Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
مضمون 11: خیمۂ اِجتماع
[11-22] خیمۂ اِجتماع دیاں چھاڑاں وِچ لُکے ہوئے چاربھیت <خروج ۲۶:۱۔۱۴>
> خروج ۲۶:۱۔۱۴ <
”تے تُو ںمسکن لئی دس پڑدے بناویں ۔ ایہہ وٹے ہوئے مہین کتان تےاسمانی قِرمزی تےلال رنگ دے کپڑیاں دے ہون تے اِیہناں اُتے کِسےکاری گراُستادکولوں کرُّوبیاں دی شکل دی کڈھائی کراویں۔ہر پڑدےدی لمان اٹھائی ہتھ تےچَوڑائی چار ہتھ ہو ئےتے سارے پڑدے اِکوای کھاچھ دے ہون۔تے پنج پڑدے اِک دُوجے نال جوڑے جان تے باقی پنج پڑدے وی اِک دُوجے نال جوڑے جان۔ تے تُوں اِک وڈے پڑدےدے حاشیےوِچ وٹے ہوئے کنارے ول جیہڑا جوڑیا جائے گا اسمانی رنگ دے تُکمے بناویں تےاِنج ای دُوجے وڈے پڑدےدے حاشیےوِچ جیہڑا ایہدےنال ملایا جائے گا تُکمے بناویں ۔ پنجاہ تُکمے اِک وڈے پڑدےوِچ بناویں تے پنجاہ ای دُوجے وڈے پڑدےدے حاشیےوِچ جیہڑا ایہدےنال ملایا جائے گا بناویں تے سارے تُکمے اِک دُوجے دے آمنے سامنے ہون۔ تے سونے دیاں پنجاہ گُھنڈیاں بنا کے ایہناں پڑدیاں نُوں ایہناں ای گُھنڈیاں نال اِک دُوجے نال جوڑ دیویں۔ فیراوہ مسکن اِک ہو جائے گا۔ تے تُو ں بکری دے وال دے پڑدے بناویں تاں پئی مسکن دےاُتےخَیمےدا کم دین۔ ایہوجیہے پڑدے یاراں ہون۔ تے ہر پڑدےدی لمان تِیہ ہتھ تے چَوڑائی چار ہتھ ہوئے۔ اوہ یاراں ہون۔ پڑدے اِکوای کاچھ دے ہون۔تے تُوں پنج پڑدے اِک تھاں تے چھے پڑدے اِک تھاں آپووِچ جوڑ دیویں تے چھیویں پڑدےنُوں خَیمےدے ساہمنے موڑ کے دُوہرا کر دیویں۔ تے تُوں پنجاہ تُکمے اوس پڑدےدے حاشیےوِچ جیہڑا باہروں ملایا جائے گا تےپنجاہ ای تُکمے دُوجےپاسےدے پڑدےدے حاشیےوِچ جیہڑا باہروں ملایا جائے گا بناویں۔ تےپِتل دیاں پنجاہ گُھنڈیاں بنا کے اِیہناں گُھنڈیاں نُوں تُکمیاں وِچ پوا دیویں تے خَیمےنُوں جوڑ دیویں تاں پئی ا وہ اِکو ہو جائے۔ تے خَیمےدیاں پڑدیاں دا لمکیا ہویا حِصّہ یعنی ادھا پڑدا جیہڑا بچیا رہوے گاا وہ مسکن دےپچھلےپاسے لمکیا رہوے۔تے خَیمےدیاں پڑدیاں دی لمان دے باقی حِصّہ وِچوں اِک ہتھ پڑدا ایدھروں تے اِک ہتھ پڑدا اودھروں مسکن دیاں دونوآں پاسیاں ایدھر تے اودھر لمکیا رہوے تاں پئی اوہنوں کج لوے۔تے تُوں ایس خَیمے لئی لیلیاں دیاں لال رنگیاں ہوئیاں کھلاں دا چھاڑتے اوہدے اُتے تخساں دیاں کھلاں دا چھاڑ بناویں۔ “
خیمۂ اِجتماع دے چھاڑ
ہُن اسی اپنا دھیان خیمۂ اِجتماع دیاں چھاڑاں ول کردے آں ۔ خیمۂ اِجتماع دے چھاڑ چونہہ تہاں وچ بنائے گئے سن ۔ جد خُدا نے مُوسیٰ نوں خیمۂ اِجتماع بناؤن دا حکم دِتا ،تاں اوہنے اوہنوں کُھل کے ہدایتاں دِتیاں ۔ وکھ وکھ کر کے ، پہلاچھاڑ خیمۂ اِجتماع دے اندروں ای ویکھیا جا سکدا سی ، خیمۂ اِجتماع دیاں تختیاں تے ایہدے اندرلیاں ساریاں بھانڈیاں نوں کجدا سی ۔ ایہہ چھاڑ خیمۂ اِجتماع دیاں تختیاں ، پاک تھاں تے بوہتی پاک تھاں تے دھرتی تیکر ہر اِک شے اُتے پایا گیا سی ۔ تے ایہہ اسمانی، ارغوانی، تےلال دھا گے تےمہین وٹے ہوئے کتان نال بنایا گیا سی ، تے کروبیاں دیاں سوہنیاں شکلاں وی ایس اُتے اُنیاں گئیاں سن ۔
پہلا چھاڑ اِک دوجے نال جُڑے ہوئے پڑدیاں دے دو خاص سیٹاں نال بنایا گیا سی ، جنہاں وچوں ہر اِک نوں ، پنج نِکیاں پڑدیاں نوں اِک دوجے نال جوڑ کے بنایا گیا سی ۔ پڑدیاں دے ایہناں دو سیٹاں نوں اِک دوجے نال جوڑن لئی ،پڑدیاں دے ہر ملاؤن والے کنارے اُتے اسمانی رنگ دے پنجاہ تُکمے بنائے گئے سَن ۔ اسمانی رنگ دیاں ایہناں تُکمیاں نال سونے دیاں گھنڈیاں جوڑ دِتیاں گئیاں سن ، یعنی پڑدیاں دے دو سیٹاں نوں جوڑ کے اِک وڈا ، اِکلا چھاڑ بنایا گیا سی ۔
خیمۂ اِجتماع دا پہلا چھاڑ دس پڑدیاں نال بنایا گیا سی ، جیہڑا چوڑے پڑدیاں دے دو سیٹاں وِچ جوڑیاگیاسی ۔ ایہدی لمان ۲۸ ہتھ سی۔ اِک ہتھ لگ بھگ ۴۵سینٹی میٹر(۵.۱ فٹ)دا ہوندا اے، تےایس طرح اَج دی کاچھ دے مطابق لمان لگ بھگ۶.۱۲میٹر(۶.۴۱ فٹ)سی، جدپئی ہر پڑدےدی چوڑائی چار ہتھ، ۸.۱میٹر (۹.۵فٹ)سی۔پنج پڑدے پہلیا ں پڑدیاں دے دو سیٹ بناؤن لئی اکٹھے جوڑے گئے سن ، تے فیر ایہہ سیٹ اِک دوجے نال اسمانی رنگ دیاں پنجاہ تُکمیاں تے سونے دیاں پنجاہ گھنڈیاں نال جوڑے گئے سن۔ انج خیمۂ اِجتماع دا پہلا چھاڑ مکمل کیتا گیا سی ۔ پر اوتھے تِن ہور چھاڑ سن ۔ خیمۂ اِجتماع دا پہلا چھاڑاسمانی، ارغوانی، تےلال دھا گے تےمہین وٹے ہوئے کتان اُتے کروبیاں دے ودھیا کاریگری دے کم نال پڑدے اُنن دے راہیں بنایاگیا سی ۔
ایہہ سانوں اسمانی بادشاہی دا راہ وکھاؤنا سی ۔ مثال طور اُتے ، خیمۂ اِجتماع دے پہلے چھاڑ لئی ورتیا گیا اسمانی دھاگہ یِسُوعؔ دے بپتسمے ول اشارہ کردا اے جیہڑا یِسُوعؔ نے جگ دیاں پاپاں نوں چُکن لئی یوحنا کولوں لیا ۔ بپتسمہ لے کے ، یِسُوعؔ نے جگ دیاں ساریاں پاپاں نوں چُک لیا (متی ۳ : ۱۵)۔ تاں پئی یِسُوعؔ نے اپنے بپتسمے نال اپنے پِنڈے اُتے جگ دیاں پاپاں نوں چُک لیا ، ایہہ بپتسمہ ہُن مکتی وانگر بن گیا اے(۱۔ پطرس ۳ : ۲۱)۔
خیمۂ اِجتماع دا دوجاچھاڑبکریاں دی اُنّ نال بنیاہویا سی (خروج ۲۶:۷)۔ ایہدی لمان۹۰ سینٹی میٹر(۳ فٹ) پہلے چھاڑتوں بوہتی لمی سی۔۳۰ ہتھ اُتے، لمان ۵.۱۳میٹر (۴۵ فٹ)سی،تے چار ہتھ اُتے، چوڑائی ۸.۱ میٹر(۹.۵فٹ)سی۔چھاڑ یاراں پڑدیاں نال بنیاہویاسی ، اِک دوجے نال پڑدیاں دے دو سیٹ سن، اِک سیٹ پنج پڑدیاں نال تے دوجا چھے پڑدیاں نال جوڑیا گیا سی ۔ ایہہ دو سیٹ فیر اِک دوجے نال پِتل دیاں گھنڈیاں نال جوڑے گئے سن ۔
خیمۂ اِجتماع دا ایہہ دوجا چھاڑ ، بکریاں دی اُنّ دا بنیا ہویا ، سانوں دسدا اے پئی یِسُوعؔ سانوں خُدا دی راستبازی نال پاک بنا چُکیا اے ۔ ایس زمین اُتے آن کے، جد ساڈا خُداوند ۳۰ ورہیاں دا ہو گیا ، تاں اوہنے اپنی مرضی نال یوحنا کولوں بپتسمہ لیا ، تے اپنے آپ اُتے جگ دیاں پاپاں نوں قبول کیتا ۔ اِنج کرن نال ، خُداوند سولی اُتے جگ دیاں پاپاں نوں لَے گیا ، سولی اُتے چڑھیا ، اِک ای واری سدا لئی ساڈیاں پاپاں نوں مکا دِتا ، تے اِنج ساڈا مکتی داتا بن گیا اے ۔ ایس لئی دوجا چھاڑ ، بکریاں دی اُنّ دا چِٹا چھاڑ، سانوں دسدا اے پئی یِسُوعؔ مسیح نے جیہڑا قربانی دا لیلا بن گیا سانوں اپنے بپتسمے تے لہو نال بے پاپ بنا دِتا ۔
خیمۂ اِجتماع دا تریجا چھاڑ لیلیاں دیاں لال رنگیاں ہوئیاں کھلاں دا سی ، جیہڑا سانوں دسدا اے پئی یِسُوعؔ نے بپتسمہ لے کے ساڈیاں پاپاں نوں موہڈا دِتا ، اوہناں نوں سولی اُتے لَے گیا ، اپنا لہو وگایا تے لعنتی بنیا، تے اِنج سانوں ساڈیاں ساریاں پاپاں توں چھڈا چُکیا اے ۔
خیمۂ اِجتماع دا چوتھا چھاڑ تخس دیاں کھلاں دا بنیاہویا سی ۔ تخس دی کھل دا مطلب ایہہ ہیگا اے پئی یِسُوعؔ مسیح ،جد اوہدی ظاہر ی شکل تے صورت اُتے دھیان کیتا گیا ، تاں اوس وچ کوئی شے پسند کرن والی نئیں سی ۔ پر اوہ اصل وچ آپ خُدا سی ۔ تخس دیاں کھلاں سانوں یِسُوعؔ مسیح دا خاکہ وکھاؤندیاں نیں جنہے سانوں جگ دیاں پاپاں توں بچاؤن لئی اپنے آپ نوں لوکاں دے برابر تیکر ہیٹھاں ڈیگ دِتا۔
آؤ ہُن خیمۂ اِجتماع دی ایہناں چونہہ چھاڑاں دا بوہتی تفصیل نال جائزہ لیِئے۔
خیمۂ اِجتماع دے پہلے چھاڑ دا رُوحانی مطلب
خیمۂ اِجتماع دیاں چونہہ چھاڑاں وچوں پہلے چھاڑ لئی ورتیاجان والا سامان اسمانی ،ارغوانی، تےلال دھا گے تےمہین وٹیا ہوئیا کتان سی ۔ ایہہ ایس طرح بنایا گیا سی پئی چارے رنگ خیمۂ اِجتماع دے اندروں صاف طریقے نال وکھالی دین ۔ ایس توں علاوہ ، فرشتیاں دیاں کاریگری والیاں تصویراں اوہناں اُتے اُنیاں گئیاں سن، تاں پئی اوہ اُتوں خیمۂ اِجتماع نوں ہیٹھاں ول ویکھن۔ ایہناں چونہہ دھاگیاں وچوں ہر اِک وچ جیہڑا رُوحانی مطلب ہیگا اے اوہ ہیٹھاں لکھیا ہویااے ۔
خیمۂ اِجتماع دے پہلے چھاڑ دے سامان وچ ظاہر ہون والے اسمانی دھاگے دا بھیت ایہہ ہیگا اے پئی مسیحا نے ، اِکو ای واری سدا لئی ، اپنابپتسمہ لے کے سارے جگ دے ساریاں پاپاں نوں قبول کیتا ۔ اوہ ایس زمین اُتے آیا تے یوحنا بپتسمہ دین والے ، ساریاں لوکاں دے نمائندے کولوں ،جگ دیاں ساریاں پاپاں نوں چُکن لئی بپتسمہ لیا ، بالکل اوسے طرح جویں پُرانے عہد نامے دی قربانی دے پشُو اوہناں اُتے ہتھاں دے رکھے جان نال لد ے گئے پاپیاں دیاں پاپاں نوں قبول کردے سن ۔ تے ایہہ سانوں ایس سچیائی دے بارے وی دسدا اے پئی یِسُوعؔ نے اِکو ای واری ایہناں پاپاں دی سزا جر کے جگ دیاں ساریا ں پاپاں نوں دھو دِتا ۔
دوجےپاسے، ارغوانی دھاگہ سانوں دسدا اے پئی یِسُوعؔ مسیح جیہڑ ا ایس زمین اُتے آیا بادشاہواں دا بادشاہ تے ساڈے لئی آپ اپنی مرضی دا مالک خُدا اے ۔ ایہہ سانوں دسدا اے پئی یِسُوعؔ اپنے طاقت نال آپ خُدا اے۔ خیمۂ اِجتماع وچ ظاہر ہونے والا لال دھاگہ سانوں دسدا اے پئی یِسُوعؔ نے ، اِکو ای واری اپنے بپتسمے نال جیہڑا اوہنے یوحنا کولوں لیا ساڈیاں ساریاں پاپاں نوں قبول کرن دے بعدوں ،سولی اُتے اپنا لہو وگایا تے فدیے لئی قربانی دِتی تے ساڈے بدلے ساڈیاں پاپاں دی لعنت جری۔
یِسُوعؔ دا بپتسمہ تے اوہدی صلیبی موت پُرانے عہد نامے دے زمانے دے قربانی دے طریقے وانگر اِکو جیہے سن جتھے ہتھاں دے رکھے جان نال بے پاپ قربانیاں پاپیاں دیاں پاپاں نوں قبول کردیاں سن تے ایہناں پاپاں دی لعنت جرن لئی مرن تیکر لہو وگاؤندیاں سن ۔ایس طرح ، نویں عہد نامے وچ ، یِسُوعؔ نے بپتسمہ لیا ، سولی اُتے گیا ، تے اپنا لہو وگایا تے ایس اُتے مرگیا ۔
پاک کلام یِسُوعؔ مسیح نوں قربانی دے لیلے وانگر دسدا اے ۔ ”یِسُوعؔ“ ناں دا مطلب ایہہ ہیگا اے پئی ،” اوہواپنے لوکاں نُوں اوہناں دے گُناہاں توں بچائے گا“(متی ۱:۲۱)۔ تے ”مسیح“ ناں دا مطلب،”مسحَ کیتا ہویا“ اے۔ پرانے عہد نامے وچ ، تِن قِسماں دے لوک ؛ بادشاہ ، نبی ، تے کاہن مسح کیتے جاندے سن ۔ ایس لئی ، ”یِسُوعؔ مسیح“دا ناں ظاہر کردا اے پئی اوہ مکتی داتا ، آپ خُدا ، اسمانی بادشاہی دا وڈاکاہن تے سدا دی سچیائی دا خُداوند اے ۔ ایس زمین اُتے آؤن ، یوحنا کولوں بپتسمہ لین ، تے اپنا لہو وگا کے ، اوہ ساڈا اصلی مکتی داتا بن گیا اے ۔
ایس طرح ، خیمۂ اِجتماع دا پہلا چھاڑ ظاہر کردا اے پئی مسیحا اسمانی، ارغوانی، تےلال دھا گے تےمہین وٹے ہوئے کتان دے راہیں آئے گا تے اِنج اوہناں ساریاں نوں اوہناں دیاں پاپاں تے سزا توں بچائے گا جیہڑے اوس اُتے ایمان رکھدے نیں ۔ ایہہ خدمتاں یِسُوعؔ دے بپتسمے تے اوہدے صلیبی لہو توں علاوہ کوئی دوجیاں نئیں ہیگیاں ۔ مکتی دا بھیت ایس پہلے چونہہ رنگاں دے چھاڑ وچ ظاہر ہوندا اے پئی مسیحا ایس زمین اُتے آیا ، بپتسمہ لے کے ساریاں لوکاں دیاں پاپاں نوں چُک لیا ، مرن لئی سولی اُتے چڑھیا تے فیر مویاں وچوں جی پیا ۔
ایہناں خدمتاں نال ، یِسُوعؔ مسیح اوہناں نوں جیہڑے اوس اُتے ایمان رکھدے نیں اوہناں دیاں پاپاں توں بچا چُکیا اے ، تے اوہناں نوں خُدا دے لوک بنا چُکیا اے ۔ یِسُوعؔ مسیح بادشاہواں دا بادشاہ تے قربانی دا لیلا اے جیہڑا پاپیاں دے پاپاں نوں مُکا چُکیا اے ، تے اوہ اوہناں نوں اوہناں دیاں ساریاں پاپاں تے سزا توں مکتی دے چُکیا اے جیہڑے ایمان رکھدے نیں ۔
خیمۂ اِجتماع دے دوجے چھاڑ دا رُوحانی مطلب
