[3-1] Zingo Azo na ya ti Siokpari Biani biani (Jean 8 : 1-12)

 

 

Asiokpari so Jezu asukula ayeke oke?

Asiokpari kue ti dunia

 

Jezu azi e na ya ti asiokpari biani biani. Alingbi ti soo zo oko oko tongana lo ma na be na Jezu tongana wasongo lo. Lo zi e kue na ya asiokpari. Tongana mbeni wasiokpari angba ti baa pasi ndali ti asiokpari ti lo, ayeke ngbanga ti so lo hinga pepe tongana nyen si Jezu azi lo yamba na ya ti asiokpari ti lo kue na lege ti bateme ti Lo.

Ayeke nzoni e kue e hinga sekele ti songo so asoo e na kuâ, na e ma na be na ni. Jezu ayô asiokpari ti e kue na lege ti bateme ti Lo, Lo yô ngbanga ti e ndali ti asiokpari ti e si Lo kui na ndö keke ti kulusu.

Ayeke nzoni mo ma na be na tënë ti songo e na kuâ na lege ti ngu na Yingo, tënë ti zingo azo na ya ti asiokpari biani biani. Ayeke nzoni mo ma na be na kota ndoye ti lo so asara si mo ga zo ti mbirimbiri awe. Ayeke nzoni mo ma na be na ye so lo sara ti soo na mo na ngu ti Jurden nga na ngö keke ti kulusu.

Jezu ahinga nga asiokpari ti e kue so ahonde. Ambeni zo ayeke daa so ahinga ye so ayeke siokpari nzoni pepe. Na gbungo li ti ala, ala baa atene ambeni siokpari ayeke daa so alingbi ti zi ala na ya ni pepe. Jezu azi azo oko oko kue na ya asiokpari ti ala.

Mbeni siokpari na ya ti dunia so Lo zi ni pepe ayeke daa pepe. Ngbanga ti so Lo zi asiokpari kue ti dunia so, mbeni wasiokpari ayeke daa mbeni pepe. Mo hinga nzoni sango so azi asiokpari ti mo kue, ataa asiokpari so mo yeke sara ni kekereke awe? Zia si mo ma na be na ni si asoo mo! Ayeke nzoni mo kiri na ya gonda ti Nzapa.

 

 

 

Azo oke na dunia so angba ti sara lango sioni?

Azo kue

 

Na ya ti Jean 8, atene tënë ti wali so agbu lo na lango sioni. E baa lege so Jezu asoo na lo. E ye ti wara be-nzoni so lo wara ni so. Tënë so atene: azo kue ayeke sara lango sioni na ya ti gigi so, ayeke na legeni ayeke ziango mbeni tënë na ndö ni pepe. Zo oko oko ayeke sara lango sioni biani.

Tongana zo abaa atene ayeke ni pepe, ayeke ndali ti so e yeke sara ka ni fani mingi, nilaa zo abaa atene ayeke sara ni pepe. Ngbanga ti nyen? Ngbanga ti so lango sioni ayeke na ya ti fini ti e.

Na bango wali so, mbi yeke hunda terê ti mbi, mbeni zo so asara lango sioni pepe ayeke na popo ti e? Mbeni zo oko so asara lango sioni pepe ayeke na popo ti e pepe, e yeke tongana wali so agbu na lango sioni so. E kue e yeke sara gi ye baa mo tene e yeke tongaso pepe.

Mo baa mo tene tënë ti mbi ayeke na legeni pepe? Ên en, mbi handa terê ti mbi pepe. Ayeke nzoni e baa ndo na ya ti be ti e kpo. Zo oko oko na ndö ti sese so asara ni awe. E yeke sara lango sioni na bango awali na ndö ti lege, na ya ti gbungo-li ti e nga na sarango ni, na ngoi kue, na ndo kue.

E yeke hinga pepe e tene e yeke sara ni. Gbâ ti azo ahinga pepe atene ala sara lango sioni fani mingi na ya ti gigi ti ala gi na lango ti kuâ ti ala. Ayeke taa-tënë gi ndali ti azo so agbu ala na lango sioni pepe, me ndali ti e kue so agbu e na ni laoko pepe nga. Azo kue ayeke sara ni na ya ti li ti ala nga na sarango ni. Ayeke ye so ayeke na ya ti fini ti e pepe?

Tënë so aso be ti mo? Ayeke taa-tënë. E yeke kanga gi ndö ni ngbanga ti so asara nzoni na e pepe. Na bango ndo ti mbi, azo ti laso ayeke kai ti sara lango sioni pepe, me ala hinga pepe atene ala yeke sara ni.

E yeke sara nga lango sioni na ya yingo. E so Nzapa asara e, e yeke duti na ndö ti sese, me e hinga laoko pepe e tene e yeke sara lango sioni na ya ti zizini ti e. Vorongo ambeni nzapa nde ayeke lango sioni na ya ti yingo, ngbanga ti so Mve ti e oko laa ayeke koli ti azo kue.

Wali so agbu lo na lango sioni so ayeke mbeni zo so ayeke na mi-terê tongana e nga kue, me Nzapa asara be-nzoni na lo tongana e kue so azi e na ya ti asiokpari. Afarizien so tënë ti yanga ti ala ayeke nde na sarango ye ti ala azia wali so taa na popo ti ala, ala kpo lo na li ti maboko baa mo tene ala yeke awafango-ngbanga si ala yeke nduru ti bo lo na tênë. Ala ye ti sara si lo ga ye ti he na ti fä ngbanga na li ti lo baa mo tene ala wani ayeke nzoni mingi, baa mo tene ala sara lango sioni laoko pepe.

A-ita awamungo peko ti Kriste, ala so ahinga atene ala yeke agbâ ti siokpari, ala yeke fâ ngbanga pepe na ndö amba ti ala na gbe le ti Nzapa. Me ngbanga ti so ala hinga atene ala nga kue ayeke awasarango lango sioni na ya ti gigi ti ala kue, ala wara be-nzoni ti Nzapa so azi e kue na ya ti asiokpari. Gi azo so ahinga atene ala yeke awasiokpari so ayeke sara lango sioni lakue, ala so laa na le ti Nzapa, ala lingbi titene azi ala na ya ti asiokpari.

 

 

 

Ayeke zo so ayeke sara lango sioni pepe na ya ti dutingo ti lo laa awara be-nzoni ti Nzapa wala zo so akpa ti wara ni pepe? Zo so ayeda atene lo yeke taa wasiokpari, ayeke lo laa lo yeke wara be-nzoni mingi ti zingo lo na ya ti asiokpari. Ala so alingbi pepe ti mu maboko na ala wani, ala so awoko si mbeni ye so ala lingbi sara ayeke daa pepe, ala so laa Nzapa ayeke laa ayeke wara zingo ala na ya ti asiokpari. Ala so laa ayeke na ya ti be-nzoni Lo.

 

Zo wa laa Nzapa ayeke sara be-nzoni na lo?

Azo so akpa pepe

 

Ala so abaa terê ti ala atene ala sara siokpari pepe, alingbi ti zi ala na ya ti asiokpari pepe. Ka so ala yeke na mbeni ye pepe so alingbi ti zi ala na ya ni so, fade asara be-nzoni ti lo ti zingo ala na ya ti asiokpari ni tongana nyen?

Awafango-Ndia na afarizien agboto wali so agbu lo na lango sioni so aga na lo na gbe le ti Jezu, ala zia lo taa na popo ti ala si ala tene: « Wafango-ye, e wara wali so, lo yeke sara lango sioni na koli ti mba ti lo. Ka mo, mo tene ti mo nyen? Ala ga na wali so na Jezu ti tara na Jezu ngbanga ti nyen? »

Ala wani kue, ala sara lango sioni fani mingi, me ala ye ti fâ ngbanga na li ti wali ni si ti fâ lo na mungo maboko ti Jezu na ti gi lege ti bi tënë ni na li ti Jezu.

Jezu ahinga ye so ayeke na be ti ala, lo hinga nga ye kue na ndö ti wali ni. Nilaa lo tene: « Na popo ti ala so, zo so asara siokpari oko pepe, ayeke nzoni lo mu tênë, lo bo na wali ni kozoni. » Tingaso, awafango-Ndia na afarizien, atonda ni na ambakoro ti si na amaseka, ala hon oko oko si angba gi Jezu na wali ni.

Ala so ahon so ayeke awafango-Ndia na afarizien, amakonzi ti da-Nzapa. Ala ye ti fâ ngbanga na li ti wali so agbu la na lango sioni so, baa mo tene ala wani ala yeke awasiokpari pepe.

