Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
مضمون 8: پاک رُوح
[8-2] کیہ کوئی سچ مُچ اپنے ہتھ پیر مارکے پاک رُوح نُوں خریدسکدااے ؟ <اعمال ۸:۱۴۔ ۲۴>
>اعمال ۸:۱۴۔ ۲۴>
” جدوں رسولا ں نے جیہڑے یروشلیم وچ سن سنیا پئی سامریاں نیں خُدا دے کلام نُوں من لیا تے پطرس تے یوحنا نوں اوہناں کول گھلیا ۔ایہناں نے جا کے اوہناں لئی دُعا کیتی پئی پاک رُوح پاؤن۔کیوں جے اوہ اوس ویلے تیک اوہناں وچوں کسے اُتے اُتریا نئیں سی ۔اوہناں نے صرف خُداوند یسوع دے ناں اُتے بپتسمہ لیا سی ۔فیر ایہناں نے اوہناں اُتے ہتھ رکھے تے اوہناں نُوں پاک رُوح ملیا ۔ جدوں شمعون نے ویکھیا پئی رسولاں دے ہتھ رکھن نال پاک رُوح مل جاندااے ،تے اوہناں کول روپیے لیا کے ، آکھیا پئی مینوں وی ایہہ طاقت دیوو پئی جیہدے اُتے میَں ہتھ رکھاں اوہنوں پاک رُوح مل جائے ۔ پطرس نے اوہنوں آکھیا ،تیرے روپیے تیرے نال غرق ہون ۔ ایس لئی پئی تُوں خُدا دی دین نُوں روپیاں نال حاصل کرن بارے سوچیا ۔ تیرا ایس کم وچ نہ حصہ اے نہ نانواں ،کیوں جے تیرا دل خُدادے نیڑے کھرا نئیں ہیگا۔ایس لئی اپنے ایس پاپ توں توبہ کر،تے خُداوند اگے دعا کر پئی خورے تیرے دل دے ایس خیال دی معافی تینوں مل جاوے ۔کیوں جے میَں ویکھدا ہاں پئی تُوں پت ورگےکَوڑ تے بدی وچ پھسیا ایں ۔ شمعون نے جواب دتا میرے لئی خُداوند اگے دعاکروپئی جیہڑیاں گلاں تسیں کیتیاں اوہناں وچوں کوئی میرے اگے نہ آوے ۔ “
کیہ کوئی بندہ ہتھاں دے رکھے جان دے راہیں پاک رُوح پا سکدااے ؟
نئیں ۔ اوہنوں پانی تے رُوح دی خوشخبری اُتے ایمان لیان دی لوڑاے۔
ایس خاص حوالےدی بنیاد اُتے ،میَں پیغام پوہنچانا چاؤہنداہاں ، ” کیہ کوئی بندہ اپنے ہتھ پیر مارکے پاک رُوح دی بھرپوری پا سکدا اے ؟ “ مُڈھلی کلیسیا دے ویلے رسولاں نےخدا توں طاقت پائی تے اوہدے راہیں وکھ وکھ تھاواں اُتے گھلے گئے ۔اعمال وچ رب دے سب توں ودھیا قدرت والے کم ہیگے نیں ، اوہناں وچوں اِک ایمانداراں اُتے ،جدوں رسولاں نے اوہناں دے سراں اُتے اپنے ہتھ رکھے پاک رُوح دا اُترناایں۔پاک کتاب دَسدی اے ، ” جدوں رسولاں نے اوہناں اُتے ہتھ رکھے جنہاں نے حالے تیک پاک رُوح نئیں پایا سی بھانویں اوہ یسوع اُتے ایمان رکھدے سَن ،اوہناں نُوں پاک رُوح ملیا۔ “
فیر کویں اوہناں نے ہتھ رکھے جان نال پاک رُوح پایا ؟ اوس ویلے حالے تیک خُدا دا کلام لکھیاجاندا سی تے کم اجے ادھوراسی ،ایس لئی خُدا نے رسولاں نوں اوس کم لئی خاص طاقت دتی ۔ اوہ رسولاں دے نال سی تے اوہناں دے راہیں بڑے معجزے تے اوّلے کم کیتے ۔ ایہہ اک خاص ویلا سی ، جدوں خُدا نے معجزے تے اوّلے کم کیتے ،جیہڑے لوکاں نوں ایمان رکھوان دے بارے وچ پئی یسوع مسیح خُدا دا پُتر تے مکتی داتا ہیگااے ،اوہ سارے انسانی اکھ نال ویکھےجاسکدے سن۔ خُدالئی ،رسولاں نال رل کے ، پاک رُوح دا کم بھرویں طاقت نال ثابت کرن دے سلسلے وچ پئی یسوع مسیح خُدااے تے اوہ خُدا دا پُتر ،مکتی داتا ہیگااے ، اوہدی اک لوڑ ہیگی سی ۔ جے پاک رُوح مُڈھلی کلیسیا دے ویلے دے اوّلے کماں تے معجزیاں راہیں کم نہ کرچُکیا ہوندا،کوئی ایمان نہ رکھدا پئی یسوع مکتی داتا اے ۔
پر ، اَج ساڈے لئی نظرآؤن والے اوّلے کماں تے معجزیاں راہیں پاک رُوح نوں پاؤن دی لوڑ نئیں ہیگی ، کیوں جے پاک کتاب پوری ہوگئی اے ۔ایہدی تھاں اُتے ، ہُن پاک رُوح دی بھر پوری ایمان وچ وجود رکھدی اے ۔دوجے اَکھراں وچ ،مطلب اے سچیائی دی خوشخبر ی اُتے ایمان رکھن نال ۔ خُدا اوہناں نوں پاک رُوح دی بھرپوری دیندااے جیہڑے خُدا دے اگے کھری خوشخبری اُتے ایمان رکھدے نیں ۔ پاک رُوح دی بھرپوری صرف اوہناں وچ ہوندی اے جیہڑے خُدا دے کلام اُتے ایمان رکھدے نیں ، جویں ایہہ یسوع دے ایس جگ وچ آؤن دے راہیں تے اوہدے بپتسمہ تے اوہدے لہودے راہیں پوراہوگیا سی ۔
اَج کل ، بوہتے پادری ایمانداراں نوں سکھاؤندے نیں پئی معجزیاں دا نظر آؤنا ، پاک رُوح دی بھرپوری دیاں نشانیاں نیں ۔ تے اوہ ایمانداراں دی او سے طریقے نال پاک رُوح پاؤن وچ اَگوائی کردے نیں ۔ اوہ لوکاں نوں جھوٹیاں تعلیماں دین دے راہیں دھوکہ دیندے نیں ، مثال طور اُتے اوپریاں بولیاں بولنا پاک رُوح دے اُترن دا اک نشان اے ۔ ایہہ پادری اپنے آپ نوں رسول سمجھدےنیں جیہڑے بڑے اوّلے کم تے معجزے کردے نیں تے اوہ مذہبی جنونیاں دا دل موہ لیندے نیں جیہڑے اپنے جذبیاں راہیں خُدا دا تجربہ کرنا چاہندے نیں۔
جوشیلا پن سارے جگ دے مسیحیاں وچ کھِلرگیا اے ،تے اوہناں وچوں بوہتے اپنے عقیدیاں پِچھے ٹُردے نیں تے قدرت دے سب توں ودھیا طریقیاں نال بدرُوحاں حاصل کردے نیں ۔ ایتھوں تیک پئی ،ہُن اوہ لوک جنہاں اُتے دینی جوش دا اثر ہویا سی ،سوچدے نیں پئی اوہ دوجیاں دے لئی ہتھ رکھے جان نال پاک رُوح پاؤن دا سبب بن سکدے نیں ۔
پر،جویں شمعون نے دھوکہ کھاہدا ،اوہ جادوگر ورگے نیں جیہڑا خاص حوالے وچ وکھالی دیندااے ۔ اوہ دلی سکون تے دُنیاوی لالچ دے نشے وچ نیں ،پر اوہناں دے سارے کم لوکاں دے وچکار صرف پریشانی دا سبب بن دے نیں ۔ ایس طرحاں دی جھوٹی تعلیم خُدا دے اگے پاک رُوح دی بھرپوری پاؤن دے سچے راہ توں دُور کر دیندی اے ۔
ایتھوں تیک پئی ،اَج بوہتے جھوٹے نبی اپنی غلط دینی مشقاں راہیں پاک رُوح داکم کرن دے بہانے کرکےشیطان دا کم کردے نیں ۔کھرے مسیحیاں نوں یقیناً خُدا دے کلام نال چمبڑنا چاہی دااے ،جیہدے علم نال پاک رُوح دی بھرپوری ملدی اے ۔ مشہور پنتیکاسٹل نوں، جیہڑے پاک رُوح دے جسمانی تجربیاں اُتےبوہت زور دیندے نیں ، اپنے فضول عقیدیاں نوں اِک پاسے سُٹنا چاہی دا اے ،خُدا دے کلام ول واپس آؤنا چاہی دااے تے سچیائی اُتے ایمان رکھنا چاہی دااے ،جیہڑا پاک رُوح دی بھرپوری پاؤن لئی یقیناً اوہناں دی اَگوائی کرےگا ۔
شمعون اوس ویلے سامریہ دا اک مشہور جادوگرسی ۔ یسوع دے چیلیاں نوں ،لوکاں نوں پاک رُوح دیندیاں ہویاں ویکھن دے بعد ،اوہنے پیسیاں نال پاک رُوح نوں خریدنا چاہیا ۔ ایس قسم دے ایمان نال لوک نہ بچدیاں ہویاں شیطان دے نوکر بن گئے ،اوہداکم کرن لئی اوہدے راہیں استعمال ہوندیاں ہویاں ۔ شمعون پاک رُوح پاؤنا چاہنداسی پر اوہدی آس لالچ بھری سی ۔ اَسیں ویکھدے آں پئی ایس قِسم دا ایمان سچا رُوح پاؤن والاایمان نئیں ہیگا اے ۔
