Aufgrund von COVID-19 und der Unterbrechung des internationalen
Postdienstes haben wir unseren "kostenlosen Druckbuch-Service" vorübergehend eingestellt.
Postdienstes haben wir unseren "kostenlosen Druckbuch-Service" vorübergehend eingestellt.
Angesichts dieser Situation können wir Ihnen die Bücher derzeit nicht zusenden.
Beten Sie, dass diese Pandemie bald endet und der Postdienst wieder aufgenommen wird.
Beten Sie, dass diese Pandemie bald endet und der Postdienst wieder aufgenommen wird.
مضمون 9: رومیوں (رومیوں دی کتاب اُتے تفسیر)
[11 باب] کیہ اِسرائیل مکتی یافتہ ہووےگا ؟
رومیوں ۱۱ : ۱ آکھدااے ، ”ایس لئی میَں آکھدا ہاں کیہ خُدا نے اپنی قوم نوں رَدّ کردتا ؟ بالکل نہیں ! کیوں جے میَں وی اِسرائیلی ابراہام دی پیڑھی تے بنیمین دے قبیلے وچوں ہیگا ہاں ۔ “دوجے اکھراں وچ ، خُدا نے اِسرائیلیاں نوں نئیں چھڈیا، ایس لئی پئی پولُس اپنے آپ وی اک اِسرائیلی سی ۔
خُدارومیوں ۱۱ : ۲ ۔ ۵وچ آکھدااے ، ”خُدا نے اپنی اوس قوم نوں رَدّ نئیں کیتا جنہوں اوہنے پہلوں توں جانیا ۔کیہ تہانوں نئیں پتہ پئی پاک کتاب ایلیاہ دے بیان وچ کیہ آکھدی اے ؟ پئی اوہ خُدا اگے اِسرائیل بارے اِنج فریاد کردااے پئی ۔اے خُداوندا اوہناں نیں تیرے نبیاں نوں قتل کیتا تے تیریاں قربان گاہاں ڈھائیاں ۔ ہُن میَں اکلا بچیا ہاں تے اوہ میری جان وی لینا چاؤہندے نیں ۔ پر خُدا نے اوہنوں کیہ جواب دتا ؟ ایہہ پئی میَں اپنے لئی ۷ ہزار بندے بچا لَے نیں جنہاں نیں بعل دے اگے گوڈے نئیں ٹیکے ۔ ایس لئی ایسے طرحاں ایس ویلے وی فضل دے راہیں چُنے جان دے سبب کجھ بچے نیں ۔ “
جویں خُدا نے سانوں دسیا پئی بوہتے اِسرائیلی یسوع اُتے ایمان رکھن دے راہیں اوہدے کول پرت آؤن گے ، بوہتے یہودی اپنے پاپاں توں مکتی پاؤن گے ۔ سانوں لازمی طور اُتے ایمان رکھنا چاہی دا اے پئی جدوں جگ دے اخیری ویلا آوےگا ، اوپریاں قوماں دے بوہت چوکھے لوک خُدا دی راستبازی اُتے ایمان رکھن تے یسوع مسیح دے کول آؤن دے راہیں اپنے پاپاں توں مکتی پاؤن گے ۔
پولُس نے پُچھیا، ” کیہ تہانوں نئیں پتہ پئی پاک کتاب ایلیاہ دے بیان وچ کیہ آکھدی اے ؟ “ایتھے ، پولُس سچی گل کرداپیا اے پئی اخیریں بوہتے اِسرائیلی ہون گے جیہڑے خُدا دی راستبازی اُتے بھروسہ کرن گے جنہے اوہناں دے پاپاں نوں چُک لیا ۔ ایلیاہ نال بولے گئے خُدا دے کلام نال ، پاک کتاب سانوں دسدی اے پئی اسرائیلیاں وچوں بوہتے اپنے مکتی داتا وانگر یسوع مسیح نوں قبول کرن گے ۔ اسیں ایس کلام اُتے ایمان رکھدے آں ۔
