- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Hilisgutan 3: Ang Ebanghelyo sa Tubig ug sa Espiritu
[3-2] Ang Pagbautismo ni Jesus ug ang Pagtabon-sa-mga-Sala (Mateo 3:13-17)
(Mateo 3:13-17)
“Ug niadtong panahona si Jesus gikan sa Galilea miadto kang Juan sa Jordan aron sa pagpabautismo kaniya. Apan kaniya si Juan misulay sa pagsalanta nga nag-ingon, ‘Ako mao ang may kinahanglan nga imong pagabautismohan, ug ikaw na hinoon ang mianhi kanako?’ Si Jesus mitubag kaniya, ‘Itugot lang kini karon, kay angay kanato ang pagbuhat niini aron sa pagtuman sa tibuok pagkamatarung.’ Ug siya mitugot na lang. Ug sa nabautismohan na si Jesus, siya mihaw-as dayon gikan sa tubig, ug tan-awa, nabukas ang kalangitan ug iyang nakita ang Espiritu sa Dios nga mikunsad nga ingon ug salampati, ug mipahiluna kini diha sa ibabaw niya; ug ania karon, usa ka tingog gikan sa langit nag-ingon, ‘Kini mao ang akong Anak nga pinalangga, kaniya may kalipay ako.’”
Aduna pa bay Nag-antos Tungod sa Sala?
| Natapos na ba ang atong pagkaulipon sa sala? |
| Oo. |
Ang atong Ginoong Dios nagputol sa mga kadena sa sala alang sa tanang katawhan. Ang tanan nga nagbudlay ubos sa sala mga ulipon sa sala. Iyang gikuha ang tanan natong mga sala. Aduna pa bay nag-antos tungod sa sala?
Kinahanglan natong sabton nga natapos na ang atong pakiggubat batok sa sala. Dili na kita mag-antos tungod sa sala pag-usab. Ang atong pagkaulipon sa sala natapos sa dihang gitubos kita ni Jesus; ang tanang sala natapos niadtong tungora. Ang tanan natong mga sala natubos pinaagi sa Iyang Anak. Ang Dios nagbayad sa tanan natong mga sala pinaagi kang Jesus, nga naghatag kanato og kagawasan, sa hangtud.
Nasayod ka ba unsa ka grabe ang pag-antos sa mga tawo tungod sa ilang mga sala? Nagsugod kini sukad pa sa panahon nila Adam ug Eva. Ang katawhan nag-antos tungod sa mga sala nga napanunod gikan kang Adam.
Apan ang atong Dios naghimo og pakigsaad nga nahisulat sa Genesis 3:15, ug ang pakigsaad mao nga Iyang luwason ang tanang makasasala. Miingon ang Dios nga ang mga tawo matubos sa ilang mga sala pinaagi sa sakripisyo ni Jesu-Cristo pinaagi sa tubig ug sa Espiritu. Ug sa pag-abot sa panahon, Iyang gipapuyo ang atong Manluluwas, si Jesus, sa among taliwala.
Nagsaad usab Siya nga ipadala si Juan nga Bautista una kang Jesus ug Iyang gituman ang Iyang saad.
Sa Marcos 1:1-8, ‘Sinugdan sa Maayong Balita mahitungod kang Jesu-Cristo, ang Anak sa Dios. Ingon sa nahisulat diha sa basahon ni Isaias nga profeta: “Tan-awa, igapadala ko ang akong magsasangyaw nga mag-una kanimo, siya mao ang magaandam sa imong dalan.” “Ang tingog sa magasinggit diha sa mga awaaw: ‘Andama ninyo ang dalan alang sa Ginoo. tul-ira ninyo ang iyang mga agianan.’” Diha sa mga awaaw si Juan nga magbabautismo mitungha nga nagwali mahitungod sa bautismo sa paghinulsol alang sa kapasayloan sa mga sala (ang sala hingpit nga nawala). Ug nangadto kaniya ang mga katawhan gikan sa tibuok yuta sa Judea, ug ang tanang tawo sa Jerusalem; ug sa suba sa Jordan iyang gibautismohan sila, sa pagsugid nila sa ilang mga sala. Ug kini si Juan nagsul-ob ug bisti nga balhibo sa kamelyo ug may bakus nga panit diha sa iyang hawak, ug ang iyang kan-onon dulon oug dugos sa kagulangan. Ug nagwali siya nga nag-ingon, “Sa ulahi nako moabut ang labi pang gamhanan kay kanako, nga bisan gani sa pagtikubo aron sa paghubad sa higut sa iyang mga sapin dili ako takus. Ako nagbautismo kaninyo sa tubig, apan ang iyang igabautismo kaninyo mao ang Espiritu Santo.”’