خیمۂ اِجتماع دے دوجے چھاڑ لئی ورتیا جان والا سامان بکریاں دے وال سن ۔ ایہہ سانوں دسدا اے پئی آؤن والا مسیحا ساریاں لوکاں نوں اوہناں دیاں پاپاں توں تے ایہناں پاپاں دی سزا توں اوہناں نوں مکتی دے کے راستباز ٹھہرائے گا ۔ دوجیاں اکھراں وچ ، ایہہ سانوں وکھاؤندا اے پئی ساریاں لوکاں لئی خُد دی راستبازی پاؤن لئی ، اوہناں لئی پانی ، لہو تے رُوح دی خوشخبری اُتے ایمان رکھنا بوہت ضروری اے ۔ خُدا دی راستبازی ساڈیاں دلاں نوں برف وانگر چٹے کر چُکی اے ، تے ایس ایہہ سانوں اپنیاں پاپاں دی معافی پاؤن دے لائق بنا چُکی اے ۔
خیمۂ اِجتماع دے تریجے چھاڑ دا رُوحانی مطلب
خیمۂ اِجتماع دے تریجے چھاڑ لئی ورتے جان والے سامان وچ لیلیا ں دیاں لال رنگیاں ہویاں کھلاں سن ۔ ایہہ ظاہر کردا اے پئی مسیحا ایس زمین اُتے آئے گا، بپتسمہ لے کے جگ دیاں پاپاں نوں چُکے گا ، سولی اُتے چڑھےگا ، تے اِنج اپنیاں لوکاں دیاں پاپاں لئی قربانی دا لیلا بن جائے گا ۔ اوس لہو نے جیہڑا یِسُوعؔ مسیح نے سولی اُتے وگایا جگ دیاں پاپاں لئی موت دا مُل اُتاریا ۔ دوجیاں اکھراں وچ، ایہہ سانوں دسدا اے پئی یِسُوعؔ مسیح آپ ای قربانی دا لیلا بن گیا تے اِنج اپنیاں لوکاں نوں اوہناں دیاں پاپاں توں بچا چُکیا اے(احبار ۱۶)۔
فدیہ دیہاڑے اُتے ، اسرائیلیاں دے ساریاں پاپاں نوں چُکن لئی قربانی د ے دو بکرے تیار کیتے جاندے سن۔ اوہناں وچوں اِک فدیہ دی قربانی دا پشُو سی جیہڑا خُدا اگے اوہناں دیاں پاپاں لئی چاھڑیا جاندا سی ۔ اوس ویلے وڈا کاہن ایس پہلے قربانی دے بکرے دے سِر اُتے اپنے ہتھ رکھدا ،اپنیاں لوکاں دے ساریاں پاپاں نوں اِکو ای ویلے اوس اُتے لد دیندا ۔ فیر اوہ ایہدا لہو لیندا ، ایہنوں سرپوش دے چڑھدے پاسے تراؤنکدا، تے ایہنوں سرپوش اگے ست واری تراؤنکدا۔ ایس طرح اسرائیلیاں دے فدیے دی قربانی خُدا اگے چاھڑی جاندی سی ۔
فیر خیمۂ اِجتماع دے آلے دوالے اکٹھے ہوئے اسرائیلیاں دیاں اکھاں ساہمنے ،وڈا کاہن دوجے بکرے دے سِر اُتے اپنے ہتھ رکھدا تےاسرائیلیاں دے پورے ورہے دیاں پاپاں نوں لد دیندا ۔ ایہہ سارے اسرائیلیاں نوں یقین دلواؤن لئی سی پئی اوہناں دے پِچھے ورہے دے سارے پاپ ایس طرح وڈے کاہن دیاں ہتھاں دے رکھے جان نال اوہناں توں وکھ ہوگئے سن ۔ فیر ایہہ بکرا اپنی موت لئی ، اپنے اُتے اوہناں دیاں ساریاں پاپاں نوں چُک کے جنگل وچ گھل دِتا جاندا سی (احبار۱۶:۲۱۔۲۲)۔ایہہ داخُدا وعدہ سی پئی مسیحا ایس زمین اُتے آئے گا ، یوحنا بپتسمہ دین والے، ساریاں لوکاں دے نمائندے کولوں بپتسمہ لے کے جگ دیاں پاپاں نوں چُکے گا (متی ۱۱:۱۱۔۱۳، ۳:۱۳۔۱۷)، اپنی مرضی نال سولی اُتے چڑھ کے ایہناں پاپاں دی سزاجرے گا ، تے اِنج اپنیاں لوکاں نوں اوہناں دیاں ساریاں پاپاں توں بچائے گا ۔
خیمۂ اِجتماع دے چوتھے چھاڑ دا رُوحانی مطلب
تُخس دیاں کھلاں ساڈی اپنی شکل دے نا ل نال ،خُداوند دی شکل وی وکھاؤندیاں نیں جد او ہ ایس زمین اُتے آیا سی ۔ ساڈا خُداوند پاپیاں نوں بلاؤن تے اوہناں نوں راستباز بناؤن لئی اِک بندے وانگر ایس زمین اُتے آیا سی ۔ تُخس دیاں کھلاں سانوں ایہہ وی دسدیاں نیں یِسُوعؔ مسیح نے ایس زمین اُتے آؤن ویلے اپنے آپ نوں اُچا نئیں کیتا ، سگوں اوہنے اپنے آپ نوں نمانے پیدا ہون والے بندے وانگر نیویاں کیتا ۔
پُرانے عہد نامے دے زمانے وچ ، خُدا نے اپنیاں نبیاں راہیں فرمایا پئی مسیحا آئے گا تے ایس زمین دیاں پاپیاں نوں اوہناں دیاں پاپاں توں چھڈائے گا۔ اسی ویکھ سکدے آں پئی خُدا یِسُوعؔ مسیح دے بپتسمے تے اوہدے صلیبی لہو نال اپنیاں خادماں دےراہیں فرمایا گیا نبُوّت دا کلام پورا کیتا ۔ نبُوّت دا ایہہ کلام وعدے دا کلام ہیگا اے پئی مسیحا ناصرف اسرائیلیاں دیاں پاپاں نوں سگوں ایس جگ وچ ہر کسے دیاں ساریاں پاپاں تے سزا نوں وی چُکے گا ، تے ایہہ پئی اوہ اوس اُتے ساریاں ایمان رکھن والیاں نوں بچائے گا تے اوہناں نوں اپنے سکے لوک بنائے گا۔
خروج ۲۵ باب خیمۂ اِجتماع نوں بناؤن لئی ورتے گئے سامان دے بارے دسدا اے ۔ خیمۂ اِجتماع دے ایس سامان وچ اسمانی، ارغوانی، تےلال دھا گہ ،مہین وٹیا ہوئیا کتان، بکریاں دی اُنّ ، لیلیاں دیاں لال رنگیاں ہویاں کھلاں ، تُخس دیاں کھلاں ،سونا، چاندی ، پِتل ، مصالح، تیل تے مہنگے پتھر ہیگے سن ۔ ایہہ ساریاں شیواں ظاہر کردیاں نیں پئی مسیحا ایس زمین اُتے آئے گا تے اپنے بپتسمے تے لہو وگاکے اپنیاں لوکاں نوں اوہناں دیاں پاپاں توں مکتی دیوے گا ۔ ایس طرح ، خیمۂ اِجتماع دیاں چھاڑاں وچ لُکیاہویا مکتی دا اوہ خاص منصوبہ اے جیہڑا خُدا نے اپنیاں لوکاں نوں اوہناں دیاں پاپاں توں بچاؤن لئی بنایا سی ۔
کیوں خُدا نے حکم دتا پئی اسمانی ، ارغوانی تے لال دھاگہ خیمۂ اِجتماع دے چھاڑاں دے سامان وانگر ورتیا جائے ؟ تے کیوں اوہنے بکریاں دی اُنّ، لیلیاں دی لال رنگیاں ہویاں کھلاں ، تے تُخس دیاں کھلاں ورتن دا حکم دِتا؟ سانوں لازمی ایس منصوبے اُتے پورا دھیان دینا چاہی دا اے جیہڑا خُدانے سانوں جگ دیاں پاپاں توں مکتی دین لئی بنایا سی ۔ سانوں اسمانی، ارغوانی، تےلال دھا گے وچ ظاہر ہون والیاں خدمتاں اُتے ایمان رکھنا چاہی دا اے ، جنہاں نال یِسُوعؔ اپنیاں لوکاں نوں اوہناں دیاں پاپاں توں بچا چُکیا اے ، جویں پئی اوہ نیں ، تے سانوں لازمی اِنج اپنیاں پاپاں توں مکتی یافتہ ہونا چاہی دا اے تے خُدا دے لوک بننا چاہی دا اے ۔ دوجیاں اکھراں وچ، سانوں خیمۂ اِجتماع دیاں چھاڑاں وچ ظاہر ہون والے خُدا دے ارادے نوں جاننا تے ایس اُتے ایمان رکھنا چاہی دا اے ۔
چونہہ طریقیاں راہیں
خیمۂ اِجتماع دے چار چھاڑ سانوں تفصیل نال اوس طریقے بارے دسدے نیں جیہدے نال خُدا سانوں ساڈیاں پاپاں توں چھُڈا چُکیا اے : مسیحا بدن لَے کے ایس دھرتی اُتے آئے گا ، یوحنا کولوں لَئے گئے اپنے بپتسمے نال جگ دیاں ساریاں پاپاں نوں چُکے گا ، ایہناں پاپاں دی سزا لئی سولی چڑھے گا ،تے اپنیاں لوکاں دیاں پاپاں نوں مُکائے گا تے اوہناں نوں اپنے پِنڈے دے لہو نال اوہناں دیاں پاپاں توں بچائے گا ۔ پر ، ایہہ مکتی صرف اوہناں لئی پوری ہوندی اے جیہڑے مسیحا اُتے اپنے مکتی داتا وانگر ایمان رکھدے نیں ۔ سانوں ساریاں نوں لازمی ایمان رکھنا چاہی دا اے یِسُوعؔ مسیح ، جویں خیمۂ اِجتماع دیاں چھاڑاں دے سامان وچ ظاہر کیتا گیا ، اصل وچ اپنے بپتسمے تے سولی دے راہیں آیا ، تے اِنج سانوں اِکو ای واری سدا لئی ساڈیاں ساریاں پاپاں توں مکتی دے چُکیا اے ۔
خیمۂ اِجتماع دیاں چھاڑاں وچ ظاہر ہوئی اسمانی، ارغوانی، تےلال دھا گے دیاں پیشین گوئیاں دے بالکل مطابق ، خُدا دا پُتر ساڈے کول نویں عہد نامے دے زمانے دی قربانی دے لیلے وانگر آیا ، بپتسمہ لیا ، تے سولی اُتے چڑھ کے اپنا لہو وگایا ۔ ایس توں علاوہ ، خیمۂ اِجتماع دیاں چھاڑاں وچ ظاہر ہوئے مسیحا اُتے ایمان رکھ کے اسی خُدا نوں ایہو جیہی ایما ن دی قربانی چڑھا سکدے آں جیہڑی سانوں بچاؤندی اے ۔
ایس طرح ، سانوں لازمی اسمانی، ارغوانی، تےلال دھا گے وچ ظاہر ہون والی سچیائی اُتے ایمان رکھنا چاہی دا اے ۔ جے کوئی بندہ خُدا دے اگے نئیں آؤندا تےاسمانی، ارغوانی، تےلال دھا گے وچ ظاہرہوئی یِسُوعؔ دیاں خدمتاں اُتے ایمان رکھ کے ایمان دی قربانی چڑھاؤن وچ ناکام ہو جاندا اے ، تاں اوہ بندہ لازمی اپنیاں پاپاں دے سبب برباد ہو جائے گا ۔ پرجے کوئی بندہ ایس سچیائی اُتےایمان رکھدا اے ، فیر اوہ مکتی دا ایمان رکھ کے اوہدے نیانے وانگر ہر ویلے خُدا دے اگے جا سکدا اے ۔ خیمۂ اِجتماع سانوں وکھاؤندا اے پئی کوئی وی بندہ جیہڑا یِسُوعؔ مسیح اُتے ایمان نئیں رکھدا جیہڑا قربانی دا لیلا بن گیا تے اسمانی، ارغوانی، تےلال دھا گے وچ ظاہرہویا اوہ کدی وی خُدا دی بادشاہی وچ جا نئیں سکدا ۔
خیمۂ اِجتماع دے چھاڑ ایس طرح سانوں اسمانی راہ وکھاؤندے نیں ۔ سانوں لازمی اسمانی، ارغوانی، تےلال دھا گے وچ ظاہر کیتی گئی سچیائی اُتے ایمان رکھ کے اسمانی بادشاہی وچ جان دی راہ لبھنی چاہی دی اے ۔ جیہڑا وی خُدا دی بادشاہی وچ جانا چاؤہندا اے اوہنوں سب توں پہلاں اپنے پاپ دے مسئلے نوں اسمانی، ارغوانی، تےلال دھا گے وچ ظاہر ہون والی پاپ دی معافی دی سچیائی اُتے ایمان رکھ کے حل کرنا چاہی دا اے ۔ ایس طرح ، بھاویں لوک ایس سچیائی اُتے ایمان رکھ کے خُدا دی کلیسیا وچ جاندے نیں یابھاویں اوہ ایمان نا رکھن دے سبب خُدا دے ہتھوں رَدّ کیتے جاندے نیں ، ایہہ اِک چُنن والا کم اے جیہڑا اوہناں نوں کرنا چاہی دا اے ۔
بِنا شک ، ساڈے دل خیمۂ اِجتماع دیاں چھاڑاں وچ ظاہر ہون والی مکتی دی ایس سچیائی اُتے ایمان رکھن یا ایمان نا رکھن دی اَزادی رکھدے نیں ۔ پر تہانوں ایہہ وی مننا چاہی دا اے پئی ایس سچیائی اُتے ایمان نا رکھن دا نتیجہ کسے دے وی جرن لئی بوہت چوکھا برباد کرن والا ہوئے گا ۔ پر، سانوں اوہدی مرضی مطابق خُدا دے چانن والے گھر وچ جان لئی ، بپتسمے اُتے جیہڑا مسیحا نے یوحنا کولوں لیا تے صلیبی لہو اُتےسدا تیکر ایمان رکھ کے لازمی اپنیاں پاپاں توں مکتی یافتہ ہونا چاہی دا اے ۔ ساریاں نوں لازمی قبول کرنا چاہی داتے اپنیاں دلاں وچ ایمان رکھنا چاہی دا اے پئی مسیحا دا ایہہ بپتسمہ تے اوہدا صلیبی لہو اوہناں دیاں ساریاں پاپاں نوں مُکا چُکے نیں ۔ صرف جد اوہ ایہو جیہا ایمان رکھدے نیں تاں اوہ پاپ دی سدا دی معافی پا سکدے نیں تے خُدا دے جلال وچ جا سکدے نیں ۔
خیمۂ اِجتماع دا پہلا چھاڑ چونہہ وکھ وکھ دھاگیاں نال اُنیا ہویا سی ،تے ایہنوں بکریاں دی اُنّ نال بنے ہوئے دوجے چھاڑ ہیٹھاں رکھیا گیا سی ۔ ایہہ سانوں وکھاؤندا اے پئی ایہہ سچیائی پئی اسی پاپ دی معافی پاؤن دے لائق ساں یِسُوعؔ دیاں خدمتاں : اوہدے بپتسمے تے اوہدے اپنے لہو نال اے ۔ ایس طرح ، پاپ دی معافی جیہڑی اسی خُدا دی راستبازی اُتے ایمان رکھ کے پا چُکے آں پہلے چھاڑ وچ ظاہر ہوئے اسمانی، ارغوانی، تےلال دھا گے تےمہین وٹے ہوئے کتان وچ ساڈے ایمان رکھن نال اے ۔ ایہہ ویکھن لئی پئی ایہہ سچیائی کِنی یقین بھری اے ، آؤ اسی ہیٹھاں پاک کلام دیاں اکھراں ول دھیان کرئیے ۔
یسعیاہ ۵۳:۶ دسدااے، ” خُداوند نے ساڈے ساریاں دی بدکاری اوس اُتے لدی۔“ عبرانیوں ۹:۲۸،اعلان کردااے، ” ایسے طرح مسیح وی جیہڑااِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دےبِناں نجات لئی اوہناں نُو ں وکھالی دے گا ۔جیہڑے اوہنوں اوڈیک دے نیں۔“تے ۲۔کرنتھیوں ۵:۲۱دسدا اے، ” جیہڑاگُناہ توں واقِف نئیں سی اوسےنُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔“ ایس لئی ایہہ سارے حوالے سانوں دسدے نیں پئی ساڈ ی مکتی خیمۂ اِجتماع دے پہلے چھاڑ لئی ورتے گئے مہین کتان تےاسمانی، ارغوانی، تےلال دھا گے وچ ظاہرکیتیاں گئیاں یِسُوعؔ دیاں مکتی دیاں خدمتاں نال پوری ہو گئی اے ۔ ایہہ پئی مسیح آپ لکڑ نال ٹنگیا گیا تے اپنے پِنڈے اُتے ساڈیاں پاپاں دے فدیے لئی سزا جری ایہہ سچیائی نال سوکھا ہویا سی پئی اوہنے پہلاں یوحنا کولوں بپتسمہ لَے کے ساڈیاں پاپاں نوں چُک لیا سی ، تے ایہہ صرف سولی اُتے ای نئیں اے پئی اوہنے جگ دیاں پاپاں نوں چُک لیا سی ۔
جد یِسُوعؔ نے بپتسمہ لَے کے جگ دیاں ساریاں پاپاں نوں چُک لیا تے اِنج اوہناں دا فدیہ دین لئی سولی اُتے ڈاہڈے دُکھ جرے ، تاں اوہنوں کسے دا ڈر نئیں سی ۔ ایہدے اُلٹ ، اوہ خوش ہویا ! کیوں ؟ ایس لئی پئی ایہہ اوہدے لئی ،”ساری راستبازی نُوں پورا کرن دا“ ویلاسی (متی ۳:۱۵)۔سانوں ساڈیاں پاپاں توں بچاؤن لئی ، یِسُوعؔ نے بپتسمہ لیا تے سولی اُتے اپنا لہو وگایا ۔ اوہنے اِنج کیتا ایس لئی پئی اوہنے ساڈے نال محبت کیتی ۔ ایس لئی اوہ ایس زمین اُتے آیا ، یوحنا کولوں بپتسمہ لیا تے راضی ہو کے قربانی دے پیالے وچوں پیتا ۔ ایس لئی پئی تاں جو خُداوند نے اپنے بپتسمے نال ساڈیاں پاپاں تے غلطیاں نوں چُک لیا یعنی اوہ کلوری اُتے
