- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Kota tënë 3: Nzoni Sango ti Ngu na Yingo
[3-4] Bateme ti Jezu ayeke mbeni limo ti songo awasiokpari (1 Pierre 3 : 20-22)
« Ala so ando ama na be pepe na ndembe so Nzapa akanga be ti lo ti ku titene ala kiri na be ti ala na lo, gi azo miombe senge laa ali na ya ti mangboko si na lege ti ngu, Nzapa asoo ala. So ayeke limo ti bateme so ayeke soo ala fadeso, bateme ni ayeke ye ti sukulango zende na tere ti zo pepe, me ayeke mungo terê ti duti na nzoni gbungo li na mbage ti Nzapa, bateme ni ayeke soo ala na kuâ na lege ti zingongo ti Jezu Kriste na kuâ, Lo gue na yayu, lo duti na terë ti Nzapa na mbage ti maboko ti lo ti koli si angelu, ayingo so ayeke na komandema na ala so ayeke na ngangu ayeke na gbe ti lo. »
| E ga mbirimbiri na lege ti nyen? |
| Na lege ti be-nzoni ti Nzapa. |
Adu e na na ndö ti sese so, me kozoni Nzapa ahinga e. Lo hinga Lo tene fade adu e awasiokpari, nilaa, Lo soo awamabe kue na lege ti bateme ti Lo, so azi asiokpari kue ti dunia. Lo soo awamabe kue na lo sara si ala ga azo ti Lo.
Ye so kue ayeke lengo ti be-nzoni ti Lo. E lingbi ti diko na Abia 8:4, « Zo ayeke nyen titene mo dabe ti mo na lo? » Azo so asoo ala na ya ti asiokpari kue ayeke azo so Lo ndoye ala na ndoye so ayeke nde. Ala yeke amolenge ti Lo.
E yeke lani tongana nyen, e so e ma na be gi na ngu na Yingo, kozo si e ga amolenge ti Nzapa, kozo si e ga azo ti mbirimbiri, kozo si asoo e si lege azi na e ti iri Lo Babâ? E yeke lani awasiokpari, gi asenge wasiokpari so adu e titene e duti na ndö ti sese so ngu baleomene, balembarambara wala balemiombe tongana e yeke na seni.
Kozo si asukula asioni ti e, si nga kozo titene e ma na be na nzoni sango ti bateme ti Jezu, na mênë ti Lo, e yeke azo ti mbirimbiri pepe so ayeke gi titene e kui.
Bazangele Paul atene, lo ga ye so lo yeke ni gi na lege ti be-nzoni ti Nzapa. Na lege ti be-nzoni ti Lo laa e ga ye so e yeke ni laso. E mu singila na Lo ndali ti be-nzoni ti Lo. Wasarango dunia azu na sese so si asoo e, Lo sara si e ga amolenge ti Lo, azo ti Lo. E mu singila na Lo ndali ti be-nzoni so Lo sara na e na songo e na lege ti ngu na Yingo.
Ngbanga ti nyen si Lo mu na e lege ti ga amolenge ti Lo, ti ga azo ti mbirimbiri? Ayeke ngbanga ti so e yeke pendere na bango e? Ayeke ngbanga ti so e lingbi taa na ni? Wala ngbanga ti so e yeke nzoni mingi? Ayeke nzoni e gbu li ti e na ni si e mu singila na lo alingbi na ni.
Ndani ayeke so Nzapa asara e titene e ga azo ti Lo si Lo mu na e lege ti duti na na lo na ya ti Kodro-gbia ti Yayu. Nzapa asara si e ga azo ti Lo titene e duti na Lo lakue lakue. Tufa so Nzapa asara na ndö ti e na mungo na e fini ti lakue lakue so, mbeni ndani nde ayeke daa pepe. Ayeke taa-tënë pepe so Lo sara si e ga azo ti Lo, ngbanga ti so e yeke pendere na bango e, ngbanga ti so e lingbi na ni wala ngbanga ti so dutingo ti e ayeke nzoni ahon ti atanga ti azo so Lo sara ala. Ndani ayeke gi so Lo ndoye e.
« Mbeni mara ni ayeke daa so ayeke soo e na ndembe so: bateme » (1 Pierre 3:21) « So na ya ni gi wungo ti azo kete, so titene azo miombe laa asoo ala na lege ti ngu » (1 Pierre 3:20)
Gi azo kete laa asoo ala, mbeni zo oko na ya ti mbeni kodro na azo use na ya ti mbeni sewa. E yeke nzoni e hon atanga ti azo? Oko pepe. E yeke nga nde pepe, me na ndoni kue, asoo e na lege ti mango na be na ngu nga na Yingo.
Ayeke ye ti kpene so ahon aye ti kpene kue so asoo e, ayeke mbeni matabisi so ndani ayeke daa pepe nga na tufa ti Nzapa titene e iri Lo Babâ ti e, Mve ti e. E lingbi ti bere tënë ni laoko pepe. Tongana e ngba gi awasiokpari, e lingbi ti iri Lo Babâ wala Mve ti e tongana nyen?