Si Juan nga Bautista, ang Saksi ug Mag-uuna sa Ebanghelyo
| Kinsa si Juan nga Bautista? |
| Ang katapusang Labawng Sacerdote ug ang representante sa tanang katawhan |
Kadtong nagtuo kang Jesus nabautismohan na. Ang bautismo nagpasabot: ‘paghugas, paglubong, pagtuslob, pagbalhin ngadto.’ Sa dihang nabautismohan si Jesus, natuman ang tanang pagkamatarung sa Dios. Ang ‘Pagkamatarung’ mao ang ‘Δικαιοσύνη (Dikaiosynē)’ sa Griyego nga nagpasabot ‘matarung,’ ug nagpasabot usab nga ‘labing angay,’ ‘labing husto.’
Aron mabautismohan si Jesus mao ang pagkahimo nga Siya mahimong Manluluwas sa pinakatarong ug pinakaangay nga paagi. Busa, kadtong nagtuo kang Jesus nakadawat sa gasa sa katubsanan gikan sa Dios pinaagi sa pagtuo sa tubig sa pagbautismo ni Jesus, sa Krus, ug sa Espiritu.
Sa Bag-ong Tugon, si Juan nga Bautista mao ang katapusang labawng sacerdote sa Daang Tugon. Atong tan-awon ang Mateo 11:10-11. Ang Kasulatan nag-ingon nga si Juan nga Bautista mao ang representante sa tanang katawhan. Ug isip labawng sacerdote sa panahon sa Bag-ong Tugon, iyang gipasa ang tanang sala sa kalibutan ngadto kang Jesus; sa ingon iyang gihimo ang katungdanan sa labawng sacerdote sa Daang Tugon.
Si Jesus mismo ang nagpamatuod mahitungod kang Juan. Siya miingon, sa Mateo 11:13-14, “Kay ang tanang mga profeta ug ang kasugoan nanaghimog mga profesiya hangtud kang Juan; ug kon buot kamo motoo niini, siya mao si Elias nga magaanhi.” Busa, si Juan nga Bautista, nga nagbautismo kang Jesus, kaliwat sa labawng sacerdote nga si Aaron ug ang katapusang labawng sacerdote. Ang Bibliya usab nagpamatuod nga si Juan kaliwat ni Aaron sa Daang Tugon (Lucas 1:5, 1 Cronicas 24:10).
Nan, nganong si Juan nagpuyo sa kamingawan nga nag-inusara, nagbisti og sinina nga hinimo sa balhibo sa kamelyo? Aron sa pagtuman sa katungdanan sa pagka-labawng sacerdote. Ug isip representante sa katawhan, si Juan nga Bautista dili mahimong magpuyo uban sa mga tawo. Busa siya misinggit ngadto sa mga tawo “Paghinulsol kamo, kamong anak sa mga bitin!” ug gibautismohan sila alang sa bunga sa paghinulsol, nga nagpabalik sa mga tawo ngadto kang Jesus, nga mokuha sa tanan nilang mga sala. Si Juan nga Bautista nagpasa sa mga sala sa kalibutan ngadto kang Jesus alang sa atong kaluwasan.
Duha ka Matang sa Bautismo
| Nganong si Juan nga Bautista nagbautismo sa mga tawo? |
| Aron pagdala sa mga tawo sa paghinulsol sa tanan nilang mga sala ug sa pagtuo sa bautismo ni Jesus alang sa kaluwasan |
Si Juan nga Bautista nagbautismo sa mga tawo ug dayon gibautismohan si Jesus. Ang una mao ang ‘bautismo sa paghinulsol’ nga nagtawag sa mga makasasala sa pagbalik ngadto sa Dios. Daghang mga tawo nga nakadungog sa mga pulong sa Dios pinaagi kang Juan mibiya sa ilang mga diosdios ug mibalik sa Dios.
Ang Ikaduhang bautismo mao ang bautismo ni Jesus, ang bautismo nga nagpasa sa tanang mga sala sa kalibutan ngadto kang Jesus. Si Juan nga Bautista nagbautismo kang Jesus aron sa pagtuman sa pagkamatarung sa Dios. Si Jesus gibautismohan ni Juan nga Bautista aron pagluwas sa tanang mga tawo gikan sa ilang mga sala (Mateo 3:15).
Nganong kinahanglan nga bautismohan ni Juan si Jesus? Aron mapapas ang mga sala sa kalibutan, kinahanglan pasaron sa Dios si Juan nga ipasa ang tanang sala ngadto kang Jesus aron ang mga tawo nga nagtuo kang Jesus maluwas.
Si Juan nga Bautista mao ang alagad sa Dios kansang buluhaton mao ang pagtabang sa tanang katawhan nga mahugasan sa ilang mga sala ug siya ang representante sa katawhan nga nagpamatuod sa ebanghelyo sa katubsanan. Busa, kinahanglan nga magpuyo si Juan nga nag-inusara sa kamingawan. Sa panahon ni Juan nga Bautista, ang mga katawhan sa Israel pulos dunot ug dautan sa kinauyokan.
