Aufgrund von COVID-19 und der Unterbrechung des internationalen
Postdienstes haben wir unseren "kostenlosen Druckbuch-Service" vorübergehend eingestellt.
Postdienstes haben wir unseren "kostenlosen Druckbuch-Service" vorübergehend eingestellt.
Angesichts dieser Situation können wir Ihnen die Bücher derzeit nicht zusenden.
Beten Sie, dass diese Pandemie bald endet und der Postdienst wieder aufgenommen wird.
Beten Sie, dass diese Pandemie bald endet und der Postdienst wieder aufgenommen wird.
مضمون 11: خیمۂ اِجتماع
[11-25] بخُوردی قربانگاہ اوہ تھاں اے جِتھے خُدا اپنا فضل انعام وانگردیندااے <خروج ۳۰:۱-۱۰>
<خروج ۳۰:۱-۱۰>
”تے تُوں بخُورساڑن لئی کِکر دی لکڑدی اِک قُربان گاہ بناویں۔اوہدی لمان اِک ہتھ تے چَوڑائی اِک ہتھ ہوئے۔ اوہ چَونہہ نکری رہوے تےاوہدی اُچیائی دو ہتھ ہوئےتےاوہدے سِنگ اوسے ٹوٹے نال بنائے جان۔تے تُوں اوہدی اُتلی سطح تے چونہہ پاسیاں نُوں جیہڑے اوہدے آلے دوالےنیں تےاوہدیاں سِنگاں نُوں کھرے سونے نال مَڑھیں تےاوہدے لئی آلے دوالے اِک سونےدا تاج بناویں۔تے تُوں اوس تاج دے ہیٹھاں اوہدیاں دوآں پاسیاں اُتے سونے دے دو کڑے اوہدے دونویں پاسے بناویں۔ اوہ اوہدے چُکن دیاں چوباں لئی خانیاں دا کم دین گے۔تےچوباں کِکر دی لکڑ دیاں بنا کے اوہناں نُوں سونے نال مَڑھیں۔تے تُوں اوہنوں اوس پڑدےاَگے رکھیں جیہڑا شہادت دے صندُوق دے اَگے ہیگا اے ۔ا وہ سرپوش دے اَگے رہوے جیہڑا شہادت دے صندُوق دے اُتے ہیگااے جِتھے مَیں تینوں مِلیا کراں گا۔ایسےاُتے ہارُونؔ خُوشبُودار بخُورساڑیا کرے۔ ہرسویرے دِیویاں نُوں سوارن ویلےبخُورساڑے۔تے دِن ڈُبن ویلے وی جد ہارُونؔ دِیویاں نُوں بالےفیربخُورساڑے۔ایہہ بخُور خُداونددے اَگےتُہاڈی اِک پیڑھی توں لَےکے دوجی پیڑھی تیکر سداساڑیا جائے۔تےتُسی اوس اُتے ہور طرح دا بخُور ناساڑنا نا اوس اُتے سوختنی قُربانی تےچڑھاوےدی قُربانی چاڑھنا تے کوئی چُلہاوی اوہدےاُتے نابالنا۔تے ہارُونؔ ورہے وِچ اِک واری اوہدیاں سِنگاں اُتےفدیہ دیوے۔ تُہاڈی اِک پیڑھی توں لَے کےدوجی پیڑھی تیکر ورے پِچھوں اِک واری ایس غلطی دی قُربانی دے لہونال جیہڑا فدیے لئی ہوئے اوہدے واسطے فدیہ دِتا جائے۔ ایہہ خُداوند لئی سب توں بوہتا پاک اے۔“
جے اسی پاک تھاں ، خُدا دے گھر، دے اندر پیَر رکھیے تاں اسی سب توں پہلوں دِیوادان ،چڑھاوے
دی روٹی دی میز تے بخُور دی قربان گاہ ویکھاں گے۔ بخُور دی قربان گاہ بوہتی پاک تھاں دی چَوگاٹھ دے اگے، جتھے سرپوش سی ، دِیوادان ، چڑھاوے دی روٹی دی میزدے اگے رکھی گئی سی۔ بخُور دی ایس قربان گاہ دی لمان تے چوڑائی دونویں اِک ہتھ سن ،جد پئی ایہدی اُچیائی دو ہتھ سی ۔ پاک کلام وچ ، اِک ہتھ اَج دی کاچھ وچ تقریباً ۴۵-۵۰ سینٹی میٹراے۔ سوبخُوردی قربان گاہ اِک نِکا جیہا مربع سی، جیہدی لمان تے چوڑائی تقریباً ۵۰ سینٹی میٹر تے اُچیائی ۱۰۰ سینٹی میٹر سی۔تے سوختنی قربانی دی قربان گاہ وانگر ، بخُوردی قربان گاہ دےوی چونہہ اُتلیاں نکراں اُتے سِنگ سن۔کِکر دی لکڑ نا ل بنی بخُوردی قربان گاہ سار ی دی ساری سونے نال مَڑھی ہوئی سی ۔
ہیکل دے اندر بخُوردی قربان گاہ چار سِنگ رکھدی سی
جد وڈا کاہن ہر ورہے اِک واری فدیہ دیہاڑے دی قربانی چڑھاؤندا سی ، تاں اوہنوں قربانی دے پشُو دا لہو جیہڑا اسرائیلیاں دے پورے ورہے دا بھار چُکدا سی ،خیمۂ اِجتماع وچ موجود سوختنی قربانی دی قربان گاہ دیاں سِنگاں اُتے لاؤنا پیندا سی ۔ ایسے طرح ، وڈاکاہن بخُوردی قربان گاہ دیاں سِنگاں اُتے وی ایہہ لہو لاؤندا سی ۔ جویں پئی ایہہ لہو خُدا اگے چاھڑیا جاندا سی ، اوہنے پاپ د ا مسئلہ حل کردتا جیہڑا اِسرائیلیاں نوں خُدا ولوں روکدا پیا سی ۔ اسی ساریاں نیں پانی تے رُوح دی خوشخبری اُتے ایمان لیا کے پاپاں دی معافی پائی اے، تے نویں عہد نامے دے اَج دے زمانے وچ ساڈا ایہو ای ایمان اے جیہڑا سانوں ایس لائق بناؤندا اے پئی اسی ساریاں حداں نوں دُور کر سکیے ، جد اسی دُعا کرن لئی خُدا دے اگے آؤندے آں ۔ راستباز لوک وی ایس جگ وچ رہندیاں ہویاں پاپ کردے نیں ۔ پر ، ایس لئی پئی اسی یِسُوعؔ دے بپتسمے تے اوہدی قربانی دے لہو اُتے ایمان رکھدے آں جیہدی پُرانے عہد دا قربانی دا نظام پیش گوئی کردا اے ، اسی ہُن وی خُدا دے اگے آسکدے آں تے نڈر ہو کے اوہدے اگے دُعا کرسکدے آں ۔
ایتھوں تیکر پئی راستباز لوک اوہناں پاپاں دے سببوں جیہڑے اوہ ایس جگ وچ کردے نیں خُدا دے اگے آؤن توں جھکنا محسوس کر سکدے نیں ،پر ایہو جیہیاں ویلیاں اُتے، اوہ پانی تے رُوح دی خوشخبری اُتے بھروسہ کرکے فیر وی نڈر ہوکے خُدا دے کول آسکدے نیں ۔ جویں پئی اسی یِسُوعؔ مسیح دی پانی تے رُوح دی خوشخبری اُتے ایمان رکھدے آں ، اسی نڈر ہوکے خُدا کول آسکدے آں بھاویں ساڈے بدن تے دماغ حالے وی ماڑے ہون ۔ ایہدا سبب ایہہ ہیگا اے پئی اسی پانی تے رُوح دی خوشخبری اُتے اپنے ایمان نال پہلوں ای راستباز بن گئے آں ، تےخُداوند سانوں اِکو ای واری تے سدا لئی مکتی دی سچیائی دے راہیں ساڈیاں ساریاں غلطیاں توں مکتی دے چُکیا اے جیہڑی خیمۂ اِجتماع دے پھاٹک دےاسمانی، ارغوانی تےلال رنگ دے دھاگےوچ ظاہر ہوندی اے ۔ ایس لئی سانوں سدا پانی تے رُوح دی خوشخبری اُتے دھیان کرنا چاہی دا اے ۔ یِسُوعؔ نے ساڈی کامل مکتی نوں یوحنا بپتسمہ دین والے کولوں لَئے گئے اپنے بپتسمہ تے سولی اُتے وگائے جان والے لہو دے راہیں اِک واری تے سدا لئی کامل کیتا اے ، تے جیہڑے لوک ایس مکتی اُتے ایمان رکھدے نیں تے جیہڑے ایمان نئیں رکھدے اوہناں وچکار ایمان دا خاص فرق اے ۔ راستباز پانی تے رُوح دی خوشخبری اُتے ایمان رکھدے نیں ۔ ایس لئی اوہ بِنا کسے جھاکے دے خُدا اگے دُعا کر سکدے نیں ، ایس لئی پئی اوہ ایمان رکھدے نیں پئی یِسُوعؔ نے اپنے بپتسمے دے راہیں اوہناں دیاں ساریاں پاپاں نوں اِک ای واری تے سدا لئی قبول کیتا تے اوہناں لئی اپنا لہو وگایا اے ۔ سو ہر کسے نوں ایہہ وی ایمان رکھنا چاہی دا پئی یِسُوعؔ نے اوہناں دے سارے پاپ اوس بپتسمے دے راہیں چُک لَے جیہڑا اوہنے یوحنا بپتسمہ دین والے کولوں لیا سی ، تے ایہہ پئی اوہ اوہناں دیاں ساریاں پاپاں لئی سولی اُتے اپنا لہو وگا کے قصور وارٹھہرایا گیا سی ۔فیر ای کوئی خُدا دے اگے ایمان دا کاہن بن سکدا اے تے اپنے تے دوجیاں پاپیاں دوآں لئی دُعا کر سکدااے ۔ ایہہ ایمان رکھنا پئی خُدا سانوں ایس جگ دیاں ساریاں پاپاں توں بچا چُکیا اے اوہو ای سچا مسیحی ایمان اے ، تے ایس ایمان دی نِیہ پانی تے رُوح دی خوشخبری اے ۔
پانی تے رُوح دی خوشخبری دے راہیں ، اسی سارے خیمۂ اِجتماع دے پھاٹک دےاسمانی، ارغوانی تےلال رنگ دے دھاگےتےمہین وٹے ہوئے کتان دی لکیر وچ ظاہر ہون والی مکتی دی سچیائی نوں لبھ سکدے آں ۔ تے اسی سارے ایس خوشخبری دی سچیائی اُتے ایمان رکھ کے خُدا دی بادشاہی وچ جا سکدے آں ۔ سو مَیں تہاڈے اگے ایہہ ایمان رکھن دی مِنت کر دا ہاں پئی یِسُوعؔ مسیح دی راستبازی تہاڈی مکتی اے ، پئی اوہنے تہاڈے سارے پاپ چُک لَئے، تے ایہہ پئی اوہنوں سولی اُتے تہاڈیاں ساریاں پاپاں لئی سزا دِتی گئی ۔ فیر تُسی اپنیاں ساریاں پاپاں توں سدا لئی چھٹ جاؤگے ۔ ایہہ صرف خُدا دے وعدے دی خوشخبری ، پانی تے رُوح دی خوشخبری دے کلام اُتے ایمان رکھن نال اے ، پئی تُسی پاپا ں دی معافی پا سکدے او ، اِک راستباز پاک بندے بن سکدے او ، تے ٹھیک ایمان رکھن لئی خُدا دی منظوری پا سکدے او ۔ اِک واری جد تُسی پانی تے رُوح دی خوشخبری اُتے ایمان رکھ کے اپنی مکتی تیکر اَپڑ جاندے او ،تاں سب توں پہلاکم خُدا اگے اوہدے مکتی دےکم لئی دُعا کرنا اے ، یعنی ، پانی تے رُوح دی خوشخبری نوں جگ وچ ہر پاسے ودھاؤن لئی ۔ پانی تے رُوح دی خوشخبری دے راستباز ایماندار خُدا اگے ایس طرح دُعا کردے نیں تاں پئی اوہ خُدا دی کلیسیا ،خُدا دے پاک تھاں دے دِیوادان دے راہیں ایس جگ اُتےخوشخبری دی چمکیلی لو چمکاؤن ۔ خُدا دی کلیسیا دی خدمت دی حمایت کرن تے سارے جگ وچ خوشخبری نوں چنگی طرح ودھاؤن لئی ایمان ساڈے لئی ہو ر وی لوڑی دا اے ۔ ایہہ خُدا دے ایس مہنگے کلام نوں سُنن تے ایس اُتے ایمان رکھن نال اے جیہدی منادی اوہدے خادم کردے نیں پئی سارے جگ وچ ہر بندہ پاپاں دی معافی پاسکدا اے تے ایمان وچ ودھ سکدا اے ۔
تہاڈے مکتی داتا وانگر یِسُوعؔ اُتے تہاڈا ایمان پانی تے رُوح دی خوشخبری والا ہونا چاہی دا اے۔ تے اِک راستباز پاک بندے وانگر ساریاں پاپاں توں بچائے جان لئی ، تہانوں بخُوردی قربان گاہ دے کول آؤنا چاہی دا اے تے پاک تھاں اُتے سرپوش دے اگے کھلونا چاہی دا اے ۔ ایہہ ایناں ضروری کیوں اے ؟ ایہدا سبب ایہہ ہیگا اے پئی تہانوں ہر ویلے خُدا دے فضل دی لوڑ اے ۔ بخُوردی قربان گاہ اوہ تھاں اے جتھے اسی خُدا اگے دُعاواں کردے آں ، ایس لئی پئی ایتھے بخور دا مطلب پاک لوکاں دیاں دُعاواں نیں (مکاشفہ ۵ : ۸)۔ جد وی اسی بخُوردی قربان گاہ کول آؤندے آں تے خُدا اگے منگدے آں تاں اسی خُدا دے فضل دے کپڑے پاؤندے آں ۔ پاک تھاں اُتے بخُوردی قربان گاہ سانوں وکھاؤندی اے پئی ایمان نال خُدا اگے دُعا کرنا خُدا دے فضل نوں لبھن دا راہ اے ۔ ایس لئی اسی پانی تے رُوح دی خوشخبری اُتے ایمان رکھن والیاں نوں بخُوردی قربان گاہ دے کول آؤندیاں رہنا چاہی دا اے تے ایمان نال ہر ویلے خُدا اگے دُعا کرنی چاہی دی اے ، تاں پئی اسی ویلے کویلے خُدا دے فضل نوں پا سکیے ۔
بخُوردی قربان گاہ اوہ تھاں اے جتھے اسی خُدا دے اگے اوہدی مدد لئی مِنت کردے آں
بھاویں اسی پانی تے رُوح دی خوشخبری اُتے ایمان رکھ کے پاپاں دی معافی پا چُکے آں ، فیر وی سانوں اپنیاں بچیاں زندگیاں لئی خُدا دی مدد دی لوڑ اے ۔ ساڈے لئی خُدا دی کلیسیا نال میل جول رکھن تے ایس جگ دی لو وانگر رُوحانی پھل لیاؤن لئی ، خُدا دا فضل سدا ضروری اے ۔ سو ساڈے ساریاں لئی ایہہ بوہت لازمی ہیگا اے پئی اسی خُدا اگے ہر ویلے دُعاکرئیے ، اوہدے کولوں ایہہ منگیے،”خُداوند ، مہربانی کر کے میری مدد کر۔میرے پَیر پکے کر ۔ مینوں ایمان دے ۔ مینوں بدن تے رُوح دوآں وچ پکیاں کر ۔ میرے ایمان نوں پکا کرتاں پئی ایہہ کدی نا ڈولے۔ جگ پِچھے چلن لئی میرے دِل دیاں ساریاں تمناواں نوں مکا دے ۔ میریاں ساریاں پلیت تمناواں نوں دُور کردے۔“ خُدا چاؤہندا اے پئی اسی راستبازبخُوردی قربان گاہ کول آئیے، ایہدے اَگے گوڈے ٹیکئیے، تے اوہدے اگے اِنج دُعا کرئیے تاں پئی اسی ہر شے وچ اوہدا فضل پائیے تے بدن تے رُوح دوآں وچ اوہدی برکت پائیے ۔ ایہو سبب ہیگا اے پئی پاپا ں دی معافی پاؤن والے ہر راستبازپاک بندے لئی بخُوردی قربان گاہ اُتے دُعا والی زندگی گزاردیاں رہنا بوہت ضروری اے ۔
