti “kupatsira china chake.”

Mau oti Levi akutanthauza “umodzi,” ndipo zikutanthauza kuti pakuti Mulungu akhale pamodzi ndi ife anthu, tiyenera kukhala oyera. Nanga kodi a Israyeli anachita chiani kuti akhale pamodzi ndi Mulungu? Iwo ankaberetsa nyama ya nsembe ndi kupatsira machimo ao paiyo mwakuika manja ao pamutu pake. Ndipo iwo ankadula khosi lake, kuchotsa mwazi wake, ndikuika mwaziwo panyanga za guwa lansembe, ndikupereka kwa Mulungu mwa kutentha nyama yake ndi mafuta pa guwa m’malo mwao. Inali m’malo mwa nsembe yanyamayi kuti a Israyeli ankachotseredwa machimo ao. Komabe, kudzera mwa ndondomeko yakaperekedwe kansembe momwe chikhululukiro cha machimo chinkalandiridwa mwakupereka mwanawankhosa kapena mbuzi tsiku ndi tsiku, a Israyeli sakanayeretsedwa kotheratu mu chikumbumtima chao.

Masiku ano, mwanawankhosa kapena ng’ombe yamphongo si ikuphedwa ngati chopereka cha nsembe. Komabe, pali Akristu ambiri amene akuchita chikhulupiliro cha chilamulo, chomwe chikufanana ndikupha mwanawankhosa kapena ng’ombe yamphongo. Iwo amapemphera kwa Mulungu, “Ambuye, chonde ndikhululukireni, ndachimwa. Chonde ndikhululukireni machimo anga. Sindingakwanitse kufafaniza machimo anga. Iwo ndi machimo osasunthika moti sangachoke mophweka mu mtima mwanga. Ambuye, ndikupemphani kuti muchotse machimo anga onse mu mtima mwanga. Sindikusamala za m’mene mungachitire koma bola muwafufute onse. Ndasala kudya masiku makumi awiri kuyesera kuchotsa machimo, koma iwo adakali mu mtima mwanga. Kodi mudzachotsa machimowa pokha pokha ngati ndingasale kudya kwa masiku makumi anayi?”

Anthu ambiri afa pamene akusala kudya ndi kupemphera kwa masiku makumi anayi. Koma kodi mungafufute machimo anu mu mtima mwanu pongosala kudya ndi kupemphera? Ai, ndizosatheka! Palibe munthu angafufute machimo ake kudzera mu nsembe yotere monga kusala kudya ndi kupemphera; chikumbumtima cha munthu sichilola izi. Machimo amene ali mu mtima mwanu sangachotsedwe mwakupempha, kapena kufunsa Mulungu kuti awatenthe machimowo, koma pongokhulupilira mu Uthenga Wabwino wa madzi ndi Mzimu. 

Machimo onse achotsedwa pongokhulupilira mu Mau a Mulungu a madzi ndi Mzimu; nzosathekeratu kwa ali yense kufufuta machimo ake a mu mtima mwakupemphera mapemphero akulapa kapena kusala kudya. Palibe angakwanitse izi. Izi nzosatheka kuzipeza ndi ali yense. Ndondomeko yakaperekedwe kansembe ya Chipangano Chakale ndi nsembe zake za tsiku ndi tsiku zinaonetsedwa kwa ife ndi Mulungu pokhapo pamene zinakonzedwanso ndi Yesu m’Chipangano Chatsopano. Ndi chifukwa chake Ambuye wathu ananena mu Mau Ake olembedwa, “Koma atafika Kristu, Mkuluwansembe wa zokoma zirimkudza, mwa cihema cacikuru ndi cangwiro coposa, cosamangika ndi manja, ndiko kunena kuti, cosati ca cilengedwe ici, kapene mwa mwazi wa mbuzi ndi ana ang’ombe, koma mwa mwazi wa Iye Yekha, nalowa kamodzi kumalo opatulika, atalandirapo ciombolo cosatha.” (Ahebri 9:11-12).