شمعون نے پیسیاں نال پاک رُوح نوں صرف اپنی طاقت لئی ،اپنی خود غرضی دی آس نال خریدن دی ہمت کیتی ۔ اوہدے اُتے ایس سبب توں خُدا دے خادم پطرس وَلوں بڑی ڈانٹ پھٹکارہوئی ۔ایتھوں تیک پئی بھاویں ایہہ آکھیا گیا ،شمعون یسوع اُتے ایمان رکھداسی ، اوہ ایہو جیہا بندہ نئیں سی جیہڑاپاپاں دی معافی نال پاک رُوح پا چُکیا سی ۔ دُوجے اَکھراں وچ ،اوہ سوچداسی پئی اوہ خُدا دے اگے دُنیاوی شیواں
لیاؤن نال پاک رُوح دی بھرپوری پاؤن دے لائق سی ۔
ایتھوں تیک پئی اوہ وکھالے طور اُتے نظر آؤنداسی پئی اوہ یسوع اُتے ایمان رکھن والاسی ،اوہدے سچے دلی خیال یسوع دے سچے کلام نوں جان دے نئیں سَن ۔ایہدی تھا ں اُتے اوہ دنیاوی لالچ نال بھریاہویاسی ۔پطرس ،جیہڑا شمعون دے دلی خیال نوں جان داسی ، اوہنے پاک رُوح نوں ،صرف پیسیاں نال خریدن دی ہمت کرن اُتے اوہنوں ڈانٹ پھٹکار کیتی ،مطلب اے جیہڑی خُدا دی نعمت اے ۔ اوہنے شمعون نوں دَسیا پئی اوہ اپنے پیسیاں نال غرق ہو جاوے گا ۔
اَج کل جھوٹےنبی جنہاں نوں بدرُوحاں چمبڑیاں نیں ،لوکاں نوں اوہناں دیاں سوچاں راہیں دھوکہ دینا لبھدے نیں پئی سارے معجزے تے اَوّلے کم پاک رُوح دے کم نیں ۔اَسیں بوہتے لوکاں نوں ویکھدے آں پئی جیہڑے ایس طرحاں دی طاقت دی وڈیائی کردے نیں تے پاک رُوح نوں پاؤن لئی اوکھیاں دعاواں منگدے نیں۔ پر، ہر کسے نوں اپنے ذہن وچ ایہہ رکھنا چاہی دا اے پئی بندہ اپنے دنیاوی لالچ نال دعاواں کرن نال پاک رُوح دی بھرپوری نئیں پا سکدا۔
کیہ تہاڈے آلے دوالے وی کسے ویلے اُتے جوشیلے لوک ہیگے نیں؟تہانوں ایہو جیہے لوکاں توں خبردار رہنا چاہی دااے ۔اوہ دوجیاں تیک اک جوشیلے ایمان نال پہونچدے نیں ۔اوہ آکھدے نیں پئی اوہ بدروحاں نوں کڈھدے نیں تے ایتھوں تیک پئی اوہ لوکاں اُتے ہتھ رکھن نال اوہناں نوں پاک رُوح دین دا سبب وی بن سکدے نیں ۔فیر وی ، اوہ پاک رُوح دی طاقت نئیں سگوں بدروحاں دی طاقت رکھدے نیں ۔ اوہ جیہڑے دعویٰ کردے نیں اوہناں نیں ہتھ رکھے جان نال پاک رُوح پایا اے ،اپنے آپ دی تے دوجیاں دی بدرُوحاں پاؤن وچ اَگوائی کردے نیں ۔
پاک رُوح دی کھری بھرپوری اوہناں اُتے اُتردی اے جیہڑے پانی تے رُوح دے کلام اُتے ایمان رکھدے نیں (۱۔یوحنا ۵:۳ ۔۷)۔ایتھوں تیک پئی بھاویں پانی تے رُوح دی خوشخبری بڑے صاف طریقے نال پاک کتاب وچ لکھی ہوئی اے ،کیوں جے بوہتے لوک ا پنے دلاں وچ پاپ رکھدے نیں ، اوہ خُدا دی بوہت ودھیر ی طاقتاں تے تجربیاں ،مثال طور اُتے مست ہونا ،اوپریاں بولیاں وچ بولنا ،دل دی صاف خیالی تے بدروحاں نوں کڈھن نال خُدا تیک پوہنچن دی ہمت کردے نیں ۔ ایہہ وےکیوں جھوٹے نبی بوہتیاں لوکا ں نوں شک نال بھری مسیحیت اُتے ایمان رکھوان وچ جیہڑی شیطان وَلوں مِلی ،دھوکہ دین دے لائق نیں ۔
پطر س نے شمعون نوں ایہہ آکھ کے بے عزت کیتا : ” تیرے روپیے تیرے نال
غرق ہون ۔ ایس لئی پئی تُوں خُدا دی دین نُوں روپیاں نال حاصل کرن بارے سوچیا ۔ تیرا ایس کم وچ نہ حصہ اے نہ نانواں ،کیوں جے تیرا دل خُدادے نیڑے کھرا نئیں ہیگا۔کیوں جے میَں ویکھدا ہاں پئی تُوں پت ورگی کَوڑ تے بدی وچ پھسیا ایں ۔تُوں شیطان دا پُتر ایں۔ “ سانوں ایس سچ اُتے سُکھ دا ساہ لینا چاہی دااے پئی اج کل ایہدے ورگے بڑے خادم ہیگے نیں ۔اوہناں وچوں بوہتے لوک جوشیلے ہیگے نیں ۔ اوہ اپنیاں بھیڈاں کولوں پیسے منگدے نیں ۔سانوں اِنج دے ایمان توں دُور ای رہنا چاہی دااے تے پانی تے رُوح دی کھری خوشخبری اُتے ایمان رکھ کے پاک رُوح دی بھرپوری پاؤنی چاہی دی اے (متی۳ : ۱۵ ، ۱ ۔پطرس ۳ : ۲۱،یوحنا ۱ : ۲۹،یوحنا ۱۹ : ۲۱۔۲۳)۔
جوشیلے لوک ہتھ رکھن نال کم کردے نیں !
سانوں ایس طرحاں دے ایمان توں دُور رہنا چاہی دااے ۔اج کل کئی لوک نکمہ عقیدہ رکھدے نیں پئی اوہ پاک رُوح پا سکدے نیں جے اوہ اوہناں توں ہتھاں دے رکھے جان نوں پاؤندے نیں جیہڑے ایہہ طاقت پا چکے نیں ۔ا وہ سوچدے نیں پئی کیوں جے پاک کتاب وچ لکھیا اے پئی بوہتے لوکاں نیں پاک رُوح پایا جدوں اوہناں نے رسولاں توں ہتھاں دے رکھے جان دا تجربہ کیتا ،مطلب اے ، اوہ وی اِنج ای کر سکدے نیں ۔ کئی فراڈیے ایہہ نکمہ عقیدہ وی رکھدے نیں پئی اوہ لوکاں نوں پاک رُوح دی بھرپوری اپنے ہتھ رکھن نال ای دے سکدے نیں ۔سانوں ایہو جیہے فراڈیاں توں خبردار رہنا چاہی دااے ۔
فیر وی ، سانوں اپنے ذہن وچ رکھنا چاہی دااے پئی اوہناں داایمان مُڈھلی کلیسیا دے رسولاں دے ایمان توں وکھرا اے ۔ اج کل کئی مسیحیاں دے عقیدے لئی بڑی اوکھی گل ایہہ ہیگی اے پئی اوہ پانی تے رُوح دی کھری خوشخبری اُتے ایمان نئیں رکھدے ۔اوہ آکھدے نیں پئی اوہ خُدا اُتے ایمان رکھدے نیں ، پر اوہدی وڈیائی نئیں کردے تے ایہدے تھاں اُتے اپنے آپ نوں تے دوجیاں نوں دھو کہ دیندے نیں۔ فیر وی، اک پاپی نہ پاک رُوح دی بھرپوری پا سکدا اے ،نہ ای دوجیاں لئی اِنج کرن داسبب بن سکدااے ۔ جے کوئی آکھدااے پئی رُوح اک پاپی اُتے اُتریا ، ایہہ رُوح اصلی پاک رُوح نئیں سی ؛ ایہدی
تھا ں اُتے ایہہ صرف اک اصلی رُوح ہون دا بہانہ کردیاں ہویا ں شیطان دی رُوح سی ۔
مُڈھلی کلیسیا دے دناں وچ رسول اوہ لوک سَن ،جیہڑے جان دے سَن تے ایمان رکھدے سَن
پئی یسوع مسیح مکتی داتاسی ، جنہے یوحنا دے راہیں اپنے بپتسمہ تے سولی اُتے اپنی موت راہیں ا نسانی پیڑھی دے سارے پاپاں نوں چُک لیا ۔اوہ پاک رُوح دی بھرپوری پاؤن دے لائق سَن کیوں جے اوہ یسوع دے بپتسمہ تے سولی اُتے اوہدے لہو دے سچ اُتے ایمان رکھدے سَن ۔اوہناں نے دوجیاں تیک پانی تے رُوح دی خوشخبری دتی ، ایس طرحاں اوہناں نیں پاک رُوح دی بھرپوری پاؤن وچ مدد کردے ہویاں منادی وی کیتی ۔
پراج کل بوہتے مسیحی غلط جوش بھرے عقیدے رکھدے نیں ۔کیہ اج کل اک پاپی لئی اک دوجے پاپی خادم کولوں ہتھ رکھے جان نال پاک رُوح نوں پاؤنا سچ مُچ سوکھا اے ؟ ایہہ بالکل عقل دا گھاٹا اے ۔ لوک ہیگے نیں جیہڑے آکھدے نیں پئی بھاویں اوہ اپنے دلاں وچ پاپ رکھدے نیں ،اوہناں نے پاک رُوح دی بھرپوری پا لئی اے ۔ ایتھوں تیک پئی جے کوئی بندہ اپنے پِچھے ٹُرن والیاں دیاں اکھاں وچ اک چنگے چرواہے وانگر نظر آؤندااے ،اوہ کسے لئی پاک رُوح دی بھرپوری پاؤن دا وسیلہ نئیں بن سکدا جے اوہدے دل وچ پاپ ہیگااے ۔