Busa, ang Dios miingon sa Daang Tugon, Malaquias 4:5-6, “Ania karon, akong ipadala kaninyo si Elias ang manalagna, sa dili pa moabut ang daku ug makalilisang nga adlaw ni Jehova. Ug iyang pabalikon ang kasingkasing sa mga amahan ngadto sa mga bata, ug ang kasingkasing sa mga bata ngadto sa ilang mga amahan, tingali unya ako moanhi ug samaran ko ang yuta pinaagi sa usa ka panghimaraut.”
Sa mga mata sa Dios, ang tanang katawhan sa Israel nga nagsimba kaniadto kang Jehova dunot. Walay usa nga matarung sa Iyang atubangan. Ang mga relihiyosong lider sa templo, sama sa mga sacerdote, mga abogado ug mga escriba labi na nga dunot sa kinauyokan. Ang Israel ug ang mga sacerdote wala maghalad sumala sa Kasugoan sa Dios.
Ang mga sacerdote mibiya sa pagpandong sa mga kamot ug sa tulumanon sa paghalad sa dugo nga gitudlo sa Dios kanila alang sa pagtabon-sa-ilang-mga-sala. Natala nga ang mga sacerdote sa panahon ni Malaquias mihunong sa paghalad, mitalikod sa pagpandong sa mga kamot, ug mibiya sa paghalad sa dugo sa tulumanon.
Busa, si Juan nga Bautista dili makauban kanila. Mao nga si Juan nga Bautista miadto sa kamingawan ug misinggit. Unsa ang iyang gisulti?
Nahisulat kini sa Marcos 1:2-3, sa mga pulong ni propeta Isaias, “Tan-awa, igapadala ko ang akong magsasangyaw nga mag-una kanimo, siya mao ang magaandam sa imong dalan. Ang tingog sa magasinggit diha sa mga awaaw: ‘Andama ninyo ang dalan alang sa Ginoo. tul-ira ninyo ang iyang mga agianan.’”
Ang tingog sa kamingawan misinggit sa mga tawo nga modawat sa bautismo sa paghinulsol. Unsa ang ‘bautismo sa paghinulsol’ nga gihisgutan sa Bibliya? Kini mao ang bautismo nga gisinggit ni Juan nga Bautista; ang bautismo nga nagtawag sa mga tawo balik ngadto kang Jesus aron sila motuo kang Jesus, nga mokuha sa tanan nilang mga sala ug maluwas. Ang bautismo sa paghinulsol aron sa pagdala kanila ngadto sa kaluwasan.
“Paghinulsol ug magpabautismo, ug si Jesus pagabautismohan sa samang paagi aron kuhaon ang tanan ninyong mga sala.” Ang singgit ni Juan nga Bautista mao nga si Jesus, pinaagi sa bautismo, mokuha sa tanang sala sa kalibutan ug pagahukman sa Krus aron sa pagluwas sa tanang mga tawo aron sila makabalik sa Dios.
“Ako nagbautismo kaninyo sa tubig, apan ang iyang igabautismo kaninyo mao ang Espiritu Santo” (Marcos 1:8). Ang ‘Iyang igabautismo kaninyo mao ang Espiritu Santo’ nagpasabot sa paghugas sa tanan ninyong mga sala. Ang pagbautismo nagpasabot ‘sa paghugas.’ Ang Bautismo ni Jesus sa Jordan nagsulti kanato nga ang Anak sa Dios gibautismohan sa ingon ug gikuha ang tanan natong mga sala aron sa pagluwas kanato.
Busa, kinahanglan kita mobalik gikan sa sala ug motuo Kaniya. Siya ang Cordero sa Dios nga nagkuha sa mga sala sa tanang katawhan. Ug kini mao ang ebanghelyo sa katubsanan nga gipamatuod ni Juan nga Bautista.
Ang Buluhaton sa Labawng Sacerdote alang sa Pagtabon-sa-mga-Sala
| Kinsa ang nag-andam sa dalan sa kaluwasan? |
| Si Juan nga Bautista |
Ang Propeta Isaias nanagna, “Pagsulti kamo nga maloloy-on sa Jerusalem ug singgiti siya, nga ang iyang panahon sa gubat natapus na, nga ang iyang kasal-anan gipasaylo (ang sala hingpit nga nawala) na, nga nakadawat siya ug pinilo gikan sa kamot ni Jehova tungod sa tanan niyang mga sala” (Isaias 40:2).
Si Jesu-Cristo mikuha sa mga sala nimo ug nako ug sa tanan nga walay pagpili; ang orihinal nga sala, ang mga sala sa karon, ug bisan ang mga sala sa umaabot nahugasan pinaagi sa Iyang Bautismo. Gitubos Niya kitang tanan. Kinahanglan kitang tanan makahibalo bahin sa katubsanan.