Kuti achotse machimo athu onse, Yesu anabvomera machimo onse a dziko pa thupi Lake lopanda chilema ndi kusenza machimowo mwakubatizidwa mu mtsinje wa Yordano, ndipo potenga ulamlilo onse wa tchimo lili lonse, Iye anafa pamtanda chifukwa cha ife: ndipo motero wapulumutsa ife ndi mwazi Wake, osati mwazi wa mbuzi za nsembe, ng’ombe za mphongo, anaankhosa. Tsopano, podziwa choonadi kuti Yesu anasenza machimo onse a dziko mu mtsinje wa Yordano kudzera mu ubatizo Wake, kodi pali china chake muchikumbumtima chathu chomwe chingaletse ife kubwera pamaso pa Mulungu padalira mwa Yesu? Ai, palibe chili chonse chomwe chingaletse ife kuyandikana ndi Mulungu popeza tinakhulupilira moonadi mwa Iye. Ubatizo wa Yesu unali ofunika kwa Iye kuti anyamule machimo a dziko, komanso mwazi Wake unakhetsedwa monga zotsatira za machimowo.

Kodi ndiliti pamene Yesu anachotsa machimo athu onse? Iye anasenza machimo onse pamene Iye anabatizidwa monga ntchito Yake yoyamba ya utumiki Wake. Chinthu choyamba chomwe Yesu anachita pamene Iye anayamba utumiki Wake wapoonekera pa dziko lino ndi kulandira ubatizo. Monga nonse mukudziwa, Yesu anabatizidwa ndi Yohane Mbatizi, koma Yohane anakana poyamba. Kunalembedwa mu Mateyu 3:13-15: “Pamenepo Yesu anacokera ku Galileya nadza ku Yordano kwa Yohane, kudzabatizidwa ndi iye. Koma Yohane anati amkanize, nanena, Ndiyenera ine kubatizidwa ndi Inu, ndipo Inu mudza kwa ine kodi? Koma Yesu anayankha, nati kwa iye, Balola tsopano: pakuti kuyenera ife kukwaniritsa cilungamo conse ca Mulungu motero. Pamenepo anamlola Iye.” Apa, Yesu anafotokoza chifukwa chimene Iye anabatizidwira ndi Yohane Mbatizi: “pakuti kuyenera ife kukwaniritsa cilungamo conse ca Mulungu motero.” Mwanjira ina, kunali koyenera kuti Yohane Mbatizi kuti abatize Yesu komanso kuti Yesu alandire ubatizowu, motero kugwira ntchito ya chilungamo yopatsira machimo onse a dziko pa Yesu. Kunena kwina, Yesu ananena kuti kunali koyenera kwa Iye kufufuta machimo onse athu moyenera mwa kubatizidwa. Izi ndi zomwe ndimeyi ikutanthauza apa: kunali koyenera kuti Yesu abatizidwe ndipo motero kufufuta machimo athu onse moyenera.

Okondedwa okhulupilira anzanga, Ambuye wathu anadza pa dziko lino kupanaga chitetezero cha machimo ochimwira Lamulo la Chipangano Choyamba. Mwanjira ina, Iye anadza kufufuta machimo athu onse ophwanya Lamulo. Ndipo atadza pa dziko lino, Ambuye wathu anabatizidwa ndi  Yohane Mbatizi ndi kufa pamtanda m’malo mwa okhulupilira Ake, kukwanirirtsa lonjezo la chipulumutso chosatha ndi madalitso a kumwamba kwa onse oitanidwa ndi Yesu. Ndipo Iye anauka kwa akufa mu masiku atatu, kukwera kumwamba, ndipo tsopano akukhala ku dzanja lamanja la mpando wa ufumu wa Mulungu Atate. 

Kunalembedwa, “Pakuti pamene pali copangiratu pafunika pafike imfa ya wolemberayo. Pakuti copangiratu ciona mphamvu atafa mwini wace; popeza ciribe mphamvu konse pokhala wolemberayo ali ndi moyo” (Ahebri 9:16-17). Chopangiratu chimagwira ntchito pokhapo pamene munthu amene wapatsa chopangiratu wamwalira. Indedi, ngakhale ngati atate anakonza chopangiratu, ichi chilibe ntchito kwa ana onse ngati iye adakali moyo. Koma pamene atate afa, chopangiratu chao chidzakhala cha ntchito kwa ana ake otsala. Momwemonso, Yesu analonjeza ife kuti Iye adzabwera pa dziko lino ndi kupulumutsa ife kudzera pa thupi Lake, kunena kuti, “ndidzabwera kudzakupulumutsani. Ine Mwini ndidzafufuta machimo anu onse mwa ubatizo wanga, imfa yanga pamtanda, ndi kuuka kwanga. Ndidzapulumutsa inu mwa ngwiro ku machimo onse a dziko. Ndidzapanga inu kukhala anthu anga. Kudzera mu madzi ndi Mzimu ndidzapulumutsa inu kuchinyengo cha mdierekezi, ku imfa ndi kutembelero la uchimo.”

