Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
مضمون 8: پاک رُوح
[8-20] اوہ جیہڑے پاک رُوح دی بھرپوری دا تجربہ رکھدے نیں دوجیاں دی وی پاک رُوح پاؤن وچ اَگوائی کردے نیں < یوحنا ۲۰: ۲۱۔۲۳>
>یوحنا ۲۰: ۲۱۔۲۳>
” یسوع نے فیر اوہناں نوں آکھیا تہاڈی سلامتی ہووے! جس طرحاں باپ نے مینوں گھلیا اے اوس طرحاں میں وی تہانوں گھل دا واں۔ تے ایہہ کہہ کے اوہناں اُتے پھوک ماری تے اوہناں نوں آکھیا روح پاک لووو۔ جنہاں دے پاپ تُسیں بخشو اوہناں دے بخشے گئے نیں۔ جنہاں دے پاپ تُسیں قائم رکھو اوہناں دے قائم رکھے گئے نیں۔ “
خُداوند نے راستباز نوں کیہ اِختیار دتا؟
اوہنے اوہناں نوں پانی تے رُوح دی خوشخبری دےراہیں کسے دے وی پاپاں نوں معاف کرن دا اِختیار دتا۔
یوحنا ۲۰ باب یسوع دے جی اُٹھن دے بیان اُتے اے۔ ساڈا خُداوند فیر مردیاں وچوں جی اُٹھیا تے اپنے شاگرداں نوں آکھیا، ” رُوح پاک لووو ۔ “ یسوع دے شاگرداں نے اوہدے توں رُوح پاک دی بھرپوری نوں اک نعمت دے طور تے پایا۔ یسوع نے رُوح پاک دی بھرپوری تے ابدی حیاتی اوہناں لوکاں نوں دتی جیہڑے ایہہ ایمان رکھدے سن پئی اوہدے بپتسمہ تے لہو نے اوہناں دے سارے پاپ دھو دِتے سن۔ بائبل آکھدی اے پئی یسوع دا بپتسمہ رہائی دےورگا اے، جیہدا مطلب اے پئی اوہدے بپتسمہ نے ساری نسل انسانی نوں اوہناں دے پاپاں توں بچایا (۱۔پطرس۳ :۲۱)۔
یسوع نے بپتسمہ کیوں لیا؟
یسوع نے یوحنا ہتھوں بپتسمہ کیوں لیا سی؟ ایس سوال دا جواب متی ۳: ۱۵وچ یسوع نے جو آکھیا اوہدے توں صاف طور تے ویکھیا جاسکدا اے، ” کیوں جے ساڈے لئی ایس طرحاں ای ساری راستبازی پوریاں کرنا مناسب اے۔“ ایتھے، ” ایس طرحاں“ دا مطلب اے پئی یسوع نے دنیا دے سارے پاپ اپنے اُتے چُک لئے جدوں اوہنے بپتسمہ لیا سی۔ اوہدا بپتسمہ اوس وَلّ وانگرپورا ہویا سی جس طرحاں ہتھاں دا رکھیا جانا پرانے عہدنامے دےویلے وچ کیتا جاندا سی۔ اوہدے بپتسمہ دا مقصد دنیا دے پاپاں نوں یسوع اُتے لَد دینا سی۔
” ساری راستبازی“دا کیہ مطلب اے؟ اکھر”مناسب“ کیہ لاگو کر دا اے؟ ”ساری راستبازی“ دا مطلب اے پئی یسوع لئی اپنے بپتسمہ دے راہیں دنیا دے پاپاں نوں چُکنا مناسب سی۔ تے ”مناسب“ ایس گل اُتے لاگو ہوندا اے پئی ایہہ سب خدا دیاں اکھاں وچ مناسب ترین تے درست وَلّ سی۔
یسوع نے اپنے بپتسمہ دے راہیں نسل انسانی دے سارے پاپاں نوں اپنے اُتے چُک لیا تے اوہناں ساریاں لئی اوہناں لوکاں نوں پاک کردتا جیہڑے اوہدے اُتے ایمان رکھدے سن۔ یسوع نے بپتسمہ لیا تے اوہناں دے پاپاں دی عدالت لئی سولی چڑھیا ۔ ایہہ پاپ دی معافی دی خوشخبری اے۔ خدا دی راستبازی پاپ دی معافی اےجنہے پاپیاں دے سارے پاپ مٹا دِتے۔
جے لوک یسوع دے بپتسمہ دے بھید نوں سمجھدے نیں جس طرحاں ایہہ متی ۳: ۱۳۔۱۷ وچ لکھیا ہُویا اے تد فیراوہ پاپاں دی معافی تے رُوح پاک نوں وی پاؤن دے قابل ہوون گے۔ یسوع نے اپنی عوامی خدمت وچ کیہ کیتا— اوہدا بپتسمہ، سولی چڑھناتے جی اٹھنا— سانوں رہائی ول راستباز رستہ مہیا کرنا سی جس طرحاں پئی خدا ولوں پہلاں ای مقرر ہو چکیا سی۔ ایس طریقے نال، یسوع سارے پاپیاں دا سچا مکتی داتا بن گیا۔ اوہدے بپتسمہ تے لہو دی خوشخبری رہائی دی خوشخبری اے، جنہےساڈے سارے پاپاں نوں دھو دتا۔
لوک صرف تد ای رُوح پاک پاسکدے نیں جدوں اوہ یسوع دے بپتسمہ تے لہو دی خوشخبری نوں جان دے تے ایمان رکھدے نیں۔ کیوں جے یسوع دے بپتسمہ نے دنیا دے سارے پاپاں نوں اپنے اُتے چُک لیا ایس پاروں ساڈے پاپ اوہدے اُتے لَد دِتے گئے سن۔ نسل انسانی دی تھاں سولی اُتے اوہدی موت میری ذاتی موت سی ،تے اوہدا جی اٹھنا میرا ذاتی جی اٹھناسی۔ ایس طرحاں یسوع دا بپتسمہ تے
سولی اُتے وگن والا لہو پاپ دی معافی تے روح پاک نوں پاؤن دی خوشخبری اے۔
مَیں اُمید کردا واں پئی تُسیں یسوع دے بپتسمہ دے راہیں سِکھو گے تے ایس خوشخبری اُتے ایمان رکھو گے۔ تدفیر ،تہاڈے پاپ مٹا دِتے جاون گے تے تُسیں رُوح پاک پاو وگے۔ یسوع نے بپتسمہ کیوں لیا سی؟ ایہہ دنیا دے سارے پاپاں نوں چُکن لئی سی ۔ ” کیوں جے سانوں ایس طرحاں ساری راستبازی پوری کرنا مناسب اے۔ “ (متی۳ :۱۵)۔ آمین، ہیلیلویاہ!