Jezu atombela ti ndoye ti Lo na azo ti sese so. Jezu amu kobe ti tengo na azo, Lo zingo akuâ, Lo kiri na fini ti molenge ti wali-muan, Lo zingo Lazare, Lo zi buruma ti azo, Lo sara aye ti kpene ndali ti awayere. Lo zi asiokpari kue ti awasiokpari si lo soo ala.

Jezu andoye e. Lo yeke kota wangangu so lo lingbi ti sara ye kue, me awafango-Ndia na afarizien abaa lo tongana wato ti ala. Ndani laa ala ga na wali ni na Lo si ala tara Lo.

Ala tene: « Moize amu ando yanga na e na ya ti Ndia titene e bo amara ti wali tongaso na tênë. Me ti mo, mo tene nyen? ». Ala baa ti ala atene, lo yeke tene na ala ti bo wali ni na tênë. me ngbanga ti nyen? Tongana ayeke titene e fâ ngbanga na lege ni so asu na ya ti Ndia ti Nzapa, azo kue so asara lango sioni, fade abo ala kue afâ ala, ayeke zia zo oko pepe.

Alingbi abo azo kue si nga ala kue ayeke gue na le ti wâ. Futa ti siokpari ayeke kuâ. Me Jezu atene na ala pepe ti bo lo na tênë, me Lo tene: « Na popo ti ala, zo so asara siokpari oko pepe, ayeke nzoni lo mu tênë, lo bo na wali ni kozi. »

 

Nzapa amu na e asura 613 ti Ndia ngbanga ti nyen?

Titene e hinga e tene e yeke awasiokpari.

 

Ndia aga na ngonzo. Nzapa ayeke nzoni kue si Ndia ti lo nga ayeke nzoni kue. Ndia ti lo so ayeke nzoni kue so, asi na e na lege ti asura 613. Ndani so Nzapa amu na e asura 613 ti Ndia so. ayeke titene e hinga e tene e yeke awasiokpari, e yeke azo so ayeke nzoni kue pepe. So ayeke fa na e atene, ayeke nzoni e baa gi be-nzoni ti Lo titene lo zi e na ya ti asiokpari. Tongana e hinga ni pepe si e baa gi ye so asu na mbeti (Gere ti Ndia so asu), alingbi abo e na tênë tongana wali so agbu lo na lango sioni so.

Awafango-Ndia na afarizien so ahinga taa-tënë na ndö ti Ndia pepe abaa ti ala atene ayeke nzoni abo wali ni na tênë na alingbi ti duti e nga, alingbi abo e na tênë. Zo wa laa alingbi ti bo wali so ayeke nga na ngangu ti sara mbeni ye pepe so? Ataa so agbu lo na ndö ti lango sioni, mbeni zo oko na gigi so alingbi ti bo lo na tênë ayeke daa pepe.

Tongana ayeke ti fâ ngbanga na ndö ti wali so nga na ndö ti azo oko oko na popo ti e gi na lege ti Ndia pko, fade e nga e wara ngbanga so amu mbeto tongana wali so. Me Jezu asoo e, e so e yeke awasiokpari na ya ti asiokpari ti e nga na ya ti ngbanga ti mbirimbiri. Na asiokpari ti e kue so, tongana afâ ngbanga alingbi na Ndia ti Nzapa, zo wa laa fade ngba na fini na popo ti e? Fade zo oko oko na popo ti e ahunzi na le ti wâ.

Me awafango-Ndia na afarizien ahinga Ndia gi tongana ti so asu ni. Tongana fade asara gi ye so Ndia ni ahunda na legeni, ka Ndia ni afâ ala fade biani tongana zo so ala fâ ngbanga na li ti lo. Ti baa ni, amu Ndia ti Nzapa na azo titene ala hinga asikpari ti ala, me azo a baa pasi ngbanga ti so ala hinga ni nzoni pepe si ala sara na kua na legeni pepe.

Afarizien ti laso legeoko na aafarizien ti Mbeti ti Nzapa ahinga Ndia gi tongana ti so asu ni. Ayeke nzoni ala hinga be-nzoni, fango ngbanga nga na taa-tënë ti Nzapa. Ayeke nzoni ala hinga nzoni sango ti zingo azo na ya ti asiokpari si asoo ala.

Afarizien atene: « Ndia amu na e lege ti bo amara ti wali tongaso; ka ti mo, mo tene nyen? » Ala yeke hunda ndo na atênë na maboko ti ala na gingo be pepe. Be ti ala ado pepe ngbanga ti so na gbungo li ti ala, Jezu ayeke wara mbeni tënë ti tenemgo na ndoni pepe. Ala ku titene Jezu amene le ti yango ti ala ni.

Tongana Jezu afâ ngbanga alingbi na Ndia, fade ala bo lo nga na tënë. Ye so ala yeke gi ayeke ti bo ala use kue. Tongana Jezu atene abo wali ni na tênë pepe, ala yeke tene Jezu ake Ndia ti Nzapa si fade ala bo lo ndali ti zongango Nzapa. So sioni mango terê ti nyen!

Me Jezu azuku si asu mbeti na sese na li ti maboko ti lo, na ndembe so ala ngba ti hunda na lo tënë « Mo tene nyen? Nyen laa mo yeke su na sese? Mo kiri gi tënë na hundango ndo ti e. Nyen laa mo tene ti mo? » Ala kpo Jezu na li ti maboko si ala ngba ti mu wâ na lo.

Jezu alondo si atene, zo so ayeke na siokpari pepe na popo ti ala, ayeke nzoni lo mu tênë, lo bo na wali ni kozo. Na pekoni lo zuku lo ngba ti su mbeti na sese. Na ndembe ni so, ala so ama tënë ti lo, gbungo-li ti ala abi tënë na ti ala si ala hon oko oko, atondani na ambakoro ngbii asi na ndangba zo. Jezu angba gi lo oko na wali ni so aluti na nduzu na gbe le ti lo.

 

 

 

Asu asiokpari na ndo wa?

Na ndö meza ti be ti e nga na ya Buku ti akua

 

Jezu atene na ala: « Na popo ti ala, zo so ayeke na siokpari pepe, ayeke nzoni lo mu tênë, lo bo na wali ni kozo! » na lo kiri lo zuku si lo yeke su mbeti na sese. Na pekoni ala tonda ti hon oko oko, atonda ni na ambakoro. Afarizien so ayeke ambakoro so asara siokpari mingi ahon kozo. Amaseka nga ahon. E lingbi ti gbu li ti e, tongana Jezu ayeke na popo ti e laso si e nguru terê ti wali ni. Tongana Jezu atene, na popo ti ala, zo so ayeke na siokpari pepe, ayeke nzoni lo mu tênë, lo bo na wali ni kozo, nyen laa mo yeke sara?

Nyen laa Jezu asu na sese? Nzapa so asara e, ayeke su asiokpari ti e na ando nde nde use. 

Kozoni, lo su asiokpari ti e na ndö meza ti be ti e.

« Asu siokpari ti azo ti Juda legeoko tongaso na ndö ti be ti ala nga na terë ti adidi ti agbalakaa ti ala. » (Jérémie 17:1).

Nzapa ayeke sara tënë na e, na lege ti azo ti Juda. Asu asiokpari ti azo na mbeni wen ti sungo mbeti, na mbeni ponde ti diaman. Asu ni na ndö ti meza ti be ti e. Jezu a zuku si asu mbeti na sese atene azo ayeke awasiokpari.

Nzapa ahinga atene e yeke sara siokpari si lo yeke su asiokpari ti e ni na ndö meza ti be ti e. Kozoni, lo yeke bata aye so e yeke sara, asiokpari so e yeke sara ngbanga ti so le na le na Ndia, e woko. So si abata asiokpari ti e na ndö ti meza ti be ti e so, e hinga e tene e yeke awasiokpari na ndembe so e bi le ti e na ndö ti Ndia. Ngbanga ti so Lo bata ni na be ti e nga na ya ti gbungo-li ti e, e hinga e tene e yeke awasiokpari na le ti Lo.

Jezu a zuku ti fani use ti su mbeti na sese. Mbeti ti Nzapa atene asiokpari ti e kue abata ni na ya Buku ti aKua na gbe le ti Nzapa (Aye so Nzapa afa 20:12). Iri ti zo na asiokpari ti lo asu ni na ya buku so. Asu ni nga na ndö meza ti be ti zo ni. Asu asiokpari ti e fani use na ya ti Buku ti akua nga na ndö meza ti be ti e.