Tongana e gbu li ti e na songo so asoo e, e hinga e tene Nzapa andoye e. Fade adu e si e kui gi tongaso, fade nda ti gigi ti e aduti ngaa daa pepe na fade e kue e gue na le ti wâ, tongana ndoye ti Lo na atufa ti Lo ayeke daa pepe. E mu singila na Nzapa mingi mingi ndali ti atufa ti Lo na ndoye ti Lo so asara si e ga amolenge ti Lo so alingbi na ni na le ti Lo.
Songo e ti Ngere Ngangu Mingi so Nzapa Asoo e na Lege ti Bateme ti Jezu
| Ngbanga ti nyen si azo ti tango ti Noe akui? |
| Ngbanga ti so ala ma na be na tënë ti ngu pepe (bateme ti Jezu). |
« Mbeni mara ni ayeke daa so ayeke soo e na ndembe so: Bateme » Asu na ya ti 1 Pierre atene gi azo miombe senge laa asoo ala na ya ti ngu. Na tango ti Noe, wungo ti azo ayeke oke? Lege titene e hinga wungo ti azo ni ayeke daa pepe, me e lingbi ti fa wungo ti azo kutu oko. Na popo ti azo kutu oko, gi azo miombe na ya ti sewa ti Noe laa asoo ala.
Tongana na ahaka na lango ti laso, wungo ti azo so asoo ala alingbi ti duti gi legeoko. Ayeke tene, wungo ti azo na ndö ti sese laso, ayeke ngundangu miombe. Na popo ti azo so ama na be na Jezu laso, ala so asukula siokpari ti ala ayeke oke? Tongana e mu gi mbeni vaka oko, fade awara gi wungo ti azo kete.
Na ya ti mbeni vaka so wungo ti azo na ya ni ayeke saki ngbangbo use na baleoku (250 000), azo oke na popo ti ala laa azi ala na ya ti siokpari ti ala? Azo oke na popo ti azo ni kue? So aye titene gi zo oko na popo ti azo saki oko laa ayeke wara tufa ti zingo azo na ya ti siokpari.
Abaa atene wungo ti awamabe na sese ti Koree ayeke kutu baleoko na use. Me azo oke na popo ti ala laa adu ala ti fini ni na lege ti ngu na Yingo? Alingbi e bata na li ti e so na ngoi ti Noe, gi azo miombe na popo ti azo ti sese kue laa asoo ala. Ayeke nzoni e hinga ni si nga e ma na be so Jezu asukula asiokpari ti azo so ama na be na bateme ti Lo, bateme so gi na lege ni si Lo zi asiokpari kue.
Gi wungo ti azo kete laa ama na be so Jezu azi e kue na ya ti siokpari na lege ti bateme ti Lo nga na mênë ti Lo na ndö keke ti kulusu. E baa pendere limo ti « Zingongo ti Jezu na kuâ. » so tene ni awu mingi. Azo oke so azingo na kuâ laa afa ala na ya ni? Oke na popo ti ala laa ayeke awateoloji?
Laso, awateoloji ayeke gbâ ni na ndö ti gigi so, me wungo ti azo so gi kete si ahinga na ama na be na bateme ti Jezu tongana taa-tënë ti zingo azo na ya ti siokpari. Ambeni awateoloji ni atene, nda ti bateme so asara na Jezu ayeke ngbanga ti so Lo sara terê ti Lo kete, si ambeni atene asara bateme na Lo titene Lo ga tongana e azo.
Me asu na ya ti Mbeti ti Nzapa atene, abazangele kue, Pierre na Jean nga, atene kambisa ti tokuango asiokpari ti e na li ti Jezu, na lege ti bateme ti Lo, nilaa e ma na be na ni nga.
Abazangele atene kambisa ni na ya ti Mbeti ti Nzapa atene, Jean-Batiste atokua asiokpari ti e na li ti Jezu na lege ti bateme ti Lo. Ayeke mbeni kambisa so ahon gbungo li, kambisa ti be-nzoni ti Nzapa so azi e na ya ti siokpari gi na senge mango na be na ni.
Gingo Be Oko Ayeke Daa Pepe na ya ti Bateme ti Zingo azo na ya ti Sasiokpari
| Zo wa laa awara ndoye ti Nzapa so maka ni ayeke daa pepe? |
| Zo so ama na be na bateme ti Jezu nga na mênë ti Lo |
Abongbi ti Nzapa kue abaa atene asoo ala awe na ya ti amango na be ti ala, nilaa gbâ ti azo aba atene bateme ti Jezu ayeke gi mbeni bibe ti mbeni bongbi ti awamungo peko ti Kriste. Me ayeke nilaa pepe. Na popo ti abuku nduru na saki saki so mbi diko, mbi wara mbeni oko pepe na ndö ti songo azo na kuâ so afa mbirimbiri ye so ayeke na popo ti zingo azo na ya ti siokpari na lege ti bateme ti Jezu na mênë ti Lo nga na songo zo na kuâ.
