All e-books and audiobooks on The New Life Mission website are free
Explore multilingual sermons in global languages
Two new revised editions in English have been released
Check out our website translated into 27 languages

English

Sermons

Sermons

Kota tënë 3: Nzoni Sango ti Ngu na Yingo

[3-3] Jezu-Kriste aga na lege ti ngu, mênë na Yingo (1 Jean 5 : 1-12)

(1 Jean 5 : 1-12)

« Zo so kue ama na be so Jesu ayeke Kriste, lo yeke molenge ti Nzapa; zo so kue aye Nzapa Babâ, lo ye nga amolenge ti lo. Lege so e hinga, e tene, e ye amolenge ti Nzapa ayeke so: e ye ala tongana e ye Nzapa si e yeke sara ye alingbi na ndia ti lo. Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe. Zo so kue ayeke molenge ti Nzapa ahon ndö ti dunia so na ngangu awe. Na lege ti mabe laa e yeke hon ndö ti dunia so na ngangu. Zo wa laa ahon ndö ti dunia so na ngangu? Gi zo so ama na be so Jésus ayeke Molenge ti Nzapa. Aye so afa ye na ndö ti Jezu Kriste. Jezu Kriste laa aga na ngu na mene, ngu ti bateme so lo li na ya ni nga na mênë ti lo so atuku. Lo ga gi na ngu pepe, me lo ga na ngu na mene kue. Yingo-Vuru si ayeke fa atene, ye ni ayeke taa-tënë, ngbanga ti so Yingo-Vuru ayeke taa-tënë. Ala yeke ota so ayeke fa atene, ye ni ayeke taa-tënë: Yingo-Vuru, ngu na mene; ala ota so, tënë ti yanga ti ala kue ayeke gue gi oko. Tongana azo atene na e tënë ti ye so ala baa, e yeke yeda na ni; me tongana Nzapa atene tënë na ndö ti mbeni ye, tënë ni ane ahon ti azo. Tënë so Nzapa atene ayeke so: lo tene tënë na ndö ti Molenge ti lo. Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo. Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo. Zo so ayeke na Molenge ni, lo yeke na fini; zo so ayeke na Molenge ti Nzapa pepe, lo yeke na fini pepe. »

Na lege ti nyen laa Jezu aga?

Na lege ti ngu, mênë nga na Yingo

Jezu aga na lege ti ngu? Biani, lo ga na lege ti ngu. Lo ga na lege ti bateme ti Lo. Ngu afa limo ti bateme so Jean-Batiste asara na Lo na Jurden. Ayeke bateme ti zingo asiokpari sogi na lege ni laa Lo zi asiokpari ti dunia kue.

Jezu aga na lege ti mênë? Biani, lo ga na lege ti mênë. Lo mu terê ti zo si lo ga, asara bateme na Lo ti zi asiokpari kue ti dunia, si lo futa ngere ti siokpari ni na lege ti mênë ti Lo so ayuru na ndö keke ti kulusu. Jezu aga na lege ti mênë.

Jezu aga na lege ti Yingo? Biani, lo ga na lege ti Yingo. Jezu ayeke Nzapa, me Lo ga tongana Yingo so amu terê ti zo titene lo ga Wasongo azo na ya ti siokpari.

Mingi ti azo ama na be pepe atene Jezu aga na lege ti ngu, mênë nga na Yingo. Gi wungo ti azo kete laa ama na be so Jezu ayeke Gbia ti agbia, Nzapa ti anzapa. Gbâ ti azo angba lakue ti dekite atene, « Jezu ayeke molenge ti Nzapa wala molenge zo? » Nilaa azo mingi so amanda ye na ndö ti Nzapa nga na awakua ti Nzapa ama na be na Jezu gi tongana zo, me tongana Nzapa pepe, tongana Wasongo azo nga na Lo so ayeke gi Lo wani pepe.

Me Nzapa atene zo kue so ama na be atene Jezu ayeke Gbia ti agbia, Taa-Nzapa nga na taa-Wasongo azo na kuâ, fade Nzapa adu lo. Azo so andoye Nzapa, andoye Jezu nga, si nga azo so ama na be biani na Nzapa andoye Jezu nga legeoko tongaso.

Zo alingbi ti sô benda na ndö ti dunia so pepe, gi tongana adu lo ti fini ni si. Bazangele Jean atene na e atene gi taa wamabe laa alingbi ti sô benda na ndö ti dunia so. Ndani so taa wamabe ayeke sô benda na ndö ti dunia so, ayeke ngbanga ti so lo ma na be na tënë ti ngu, mênë nga na Yingo ti Jezu. Ngangu ti songo benda na ndö ti dunia so alingbi pepe ti londo na nzara ti be ti zo, na gingo lege ni ngangu wala na lege ti gbungo ni ngangu.

« Tongana mbi tene ayanga ti kodro ti azo na ayanga ti angelu si mbi ye amba ti mbi pepe, andaa mbi yeke tongana gbägbä ngo so ayeke toto wala mbeni wen so ayeke toto mingi. Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe. » (1 korente 13:1-3). « Ndoye » so ayeke tene tënë ni na ndo so, ndani atene Jezu aga na lege ti ngu, mênë nga na Yingo.

Gi zo so ama na Be na tënë ti Ngu na Mênë si Alingbi ti Sô Benda na Ndö ti Dunia so

Zo wa laa alingbi sô benda na dö ti dunia?

Zo so ama na be na zingo asiokpari na lege ti bateme ti Jezu, mênë nga na Yingo.

Na ya ti 1 Jean 5:5-6, « Zo wa laa ahon ndö ti dunia so na ngangu? Ayeke zo so ama na be atene Jezu ayeke Molenge ti Nzapa. Jezu Kriste laa aga na ngu na mene, ngu ti bateme so lo li na ya ni nga na mênë. »

Andeko ti mbi awamungo peko ti Kriste, Lo so asô benda na ndö ti dunia so si nga asô benda na ndö ti Satan ayeke Jezu-Kriste. Zo so ama na be na tënë ti ngu, mênë nga na Yingo ti Jezu, fade lo sô nga benda na ndö ti dunia so. Jezu asô benda na ndö ti dunia so tongana nyen? Na zingo asiokpari na lege ti ngu, mênë nga na Yingo.

Na ya ti Mbeti ti Nzapa, « ngu » atene tënë ti « bateme ti Jezu » (1 Pierre 3:21). Jezu aga na dunia so na ya ti mi-terê. Lo ga ti soo awasiokpari kue ti dunia; Asara bateme na Lo ti zi asiokpari ti awasiokpari kue ti dunia so kue si Lo kui na keke ti kulusu ti mbô asiokpari ni.

Mênë so ayuru na keke ti kulusu so, ndani atene Lo mu terê ti zo si Lo ga na dunia so. Lo ga na ya ti mi-terê ti zo ti soo awasiokpari, nilaa asara bateme na Lo na ngu. Ndani laa Jezu aga na lege ti ngu nga na mênë. So aye ti atene Lo zi asiokpari ti dunia na ngu ti bateme ti Lo nga na mênë ti kuingo Lo.

Satan alegbia na ndö ti dunia? Satan asara si azo adekite na tënë ti Nzapa si lo lu le ti kengo yanga na be ti ala. So aye ti tene nga atene, Satan asara si azo aga azo ti kua ti lo na lege ti handango ala titene ala ke ti sara ye na lege ti tënë ti Nzapa.

Me Jezu aga na dunia so si Lo mbô asiokpari kue ti azo na ngu ti bateme ti Lo nga na mênë ti Lo na ndö keke ti kulusu: Lo soo benda na ndö ti Satan si nga lo mbô asiokpari kue ti dunia.

Ye so asi ngbanga ti so Jezu-Kriste ayeke Wasongo awasiokpari. Lo ga Wasongo e, ngbanga ti so Lo ga na lege ti ngu nga na lege ti mênë.

Jezu azi Asiokpari ti Dunia kue ba Lege ti Bateme ti Lo ti Zingo azo na ya ti Asiokpari

Songo benda ti Jezu na ndö ti dunia so, ndani atene nyen?

Ndani atene lo zi asiokpari ti dunia kue.

Ngbanga ti so asara bateme na Jezu ti zi asiokpari kue ti dunia si Lo kui ti zi asiokpari ti e kue, lo wara lege ti zi awasiokpari kue yamba. Ngbanga ti so Jean-Batiste asara bateme na Jezu na ya ti ngu ti Jurden, atokua asiokpari kue ti dunia na li ti Lo. Na Lo mu fini ti Lo na ndö keke ti kulusu tongana futa ti asiokpari ti e. Ngbanga ti so Lo kui si nga Lo zingo na kuâ, Lo sô benda na ndö ngangu ti Satan. Lo futa ngere ti siokpari na lege ti kui ti Lo.

Jezu Aga na Terê ti Awasiokpari na Lege ti Ngu ti Bateme ti Lo nga na Mênë ti Lo na ndö Keke ti kulusu

Bazangele Jean atene zingo zo na ya ti siokpari ayeke sara ni gi na lege ti ngu oko pepe, me na lege ti ngu nga na mênë. Nilaa, so Jezu ayô asiokpari kue si Lo mbô asiokpari ti e kue biani biani so, fade asoo awasiokpari kue na ya ti siokpari na lege ti mango na be na Lo nga na ti ngba be-taa-zo na lege ti atënë ti Lo.

Lo sô benda na ndö ngangu ti Satan tongana nyen?

Na lege ti bateme, mênë nga na Yingo.

Na ndembe so Jezu azu na ndö ti sese, Lo zi asiokpari kue ti dunia. Lo zi asiokpari ti e kue na lege ti bateme ti Lo na Jurden si lo futa ngere ti asiokpari ni so na ndö keke ti kulusu. Lo futa asiokpari ti e na lege ti kuingo ti Lo. Si nda-yanga ti Nzapa na ndö ti Ndia ti Lo so ayeke mbirimbiri so atene: « Futa ti siokpari ayeke kui » (Romains 6:23) aga taa-tënë.