Asu asiokpari na ndö meza ti be ti zo oko oko, maseka wala kangba. Ndani laa ala yeke na ye oko ti tenengo ni pepe na ndö ti siokpari ti ala ni na gbe le ti Jezu. Azo so agi lege ti bo wali so na tênë a yeke na ngangu pepe le na le na atënë ti Lo.

 

Na ngoi so abata asiokpari ti e na ando use so, lâ wa laa ambô ni?

Na ndembe so e yeda na ya ti be ti e na tënë ti zingo so Jezu azi e na ya ti siokpai na lege ti ngu na mênë.

 

Me na ndembe so asoo mo, asiokpari ti mo kue so ayeke na ya ti Buku ti akua ambô ni si asu iri ti mo na ya ti Buku ti Fini. Ala so iri ti ala a yeke na ya ti Buku ti Fini, ala yeke gue na yayu. Anzoni ye, aye so ala sara na dunia ndali ti kodro-gbia ti Nzapa na sarango aye ti mbirimbiri ti Lo, asu ni nga na ya ti Buku ti Fini so. Akamata ala na yayu. Ala so azi ala na ya ti asiokpari ti ala, ala li na kodro ti kpo na kpo.

Asiokpari ti azo kue, asu ni na ando use. Zo oko a lingbi ti handa Nzapa pepe. Mbeni zo so siokpari ayeke na be ti lo pepe wala asara lango sioni na be ti lo pepe ayeke daa pepe. E kue e yeke awasiokpari e yeke nga nzoni kue pepe.

Azo so a yeda pepe na be ti ala na zingo so Jezu azi ala na ya ti asiokpari, ala lingbi gi ti baa pasi ti asiokpari ti ala. Ala mu be ti ala na Nzapa pepe. Mbeto ti Nzapa asara ala, mbeto asara ala na le ti Nzapa nga na le ti amba ti ala ndali ti asiokpari ti ala. Me na ndembe so ala yeda na ya ti be ti ala na nzoni sango ti zingo azo na ya ti asiokpari na lege ti ngu nga na Yingo, asiokpari kue so abata ni na ndö meza ti be ti ala nga na ya ti buku ti akua so, ambô ni. Azi ala na ya ti asiokpari ti ala kue.

Buku ti Fini ayeke na yayu. Azo so ama na be na zingo ala na ya ti siokpari na lege ti ngu na Yingo, asu iri ti ala na ya ti buku ni, na fade ala li na yayu. Ayeke pepe ngbanga ti so ala yeke na siokpari na ndö ti dunia so pepe si ala yeke li na yayu, me ngbanga ti so azi ala yamba na ya ti asiokpari ti ala na lege ti mango na be zingo azo na ya ti siokpari na lege ti ngu na Yingo. So ayeke « ndia ti mabe » (Rome 3:27).

Andeko ti mbi awamungo peko ti Kriste, awafango-ndia na afarizien ayeke awasiokpari tongana na wali so agbu lo na lango sioni so.

Na sarango ye ti ala, ala sara siokpari mingi, ngbanga ti so ala yeke handa terê ti ala wani si ala yeke fa atene ala yeke awasiokpari pepe. Amakunzi ti ada-nzapa ayeke azo ti nzi so amu na ala lege polele ti nzi. Ala yeke azo ti nzingo azizini, azo ti nzingo fini ti azo. Mbeto asara ala pepe ti fa ye na atanga ti azo na ngobo so azo ni ayeke yeda na ni, ataa so ala wani ade ti zi ala na ya ti asiokpari ti ala pepe..

Na lege ti Ndia, mbeni zo so asara siokpari pepe ayeke daa pepe. Me ayeke pepe ngbanga ti so zo asara siokpari pepe si lo ga mbirimbiri, ayeke ngbanga ti so azi lo na ya ti asiokpari ti lo kue si nga asu iri ti lo na ya ti buku ti fini. Ngangu ye ni, ayeke so asu iri ti lo na ya ti buku ti fini. Azo alingbi pepe ti sara siokpari pepe na ya ti gigi ti ala, alingbi azi ala na ya ni.

Akamata mo na paradis wala akamata mo pepe, so ayeke gi na mo ti ma na be wala ti ma na be ti mo pepe. Mo wara be-nzoni ti Nzapa wala mo wara ni pepe, so ayeke gi na mo ti yeda na songo so Jezu asoo mo. Nyen laa asi na wali so agbu lo na lango sioni so? Lo ngba na ndo so, lo kanga le ti lo, ngbanga ti so lo hinga lo tene lo yeke kui gi kuingo. Lo yeke toto na mbeto na nga lo yeke fa peko ti siokpari ti lo. Azo a yeke ga azo ti sarango ye na legeni na terê ti ala wani tongana ala baa kuâ.

« Oo, Nzapa, ayeke na legeni titene mbi kui. Mbi voro mo, mo kamata fini ti mbi na ya ti maboko ti mo, mo baa mawa ti mbi. Mbi voro mo, baa mawa ti mbi, Jezu » Lo voro Jezu ti sara na lo ndoye ti zingo asiokpari ti lo. « Nzapa tongana mo fä ngbanga na li ti mbi, ayeke fâ ngbanga na li ti mbi, me tongana mo tene mbi yeke na siokpari pepe, fade ambô siokpari ti mbi. Tënë ni ayeke gi na maboko ti mo. » Na kite pepe, lo tene atënë so kue. Ye kue ayeke gi na maboko ti Jezu.

Wali so aga na lo na Jezu so, lo tene pepe: « Mbi sara ye na lege ni pepe, mbi voro mo, mo mbô siokpari ti lango sioni ti mbi. » Me lo tene: « Mbi voro mo, soo mbi na ya asiokpari ti mbi. Tongana mo zi asiokpari ti mbi, fade asoo mbi. Tongaso pepe, fade mbi gue na le ti wâ. Mbi ye titene mo zi mbi na ya ti asiokpari ti mbi. Mbi ye ti wara ndoye ti Nzapa na nga mbi ye titene lo baa mawa ti mbi. » Lo kanga le ti lo na lo fa peko ti asiokapri ti lo.

Jezu ahunda lo: « Azo so abi tënë na li ti mo so, ala yeke na ndo wa? Zo oko afâ ngbanga na li ti mo pepe? » Lo kiri tënë: « Ên en, Mve ti mbi. »

Jezu atene na lo: « Mbi nga mbi fâ ngbanga na li ti mo pepe. » Jezu afâ ngbanga na li ti lo pepe, ngbanga ti so lo yo asiokpari ti lo kue awe na lege ti bateme ti lo na ngu ti Jurden na azi lo na ya ti asiokpari awe. Ti fadeso, ayeke Jezu laa alingbi afâ ngbanga na li ti lo ndali ti siokpari ti wali ni, me wali ni pepe.

 

 

 

Jezu afâ ngbanga na li ti lo?

Ên en

 

Wali so awara tufa na lege ti songo so Jezu asoo lo. Azi lo na ya ti asiokpari ti lo kue. Mve ti e Jezu atene lo zi e na ya ti asokpari ti e kue, tongaso, e kue e ga mbirimbiri awe.

Lo tene tënë so na e na ya ti Mbeti ti Nzapa. Jezu azi asiokpari ti e na lege ti bateme ti lo na ngu ti Jurden, na pekoni Lo kui na ndö keke ti kulusu ti futa asiokpari ti e ni. Lo tene na e avuru tarara so Lo zi azo kue so ama na be na zingo so Lo zi azo na ya ti asiokpari na lege ti bateme ti Lo nga na lege ti ngbanga so afâ na li ti Lo na ndö keke ti kulusu. E kue e yeke na nzara ti wara atënë ti Jezu so asu na mbeti na ti sara ye alingbi na tënë ni. Tongaso si fade e wara tufa na lege ti zingo so Lo zi e na ya ti asiokpari ti e.

« Nzapa, mbi lingbi kete pepe na gbe le Mo. Mbi yeke na matabisi oko pepe. Mbi yeke na mbeni ye nde ti fa na Mo pepe, gi asiokpari ti mbi awe. Me mbi hinga mbi tene Jezu ayeke Mve ti zingo asiokpari ti mbi. Lo zi asiokpari ti mbi na ngu ti Jurden na lo mbô ni kue na ndö keke ti kulusu. Lo mbô asiokpari ti mbi kue na lege ti bateme ti Lo nga na mênë ti Lo. Mbi ma na be na Mo, Mve ti mbi. »

Ayeke tongaso laa asoo mo. Jezu « afâ ngbanga » na li ti e pepe. Azo so ama na be na zingo ala na ya ti siokpari na lege ti ngu na Yingo, Lo mu na ngangu na ti ga ambirimbiri molenge ti Nzapa.