اپنا لہو وگا سکدا سی تے ساڈیاں دلی پاپاں دی سزا فدیے لئی جر سکدا سی ۔
گھنڈیاں جنہاں نیں خیمۂ اِجتماع دے پہلےچھاڑ نوں اکٹھیاں جوڑیا سونے نال بنائیاں گئیاں سن
خیمۂ اِجتماع دا پہلا چھاڑ پنج پنج پڑدیاں دے دو سیٹاں نال بنایا گیا سی ، جیہڑےسونے دیاں گھنڈیاں نال اِک دوجے نال جوڑے گئے سن۔ ایہہ اصل وچ سانوں وکھاؤندا اے پئی اسی اسمانی بادشاہی وچ جا سکدے آں صرف جد اسی اسمانی، ارغوانی، تےلال دھا گے وچ ظاہرکیتی گئی پاپ دی معافی فی سچیائی اُتے ایمان رکھدے آں ۔ ایہہ پئی پنج پنج پڑدیاں دے دو سیٹ سونے دیاں پنجاہ گھنڈیاں نال اِک دوجے نال جوڑے گئے سن سانوں وکھاؤندا اے پئی اسی اپنیاں ساریاں پاپاں توں مکتی یافتہ ہوسکدے آں صرف جد اسی اوہدی مکتی اُتے پکا ایمان رکھدے آں ۔ پاک کلام وچ ، سونا پکے ایمان نوں ظاہر کردا اے جیہڑا خُدا دے کلام اُتے ایمان رکھدا اے ۔
ایس طرح ، ساڈے وچوں ہر اِک نوں تے ہر کسے نوں پکے یقین نال خُدا دے سارے کلام اُتے ایمان رکھنا چاہی دا اے ۔ساڈے لئی اسمانی دھاگے وچ ظاہر ہون والی سچیائی اُتے ایمان رکھنا خاص کر کے ضروری اے ۔ یِسُوعؔ دے اِکلے سولی اُتے چڑھن اُتے ایمان آپ ای ، کسے وی طرح ساڈی مکتی اُتے کوئی اثر نئیں رکھدا ۔ کیوں ؟ ایس لئی پئی اوہدے سولی اُتے چڑھن توں پہلاں ، یِسُوعؔ دے بپتسمے دے کم نوں ہونا سی جیہدے راہیں پاپی اپنیاں پاپاں نوں یِسُوعؔ مسیح اُتے لد سکدے سن ۔ سولی ساڈی مکتی لئی اوس ویلے ای کم کردی اے جد اسی ایہہ ایمان رکھدے آں پئی خُدا باپ نے یِسُوعؔ مسیح نوں بپتسمہ دِلواؤن دے راہیں جگ دیاں پاپاں نو ں قبول کرن دے لائق کیتا ۔
خیمۂ اِجتماع وچ مہین وٹیا ہویا کتان سانوں کیہ دسدا اے ؟
ایہہ سانوں دسدا اے پئی خُدا نے ساڈے ساریاں وچکار سچیائی دے اپنے وڈے کلام دے مطابق کم کیتا اے ۔ مسیحا اصل وچ ایس زمین اُتے آیا تے ساڈیاں پاپاں تے سزا نوں بپتسمے جیہڑا اوہنے یوحنا کولوں لیا تے صلیبی لہو دے راہیں جریا ۔ تے ایہہ سانوں دسدا اے پئی اوہدی مکتی پہلاں ای پوری ہو گئی اے بالکل جویں اوہنے اپنے کلام وچ وعدہ کیتا سی ۔
نویں عہد نامے دے زمانے وچ ، ساڈا خُداوند اصل وچ ایس زمین اُتے آیا، یوحنا کولوں بپتسمہ لے کے ساڈیاں پاپاں نوں چُک لیا ، مرن تیکر لہو وگایا ، ساڈیاں پاپاں دی ساری سزا جری ، تے اِنج مکتی دے سارے وعدےپورے کر چُکیا اے ۔ یوحنا کولوں بپتسمہ لین تے سولی اُتے چڑھ کے ، ساڈے خُداوند نے خُدا باپ دی مرضی نوں کامل تے پورا کیتا ۔ اوہ وعدہ جیہڑا خُدا نے اسرائیلیاں نال کیتا سی اوہ سارا اوہدے پُتر یِسُوعؔ دے راہیں پورا ہویا سی ۔
تاں فیر ، کِنہوں ایس سچیائی اُتے پورا دھیان دینا چاہی دا اے ؟ کیہ ایہہ صرف اسرائیلی نیں ؟ یا کیہ ایہہ تُسی تے مَیں ہیگے آں ؟
سچیائی ایہہ ہیگی اے پئی خیمۂ اِجتماع دا پہلا چھاڑ سونے دیاں پنجاہ گھنڈیاں نال جوڑیا گیا سی ساڈے کولوں سچا ایمان منگدا اے ۔ایہہ سانوں وکھاؤندا اے پئی اسی خُدا دی بادشاہی وچ جا سکدے آں صرف جد اسی جان دے تے ایمان رکھدے آں پئی یِسُوعؔ خیمۂ اِجتماع دے پہلے چھاڑ لئی ورتے گئے اسمانی، ارغوانی، تےلال دھا گےتے مہین وٹے ہوئے کتان وچ ظاہر ہوئیاں اپنیاں خدمتاں نال ساڈے ساریاں پاپاں نوں دھو چُکیا اے ۔
دوجیاں اکھراں وچ ، ایہہ سانوں وکھاؤندا اے پئی پاپ دی معافی صرف سچیائی دے کلام اُتے ایمان رکھن نال مِلدی اے ۔ پُرانے تے نویں عہد نامے دے کلام نال ، خُدا اصل وچ سانوں صاف طریقے نال وکھاؤندا پیا اے پئی اسی اپنی سچی مکتی صرف ایہہ ایمان رکھ کے پا سکدے آں پئی خیمۂ اِجتماع دیاں چھاڑاں وچ ظاہر ہویا بپتسمہ تے صلیبی لہو سانوں ساڈیاں ساریاں پاپاں توں بچا چُکے نیں ۔
خُدا نے سچ مُچ سانوں ایس لائق بنایا اے پئی اسی اپنے ساریاں پاپاں توں صاف ہو جائیے تے خیمۂ اِجتماع دے پہلے چھاڑ لئی ورتے جان والے اسمانی، ارغوانی، تےلال دھا گےتے مہین وٹے ہوئے کتان وچ ظاہر کیتی گئی سچیائی اُتے ایمان لیا کے برف وانگر چٹے ہو جائیے ۔ تے خُدا صرف اوہناں نوں اپنی بادشاہی وچ جان دی اجازت دے چُکیا اے جیہڑے ایہہ ایمان رکھدے نیں ۔ سانوں خیمۂ اِجتماع دیاں چھاڑاں دے بارے جاننا چاہی دا اے تے اوہناں اُتے ایمان رکھنا چاہی دا اے ۔یِسُوعؔ مسیح اُتے ایمان رکھن دے راہیں جیہڑا ساڈے کول اسمانی، ارغوانی، تےلال دھا گےدیاں خدمتاں دے راہیں آچُکیا اے ، اسی اصل وچ خُدا دے پُتر بنن تے اوہدی بادشاہی وچ جان دا جلال پاؤن دا حق پا سکدے آں ۔
جد مسیحا سانوں اپنے اسمانی، ارغوانی، تےلال دھا گے وچ ظاہر کیتے گئے کماں نال ساڈیاں ساریاں پاپاں توں سانوں بچا چُکیا اے ، تاں کویں اسی خُدا دی اُچیری تے مکتی دی وڈی محبت اُتے ایمان نئیں رکھ سکدے تے ایہنوں رَدّ کر سکدے آں؟ کویں اسی اپنی پاپ دی معافی تے اسمانی بادشاہی نوں رَدّ کر سکدے آں ، جیہڑیاں صرف ایمان رکھن نال مل سکدیاں نیں؟ سانوں ساریاں نوں لازمی یِسُوعؔ مسیح اُتے اپنے خاص مکتی داتا وانگر ایمان رکھنا چاہی دا اے جیہڑا سانوں بپتسمہ لین تے سولی اُتے اپنا لہو وگا کے جگ دیاں پاپاں توں بچا چُکیا اے ۔ صرف فیر اسی خُدا دے لوک بن سکدے آں ۔
اوہ جیہڑے خیمۂ اِجتماع دے پہلے چھاڑ وچ ظاہر ہون والی اسمانی، ارغوانی، تےلال دھا گےدی سچیائی اُتے ایمان نئیں رکھدے اوہ اصل وچ اپنیاں پاپاں نوں ایمان رکھ کے نئیں دھو سکدے ۔ اوہ جیہڑے ایس سچیائی اُتے ایمان نئیں رکھدے خُدا دے پُتر نئیں بن سکدے ۔ ایس لئی سانوں لازمی خیمۂ اِجتماع دیاں چھاڑاں لئی ورتے گئے اسمانی، ارغوانی، تےلال دھا گے وچ ظاہر کیتی گئی مکتی دی ایس سچیائی اُتے ایمان رکھنا چاہی دا اے ،تے سانوں لازمی ا ِنج سدا دی زندگی پاؤنی چاہی دی اے ۔
بکریاں دی اُنّ دا چھاڑ خیمۂ اِجتماع دے پہلے چھاڑ توں وڈا بنایاگیا سی
بکریاں دی اُنّ نال بنیا ہویا دوجا چھاڑ خیمۂ اِجتماع دے پہلے چھاڑ توں وڈاسی ۔ ایہدا مطلب ایہہ ہیگا اے پئی اوہ جیہڑے خُدا دے خلاف کھلوندے نیں اوہ خیمۂ اِجتماع دے پہلے چھاڑ وچ ظاہر ہون والی سچیائی دا اِک حصہ وی نئیں ویکھ سکدے ۔ اصل وچ خیمۂ اِجتماع دے پہلے چھاڑ دے اسمانی، ارغوانی، تےلال دھاگے وچ ظاہر کیتے گئے پاپ دی معافی دے بھیت نوں لُکاؤن دی لوڑ سی ۔ ایہہ ایس لئی سی تاں پئی خُدا مقرر کر چُکیا سی پئی صرف اوہو ای جیہڑے اوہدی وڈیائی کردے نیں تے اوس توں ڈردے نیں اوہدی بادشاہی وچ اسمانی، ارغوانی، تےلال دھا گےوچ ظاہر کیتیاں گئیاں یِسُوعؔ دیاں خدمتاں اُتے ایمان رکھ کے جا سکدے نیں ۔
ایہو ای سبب اے پئی خُدا نے عدن باغ دے چڑھدے پاسے فرشتے ، تے اِک انگارے کڈھدی تلوار جیہڑی ہر پاسے گھُمدی سی ، زندگی دے رُکھ دے راہ دی راکھی کرن لئی مقرر کیتی سی ، جد اوہنے پاپ وچ ڈِگے ہوئے بندے نوں کڈھ دِتا سی (پیدائش ۳:۲۴)۔اوہ سچیائی جیہڑی کسے نوں خُدا دی بادشاہی وچ جان دے لائق بناؤندی اے خُدا اُتے ایمان رکھیوں بغیر ویکھن دی اجازت نئیں ہیگی ۔ ایہو ای سبب ہیگا اے پئی خُدا نے بکریاں دی اُنّ دا دوجا چھاڑ خیمۂ اِجتماع دے پہلے چھاڑ توں تھوڑا جیہا وڈا بنایا سی ۔
خیمۂ اِجتماع دا دوجا چھاڑ سانوں وکھاؤندا اے پئی اسی راستباز فیر ای بن سکدے آں جد اسی پہلے چھاڑ وچ ظاہر ہوئی پاپ دی معافی پاؤندے آں ۔ دوجیاں اکھراں وچ ، خُدا صرف اوہناں نوں اجازت دے چُکیا اے جیہڑے ڈر تے وڈیائی نال اوہدے کلام اُتے ایمان رکھدے نیں ،تے جیہڑے اِنج اوہدے لوک بنن لئی ، سچیائی دی خوشخبری نوں پھڑ دے نیں ۔ ایس لئی پئی خُدا نے ایہنوں ایسے طرح مقرر کیتا اے ، اوہ اپنی مقرر کیتی ہوئی پاپ دی معافی دی اسمانی، ارغوانی، تےلال رنگ دی سچیائی اُتے ایمان رکھیوں بغیر کسے نوں وی اپنے نیانے بنن دی اجازت نئیں دیندا۔ خُدا دی مرضی ایہہ ہیگی اے پئی اوہ جنہاں دے دل بھیڑے نیں اوہ کدی ایتھوں تیکر پئی اسمانی، ارغوانی، تےلال دھاگے دے بھیت دا تھوڑا جیہا وی احساس نئیں کر سکدے ۔
خیمۂ اِجتماع دا دُوجا چھاڑ بکریاں دی اُنّ نال بنایا گیا سی، تے ایہدیاں گھنڈیا ں پِتل دیاں بنائیاں گئیاں سن
پِتل دیاں گھنڈیا ں دا رُوحانی مطلب لوکاں دی پاپاں دی عدالت نوں ظاہر کردا اے ۔پِتل دیاں گھنڈیا ں سانوں دسدیاں نیں پئی ساریاں پاپاں نوں اپنے جائز مُل نوں اُتارن دی لوڑ ہوندی اے ۔ ایس طرح، پِتل دیاں گھنڈیا ں سچیائی والیاں نیں پئی مسیحا نوں سولی اُتے اپنا لہو وگاؤنا پیا ایس لئی پئی اوہ ایس زمین اُتے آگیا سی تے بپتسمہ لَے کے اِکو ای واری اوہنےچھیتی نال جگ دیاں پاپاں نوں چُکیا سی ۔ ایس لئی پئی مسیحا پہلاں بپتسمے دے راہیں جیہڑا اوہنے یوحنا کولوں لیا ساڈے جگ دیاں پاپاں نوں اوہنے چُکیا سی ، فیر اوہ لہو نال جیہڑا اوہنے سولی اُتے وگایا جگ دیاں ایہناں پاپاں دی سزا جر سکدا سی ۔
پِتل دیاں گھنڈیا ں توں ، اسی خُدا دی شریعت دا پتہ لا سکدے آں جیہڑی سانوں دسدی اے پئی پاپ دی مزدُوری موت اے (رومیوں ۶ : ۲۳)۔ ایس لئی ، سانوں ایہہ پچھاننا چاہی دا اے خُدا نے مسیحا دے راہیں ساڈیاں پاپاں دی سزا پوری کیتی ۔ ایس لئی پئی یِسُوعؔ مسیح نے یوحنا کولوں بپتسمہ لیا سولی اُتے مرن تیکر لہو وگایا ، ساریاں لوکاں دیاں ساریاں پاپاں دی سزا بالکل پوری گئی سی ۔
جد اسی خُدا دے اگے جاندے آں، تہانوں تے مینوں لازمی اپنیاں دلاں وچ سوچنا چاہی دا اے پئی سچیائی کیہ اے ۔ اسی ایس جگ وچ اپنیاں دلاں ، خیالاں تے کماں نال ہر دن اصل پاپ کردیاں ہویاں زندگی بسر کردے آں۔ پر ، مسیحا نے ایہناں ساریاں اصل پاپاں نوں قبول کیتا جیہڑے اسی ہر دن کردے آں ، اپنی ذاتی زندگی دے مُل نال ایہناں پاپاں دا مُل اُتاریا ، تے اِنج ساڈے لئی مکتی کامل کر چُکیا اے ۔ خُدا دے اگے ساڈے دل ، جے اسی اوہدی سچیائی اُتے کوئی ایمان نئیں رکھدے کملان تے مرن دے حقدار نیں ۔ ایس لئی ساڈے وچوں ساریاں نوں لازمی ایس سچیائی اُتے ایمان رکھنا چاہی دا اے ، تاں پئی ساڈیاں مرن والیاں جاناں مکت ہو سکن تے فیر زندہ رہ سکن ۔
کیہ ساڈے دل ایہناں پِتل دیاں گھنڈیاں وچ ظاہر کیتی گئی سچیائی اُتے ایمان رکھن دی تمنا رکھدے نیں ؟ ایہہ سچیائی اے جیہڑی پِتل دیاں گھنڈیاں سانوں دسدیاں پئیاں نیں جد پئی اسی بچ نئیں سکدے سگوں اپنیاں پاپاں دے سببوں لعنتی ٹھہردے ، مسیحا نے بپتسمہ لَے کے ساڈیاں پاپاں نوں چُک لیا تے ساڈے بدلے ایہناں ساریاں پاپاں دی بے ترسی والی سزا جری ۔ یِسُوعؔ نے اپنے بپتسمے تے صلیبی لہو نال اِکو ای واری سدا لئی پاپ دی ساری سزا جری ۔ اِنج کر کے ، یِسُوعؔ مسیح سانوں ایمان دے چُکیا اے تے سانوں خُدا دی بادشاہی وچ جان دے لائق بنا چُکیا اے ۔
جد کوئی خُدا دے اگے اپنے دل وچ پاپ رکھدااے ، تاں اوہنوں لازمی دوزخ وچ سُٹیا جانا چاہی دا اے ۔ اپنیاں پاپاں دے سببوں ، جیہڑا کُجھ اسی لین دے حقدار ساں اوہ صرف سدا دی موت سی ۔ پر مسیحا ساڈیاں پاپاں بدلے عِوضی وانگر قربانی دا لیلا بن گیا تے اِنج سانوں اوہناں دی ساری سزا توں بچا چُکیا اے ۔ اسی اپنیاں پاپاں دے سبب دوزخ دی سزا لئی مقرر ساں ، پر ایمان رکھن دے سبب پئی مسیحا نے ساڈے بدلے عِوضی وانگر سزا جری ، ہُن اسی خُدا دی بادشاہی وچ جا سکدے آں ۔
