Aufgrund von COVID-19 und der Unterbrechung des internationalen
Postdienstes haben wir unseren "kostenlosen Druckbuch-Service" vorübergehend eingestellt.
Postdienstes haben wir unseren "kostenlosen Druckbuch-Service" vorübergehend eingestellt.
Angesichts dieser Situation können wir Ihnen die Bücher derzeit nicht zusenden.
Beten Sie, dass diese Pandemie bald endet und der Postdienst wieder aufgenommen wird.
Beten Sie, dass diese Pandemie bald endet und der Postdienst wieder aufgenommen wird.
Thema 1: Die Wiedergeburt aus Wasser und Geist
1-27. کلامِ مقدّس وِچ کیہڑیاں آیتاں ثابت کردِیاں نیں پئی” رسوُلاں نیں یسوُع دے بپتسمہ اُتے بوہت سوائی زور دِتا؟ “
سانُوں سب توں بوہتا ،اپنے بپتسمہ تے یسوُع دے بپتسمہ دے معنی وِچ فرق کرنا چاہی دااے۔اَسیں صِرف پانی دا بپتسمہ لین دے سبب نویں پیدائش حاصل نئیں کر سکدے۔اَسیں صِرف یسوُع مسیِح اُتے ایمان لیان دے سبب نویں پیدائش حاصل کر سکدے آں۔ دُوجیاں رسماں مثلاً بپتسمہ یا ختنہ خُدادی مکتی لئی بوہت ضروری شرطاں نئیں ۔ کلامِ مقدّس پانی دے اوس بپتسمہ نُوں اوناں دی نجات لئی بوہت ضروری بیان نئیں کردی ایہدی بجائے ایہہ اوس بپتسمہ اُتے زور دیندی اے جیہڑا یسوُع نے یوحنا اصطباغی کولوں لیا سی ۔
اصل وِچ ،کلام ِ مقدّس دےاجیہے بوہت سارے بیان نیں جیہڑے ثابت کردے نیں پئی یسوُع
دا بپتسمہ ساڈی مکتی لئی بوہت لازمی تے ضروری اے۔اوہدے بپتسمہ دی سرِ عام منادی ،سب توں پہلاں چونہہ انجیلاں وِچوں ہر اِک وِچ اوہدے مکمل سچے عمل دی بڑی وضاحت دے طورتے کیتی گئی اے۔مثال دے طور تےانجیل ِ مقدّس ،مرقس دی انجیل دا شروع یسوُع مسیِح خُدا دے پُتر دی خوشخبری توں ہوندااے ،لازمی طورتے یسوُع دے بپتسمہ توں تے یوحنا نے انجیل نُوں تاریخی ترتیب نال لِکھیا، یعنی یسوُع دے بپتسمہ لین دے دن توں شروع کردے ہویاں اجیہی اصطلاحاں وَرتیاں، ” دُوجے دِن “ (۱:۲۹) تے”تیجے دِن“ (۲:۱)۔
یوحنا اصطباغی نے یسوُع نُوں بپتسمہ دین دے اَگلے ای دِن خُدا دے کلام دا اعلان کیتا، ” ویکھو! ایہہ خُدادابرّہ اے جیہڑا دُنیا دا پاپ چُکی لے جاندااے۔ “ (یوحنا۱:۲۹)۔ایس حوالے دا مطلب اے پئی جدوں یوحنا اصطباغی نے اوہنوں بپتسمہ دِتا تے دُنیا دے سارے پاپ اوہدے تے لد دِتے گئے ۔فیر ،اوہ ساڈے پاپاں دے کفّارہ لئی صلیب اُتے ، ایہہ آکھدے ہویا ں مرگیا ،” تمام ہویا ! “ (یوحنا ۱۹:۳۰)تے تیجے دِن ،مویاں وِچوں جی اُٹھیا۔