Aron maluwas gikan sa tanan natong mga sala, kinahanglan kita motuo sa ebanghelyo nga nag-ingon nga si Juan nga Bautista mipasa sa tanang sala ngadto kang Jesus pinaagi sa bautismo.
Sayop ang paghunahuna nga “tungod kay ang Dios gugma, makasulod kita sa gingharian sa Langit pinaagi lamang sa pagtuo kang Jesus, bisan kung aduna kitay sala sa atong mga kasingkasing.”
Aron matubos gikan sa tanan natong mga sala, kinahanglan kita motuo sa Iyang bautismo, diin si Juan nga Bautista mipasa sa tanang mga sala sa kalibutan ngadto kang Jesus. Pinaagi sa ‘tubig’ nga si Juan nga Bautista mipasa sa tanang mga sala sa katawhan ngadto kang Jesus.
Ang unang butang nga gibuhat sa Dios aron sa pagluwas kanato mao ang pagpadala kang Juan niining kalibutan. Ang mensahero sa Dios, si Juan nga Bautista gipadala isip embahador sa Hari, nga mipasa sa tanang mga sala sa kalibutan ngadto kang Jesus pinaagi sa bautismo. Siya nangalagad sa katungdanan sa pagka-labawng sacerdote sa tanang katawhan.
Gisultihan kita sa Dios nga Iyang gipadala ang Iyang mensahero, si Juan nga Bautista, ngari kanato. “Igapadala ko ang akong magsasangyaw nga mag-una kanimo.” Sa imong atubangan nagpasabot sa atubangan ni Jesus. Unsa ang hinungdan nga Iyang gipadala si Juan sa wala pa si Jesus? Kini aron ipasa ang tanang sala sa kalibutan ngadto kang Jesus, ang Anak sa Dios, pinaagi sa bautismo. “Siya mao ang magaandam sa imong dalan sa atubangan mo.” Mao kini ang Iyang gipasabot.
Kinsa ang nag-andam sa dalan aron kita matubos ug makaadto sa Langit? Si Juan nga Bautista. Ang ‘Imong’ nagpasabot kang Jesus ug ang ‘Akong’ nagpasabot sa Dios mismo. Busa, sa dihang Siya miingon, “Igapadala ko ang akong magsasangyaw nga mag-una kanimo, siya mao ang magaandam sa imong dalan,” unsa ang buot ipasabot niini?
Kinsa ang mag-andam sa atong dalan aron kita makaadto sa Langit? Si Juan nga Bautista mipasa sa tanan natong mga sala ngadto kang Jesus aron kita motuo, nga si Jesus naghugas sa tanan natong mga sala alang kanato; ang iyang buluhaton mao ang pagpasa sa mga sala pinaagi sa pagbautismo kang Jesu-Cristo. Si Jesus ug si Juan ang naghimo niini nga posible alang kanato nga motuo sa kamatuoran ug matubos.
Sa unsa nagdepende ang atong kaluwasan? Kini nagdepende kon kita ba motuo sa mga buhat ni Jesus, ang Anak sa Dios, ug sa kamatuoran nga ang mensahero sa Dios mipasa sa tanang sala sa kalibutan ngadto Kaniya. Kinahanglan kitang tanan makahibalo sa ebanghelyo sa kaluwasan diin kita hingpit nga mahugasan gikan sa sala. Ang Dios nga Amahan nagpadala sa Iyang mensahero pag-una, ang usa nga mobautismo sa Iyang Anak, ug gihimo siya nga representante sa katawhan. Sa ingon, Iyang gikompleto ang buhat sa katubsanan alang kanato.
Ang Dios nagpadala sa Iyang alagad nga si Juan nga Bautista aron sa pagbautismo sa Iyang Anak, aron si Juan nga Bautista makaandam sa dalan sa kaluwasan alang niadtong mituo sa Iyang Anak. Mao kana ang hinungdan sa bautismo ni Jesus. Ang bautismo nga nadawat ni Jesus gikan kang Juan nga Bautista mao ang katubsanan diin ang tanang sala sa katawhan gipasa ngadto kang Jesus aron ang tanang tawo motuo kang Jesus ug makaadto sa Langit.
Bisan ang umaabot nga mga sala sa katawhan gipasa ngadto kang Jesus pinaagi sa Iyang bautismo. Si Jesus ug si Juan nga Bautista dungan nga nag-andam sa dalan paingon sa Langit alang kanato. Sa ingon niini nga paagi, ang Dios nagpadayag sa tinago sa katubsanan pinaagi kang Juan nga Bautista.
Isip representante sa matag usa kanato, si Juan nga Bautista nagbautismo kang Jesus aron kita motuo sa atong katubsanan ug makaadto sa langit. Iyang gipasa ang tanang sala ngadto kang Jesus pinaagi sa bautismo. Kini mao ang malipayong balita sa katubsanan, ang ebanghelyo.