اجکل کُجھ لوک ایمان رکھدے نیں پئی اوپریاں بولیاں وچ بولنا رُوح پاک نوں پاؤن دا ثبوت اے۔ فیروی، ایہدا سچا ثبوت سوہنی خوشخبری اُ تے قیمتی ایمان اے جیہڑا اوہناں دے دلاں اُتے کھود دِتا گیا اے جیہڑے واقعی رُوح پاک پاچکے نیں۔
خُداوند نے سارے راستباز لوکاں نوں پاپ معاف کرن دا اِختیار دِتا
خداوند نے اپنے شاگرداں نوں ،ایہہ کہندیاں ہویاں پاپ معاف کرن دا اختیار دتا پئی، ” جنہاں دے پاپ تُسیں بخشو اوہناں دے بخشے گئے نیں۔ جنہاں دے پاپ قائم رکھو اوہناں دے قائم رکھے گئے نیں“۔ ( یوحنا۲۰: ۲۳)۔ ایہدے توں مراد اے پئی جدوں شاگرداں نے پانی تے رُوح دی خوشخبری دی منادی کیتی ،تد فیر ساریاں دے پاپ جنہاں نے سُنیا تے ایمان رکھیا معاف ہو گئے سن۔ فیروی ایہدا مطلب ایہہ نئیں اے پئی اوہ کسے دے وی پاپ پانی تے روح دی خوشخبری اُتے اوہناں دے عقیدے توں اِڈ معاف کرسکدے سن۔
یسوع دے شاگرد پانی تے روح دی خوشخبری دے راہیں کسے دے وی پاپاں نوں معاف کرن دا اختیار رکھدے نیں۔ ایس لئی، جے اوہ اوس شے دی منادی کردے نیں جو کُجھ لکھیا ہویا اے ،تد فیر سانوں لازمی طور تے ایہدے اُتے ایمان رکھنا چاہی دا اے۔ تہانوں لازمی طور تے ایمان رکھنا چاہی دا اے پئی یسوع مسیح نے تہانوں تہاڈے سارے پاپاں توں پاک کرن لئی پانی تے روح دی خوشخبری دتی۔ صرف تد تُسیں پاپ دی معافی پاسکدے او تے رُوح پاک دی بھرپوری پاسکدے او۔ یسوع نے سانوں پانی تے رُوح دی خوشخبری دی منادی کرن دے راہیں سارے لوکاں نوں اوہناں دے پاپاں توں بچاون لئی اختیار وی دتا۔
دُنیا دے حاکم دی طاقت
لنگھے ہوئے ویلے دی گل اے، جِتھے میں رہندا ہوندا ساں ،اوتھوں سانوں ٹُٹی بجھی سڑک توں بس لینی پیندی سی۔ لوکاں نوں کسے کسے تھاں اُتے تھلے اترنا پیندا سی تے بس نوں دھکا لا کے پہاڑی اُتے لے کے جانا پیندا سی ۔ اک واری، کوریا دا صدر اوس سڑک اُتے اک تھرمل پاور پلانٹ دی افتتاعی تقریب اُتے آیا۔ جدوں لوکاں نے خبر سُنی تداوہناں نے صدر نوں، سڑک نوں صاف تے ایہدے پاسیاں اُتے ٹہنیاں رکھ کے جی آیاں نوں آکھیا۔ جدوں اوہ دیہاڑا آیا، موٹرسائیکلاں نے پینڈے دی اگوائی کیتی تے اوہناں دے پیچھے صدر دی گڈی آئی۔ لوکاں دا ہجوم اپنے ہتھاں وچ قومی جھنڈیاں دے نال اوہنوں ملن لئی آیا۔ اعلان کیتاگیا پئی صدر نے رائے دتی سی پئی، ”ایہہ سڑک بوہت ٹُٹی بجھی اے، ایہدی سطح نوں برابر کرن دی لوڑ اے۔“ تھوڑے دیہاڑیاں بعدوں، سڑک نو ں لُک لا کے برابر کر دِتا گیا۔
ایتھے کیہ واقع ہویا؟ اوتھوں لنگدے ہوئے صدر دی رائے سڑک دی حالت وچ ایہہ مضبوط تبدیلی پیدا کرن لئی کافی سی۔ اک صدر دا حکم ایس طرحاں اچیری طاقت رکھدا اے۔ فیروی، اسیں چنگی طرح آگو واں پئی مسیح دے راہیں سانوں دِتی گئی پانی تے روح دی ایہہ خوشخبری بوہت طاقتور اے۔ سانوں لازمی طور تے ایمان رکھنا چاہی دا اے پئی ایہہ خوشخبری ساڈیاں ساریاں حیاتیاں نوں ساڈے سارے پاپاں توں سانوں آزاد کرن دی قدرت رکھدی اے۔
پاپاں نوں معاف کرن دا سچا اِختیار
”جنہاں دے پاپ تُسیں بخشو اوہناں دے بخشے گئے نیں۔ جنہاں دے پاپ قائم رکھو اوہناں دے قائم رکھے گئے نیں۔ “ یسوع دے شاگرداں نے ایس خوشخبری دی منادی کیتی جیہدے توں اوہناں دے سارے پاپ معاف کیتے گئے سن۔ اوہناں نے لوکاں نوں دسیا، ” یسوع نے آپنے بپتسمہ تے لہو دے نال دنیا دے سارے پاپاں نوں مٹادِتا۔ پریشان ہون دی کوئی گَل نئیں اے۔ گو بھانویں تُسیں آؤن والے ویلے وچ پاپ کرن دا مقدر رکھدے او تد وی یسوع نے پہلاں ای سارے تہاڈے روز دیہاڑے دے پاپاں نوں اپنے اُتے چُک لیا تے یوحنا ہتھوں بپتسمہ لین بعدوں سولی اُتے تہاڈے لئی لہو
بہایا۔ یسوع نے تہانوں بچالیا! تہانوں لازمی طور تے ایہدے اُتے ایمان رکھنا چاہی دا اے! “
پاپیاں نوں یسوع دے شاگرداں دے راہیں پانی تے روح دی خوشخبری سُنن تے ایمان رکھن راہیں رہائی بخشی گئی۔ یسوع نے اپنے شاگرداں نوں پانی تے رُوح دی خوشخبری دے راہیں پاپ معاف کرن دا اختیار عطا کیتا۔ کیوں جے یسوع دے شاگرداں نے دنیا دے سارے لوکاں تیک پانی تے رُوح دی خوشخبری دی منادی کیتی ،ایس لئی ایماندار پاپ دی معافی پاسکدے سن۔ یسوع نے اوہناں لوکاں نوں ایہہ نعمت پاپ معاف کرن دے اختیار دے نال نال عطا کیتی۔
بوہت سارے لوک میریاں شائع کیتیاں ہویاں کتاباں پڑھ چکے نیں ، تے اوہ لوک ایہناں نوں پڑھن بعدوں اپنے پاپاں توں مکت ہو چکے نیں۔ کُجھ لوکاں نے آیت ، ”اوہ ساڈی خطاواں پاروں زخمی کیتا گیا تے ساڈی بدکاری دے باعث کُچلیا گیا۔ “ (یسعیاہ۵۳ :۵)دا حوالہ دیندیاں ہویاں اپنی آگاہی تسلیم کِیتی پئی یسوع دے سولی اُتے مرن دی وجہ اوہدا وہ بپتسمہ سی جیہڑا اوہنے دُنیا دے سارے پاپاں نوں چُک لَے جاؤن لئی لیا سی ۔