پولُس رسول نے وی آکھیا ،” مسیِح کتاب ِ مقدّس دے مطابق ساڈے پاپاں لئی مویا۔“ (۱۔کرنتھیوں ۱۵:۳)۔ایتھے کتاب ِ مقدّس توں مُراد پُرانا عہدنامہ اے ۔ اِک پاپی معافی حاصل کرن لئی کِس طرحاں قربانی چڑھاسکداسی ؟اوہنوں قربانی نُوں ذبح کرن توں پہلے اوہدےسِر اُتے اپنا ہتھ دھرنا پینداسَن ۔”جے اوہ پاپ دی قربانی دے پسُو دے سِر اُتے ہتھ رکھن“دے طریقے نُوں چھڈ دینداتے اوہ غیر شرعی قربانی چڑھان نال معافی حاصل نئیں کرسکداسی ۔
پولُس رسول نے آکھیا۔” کیہ تُسیں نئیں جان دے پئی اَسیں جِنہاں نے مسیِح یسوُع وِچ شامل ہون دا بپتسمہ لیاتے اوہدی موت وِچ شامل ہون دا بپتسمہ لیا؟ “ (رومیوں ۶:۳)۔فیر ایہہ کِویں ممکن اے پئی اَسیں یسوُع وِچ شامل ہون دا بپتسمہ لیندے آں؟ مسیِح یسوُع وِچ شامل ہون دا بپتسمہ لینا ،یسوُع دے یردن اُتے بپتسمہ لین اُتے ایمان رکھنا ایں نہ پئی ایہہ ساڈ ا پانی دا بپتسمہ اے۔جداَسیں ایس سچ اُتے ایمان رکھدے آں پئی یوحنااصطباغی نے یسوُع نُوں بپتسمہ دیندے وقت ساڈے سارے پاپ اوہدے اُتے لد دِتے ،تے فیر ای اَسیں اوہدے وِچ شامل ہون دا بپتسمہ لے سکدے آں۔
”تے تُسیں سب جِنہاں نے مسیِح وِچ شامل ہون دا بپتسمہ لیا مسیِح نُوں پالیا۔ “ (گلتیوں ۳:۲۷)۔جِنھاں لوکاں نے یوحنا اصطباغی دے ذریعے اپنے پاپ یسوُع اُتے ایمان دے راہیں لد دِتے نیں
، اوہ خُدا دے بے پاپ پُتر بن گئے نیں۔
” اوہدے وِچ تُہاڈ ا اجیہا ختنہ ہویا جیہڑا ہتھ نال نہیں ہوندایعنی مسیِح دا ختنہ جیہدے نال جِسمانی بدن اُتاریاجاندا اے “ (کلسیوں ۲:۱۱)۔جِسم توں پاپاں دے بدن نُوں کٹن دے راہیں پاپ توں مکتی حاصل کرن دا طریقہ ہتھاں دے اَڈ رُوحانی طورتے ختنہ کرانا سی ، (رومیوں ۲:۲۹۔بیان کردااے،”ختنہ اوہو ای اے جیہڑا دِل دا تے رُوحانی اے“) ، یعنی کہ پولُس رسوُل نے فرمایا ،ایہہ یسوُع دے بپتسمہ اُتے ایمان لیانا اے ،جیہڑا ،ساڈے دِلاںوِچوں پاپاں نُوں دُور کردااے ۔
”تے اوسے پانی دا مشابہ وی یعنی بپتسمہ یسوُع مسیِح دے جی اُٹھن دے راہیں ہُن تُہانوں بچاؤندا اے ۔ اوہدے توں جِسم دی ناپاکی دُور کرنا مُراد نئیں ،سگوں خالص نیت نال خُدا دے طالب ہونا مُراداے۔“ (۱۔پطرس ۳:۲۱)۔
بپتسمہ اِک مشابہ اے جیہڑا سانُوں بچاندااے ۔ جِویں پئی اَسیں پہلے توں جان دے آں، نُوح دے دِناں وِچ لوک پانی اُتے ایمان نہ لیان دے سبب ہلاک ہوئے ، ایتھوں تیک پئی اَج وی اجیہے نافرمان لوک نیں جیہڑےہلاک ہو جان گے،بھانویں اوہ یسوُع اُتے ایمان رکھدے نیں ،اوہدے بپتسمہ اُتے ایمان نئیں رکھدے جیہڑا پئی پانی اے۔