Ti soo benda na ndö dunia, ge so nyen laa Jezu aye ti tene? Mabe so asô benda na ndö ti dunia ayeke mabe so aluti na ndö nzoni sango ti zingo zo na ya ti siokpari so Jezu aga ndali ni na lege ti bateme ti ngu so asara na Lo nga na kui ti Lo na ndö keke ti kulusu. Lo ga tongana zo na ya ti mi-terê si Lo fa kambisa ti songo zo na kuâ na lege ti bateme ti ngu nga na kui ti Lo na ndö keke ti kulusu.

Jezu asô benda na ndö ti dunia, so titene na ndö ti Satan. Awamabe ti Eglize ti kozoni agbu ngangu, ataa le na le na kuâ, ala ba go ti ala na Kodro-gbia ti Rome pepe nga na ambeni tara ti gigi so pepe.

Aye so kue ayeke lengo ti mango na be ti ala so Jezu aga na lege ti ngu (Asara bateme na Lo ti zi asiokpari ti e kue), Lo ga nga na lege ti mênë ti Lo na ndö keke ti kulusu (Lo futa ngere ti asiokpari kue ti e na lege ti kui ti Lo).

Jezu aga nga na lege ti Yingo (Lo mu terê ti zo si Lo ga), si Lo zi asiokpari ti awasiokpari na lege ti bateme ti Lo nga na mênë ti Lo na ndö keke ti kulusu titene e so alingbi azi e na ya ti asiokpari, e sô benda na ndö dunia.

Ngu ni so ayeke mbeni Limo ti Bateme so Ayeke Soo ala Fadeso, Ala nga kue na Lege ti Zingongo ti Jezu- Kriste na Kuâ (1 Pierre 3:21)

Bateme so ayeke soo zo na kuâ ayeke so wa?

Bateme ti Jezu

E lingbi ti diko na ya ti 1 Pierre 3:21: « So ayeke limo ti bateme so ayeke soo ala fadeso. Bateme ni ayeke ye ti sukulango asioni na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jezu Kriste azingo na kuâ awe. » Bazangele Pierre afa kambisa ni atene Jezu ayeke Wasongo azo si lo ga na ngu ti bateme nga na mênë.

Nilaa ayeke nzoni e ma na be na Jezu so aga na lege ti ngu na mênë. Na nga ayeke nzoni e hinga e tene ngu ti bateme ti Jezu ayeke bateme so ayeke soo e. Bazangele Pierre atene na e atene « ngu » ti bateme, « mênë » na « Yingo » ayeke « aye so ayeke na ngere ngangu » na ya ti zingo azo na ya ti asiokpari kue.

Mbeni bazangele so azia bateme ti Jezu si ama na be gi na mênë ti keke ti kulusu oko ayeke daa pepe. Mango na be na mênë ayeke gi ndambo ti taa-mabe. Mabe so ayeke gi nambo ni wala alingbi kue pepe, fade amiro na mbeni ngoi. Me mabe ti azo so ama na be na nzoni sango ti ngu, mênë na Yingo ayeke kpengba kpengbango na mbeni ngoi.

Me lego ti nzoni sango ti mênë akai pepe ti kpengba na ndö ti dunia na ndembe so. Ndani nyen si ayeke tongaso? Azo ahinga taa-tënë pepe, tënë ti zingo azo na ya ti siokpari na lege ti ngu na Yingo so, nilaa ala lingbi pepe titene adu ala ti fini ni.

Asi na mbeni ngoi, a-eglize ti sese ti poto ati na ya ti mango na be ti senge senge. Na bango a-eglize ni, baa mo tene ala mai na mbeni ngoi, me awakua ti Satan agbian mabe ni si aga mango na be ti senge senge.

Mango na be ti senge senge ni ayeke ti ma na be atene, tongana asara nzoroko ti keke ti kulusu na le ti mbeni kugbe-mbeti wala na terê ti keke, fade zabalo ayeke kpe, wala tongana zo ama na be na mênë ti Jezu, fade atomba Satan. Na lege ti mabe ti senge senge so, Satan ahanda gbâ ti azo, lo sara si ala lingbi ti ma na be gi na mênë ti Jezu. Satan asara ye baa mo tene lo sara mbeto ti mênë, atene mênë ti Jezu ayuru ndali ti awasiokpari.

Ataa so kue, Pierre na atanga ti abazangele atene kambisa ti taa nzoni sango so ayeke ti bateme ti Jezu nga na mênë ti keke ti kulusu. Me kambisa ti nyen laa, awamabe ayeke mu ni laso?

Me ayeke nzoni e ma na be na tënë so asu ni na ya ti Mbeti ti Nzapa si mabe ti e aluti na ndö songo zo na kuâ na lege ti Yingo, ti bateme nga na mênë ti Jezu. Tongana e mbumbuse bateme ti Jezu si e mu gi kambisa e tene Jezu akui na ndö ti keke ti kulusu ndali ti e, fade songo e na kuâ ni abaa gigi kue pepe.

« Tënë ti Kambisa » Ndali ti Songo so Nzapa Asoo azo

Nyen laa afa atene Nzapa asoo e?

Ngu, mênë na Yingo

Na ya ti 1 Jean 5:7, Mve ti dunia atene: « Aye ota ayeke daa so amu tënë ti kambisa » Kozoni ayeke Yingo, use ni ayeke ngu ti bateme ti Jezu si nga ota ni ayeke mênë ti keke ti kulusu. Aye ota so aga gi ye oko. Jezu aga na dunia so ti soo e na ya ti asiokpari ti dunia kue. Gi Lo oko Lo sara ni na aye ota so, bateme, mênë nga na Yingo.

« Ngbanga ti aye ota afa kambisa. » Aye ota afa atene Nzapa asoo e. Aye ni so ayeke ngu ti bateme ti Jezu, mênë, nga na Yingo. Aye ota so ayeke aye so Jezu asara ndali ti e na ndö ti sese.

Tongana azi mbeni ye oko na popo ti aye ota so, fade songo zo na kuâ abaa gigi kue pepe. Aye ota ayeke daa so afa kambisa: Yingo, ngu, nga na mênë.

Jezu-Kriste so amu terê ti zo si aga na e ayeke Nzapa, Yingo nga na Molenge. Lo zu na ndö ti sese so tongana Yingo na ya ti mi-terê ti zo si asara bateme na Lo na ya ti ngu ti zi asiokpari kue ti dunia. Lo mu asiokpari kue na ya ti mi-terê ti Lo si Lo soo e, e awsiokpari na lege ti mênë ti Lo so ayuru ngbii Lo kui na ni na keke ti kulusu. Lo futa ngere ti asiokpari ni kue. So ayeke nzoni sango ti zingo zo na ya ti siokpari kue so abaa gigi na lege ti ngu, mênë nga na Yingo.

Tongana azi gi mbeni oko na ya ti aye ni so, so aga tongana kengo songo e so Nzapa asoo e na ya ti asiokpari kue. Me laso, agbâ ti awamabe ayeke fa kambisa na ala ma na be gi na nzoni sango ti mênë na Yingo.

Me bazangele Jean atene aye ota afa kambisa ni: ngu ti bateme ti Jezu, mênë ti keke ti kulusu nga na Yingo. Bazangele Jean afa ndani ngangu na ya ti kambisa ti lo.

Mabe so ayeke zi wasiokpari ayeke mabe so aluti na ndö ti Yingo, ngu, nga na mênë. Mabe so amu lege na zo ti soo benda na ndö ti dunia ni ayeke na ndo wa? Ayeke ge. Ayeke ti ma na be na Jezu so aga na lege ti ngu, mênë nga na Yingo. Ayeke nzoni mo ma na be na ni titene asoo mo si mo wara fini ti lakue lakue.

Songo so Nzapa asoo e ayeke taa nzoni kue, tongana bateme ti Jezu ayeke daa pepe?

Ên en

Aninga mingi, kozo si adu mbi ti fini ni, mbi nga kue mbi yeke wamabe so ama na be gi na mênë ti keke ti kulusu nga na Yingo. Mbi ma na be mbi tene Lo zu tongana na Yingo, Lo kui ndali ti mbi na ndö keke ti kulusu si Lo soo mbi na ya ti asiokpari kue. Mbi ma na be gi na aye use so, mbi yeke sara terê ti mbi kota mingi na mbi ye ti fa tënë ni na azo kue.

Mbi leke na be ti mbi ti manda teoloji ti ga misionere ti sara kua na ti kui ndali ti azo tongana ti Jezu. Mbi leke gere ti akota ye nde nde ti sara ni.

Me tongana mbi ngba gi ti ma na be na aye use so, asiokpari angba lakue na be ti mbi. Tongaso, mbi lingbi ti sô benda na ndö ti dunia pepe. Mbi lingbi titene azi mbi na ya ti siokpari pepe. Na ndembe so mbi ma na be gi na mênë na Yingo, mbi yeke na asiokpari na be ti mbi.

Mbi yeke lakue na asiokpari na be ti mbi, ataa so mbi ma na be na Jezu, ngbanga ti so mbi hinga ngu so ayeke bateme ti Jezu pepe. Zingo mbi yamba alingbi ti baa gigi kue pepe tongana azi mbi pepe na ya ti asiokpari na lege ti mango na be na ngu ti bateme, mênë nga na Yingo.

Mbi lingbi pepe ti sô benda na ndö ti asiokpari ti mi-terê, ngbanga ti so mbi hinga nda ti bateme ti Jezu pepe. Ataa laso nga azo mingi ama na be na Jezu, me ala ngba ti sara siokpari ti mi-terê. Ala yeke sara asiokpari na ya ti be ti ala na ala gi lege gbaa ti kiri ti wara ndoye ti kozo so ala yeke na ni na mbage ti Jezu.