اپنیاں دلاں وچ ایس سچیائی اُتے ایمان رکھ کے ، سانوں لازمی اپنیاں جگ دیاں پاپاں توں معافی پاؤنی چاہی دی تے اپنیاں پاپاں دی سزا توں بچنا چاہی دا اے۔ مکتی دے ایہو جیہے کم کرن لئی ، مسیحا نے یوحنا کولوں بپتسمہ لَے کے جگ دیاں پاپاں نوں قبول کیتا ، تے جگ دیاں ایہناں پاپاں بدلے سولی اُتے چڑھ گیا ۔ ایس سچیائی نوں جانن تے ایس اُتے ایمان رکھ کے ، سانوں ناصرف پاپ دی معافی پاؤنی چاہی دی اے ،سگوں سانوں لازمی پاپ دی سزا توں وی مکتی یافتہ ہونا چاہی دا اے ۔
اسی ایمان رکھنا اے پئی مسیحا اپنے آپ اُتے ساڈیاں پاپاں نوں قبول کر سکدا سی تے ایہناں پاپاں دی سزا صرف ایس زمین اُتے آؤن تے پہلاں ہتھاں دے رکھے جان دی شکل وچ اپنا بپتسمہ لَے کے جر سکدا سی ۔ جے مسیحا نے بپتسمہ لَے کے جیہڑا اوہنے یوحنا کولوں لیا ساڈے جگ دیاں ساریاں پاپاں نوں چُک لیا ، تے جے اوہ ایہناں پاپاں دا مُل اُتارن لئی سولی چڑھیا سی ، فیر سانوں لازمی ایسے طرح ایمان رکھنا چاہی دا اے ۔ اوہ لوک جیہڑے اِنج ایمان رکھدے نیں ، خُدا اوہناں نوں نویں زندگی دیندا اے ۔
ایس لئی پئی اسی اپنے پاپاں دے سببوں دوزخ دے لائق ساں ، مسیحا نے ساڈیاں پاپاں نوں قبول کیتا تے ساڈے بدلے مرگیا اِنج ساڈیاں اپنیاں پاپاں دی لعنت جری ۔ ساڈے بدلے جیہڑے اپنیاں پاپاں دی لعنت دے سبب مرن دے حق دار ساں ، ساڈے بدلے ساڈے خُداوند نے ایس لعنت نوں جریا ۔ جے خُداوندسانوں ساڈیاں پاپاں دی سزا توں بچاؤن دی خاطر مرن لئی سولی چڑھیا سی ، تاں سانوں لازمی ایسے طرح ایمان رکھنا چاہی دا اے ۔
سانوں اپنے اندر ، اپنیاں دلاں دی ڈونگھیاں وچ خُداونددی مکتی نوں قبول کرنا چاہی دا اے ، نا پئی اپنے بدنی ارادے مطابق سگوں اوہدے کلام اُتے اپنے رُوحانی ایمان دے مطابق قبول کرنا چاہی دا اے ۔ تہاڈے وچوں ہر اِک نوں تے ہر کسے نوں ، جیہڑا ہُن ایہہ پیغام سُن چُکیا اے ، لازمی اپنیاں دلاں وچ ایس سچیائی اُتے ایمان رکھنا چاہی دا اے ۔ ایس لئی پئی مسیحا سانوں اپنے بپتسمے تے لہو وگاؤن نال بچا چُکیا اے ، اوہ جیہڑے ایمان رکھدے نیں اوہ سچ مُچ مکتی یافتہ ہو سکدے نیں ۔
جے لوک ایمان نئیں رکھدے پئی اوہ دوزخ دے لائق نیں ، تاں فیر اوہ مسیحا اُتے ایمان رکھ کے مکتی یافتہ ہون دی کوئی لوڑ نئیں ویکھن گے ، جیہڑا اسمانی، ارغوانی، تےلال دھا گےدے راہیں آیا سی ۔ پر جے لوک ایمان رکھدے نیں پئی اوہ سچ مُچ دوزخ دے لائق نیں ، تاں اوہ صاف طریقے نال ایس مسیحا اُتے ایمان رکھ کے مکتی یافتہ ہون دی اپنی لوڑ نوں ویکھن گے جیہڑا اسمانی، ارغوانی، تےلال دھا گے دے راہیں آیا سی ۔ ایہو ای سبب اے پئی یِسُوعؔ فرماؤندا اے ، ”تگڑیاں نُوں حکیم دی لوڑ نئیں پرروگیاں نُوں لوڑ اے۔ مَیں نیکاں نُوں نئیں پر گُناہیاں نُوں سَدّن آیاآں“ (مرقس ۲:۱۷)۔جد اِنج اوہ اپنیاں دلاں وچ ایس سچیائی اُتے ایمان رکھدے نیں ، تاں فیر اوہ اپنیاں دلاں وچ پاپ د ی معافی پاؤن گے ۔
جے اسی خُدا دے اگے شریعت دے مطابق اپنے آپ نوں کاچھد ے ہوئیاں دھیان کردے آں ، تاں اسی ایس گل توں مکرن دے لائق نئیں ہوواں گےپئی اسی سارے دے سارے پاپی آں ، تے ایہہ پئی سانوں اپنیاں پاپاں دے سببوں سدا تیکر لعنتی ٹھہرنا اے ۔ نا صرف سانوں اپنے آپ وچ ایہہ مننا چاہی دا اے پئی اسی اپنیاں پاپاں دے سببوں دوزخ دے لائق آں ، سگوں سانوں لازمی ایہو جیہی لعنت توں بچن دی بوہت تمنا وی کرنی چاہی دی اے ، تاں پئی اسی ایس پیغام اُتے ایمان رکھ کے اپنیاں ساریاں پاپاں توں صاف ہو سکیے ۔ ایہہ ایمان رکھن نال اپنیاں ساریاں پاپاں دی جائز سزا جرن دا ، زندگی دا اِکو راہ اے ۔
خیمۂ اِجتماع دے پہلے چھاڑ لئی ورتے گئے اسمانی، ارغوانی، تےلال دھا گے وچ ظاہر کیتیاں گئیاں یِسُوعؔ دیاں خدمتاں اُتے اپنے ایمان رکھیوں بغیر ، اسی سب توں بوہت لازمی طریقے نال حالی دوزخ پاسے جاندے ہوواں گے ۔ بپتسمہ جیہڑا مسیحا نے لیا تے لہو جیہڑا اوہنے سولی اُتے وگایا ساڈیاں جاناں دی مکتی نال بوہت تعلق رکھدے نیں ۔
ایس لئی پئی اسی آدم دی نسل وچوں جمے ساں تے ایس لئی پاپی ساں ، اسی دوزخ دے لائق ساں۔ ایس لئی سانوں لازمی خُدا دے اگے مننا چاہی دا اے پئی اسی سارے سِدھے دوزخ ول جان والے پاپی آں ، پر کیہ تُسی ایہنوں من دے او ؟ جد خُدا ساڈے اُتے دھیان کردا اے ،تاں او ہ ویکھدا اے پئی اسی دوزخ دے لائق ساں ، تے جد اسی ایسے طرح خُدا دے اگے اپنے آپ اُتے دھیان کردے آں ، تاں اسی، وی ، ویکھاں گے پئی اسی دوزخ دے لائق بن گئے ساں ۔ ایہہ ایس لئی اے تاں پئی تُسی تے مَیں دوزخ دا ٹکانہ رکھدے ساں پئی ساڈا مکتی داتا ایس زمین اُتے سانوں ساڈیاں پاپاں توں بچاؤن لئی آیا ۔
ایس زمین اُتے آؤن ، بپتسمہ لین ، تے اپنا لہو وگاؤن تے مرن نال ، ساڈے خُداوند نے سانوں بچاؤن دے اپنے کم پورے کیتے ۔ جے اسی مُڈھلےطوراُتے دوزخ دے لائق نئیں ساں، تاں خُداوند نوں مکتی دیاں ایہناں کماں نوں کرن دی لوڑ ای نا پیندی ۔ پر خاص کر کے ، بھاویں اسی نویں سریوں جمے ہوئے اپنیاں دلاں وچ ہُن کوئی پاپ نئیں رکھدے ، اسی، وی ، سارے پہلاں پاپی ساں ۔
جیہڑا پاپی اے اوہ لازمی دوزخ وچ جائے گا ۔ پاپ دی مزدُوری موت اے ۔ ایہدا مطلب ہیگا اےپئی پاپیاں نوں لازمی دوزخ وچ سُٹیا جاندا اے ۔ پر اوہ جیہڑے ، ایمان رکھ کے ،ساڈے خُداوند یِسُوعؔ مسیح ولوں دتی گئی پاپ دی معافی دا انعام پاؤندے نیں سدا دی زندگی پاؤندے نیں ۔ جد تُسی تے مَیں یِسُوعؔ مسیحا اُتے مکتی داتا وانگر ایمان رکھیا ، تاں خُداوند نے ساڈے لئی اپنی محبت نال ساڈی ساری پاپاں دی سزا توں سانوں بچا لیا ۔ آمین! ہیلیلویاہ!
سانوں اپنے آپ نوں پرکھنا چاہی دا تے ویکھنا چاہی دا اے پئی کیہ اسی اپنیاں دلاں وچ خُداوند ولوں دِتا گیا اصلی ایمان رکھدے آں
آؤ اپنے آپ اُتے اِک دھیان کردے آں ۔ کیہ تُسی تے مَیں خُدا دے کلام دی شریعت دے بالکل مطابق ایمان رکھ چُکے آں ؟ جے اِنج ہوندا ، تاں خُدا دے اگے ساڈا کیہ حال ہوندا ؟ کیہ اسی اپنیاں پاپاں دے سببوں خُدا ولوں سزا نا پاؤندے؟ ساڈا خُدا بے انصاف خُدا نئیں ہیگا جیہڑا پاپیاں نوں سزا نئیں دیندا ۔ ایس لئی پئی خُدا پاک تے راستباز اے ، اوہ پاپی نوں ویکھ نئیں سکدا ۔ خُدا سانوں دس چُکیا اے پئی اوہ اوہناں ساریاں نوں لازمی دوزخ وچ سُٹے گا جیہڑے اوہدے اگے ایمان نا رکھن دے سبب پاپی نیں ۔
او ہ سانوں دس چُکیا اے پئی اوہ اوہناں نوں اَگ تے گندھک نال بلن والی بھانبڑ والی دوزخ وچ سُٹے گا جتھے کیِڑے وی نئیں مرن گے ۔ خُدا اوہناں ساریاں نوں دوزخ وچ سُٹے گا جیہڑے آپ ای اپنیاں پاپاں نوں دھون دی تے آپ ای اپنیاں دلاں نوں تسلی دین دی کوشش کردے نیں ۔ ایس لئی خُدا وند نے ایہوجیہاں نوں فرمایا ، ” اَے شریعت توڑن والیو میتھوں دُراڈے ہوجاؤ۔“(متی ۷:۲۳)۔
ایس طرح ، سانوں مسیحا اُتے ایمان رکھنا چاہی دا اے ،تے سانوں لازمی بپتسمے اُتے جیہڑا اوہنے لیا جد اوہ ایس زمین اُتے آیا تے صلیبی لہو اُتے ، تے اوہدے مویاں وچوں جی اُٹھن اُتے ایمان رکھنا چاہی دا اے ۔ کیوں ؟ ایس لئی پئی مُڈھلےطوراُتے ، اسی سارے خُدا دے اگے پاپی ساں تے ایس لئی سارے دوزخ دے لائق ساں ۔ ایہو ای سبب ہیگا اے پئی مسیحا اسمانی، ارغوانی، تےلال دھا گےنال آیا ، تے اپنے بدن نال مکتی دی قربانی دا چڑھاوا چاھڑیا ، تے اِنج ساڈیاں ساریاں پاپاں نوں مُکا چُکیا اے ۔ ایس لئی سانوں لازمی ایمان رکھنا چاہی دا اے پئی خُداوند نے بپتسمہ لیا تے ساڈے بدلے سارا کُجھ قربان کر دِتا ۔ جے اسی اپنے آپ دا احساس نئیں کر سکدے پئی اسی دوزخ دے لائق آں ، تاں اسی خُداوند نال کُجھ میل جول نئیں رکھدے ۔
پر، بوہت لوک اپنیاں پاپاں دے سببوں دوزخ وچ فناہ ہون دے بارے نئیں سوچدے ۔ اوہ سوچدے نیں پئی اوہ اپنیاں ڈاکٹراں نال گل بات کر کے بوہت چنگے نیں ۔ ایہو جیہے لوک اوہ نیں جیہڑے یِسُوعؔ نوں صرف اِک شریف تے چنگے اخلاق والے بندے ، عزت دار تے اُستاد وانگر سمجھدے نیں ، تے اوہ وی ایہو جیہے لوک نیں جیہڑے یِسُوعؔ اُتے صرف ایس لئی ایمان رکھدے نیں پئی اوہ اپنے آپ نوں چنگے لوک ظاہر کرن ۔ ایہو جیہے لوکاں نوں ساڈے خُداوند نے فرمایا ،”نَویاں نرویاں نُوں حکیم دی لوڑ نئیں سگوں مندیاں نُوں “(متی ۹:۱۲)۔اوہناں نوں حالی ایسے ویلے پاک کلام دے نقطۂ نگاہ نال کامل طریقے نال اپنیاں دلاں دا جائزہ لینا چاہی دا اے ، کِدھرے اِنج نا ہوئے پئی اوہ دوزخ وچ اَپڑ جان ۔
ساڈا مسیحا اُتے ایمان رکھن دا سبب ایہہ ہیگا اے پئی ، اسی اپنے مکتی داتا وانگر اوس اُتے ایمان رکھ کے اپنیاں پاپاں دی معافی پائیے ۔ اسی اپنی دلی نیکی نوں نئیں بناؤندے پئی اسی مسیحا اُتے ایمان رکھدے آں ۔سگوں ، ایہہ ساڈیاں پاپاں دے سببوں ہیگا اے پئی تہاڈے لئی تے میرے لئی مسیحا اُتے ایمان رکھنا بوہت ضروری اے ۔ ایس لئی اسی ایمان رکھدے آں: پئی یِسُوعؔ مسیحا ایس زمین اُتے جمیا سی ؛ پئی اوہنے ۳۰ ورہیاں دی عمر وچ یوحنا کولوں بپتسمہ لیا؛ پئی اوہ جگ دیاں پاپاں نوں چُک کے لَے گیا تے اپنے سولی اُتے چڑھ کے اپنا لہو وگایا ؛ پئی اوہ تِناں دناں پِچھوں فیر مویاں وچوں جیوں پیا؛ پئی اوہ اسمان اُتے چڑھ گیا ؛ تے ایہہ پئی ہُن اوہ خُداباپ دے سجے ہتھ بیٹھا ہویا اے — ایہہ ساریاں شیواں ساڈی پاپ دی معافی دی گواہی دیندیاں نیں ۔ ایس لئی پئی ایہہ ساریاں شیواں مکتی داتا دے کم سن جیہڑا سانوں ساڈیاں پاپاں توں چھڈا چُکیا اے ، سانوں اوہناں وچوں کُجھ وی نا چھڈدیاں ہویاں ، لازمی طریقے نال اوہناں ساریاں اُتے ایمان رکھن دی لوڑاے ۔
ساڈیاں خیالاں مطابق ، خیمۂ اِجتماع دیاں چھاڑاں نوں صرف کُجھ موٹیاں دھاگیاں نال اُنّ کے بناؤنا ٹھیک نظر آسکدا اے ، پر پاک کلام وچ خُدا نے صاف طریقے نال تفصیل نال خاص وضاحتاں دِتیاں پئی کویں اوہناں نوں بناؤنا سی ، کویں کُجھ گھنڈیاں سونے دیاں تے دوجیاں پِتل دیاں بناؤنیاں سن ۔تہاڈے خیال وچ خُدا نے اِنج کیوں حکم دتا ؟ اوہنے ایس طرح حکم دتا ایس لئی پئی ایہہ ساریاں شیواں ساڈے اُتے اپنی رُوحانی لوڑ نوں ظاہر کرن لئی سن ۔ ایس لئی اسی اوہناں وچوں کسے نوں وی رَدّ نئیں کرسکدے ۔
سانوں لازمی طریقے نال یِسُوعؔ مسیح دے بپتسمے تے لہو اُتے ایمان رکھنا چاہی دا جیہڑا ساڈا مسیحا بن گیا اے
اپنیاں پاپاں دے سببوں ، سانوں دوزخ وچ سُٹیاں جانا سی ، پر یِسُوعؔ مسیح مسیحا ایس زمین اُتے آیا تے سانوں ساڈیاں پاپاں توں بچا چُکیا اے ۔ یِسُوعؔ نے سچ مُچ بپتسمہ لیا، سولی چڑھیا ، تے اپنا لہو وگایا ۔ ایس طرح ، ساڈے لئی صرف ایہہ آکھنا غیر قانونی ہیگا اے پئی اسی پہلاں اپنیاں دلاں وچ یِسُوعؔ دے بپتسمے تے لہو اُتے جیہڑا اوہنے سولی اُتے وگایا ایمان رکھیوں بغیر بے پاپ آں ۔ یِسُوعؔ ، جیہڑا مسیحا بن گیا اے ، بِنا شک سانوں بچاؤن لئی ایس زمین اُتے آیا ، اصل وچ اپنے بپتسمے نال اپنے بدن اُتے ساریاں لوکاں دیاں پاپاں نوں قبول کیتا ، ساڈی سزا جری تے مرگیا ، فیر مویاں وچوں جیوں پیا ، تے اِنج ساڈا اصلی تے سدا دا مکتی داتا بن گیا اے ۔ یِسُوعؔ سانوں ایس طریقے نال بچا چُکیا اے ایس لئی پئی صرف فیراسی ایس یِسُوعؔ اُتے ایمان رکھ کے اپنیاں ساریاں پاپاں توں معافی پا سکدے آں ۔
