Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
مضمون 9: رومیوں (رومیوں دی کتاب اُتے تفسیر)
[4-2 باب] اوہ جنہاں نیں اَسمانی نعمتاں ایمان نال پائیاں
>رومیوں ۴:۱ ۔ ۸>
”ایس لئی اسیں کیہ آکھیے پئی ساڈے بدنی باپ ابرہام نوں کیہ ملیا ؟ ایس لئی پئی جے ابرہام کماں نال راستباز بنایا جاندا تاں اوہدے لئی فخر دی تھاں ہوندی ،پر خُدا دے اگے نئیں ۔پاک کتاب کیہ آکھدی اے ؟ ایہہ پئی ابرہام خُدا اُتے ایمان لیایا تے ایہہ اوہدے لئی راستبازی گنیا گیا ۔ کم کرن والے دی دیہاڑی انعام نئیں سگوں حق سمجھی جاندی اے پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے اوہدا ایمان اوہدے لئی راستبازی گنیا جاندااے ۔ایس لئی جیہڑے بندے لئی خُدا اعمال توں اَڈ راستبازی اوہدے کھاتے وچ لکھدااے ،داؤد وی اوہدے مبارک حال ہون بارے اِنج آکھدااے ۔پئی مبارک ہیگے نیں اوہ جنہاں دیاں بدیاں معاف کیتیاں گئیاں تے جنہاں دے پاپ ڈھکے گئے۔مبارک ہیگا اے اوہ بندہ جیہدے پاپاں دا خُداوند حساب نئیں کرے گا ۔“
مبارک اوہ ہیگے نیں جنہاں دے پاپ مکائے گئے نیں
اج کل میَں بوہت ساریاں رُوحاں بچاؤن لئی خُداوند دا شکراداکرداہاں ۔پاک بائبل رومیوں ۴ باب وچ مبارک لوکاں بارے گل کردی اے ،ایس لئی میَں اوہناں لوکاں بارے گل کرنا چاہواں گا جیہڑے مبارک کیتے گئے نیں ۔
” ایس لئی جیہڑے بندے لئی خُدا اعمال توں اَڈ راستبازی اوہدے کھاتے وچ لکھدااے ،داؤد وی اوہدے مبارک حال ہون بارے اِنج آکھدااے :پئی مبارک ہیگے نیں اوہ جنہاں دیاں بدیاں معاف کیتیاں گئیاں تے جنہاں دے پاپ ڈھکے گئے۔مبارک ہیگا اے اوہ بندہ جیہدے پاپاں دا خُداوند حساب نئیں کرے گا “ (رومیوں ۴:۶ ۔ ۸)۔ پاک بائبل
اوہناں لوکاں بارے گل کردی اے جیہڑے خُدا دے اگے مبارک کیتے گئے نیں ۔ اصل مبارک اوہ ہیگے نیں جنہاں دے پاپ خُدا دے اگے ڈھکے گئےنیں تے جنہاں دے پاپاں دا خُداوند حساب نئیں کرے گا۔
ایس توں پہلاں پئی اسیں کلام دیاں ڈؤنگھیاں گلاں کرئیے ،آؤ اسیں اپنے موجودہ حال بارے دھیان کرئیے پئی ایہہ کس طرحاں دا ہیگااے ۔ پاک بائبل اوہناں مبارک لوکاں بارے گل کردی اے جنہاں نیں اپنے پاپاں توں معافی پائی اے ۔آؤ فیر ایہدے بارے دھیان کرئیے پئی اسیں وی ایناں مبارک لوکاں وچ رَلن دے لائق ہیگے آں یاں نئیں۔
ایس جگ وچ اک وی بندہ ایہو جیہا نئیں ہیگا جنہے پاپ نہ کیتا ہووے ۔انسانی پیڑھی دے پاپ گاڑھے بدلاں وانگر گاڑھے ہیگے نیں جویں پئی یسعیاہ ۴۴:۲۲وچ لکھیا اے ۔ کوئی وی بندہ یسوع مسیح دے فضل توں اَڈ خُدا دی سزا توں بچن دے لائق نئیں ہیگااے ۔
اسیں اپنے پاپاں توں تے خُدا دی سزا توں یسوع دے بپتسمےتے صلیبی لہو دے راہیں چھڈائے گئے آں ،جیہدے سبب خُدا نے سانوں پاپاں دی معافی دتی اے ۔ اگانہہ ہور ، ایس لئی پئی یسوع مسیح نے قربانی دے دتی اے ،ایس لئی اسیں ہُن جیوندے رہن دے لائق ہیگے آں ۔ کیہ ممکن ہو سکدا اے پئی ایس جگ وچ اک وی بندہ ایہو جیہا ہووے جنہے اپنی ساری حیاتی کدی پاپ نہ کیتا ہووے ؟ بھاویں اک بندہ پاپاں دی معافی پا چُکیا ہووے یاں نئیں ،اوہ اپنی ساری حیاتی پاپ کرے گا ۔ ایتھوں تیک پئی اسیں اوہدی پچھان کیتیوں اَڈ ای کر لیندے آں ۔ پاپ دے سبب خُدا کولوں سزاپاؤنا ساڈے لیکھاں وچ ہیگااے ۔
میَں ایس سچ اُتے ایمان رکھدا ہاں پئی اک بندہ جے اوہدے وچ پاپ تھوڑا جیہا وی باقی ہیگااے تاں وی اوہ دوزخ وچ جاوے گا ۔ کیوں؟ ایس لئی پئی پاک بائبل دسدی اے پئی پاپ دا پھل موت ہیگااے (رومیوں ۶: ۲۳)۔پاپا ں دا مُل ،بھاویں کُجھ وی ہووے ،ایہہ اُتارنا پوے گا تے کسے دے پاپ صرف پاپاں دا مُل اُتارن دے بعد معاف ہو سکدے نیں ۔ پاپ دی صرف سزا ملدی اے ۔
اسیں ہر طرحاں دے ڈاہڈے تے نکے پاپاں وچکار وسدے آں ،ایناں وچ کئی پاپ تاں بھُل بھلیکے ہوندے نیں تے کئی اسیں جان دے پچھان دے ہوئیاں کردے آں ،تے ایہہ پاپ کمیاں دا سبب بن دے نیں ۔سختی نال بولدے ہوئیاں ،جے ساڈے کول خُدانوں دین لئی بوہتے بہانے ہیگے نیں ، تاں وی اسیں خُدا دے اگے اپنے پاپاں دا اقرار کرن توں ہٹ کے کُجھ نئیں کر سکدے ۔ کیہ تسیں ایس سوچ اُتے راضی ہیگے او ؟ جے سارے پاپ معاف کیتے گئے نیں ، تاں پاپاں دا اقرار کرن توں مکرنا ، ایہہ چنگی