پاک کتاب وچ ، عدد ”۷“ کاملیت بارے دسدا اے ۔ خُدا نے ایس جگ نوں ۶ دیہاڑیاں وچ بنایا تے ۷ ویں دیہاڑے آرام کیتا ۔ خُدا نے ۷ ہزار لوکاں نوں سنبھالن داوعدہ کیتا جیہڑے بعل دے اگے نئیں ڈگن گے ۔ ایہدا مطلب سی پئی بوہتے اِسرائیلی ہون گے جیہڑے اپنے مکتی واتا وانگر یسوع مسیح نوں قبول کرن دے راہیں اپنے پاپاں توں مکتی پاؤن گے ۔
اِسرائیلیاں تے اوپریاں قوماں وچکار تعلق دسن بارے ، پولُس ایمان رکھداسی پئی اِسرائیلیاں دے لوکاں وچکار بوہت سارے مکتی یافتہ ہون گے ۔
کیہ اوہناں نیں ڈگن لئی ٹھوکر کھاہدی ؟
پولُس نے رومیوں ۱۱ : ۶ ۔ ۱۲ وچ آکھیا پئی جے اِسرائیلیاں نے کامل طریقے نال ایس سچیائی نوں منیا ہوندا پئی یسوع اوہناں دا مکتی داتا سی ، تاں اوپریاں قوماں دی مکتی دا ویلا نہ آؤندا ۔ایس لئی پئی اِسرائیلیاں نے اپنے مکتی داتا وانگر یسوع نوں قبول نہ کیتا ، خُدا نے اوپریاں قوماں نوں پانی تےرُوح دی خوشخبری دے راہیں مکتی یافتہ ہون دا ویلا پاؤن دی اجازت دتی ۔ ایس طرحاں ، خُدا نے اِسرائیلیاں لئی اوپریاں قوماں توں سڑن دا ارادہ کیتا ، جنہاں نیں یسوع اُتے ایمان رکھیا تے اوہدے پُتر بن گئے ۔ فیر اِسرائیلی اپنے مکتی داتا وانگر یسوع مسیح نوں مننا شروع کرن گے تے اخیریں سچ نوں منن گے پئی بنا شک یسوع مسیح اوہناں دا مسیحا اے ۔
جڑ پاک اے ایسے طرحاں ٹہنیاں وی پاک نیں
رومیوں ۱۱ : ۱۳دسدااے ، ” میَں ایہہ گلاں تہاڈے اوپریاں قوماں نال کردا ہاں ۔ ایس لئی پئی میَں اوپریاں قوماں دا رسول ہیگاواں ایس لئی اپنی سیوا دی وڈیائی کردا ہاں۔ “ پولُس نے آکھیا پئی اوہنے اوپریاں قوماں دے رسول وانگر اپنی سیوا دی دڈیائی بارے دسیا اے ۔ اوہ اپنے سکیاں تے خونی رشتے داراں نوں نویں سریوں جمے ہوئے اوپریاں قوماں دے ساڑ توں اوہناں نوں تیز کرن دے راہیں بچاؤنا چاؤہنداسی ۔
”ایس لئی پئی جدوں اوہناں دا رَدّ کیتے جانا جگ دے آملن دا سبب ہویا تاں کیہ اوہناں دا مقبول ہونا مویاں وچوں جیوں اُٹھن وانگر نہ ہووےگا ؟ جدوں چڑھاوے دا پہلا پیڑا پاک کیتا گیا تاں سارا گُنہیا ہویاآٹا وی پاک اے تے جدوں جڑ پاک اے تاں ٹہنیاں وی اِنج ای نیں۔ “(رومیوں ۱۱ : ۱۵ ۔ ۱۶)۔ایس حوالے دا مطلب ہیگا اے پئی جے ابرہام ، اِسرائیل دی جڑ،مکتی یافتہ سی تے اوہدے کلام اُتے ایمان رکھن دے راہیں اوہنے خُدا دی راستبازی پائی ، فیر ایہہ حالے تیک سوکھا سی پئی اِسرائیلی،مطلب اے ابرہام دیاں ٹہنیاں ، مکتی یافتہ ہوجان ۔