مکتی د ے کم پورے کرن لئی ، مسیحا نے یوحنا بپتسمہ دین والے کولوں بپتسمہ لینا تے فیر سولی اُتے مرنا سی ۔ ایہدا مطلب ایہہ ہیگا اے پئی مُڈھوں ای ، اسی اپنیاں پاپاں دے سببوں لعنتی ساں ۔ پر اصل وچ ، ہُن سانوں ایس لعنت نوں جرن دی کوئی لوڑ نئیں ہیگی ۔ کیوں ؟ ایس لئی پئی مسیحا نے جیہڑا بے پاپ سی تے ایس لئی اصل وچ اوہنوں سزا جرن دی لوڑ نئیں سی اوس اُتے لد یاں ہوئیاں ساڈیاں پاپاں نوں قبول کیتا ،تے اوہنے بے ترسی نال ساڈیاں ساریاں پاپاں دی سزا جری ۔ ایس لئی ، ایہہ سچے دلوں یِسُوعؔ دے بپتسمے تے اوہدے صلیبی لہو اُتے ایمان رکھ نال اے پئی اسی اپنیاں پاپاں دی ساری سزا توں چھُٹ گئے آں ۔
اسی ، ”یِسُوعؔ تہاڈے نال محبت کردا اے !“بوہت ساریاں کاراں دیاں پِچھلیاں کھڑکیاں اُتے ایہہ اسٹیکر ویکھ سکدے آں ۔ کیہ ایہہ سارا ہیگا اے جیہڑا یِسُوعؔ چاؤہندا اے پئی تہانوں پتہ ہوئے ؟ ساڈے خُداوند دی مکتی ایہو جیہی شے نئیں سی جیہڑی صرف ایہو جیہاں اکھراں نال بنی ہوئے ۔اوہ تہانوں دسنا چاؤہندا اے ، ”مَیں تہاڈے نال بوہت محبت کرداہاں ، ایس لئی ، مَیں تہاڈے پاپ معاف کر چُکیا ہاں ۔ صرف میرے اُتے ایمان رکھو ، تے مَیں تہانوں اپنے نیانے بناواں گا ۔“مسیحا نے سچ مُچ بپتسمہ لیا تے سولی چڑھیا ،تے اپنا لہو وگایا تے مرگیا ، سارا کُجھ سانوں ساڈیاں پاپاں توں چھڈاؤن دے سلسلے وچ سی ۔ خُدا بِنا شک سانوں بچا چُکیا اے تے سانوں اُڈیکدی سزا توں سانوں چھڈا چُکیااے ۔
خُداوند ساڈیاں پاپاں دے روگ نوں چنگیاں کرن لئی ساڈا حکیم بن گیا ۔ ایس زمین اُتے آکے ، اوہنے سچ مُچ بپتسمہ لے کے اپنے پِنڈے اُتے ساڈیاں پاپاں نوں قبول کیتا ، سولی چڑھیا تے مرن تیکر لہو وگایا ، سچ مُچ مویاں وچوں جیوں پیا ، تے اِنج سانوں بچا چُکیا اے۔ جد اسی لازمی طریقے نال اپنیاں پاپاں دے سببوں دوزخ دے لائق ساں ، تاں خُداوند پہلاں ای سانوں ساڈیاں پاپاں دے سارے روگ توں شفا دے چُکیا اے ۔ سانوں لازمی پکا ایمان رکھ کے اپنیاں پاپاں توں شفا پاؤنی چاہی دی اے ۔
جے لوک پاپی ہوندیاں ہویاں وی دوزخ وچ نا سُٹے جاندے ، تاں مسیحا نوں ایس جگ وچ آؤن تے اپنا لہو وگاؤن دی کوئی لوڑ ،نا ہوندی ۔ پر سبب کیوں لوکاں نوں خاص کر کے یِسُوعؔ اُتے ایمان رکھنا چاہی دا اے ایہہ ہیگا اے پئی اوہ اصل وچ پاپ دا ڈاہڈا روگ رکھدے نیں جیہڑا اوہناں نوں دوزخ ول لے جاندا اے ۔ اصل وچ ، اوہ لوک جیہڑے پاپ دا ایہہ ڈاہڈا روگ رکھدے نیں بچ نئیں سکدے سگوں دوزخ وچ سُٹے جان گے ، تے ایس لئی بِنا شک اوہناں نوں لازمی یِسُوعؔ دے بپتسمے تے لہو اُتے ایمان رکھنا چاہی دا اے جیہڑا مسیحا بن گیا اے ۔
اوہناں ساریاں نوں جیہڑے اپنیاں دلاں وچ پاپ رکھدے نیں لازمی دوزخ دی سزا پاؤنی اے ، ایس لئی پئی جد خُدا دی شریعت دی گل ہوندی اے ، تاں ہر کسے لئی پاپ دی مزدُوری موت اے ۔ سوکھیاں اکھراں وچ ، جے کسے بندے دے دل وچ بھورا جنہاں وی پاپ ہوئے ، تاں اوہ دوزخ وچ سُٹیا جائے گا ۔ ایس لئی یِسُوعؔ نوں ساڈے واسطے آؤنا پیا ۔ سو جد اسی سچ مُچ مسیحا اُتے ایمان رکھدے آں جیہڑا کامل طریقے نال ساڈیاں ساریاں پاپاں نوں مُکا چُکیا اے ، فیر اسی اپنیاں ساریاں پاپاں توں مکتی یافتہ ہو سکدے آں ۔ سانوں یِسُوعؔ اُتے اپنے مکتی داتاوانگر ایمان رکھنا چاہی دا اے تے سانوں بالکل ایہدے مطابق ایمان رکھنا چاہی دا اے جیہڑا اوہ ساڈے لئی کر چُکیا اے ۔
یِسُوعؔ اصل وچ آپ ای خُدا اے ۔ اوہ اصلی جگ بناؤن والا اے ۔ پر اوہنے اپنا خُدائی جلال اِک
پاسے رکھ دِتا تے سچ مُچ تھوڑے چر لئی اِک بندے دے بدن وچ جمیا ، ایہہ سارا تہانوں تے مینوں جنہاں نال اوہنے محبت کیتی ، پاپ تے دوزخ دی ڈاہدی سزا، بربادی تے لعنتاں توں چھڈاؤن دے بارے سی ۔ تے اوہنے سچ مُچ بپتسمہ لیا ،سولی چڑھیا ، جیوں پیا، تے فیر اسمان اُتے چڑھ گیا ۔ ایہو ای سچیائی اے ۔ اسی ایس اصلی سچیائی نوں پھوکا جیہا نئیں سمجھ سکدے ، جویں پئی ایہہ صرف اِک مخَول سی ۔ ایس اصل سچیائی اُتے ایمان رکھنا تہاڈے کول کوئی من پسند دی شے نئیں ہیگی ۔ سانوں لازمی بھروسہ رکھ کے اپنیاں دلاں وچ ایس اصل سچیائی اُتے ایمان رکھنا چاہی دا اے ،تے سانوں سچے دلوں ایہنوں جاننا چاہی دا اے ۔
کیہ قربانی دیاں پشُوآں وانگر ورتے گئے لیلیاں تے بکریاں نیں کوئی پاپ کیتے سن ؟ کوئی پشُو ایتھوں تیکر پئی دُور دُور تیکر سوچ نئیں رکھدا پئی پاپ کیہ اے ۔ پر تاں پئی ایہناں پشُوآں نیں ہتھاں دے رکھے جان نال پُرانے عہد نامے دے اسرائیلیاں دے پاپاں نوں قبول کیتا سی ، ایس لئی اوہناں دے بدلے اوہناں نوں اصل وچ فدیہ دین لئی موت دے حوالے ہونا پیا ۔ کیوں ؟ ایس لئی پئی پاپ دی مزدُوری موت اے ،تے ایہہ اوہو ای سی جیہڑا خُدا مقرر کر چُکیا سی ۔ سو فدیہ دیہاڑے دی قربانی دے پشُوآں نوں جیہڑے اسرائیلیاں دیاں ساریاں پاپاں نوں قبول کر چُکے سن لازمی طریقے نال مرنا پینا سی ۔ سوکیہ ایہو ای سبب نئیں سی پئی یِسُوعؔ مسیح نوں مرنا پیا ، ایس لئی پئی اوہ پہلاں ای اپنے بپتسمے نال جگ دیاں ساریاں پاپاں نوں اپنے اُتے لَے چُکیا سی ۔
ایہہ کم کیہڑیاں لوکاں لئی اصل وچ کیتے گئے سن ؟ اوہ اصل وچ تہاڈے لئی تے میرے لئی سن ۔ تاں ، کیہ ایہہ ایہو جیہی شے اے جیہدے اُتے اسی یا تاں ایمان رکھ سکدے آں یا نئیں ؟ لوک ایمان نئیں رکھدےایس لئی پئی اوہ سارے دے سارے اپنے پاپ دے روگ دی سنگینی توں بے سمجھ نیں ۔ پر جے اوہ ایس سچیائی نوں جانن پئی اوہ نِکے توں نِکےپاپ لئی وی دوزخ وچ سُٹے جان گے ،تاں اوہ یِسُوعؔ مسیح مسیحا دی مکتی نوں کسے ایہو جیہی اختیاری شےوانگر سوچن دے لائق نئیں ہون گے ، ایہو جیہی شے جیہدے اُتے اوہ کسے نتیجے توں بغیر یاتاں ایمان رکھ سکدےنیں یانئیں۔
جے لوک پاپ رکھدے نیں ، ایتھوں تیکر پئی کنک دےدانے وانگر نِکا ، تاں وی اوہ دوزخ وچ سُٹے جان گے ۔ اوہ فنا ہو جان گے ۔ ایس زمین اُتے اوہ جیہڑا کُجھ وی کردے نیں اخیریں سار اکُجھ اوہناں دی سدا دی لعنت نال مُک جائے گا ۔ جیہڑے لوک ایہہ سمجھدے نیں پئی پاپ کرنا چنگا اے اوہ ڈاہڈے دھوکے وچ پھسے ہوئے نیں ۔ پاپ دا نتیجہ بِنا شک موت اے ۔ بِنا شک ، ہُن وی بوہت سارے لوک ہیگے نیں جیہڑے وکھالے طور اُتے اپنیاں کامیاب زندگیاں بسر کردے نیں بھاویں اوہ اپنیاں دلاں وچ پاپ رکھدے نیں ۔ گبھرُو مشہور بندیاں دی پوُجا کرن لئی تیار نیں ، اوہناں نال کسے دن ملن دے سُفنے ویکھن دی تمنا کردے نیں ۔ پر کیہ اوہناں دیاں وکھالے دیاں ودھیا زندگیاں سدا تیکر باقی رہن گئیاں ؟ اوہناں وچوں بوہت سارے وچارے لوک بن جاندے نیں جد اوہناں دی پندراں منٹاں دی شہرت مُک جاندی اے ۔
کئی لوک ہیگے نیں جنہاں لئی ہر کم جیہڑا اوہ کردے نیں بھیڑا ہو جاندا اے ۔ خُداوند نال ملن توں پہلاں ، تُسی ، وی ، خورے اِنج دے ا ی سو، جد کُجھ وی سچ مُچ ایناں چنگا نئیں ہویا جناں تُسی چاؤہندے سو ۔ جویں تُسی اِک لعنتی زندگی بسر کردے ہووو، جیہڑی تہاڈے خیال وچ اِک لازمی شے سی اوہ کدی وی ٹھیک طریقے نال ثابت نئیں ہوئی ، تے جیہڑا تہاڈے خیال وچ ٹھیک ہیگا سی اوہ اخیریں ٹُٹ گیا ۔ تُسی وڈے وڈے سُفنے ویکھے ہون گے ، پراصل وچ کُجھ وی نئیں ہویا ، تے سُفنے نِکے نِکے ہوندے گئے ایتھوں تیکر پئی ایہہ اخیریں مُک گئے ۔ جد تُسی احساس کیتا پئی ایتھوں تیکر پئی تہاڈیاں ساریاں سُفنیاں وچوں نِکے نِکے سُفنے نوں وی سچیائی نئیں بنایاجا سکدا ، تاں تہاڈا سُفنا اخیریں سارے دا سارے ٹوٹے ٹوٹے ہوگیا ۔
اِنج کیوں ہویا سی ؟ ایہہ اوہناں پاپاں دے سببوں سی جیہڑے تہاڈے دلاں وچ سن ۔ لوک جیہڑے اپنیاں دلاں وچ پاپ رکھدے نیں کدی خوش نئیں ہوسکدے ۔خُدا کدی اوہناں نوں برکت نئیں دیندا ، بھاویں اوہ کنی ای کوشش کرن ۔ جے کُجھ لوک ایہو جیہے نیں جیہڑے پاپی ہوندیاں ہویاں کامیاب نظر آؤندے نیں ، تاں تہانوں لازمی ایہہ سمجھنا چاہیے دا اے پئی خُدا اوہناں نوں چھڈ چُکیا اے ۔ تہانوں پتہ ہونا چاہی دا اے پئی بھاویں اوہناں دیاں اَج دیاں زندگیاں کامیاب ہو سکدیاں نیں ، پر خُدا اوہنان نوں دوزخ وچ سُٹن لئی چھڈ چُکیا اے ۔ جے ایہہ جگ صرف بے پاپ لوکاں نال بھریاہوندا ، تاں دوزخ دے ہون دی کوئی لوڑ نا ہوندی ۔ پر خُدا سچ مُچ دوزخ نوں بنا چُکیا اے ، تے اوہ ایہنوں اوہناں لئی بنا چُکیا اے جیہڑے اپنیاں دلاں وچ پاپ رکھدے نیں ۔
خُدا نے خیمۂ اِجتماع دا پہلا چھاڑ ساڈیاں دلاں نوں پاپ دی اصلی معافی دین لئی اسمانی، ارغوانی، تےلال دھاگےنال بناؤن دا حکم دِتا ۔ تے ایس توں ایہہ ظاہر ہوندا اے پئی جد نویں عہد نامے دا زمانہ آئے گا ، یِسُوعؔ مسیح یوحنا کولوں بپتسمہ لَے کے جگ دیاں پاپاں نوں چُکے گا ، تے فیر اوہ ایہناں پاپاں دی سزا جرن لئی مرن لئی سولی چڑھے گا ۔ ساڈا خُداوند سچ مُچ پاپیاں دا مکتی داتا بن گیا اے
ایہو ای سبب ہیگا اے پئی اوہ اسمانی، ارغوانی، تےلال دھاگےدیاں اپنیاں کماں نال پاپیاں نوں پاپ دی معافی دے چُکیا اے ۔ کیہ تُسی ہُن ایس گل دا احساس کردے او؟ یِسُوعؔ مسیح نے اصل وچ ساڈیاں پاپاں نوں چُکن لئی یردن دے دریا اُتے بپتسمہ لیا، تے اوہ سولی اُتے چڑھیا تے ایہناں پاپاں دی مزدُوری دین لئی اپنا لہو وگایا ۔ پئی اوہنے ساڈیاں پاپاں نوں چُکن لئی بپتسمہ لیا سی ۔ کیہ تُسی ایمان رکھدے او پئی یِسُوعؔ سولی اُتے مرگیا ایس لئی پئی اوہ سب توں پہلاں اوس بپتسمےنال جیہڑا اوہنے یوحنا کولوں لیا ساڈیاں پاپاں نوں چُک لیا سی ؟
اپنے بدن وچ ، تُسی تے مَیں تُخس دیاں کھلاں وانگر ساں
چوتھا چھاڑتُخس دیاں کھلاں نال بنیا ہویا سی ۔ تُخس اِک ممالیا پشُو دا ترجمہ کیتا ہویا ناں اے جنہوں پُرانے عہد نامے وچ عبرانی وچ ”تاچاش“(Tachash) آکھیا جاندااے۔ ایہدا ترجمہ کُجھ وکھرے ممالیہ پشوُآں وِچ کیِتا گیااے—مثال طور اُتے، ”سمندری گاں (NIV) “،”دریائی وچھا(ASV) “ ، ”بکری دی ودھیا کھل“ (NLT)،تے”سنگِ ماہی (NASB) “۔ اسی بالکل پچھان نئیں کرسکدے ایہہ ممالیا کیہ اے ۔ پاک کلام دے اُستاد دعویٰ کردے نیں پئی ایہہ اکھر”تاچاش“ دی اصل خورے اوپرے مُلکوں نکلی اے ۔ بہر حال ، ممالیا”تاچاش“ ایہو جیہا پشوُ سی جیہدیاں کھلاں خیمۂ اِجتماع دا چوتھا چھاڑ بناؤن لئی ورتیاں جاندیاں سن ۔ تے ایہہ سمجھنا خورے ٹھیک اے پئی ایہہ چھاڑ سوہنا نئیں سی تے ایس وچ کوئی سُلکھنے چج نئیں سن ۔
تُخس دیاں کھلاں دا ایہہ چوتھا چھاڑ لاگُو کردا اے پئی یِسُوعؔ مسیح اِک بندے دے بدن وِچ ایس زمین اُتے آیا ۔ ایس توں علاوہ ، اوہ اپنے نین نقش وچ کوئی کھِچ نئیں رکھدا سی ۔ پاک کلام اوہدے مُنھ متھےبارے اِنج آکھدیاں ہویاں دسدا اے ، ” پر اوہ اوہدے اَگے گُلی وانگرتےسُکی دھرتی وِچوں جڑوانگر پُھٹ پیااے۔ نا اوہدا کوئی مُنھ متھااے نا سوہنااےتےجداسی اوس اُتےدھیان کرئیے تاں کُجھ رُوپ رنگ نئیں پئی اسی اوہدی تمناکرئیے“(یسعیاہ ۵۳:۲)۔
پئی خُدا دا پُتر ایس زمین اُتے اِک نمانیاں وانگر جم کے ، بندے دے بدن وچ ہیٹھاں آیا، سانوں
ساریاں نوں بچاؤنا سی جیہڑے بچ نئیں سکدے ساں سگوں اپنے مرن دیہاڑے تیکر شرم والیاں زندگیاں بسر کردے ۔جد خُدا سانوں ، آدم دیاں نیانیاں نوں ویکھدا اے ، تاں اوہ ویکھدا اے پئی اسی وی ایس کھل دے چھاڑ وانگر بے کھِچ آں ۔ ایس توں علاوہ ، اسی صرف پاپ کرنا پسند کردے آں۔ بالکل گندیاں تُخساں وانگر ، سارے لوک اپنے جمن توں لَے کے اپنے مرن تیکر ، صرف اپنے ٹِہڈ بھرن وچ جی لاؤندے نیں ۔ ایہہ اصل سبب ہیگا اے کیوں یِسُوعؔ اِک بندے بدن وچ آیا ، تے اوہنے دکھ جرے ۔