گل نئیں اے ۔ لازمی ہیگا اے پئی ہر کوئی اوہناں کماں دا اقرار کرے جنہاں دا اقرار کرن دی لوڑ ہیگی اے ۔
صرف راستباز ای خُداوند دی وڈیائی کرسکدااے
راستباز، جنہاں دے پاپ تے بدیاں پہلوں ای معاف کیتیاں گئیاں نیں تے ڈھکیاں گئیاں نیں ،پاک ہیگے نیں تے خُدا دا شکرادا کردے نیں ۔ایس لئی جدوں وی اسیں خُدا دے اگے آؤندے آں ،تاں سانوں ہر منٹ تے ہر گھنٹے خُدا دا شکر ادا کرنا چاہی دااے ، جنہے بھاویں ساڈے پاپ گاڑھے بدل وانگر ہیگے نیں تاں وی اوہنے ساڈے پاپاں نوں چُک لیا ۔ اسیں خُدا وند داشکر کردے آں جنہےیردن دے دریا اُتے یوحنا بپتسمہ دین واے کولوں بپتسمہ لین دے راہیں ساڈے سارے پاپاں نوں دور کر دتا تے ساڈے لئی سولی اُتے سزا جری ۔
جے خُداوند نے ساڈے سارے پاپاں نوں بپتسمہ دے راہیں اپنے اُتے چُکیا نہ ہوندا تے نہ ای پاپاں دا مُل سولی اُتے چڑھ کے تے جان گوا کے اُتاریا ہوندا ، تاں کیہ فیر اسیں بھیڑیاں راہواں اُتےچلدیاں ہویاں اوہنوں باپ آکھ کےبلا سکدے آں ؟ کویں اسیں خُداوند دے نام دی وڈیائی کر سکدے آں ؟ کویں اسیں خُدا دے نام دی وڈیائی کر سکدےتے اوہدی مکتی دی نعمت نوں جلال دے سکدے آں ؟ ایہہ سارا کُجھ خُدا دے فضل دی نعمت دے راہیں ہوندااے ۔
اسیں پا ک لوکاں وانگر ،ایس ویلے خُداوند دی وڈیائی تے اوہدا شکر ادا کر سکدے آں ایس لئی پئی ساڈے پاپ پہلوں ای مکائے گئے نیں ۔ مسیح دے جان دین دے سبب تےخُداوند دے ساڈے سارے پاپاں نوں ، جیہدے وچ نکے توں نکا پاپ وی رلیا اے ، مکاؤن دی سچیائی دے راہیں ، اسیں خُداوند دی وڈیائی کر سکدے آں ۔
بھاویں پاپ معاف کیتے گئے نیں ،تاں وی جدوں تیک اسیں ایس دھرتی اُتے رہندے آں اسیں اپنے کماں دے راہیں کامل نئیں بن سکدے ۔ ساڈے وچوں ہر کوئی ماڑا ہیگااے ، پر اسیں راستباز وانگر ، خُداوند دی ،جنہے پاپیاں دے سارے پاپاں دا مُل اپنے فضل نال اُتاریا ، وڈیائی کردے آں ۔ کیہ تسیں ہنیرے وچ ہیگے او؟ ایس گل توں ہٹ کے پئی ہنیرا کس طرحاں دا ہیگا اے ،جے اسیں خُدا دے اگے ایتھوں پئی اپنے نکے توں نکے پاپ نوں وی منیے تے جے اسیں اقرار کرئیے پئی اسیں خُدا دے اگے پاپ کیتااے تے جے اسیں خُدا اُتے ایمان لیائیے ،جنہے ایناں سارے پاپاں نوں مکا دتااے ،تاں خُداوند دی سچیائی سانوں اوہدی وڈیائی تے اوہدا شکر کرن دا حق دیوے گی ۔ اسیں جیہڑے پاک کیتے گئے آں اوہدے فضل تے پاپاں توں معافی پاؤن دے سبب یسوع مسیح دی وڈیائی کرن توں ہٹ کے کُجھ نئیں کرسکدے آں ۔ اگانہہ ہور ،اسیں پاپاں توں معافی دے فضل نوں اپنے دلاں وچ لین دے بعد خُدا دے پُجاری بن دے آں ۔
جے اسیں اپنےکماں توں اَڈ راستباز بنیے ، تاں ایہہ خُدا دی نعمت ہیگی اے
” ایس لئی اسیں کیہ آکھیے پئی ساڈے بدنی باپ ابرہام نوں کیہ ملیا ؟ ایس لئی پئی جے ابرہام کماں نال راستباز بنایا جاندا تاں اوہدے لئی فخر دی تھاں ہوندی ،پر خُدا دے اگے نئیں ۔پاک کتاب کیہ آکھدی اے ؟ ایہہ پئی ابرہام خُدا اُتے ایمان لیایا تے ایہہ اوہدے لئی راستبازی گنیا گیا ۔ کم کرن والے دی دیہاڑی انعام نئیں سگوں حق سمجھی جاندی اے ۔ پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ (رومیوں ۴:۱۔ ۵)۔
بندیاں دے پاپ دا فدیہ ایہدا مُل اُتارن دے بعد ای ہو جاندااے ۔ کیہ تہاڈا یقین ہیگااے پئی تہاڈے دل صاف ہیگے نیں؟ ایس گل توں ہٹ پئی اوہ کنیاں قسماں دے پاپ ہیگے نیں ،ساڈے دل صرف پاپاں دا مُل اُتارن دے بعد ای پاک ہو سکدے نیں ۔ساڈے، پاپیاں دے کول مرن توں ہٹ کے دوجا کوئی راہ نئیں ہیگا سی ، مگر خُداوند آپ ساڈے پاپاں لئی مر گیا ۔ایس لئی پاپی مکتی پاؤن دے راہیں راستباز بنائے گئے نیں۔
رومیوں ۴ باب وچ ، پولُس رسول نے فرمایا پئی پاپیاں نیں یسوع مسیح دے راہیں مکتی پائی اے ، جنہے یردن دے دریا اُتے سارے جگ دے پاپاں نوں چُک لیا سی ،تے اوہناں پاپاں دی سزا پاؤن دےسبب سولی اُتے مریا سی ،تے ابرہام جیہڑا پئی خُدا دے کلام اُتے ایمان لیاؤن دے راہیں ایمانداراں دا باپ ہیگااے، نوں اک مثال وانگر بیان کردااے ۔ بائبل فرماؤندی اے پئی ابرہام نوں ایس لئی راستباز بنایا گیا سی ایس لئی پئی اوہ خُدا اُتے ایمان لیایا سی ۔ اوہنے اپنے کماں دے راہیں مکتی نئیں پائی سی ، سگوں خُدا