یوحنا رسوُل نے اپنے پہلے خط وِچ خوشخبری دے بارے ہر شَے نُوں واضح کیتا، ” ایہوای اےجیہڑا پانی تےخون دے راہیں آیا سی یعنی یسوُع مسیِح۔ اوہ نہ صِرف پانی دے راہیں سگوں پانی تے خون دونواں دے راہیں آیا سی ۔“ (۱۔یوحنا۵:۶)۔یسوُع سانُوں ساڈے سارے پاپاں توں بچان لئی دونویں اپنے بپتسمہ تے صلیب دے راہیں ساڈے کول آیا۔ یوحنا نے ایہہ وی آکھیا،”تے گواہی دین والے تِن نیں۔ رُوح تے پانی تے خون تے ایہہ تِنوں اِکوای گل اُتے متفق نیں ۔“ (۱۔یوحنا ۵:۸)۔ایہہ آیت سانُوں دَسدی اے پئی یسوُع دا بپتسمہ ،صلیب تے رُوح سارے دے سارےواحد کامل مکتی نُوں تشکیل دیندے نیں۔
یسوُع نے نیکدیمس نُوں فرمایا، ” میَں تینوں سچ آکھداآں جد تیکر کوئی بشر پانی تے رُوح دے نا ل نویں سِرے توں پیدا نہ ہووے ،اوہ خُدا دی بادشاہی وِچ داخل نئیں ہوسکدا۔ “ (یوحنا ۳:۵)۔اَسیں پانی تے رُوح دے راہیں نویں سِرے توں پیدا ہوئے آں۔مکتی تے رُوح القدّس انعام دے طورتے حاصل کرن تے مکتی یافتہ ہون دے سلسلے وِچ صِرف اوہدے بپتسمہ تے صلیب اُتے ایمان لیان دی تُہانُوں لوڑ اے ۔کلامِ مقدّس ” نویں سِرے توں پیدا ہون “ دے بارے تعلیم دیندا اے ۔
ایویں،پطرس رسوُل نے آکھیا، ” توبہ کرو تے تُہاڈے وِچو ں ہر اِک اپنےپاپاں دی معافی لئی یسوُع مسیِح دے ناں تے بپتسمہ لوے تے تُسیں رُوح القدّس اِنعام وِچ پاؤگے۔“ (اعمال ۲:۳۸)۔اپنےسارے پاپاں دی معافی تے رُوح القدّس دے انعام نُوں حاصل کرن لئی ، تُہانوں اپنے دِل دِیاں ڈونگھائیاں نال یسوُع دے بپتسمہ اُتے پکا ایمان رکھنا چاہی دا اے ۔ اَسیں ہورکیہڑی گل ممکن طورتے آکھ سکدے آں؟سچیائی داانکار نہ کروپئی اجیہے بوہت سارے حوالےنہیں جیہڑے اوہدے بپتسمہ اُتے ساڈی مکتی لئی راستبازی دے ضروری عمل دے طور تے زور دیندے نیں۔ مسِیحیت نُوں لازمی طورتے پانی تے رُوح دی خوشخبری وَل پَرتنا چاہی دا اے ۔
” ہُن آؤ مسیِح دی تعلیم دِیاں مُڈھلی گلاں چھڈ کے کمال وَل قدم ودھائیےتے مُردہ کماں توں توبہ کرن تے خُدا اُتے ایمان لیان دی ۔تے بپتسمیاں تے ہتھ رکھن تے مویاں وِچوں جی اُٹھن تے ابدی عدالت دی تعلیم دی بنیاد فیرنہ پائیے ۔“ (عبرانیوں ۶:۱۔۲)۔ایتھے سانُوں پہلیاں کلیسیاواں دا سچی خوشخبری نُوں لبھن دا سُراغ مل سکدااے ۔ اوہناں نے نَو مرید مسیِحیاں نُوں ہتھ رکھن ، مویاں وِچوں جی اُٹھن ،ابدی عدالت تے بپتسمیاں دی تعلیم دِتی ۔ سانُوں ساریاں نُوں ایہہ ایمان رکھنا چاہی دااے پئی یسوُع نے اپنے بپتسمہ دے راہیں ساڈے سارے پاپ چُک لئے تے خُدا دی سچی شریعت دے مطابق ساڈے پاپاں دی سزا جھلن لئی صلیب اُتے اپنی جان قربان کردِتی ۔
Copyright © 2021 by The New Life Mission