اوہدے جی اٹھن بعدوں، یسوع نے آپنے شاگرداں نوں آکھیا، ” رُوح پاک لووو۔ جنہاں دے پاپ تُسیں بخشو اوہناں دے بخشے گئے نیں۔ جنہاں دے پاپ قائم رکھو اوہناں دے قائم رکھے گئے نیں۔ “(یوحنا۲۰ :۲۲۔۲۳)۔ یسوع نے اوہناں نوں لوکاں دے پاپاں نوں معاف کرن دا اِختیار عطا کیتا۔
اسیں ایس سچیائی اُتے ایمان رکھن توں پہلاں پریشانی، کھوکھلے پن تے پاپ دے نال بنھے ہوئے ساں۔ پر ،ہُن اسیں یسوع دے بپتسمہ تے لہو اُتے ایمان رکھ چکے آں، تے پاپ توں مکت واں، تے اسیں دوجیاں تیک ایس خوشخبری دی منادی کرن والے لوک آں۔ اگانہہ ہور، ساڈے خداوند نے اپنے شاگرداں نوں سلامتی دِتی۔ ساڈے خداوند نے سانوں وی سلامتی تے رُوح پاک دی برکت دِتی۔ خدا توں سلامتی تے رُوح پاک پاؤن لئی، سانوں لازمی طور تے یسوع دے بپتسمہ تے سولی اُتے وگن والے لہو اُتے ایمان رکھن دے راہیں پاپاں دی معافی پاؤنی چاہی دی اے۔
سانوں پاپ توں جیہڑی شے بچاؤندی اے اوپانی تے روح دی خوشخبری اُتے ایمان اے۔ ایہہ
رُوحانی ایمان اے جیہڑا ساڈے کول اسمانی برکتاں لیاؤندا اے۔ پر انسان دے ذاتی خیالاں اُتے نربھر من مانی دا ایمان اوہدی تباہی ول اگوائی کردا اے۔ سانوں لازمی طور تے پانی تے رُوح دی خوشخبری اُتے ایمان رکھن دے راہیں مکتی پاؤنی چاہی دی اے۔ ایس طرحاں دا ایمان رکھن لئی سانوں لازمی طور تے اپنیاں زمینی سوچاں چھڈدیناں چاہی دیاں نیں ،تے آپنے ایمان نوں پانی تے روح دی خوشخبری ول پرت آؤنا چاہی دا اے۔
رُوح پاک پاؤن لئی ضروری ایمان رکھن لئی ہر بندے نوں ایس خوشخبری نوں قبول کرنا چاہی دا اے پئی یسوع نے بپتسمہ لیا تے ساڈے لئی مصلوب ہوگیا۔ خداوند نے سانوں پاپ دی معافی، سلامتی تے روح پاک دی بھرپوری مہیا کیتی کیوں جے اسیں پانی تے روح دی خوشخبری اُتے ایمان رکھدےآں۔ اوہدے اپنے شاگردوی روح پاک دی خوشخبری اُتے ایمان رکھدے نیں۔ اوہنے اپنے شاگرداں نوں روح پاک دی بھرپوری تے کسے وی اجیہے بندے دے پاپاں نوں معاف کرن دا اختیار بخشیا جیہڑا پانی تے رُوح دی خوشخبری اُتے ایمان رکھدا اے۔
اسیں وی ایس خوشخبری اُتے ایمان رکھن دے راہیں رُوح پاک نوں حاصل کیتااے۔ پانی تے رُوح دی ایہہ خوشخبری بوہت سارے دوجے لوکاں دی وی ایہو ای کم کرن وچ مدد دے چکی اے۔ جدوں اسیں اپنے گوانڈیاں تے دنیا تیک خوشخبری دی منادی کردے آں ،تد فیراوہ لوک جیہڑے ایہنوں دل نال قبول کر دے نیں اوہناں نوں رُوح پاک عطا کیتا جاندا اے۔ جےایہہ خوشخبری جیہدی منادی اسیں کردے آں لوکاں نوں رُوح پاک پاؤن دے قابل نئیں کرسکدی اے، تد فیر ایہہ سچی خوشخبری نئیں اے۔ دوجے پاسے، جے ایہہ خوشخبری جیہدی اسیں منادی کردے آں اوہناں دی رُوح پاک پاؤن وچ اگوائی کرسکدی اے ،تد فیر ایہہ خوشخبری سچی اے۔
اسیں ایس طرحاں دی خوشخبری رکھن لئی کِنے با برکت آں تے سانوں ایہدے لئی شکرگزار ہونا چاہی دا اے۔ اوہ خوشخبری جیہدی تہاڈے تے میرے راہیں منادی کیتی گئی اے اک کامل تے اچیری خوشخبری اے۔ پر بدقسمتی نال ،کسے اجیہے بندے نوں لبھنا اوکھا اے جیہڑا اج کل ایس خوشخبری نوں جان دا تے ایہدے اُتے ایمان رکھدا ہووے ۔ ایس لئی سانوں لازمی طور تے پورے جگ تیک ایس خوشخبری دی منادی کرنا چاہی دا اے۔ سانوں لازمی طور تے دوجے لوکاں دی رُوح پاک پاؤن وچ مدد کرنی چاہی دی اے۔
اوہ لوک جیہڑے پانی تے رُوح دی خوشخبری دا اِنکار کرن لئی شیطان ہتھوں دھوکہ کھاندے نیں
اسیں اوہناں دی وی مدد کرن دیے آں جیہڑے پہلاں ای یسوع اُتے ایمان رکھدے نیں۔ اوہناں وچوں بوہتے ہُن تیک وی رُوح پاک حاصل نئیں کرسکدے ایتھوں تیک پئی بھاویں اوہ یسوع اُتے ایمان رکھدے نیں۔ ایس لئی، اسیں اوہناں دی خوشخبری دی منادی کرن دے راہیں مدد کردے آں تے ایس طرحاں اوہناں لوکاں نوں روح پاک پاؤن لئی مدد دے رہے آں۔
جے کوئی بندہ یسوع اُتے ایمان رکھن دے بعدوی رُوح پاک نئیں پا سکیا ،تد فیر اوہدے عقیدے وچ کجھ مسئلے ہو سکدے نیں۔ صرف اوہ لوک جیہڑے یسوع اُتے اپنے عقیدے دے راہیں رُوح پاک پا چکے نیں اوہناں لوکاں دے طور تے خیال کیتے جاسکدے نیں جیہڑے سچا ایمان رکھدے نیں۔ ایس لئی سانوں لازمی طور تے اوس ایمان نوں قائم رکھنا چاہی دا اے جیہڑا ساڈی رُوح پاک پاؤن لئی اَگوائی کردا اے۔ سانوں لازمی طور تے پانی تے رُوح دی خوشخبری نوں جاننا چاہی دا اے، کیوں جے صرف ایس خوشخبری دی سچیائی اے جیہڑی سانوں روح پاک پاؤن دے قابل کردی اے۔