دے کلام اُتے ایمان لیاؤن دے سبب ۔ ایس لئی ،خُدا نے اوہنوں راستباز گنیا ۔ ابرہام نے خُدا دے کلام اُتے ایمان لیاؤن دے راہیں مکتی پائی سی تے اوہناں ساریاں دا باپ بنیا جیہڑے ایمان لیاؤندے نیں ۔اوہ خُدا دے وعدے اُتے ایمان لیاؤن دے راہیں راستباز بنایا گیاسی ۔
پاپاں توں مکتی تے خُدا دا فضل جیہڑا سانوں پاپیاں نوں دتا گیا سی اوہ کیہ ہیگااے ؟ ایس گل نوں کھولن لئی ایس آیت اُتے دھیان کردے آں ، ” کم کرن والے دی دیہاڑی انعام نئیں سگوں حق سمجھی جاندی اے ۔ “ (رومیوں ۴:۴)۔ ایہہ آیت خُدا دی اوس مکتی بارے دسدی اے ، جیہڑی سانوں پاپاں توں چھڈاؤندی اے ۔ایہہ پاپا ں دی معافی بارے گل کردی اے ، ” کم کرن والے دی دیہاڑی انعام نئیں سگوں حق سمجھی جاندی اے ۔“جے اک بندہ اپنے کم دی دیہاڑی پاؤندااے ،تاں کیہ اوہ اپنی دیہاڑی نوں انعام یاں اپنا حق سمجھے گا ؟ پولُس رسول ابرہام دی مثال دے راہیں مکتی دی کھول کے گل کردااے ۔ ایہہ اک فطری گل ہیگی اے پئی اک بندہ جیہڑا کم کردااے ،ایس کم دے بدلے وچ دیہاڑی ملن دا حق رکھدااے ۔ پر ،جے اسیں پاک لوکاں وانگر راستباز بنائے جاندے آں ، بھاویں اسیں مکمل طور اُتے کامل حیاتی بسر نئیں کر سکدے ، تاں وی ایہہ ساڈے کماں دی محنت دے راہیں نئیں ، سگوں خُدا دی نعمت دے راہیں ہیگی اے ۔
” کم کرن والے دی دیہاڑی انعام نئیں سگوں حق سمجھی جاندی اے ۔“ (رومیوں۴ :۴)۔ پاپاں توں معافی دی مکتی خُداوند دے بپتسمے راہیں تے فدیہ دا لہو وگاؤن نال ملدی اے ۔ مکتی صرف فضل تے پاپاں توں معافی دی نعمت راہیں سوکھی ہوئی سی ۔ انسانی پیڑھی پاپاں اُتے فتح نئیں پاسکدی ، ایس لئی اوہ مجبور ہیگے نیں پئی جیہڑے پاپ اوہناں نیں کیتے نیں ،اوہناں دا اقرار کرن ۔ اوہ بھاویں کسے وی تعلیم اُتے یقین رکھدے ہون ، یاں اوہ اپنے پاپاں توں معافی پاؤن لئی بھاویں کنیاں ای دعاواں کردے ہون ،اوہ اپنے پاپاں نوں کسے وی طریقے نال اپنے توں وکھ نئیں کر سکدے ۔
پاپیاں دے کول اپنے پاپاں نوں مکاؤن دا صرف اِکو ای راہ ہیگااے پئی اوہ او س مکتی اُتے ایمان لیاؤن جیہڑی آکھدی اے پئی خُداوند نے یر دن دے دریا اُتے یوحنا بپتسمہ دین والے کولوں بپتسمہ لین دے راہیں جگ دے سارے پاپاں نوں اپنے اُتے چُک لیا تے پاپاں دا سزا نوں جردیاں ہوئیاں سولی اُتے مرگیا ۔ پاپیاں دے کول اپنے پاپاں لئی کسے وی طرح دی قربانی جیہڑی اوہناں نےاپنے خیالاں نال بنائی ہووے ، دے راہیں فدیہ دین دی ہمت نئیں ہیگی اے ۔ سارے پاپی جو کُجھ کرسکدے نیں اوہ ایہہ ہیگا اے پئی اوہ اپنے پاپاں توں معافی دے راہیں مکتی اُتے ایمان لیاؤن ۔ صرف اک شے اُتے اوہ بھروسہ کر
سکدے نیں تے اوہ ،خُدا دا فضل ہیگااے۔
یر دن دے دریا اُتے بپتسمہ پاؤن دے راہیں،یسوع نے ساڈے سارے پاپاں نوں چنگے طریقے نال ساڈے توں وکھ کر دتااے ،تے اپنے آپ نوں سولی اُتے قربان کر کے ، پاپیاں نوں اوہناں دے پاپاں توں مکتی دتی ۔ ایہدے وچ وڈے پاپ جیہڑے اسیں شیطان دیاں گلاں وچ آ کے کر لیندے آں تے اوہ نکے پاپ جیہڑے پہاڑاں وانگر اُچے نیں،اوہ وی وچ رَلے ہوئے نیں ۔اس لئی ، پاپیاں نیں یسوع دے بپتسمے تے لہو دے راہیں مکتی پائی اے ۔ خُدا دی مفت نعمت دے سبب ،اسیں جیہڑے پہلوں پاپی ہیگے ساں ہُن راستباز بنائے گئے آں ۔
پاپاں توں معافی صرف فضل تے نعمت دے راہیں دتی جاندی اے
پولُس رسول ایس گل بارے فرماؤندااے پئی کویں اک پاپی اپنے پاپاں توں مکتی پاؤندااے ۔ ” کم کرن والے دی دیہاڑی انعام نئیں سگوں حق سمجھی جاندی اے ۔“ اوہ مکتی دے فضل دا ایس جگ دے اوکھے کماں راہیں مقابلہ کرکے ایس گل نوں کھول دا اے ۔ جے اک پاپی ، خُدا دے اگے کم کر ن دے بعد آکھدا پئی اوہنے اپنے پاپاں توں مکتی پائی،تاں ایہہ گل یاد رکھو پئی ایہہ کم خُدا دی مکتی توں ودھ کے نئیں سگوں ایہہ مکتی اوہدے کماں توں دُور ہیگی اے ۔ پاپاں توں معافی صرف فضل دے راہیں تے نعمت وانگر دتی گئی اے ۔ ساڈے کماں نال خُدا دے فضل نوں کوئی فرق نئیں پیندااے ۔اسیں پاپاں توں جیہڑی مکتی پائی ،تاں کیہ ایہہ سانوں خُدا دی نعمت راہیں ملی ، یاں نئیں ؟ ایہہ فضل نال ملی سی ۔ ساڈے کو ل اپنے پاپاں دے سبب مرن توں ہٹ کے کوئی ہور دوجا راہ نئیں ہیگاسی ۔پر، یسوع مسیح ساڈے مکتی داتا نے ،یردن دے دریااُتے یوحنا بپتسمہ دین والے کولوں بپتسمہ لے کے ساڈے سارے پاپاں نوں اپنے اُتے چُک لیا سی ۔
