- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Kota tënë 1: Siokpari
[1-1] Alingbi e Hinga Asiokpari ti e kozo si Azi e na ya ni (Marc 7 : 8-9, 20-23)
« Ala afarizien na awafango-ndia, ala zia ndia ti Nzapa si ala yeke bata gi lege ti andia ti akotara ti ala. Lo kiri lo tene na ala: Ala ke biani ti sara ye so Nzapa ahunda na ala si ala yeke bata gi andia ti akotara ti ala! »
(Marc 7 : 20-23)
« Lo kiri lo tene: Ye so ayeke sigigi na ya ti zo laa asara si lo ga sioni. Lo kiri lo tene: “Ye so ayeke sigigi na ya ti zo laa asara si lo ga sioni. Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo, gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti gbogbolinda. Asioni ye so kue alondo gi na ya ti zo si asara titene lo ga sioni. »
Kozoni, mbi ye ti fa so siokpari ayeke nyen. Ambeni asiokpari ayeke daa so Nzapa afa ndani, na nga ambeni asiokpari ayeke daa so zo laa afa ndani. Mbupa so atene siokpari, na yanga ti Greke aye ti tene « tiango ti sarango mbeni ye ni. » So ti fa atene sarango ye na legeni mbirimbiri pepe. E baa kozoni nda ti ye so zo airi ni siokpari.
| Siokpari ayeke nyen? |
| Ayeke kengo yanga ti Nzapa |
Gi gbungo li ti e laa ayeke fa na e siokpari ti e. Na mbeni ngbobo ti tënëngo ni, ayeke kengo yanga ti Nzapa pepe, me ayeke gi fango ngbanga ti zo na ndö ti tambula ti lo ti ando, fango ngbanga na ndö ti be ti lo nga na fango ngbanga ti azo na ndö gbungo li ti ala oko oko.
Zo oko oko wani ayeke fa ye so lo iri ni siokpari. Ndani laa, Nzapa amu na e asura 613 ti Ndia so amu na e lege ti fâ ngbanga alingbi na na ni.
Limon so, afa na e siokpari ti azo.
Ndia ti kodro, ndia ti azo ti kodro
|
Tongaso, alingbi e lu andia ti e na lege ti gbungo-li ti e pepe.
Asiokpari so e hinga ni na lege ti agbungo-li ti e alingbi pepe na ye so Nzapa adiko ni siokpari. Tongangaso, alingbi e ma gi agbungo-li ti e pepe, me alingbi e luti na ndö ti amungo-yanga ti Nzapa so afa na e ye so ayeke siokpari.
Gbungo-li ti zo oko oko na ndö ti siokpari ayeke nde nde. Ambeni abaa ni tonganga asioni ngobo ti sarango ye ti ala si ambeni abaa ni tongana angobo ti bango ndo ti ala so ayeke na legeni pepe.
Taa-pande, na sese ti Koree, alingbi amolenge alu apere na ndo so alu azo ti dungo ala daa, alingbi ala fâ li ti apere ni, ala leke ndo ni so nzoni ngbii asi na lango ti kui ti ala nga. Me ti ambeni mara ti kozo na sese ti Papuazi, Fini Ginee, ti ala, ala yeke yekia azo ti ala so akui na lege ti kangbingo akasa ti terê ti azo ni so akui na popo ti asewa ni si ala yeke te ni. (Mbi hinga pepe wala ala to ni wala ala to ni pepe si ala te) Tongaso si akanga lege na asene ti te terê ti azo ti ala so akui. Asarango aye ti akotara tongaso afa so gbungo-li ti azo na ndö ti siokpari alingbi ti duti nde nde mingi.
Ayeke nga gi tongaso ndali ti ye so ayeke nzoni na nga ndali ti ye so ayeke siokpari. Me Mbeti ti Nzapa atene kengo yango so Nzapa ayeke siokpari. « Ala zia amu yanga ti Nzapa si ala yeke bata gi andia ti azo. Lo kiri lo tene na ala: Ala yeke do na gere ngangu mingi amungo-yanga ti Nzapa si ala yeke bata gi aye ti akotara ti ala. » (Marc 7 : 8-9). Nzapa ayeke baa gi pendere ti terê ti e na gigi pepe. Lo yeke baa ye so ayeke na gonda ti be ti e.