Gi azo miombe laa asoo ala na ngoi ti Noe. Mbi hinga pepe azo oke laa fade asoo ala laso, me fade asoo azo mingi pepe. Azo so fade asoo ala, ayeke ala so ama na be na bateme ti Jezu na mênë ti Lo. Ada-Nzapa mingi so mbi gue daa, mbi baa ni lakue na angba ngbango, ala so ayeke fa nzoni sango ti bateme ti Jezu, so ayeke taa-nzoni sango, hungo ti ala ayeke gi kete.
Tongana e ma na be pepe na zingo e na ya ti siokpari na lege ti bateme ti Jezu nga na mênë ti Lo, e ngba gi awasiokpari. (Ataa lege oke so mo yeke gue na da-Nzapa tongana be-taa-zo.) E lingbi ti gue lakue na da-Nzapa tongana be-taa-zo na ya ti gigi ti e kue. Me tongana siokpari angba na be ti e, e ngba lakue awasiokpari.
Tongana e gue na da-Nzapa ngu baleoku, me e ngba lakue na siokpari na be ti e, mabe ti e ti ya ti ngu baleoku so ayeke gi mvene. Ti wara gi lango oko ti taa mabe ayeke nzoni ahon ngu baleoku so. Na popo ti azo kue so ama na be na Jezu, gi ala so ama na be na legeni na nda ti bateme ti Jezu na ti mênë ti Lo si fade akamata ala na ya ti Kodro-gbia ti Yayu.
Taa mabe ayeke ti ma na be so Molenge ti Nzapa azu na dunia so, asara bateme na Lo ti zi asiokpari kue ti dunia. Ayeke mabe so laa ayeke gue na e na Kodro-gbia ti Yayu. Ayeke nzoni e ma na be nga so Jezu asa mênë ti Lo na ndö keke ti kulusu ndali ti mo na mbi. Ayeke nzoni e hinga ni si e mu singila na Lo.
E yeke azo wa? E yeke amolenge ti Nzapa ti koli na ti wali so Lo soo e na lege ti bateme na mênë ti Lo. E yeke mu singila na Lo pepe tongana nyen? Asara bateme na Jezu na ndembe so lo wara ngu baleota titene Lo soo e. Na lege ti bateme so, Lo zi asiokpari ti e kue si nga afâ ngbanga na li ti Lo ndali ti e na ndö keke ti kulusu.
Tongana e gbu li ti e na ni, alingbi e kai pepe ti mu singila na Lo. Ayeke nzoni e hinga e tene aye kue so Jezu asara na ndö ti dunia so ayeke ti songo e na kuâ. Kozoni, Lo ga na sese so. Asara bateme na Lo, afâ Lo na ndö keke ti kulusu, Lo zingo na kuâ na lango ota ni, Lo duti fadeso na koti ti Nzapa.
Zingo so Nzapa azi azo na ya ti asiokpari so, ayeke ndali ti azo oko oko na popo ti e, zo oko angba pepe. Songo so Jezu asoo azo na kuâ so ayeke ndali ti e kue, mo na mbi. E mu singila na Nzapa ndali ti ndoye ti Lo nga ndali ti anzoni ye ti Lo.
E yeke he mbeni bia ti Nzapa tongaso. « ♫ Mbeni pendere mbai ayeke daa. Na popo ti azo ti sese kue, mbi yeke zo so awara ndoye so Lo yeke na ni ndali ti mbi, ndoye so Lo yeke na ni ndali ti mbi. Oo, ndoye ti lo ahon gbungo li! Ndoye ti lo ndali ti mbi, ndoye ti lo ndali ti mbi. Mbeni pendere mbai ayeke daa. Na popo ti azo ti sese kue, e yeke azo so asoo e, azo so aga azo ti Lo. E yeke na ndoye ti Lo. Oo, ndoye ti Nzapa, be-nzoni ti Nzapa. Oo ndoye ti Lo ahon gbungo li! Ndoye ti Loi ndali ti mbi ♫ »
Jezu azu na sese ti soo e, mo na mbi, si nga zingo azo na ya ti asiokpari na lege ti bateme ti Lo ayeke nga ndali ti mo na mbi. Nzoni sango ayeke mbeni tere so ayeke tene pepe, ayeke taa-tënë so ayeke sigigi na e na ya ti gigi so ayeke gigi ti kua ti ngangu ti gue na e na pendere Kodro-gbia ti Nzapa. Mabe ayeke lengo songo na popo ti Nzapa na mbi.
Lo zu na sese so ti soo e. Asara bateme na Lo si afâ ngbanga na li ti Lo na ndö keke ti kulusu ti mbô asiokpari ti e.
Ayeke taa nzoni ye mingi titene awamabe airi Nzapa tongana babâ ti ala! Tongana nyen si e lingbi ti ma na be na Jezu tongana Wasongo e na asoo e na ya ti siokpari ti e ni na lege ti mabe? Ye ni so alingbi ti baa gigi ndali ndoye ti Lo so maka ni ayeke daa pepe so Lo ndoye na e. Asoo e ndali ti Lo so lo ndoye e kozoni.