صرف اوہو ای جیہڑے سچ مُچ اپنی پاپی عادت دے گند نوں جاندے نیں مسیحا اُتے ایمان رکھ سکدے نیں تے اپنیاں پاپاں تے لعنت توں مکتی یافتہ ہو سکدے نیں ۔ ایس طرح ، اوہ جیہڑے اپنیاں دلی پاپاں نوں نئیں جان دے ،تے او ہ جیہڑے اپنیاں پاپاں دی سزا نوں نئیں جان دے تے ایس اُتے ایمان نئیں رکھدے ، اوہ پاپ دی معافی پاؤن دے لائق نئیں ہیگے ۔ خُدا سانوں دسدا اے پئی ایہو جیہے لوک ڈنگر اں توں چنگے نئیں ہیگے (زبور ۴۹ : ۲۰)۔
بھاویں اسی خُدا دے رنگ روپ وانگر بنائے گئے آں ، پر ہر کوئی خُدا دی محبت نوں قبول نئیں کردا اے ۔ اوہ جیہڑے خُدا دے مکتی دے ارادے اُتے ایمان نئیں رکھدے اوہ اپنیاں دلاں وچ پاپ دی معافی پا نئیں سکدے ، تے ایس لئی ڈنگراں وانگر فنا ہون والے نیں جیہڑے برباد ہو جاندے نیں ۔ ایہہ ایس لئی ہیگااے تاں پئی خُدا نے ساریاں لوکاں لئی اِک ارادہ بنایا سی پئی اوہنے اوہناں نوں اپنے رنگ روپ وانگر بنایا۔
ہر کوئی کیہ کردا یا سوچدا اے ایس اُتے اِک خاص دھیان کرو ۔ مَیں خاص کر کے تہاڈی گل نئیں کرداپیا ، سگوں مَیں ساریاں لوکاں دی گل کردا پیا ہاں ۔ بوہتے لوک اپنے بناؤن والے نوں وی نئیں جان دے جنہے اوہناں نوں پیدا کیتا ۔ ایس توں علاوہ ، اوہناں وچوں بوہت سارے دعویٰ کردے نیں پئی اوہ پاپ نئیں کردے ،تے ایہہ پئی اوہ ساریاں توں چنگے نیں ۔ سارے لوک کِنے کملے تے گھٹ عقلے نیں ؟ اوہ جیہڑے خُدا نوں نئیں جان دے اپنے آپ نوں بوہت پسند کردے نیں ۔جد اسی اپنی برابری کسے دوجے نال کردے آں ، تاں اسی سچ مُچ کیہ اصلی فرق لبھ سکدے آں ؟ کنے چنگے یا مندے اسی سچ مُچ ہیگے آں؟ تے فیر وی لوک صرف اپنے فائدے پاؤن لئی دوجیاں نوں گھاٹا دیندے نیں — ایہہ کناں غلط اے ۔
اسی ایہہ وی سوچ نئیں سکدے پئی ہر بندہ ساری زندگی وچ خُدا دے خلاف کنے پاپ کردا اے ۔ مَیں ایہہ گل صرف بندیاں دیاں کماں دی بے عزتی کرن لئی نئیں آکھدا پیا، سگوں مَیں صرف ایس سچیائی ول اشارہ کردا پیا ہاں پئی بھاویں خُدا ساریاں لوکاں نوں مہنگے بناؤن لئی پیدا کر چُکیا اے ، پر اوہناں وچوں بوہتے فیر وی احساس نئیں کردے پئی اوہ اصل وچ اپنیاں پاپاں دے سببوں فنا ہون ولے نیں۔ لوکاں نوں نئیں پتہ پئی اوہ اپنے آپ دی فکر کویں کرن ؛ اوہ اپنے آؤن والے زمانے نوں اپنے لئی تیار نئیں کرسکدے ؛اوہ خُدا دے کلام نوں نئیں پچھان دے ؛ تے اوہ اوس اُتے ایمان نئیں لیاؤنا چاؤہندے بھاویں اوہناں کول اپنی بربادی توں بچن دا کوئی دوجا راہ نئیں ہیگا ۔ ایہناں لوکاں توں علاوہ کوئی دوجے لوک نئیں ہیگے جیہڑے ڈنگراں توں چنگے نئیں ہیگے جیہڑے برباد ہوجاندے نیں ۔
پر خُدا نے سانوں ساڈی بربادی لئی نئیں چھڈیا
اصل وچ، سانوں ساڈیاں پاپاں توں بچاؤن لئی ،یِسُوعؔ ایس زمین اُتے آیا ، تے ساڈیاں ساریاں پاپاں نوں مکاؤن لئی ، اوہنے بپتسمہ لیا ، سولی اُتے اپنا لہو وگایا ، تے فیر مویاں وچوں جیوں پیا۔ خُداوند ایس طرح ساڈا اصلی مکتی داتا بن گیا اے ۔ سانوں لازمی ایس سچیائی اُتے ایمان رکھنا چاہی دا اے ۔ کیہ تُسی ایمان رکھدے او ؟ کسے وی طریقے نال ،کیہ تُسی ، اپنے عقل دے گھاٹے تے پاک کلام دی تعلیم دے گھاٹے دے سبب ، آکھدے پئے او ، ”کنی وڈی گل ہیگی اے؟ جے اسی یِسُوعؔ اُتے کسے وی طرح ایمان رکھیے ، تاں اسی سارے اسمان اُتے جاواں گے؟“ تے اوہ لوک نیں جیہڑے ایہہ وی آکھدے نیں ، ”جے اسی صرف صلیبی لہو اُتے ایمان رکھدے آں ، تاں اسمان ساڈا اے ۔ “ پر کیہ ایس طرح دا ایمان سچ مُچ ٹھیک اے؟
اصل وچ ، خُدا ، سچیائی دا خُدا اے ۔ اوہ اِکو اے جنہے سانوں اپنے ارادے دے بارے فرمایا ، جنہے مکتی دیاں کما ں نوں بالکل اپنے کلام دے مطابق پورا کیتا ، جیہڑا سانوں پاپ دی معافی دے چُکیا اے ، تے جیہڑا ساڈے نال ایس سچیائی دے راہیں ملدا اے ۔ خُدا زندہ اے ۔ خُدا ہُن وی ایتھے ہیگا اے ،ساڈے وچوں ہر اِک تے ہر کسے کول ہیگا اے ۔ اوہناں لوکاں نوں جیہڑے اپنیاں دلاں وچ پاپ رکھدے نیں خُدا نوں فریب دین دی کوشش نئیں کرنی چاہی دی ۔ جے لوک اپنیاں دلاں وچ پاپ رکھدے نیں تے اوہناں دے ضمیراوہناں نوں کھاندے پئے نیں ، تاں اوہناں نوں لازمی بپتسمہ جیہڑا یِسُوعؔ نے لیا تے لہو جیہڑا اوہنے وگایا اُتے ایمان رکھ کے ایس مسئلے نوں حل کرنا چاہی دا اے ۔ پاپی نوں لازمی سچیائی اُتے ایمان رکھنا چاہی دا اے ایس لئی پئی اوہ دوزخ دے لائق سن ، خُداوند اوہناں نوں اوہناں دیاں ساریاں پاپاں توں اپنے بپتسمےتے اپنے صلیبی لہو نال بچا چُکیا اے ۔
کوئی بندہ وی ایہو جیہا نئیں ہیگا جیہڑا پانی تے لہو اُتے ایمان رکھ کے اپنیاں پاپاں دے مسئلے نوں حل کرن دے لائق نئیں ہیگا۔ پر ایتھوں تیکر پئی ساڈا خُداوندسانوں پا نی ، لہو تے رُوح دے راہیں بچا چُکیا اے (۱ ۔ یوحنا ۵ : ۶ ۔ ۸)، جے اسی اپنے ولوں ایس سچیائی نوں نئیں پچھان دے تے ایس اُتے ایمان نئیں رکھدے، تے ایس لئی فناہو جاندے آں ،تاں اسی پورے طریقے نال اپنے نتیجے دے آپ ذمہ دار ہیگے آں ۔ ساڈے وچوں ساریاں نوں لازمی خُدا دے اگے اقرار کرنا چاہی دا اے ، ”مَیں دوزخ دے لائق آں ایس لئی پئی مَیں پاپی آں۔ پر مَیں پانی ، لہو تے رُوح دی خوشخبری اُتے ایمان رکھدا ہاں ۔“ سانوں لازمی ایہو جیہا ایمان رکھنا چاہی دا اے ۔سانوں لازمی اپنیاں دلاں وچ ایمان رکھنا چاہی دا اے پئی خُداوند سانوں پانی ، لہو تے رُوح دے راہیں ساڈیاں ساریاں پاپاں توں بچا چُکیا اے ۔ اپنے سچے دل تے ایمان رکھ نال ، سانوں اپنے آپ نوں پانی تے رُوح دی خوشخبری وچ ظاہر ہون والی سچیائی نال اکٹھیاں کرناچاہی دا اے ۔ فیر ای اسی اپنیاں ساریاں پاپاں توں مکتی یافتہ ہو سکدے آں ۔
ایس طرح ، سانوں ایہناں ساریاں شیواں نوں سمجھنا چاہی دا اے تے سانوں لازمی اوہناں دی سچیائی اُتے ایمان رکھناچاہی دا اے ۔ ایتھوں تیکر پئی سچیائی نوں جانیوں اَڈ جیہڑی خیمۂ اِجتماع وچ ظاہر کیتی گئی اے تے پانی تے رُوح دی خوشخبری توں اَڈ کئی لوک ایمان رکھدے نیں ، ”ایس لئی پئی مَیں ایمان رکھدا ہاں ۔مَیں اسمان اُتے جاندا پی ہاں ایتھوں تیکر پئی مَیں حالی تیکر پاپ رکھدا ہاں۔“پر خُدا نے فرمایا پئی اوہ سارے جیہڑے پاپ رکھدے نیں دوزخ وچ سُٹے جان گے ؛اوہنے ایہہ نئیں فرمایا پئی اوہ دوزخ وچ نئیں سُٹے جان گے ایس لئی پئی اوہ پاپ رکھدے نیں صرف ایس لئی پئی اوہ یِسُوعؔ اُتے ایمان رکھدے نیں ۔ ایہہ سب توں وڈے عقلوں گھٹ بنن وانگر اے ۔ ایہہ آکھنا پئی اوہ اسمان اُتے جان گے صرف ایس لئی پئی اوہ یِسُوعؔ اُتے ایمان رکھدے نیں ، جد پئی ، اصل وچ ، اوہ ایمان رکھدے نیں جیہڑا وی طریقہ اوہناں نوں پسند اے ،ایہہ عقلوں گھٹ ، جہالت ،تے کامل طریقے نال انھا ایمان وکھاؤنا اے ۔
کئی دوجے آکھدے نیں ،”مَیں اِک وی بندہ نئیں ویکھیا جیہڑا دوزخ وچ سُٹیا گیا ہوئے ،تے نا ای مَیں کسے نوں ویکھیا اے جیہڑا اسمان اُتے گیا ہوئے ۔اسی ایہنوں حشر دیہاڑے تیکر نئیں لبھ سکاں گے ۔“پر اصل وچ اسمان تے دوزخ ہیگے نیں ۔ کیہ ایس جگ وچ صرف اوہو ای شیوا ں نیں جیہڑیاں اسی اپنیاں اکھاں نال ویکھ سکدے آں ؟ کیہ تُسی اپنیاں اکھاں نال وَا نوں ویکھ سکدے او ؟ لازمی طریقے نال غیب دا وی جگ ہیگا اے ۔ سارے پاپی جیہڑے خُدا اُتے ایمان نئیں رکھدے ایس لئی پئی اوہ اوہنوں ویکھ نئیں سکدے اوہناں ڈنگراں وانگر نیں جیہڑے فنا ہو جاندے نیں ۔
ایس طرح ، لوکاں نوں ایہہ سمجھنا چاہی دا اے پئی جے اوہ اپنیاں دلاں وچ پاپ رکھدے نیں ، تاں اوہ فنا ہو جان گے ، تے ایس لئی اوہناں نوں لازمی پانی تے رُوح دی خوشخبری اُتے ایمان رکھناچاہی دااےتے خُدا دی سزا توں بچنا چاہی دا اے ۔ سیانے اوہ نیں ، جنہاں نے اپنے آلے دوالے دیاں لوکاں نال بوہت چوکھیاں بدیاں نا وی کیتیاں ہون ، ایہدے باوجود ایہہ من دے نیں پئی اوہ خُدا دے خلاف بوہت سارے بھیڑے کم کر چُکے نیں ، تے ایس لئی ایہہ من دے نیں پئی اوہ چھیتی نال ای اوہدے اگے کھلون گے تاں اوہ پک نال سز پاؤن گے ۔
سانوں اپنے علم دے گھاٹے تے خُدا تے اوہدے جائز انصاف نوں رَدّ کرن دے سبب فنا نئیں ہونا چاہی دا اے ۔ اوہ پک نال ہر اِک تے ہر کسے پاپی نوں دوزخ دی سدا دی اَگ نال سزا دیوے گا ۔ جے لوک خیمۂ اِجتماع وچ ظاہر کیتی گئی سچیائی اُتے ایمان نا رکھن دے سبب تباہ ہو جاندے نیں ایتھوں تیکر پئی جویں اوہ ایہنوں سُن چُکے نیں ، تاں اوہ لازمی شیطان دے نیانے ہون گے ۔ مسیحا ساڈے توں کیہ چاؤہندا اے ساڈے ساریاں لئی اوہ ایمان اے جیہڑا سانوں پاپ دی معافی پاؤن تے اسمانی بادشاہی وچ جان دے لائق بناؤندا اے ۔
خُدا نے سانوں کھڈاؤنیاں وانگر نئیں بنایا
جد خُدا نے سانوں ساریاں لوکاں نوں بنایا ،اوہدا ارادہ ایہہ سی پئی اسی پاپ دے دکھ وچ پھسیوں بغیر زندگی بسر کر سکیے ، سگوں سدا تیکر خُدا دے نال اوہدیاں اپنیاں نیانیاںوانگر سدا دی زندگی ، ٹھاٹھ باٹھ تے جلال دے سواد لئِیے۔ سانوں دوزخ وچ نا گھلن لئی ، مسیحا نے بپتسمہ لیا، جگ دیاں پاپاں نوں چُک لیا ، سولی اُتے اپنا لہو وگایا تے اِنج ساڈیاں ساریاں پاپاں نوں مُکا چُکیا اے ۔ جد خُدا ساڈے نال اینی محبت کر چُکیا اے ، جے اسی ایس محبت نوں نئیں من دے سگوں ادھے دِلوں مکتی اُتے ایمان رکھدے آں جیہڑی اوہ سانوں دے چُکیا اے ، تاں اسی لازمی طور اُتے خُدا دے غصے توں نئیں بچاں گے ۔
خُدا سانوں اپنے پُتر دی قربانی دے کے ساڈیاں پاپاں توں چھڈا چُکیا اے ۔ایہہ ایس لئی ہیگا اے تاں پئی مسیحا نے اپنے پِنڈے اُتے ساڈیاں ساریاں پاپاں نوں چُکن لئی بپتسمہ لیا تے اپنے آپ نوں ساڈی پاپ دی قربانی لئی پیش کیتا پئی اوہ سچ مُچ سانوں جگ دیاں ساریاں پاپاں توں بچا چُکیا اے ۔ ایہہ ایس لئی ہیگا اے تاں پئی اسی اپنیاں پاپاں دے سببوں دوزخ دے لائق ساں پئی ساڈے خُداوند نے ساڈے اُتے ترس کیتا ،ایہہ ایس سبب توں اے پئی اوہنے بپتسمہ لیا ، مرن تیکر لہو وگایا ، مویاں وچوں جیوں پیا ،تے اِنج سانوں ساڈیاں ساریاں پاپاں توں بچا چُکیااے تے سانوں خُدا دے نیانے بنا چُکیا اے ۔ خُدا نے سانوں اپنیاں کھڈاؤنیاں وانگر نئیں بنایا ۔
تھوڑا چر پہلاں ، جد میری کلیسیا دی اِک بھین کالج وچ سی ، مینوں اوہدی گریجویشن دی تقریب وچ جان دا موقع ملیا۔ اوتھے، آرٹ گیلری وچ ، مَیں وکھ وکھ تصویراں ویکھیاں ۔گریجویشن کرن والی جماعت دیاں بنائیاں ہوئیاں تصویراں وچوں اِک تصویر آدم تے حوا دی چنگیائی تے بُریائی دے پچھان دے رُکھ وچوں کھان دی موٹے کپڑے اُتے تصویر ایہو جیہی سی جیہدا سرناواں سی ، ”کیہ خُدا نے لوکاں نوں کھڈاؤنے وانگر بنایا ؟ “کسے نے کپڑے دے ہیٹھاں ایس سوال دا جواب ، ایہہ آکھدیاں ہویاں لکھیا ، ”خُدا اَک گیا سی ،تے ایس طرح اوہنے سانوں اپنیاں کھڈاؤنیاں وانگر پیدا کیتا۔ “
ایس جواب توں بوہتاغلط کُجھ نئیں ہو سکدا ۔ تاں فیر ،کیوں خُدا نے چنگیائی تے بُریائی دی پچھان دے رُکھ نوں لایا تے فیر آدم تے حوانوں ایس وچوں ناکھان دا حکم دِتا ؟اخیریں ، اوہنوں پہلاں ای پتہ سی پئی اوہ پھل کھان والے سن ، تے فیروی اوہنے رُکھ بنیایا تے اوہناں نوں ایس وچوں نا کھان دا حکم دتا ۔ جد اوہناں نیں کھالیا ، تاں اوہنے اوہناں نوں پاپ وچ ڈِگن دے سبب عدن باغ وچوں کڈھ دتا ۔ فیر اوہنے فرمایا پئی پاپی سِدھا دوزخ وچ سُٹیا جائے گا ۔ خُدا اِنج کیوں کیتا ؟ کیہ سچ مُچ خُدا نے سانوں ایس لئی بنایا سی پئی اوہدے کول کوئی کھڈاؤنے نئیں سن تے اوہ اَک گیا سی ؟ کیہ اوہنے ساریاں لوکاں نوں بنایا ایس لئی پئی اوہ بوہت اَک گیا سی تے ہور جر نئیں سکدا سی ؟ بِنا شک نئیں !