Ala han gbaa ti sara si nzerengo terê ti ala ti kozo akiri, ngbanga ti so asukula asiokpari ti ala kue laoko pepe na ngu. Ala hinga pepe atene atokua asiokpari ti ala kue na li ti Jezu awe, na ndembe so asara bateme na Lo, ala lingbi pepe ti kiri ti wara mabe ti ala na peko ti tingo ni.

Mbi ye si avuru nzoni na le ti ala kue. E lingbi ti duti na mabe na gigi ti e na e sô benda na ndö ti dunia, tongana e ma na be na Jezu. Ataa so e lingbi kue pepe, tongana e ngba ti sara gbâ ti siokpari na ndö ti gigi so, tongana e ngba lakue ti ma na be na Jezu tongana Wasongo e so azi e yamba na ya ti siokpari na lege ti bateme ti Lo, e lingbi ti sô benda.

Tongana e ma na be na Jezu, me e ma na be na ngu ti bateme pepe, e lingbi pepe titene azi e yamba kue. Bazangele Jean atene na e atene, mabe so asô benda na ndö ti dunia, ayeke ti so aluti na ndö ti Jezu-Kriste so aga na ngu ti bateme, mênë nga na Yingo.

Nzapa atokua Molenge ti Lo ngengeleoko ti zi azo so ama na be na bateme ti Lo nga na mênë ti Lo. Jezu azi asiokpari ti e kue na lege ti bateme ti Lo. Jezu, Molenge ti Nzapa ngengele oko aga na e na ya Yingo (na ya ti mi-terê ti zo). Lo lo tuku mêně ti Lo na ndö keke ti kulusu ti futa ngere ti siokpari. Jezu azi azo kue na ya ti siokpari tongaso.

Mango na be so ague na e ti sô benda na ndö ti dunia ayeke ti ma na be so Jezu aga na e na lege ti ngu, mênë nga na Yingo si nga Lo zi e na ya ti asiokpari kue.

Tongana ngu ti bateme na mênë ti keke ti kulusu ayeke daa pepe, fade taa songo e ayeke duti daa pepe. Tongana mbeni ye oko na popo ti aye so ayeke daa pepe, fade e wara taa songo e pepe. E lingbi ti si na taa songo e pepe, tongana ngu, mênë nga na Yingo ayeke daa pepe. Nilaa, ayeke nzoni e ma na be na tënë ti ngu, mênë nga na Yingo. Ayeke nzoni mo hinga ye so na fade mo wara taa mabe.

Mbi Tene na ala Mbi Tene, Ayeke Taa Songo zo Pepe, Tongana Kambisa ti Ngu, Mênë na Yingo Ayeke daa Pepe

Aye ota ti ngere ngangu so afa kambisa ti songo e ayeke aso wa?

Ngu, mênë nga na Yingo

E lingbi ti gbu li ti na ndö ti hundango ndo so ayeke na nduzu so tongaso: « Jezu ayeke Wasongo mbi. Mbi ma na be na mênë ti keke ti kulusu na mbi ye ti kui ndali ti Jezu. Mbi ma na be na Jezu, ataa so mbi yeke na siokpari na be ti mbi. Mbi zia ngbene lege ti sarango ye mbi na ngangu kue si nga mbi sara kua ngangu na mbi sara ndoye lakue lakue. Mbi mu fini ti mbi si nga mbi mu aye ti mbi kue ndali ti Mo. Mbi mu nga wali pepe wala koli pepe. Fade Nzapa alingbi ti hinga mbi pepe ni tongana nyen? Jezu akui ndali ti mbi na ndö keke ti kulusu. Nzapa ti e so ayeke nzoni kue azu na ndö ti sese na ya mi-terê ti zo si Lo kui ndali ti e na ndö keke ti kulusu. Mbi ma na be na Mo, mbi ka terê ti mbi ndali ti mo na mbi sara kua ti mbi na legeni. Ataa so mbi lingbi pepe si nga mbi ngba na ambeni siokpari na ya ti be ti mbi, fade Jezu atokua mbi le ti wâ ndali ni? Ên en, fade lo sara ni pepe. »

Gbâ ti azo tongaso ayeke daa. Ayeke ala so ama na be pepe atene asara bateme na Jezu ti zi asiokpari ti dunia kue. Tongana azo so ama na be na Jezu angba na siokpari, ala yeke gue na ndo wa? Ala yeke gue na le ti wâ. Ala yeke awasiokpari!

Ala so ayeke gbu li ti ala tongana so be ti ala aye si ala baa atene Nzapa nga ayeke gbu li ti Lo tongana ti ala so, fade ala gue na le ti wâ. Na ndoni kue, ambeni ayeke tënë ti ala, so Jezu azi asiokpari kue si Lo kui na ndö keke ti kulusu so, siokpari ayeke na dunia pepe. Me ala yeke tene gi tënë ti mênë na Yingo. Mabe so ayeke gue na azo titene asoo ala na ya ti asiokpari taa kue pepe.

Ayeke nzoni e ma na be so Jezu azi asiokpari ti e kue na lege ti bateme ti Lo, afâ ngbanga na li ti Lo si Lo kui na ndö keke ti kulusu ndali ti e si nga Lo zingo na kuâ lango ota na pekoni.

Tongana na mara ti mabe tongaso ayeke daa pepe, lege ti zingo zo taa kue na ya ti siokpari ayeke nga daa pepe. Asara bateme na Jezu, Lo kui na keke ti kulusu si nga Lo zingo na kuâ. Jezu-Kriste aga na e na lege ti ngu, mênë nga na Yingo. Lo zi asiokpari ti dunia kue.

Angangu ye ota afa kambisa ni: Yingo, ngu nga na mênë.

Kozoni, Yingo-Vuru afa kambisa ni atene Jezu ayeke Nzapa si Lo zu na ya ti terê ti zo.

Use ye ni ayeke kambisa ti « ngu. » Ngu afa bateme so Jean-Batiste asara na Jezu na Jurden si na lege ti bateme so atokua asiokpari ti e kue na li ti Jezu. Asiokapri kue atokua ni na li ti Jezu na ndembe ti bateme ti Lo (Matthieu 3:15).

Ota kambisa ni ayeke « mênë » so afa fini dutingo nga na yengo so Jezu ayeda ti yô ngbanga ti asiokpari ti e na li ti Lo. Jezu akui, lo yeda na ngbanga ti Babâ ti Lo afa na li ti Lo ndali ti e si Lo zingo na kuâ na lango ota ni.

Nzapa Babâ atokua Yingo na ya ti be ti azo so ama na be na bateme nga na mênë ti Molenge ti Lo ti fa kambisa ti zingo e na ya ti siokpari ni.

Azo so adu ala ti fini ni, ala yeke na Tënë ni si na lege ti Tënë ni ala sô benda na ndö ti dunia. Azo so azi ala na ya ti siokpari, fade ala sô benda na ndö ti Satan, fade ala sô benda na ndö ti awayanga-Nzapa ti wataka, fade ala sô benda na ndö ti aye so ayeke kanga lege wala angangu kue so agi lege lakue ti nokpo lo. Nda ti ngangu ni so e yeke na ni ayeke so e yeke na aye ota so na be ti e : ngu ti bateme ti Jezu, mênë ti Lo nga na Yingo.

E yeke sô benda na ndö ti dunia nga na Satan tongana nyen?

Na mango na be na akambisa ota so.

E yeke sô benda na ndö ti Satan nga na ndö ti dunia, ngbanga ti so e ma na be na Yingo, ngu, nga na mênë. Azo so ama na be na bateme nga na mênë ti Jezu alingbi ti sô benda na ndö awayanga ti wataka. Mabe ti e nga na ngangu ti songo benda so alondo na ngu, mênë nga na Yingo. Mo na be na ni?

Mo lingbi pepe titene adu mo ti fini ni si nga mo lingbi pepe ti sô benda na ndö dunia so, tongana mabe ti mo aluti pepe na ndö zingo zo na ya ti asiokpari na lege ti bateme ti Jezu, mênë ti Lo si nga tongana mo ma na be pepe so Jezu ayeke Molenge ti Nzapa, Wasongo e. Mabe so ayeke na be ti mo?

Mo yeke na Yingo na ngu na be ti mo? Mo ma na be so atokua asiokpari ti mo kue na li ti Jezu awe? Mo yeke na mênë ti keke ti kulusu na be ti mo?

Mo yeke sô benda na ndö ti dunia so tongana mo yeke na ngu na mênë ti Jezu na be ti mo, na mo ma na be so Lo kui na keke ti kulusu si nga Lo yô ngbanga ti mo na li ti Lo.

Bazangele Jean asô benda na ndö ti dunia, ngbanga ti so lo yeke na aye ti ngere ngangu ota so na be ti lo. Lo sara nga tënë ti zingo azo na ya ti siokpari na a-ita ti lo awamabe kue so ayeke kanga lege na ala si nga ayeke yôro maboko na le ti ala na ya ti kua ti ala. Lo fa kambisa ni: « Ayeke tongaso laa yeke sô benda na ndö ti dunia. Jezu aga ba lege ti Yingo, ngu nga na ti mênë. Tongana ti so Lo sô benda na ndö ti dunia so, fade azo so ama na be na Yingo, na ngu nga na mênë asô nga benda na ndö ti dunia so. Ayeke gi oko lege titene awamabe asô benda na ndö ti dunia. »

Na ya ti 1 Jean 5:7-8, e diko: « Ala yeke ota so ayeke fa atene, ye ni ayeke taa-tënë: Yingo-Vuru, ngu na mene; ala ota so, tënë ti yanga ti ala kue ayeke gue gi oko. » Mingi ti azo angba lakue ti tene tënë ti mênë na Yingo, me ala zi tënë ti ngu ti bateme ti Jezu. Tongana ala zi « ngu », Satan angba lakue ti handa ala. Ayeke nzoni ala sigigi na ya ti handango terê ti ala wani, ala zia lege ni; ayeke nzoni ala ma na be na « ngu » ti bateme ti Jezu nga na dungo ti fini ni.