فیر وی ، بوہتے لوک ایس طرحاں دا غلط ایمان رکھدے نیں ۔ایہو ای سبب اے پئی اینے بوہتے جھوٹے نبی لوکاں دی دوزخ لئی اَگوائی کرن دے لائق نیں ۔ تہانوں سچ دا پتہ ہونا چاہی دااے پئی جیہڑے اِنج دا ایمان سکھاؤندے نیں جھوٹے نبی نیں ۔ ایہہ اوہ لوک نیں جیہڑے پہلوں ای بدرُوحاں دے بَنھے ہوئے نیں ۔
جے کوئی بندہ اپنے دل وچ پاپ رکھدااے ، کیہ پاک رُوح اوہدے وچ رہندااے ؟ جواب اے نئیں ۔ فیر کیہ ایہہ اک بندے لئی جیہڑ اپنے دل وچ پاپ رکھدااے ،سوکھا اے ، دوجیاں لئی پاک رُوح د ی بھرپوری نوں پاؤن دا سبب بنے ؟ فیر ، جواب اے نئیں ۔ فیر اج کل مسیحیت وچ ،جوش بھرے لوکاں وچ معجزے تے اوّے کم کرن دا کیہ وسیلہ اے ، جد پئی اوہ حالے تیک اپنے دلاں وچ پاپ رکھدے نیں ؟ بدرُوحاں اِنج کردیاں نیں ۔ پاک رُوح کدی اک پاپی دے اندر رہ نئیں سکدا ۔ اوہ صرف اوہناں وچ جیہڑے پانی تے رُوح دی خوشخبری اُتے ایمان رکھدے نیں ،رہندااے ۔ کیہ تہانو ں پورایقین اے ،رُوح جیہڑا تہاڈے اُتے اُتریا پاک رُوح اے ؟
یوحنا ۳: ۵ وچ یسوع نے آکھیا، ” جدوں تیک کوئی بندہ پانی تے رُوح نال نہ جمے اوہ خُدا دی
بادشاہی وچ جانئیں سکدا ۔ “ ایسے طرحاں پاک رُوح د ی بھرپوری صرف پانی تے رُوح دی کھری خوشخبری اُتے ایمان رکھن نال حاصل کیتی جا سکدی اے ۔ غلطی جیہڑی اج کل بوہتے مسیحی کر دے نیں ، ایمان رکھنا پئی کوئی بندہ پاپی خادم دے ہتھاں دے رکھے جان نوں پاؤن نال پاک رُوح د ی بھرپوری پا سکدااے ۔ ایہہ اک نازک غلطی اے ۔ اج کل بوہتے مسیحی تے خادم ایمان تے پکا یقین رکھدے نیں پئی اوہناں اُتے پاک رُوح د ی بھرپوری ہتھ رکھن نال اُتردی اے ۔
پاپاں دی سچی معافی تے ہتھ رکھے جان وچکار تعلق
” ہتھ رکھے جان “ دا مطلب اے جیہدے راہیں کوئی بندہ اوہدے ایس طرحاں کسے شے وچ کسے شے نوں پا دیندااے ۔اینوں ایس طرحاں سوچو : جے اسیں اک مائیکروفون وچ بولدے آں ،آوازتاراں دے راہیں سفر کردی ہوئی ایمپلی فائر وچ جاندی اے تے فیر وڈے سپیکراں توں باہر نکلدی اے ، ایس طرحاں ہر کوئی اوہنوں سُن سکدااے ۔ ایسے طرحاں ،پُرانے عہد نامے وچ ،جداک پاپی ،پاپ دی قربانی دے سر اُتے اپنے ہتھ رکھداسی ،اوہدے پاپ ،پاپ دی قربانی وچ چلے جاندے سَن تے اوہ ایس طرحاں معاف ہونداسی ۔اوسے طریقے نال ، خُدا دی طاقت لوکاں وچ چلی جاندی اے جدوں اوہدے خادم اوہناں اُتے اپنے ہتھ رکھدے نیں ۔ ایس طریقے نال ، ” ہتھ رکھے جانا ،اگانہہ جانا، اِک پاسیوں دوجے پاسے جانا “ ایہہ ایہدا مطلب ہیگا اے ۔
جوش بھرے لوک اپنے ہتھ رکھن نال لوکاں وچ پاک رُوح دی بھرپوری نوں لیاؤن دا سبب نئیں بن دے، ایہدی تھاں اُتے اوہ اوہناں وچ بدرُوحاں لیاؤن دا سبب بن دے نیں ۔ تہانوں یقیناً یاد رکھنا چاہی دااے پئی بدرُوحاں دی طاقت نال اک بندے دے ہتھ رکھے جان نال دوجیاں وچ بدرُوحاں نوں لیاؤندااے ۔ جدوں ایک بدرُوح بھریاں بندہ دوجے دے سر اُتے اپنے ہتھ رکھدااے ،اوہدی بدرُوح اوس بندے وچ چلی جاندی اے ، کیوں جے شیطان پاپیاں دے راہیں کم کردااے ۔ایس لئی ہر کسے نوں پانی تےرُوح دی خوشخبری اُتے ایمان رکھنا چاہی دااےجے اوہ پاک رُوح دی بھرپوری پاؤنا چاؤہندااے۔ شیطان اوہناں اُتے حکومت کردااے جیہڑے پاپی نیں ، ایتھوں تیک پئی بھاویں اوہ یسوع اُتے ایمان رکھدے نیں،مطلب اے،جے اوہ پاپاں توں معافی پاؤن وچ نکمے ہو جاندے نیں ۔
جے کوئی بندہ بدروحاں بھرے بندے توں اپنے اُتے ہتھ رکھاؤندااے ، بدروحاں اوہدے وچ وی آجاندیاں نیں تے اوہ وی جھوٹے معجزے کرے گا ۔ سانوں پتہ ہونا چاہی دااے پئی بدروحاں دوجیاں وچ رہن لئی ہتھ رکھن نال آؤندیاں نیں ۔ تے پاک رُوح دی بھرپوری صرف پانی تے رُوح دی خوشخبری اُتے ایمان لیاؤن نال ملدی اے۔
ہتھ رکھنا خُداولوں قائم کیتا گیا ،کسے شے نوں اک توں دوجے وچ پاؤن دا طریقہ اے۔پر شیطان بوہتے لوکاں دےہتھ رکھن نال بدروحاں نوں اک توں دوجے وچ پاؤندااے ۔ایہہ سچ ہیگااے پئی بوہتے لوک ایہو جیہے ہیگے نیں جیہڑے پیسیاں نال پاک رُوح دی طاقت نوں خریدن دی ہمت کردے نیں ،جد پئی ایہہ بوہت اوکھا کم اے ۔
بوہتے مسیحی پاک رُوح دی بھرپوری دے سچ نوں غلط سمجھدے نیں
جدوں پُچھیا جاوےپئی کویں اوہ پاک رُوح دی بھرپوری پا سکدے نیں ، بوہتے لوک جواب دیندے نیں پئی ایہہ کم توبہ دیاں دعاواں یاں روزیاں نال ہو سکدااے ۔ ایہہ سچ نئیں ہیگا ۔ کیہ پاک رُوح تہاڈے اُتے اُتردااے ،جدوں تسیں خُدا اگے خاص دعاواں کردے او ؟ نئیں ۔ پاک رُوح دی بھرپوری صرف اوہناں اُتے آؤندی اے جیہڑے پانی تے رُوح دی خوشخبری اُتے ایمان رکھدے نیں ۔
کیوں جے خُدا سچیائی اے ،اوہنے پاک رُوح دی بھرپوری پاؤن لئی اک قانون قائم کیتا اے ۔ کیہ پاک رُوح اک بندے وچ رہ سکدااے جیہڑا اپنے دل وچ پاپ رکھدااے ؟ایہداجواب بالکل صاف اے:نئیں۔ کوئی بندہ ہتھ رکھے جان نال پاک رُوح نئیں پاسکدا ۔بھاویں کوئی بندہ جگراتے دیاں عبادتاں وچ جاندااے تے جوش ،جذبے نال خُدااگے دعامنگدااے پئی اوہ پاک رُوح دی طاقت پا لوے ،پاک رُوح اوہدے ہتھ نئیں آوےگا۔ ایہہ گل صاف اے پئی پاپی پاک رُوح دی بھرپوری پا نئیں سکدے ۔ پاپی پاک رُوح دی بھرپوری اک نعمت وانگر پا سکدے نیں ،پر صرف جدوں اوہ پانی تے رُوح دی خوشخبری اُتے ایمان رکھن نال پاپاں دی معافی پا لیندے نیں ۔
کوئی بندہ جیہڑا پانی تے رُوح دی خوشخبری نوں نئیں جان دا، پاک رُوح دی بھرپوری پا نئیں سکدا ۔ اج کل سارے جگ وچ پانی تے رُوح دی خوشخبری مسیحی کتاباں، گرجے دیاں عبادتاں ،انٹرنیٹ تے ایتھوں تیک پئی بجلی والیاں کتاباں نال بڑی چھیتی ودھدی پئی اے ۔ ایس لئی ،جیہڑا وی کھری خوشخبری نوں لبھدااے ایہدے اُتے ایمان رکھ سکدااے تے پاک رُوح دی بھرپوری پا سکدااے ۔ جے تسیں حالے تیک پاک رُوح دی بھرپوری پا نئیں چُکے ، تہانوں ایہہ سوچنا چاہی دااے پئی اِنج کرن لئی تہانوں یقیناً پانی تے رُوح دی خوشخبری اُتے ایمان رکھناچاہی دا اے ۔
جھوٹے ایمان دی اک خاص مثال !