بھراؤتےبھینو ، خُدا اصل وچ جو کرنا چاؤہندا سی اوہ سانوں اپنے سکے لوک بناؤنا ، سانوں فنا نا ہون والے بناؤنا ،تے ساڈے نال سدا تیکر خوشی نال زندہ رہنا سی ۔ ساریاں لوکاں لئی ایہناں ساریاں شیواں دی اجازت دین وچ خُدا دی لمی سوچ سانوں فنا نا ہون والے لوک بناؤنا سی جیہڑے سدا دی ٹھاٹھ باٹھ تے جلال نال خوش ہون تے جیہڑے سدا تیکر جلال نال زندہ رہن ۔ ایس طرح ، جد تُسی تے مَیں ، شیطان کولوں فریب کھاہدا، اسی پاپ وچ ڈِگ پئے ساں تے دوزخ ساڈا ٹکانہ سی ، تاں خُدا نے اپنا اِکلا پُتر سانوں بچاؤن لئی ایس زمین اُتے گھلیا ۔ تے پُتر نوں بپتسمہ دلواؤن تے جگ دیاں پاپاں نوں چُکن دے راہیں ، اپنا لہو وگاؤن دِتا ،تے فیر اوہ مویاں وچوں جی پیا ، تے خُدا سانوں شیطان توں بچا چُکیا اے ۔
پر ، بے گنت لوک ایہہ ڈاہڈی غلط سوچ رکھدے نیں پئی خُدا نے سانوں کسے طرح اپنا اَکنا مکاؤن لئی کھڈاؤنیاں وانگر پیدا کیتا ۔ اوہناں دوآں وچکار جنہاں نیں یِسُوعؔ اُتے ایمان رکھنا چھڈ دتا تے اوہ جنہاں نیں کدی مُڈھوں اوس اُتے ایمان نا رکھیا ، ایہو جیہے وی نیں جیہڑے ، خُدا لئی اپنی تلخی وچ، آکھدے نیں ، ” کیوں خُدا نے مینوں پیدا کیتا تے فیرمینوں دُکھ دِتا؟“ کیوں اوہ اَڑی کردا اے پئی مینوں ایمان رکھنا اے ؟ کیوں اوہ آکھدا اے پئی اوہ مینوں مکتی دیوے گا جے مَیں ایمان رکھاں ، پر مکتی نئیں دیوے گا جے مَیں ایمان نئیں رکھدا؟اوہ ایہو جیہاں گلاں ایس لئی آکھدے نیں ایس لئی پئی اوہ مکتی دی خاص لمی سوچ نوں نئیں جان دے جیہڑی خُدا ساریاں لوکاں نوں دے چُکیا اے ۔
مسیحا دی ایہہ خاص لمی سوچ سانوں خُدا دیاں لوکاں وانگر قبول کرنا سی تے اِنج سانوں اوہدے اپنے نیانے بناؤنا سی ، سانوں سارے جلال تے اسمانی ٹھاٹھ باٹھ وچ اوہدے خنوادے وانگر سواد لین دی اجازت دینا سی ۔ ایہہ خُدا دا ساریاں لوکاں نوں بناؤن دا مقصداے۔ مَیں آپ وی ، ایس سچیائی نوں نا سمجھ سکیا جد تیکر مَیں پانی تے رُوح نال نویں سریوں نا جمیا۔ پر میرے پاپ دی معافی پاؤن تے نویں سریوں جمن دے بعد، مَینوں پتہ لگیا، ”آہ !سو ایس لئی خُداوند نے مینوں پیدا کیتا!“
اوہ کیہ اے جیہڑا مسیحا نے اصل وچ ساڈیاں پاپاں نوں چُکن لئی کیتا جد اوہ لگ بھگ ۲۰۰۰ مسیح ورہے پہلاں ایس زمین اُتے آیا سی ؟ اوہ کیہ اے جیہڑا اوہنے ساڈیاں پاپاں نوں چُکن لئی کیتا ؟ اوہنے بپتسمہ لیا تے اپنا لہو وگایا ! تے ایہہ سارے چنگے کم سن تے جائز قربانیاں ساڈیاں پاپاں نوں دھون لئی سن ۔
ایتھےسبب ہیگا اے کیوں سانوں سچ مُچ خُدا اُتے ایمان رکھناچاہی دا اے ، تے کیوں سانوں لازمی یِسُوعؔ مسیح اُتے اپنے خُدا مکتی داتا وانگر ایمان رکھناچاہی دا اے ۔ ایہہ ایس لئی اے تاں پئی تُسی تے مَیں دوزخ دے لائق ساں پئی خُدا نوں آپ ای اصل وچ سانوں بچاؤن لئی ایس زمین اُتے آؤنا پیا ۔ دوجیاں اکھراں وچ ، یِسُوعؔ نے یوحنا کولوں بپتسمہ لیناسی ، سولی اُتے مرنا سی ، تے فیر مویاں وچوں جی اُٹھنا سی ۔ سبب،کیوں اسی اصل وچ اسمانی، ارغوانی، تےلال دھاگے وچ ظاہر کیتی گئی پاپ دی معافی اُتے ایمان رکھدے آں ایہہ ہیگا اے تاں پئی اسی اپنیاں ساریاں پاپاں توں معاف ہو سکیے ۔ ایہہ ساڈے لئی خُدا دی لمی سوچ نوں پوریاں کرن لئی اے پئی سانوں لازمی ایمان رکھناچاہی دا اے ۔ تے جد اسی خُداوند دی مکتی اُتے ایمان رکھدے آں ، تاں اسی اِنج کسے دوجے دے فائدے لئی نئیں ، سگوں اپنے فائدے لئی کردے آں ۔
ہُن خُدا دی مکتی دی سچیائی اُتے ایمان رکھن دا مُڈھلا ویلا اے
جے کوئی ہیٹھاں لکھے ہوئے احساس تیکر اَپڑنا چاؤہندا اے ،تاں اوس بندے نوں لازمی ہُنے ایسے ویلے اپنے جھوٹھے ایمان نوں چھڈ دینا چاہی دااے تے دل وچ پانی تے رُوح دی خوشخبری اُتے ایمان رکھناچاہی دا اے : ”مینوں نئیں پتہ سی پئی مَیں دوزخ دے لائق ساں۔مَیں صرف ایمان رکھیا ایس لئی پئی مینوں دسیا گیا سی پئی یِسُوعؔ نے میریاں پاپاں نون مُکا دِتا ۔پر میرا سارا ایمان غلط سُد ھ بُدھ والا سی! ہُن مینوں سکھنا چاہی دا اے پئی ٹھیک کیہ اے تے اپنے ایمان دی نیہ پکی تعلیم اُتے رکھنی چاہی دی اے ۔ حالی تیکر ، مَیں غلط ایمان رکھیا اے ، پر ہُن وی بوہت چر نئیں ہویا۔ ہُن تو ں مینوں صرف ایہہ سمجھنا اے پئی مَیں اپنیاں پاپاں دے سببوں دوزخ جان دا حقدارآں ، اپنے دل وچ ایمان رکھنا اے پئی مسیحا مینوں اپنے بپتسمے نال تے لہو وگا کے بچا چُکیا اے ، تے فیر اپنیاں پاپاں دی معافی پاؤنی اے ۔ سو مَیں دوزخ دے لائق ساں!“
اصل وچ ، صرف مسیحیاں وچوں تھوڑے جیہےپانی تے رُوح دی خوشخبری دی جائز تے ٹھیک سمجھ رکھدے سن جد اوہناں نے پہلی وار ایمان رکھنا شروع کیتا ۔ مینوں آپ وی ، پہلی وار مسیحی بنن دے بعدوں ایہہ پورے طریقے نال سمجھن وچ ۱۰ ورہے لگے پئی یِسُوعؔ نے اپنے بپتسمے نال جگ دیاں پاپاں نوں چُک لیا تے سولی اُتے مرن لئی ٹنگیارہیا ، تے فیر ای مَیں سچ مُچ یِسُوعؔ اُتے اپنے مکتی داتا وانگر دوبارہ ایمان رکھ کے مکتی یافتہ ہویا ۔ تے ایس طرح اِک مسیحی بنن دے ۱۰ ورہیاں بعد ، مَیں اپنے جھوٹھے ایمان نوں سُٹ دِتا ، تےپانی تے رُوح دی خوشخبری دی ٹھیک سُدھ بُدھ تیکر آیا تے ایس اُتے سچے دلوں ایمان رکھیا۔ پر دوجیاں نوں ،خورے ، سچیائی نوں جانن تے دوبارہ ایمان رکھن وچ ۲۰ ورہیاں توں بوہتا ویلا وی لگ سکدا اے ۔
جد ایہو جیہاں لوکاں نوں ایتھوں تیکر پئی ۲۰ ورہیاں بعد وی ایہہ احساس ہوندا اے ، پئی خُدا اوہناں نوں پانی تے لہو دے راہیں بچاؤن دا ارادہ بنا چُکیا سی ، تاں اوہناں نوں لازمی ایمان رکھنا چاہی دا اے پئی یِسُوعؔ نے بپتسمہ لیا تے اوہناں دیاں ساریاں پاپاں لئی سولی چڑھ گیا ۔ خُدا دے نیڑے سچیائی نوں جانن تے فیر وی ایمان رکھن توں مکرن توں ودھ کے کوئی شےبھیڑی نئیں ہوسکدی ۔ پر جے اوہ ہُن پانی تے رُوح دی خوشخبری اُتے ایمان رکھدے نیں ، ایتھوں تیکر پئی مسیحیاں وانگر ، ۱۰ ، ۲۰ ورہے زندہ رہن دے بعد ، تاں کیہ ایہہ کسے طرح بھیڑا اے ؟ بالکل نئیں ! ایس وچ بالکل کوئی غلط یا شرم والی گل نئیں ہیگی ۔ جد لوک اصل وچ اسمانی، ارغوانی، تےلال دھاگے وچ ظاہر کیتی گئی پاپ دی معافی نوں جان دے تے ایس اُتے ایمان رکھدے نیں ، فیر اوہ اصل وچ مکتی یافتہ ہون گے ۔پانی تے رُوح دی خوشخبری اُتے ایمان خُدا نوں خوش کردا اے ۔ مَیں آس رکھدا ہاں پئی تُسی سارے ایس مکتی اُتے ایمان رکھو گے جیہڑی سچ مُچ مِل گئی اے ، جیہدا پورا ہونا اسمانی،تےلال دھاگے راہیں ہویا سی ۔
خیمۂ اِجتماع دے چھاڑ صاف تفصیل نال بنائے گئے سن ۔ صرف سچیائی اُتے دھیان کرن نال پئی لیلیاں دیاں لال رنگیاں ہویاں کھلاں ، بکریاں دی اُنّ نال بنے ہوئے چھاڑ اُتے رکھیاں ہویاں سن ، تے فیر ایہدے اُتے تُخس دیاں کھلاں پائیاں گئیاں سن ،اسی ایس سچیائی دا صاف ظاہر ہونا ویکھ سکدے آں پئی اسی سارے دوزخ دے لائق آں ، پر ساڈا خُداوند ایس زمین اُتے آیا ، سچ مُچ بپتسمہ لَے کے ساڈیاں پاپاں نوں چُک لیا ، تے اپنا لہو وگاؤن تے سولی اُتے مر کے ساڈیاں ایہناں پاپاں لئی قربانی دا لیلا بن گیا ۔ اسی سارے پانی تے رُوح دی خوشخبری اُتے ایمان رکھ سکدے آں ۔ خُداوند نے اصل وچ سانوں جیہڑی شے دے راہیں بچایا اوہ یِسُوعؔ دے کم نیں جیہڑےاسمانی، ارغوانی، تےلال دھاگےوچ ظاہر ہوئے نیں ۔ خیمۂ اِجتماع دے چھاڑ مکتی دے ایس بھیت توں علاوہ کسے دوجی شے بارے نئیں دسدے ۔
خاص گل صرف پاک کلام دے بارے سِکھنا نئیں ہیگی ۔ جیہڑی شے خُدا نوں خوش کردی اے اوہ نا صرف سِکھنا اے ، سگوں ایمان رکھنا اے — یعنی ، جے پاک کلام سانوں دسدا اے پئی خُدا نے سانوں اسمانی، ارغوانی، تےلال دھاگے وچ ظاہر کیتے گئے یِسُوعؔ دیاں کماں دے راہیں بچاؤن دا ارادہ کیتا ، فیر تہانوں تے مینوں لازمی خاص کر کے ایہنوں اپنیاں دلاں وچ قبول کرنا چاہی دا اے تے ایس طرح ایمان رکھنا چاہی دا اے ۔ ایہہ اے کویں اسی خُدا نوں خوش کر سکدے آں ۔ جے اپنیاں دلاں وچ اسی سچ مُچ خُدا دا کلام سُن دے آں ، اپنیاں پاپاں نوں پچھان دے آں ، تے خُداوند دے بپتسمے تے صلیبی لہو اُتے ایمان رکھدے آں ، تاں اسی سچ مُچ اپنیاں پاپاں دی معافی وی پا سکدے آں ۔ پر جے اسی خُداوند ولوں دتی گئی پاپ دی ایس معافی اُتے ایمان نئیں رکھدے ، تے ایہدی بجائے او س اُتے صرف دلی خیال وانگر ایمان رکھدے آں ، تاں اسی اِک پاپی دل دے سببوں دُکھ وچ پھسے رہواں گے ۔
جے اسی پانی تے رُوح اُتے ایمان رکھ کے اپنے ہر دن دیاں پاپاں دا مسئلہ حل نئیں کردے ، تاں ایہہ پاپی ضمیر ساڈیاں دلاں نوں کھاندا رہوےگا۔ پر ، جے اسی پانی تے رُوح دی خوشخبری اُتے ایمان رکھدے آں ، تاں اسی ایس پاپی ضمیر توں چھُٹ جاواں گے ، ایس لئی پئی جد اسی پاپ دی پوری معافی پا کے بے پاپ بن جاندے آں ، تاں کویں اسی فیر کدی پاپ دی سزا جر سکدے آں ؟ ایس طرح سانوں سچے دلوں ایمان رکھنا چاہی دا اے ۔ سانوں لازمی پانی تے رُوح دی خوشخبری اُتے ایمان رکھنا چاہی دا اے تے اپنیاں ساریاں پاپاں دا مسئلہ حل کرنا چاہی دا اے ۔ اوہ جیہڑے اِنج کرن وچ ناکام ہو جاندے نیں ایہناں کول پاپ دی قید وچ رہن توں علاوہ کوئی چارہ نئیں ہوندا ۔
زندگی بوہت تھوڑی اے ، تےدُکھاں نال بھری ہوئی اے ۔خُدا ساریاں لوکاں اُتے دُکھ دی اجازت دیندا اے ۔ کیہ سبب ہیگا اے پئی خُدا ساڈے اُتے دُکھ نوں اجازت دیندا اے ؟ ایہدا سبب ایہہ ہیگا اے ایس لئی پئی ساڈے پاپ دے دُکھ دے راہیں ، اوہ چاؤہندا اے اسی پانی تے رُوح دی خوشخبری دےمُل دا احساس کرئیے ، ایس خوشخبری اُتے ایمان رکھیے ، تے اِنج سچ مُچ اپنیاں پاپاں توں صاف ہوئیے۔ اوہ تہاڈے اُتے پاپ دے دُکھ لیایا تاں پئی تُسی اپنے دل وچ ایمان رکھن لئی آؤ پئی مسیحا اپنے بپتسمے تے صلیبی لہو نال تہاڈیاں ساریاں پاپاں نوں دھو چُکیا اے ۔ پانی تے رُوح دی خوشخبری اُتے سچے دلوں ایمان نا رکھنا سب توں وڈے عقل دے گھاٹے دی گل اے ۔ ساریاں لوکاں دیاں پاپاں نوں صرف ایسے ایمان دے راہیں پاک کیتا جا سکدا اے جیہڑا خاص کر کے پانی تے رُوح دی خوشخبری اُتے ایمان رکھدا ہوئے ۔
خُدا سانوں سچی خوشخبری اُتے ایمان رکھ کے اپنیاں پاپاں دے مسئلے نوں حل کرن لئی آکھدا پیا اے ۔ ایس لئی سانوں لازمی یِسُوعؔ اُتے ، سچے مکتی داتا اُتے ایمان رکھنا چاہی دا اے ، تہانوں ، وی ، لازمی خاص کر کے اپنیاں دلاں وچ اپنے خاص مکتی داتا وانگر یِسُوعؔ مسیح اُتے ایمان رکھنا چاہی دا اے ۔ تہانوں لازمی خُدا دے اگے اپنیاں پاپاں نوں مننا چاہی دا اے ، پانی تے رُوح دی خوشخبری اُتے ایمان رکھنا چاہی دا اے تے اِنج مکتی یافتہ ہونا چاہی دااے ۔ جد اپنیاں دلاں وچ تُسی یِسُوعؔ مکتی داتا دے بپتسمے تے اوہدے صلیبی لہو اُتے ایمان رکھدے او ، تاں تُسی سچ مُچ اپنیاں ساریاں پاپاں توں معاف ہو جاؤ گے ۔ صرف جد اسی یِسُوعؔ دے بپتسمے تے صلیبی اُتے سچے دلوں ایمان رکھدے آں اسی اپنیاں ساریاں پاپاں توں مکتی یافتہ ہو سکدے آں ۔