Ti hinga na siokpari Alege ti e Wani Ayeke mbeni Siokpari na le ti Nzapa
| Kota siokpari so ahon atangani ayeke nyen? |
| Ayeke ti hinga Tënë ti Nzapa pepe. |
Ala yeda na mbi ti fa na ala ye so ayeke siokpari na le ti Nzapa. Ayeke ti ma na be na Tënë ti Lo pepe. Nzapa atene, ayeke mbeni siokpari ti sara ye tongana afarizien so ake amungo-yanga ti Nzapa si ala yeke mu na nengo ni mingi afango aye ti ala ti akotara. Jésus abaa afarizien ni tongana azo so sarango ye ti ala ayeke nde na atënë ti yanga ti ala.
« Nzapa so mo ma na be na lo ayeke so wa? Mo yeke voro mbi si mo yeke mu nengo na mbi biani? Mo yeke pika kate ti mo na iri ti Mbi, me mo yekia mbi biani? » Azo ayeke baa ndo gi na ye so ayeke pika le ti ala, me ala mbumbuse tënê ti Lo. So ayeke siokpari na le ti Lo. Kota siokpari so ahon atangani ayeke ti mbumbuse Tën̈e ti Lo. Mo hinga mo tene so laa ayeke siokpari so ahon asiokpari?
Awukongo ti e ayeke gi agirisango lege, ayeke gi asenge dongo andia na gere. Agirisango lege ti e na asioni so e yeke sara ngbanga ti so e yeke nzoni kue pepe, ayeke asiokpari so ayeke taa gonda ni pepe, me ayeke asarango ye na legeni pepe. Nzapa yeke kangbi popo ti asiokpari na asarango ye na legeni pepe. Azo so ambumbuse tënë ti Lo ayeke awasiokpari, ataa so ala sara ye kue na legeni. Ala yeke akota wasiokpari na le ti Nzapa. Ndani laa Jezu asuku na afarizien.
Na ya ti ambeti so Moize asu, ti londo na Mbeti ti Tongonda ti aye ti si na Mbeti ti Ndia ti fani use ni, amungo-yanga ayeke daa so ayeke fa na e aye so ayeke ti e ti sara ni wala aye so ayeke ti e ti sara ni pepe. Ayeke atënë ti Nzapa, amungo-yanga ti Lo. E lingbi pepe ti bata ni taa kue, me ayeke ti e ti hinga so ayeke amungo-yanga ti Lo. Lo mu na e amungo-yanga so gi na tongo ndani, na ayeke ti e ti yeda na ni gi tongaso.
« Na tongo nda ni, Tënë ayeke daa; Tënë ni ayeke na tere ti Nzapa si Tënë ni ayeke Nzapa. » (Jean 1:1). Na Lo tene, « Ayeke nzoni ndo avuru! Si ndo ni avuru. » (Tongonda ti aye 1:3). Lo sara aye kue. Na pekoni Lo lu Ndia.
« Na tënë ni aga zo, lo sara kodro na popo ti e; Tënë ni ayeke Nzapa. » (Jean 1:1, 14). Tongaso, Nzapa afa terê ti Lo na e tongana nyen? Lo fa terê ti Lo na e na lege ti amungo-yanga ti Lo. Nzapa ayeke Tënë na Lo fa terê ti Lo na e na lege ti amungo-yanga ti Lo. Nzapa ayeke Yingo. Na e yeke iri Mbeti ti Nzapa nyen? E yeke iri ni Tënë ti Nzapa.
Asu na mbeti na ndo so: « Ala do mungo-yanga ti Nzapa ala zia, na ala yeke bata gi andia ti akotara ti ala. » Asura 613 ayeke na ya ti Ndia ti Lo. Ala sara ye so, me ala sara ye so pepe, ala yekia babâ na mama ti ala, na atangani ti gue na ni. Na ya ti mbeti ti Awayango-sandaga, atene, alingbi wali asara ye tongaso, alingbi koli asara ye tongaso, aye so alingbi zo asara tongana mbeni nyama ti zo ati na ya ti du, na atangani ti gue na ni. Asura 613 tongana mara ni so ayeke na ya ti Ndia ti Lo.
Me ngbanga ti so ayeke tënë ti yanga ti zo pepe, ayeke nzoni e kiri e gbu li ti e daa fani mingi. Ayeke nzoni e ma yanga ti Nzapa, ataa so e lingbi pepe ti bata andia ti Lo ni kue, ayeke nzoni e hinga ni.