اسیں پانی تے رُوح دی خوشخبری دی منادی کردے آں تاں پئی دوجے لوک وی رُوح پاک پاسکن۔ فیروی،اوہ لوک جیہڑے خوشخبری دی منادی کردے نیں اوہناں لئی بوہت ساریاں مشکلاں دا سامنا کرنا لازم ہو جاندا اے ۔ کُجھ مسیحی سوچدے نیں پئی اوہ اک لمے ویلے تائیں کیتیاں گیاں کوششاں کرن پاروں رُوح پاک پاسکدے نیں۔ اوہ بوہت سارے پریشان کر دین والے اجیہے تجربے رکھدے نیں جیہڑے رُوح پاک نوں پاؤن نال کوئی تعلق نئیں رکھدے ۔ ایس لئی اوہناں لوکاں نوں پانی تے رُوح دی خوشخبری دے نال روشن کرن لئی بوہت سارا ویلا تے قربانی ضروری ہوندی اے ۔
جے ہرکوئی سوچے پئی کوئی شخص ایس خوشخبری اُتے ایمان دے دے راہیں رُوح پاک پاسکدا سی تد فیر کون پانی تے رُوح دی خوشخبری اُتے ایمان نئیں رکھے گا ؟ شیطان نے لوکاں نوں ایس سچی خوشخبری دے آؤن توں پہلاں اک وکھری خوشخبری دے نال دھوکہ دتا سی ۔ ایس طرحاں دے لوک حیران ہوندے نیں پئی جدوں پئی اوہ پہلاں ای اپنے آپ نوں یسوع دی خوشخبری اُتے ایمان رکھن والے خیال کردے نیں تد فیر ہورکس قسم دے ایمان نوں رکھن دی لوڑ اے ۔ ایس لئی ،اوہ پانی تے روح دی خوشخبری دا انکار کرن تے نفی کردے نیں ۔
اج کل دے دور وچ بوہتےلوک پانی تے روح دی سچی خوشخبری نوں پورے طور تے قبول نئیں کردے نیں، کیوں جے شیطان پہلاں ای اوہناں لوکاں نوں اَنّھا کرچُکیا اے۔ نتیجے دے طور تے اوہ سوچدے نیں پئی یسوع اُتے ایمان رکھنا اک سادہ کم اے۔ فیروی ،خوشخبری دی سچیائی نوں پورے طور تے سمجھنا کسے وی طرحاں سوکھا نئیں اے۔ پانی تے رُوح دی خوشخبری اک جھوٹی خوشخبری نال لکائی ہوئی اے۔
لوک سوچدے نیں پئی اوہ سارے اسمان دی بادشاہی داخل ہو سکدے نیں جے اوہ گرجے جاون تے اقرار کرن پئی اوہ یسوع اُتے ایمان رکھدے نیں۔ بوہت سارے ایمان رکھدے نیں پئی رُوح پاک دی بھرپوری اوہناں دیاں ذاتی کوششاں دے راہیں مثال دے طور تے دعا کرن تے روز وغیرہ رکھن توں عطا ہوندی اے۔ فیروی، ایس طرحاں دے عقیدے رُوح پاک نوں پاؤن دی سچیائی توں بوہت دور نیں۔ اوہ سوچدے نیں پئی اوپریاں بولیاں وچ بولنا تے دوجے معجزے رُوح پاک نوں پاؤن دیاں نشانیاں نیں۔
ایس طرحاں اوہ مشکل نال سمجھدے نیں پئی رُوح پاک پاؤن لئی پانی تے رُوح دی ایس سچی خوشخبری اُتے ایمان رکھنا ضروری اے۔ فیروی، بائبل آکھدی اے پئی کوئی بندہ صرف خدا دے کلام اُتے ایمان رکھن دے راہیں ای رُوح پاک پا سکدا اے۔ خدا نے رُوح پاک نوں پاؤن دا بھید اپنے کلام وچ لُکایا ا ے۔
اوہ لوک جیہڑے رُوح پاک دی بھرپوری چاؤہندے نیں
اک واری میں اپنے کُجھ ساتھیاں دے نال تائیوان گیا۔ اوتھے لوکاں نے ساڈ ے کولوں رُوح پاک بارے لکھیاں گیاں کتاباں منگیاں۔ ایہوای گَل جا پان تے روس وچ وی ہوئی۔ ایہنے سارے لوکاں دی رُوح پاک دی بھرپوری اُتے کتاباں چاہن دی وجہ ایہہ وے پئی اج کل دے ایہہ لوک اخیری حد تائیں دلی طور تے رُوح پاک دی بھرپوری پاؤنا چاؤہندے نیں۔ بوہتےلوک یسوع اُتے ایمان رکھدے نیں تے کُجھ لوکاں نوں یقین نئیں اے پئی کیہ اوہ واقعی رُوح پاک پاچکے نیں، کیوں جے اوہ رُوح پاک دی بھرپوری نئیں رکھدے نیں۔
لوکاں دی وڈی گنتی موجود اے جیہڑی یسوع اُتے ایمان رکھدی اے تے دعویٰ کردی اے پئی اوہ رُوح پاک پاچکے نیں۔ فیروی، اوہ لوک جیہڑے پکے طور تے، تے ہمیش لئی رُوح پاک پاچکے نیں بوہت گھٹ نیں۔ بوہتےلوک یسوع اُتے اپنے ایمان دے باوجود ایس طرحاں کرن دے قابل نئیں نیں، تے ایسے لئی ہن اوہ ایس طرحاں کرن دی سدھر رکھدے نیں۔
دنیا دے مسیحی لوکاں دے وچکار، بوہت سارے اجیہے لوک موجود نیں جیہڑے سوچدے نیں پئی اوہ رُوح پاک دا تجربہ کرچکے نیں۔ کُجھ آکھدے نیں پئی اوہ اپنے خواباں وچ یسوع نوں مل چکے نیں، تے کجھ دعویٰ کردے نیں پئی اوہ اپنے اندر روح پاک رکھدے نیں کیوں جے اوہ بُریاں رُوحاں نوں کڈھن دا تجربہ کرچکے نیں۔ ایس طرحاں بوہت سارے اجیہے لوک موجود نیں جنہاں دا ایمان ذاتی تجربے اُتے نربھر اے۔ فیروی، گھٹ ای لوک پانی تے روح دی خوشخبری اُتے ایمان دےراہیں واقعی رُوح پاک دی بھرپوری پاچکے نیں۔
مینوں اک واری عجیب لگیا پئی ایس دنیا وچ پانی تے روح دی خالص خوشخبری اُتے ایمان دے راہیں رُوح پاک دی بھرپوری پاؤن اُتے کتاباں نئیں سی۔ بوہت سارے لوک رُوح پاک دے نال اپنے تجربیاں دے بارے گَل بات کردے نیں، پر رُوح پاک دی بھرپوری اُتے کتاباں کیوں نئیں نیں؟ گو بھانویں تُسیں ساری جگ وچ دور دور تک تلاش کرو ایس طرحاں دیاں کتاباں لبھنیاں اوکھیاں نیں۔