Nanga kodi Ambuye anakwaniritsa bwanji lonjezoli? Pofuna kusunga lonjezoli, Ambuye wathu anabadwa mwa Mzimu Woyera m’mimba ya namwali Maria, ndipo Iye anabadwa pa dziko lino mu thupi la munthu. Kunena kuti Yesu anabadwa pa dziko lino mu thupi la munthu kukutanthauza kuti Mulungu oyera Mwini anakhala munthu. Yesu anakhala moyo wachinsinsi kwa zaka 29. Ndipo chinthu choyamba chomwe Iye anachita moyo Wake wapoyera kuti apulumutse ife ku machimo onse a dziko chinali kubatizidwa ndi Yohane Mbatizi mu mtsinje wa Yordano.

Nanga kodi ndi chifukwa chiani Yesu anabatizidwa? Kunali kusenza machimo onse a dziko lapansi. Nanga n’chifukwa chiani Yesu anayenera kufa pamtanda? Chifukwa Iye anasenza machimo athu onse kudzera mu ubatizo Wake, Iye anakhetsa mwazi Wake pamtanda kupereka chiweruzo cha machimo athu. Pochita zinthu zonsezi, pamene Yesu anauka kwa akufa mwa masiku atatu ndi kukwera kumwamba kukhala ku dzanja la manja la mpando wa Mulungu Atate, Iye wapulumutsa ife tonse okhulupilira mwa Iye. 

Kodi nanga kukwera kwa Yesu kumwamba kukutanthauza chiani? Kukutanthauza kuti atatsiriza kukwaniritsa ntchito Yake yonse ya chipulumutso monga m’mene Iye analonjezera, ndipo atakwera kumwamba, Ambuye wathu wakwaniritsa pangano latsopano lomwe Iye anapanga kwa ife: Iye anapulumutsa ife ku machimo onse kudzera mu madzi Ake, mwazi ndi kuuka. Mwanjira ina, chopangiratu cha Ambuye ndi chipangano cha chipulumutso kupulumutsa ife ku machimo a dziko chakhala tsopano cha mphamvu kwa onse a ife amene takhulupilira mwa Ambuye. Chipulumutso ku machimo onse chadza kwa inu ndi ine amene takhulupilira mwa Yesu.

Kunalembedwa mu Ahebri 9:22-28: “Ndipo monga mwa cilamulo zitsara zinthu pang’ono zosayeretsedwa ndi mwazi ndipo wopanda kukhetsa mwazi kulibe kumasuka. Pomwepo padafunika kuti zifaniziro za zinthu za m’Mwamba ziyeretsedwe ndi izi; koma zam’mwamba zeni zeni ziyeretsedwe ndi nsembe zoposa izi. Pakuti kristu sanalowa m’malo opatulika omangika ndi manja, akutsanza oonawo: komatu m’Mwamba momwe, kuonekera tsopano pamaso pa Mulungu cifukwa ca ife; kosati kuti adzipereke Yekha kawiri kawiri; monga mkulu wa ansembe alowa m’malo opatulika caka ndi caka ndi mwazi osati wace; cikadatero, kukadamuyenera kumva zowawa kawiri kawiri kuyambira kuzika kwa dziko lapansi; koma tsopano kamodzi pa citsirizo ca nthawizo waonekera kucotsa uchimo mwa nsembe ya Iye yekha. Ndipo popeza kwaikikatu kwa anthu kufa kamodzi, ndipo atafa, ciweruziro; kotero Kristunso ataperekedwa nsembe kamodzi kukasenza macimo a ambiri, adzaonekera pa nthawi yaciwiri, wopanda ucimo, kwa iwo amene amlindirira, kufikira kucipulumutso.” 

Mwa nsembe za tsiku ndi tsiku za Chipangano Chakale zoperekedwa ndi munthu, sitikanakhala a ngwiro, ndipo choncho Yesu Mwini anadza pa dziko lino payekha ndi kupulumutsa zolengedwa zonse ku machimo a dziko kudzera mu ubatizo Wake ndi mwazi. Pansi pa Lamulo la Chipangano Chakale, nyama za nsembe zinkayenera kufa kwa nthawi ndi nthawi. Pamene mkulu wa nsembe wafa, mkulu wa nsembe wina ankasankhidwa. Koma tsopano, Ambuye anadza pa dziko lino kudzakwaniritsa lonjezo Lake latsopano kutipulumutsa ife payekha, iwo watipulumutsadi ife ku machimo onse a dziko kamodzi kokha mwa nthawi imodzi. Kutipanga ife opanda tchimo kamodzi kokha, Ambuye analandira ubatizo pa thupi Lake kuchokera kwa Yohane Mbatizi, komanso kupulumutsa ife ku chionongeko cha uchimo, Iye anapatsa thupi Lake pamtanda ndipo anaweruzidwa ku machimo onse. Ndi chifukwa chake Ahebri 9:28 akunena apa kuti pamene Yesu aonekera pakutha pa dziko, “adzaonekera pa nthawi yaciwiri, wopanda ucimo, kwa iwo amene amlindirira, kufikira kucipulumutso.”