Mbeni tënë ti Nzapa oko so ayeke mbirimbiri pepe ayeke daa? Afarizien ado amungo-yanga ti Nzapa azia. Ala amu nengo na aye ti akotara na ahon amungo-yanga ti Nzapa. Atënë ti akangba ti ala ayeke na ngere ngangu ahon atënë ti Nzapa. Ayeke lani tongaso na ngoi so adu Jezu. Titene azo ahinga Tënë ti Nzapa pepe ayeke ye so Jezu ake ni mingi.
Nzapa amu na e asura 613 ti Ndia so ti fa na e so Lo yeke Taa-tënë, Lo yeke Nzapa ti e, ti na e nga ye so asiokpari na le ti Lo, nga ti fa na e so ye ti sioni oko ayeke na ya Lo pepe. Nilaa, ngbanga ti so e kue e yeke awasiokpari na le ti Lo, alingbi e ma na be na Jezu so Nzapa atokua Lo na e ndali ti ndoye ti Lo so Lo ndoye e mingi na alingbi e duti na lege ti mabe.
Azo ayeke zia Tënë ti Lo na mbage na ala so ama na be na ni pepe, ala yeke awasiokpari. Ceux qui ne peuvent pas garder Sa Parole sont aussi des pécheurs, mais c’est le péché ultime de mettre de côté Sa Parole. Ala so alingbi pepe ti bata tënë ti Lo, ala yeke nga awasiokpari, me siokpari so ahon ndoni ayeke ti zia tënë ti Lo. Ayeke azo so ayeke hunzi na le ti wâ. Ti ke ti ma na be ayeke siokpari na le ti Lo.
Nda ti Ndia so Nzapa amu na e
| Nzapa amu na e Ndia ndali ti nyen? |
| Titene e hinga asiokpari ti e na pono so ayeke ga na pekoni. |
Ndani nyen si Nzapa amu na e Ndia? Ayeke titene e hinga asiokpari ti e si e kiri na mbage ti Lo. Lo mu na e asura 613 ti Ndia so titene e hinga asiokpari ti e si e wara songo e na lege ti Jezu. Ndani so Nzapa amu na e Ndia laa.
Asu na Rome 3:20, « Andaa Ndia ayeke mu gi lege na zo ti hinga so lo sara siokpari awe. » E hinga so nda ti Ndia so Nzapa amu na e, ayeke ti gbu e na ngangu ti duti na lege ti batango Ndia ni pepe.
Tongaso, ye so e lingbi ti hinga na lege ti Ndia ayeke nyen? Ye so e lingbi ti hinga ayeke so, e yeke na ngangu pepe ti bata Ndia ni kue nzoni na nga e yeke awasiokpari na le ti Lo. Na nga ye so e hinga na lege ti asura 613 ti Ndia ti Lo ni ayeke nye? Amu na e lege ti hinga so e lingbi kue pepe, ngangu ti e alingbi pepe ti duti na lege ti batango Ndia ti Lo. E hinga so e azo so Lo sara e, e yeke na ngangu pepe. E hinga so e yeke awasiokpari na le ti Lo, na alingbi e kue e hunzi gigi ti e na le ti wa ti lakue lakue, alingbi na Ndia ti Lo.
So e hinga asiokpari ti e, nga e hinga so ngangu ti e alingbi pepe ti duti na lege ti Ndia ti Lo so, nyen laa e yeke sara nyen? Alingbi e gi lege ti kiri ti ga azo so alingbi kue? Ên en. Ye so alingbi e sara, ayeke ti yeda so e yeke awasiokpari, ti ma na be na Jezu titene azi e na ya ti asiokpari na lege ti songo so Lo soo e ti ngu na Yingo, na ti mu singila na Lo.
Nda ti Ndia so Lo mu na e ayeke titene e hinga asiokpari ti e nga na pono so ayeke ga na peko ti asiokpari ni so si e hinga e tene tongana Jezu ayeke daa pepe, e lingbi pepe titene asoo e na le ti wâ. Tongana e ma na be na Jezu tongana wasongo e, fade asoo e. Lo mu na e Ndia ti soo e.
Lo mu na e Ndia si e lingbi ti hinga so e yeke taa biani awasiokpari na ti soo fini ti e na ya siokpari. Lo mu na e Ndia na nga Lo tokua na e Jezu ti soo e. Lo tokua Molenge ti Lo wani ti zi asiokpari ti e na lege ti bateme ti Lo. Na e lingbi titene asoo e tongana e ma na be na Lo.