Zo oko alingbi pepe ti sô benda na ndö ti dunia, tongana lo ma na be pepe na tënë ti ngu na mênë. Mbi kiri mbi tene: zo oko pepe! Ayeke nzoni e mu ngu na mênë ti Jezu tongana aye ti bira ti e. Tënë ti Lo ayeke kota zembe ti Yingo, ayeke Wâ ti bango na ndo.

Gbâ ti azo ade ti ma na be pepe na bateme ti Jezu so ambô asiokpari ti ala. Gbâ ti azo angba gi ti ma na be gi na aye use. Tongana Jezu atene na ala: « Londo, mo za tongana wâ, » ala alingbi pepe ti za tongana wâ. Ala ngba lakue na siokpari na be ti ala. Ataa so ala ma na be na Jezu, ala yeke hunzi na le ti wâ.

Nzoni Sango ti Bateme na ti Mênë ti Jezu so, Ayeke nzoni Afa Kambisa ni avuru tarara si Azo Alingbi ti Ma ni, ti Ma na Be na ni si Asoo Ala

Mango na be na bateme ayeke gi mbeni senge bibe?

Ên en, ayeke mbeni bibe pepe. Ayeke taa-tënë.

Tongana e yeke fa kambisa ti nzoni sango ni, ayeke nzoni e fa ni mbirimbiri. Jezu aga na lege ti Yingo, na lege ti bateme (so azi asiokpari ti e) nga na ti mênë (so afuta ngere ti asiokpari ti e). Ayeke nzoni e ma na be na aye ota so.

Tongaso pepe, e yeke fa nzoni sango pepe, e yeke fa gi mbeni ngobo ti vorongo Nzapa. Awanungo peko ti Kriste ti sese so ayke iri mungo peko ti Kriste atene mbeni ngobo ti vorongo Nzapa. Alingbi pepe ti fa mungo peko ti Jezu tongana mbeni ngobo ti vorongo Nzapa. Ayeke mango na be na tënë ti zingo azo na ya ti siokpari so aluti na ndö ti taa-tënë, mabe so abaa ndo gi na mbage ti Nzapa. Ayeke mbeni ngobo ti vorongo Nzapa pepe.

Ngobo ti vorongo Nzapa ayeke mbeni ye so zo laa azia gere ni na sese, me mabe abaa ndo na mbage ti songo so Nzapa asoo e. Ye so akangbi popo ni laa. Tongana mo hinga taa-tënë so pepe, fade mo baa mungo peko ti Kriste tongana senge ngobo ti vorongo Nzapa na popo ti ambeni, na mo yeke fa tënë ti Nzapa gi na lege ti nzoni gbungo li ti mo nga na ngobo ti sarango ye na legeni.

Jezu-Kriste aga ti zia gere ti mbeni ngobo ti vorongo Nzapa na sese pepe. Lo zia laoko pepe na sese mbeni ngobo ti vorongo Nzapa so airi ni mungo peko ti Kriste. Ngbanga ti nyen si mo baa ti mo, mo tene ayeke mbeni ngobo ti vorongo Nzapa? Tongana ayeke gi mara ti aye, ngbanga ti nyen si e ma na be fade na bouda pepe? Mo baa mo tene tënë ti mbi ni ayeke na legeni pepe?

Ambeni zo ama na be na Jezu tongana mbeni ngobo ti vorongo Nzapa si na ndani ala tene: ; « Kangbi ti nyen laa ayeke na popo ni? Yayu, Nirvana, Paradis… Aye so kue ayeke gi oko, gi airi ni laa ayeke nde nde. Ataa nyen na nyen, fade e kue e hunzi gi na ndo oko. »

A-ita awamungo peko ti Kriste, ayeke nzoni e luti le na le na taa-tënë. Si nga ayeke nzoni « e londo e za tongana wâ ». Ayeke nzoni e wara ngangu ti tene taa-tënë, na gingo be pepe.

Tongana mbeni zo atene na mo: « So laa alingbi ti duti gi oko lege pepe », alingbi mo tene ni na kuru go: « Êne en! Ayeke gi oko legeni laa, mo lingbi ti gue na Yayu gi tongana mo ma na be na Jezu-Kriste so aga na lege ti ngu, mênë nga na Yingo. » Ayeke nzoni mo za ngangu titene ambeni azo ama tënë ti zingo azo na ya ti asiokpari si adu ala ti fini ni titene ala gue na yayu.

Ayeke Nzoni ala Wara Mabe so ayeke na Legeni: Azo so Andoye Jezu Gi Senge Senge, Me ala hinga Pepe Tënë ti Zingo Azo na Ya ti Siokpari na Lege ti Bateme ti Jezu nga na Mênë ti Lo Fade ala Kui

Zo wa laa fade akui, ataa so lo ma na be na Jezu?

Azo so ama na be na bateme ti Jezu pepe.

Ti fa atene mo ma na be na Jezu gi tongaso, ayeke mbeni ndoye so mo kangbi ni na Jezu pepe, na nga ayeke mbeni lege ti baa taa-tënë tongana mbeni senge ngobo ti vorongo Nzapa.

Mbeni mangboko so ayeke fâ kota ngu-ingo ti Pasifike ali ngu si ado ambeni zo so angba na fini azia ala na ndö ti mbeni kete ngo so asara na gere ti kutu titene atomboka na ala. Ala dekongo titene asô ala, me yingingo ti kota ngu-ingo ni so akanga lege titene ambeni mangboko aga amu maboko na ala. Ge so laa, mbeni pupulenge asi si abi mbeni kamba na ala.

Tongana mbeni zo na popo ti ala agbu kamba ni gi na maboko ti lo, me lo gbe ni na terê ti lo pepe, fade lo ga tongana mbeni zo so akangbi ndoye ti lo na Jezu pepe, lo ma na be na Nzapa gi so be ti lo aye. Ade lo wara siriri pepe, me lo tene: « Mbi ma na be. Mbi ma na be, nilaa mbi hinga mbi tene ayeke sô mbi. »

Zo so ama ya ti Taa-tënë ti bateme ti Jezu nga na mênë ti Jezu pepe, lo baa lo tene fade asoo lo gi ngbanga ti so lo gbu kamba ni.

Me tongana ayeke gboto lo na nduzu, maboko ti lo ayeke zi na terê ti kamba ni. Fade lo gbu le ni gi na ngangu ti lo wani. Na ndembe so tongana ngangu ti lo ahunzi kue, fade maboko ti lo azi na terê ti kamba ni na fade lo ti na ya ti kota ngu-ingo ni.

So laa ayeke dutingo na ndoye so zo akanbgi ni na Jezu pepe. Azo mingi alingbi ti tene ala ma na be na Nzapa nga na Jezu, ala ma na be na Jezu so aga na lege ti Yingo, me so ayeke gi mbeni mbage ti ye ni. Ala lingbi pepe ti ma na be ti taa-tënë, ala lingbi nga pepe ti ngba na ya ti nzoni sango so ayeke taa ti nzoni ni, nilaa, ala kai pepe ti tene lakue atene ala ma na be.

Mango na be nga na tarango ti ma na be ayeke legeoko pepe. Ala yeke tene fade ala mu peko ti Jezu ngbii asi na ndani, me fade ake ala na lango ti ndani ndali ti siokpari so angba na be ti ala. Ala ndoye Jezu, me ala hinga pepe atene Lo ga na lege ti bateme ti Lo, na lege ti mênë nga na Yingo. Tongana ala ndoye Jezu gi ndali ti mênë ti Lo, fade ala gue na le ti wâ.

Ayeke nzoni mo bongbi zizini ti mo na ngu ti bateme, nga na tënë ti mênë ti keke ti kulusu. Na ndembe so Jezu ayeke bi kamba ti songo azo, ala so agbe terê ti ala na ngu, na mênë nga na Yingo, fade asoo ala.

Wasongo zo ti pupulenge ni adekongo na didi singa atene, « Mbi gbu gere ti ala, ala ma mbi nzoni. Tongana mbi bi kamba, ayeke nzoni ala gbe ni na kate ti ala na gbe ti maboko ti ala. Na pekoni, ala ngba gi na dutingo ti ala so. Ala gbu kamba ni gbungo na maboko ti ala pepe. Ala gbe ni gi na kate ti ala, ala duti yamba. Tongaso fade asoo ala. »

Na peko ti mungo yanga so, gi zo oko so ama awango so si lo gbe kamba ni na terê ti lo, asoo lo. Me mbage ti zo ni atene: « Ala gi be ti ala pepe. Mbi yeke na ngangu mingi. Mbi yeke tokua pupu na kate ti mbi lakue na ya ti mbeni bongbi so asara si mbi ngba lakue ngangu. Mo baa gi mbi pepe? Mbi lingbi ti gbu le ni ti gue ayo. » Nilaa lo gbu kamba ni gbungo na maboko na ndembe so ayeke gboto ni.

Agboto azo ni use kue na mbage ti nduzu na tongo ndani. Me mbeni kangbi ayeke na popo ti ala. Lo so ama wango si agbe kamba ni na terê ti lo, agboto lo yamba. Lo hinga terê ti lo pepe na ndembe ti gbotongo lo ni, me agboto lo asigigi na lo.

Lo so afa baba ti ngangu ti lo wani so, na ndani maboko ti lo azi na terê ti kamba ni, ngbanga ti so ngangu ahunzi na lo. Lo kui ngbanga ti so lo ke ti ma wango na lo mbumbuse amungo yanga so amu na lo.