Andeko ti mbi! Azi wali ni na ya siokpari ti lo. Wali so agbu lo na lango sioni so awara tufa na lege ti zingo siokpari ti lo na gbe le ti Jezu. E nga kue e lingbi ti wara tufa tongana wali so. Zo kue so ahinga siokpari ti lo si ahunda na Nzapa ti baa mawa ti lo, zo kue so ama na be na zingo asiokpari ti lo na lege ti ngu na Yingo ti Jezu, awara tufa ti zingo so Nzapa azi lo. Azo so ayeda na siokpari ti ala na le ti Nzapa alingbi ti zi ala na ya ti sokpari ti ala, Zo so ayeke sara siokpari si ahinga peko ti asiokpari ti lo wani pepe alingbi ti wara tufa na lege ti zingo asiokpari ti lo pepe.

Mbi zi asiokpari ti dunia awe (Jean 1 : 29). Wasiokpari kue, alingbi ti zi lo na ya ti siokpari, tongana lo ma na be na Jezu. Jezu atene na wali ni: « Mbi nga mbi fâ ngbanga na li ti mo pepe. » Jezu atene lo fâ ngbanga na li ti lo pepe, ngbanga ti so asiokpari ti lo kue aga ti Jezu awe, Lo mu asiokpari ti e kue na li ti Lo na alingbi Lo yô ngbanga ti e. 

 

 

 

Nyen laa ayeke kota? Ndoye ti Nzapa wala fango ngbanga ti Nzapa?

Ndoye ti Nzapa

 

Afarizien na atênë na maboko na azo ti li ti avorongo Nzapa ti laso, ala baa ti ala Ndia gi tongana ti so asu ni. Ala baa atene, ngbanga ti so Ndia atene na e ti sara lango sioni pepe, zo so a sara ni, alingbi abo lo na tënë afâ lo. Na gbungo li ti ala, ala tene, tongana na Ndia atene na e ti sara lango sioni pepe, zo so asara ni, alingbi abo lo na tënë afâ lo. Ala yeke baa awali na nzara ni, me ala yeke sara ye baa mo tene ala sara lango sioni pepe. Alingbi pepe ti zi ala na ya ni, alingbi nga pepe ti soo ala. Afarizien na awafango-Ndia a yeke azo ti fango lege na azo na dunia so. Ala laa Jezu airi ala pepe. Tënë so Lo tene « Mbi nga mbi fâ ngbanga na li ti mo pepe » so, azo so ama ni laoko pepe.

Gi wali so agbu lo na lango sioni so oko laa ama atënë so amu ngia so. Tongana ala honde na Lo siokpari ti ala pepe, ala lingbi ti wara tufa tongana wali so. « Nzapa, mbi yeke sara lango sioni na ya ti gigi ti mbi kue. Akpa baa mo tene mbi sara ni pepe gi ngbanga ti so mbi yeke sara ni lakue. Mbi yeke sara siokpari fani mingi na ya ti lango oko oko. »

Tongana na e luti na gbe le ti Ndia si e yeda so e yeke awasiokpari so alingbi na kui si nga e luti le ne le na Nzapa na mvene pepe si e hinga terê gi tongana so e yeke na e tene: « Nzapa, mbi yeke gi tongaso. Mo soo mbi, mbi voro mo. » Fade Nzapa asara tufa ndö ti e na lege ti zingo e na ya ti siokpari ti e.

Ndoye ti Jezu, nzoni sango ti ngu na ti Yingo aso benda na ndö ti fango ngbanga ti mbirimbiri ti Nzapa. « Mbi nga mbi fâ ngbanga na ndö ti mo pepe. » Lo fâ ngbanga na ndö ti e pepe si lo tene: « Azi mo na ya ti siokpari awe ». Mve ti e Jezu a yeke Nzapa ti bango mawa ti azo. Lo zi e na ya ti asiokpari kue ti dunia.

Nzapa ti e ayeke Nzapa ti sarango ye ti mbirimbiri nga na Nzapa ti ndoye. Ndoye ti ngu na Yingo a yeke kota ahon fango ngbanga ti Lo.

 

 

 

Lo zi e kue na ya ti asiokpari ngbanga ti nyen?

Ngbanga ti so ndoye ti Lo ahon fango ngbanga ti Lo

 

Tongana Nzapa afâ gi ngbanga ti Lo titene sarango ye ti mbirimbiri ti Lo abaa gigi kue, fade Lo fâ ngbanga na li ti awasiokpari kue si lo tokua ala na le ti wâ. Me ngbanga ti so ndoye ti Jezu so a yeke soo e na ya ti ngbanga akono mingi, nilaa Nzapa atokua Molenge ti Lo ngengele oko, Jezu. Jezu ayô asiokpari ti e kue si afâ ngbanga ti mbirimbiri na li ti Lo ndali ti e kue. Nilaa, fadeso, azo kue so ama na be na Jezu tongana Wasongo ala, ala ga amolenge ti Lo nga na azo so ayeke mbirimbiri. Ngbanga ti so ndoye ti Lo ahon fango ngbanga ti Lo, nilaa lo zi e kue na ya ti asiokpari.

Ayeke nzoni e mu singila na Nzapa so ayeke fâ ngbanga na li ti e pepe gi na lege ti mbirimbiri ti Lo oko. Tongana so Jezu atene na awafango-ndia, afarizien na awamungo peko ti lo, Nzapa aye sarango be-nzoni na hingango Lo, me asandaga ti e pepe. Ambeni zo ayeke fâ wali-bagara wala wali-ngasa lakue, ala yâ ni na Nzapa si ala yeke sambela atene: « Nzapa, mo zi tënë ti asiokpari ti mbi ti lango oko oko. » Nzapa aye asandaga ti e pepe, me ye so lo ye ayeke ti ma na be na tënë ti zingo e na ya ti asiokpari na lege ti ngu na Yingo. Lo ye si azi e na ya ti asiokpari nga si e duti yamba. Lo ye ti mu na e ndoye ti Lo si nga ti yeda na mabe ti e. Ala kue alingbi ti baa ye so? Jezu a mu na e songo e.

Jezu ake siokapri, me lo yeke na ndoye so ahon ndoni ndali ti azo so asara ala na limo ti Nzapa. Lo leke na be ti Lo kozo na tongo nda ti angoi ti sara si e ga amolenge ti Lo, nilaa Lo mbô asiokpari ti e kue na lege ti bateme ti Lo nga na mêně ti Lo. Nzapa asara e ti zi e na ya ti asiokpari, titene e yu Jezu tongana bongo na terê ti e na ti sara si e ga amolenge ti Lo. So ndoye ti Lo na mbage ti e, e azo so lo sara e laa.

Tongana Nzapa afâ ngbanga na li ti e alingbi gi na Ndia ti Lo so ayeke mbirimbiri, e, awasiokpari, fade e yeke kui kue. Me Lo zi e yamba na lege ti bateme nga na fango ngbanga na li ti molenge ti Lo na keke ti kulusu. Mo ma na be na ni? E ye peko ni na ya ti Ngbene Mbuki.

 

 

 

Zo wa laa amu asiokpari ti Israël ti zia na li ti koli-ngasa so angba fini na iri ti Israël?

Kota wayango-sangaga

 

Ambô asiokapri kue ti azo na lege ti ziango maboko na ya ti Ngbene Mbuki nga na lege ti bateme na ya ti Fini Mbuki. Na ya ti Ngbene Mbuki, ambô asiokpari kue ti Israël ti ngu oko oko na lege ti kota wayango-sandaga so azia maboko ti lo na li ti koli-ngasa so mbeni ye ti terê ti lo abuba pepe.

« Aaron ayeke zia maboko ti lo use kue na li ti koli-ngasa ni, lo yeke diko na li ti ngasa ni asioni so kue azo ti Israel asara, ngangu li ti ala kue nga na siokpari ti ala kue si lo yeke zia ni kue na li ti ngasa ni. Na pekoni, lo yeke tokua ngasa ni na benyama si mbeni koli so a soro lo ayeke mu lo ti gue na lo. » (Awayango-sandaga 16 : 21).

Ayeke na lege so laa ayeke mbô asiokpari na tango ti Ngbene Mbuki. Titene azi mo zo na ya ti asiokpari ti lango oko oko, alingbi aga na mbeni kete koli-taba wala koli-ngasa so mbei ye ti terê ti lo abuba pepe na da ti bongo so Nzapa ayeke tingbi na azo daa si ayâ ni na ndö ti gbalaka. Zo ni azia maboko ti lo use kue na li ti nyama ni ti tokua asiokpari ti lo na li ti nyama ni. Na pekoni, afä nyama ni si wayango-sandaga afi mênë ti lo na ndö ti adidi ti gbalaka.