Alingbi e hinga so e yeke awasiokpari so mbeni ye titene e zia be ti e na ndö ni ayeke pepe, na alingbi e ma na be na Jezu si alingbi ti zi e na ya siokpari, si e kiri e ga amolenge ti Lo si e mu gonda na Nzapa.
Alingbi e ma ya ti Tënë ti Lo. Amungo-yanga kue alondo na Lo. Alingbi e tondani na Tënë ti Lo ti ma ya ti taa-tënë ti zingo e na ya ti asiokpari na lege ti Tënë ti lo. Alingbi e gbu li ti e si e fä ngbanga na lege ti Tënë ti Lo. So laa ayeke mabe so ayeke mbirimbiri si ayeke taa mabe.
Ye nyen laa ayeke na be ti zo?
| Ye nyen si e lingbi ti sara na gbe le ti Nzapa? |
| Alingbi e yeda na asiokpari ti e na e hunda na Nzapa ti soo e. |
Ayeke nzoni mabe atondani na lege ti Tënë ti Nzapa na ayeke nzoni e ma na be na Nzapa lege ti Tënë ti Lo. Tongaso pepe, fade e ti na ya ti ye so ayeke na legeni pepe. Fade aduti mbeni mango na be so ayeke na legeni pepe na ayeke taa mango na be pepe.
Na ngoi so afarizien na awafangango-Ndia abaa so, awamungo peko ti Jezu asukula maboko ti ala pepe si ayeke te na kobe, ala suku na ala. Tongana ala baa ye ni so kozoni na ya Tënë ti Nzapa, ka ala lingbi fade ti suku na ala pepe. Mbeti ti Nzapa atene, ye so alondo na gigi ali na ya da-kobe ti zo, me na be ti zo pepe, tongaso ye ni so alingbi pepe ti sara si zo ni aga sioni.
Tongana ti so asu na Marc 7:20-23: « Lo kiri lo tene: Ye so ayeke sigigi na ya ti zo laa asara si lo ga sioni. Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo, gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba. Asioni ye so kue alondo gi na ya ti zo si asara titene lo ga sioni. » Jezu atene azo ayeke awasiokpari ngbanga ti so ayeke du ala na asiokpari.
Mo hinga nda ti tënë so? Ayeke du e awasiokpari ngbanga ti so e yeke ahale ti Adam. Me e lingbi ti baa taa-tënë pepe ngbanga ti so e yeda na ni pepe, e ma na be na aTënë ti Lo kue pepe. Nyen laa ayeke na be ti zo?
E baa Marc 7 : 21-22 : « Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo, gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti gbogbolinda. » Aye so kue alondo na be ti zo si ayeke futi lo na tanga ti azo kue.
Abia atene: « Tongana mbi baa le ti nduzu, ye so maboko ti mo asara, tongana mbi baa nze na atongoro so mo zia ala kâ, mbi hunda terê ti mbi, mbi tene: Zo ayeke nyen titene mo dabe ti mo? Molenge ti zo ayeke nyen si tënë ti lo agbu be ti mo tongaso so? » (Abia 8:4-5).
Ngbanga ti nyen si lo ga Lo baa e? Lo ga lo baa e ngbanga ti so Lo ndoye e. Lo laa lo sara e, lo ndoye e na Lo baa mawa ti e, e awasiokpari. Lo zi asiokpari ti e kue na Lo sara si e ga amara ti Lo. « Lo ti kpo na kpo, Mve ti e, iri ti mo ayeke na gonda mingi na ndö ti sese kue! Pendere ti mo aza ahon pendere ti yayu! » (Abia 8:2). Gbia David ahe bia so na ya ti Ngbene Mbuki na ngoi so lo hinga lo tene fade Nzapa ayeke kiri ti ga Wasongo awasiokpari.
Na ya ti Fini Mbuki, bazangele Paul a tene nga gi oko tënë so. Ayeke mbeni ye so ahon gbungo-li mingi titene e so Nzapa asara e sarango e kiri e ga amolenge ti Lo. Ye ni so lo sara gi na lege ti ndoye so Lo ndoye e. So ayeke ndoye ti Nzapa.
Gingo lege ti duti gi na lege ti Ndia ti Nzapa ayeke mbeni dengo gaba na Nzapa. Ayeke nga mbeni gbungo-li so alondo na lege ti hingango ndo so atia e. Ayeke na legeni pepe ti duti nde na ndoye ti Lo na ti sara ngangu ti bata Ndia ti Lo na ti sambela. Ye so be ti Nzapa aye ayeke titene e hinga e tene e yeke awasiokpari na lege ti Ndia na ti ma na be na tënë ti zingo e na ya ti asiokpari na lege ti ngu na mênë (Yingo).