Nganong Natawo si Juan nga Bautista?
| Pinaagi kang kinsa kita makatuo kang Jesus? |
| Pinaagi kang Juan nga Bautista |
Sa Malaquias 3:1, nahisulat, “Ania karon, ako nagapadala sa akong sinugo, ug siya magaandam sa dalan sa atubagan ko.” Kinahanglan nimong basahon ang Bibliya pag-ayo. Nganong gipadala sa Dios ang Iyang mensahero sa wala pa si Jesus? Nganong natawo si Juan nga Bautista 6 ka bulan sa wala pa si Jesus?
Kinahanglan natong sabton kung unsa ang tibuok Bibliya. Adunay seksyon sa Daang Tugon bahin sa ministeryo sa labawng sacerdote nga si Aaron. Si Aaron mao ang magulang nga lalaki ni Moises. Siya ug ang iyang mga anak nga lalake gidihogan isip mga sacerdote sa Dios. Ang ubang mga Levita nagtrabaho ubos kanila, nagdala kanila og lain-laing mga gamit, nagsagol sa minasa alang sa tinapay ug uban pa, samtang, ang mga anak nga lalake ni Aaron naghalad sa sakripisyo sulod sa balaang tabernakulo.
Busa ang mga anak nga lalake ni Aaron gidihogan aron sa pagbahin sa parehas nga gidaghanon sa buluhaton tali sa ilang kaugalingon, apan sa Adlaw sa Pagtabon-sa-Sala ang ikanapulo nga adlaw sa ikapito nga bulan, ang labawng sacerdote lamang ang naghalad sa sakripisyo sa pagtabon-sa-sala alang sa iyang katawhan.
Sa Lucas 1:5, adunay sugilanon bahin sa kagikan ni Juan nga Bautista. Kinahanglan natong masabtan sa husto ang bahin niining mensahero sa Dios aron masabtan nato sa husto si Jesus. Kita adunay tendensiya nga maghunahuna og daghan bahin kang Jesus, apan adunay kalagmitan nga ibaliwala ang daghang butang bahin kang Juan nga Bautista, nga nag-una Kaniya. Gusto kong motabang kaninyo sa pagsabot.
‘Sinugdan sa Maayong Balita mahitungod kang Jesu-Cristo, ang Anak sa Dios. Ingon sa nahisulat diha sa basahon ni Isaias nga profeta: “Tan-awa, igapadala ko ang akong magsasangyaw nga mag-una kanimo, siya mao ang magaandam sa imong dalan”’ (Marcos 1:1-2). Ang ebanghelyo sa Langit kanunay nagsugod kang Juan nga Bautista.
Kon atong masabtan pag-ayo ang bahin kang Juan nga Bautista, atong masabtan sa klaro ug matuo sa ebanghelyo sa katubsanan ni Jesus. Kini susama sa pagpaminaw sa mga embahador nga atong gipadala sa tibuok kalibutan aron masabtan ang mga kahimtang sa tanang nasud. Kon kita nakahibalo bahin kang Juan nga Bautista, atong masabtan pag-ayo ang katubsanan sa Dios.
Apan, pagkasubo kini nga daghan sa mga Cristohanon karon wala makakita sa kamahinungdanon ni Juan. Ang Dios wala magpadala kang Juan nga Bautista tungod kay Siya gilaay ug walay laing buhaton. Ang tanan upat ka mga Ebanghelyo sa Bag-ong Tugon naghisgot bahin kang Juan nga Bautista sa wala pa maghisgot bahin sa katubsanan ni Jesus.
Apan ang mga ebanghelista karon hingpit nga nagbaliwala kang Juan nga Bautista ug nagsulti sa mga tawo nga ang pagtuo lamang kang Jesus igo na aron maluwas. Sa pagkatinuod, ilang gipangulohan ang mga tawo nga magpuyo isip mga makasasala sa tibuok nilang kinabuhi ug matapos sa impyerno. Kon motuo ka lamang kang Jesus nga wala masabti ang papel ni Juan nga Bautista, ang Kristiyanismo mahimong usa na lang ka relihiyon alang kanimo. Unsaon nimo pagkatubos sa imong mga sala kon wala ka makahibalo sa kamatuoran? Kini imposible.
Ang ebanghelyo sa katubsanan dili ingon ka yano ni ingon ka sayon. Daghan kaayo ang naghunahuna nga ang katubsanan anaa sa atong pagtuo sa Krus tungod kay si Jesus namatay sa Krus alang kanato. Apan kon motuo ka lamang sa kamatayon sa krus nga wala mahibalo sa kamatuoran nga ang mga sala nahugasan pinaagi sa bautismo, bisan unsa pa kadako ang imong pagtuo, dili kini modala ngadto sa hingpit nga kaluwasan.