Jezi Asukula Asiokpari ti e Kue Gi Fani Oko awe Biani
« Kriste so ayeke mbirimbiri, akui ndali ti azo so ayeke mbirimbiri pepe, titene lo gue na e na Nzapa » (1 Pierre 3 : 18). Asara bateme na Jezu-Kriste ti zi e na ya ti asiokpari si Lo kui gi fani oko na ndö keke ti kulusu titene asoo e, mo na mbi, e azo ti kirikiri.
| Asoo e gi fani oko awe biani wala gi kete kete? |
| Gi fani oko awe biani. |
Lo kui gi fani oko na ndö ti sese so ti kanga lege na e titene e luti na gbe le ti Nzapa si afâ ngbanga na li ti e. Titene e duti na kodro-gbia ti yayu na terê ti Nzapa, Lo zu na sese na mi-terë si Lo sukula asiokpari ti e kue kue, gi fani oko awe biani baini na lege ti bateme ti Lo, na lege ti kuingo ti Lo nga na lege ti zingongo ti Lo na kuâ.
Mo ma na be biani so Jezu-Kriste asoo e kue na lege ti bateme ti Lo nga na mênë ti Lo? Tongana mo ma na be pepe na nzoni sango ti bateme ti Lo nga na mênë ti Lo, alingbi ti soo mo pepe. Ngbanga ti e woko mingi, e lingbi pepe titene adu e ti fini ni, tongana e ma na be pepe so Jezu asukula asiokpari ti e kue kue gi fani oko awe biani baini na lege ti bateme ti Lo nga na mênë ti Lo.
Asara bateme na Lo ti zi asiokpari ti e kue si afâ ngbanga na li ti Lo na ndö keke ti kulusu ndali ti e gi fani oko biani biani. Jezu asukula asiokpari kue ti awasiokpari gi fani oko awe biani biani na lege ti zingo asiokpari ni na lege ti bateme ti Lo nga na mênë ti Lo.
Tongana ayeke titene na ngoi kue so e sara asiokpari, e fa ni na Nzapa si nga tongana ayeke titene e duti anzoni zo na ngoi kue na e mu gbâ ti aye na da-Nzapa nga, fade aduti ngangu na e, e azo titene azi e na ya ti asiokpari.
Nilaa, mango na be na bateme ti Jezu nga na mênë ti Lo na ndö keke ti kulusu ayeke na ngere ngangu ndali ti songo e. Alingbi e ma na be na ngu na mênë. E lingbi pepe ti sara anzoni ye titene akiri adu e.
Asara ye oko pepe ti vo anzoni bongo ndali ti awayere wala ti mu anzoni kobe na awakua. Jezu-Kriste asoo gi azo so ama na be na bateme ti Lo nga na mênë ti Lo. Tongana e ma na be so Nzapa asoo e na lege ti bateme ti Jezu nga na mênë ti Lo gi fani oko awe biani biani, fade asoo e.
Ambeni alingbi ti gbu li li atene, ataa so Nzapa atene ni tongaso na ya ti Mbeti ti Lo, ayeke nzoni ala gbu li daa mingi si. Ayeke na ala ti baa ni.
Na ya ti Hebro 10:1-10, asu atene, Lo soo e gi fani oko awe biani biani. Ayeke taa-tënë so Nzapa asoo azo so ama na be na bateme nga na mênë ti Jezu gi fani oko awe biani. Alingbi nga e ma na be na ni gi tongaso. « ♫ Lo kui gi legeoko awe, Lo soo e gi legeoko awe biani. Ôo, a-ita, ayeke nzoni ala ma na be si azi ala na ya ti siokpai. Ala zia anengo kungba ti ala na gbe ti bateme ti Jezu. ♫ » Jezu asoo e na ya ti aye ti kirikiri kue nga na asiokpari kue gi fani oko awe biani na lege ti bateme so asara na Lo gi fani oko nga na lege ti mênë ti Lo so asa gi fani oko awe.
« Kriste nga ahu pono gi fani oko ndali ti asiokpari, lo so yeke zo ti mbirimbiri lo hu pono ndali ti azo ti mbirimbiri pepe » (1 Pierre 3 : 18). Jezu ayeke Nzapa so siokpari ayeke na ya ti Lo pepe si nga Lo sara siokpari laoko pepe. Lo mu terê ti zo si lo ga na e ti soo azo na ya ti asiokpari ti ala. Asara bateme na Lo si Lo zi asiokpari kue ti azo ti kirikiri. Lo soo e na ya ti siokpari nga na ya ti ye ti kirikiri.
Asiokpari kue ti azo, ti londo na lango so adu na ala ti si na lango ti kuâ ti ala, atokua ni kue na li ti Jezu ndembe so asara bateme na Lo si lo soo azo kue na ya ti ngbanga na ndembe so Lo sa mênë ti Lo si Lo kui na ndö keke ti kulusu. Asara bateme na Lo ndali ti awasiokpari si Lo mu kuâ ti ala na ndö ti Lo.