بھاویں اسی راستباز نویں سِریوں جم پئے آں تے پانی تے رُوح دی خوشخبری اُتے ایمان رکھ کے اپنیاں ساریاں پاپاں توں بچ گئے آں ، فیر وی ساڈے لئی ایہہ ضروری ہیگا اے پئی خُدا اگے دُعا کرئیے تاں پئی اوہ ساڈی ہر دن دی زندگی وچ ساڈے اُتے اپنا فضل ورسائے ۔ ایہدا سبب ایہہ ہیگا اے پئی بھاویں اسی راستباز لوکاں نیں پاپاں دی معافی پا لئی اے ، جد تیکر پئی اسی خُدا دے فضل دے کپڑے نا پائیے ، اسی اوس سَوڑے راہ والی زندگی اُتے نئیں چل سکدے جیہدےبارے خُداوند چاؤہندا اے پئی اسی اوس اُتے چلیے ۔ ایہہ فیر ہوندا اے جد راستباز لوک خُدا اگے دُعا منگدے نیں پئی اوہ اوہناں اُتے فضل اُتے فضل گھلے ۔ تے ایہہ فیر ای ہو سکدا اے جد اسی خُدا دی کلیسیاوچ رہیے تے اوہدے کلام دا آکھا منیے ۔ وکھریاں اکھراں وچ ، راستبازلوک خُدا دےفضل دے کپڑے اوس ویلے پاؤندے نیں جد اوہ اوہدی کلیسیا نال رَل مِل کے اوہدے چنگے کم نوں کردے نیں ۔ جویں پئی گل کیتی گئی اے ، وڈاکاہن قربانی دے پشُو دالہو ورہے وچ اِک واری بخُوردی قربان گاہ دیاں سِنگاں اُتے لاؤنداسی ۔ ایہدا مطلب ایہہ ہیگا اے پئی جد وی اسی راستباز خُدا دے اگے آؤندے آں ، سانوں اپنے ایمان دا اقرار کرنا چاہی دااے تے اوہنوں آکھنا چاہی دا اے، ”خُداوند،تُسی میرے مکتی داتا او ۔ تُسی اپنے خُدائی جلال نوں چھڈ دِتا تے بندے دا بدن لَے کے ایس زمین اُتے آگئے۔ تُسی بپتسمہ لَے کے میرے سارے پاپ چُک لَئے۔تے تُسی میرے بدلے اپنا لہو وگایا، ایہہ سارا کُجھ مینوں بچاؤن لئی سی۔“ صرف ایس طرح جد اسی ایس طرح نا ڈولن والاایمان رکھدے آں پئی خُدا ساڈا اپنا خُدا تے مکتی داتا اے اسی اوہدے حدوں دُونے فضل دے کپڑے پاسکدے آں ۔ بھاویں ساڈیاں زندگیاں دے حال کِنے ای بھیڑے کیوں نا ہون ، یِسُوعؔ مسیح ہُن وی ساڈا خُدا تے ساڈا مکتی داتا اے ۔ اوہو ای خُدا اے جنہے سانوں ساڈیاں ساریاں پاپاں تے ساڈیاں ساریاں لعنتاں توں بچایا اے ۔ ایس لئی جد اسی ایس پکے ایمان نال خُدااگے دُعا منگدے آں تاں اسی خُدا دے فضل دے کپڑے پاؤندے آں ۔
اسی اپنی ہر دُعا وچ اِک واری فیر اپنی مکتی دی تصدیق کر سکدے آں
ایہہ ساڈی دُعا وچ اے پئی اسی اِک واری فیر ایس گل دی تصدیق کر سکدے آں پئی خُدا ساڈا اپنا خُدا اے ۔ تے ایہو ای ایمان اے جیہڑا ساڈے لئی خُدا دیاں نعمتاں لیاؤندا اے ۔ وکھریاں اکھراں وچ ، اسی خُدا دے فضل دے تخت دے اگے گوڈے ٹیکن بارے مجبور آں ایس لئی پئی ساڈا پکا یقین ہیگا اے پئی خُدا سانوں لازمی برکت دیوے گا ۔ پانی تے رُوح دی خوشخبری اُتے ساڈا ایمان ایس گل دی ضمانت دیندا اے پئی جد وی اسی خُدا اگے دُعا کراں گے خُداساڈی ہر دُعا دا لازمی جواب دیوے گا۔ خُدا راستبازلوکاں دی ہر دُعا سُن دا اے تے اوہناں ساریاں نوں برکت دیندا اے ۔ سو، جد وی اسی خُدا اگے دُعا کردے آں ، تاں سانوں سب توں پہلوں اوہدے فضل دے بارے اِنج دھیان کرنا چاہی دا اے :”اے خُداوند ، مَیں تیری راستبازی اُتے ایمان رکھدا ہاں ۔مینوں پتہ اے پئی میری زندگی غلطیاں نال بھری ہوئی اے۔ بھاویں مَیں تیری مرضی مطابق زندگی گزارنا چاؤہندا ہاں ، میرے وچ بوہت ساریاں کمیاں نیں ۔پر خُداوند ، مَیں ایہہ وی جاندا ہاں پئی تُسی ایس زمین اُتے بندےدے بدن نال جمے ، پئی تُسی یوحنابپتسمہ دین والے کولوں بپتسمہ لَے کے میرے سارے پاپ چُک لَئے، پئی تہانوں میرے بدلے سولی چاھڑیا گیا ، تے ایہہ پئی تُسی ایس طرح میرے مسیحا بن گئے ۔ تُسی میرے مسیحا تے میرے مکتی دے خُدا او ۔ ایس لئی مَیں سچے دلوں یقین کردا ہاں پئی تُسی میرے اُتے اپنا فضل ورساؤ گے ، ایس لئی پئی تُسی میرے خُداوند او ۔“
ایسے طرح ، جد وی اسی خُدا اگے ایہہ دُعا کردے آں پئی اوہ ساڈے اُتے اپنا فضل گھلے تاں سانوں پہلوں خُدا دے ایس فضل اُتے دھیان کرنا چاہی دا تے اپنا سارا بھروسہ اوسے اُتے رکھنا چاہی دا اے ۔ فیر اسی اپنیاں ساریاں لوڑاں لئی خُدا کولوں نڈر ہوکے منگ سکدے آں ، تے اوہ سانوں آکھے گا ، ”آہو، تُسی سچ مُچ میرے اپنے نیانے او ۔ تہاڈا ایمان جِناں پکا اے ، مَیں سچ مُچ تہاڈا خُدا ہاں تے تُسی سچ مُچ میرے اپنے لوک ہیگے او ۔ ایس لئی مَیں تہاڈی دُعا دا جواب دیواں گا تے تہانوں سدا برکت دیواں گا ۔ مَیں تہانوں سرپوش اُتےمِلاں گا ۔ مَیں تہاڈی دُعا وچوں ویکھ سکدا ہاں پئی تہاڈا میرے اُتے ایمان پکا اے ، تُسی اپنا سارا بھروسہ صرف میرے اُتے رکھیا،تے تُسی سچے دلوں ایمان رکھدے او پئی مَیں تہاڈا خُدا ہاں ۔ ایس لئی مَیں تہاڈی دُعا دا جواب دیواں گا تاں پئی ایس جگ دیاں ساریاں لوکاں نوں ایہہ پتہ لگے پئی لازمی مَیں ای تہاڈا خُدا ہاں ۔ “
ایس طرح ، جد اسی اپنےخُداوند دی مکتی دی سچیائی اُتے ایمان رکھدے آں تاں ایہہ ہیگا اے پئی خُدا سانوں اپنے فضل دے کپڑے پاؤندا اے تے اپنیاں برکتاں دیندا اے ۔ ایہہ پئی اسی اپنیاں ساریاں پاپاں توں بچ گئے آں ساری کہانی دا مُکنا نئیں ہیگا ؛ ایہدے اُلٹ ، جے اسی سچ مُچ اپنیاں ساریاں پاپاں توں مکتی پا چُکے آں ، تاں سانوں ایمان رکھنا چاہی اے پئی خُدا دیاں نعمتاں شروع ہون والیاں نیں ۔ ایس لئی خُدا دی راستبازی اُتے یقین کر کے ای اسی ہر دن اوہدے فضل دے کپڑے پاؤندے آں ۔ فیر ای اسی ایمان والی زندگی گزارن دے لائق ہو سکدے آں ۔ ایس لئی اسی خُدا اگے دُعا کردے آں جد وی ساڈیا ں دلاں وچ کوئی پریشانی بے سبب ہوندی اے ، اوہنوں آکھدے آں ، ”خُداوند، مہربانی کر کے ساڈی مدد کر۔مہربانی کر کے اپنی کلیسیا دی مدد کر۔ تہاڈی کلیسیا نوں حالے تہاڈے کم کرن لئی تہاڈی مدد دی بوہت لوڑ اے۔“ ایتھوں تیکر پئی جد جگ دیاں معاملیاں دی گل ہوندی اے ،جے کوئی پریشانی یا دُعا مضمون ساڈے ذہن وچ آؤندے نیں ، تاں سانوں بخُوردی قربان گاہ اُتے آؤنا چاہی دا اے تےفضل دے تخت دے اگے ایمان نال دُعا کرنی چاہی دی اے ۔ فیر اسی ویکھاں گے پئی خُداوند سانوں ہر شے وچ اپنے فضل دے کپڑے پاوے گا ۔