Asu tënë ti Lo na Marke 7:20-23: « Ye so ayeke sigigi na ya ti zo laa asara si lo ga sioni. Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo, gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti gbogbolinda. Aye so kue alondo gi na ya ti zo si asara titene lo ga sioni. »
Jezu atene ye so ayeke sigigi na ya ti azo, asiokpari so ayeke na ya ti azo laa ayeke futi ala. Kobe so Nzapa ayeke mu na e alingbi pepe ti sara si azo afuti. Aye kue so Nzapa aleke ayeke nzoni kue, me gi aye so ayeke sigidi na be ti zo, so ti tene asiokpari ti zo laa ayeke futi lo. E kue adu e ahale ti Adam. Tongaso, ayeke du e tongana nyen? Ayeke du e na amara ti siokpari baleoko na use.
Tongaso, e lingbi ti sara siokpari pepe? Fade e ngba lakue ti sara siokpari ngbanga ti so adu e na wasiokpari. E lingbi ti zia lege ti siokpari gi ngbanga ti so e hinga Ndia? E lingbi ti duti na batango amungo-yanga? Ên en.
Mingi tongana e tara ni, mingi ye ni akiri a ga ngangu. Ayeke nzoni e hinga so ye ni ahon ndö ti e na zia lege ni. Na pekoni, na lege ti sarango terê kete, e lingbi ti yeda na tënë ti bateme nga na mênë ti Jezu so ayeke soo e.
Asura 613 ti ya ti Ndia so ayeke mbirimbiri si nga ayeke na legeni. Me azo ayeke awasiokpari gi na ngoi so amu ngo ti ala na ya ti mama ti ala. Tongana e hinga so Ndia ti Nzapa ayeke mbirimbiri, me adu e awasiokpari so e lingbi laoko pepe ti ga mbirimbiri na ngangu ti e wani, e hinga nga so alingbi Nzapa abaa mawa ti e si Jezu asoo e na ya ti asiokpari ti e na lege ti ngu, mênë na Yingo. Tongana e hinga so ngangu ti e alingbi pepe, so e lingbi pepe ti duti azo ti mbirimbiri na ngangu ti e wani si e yeke gue na le ti wâ ndali ti asiokpari ti e, e lingbi gi ti zia be ti e na ndö ti Jezu ti zi e na ya ni.
Ayeke nzoni e hinga so, e lingbi pepe ti duti azo ti mbirimbiri wala nzoni na le ti Nzapa na ngangu ti e wani. Ndani laa alingbi e yeda so e yeke awasiokpari na le ti Nzapa si ndo ti e ayeke gi le ti wâ ti lakue lakue, si e lingbi ti sambela titene lo baa mawa ti e, « Nzapa, mbi voro mo ti soo mbi na ya ti asiokpari ti mbi, mo baa mawa ti mbi. » Tongaso, fade Nzapa atingbi na e biani na ya ti tënë ti Lo. Na lege so, Lo lingi ti zi e.
E ye ka ti baa sambela ti David so tongana Tënë ti Nzapa so asu ni. « Na ngobo so, fade azo ayeke baa so, mo yeke mbirimbiri na lege ti fango ngbanga ti mo; mbeni ye so zo ayeke ke na ya ti fango ngbanga ti mo ayeke daa pepe. » (Abia 51:6).
David ahinga so lo yeke na gbâ ti asiokpari so ayeke taa sioni mingi na alingbi titene lo gue na le ti wâ, me lo yeda na ni na gbe le ti Nzapa. « Tongana mo iri mbi wasiokpari, biani, mbi yeke wasiokpari ni; Tongana mo iri mbi zo ti mbirimbiri, biani, mbi yeke zo ti mbirimbiri ni; tongana mo soo mbi, fade asoo mbi; na tongana mo tokua mbi na le ti wâ, fade mbi hunzi na le ti wâ. »
So laa ayeke mabe so ayeke na lege ni. Ayeke tongaso laa asoo e. Alingbi dutingo ti e ayeke tongaso, tongana e zia be ti e so e yeke nduru ti ma na be na zingo so Jezu azi e na ya ti asiokpari.
