Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.
مضمون 10: مُکاشفہ(مُکاشفہ دی کتاب اُتے تفسیر)
[3-3باب] فِلدِلفیہ دی کلِیسیا دے ناں خط (مُکاشفہ۳: ۷- ۱۳)
)مُکاشفہ۳: ۷- ۱۳(
تے فِلَدِلفیہ دی کلِیسیا دے فرِشتے نُوں ایہہ لِکھ پئی۔جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔جیہڑا جتے مَیں اوہنوں اپنے خُدا دی ہیکل وِچ اِک تھم بناواں گا اوہ فیر کدی باہر نا نِکلے گا تے مَیں اپنے خُدا دا ناں تے اپنے خُدا دے شہر یعنی اوس نَوِیں یرُوشلِیم دا ناں جیہڑا میرے خُدا کولوں اسمان توں آؤن والا اے تے اپنا نواں ناں اوہدے اُتّے لِکھاں گا۔جِہدے کنّ ہَین اوہ سُنے پئی رُوح کلِیسیاواں نُوں کِیہ آکھدا اے۔
تشریح
آیت ۷:”تے فِلَدِلفیہ دی کلِیسیا دے فرِشتے نُوں ایہہ لِکھ پئی۔جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے
ہوئے نُوں کوئی کھولدا نئیں۔ اوہ ایہہ آکھدا اے۔“
خُداوند ساریاں دے بادشا ہ وانگراسمانی بادشاہی اُتے راج کردا اے اوہ کامل اختیار تے طاقت والا خُدا اے —جو کجھ اوہ کھولدا اے اوہنوں کوئی بند نئیں کر سکدا ، تے جو کجھ اوہ بند کردا اے اوہنوں کوئی کھو ل نئیں سکدا ۔ خُداوند کامل خُدا اے جیہڑا ایس دھرتی اُتے آیا تے پاپیاں نوں پانی تے رُوح دی خوشخبری نال اوہناں دے سارے پاپاں توں مکتی دتی ۔ اسمان دا بوہا صرف خُداوند ولوں پانی تے رُوح دی خوشخبری دی دتی گئی چابی نال ای کھولیا جا سکدا اے ۔ ایس تو ں ہٹ کے ہو ر کوئی نئیں ایہنوں کھو ل سکدا ، ایس لئی پئی ایس بادشاہی نال تعلق رکھن والی ہر شے دا بھروسہ ساڈے خُداوندخُدا اُتے ہیگا اے ۔
آیت ۸:”پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔“
خُداوندنے اپنی کلیسیا دے راہیں انجیل دی منادی دا بوہا کھو ل دتا اے ۔ ایس طرح ، کوئی وی خُداونددی اجازت توں بغیر بوہا بند نئیں کر سکدا ۔ ایس لئی پاک لوکاں نوں اپنے پہلے ایمان نوں اخیری ویلے تیک قیم رکھنا چاہی دا اے ، جد تیک خُداوندواپس آجاوے ۔ ایہہ اوہ قِسم دا ایما ن اے جیہڑا خُدا دے خادماں تے اوہدے پاک لوکاں نوں لازمی رکھنا چاہی دا اے ۔ اوہناں دا ایمان ایس قِسم دا نئیں ہونا چاہی دا جیہدا مُڈھ وڈا ہووے پر جیہدا پکااخیرمُردہ ہوگیا ہووے ۔ اوہناں نوں اپنے پہلے ، بغیر ڈکو ڈولے والے ایمان اُتے قیم رہنا چاہی دا جیہڑا خُداوند نے اوہناں نوں دتا سی ۔
پاک لوکاں دا ایمان پانی تے رُوح دی خوشخبری اُتے ایمان اے ، اوہ ایمان جیہڑا ایس سچیائی اُتے یقین رکھدا اے پئی ساڈے خُداوند دی بادشاہی ایس دھرتی تے نویں اسمان تے دھرتی دونواں اُتے آوے گی ، تے ایہہ پئی اسیں سارے ایس بادشاہی وچ ہمیش لئی زندہ رہواں گے ۔ پاک لوکاں نوں اوس دیہاڑے تیکر ایس ایمان اُتے قیم رہنا چاہی دا اے جد تیک پئی اوہ آؤن والے خُداوند نال ملاقات نئیں کرن گے ۔
فِلدِلفیہ دی کلیسیا دے خادم تے پاک لوک تھوڑا جِہیا زوررکھدے سن ۔ اوہناں وچ بوہتیاں ساریاں کمیاں وی سن ۔ پر، سب توں خاص گل ایہہ ہیگی اے پئی ، اوہناں نیں خُدا دے کلام نوں قیم رکھیا
سی تے خُداوند دے ناں دا انکار نئیں کیتا ۔
آیت ۹:”ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔“
خُدافرماندا اے پئی اوہ کجھ جھوٹے ایمانداراں نوں اوہناں دے گوڈیاں ہیٹھاں لیاوے گا تاں پئی اوہ جان لین پئی خُدا سچ مُچ فِلدِلفیہ دی کلیسیا نال بوہت محبت کردا اے ،جیہڑی اوہدی اک کلیسیااے ۔