تہانوں ایتھےیاد رکھنا چاہی اے پئی بخُوردی قربان گاہ اوہ تھاں اے جتھے سانوں خُدا ولوں فضل مِلدااے ۔ سانوں پاک لوکاں نوں خُدا توں اوہدے سارے فضل نوں پاؤن توں علاوہ کسے ہور شے لئی دُعا نئیں کرنی چاہی دی۔ دوجیاں اکھراں وچ ، ایہہ خُدا دیاں برکتاں نوں پاؤنا اے پئی اسی اوہدے اگے دُعا منگدے آں ۔ ہُن جد پئی اسی ایمان دے سبب مکتی پا چُکے آں ، ایہہ ساڈے ساریاں لئی بوہت ضروری اے پئی اسی خُدا اگے ہر ویلے دُعا کرئیے جے اسی سچ مُچ خُدا دے وعدے دے کلام اُتے یقین کردیاں ہویاں اپنیاں باقی زندگیاں گزارنا چاؤہندے آں تے اوہدیاں ساریاں برکتاں لینا چاؤہندےآں ۔ ایس طرح ،بخُوردی قربان گاہ ساڈے لئی خُدا دے فضل دے کپڑے پاؤن لئی ہیگی اے ۔
سب توں وڈی رُکاوٹ جیہڑی خُدااگے دُعا کرن ویلےساڈے اگے آؤندی اے اوہ پاپ اے ۔ ایس جگ وچ کوئی وی اِنج دا نئیں جیہڑا بے پاپ زندگی گزاردا پیاہوئے ۔ سو،جد اسی خُدا کول آؤن تے اوہدے اگے دُعا کرن دی کوشش کردے آں ، تاں جھکن دا پہلاسبب ساڈے پاپ ہوندے نیں ۔ ایس لئی ساڈے لئی ایہہ بوہت ضروری ہیگا اے پئی اسی مکتی دی سچیائی اُتے دوبارہ دھیان کرئیے تے اپنےایمان نوں دوبارہ نواں کرئیے پئی ساڈا خُداوند ساڈیاں ساریاں پاپ نوں خیمۂ اِجتماع دے پھاٹک دے اسمانی، ارغوانی تےلال رنگ دے دھاگے نال مُکا چُکیا اے ۔ دوجیاں اکھراں وچ ، سانوں لازمی بِنا ڈکو ڈولے کھان والا ایمان رکھنا چاہی دا اے پئی یِسُوعؔ مسیح ، خُدا آپ ، ساڈے مکتی داتاوانگر ایس زمین اُتے آیا ،بپتسمہ لَے کے ساڈے سارے پاپ چُکے لَئے ،تے ایہناں ساریاں پاپاں لئی سزا جری ؛ تے ایہہ پئی ساڈے خُدا تے مکتی داتا دا شکریہ ، اسی پہلوں ای اپنیاں ساریاں پاپاں توں معاف ہو گئے آں ۔ جد اسی ایہہ ایمان رکھدے آں فیر ای اسی خُدا اگے اوہدے فضل تے برکت لئی دُعاکر سکدے آں ۔ فیر ای اسی خُدا اگے دُعا کر سکدے آں پئی اوہ سانوں برکت دیوے ۔ ایہہ سانوں ایہہ سبق سکھاؤن ، مکتی دے خُداوند دے کم دا چیتا کراؤن لئی ہیگا اے پئی قربانی دے پشُو دا لہو ورہے وچ اِک واری بخُوردی قربان گاہ دیاں سِنگاں اُتے لایا جاندا سی ۔
صرف اوہو ای بندہ جیہڑا اپنیاں ساریاں پاپاں دی معافی دا بھروسہ رکھدا ہوئے خُدا اگے نڈر ہوکے دُعا منگ سکدا اے
جد اسی خُدا اگے دُعا کردے آں ، تاں اسی اوہدے اگے اپنیاں ساریاں شیواں لئی بِنا کسے جھاکے دے مِنت کر سکدے آں ، اوہنوں اپنا باپ یا اپنا مکتی داتا آکھ کے پکار سکدے آں ۔اسی اوہنوں ایس طریقے نال پکارن لئی ازاد ہاں ایس لئی پئی خُدا سچ مُچ ساڈا باپ ، ساڈا خُداوند ، تے ساڈا مکتی داتا اے ۔ دوجیاں اکھراں وچ ، سانوں خُدا نوں وکھ وکھ ناواں نال پکارن تے اوہدے اگے دُعا کرن بارے کوئی جھاکا نئیں ہیگا ایس لئی پئی اوہ نا صرف سانوں بناؤن والا سگوں ساڈا مکتی داتا وی اے ۔
ایس لئی سانوں ساریاں نوں خُداوند اگے دُعا کرنی چاہی دی اے : ”خُداوند ، مینوں میریاں ساریاں پاپاں توں بچاؤن لئی تیرا شکر اے ۔مینوں سچ مُچ تہاڈیاں برکتاں تے تہاڈی مدد دی لوڑ اے ۔ ایس لئی میری مدد کرو تے راہ دے ہر قدم اُتے میری راکھی کرو۔ مَیں کُجھ کم چنگی طرح کیتے نیں ، پر مَیں بوہت ساریاں غلطیاں وی کیتیاں نیں، تے مَیں ہُن وی کُجھ پریشان ہاں ۔ مَیں اوہناں ساریاں نوں تہاڈے حوالے کردا ہاں ، خُداوند ۔ مَیں تہاڈے اگے مِنت کردا ہاں پئی میری مدد کرو تے میری اگوائی کرو۔ مینوں گواچے ہوئے لوکاں تیکر لَے جاوو تاں پئی مَیں اوہناں نوں تہاڈی خوشخبری سُناواں تے تہاڈے لئی بھرویں رُوحانی پھل لیاواں۔ اوہناں دیاں دلاں نوں کھولو تے اوہناں دیاں دلاں دی دھرتی اُتے ہلا چلاؤتاں پئی مَیں اوہناں اُتے خوشخبری دا بیج بی سکاں ۔ مَیں تہاڈی مِنت کردا ہاں پئی تُسی اپنی کلیسیا نوں وی پکے ہتھیں پھڑی رکھو تے اپنیاں خادماں دی راکھی کرو۔ اوہناں ساریاں نوں برکت دیوو تاں پئی پانی تےرُوح دی خوشخبری دی پھل لیاؤن والی منادی کیتی جاوے۔ تے ایہہ خوشخبری ساری دھرتی اُتے ودھ جاوے ۔تیریاں خادماں نوں تیری راکھی دی لوڑ اے ، ایس لئی مَیں تیری مِنت کرداہاں پئی اوہناں نوں اپنی راکھی ہیٹھ رکھیں ۔ مینوں برکت دے خُداوند ، تے میرے خنوادے نوں برکت دے۔ میریاں بچیاں نوں برکت دے۔ ایسے طرح پاک لوکاں نوں و ی برکت دے۔مسیح وچ میرے سارے نال دے بھراواں تے بھیناں نوں برکت دے۔تہاڈیاں برکتاں بوہت چوکھیاں ہون تاں پئی تہاڈی کلیسیا دے باہر کھلوتیاں غیرایمانداراں نوں وی مکتی مِل جاوے۔“جد اسی دُعا کردے آں تے ایسے طرح اپنیاں ساریاں آساں تے سُفنے خُدادے حوالے کردے آں تاں اوہ لازمی ساڈیاں دُعاواں دا جواب دیوے گاتے سانوں برکت دیوے گا ۔ ایس طرح اسی سارے دُعا دے راہیں خُدا دیاں حدوں دونیاں برکتاں پا سکدے آں ۔ تے ایس طرح اسی ہر دن فضل اُتے فضل پا سکدےآں ۔
خُدا اوہناں ساریاں لوکاں دا خُدا اے جیہڑے اوہدی راستبازی اُتے ایمان رکھدے نیں ۔ اوہ اوہناں لوکاں داخُدا اے جیہڑے پانی تےرُوح دی خوشخبری اُتے پکا ایمان رکھدے نیں ۔ ایس لئی خُدا اپنیاں ساریاں پاک لوکاں اُتے اپنا فضل گھلن وچ کدی ناکام نئیں ہوندا جیہڑے اپنے پکے ایمان نال نڈر ہوکے فضل دے تخت دے کول اَپڑدے نیں تے اوہدے فضل تے برکت لئی مِنت کردے نیں ، ”خُداوند ، میرا ایمان ہیگا اے پئی تُسی میرے خُدا او۔ میرا ایمان ہیگا اے پئی تُسی میرے مکتی داتا او ۔ میری مدد کرو، خُداوند!“