Didi osio ayeke na ndangoro ti gbalaka ni. Adidi so afa Buku ti akua so asara tënë ni na ya ti mbeti ti Aye so Nzapa afa 20:12. Tanga ti mênë ni atuku ni nga na sese. Sese afa be ti zo, ngbanga ti so sese laa amu si asara na zo. Ayeke na lege so laa azo ayeke mbô asiokpari ti ala ti lango oko oko.

Me ala lingbi pepe ti mu sandaga lakue lakue. Ndani laa Nzapa amu na ala lege ti zi asiokpari gi fani oko na ya ti ngu oko oko. Ayeke na lango baleoko ni ti nze mbarambara ni, Lango ti Mbongo asiokpari. Lango ni so, zo so ayeke sara kua na iri ti azo ti Israel kue, kota wayango-sandaga aga na akoli-ngasa use si lo zia maboko ti lo use kue na li ti angasa ni ti tokua asiokpari ti amara ni kue na li ti angasa ni. Na pekoni lo yâ ala na Nzapa ti zi na asiokpari ti amara ti Israël ni.

« Aaron ayeke zia maboko ti lo use kue na li ti koli-ngasa ni, lo yeke diko na li ti ngasa ni asioni so kue azo ti Israel asara, ngangu li ti ala kue nga na siokpari ti ala kue si lo yeke zia ni kue na li ti ngasa ni. Na pekoni, lo yeke tokua ngasa ni na benyama si mbeni koli so a soro lo ayeke mu lo ti gue na lo. » (Awayango-sandaga 16:21)

Nzapa asoro Aaron tongana kota wayango-sandaga ti Israel. Titene fade azo oko oko kue azia maboko na li ti anyama ti ala oko oko kue, ye ni ayeke tongaso pepe. Gi kota wayango-sandaga ni so ayeke sara kua na iri ti azo ni kue, lo oko laa lo zia maboko na li ti mbeni koli-ngasa so angba na fini ti zi na asiokpari ti azo ni ti ya ti ngu oko.

Na ziango maboko ni, lo diko asiokpari kue ti Isarael na gbe le ti Nzapa lo tene: « Nzapa, amolenge ti Mo Israel asara asiokpari. E voro ayanda, e pika ya ti asura kue ti Ndia ti Mo, e di iri ti mo senge senge, e sara ambeni yanda so e ndoye ala ahon Mo. E bata lango ti layenga pepe, e yekia azo ti dungo e pepe, e fâ zo, e sara lango sioni, e nzi.... E mu terê ti e na sarango kota be na terê ti amba ti e si nga e papa na amba ti e. »

Lo diko asiokpari ni kue. « Nzapa, amara ti Israel na mbi nga e lingbi pepe ti bata mbeni mungo-yanga ti Ndia ti Mo oko pepe. Titene azi e na ya ti asiokpari ti e kue, mbi zia maboko ti mbi na li ti koli-ngasa so ti tokua asiokpari so kue na li ti lo. » Kota wayango-sandaga ni azia maboko na li ti nyama ni ndali ti azo ti Israel kue si lo tokua asiokpairi ni kue na li ti nyama ni. Ziango maboko, ndani atene « ti hon » (Awayango-sandaga 1:1-4, 16:20-21).

 

Ayeke mbô asiokpari na tango ti Ngene Mbuki tongana nyen?

Na lege ti ziango maboko na li ti nyama ti sandaga ndali ti siokpari.

 

Nzapa amu na amara ti Israel matanga ti yango sandaga ndali ti siokpari, tongaso si ala lingbi ti tokua asiokpari ti ala kue na li ti anyama si azi ala na ya ni. Lo tene alingbi nyama ti sandaga ni mbeni ye ti terê ti lo abuba pepe, alingbi azia maboko na li ti nyama ni ndali ti asiokpari ti amara ti Israel kue na nga alingbi nyama ti sandaga ni awara kuâ so mbeni zo alingbi fade ti wara ni. 

Na lango ti Mbongo asiokpari ni, afâ nyama ni si amu mênë ni ague na ni na ndo so abata ni nde si afi ni lege mbarambara na ndö yanga ti sanduku ti mbuki. Ayeke tongaso laa amara ti Israel ayeke mbô asiokpari ti ala kue ti ya ti ngu oko, na lango baleoko ni ti nze mbarambara ni.

Kota wayango-sandaga ali gi lo oko na ndo so abata ni nde ti yâ sandaga ni. Me azo ni abongbi terê na gigi si ala yeke ma go ti aye so asara na lôro so ayeke toto na ayanga ti yongoro bongo ti kota wayango-sandaga ni. Aye ni so ayeke toto fani mbarambara na ndembe so lo yeke fi mênë ni na ndö ti ye ti kangango na sanduku ti mbuki. Na ndembe ni so, terê ti azo ni anzere ngbanga ti so ambô asiokpari ti ala kue awe. Totongo ti aye so asara na lôro so ayeke totongo ti nzoni sango so ayeke mu ngia na be.

Ambeni zo ayeke tene, Jezu andoye gi ambeni zo si lo yeke zi gi ala ni so na ya ti siokpari ti ala. Tënë so ayeke taa-tene pepe. Jezu azi asiokpari kue ti azo gi fani oko awe na lege ti bateme ti Lo. Lo ye ti zi e na kuâ gi fani oko awe. Alingbi ti mbô asiokpari ti e lakue lakue pepe, ambô ni kue gi fani oko awe.

Na ya ti Ngbene Mbuki, ayeke mbô siokpari na lege ti ziango maboko nga na yango sandaga ndali ti asiokpari. Aaron azia maboko na li ti koli-ngasa so angba na fini na le ti azo ti Israel kue, lo diko asiokpari kue so azo ni asara na ya ti ngu ni. Lo tokua asiokpari ni na li ti koli-ngasa ni na le ti azo kue. Asiokpari ti amara ni ayeke ndo wa? Atokua ni kue na li ti nyama ni.

Na pekoni, « mbeni koli so alingbi na ni » ague na koli-ngasa ni na yando. Koli-ngasa ni so na asiokpari ti Israel kue na ti lo, ague na lo na yando so ngu ayeke daa pepe, pere a yeke daa pepe. Koli-ngasa ni afono na yando na gbe ti lâ so asu ngangu si na ndani lo kui. Koli-ngasa ni a kui ndali ti asiokpari kue ti Israel.

So laa ayeke ndoye ti Nzapa, ndoye ti zingo azo na ya ti asiokpari. Ayeke tongaso laa, na tango ni so, ayeke mbô asiokpari ti ya ti ngu oko oko. Me e yeke na ngoi ti Fini Mbuki. Ahon ngu saki use awe so Jezu a zu na ya ti dunia ti e.. Lo ga na lo sara si nda yanga ti Lo so ayeke na ya ti Ngbene Mbuki aga taa-tënë. Lo ga si lo zi e na ya ti asiokpari ti e kue.

 

 

 

Nda ti « Jezu » ayeke nyen?

Wasongo azo so fade asoo azo ti Lo na ya ti asiokpari ti ala

 

E diko Matthieu 1:20-21: 

« Na ndembe so lo ngba ti gbu li ti lo, mbeni ngelu ti Mve ti e asi na lo na ya ti bango-li si atene na lo: Josefe, molenge ti David, mo sara mbeto ti mu wali ti mo Mari pepe, ngbanga ti so molenge so ayeke na ya ti lo aga na lege ti Yingo-Vuru. Lo yeke du ande molenge-koli so fade mo yeke di iri ti lo Jezus, ngbanga ti so lo laa lo yeke soo azo ti lo na ya ti asiokpari ti ala. » (Matthieu 1:20-21).

Babâ ti e so a yeke na yayu amu terê ti Mari na kiri. Lo mu terê ti Mari so ade ti hinga koli pepe titene Lo tokua molenge ti Lo na dunia ti zi asiokpari ti azo kue. Lo tokua mbeni ngelu na Mari si ngelu ni atene na lo: « Mo baa, mo yeke mu ngo si mo yeke du mbeni molenge ti koli, mo yeke di iri ti lo Jezu. » So ti fa atene molenge ti Mari ni ayeke ga Wasongo azo. Jezu-Kriste, ndani atene Lo so fade lo soo azo ti lo, na tenengo ni nde, Lo yeke Wasongo azo.