اسیں ایس سچیائی اُتے ایمان لیا کے مکتی پائی اے پئی یسوع نے ساڈی موت دا مُل اپنی جان قربان کرن دے راہیں اُتاریا اے ۔اوہنے اپنے بپتسمے دے راہیں ساڈے سارے پاپاں نوں اپنے اُتے چُک کے سانوں پا ک کیتا تے سولی اُتے پاپاں دی سزا جرن دے راہیں سانوں ساڈے سارے پاپاں توں چھڈایا اے ۔ ساڈے اپنے کم ایہہ سارے یسوع دی مکتی دے فضل توں باہر ہیگے نیں ۔ ساڈا پاپاں توں چھُٹنا خُدا دے فضل راہیں سوکھا ہویا سی ۔ ایہہ اک نعمت ہیگی اے ۔ ایہہ مفت دتی جاندی اے ۔ پاپی ، خُدا دی پاپیاں نال لالچ توں اَڈ محبت راہیں مکتی پاؤندے سَن ۔ یسوع نے بپتسمہ دے راہیں ساڈے سارے پاپاں نوں دُور کیتا تے پاپیاں نوں ایس جگ دے سارے پاپاں تے خُدا دی سزا توں ، سولی اُتے مرن دے راہیں مکتی دتی اے ۔
” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ (رومیوں ۴: ۵)۔ ایس توں پہلوں پئی ، اسیں کم کرن والے بندے بارے گل بات شروع کرئیے ۔ ایہہ جملہ ، ” جیہڑا بندہ کم نئیں کردا “ اوہناں بارے گل کردااے جیہڑے راستباز بنن دے سبب کوئی نیکی دے کم نئیں کردے ۔ پولُس ایس آیت نوں جاری رکھدے ہوئیاں فرماؤندااے ، ” سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“
اوہ بے دین بندیاں نوں خُدا دی راستبازی دی اک مثال وانگر ورتدااے ۔ بے دین ہون دا کیہ مطلب ہیگااے ؟ ’بے دین ‘ بندہ اوہ ہیگا اے جیہڑا خُدا کولوں ڈردا نئیں تے اخیری ساہ تیک خُدا توں وکھ حیاتی بسرکردااے ، جیہڑی پئی دین دار بالکل خلاف ہیگی اے ۔ ایہہ اکھر اوس بندے ول اشارہ کردااے جیہڑے اپنے مرن دیہاڑے تیک پاپ کردا رہندااے ۔ ایہہ سچ ہیگااے پئی لوک پاپ وچ جم دے نیں ۔اگانہہ ہور ، اپنے پاپاں دے سبب خُدا کولوں سزا پاؤنا ایہو ای بندیاں دا نصیب تے اوہناں دی عادت ہیگی سی ۔
پر،ایہہ لکھیا اے ، ” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ ایتھے ایہہ جملہ ، ” پر جیہڑا بندہ کم نئیں کردا “ ”ہر طرحا ں اوہ بے دین ہیگااے ۔“ کیہ اسیں خُدا دے اگے ایماندار ہیگے آں ؟ —نئیں ،اسیں دیندار نئیں ہیگے آں —
خُداوند، سانوں بے دینا ں نوں آکھدااے ، ” تسیں پاک تے راستباز ہیگے او ۔“ خُداوند نے ساڈے پاپاں نوں مکا دتاتے اوہناں دا مُل اُتاریا اے ۔ کیہ تسیں ایمان رکھدے او پئی یسوع نے کامل طور اُتے پاپاں دا مُل پہلوں ای اُتاریا اے ؟ ایمانداراں لئی ، اوہناں دا ایمان راستبازی گنیا جاندااے ۔ ”تسیں راستباز ہیگے او ، تسیں سچ مُچ ایہدے اُتے ایمان لیاؤندے او ، تسیں میرے راستباز لوک ہیگے او ۔ تسیں کوئی پاپ نئیں رکھدے او، ایس لئی پئی جدوں میَں یوحنا بپتسمہ دین والے کولوں بپتسمہ لیا تاں میَں تہاڈے پاپ مکادتے ،تے تہاڈے سارے پاپاں لئی سولی اُتے میَں سزا جری اے !“
خُدا نے یسوع دے بپتسمے راہیں ایس جگ دے سارے بے دین لوکاں دے پاپاں نوں مکا دتا اے ، بھاویں سارے لوک بے دین ہیگے نیں ۔ خُدا نے اکلے پُتر نوں گھلیا تے اوہدے بپتسمے راہیں پاپاں نوں مکایا تے بے دین لوکاں لئی سولی اُتے مرگیا ۔ خُدا نے پاپ دے پھل دی شریعت تے اپنی محبت دی شریعت دونواں نوں اِکو ای واری پورا کیتا تے اپنی موت نال پاپاں مُل اُتاریا ۔ اوہنے سارے پاپیاں نوں اوہناں دے پاپاں توں مکتی دتی ۔
خُدافرماؤندااے ، ”آہو تسیں پاک ہیگے او ۔میرے پُتر نے تہانوں چھُٹکارا دتا اے ۔ تسیں مکتی پا لئی اے ۔“ خُدا اوہناں نوں آکھدااے جیہڑے ایمان لیاؤندے نیں پئی یسوع نے ساڈی تھاں اُتے یردن دے دریااُتے اپنے چنگے کم راہیں جگ دے سارے پاپاں نوں مکا دتا اے ۔ ایس لئی ، جے اوہ دیندار نئیں تاں وی اوہ راستباز بنائے گئے نیں ۔ جدوں خُدا فرماؤندا اے پئی اوہ اوہدے پاک لوک ہیگے نیں ،بھاویں اوہ بے دین ہیگے نیں ۔ جدوں خُداوند اوہناں دے مکتی دے ایمان اُتے دھیان کردااے ۔مبارک اوہ بندہ ہیگااے جیہدے پاپاں دا خُدا حساب نئیں کرے گا ۔
جے اسیں دین دار ہیگے آں ،خُداساڈے کولوں پُچھدااے ۔” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ کیہ اسیں نیک کم کردے آں ؟ اسیں چنگے کم نئیں کرسکدے سگوں صرف پاپ ول ای ساڈا دھیان ہیگااے ۔ فیر وی ، خُدا نے سانوں اپنے آپ ولوں مکتی دی نعمت دے کے چھٹکارا دتااے ۔ اسیں خُداوند دی مکتی اُتے ایمان لیاؤندے آں ،مطلب اے، یسوع دے بپتسمے تے لہو اُتے !