میرے نال دے ایماندارو ، مَیں ایس گل اُتے زور نئیں دے سکدا پئی ساڈے ساریاں لئی ایہہ سمجھنا صرف کِناں ضروری ہیگا اے پئی جگ دیاں پاپاں توں ساڈی مکتی کہانی دا مُکنا نئیں ہیگا ، سگوں سانوں خُداوند اگے ہر ویلے دُعا کرنی چاہی دی اے ۔ جے تہاڈی دُعا خُداوندولوں قبول نئیں ہوندی یا جے تُسی دُعا کرنا وی نئیں جان دے ، تاں تہانوں اپنے ایمان دا گھڑی مُڑی جائزہ لینا چاہی دا اے تے سوچنا چاہی دا اے پئی خُداوند تہاڈے لئی سچ مُچ کون اے ۔ خُداوند نال تہاڈے میل جول دی صاف سیانف بوہت ضروری اے۔ دوجیاں اکھراں وچ، تہانوں ایس گل نوں بھروسے والی بناؤنا چاہی دا اے پئی تہاڈا ایمان پکیاں نِیہاں اُتے ہیگا اے ،ایہہ جاننا تے سچے دلوں ایمان رکھنا پئی خُداوند اسماناں تے زمین دا بناؤن والا اے ؛ پئی اوہ تہانوں بچاؤن لئی ایس زمین اُتے انسانی بدن وچ آیا ۔ پئی اوہنے یوحنا بپتسمہ دین والے کولوں بپتسمہ لَے کے تہاڈے سارے پاپ چُک لَئے؛ پئی تہاڈے بدلے سولی اُتے اوہنے سزا جری ؛ پئی اوہ تریجے دیہاڑے فیر مویاں وچوں جیو ں پیا؛ تے ایہہ پئی اوہ ہُن وی تہاڈے زندہ مکتی داتا وانگر زندہ اے ۔ ہُن جد پئی تہانوں مکتی مِل گئی اے، خُداوندتہاڈا ایالی بن گیا اے تے تُسی اوہدیاں بھیڈاں او۔ ایس لئی تہانوں ایس بارے کوئی شک نئیں ہونا چاہی دا پئی جد وی تُسی اوہدے کولوں مدد منگوگے خُداوندتہانوں جواب دیوے گا ۔
سانوں دن رات دُعا کرنی چاہی دی اے
ساڈے وچوں جنہاں لوکاں نیں ایمان نال خُداوندنوں اپنا مکتی داتا منیا اے تے وفاداری نال دن رات خُدا اگے دُعا کردے نیں اوہ ایس جگ وچ اپنی ساری زندگی وچ اوہدا چوکھا فضل تے برکتاں پاؤن گے ۔ ایہدے توں اُلٹ، ساڈے وچوں جیہڑے لوک کسے وی سببوں جی جان نال دُعا نئیں کردے ، بھاویں اوہ اپنے دل نوں خوش کردیاں ہویاں ایہہ سوچدے نیں پئی خُداوند اوہناں دیاں ساریاں لوڑاں نوں پورا کرے گا بھاویں اوہ دُعا نا وی کرن ، یا اوہناں وچ خُدا دے کلا م اُتے ایمان دا گھاٹا ہوئے ، اوہ خُدا دیاں برکتاں نئیں پاسکدے ، ایس لئی پئی بخُوردی قربان گاہ اوہناں دے ایمان وچوں غائب اے ۔ جے تُسی سوچدے او پئی خُدا تہانوں اوہ سارا کُجھ دیوے گا جیہڑا تُسی چاؤہندے او ایتھوں تیکر پئی جے تُسی صرف ایس لئی دُعا نئیں کردے پئی تہاڈا ایمان ہیگا اے پئی اوہ تہاڈا خُدا اے ، تاں تہاڈا ایمان غلط اے ۔ جے ایہہ سچ سی ، تاں فیر پاک تھاں اُتے بخُوردی قربان گاہ نئیں ہونی چاہی دی سی ۔ کیہ تُہانوں لگدا اے پئی خُدا نے بخُوردی قربان گاہ صرف اَک کے بنائی ؟ نئیں بالکل نئیں ! وڈا کاہن ہارون بخُوردی قربان گاہ نوں ہر سویرے تے شام نوں چونہہ قِسماں دے بخور نال بالدا سی ۔ فیر مِٹھی خوشبو پاک تھاں نوں بھر دیندی ایس لئی پئی بلدے ہوئے بخور دی خوشبو ایہدیاں چونہہ پاسے کھلر جاندی سی ۔ ایہہ سچ مُچ اِک ودھیا خوشبو اے جیہڑی سانوں خُدا دے کول نڈر ہوکے آؤن دے لائق بناؤندی اے ۔ ایہہ بخُورخُدا دے اگے ساڈیاں غلطیاں اُتے پڑدا پاؤن دا اثر وی رکھدااے ۔ مثال طور اُتے ، وڈے کاہن نوں ورہے وچ اِک واری ایس وچ جان توں پہلوں بوہتی پاک تھاں نوں بخُورنال بھرنا پیندا سی ، ایس گل نوں یقینی بناؤندیاں ہویاں پئی بخُوردا بدل ایس سرپوش نوں کج لوے جیہڑا عہد دے صندوق اُتے سی ، یادوجی طریقے نال اوہنوں مار دِتا جاندا(احبار ۱۶ : ۱۲ ۔ ۱۳)۔
میرے نال دے ایماندارو، جد وی اسی خُدا کول جاندے آں ، سانوں لازمی ایس سچیائی دا کامل یقین ہونا چاہی دا اے پئی اسی پہلوں ای پاپاں دی معافی پا چُکے آں ، پئی خُدا ہُن ساڈا خُدا اے ، تے جد و ی اسی اوہدے اگے دُعا کراں گے تاں اوہ ساڈے اُتے اپنا فضل گھلے گا ۔ جد اسی ایس طرح بِنا ڈکوڈولے کھان والے ایمان نال خُدا دے اگے آؤندے آں تے اوہدے فضل دے تخت دے اگے نڈر ہوکے کھلوندے آں ، تاں اسی نا صرف کوئی سزا نئیں جراں گے ،سگوں اسی خُدا دے فضل نوں پاواں گے ۔ خُدا رحم کرن والا
خُدا اے جیہدا حدوں چوکھا فضل ساڈے ساریاں اُتے ہوندا اے ۔
بخُور دی قربان گاہ نال لگے ہوئے کڑے وی سونے نال بنے ہوئے سن
خُدا دی ہیکل وچ بخُور دی قربان گاہ اِک مستطیل متوازی الاضلاع سی (چھے نکراں والی اِک کثیر الاضلاع) جیہدی لمان تے چوڑائی تقریباً ۵۰سینٹی میٹرتےاُچیائی ۱۰۰ سینٹی میٹر سی ، تے قربانگاہ دے دوآں پاسے سونے دیاں کڑیاں دے دو جوڑے وی جڑے ہوئےسن ۔ فیر ایہناں سونے دیاں کڑیاں دے راہیں دو چوباں لائیاں گئیاں سن ۔ ایہہ چوباں وی کِکر دی لکڑنال بنیاں ہویاں سن تے سونے نال مڑھیاں ہویاں سن ۔ بھاویں بخُور دی قربان گاہ کاچھ وچ نِکی سی ، پر ایہنوں دو بندیاں نوں چُکنا پیندا سی ۔ ایس لئی پئی ایہدی لمان تے چوڑائی صرف ۵۰سینٹی میٹر تے ایہدی اُچیائی بوہتی توں بوہتی ۱۰۰ سینٹی میٹرسی ، ایس لئی ایہنوں صرف اِک بندہ سوکھا جیہا چُک سکدا سی تے لَے جاسکدا سی ، پر خیمۂ اِجتماع دیاں دوجیاں ساریاں بھانڈیاں وانگر ، ایہدی کدی اجازت نئیں سی ۔ایہدا مطلب ایہہ ہیگا اے پئی سانوں راستبازاں نوں خُدا نال اتفاق کر کے دُعا کرنی چاہی دی اے جویں پئی خُداوند یِسُوعؔ نے فرمایا، ”فیر مَیں تُہانوں آکھنا آں جے تُہاڈے وچوں زمِین اُتے دو کِسےکم واسطے رَل کے دُعامنگن گےاوہ میرے باپ ولّوں جیہڑااسماناں وچ اے اوہناں دے لئی کیتا جائے گا “ (متی ۱۸: ۱۹)۔