Kunalembedwanso kuti, “Ndipo popeza kwaikikatu kwa anthu kufa kamodzi, ndipo atafa, ciweruziro.” Chifukwa tinabadwa ndi uchimo monga mbeu ya Adamu, tiyenera kuphedwa, kuponyedwa kugahena, ndi kuonongedwa. Komabe, pamene Ambuye wathu anadza pa dziko lino, Iye anasenza machimo onse a dziko ochitidwa ndi ife moyo wathu onse, zingakhale mu mtima mwathu, machitidwe, kapena maganizo; Iye anaweruzidwa ku tchimo lili lonse la machimo athu; ndipo Iye anafufuta machimowo. Mwakuchita choncho, Iye watsimikiza kuti onse a ife amene takhulupilira mu choonadi ife kuti sitidzaweruzidwa, ndipo ndi Mau Ake a choonadi walola ife kukhala kwamuyaya mu ufumu wakumwamba. Ndi chifukwa chake Ambuye wathu anadza pa dziko lino, chifukwa chimene Iye anabatizidwa mu mtsinje wa Yordano, chifukwa chake chimene Iye anakhetsa mwazi Wake pamtanda, komanso chifukwa chimene Iye anaukila kwa akufa-zonse kupulumutsa onse a ife. 



Uthenga Wabwino Wakale Wa Ubatizo Wa Yesu


Baibulo limanena mu Mateyu 3:13-17 kuti: “Pamenepo Yesu anacokera ku Galileya nadza ku Yordano kwa Yohane, kudzabatizidwa ndi iye. Koma Yohane anati amkanize, nanena, Ndiyenera ine kubatizidwa ndi Inu, ndipo Inu mudza kwa ine kodi? Koma Yesu anayankha, nati kwa iye, Balola tsopano: pakuti kuyenera ife kukwaniritsa cilungamo conse ca Mulungu motero. Pamenepo anamlola Iye. Ndipo Yesu, pamene anabatizidwa, pomwepo anaturuka m’madzi: ndipo onani, miyamba inamtsegukira Iye, ndipo anapenya Mzimu wa Mulungu wakutsika ngati nkhunda nudza nutera pa Iye; ndipo onani, mau akucokera kumiyamba, akuti Uyu ndiye Mwana wanga wokondedwa, mwa Iyeyu ndikondwera.” Apa, Yesu adanena kuti adzakwaniritsa chilungamo chonse cha Mulungu mwa kubatizidwa ndi Yohane Mbatizi.

Kodi ndimeyi ikutanthauza chiani kweni kweni? Chilungamo cha Mulungu chikutanthauza kuongoka Kwake ndi chikondi-ndiko kunena kuti, kuchipulumutso chake choongoka. Yesu anafuna kubatizidwa kuti alandire machimo onse a anthu, ndi chifukwa chake Iye ananena kwa Yohane Mbatizi, “Balola tsopano: pakuti kuyenera ife kukwaniritsa cilungamo conse ca Mulungu motero.” Kodi Mau oti “ubatizo” akutanthauza chiani? Ndi “baptisma” mu chi Greek, ndipo akutanthauza kukwirira, kumiza, kupatsira pa, kapenanso kusamutsa. Kumbukirani kuti m’Chipangano Chakale, anthu a Israyeli ankaika manja ao pa nyama za nsembe. Kodi kuika manja kukutanthauza chiani tsopano? Levitiko 1:3 akufotokoza kuti kuika manja kuli ndi tanthauzo monga ubatizo-ndiko kunena kuti, ukutanthauzanso kupatsira pa, kusamutsa, komanso kukwirira.