Titene e wara zingo e kue na ya ti siokpari, alingbi e ma na be na zingo e na lege ti ngu ti bateme ti Jezu nga na mênë ti Lo so asoo azizini kue na ya ti siokpati. Songo zo ayeke ndali ti azo so ama na be na Tënë ni na be ti ala kue: « Mbi soo mo kue na bateme so Jean Wasarango bateme asara na mbi nga na mênë ti mbi so ayuru ngbii ti si na kui ti keke ti kulusu. »

Azo so ama na be gi na mênë atene: « Ala gi be ti ala pepe, mbi ma na be. Fade mbi mu singila na Nzapa na kongo nda ti gigi ti mbi ndali ti mênë ti Jezu. Fade mbi mu peko ti Jezu ngbii ti si na ndani si nga gi mango na be ti mbi na mênë ti Jezu fade alingbi awe ti sô benda na ndö ti dunia nga na ndö ti asiokpari na ya ti tanga ti gigi ti mbi. »

Me so alingbi pepe. Azo so Nzapa abaa ala tongana azo ti Lo ayeke ala so ama na be na aye ota so: Jezu aga na lege ti Yingo si asara bateme na lo (Jezu azi asiokpari kue na lege ti bateme ti Lo na Jurden), Lo kui na ndö keke ti kulusu ti futa ngere ti asiokpari kue si nga lo zingo na popo ti akuâ.

Yingo ayeke ga gi na azo so ama na be na aye ota so si ala yeke fa kambisa ni. « Biani, mbi yeke wasongo mo. Mbi soo mo na ngu na mênë. Mbi yeke Nzapa ti mo. »

Me ala so ama na be na aye ota so pepe, Nzapa asoo ala pepe. Ataa mo zi gi mbeni ye oko, Nzapa atene: « Ên en, asoo mo pepe. » Awamungo peko ti Lo kue ama na be na aye ota so. Jezu atene, bateme ti Lo ayeke kambisa ti songo azo na kuâ si nga mênë ti lo ayeke ngbanga.

Abazangele Paul na Pierre Afa Kambisa ti Bateme nga na Mênë ti Jezu

Awamungo peko ti Jezu afa kambisa ti nyen?

Bateme ti Jezu nga na mênë ti Lo

Bazangele Paul asara tënë ti bateme ti Jezu? E baa lege oke laa lo sara tënë ti bateme ti Jezu. Lo tene na ya ti Rome 6:3: « Ala hinga pepe? E kue so e wara bateme na ya Jezu-Kriste, so ti tene e wara bateme ni ti duti oko na lo na lege ti kuâ so lo kui. » Si nga na ya ti Rome 6:5: « Biani, so e na Kriste e ga tongana gere ti keke oko na lege ti kuâ so e kui tongana lo, fade e ga nga oko na lo na lege ti zingongo na kuâ tongana ti lo »

Lo tene nga na ya ti Galate 3:27: « Ala kue so awara bateme na ya Kriste awe, ala yu Kriste na terê ti ala tongana bongo. ». Abazangele ti Jezu afa kambisa ti « ngu », bateme ti Jezu. « Ngu ni so ayeke mbeni limo ti bateme so si na ndembe so ayeke soo ala. » (1 Pierre 3:21)

Songo azo wala Zingo so Mve ti dunia Azi azo na ya ti Siokpari Aga na Lege ti Ngu na Mênë ti Jezu

Zo wa laa Nzapa airi lo zo ti mbirimbiri?

Zo so ayeke na siokpari oko na be ti lo pepe

Zingo so Jezu azi azo na ya ti siokpari aga na lege ti ngu ti bateme ti Lo nga na mênë ti Lo ndö keke ti kulusu. Na lege ti zingo e na ya ti asiokpari so, ayeke nzoni e londo e za. Tongana nyen? Na fango kambisa ti aye ota so.

« Londo! Mo za tongana wâ, ngbanga ti so wâ ti mo ayeke ga, wâ ti Mve ti dunia ayeke londo ti su na ndö ti mo. » (Isai 60:1). Nzapa aza wâ na ndö ti e si Lo tene na e ti za nga. Ayeke nzoni e ma yanga so Lo mu na e so.

Alingbi e fa Nzoni sango na ngangu ti e kue. Me gbâ ti azo ama ni pepe. Mo ma na be na Jezu na fade azi mo na ya ti siokpari. Fade mo zo ti mbirimbiri. Tongana mbeni siokpari angba na be ti mo, ade mo ga zo ti mbirimbiri pepe. Ade mo sô benda na ndö ti asiokpari ti dunia pepe.

Fade mo lingbi laoko pepe ti zi siokpari na be ti mo, tongana mo ma na be na ngu ti Jezu pepe (Bateme ti Lo). Fade mo lingbi ti kpe ngbanga laoko pepe, tongana mo ma na be na mênë ti Jezu pepe. Fade mo lingbi titene asoo mo laoko pepe, tongana mo ma na be pepe na Jezu so aga na Yingo. Fade mo lingbi ti ga mbirimbiri kue laoko pepe, tongana mo ma na be pepe na akambisa ota so.

Sarango ye ti mbirimbiri so alingbi kue pepe ague na zo gi na « ye so azo abaa atene ye ti mbirimbiri. » Tongana mbeni zo atene siokpari angba na be ti lo, me lo baa terê ti lo wani tongana zo ti mbirimbiri, ade lo yeke na ya Jezu pepe. Ambeni zo na ya ti alango ti e so atara ti sara si zingo azo na ya ti asiokpari aluti na ndö ti « asarango ye so ala baa tongana ye ti mbirimbiri. » Ala su agbâ ti abuku senge senge na ndö ti tënë so.

Zo so ayeke na siokpari na be ti lo, Nzapa abaa lo tongana zo ti mbirimbiri? Lo sara so pepe. Lo iri zo ni gi tongana ti so Lo yeke baa lo. Lo yeke Lo ti ngangu ahon kue, me Lo lingbi ti tene mvene pepe. Azo ahinga taa nda ti gango mbirimbiri ni pepe. E yeke iri ka mbeni ye e tene « avuru tarara » gi tongana ye ni avuru tarara. E yeke tene ka pepe e tene ye ni « avuru tarara » tongana siokpari angba daa.

Mo baa ti mo, mo tene Jezu alingbi ti iri mo zo ti mbirimbiri, ataa so siokpari angba na be ti mo. Ayeke ni laa pepe.

Jezu adiko e azo ti mbirimbiri tongana e ma na be na Jezu tomgana Lo so aga na lege ti Yingo, Lo so aga na lege ti ngu (so azi asiokpari ti e kue na ndembe ti bateme ti Lo), na nga Lo so aga na lege ti mênë (Lo ga na lege ti mi-terê si Lo kui ndali ti e).

Andeko ti mbi, « ye so e baa e tene ye ti mbirimbiri » ayeke na mbeni ye oko pepe so baa nzoni sango ti ngu na mênë. « Ye so e baa e tene » wala « Titene adiko e zo ti mbirimbiri » ayeke mbeni bibe so alondo na zo. Nzapa adiko mo « zo ti mbirimbiri » ataa so mo yeke na siokpari na be ti mo? Nzapa adiko zo pepe « zo ti mbirimbiri » tongana zo ni angba na siokpari na ya ti be ti lo, ataa so zo ni ama na be na Jezu ngangu mingi. Jezu alingbi ti tene mvene pepe.

Mo baa ti mo lakue mo tene Nzapa ayeke diko mbeni zo, zo ti mbirimbiri tongana siokpari ayeke na be ti zo ni? So ayeke gbungo li ti azo, ti Nzapa laa pepe. Nzapa ake mvene. Fade Lo diko mo zo ti mbirimbiri tongana mo ma na be gi na « Yingo » na « mênë »? Laoko pepe.

Mara ti zo so Nzapa adiko lo zo ti mbirimbiri ayeke gi oko. Ayeke zo so ayeke na siokpari oko na ya ti lo pepe. Lo hinga ti lo gi azo so ama na be na aye ota so: Jezu so ayeke Nzapa aga na sese na mi-terê, asara bateme na Lo na ngu ti Jurden si mênë ti Lo ayuru na ndö keke ti kulusu ti mbô asiokpari ti e kue.

Gi azo so ama na be na nzoni sango ti zingo azo na ya ti siokpari laa Nzapa ahinga ala. Ayeke gi ala so ama na be na legeni. Ala ma na be na aye kue so Lo sara ndali ti e. Ala ma na be so Jezu aga, asara bateme na Lo ti zi asiokpari ti ala kue, Lo yô ngbanga ti e na lege ti kuingo ti Lo na ndö keke ti kulusu si Lo zingo na kuâ.

Aye so kue Nzapa asara ni na lege ti Ndoye ti Lo. Jezu alondo na Yayu azu si lo tene: « Ala ga na mbi, ala kue so ngangu ahunzi na ala si kungba ane ala, na fade mbi mu na ala hungo terë. » (Matthieu 11:28). Lo sara ni na lege so lo zi asiokpari ti e.

Azo so ama na be gi na mênë ti Jezu, Nzapa ahinga ala pepe. Azo so ama na be gi na mênë ti Jezu angba na siokpari na ya ti be ti ala.

Zo wa laa Jezu abaa lo tongana zo so azi lo na ya ti siokpari? « Mbi zi asiokpari ti ala kue na ndembe so mbi zu na sese si Jean-Batiste asara bateme na mbi. Mbi fa kambisa ni so atokua asiokpari ti dunia kue na li ti mbi. Mbi futa ndali ti asiokpari ni kue na ndö keke ti kulusu. Mbi soo mo awe. » Mango na be na bateme ti Jezu, na mênë ti Lo na ti hinga so Jezu yeke Nzapa. Ye kue ayeke na ngere ngangu ndali ti songo azo na kuâ.

Azo so ama na be na aye ota so kue, Jezu atene na ala: « Biani, Mbi soo ala awe. Ala yeke azo ti mbirimbiri nga na amolenge ti Nzapa. » Asoo mo tongana mo ma na be na bateme ti Jezu, na mênë ti lo nga na Yingo kue legeoko. Azo so ama na be gi na mênë na Yingo, asiokpari angba na ya ti ala.