بخُور دی قربان گاہ دیاں ایہہ چوباں سانوں ایہہ وی وکھاؤندیاں نیں پئی سانوں نویں سریوں جمن والیاں نوں اپنیاں دُعاواں نال خُدا دی خدمت کرنی چاہی دی اے ۔ ساڈیاں ایمان دیاں دُعاواں وی ساڈے لئی خُداوند دی خدمت کرن دا اِک طریقہ نیں ۔ ہُن جد پئی اسی اپنیاں ساریاں پاپاں توں نویں سریوں جم پئے آں ، اسی وکھ وکھ طریقیاں نال خُدا تے اوہدی کلیسیا دی خدمت کر سکدے آں ، بھاویں اوہ دُعا کرن دے راہیں ہوئے یا اپنیاں رضاکار خدمتاں نال ۔ جد اسی خُدا اگے دُعا کردے آں ، تاں اسی صرف اپنے لئی دُعا نئیں کردے ، سگوں اسی خُدا دے کم ، ایہدی کلیسیا ، ایہدے بندیاں ، تے خاص کر کے خوشخبری نوں ودھاؤن لئی دُعا کردے آں ۔ دوجیاں اکھراں وچ ، ساڈیا ں دُعاواں ناصرف سانوں خُدا دے فضل دے تخت دے اگے کھلون تے اوہدی رحمت نوں پاؤن دی اجازت دیندیاں نیں ، سگوں اوہ سانوں خُدا دی راستبازی دی خدمت کرن دے لائق وی بناؤندیاں نیں ۔ ایہہ رَل کے دُعا کرن نال ہیگا اے پئی اسی خُدا دی بادشاہی دی خدمت کر سکدے آں ۔ جد اسی اپنے نال دے بھراواں تے بھیناں لئی ، کلیسیا لئی ، گواچیاں ہویاں لوکاں لئی ، خُدا دی بادشاہی نوں ودھاؤن لئی ، تے خُدا دی راستبازی دی خدمتاں لئی دُعا کردے آں ، تاں اسی خُدا دی خدمت لئی اِنج کردے آں ۔ ایس لئی ساڈے لئی پاک تھاں اُتے بخُور دی قربان گاہ اُتے خُدا دی خدمت کرن والے کاہناں دیاں بھیتاں نوں سمجھنا بوہت ضروری اے ۔ سانوں ایس ایمان نال خُدا اگے سچے دلوں دُعا کرنی چاہی دی اے ۔ جویں اسی خُدا تے اوہدیاں لوکاں دی خدمت لئی خُدا دے کلام دی منادی کردے آں ،ایسے طرح اسی خُدا اگے اوہدی تے اوہدیاں لوکاں دی خد مت لئی وی دُعا کردے آں۔ ساڈا ساریاں دا ایہہ فرض ہیگا اے پئی ہر طریقے نال خُدا دی خدمت کرئیے ۔
اِک خُدا پرست مسیحی زندگی گزارن تے خُدا دی مرضی دی خدمت کرن لئی تہانوں سب توں خاص کم جیہڑا کرن دی لوڑ اے اوہ ہیگا اے خُدا تے اوہدی راستبازی اُتے ایمان ۔ ایہہ صرف ایمان ہیگا اے پئی تُسی خُدا دے کلام دی منادی کر سکدے او ، اوہدے اگے دُعا کرسکدے او ، پانی تےرُوح دی خوشخبری ودھا سکدے او ، تے خُداتے اوہدی راستبازی دی خدمت کر سکدے او ۔ اسی جیہڑا کُجھ وی خُداد ی خدمت کرن لئی کردے آں اوہ ایمان نال اے ۔ تُسی کدی وی ایمان دی خُدا پرست زندگی نئیں گزار سکدے جد تیکر پئی تُسی خُدادی مرضی نوں قبول نا کرو۔ مَیں ایس گل اُتےاینا زور نئیں دے سکدا پئی ایہہ کِناں خاص اے پئی اسی خُدادی خدمت کرن لئی دُعا کرئیے ۔ جد وی پاک لوک اپنیاں اپنیاں گرجیاں وچ اکٹھے ہوندے نیں ، ساڈیاں بھراواں توں لَے کے ساڈیاں بھیناں تیکر تے ایتھوں تیکر پئی سنڈے سکول وچ ساڈیاں نیانیاں تیکر ، اوہناں ساریاں نوں سب توں پہلوں خُدا دی خدمت کرنی چاہی دی اے ۔ سانوں خُدا دے کلام دی روٹی ونڈن لئی اکٹھیاں ہونا چاہی دا اے ۔ تے سانوں خُدادی راستبازی دی خدمت وی کرنی چاہی دی اے ۔ ساڈیاں دُعاواں اِک مِٹھی خوشبو وانگر خُداکول اَپڑدیاں نیں جد اسی نویں سریوں جمن والےاوہدے اگے رَ ل کے ایہہ آکھدیاں ہویاں دُعا کردے آں ، ”خُداوند،پکے ہتھیں پھڑ تے اپنی کلیسیا ، اپنے خادماں ، تے سارے جگ دی کلیسیا وچ اپنیاں پاک لوکاں نوں برکت دے ۔ اوہناں دیاں رُوحاں تے دلاں نوں برکت دے ،تے اوہناں نوں مبارک ایمان دے ۔ اوہناں ساریاں لوکاں نوں بچا جیہڑے حالے تیکر گواچے ہوئے نیں۔“ دُعادی ایس مِٹھی خوشبو دا سواد لیندیاں ہویاں ، خُدا فیر سانوں جواب دیندا اے تے سانوں برکت دیندا اے۔ اوہ ہرشے دا جواب دیندا اے جیہڑی اسی اپنیاں دُعاواں وچ اوہدے کولوں منگدےآں ۔ دُعا نال خُدا دی خدمت کرن دا ایہو ای مطلب اے ، تے مَیں تہانوں ساریاں نوں ہدایت کردا ہاں پئی صرف اپنیاں لوڑاں لئی دُعا کرن دی بجائے اپنیاں دُعاواں وچ خُدا دے کم نوں یاد رکھو۔
بھاویں کلیسیا وچ ہر پاک بندے نوں دُعا کرنی چاہی دی اے ، بھاویں تُسی کسے وی سببوں سب توں بوہتے ویلا دے سکدے او ، بھاویں اوہ ایس لئی ہوئے پئی تُسی ریٹائرڈ او یا روگی او، تہانوں خُدا دی کلیسیا ، اوہدیاں خادماں تے اوہدیاں پاک لوکاں لئی ہور وی بوہتی دُعاکرنی چاہی دی اے ۔ ایہہ خاص کر کے گھر رہن والیاں زنانیاں لئی بوہت خاص اے ۔ ایہہ پیسے دے گھاٹے دے سبب نئیں ہیگا پئی اسی خُداوند دی خدمت نئیں کرسکدے ۔ تُسی بِنا پیسے دے خُداوند دی خدمت کرن دے لائق توں بوہتے او۔ تُسی اپنے ایمان دے نال جِناں چاہوپانی تےرُوح دی خوشخبری دی خدمت کر سکدے او ۔ جویں دو چوباں بخُور دی قربان گاہ دیاں کڑیاں وچ پائیاں گئیاں سن جنہوں دو بندے اپنیاں موہڈیاں اُتے چُک سکدے سن ، جیہڑے غریب نیں اوہ ہُن وی اپنے ایمان دیاں دُعاواں نال خُداونددی خدمت کر سکدے نیں پر شرط ایہہ ہیگی اے پئی اوہ خُدادی کلیسیا نال میل جول رکھن ۔ جیہڑے لوک امیر نیں اوہ وی ایسے طرح اپنے پیسیاں جائیداداں نال خُداونددی خدمت کر سکدے نیں ۔ صرف ایہہ نا آکھو ، ”مَیں اپنی نوکری وچ بوہت مصروف ہیگا واں پئی کسے وی ویلے نوں خُداونددی خدمت لئی وکھ کر سکاں ۔ میرے کول حالے کوئی ویلا نئیں ہیگا ۔“ ہر اِک راستباز پاک بندہ ایمان نال خُداوند تے اوہدی مرضی دی خدمت کر سکدا اے ، بھاویں اوہ اوہدیاں قربانیاں ، دُعاواں، یا خوشخبری دی منادی نال ہوئے ۔ اسی سارے خُداوند دی مرضی دی خدمت کرن دے لائق توں بوہتے آں جے اسی صرف اِنج کرن دی تمنا رکھدے آں ۔تے اسی نویں سریوں جمن والے سارے خُدا دیاں برکتاں پا سکدے آں پر شرط ہیگی اے پئی اسی اوہناں لئی تڑپ دے آں ۔
خُدا سانوں ساریاں نوں برکت دیندا اے جیہڑے پانی تےرُوح دی خوشخبری اُتے ایمان رکھدےآں
خُداوندساڈا ایالی اے ۔ خُداوندنال ساڈا میل جول ایناں خاص ہیگا اے پئی کوئی وی شے سانوں اوس توں وکھ نئیں کر سکدی ۔
