Zou 21

  • ㆍISBN : 9788928209125
  • ㆍPages : 339

JESU leh BAPTIST JOHAN nnasepdan kichimatna khantanhoi bulite a chiemte

Paul C. Jong

Thuhuntha laibu khu Khantanhoi lite ah akipan ua, tuate khu Mathiu, Mak, Luk leh Johante ahi uhi. Tualeh tam Khantanhoi lite in bukimtah in baptsitpa Johan nnasepna a gelchiet uhi. Ajieh ahileh annasepna khu apoimaw mama jieh in ahi. Tami baptistpa Johan nnasepna theichien louin, Jesu nnasepna katheichien ichithei sih ding uhi.
Tuabang ahitah leh ei leh ei ikidong ding uhi, “Khantanhoi bulite a baptistpa Johan nnasepna kigel khu apoimaw mama amale?” Baptistpa kohin Mangpa Jesu nangawn in tambang in agen a, “Tualeh nouten na pom nuom u’leh, amakhu ahingpei dingpa Elijah ma khu ahi” chi in. (Mathiu 11:14). Tuajiehin, baptistpa Johan khu tam leitung a ang pienna jieh ahileh nnasep thupitah semding in ahi. Jesu tambang in agen, “Tualeh baptistpa Johan um akipat tutan dong in van gam in thagum a kinawhna athuoh leng hi, tualeh thagum a nawhten apawng lah zel uhi” (Mathiu 11: 12). Tamkhu adih mama hi, ajieh ahileh baptsitpa Johan khu tam leitung ah ang pieng a, tuachia Jesu Khrist a baptist chieng in, khawvel khelna zousie khu atung ah akingata hi. Tuabang in, Jesun khovel khelna zousie khatvei thu in alamangta hi. Tambang a bawl ding a aphalma bang in, Mangpan koi jong baptsitpa Johan nnasepna leh Jesu nnasepna gingtate khu vangam luttheina ding leh khelna maisahna apie hi. Tami khu Khantanhoi Mathiu bung 11, tang 12-14, tan akijom a imu uh ahi.
Nang jong Tui leh hagau khantanhoi khu dih in na gingta ei? Tuabang a na gingtat leh, nang jong baptistpa Johan leh Jesu nnasepna kijop dante na theichienta china ahi hi. Ahivang in, koi Khristian hinan leh jong tami baptispa Johan nnasepna theilouten Tui leh Hagau khantanhoi atheisiem sih ua, tuachin aginna uh khu tahsa ngaidan in akinga giap hi. Theilou gen tahlouin tambang mite khun khantanhoi lite a Johan nnasepna kigelte theisiem asawm nalai sih uhi. Tuajieh in tulai in Khristian tampitah Jesu ka gingta chite nasan in baptistpa Johan nnasepna khu simmaw in angaisah sih uhi. Tuamia jieh ahimaithei a, tulai in mitamtah khu tuami a lunglut mongmong lou tamtah ka mu hi. Tuathamlouin tuami thu a lunglutte khu etdan leh koidan tuom alenei josop uhi. Ajieh ahileh mitamtahte khu hun sot tah Jesu leh baptistpa Johan nnasepnate khu ngaisahlou in a enliem maimai uhi.

Luisterboek
undefined
Wegens COVID-19 en verstoring van de internationale postdienst hebben
wij onze 'Gratis Boekendienst' tijdelijk opgeschort.
In het licht van deze situatie kunnen we u de boeken momenteel niet opsturen.
Bid dat deze pandemie spoedig zal eindigen en dat de postdienst wordt hervat.