Kodi chimene chinkayenera kuchitika ndi chiani mu chihema cha Chipangano Chakale kuti a Israyeli achotseredwe machimo ao? Posatengera kuti anali a nsembe angati komanso anthu angati amene azungulira, nsembe ili yonse yochitika popanda nyama ya nsembe inali yopanda ntchito. Choncho, Yesu ndi chinthu chofunika ku mtundu wa anthu onse ndi ochimwa onse a dziko lino. Yesu ndi mlengi ndi Mpulumutsi wathu, ndipo Mulungu Mwini anadza pa dziko lino mu thupi la munthu, analandira  machimo onse mwa kubatizidwa kudzipereka Yekha pamtanda, ndipo motero wakhala Mkulu Wansembe wakumwamba wa ochimwa ali yense.

M’Chipangano Chakale, pamene nsembe ya tsiku la chitetezero inkaperekedwa, mkulu wansembe ankaika manja pamutu pa mbuzi ya nsembe ndi kuulula machimo onse a Israyeli m’malo mwao, kunena kuti “Ambuye, anthu a Israyeli apembedza mafano, atchula dzina Lanu pa chabe, apha ndi kuchita chigololo, iwo alephera kusunga tsiku la sabata kuti likhale lopatulika, ndipo aphwanya lemba lili lonse la Lamulo. Tsopano ndi kupatsira machimo onse a chaka awa pa mbuzi ya nsembeyi” (Levitiko 16:21). Mkulu wansembe kenako ankadula khosi ndi kuchotsa mwazi mbuziyo, kutengera mwaziwo m’malo opatulikitsitsa ndikuwaza m’menemu ndikupereka nsembe pamaso pa Mulungu. Kenako ankatenga mbuzi yotsala, kuika manja ake pamutu pake, ndi kuulula machimo onse a Israyeli pamene iwo ankayang’anira. Koma nthawi ino, m’malo modula khosi la mbuzi ndi kuchotsa mwazi wake, mkulu wansembe ankapereka mbuziyo kwa munthu wompangiratu kuti itsogoleredwe m’chipululu chouma, chopanda kanthu ndi kuisiya kumeneko. Umu ndi m’mene anthu a Israyeli m’Chipangano Chakale ankapulumutsidwira ku machimo ao a chaka chonse. Komabe, kuti anthu a Chipangano Chatsopano, ndi mwakukhulupilira mwa Yesu monga Mwanawankhosa wao wansembe, mu ubatizo Wake ndi mwazi, pomwe iwo apulumutsidwa ku machimo onse.



Tanthauzo La Chatetezero Cha Machimo


Kupanga chitetezero cha machimo a munthu kukutanthauza kupereka machimowo onse pa nsembe ya mwanawankhosa. Chifukwa machimo onse a dziko anaperekedwa pa thupi la Yesu kudzera mu ubatizo Wake, ali yense wakhulupilira mu choonadichi cha ubatizo ndi mwazi wa Yesu ali opanda tchimo tsopano. M’Chipangano Chakale, imfa ya mbuzi yansembe inali imfa ya anthu a Israyeli, ndipo kuzunzika kwa mbuzi kunali kuzunzika kwao. Machimo a Israyeli ankachotsedwa m’maso mwa Mulungu chifukwa mbuzi imodzi mwa ziwiri za nsembe inkaperekedwa kwa Iye. Koma baibulo likunena kuti tchimo lili lonse linalembedwa m’malo awiri. Limodzi ndi Buku la chiweruzo, ndipo pena ndi pamtima wa munthu. Machimo a Israyeli omwe analembedwa m’Buku la chiweruzo pamaso pa Mulungu ankafufutidwa pamene mkulu wansembe waika manja ake pamutu pa mbuzi ya nsembe, ndipo mwazi wake unkaikidwa pa nyanga za guwa la nsembe. Koma, machimo olembedwa mu mtima mwa munthu atsalirabe, ndipo awa ankachotsedwa ndi mbuzi yamoyo. Mau oti “mbuzi yamoyo” akutanthauza “kumasulidwa.” Chimodzi modzi, Mulungu Atate anamasula Mwana Wake Yesu mu dziko lino kuti achotse machimo athu onse.