اج کل جدوں اسیں لوکاں دیاں نشانیاں نوں غور نال ویکھدے آں ،جیہڑے جھوٹیاں رُوحاں پاؤندے نیں ،اسیں بدرُوحاں دا اصل وجود ویکھدے آں ۔ ” پاک رُوح پاؤن دیاں جگراتے دیاں عبادتاں “ اکٹھ ہیگے نیں ،جنہاں وچ لوک ہیگے نیں جیہڑے سر دھڑ دی بازی لا کے پاک رُوح پاؤنا چاہندے نیں ۔ایہناں عبادتاں وچ اسیں لوکاں نوں اپنے ہتھاں نال تاڑیاں ماردیاں تے توبہ دیا ں دعاواں کردیاں ہویاں جدوں پئی روندے تے روزے رکھدیاں ہویاں ویکھدے آں ۔ منادی کرن والا اوہناں نوں دَسدیاں ہویاں جوش والیاں دعاواں کرن دی ہدایت کردا اے پئی پاک رُوح اوہناں اُتے اودوں تیک نئیں اُترے گا جدوں تیک اوہ اِنج نئیں کردے ۔فیر لوک روندے نیں ، ” یا خُداوندا! “ تے اپنیاں جوش بھریاں دعاواں شروع کردے نیں ۔
کیہ ایہہ جوشیلے لوک ایس طریقے نال پاک رُوح دی بھرپوری پا سکدے نیں؟ نئیں ۔ تسیں لوکاں نوں روندیاں تے پِچھے ڈِگدیاں تے فیر کمبدے ہویاں ، جد پئی ایہو جیہاں عبادتاں وچ اوّلا رولا پاؤندیاں ہویا ں ویکھوگے ۔ کئی پِچھے ڈگدے پئے نیں تےفرش اُتے ایدھر تے اودھر کمبدے پئے نیں ،تے اسیں اوہناں نوں روندیاں تے اوپریاں بولیاں وچ بولنا شروع کردیاں ہویاں ویکھدے آں ۔ کوئی بندہ ساری عبادت وچ پورے زور نال چیکاں ماردااے تے سارے لوک بوہت رولا پاؤندے نیں ۔ اوہناں وچوں کئی دورہ پین، ایدھر اودھر ہلن تے اوپریاں بولیاں وچ بولنا شروع کردے نیں ۔ لوک آکھدے نیں پئی ایہہ سارے کم ثابت کردے نیں پئی پاک رُوح اوہناں اُتے آ گیا اے۔ پر ایہدے بارے سوچو ، کیہ ہوندااے ،جدوں اک بدرُوح اپنا کم کردی اے ؟ کیہ ایہہ پاک رُوح داکم اے ؟بالکل نئیں ہیگا۔
شیطان بوہتے مسیحیاں نوں دھوکہ دیندااے
اج کل بوہتے مسیحی ،ایس طرحاں دیاں حیاتیاں بسر کردے نیں ،جویں شیطان چاؤہندااے ۔ شیطان لوکاں نوں دس کے دھوکہ دیندااے پئی اوہناں نوں پاک رُوح پاؤن لئی کسے تگڑے خادم کولوں ہتھ رکھواؤنے چاہی دے نیں ۔ بوہتے مسیحی ایہدے اُتے اک رسمی ،خُدائی خیال وانگر ایمان رکھن ول دھیان دیندے نیں ۔شیطان لوکاں دے ذہناں وچ ایہہ خیال وی پاؤندا اے پئی جے اوہ بوہتیاں دُعاواں کرن گے تے فیر اوہ پاک رُوح پاؤن گے ۔شیطان لوکاں دی گنتی دوگنی تے تگنی کرن دی ہمت کردااے ،جیہڑے ایس طرحاں دا ایمان رکھدے نیں ۔
ایس لئی بوہتے لوک نئیں جان دے تے ایتھوں تیک پئی پانی تے رُوح دی خوشخبری دے بارے سکھن دی ہمت نئیں کردے ۔ سانوں یقیناً ایناں خیالاں توں بچن لئی ہتھ پیر مارنے چاہی دے نیں ،جیہڑے شیطان ساڈےذہناں وچ پاؤن دی ہمت کردااے تے جاننا تے پانی تے رُوح دی خوشخبری اُتے ایمان رکھنا چاہی دااے ۔ پاک رُوح دی بھرپوری صرف اوناں اُتے آؤندی اے جیہڑے پانی تے رُوح دی خوشخبری اُتے ایمان رکھدے نیں ۔ تہانوں یقیناً ایہدے اُتے ایمان رکھنا چاہی دا اے ۔
پاک رُوح دی بھرپوری دے بارے مسیحیاں دے غلط خیال
سب توں پہلاں ،جوشیلی مسیحیت دے بوہتے پِچھے ٹُرن والیاں دے عقیدیاں وچ اک وڈی غلط فہمی ہیگی اے ، اوہ اپنے دلاں وچ پاپ رکھدیاں ہویاں پاک رُوح نوں پاؤن دی ہمت کردے نیں۔ اوہ غلطی نال ایمان رکھدے نیں ،بھاویں اوہ اپنے دلاں وچ پاپ رکھدے نیں ، پاک رُوح دی بھرپوری پاؤن دے لائق ہون گے ۔ اک بندہ پانی تے رُوح دی خوشخبری اُتے کسے ایمان توں اَڈ پاک رُوح دی بھرپوری پا نئیں سکدا۔
دوجے نمبر اُتے ایہہ آکھیا جاندااے پئی لوکاں دا اپنے آپ نوں چنگیاں جاننا اوہناں نوں پاک رُوح دی بھرپوری پاؤن توں روکدااے ۔ فیر کیہ ایہدا مطلب ایہہ ہیگا اے پئی کوئی بندہ پا ک رُوح پا سکدا اے جے اوہ اپنے آپ توں نفرت کردااے ؟کیہ کوئی ایس جگ وچ بندہ ہیگااے جیہڑا تھوڑا بوہت اپنے آپ نوں پسند نئیں کردا؟اک اپنے آپ نوں پسند کرن والا بندہ جیہڑا خدا دے راہیں معاف نئیں کیتا جاسکدا ، اک ایہو جیہا بندہ اے ،جیہڑا خُدا دے کلام نوں اپنے دلی خیالاں نال ودھاؤندااے ۔بوہتے لوک اپنے دلی طریقیاں نال پانی تے رُوح دی خوشخبری نوں اک پاسے کردیاں ہویاں پاک رُوح دی بھرپوری پاؤن لئی ہمت کردے نیں ۔ فیر وی پاک رُوح دی بھرپوری صرف اوہناں اُتے آؤندی اے جیہڑے پانی تے رُوح دی خوشخبری اُتے ایمان رکھدے نیں ۔
تیجے نمبر اُتے ،ایہہ آکھیا جاندااے پئی پاک رُوح دی بھرپوری اودوں آؤندی اے جدوں کوئی دلوں صاف ہوکے خدا دے اگے اپنے پاپاں نوں من لیندااے ۔ایس لئی اوہناں نوں اپنے پاپاں دا اقرار کرن لئی اُبھاریاجاندااے ،جدوں اوہ پاک رُوح پاؤنا چاہندے نیں ۔ پر تہانوں یاد رکھنا چاہی دااے پئی پاک رُوح دی بھرپوری نئیں آؤندی جدوں کوئی دل دی صفائی نال اپنےپاپاں نوں من لیندااے ۔ اج کل بوہتے مسیحی پاک رُوح دی بھرپوری دی آس رکھدے نیں پراوہ پاک رُوح دی بھرپوری پا نئیں سکدے ،کیوں جے اوہ حالے ےتیک اپنے دلاں وچ پاپ رکھدے نیں ۔ ایس طرحاں دی دھڑلے والی آس رکھدیاں ہوں کوئی بندہ بدرُوحاں نال بَنھیا جاوےگا ۔
چوتھے نمبر اُتے کئی آکھدے نیں پاک رُوح دی بھرپوری مل سکدی اے جدوں اسیں دلوں صاف برکت لین لئی خدااگے منت کردے آں ۔پر ایہہ منگیاں نئیں مل سکدی ۔ایہہ صرف اک غلط سوچ ہیگی اے ۔
پنجویں نمبر اُتےکُجھ لوک پاک رُوح دی بھرپوری نوں کُجھ روحانی طاقتاں دے وجود نال جان دے نیں ۔ پرائیاں بولیاں وچ بولنا پاک رُوح دی بھرپوری دا اک عام ثبوت سمجھیا جاندااے ۔پر سادگی نال پاک رُوح کسے دے دل وچ نئیں رہندا کیوں جے اوہ یسوع دے ناں نال بدرُوحاں کڈھن یاں پرائیاں بولیاں دے لائق اے ۔ پاپ داشیطان نال رشتہ اے ۔ کیہ کوئی بندہ اپنے دل وچ پاپ رکھدیاں ہویاں سچ مُچ آکھ سکدااے پئی اوہ پاک رُوح دی بھرپوری پا چُکیااے کیوں جے اوہ کُجھ اوّلیاں طاقتاں رکھدااے ؟ اک واری فیر ،ایہہ بدرُوحاں ولوں دتا جان والا دھوکہ اے ۔
پانی تے رُوح دی خوشخبری جیہڑی یسوع نے سانوں دِتی ،کلی کھری خوشخبری اے جیہڑی ساڈی پاک رُوح دی بھرپوری پاؤن وچ اگوائی کرسکدی اے ۔جے تسیں حالے تیک سوچدے او پئی تسیں پاک رُوح تے دوجیاں طریقیاں نال پاپاں دی معافی پا سکدے او ،تسیں ڈاہڈا دھوکہ کھاندے او ۔میَں آس رکھدا ہاں پئی تسیں اپنے آپ نوں غلط عقیدیاں توں چھڈاؤگے تے ایہدی تھاں اُتے رُوحانی خیالاں تے
پکا ایمان رکھن لئی آووگے ۔