سانوں خُداوند دی مکتی اُتے ایمان لیاؤن دے راہیں جیوندے رہنا چاہی دااے
اسیں خُداوند دی وڈیائی کردے تے اوہدی محبت دی نعمت لئی تے پاپاں توں مکتی دے فضل لئی اوہدا شکر ادا کردے آں پئی ، اوہنے بوہت خوشی نال ساڈے بے دین لوکاں دے پاپاں دا مُل اُتاریا اے ۔ جدوں اسیں خُدا دے اگے بے دین ہون دا اقرار کردے آں تاں اسیں اوہدے بپتسمے تے سولی دے راہیں پاپاں دا مُل اُتارن لئی اوہدا بوہتا سارا شکریہ ادا نئیں کرسکدے ۔ پر جے اسیں سوچدے آں پئی
اسیں دین دار ہیگے آں ،تاں اسیں خُدا دے فضل دا شکریہ ادا نئیں کر سکدے۔
سگوں بے دین نوں راستباز بناؤن والے یسوع مسیح اُتے ایمان لیاؤنا چاہی دااے ۔ اوہدا ایمان اوہدے لئی راستباز ی گنیا جاندااے ۔ اوہ جیہڑے یسوع دی مکتی تے سزا اُتے ایمان لیاؤندے نیں ،جیہڑی اوہناں نوں راستباز بناؤندی اے ،اوہ خُدا دی نعمت نوں پاؤندے نیں ۔کوئی بندہ خُدا دے اگے دیندار نئیں ہیگااے ،ایس لئی پئی اوہ دینداری نال جیون دی ہمت کردے ہوئیاں بوہت ساریاں غلطیاں کردے نیں ۔
ایہہ سچ ہیگا اے پئی بندہ پاپ نوں ڈک نئیں سکدا ،اوہناں دی بے دینی ثابت کردی اے ۔ ایس لئی ،ایس گل توں ہٹ کے پئی میَں بے دین ہیگا واں ، میَں خُدا دی مکتی دے راہیں جیوندا ہا ں ۔ ایمان نال جیون دا مطلب ایہہ نئیں ہیگا پئی کسے بندے نوں خوش کرنا ۔ ہر کوئی جیہڑا راستباز بن گیا اے ایمان نال جیون دا اک پکا راہ رکھدااے ۔
ہر دیہاڑا ، یسوع دی مکتی دی خوشخبری نویں سریوں جمن والے پاک لوکاں دی لوڑ ہیگی اے ۔ کیوں ؟ ایس لئی پئی دھرتی اُتے اوہناں دے کم چنگے نیں ہیگے تے اوہ اپنی ساری حیاتی وچ پاپ کرن توں رُک نئیں سکدے ۔ہر کسے نوں خوشی دی منادی سُننی چاہی دی اے جیہڑی آکھدی اے پئی یسوع نے بپتسمہ دے راہیں جگ دے سارے پاپاں نوں مکا دتا اے ۔ راستباز نوں ہر دیہاڑے خوشخبری نوں سُننا تے یاد رکھنا چاہی دااے ۔ فیر اوہناں دیاں رُوحاں جیوندیاں رہ سکدیاں نیں تے اک سپرنگ وانگر ہر وار ول کھان نال پکیا ں ہوندیاں رہندیاں نیں ۔” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ ایہہ پیغام کیہدے لئی ہیگا اے ؟ ایہہ پیغام ایس جگ دے سارے لوکاں لئی سنایا گیا اے ،جیہدے وچ میَں تے تسیں رَلے ہوئے او۔
پاک بائبل سانوں کھول کے دسدی اے پئی کویں ابرہام راستباز بنایا گیا سی ۔ جیہڑا بندہ کم کردا اے ، خُدا دی مکتی اوہنوں ککھ نئیں سمجھدی تے ایہدی تھاں اُتے ایس بندے نوں رد کردی اے ۔ ایہو جیہا بندہ خوشخبری دا شکر ادا نئیں کردا ۔ سب توں پہلاں ،۴ آیت اوس بندے بارے گل کردی اے جیہڑا کم کردااے ، مطلب جیہڑا ، اپنے نیکی دے کماں راہیں اَسمانی بادشاہی وچ جان دی ہمت کردااے ۔ ایہو جیہا بندہ کدی یسوع دی قربانی دا شکر نئیں کردا ۔ کیوں نئیں ؟ ایس لئی پئی اوہ کم کردا تے بوہت سارے نیکی دے کم کردا اے ، ایس وچکار اوہ اپنے ہر دیہاڑے دے پاپاں دی معافی لئی توبہ دیاں دعاواں تے ہدیے لیاؤندا تے ایس طرحاں سوچدااے لئی پئی اوہدی مکتی وچ کسے نہ کسے طرحاں دے ودھیا کم ہیگے نیں ۔ وہ کامل طور اُتے اوہدے فضل لئی شکر گزار نئیں ہوندے جیہڑا پئی پانی تے رُو ح دی خوشخبری ہیگی اے ۔ ایس لئی ، ایہو جیہا بندہ خُدا دی مکتی دی نعمت نوں اصل وچ نئیں پا سکدا ۔
پاک بائبل فرماؤندی اے ، ” پر جیہڑا بندہ کم نئیں کردا سگوں بے دین نوں راستباز بناؤن والے اُتے ایمان لیاؤندااے ،اوہدا ایمان اوہدے لئی راستبازی گنیا جاندااے ۔“ ایہدا مطلب ہیگا اے پئی خُدا نے اوہناں نوں کامل مکتی دتی جیہڑے بے دین ہیگےسَن تے جنہاں دے پاپ اوہناں دے کماں دے سبب معاف نہ کیتے گئے سَن ۔ ایتھے نظر آؤندا اے پئی خُدا دا فضل راستبازاں اُتے ظاہر ہویا ، جیہڑے پاپاں توں چھڈائے جان دے راہیں مکتی پاگئے سَن ۔
پر کم کرنا والا بندہ اوہدے فضل نوں فضل نئیں سمجھدا
رومیوں ۴:۵ اوہدے لئی ٹھیک ہیگی اے ، جیہڑا خُدا دے کلام نوں اوسے طرحاں قبول کردا تے ایمان لیاؤندااے ، جویں پئی ابرہام لیا سی ۔ اسیں خُداوند اُتے جنہے بے دین لوکاں نوں چھڈایا اے ایمان رکھدے آں ۔ مسیحیاں وچکار دو طرحاں دے لوک ہیگے نیں : اوہ جیہڑے اپنے پاپاں توں مکتی پاؤن لئی حالےتیک کم کردے نیں تے دوجے اوہ جیہڑے اپنے پاپاں توں مکمل طور اُتے چھڈائے گئے نیں ۔ جویں پئی ، ۴ تے ۵ آیتاں وچ لکھیا ہویا اے ، ” کم کرن والا “ دیہاڑی نوں فضل نئیں سمجھدا ، پاپاں توں مکتی دے فضل نوں رد کردیندااے ایس لئی اوہ یسوع اُتے ایمان لیاؤن دے بعد کماں دے راہیں خُدا تیک اَپڑ جاندا اے ۔