Na ya ti Kodro-gbia ti Nzapa, taa-tënë ayeke gi oko. Sarango ye ti mbirimbiri ayeke daa, sarango ye na ngurungo ni pepe ayeke daa, ndoye nga na sarango nzoni ayeke daa. Mvene kete ayeke daa pepe. Mvene na sarango ye na mayele ayeke na yayu pepe.

Zo wa laa « angba na sarango sioni » ?

Zo so ama na be na bateme ti Jezu pepe.

« Na lango ti fango ngbanga, fade azo mingi ayeke tene na mbi: Mve ti e, Mve ti e, e tene peko ti tënë ti yanga ti mo pepe? E tomba ayingo-sioni na iri ti mo pepe? E sara aye ti kpene mingi na iri ti mo pepe? » (Matthieu 7 : 22)

Akua so zo asara, Nzapa ahinga pekoni laoko pepe. « Mbi hinga ala laoko pepe. Ala hon yongoro na terê ti mbi, ala azo ti sarango sioni. » (Matthieu 7 : 23).

« Mbi mu na mo ada use. Mbi mu fini ti mbi ndali ti Mo. Mo baa mbi pepe? Mbi bere tënë ti mo pepe ngbii mbi kui na ni. Mo baa mbi pepe? »

« Tongaso, mo yeke na siokpari na be ti mo? »

« Nilaa, Mve ti mbi. mbi yeke na siokpari kete. »

« Tongaso, mbi lingbi duti oko na mo pepe. Amu lege na Wasiokpari oko pepe ti li na ndo so. »

« Me mbi kui ndali ti mo! »

« Kui ndali ti mo “Mo ye tene nyen laa” ? Mo kui gi ngbanga ti kpengbango li ti mo. Mo hinga bateme ti Mbi na mênë ti Mbi? Mbi fa kambisa ni mbi tene mo yeke zo ti Mbi? Mbi fa kambisa ni na be ti mo mbi tene mo yeke zo ti mbi? Mo ma na be na bateme ti Mbi pepe si nga Mbi fa kambisa ni laoko pepe Mbi tene mo yeke zo ti Mbi, me mo ngba gi na mango na be ti mo, nilaa mo kui ndali ni. Mbi fa kambisa ti mo lawa? Mo wani laa mo gi ni. Mo ye nga si mo tara gi mo oko ti wara zingo mo na ya ti siokpari. Mo ma ya ni? Fadeso, mo hon. »

Jezu atene na e atene e londo e za. Mingi ti azo so azi ala na ya ti siokpari awe ayeke zuku na gbe ti agbâ ti ataa wamabe pepe nga na ataa wayanga-Nzapa pepe si ala wara lege pepe ti za gbâ ni gbâ ni na le ti azo. Me kete menga ti wâ alingbi ti ga kota wâ. Tongana e londo na mbeto pepe si e fa kambisa ni, fade wâ aza na ndö ti dunia mobimba.

Na ya ti Isai 60:1-2, atene: « Jeruzalem, londo! Mo za tongana wâ, ngbanga ti so wâ ti bango ndo ti mo ayeke ga, zango ti Mve ti dunia ayeke za na ndö ti mo. Baa, bingo amu ndö ti sese, bingo akanga ndö ti azo. Me ti mo, Mve ti dunia ayeke londo si zango ti lo ayeke su na ndö ti mo. »

Nzapa amu yanga na e titene e longo e za, ngbanga ti so bingo ti mvene nga na bingo ti anzoni sango ti mvene amu ndö ti sese kue. Gi azo so ama na be na Jezu si alingbi ti ndoye Lo. Azo so azi ala na ya ti siokpari pepe alingbi ti ndoye Jezu laoko pepe. Ala lingbi ti sara ni tongana nyen? Ala yeke tene gi tënë ti ndoye, me ala lingbi laoko pepe ti ndoye taa Lo, tongana ala ma na be pepe.

Aye Ota ayeke Fa Kambisa ti Songo Awasiokpari na Kuâ

Kambisa ti songo e na kuâ na ya ti be ti e ayeke nyen?

Bateme ti Jezu

« Ngbanga ti so aye ota ayeke fa kambisa: Yingo, ngu na mênë si ala ota kue atene gi tënë oko. » Jezu aga na ndö ti sese si Lo sara kua ti Lo na ngu na mênë. Lo sara ni si Lo soo e.

« Tongana azo atene na e tënë ti ye so ala baa, e yeke yeda na ni; me tongana Nzapa atene tënë na ndö ti mbeni ye, tënë ni ane ahon ti azo. Tënë so Nzapa atene ayeke so: lo tene tënë na ndö ti Molenge ti lo. Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo. Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo. Zo so ayeke na Molenge ni, lo yeke na fini; zo so ayeke na Molenge ti Nzapa pepe, lo yeke na fini pepe. » (1 Jean 5 : 9-12).

Azo so adu ala ti fini ni, azo ayeke tene kambisa ti ala. Azo ahinga e tongana azo ti mbirmbiri. Tongana azo so adu ala ti fini ni so azi ala na ya ti asiokpari ayeke tene taa-tënë na ndö ti zingo zo na ya ti siokpari, zo oko alingbi ti de kite na ni pepe. Azo ayeke yeda. Ala tene e ma na be na legeni, ala tene mabe ti e ni, nda ni ayeke na legeni. Tongana e tene na ala e tene adu e ti fini ni, zo oko ayeke dekite na taa-tënë so pepe. Ala tene tënë ti e ayeke na legeni. E yeke wara kambisa ti azo.

Me sura so atene nga: « kambisa ti Nzapa ayeke kota ahon, ngbanga ti so kambisa ti Nzapa ayeke kambisa ti Molenge ti lo so Lo tene ni. » Atene, kambisa ti Nzapa ni ayeke Molegne ti Lo. Ayeke na legeni? Kambisa ti Molegne ti Lo ni ayeke nyen? Ye so afa atene Jezu asoo e, ayeke so Jezu aga na lege ti Yingo, Lo ga na lege ti ngu ti zingo siokpari, si nga Lo ga na lege ti mênë ti keke ti kulusu. Nzapa atene kambisa ni atene, ayeke tongaso laa lo soo e si e yeke azo ti Lo, ngbanga ti so e ma na be na ni.

« Ngbanga ti so kambisa ti Nzapa ayeke so lo fa kambisa ti Molenge ti lo. Zo so ama na be na Molenge ti Nzapa, zo ni ayeke na kambisa so na be ti lo wani; zo so ama na be na Nzapa pepe, asara si Lo ga wamvene. »

Tëne so afa na e mbirimbiri, azo wa laa azi ala. Atene, zo so ama na be na Molenge ti Nzapa ayeke na kambisa ni na be ti lo wani. Mo yeke na kambisa ni na be ti mo? Ayeke na be ti mo nga na be ti mbi. Nzapa azu na sese ndali ti e. (Lo mu terê ti zo na lege ti Mari) Na ndembe so Lo waraa ngu baleota, asara bateme na Lo ti mu asiokpari ti e kue na li ti Lo. Si na asiokpari ti e ni kue, afâ ngbanga na li ti Lo na ndö keke ti kulusu. Lo zingo na kuâ lango ota na pekoni ti mu na e fini ti lakue lakue. Tongaso laa Jezu asoo e.

Nyen laa fade asi, tongana Lo zingo na kuâ pepe? Fade Lo fa kambisa ti mbi tongana nyen na du ti kuâ? Ndani laa Lo yeke Wasongo mbi. So laa ayeke ye so e ma na be na ni.

Tongana so Lo tene, Lo soo e na lege ti bateme ti Lo nga na mênë ti Lo. Ngbanga ti so e ma na be na ni, mo na mbi asoo e awe. Kambisa ni ayeke na ya ti mbi si ayeke nga na ya ti mo. Azo so azi ala na ya ti siokpari ambumbuse laoko pepe « ngu » ti bateme ti Jezu. E girisa aye so Lo sara ti soo na e laoko pepe.

« Ngbanga ti so alingbi e sara ye kue so ayeke ye ti mbirimbiri tongaso. » (Matthieu 3 : 15). Tënë ti zingo so Jezu azi e na ya ti asiokpari ti e na ndembe so Jean-Batiste asara bateme na Lo na ya ti ngu ti Jurden so, e bere ni laoko pepe. Azo so azi ala na ya ti siokpari alingbi laoko pepe ti bere tënë ti « ngu » ti bateme ti Jezu.

Azo so Ama na Be, Me Azi ala na Ya ti Siokpari Pepe, Ala Bere Tënë ti Bateme ti Jezu Ngbii Asi na Ndani

Zo wa laa asara si Nzapa aga wamvene?

Zo so ama na be na bateme ti Jezu pepe

Bazangele Jean atene mbirimbiri na ndembe so lo tene: « Zo so ama na be na Nzapa pepe asara si Lo ga wamvene. » Tongana fade Jean angba na gigi laso, nyen laa lo yeke tene na e awamungo peko ti Kriste? Fade lo hunda ti hinga wala « Jezu azi asiokpari ti e kue na ngoi ti bateme ti Lo. »

Jean-Batiste afa nga pepe kambisa ti Nzoni Sango so atene Jezu azi e na ya ti siokpari na lege ti bateme ti Lo so? « Asiokpari ti ala kue, atokua ni na li ti Jezu si Lo yô asiokpari ti ala ni na ndembe so mbi sara bateme na Lo pepe? » Fade lo tene kambisa ni atene, « asara bateme na Jezu ti soo ala kue. » (Jean 1:29, 1 Jean 5:4-8)

Azo so ama na be na Nzapa pepe, ala so ama na be pepe na aye kue so Lo sara ndali ti e, ala sara si Nzapa aga wamvene. Tongana e tene Jezu azi asiokpari ti e kue na ndembe ti bateme ti Lo, ala tene ti ala: « Oo, Nzapa ti mbi! Lo lingbi pepe ti zi asiokpari ti e kue! Lo zi gi siokpari so adu na e, asiokpari ti e ti lango oko oko angba. »

Ala ngba gi na ndö ti so si atene, ayeke nzoni e zia ngbene lege ti e lakue lakue si e fa asiokpari ti e kue ti ngoi so, si azi e na ya ni. » C’est ce qu’ils croient. Ayeke so laa ala ma na be na ni. Est-ce que vous dites tous la même chose ? Mo nga kue mo yeke tene gi mara ti tënë so? Ceux qui ne croient pas que nos péchés ont été effacés par le baptême de Jésus font de Dieu un menteur. Azo so ama na be pepe atene ambô asiokpari ti e na lege ti bateme ti Jezu, asara si Nzapa aga wamvene.