M’Chipangano Chakale, pamene anthu a Israyeli ankapanga chitetezero cha machimo ao a chaka patsiku la chitetezero, imodzi mwa mbuzi ziwiri za nsembe, mbuzi yamoyo inkalandira machimo onse a Israyeli ndipo inkatsogoleredwa m’chipululu ndi dzanja la munthu wompangiratu. Anthu a Israyeli ankayang’anira mbuzi yamoyo ikutsogoleredwa m’chipululu cha palestina pamene yasenza machimo ao onse, mpaka ataona kuti mbuziyo yasowa. Polandira machimo onse a Israyeli kudzera mu kuika manja a mkulu wansembe, mbuzi yansembeyi kenako inkatsogoleredwa kutali. Inkasiidwa kutali ndi kuzungulira m’chipululu ndi kufa yokha. Izi ndi zomwe Lamulo la ngwiro la Mulungu likunena kuti mphotho ya uchimo ndi imfa.

M’Chipangano Chatsopanonso, Ambuye wathu anathetsa bvuto la machimo m’njira imeneyi. Mwakubatizidwa ndi kufa, Iye wachotsa zoipa zathu kwa ife, monga kumawa kutalika ndi kumadzulo (Masalmo 103:12). Chipangano Chakale ndi lonjezo la Mulungu, Chipangano Chatsopano ndi chikwaniritso cha lonjezo latsopano, ndipo Ambuye wathu anakwaniritsa lonjezoli mwa kubatizidwa pamene Iye anadza pa dziko lino lapansi. Monga Yesu anabatizidwa machimo onse a anthu anaperekedwa pa thupi la Yesu. Monga Yesu ananena, “pakuti kuyenera ife kukwaniritsa cilungamo conse ca Mulungu motero” (Mateyu 3:15), indedi Iye wakwaniritsa chilungamo chonse cha Mulungu pobatizidwa ndi Yohane Mbatizi. Kudzera mu ubatizo Wake, polandira machimo onse a anthu, Yesu anapulumutsa ku machimo ali yense amene wakhulupilira mu choonadichi. Ichi ndi chitetezero cha nsembe chomwe Yesu anapanga kwa ife.

Ndi Yohane Mbatizi amene anabatiza Yesu m’Chipangano Chatsopano. Kodi munthu amene anabatiza Yesu ndi ndani? Iye anali wa fuko la Aroni mkulu wansembe wa Chipangano Chakale. Pofuna kukwaniritsa ndi kumaliza uneneri wa Chipangano Chakale, Yesu anatumiza wa fuko la Aroni monga mkulu wa nsembe wa dziko lino; pamene Yesu Mkulu wansembe wa kumwamba  anadza pa dziko lino kudzera mwa namwali Maria, mkulu wansembe wa dziko lapansi ndi Mkulu wansembe wa kumwamba anakumana; ndipo  pamene anagwira ntchito mogwirizana, machimo onse a dziko lino anafufutidwa kotheratu. Ntchito yokhayo ya mkulu wansembe wa dziko inali kupereka machimo onse a anthu ake pa nsembe ya mwanawankhosa. Iye analibe ntchiti ina koma yokhayo yopereka machimo.

Motsutsana, Yesu anakala otiimilira Iye Mwini, ndipo popereka thupi Lake kwa Mulungu Atate ndipo ponyamula machimo onse a mtundu wa anthu  ndi a dziko, Iye anathetsa bvuto la uchimo. Pakuti ichi chinali chifukwa chomwe Yesu anabatizidwira ndi Yohane Mbatizi mu mtsinje wa Yordano. Ndipo pamene ananena kwa Yohane Mbatizi kuti, “Balola tsopano: pakuti kuyenera ife kukwaniritsa cilungamo conse ca Mulungu motero,” Yohane anabatiza Yesu ndi kupatsira machimo onse a dziko pamutu pa Yesu. Ndipo motero pamene analadira ubatizo Wake kuti alandire machimo onse a dziko, Yesu anakhala kwa zaka zitatu zoonjezera pa dziko lino, mpaka pamene Iye anapachikidwa mpaka kufa pambuyo pake.

Kodi mukuganiza kuti cholinga chomwe Yesu anabatizidwira ndi chiani? Baibulo la mu chi China, mau oti “ubatizo” akutanthuza “kutsuka.” Kukamba kwina, pamene Yesu analandira machimo a dziko lapansi, machimo athu anatsukidwa. Okondedwa okhulupilira anzanga, pamene Yesu anabatizidwa ndi Yohane Mbatizi, machimo athu onse anaperekedwa pa Yesu, ndipo motero machimo onse a dziko anatsukidwa ndi kufufutidwa mu mitima yathu. Yesu anabatizidwa mwa kumizidwa, ndipo kumizidwaku kukutanthauza imfa Yake. Kunena kwina, Yesu anafa ndi kukwililidwa chifukwa Iye analandira machimo athu, machimo a dziko. Chifukwa choti Yesu analandira machimo athu kudzera mu ubatizo Wake ndi chifukwa chake Iye anaphedwa. Kodi n’chifukwa chiani Yesu anafa pamtanda m’malo mwathu? Iye anapachikidwa mpaka kufa kuti afufute machimo onse a dziko lapansi, chifukwa choti Iye anawanyamula pobatizidwa mu mtsinje wa Yordano.