Busa, gipadala sa Dios si Juan nga Bautista aron ipahibalo sa kalibutan kung giunsa pagtuman ang katubsanan ug kung giunsa ni Jesus pagkuha ang mga sala sa kalibutan. Kon kita lamang nakahibalo sa kamatuoran makasabot kita nga si Jesus mao ang Anak sa Dios nga mikuha sa tanan natong mga sala ngadto sa Iyang kaugalingon.
Si Juan nga Bautista nagsulti kanato bahin sa kamatuoran sa katubsanan. Gisultihan niya kita kung giunsa niya pag-anhi aron sa pagpamatuod sa pagka-Dios ni Jesus, ug kung giunsa sa mga tawo ang dili pagdawat Kaniya sa dihang ang Kahayag mianhi niining kalibutan. Gipamatuod usab sa Juan 1 nga si Juan nga Bautista mao ang nag-andam sa ebanghelyo sa katubsanan pinaagi sa pagbautismo kang Jesu-Cristo.
Kon wala pa kita sa pagpamatuod ni Juan nga Bautista bahin sa katubsanan, unsaon nato pagtuo kang Jesus? Wala kita makakita kang Jesus, ug kon kita gikan sa lain-laing mga kultura ug relihiyon, unsaon nato pagtuo kang Jehova?
Uban sa ingon ka daghan ug lain-laing mga relihiyon sa tibuok kalibutan, unsaon nato pagkahibalo kang Jesu-Cristo? Unsaon nato pagkahibalo nga si Jesus sa pagkatinuod mao ang Anak sa Dios nga nagtubos kanato pinaagi sa pagkuha sa tanang sala sa kalibutan ngadto sa Iyang kaugalingon?
Busa, kinahanglan natong susihon ang Daang Tugon aron makita gikan sa sinugdanan ang mga pulong sa katubsanan ug aron mahibalo nga si Jesus mao ang atong Manluluwas. Kinahanglan kita makabaton sa sakto nga kahibalo aron motuo sa husto. Walay atong mahimo nga wala ang tinuod nga kahibalo. Aron motuo kang Jesus ug maluwas, kinahanglan nato mahibaloan ang ebanghelyo sa katubsanan nga gipamatuod ni Juan nga Bautista ug ang iyang papel niini. Aron makabaton og hingpit nga pagtuo kang Cristo, kinahanglan nato mahibaloan ang kamatuoran bahin sa katubsanan.
Busa, sumala sa giingon ni Jesus, “Ug kamo mahibalo sa kamatuoran, ug ang kamatuoran magahatag kaninyog kagawasan” (Juan 8:32), kinahanglan nato mahibaloan ang kamatuoran sa katubsanan diha kang Jesus.
Ang mga Pamatuod sa Bibliya
| Gikan sa unsang punto nagsugod ang upat ka mga Ebanghelyo? |
| Gikan sa pagtungha ni Juan nga Bautista |
Atong susihon ang tanang mga pamatuod sa katubsanan diha sa Bibliya. Atong tukion kung unsa ang gisulti sa upat ka mga Ebanghelyo bahin kang Juan nga Bautista, kung kinsa siya, nganong gitawag siya nga ‘representante sa katawhan’ o ‘katapusang labawng sacerdote;’ kung giunsa pagpasa ang tanang sala sa kalibutan ngadto kang Jesus pinaagi kaniya, ug kung gikuha ba ni Jesus ang tanang sala ngadto sa Iyang kaugalingon o wala.
Ang tanan upat ka mga Ebanghelyo nagsugod kang Juan nga Bautista. Ang Juan 1:6 nagsulti kanato sa labing importante nga butang sa ebanghelyo. Gisultihan kita niini kung kinsa ang naghimo sa buluhaton sa pagpasa sa tanang sala sa kalibutan ngadto kang Jesus. “Dihay usa ka tawo nga ginganlan si Juan nga pinadala gikan sa Dios. Siya mianhi sa pagsaksi, sa pagpanghimatuod mahitungod sa kahayag, aron ang tanan motoo pinaagi kaniya” (Juan 1:6-7).
Nag-ingon kini, ‘ang tanan motoo pinaagi kaniya,’ ug nga siya ‘aron sa pagpanghimatuod mahitungod sa kahayag.’ Ang Kahayag mao si Jesu-Cristo. Kini nagpasabot nga si Juan kinahanglan magpamatuod kang Jesus aron ang tanan motuo pinaagi kaniya. Karon, atong tan-awon og duol ang Mateo.