پرلوکاں کول پاپی رہن توں ہٹ کے کوئی ہور راہ ایس لئی نئیں ایس لئی پئی اوہ صرف اپنے کما ں نوں خُدا نوں وکھاؤن لئی کردے نیں ۔بندیاں دی راستبازی دی تعلیم اک دینی مسیحی تعلیم ہیگی اے جیہڑی دسدی اے پئی ایمان دار جدوں تیک اوہ مرنئیں جانداہر ورہے تھوڑا تھوڑا پاک ہو کے مکمل پاکیزگی تیک اپڑ سکدا اے ، تے اوہنوں ایسے طرحاں ای پاک ہونا چاہی دا اے تے ایس طرحاں ایہہ تعلیم ایمانداراں نوں خُدا دی دتی ہوئی مکتی نوں رد کرن تے خُدا نال لڑن ول لَے جاندی اے ۔بائبل اِنج نئیں دسدی پئی اک بندہ ہولی ہولی راستباز بن دا اے ۔ اوہ جیہڑا اپنے نیک کماں دے راہیں پاپاں توں معافی پاؤن لئی ہولی ہولی پاک بنن تے اپنے گند نوں صاف کرن دی اوہو ای ہمت کردا اے جیہڑا کم کرن والا اے ۔ ایتھے ایہو جیہے بوہت لوک ہیگے نیں جیہڑے شیطان دے خادماں وانگر دوزخ وچ جان دے لائق ہیگے نیں۔ اوہ راستبازا ں وچ نئیں گنے جا سکدے ،ایس لئی پئی اوہناں نیں خُداوند دے فضل نوں رد کر دتا اے ۔
ساڈے وچوں کوئی دیندار نئیں ہیگااے ۔پر، بوہتے لوک موت ول تے اپنے ایمان نوں اوس ویلے تیک پُٹھے پاسے لَے کے جاندے پئے نیں ۔اوہناں دا یقین ہیگا اے پئی جدوں اوہ ایہہ جان دے ہوئیاں پئی یسوع نے اوہناں دے لنگھے ہوئے ویلے دے سارے پاپاں نوں دھو دتا اے تاں اوہناں دا ایمان ہیگااے پئی اوہناں دے اصل پاپ اوہناں دی ہردیہاڑے دی بولی والی توبہ نال معاف ہو جاندے نیں ۔اوہ اِنج کردے نیں ایس لئی پئی اوہ سوچد ے نیں پئی اوہ دیندار ہیگے نیں ۔ اوہ یسوع اگےاپنی نیکی تے پاک بازی اُچی کردے نیں ۔ اخیریں ، اوہ پاپا ں دی مکتی نوں جیہڑی خُدا دی نعمت ہیگی اے ، نوں پاؤن توں پچھے رہ جاندے نیں ۔
کہیڑا مبارک ہیگااے ؟
پاک لوک جیہڑے اپنے سارےپاپاں توں چھڈائے جاندے نیں ،یسوع اُتے ایمان لیاؤن نال راستباز بنائے جاندے نیں ۔ ایس سوال دا جواب پئی کس طرحاں دا بندہ راستبازبن سکدا اے ، ایہہ ہیگااے : اک بندہ جیہڑا اپنی بدیاں نوں جان دااے تے اپنے پاپاں توں معافی لئی توبہ دیاں بولیاں گئیاں دعاواں نئیں کردا ،اوہ بوہتے لوکاں وچوں جیہڑے بولیا ں ہوئیاں دعاواں کردے نیں ، ایمان نال راستباز بنن لئی ٹھیک ہیگے نیں ۔ صرف اوہو ای جیہڑے نیک کم کرن ،دعاکرن ، پرہیز گاری کرن وچ ٹھیک نئیں ہیگے تے جیہڑے دل دے غریب ہیگے نیں ،اوہ یسوع کولوں پاپاں دی معافی دی نعمت پاؤن گے ۔ اوہ راستباز بنائے جان گے ۔ ایہو جیہے لوکاں نیں خُدا دے اگے اپنے وکھالے دے کماں نوں نئیں کیتا اے ۔
اک کم جیہڑا اوہناں نیں کیتا اوہ ایہہ ہیگا اے پئی اوہ سچے دلوں ایہہ آکھدے ہوئیاں اپنے پاپاں دا اقرار کردے نیں پئی ، ” میَں پاپ کیتاا ے ۔ میَں اک پاپی ہیگا واں جیہدے کول مرن دے بعد دوزخ وچ جان توں ہٹ کے ہو رکوئی راہ نئیں ہیگا سی ۔ “ فیر یسوع مسیح مکمل مکتی دی کامل نعمت جیہڑی اوہنے پوری کیتی سی ، اوہنوں دیندااے ۔ ایس سچیائی اُتے ایمان لیاؤنا پئی خُداوند نے میرے سارے پاپاں نوں مکاؤن لئی یوحنا بپتسمہ دین والے کولوں یردن دے دریااُتے بپتسمہ لیا تے سولی اُتے مر گیا ، ٹھیک طریقے نال پاپیاں نوں ایس لائق بناؤندااے پئی اوہ اپنے دلاں وچ موجود پاپاں توں چھڈائے جان ۔ اوہ خُدا دے پُتر اکھوان دی نعمت وچ گنے جاندے نیں ۔ ایہہ پاپیاں لئی خُدا دی نعمت ہیگی اے ،جنہے اوہناں نوں اپنے اگے اوہناں دے سارے پاپاں توں مکتی دتی اے ۔ میَں خُداوند یسوع مسیح دا بربادی توں بچاؤن لئی شکراداکرداہاں ۔
۶ آیت وچ ، پولُس رسول اوس بندےدی گل کردااے ،جنہوں خُدا مبارک آکھدا اے ۔ ”پر جیہڑا بندہ کم نئیں کردا “ اوہ کم نال تعلق رکھن والے ۳ حصیاں نوں ہیٹھاں دسے گئے بیان وچ کھول کے دسدا اے ، پہلے ، ” کم کرن والا “ فیر ” جیہڑا کم نئیں کردا “تے اخیر وچ ” کماں توں اَڈ “بائبل دسدی اے ، ” ایس لئی جیہڑے بندے لئی خُدا اعمال توں اَڈ راستبازی اوہدے کھاتے وچ لکھدااے ،داؤد وی اوہدے مبارک حال ہون بارے اِنج آکھدااے ۔پئی مبارک ہیگے نیں اوہ جنہاں دیاں بدیاں معاف کیتیاں گئیاں تے جنہاں دے پاپ ڈھکے گئے۔مبارک ہیگا اے اوہ بندہ جیہدے پاپاں دا خُداوند حساب نئیں کرے گا ۔“(رومیوں ۴:۶ ۔ ۸)۔” جیہدے پاپاں دا خُداوند حساب نئیں کرے گا “ دا مطلب ایہہ نئیں ہیگا اے پئی خُدا، جے اوہ پاپ بھرے بندے ہیگے نیں ،تاں وی اوہنوں پاک گنے گا ،پر اوہدا اصل مطلب ایہہ ہیگا اے پئی اصل وچ اوس بندے وچ پاپ نئیں ہیگااے ۔