Cholinga chomwe Yesu anabadwira monga munthu ndi kubatizidwa pa nthawi ya zaka makumi atatu chinali kunyamula machimo a dziko lapansi kudzera mu ubatizo Wake ndi kukwanirirtsa ntchito Yake ya chipulumutso pamtanda. Ndipo pamene Yesu anabatizidwa, kufa pamtanda, ndi kuuka kwa akufa m’masiku atatu, Iye anadzichitira umboni kwa masiku makumi anayi, kukwera kumwamba, ndi tsopano wakhala kudzanja lamanja la mpando wa Mulungu Atate, Iye wapulumutsa onse amene akhulupilira mu chipulumutso choonadichi. Ngakhale tsopano, Ambuye ndi wamoyo ndipo wakhala kudzanja lamanja la chifumu, ndipo Ambuye ameneyu wakhala Mpulumutsi wathu. Uyu ndiye Mulungu oona amene a Kristu eni eni amakhulupilira. Mwanjira ina, timakhulupilira mwa Yesu amene anathetsa  mabvuto a machimo athu ndi ubatizo Wake komanso mwazi. Kwa anthu onse, Yohane Mbatizi anasankhidwa ndi Mulungu kuti akhale oimilira wao, ndipo iye anapereka machimo onse a dziko pa Yesu pakumubatiza Iye.

M’Chipangano Chakale, pamene tibvundukula mu Yoswa 3:14-17, tikouona a nsembe anyamula Likasa la umboni ndi kuoloka mtsinje wa Yordano pamene mtsinjewo unali osefukira ndi madzi nthawi ya zokolola. Koma pamene a nsembe analowa mu mtsinje, madzi analeka kuyenda ndipo mtsinjewo unauma. Izi zikutanthauza kuti bvuto la uchimo la munthu linathetsedwa mwa ngwiro pa mtsinje wa Yordano. Mu mtsinje wa Yordanowu, kudzera mu ubatizo omwe Yesu Mwana Wake analandira, Mulungu anathetsa machimo omwe satana anauzilira mwa munthu kuti ambvutitse iye ndi kubweretsa imfa ndi tembelero pa iye. Chiweruzo cha machimo a dziko chatha tsopano. 

Yesu anasenza tchimo lili lonse. Pamene Iye anabatizidwa ndi Yohane Mbatizi mu mtsinje wa Yordano ndi kuturuka m’madzi, Mulungu Atate anati, “Uyu ndiye Mwana wanga wokondedwa, mwa Iyeyu ndikondwera.” Madzi anali m’chiuno chake pamene Yesu ankabatizidwa. Kodi madzi a ubatizowu akutanthauza chiani? Ndi “kuika manja” m’Chipangano Chakale. Chipangano Chakale ndi chithunzi thunzi cha Chipangano Chatsopano. Yesu ndi chikhazikitso cheni cheni. Ndipo pamene Yesu anabtizidwa, Iye analandira machimo onse a mtundu wa anthu, ndipo ndi cholinga chimenechi chomwe Iye anapitira m’madzi. Ubatizo apa ukutiuza kuti Yesu anasenza machimo athu onse, ndipo pamene Yesu analandira machimo athu kudzera mu ubatizo Wake, kuti Iye anamizidwa m’madzi kukutanthauza imfa Yake. Motere, kunena kuti Yesu anabatizidwa ndi Yohane Mbatizi kukutanthauza kuti Iye analandira machimo athu onse. Ubatizo ukutanthauza kusamutsa, kupereka pa, kukwilira, ndi kumiza. Ubatizo omwe Yesu analandira ndi omwe unakwaniritsa chilungamo chonse cha Mulungu.