So ayeke zingo azo na ya ti asiokpari na lege ti bateme ti Lo. Jezu asoo e kue gi fani oko awe biani biani, e so e yeke awasiokpari. So wokongo ti nyen laa na e oko oko kue tongaso! Jezu azi e kue na ya ti siokpari ti e so alondo na lango ti dungo e asi na lango ti kuâ ti e, si Lo mu terê ti Lo wani titene afâ ngbanga na li ti Lo na keke ti kulusu. E so e ma na be na Jezu, ayeke nzoni e ma na be so Lo soo e gi fani oko awe biani biani na lege ti bateme nga na lege ti mênë ti Lo.
E woko, me Jezu awoko ti Lo pepe. E yeke kirikiri, me Lo yeke kirikiri pepe. Nzapa asoo e gi fani oko awe biani baini. « Biani, Nzapa andoye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue. » (Jean 3 : 16). Nzapa amu na e Molenge ti Lo ngengele oko. Lo sara si asara bateme na Molenge ti Lo ni, titene atokua asiokpari ti dunia kue na li ti Lo si afâ ngbanga na li ti Lo ndali ti azo kue ti sese.
So nzoni songo e ti nyen! So nzoni ndoye ti nyen! E mu singila na Nzapa ndali ti ndoye ti Lo nga ndali ti songo so Lo soo e. Nzapa asoo azo so ama na be na ngu na mênë ti Jezu: bateme ti Jezu nga na so si Jezu ayeke Nzapa.
Azo so ama na be na Jezu alingbi ti soo ala na mango na be na taa-tënë ti bateme nga na mênë ti Jezu, si nga tongana azo ti mbirimbiri, fade ala wara fini ti lakue lakue. Ayeke nzoni e kue e ma na be na Lo.
Zo wa laa asoo e? Ayeke Nzapa laa asoo e wala ayeke mbeni ye so Lo sara ni laa asoo e? Jezu laa ayeke Nzapa so asoo e. Asoo e ngbanga ti so e ma na be na zingo azo so Nzapa azi ala, so laa ayeke songo azo na lege ti zingo asiokpari.
Jezu Ayeke Mve ti Songo Azo
| Nda ti iri ti « Kriste » ayeke nyen? |
| Wayango-sandaga, gbia na wayanga-Nzapa |
Jezu-Kriste ayeke Nzapa. Nda ti iri ti Jezu ayeke « lo so asa mafuta na ti lo. » Legeoko tongana ti so Samuel asa mafuta na li ti Saul na ya ti Ngbene Mbuki, asa mafuta na li ti agbia, asa mafuta na li ti awayango-sandaga nga na awayanga-Nzapa, titene ala sara kua ti tenengo peko ti yanga ti Nzapa, alingbi asa mafuta na li ti ala.
Jezu aga na ndö ti sese so, asa mafuta na li ti Lo ndali ti akua ota: kua ti wayango-sandaga, ti gbia, nga na ti wayanga-Nzapa. Tongana wayango-sandaga ti yayu, asara bateme na Lo titene Lo zi asiokpari ti zo na li ti lo.
Na lege ti mango yanga ti Babâ ti Lo, Lo fa terê ti lo tongana sandaga ti zingo siokpari na gbe le ti Babâ ti Lo ni. « Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi. » (Jean 14 : 6). Jezu asoo azo so na popo ti e ama na be na Lo si Lo zi asiokpari ti ala kue na lege ti bateme ti Lo si afâ Lo na ndö keke ti kulusu.
« Biani, fini ti mi-terê ayeke na ya ti mênë. » (Awayango-sandaga 17 : 11). Jezu asa mênë ti Lo na ndö keke ti kulusu na peko ti bateme ti Lo, nilaa Lo mu fini ti Lo na Nzapa tongana mbeni futa ndali ti asiokpari ti e titene e awamabe, asoo e.
Lo zingo na kuâ lango ota na peko ti kuâ ti Lo na ndö ti keke ti kulusu si Lo vunga nzoni sango na ayingo so ayeke na da ti kanga. Azo so ade azi ala na ya ti siokpari pepe ayeke tongana azo ti kanga ti ya ti yingo na ya ti da-kanga ti siokpari, si Jezu ayeke fa na ala nzoni sango ti taa-tënë: nzoni sango ti ngu na ti mênë. Nzapa amu na e nzoni sango ti ngu na ti Yingo titene asoo e. Zo kue so ama na be na ni alingbi ti du lo ti fini ni.
Bateme na Mênë ti Jezu Ayeke Soo Awasiokpari
| Zo alingbi ti wara nzoni gbungo-li na gbe le ti Nzapa tongana nyen? |
| Na lege ti mango na be na bateme nga na mênë ti Jezu |
Jezu-Kriste ayeke Wasongo e, na afa kambisa ni na ya ti 1 Pierre 3:21: « Ngu so ayeke limo ti bateme (mara ni so ayeke soo e fadeso) so ayeke ti sukula asioni ye na terê ti zo pepe, me ayeke mungo terê ti duti na nzoni gbungo-li na mbage ti Nzapa. » Ngu ti bateme ti Jezu ayeke na ngere ngangu ndali ti songo awasiokpari.