اوسے ویلے ، پولُس نے نویں سریوں جمے ہوئے اوپریاں قوم دے لوکاں نوں خبر دتی پئی اوہناں نوں شیخی نئیں مارنی چاہی دی ایس لئی پئی اوہ خُدا دے پاک لوک بن گئے نیں جویں جنگلی زیتون دے رُکھ دیاں توڑیاں گئیاں ٹہنیاں نوں اک نویں پھل دار زیتون دے رُکھ وچ پیوند کرن دے راہیں نویں حیاتی ملدی اے ۔ جویں رومیوں ۱۱ : ۱۸ دسدااے ، ” تاں اوہناں ٹہنیاں دے وانگر گھمنڈ نہ کر تےجے گھمنڈ کریں تاں جان لَے پئی تُوں جڑ نوں نئیں سگوں جڑ نے تینوں سنبھالیا اے ۔ “
اسیں خُدا دے لوک بن گئے ایس لئی پئی اسیں خُدا دی راستبازی اُتے ایمان رکھن دے راہیں اپنے پاپاں توں مکتی یافتہ ہوگئے آں ، پر جے اسیں خُدا دی راستبازی چھڈ دے آں ، اسیں وی چھڈ دتے جاواں گے ۔ اسیں ایہہ نہیں کرسکدے ایس لئی پئی یسوع مسیح نےسانوں ساڈے سارے پاپاں توں بچاؤن لئی خُدا دی راستبازی پوری کیتی اے ،تے ایس لئی پئی اسیں بنا شک اپنے سارے پاپاں توں مکتی یافتہ ہوگئے آں ۔ اسیں خُدا دی حتمی راستبازی اُتے اپنے ایمان رکھن دے راہیں مکتی یافتہ ہوگئے آں ، اپنے چنگے کماں نال نئیں ۔ اسیں ، اوپریاں قوم والے ، اوہدی راستبازی اُتے اپنے ایمان دے راہیں ، اِسرائیل دیاں ٹُٹیاں ہویاں ٹہنیاں دا چنگا بدل بن کے اوہدے لوک بن گئے آں ۔
اسیں پکے ہو کے قائم رہ سکدے آں کیوں جے اسیں خُدا دی راستبازی اُتے ایمان رکھدے آں
ایس لئی ، خُدا دی راستبازی اُتے ایمان رکھن دے راہیں ،دونویں مسیحی تے یہودی اوہدے لوکاں وانگر یسوع وچ پیوند ہوسکدے نیں ۔ جے اسیں خُدا دی راستبازی اُتے ایمان نئیں رکھدے ، اسیں لازمی طور اُتے عادل عدالت دے راہیں اپنےپاپاں دے سبب مرجاواں گے ۔ پولُس نے پہلوں اِسرائیلیاں نوں خبر دتی ،پر اسیں وی خبر توں باہر نئیں ہیگے آں ۔
خُدا نے ساڈے اوپریاں قوماں اُتے ترس کھاہدا ،تے سانوں کامل طریقے نال اپنی راستبازی نال بچایا ۔ اوہ خُدا دی راستبازی نوں جان دے تے ایمان رکھدے نیں تے اپنے سارے پاپاں توں مکتی یافتہ نیں ۔ اج دے سارے مسیحی برباد کیتے جان گے جے اوہ خُدا دی راستبازی اُتے ایمان نئیں رکھدے پئی خُدا نے اوہناں نوں کامل طریقے بچایا اے ، ایتھوں تیک پئی جے اوہ اقرار کردے نیں پئی یسوع اوہناں دامکتی داتا اے ۔
رومیوں ۱۱ : ۲۳ ۔ ۲۴ آکھدااے ، ”تے اوہ وی جے بے ایمان نہ رہن تاں پیوند کیتے جان گے ایس لئی پئی خُدا اوہناں نوں پیوندکرکے سوارن دی طاقت رکھدااے ۔ ایس لئی پئی جدوں تُوں زیتون دےرُکھ توں وڈیچ کے جیہدی اصل جنگلی اے اصل دے خلاف چنگے زیتون وچ پیوند ہو گیا تاں اوہ جیہڑیاں اصل ٹہنیاں نیں اپنے زیتون وچ لازمی پیوند ہو جان گئیاں ۔ “ دوجے اکھراں وچ ،خُدا ہرکسے نوں اپنی راست بازی اُتے ایمان رکھن وچ اگوائی دین دی طاقت رکھدااے ۔ اوس طاقت دا پانی تے رُوح دی خوشخبری دے راہیں خُدا دی راستبازی وچ وعدہ کیتاگیا اے۔