Sa Mateo 3:13-17, ‘Ug niadtong panahona si Jesus gikan sa Galilea miadto kang Juan sa Jordan aron sa pagpabautismo kaniya. Apan kaniya si Juan misulay sa pagsalanta nga nag-ingon, “Ako mao ang may kinahanglan nga imong pagabautismohan, ug ikaw na hinoon ang mianhi kanako?” Si Jesus mitubag kaniya, “Itugot lang kini karon, kay angay kanato ang pagbuhat niini aron sa pagtuman sa tibuok pagkamatarung.” Ug siya mitugot na lang. Ug sa nabautismohan na si Jesus, siya mihaw-as dayon gikan sa tubig, ug tan-awa, nabukas ang kalangitan ug iyang nakita ang Espiritu sa Dios nga mikunsad nga ingon ug salampati, ug mipahiluna kini diha sa ibabaw niya; ug ania karon, usa ka tingog gikan sa langit nag-ingon, “Kini mao ang akong Anak nga pinalangga, kaniya may kalipay ako.”’
| Nganong kinahanglan nato sabton ang kaliwatan ni Juan? |
| Tungod kay ang Bibliya nagsulti kanato nga si Juan mao ang labawng sacerdote sa tanang katawhan. |
Si Juan nga Bautista nagbautismo kang Jesus. Ang tawo nga nagpasa sa tanang sala sa kalibutan ngadto kang Jesu-Cristo mao gayud si Juan nga Bautista. Sa Lucas 1, si Lucas naghisgot bahin sa kaliwatan ni Juan nga Bautista. Atong tan-awon.
Sa Lucas 1:1-14, ‘Sanglit daghan man ang nangako sa pagtagik ug kaasoyan mahitungod sa mga butang nga nahitabo sa taliwala namo, ingon sa pagbilin niini kanamo sa mga tawo nga sukad sa sinugdan mga saksi nga nagpakakita ug mga ministro sa pulong, giisip ko, maingon nga nasubay ko man sa hingpit ang kaagi sa tanan sukad sa sinugdan, nga daw maayo kanako usab ang pagsulat alang kanimo sa usa ka maayong pagkahan-ay nga asoy, O labing hamili nga Teofilo, aron imong maila ang pagkatinuod sa mga butang nga gikasugilon kanimo. Sa mga adlaw ni Herodes nga hari sa Judea, dihay usa ka sacerdote nga ginganlan si Zacarias, sa laray ni Abias, ug siya may asawa nga usa sa mga kaliwat ni Aaron, ug ang iyang ngalan mao si Elisabet. Sa atubangan sa Dios sila pulos mga matarung, dili masaway sa ilang paggawi diha sa tanang kasugoan ug kalagdaan sa Ginoo. Apan sila walay anak kay si Elisabet apuli man, ug silang duha tag-as na kaayog panuigon. Ug samtang si Zacarias ingon nga sacerdote nag-alagad sa atubangan sa Dios, sa diha nga maoy nag-atiman ang iyang laray, sumala sa nabatasan sa pagkasacerdote, siya maoy nahitungnan sa ripa aron sa pagsulod sa templo sa Ginoo ug sa paghalad sa incienso. Ug didto sa gawas ang tibuok panon sa katawhan nag-ampo sa takna sa paghalad sa incienso. Ug dihay mitungha kaniya nga usa ka manolunda sa Ginoo, nagtindog sa too sa halaran sa incienso. Ug si Zacarias nakulbaan sa iyang pagkakita kaniya, ug giabut siyag kalisang. Apan ang manolunda miingon kaniya, “Ayaw kalisang, Zacarias, kay ang imong pangamuyo nadungog, ug si Elisabet nga imong asawa magaanak ug usa ka bata nga lalaki alang kanimo, ug paganganlan mo siyag Juan. Ug mabatonan mo ang kalipay ug pagmaya, ug daghan ang magakalipay sa iyang pagkatawo.”’
Si Lucas nagsulti kanato sa detalye bahin sa kaliwatan ni Juan. Si Lucas, usa ka tinun-an ni Jesus, naghatag og detalyadong pagpasabot sa kaliwatan ni Juan. Si Lucas nagtudlo sa ebanghelyo ngadto sa usa ka tawo nga ginganlan og Teofilo, nga gikan sa lain nga kultura ug wala makaila sa Ginoo.
Busa, aron sa pagtudlo kaniya bahin kang Jesus, ang Manluluwas sa mga makasasala, si Lucas naghunahuna nga kinahanglan niyang ipasabot ang kaliwatan ni Juan nga Bautista sa detalye.
Sa Lucas 1:5-9, siya nagasaysay, “Sa mga adlaw ni Herodes nga hari sa Judea, dihay usa ka sacerdote nga ginganlan si Zacarias, sa laray ni Abias, ug siya may asawa nga usa sa mga kaliwat ni Aaron, ug ang iyang ngalan mao si Elisabet. Sa atubangan sa Dios sila pulos mga matarung, dili masaway sa ilang paggawi diha sa tanang kasugoan ug kalagdaan sa Ginoo. Apan sila walay anak kay si Elisabet apuli man, ug silang duha tag-as na kaayog panuigon. Ug samtang si Zacarias ingon nga sacerdote nag-alagad sa atubangan sa Dios, sa diha nga maoy nag-atiman ang iyang laray, sumala sa nabatasan sa pagkasacerdote.”