خُداسانوں بندے دے مبارک حالی بارے دسدااے ۔ اوہ لوک جیہڑے اپنے سارے پاپاں توں مکتی پا چُکے نیں ،اوہ خوش ہیگے نیں ، کیہ اوہ خوش نئیں ہیگے ؟ ساڈے توں بوہتا کوئی خوش نئیں ہیگا ۔ اوس بندے توں ودھ کے ہو ر کوئی مبارک حال نئیں ہیگااے جیہڑا پاپاں توں مکتی پا چُکیا اے ۔ ایہدا مطلب ایہہ ہیگااے جیہڑا کوئی وی اپنے دل وچ تھوڑا جیہاوی پاپ رکھدااے ، خُدا اوہنوں سزا دیوے گا تے اوہ کدی وی بالکل خوش نئیں ہو سکدا ۔ پر ،راستباز بندہ مبارک تے خوش ہیگا اے ،ایس لئی پئی اوہدے کول پاپاں توں مکتی ہیگی اے ۔ خُدافرماؤندااے ،” مبارک ہیگا اے اوہ بندہ جیہدے پاپاں دا خُداوند حساب نئیں کرے گا ۔“(رومیوں ۴:۸)۔
” جنہاں دے پاپ ڈھکے گئے “دا مطلب ہیگا اے پئی خُداوند نے سارے لوکاں دے سارے پاپاں نوں مکا دتا اے ۔ داؤد نے وی آکھیا ،” پئی مبارک ہیگے نیں اوہ جنہاں دیاں بدیاں معاف
کیتیاں گئیاں ۔“ مبارک اوہ ہیگے نیں جنہاں دے پاپ معاف کیتے گئے نیں،بھاویں ایس جگ وچ رہندیاں ہوئیاں اوہ ہر دن پاپ کردے نیں ۔ راستباز ، جیہڑے اپنے پاپاں توں چھڈائے گئے نیں ، اوہ یسوع مسیح دے راہیں اپنی ساری حیاتی دے پاپاں توں مکتی پا گئے نیں ۔ راستباز اصل وچ خوش ہیگے نیں۔
مبارک ہیگے نیں اوہ جنہاں دے پاپ ڈھکے گئے
دوجا، کس طرحاں دا بندہ مبارک ہیگا اے ؟ ” مبارک اوہ ہیگے نیں جنہاں دے پاپ ڈھکے گئے۔“ ہمیشہ ساڈے کولوں پاپ ہو جاندااے ،پر ایہدا کیہ مطلب ہیگا اے پئی کسے دے پاپ ڈھکے گئے ایہہ ہیگا اے پئی یسوع نے ساڈے سارے پاپاں نوں اپنے بپتسمے تے صلیبی لہو دے راہیں مکادتا اے ۔ فیر کیہ خُدا باپ سانوں سزا دیوے گا ؟کیہ سارے پاپیاں دے پاپ ڈھکے گئے نیں ؟ ایس لئی یسوع مسیح نے ساڈے پاپاں نوں مکا دتا اے ، سولی اُتے اپنا لہوروڑھیا تے ساڈے لئی اپنی جان دتی تے ایس لئی پئی اسیں اوہدے وچ ہیگے آں ، ایس لئی سانوں سزا نئیں ملے گی ۔
مبارک اوہ ہیگے نیں جنہاں دے پاپ ڈھکے گئے۔موت جیہڑا پئی پاپ دا پھل ہیگا اے ، ساڈے اُتے نئیں آؤندی ایس لئی یسوع نے اپنے بپتسمے دے راہیں ساڈے سارے پاپاں نوں ساڈے کولوں وکھ کر دتا اے ۔ ہیلیلویاہ ! اسیں مبارک ہیگے آں ۔ کیہ اسیں پاپ وچ رہندے آں ، نئیں ۔ اوہ جیہڑے نہ تاں یسوع مسیح نوں جیہڑا پانی تے لہو دے راہیں ، جان دے تے نہ ای ایہہ جان دے نیں پئی جدوں یسوع نیں یردن دے دریا اُتے بپتسمہ لیا تاں ایس جگ دے سارے پاپ اوہدے اُتے لد دتے گئے سَن ،تاں ایہو جیہے لوک بھاویں اوہ یسوع اُتے بوہت نگھا ایمان رکھدے نیں تاں وی سدا پاپ وچ حیاتی بسر کردے نیں ۔
پر، جیہڑے مکتی دے سچ بارے جان دے نیں تے یقین رکھدے نیں پئی ایہدے وچ کوئی پاپ نئیں ہیگا ۔ مبارک اوہ ہیگے نیں جنہاں دے پاپ ڈھکے گئے۔مبارک اوہ ہیگے نیں جنہاں نیں اپنے پاپ اوس ویلے یسوع مسیح اُتے لد دتے ، جدوں اوہنے یوحنا بپتسمہ دین والے کولوں بپتسمہ لیا سی ۔ ایس جگ وچ کیہڑا اصل وچ مبارک حال تے خوش ہیگا اے ؟ مبارک وہ ہیگے نیں جیہڑے اپنی کمیاں دے نال ،مکتی داتا نوں قبول کردے نیں ۔ مبارک وہ ہیگے نیں یسوع مسیح مکتی داتا اُتے ،جنہے سارے پاپاں نوں جنہاں وچ نکے ، وڈے سارے پاپ رَلے ہوئے نیں وکھ کیتا ،ایمان رکھدے تے اوہناں لئی اوہنے دکھ جرے تے سولی اُتے مرگیا ۔
مبارک اوہ بندہ ہیگا اے جیہدے پاپاں دا خُداوند حساب نئیں کرے گا
مبارک اوہ ہیگے نیں جیہڑے اصل مکتی اُتے ایمان رکھدے تے اپنے آپ وچ اک پکی لکن والی تھاں رکھدے نیں ۔ تیجا، داؤد نے آکھیا ، ” مبارک اوہ بندہ ہیگا اے جیہدے پاپاں دا خُداوند حساب نئیں کرے گا ۔ “(رومیوں ۴:۸)۔
اسیں جیہڑے پاپاں توں مکتی پا چُکے آں ،بھاویں اسیں ماڑے ہیگےآں ،تاں وی راستباز ہیگے آں ۔ بھاویں اسیں ایمان دے راہیں راستباز بنے آں تاں و ی ساڈابدن حالے تیک ماڑا ہیگا اے ۔ کیہ خُدا وند نے بپتسمے دے راہیں ساڈے سارے پاپاں نوں چُک لیا سی ؟ کیہ خُداوند سانوں اوہناں وانگر بدلہ دیندااے جیہڑےسزا پاؤن گے ؟ نئیں ۔ بھاویں اسیں ماڑے تے مک جان والے آں ، تاں وی خُداوند ساڈی سزا ول دھیان نہ کرے گا ۔ کیوں خُداوند ساڈے پاپاں دا حساب نئیں کردا ؟ ایس لئی پئی ساڈے لئی اوہنوں جرم وار بنایا گیا تے اوہنے شروع توں ای ساڈےپاپاں دا مُل اُتار دتا سی ۔ اوہ جیہڑے ایمان دے راہیں راستباز بنے نیں، خُداوند نہ تاں اوہناں دے پاپاں نوں یاد کردا تے نہ ای ایمان دے راہیں راستباز بنن والے بندے نوں سزا دیندا اے ۔
مبارک اوہ بندہ ہیگا اےجیہڑا ایمان دے راہیں راستباز بن دا اے ۔ مبارک اوہ بندہ ہیگا اے جیہڑا پانی تے رُوح دے راہیں نویں سریوں جمیا اے (یوحنا ۳:۵)۔اسیں ایس سچ نوں بھُل جاندے ہاں پئی خُدا نے سانوں مبارک بنایا اے تے مکتی دے چُکیا اے ،تے بوہتا جگ دیاں شیواں پچھے بھج دے رہندے تے اوہدی رُوحانی نعمتاں نوں گوا لیندے آں ۔ جے اسیں اوہدے فضل نوں گواہ لیِئےتاں اسیں خُدا دے خلاف ٹھہراں گے ۔ لازمی ہیگااے پئی اسیں اپنے ذہناں وچ خُداوند دے کلام نوں تھاں دئیے۔ خُدا دی مکتی ایمانداراں وچ ہیگی اے ۔