Ayeke nzoni e Hinga taa Mbirimbiri Asiokpari ti e Ayeke aso wa
Ngbanga ti so e kue e yeke ahale ti Adam, e kue e yeke sara nzara ti aye na be ti e. Me tënë ti nyen laa Nzapa atene na e? Lo tene na e lo tene e sara lango sioni pepe. E yeke na nzara ti fango zo na be ti e, me tënë ti nyen laa Nzapa atene na e? E kue yeke ke ti ma yanga ti azo ti dungo e na be ti e, me atene na e ti yekia azo ti dungo e. Ayeke nzoni e hinga so atënë ti Lo kue ayeke mbirimbiri na ayeke nzoni na e hinga nga so e kue e yeke na siokpari na be ti e.
Ayeke na legeni wala ayeke na legeni pepe? Ayeke taa na legeni. Tongaso, nyen laa alingbi e sara na gbe le ti Nzapa? Ayeke nzoni e yeda so e yeke na agbâ ti asiokpari, e yeda so e yeke awasiokpari so mbeni ye titene e zia be ti e na ndö ni ayeke daa pepe. Ayeke na legeni pepe titene e tene na be ti e so biri e yeke mbirimbiri ngbanga ti so e sara ye ti mbirimbiri, si laso e ga awasiokpari ngbanga ti so e sara siokpari. Adu e gi awasiokpari. Ataa, e sara nyen, e yeke ngba lakue gi awasiokpari. Ndani laa, ayeke nzoni asoo e na lege ti bateme na mênë ti Jezu.
E yeke awasiokpari gi na lege ti asarango ye ti e pepe tongana lango sioni, fango zo, nzi na atangani ti gue na ni, me e yeke awasiokpari ngbanga ti so adu e gi awasiokpari. Adu e na amara ti siokpari baleoko na use. So si adu e gi awasiokpari na le ti Nzapa so, e lingbi pepe ti ga nzoni na lege ti ngangu ti e wani. E lingbi pepe ti tene, e yeke anzoni zo.
Adu e na agbungo-li so asisingo na fango zo, nzi na atanga ni. Tongana nyen si e lingbi ti tene e yeke mbirmbiri gi ngbanga ti so e sara asiokpari ni so biani pepe? Laoko pepe e lingbi ti ga mbirimbiri na le ti Nzapa na lege ti e wani. Tongana e tene e yeke mbirimbiri, so afa atene, sarango ye ti e ayeke nde na tënë ti yanga ti e. Jezu airi afarizien na awafango-ndia atene, « azo so tënë ti yanga ti ala ayeke nde na sarango ye ti ala. » Adu azo gi awasiokpari. Ala yeke sara siokpari na le ti Nzapa na ya ti gigi ti ala kue.
Zo kue so afa atene, lo tiri laoko pepe wala lo pika zo laoko pepe, wala ataa kete suwa ti mbeni zo kue lo nzi laoko pepe na ya ti gigi ti lo kue, lo yeke zo ti wataka, ngbanga ti so adu zo gi wasiokpari. Zo ni so ayeke zo ti mvene, lo yeke wasiokpari lo yeke nga zo so tënë ti yanga ti lo ayeke nde na sarango ye ti lo. Ayeke tongaso laa Nzapa ayeke baa lo.
Adu mo awasiokpari. Ataa mo sara mbeni ye so ayeke siokapri pepe, mo yeke gue na le ti wâ. Ataa so mo yeke bata andia kue nga na amungo-yanga ti Nzapa mingi, fade mo yeke gi wasiokpari so ndo ti mo ayeke gi na le ti wâ awe.
Tongaso, nyen laa mo lingbi ti sara le na le na ndo so mo yeke gue daa so? Ayeke nzoni e hunda titene Lo baa mawa ti e na e zia be ti e na ndö ti Lo titene lo soo e na ya ti siokpari ti e. Tongana Lo soo e pepe, e lingbi ti gue gi na le ti wâ. Ndo so ayeke ku e laa.
Azo so ayeda na tënë ti Lo ahinga nga so ala yeke biani ataa wasiokpari. Ala hinga nga so ala yeke azo ti mbirimbiri. Nilaa, ala hinga atene, ti gue yongoro na Tënë ti Lo ti hinga ni pepe ayeke siokpari. Azo so ayeda na tënë ti Lo ayeke azo ti mbirimbiri, ataa so ala yeke awasiokpari kozo. Adu ala ti fini ni na lege ti Tënë ti Lo si lo sara be-nzoni na ala. Ala yeke azo so tufa ayeke na li ti ala mingi.