ایہہ آکھن وچ کوئی گھپلا نئیں ہیگا پئی اج کل بوہتے مسیحیاں نوں بدرُوحاں چمبڑیاں ہوئیاں نیں ۔ سارے جگ وچ بوہتے مسیحی بدرُوحاں دی طاقت تھلے ہوندے جاندے نیں ،کیوں جے اوہ خاص جگراتے دیاں عبادتاں نال یاں ہتھ رکھے جان نال پاک رُوح دی بھرپوری پاؤنا چاہندے نیں ۔ اوہ خاص لوکاں کول جاندے نیں ،مثال طور اُتے ،دعا کرن والے گھراں دے انتظام کرن والے ،خدمت کرن والے بابے تے مائیاں ،کم دہران والے یا ں پادریاں کول جیہڑے آکھواندے نیں پئی اوہناں نیں پاک رُوح دی طاقت پالئی اے ۔ اوہ اوہناں کول ہتھ رکھن نال پاک رُوح پاؤن دی آس لے کے جاندے نیں ۔فیر وی ، کوئی بندہ کدی ایس طرحاں دے ایمان نال پاک رُوح دی بھرپوری پا نئیں سکدا ،اوہ کِناں بوہتا یسوع اُتے ایمان رکھدااے ، ایہدا کوئی مطلب نئیں ہیگا اے ۔ دوجےاَکھراں وچ ،خُدا توں ہٹ کے کوئی بندہ نئیں ہیگا جیہڑے کسے لئی پاک رُوح دی بھرپوری پاؤن داسبب بن سکدا ہووے ۔
شمعون وانگر ، اج کل بوہتے لوک پاک رُوح خریدن دی ہمت کردے نیں ۔اوہ دنیاوی تعلیماں اُتے ایمان رکھن نال پاک رُوح پاؤن دی ہمت کردے نیں ،خوشخبری نال نئیں ۔ سارے جگ وچ بوہتے مسیحی ایسے دلی خیال وچ پھسے ہوئے نیں ۔پاک رُوح صرف اوہناں اُتے اُتردااے جیہڑے اوہنوں پاؤن لئی خاص لوڑاں رکھدے نیں ۔پا ک رُوح نوں پاؤن دا کلا طریقہ پانی تے رُوح دے خوشخبری اُتے ایمان لیاؤن دے راہیں ہیگااے تے ایہہ سچیائی دا کلا جواب اے (اعمال ۲:۳۸)۔
ہتھ رکھے جان نال پاک رُوح پاؤنا صرف مُڈھلی کلیسیا دے دیہاڑیاں وچ اک تھوڑے چِر سوکھا سی ۔ ایہدے بعد پاک رُوح دی بھرپوری اوسے ویلے لوکاں اُتے اُتری جدوں اوہ پانی تے رُوح دی خوشخبری نوں جانن تے ایمان لیاؤن لئی آئے ۔ ایس لئی خُدا دے کلام اُتے ایمان لیاؤن نال پاک رُوح دا کم واقع ہون توں علاوہ ،ہر دوجی شے بدرُوحاں دا کم ہیگااے ۔خُدا آکھدااے پئی ،بدرُوحاں شیطان دیا ں نوکر نیں تے شیطان بڑے سوکھے طریقے نال ،اک ایہو جیہے طریقے نال کم کر چُکیا اے پئی لوک پاپاں توں معافی نئیں پا سکدے ، ایتھوں تیک پئی جے اوہ یسوع اُتے ایمان رکھدے نیں ۔شیطان ایہہ آکھ کے لوکاں نال جھوٹ بولدااے پئی اوہ اوہناں نوں پاک رُوح دیوے گا ،جے اوہ یسوع اُتے ایمان رکھدے نیں تے ہتھ رکھواؤندے نیں ۔ شیطان ایس طریقے نال جگ وچ اپنیاں حداں ودھاؤندااے ۔
ہُن اسیں بدرُوحاں نال بَنھے ہویاں دیاں نشانیاں ویکھاں گے ۔ سب توں پہلاں ،جدوں اسیں اک نجومی یاں شمان وچ اک بدرُوح نال بَنھے ہوئے دیاں نشانیاں نوں غور نال ویکھدے آں ،سانوں دِسدااے پئی اوہ ڈراؤنے دَوریاں ،مست ہونا تے ایتھوں تیک پئی اوہ بے ہوش ہوجان دا تجربہ کردےنیں۔ فیر اوہناں دیاں جیبھاں وِنگیاں ہو جاندیاں نیں تے اوہناں دی مرضی دے خلاف ،اوہناں دے مونہہ وچوں اوّلے لفظ نکلدے نیں ۔اوہ اوّلیاں بولیاں بولدے نیں۔
دونویں ، جادوگر تے مسیحی جیہڑے ہتھ رکھے جان نال بدرُوحاں نال بَنھے گئے نیں ،ایس تجربے دے اکٹھے مالک ہیگے نیں ۔جدوں اک جوش بھریا جگراتے والا بندہ اپنا مائیک پھڑدا تے رولا پاؤندااے ، ” اَگ نال ، اَگ نال ، اَگ نال “ لوک جوش نال بھر جاندے نیں تے اپنے آپ توں وسوں بے وس ہو جاندے نیں ۔لوک جیہڑے اوہدے توں ہتھ رکھوانا چاؤہندے نیں ،اگے آجاندے نیں ۔اوہ وس وچ نہ آؤن والے ،ہلن والے دَورے تے اوپریاں بولیاں وچ بولدے نیں ۔ایہہ نشانیاں بدرُوحاں دے کم نیں ،جیہڑیاں پاک رُوح دے کم کرن دا بہانہ کردیا ں پئیاں نیں ۔
لوک جیہڑے بدرُوحاں نال بَنھے ہوئے نیں ،جیہڑیاں ہر پرانے دین دے شمان تے جادوگردے ناں نال سدیا ں جا سکدیاں نیں ،ایہہ اوہو ای نشانیاں وکھاؤندیاں نیں ،جویں مسیحی جیہڑے ہتھ رکھن نال بدرُوحاں نال بَنھے ہوئے نیں ۔فیر وی ،لوک ایہنوں ایس ثبوت دے ہوندیاں ہویاں غلط سمجھدے نیں ۔ اوہ مسیحی پریشانی دے سمندروچ ڈُب جاندے نیں کیوں جے جدوں اوہ ایس طرحاں دے کم کردے نیں ،اوہ سوچدے نیں ،اوہناں پاک رُوح پالیا اے ۔
شیطان اک جادوگر وانگر مسیحیاں دے راہیں کم کردااے
شیطان بدرُوحاں وچ پھسے لوکاں نوں نبّوتی دعاواں کرن دے لائق بناؤندااے ۔اوہ آکھ کے پیشن گوئی کردے نیں ، ” تسیں اک ٹہور والے آگو بنوگے ۔ ہزاراں بھیڈاں تہاڈے اگے چرن گئیاں ۔ خُدا تہانوں آن والے ویلے وچ سکھاوے گا تے تہانوں اک ٹہور والا آگو بناوےگا۔ “ دوجیاں نال اوہ فریبی گلاں مثال طور اُتے ،” تُسیں اک ٹہور والے خادم بن جاووگے۔ تسیں خُدا دے اک وڈیرے خادم بنوگے ۔“ اوہناں دے پِچھے ٹُرن لئی لوکاں دے حوصلے ودھاؤن تے اپنی ساری حیاتیاں وچ بدرُوحاں دے خادماں وانگر جیوندے رہن دے بارے آکھدے نیں ۔
جادو گر دوجیاں لوکاں دے آؤن والے ویلے دے بارے وچ وی پیشن گوئیاں کر دے نیں ۔
” تہانوں آؤن والے ویلے وچ پانی توں بچنا چاہی دااے “ ” تسیں بڑے پیسے کماووگے “ ” چڑھدے ولوں اک نیک بندہ وکھالی دیوے گا تے تہاڈی مدد کرے گا ۔ “ ایہہ او ہ ساریاں گلاں دیاں مثالاں نیں جیہڑیاں اوہ آکھدے نیں ۔پہلی نشانی جیہڑی بدرُوح چمبڑیاں وچ وکھالی دیندی اے ،ایہہ ہیگی اے پئی اوہ جھوٹیاں پیشن گوئیاں کردے نیں۔
فیر اوہ اُپریاں بولیاں بولدے نیں ،جنہاں نوں ایتھوں تیک پئی اوہ آپ وی نئیں سمجھ سکدے۔ وہ کمبدے تے اوہ ایتھوں تیک پئی کچجے بندیاں والیاں نشانیاں وکھاؤندے نیں ۔جے تسیں اک شمان یا جادوگر نوں ملدے او،کیہ تسیں دعوے نال آکھ سکدے او پئی اوہ پکے بندے نیں؟ اوہ بوہتی وار لوکاں نال اوکھے ہوکے ،جیہڑے بوہتے وڈیرے نیں ،جنے جوگے اوہ ہیگے نیں گل کردے نیں ۔
فیر وی ، اوہ لوک جیہڑے پاک رُوح دی کھری معموری وچ نیں ،پاک کتاب دی سچیائی اُتے ایمان رکھن نال اوہنوں پا چُکے نیں جیہڑی آکھدی اے پئی یسوع نے اپنے بپتسمہ تے سولی اُتے مرن نال جگ دے سارے پاپاں نوں دھو دِتا ۔ایہہ لوک دوجیاں دی پانی تے رُوح دی خوش خبری نوں جانن ،تے ایمان رکھن وچ مدد وی کردے نیں ، تے اوہناں نوں پاپاں توں معافی تے پاک رُوح دی بھرپوری پاؤن وچ مدد کردے نیں ۔اوہ اپنے آپ اک راستباز طریقے نال جیوندے رہن دی ہمت کردے نیں ،تے اوہ دوجیاں نوں خُدا دے برکت والے ایمان وچ اَگوائی کرن تے ایس طرحاں دی حیاتی دین لئی جویں خُدا چاؤہندااے ،بڑے چنگے تے پکے نیں ۔خُدا اوہناں نوں پاک رکھن لئی کدی کدی بُرا بھلا آکھدااے ، جدوں اوہناں دے دل جگ وچ واپس پرتن دا اِرادہ کردے نیں ۔
راستباز جیہڑے سارے پاپاں توں معافی پا چُکے نیں ،اوہناں لوکاں تو وکھرے نیں ،جنہاں دیاں حیاتیاں بدرُوحاں نیں تباہ کر دتیاں نیں ۔کھرے انسان فیر زندہ ہوندے نیں ،جے کوئی بندہ پاپاں توں معافی پاؤندااے تے ایس طرحاں پاک رُوح دی بھرپوری پاؤندااے ۔ اگانہہ ہور، راستباز دوجیاں دے بارے وچ کسے دے پاسیوں اَڈ ،حالات دے ہیٹھاں ،اوہ خُدا دے کلام وچ سچ مُچ کیہ لوڑ رکھدے نیں دے بارے وچ ، اوہناں دے چھُڈائے جان لئی دعامنگدے ہوئے ،تے اصل وچ اوہناں دی مدد لئی ذاتی قربانیاں چڑھاؤندیاں ہویا ں دلوں پریشان ہیگے نیں۔