چھاڑاں دی ترتیب بالکل ساڈی مکتی دی ترتیب نال مِلدی اے
جد ساڈی مکتی دی ترتیب دی گل ہوندی اے ، تاں ترجیح ایہہ ہیگی اے پئی سب توں پہلاں ایمانداری نال پچھان لیا جائے پئی جیہڑے ویلے توں اسی ایس جگ وچ جمے آں ، اسی سارے تُخس وانگر پاپی بن گئے آں ، اوہ پشُو جیہڑے فنا ہو جاندے نیں ۔ تے سانوں لازمی ایمان رکھنا چاہی داا ے پئی سانوں اخیری موت دے حوالے ہونا اے تے اپنیاں پاپاں دے سببوں دوزخ وچ سُٹیا جانا اے ۔ ایس توں علاوہ ، سانوں لازمی ایہہ وی ایمان رکھنا چاہی دااےپئی اپنیاں پاپاں توں مکتی پاؤن لئی ، سانوں خاص کر کے قربانی دے پشُو دی لوڑ اے ، تے ایس طرح مسیحا نوں سچ مُچ آؤنا تے بپتسمہ لے کے ساڈیاں پاپاں نوں چُکنا سی ۔ سانوں لازمی ایمان رکھنا چاہی دااے پئی ساڈا مکتی داتا کوئی لوکاں وچوں نئیں ہونا چاہی دا سگوں ، آپ خُدا ہونا چاہی دا اے ۔ تے سانوں لازمی ایمان رکھنا چاہی دااےپئی یِسُوعؔ مکتی داتابِنا شک سانوں اپنے بپتسمے تے سولی راہیں ساڈیاں ساریاں پاپاں توں بچا چُکیا اے ۔
جے اِنج نا ہوندا ، تاں خُدا خیمۂ اِجتماع اُتے صرف دو چھاڑ بنا چُکیا ہوندا ۔ جے مکتی یِسُوعؔ د ے بپتسمے نوں چھڈیاں ہویاں مِل سکدی سی ، تاں خیمۂ اِجتماع دے چار وکھ وکھ چھاڑ بناؤن دی کوئی لوڑ نا ہوندی ، تے خُدا ایہنوں صرف تُخس دیاں کھلاں تے لیلیاں دیاں کھلاں نال کَج چُکیا ہوندا ۔ پر کیہ اصل وچ صرف ایہہ دو چھاڑ ورتے گئے سن؟ نئیں ! خیمۂ اِجتماع نوں چار وکھ وکھ چھاڑاں نال کَجیا گیا سی ؛ اسمانی، ارغوانی، تے لال دھاگےتے مہین وٹے ہوئے کتان دےاُنے ہوئے پڑدے ؛ دوجے بکریاں دی اُنّ نال بنے ہوئے پڑدے؛ تے اِک ہور چھاڑ لیلیاں دیاں کھلاں نال بنیا ہویا سی ؛ تے اخیری تُخس دیاں کھلاں نال بنیا ہویا سی ۔
سانوں لازمی سچیا ئی اُتے ایمان رکھنا چاہی دااےجویں ایہہ ہیگی اے —یعنی ، یِسُوعؔ نے بپتسمہ لَے کے ساڈیاں ساریاں پاپاں نوں قبول کیتا ، سولی اُتے مرگیا ،تے اِنج ساڈیاں گندیاں نا ترس کھان دے لائق جاناں نوں جیہڑیاں اپنیاں پاپاں دے سببوں دوزخ دے لائق سن ، خُدا دے اپنے لوک بناؤندیاں ہویاں بچا چُکیا اے ۔ ایہہ خیمۂ اِجتماع دیاں چونہہ چھاڑاں وچ لُکیا ہویا بھیت اے ، تے ترتیب جیہدے نال ایہہ چارچھاڑخیمۂ اِجتماع اُتے پائے گئے سن ساڈی مکتی دی اصل ترتیب توں علاوہ کوئی دوجی نئیں اے ۔
خیمۂ اِجتماع دے پہلے تے دوجیاں چھاڑاں نوں اکٹھیاں جوڑن لئی ،سونے تے پِتل دیاں گھنڈیاں دی لوڑ سی ۔ تے پڑدیاں دیاں دوآں سیٹاں دیاں کناریاں اُتے جیہڑےچھاڑوچ اکٹھے بنائے گئے سن ، نیلے رنگ دے تُکمے وی بنائے گئے سن ۔ پر اوہناں لئی جیہڑے صرف صلیبی لہو اُتے ایمان رکھدے نیں ،ایہہ جاننااوکھا اے پئی ایہہ سونے تے پِتل دیاں گھنڈیاں جیہڑیاں اسمانی رنگ دیاں تُکمیاں نال جُڑیاں ہوئیاں نیں دا اصلی مطلب کیہ اے ۔ صرف اوہو ای جیہڑے پانی تے رُوح دی خوشخبری اُتے ایمان رکھدے نیں چونہہ چھاڑاں وِچ لُکی ہوئی سچیائی نوں سمجھ سکدے تے ایس اُتے ایمان رکھ سکدے نیں ۔
اسمانی رنگ دے تُکمے بپتسمے بارے دسدے نیں جیہڑا یِسُوعؔ نے یردن دے دریا اُتے لیا ۔ فیر ، کیوں لوک بپتسمے اُتے ایمان نئیں رکھدے جیہدےراہیں یِسُوعؔ نے جگ دیاں پاپاں نوں قبول کیتا ، سگوں صرف صلیبی لہو اُتے ایمان رکھدے نیں ؟ ایہدا سبب ایہہ ہیگا اے ایس لئی پئی اوہ خُدا دے کلام اُتے ایمان نئیں رکھدے جویں ایہہ ہیگا اے ۔ جد اسی یِسُوعؔ اُتے ایمان رکھن دا اقرار کردے آں ، تاں اسی خُدا دے کلام وچ ودھا یا گھٹا کے ایس اُتے ٹھیک طریقے نال ایمان نئیں رکھ سکدے ۔ سانوں لازمی خُدا دے کلام اُتے بالکل اُنج ای جویں ایہہ ہیگا اے ”ہاں“ نال ایمان رکھنا چاہی دااے۔
بوہت ساریاں لوکاں وچکار جیہڑے یِسُوعؔ اُتے ایمان رکھن دا دعویٰ کردے نیں ، اوہناں وچوں بوہتے لہو اُتے جیہڑا اوہنے سولی اُتے وگایا ، بپتسمے نوں چھڈیاں ہویاں جیہڑ ا اوہنے لیا ایمان رکھدے نیں ۔ ایس لئی پئی بوہت سارے مسیحی خیمۂ اِجتماع دیاں چھاڑاں وچ ظاہر ہوئی سچیائی دے بھیت نوں سمجھ نئیں سکدے ۔ ایہو ای سبب ہیگا اے پئی اَج دے مسیحی پاپ دی اصل معافی اُتے ایمان نئیں رکھدے جیہڑی مسیحا نے کامل طریقے نال پوری کیتی اے ۔ اوہ یِسُوعؔ اُتے ، سارے بے فائدہ ، بالکل جگ دیاں دیناں دے بناؤن والیاں وانگر ایمان رکھدے نیں ۔ ایس طرح ، بوہت سارے مسیحی اصل وچ جھوٹھے راہ اُتے ٹُردے پئے نیں ۔ اوہ ہردن پاپ کردے نیں ، تے فیر وی دعویٰ کردے نیں پئی اوہ صرف ہر دن توبہ کر کے اسمان اُتے جا سکدے نیں ۔ ایہہ صاف دسدا اے کیوں جگ دے دنیادار لوک بوہتا مسیحیاں نوں بھیڑا چنگا آکھدے نیں ۔
جد اسی مسیحیاں توں پُچھدے آں ، ” کویں ،تے کِنج دے ایمان نال ،اسی سچ مُچ اپنیاں پاپاں دے مسئلے نوں حل کر سکدے آں؟ “ فیر اوہناں وچوں بوہتے آکھدے نیں ،”اسی یِسُوعؔ دے صلیبی لہو اُتے ایمان رکھدیاں ہوئیاں توبہ دیاں دعاواں منگ کے ایہنوں حل کر سکدے آں۔“جد اسی اوہناں توں فیر پُچھدے آں ،”تاں کیہ تہاڈے پاپ سچ مُچ تہاڈے دلوں دُور ہو گئے نیں ؟ “ فیر اوہ جواب دیندے نیں ، ”اصل وچ، میرے دل وچ حالی وی پاپ ہیگا اے ۔ “ لوک جیہڑے اپنیاں دلاں وچ پاپ رکھدے نیں حالی وی خُدا دے لوک نئیں ہیگے ۔ ایہو جیہے لوک یِسُوعؔ مسیح توں باہر نیں ۔ اوہناں نوں لازمی چھیتی نال پانی تے رُوح دی خوشخبری اُتے ایمان رکھ کے یِسُوعؔ مسیح وچ آؤنا چاہی دا اے ۔
سانوں لازمی تفصیل نال جاننا چاہی دا اے کیہڑے ٹھیک طریقے نال ساڈا خُداوند ساڈیاں ساریاں پاپاں نوں مُکا چُکیا اے ، جویں ایہہ سچ مُچ ہیگا اے ۔ ایہہ بپتسمے دے راہیں سولی اُتے جگ دیاں پاپاں نوں لَے جان دے راہیں ہیگا اے جیہڑا اوہنے یوحنا کولوں اصل وچ لیا تے اپنا لہو وگاؤن دے راہیں ہیگا اے پئی خُداوند سچ مُچ ساڈیاں ساریاں پاپاں نوں مُکا چُکیا اے ۔ جے اسی خُدا دے اگے جانا چاؤہندے آں ، تاں سانوں لازمی اسمانی ، ارغوانی تے لال دھاگے نا ل اُنی ہوئی اپنی مکتی اُتے ایمان نال جانا چاہی دا اے ۔ کوئی معنی نئیں رکھدا پئی کوئی بندہ سچ مُچ خُدا اُتے کنے سچے دلوں ایمان رکھدا ہوئے ،فیر وی اوہدے لئی ہر ویلے پُٹھا سمجھنا تے جھوٹھا ایمان رکھنا سوکھا اے ۔ سانوں اسمانی بادشاہی وچ جان لئی ، لازمی اسمانی، ارغوانی، تے لال دھاگےنال اُنی ہوئی مکتی نوں قبول کرنا چاہی دا اے ، جیہدے راہیں مسیحا سچ مُچ ساڈیان پاپاں نوں مُکا چُکیا اے ، جویں پئی سچیائی اے ، تے ایس اُتے ایمان رکھنا چاہی دااے۔
جے خُدا دے اگے ساڈا ایمان غلط اے ، تاں سانوں لازمی ایہنوں ٹھیک کرنا چاہی دا اے تے فیر ٹھیک طریقے نال ایمان رکھنا چاہی دااے ، کوئی معنی نئیں رکھدا کنی واری اِنج ہوندا اے ۔ سانوں لازمی مکتی اُتے ایمان رکھنا چاہی دااے، پئی خُداوند نے سچ مُچ ساڈیاں پاپاں نوں چُک لیا تے اپنے بپتسمے نال ،سچے طریقے نال اوہناں ساریاں نوں دھو دِتا ۔ سانوں اصل وچ ایمان رکھنا چاہی دااےپئی خُداوند نے اِکو ای واری سدا لئی اپنے بپتسمے نال ساڈیاں ساریاں پاپاں نوں چُک لیا ، تے ایہہ پئی اوہنے صلیبی لہو دے راہیں ساڈیاں پاپاں دی ساری سز ا جری ۔
خیمۂ اِجتماع دےاسمانی، ارغوانی، تےلال دھاگے وچ ظاہر کیتیاں گئیاں یِسُوعؔ دیاں خدمتاں اُتے سچے دلوں ایمان رکھ کے ، اسی مسیحا نال مِل سکدے آں ۔خیمۂ اِجتماع دے راہیں ہُن اسی پانی تے رُوح دی خوش خبری نوں خا ص کر کے سمجھن دے لائق ہو گئے آں پئی ایہہ ایمان اسمانی، ارغوانی،تے لال دھاگے تے مہین وٹے ہوئے کتان وچ ظاہر ہون والی سچیائی وچ ہیگا اے ۔ بوہت خاص ایمان جیہڑا ہُن سانوں ساریاں نوں لازمی رکھنا چاہی دااے او ہ ہیگا اے جیہڑا اصل وچ اسمانی، ارغوانی،تے لال دھاگے نال بنی ہوئی مکتی اُتے دلوں ایمان رکھدا ہوئے ۔
ہُن اسی ایس سچیائی دے بارے سُن دے پئے آں تے سِکھدے پئے آں جیہڑی اسمانی، ارغوانی،تے لال دھاگے تے مہین وٹے ہوئے کتان نال بنے ہوئے خیمۂ اِجتماع نال جڑی ہوئی اے ۔ مسیحا ہُن ، اسمانی، ارغوانی،تے لال دھاگے وچ ظاہر ہوئیاں اپنیاں کماں دے راہیں پہلاں ای ساڈیاں ساریاں پاپاں نوں سچ مُچ مُکاؤن دے بعدوں سانوں اُڈیکداپیا اے۔
خُدا تہانوں ہدایت کردا پیا اے پئی ایس سچیائی اُتے اپنے سچے دلوں ایمان رکھو ۔ کیہ تُسی ہُن وی اپنیاں دلاں وچ پاپ رکھدے او ؟ فیر ، تہانوں لازمی خُدا دے اگے صاف طریقے نال پچھاننا چاہی دا اے پئی تہاڈیاں دلاں وچ کِنے کالے تے گندے پاپ نیں ، اپنیاں پاپاں دا اقرار کرو ، اسمانی، ارغوانی،تے لال دھاگے وچ ظاہر ہوئی سچیائی اُتے ایمان رکھو ، تے اِنج اپنیاں ساریاں پاپاں دی معافی پاؤ۔ جد تُسی سچ مُچ ایمان رکھدے او پئی یِسُوعؔ پہلاں ای تہاڈیاں ساریاں پاپاں نوں مُکا چُکیا اے ، فیر تہاڈیاں دلاں وچ موجود سارے پاپ اوس اُتے لدے جا سکدے نیں تے تُسی اوہدی پاپ دی کامل معافی پا سکدے او ۔
سانوں ساریاں نوں لازمی ، اپنیاں دلاں وچ ، اسمانی، ارغوانی،تے لال دھاگے تے مہین وٹے ہوئے کتان نال بنی ہوئی پاپ دی معافی اُتے ایمان رکھنا چاہی دااے جیہڑی خُدا نے سچ مُچ ساڈے لئی تیاری کیتی ۔ خُدا سانوں اسمانی، ارغوانی،تے لال دھاگےدی خوشخبری ، یعنی یِسُوعؔ دیاں ایہناں اُچیریاں خدمتاں والی خوشخبری دے چُکیا اے ، تے اِنج سانوں پاپ دی معافی پاؤن تے اوہدے اپنے نیانیاں وانگر ساری قُدرت تے اختیار توں خوش ہون دے لائق کر چُکیا اے ۔ خُداوند سانوں ساڈیاں ساریاں پاپاں تے سز ا توں تے سدا دی زندگی پاؤن لئی ، سانوں دتے گئے تے اسمانی، ارغوانی،تے لال دھاگے وچ ظاہر کیتے گئے مکتی دیاں کماں اُتے ایمان رکھن دے راہیں مکتی یافتہ ہون دے لائق بنا چُکیا اے ۔
مَیں خُداوند دا ساڈے لئی اسمانی، ارغوانی،تے لال دھاگے تے مہین وٹے ہوئے کتان وچ ظاہر کیتی گئی سچیائی اُتے ایمان رکھن دےراہیں مکتی یافتہ ہون نُوں سوکھا بناؤن لئی شکر ادا کرداہاں۔ ایس سچیائی اُتےایمان رکھ کے ،اسی اپنیاں ساریاں پاپاں توں معاف ہو سکدے آں تےایمان دے راہیں آسمانی بادشاہی اُتےجاسکدے آں۔ ہیلیلویاہ!
Copyright © 2021 by The New Life Mission