آؤ ایتھے متی ۲۶:۲۶-۲۸ ول دھیان کرئیے:”تےجداوہ پئے کھا ندے سن تد یِسُوعؔ روٹی لئی تےبرکت دے کے توڑی تے شاگِرداں نُوں دے کے آکھیا ۔لوؤ کھاؤایہہ میرا بدن اے۔تےاوس پِیالہ لےکے شُکر کیِتاتےاوہناں نُوں دے کےآ کھیا تُسی سارے ایہدےوِچوں پِیو۔کیوں جو عہد دا ایہہ میرا اوہ لہواے ۔جیہڑا بتھیریاں دی خاطر گُناہاں دی مُعافی لئی وگایا جاندا اے۔ ‘‘
ناں، ”یِسُوعؔ“ دا مطلب مکتی داتا یا مسیحا اے ،تے اسی اوہنوں اپنا خُداوند آکھدے آں تاں پئی ایہہ ظاہر ہوئے پئی اوہ ساڈا خُدا تے ساڈا مالک اے ۔ ساڈا خُداوند یِسُوعؔ ایس زمین اُتے ساڈے اپنے مکتی داتا وانگر سانوں ساریاں نوں مکتی دین لئی آیا سی ۔ خُدا آپ ایس زمین اُتے بندے دے بدن لَے کے جمیا سی ۔ تے سولی اُتے مرن توں ٹھیک پہلوں ، ساڈے خُداوندنے اخیری کھانا تیار کیتا ، اپنیاں شاگرداں نوں اکٹھیاں کیتا تے اوہناں نوں روٹی تے مَے دِتی ، تے اوہناں نوں آکھیا ،”روٹی لوؤتےکھاؤ۔ایہہ میرا بدن اے۔ایہہ پِیالہ لوؤتے ایہدےوِچوں پِیو۔ایہہ میرا اوہ عہددالہواے ۔جیہڑا بتھیریاں دی خاطر گُناہاں دی مُعافی لئی وگایا جاندا اے۔ ‘‘ایہدا مطلب ایہہ ہیگا اے پئی خُدا نے ایس زمین اُتے ساڈے اپنے مکتی داتا وانگر آ کے تے آپ ای پانی تے رُوح دے راہیں اپنے وعدے دے کلام نوں پورا کر کے سانوں بچایا اے جویں پئی پُرانے عہد نامے وچ پیشین گوئی کیتی گئی سی ۔ ایس طرح ساڈے مکتی داتا وانگر ایس زمین اُتے آؤن دے بعدوں ، ساڈے خُداوند نے یردن دے دریا وچ یوحنا بپتسمہ دین والے دے راہیں بپتسمہ لے کے ایس جگ دیاں ساریاں پاپاں نوں قبول کیتا ۔ ایہدے بعدوں اوہنے اپنے بدن نوں سولی اُتے دے دِتا ، تے ایس طرح ، ایس جگ وچ ہر کسے دی سزا نوں جریا ۔ تے اوہ فیر مویاں وچوں جیوں کے سانوں نویں زندگی دے چُکیا اے ۔
پئی قربانی دے پشُو دا لہوبخُور دی قربان گاہ اُتے پایا جانا یِسُوعؔ مسیح دی بدنی موت ول اشارہ کر دا اے ۔ ایسے طرح ، اپنے بپتسمے دے راہیں ساڈیاں ساریاں پاپاں نوں جرن دے بعدوں ، یِسُوعؔ مسیح نے اپنے آپ نوں قربان کیتا تے ساڈے لئی سولی اُتے اپنا لہو وگایا ۔ ایس قربانی دے راہیں ای اسی مکتی یافتہ ہو گئے آں ۔ ایہہ پانی تےرُوح دی ایس خوشخبری اُتے ساڈے ایمان دے سبب ہیگا اے پئی اسی اپنی مکتی تیکر اَپڑے آں ۔ ایہہ کسے انھے یا من مرضی دے عقیدے نال نئیں ہیگا پئی اسی اپنیاں ساریاں پاپاں توں بچ گئے آں ، سگوں ایہہ صرف ایس لئی ہیگا اے پئی یِسُوعؔ ، خُدا آپ ، ساڈے مکتی داتا وانگر ایس زمین اُتے آیا ، بپتسمہ لے کے ساڈے سارے پاپ اپنے بدن اُتے چُکے ، تے ساڈے ساریاں لئی اپنا مہنگا لہو وگایا ۔
ایس طرح خُدا نے ساڈی مکتی نوں پورا کیتا ، جیہڑی خیمۂ اِجتماع دےپڑدے دے پھاٹک دے اسمانی، ارغوانی تےلال رنگ دے دھاگےتےمہین وٹے ہوئے کتان وچ لُکی اے ۔ ایتھے ارغوانی رنگ ایس گل دی نشانی دیندا اے پئی بادشاہواں دا بادشاہ آدمی بن گیا ۔ ایہہ سانوں سکھاؤندا اے پئی یِسُوعؔ نے یوحنا بپتسمہ دین والے دے راہیں بپتسمہ لَےکےساڈیاں ساریاں پاپاں نوں قبول کیتا تے ساڈے بدلے اپنا لہو وگا کے ساڈیاں پاپاں دی ساری مزدوری دے دِتی ۔ ایس طرح خُداوند ساڈا اپنا مکتی داتا بن گیا ۔ پانی تےرُوح دی ایس خوشخبری اُتے ایمان ای اوہ ایمان اے جیہڑا سانوں رب دے کھانے وچ اکٹھیاں ہون دے لائق بناؤندا اے ۔ جد یِسُوعؔ نے اخیری کھانے دی تیاری کیتی ، تاں اوہنے صرف روٹی ای نئیں سگوں مَے وی تیار کیتی ؛تے اوہنے اپنیاں شاگرداں نوں آکھیا پئی اوہ دونویں کھاؤ تے پیو۔ ایتھے روٹی یِسُوعؔ دے بدن ول اشارہ کردی اے ، جیہدا مطلب ایہہ ہیگا اے پئی خُدا آپ بندہ بن گیا تاں پئی سانوں پاپیاں نوں بچائے ۔ روٹی دا مطلب ایہہ وی ہیگا اے پئی یردن دے دریا وچ بپتسمہ لے کے ، یِسُوعؔ نے ساڈے سارے پاپ اپنے پِنڈے اُتے چُک لَئے ۔ دوجے پاسے ، مَے زندگی تے مکتی دے لہو وَل اشارہ کردی اے جیہڑا یِسُوعؔ نے ساڈے بدلے سولی اُتے وگایا سی ۔
سو، جد وی اسی رب دے کھانے وچ رَلدے آں، تاں ساڈے ساریاں لئی ایہہ پکا ایمان رکھنا بوہت ضروری اے پئی خُدا آپ سانوں بچاؤن لئی بندے دے بدن وچ ایس زمین اُتے آیا ، پئی اوہنے بپتسمہ لے کے ساڈے سارے پاپ اپنے بدن اُتے چُک لَئے ، پئی ساڈے بدلے سولی اُتے اوہنوں سزا دِتی گئی ،تے ایہہ پئی اوہنے اَنج سانوں بچایا اے تے ساڈا اپنا مکتی داتا بن گیا ۔ پر ، دُکھ والی گل ایہہ ہیگی اے پئی بوہتیاں مسیحیاں نوں ایہدے ٹھیک سبب دا پتہ نئیں ہیگا پئی یِسُوعؔ مسیح نے رب دے کھانے دی ایس رِیت نوں کیوں قیم کیتا تے سانوں حکم دتا پئی اوہدے پرت کے آؤن تیکر ایہنوں کردے رہیے ۔ تہانوں اپنی ایمان والی زندگی نوں کدی وی ایویں ای نئیں سمجھنا چاہی دا ۔ جے تہانوں حالے وی یقین نئیں ہیگا پئی یِسُوعؔ تہاڈا مکتی داتا اے ، تاں تہانوں رب دے کھانے وچ یِسُوعؔ دی روٹی تے مَے کھان پین توں پہلوں اپنے ایمان دے بارے وچ بوہت دِل لا کے دھیان کرنا چاہی دا اے ۔ سارے جذباتی ہون دے بجائے ، دھیان کر کےسوچو تے اپنے آپ توں سچے دلوں پُچھو پئی کیہ خُداوند سچ مُچ تہاڈا خُداوند ہیگا اے یا نئیں ۔