دوجے پاسے ، اسیں ویکھدے آں پئی بدرُوحاں وچ پھسے لوکاں دیاں حیاتیاں بوہت بھیڑے طریقے نال تباہ ہوگئیاں نیں ۔ شیطان اوہناں اُتے بادشاہی کرداتے اوہناں نوں اپنی مرضی لئی نیویاں کردااے کیوں جے اوہ سوچدے نیں پئی کمبن تے اوپریاں بولیاں وچ بولنا پاک رُوح دی دین نیں ۔ فیر
وی ، ایہہ گلاں اخیر اُتے پاک رُوح دی دین نئیں ہیگیاں ۔
بوہتے خادم ہیگے نیں جیہڑے اپنی طاقتاں اُتے ،مثال طور اُتے خُدا دے ناں اُتے پیشن گوئیاں کرنا، بوہتے معجزے کرنا، اوپریاں بولیاں بولن اُتے گھمنڈ کردے نیں ۔پر جے اوہ حالے تیک اپنے دلاں وچ پاپ رکھدے نیں ،فیر اوہناں دیاں طاقتاں ایہہ سچے فیصلے کردیاں نیں پئی اوہ بدُروحاں وچ پھسے ہوئے نیں ۔ ایس لئی، اوہ دوجیاں نوں پاک رُوح دی بھرپوری نئیں دے سکدے،سگوں صرف بدرُوحاں دے سکدے نیں ۔ کیوں جے شیطان وی دھوکے دیندااے ، معجزہ جیہڑا اوہناں کیتااے اک تھوڑے ویلے وچ بوہت سوکھا مُک جاندااے ۔
پاک رُوح دے کم تے اک بدُروح دے کم وچکار اک صاف نکھیڑا ہیگااے ۔بھاویں اوہ وکھالی دیندااے جویں ،جے پاک رُوح دا کم شروع وچ کوئی وڈے تجربے یاں اوّلی دین نئیں دیندا، جویں ویلا لنگھدااے ، خُدا کی طاقت راستبازاں دے دلاں وچ صبح ویلے سورج دی لو وانگر لگاتار ودھدی جاندی اے ۔
بدرُوحاں پھسے مسیحی
اِنج کیوں اے پئی بوہتے لوک بدرُوحاں وچ پھس جاندے نیں ، بھاویں اوہ پاک رُوح پاؤن دی ہمت کردے نیں ؟
تاں پئی اوہ جھوٹے نبیاں دےراہیں ہتھاں دے رکھے جان دے راہیں بدروحاں نوں حاصل کردے نیں۔
حیرانی ہوندی اے ، جدوں اسیں یسوع وچ بوہتے ایمانداراں نوں ویکھدے آں جنہاں دے بدن تے رُوحاں تباہ ہوگئے نیں ،کیوں جے اوہناں نیں جھوٹے نبیاں توں ہتھ رکھواکے بدرُوحاں لئیاں ۔ ایناں لوکا ں دا خُدا نال کوئی تعلق واسطہ نئیں ہیگا کیوں جے اوہناں دا ایمان پاک کتاب دے اَکھراں اُتے قائم نئیں رہیا ۔ اوہ نہ جان دیاں ہویاں اپنی طاقت بوہت چھیتی ورتدے پئے نیں ،مطلب اے اوہناں دے کم بوہتیاں لوکاں نوں شیطان دے نوکر بناؤن دا سبب بن دے پئے نیں ۔ اوہ کاہدے لئی مسیحیت وچ اپنیاں طاقتاں وکھاؤن لئی اینے اوکھے کم کردے نیں؟ ایس لئی پئی اوہناں دیاں مشہور طاقتاں جے اوہ اوہناں نوں نئیں ورتدے بوہت چھیتی غائب ہو جان گئیاں ۔ ایہہ سبب اے جیہدے توں اوہ اینے کامے ہو جاندے نیں ۔
اوہناں نوں لگاتار یسوع دے ناں نال دعامنگنا تے اوّلے کم تےنشان وکھاؤنے نیں ۔ لوک جیہڑے آکھدے نیں ، ” میَں خوشخبری دی منادی کرن دی نعمت پا چُکیا ہاں، “ اوہناں نوں لگاتار خوشخبری دی منادی کرنی چاہی دی اے ،جے اوہ نئیں کردے ،اوہناں دی نقلی خوشی بوہت چھیتی غائب ہو جاندی اے ۔دوجے اَکھراں وچ ،جے ایہہ لوک بدرُوحاں دی دوجیاں بولیاں وچ بولن ، شفادین یاں پیشن گوئیاں دی دین دے سکّے نئیں ہیگے ،جے اوہ شیطان دے کماں دے سکّے نئیں ہیگے ۔ فیر اوہ اوہناں نوں لمے چِر لئی بیمار کر سکدااے ۔بالکل جویں اک جادوگر یاں شمان لمے چِر لئی بیمار ہوجاندااے ۔ جدوں اوہ شیطان دے خادم وانگر اپنے روّیے نوں اک پاسے کردااے ۔ ایس سبب توں اوہناں نوں اپنیاں طاقتاں نوں ورتناایں جیہڑیاں اوہناں نیں گرم جوشی نال شیطان کولوں پائیاں نیں ،کِدرے اوہ اپنیاں طاقتاں ورتن دے بعد غریبی وچ چھڈ دِتے جاندے نیں ۔
اک واری میَں اک بندے نوں جان داساں جیہڑا یسوع وچ اک جوش بھریا ایماندار سی تے وکھالی دینداسی پئی جویں اوہ خُدا ولوں بوہت ساریاں طاقتاں رکھداسی ۔ اوہنے پاک رُوح دی بھرپوری پاؤن لئی لوکاں دا حوصلہ ودھایا تے جگراتے دیاں عبادتاں د ی اَگوائی کیتی جنہاں وچ اوہنے لوکاں اُتےہتھ رکھے ، اوّلے کم وی کیتے مثال طور اُتے اوپریاں بولیا ں وچ بولیا تے لوکاں نوں شفادے کے بدرُوحاں نوں کڈھیا ۔ اوہ اپنے اوّلے کماں نال گھمنڈ تے سیواکراؤن دا اک سرناواں بن گیا ۔ایماندار دی ہزاراں دی گنتی وچ اوہدے پِچھے ٹُر پئے ۔ پر ،بوہت چھیتی اوہنے یسوع دا ایہہ آکھدیاں ہویا ں انکار کرنا شروع کر دتا ، ” یسوع مسیح کسے کم دی ہستی نئیں ۔ اوہ خُدا دا پُتر نئیں ہیگا۔ “ اوہنے یسوع مسیح اُتے لعنت کیتی تے ایتھوں پئی دعویٰ کیتا پئی اوہ اپنے آپ خُدا سی ۔ اوہنے اخیر وچ اپنے دل وچ تے بوہت سارے مسیحیاں دے دلاں وچ یسوع مسیح نوں ختم کردتا ۔
لوک ایہنوں پسند کردے نیں تے پانی تے رُوح دی خوشخبری نوں رَدّ کردے نیں ایس لئی پئی شیطان اوہناں دا آگُو اے ۔ اوہ مُڈھوں غلط عقید رکھن لئی آؤندے نیں ، ایس لئی پئی اوہ فریب رکھ دے نیں ،پئی اوہ رسولاں ورگے ، اوہناں دی طاقت ویکھ کے ،لوکاں نوں دوجیاں بولیاں وچ بولن دے لائق کرن تے ہتھ رکھن نال بدرُوحاں نوں کڈھن دی اوہو ای طاقت رکھدے نیں۔ اوہناں دا ایمان پکا اے
پئی پاک رُوح دی بھرپوری اوہناں اُتے اُترگئی اے ۔
اوہ لوکاں نوں پاک رُوح پاؤن دے طریقیاں بارے سکھاؤندے نیں ، ایہہ سوچدے نیں پئی اوہنوں توبہ دیاں دعاواں کرن نال پاؤنا سوکھااے ۔ پر ، پاک رُوح نوں پاؤن دےایس طریقے بارے خُدادے کلام وچ کوئی سر پیر نئیں ہیگے ۔ایہدے نال ای ،اوہ آکھدے نیں پئی جے یسوع اُتے ایمان رکھن والا اوپریاں بولیاں بولدااے تے پیشن گوئیاں کردااے ،فیر ایہہ اوہدے اُتے پاک رُوح دے اُترن دا ثبوت اے ۔ایس لئی پئی بوہت سارے لوک پاک رُوح دی بھرپوری نوں اصل وچ سمجھدے نئیں ، اوہ ایمان رکھدے نیں پئی اوہ وی جھوٹے نبیاں دیاں تعلیماں سکھن تے اوہناں دے پِچھے ٹُرن نال پاک رُوح پا سکدے نیں ۔ ایس طریقے نال شیطان مسیحیاں نوں بدرُوحاں نال بھرن تے اوہناں لوکاں اُتے حکم چلاؤن دے لائق سی ۔ ایہہ سارے طریقے شیطان دے جال ہیگے نیں۔
جھوٹے نبیاں دیاں تعلیماں نال بے گنت لوک بدرُوحاں وچ پھس گئے نیں ۔ عام ایماندار اک پھکی دینی حیاتی بسرکردے نیں، پر بدرُوحاں پھسے لوک بدرُوحاں دی طاقت ورتدے نیں تے وکھالے طوراُتے جوش بھریاں حیاتیاں بسر کردے نیں ۔ کیہڑے فن نیں جیہڑے اوہ وکھاؤندے نیں ؟اوہ شفا دین، اوّلیاں بولیاں وچ بولنا ،تے دوجیاں نوں ہتھ رکھن نال بدرُوح وچ پھساؤن وچ اَگوائی دین دا فن رکھدے نیں ۔ سانوں ایہہ پتہ ہونا چاہی دااے پئی ہتھ رکھنا دوجیاں تیک کوئی شے گھلن دا اک طریقہ اےتے ایس طریقے نال بدرُوحاں دی بادشاہی بوہت حداں تیک ودھ گئی اے
بدرُوحاں انسانی لالچ نال کم کردیاں نیں !