Ngbobo so Jezu azi na asiokpari kue ti dunia ayeke na lege ti bateme ti lo na Jurden. Jean-Batiste asara bateme na Lo si atokua asiokpari kue ti dunia na li ti Lo. E diko Matthieu 3:13-17.

« Tongaso Jezu alondo na Galile, lo ga na yanga ti ngu ti Jurden na terê ti Jean titene Jean asara bateme na lo. Me Jean aye ti ke. Lo tene na Jezu: Mo laa mo lingbi fade ti sara bateme na mbi. Tongana nyen laa mo kiri, mo ga titene mbi sara bateme na mo so? Me Jezu akiri tënë na lo: Ti fadeso, ayeke nzoni e sara tongaso si e lingbi ti sara ye kue so ayeke mbirimbiri na le ti Nzapa. Tongaso Jean ayeda. Gi so Jezu awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana mbipa si aga na ndö ti lo. Mbeni go alondo na yayu si atene: So ayeke Molenge ti mbi so mbi ye lo mingi, be ti mbi anzere na lo mingi. »

Jezu a gue na terê ti Jean-Batiste ti zi e na ya ti asiokpari ti e kue.

Lo li na ya ti ngu ni lo ba li ti lo na gbe ti Jean-Batiste, lo tene « Jean, mo sara bateme na mbi fadeso. Alingbi na ni titene e sara ye ti mbirimbiri kue. Ngbanga ti so ayeke ti mbi ti mu asiokpari ti azo kue si nga ti zi awasiokpari kue na ya ti asiokpari ti ala, ayeke nzoni mo sara bateme na mbi fadeso. »

Ayeke tongaso laa alingbi e sara ye ti mbirimbiri kue. Jean-Batiste asara bateme na Jezu Gi na ndembe ni so, mbirimbiri ti Nzapa so a zi e na ya ti asiokpari ti e kue abaa gigi.

Ayeke tongaso laa Lo zi asiokpari ti e kue. Asiokpari ti mo kue nga atokua ni na li ti Jezu. Mo ma ya ni?

Ayeke nzoni mo ma na be na zingo e na ya ti asiokpari na lege ti bateme ti Jezu nga na Yingo si asoo mo.

 

Asara ye ti mbirimbiri kue tongana nyen?

Na lege ti bateme ti Jezu

 

Nzapa aje kozoni na Israel atene fade ambô asiokpari ti azo ti Israel kue na lege ti ziango maboko nga na yango sandaga ndali ti siokpari. Me lege ayeke pepe titene azo kue azia maboko ti ala oko oko na li ti koli-ngasa ni. Nilaa Nzapa azia Aaron nde tongana kota wayango-sandaga si lo lingbi ti yâ sandaga ndali ti amara ti Israel kue. Tongaso, lo tokua asiokpari ti ngu oko oko na li ti nyama ni gi fani oko awe. So ayeke ndara yi Lo nga na ngangu ti zingo azo na ya ti siokpari. Nzapa ayeke wandara nga lo yeke sara ye so ahon gbungo li.

Lo tokua Molenge ti lo Jezu ti soo azo ti dunia ti e so. Sandaga ti siokpari ni a yeke nduru. Fadeso, alingbi awara mbeni zo ti sarango kua na iri ti azo kue ti dunia, mbeni zo so fade azia maboko ti lo use kue na li ti Jezu si atokua asiokpari ti dunia kue na li ti Lo. Zo ni ayeke Jean-Batiste. Na ya ti Matthieu 11 : 11, Nzapa atokua zo ti sarango kua na iri ti azo kue na gbe le ti Jezu.

Zo ni so ayeke Jean-Batiste, ndangba kota wayango-sandaga ti azo. Na ya ti Matthieu 11:11, e lingbi diko tënë so: « Mbi tene na ala taa-tënë, na popo ti azo so kue awali adu ala, mbeni oko so ayeke kota ahon Jean-Batiste ayeke daa pepe. » Lo oko laa lo yeke sara kua na iri ti azo ti sese. Lo tokua Jean tongana zo ti sarango kua na iri ti azo ti sese kue titene lo sara bateme na Jezu si lo mu na lo asiokpari ti azo ti sese kue.

Tongana azo ngundangu miombe so ayeke na ndö ti sese na ndembe so aga kue legeoko na terê ti Jezu titene zo oko oko kue azia maboko ti lo na li ti Jezu ti mu na Jezu asiokpari ti lo, nyen laa fade asi na li ti Jezu ni? Tongana azo so ahon ngundangu miombe azia maboko ti ala na li ti Jezu, fade a duti mbeni pendere ye ti ngia! Ala so terê ti ala a nzere, fade ala pete li ti Lo ni na ngangu titene lo ga li-mbombo. Nzapa na lege ti ndara ti Lo, asoro Jean ti duti zo ti sarango kua na iri ti e si lo mu asiokpari ti azo kue na Jezu gi fani oko awe.

Asu na ya ti Matthieu 3:13: « Tongaso Jezu alondo na Galile, lo ga na yanga ti ngu ti Jurden na terê ti Jean titene Jean asara bateme na lo. » Ayeke na ndembe so Jezu awara ngu baleota. Afâ lo na ganza lango miombe na peko ti dungo Lo. Aye so Lo sara ngbii si Lo wara ngu baleota, zo ahinga ni mingi pepe.

Ndani so alingbi Jezu awara ngu baleota si lo ga kota wayango-sandaga ti yayu ayeke ti sara ye so Ngbene Mbuki atene. Na ya ti mbeti ti Ndia ti fani use, Nzapa atene na Moize lo tene, ayeke nzoni kota wayango-sandaga awara ngu baleota si lo mu kua ni. Jezu ayeke kota wayango-sandaga ti yayu. Mo ma na be na ni?

Ayeke diko na ya ti Fini Mbuki na Matthieu 3:13-14: « Tongaso Jésus alondo na Galile, lo ga na yanga ti ngu ti Jurden na terê ti Jean titene Jean asara bateme na lo. Me Jean aye ti ke: Mo laa mo lingbi fade ti sara bateme na mbi. Tongana nyen laa mo kiri, mo ga titene mbi sara bateme na mo so! » Zo wa laa ayeke sara kua na iri ti azo ti sese? Jean Wasarango bateme. Si nga zo wa laa ayeke sara kua na iri ti yayu? Jezu so ayeke Kriste. Azo use so ayeke sara kua na iri ti amba ti ala a tingbi terê. Tongaso, zo waa laa ayeke na nduzu mingi? Ayeke gi lo so ayeke sara kua na iri ti yayu.

Ayeke tongaso laa Jean-Batiste so ayeke na mbeto pepe ti dekongo na li ti azo ti li ti abongbi ti vorongo Nzapa na ngoi ni so si lo tene: « Amara ti asioni ngbo, ala zia ngbene lege ti sarango ye ti ala! », lo laa lo kiri lo sara terê ti lo kete na gbe le ti Jezu. « Mbi laa mbi ye titene mo sara bateme na mbi, me mo laa mo kiri mo ga na mbi! »

Na ndo so, Jezu akiri tënë na lo: « Mo zia e sara ni fadeso, ngbanga ti so ayeke nzoni e sara ye kue so ayeke mbirimbiri tongaso. » Jezu aga na sese ti sara ye ti mbirimbiri ti Nzapa si lo sara ni na ndembe so Jean-Batiste asara bateme na Lo.

« Tongaso Jean ado sese na lo mbeni pepe. Gi so Jezu awara bateme awe, lo sigigi na ya ti ngu ni. Mo ye ti baa, yanga ti yayu azi, lo baa Yingo ti Nzapa so azu tongana mbipa si aga na ndö ti lo. Mbeni go alondo na yayu si atene: So ayeke Molenge ti mbi so mbi ye lo mingi, be ti mbi anzere na lo mingi. »

So ayeke ye so asi na ndembe ti bateme ti Jezu. Ayanga ti yayu azi na ndembe so Jean-Batiste asara bateme na Jezu si amu asiokpari ti azo kue ahon na ni.

« Ngbene ye na ndembe so Jean-Batiste atonda ti fango tënë ti Nzapa ngbii asi laso, azo ayeke mu Kodro-gbia ti yayu gi na ngangu; gi azo ti sarango ye na ngangu laa ayeke mu ni. » (Matthieu 11 : 12).

Awayanga-Nzapa na Ndia ti Nzapa afa nda yanga ti Nzapa ngbii asi na Jean-Batiste. « Ngbene ye na ndembe so Jean-Batiste atonda ti fango tënë ti Nzapa ngbii asi laso, azo ayeke mu Kodro-gbia ti yayu gi na ngangu; gi azo ti sarango ye na ngangu laa ayeke mu ni. » Azo kue so ama na be na bateme ti lo, ala lingbi ti li na Kodro-Gbia ti yayu, mbeni oko a yeke ngba pepe.