اوہ لوک جیہڑے غلط طور تے ضد کردے نیں پئی اوہ رُوح پاک پاچکے نیں، اوہ ایہہ دعویٰ وی کردے نیں پئی اوہ یسوع نوں ذاتی طور تے مل چکے نیں تے اسمان دی بادشاہی تے جہنم دا وی دورا کرچکے نیں۔ اوہ ایس گل تے زور دیندے نیں پئی یسوع نے آکھیا، ” تُسیں ویلے توں پہلاں آچکے او۔ تہاڈی دنیاں وچ بوہت کجھ حالے پورا ہوون والا اے ، ایس لئی چھیتی نال ای اوس تھاں ول پرت جاؤ جِتھوں دے تُسیں ہے او۔“ ایس طرحاں دا تجربہ ممکن نئیں اے ۔ فیروی، کیہ یسوع جیہدے نال اوہ ملے سن او سچ وچ یسوع ہو سکدا اے ؟ کیہ یسوع اوہناں نوں اوہناں دے دلاں وچ پاپ ہوون دے باوجود وی ملیا ہووے گا ؟ کیہ یسو ع پاپیاں دے اندر وسّوں کر سکدا اے ؟
ایہہ سچ اے پئی اج بوہتے مسیحی رُوح پاک دی بھرپوری نئیں رکھدے نیں گو بھانویں اوہ یسوع اُتے کافی حد تائیں ایمان قائم رکھدے نیں۔ ایس لئی اسیں، جیہڑے اپنے اندر رُوح پاک رکھدے آں، سا نوں لازمی طور تے ایس خوشخبری نوں پھیلاؤنا چاہی دا اے جیہڑی دوجے لوکاں دی ایس بخشش نوں پاؤن لئی اَگوائی کرے گی۔ ہر کسے نوں رُوح پاک نوں پاؤن دی لوڑ اے، تے ایس طرحاں کرن لئی پانی تے رُوح دی ایس خوشخبری اُتے ایمان بوہت ضروری اے۔ صرف ایس خوشخبری اُتے ایمان رکھن دے راہیں کوئی بندہ رُوح پاک پاسکدا اے۔ سچیائی دی ایس خوشخبری دے راہیں جیہڑی اسیں جان دے آں، اسیں خدا توں رُوح پاک دی بخشش پاسکدے آں۔
سانوں ساریاں نوں لازمی طور تے خداوند دا پانی تے روح دی ایس خوشخبری نوں دین لئی شکر ادا کرنا چاہی دا اے تے تعریف کرنی چاہی دی اے۔ مَیں رُوح پاک دی شادمانی دا تجربہ کرچکیا واں تے ایہہ کتاب لکھدیاں ہویاں اوہ میرے اُتے چھا گیا۔ جدوں ایہہ کتاب شائع ہویے گی، تد فیر بوہت سارے لوک پانی تے رُوح دی ایس خوشخبری اُتے آپنے ایمان دے راہیں رُوح پاک دی بھرپوری پاون گے ” کیہ تُسیں ایمان لیاؤندے ویلے رُوح پاک حاصل کیتا“ (اعمال ۲:۱۹) پولوس نے ایہہ اِفسس وچ ہوون والے شاگرداں نوں آکھیا۔
سانوں ساریاں نوں لازمی طور تے رُوح پاک پاؤنا چاہی دا اے۔ سارے جگ دے مسیحی خاص طور تے دنیا دی تاریخ دے ایس مصیبت والے ویلے دوران رُوح پاک پاؤن وچ دلچسپی رکھدے نیں۔ میں رُوح پاک پاؤن لئی بائبل دے مطابق بالکل اوسے ڈھنگ دی منادی کرنا پئاآں جس طرحاں رُوح پاک میَنوں کرن دی اَگوائی کردا اے۔ اک سکون بھری حیاتی گزارن لئی تہانوں لازمی طور تے رُوح پاک دی بھرپوری دی ایس سچیائی اُتے ایمان رکھنا چاہی دا اے۔ کیوں جے ایہہ اپنے دل دی ڈوہنگیائی وچ رُوح پاک نوں پاؤن لئی تہاڈے لئی اخیری موقع اے۔
مَیں اپنے اندر ایس خوشخبری نوں پھیلاؤن دی حرکت محسوس کردا واں جیہڑی ہر کسے دی رُوح پاک پاؤن وچ مدد کردی اے کیوں جے یسوع مسیح نے مَینوں پانی تے رُوح دی خوشخبری دِتی تے میَنوں رُوح پاک دی بخشش نال نوازیا۔
غیر قوماں نوں وی لازمی طور تے پانی تے رُوح دی خوشخبری اُتے ایمان رکھنا چاہی دااے
بائبل آکھدی اے پئی کس طرحاں یسوع دے شاگرداں نے دوجیاں نوں رُوح پاک دی بھرپوری پاؤن دی اجازت دِتی۔ ایتھوں تیک پئی غیرقوماں نوں وی رُوح پاک پاؤن لئی شاگرداں دے وانگر ای ایمان رکھنا سی۔ اگانہہ ہور، غیرقوماں نوں وی خدا دی دنیا وچ داخل ہون لئی خاص طور تے پانی تے رُوح دی ایس خوشخبری اُتے اوہو ای ایمان رکھن دی لوڑ سی، جیہڑا شاگرد رکھدے سن۔ ایس لئی سانوں وی ،جیہڑے غیر قوم آں لازمی طور تے رُوح پاک نوں پاؤن لئی ایس سچی خوشخبری اُتے ایمان رکھنا چاہی دا اے۔ خدا نے پطرس نوں کُرنیلیس دے کول گھلیاجیہڑا اک غیرقوم وچوں سی تاں پئی اوہ پانی تے روح دی خوشخبری دے نال روشن ہوجاوے، جیہڑی روح پاک نون پاؤن لئی ضروری اے۔
یہودی ایماندارایہہ سن کے حیران ہوگئے پئی رُوح پاک دی بخشش غیرقوماں اُتے وی نازل ہوئی اے۔ جدوں پطرس پانی تے روح دی خوشخبری دی منادی کرن توں بعد یروشلیم دی کلیسیا وّل واپس پرتیا،تد فیر اوہ لوک جنہاں دا ختنہ ہویا سی اوہناں نے اوہدے اُتے نکتہ چینی کیتی، ” پئی تُو ختنے نہ کیتے ہوئے لوکاں دے کول گیا تے اوہناں دے نال کھادا پیتا۔“ ( اعمال ۱۱ :۳)۔ پر پطرس نے اوہنوں نوں مُڈھوں لَےکے ہر شے کھول کے دسی۔