شیطان خاص حوالے دےشمعون وانگر کم کردااے ۔ ایہہ لوک آکھدے نیں پئی اوہ ہتھ رکھن دے نال ، مطلب اے پانی تے رُوح دی خوشخبری اُتے اوہناں دے ایمان توں اَڈ پاک رُوح پاسکدے نیں ۔ اج کل بوہتے لوک شیطان تو ں دھوکہ کھا چُکے نیں تے توبہ دیاں دعاواں ،روزیاں ،اپنی قربانیاں یاں ہتھ رکھن نال پاک رُوح پاؤن دی ہمت کردے نیں۔ فیر وی ، اوہ بدرُوحاں نال بَنھے جاند ے نیں تے اک لعنتی حیاتی بسرکردے نیں ۔
سانوں چنگی طرحاں خبردار ہونا چاہی دااے پئی ایہہ سچ جیہڑا ہتھ رکھے جانا اَکھواندااے ،جنہوں
سارے جگ وچ بوہت سارے مسیحی پاؤندے نیں ، بدرُوحاں دے کم نوں سوکھا کردااے ۔ ایہہ لوک جیہڑے شمعون وانگر اوہو ای کرتوں کردے نیں خدا اگے جھوٹے نبی نیں ۔ ایتھوں تیک پئی یسوع اُتے ایمان رکھن والے ، جے اوہ اپنے دلاں وچ پاپ رکھدے نیں ، بدرُوحاں وچ پھس سکدے نیں ۔ ایہہ لوک شیطان دے کماں نال معجزے کرن دے لائق ہوندے نیں ۔شیطان بدرُوحاں راہیں اوہناں دی مالکی نوں سوکھا کرن دے سلسلے وچ اپنے خادماں توں ہتھ رکھوان نوں پاؤن لئی لوکاں دی اَگوائی کردااے تے سارے جگ وچ اپنی بادشاہی بناؤندااے ۔اج کل 2پینیکاسٹل ۔کیرزمیٹک موومنٹ دے گرجے ، سرکاری طور اُتے سارے جگ وچ باقاعدہ مسیحی فرقیاں وانگر پچھانے جاندے نیں۔
|
2 مغرب دی مسیحیت نوں ۲۰ ویں صدی دے ادھ دے بعد پیسے دھیلے تے بوہت وڈے خرچے نے مرجھاؤنا شروع کردتا ، ایہدے نتیجے وچ بوہت سارے مسیحی جیہڑے یسوع دے نیڑے ہون دے تعلق دی راہ لبھدے سَن اوہ اگلی کلیسیا دے رُکھے ہون دےسبب بے چین ہوگئے ۔ جدوں دوجیاں وسیلیاں دے گھاٹے دے سبب ،یاں رُوحانی ترقی دی مَٹھی چال توں پریشان سَن ،جد پئی کُجھ لوک اجے وی اپنے ایمان دا ترجمہ یسوع نال اپنی محبت وچ ڈِگن دی ناکامی دے سبب پریشان سَن ۔ ایناں حالاں وچ مشہورپینتیکاسٹل کیرزمیٹک موومنٹ (Pentecostal – Charismatic Movement)آگئی ۔ جیہڑے لوک ایس تحریک وچ ہیگے سَن ایناں وچوں بوہتے جوش بھرے تجربے جویں پئی اوپریاں بولیاں بولنا، نبُوّت کرنا، معجزے کرن دیاں مشقاں کرنا پہلی پینتیکاسٹل (First Pentecostal )دی وڈیائی کردے نیں ۔ ایناں دےحوصلے ودھاؤن وچ اوہ اپنے مرضی نال اپنے آپ نوں پاک رُوح دی مشہور بادشاہی دا اکھواندے، پر بوہتے اوکھے بولدیاں ہویاں اوہناں دیاں تعلیماں تے مشقاں بائبل وانگر نئیں سَن ۔ ترقی کردے جگ وچ ، ایس تحریک نے اوہناں دیاں لوڑاں وچ بوہتی ترقی کیتی ۔ ایناں دیاں آگُواں نے ترقی کردے ہوئے ملکاں دے مسیحیاں نوں پیسہ دھیلا تے صحت دیاں تحفیاں نال اوہناں دا دھیان اپنے وَل موڑیا ۔ تحریک دے کُجھ بھوتریاں وانگر (Neo - Pentecostalism ) وی تحریک وانگر ایہو جیہیاں تعلیماں وانگر نیو ایج موومنٹ (New Age Movement)دے وانگر اکٹھ کیتا ۔ |
ایہہ جگ ہولی ہولی مکن وَل آؤنداپیا اے ۔ جے اسیں اخیری دیہاڑیاں وچ نویں سریوں جمنا چاہندے آں ،سانوں پتہ ہونا چاہی دااے پئی کویں شیطان کم کردااے تے اپنی کرتوتاں دے خلاف پکا ہوکے کھلوندااے ۔ سانوں اکو ای وار تے ہمیش لئی اپنے پاپاں توں بچنا ایں تے پانی تے رُوح دی خوشخبری اُتے ایمان رکھن نال اک تحفے وانگر پاک رُوح د ی بھرپوری پاؤنی اے ۔ سانوں پکے علم نال سچیائی ول واپس پرتنا چاہی دااے تے ایس طرحاں ساڈے اُتے خُدا دا رُوح آوےگا ۔
جویں خُدا نے آکھیا ، ” میرے لوک عقل دے گھاٹے نال مر مکے ۔ کیوں جے تُوں وسیلے نوں رَدّ کیتا ایس لئی میَں وی تینوں رَدّ کراں گا تاں پئی تُوں میرے اگے کاہن نہ ہوویں تے کیوں جے تُوں اپنے خُدا دی شریعت نُوں بھُل گیا ایں ،ایس لئی میَں وی تیری اولاد نُوں بُھل جاواں گا ۔ “ (ہوسیع ۴:۶)۔اج کل بوہت سارے سچیائی نوں لبھن والے برباد ہو جاندے نیں ،جدوں اوہناں دے عقل دا گھاٹا ہوندیاں ،جوش بھرے لوک اوہناں دی غلط اَگوائی کردے نیں ۔ لوک آکھدے نیں پئی ایتھوں تیک پئی جے مشہور پینتیکاسٹل ۔ کیرزمیٹک گرجے ریتلے علاقے وچ بنائے جاندے ، لوک اوتھے وہ اکٹھے ہو جاندے ۔اِنج کیوں ہیگااے ؟ کیرزمیٹک لوک اپنی نقلی طاقتاں نال دوجیاں نوں پریشان کر لئی ،اپنے گرجیاں نُوں ہتھ رکھے جان نال ،اوہناں نوں بدرُوحاں وچ پھساؤن لئی ،اَگوائی دیندیاں ہویاں ، ودھاؤندے نیں ۔اوہناں دیاں خاص گلاں وچوں اک ایہہ ہیگی اے پئی اک وار لوک ہتھ رکھے جان نال بدرُوحاں وچ پھس جاندے نیں ،اوہ اک دینی حیاتی بسر کرن لئی جوش نال بھر جاندے نیں ۔
کیرزمیٹک لوکاں دی دوجی خاص گل ایہہ ہیگی اے پئی اوہ اپنے گرجیاں نوں وڈی وڈی رقماں ناویں لاؤندے نیں تے کسے شرط توں اَڈ جوش بھرے ایماندار بن جاندے نیں ۔ ایتھو ں تیک پئی بے گِنت مسیحی بدرُوحاں دی طاقت نال منادی کرن لئی جوش نال بھرے نیں ،پر یقیناً اپنی دلی منزل دا احساس نہ کردیاں ہویاں دوزخ وَل جاندے پئے نیں ۔ ایہہ لوک ،جیہڑے جوش نال شیطان دی طاقت اُتے اپنی مکتی دے ثبوت دے طور اُتے ایمان رکھدے نیں ۔ اک شک دے اَڈ اَسمان ول ویکھدے پئے نیں ۔پر اوہ اپنے دلاں وچ پاپ رکھدے نیں تے برباد ی اوہناں دا لیکھ اے ۔
جے اوہناں توں ہیٹھاں دِتے ہوئے سوال پُچھے جاندے نیں ، ” کیہ تسیں اپنے دلاں وچ پاپ رکھدے او ، بھاویں تسیں خُدا اُتے ایمان رکھدے او ؟ “ اوہ بڑے یقین نال جواب دیندے نیں پئی پاپ کرنا اوہناں دی قدرتی عادت ہیگی اے ۔اوہ سوچدے نیں پئی کسے بندے دے دل وچ پاپ نہ ہووے ،ایہہ اوکھا کم اے ، بھاویں اوہ یسوع اُتے ایمان رکھدااے ۔
لوک ایہہ سوچن ول دھیان رکھدے نیں پئی اوہ اَسمان دی بادشاہی وچ جان دا دھیان رکھدے نیں ،بھاویں اوہ اپنے دل وچ پاپ رکھدے نیں ،ایس لئی پئی اوہ نقلی طاقت داثبوت رکھدیاں ہویاں یسوع اُتے ایمان رکھن وچ دلی تسلی محسوس کردے نیں ۔
ایہہ کنی اک فضول آس ہیگی اے !اوہناں دے پکیاں عقیدیاں نال ایہہ ہے پئی اوہ کُجھ خُدا دا ودھیا طرحاں دا فن رکھدے نیں ۔اوہ اوپریاں بولیاں وچ بولدے ،رویا پاؤندےتے روگیاں نوں چنگیاں کردے نیں ،تے اوہ سوچدے تے پکاایمان رکھدے نیں پئی ایہہ تجربے پاک رُوح دے کم نیں ۔ ایس
لئی اوہ اپنے آپ نو ں دَسدے نیں پئی اوہ اخیر وچ مکتی تے ایناں کماں نال پاک رُوح پا چُکے نیں ۔
ایس لئی پئی ایہہ لوک مکتی دے کلام دا اک ادھورا علم رکھدے نیں ،او ہ اپنی مکتی اُتے کوئی یقین
نئیں رکھدے ،جے اپنےاگے کسے طرحاں دا ،وکھا لی دین والافن اوہ نئیں ویکھدے ۔ ایس لئی ایہہ لوک وکھالے دی مکتی پاؤن لئی اوکھے کم کرن دی ہمت کردے نیں تے بعد وچ شیطان کولوں اوہدے کماں لئی ورتے جان دے بعد مُک جاندے نیں۔ ایس لئی پئی ایہہ لوک پانی تے روُح دی خوشخبری اُتے ایمان رکھن دی تھاں اُتے توبہ دیاں دعاواں یاں اپنی من مرضی دیاں قربانیاں نال خُدا دی مرضی پوری کرن دی ہمت کردے پئے نیں ،اوہ اخیروچ پاک رُوح دی تھاں اُتے بدرُوحاں پا لیندے نیں۔
شیطان اوہناں دے کناں وچ ہواواں چھڈ کے لوکاں اُتے تہمت لاؤندااے ، ” تسیں پاپ کیتا اے ،کیہ تسیں کیتا نئیں ؟ “ تے اوہناں نوں دلوں شرمندگی وچ ڈیگن لئی اوہناں دی اَگوائی کردااے ۔ اک بندہ ہیگا اے جنہوں میَں جان دا ہاں، جیہڑا ہُن پاپاں توں معافی تے پاک رُوح پا چُکیااے ۔ایہہ ایہو جیہی شے ہیگی اے جیہڑی اوہدے نویں سریوں جمن توں پہلاں اوہدے نال ہوئی ،جدوں اوہ اک جوش بھریا سگوں یسوع اُتے اَنھےوا ایمان رکھن والاسی ۔ایہہ بندہ ایتھوں تیک پئی اوپریاں بولیاں بولداسی تے بڑے معجزے کرداسی ۔ ایتھوں تیک پئی بھاویں اوہ رویا تے ساری رات توبہ دیاں دعاواں کیتیاں ،یسوع اُتے اوہدے ایمان دے ہوندیاں ، اوہدے دل وچ پاپ اوہنوں دُکھ دیندارہیا ۔ایہہ او ہ ویلا سی جدوں شیطان نےاوہنوں پُٹھیاں متاں دینیاں شروع کیتیاں ۔ ” تُوں پاپ کیتے نیں ،ایس لئی تیرے لئی جیوندے رہن نالوں مرجانا چنگااے ۔ “ شیطان بڑی وار اوہدے کول ،اوہنوں دُکھ دیندیاں ہویاں تے اوہدے پاپ اوہنوں یاد کراؤندیاں ہویاں آؤند ا تے اوہدے اُتے تہمت لاؤندا ۔ شیطان نے اوہنوں دلی شرمندگی تے دلی سزا دے کٹہرے وچ کھڑیاں کردِتا ۔فیر وی ، اوہ سارا جیہڑا اوہ کرداسی ،اپنے دل وچ پاپاں نوں مننا سی ۔اوہ اپنے آپ نوں شیطان دی تہمت توں چھڈا نئیں سکداسی ،جدوں تیک اوہ سوہنی خوشخبری نوں سُنن تے ایمان لیاون لئی نئیں آیا ۔
تہانوں ایہہ پتہ ہونا چاہی دااے پئی اوہ جیہڑے پانی تے رُوح د ی خوشخبری اُتے ایمان نئیں لیاؤندے ،شیطان دے شکار ہو جاندے نیں ۔ کیہ تسیں کسے دے بارے سوچدے او جیہڑا پاپاں دی معافی نئیں پا چُکیا ،شیطان نوں رَدّ کر سکدااے؟ اوہ بندہ جیہڑا پانی تے رُوح د ی خوشخبری اُتے پک نئیں رکھدا ،شیطان اوہنوں پھڑے گا تے دُکھ دیوےگا ۔ خُدا دی پانی تے رُوح د ی خوشخبری شیطان نوں کڈھن لئی بوہت لوڑی دی اے ۔ ایس لئی ، جیہڑا وی بندہ یسوع اُتے ایمان لیاؤندا اے ،اوہنوں پانی تے رُوح د ی خوشخبری اُتے ایمان لیاؤنا چاہی دااے ، تے جگ دے سارے لوکاں تیک ایہدی منادی وی کرنی چاہی دی اے ۔اوہ جیہڑے اینوں سُن دے نیں اوہناں نوں اینوں مننا تے ایہدے اُتے ایمان لیاؤنا چاہی دااے ۔
بے دینی دا بھیت پہلو ں ای جگ وچ کم کردااے!