Azo so atara titene Azi ala na ya ti Asiokpari na Lege ti Sarango ye ti Ala, ala Ngba gi Awasiokpari
| Azo so angba awasiokpari ataa so ala ma na be na Jezu ayeke azo wa? |
| Ala so atara titene azi ala na ya ti asiokpari na lege ti asarango ye ti ala wani |
E asa Galate 3:10 na 11: « Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: Deba aga na li ti zo so asara ye pepe alingbi na atënë kue ti ya ti mbeti ti Ndia! Si nga zo oko alingbi ti ga mbirimbiri pepe na le ti Nzapa na lege ti Ndia. Mbeti ti Nzapa atene: Zo ti mbirimbiri ayeke ngba na fini na lege ti mabe. »
Atene, deba aga na li ti zo so asara ye pepe alingbi na atënë kue ti ya ti mbeti ti Ndia! Azo so ama na be na Jezu, me ala yeke tara ti ga mbirimbiri na lege ti sarango aye ti ala, deba ayeke na li ti ala. Azo so ayeke gi lege ti ga mbirimbiri na lege ti sarango aye ti ala ayeke na ndo wa? Ala yeke na gbe ti deba ti Nzapa.
Nzapa amu na e Ndia ngbanga ti nyen? Lo mu na e Ndia ti tene e hinga asiokpari ti e (Rome 3:20). Ayeke titene e hinga so e yeke awasiokpari biani so ndo ti e ayeke gi le ti wâ.
Ayeke nzoni mo ma na be na bateme ti Jezu, molenge ti Nzapa si adu mo ti fini ni na lege ti ngu na Yingo. Tongaso fade asoo mo na ya ti asiokpari ti mo, fade mo ga zo ti mbirimbiri, fade mo wara fini ti lakue lakue si mo gue na yayu. Ayeke nzoni mo wara mabe na ya ti be ti mo.
Siokpari ti Mbana so Ahon Atangani Kue na ndö ti sese
| Siokpari ti mbana so ahon atangani kue ayeke nyen? |
| Gingo lege ti duti na batango Ndia. |
Mbeni ye so ayeke na ngere ngangu ahon mango na be na Nzapa ayeke daa pepe. E wara tufa ti Nzapa na lege ti mango na be na tufa ti Lo. Lo mu yanga ti Lo ti soo azo so ama na be na Tënë ti Lo.
Me laso, na popo ti awamabe, mingi atara ti duti na lege ti batango Ndia ti Lo. Mingi ti awamabe ayeke tongaso. Ayeke ye ti gonda mingi ti tara ti duti na lege ti batango Ndia, me ayeke sara ni tongana nyen?
Ayeke nzoni e hinga so gingo lege ti duti na batango Ndia ti Lo ayeke sarango ye ti gbogbolinda. Mingi e yeke tara ni, mingi akiri aga ngangu. Lo tene: « Tongaso, mabe aga na lege ti tënë so e yeke ma ni, tënë so e yeke ma ni alondo na tënë ti Kriste » (Rome 10:17). Ayeke nzoni e zia baba ti e si asoo e.
Ayeke Nzoni E zia lege ti Andia ti e Wani si ASoo e
| Alingbi e sara nyen si asoo e? |
| Ayeke nzoni e zia lege ti andia ti e wani. |
Alingbi ti soo zo tongana nyen? Ayeke gi na lege so zo ni ahinga atene lo yeke wasiokpari. Azo mingi asoo ala pepe ngbanga ti so ala lingbi pepe ti zia amango na be ti ala nga na agingo titene asoo ala na lege so ayeke nzoni pepe.
Nzapa atene azo kue so akanga terê ti ala gi na Ndia ayeke azo so deba ayeke na li ti ala. Ala so abaa atene ala lingbi ti ga mbirimbiri yeke yeke na ngbango na lege ti mango na be na Jezu nga na tarango ni ti duti na batango Ndia ti Lo, deba ti Lo ayeke na li ti ala. Ala ma na be na Nzapa, me ala gbu li ti ala lakue ti duti na lege ti batango Ndia si asoo ala.
Andeko ti mbi, e lingbi ti ga mbirimbiri na lege ti akua ti e tongana e ngba lakue na gigi e? E ga mbirimbiri gi na mango na be na Tënë ti Jezu na ayeke gi na ndembe so laa azi e na ya ti asiokpari ti e. Ayeke gi na mango na be na bateme ti Jezu, na mênë ti Lo, na nga ti ma na be so Jezu ayeke Nzapa si azi e na ya ti asiokpari ti e.