Jezu asukula asiokpari ti awasiokpari kue na lege ti mungo ni kue na li ti Lo wani na lege ti bateme ti Lo. Mo ma na be na bateme ti Jezu? Mo ma na be so asukula asiokpari kue na be ti e na lege ti bateme ti Jezu? Asukula asiokpari kue na be ti e awe, me mi-terê ti e angba lakue ti sara siokpari.
« Azi mbeni zo na ya ti asiokpari » so afa pepe atene fade lo sara siokpari mbeni pepe. E yeke sara siokpari. Me be ti e angba na vurungo ni ndali ti mango na be na bateme ti Lo. So aye titene: « Ayeke ti sukula asioni ye na terê ti e pepe, me ayeke mungo terê ti duti na nzoni gbungo-li na mbage ti Nzapa » (1 Pierre 3:21)
So Jezu asukula asiokpari ti mbi, si nga Nzapa ayeda na ngbanga so afâ na ndö ti Lo ndali ti mbi so, mbi yeke ma na be na Lo pepe tongana nyen? So mbi hinga mbi tene Jezu so ayeke Nzapa asoo mbi awe na lege ti bateme ti Lo nga na mênë ti Lo so, mbi yeke ma na be na Lo pepe tongana nyen? Na le ti Nzapa, asoo e awe, si ti fadeso gbungo-li ti e avuru tarara. Titene e tene na Nzapa e tene Jezu asukula asiokpari ti e kue pepe, e lingbi ti tene tongaso pepe, si nga titene e tene Nzapa andoye e pepe, e lingbi nga ti tene tongaso pepe.
Gbungo-li ti e ayeke hinga ye hio mingi, nilaa lo yeke gboto mê ti e na ngoi kue so e sara ye ti sioni. Tongana gbungo-li ti e ague kirikiri, ataa gi kete, e lingbi pepe titene azi e kue na ya ti siokpari, tongana e ma na be na bateme ti Jezu pepe. So ayeke gi oko lege ti warango nzoni gbungo-li.
Tongana gbungo-li ti e aduti nzoni pepe, so aye titene mbeni ye atambela nzoni pepe. Ngu ti bateme ti Jezu asukula azende ti siokpari awe. Jezu azi asiokpari ti e kue na lege ti bateme ti Lo si Lo sukula e. Tongana e ma na be biani na ni, agbungo-li ti e nga alingbi ti sukula nga agbungo-li ti e biani avuru tarara. Alingbi ti sukula gbungo-li ti e ni tongana nyen? Na mango na be na bateme nga na mênë ti Jezu. Zo kue ayeke na sioni gbungo-li so ayeke ye ti zende, ngbene ye so adu lo. Me tongana e ma na be so atokua asiokpari ti e kue na li ti Jezu, e lingbi ti mbô ni kue.
So ayeke mabe ti azo so akiri adu ala. Ayeke pepe mbeni ye so mo gbu li daa si mo yeda. Gbungo-li ti mo ayeke nzoni kue? Sioni ye andu gbungo-li ti mo ni pepe ngbanga ti so dutingo ti mo na gigi ayeke nzoni wala ngbanga ti so atokua asiokpari ti mo kue na li ti Jezu si nga mo ma na be na Lo? Ayeke gi na lege ti mabe so laa mo lingbi wara gbungo-li so avuru nzoni.
Ambeni atënë ayeke na fini, me ambeni tënë fini ayeke daa pepe. Alingbi ti sukula gbungo-li ti azo kue tongana nyen? Oko lege ti ga mbirimbiri si nga ti wara nzoni gbungo-li ayeke ti ma na be na zingo so Jezu azi e na ya ti asiokpari kue.
Tongana asukula e na lege ti mango na be na bateme ti Lo, so aye ti tene pepe asiokpari ti mi-tereê agi ndo ahon daa, me ayeke ti wara nzoni gbungo-li na mbage ti Nzapa. Ndani laa, Lo ga, asara bateme na Lo, Lo kui na ndö keke ti kulusu, Lo zingo na kuâ si fadeso Lo duti na koti ti Nzapa.
Tongana na ngoi ni asi, fade Lo kiri na dunia so. « Ti fani use ni, fade lo kiri ti ga ti zi siokpari ti azo pepe, me ti soo azo so kue ayeke ku lo. » (Ahebro 9 : 28). E ma na be so fade lo ga ti kamata e, e so e yeke ku lo na kangango be, e so e ma na be na bateme ti lo na mênë ti lo.
Yeso Mbi Baa ni na ndö ti Mabe
| Tongana e ma na be na bateme ti Jezu pepe, e lingbi ti tene asoo e? |
| Laoko pepe |
E hunzi na tarango ni ti ti bi le na ya ti ada-Nzapa ti e na hongo na ya ni na ngobo so zo aku terê na ni pepe.