 

 

 

Afâ ngbanga na li ti Jezu na ndö keke ti kulusu ngbanga ti nyen?

Ngbanga ti so lo zi asiokpari ti e kue.

 

Jean-Baptiste asara bateme na Jezu si Jezu amu asiokpari ti azo ti sese kue ahon na ni. A gue ngbii, Lo tene na wali so agbu lo na lango sioni so lo tene: « Mbi nga kue mbi fâ ngbanga na li ti mo pepe. » Lo fâ ngbanga na li wali ni pepe, ngbanga ti so lo mu asiokpari ti azo ti sese kue na ngu ti Jurden, nilaa gi Jezu laa alingbi afâ ngbanga na li ti lo ndali ti asiokpari ni so, me wali ni pepe. 

Jezu ambô asiokpari ti azo ti sese kue. Na e lingbi ti baa mbeto ti songo terê so fade Lo hon na ya ni na ndö keke ti kulusu, ngbanga ti so: « futa ti siokpari ayeke kui. » (Rome 6:23). Lo gue daa ti sambela Nzapa fani ota na ndö hoto ti a-olive titene Lo zi ngbanga so. Jezu ayeke na mi-terê ti zo, nilaa ayeke na legeni titene Lo sara mbeto ti songo terê. Alingbi mênë ti Jezu ayuru si fângo ngbanga ni abaa gigi.

Legeoko tongana ti so alingbi mênë ti anyama ti sandaga ti Ngbene Mbuki ayuru ti futa na asiokpari so, alingbi ayâ Lo nga na ndö keke ti kulusu. Lo zi asiokpari kue ti dunia awe, nilaa fade so alingbi Lo mu fini ti lo ndali ti zingo e na ya ti asiokpari. Lo hinga lo tene alingbi afâ ngbanga na li ti Lo na le ti Nzapa.

Jezu ayeke na siokpari oko na ya ti be Lo pepe. Me ngabanga ti so atokua asiokpari kue na li ti Lo awe na lege ti bateme ti Lo, Alingbi Nzapa afâ ngbanga fadeso na li ti molenge ti Lo wani. Tongaso, kozoni, sarango ye ti mbirir ti Nzapa abaa gigi si ti use ni, Lo mu na e ndoye ti Lo ti soo na e. Alingbi afâ ngbanga na li ti Jezu na ndö keke ti kulusu.

« Mbi nga mbi bi tënë na li ti mo pepe, mbi nga kue mbi fâ ngbanga na li ti mo pepe. » Asiokpari ti e kue so e sara na be ti e wala so e sara na be ti e pepe, asiokpari so e hinga pekoni wala so e hinga pekoni pepe, alingbi Nzapa afâ ngbanga ni.

Nzapa afâ ngbanga na li ti e pepe, me Lo fâ ngbanga na li ti Jezu so amu asiokpari ti e kue na li ti Lo na lege ti bateme ti Lo. Nzapa aye pepe ti fâ ngbanga na li ti awasiokpari ndali ti ndoye ti Lo nga ndali ti mawa ti ala so Lo baa. Bateme na mênë ti Lo na ndö keke ti kulusu afa ndoye ti Lo so azi e na ya ti asiokpari. « Biani, Nzapa adoye dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.» (Jean 3 : 16).

Ayeke tongaso laa e hinga ndoye ti lo. Jezu afâ ngbanga na li ti wali ni so agbu la na lango sioni so pepe.

Wali ni ahinga atene lo yeke wasiokpari, ngbanga ti agbu lo nderere na sarango lango sioni. Lo yeke na siokpari gi na be ti lo pepe, lo yeke na ni nga na ya ti mi-terê ti lo. Lege so lo lingbi ti bere tënë ti asiokpari ti lo ayeke daa pepe. Me ngbanga ti so lo ma na be so Jezu ambô asiokpari ti lo kue awe, nilaa asoo lo. Tongana e ma na be na zingo so Jezu azi e na ya ti asiokpari ti e kue, fade asoo e. Mo ma na be na ni! Ayeke ndali ti nzoni ti e.

 

Azo wa laa wsara tufa mingi?

Azo so ayeke na siokpari pepe

 

Azo kue ayeke sara siokpari. Azo kue ayeke sara lango sioni. Me afâ ngbanga na li ti azo kue ndali ti siokpari ti ala pepe. E kue e sara siokpari, me ala so ama na be na zingo so Jezu-Kriste azi ala na ya ti asiokpari ti ala, siokpari ayeke na ya ti be ti ala pepe. Zo so ama na be na songo so Jezu asoo lo na kuâ ayeke na ngia mingi. Azo so ayeke na ngia mingi ayeke ala so azi ala na ya ti asiokpari ti ala kue.

Nzapa atene tënë ti nzoni duti ti zo so Nzapa abaa lo tongana zo ti mbirimbiri na ya ti Rome 4:7: « Ti ala nzoni, ala so Nzapa azi tënë ti sioni na li ti ala awe, ala so lo zi siokpari ti ala awe! » E kue e yeke sara siokpari ngbii e kui na ni. Na le ti Nzapa, e yeke azo ti kpengo lo pepe si nga e yeke nzoni kue pepe. E ngba lakue ti sara siokpari, ataa so e hinga tënë ti Ndia ti Lo. E woko ahon ndoni.

Me Nzapa azi e yamba na lege ti bateme nga na mênë ti molenge ti Lo ngengele oko si Lo tene na mo na mbi atene, e yeke awasiokpari mbeni pepe si nga e yeke mbirimbiri fadeso na le ti Lo. Lo tene na e Lo tene e yeke amolenge ti Lo.

Nzoni sango ti ngu na Yingo ayeke nzoni sango ti zingo e na ya ti asiokpari ti e. Mo ma na be na ni? Azo so ama a be, Lo baa ala tongana azo ti mbirimbiri. Zo wa laa ayeke na ngia mingi na gigi ti lo? Zo so ama na be na Jezu si azi lo yamba. Azi mo yamba awe?

Jezu agirisa ti mu asiokpari ti mo? Ên en, Lo mu asiokpari ti mo oko oko kue na lege ti bateme ti Lo. Mo ma na be na ni! Mo ma na be si azi mo na ya ti asiokpari ti mo kue.

 

 

 

Asiokpari so Jezu azi ayeke oke?

Asiokpari kue ti dunia.

 

E diko ni na ya ti Jean 1:29, « Lango oko na pekoni, Jean abaa Jezu so ayeke ga na mbage ti lo si lo tene: Baa, Kete Taba ti Nzapa so ayeke zi siokpari na li ti dunia laa » (Jean 1 : 29).

« Baa, Kete Taba ti Nzapa so ayeke zi siokpari na li ti dunia laa! »

Jean-Batiste amu asiokpari kue ti azo ti dunia atokua na li ti Jezu na ya ti ngu ti Jurden. Na ndo ahan ni, Jean-Batiste afa kambisa ni atene Jezu ayeke kete taba ti Nzapa so amu asiokpari kue ti dunia ahon na ni. Lo mu asiokpari kue ti dunia na ndö ti go ti Lo.

Asiokpari kue ti dunia aye titene asiokpari kue so azo asara na dunia so ngbene ye so Nzapa asara dunia ngbii asi na hunzingo ti dunia. Ahon ngu saki use awe so Jezu azi asiokpari kue ti dunia si Lo zi e na ya ni. Tongana kete taba ti Nzapa, Lo mu asiokpari kue si afâ ngbanga na li ti Lo ndali ti e.

Asiokpari kue so e, azo e sara ni, amu ni azia na li ti Jezu awe. Nilaa, Lo ga Kete taba ti Nzapa so amu asiokpari kue ti dunia.

Jezu aga na sese tongana Wasongo azo, Lo so fade asoo awasiokpari kue ti dunia. E yeke sara siokpari ngbanga ti so e yeke azo so awoko, e yeke asioni zo, e hinga ye pepe, e ne terë ti e pepe na nga ngbanga ti so e lingbi kue pepe. Asiokpari so kue a tokua ni na li ti Jezu na ndembe ti bateme ti Lo na ya ti ngu ti Jurden. Lo miro aye kue na lege ti kui ti mi-terë ti Lo na ndö Keke ti kulusu. Alu Lo, me Lo zingo na kuâ lango ota na pekoni.