ایس لئی پئی دونویں اِسرائیلیاں تے اوپری قوم دے چنگے کم خُدا دے پُتر بنن لئی اوہناں دی اگوائی نئیں کردے ۔سگوں، اوہ اوہدی راستبازی اُتے تے اوہدے وعدے اُتے اوہناں نوں خُدا دےلوک بناؤن لئی ،ایمان رکھن دے راہیں خُدا دے پُتر بن سکدے نیں ۔ خُدا دی راستبازی کامل طریقے نال شریعت دی راستبازی نوں رَدّ کردی اے ۔ خُدا دی راستبازی دے راہیں،دونویں ، اِسرائیلی تے اوپری قوم سارے جگ وچوں اپنے ایمان دے راہیں مکتی یافتہ ہون گے ۔ ایہہ خُدا دی وڈی مکتی دی برکت اے جیہڑی ساڈے راہیں ودھائی جان والی خوشخبری دے سبب پوری ہووے گی ۔ خُدا دی ایہہ قدرت
اوہدی راستبازی وچ کیتا گیا ایمان دا وعدہ اے ۔
آؤ اسیں رومیوں ۱۱ : ۲۶ ۔ ۲۷ اُتے اک نظر پائیے ، ”تے ایس سببوں سارا اِسرائیل مکتی پاوے گا۔ ایس لئی لکھیا اے پئی چھڈاؤن والا صیون وچوں نکلے گا ۔ تے بے دینی نوں یعقوب وچوں دفع کرے گا ۔تے اوہناں نال میرا ایہہ وعدہ ہووے گا ۔ جد پئی میَں اوہناں دے پاپاں نوں مکاواں گا ۔ “
خُدا نے وعدہ کیتا اے پئی اوہ اخیریں ساراجگ مکاؤن دے ویلے اُتے اِسرائیلیاں نوں بچاوےگا ۔ ایسے طرحاں ، خُدا نے اپنے آپ اِسرائیلیاں دے دلاں وچوں پاپ تے گند نوں مکاؤن دا تے اوہناں نوں اوہناں دے مکتی داتا وانگر یسوع مسیح اُتے ایمان رکھواؤن دا فیصلہ کیتا ۔ بھاویں اوہ وفادار وڈ وڈیرے رکھدے سَن ، اِسرائیلیاں اپنے آپ مکتی نئیں پائی اے ۔ پر خُدا اوہناں دے دلاں نوں ہتھ لا کے تے اپنی راستبازی اُتے اوہناں کولوں ایمان رکھواؤن دے راہیں آؤن والے دیہاڑیاں وچ بوہت چھیتی اوہناں نوں مکتی دین دی مرضی نوں وکھا چُکیا اے ۔
خُدا سانوں ساریاں نوں نافرمانی دے حوالے کر چُکیا اے ، تاں پئی اوہ ساڈے ساریاں اُتے فضل کر سکے!
آؤ اسیں آیت ۳۲ پڑھیے ، جیہڑی پئی بوہت گہری آیت ہیگی اے ۔ ”ایس لئی پئی خُدا نے ساریاں نوں نافرمانی وچ قید ہون دتا تاں پئی ساریاں اُتے ترس کھاوے ۔ “ ہر کوئی باغی ہونداتے خُدا خلاف کھلوندا اے ۔ کوئی وی کامل طریقے نال اوہدا آکھا نئیں من سکدا ، سگوں ایہہ سبب ہیگا اے پئی خُدا سانوں ساریاں نوں نافرمانی دے قیدی کر چُکیا اے تاں پئی اوہ ساڈے اُتے فضل تے محبت وکھا سکے ۔ ایہہ بوہت حیران کرن والی تے انوکھی سچیائی اے ۔