Kodi mukudziwa chomwe “chilungamo chonse” chikutanthuza apa? Mau oti “chilungamo chonse” ndi “pasan dik-ah-yos-oo’-nayn” mu chi Greek, akutanthauza kuongoka komanso kuyenera. Izi zikutanthauza kuti Yesu wapulumutsa ife moyenera polandira machimo onse a dziko kudzera mu ubatuzo Wake. Mau oti “motero” ndi “hoo’-tos” mu chi Greek, ndipo akutanthauza “m’njira imeneyi,” “osati njira ina koma imeneyi,” ndi “moyenera kwambiri.” Mwanjira ina, mwanjira imeneyi, Yesu Mwini anasenza machimo athu onse payekha mwa kubatizidwa ndi kufufuta machimo a anthu  onse moyenera, osati mwa mau-zikutanthauza kuti, mwachidule, kunena kuti Ambuye anapanga ife okhulupilira ake kukhala opanda uchimo kotheratu. Monga mtsinje wa Yordano ndi mtsinje wa imfa ndipo mphotho yake ya uchimo ndi imfa, Yesu anayenera kufa pamtanda chifukwa cha machimo onse a dziko chifukwa Iye analandira machimo onse a anthu mwa kubatizidwa mu mtsinje wa imfa. Ndi chifukwa chakuti mtsinje wa Yordano ndi mtsinje wa imfa kuti Yesu anabatizidwa  mu mtsinjewu ndi kufa pamtanda. Ndi kuukanso kwa akufa, Iye wapulumutsa okhulupilira ake onse.

Yesu anabatizidwa kupulumutsa ife moyenera ndi mwachilungamo. Muyenera kukhulipilira mu zimenezi pamene mukhulupilira  mwa Yesu. Pali a Kristu ambiri mu Korea komanso kuzungulira dziko lonse amene amakhulupilira mwa Yesu molakwika. Ambiri a iwo amanena kuti mpingo wao ndi wabwino ndipo kuti abusa ao ndi apamwamba, koma ambiri a iwo amakhulupilira mwa Yesu popanda kumvetsetsa ubatizo Wake. Koma nanga mbusa angakhale bwanji wa pamwamba? Yesu ndi wapamwamba, ndi Mau Ake a choonadi ndi patali. Kodi munthu wina wake angapulumutsidwe popanda Mau a choonadi a Yesu? Ai, nzosatheka. Mbusa saloledwa kukhala mbusa weni weni chifukwa iye anaphunzira kuseminale. Azibusa naonso ayenera kulandira chikhululukiro cha machimo pokhulupilira mu ubatizo wa Yesu ndi mwazi Wake; palibe mbusa yemwe ndi wauzimu payekha, pakuti munthu ali yense ndi olephera pamaso pa Mulungu.

Pamene Yesu anaturuka m’madzi atalandira machimo athu onsee kudzera mu ubatizo Wake, miyamba inamtsegukira Iye ndipo Mulungu Atate anati, “Uyu ndiye Mwana wanga wokondedwa, mwa Iyeyu ndikondwera.” Kunena kuti Yesu anamira m’madzi kukutanthauza imfa Yake pamtanda. Kuti Iye anabatizidwa kukutanthauza kuti Iye analandira machimo athu onse. Mwanjira imeneyi, Ambuye anafufuta machimo athu onse. Baibulo choncho limanena  kuti, “adzaonekera pa nthawi yaciwiri, wopanda ucimo, kwa iwo amene amlindirira, kufikira kucipulumutso” (Ahebri 9:28). 

Kuonekera kwachiwiri kwa Ambuye apa kukutanthauza kubwera Kwake kwachiwiri monga oweruza. Kumatchedwa kubwera kwa chiwiri chifukwa ndi kubwerera kwa Ambuye. Pamene Ambuye anadza pa nthawi yoyamba, Iye anadza kupulumutsa ochimwa, koma pamene Iye adzadza kachiwiri, Iye adzaitana olungama ndi kuweruza ochimwa. choncho Baibulo likunena apa kuti Ambuye adzaonekera pa nthawi yachiwiri kwa iwo amene, wopanga uchimo amlindilira Iye. 

Pofuna kupulumutsa mtundu onse wa anthu ku uchimo, Yesu anabatizidwa ndi Yohane Mbatizi. iye anabatizidwa ndi Yohane Mbatizi mu mtsinje wa Yordano kuti ochimwa ali yense akhale munthu olungama pokhulupilira mwa Yesu monga Mulungu Mpulumutsi wake. Ubatizo omwe Yesu analandira mu mtsinje wa Yordano ndi mwazi omwe Iye anakhetsa pamtanda muli nsembe yosinthidwa ya chipulumutso yolembedwa m’Chipangano Chatsopano. Aleluya! Ndikupereka kuthokoza konse kwa Ambuye potipulumutsa ife kudzera mu nsembe yosinthidwayi!