اوہدی وضاحت اعمال ۱۱: ۵۔۷۱ وچ چنگی طرحاں درج اے۔ ” میں یافا شہر وچ دُعا کرن دیاساں تے بے خودی دی حالت وچ اک رویا ویکھی پئی کوئی شے وڈی چادر دے وانگر چاراں کونیاں توں لمکدی ہوئی اسمان توں اتر کے میرے تیک آئی۔ اوہنوں جدوں میَں دھیان نال تکیا تے زمین دے چوپائے تے جنگلی جانور تے کیڑے مکوڑے تے ہَوا دے پرندے ویکھے۔ تے ایہہ آواز وی سُنی پئی اَے پطرس اُٹھ! ذبح کر تے کھا۔پر میَں آکھیا اَے خُداوند ہرگز نئیں کیوں جے میَں کدی کوئی حرام یا ناپاک شے نئیں کھادی۔ ایہدے جواب وچ دوجی واری اسمان توں آواز آئی پئی جنہاں نوں خُدا نے پاک ٹھہرایا اے تُو اوہناں نوں حرام نہ کہہ۔ تِن واری انج ای ہویا۔ فیر اوہ ساریاں شیواں اسمان ول کھِچ لیاں گیاں ۔ تے ویکھو ! اوسے ویلے تِن بندے جیہڑے قیصریہ توں سن میرے کول گَلےگئے اوس گھر دے کول آن کھلوتے جیہدے وچ اسیں ساں۔ رُوح نے مینوں آکھیا پئی توں فرق کیتیوں اِڈ ایہناں دے نال ٹُر جا تے ایہہ چھ بھرا وی میرے نال ٹُر پئےتے اسیں اوس بندے دے گھر داخل ہو یے۔ اوہنے سانوں دسیا پئی میَں فرشتے نوں آپنے گھر وچ کھلوتیاں ویکھیا۔ جنہے مینوں آکھیا پئی یافا وچ بندے بھیج کے شمعون نوں بُلوا لیا جیہڑا پطرس اکھواؤندا اے۔ا وہ تیرے نال اجیہیاں گلاں کرےگا جنہاں نال توں تے تیرا سارا گھرانہ مکتی پاوے گا۔ جدوں میں کلام کرن لگیا تے رُوح پاک اوہناں اُتے ایس طرحاں نازل ہویا جس طرحاں شروع وچ ساڈے اُتے نازل ہویا سی۔ تے مینوں خداوند دی اوہ گل یاد آئی جیہڑی اوہنے آکھی سی پئی یوحنا نے تے پانی توں بپتسمہ دتاپر تُسیں رُوح پاک توں بپتسمہ پاوو گےہُن جدوں خدا نے اوہناں لوکاں نوں وی اوہو ای نعمت دِتی جیہڑی سانوں خداوند یسوع مسیح اُتے ایمان لیا کے ملی سی تے فیر میَں کون سی پئی خدا نوں روک سکدا؟ “
پطرس نے آکھیا پئی اوہ نہ صرف ختنہ نہ کیتے ہوئے بندیاں دے کول گیا سگوں اوہناں دے نال کھادا وی تے اوہنے اوہناں لوکاں نوں خوشخبری وی سنائی ، رُوح پاک دی اَگوائی دا شکر ہووے۔ جدوں اوہناں نے ایہہ شیواں سنُیاں تداوہ چُپ ہوگئے، تے خدا دے ناں نوں جلال دِتا، جنہےاوہناں ساریاں نوں —کُرنیلیس، اوہدے رشتہ داراں تے اوہدے قریبی دوستاں نوں توبہ تے حیاتی عطا کیتی۔
رُوح پاک نوں پاؤن لئی رسولی خوشخبری
رسولاں دامرن دیہاڑےتیک کیہ مقصد اے؟
اوہناں نوں رُوح پاک پاؤن لئی پانی تے رُوح دی خوشخبری دی منادی کرنا۔
کیہ رسولاں نے سچی مُچی ایسے پانی تے رُوح دی خوشخبری دی منادی کیتی؟ سانوں پہلاں لازمی طور تے پک کرنی چاہی دی اے پئی کیہ پطرس رسول پانی تے روح دی خوشخبری اُتے ایمان رکھدا سی۔ بائبل وچ پطرس نے آکھیا، ”تے اوسے پانی دے ورگا وی پئی بپتسمہ یسوع مسیح دے جی اُٹھن دے راہیں ہن تہانوں بچاؤندا اے۔“ (۱۔پطرس۳ :۲۱)۔ پطرس رسول دل وچ ایمان رکھدا سی پئی یسوع نے سارے پاپیاں نوں اوہناں دے پاپاں توں بچایا جدوں اوہنے بپتسمہ لیا تے سولی اُتے مرگیا۔ اوہ ایہہ وی ایمان رکھدا سی پئی جدوں یسوع نے بپتسمہ لیا (متی ۳ :۱۵) تد فیر سارے پاپ اوہدے اُتے لَد دِتے گئے سن، اوہ مصلوب ہویا تے بعد وچ سانوں ساریاں نوں بچاؤن لئی جی اُٹھیا۔
اج کل لوک پطرس وانگر داای ایمان رکھدے نیں۔ اوہ لوک جیہڑے پانی تے رُوح دی خوشخبری دی منادی کردے نیں ، اوہ لوک نیں جیہڑے پطرس وانگر دی خوشخبری دی منادی کر دے نیں ۔ ایہہ سچیائی نوں سُنن والیاں نوں رُوح پاک دی بھرپوری پاؤن دی اجازت دین دے لئی کافی اے۔
جس طرحاں بوہت سارے لوکاں نے رُوح پاک نوں پایا جدوں پطرس نے پانی تے رُوح دی خوشخبری دی منادی کیتی، بالکل اوسے طرحاں اسیں وی لوکاں نوں خوشخبری اُتے ایمان رکھدیاں تے روح پاک پاؤندیاں ویکھدے آں جدوں اسیں اوسے ای سچیائی دی منادی کردے آں۔ کوئی بندہ وی غیر واضح ایمان رکھن دے راہیں رُوح پاک نئیں پاؤندا اے پئی جے اوہ یسوع تے صرف اپنے خداوند دے طور تے ایمان رکھدا اے تدفیر اوہ اسمان اُتے جاوے گا ، سگوں ایہدی تھاں اوہ پانی تے رُوح دی خوشخبری اُتے ایمان رکھن دے راہیں رُوح پاک نوں پاؤندا اے۔
پطرس غیر قوماں نوں پہلاں کیڑیاں مکوڑیاں توں کُجھ زیادہ خیال نئیں کردا سی جیہڑے زمین اُتے رینگدے نیں۔ شریعت دے مطابق اوہ یسوع دے بپتسمہ لین، سولی اُتے مرن تے جی اُٹھن توں پہلاں ناپاک جانوراں دے وانگر سی۔ فیروی، غیرقوماں پانی تے رُوح دی ایس خوشخبری اُتے ایمان رکھن دے راہیں رُوح پاک دی بھرپور برکت پاؤن والے ہوسکدے سی۔ایس لئی ،پطرس نوں اک آوازآئی جنہے آکھیا، ” جنہاں نوں خدا نے پاک ٹھہرایا اے توں اوہناں نوں حرام نہ آکھ۔ “( اعمال ۱۰ :۱۵)