” شیطان دی جماعت ، جیہڑے اپنے آپ نُوں یہُودی آکھدے نیں تے ہَین نئیں۔ “دا مطلب اوہ یہودی نیں جیہڑے اپنے ایمان توں اپنےآپ نوں خُدا دی وڈیائی کرنا سمجھدے سن ۔ پر اوہناں وچ بوہتے ، اصل وچ ، اِنج نئیں کردے سن ۔ ایہدے توں اُلٹ ، اوہ شیطان دے خادم بن گئے سن تے خُدا دی کلیسیا تے اوہدےپاک لوکاں وچ رکاوٹ دا سبب بن دے پئے سن ۔
سانوں ایہہ سمجھن دی لوڑی ہیگی اے پئی پہلوں وانگر اج وی ، بوہت سارےلوک جیہڑے یسوع دا ناں لے کے اوہدی بھگتی کردے نیں اوہ وی شیطان دے خادم بن گئے نیں ، شیطان نے اوہناں نوں اپنا ہتھیار بنا لیا اے ۔ خُدا نے فِلدِلفیہ دی کلیسیا دے خادم نال خاص محبت وکھائی جیہدے نال اوہ محبت کردا سی تے عزت دے بھانڈے وانگر ورتدا سی ۔
آیت۱۰:”ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔“
خاص کر کے ، خُدا نے فِلدِلفیہ دی کلیسیا دے خادم دی اوہدے حکم اُتے صبر نال قیم رہن بارے تعریف کیتی ۔ایس قِسم دے خاص صبر دے بغیر ، اصل وچ ، اسیں خُدا دے کلام دے سارے وعدیاں دے پورے ہون دا انتظار نئیں کر سکدے ۔ اوہدے حکم اُتے صبر نال قیم رہن لئی ،سانوں لازمی ایس لئی خُدا دے کلام اُتے کامل ایمان رکھنا چاہی دا اے ۔ ایہدے صبر لئی خُدا وندنے فِلدِلفیہ دی کلیسیادے خادم نوں اک خاص انعام دتا ۔ ایہہ خاص انعام ازمائش دے دناں وچ فِلدِلفیہ دی کلیسیادی راکھی دی صورت وچ ملیا سی ۔ ایتھے ازمائش دے دناں دا مطلب مخالفِ مسیح دیاں رکاوٹاں نیں ۔
آیت ۱۱:”مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔“
ایس لئی پئی خُداوند دی واپسی نیڑے آگئی اے ، پاک لوکاں نوں پانی اور رُوح کی خوشخبری دی راکھی کرنی چاہی دی اےتے ایہدے اُتے اپنے ایمان نوں قیم رکھنا چاہی دا اے ۔ اوہناں نوں خُداوند ولوں وعدہ کیتے گئے نویں اسمان تے دھرتی دی اپنی آس اُتے لازمی ایمان رکھنا چاہی دا اے تے اُڈیکنا چاہی دا اے ۔ خُدا دے خادماں نوں پاک لوکاں نال رہنا چاہی دا اے تے اوہناں نوں اپنا ایمان گواؤن توں بچاؤنا چاہی دا اے ، تاں پئی خُدا ولوں اوہناں دے ایمان نوں کھویا نا جاوے ۔
آیت ۱۲:”جیہڑا جتے مَیں اوہنوں اپنے خُدا دی ہیکل وِچ اِک تھم بناواں گا اوہ فیر کدی باہر نا نِکلے گا تے مَیں اپنے خُدا دا ناں تے اپنے خُدا دے شہر یعنی اوس نَوِیں یرُوشلِیم دا ناں جیہڑا میرے خُدا کولوں اسمان توں آؤن والا اے تے اپنا نواں ناں اوہدے اُتّے لِکھاں گا۔“
شیطان اُتے فتح پاؤن والے شہیدلوکاں دے وچ شامل ہون گے۔ اوہناں دے ناں خُدا دی بادشاہی دی پاک ہیکل وچ لکھے جان گے ۔ ایتھوں تیکر پئی ہُن وی ، اوہ خُدا دی کلیسیا دے وڈے کامیاں وانگر ورتے جاندے نیں ، تے اوہ خُداوند دے راہیں ایس طرح ہتھیاراں وانگر ورتے جاندے رہن گے ۔
آیت ۱۳:”جِہدے کنّ ہَین اوہ سُنے پئی رُوح کلِیسیاواں نُوں کِیہ آکھدا اے۔“
اوہ جیہڑے خُدا دے کلام نوں سُنن لئی کن رکھدے نیں اوہ خُدا دے خادم تے اوہدے پاک لوک نیں ۔ اوہ سُن دے نیں پئی خُدا دی کلیسیا دے راہیں رُوح اوہناں نوں کیہ فرماندااے ۔ ایس طرح ، خُدا دے خادماں تے اوہدے پاک لوکاں نوں کلیسیاوچ رہنا چاہی دا اے جویں خُدا نے اوہناں نوں اجازت دتی اے ،تے اوہناں نوں ایس کلیسیا دی راکھی کرنی تے ایہنوں بچاؤنا چاہی دا اے ۔
Copyright © 2021 by The New Life Mission