Jezu Jezu Azi e kue na Ya ti Siokpari Gi Fani oko na Ndembe so Asara Bateme na Lo Si nga Mênë ti Lo Ayuru na ndö Keke ti Kulusu

Zo wa laa ayeke tene mvene?

Zo so ama na be na bateme ti Jezu pepe

Asara bateme na Jezu si Lo zi asikpari kue gi fani oko awe biani biani. Nzapa ayeke soo azo so ama na be na bateme nga na mênë ti Jezu, me Lo zia azo so ama na be na ni pepe. Ala yeke gue na le ti wâ. Nilaa, titene asoo e wala asoo e pepe, abaa gi tënë ti ye so e ma na be na ni. Jezu azi azo kue na ya ti asiokpari kue ti dunia. Azo so ama na be na ni, ayeke soo ala, si nga azo ama na be na ni pepe, ayeke soo ala pepe, ngbanga ti so ala sara si Nzapa aga wamvene.

Ayeke pepe gi ndali ti so azo awoko si ala yeke gue na le ti wâ, me ndali ti so ala ma na be pepe. « Zo so ama na be pepe, asara si Lo ga wamvene. » (1 Jean 5 : 10). Azo so ama na be pepe atene atokua asiokpari ti ala kue na li ti Jezu, ala ngba na siokpari na be ti ala. Ti tene na aso atene, ala yeke na siokpari pepe, ala lingbi ti tene ni pepe.

Mbeni lâ, mbi tingbi na mbeni diakre si mbi hunda lo mbi tene: « Diakre, fade asiokpari ti mbi ahon, tongana mbi ma na be na Jezu? »

« Nilaa, ayeke hon. »

« Tongaso, so si Jezu amu asiokpari kue ti dunia so si lo tene ye kue ahunzi awe so, asoo mo awe.? Nilaa pepe? »

« Nilaa, asoo mbi. »

« So titene, siokpari angba na be ti mo pepe. »

« Nilaa. »

« Tongana mo kiri mo sara siokpari, nyen laa ayeke si? »

« E yeke gi azo. E lingbi ti sara siokpari pepe tongana na nyen? Ayeke nzoni e fa ni na Nzapa si e sukula asiokpari ti e ni lakue lakue. »

Diakre so angba na siokpari na be ti lo, ngbanga ti so lo hinga taa-tënë ti zingo azo na ya ti asiokpari kue pepe.

Ayeke amara ti azo tongana na lo so laa ayeke he Nzapa si ayeke sara titene Lo ga wamvene. Jezu so ayeke Nzapa, akara lo ti mbô asiokpari kue ti dunia? Ayeke ye so ahon gbungo li ti zo. Tongana Jezu ambô asiokpari kue pepe, Lo lingbi ti duti Nzapa ti songo azo na kuâ tongana nyen? Fade Lo lingbi ti tene na e ti ma na be na Lo tongana nyen? Fade mo sara si Lo ga wamvene? Mbi hunda na mo ti sara ni pepe.

Mbeti Nzapa atene na e ti he Lo pepe. So aye titene, ti sara si Lo ga wamvene pepe na nga ti lege ti handa Lo pepe. Lo yeke tongana e pepe.

Bazangele Jean ayeke tene na e mbirimbiri tënë ti nzoni sango ti zingo azo na ya ti siokpari. Gbâ ti azo aye ti ma na be na aye so Nzapa asara ndali ti e pepe (gango so Jezu-Kriste aga na lege ti ngu, ti mênë, nga na ti Yingo.)

Tongana azo so ama na be pepe tongana ti so atene na ala ayeke daa, si nga azo so ama na be na aye kue so Nzapa asara ndali ti e ayeke nga daa (ala so ayeke tene na gbe le ti Nzapa atene: « Mbi yeke zo ti mbirimbiri. » si atanga ni ayeke tene: « Mbi yeke wasiokpari » ), ala so wa laa ayeke tene taa-tënë?

Ala so ama na be pepe na aye so Nzapa asara na lege ti kambisa ti ngu, ti mênë nga na Yingo, ala yeke tene mvene. Mabe ti ala ayeke na legeni pepe. Ala so ama na be na ni pepe ayeke sara si Nzapa aga wamvene.

Ayeke nzoni mo sara si Nzapa aga wamvene pepe. Jezu aga na Jurden ( asara bateme na Lo) Lo sara ye kue ti mbirimbiri tongaso (Lo mu asiokpari kue ti dunia Lo hon na ni).

Azizini ti Wataka ayeke Bere tënë ti Bateme ti Jezu nga na Ziango terê nde ti Lo

Nyen laa Satan na ayingo sioni ti lo ayeke bere ni?

Bateme ti Jezu na ziango terê ti lo nde

Zo so ama na be na Molenge ti Lo, ayeke na kambisa ni na ya be ti lo wani. Zo so azi lo na ya ti siokpari ama na be atene asiokpari ti lo atokua ni na li ti Jezu na ndembe so asara bateme na Lo, si nga azi zo ni na ngu na mênë ti Jezu. Zo ni ama na be nga atene adu Jezu na sese so na lege ti mi-terê ti Mari; zo ni ama na be so asara bateme na Lo na Jurden kozo si Lo kui na ndö keke ti kulusu; zo ni ama na be atene Lo kui na Lo zingo na kuâ.

Zo ti mbirimbiri ayeke na kambisa ni. Ye so afa songo e na kuâ ni ayeke na ya ti mango so e ma na be na Jezu so aga na lege ti ngu, ti menê nga na ti Yingo. Kambisa ni ayeke na ya be ti mo. « Ayeke nzoni mo wara kambisa ni na be ti mo wani. » Mbi tene ni na mo: « Tongana kambisa ayeke daa pepe, songo mo na kuâ ayeke nga daa pepe, ye so afa atene asoo e, ayeke na be ti mo.

Bazangele Jean atene, « Zo so ama na be na Molenge ti Nzapa, ayeke na kambisa so na ya ti be ti lo wani. » (1 Jean 5:10) Ti wara kambisa ni, ayeke gi ti ma na be na mênë ti keke ti kulusu awe? Ayeke ti ma na be na ngu, me na mênë pepe? Ayeke nzoni mo na be na aye ota so si Nzapa ahinga mo.

Ayeke ge so laa fade Jezu atene kambisa ni atene: « Asoo mo awe. » Mo yeke tene mo fade wara kambisa ni, tongana mo ma na be gi na aye use senge (mênë na Yingo)? So fade aga tongana mango na be na Nzapa na ngobo ti mo wani. So fade aga tongana « tenengo kambisa ti mo wani. »

Gbâ ti azo ayeke na ya ti ngobo so. Azo mingi na dunia so ama na be gi na aye use na popo ti aye ota so. Ala yeke tene kambisa ni atene asoo ala si ala yeke su agbâ ti abuku na ndö ti songo ala ni. Ka so yanga ti ala ayapu so! Ayeke ye ti bingo vundu na be. Ala yeke sara si azo airi ala « awavungago nzoni sango. » Ala baa terê ti ala tongana gi « awavungango nzoni sango pepe », me nga « awavorongo Nzapa. » Ala ma na be pepe na « ngu » me ala yeke pika kate ti ala na songo so asoo ala! Ka so akpa gi ye so ayeke na legeni so! Me ala wara kambisa ti Nzapa pepe. Ayeke gi mbeni bibe.

Mo lingbi ti iri so ni songo zo na kuâ tongana nyen? Gi azo so ama na be na Jezu so aga na lege ti Yingo, ti ngu, nga na ti mênë, ala so laa awara kambisa ti Nzapa nga na ti azo.

Bazangele Paul a tene: « Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga so tënë ni awoko taa ala biani. » (1 Tesalonike 1:5) Satan ayeke na ngia tongana azo ama na be gi na mênë ti Jezu. « Eeen, azo so hinga ndo pepe so, mbi handa ala... Woyeee... » Gbâ ti azo abaa atene tongana azo asara sabango ti mênë ti Jezu, fade Satan ayeke kpe ti hon. Ala baa atene Satan asara mbeto ti Keke ti kulusu. Satan ayeke sara gi na ye ti ngia. Ayeke nzoni e handa terê e na ni pepe.

Tongana sioni yingo ali mbeni zo, zo ni alingbi ti ga zo ti gbogbolinda si furu ayeke sigigi na yanga ti lo. Ayeke ngangu na zabolo pepe ti sara ye ni so. Zabolo ayeke na ngangu kue ti sara si zo asara ye kue. Ayeke gi ti tene zabolo asara gi kua kete na kpi ti li ti lo. Nzapa amu lani na Zabolo angangu nde nde kue, gi ngangu ti fango zo laa Lo mu na lo pepe. Zabolo alingbi ti sara si terê ti zo ado tongana kugbe, ti sara si lo dekongo nga ti sara si furu asigigi na yanga ti lo.