اسیں، غیرقوماں دے طور تے، روح پاک نوں پاؤن دے کدی وی قابل نئیں ساں پر اسیں پانی تے روح دی خوشخبری اُتے ایمان رکھن دےراہیں رُوح پاک دی بھرپوری حاصل کرسکدے آں۔ جدوں اسیں، اپنے ذاتی خیالاں نال بھرے لوکاں نوں صبر نال خوشخبری دی منادی کردے آں تد فیر اسیں اوہناں لوکاں نوں خوشخبری اُتے ایمان رکھدیاں تے اخیری رُوح پاک نوں پاؤندیاں ویکھدے آں۔ اسیں اوہناں نوں ایہہ اقرار کردیاں وی ویکھ سکدے آں پئی اوہ یسوع دے بپتسمہ تے لہو اُتے ایمان لیاؤن بعدوں اپنے دلاں وچ پاپ نئیں رکھدے نیں۔ صرف تدای رُوح پاک اوہناں وچ وَسّدا اے۔
ایس خوشخبری دی منادی کرن دا ساڈا مقصد دوجیاں نوں ایہنوں سمجھن دے قابل بناؤنا ای نئیں اے، سگوں رُوح پاک نوں پاؤن لئی اوہناں دی اَگوائی کرنا وی اے۔ ایہہ سچیائی بوہت ضروری اے پئی اوہ لوک جیہڑے ایس خوشخبری اُتے ایمان رکھدے نیں جیہدی اسیں منادی کردے آں اوہ اپنے سارے پاپاں توں معاف ہوندے نیں۔ تے ایہہ سچیائی زیادہ بوہتی ضروری اے پئی اوہ اوسے ویلے رُوح پاک دی بھرپوری پاؤندے نیں ۔ اسیں دنیا دے لوکاں تائیں صرف خوشخبری دی منادی نئیں کردے آں، سگوں ایہنوں اک قدم اگے وی لے جاندے آں تے اوہناں دی اوسے ویلے رُوح پاک پاؤن لئی اَگوائی کردے آں۔
سانوں لازمی طور تے اوہناں لئی ایس خوشخبری دی منادی ایس اگاڑ پچھاڑ وچ ای کرنا چاہی دا اے جنہاں نوں ایہدی لوڑ اے ۔ جے اسیں خوشخبری دی منادی کرن توں بعد کھلونا ا ی سی تد فیر ساڈیاں محنتاں دا سارا مقصد ضائع ہو جاوے گا۔ سانوں لازمی طور تے باخبر ہونا چاہی دا اے پئی ایہہ خوشخبری لوکاں دی رُوح پاک دی بھرپوری پاؤن لئی اَگوائی کردی اے۔ جدوں اسیں ایہنوں ذہن وچ رکھدیاں ہویاں خوشخبری دی منادی کردے آں ،تد فیر رُوح پاک دے شعلے ساری دنیا وچ جنگل وچ لگی اگ وانگر پھیل جان گے۔
جدوں اک مبشر ایمان رکھدا اے پئی ایہہ خوشخبری دُنیا دے لوکاں دی رُوح پاک پاؤن وچ اَگوائی کردی اے ،تد فیر اوہ ڈوہنگیائی توں خبردار ہونا محسوس کردا اے پئی اوہدی خدمت اَکلی لوکاں نوں یسوع مسیح اُتے ایمان رکھن لئی راغب کرنا نئیں اے سگوں اوہناں لوکاں نوں رُوح پاک دی بھرپوری پاؤن وچ مدد دین دے بارے وچ اے۔ ایس لئی ساڈے لئی ایس ویلے پانی تے روح دی خوشخبری دی منادی کرنا بوہت ضروری اے۔
ہر اک نوں صرف اپنے کناں نال سنن تے اپنے دل نال ایس خوشخبری اُتے ایمان رکھن دی لوڑ اے جیہدی اسیں روح پاک پاؤن لئی منادی کردے آں۔ ایہہ خوشخبری جیہدی اسیں منادی کردے آں ایہہ واضح طور تے لوکاں دی حیاتیاں اُتے اک اچیرا اثر رکھدی اے۔ رُوح پاک دی طاقت خدا دے وسیلے عطا کیتا گیا اختیار تے برکت اے۔
پطرس یہودیاں دا مبشر سی، جدوں پئی پولوس غیر قوماں دا مبشر سی۔ جدوں پطرس اک گھر دی چھت اُتے دُعا کرن دیا سی، تد اوہنے اسمان نوں کھُلا تے اک وڈی چادر دے وانگر کونیاں توں لٹکدی ہوئی اک شے نوں اپنے اُتے اُتردے ویکھیا۔ ایہدے وچ ساری قسماں دے ناپاک جانور سن جنہاں نوں بائبل نے کھاون توں منع کیتا سی۔
پطرس کدی کوئی حرام یا ناپاک شےنئیں کھادی سی ۔ فیروی ،خدا نے اوہناں نوں ذبح کرن تے کھاون دا حکم دِتا۔ پطرس نے ایہہ آکھدیاں ہویاں انکار کیتا، ” اَے خُداوند کدی وی نئیں کیوں جے کدی کوئی حرام یا ناپاک شے میرے مُنہ وچ نئیں گئی “ تے اک آوازنے اوہنوں آکھیا، ” جنہاں نوں خدا نے پاک آکھیا اے توں اوہناں نوں حرام نہ آکھ۔ “ ایہہ کس شے د ی دَس پاؤندا اے ؟ خُدا آکھن دیااے پئی جدوں یسوع نے بپتسمہ لیا تے سولی اُتے مرگیاتد فیر اوہنے دُنیا دے سارے سگوں غیر قوماں دے پاپاں نوں وی دھو دتااے ۔
اوہنوں ذبح کرن تے ناپاک جانوراں نوں کھاون لئی خدا دے حکم دا روحانی مطلب پطرس نوں ایہہ سکھاؤنا سی پئی غیر قوماں وی ایس ایمان دے راہیں خدا دے پُتر بن سکدیاں نیں پئی یسوع ایس دنیا وچ گھلیا گیا، ساڈے سارے پاپاں نوں چُک لے جاون لئی بپتسمہ لیا تے اوہناں لئی عدالت سہن واسطے مصلوب ہویا سی۔
پطرس رُوح پاؤن بعدوں حالے تیک وی اوہناں لوکاں نوں اپنیاں ایمان دیاں رُوحانی اکھاں نال ویکھن دی تھاں شریعت دے قاعدیاں اُتے چلن دیا سی ۔ پر پطرس نے توبہ کیتی تے ایمان رکھیا پئی خدا پہلاں ای غیرقوماں دے پاپاں نوں وی دھو چکیا سی۔ پطرس نے بوہتی ڈوہنگیائی توں سوہنی خوشخبری دیاں اچیریاں برکتاں دا احساس کیتا۔ جدوں اوہنے خدا دے کلام دی منادی کیتی تد فیر اوہنے آپنے سُنن والیاں اُتے رُوح پاک دے نزول نوں ویکھیا ۔