ایس حوالے دے سبب ، اسیں سمجھ سکدے آں پئی کیوں خُدا نے سارے لوکاں نوں نافرمانی دے قیدی بنایا اے۔ اوہدی فضل بوہت حیران کرن والا اے !خُدانےسانوں اپنی کامل راستبازی تے ترس والی محبت دے لیڑے پواؤن لئی نافرماناں وانگر رکھیا اے ۔ اسیں صرف ایمان رکھ سکدے آں تے اوہدے حیران کرن والے ارادے لئی اوہدا شکر کر سکدے آں ۔ خُدا نے ایتھوں تیک پئی اسرائیلیاں نوں نافرمانی وچ اوہناں نوں اپنی راستبازی دی محبت دین لئی قیدی بنایا اے ۔ اسرائیلی حالے تیک یسوع نوں کُجھ نئیں سمجھدے ، ناصرت دے نیویاں لوکاں وانگر اوہنوں سمجھدے ہویاں ، جد پئی بوہت سارے اوپریاں قوماں دے مسیحی اوہنوں پیسہ کماؤن دے وسیلے دے سبب وانگر ورتدے نیں ۔
اوہ جیہڑے خُدا دی ترس بھری محبت دی نافرمانی کردے نیں وچارے ہیگے نیں سگوں دوزخ وچ جان دے حقدار نیں ۔ خُدا نے پہلوں ای اوہناں لئی بلدا ہویا دوزخ تیار کیتا اے ، پر اوہ لوکاں نوں دوزخ جاندیاں ہویاں ویکھ کے جر نئیں سکدا ، ایس لئی پئی اوہ اوہناں اُتے بوہت ترس کھاندااے ۔ ” میَں کویں تینوں دوزخ گھل سکدا ہاں ؟ “اوپریاں قوماں دے سارے لوکاں دے بعدوں جیہڑے اوہدی مکتی پا چُکے نیں ، اسرائیلیاں وچوں بوہت سارے ، جدوں مخالف ِ مسیح اوہناں نوں ۷ ورہیاں دے وڈے دکھاں دے اخیری ادھے حصے وچ ستاوے گا ، یسوع اُتے اپنے مکتی داتا وانگر ایمان رکھن گے ۔ آؤن والے دیہاڑیاں وچ ، بوہت چوکھے ایماندار جیہڑے خُدا دی راستبازی وانگر یسوع دا اقرار کردے نیں ، اِسرائیلیاں وچوں وکھالی دین گے ۔
”ایس لئی پئی خُدا نے ساریاں نوں نافرمانی وچ قید ہون دتا تاں پئی ساریاں اُتے ترس کھاوے ۔ “ایہہ حیران کرن والا حوالہ کھولدا اے پئی خُدا نے ساریاں پاپیاں نوں اوہناں دی راستبازی اُتے ایمان رکھن دے راہیں مکتی یافتہ ہون دی اجازت دتی اے ۔
خُدا نے پولُس نوں دسیا پئی اوہ اسرائیلیاں کولوں توبہ کروائے گا تے مسیح اُتے ایمان رکھواوےگا جدوں اوپریاں قوماں دے کئی لوک دکھاں نوں جردیاں ہویاں شہید ہوجان گے ۔جویں پولُس رومیوں ۱۱ : ۳۳ وچ آکھدا اے ، ”واہ !خُدا دی دولت تے دانائی تے تعلیم کیہ ای ڈوہنگی اے ! اوہدے فیصلے کنے سمجھوں باہر تے اوہدیاں راہواں بوہت بے نشان نیں !“
ساری کھری دانائی تے رب دا فضل خُدا ولوں ملدا اے ۔ اوہنے شروع توں ای ساریاں لوکاں نوں ادھورے پیدا کیتا ۔ ایتھے خُدا دی دانائی وکھالی دیندی اے ، جیہڑی اوہدی مکتی پاؤن لئی سانوں اجازت دیندی اے ۔ ایس سبب توں ، اخیری دیہاڑیاں وچ اوہدے اُتے ایمان رکھنا ایتھوں تیک پئی اسرائیلیاں نوں بچاوےگا ۔ اسیں سارے وچارے ہیگے آں سگوں گند تے اگ وچ سُٹے جان دے حقدار ہیگے آں ، پر خُدا نے سانوں اپنی تیار تے اوہدے راہیں مکمل کیتی گئی راستبازی نال ، ساڈے سارے پاپاں توں سانوں بچایا اے ۔خُدا سارے پاپیاں لئی یسوع دے بپتسمے تے لہو دے راہیں ،پُرانے عہد نامے وچ اکٹھیاں ہون دے تنبو دے قربانی دے طریقے مطابق مکتی یافتہ ہون دی مرضی نوں ظاہر کر چُکیا اے ، جدوں سارے لوک شیطان کولوں دھوکہ کھا کے تے خُدا دی شریعت نوں توڑ کے پاپی بن گئے ۔