Tongana na ye ni so si, awamabe ayeke dekongo atene: « Mo hon na iri ti Jezu! Mo hon! » Na tongana zo ni akiri aduti nzoni si lo hinga terê ti lo, atene ayeke gi ngangu ti mênë laa. Me so ayeke ngangu ti mênë ti Jezu pepe. Ayeke gi « sarango ye ti ngia » ti zabolo laa.

Satan na ahingo sioni ti lo asara mbeto ti azo so ama na be na Jezu mingi, e azo so asukula e na lege ti bateme ti Lo, Lo so ayô ngbanga ti kuâ ti e na li ti Lo, na lege ti mênë ti Lo si Lo zingo na kuâ na lango ota ni. Fade Satan angba pepe na terê ti wakambisa ti bateme ti Jezu nga na ti songo so Jezu asoo azo na mênë ti Lo so.

Tongana so mo hinga, ambeni kota-boa ti katolike ayeke tomba ka Satan. E baa ni na ya ti alimo. Na ya ti limo so iri ni « Sioni deba », mbeni kota-boa agbu mbeni keke ti kulusu si lo yeke yingi ni, me kota-boa ni akui. Zo so adu lo ti fini ni, fade asoo benda na li ti lo tongaso pepe.

Lo sara tënë ni na ngangu ti ngu na mênê ti Jezu. Tongana zabolo atara ti nokpo lo, fade lo tene na lo: « Mo hinga mo tene Jezu azi asiokpari ti mbi kue? » Fade zabolo asô loro. Zabolo ake dutingo nduru na azo so adu ala ti fini ni. Tongana mbeni « zo so adu lo ti fini ni » aduti ge, fade zabolo agi lege ti kpe. Atene, azo so ama na be na Nzapa pepe asara si Lo ga wamvene. Ala ma na be pepe na kambisa ti Molenge ti Lo, kambisa ti ngu na mênë.

Kambisa ti Molenge ti Nzapa ni ayeke nyen?

Bateme ti Lo, mênë ti Lo na Yingo.

Kambisa ti Molenge ti Nzapa ni ayeke nyen? Ayeke so Lo ga na lege ti Yingo si Lo sukula asiokpari ti e kue na ngu. Lo mu asiokpari ti dunia kue na li ti Lo si nga mênë ti Lo ayuru na ndö keke ti kulusu ndali ti e. So laa ayeke zingo zo na ya ti siokpari na lege ti ngu, mênë nga na Yingo pepe?

Azo ayeke tene mvene na gbe le ti Nzapa, ngbanga ti so ala ma na be na nzoni sango ti ngu na mênë pepe, nzoni sango ti zingo azo na ya ti siokpari. Mango na be ti ala ni ayeke na legeni pepe na ala yeke sara si tënë ti mvene so amu ndo.

E kiri na 1 Jean 5. Sura baleoko na oko ni atene: « Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo. » So atene na e atene Nzapa amu na e fini ti lakue lakue si fini ni so ayeke na ya ti azo so akamata Lo. Fini ni so ayeke nga na ya ti Molenge ti Lo.

Azo so awara fini ti lakue lakue ayeke ala so azi ala na ya ti siokpari na lege ti mango na be na bateme ti Jezu nga na mênë ti Lo. Azo so azi ala na ya ti siokpari awara fini ti lakue lakue si nga gigi ti ala ayeke ti lakue lakue. Mo wara fini ti lakue lakue?

Sura baleoko na use ni atene: « Zo so ayeke na Molenge ti Nzapa ni, ayeke na fini; zo so ayeke na Molenge ti Nzapa ni pepe, ayeke na fini pepe. » So aye titene, zo so ama na be na aye so Molenge ni asara na ndö ti sese so: Bateme ti Lo, Kui ti Lo na ndö ti keke ti kulusu nga na Zingongo ti Lo na kuâ, zo ni ayeke na fini ti lakue lakue. Me zo so azi, ataa gi ye oko na popo ti aye ota so, fade lo wara fini ti lakue lakue pepe, si nga ayeke zi lo na ya ti siokpari pepe.

Bazangele Jean akangbi popo ti azo ti Nzapa gi na lege ti mango na be ti ala na aye so Jezu asara: ngu, mênë nga na Yingo. Aye so ayeke fa na e, tongana Tënë ni ayeke na ya ti be ti zo ni. Lo hinga azo so azi ala na ya ti siokpari na lege ti mango na be ti ala na ngu ti bateme ti Jezu, mênë ti Lo nga na Yingo.

Azo So Adu Ala ti Fini ni Pepe Alingbi Pepe ti Kangbi Popo ti Taba na Ngasa

Zo wa laa alingbi ti kangbi popo ti azo so azi ala na ya ti siokpari na ala so azi ala na ya ti asiokpari pepe?

Zo so adu lo ti fini ni.

Bazangele Jean akangbi pendere mingi popo ti azo ti mbirimbiri so azi ala na ya ti siokpari. Bazangele Paul nga. Awakua ti Nzapa akangbi popo ti ataba na angasa tongana nyen? Ala yeke kangbi ya ti ataa wakua ti Nzapa na ala so asara terê ti ala tongana awakua ni tongana nyen? Ala so azi ala na ya ti siokpari na lege ti mango na be na ngu na mênë ti Jezu, ala wara ngangu ti baa ni.

Ataa mbeni zo ayeke wakua, wavungango nzoni sango wala ansien, tongana lo hinga pepe azo so azi ala na ya ti siokpari, tongana lo hinga pepe ti kangbi popo ti taba na ngasa, lo wani kue ade adu lo ti fini ni pepe si nga lo yeke na fini ti lakue lekue na ya ti lo pepe. Me azo so adu ala ti fini ni biani, ala lingbi ti baa kangbi so ayeke na popo ti azo ni. Azo so ala wani ayeke na fini na ya ti ala pepe, ala lingbi pepe ti baa kangbi so ayeke na popo ti azo wala ti hinga ni pepe.

Ayeke tongana kangbingo popo ti anzoroko nde nde na ya ti vukongo ndo. Nzoroko ti ngu-ngunza ayeke gi ngu-ngunza si nga nzoroko ti vuru ayeke gi vuru. Tongana mo kanga le ti mo, mo lingbi ti baa anzoroko pepe wala ti hinga anzoroko pepe.

Me ala so le ti ala angba na zingo ni, ala lingbi ti kangbi akete kete popo ti anzoroko. Ala lingbi ti fa ndo so nzoroko ti ngu-ngunza ayeke daa si nga nzoroko ti vuru ayeke daa. Legeoko nga, mbeni kangbi so ayeke baa ni ayeke na popo ti azo so azi ala na ya ti siokpari na ala so azi ala pepe.

Ayeke nzoni e vunga nzoni sango ti zingo zo na ya ti asiokpari so, nzoni sango ti ngu, ti mênë nga na ti Yingo so. Ayeke nzoni e londo e za. Tongana e bongbi azo na terê ti e ti fa tënë ti mabe, ayeke nzoni e sara tënë ni na ngobo ti sarango tënë ti azo pepe. Na ya ti Mbeti ti Nzapa, 1 Jean 5, afa nda ni kue. Ayeke nzoni e fa ndani kapa na kapa titene avuru tarara.

Tënë so e ayeke fa ni, so titene tënë ti ngu, ti mênë na Yingo ti Jezu ayeke wâ ti zingo na azo na ya ti siokpari. Ti sara si azo fa tënë ti « ngu » ti Jezu na azo, ayeke ti za ngangu. Ti sara si azo ahinga « mênë » ti Jezu, ayeke ti za mingi. Ayeke nzoni e fa ni avuru tarara si mbeni zo so ahinga tënë ni pepe aduti daa na ndö ti sese so oko pepe.

Tongana azo so azi ala na ya ti siokpari alondo pepe si aza pepe, fade gbâ ti azo azi ala na ya ti siokpari pepe na fade amu ngia na Nzapa pepe. Lo yeke baa e tongana awakua so ayeke azo ti goigoi. Ayeke nzoni e sara si nzoni sango ti ngu nga na mênë ti Jezu amu ndo.

Ndani so mbi kiri na ndö ni gbâni gbâni, ayeke ndali ti so bateme ti Jezu ayeke na ngere ngangu ndali ti songo e. Tongana e yeke sara tënë na amolenge, ayeke nzoni e fa ndani fani mingi na kiringo na ndö ti amama tënë ni oko na oko si e lingbi ti hinga biani e tene ala ma ya ni nzoni.

Tongana e tara ti fa ye na zo so ahinga ti diko mbeti pepe, fade e tondani na agere ti mbeti. Na pekoni, kete na kete e lingbi ti fa na lo ti su ambupa na agere ti mbeti ni. Tongana lo lingbi ti bongbi ambupa tongana « pika », e tonda ti fa nda ti ambupa ni na lo. Ayeke legeoko tongaso laa ayeke nzoni e fa tënë ti Jezu na azo si e lingbi ti hinga biani e tene ala ma ya ni nzoni.

Ayeke nzoni e fa nda ti bateme ti Jezu avuru tarara. Lo ga na dunia so na lege ti ngu, mênë nga na Yingo. Mbi sambela titene mo ma na be na Jezu tongana Wasongo mo si azi mo na ya ti asiokpari.

Zingo zo na ya ti asiokpari na lege ti ngu na Yingo ayeke baa gigi na lege ti mango na be na bateme ti Jezu, mênë ti lo na ndö keke ti kulusu nga na lege ti mango na be so Jezu ayeke Nzapa, Wasongo e.

Tënë ti fango so ayeke nga na lege ti ebook. Zi na ndo ti foto ti mbeti so na gbe.

AKIRI ADU MO BIANI NA LEGE TI NGU NA YINGO AWE? [Fini lekengo]

LIST Download FREE eBook & AudioBook

English

Terms and Conditions Privacy Policy Cookie Policy Contact Us

Domain owner: The New Life Mission (Official Website: bjnewlife.org) | License: The New Life Mission operates this site to distribute free Christian books.