جنہاں دے پاپ مکائے گئےنیں ،خُدا دا رُوح اوہناں وچ وسیا ہویا اے ۔ صرف راستباز ای خُدا دی سزا توں بچن گے ۔ جنہاں دا انصاف خُدا ایس دھرتی اُتے تے اَسمانی بادشاہی وچ نئیں کردا ، اوہ
مبارک ہیگے نیں ۔ کیوں ؟ ایس لئی پئی اوہناں نیں اوہدی محبت نوں پایا تے خُدا نے اوہناں نوں راستباز گنیا تے اوہ اوہدے پُتر بنے نیں ۔
اسیں ایمان نال راستبازبنے آں
مبارک ہیگے نیں اوہ بندے جیہڑے ایمان دے سبب راستباز بنے نیں ۔ کیہ نویں سریوں جمن والے خُدا دے اگے راستباز ہیگے نیں ؟— آہو — پولُس رسول نے آکھیا ، ”ہر ویلے خوش رہوو ۔بغیر ناغہ کیتیوں دعا کرو ۔ ہر اک گل بارے شکر گزاری کرو ۔“(۱ ۔تھسلنیکیوں ۵ :۱۶ ۔ ۱۸)ایس لئی پئی اوہ ابرہام دی اولا د وانگر جیہڑا ایمانداراں دا باپ ہیگااے ،ایمان نال راستباز بنیا سی ۔ اسیں وی ابرہام دی اولاد ہیگے آں ۔ ابرہام نے وی اوسے طرحاں خُدا دے کلام اُتے ایمان لیاکے مکتی پائی ،جویں پئی اسیں ایمان لیا کے مکتی پاؤندے آں ۔ خُدا نے ابرہام نوں آکھیا ، ” اے ابرہام تُو نہ ڈر ،میَں تیری ڈھال تے تیرا بوہت وڈا پھل ہیگا واں ۔ “ (پیدائش ۱۵:۱)۔
پر ابرہام نے آکھیا ، ” خُداوند خُدا تُوں مینوں کیہ دیویں گا ایس لئی پئی میَں تاں بے اولا د ہی ہیگا واں تے میرے گھر دا وارث دمشقی الیعزر ہیگا اے ؟ “ فیر ابرہام نے آکھیا، ” ویکھ لَے تُوں مینوں کوئی اولاد نئیں دتی تے ویکھ لَے میرانوکرمیرا وارث ہووے گا ! “تے فیر خُدا وند دا کلام اوہدے اُتے اُتریا تے فرمایا ،” ایہہ تیرا وارث نہ ہووے گا سگوں اوہ جیہڑا تیری نسل وچوں جمے گا اوہو ای تیرا وارث ہووے گا ۔“ فیر اوہ اوہنوں باہر لَے گیا تے آکھیا پئی ، ” ہُن اَسمان ول ویکھ تے جے تُوں تاریاں نوں گِن سکدا ایں تاں گِن ۔ “تے اوہنے آکھیا ، ” تیری اولا داِنج ای ہووے گی۔ “ ”تے اوہ خُداوند اُتے ایمان لیایا ۔“ ایس طرحاں ابرہام خُداونددے کلام اُتے ایمان لیایا ۔“
کیہ تسیں ایس جگ وچ ابراہام وانگر خُدادےکلام اُتے ایمان لیاؤندے او ؟ کیہ بندے لئی اِنج کرنا اوکھا نئیں دِسدا ؟ ابراہام دی زنانی بچے نوں جمن لئی بوہت وڈیری ہو گئی سی ۔ پر، ابراہام خُدا دے کلام اُتے اوس ویلے ایمان لیا یا سی ،جدوں اک نکی جیہی آس باقی ہیگی سی ۔ ایس لئی، ابراہام خُدا دے اگے راستباز گنیا گیا سی ۔
یسوع نے ساڈے سارے پاپاں نوں مکا دتااے ۔یسوع نے اپنے بپتسمے راہیں ساڈے سارے
پاپ اپنے اُتے چُک لَے تے ساڈے لئی اوہنے اپنا لہو وگا کے سزا جری ۔ اسیں خُدا دی مکتی تے پاپاں توں چھڈائے جان دے راہیں ابراہام دی اولاد بنے آں ،ایس لئی پئی اسیں بوہت بے دین ہیگے ساں ،جد پئی دوجیاں نیں یقین نہ کیتا ۔ پاک بائبل فرماؤندی اے ، ” ایس لئی پئی خُدا دی بےعقلی بندیاں دی سیانف توں بوہتی سیانی ہیگی اے تے خُدا دی کمزوری بندیاں دی طاقت نالوں بوہتی طاقت والی ہیگی اے ۔“ (۱ ۔کرنتھیوں ۱:۲۵)۔خُدا اوہناں دے یسوع دے بپتسمے (پانی )تے اوہدی سولی (لہو)اُتے تے خُدا دی خوشخبری اُتے ایمان لیاؤن دے راہیں اوہناں نوں اپنے پُتر بناؤندااے ۔ ایہہ بندے دے اگے تاں کم عقلی نظر آؤندی اے ، پر ایہہ خُدا دی مکتی تے اوہدے پاپاں توں چھڈائے جان دی سیانف ہیگی اے۔ ایہہ انسانی اکھ مطابق تاں اک کم عقلی لگ سکدی اے ، پر خُدا نے پاپیاں نوں اپنی مفت نعمت دے راہیں اوہناں دے پاپاں توں مکتی دتی اے ۔
یسوع دھرتی دیاں چارے نکراں وچوں ۱۰ ہزار بندیاں وچوں اوہناں نوں کڈھ لیایا تے اوہناں نوں مبارک بنایا تے اوہناں دے راہیں اصلی وڈیائی تے بھگتی پاؤندااے ۔ کیہ اسیں مبارک ہیگے ساں یاں نئیں ؟ —آہو ،اسیں ہیگے ساں — اینوں نہ بھُلو ایس لئی پئی ایہہ مکتی تہاڈے کماں دے سبب نئیں ہیگی سی ۔ اسیں مبارک ہیگے آں ایس لئی پئی اسیں خُدا دیاں دتیاں ہوئیاں برکتاں (نعمتاں)اُتے ایمان لیاؤندے آں تے ایس لئی پئی اوہنے اپنے کلام دے راہیں سانوں ایمان دی دولت دتی اے ۔ خُدا نے پانی تے لہو تے رُوح دے سبب آؤن دے راہیں سانوں اپنے پُتر بنایا اے (۱ ۔یوحنا ۵ : ۴ ۔ ۸)،تے ایس لئی پئی اوہنے ساڈے نال محبت کیتی اے ۔
بھاویں اسیں ایس دھرتی اُتے بوہت ماڑے ہیگے آں تاں وی اسیں مبارک ہیگے آں ۔ میَں سچے دلوں خُدا وند دا شکر ادا کردا ہاں ۔جدوں اسیں بے دین تے اپنے کماں دے سبب پاک نئیں ہیگے ساں تاں اوہنے سانوں اوہ مہنگیاں نعمتاں دتیاں جنہاں دے سبب پاپ دا جرم ساڈے اُتے نئیں لگدا ، ساڈی ساری بدیاں نوں معاف کیتا تے ساڈے پاپاں نوں ڈھکیا ۔ اسیں صرف ایمان دے راہیں مکتی پا کے مبارک کیتے گئے آں ۔
Copyright © 2021 by The New Life Mission