فیر ، کویں ، کوئی خُدا دی دانائی دے خلاف کھلون دی ہمت کر سکدا اے؟ ”ایس لئی پئی اوسے دے ولوں تے اوسے دے راہیں تے اوسے لئی ساریاں شیواں نیں ۔ اوہدی وڈیائی ہمیش تیک ہوندی رہوے ۔ آمین ۔ “ کیہڑا ایس سچیائی نوں سمجھ سکدا اے ، پئی خُدا سانوں اپنا فضل دین دے بارے وچ نافرمانی دے قیدی بنا چُکیا اے ؟ کویں کوئی آکھن دی ہمت کر سکدااے پئی اوہ اِنج کرن وچ غلط اے ؟ کوئی نئیں !سارا جلال تے خُدائی فضل اوسے دا سداقائم رہن والا تے ہمیش تیک اے ۔
پولُس رسول نے ، پاک رُوح نال بھر کے ، لکھیا ، ”خُداوند دی دانائی نوں کنے جانیا؟ یاں کیہڑا اوہنوں مشورہ دین والا ہویا ؟ یا کنہے پہلوں اوہنوں کچھ دتا جیہدے بدلے اوہ کجھ پاوے ؟ایس لئی پئی اوسے دے ولوں تے اوسے دے راہیں تے اوسے لئی ساریاں شیواں نیں ۔ اوہدی وڈیائی ہمیش تیک ہوندی رہوے ۔ آمین ۔ “(رومیوں ۱۱ : ۳۴ ۔ ۳۶)
بھاویں اسیں سارے غلطیاں بھرے آں ، اسیں خُدا دی راستبازی دی خوشخبری ودھاؤن لئی جیوندے آں ۔ اوہ جیہڑے خُدا دی راستبازی دی ایس خوشخبری دے خلاف کھلوندے نیں اوہدے ویری نیں ۔ ایہہ ٹھیک اے ! ایہو جیہے لوک ایتھوں تیک پئی ساڈے وچوں کھلو سکدے نیں ،تے ایس طرحاں سانوں دعا منگنی چاہی دی اے تے خبردار ہونا چاہی دا اے تاں پئی ساڈے وچوں کوئی وی ایہو جیہی اڑاؤنی وچ نہ پھسے ۔ کسے وی حالاں وچ سانوں کدی خوشخبری دے خلاف کھلونا نئیں چاہی دا ۔ سانوں لازمی طور اُتے کدی ایمان نہ رکھن والے دلاں نال پانی تے رُوح دی خوشخبری دے خلاف نئیں ہونا چاہی دا ۔ اوہ جیہڑے اوہدے خلاف ہوندے نیں ایس جگ وچ تے اگلے جہان وچ برباد ہو جان گے ۔
اسرائیلیاں دا یسوع اُتے ایمان رکھن دا ویلا نیڑے ہیگا اے ۔ ایہہ کنا حیران کرن والا ہووے گا جے ایس جگ دے ۷ارب لوک خُدا دے کول پرت آؤن تے مکتی پاؤن ؟ راستباز جیہڑے خُدا دی راستبازی اُتے ایمان رکھدے نیں ، اوہناں نوں صرف موجودہ ویلیاں نوں نئیں ویکھنا چاہی دا ، سگوں اسرائیلیاں لئی تیار کیتے گئے خُدا دے کم نوں وی ویکھنا چاہی دا اے تے اپنا ایمان داخل ہون تے نویں اسمان تے نویں دھرتی اُتے جیوندے رہن لئی تیارکرنا چاہی دا اے ۔ راستبازاں نوں سدا ایمان تے آس دے
راہیں جیوندے رہنا چاہی دا اے ۔
میَں خُدا داشکر کردا ہاں ،ایس لئی پئی مینوں پتہ ہیگا اے پئی اوہ دیہاڑا جدوں اِسرائیلی اپنے مکتی داتا وانگر مسیح اُتے ایمان رکھن گے ، نیڑے ہیگا اے ۔
اے خُداوند یسوع ، چھیتی آ !
Copyright © 2021 by The New Life Mission