خُدا تہاڈا تے میرا خُدا اے ۔ اوہنے تہاڈے تے میرے پیو دادے نوں بنایا ۔تے اوہنے سانوں ایس زمین اُتے پیدا ہون دی اجازت دتی ۔ ایہہ خُدا کوئی ہور نئیں سگوں یِسُوعؔ اے ۔ تے یِسُوعؔ ،آپ خُدا ، ساڈے اپنے مکتی داتا وانگر ایس زمین اُتے آیا ۔ سانوں بچاؤن لئی ساڈے مکتی داتا وانگر ایس زمین اُتے آؤن دے بعدوں اوہنے اپنے بپتسمے دے راہیں ساڈے سارے پاپ اپنے پِنڈے اُتے چُک لَئے ۔ ایہدے بعدوں اوہ وفاداری نال ساڈیاں ایہناں پاپاں وچوں ہر کسے نوں سولی اُتے لَے گیا ، ایہناں وچوں کسے توں وی اپنے آپ نوں سکون نئیں دِتاتے سولی دی سزا نوں جریا کیہ جیہڑی صرف لعنتیاں نوں جرنی چاہی دی اے ، تاں پئی اسی اپنیاں پاپاں لئی قصوروار نا بنیے ۔ ایس طرح خُداوند سانوں ساڈیاں ساریاں لعنتاں توں بچا چُکیا اے ۔
جے تُسی صرف اِک ویلے لئی وی پانی تےرُوح دی خوشخبری دے بارے سوچو تاں تُسی مکتی دی ایس سچیائی نوں سوکھے جیہے سمجھ سکدے او ۔ جگ دیاں ساریاں پاپاں توں مکتی پاؤن لئی پانی تےرُوح دی خوشخبری نوں اپنے دل وچ قبول کرنا اے ۔ مینوں یقین اے پئی خُداوند نے اپنے پانی تے لہو دے راہیں مینوں میریاں ساریاں پاپاں توں بچایا اے ۔ اِنج دا کُجھ نئیں ہیگا جیہڑا مَیں آپ اپنی مکتی لئی کیتا ہوئے ۔ جد یِسُوعؔ ایس زمین اُتے آیا ، جد اوہ بیت لحم دے اِک نِکے جیہے طویلے وچ جمیا، مَیں اوتھے نئیں ساں ، نا ای مَیں کسے شکل یا صورت وچ مداخلت کیتی، مَیں خُدا اگے مینوں بچاؤن لئی بوہت گھٹ مِنت کیتی سی ۔ پرخُداوند ایس زمین اُتے آیا سی جیہڑا میریاں ارادیاں توں ہٹ کے بندیاں والا بدن لَے کے جمیا، سارا کُجھ مینوں بچاؤن لئی سی ۔ مینوں پورا یقین اے پئی ایہہ مینوں بچاؤن لئی سی پئی یِسُوعؔ ایس زمین اُتے آیا ، بپتسمہ لیا ، تے سولی اُتے اپنا لہو وگایا ۔
خُدا باپ نے جگ نال اینی محبت کیتی پئی اوہنے اپنا اِکلا پُتر دے دِتا ۔ خُدا آپ ایس زمین اُتے ہر بندے نوں بچاؤن لئی آیا ۔ تے سچ مُچ تہانوں تے مینوں ساڈیاں ساریاں پاپاں توں بچا چُکیا اے ، تے اوہ تہاڈا تے میرا مکتی داتا بن گیا اے ۔ سانوں اپنی مکتی تیکر اَپڑن لئی صرف ایناں کرنا اے پئی یِسُوعؔ مسیح اُتے بھروسہ کرنا اے ، جیہڑا آپ خُدا اے ، تے اپنیاں دلاں وچ اوس مکتی دے کم نوں قبول کرنا اے جیہڑا اوہنے ساڈے لئی کیتا اے ۔ صرف اوہو ای لوک جیہڑے اپنی طاقت ولوں سارے دے سارے تھک گئے نیں ، جنہاں نیں ایہدی فضولیت نوں سمجھدیاں ہویاں اپنیاں ہمتاں روک دِتیاں نیں ، تے جنہاں نیں اپنیاں پاپاں دی معافی تے اپنی مکتی نوں کامل طریقے نال خُدا دے حوالے کر دِتا اے — ایہو جیہے لوک ای خُدادافضل پا سکدے نیں ۔ بھاویں ایہہ تہاڈے خیال وچ تہانوں سمجھوں باہرلگ سکدا اے ، پر آپ خُدا نے سانوں ساریاں نوں مکتی دین لئی ساڈی مکتی نوں بالکل پورا کیتا اے ۔ ایس لئی ساڈے کرن لئی خُدا دی مکتی دے کم اُتے ایمان رکھن توں علاوہ ہور کُجھ نئیں ہیگا ۔
اپنےآپ نوں سارے دے سارے خُدا دے حوالے کر دیئو
اپنے آپ نوں خُدادے حوالے کرنا تہاڈے لئی بوہت ضروری اے ۔ خُدا نے تہاڈے لئی جیہڑا کُجھ کیتا اے ایہدے بارے وچ سوچو۔ خُداآپ بندہ بن گیا سی ۔ تے خُداتے ایہہ صرف تہانوں تے مینوں بچاؤن لئی کیتا ۔ ایس توں علاوہ ، یِسُوعؔ ، جیہڑا آپ خُدااے ، نے ساڈے لئی بپتسمہ لیا تاں پئی ساڈیاں ساریاں پاپاں نوں جر سکے تے ایہناں ساریاں نوں مُکا سکے۔ یِسُوعؔ مرن تیکر سولی اُتے وی چڑھیا ، سولی اُتے ساڈے لئی اپنا مہنگا لہو وگایا ۔ ایس طرح ساڈے بدلے اوہنوں سزا دِتی گئی ، سارا ساڈے ہر اِک پاپ دا،مُل اُتارن لئی، سانوں ساڈی سزا توں مکتی دین لئی ، تے ساڈے لئی ساڈ ی سزا توں بچنا سوکھا بناؤن لئی سی ۔ فیر اوہ سانوں نویں تے سدا دی زندگی وچ واپس لیاؤن لئی تریجے دیہاڑے دوبارہ مویاں وچوں جیوں پیا۔
تے ہُن ، اوہ خُدا باپ دے تخت دے سجے ہتھ اُتے بیٹھا اے تے ساڈی ساریاں دی راکھی کر دیا پیا اے ۔ اوہ ویکھدا پیا اے پئی کیہڑا اپنا سارا کُجھ اوہدے حوالے کرن لئی تیار اے ، آپ خُدا تے مکتی داتا ، تے جیہڑا اوہدے اُتے سچے دلوں ایمان رکھدا اے ۔ جیہڑے یِسُوعؔ نوں پا چُکے نیں اوہ اوہ لوک نیں جنہاں نیں اپنا سارا کُجھ خُدا دےحوالے کر دِتا اے ۔اوہ ایمان رکھدے نیں پئی خُداوند اوہناں نوں کامل طریقے نال بچا چُکیا اے ۔ اوہناں نوں پتہ اے پئی اوہناں نیں اپنی مکتی لئی اپنے ولوں کُجھ نئیں کیتا ۔ اوہ یقین رکھدے نیں پئی ایہہ صرف اوہدی محبت دے سببوں ہیگا اے پئی خُدا نے اوہناں نوں مکتی دی سچیائی دے راہیں بچایا اے جیہڑی خیمۂ اِجتماع دے پھاٹک دےاسمانی، ارغوانی تےلال رنگ دے دھاگے وچ ظاہر ہوندی اے ۔ تے ایہو جیہاں ساریاں لوکاں نوں جنہاں نیں اپنے آپ نوں کامل طریقے نا ل خُدا دے حوالے کر دِتا اے ، تے جیہڑے خُداتے اوہدے کلام نوں اپنیاں دلاں وچ قبول کر چُکے نیں ، خُدانے اپنے نیانے بنن دا حق دِتا اے ۔
سومَیں تہاڈی مِنت کردا ہاں پئی تُسی رب دے کھانے وچ اکٹھیاں ہون توں پہلوں مکتی دی ایس سچیائی نوں صاف طریقے نال سمجھ لوؤ ۔ یِسُوعؔ نے جیہڑا بپتسمہ لیا اوہ ساڈیاں ساریاں پاپاں نوں جرنا تے اوہناں دا فدیہ دینا سی ۔ یِسُوعؔ نے جیہڑی بدنی موت جری اوہ تہانوں تے مینوں ساڈیاں ساریاں پاپاں توں بچاؤن لئی سی ۔ ایس طرح ساڈیاں ساریاں پاپاں نوں جرن دے بعدوں ، یِسُوعؔ نوں سولی اُتے چاھڑیاگیا ، اوہدا سارا لہو ساڈے بدلے وگایا گیا ، تے سانوں پاپ دی سزا توں چھڈاؤن لئی تے راستباز بناؤن لئی ایس طرح دی سزا دِتی گئی ۔
سانوں ساریاں نوں پاک تھاں اُتے رہن تے دُعا کرن لئی ، خُدا سانوں اپنے فضل دے کپڑے پاؤن لئی بخُوردی قربان گاہ دے چُکیا اے ۔ ایہہ اوہ تھاں ہیگی اے جتھے اسی خُدا ولوں فضل پا سکدے آں ۔ سو مَیں تہاڈے وچوں ہر کسے نوں ہدایت کردا ہاں پئی تُسی اپنے آپ نوں سارے دے سارے خُداوند دے حوالے کر دیوؤ ۔
ہیلیلویاہ!
Copyright © 2021 by The New Life Mission