Search
Ελληνικά
Ελληνικά
Λόγωτης πανδημίαςτουιού COVID-19 και τηςδιακοπήςτηςδιεθνούς υπηρεσίας αλληλογραφίας,
έχουμε αναστείλει προσωρινάτην υπηρεσία μας "ΔωρεάνΤυπωμέναΒιβλία (Free Print Book)".
Κάτω από αυτή την κατάσταση δεν μπορούμε να στείλουμε τα βιβλία αυτή τη στιγμή.
Προσεύχεστε ώστε αυτή η πανδημία να λήξει σύντομα και να αρχίσει ξανά η ταχυδρομική υπηρεσία.

ΣΥΧΝΕΣ ΕΡΩΤΗΣΕΙΣ για την Χριστιανική Πίστη

Θέμα 1: Αναγέννηση εξ ύδατος και Πνεύματος

1-11. یوحنا اصطباغی کون سی جِنھے یسوُع نُوں بپتسمہ دِتا؟

خُدا نےبنی اِسرائیل نُوں موسیٰ دے راہیں شریعت تے قربانی دانظام بخشیاتاں پئی اوہ اپنے پاپاں تے بدکاریاں دی معافی حاصل کر سکن۔ اوہنے موسیٰ دے وڈے بھائی ہارون نُوں سردارکاہن دےطورتے مقرر کیتاپئی اوہ ستویں مہینے دی دسویں تاریخ نُوں یومِ کفّارہ اُتے کفّارے دی قربانی چڑھائے تاں پئی اِسرائیل دے سالانہ پاپ دُور کیتے جاسکن (احبار۱۶)۔
خُدا نے ایہہ مقرر کیتاپئی یومِ کفّارہ اُتے صِرف ہارون تے اوہدی پیِڑھی وچوں آن والے سردار کاہن ای قربانی چڑھاسکدے سَن ۔ خُدانے بنی اِسرائیل لئی اِک راہ کھول دِتی پئی اوہ بکرے دے سِر اُتے ہارون دے ہتھ رکھن دے راہیں اپنے سارے پاپاں دا کفّارہ دین۔ ایہہ کفّارے دی شریعت اے جِنھوں خُدا نے اوہناں لئی قائم کیتا ۔
ایس پرچھانویں توں ، اوہنے واضح کردِتا تاں پئی لوک جانن پئی یسوُع اِنسان ذات دا مکتی داتا اے۔ نویں عہد نامے دے دَور وِچ، خُدا نے یوحنا اصطباغی نُوں ہارون دی پیِڑھی وِچوں گھلیا(۱۔تواریخ۲۴:۱۰،لوقا۱:۵)تے اوہ پُرانے عہد نامہ دا آخری سردارکاہن وی (متی۱۱:۱۱۔۱۳)سی ۔ یوحنا اصطباغی ،جِس طرحاں خُدا دا گھلیا ہویا نبی ، اِنسان ذات دا نمائندہ تے سردار کاہن سی ، اوہنے یسوُع خُدا دے پُتر نُوں اِنسانی پیِڑھی دے پاپ اوہدے اُتے منتقل کرن دے سلسلے وِچ  بپتسمہ  دِتا  جیہڑا پاپیاں  نُوں
بچان لئی آیا سی ۔
بے شک ، سارے لوکاں نُوں ایہہ برکت حاصل ہوئی اے پئی اوہ یوحنا اصطباغی دے راہیں اپنے سارے پاپ یسوُع اُتے لدن دے قابل نیں۔ یوحنا داکردارسردارکاہن بننا سی جِنھے اِنسان ذات دی نمائندگی کیتی تے خُدادا اجیہا خادم اے جِنھے ساڈے سارے پاپ یسوُع اُتےمنتقل کردِتے ۔
یوحنا اصطباغی خُداوَلوں گھلیا گیا اِنسانی پیِڑھی دا نمائندہ تےسردارکاہن سی ،تے پیامبر سی جیہڑا یسوُع توں چھ مہینے پہلاں گھلیاگیا۔دُوجے پاسے ،یسوُع خُدادابرّہ سی جِنھے دُنیا دے سارے پاپاں نُوں اپنے اُتے چُک لیا جد پئی یوحنا اصطباغی سردارکاہن سی جِنھے بپتسمہ دے راہیں یسوُع اُتے دُنیا دے پاپ لد دِتے۔ یوحنا اصطباغی خُداداخادم سی ۔