اسیں کس طرحاں پچھان کرسکدے آں پئی کیہ اج دے مبشر رُوح پاک پاچکے نیں یا ں نئیں؟ ایہہ ایس گل اُتے نر بھر اے پئی کیہ اوہ پانی تے روح دی خوشخبری نوں قبول کردے نیں۔ اوہ بندہ جیہڑا ایس سوہنی خوشخبری اُتے اوسے طور ایمان رکھدا اے جیہڑی پئی کسے مبشر دی خدادے کلام دی منادی مطابق ہوندی ا ے تد فیر اوہ روح پاک دی بھرپوری پاؤندا اے ۔ اوہ رُوح پاک جیہڑا مبشر دے دل وچ وَسّدا اے اوہ اوہدے وچ و ی وسنا شروع کر دیندا اے ۔ مبشر تے سنن والا دونویں بچپن دے دوستاں وانگر اک دوجے نال شراکت رکھنا شروع کر دین گے ۔ اوہ اک دوجے وچ خدا دی محبت نوں وسیا ہویا ویکھن گے ۔ مبشر سُنن والے نوں پانی تے روح دی خوشخبری نوں قبول کرن دے راہیں خدا دے لوکاں دے طور اُتے ویکھے گا۔
جدوں اسیں خوشخبری دی منادی کردے آں تد فیر جِنی چھیتی ایماندار پانی تے روح دی خوشخبری اُتے ایمان رکھدے نیں اسیں روح پاک نوں اوہناں اُتے نازل ہوندیاں ویکھ سکدے آں ۔ ایہہ نجات توں وکھرا تجربہ نئیں اے۔ ساڈے پانی تے روح دی خوشخبری دی لازمی طورمنادی کرن دی بنیادی وجہ ایہو ای اے۔ اوہ خوشخبری جیہدی اسیں منادی کر دے آں ایہہ اوہ اَکلی خوشخبری اے
جیہڑی دوجے لوکاں دی رُوح پاک پاؤن لئی اَگوائی کردی اے۔
اوہ لوک جیہڑے رُوح پاک دی بھرپوری رکھدے نیں خدا دے پُتر نیں۔ پانی تے روح دی خوشخبری کسے فرقے دی دینی الہی تعلیم نئیں اے، تے ایس لئی جدوں اسیں ایہدی دوجے لوکاں تائیں منادی کردے آں ،تد فیر اوہ وی ایمان رکھدے ، رُوح پاک پاؤندے تے خدا دے پُتر بن جاندے نیں۔ ایہہ کِنی اچیری برکت اے! ایہہ کِنی حیران کردین والی خوشخبری اے! تے اوہدا کم کِناشاندار اے! اوہ لوک جیہڑے پانی تے روح دی خوشخبری دی منادی کردے نیں اوہ خدا دی بادشاہی نوں چھتن وچ مدد کردے نیں۔ اسیں صرف خوشخبری دی منادی کردے آں پر اوہ رُوح پاک پاؤندے نیں۔
کُجھ لوک یسوع اُتے ایمان رکھن نوں اک شے سوچدے نیں تے روح پاک پاؤن نوں دوجی شے۔ ایس لئی، مسیحی حالے تیک روح پاک لئی دعاکردے نیں۔ فیروی ،بائبل آکھ دی اے پئی رُوح پاک صرف تد ای اوہناں اُتے آؤندا اے جدوں اوہ اوہدے خادماں دےراہیں منادی کیتی گئی خوشخبری نوں سن دے تے ایمان رکھدے نیں۔ ساری دنیا توں لوک روح پاک دی پیا س رکھدے نیں۔ اوہ خوشخبری جیہدی اسیں منادی کردے آں اوہ اوہناں دی سدھر نوں تسلی دین لئی اَگوائی کردی اے۔ ایس پاروں اسیں ساری دنیا وچ خوشخبری نوں پھیلاؤن دی ذمہ داری رکھدے آں۔ اسیں جیہڑے اوہدے اچیرے حُکم نال وفادار واں ، خدا باپ دے پُتر تے اوہدے وارث آں۔
سانوں لازمی طور تے ایمان نال اپنیاں ذہن وچ ایس گل نوں رکھدیاں ہویاں ایس خوشخبری دی منادی کرنا چاہی دا اے پئی ساڈا مقصد لوکاں نوں رُوح پاک پاؤن دا موقع فراہم کرنا اے ۔ پانی تے روح دی ایہہ خوشخبری ایس طرحاں دی شے اے جیہدے تے مبشر نوں دوجے لوکاں تائیں ایہدی منادی کرن توں پہلاں لازمی طور سچے دل نال خود وی ایمان رکھنا چاہی دا اے۔ تد اوہناں دے سُنن والے ایس خوشخبری اُتے اپنے ایمان دے راہیں رُوح پاک پاؤن گے۔ ایس وَلّ نال اسیں اوہناں سارے لوکاں وچ ابدی حیاتی دا سا ہ پھوک سکدے آں جیہڑے ایس خوشخبری اُتے ایمان رکھدے نیں۔ ساڈا مقصد اوہناں لوکاں نوں ہنیرے دی طاقت توں چھڑاؤنا تے خدا دی بادشاہی وچ جاون لئی اَگوائی کرنااے۔ مبشر ہنیرے دی طاقت دے ہیٹھ مرن دا مقدر رکھن والے پاپیاں نوں خدا دے پُتر دی بادشاہی وچ گھلدے نیں۔ پاپیاں نوں خدا دے پُتراں وچ بدلنا اک بوہت ضروری کم اے ۔
بوہتے لوک رُوح پاک نوں پاؤن دی کنجی توں آگو نئیں ہیگے تے اوہنوں اپنیاں ذاتی کوششاں دے نال پاؤن دی ہمت کردےنیں۔ فیروی، ایہہ بے فائدہ ثابت ہووے گا۔ صرف ایس خوشخبری اُتے
ایمان ضروری اے، کیوں جے ایمان ہر کسے نوں اوہناں دے ساریاں پاپاں توں مکت کردا اے۔
تُسیں کس طرحاں رُوح پاک پایا؟ دعا دے راہیں؟ یا ں شاید ہتھاں دے رکھے جاؤن دے راہیں؟ نئیں، ایہہ اوہ وَلّ نئیں ہیگا اے۔ اسیں رُوح پاک صرف تد ای پاؤندے آں جدوں اسیں پانی تے رُوح دی ایس خوشخبری اُتے ایمان رکھدے آں۔ سانوں لازمی طور تے دعاکرنی چاہی دی اے تے ایس خوشخبری دی منادی کرنا چاہی دا اے تاں پئی دنیا دے سارے لوک رُوح پاک پاسکن۔
اکھر ”رسول“ دا مطلب ”خُدا ولوں گھلیا ہُویا کوئی بندہ “ اے۔ رسول کیہ کردے نیں؟ اوہ پانی تے رُوح دی ایس خوشخبری دی منادی کردے نیں تاں پئی لوک رُوح پاک پاسکن۔ کیہ تُسیں وی ایس طرحاں ای ساڈے نال ایس کم دی ذمہ داری لینا پسند کروگے؟ سانوں ساریاں نوں لازمی طور تے روح پاک دی بھرپوری رکھنی چاہی دی اے تے سارے لوکاں تائیں ایہدی منادی کرنا چاہی دا اے ۔ ہیلیلویاہ! ایس خوشخبری دی پکی سچیائی دی ستائش کرو جیہڑی خُدا نے سانوں رُوح پاک پاؤن لئی بخشی!
Copyright © 2021 by The New Life Mission