سارا جگ حالے تیک بدرُوحاں دے کماں نال بھریا ہویا اے ۔جے اسیں خوشخبری دی منادی کرنا چاؤہندے آں ،جیہڑی لوکاں دی پاک رُوح پاؤن وچ اَگوائی کردی اے ، تے سانوں پاک رُوح دی بھرپوری دے بارے بوہت وڈی پُٹھی سوچ نوں دُور کرنا اے ۔
سب توں پہلاں سانوں ایس گل نوں کھولنا اے پئی ایہہ جھوٹ ہیگااے پئی پاک رُوح ہتھ رکھن نال اُتردااے ۔ سانوں کُھل کھلا کے گواہی دینی چاہی دی اے پئی ایہہ کم مثال طور اُتے ، ” ہتھ رکھواؤن دے بعد دوجیاں بولیاں وچ بولنا ، توبہ تے روزے نال کسے شے نوں گرم محسوس کرنا ،تے سدھے یسوع توں پیغام سُننا “ شیطان دے کم ہیگے نیں ۔صرف پانی تے رُوح د ی خوشخبری اُتے ایمان رکھن نال لوک شیطان دے طریقے توں چھڈائے جاسکدے نیں ۔ صرف اسیں پانی تے رُوح د ی خوشخبری اُتے ایمان لیاکے اپنے پاپاں توں مکتی یافتہ ہوسکدے آں ۔
پانی تے رُوح د ی خوشخبری نال سانوں شیطان ، ” جھوٹیاں دے پیو “ نوں ہراؤنا اے ۔شیطان نےدلی شرمندگی دے جال نال سارے جگ دے سارے لوکاں نوں بَنھ لیا اے ۔ ایس لئی سانوں احساس کرواکے پئی، اوہناں دے پُٹھے کم تے جذبے شیطان دیاں چالاں نیں ،سچیائی وَل واپس لیاؤنا چاہی دااے ۔
اَج کل ،لوک سامریہ دے شمعون وانگر جنہے پیسیاں نال پاک رُوح خریدن دی ہمت کیتی ،کلیسیا دی خدمت کردے پئے نیں ۔اوہ اَنھیاں نوں راہ وکھاؤن والے اَنھے نیں ۔اوہ لوکاں نوں کامل مکتی دی راہ نئیں وکھا سکدے ۔ کیوں جے اوہ پانی تے رُوح د ی خوشخبری نوں نئیں جان دے ،تے اپنےدلاں وچ پاپ رکھدے نیں ۔ ایس لئی اوہ اپنے پِچھے ٹُرن والیاں دے دلاں وچ ،ساری رات دعاواں کراؤن ،توبہ دیاں دعاواں لئی بلاؤن تے ہتھ رکھن نال شیطان دےوسن دا سبب بن دے نیں ۔ ایہہ لوک اصل وچ شیطان وچ بَنھے ہوئے نیں ،تے جے اسیں اوہناں نوں خُدا دے کلام وَل واپس لیاؤنا چاہندے آں ،سانوں پانی تے رُوح دی کامل تعلیم نال اوہناں نوں لیاؤن نال شیطان دے کم نوں برباد کرنا اے۔ جے لوک شیطان دیاں چالاں بارے نئیں جان دے ، اوہناں دا کوئی دوجا چارہ نئیں ہونا سگوں بے مِتر بےمدد ہوندیاں ہویاں دُکھ سہن گے ۔
بالکل جویں میَں آکھیا ،معجزے کرنا ، مثال طور اُتے بولیاں وچ بولنا تے ہتھ رکھن دے بعد پیشنگوئیاں کردیاں رہنا ،سارے شیطان دے کم نیں ۔دوجے اَکھراں وچ ، کیرزمیٹک لوکاں دیاں طاقتاں شیطان دے کماں نال وکھالی دیندیاں نیں ۔سانوں اوہناں نوں سکھاؤنا چاہی دااے ۔” ایہہ شیطان ہیگااے جیہڑا تہاڈے وچ کم کردااے جے تہاڈے دل وچ پاپ ہیگااے ۔جے تسیں سوچدے او پاک رُوح تہاڈے وچ رہندااے ،بھاویں تسیں اپنے دل وچ پاپ رکھدے او ،فیر تسیں دھوکہ کھاہدااے ۔ “
رسولاں دا ایمان تے اوہناں لوکاں دا جنہاں نیں اعمال ۸ دے خاص حوالے وچ ہتھ رکھوائے اوسے ترتیب وچ رکھیا گیا اے ،ایس پئی اوہناں وچوں دونویں یسوع مسیح دی پانی تے رُوح دی خوشخبری دے بارے جان دے سَن ۔پر رسولاں دا ایمان اج کل بوہتے مسیحیاں توں مکمل طور اُتے وکھراسی جیہڑے صرف ایمان رکھدے نیں پئی ہتھ رکھن نال اوہناں اُتے پاک رُوح اُترے گا ۔
کیہ کوئی بندہ کسے توں ہتھ رکھواؤن نال پاک رُوح پاسکدااے جیہڑا پاپاں دی معافی پا چُکیااے ؟ نئیں۔ پاک کتاب آکھدی اے پئی خُدا دی رُوح پانی دی اُتلی تہہ اُتے ہل دی پئی سی (پیدائش۱: ۲)۔ایہدامطلب ایہہ ہیگا اے پئی کسے بندے لئی پاپاں دی معافی تے پاک رُوح پاؤن لئی ،اوہنوں پانی تے رُوح دی خوشخبری نوں سُننا تے ایمان لیاؤنا اے ۔ خُدا پاک رُوح نوں نویں سریوں جمے ہوئے اک مسیحی لئی اک تحفے وانگر گھلدااے جیہڑا پانی تے رُوح دی خوشخبری اُتے ایمان رکھدا اے ۔
سانوں ذہن وچ رکھنا چاہی دااے پئی ایہہ پانی تے رُوح دی خوشخبری دے خلاف وانگر ہووے گا، جیہدا خُدا سانوں ساڈے پاپاں توں بچاؤن دا ارادہ رکھداسی ، جے اسیں لوکاں نوں پاک رُوح پاؤن لئی ،ہتھ رکھے جان نوں لبھن دی تعلیم دِتی ۔سوچن والی گل اے پئی کوئی بندہ کسے دوجے بندے نوں پاک رُوح دے سکدااے ،خُدا دا مقابلہ کرن وانگر اے ،تے ایس طرحاں دے ایمان نال لوک آسانی نال شیطان دے جال وچ پھس جاندے نیں ۔اِنج کدی ہون نہ دیوو۔
ساڈے سارے پاپ معاف ہو جاندے نیں جدوں اسیں پانی تے رُوح دی خوشخبری اُتے ایمان لیاؤندے آں،تے پاک رُوح ایہدی گواہی دیندااے ۔کوئی وی بندہ جیہڑا پانی تے رُوح دی خوش خبری اُتے ایمان لیاؤندااے ،اگانہہ ہور اپنے دل وچ پاپ نئیں رکھدا۔ایہہ ایس سبب توں نئیں اے پئی اوہنے پاپ نئیں کیتا ، سگوں ایہدی تھاں اُتے کیوں جے اوہ پانی تے رُوح دی خوش خبری دی طاقت اُتے ایمان رکھدااے۔ پانی تے رُوح دی خوشخبری گواہی دیندی اے پئی اوہ اپنے دل وچ کوئی پاپ نئیں رکھدا،تے پاک رُوح وی ایہدی گواہی دیندااے ۔ کوئی وی بندہ اپنے اندر خُدا دی رُوح نوں رکھیوں اَڈ یسوع نوں اپنا مکتی داتا نئیں آکھ سکدا۔
بدرُوحاں نال بَنھے لوک پانی تے رُوح دی خوشخبری دے بارے وچ نئیں جان دے ،تے ایتھوں تیک پئی کدی ایہدے بارے گل بات نئیں کردے ۔ اوہ ایتھوں تیک پئی پانی تے رُوح دی خوشخبری نوں نئیں جان دے ، تے اگانہہ ہور اوہ سچیائی دی شناخت کرن دے لائق نئیں ہیگے ۔اوہ آکھدے نیں پئی پاک رُوح صرف اوس ویلے اُتردااے جدوں اوہ ہتھ رکھواؤندے تے اوہنوں پاؤندے نیں ۔ فیر وی ، پاک رُوح کدی ہتھ رکھن نال نئیں آؤندا۔ تہانوں احساس کرنا چاہی دااے پئی اپنیاں جھوٹیاں تعلیماں نال سارے جگ دے گرجیاں وچ ہُن شیطان دے کم لوکاں اُتے بوہتا اثر کردے نیں ۔ ایس سبب توں ، پانی تے رُوح دی خوشخبری اُتے ایمان رکھن نال پاک رُوح دی کھری بھرپوری نوں پاؤنا بوہت لوڑی دااے ۔
Copyright © 2021 by The New Life Mission