Tongana Wasongo awasiokpari kue, tongana walombe, tongana wafangbo-ngbanga, ti fadeso, Lo duti na koti ti Nzapa. Ayeke ti lo ti ngba lakue gi ti zi e na ya ti asiokpari ni lakue lakue pepe. Fini ti lakue lakue ayeke ku ala so ama na be, si nga kui ayeke ku ala so ama na be pepe. Mbeni ye ti sorongo ni ayeke daa pepe.

Jezu azi mo yamba awe. Mo yeke zo so aduti na ngia mingi na dunia so. Asiokpari so kue so fade mo sara ni kekereke ndali ti wokongo ti mo, Lo mu ni kue awe.

Ambeni siokpari angba na be ti mo? — Ên en —

Jezu amu ni kue? — Nilaa! Lo sara ni —

Azo kue ayeke gi oko. Mbeni zo so ayeke nzoni kue ahon mba ti lo ayeke daa pepe. Me ngbanga ti so azo mingi aye ti fa gi na le ti azo atene ala yeke nzoni, ala baa atene ala yeke awasiokpari pepe, Andaa ti taa-tënë ni ala kue nga ayeke awasiokpari. Dunia so ayeke tongana mbeni ndo so ayeke sara yaka ti asiokpari daa.

Tongana awali ayeke sigigi na da ti ala ti hon, ala yeke zia mbamba ti bengba na poro ti yanga ti ala, ala yeke tuku fuku ti yambo na le ti ala, ala yeke zia aye ti baba na kuâ ti li ala, ala yeke yu apendere bongo, ala yeke yu aporo so gbe ti gere ni ayo na nduzu... Akoli nga ayeke gue na ndo ti azo ti fango kuâ ti li ti fâ li ti ala, ala yeke sukula terë ti ala, ala yeke nduru yanga ti anduzu bongo ti ala so avuru nzoni na ya ti pantalon, ala kanga go ti ala na kamba so akpa balaka so asigigi fini fini na ala kpaka mbamba na terê ti aporo ti ala titene aza zango.

Me ataa so na le ti azo, ala kpa gi amolenge ti agbia, na be ti ala kâ, ala yeke gi asioni zende.

Nginza ayeke mu dutingo nzoni na zo? Seni ayeke mu na zo dutingo nzoni? Ên en. Gi zingo zo na ya ti siokpari laa amu dutingo nzoni na azo. Ataa so azo abaa mbeni zo na le ti ala tongana zo so aduti nzoni, lo yeke zo ti mawa tongana lo yeke na asiokpari na be ti lo. Mara ti zo tongaso aduti na mbeto ti ngbanga so ayeke ga.

Zo so azi lo na ya ti asiokpari ayeke na mbeto pepe tongana molenge ti bamara, ataa so lo yu gi asurungo bongo. Siokpari oko ayeke na be ti lo pepe. « Singila na mo Mve ti dunia so mo soo wasiopkari tongana mbi so, mo mbô siokpari ti mbi kue. Mbi hinga so mbi lingbi pepe titene Mo bi le na ndö ti mbi, me mbi gonda mo ndali ti so mo soo mbi. Azi mbi na ya ti asiokpari ti mbi kue biani biani awe. Gonda na Nzapa! »

Zo so azi lo yamba ayeke taa na ngia. Zo so awara tufa na lege ti be-nzoni ti zingo zo na ya ti asiokpari, lo ayeke taa na ngia.

So si Jezu, « Kete taba ti Nzapa so ayeke zi asiokpari ti dunia » amu asiokpari ti e kue awe so, e yeke na siokpari oko pepe. Lo « hunzi » songo e na ndö Keke ti kulusu. Asiokpari ti e kue, ti mo na ti mbi ayeke na popo ti « siokpari ti dunia » nilaa, e kue asoo e awe.

 

 

 

E yeke na asiokpari na be ti e na ndembe so e yeke na ya Jezu-Kriste?

Ên en, E yeke na ni pepe

 

Andeko ti mbi, wali so agbu lo nderere na lango sioni so, lo ma na be na tënë ti Jezu na asoo lo na kuâ. Asu mbai ti lo na ya ti Tënë ti Nzapa ngbanga ti so lo wara zingo lo na ya ti siokpari. Me awafango-ndia na afarizien so ayeke fa gi terê ti ala na le ti azo, ala kpe Jezu.

Tongana mo ma na be na Jezu, ayeke paradis, me tongana mo zia Jezu mo hon, ayeke gi le ti wâ. Tongana mo ma na be na akua so lo sara, ayeke tongana paradis, me tongana mo ma na be na ni pepe, ayeke tongana le ti wâ. Zingo zo na ya ti asiokpari ayeke na ngangu ti mbeni zo pepe, ayeke gi na lege ti songo so Jezu asoo zo.

E diko na Ahebro 10: « Aye so ayeke daa, Ndia ti Moize ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe. Azo so ayeke voro Nzapa, tongana ayeke sukula fade asioni ti ala gi fani oko biani biani, ka ala yeke baa terê ti ala tongana azo ti siokpari pepe si ala zia lege ti mungo sandaga awe. Me asandaga so azo ayeke mu so asara si ngu na ngu, ala yeke dabe ti ala na asiokpari ti ala, ngbanga ti so mênë ti akoli-bagara na ti akoli-ngasa alingbi ti zi siokpari oko pepe. Tongaso mbi tene: ‘Nzapa, mbi laa! Mbi ga ti sara ye so be ti mo aye, alingbi na tënë so a su na ndö ti mbi na ya ti Mbeti ti Nzapa. Kriste atene kozoni, atene: Asandaga, aye so azo ayeke mu na mo, anyama so a yeke gbi ni kue na wâ nga na asandaga so azo ayeke mu ndali ti asiokpari ti ala, so laa mo ye pepe; aye so anzere nga na be ti mo pepe. Andaa Ndia ahunda na azo ti mu asandaga ni so. Na pekoni, lo kiri lo tene: Mbi laa! Mbi ga ti sara ye so be ti mo aye. Tongaso Kriste amingo tënë ti akozo sandaga si lo zia mbeni nde na sese: sandaga ti tere ti lo wani. Jezu Kriste asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e. » (Hebro 10:1-10).

« Na lege ti ye so be ti Nzapa aye » Jezu ayâ fini ti lo ti mu asiokpari ti e gi fani oko awe biani si afâ ngbanga na li ti lo gi fani oko awe. Na pekoni lo zingo na kuâ.

Nilaa, e ga nzoni kue awe. « E ga nzoni kue awe » (Ahebro 10 : 10) so afa ngoi so ahon kue awe. So afa atene zingo e na ya ti siokpari ni so, asara ni kue awe. Nilaa ayeke na ngere ngangu pepe ti kiri ti tene tënë ti zingo e na ya ti asiokpari ni. Mo ga nzoni kue awe.

« Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe. Me ti Kriste, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpo na kpo, na mbage ti maboko ti lo ti koli. Fadeso, Kriste ayeke ku titene Nzapa azia awato ti lo tongana mbata ti gbe ti gere ti lo. Na lege ti oko sandaga so lo mu, Kriste asara si azo so lo sukula sioni ti ala, ala ga nzoni kue kpo na kpo. » (Ahebro 10:11-14).

Ala kue ala ga nzoni kue biani biani awe. Tongana mo sara siokpari kekereke, fade mo yeke kiri ti ga wasiokpari mbeni? Jezu ayô nga asiokpari so pepe? Lo sara ni awe. Lo zi nga asiokpari ti kekereke kue awe.

« Yingo-Vuru atene nga na e tënë na ndö ni. Lo tene kozoni, lo tene: Mve ti dunia atene: Mbuki so mbi na ala e yeke sara ni na peko ti alango ni so ayeke so: mbi yeke mu andia ti mbi na ala, mbi yeke su ni na ndö ti be ti ala si mbi yeke su ni na ya ti li ti ala. Na pekoni, lo tene: Fade mbi yeke kiri ti dabe ti mbi na siokpari ti ala oko pepe. E hinga so, tongana Nzapa azi tënë na li ti zo awe, zo ni ayeke kiri ti mu sandaga ndali ti asiokpari ti lo pepe. » (Ahebro 10:15-18).

Tënë so atene « Zingo tënë ti asiokpari ti aye so » afa atene lo mbô asiokpari kue ti dunia. Jezu ayeke wasongo e. Wasongo mbi nga na wasongo mo. Asoo e na lege ti mango na be na Jezu. So ayeke zingo zo na ya ti siokpari na ya Jezu, so ayeke kota be-nzoni nga na kota matabisi ti Nzapa. Mo na mbi so azi e na ya ti asiokpari ti e kue, e yeke azo so tufa ayeke na ndö ti e ahon azo kue!