Wakua Parke ti Eglize so atene na mbeni koli na wali atene siokpari ayeke na ndö ti dunia pepe, me lo girisa ti fa na ala nda ti bateme ti Jezu. Koli ni ayeke lango ka na ndembe ti fango tënë, tongana lo gue na bongbi na ya ti ambeni da-Nzapa nde, ngbanga ti so awakua kue ayeke fa nzoni sango, me ala zina ya ni tënë ti zingo azo na ya ti asiokpari na lege ti bateme ti Jezu, ye so apusu lo ti fa peko ti asiokpari ti lo na gigi lakue lakue.
Me ge na ya ti da-Nzapa ti e, lo zi ya ti le ti lo use kue na ndembe so lo ma na atënë, asiokpari ti lo kue atokua ni na li ti Jezu awe. Akpengba pepe na wali ti lo ti woko lo titene lo yeda ti gue na lo na da-Nzapa.
Mbeni la tongana lo duti na ya ti da-Nzapa ni, lo ma Romain 8:1. « Fadeso, azo so ayeke na ya Jezu Kriste awe, ngbanga ayeke na li ti ala mbeni pepe. » Tongaso, lo gbu li ti lo gi hio: Aaa, tongana zo « ama na be na Jezu, siokpari ayeke na ya ti lo pepe. Ka so mbi ma na be na Jezu awe so, mbi nga kue siokpari ayeke na be ti mbi pepe. »
Tongaso lo iri ita ti wali ti lo na gbâ ti andeko ti lo na singa-mê oko oko si lo hunda ala: « Ala yeke na siokpari na be ti ala? Tongana ayeke ni, mabe ti ala ayeke na legeni pepe. » Wakua Parke aga kirikiri. Koli ti wali ni ahinga ye oko na ndö ti bateme ti Jezu pepe, me lo ngba gi ti tene na azo kue atene fadeso ala yeke na siokpari pepe.
Koli na wali so atonda ti wara akpale. Wali ni abata terê ti lo mingi ahon koli ni, me siokpari angba na ya ti be ti lo. Koli ti lo ayeke tene ti lo atene lo yeke na siokpari pepe. Koli ni ayeke gue na da-Nzapa gi na ambeni ngoi, me lo yeke tene, lo yeke na siokpari mbeni pepe na be ti lo.
Wali ni ahinga biani atene ala use kue ayeke na siokpari na be ti ala. Ala tonda ti pika patara na ndö tënë ni. Koli ni angba gi ti tene lo yeke na siokpari pepe, ngbanga ti so « ngbanga ayeke na li ti azo so ama na be na Kriste Jezu mbeni pepe. » Me wali ni atene lo yeke lakue na siokpari na be ti lo.
Mbeni lâ ngonzo asara wali ni mingi si lo gue lo hunda wakua ti lo ti hinga nda ti tënë so lo tene, atokua asiokpari kue na li ti Jezu awe so.
Mbeni lâ, na peko ti mbeni bongbi ti lakui, lo tomba koli ti lo ti kiri na da si lo gue lo baa wakua Parke ti hunda tënë na lo. Lo tene: « Mbi hinga mbi tene, ala tara ti tene na e mbeni tënë, me mbeni mbage ti tënë ni so ayeke na ngere ngangu ahonde daa. Ala tene na mbi tënë ni so. » Wakua Parke atene na lo tënë ti dungo zo ti fini ni ti ngu na ti Yingo.
Tongaso, Lo hinga nda ni nyen si asu na mbeti tënë so na ya ti Rome 8:1 gi hio na pekoni, « Fadeso ngbanga oko ayeke pepe na li ti azo so ayeke na ya Jezu-Kriste. » Lo ma na be na ni gi hio si asoo lo. Na kongo ndani, lo hinga lo tene asiokpari ti e kue atokua ni na li ti Jezu na lege ti bateme ti Lo titene azo so ayeke na ya Jezu-Kirste, ngbanga ayeke na li ti ala pepe.
Lo tonda ti ma ya ti atënë so asu ni. Na kongo ndani, lo hinga lo tene kerere ti zingo zo na ya ti siokpari ayeke na ya ti bateme ti Jezu, si nga e lingbi ti ga azo ti mbirimbiri na lege ti bateme ti zingo azo na ya ti asiokpari.
Koli ti lo ni akiri na da ti lo pepe, me lo ku lo na gigi. Koli ni ahunda lo atene: « Azi mo na ya ti siokpari fadeso awe? »
Me na mango tënë so wakua ni atene na wali ti lo, lo wani nga lo ga kirikiri. Lo ma nzoni sango ti bateme ti Jezu kozo laoko pepe. Lo baa ti lo atene, lo yeke na siokpari na ya ti be ti lo mbeni pepe, ataa bateme ti Jezu ayeke daa pepe. Nilaa, tongana ala si na da ti ala, ala kiri apika patara.