Ndani laa, Nzapa aleke na e Ndia ti mabe, so ayeke mbeni lege ti gango mbirimbiri. Zingo zo na ya ti siokpari na lege ti ngu na Yingo aluti pepe na ndö ti akua so azo asara ni, me aluti na ndö ti mango na be na Tënë ti Nzapa. Na Nzapa azi e na ya ti asiokpari ndali ti mabe so. Ayeke tongaso laa Nzapa aleke gere ni si Lo sara ni ahunzi.
Ngbanga ti nyen si ala so ama na be na Jezu azi ala na ya ti asiokpari pepe? Ngbanga ti so ala ke ti yeda na tënë ti zingo zo na ya ti asiokpari na lege ti ngu na Yingo. Me e so e yeke nga nzoni kue pepe tongana na ala so, azi e na ya ti asiokpari ndali ti so e ma na be na tënë ti Nzapa.
« Awali use so ayeke pika le ti kobe na ya ti kpu oko, fade amu mbeni oko na azia oko. » (Matthieu 24 : 41). Lo so ngba afa zo so ade ti zi lo na ya ti asiokpari pepe. Ngbanga ti nyen si fade amu mbeni oko na azia oko?
Ngbanga ti so oko ni ama tënë ti Nzapa na lo ma na be na tënë ni. Lo so lo sara kua ngangu ti bata Ndia, abi lo na le ti wâ na ndani. Lo tara ti hara ngbii ti si na Nzapa, me Nzapa ayengere lo tongana ti so e yeke yengere mbeni kete nyama so ayeke gi lege ti hara na ndö ti gere ti e. Tongana mbeni zo atara ti hara ngbii ti si na Nzapa na gingo lege ti bata Ndia, fade abi lo na le ti wâ biani na kite pepe.
Ndani laa, ayeke nzoni azi e na ya ti asiokpari na lege ti mango na be na tënë ti ngu na Yingo.
« Ngbanga ti azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: Deba aga na li ti zo so asara ye pepe alingbi na atënë kue ti ya ti mbeti ti Ndia! » « Zo oko alingbi ti ga mbirimbiri pepe na le ti Nzapa na lege ti Ndia. Ye ni ayeke polele ngbanga ti so atene: Zo ti mbirimbiri ayeke ngba na fini na lege ti mabe. » (Galate 3:10-11, Rome 1:17).
Ti ma na be pepe na Tënë ti Nzapa ayeke mbeni siokpari na le ti Lo. Na ndoni kue, ti zia tënë ti Nzapa na mbage na lege ti andia ti e wani ayeke nga mbeni siokpari. E, azo e lingbi pepe ti duti na lege ti batango Ndia ti Lo, ngbanga ti so ayeke du e gi awasiokpari. Na e yeke ngba lakue ti sara siokpari na ya ti gigi ti e kue. E yeke sara siokpari kete na mbage ge, kete na mbage ka, na ndo kue so e yeke gue daa. Ayeke nzoni e hinga so mi-terê ti e alingbi pepe ti zia lege ti siokpari.
Zo ayeke tongana puru ti anyama so asi ya ti mbeni ta. Tongana e tara ti yô ni ti hon na ni, e yeke tuku puru ni so na ndö ti lege. E yeke tongaso. E yeke tuku siokpari na ndo kue so e gue daa. Mo lingbi ti baa limo ni na gbungo li daa?
Fade mo ngba ti baa terê ti mo tongana zo so ayeke nzoni kue? Tongana mo lingbi ti baa terë ti mo nzoni, fade mo zia agingo lege so mo yeke gi ni senge senge ti ga nzoni kue so, si mo ma na be na ngu na mênë ti Jezu.
Ayeke nzoni e zia lege ti kpengbango li ti e na e yeda so e yeke awasiokpari na le ti Nzapa. Na pekoni ayeke nzoni e kiri na ndö Tënë ti Lo ti gi ti hinga tongana nyen laa Lo soo e na ngu na Yingo.
Tënë ti fango so ayeke nga na lege ti ebook. Zi na ndo ti foto ti mbeti so na gbe.
Tënë ti fango so ayeke nga na lege ti ebook. Zi na ndo ti foto ti mbeti so na gbe.
![AKIRI ADU MO BIANI NA LEGE TI NGU NA YINGO AWE? [Fini lekengo]](../../upload/book/AkiriadumobianinalegetingunaYingoaweD.jpg)
Copyright © 2021 by The New Life Mission
