Search
Deutsch
Deutsch
Aufgrund von COVID-19 und der Unterbrechung des internationalen
Postdienstes haben wir unseren "kostenlosen Druckbuch-Service" vorübergehend eingestellt.
Angesichts dieser Situation können wir Ihnen die Bücher derzeit nicht zusenden.
Beten Sie, dass diese Pandemie bald endet und der Postdienst wieder aufgenommen wird.

Fragen und Antworten zum christlichen Glauben

Thema 3: Die Offenbarung

3-1. کیہ مُکاشفہ باب ۷ وچ اِک لکھ چتالی ہزاردی گنتری اکھرو اکھر اسرائیل دے لوکاں دی تعداد دا عدداے جیہڑے مکتی پان گے ،یا کیہ ایہہ صرف اِک نشانی طور دا عدد اے ؟

ِک لکھ چتالی ہزارداعدد جیہڑاباب ۷ وچ ظاہر ہوندا اے سانوں دسدا اے پئی اکھر و اکھر  کنے سارے اسرائیلی اخیری زمانے وچ ، اسرائیل دے بارہ گھرانیاں وچوں ہر اِک وچوں باراں ہزار یعنی کُل اِک لکھ چتالی ہزار  لوک مکتی یافتہ ہون گے ۔ ایہہ  منصوبہ خُدا دی خاص دُور اندیشی دے راہیں پورا ہوئے گا جیہدے سبب  ابرہام دی نسل دے کئی لوک، جنہاں نال خُدا نے محبت کیتی ، مکتی پان گے ۔ خُدا اوس وعدے نوں یاد کردا اے جیہڑا اوہنے ابرہام نال کیتا سی، تے اِنج ایس وعدے نوں پورا کرن لئی ، اوہ ہُن نا صرف اوپریاں قوماں وچ ،سگوں اسرائیل دے لوکاں وچ وی ،یعنی ابرہام دی بدنی اولاد وچ  پانی تے رُوح دی خوشخبری  نوں ودھن دی اجازت دیوے گا ۔
ایسے طرح ، خُدا ارادہ بنا چُکیا اے پئی  اخیری زمانے دے  دکھاں دے سبب تے دو گواہاں دے سبب جنہاں نوں خُدا خاص کر کے  اسرائیل لئی اُٹھائے گا ، اوہ ایمان لیان گے پئی یسوع مسیح ، جنہوں اوہناں نیں ستایا تے سولی اُتے چاھڑیا سی ، اصل وچ  اوہناں دا سچا مکتی داتا اے ۔ خُدا تے ابرہام دے ایمان دے راہیں ، اسرائیلی خُدا دی خاص  محبت نوں پان والے بن گئے نیں ۔
خُدا فیصلہ کر چُکیا اے پئی اوہ  خاص کر کے اسرائیل دے باراں گھرانیاں یعنی ہر گھرانے وچوں باراں ہزار نوں اوہناں دے پاپاں توں تے بربادی توں  چھڈائے گا، تے اپنے فرشتے دے راہیں خُدا دی مُہر نال مُہر کر چُکیا اے ۔ ایس لئی ، اسرائیل دے لوکاں وچوں  اِک لکھ چتالی ہزار نشان لَے چُکے نیں جیہڑا ظاہر کردا اے پئی اوہ خُدا دے لوک بن گئے نیں ۔ ایہہ عدد باراں گھرانیاں وچکار اِکو جناں ونڈیا گیا اے ، ایس لئی پئی اوہناں لئی  خُدا دی محبت کسے خاص گھرانے لئی  طرف داری نئیں رکھدی ، سگوں اوہ اوہناں ساریاں نوں    اپنے  لوک بنن دے اوسے فضل دے کپڑے پاندا اے ۔ بھاویں کئی واری لوک اپنے  دلی جذبیاں نوں اپنا انصاف کجن دی اجازت دیندے نیں ، پر خُدا ایہناں  ساریاں  گلاں  وچ   بالکل  انصاف  تے سچیائی  نال
کم کردا اے ۔
مکتی دی مُہر نال اک لکھ چتالی ہزاراسرائیلیوں نوں مُہر کرن دے بعد وں،فیر خُدا ایس زمین اُتے وڈیاں آفتاں گھلے گا ۔ خُدا کُل اک لکھ چتالی ہزاراسرائیلیاں نوں ، ایہدے باراں گھرانیاں وچوں ہر اک وچوں باراں ہزار نوں—یعنی یہوداہ ؔ ، روبنؔ ،جدؔ ، آشرؔ ، نفتالیؔ ، منسیؔ ،شمعونؔ ، لاویؔ ، اشکارؔ ، زبولونؔ ، یوسفؔ ، بنیمینؔ دے گھرانیاں  نوں اپنے لوک بنا چُکیا اے ۔ ایہدے وعدے اُتے قیم رہنا اے جیہڑا خُدا نے ابرہام تے اوہدی نسل نال کیتا سی پئی اوہ اوہناں دا خُدا ہوئےگا۔
اِنج خُدا اسرائیلیاں وچوں اِک لکھ چتالی ہزار نوں بچان دا فیصلہ کر چُکیا اے ، عدد  ۱۴ ایتھے ، جویں ایہہ متی  ۱ : ۱۷وچ ظاہر ہوندا اے ، ساڈے لئی خاص مطلب  رکھدا اے ، سانوں دسدیاں ہویاں پئی خُدا اپنا نواں کم اسرائیلیاں وچکار  شروع کر ے گا ۔ ایہہ عدد  خُدا دی  مرضی مطابق اے یعنی اوہ ہُن ایس زمین اُتے پہلی دنیا دی تاریخ نوں  مکا دیوے گا تے اوہناں اسرائیلیاں نوں جیہڑے مکتی یافتہ ہون گے نویں اسمان تے نویں  اُتے زندہ رہن دی اجازت دیوے گا ۔
جد اسیں ابرہام توں ہیٹھاں ول یسوع مسیح تیکر نسب  نامے دی قطار نوں ویکھدے آں ، اسیں ویکھ سکدے آں پئی ابرہام توں داؤد تیکر چوداں نسلاں پیدا ہوئیاں ، داؤد  توں بابل دی  قید تیکر ہو ر چوداں نسلاں پیدا ہوئیاں ، تے بابل دی قید توں مسیح تیکر فیر ہور چوداں نسلاں پیدا ہوئیاں ۔ دوجے اکھراں وچ ، اسیں ویکھ سکدے آں پئی خُدا ہر چوداں نسلاں دے بعدوں اپنا نواں کم شروع کردا اے ۔خُدا اِک لکھ چتالی ہزار اِسرائیلیاں  نوں ایس مرضی نال مُہر کر چُکیا اے پئی اوہ اوہناں نوں نویں زندگی وچ ، یعنی ایس موجودہ دنیا وچ نئیں سگوں خُدا دی بادشاہت وچ زندہ رہن دےلائق کرے گا ۔ جویں ویکھیاجاسکدا اے ،خُدا وفادار اے جیہڑا لازمی طور نال پورا کردا اے جیہڑا اوہ اک واری وعدہ کر چُکیا تے لوکاں لئی  مقرر کر چُکیا اے ۔