Ti so, aye ni aga nde. Wali ni amu wâ na koli ni na hundango lo ti hinga wala lo yeke na siokpari na be ti lo wala lo yeke na ni pepe. Lo hunda lo, so lo ma na be na bateme ti Jezu pepe so, lo lingbi ti duti pepe na siokpari na ya be ti lo tongana nyen. Lo hunda na lo ti asa ya ti gbungo-li ti lo kpo. Lo hinga ni na lege ti asango ya ti gbungo-li ti lo ni atene asiokpari angba lakue na ya ti be ti lo.
Tongaso lo gue lo baa wakua Parke si lo yeda lo tene siokpari angba na be ti lo. Lo hunda ndo: « Na ndembe so ala zia maboko ti ala na ndö ti koli-ngasa ni so, azia ni kozo si afâ koli-ngasa ni wala na peko ti fango koli-ngasa ni? » Lo ma nzoni sango ti ngu na Yingo laoko pepe. Li ti lo aga kirikiri.
So ayeke nda ti ye ti yingo so mbi hon na ya ni. Alingbi asara bateme na Jezu titene atokua asiokpari kue ti dunia na li ti Lo. Gi na pekoni si lo lingbi ti kui na ndö keke ti kulusu, ngbanga ti so futa ti siokpari ayeke kui.
« Ala zia maboko ti ala na li ti nyama ti mungo na sandaga ni kozo si afâ wala na peko ti fango lo? » Lo hunda tënë so, ngbanga ti so ziango maboko nga na bateme ti Jezu avuru nzoni pepe na gbungo-li ti lo. Tongaso, wakua Parke afa na lo nda ti bateme ti zingo azo na ya ti siokpari ni.
Na lango ni so, koli ni ama ti kozo ni, nzoni sango ti ngu na Yingo si azi lo na ya ti siokpari. Lo ma nzoni sango ni so gi fani oko na azi lo na ya ti asiokpari.
So ayeke ye so asi tongana zo ado bateme ti Jezu azia. E lingbi ti tene e yeke na siokpari pepe, me ti baa nzoni, siokpari angba na be ti e, tongana e hinga bateme ti Jezu pepe. Mingi ni, azo ayeke tene ka Jezu asukula asiokpari kue na kuingo ti Lo na ndö keke ti kulusu, me gi azo so ama na be na bateme nga na mênë ti Jezu si alingbi titene ala yeke na siokpari pepe na le ti Nzapa.
Wakua Parke afa na koli na wali so atene, e lingbi pepe titene azi e biani na ya ti siokpari ti e, tongana zingo azo na ya ti siokpari na lege ti mango na be na bateme ti Jezu ayeke daa pepe.
Limo ti Songo Zo na Kuâ: Bateme ti Jezu
| Limo ti songo zo na kuâ ayeke nyen? |
| Bateme ti Jezu |
« Mbeni mara ti limo ni so ayeke soo e fade so nga ayeke daa » Jezu azu na dunia ti e ti sukula asiokpari kue ti dunia, ti sara si gbungo-li ti e avuru tongana tukia. Asukula asiokapri ti e kue, ngbanga ti so Jezu amu ni kue na li ti Lo na lege ti bateme ti Lo. Lo soo e na lege ti bateme ti Lo nga lege ti mênë ti Lo. Nilaa ayeke nzoni azo kue akuku na gbe le ti Lo.
Asoo e na lege ti mango na be na Jezu. E ga amolenge ti Nzapa na e yeke gue na yayu tongana e ma na be na Jezu. E ga azo ti mbirimbiri na lege ti mango na be na Jezu.. E yeke awayango-sandaga ti gbia. E lingbi ti iri Nzapa e tene Babâ ti e.. E duti na dunia so, me e yeke agbia.
Mo ma na be biani so Nzapa asoo azo so na popo ti e ama na be na zingo azo na ya ti siokpari na lege ti ngu na Yingo? Zingo e na ya ti siokpari alingbi ti baa gigi kue pepe, tongana bateme ti Jezu ayeke daa pepe. Taa mabe so Nzapa na Jezu ahinga ni, ayeke ti ma na be na nzoni sango so atene Jezu asoo e na lege ti bateme ti Lo, keke ti kulusu ti Lo nga na Yingo. Taa mabe ayeke gi so oko so.
Asukula asiokpari ti e, na ndembe so Jezu azi ni na lege ti bateme ti Lo, si nga afuta ngere ti asiokpari ti e ni kue na ndembe so Lo sa mênë ti Lo na ndö keke ti kulusu. Jezu-Kriste asoo e na ngu na Yingo. Nilaa! E ma na be na ni!
Tënë ti fango so ayeke nga na lege ti ebook. Zi na ndo ti foto ti mbeti so na gbe.
![AKIRI ADU MO BIANI NA LEGE TI NGU NA YINGO AWE? [Fini lekengo]](../../upload/book/AkiriadumobianinalegetingunaYingoaweD.jpg)
Copyright © 2021 by The New Life Mission