Dinhi, may panghitabo nga nahitabo samtang si Zacarias nag-alagad sa Dios sumala sa nabatasan sa pagkasacerdote. Si Lucas nagpamatuod sa klaro nga si Zacarias usa ka kaliwat ni Aaron. Unya unsa nga laray ang gipamiyembro ni Zacarias? Kini usa ka importante kaayo nga punto.
Siya mipasabot, “Samtang si Zacarias ingon nga sacerdote nag-alagad sa atubangan sa Dios, sa diha nga maoy nag-atiman ang iyang laray.” Atong makita nga si Lucas nakaila pag-ayo kang Zacarias nga iyang gipasabot ang ebanghelyo sa katubsanan pinaagi kang Zacarias ug Elisabet.
Ingon nga mga Hentil usab kita gikan sa lain-laing mga kaliwatan, dili nato masabtan ang Kaluwasan ni Jesus kon kini dili ipasabot sa detalye, lakang sa lakang. Atong susihon kung unsa ang mga detalyadong impormasyon. Si Juan nga Bautista natawo kang Zacarias ug sa iyang asawa nga si Elisabet, nga usa sa mga anak nga babaye ni Aaron. Karon, atong tan-awon ang kaliwatan ni Zacarias ug Juan.
Ang Kaliwatan ni Juan nga Bautista
| Kang kinsa nga kaliwat si Juan nga Bautista? |
| Kang Aaron, ang labawng sacerdote |
Aron masabtan ang kaliwatan ni Juan nga Bautista, kinahanglan natong basahon ang Daang Tugon, 1 Cronicas 24:1-19.
“Ang mga pagbanusbanus sa mga anak nga lalake ni Aaron mao kini: Ang mga anak nga lalake ni Aaron: si Nadab ug si Abiu, Eleazar ug si Ithamar. Apan si Nadab ug si Abiu namatay una sa ilang amahan, ug walay mga anak: busa si Eleazar ug si Ithamar naghimo sa katungdanan sa sacerdote. Ug si David uban kang Sadoc sa mga anak nga lalake ni Eleazar, ug si Ahimelech sa mga anak nga lalake ni Ithamar, nagbahin kanila sumala sa ilang pagkasunodsunod sa ilang katungdanan. Ug diha pay daghang mga tawong pangulo nga nakita sa mga anak nga lalake ni Eleazar kay sa mga anak nga lalake ni Ithamar, ug sa ingon niana sila nabahin: sa mga anak nga lalake ni Eleazar dihay napulo ug unom, nga pangulo sa mga balay sa mga amahan; ug sa mga anak nga lalake ni Ithamar, sumala sa mga balay sa ilang mga amahan, walo. Mao kini ang ilang pagkabahinbahin pinaagi sa pagpapalad, usa ka bahin uban sa lain, kay dihay mga principe sa balaang puloy-anan, ug mga principe sa Dios, sa mga anak nga lalake ni Eleazar, ug sa mga anak nga lalake ni Ithamar. Ug si Semeias ang anak nga lalake ni Nathanael nga escriba, nga sa mga Levihanon, nagsulat kanila sa atubangan sa hari, ug sa mga principe, ug kang Sadoc nga sacerdote, ug kang Ahimelech anak nga lalake ni Abiathar, ug sa mga pangulo sa mga balay sa mga amahan sa mga sacerdote, ug sa mga Levihanon, usa ka balay sa mga amahan gikuha alang kang Eleazar, ug usa gikuha alang kang Ithamar. Karon ang unang palad migula ngadto kang Joiarib, ang ikaduha ngadto kang Jedaia. Ang ikatolo ngadto kang Harim, ang ikaupat ngadto kang Seorim, Ang ikalima ngadto kang Malchias, ang ikaunom ngadto kang Mijamin, Ang ikapito ngadto kang Cos, ang ikawalo ngadto kang Abias, Ang ikasiyam ngadto kang Jesua, ang ikapulo ngadto kang Sechania, Ang ikanapulo ug usa ngadto kang Eliasib, ang ikanapulo ug duha ngadto kang Jacim, Ang ikanapulo ug tolo ngadto kang Uppa, ang ikanapulo ug upat ngadto kang Isebeab, Ang ikanapulo ug lima ngadto kang Bilga, ang ikanapulo ug unom ngadto kang Immer, Ang ikanapulo ug pito ngadto kang Hezir, ang ikanapulo ug walo ngadto kang Aphses. Ang ikanapulo ug siyam ngadto kang Pethaia, ang ikakaluhaan ngadto kang Heseskel, Ang ikakaluhaan ug usa ngadto kang Jachim, ang ikakaluhaan ug duha ngadto kang Hamul, Ang ikakaluhaan ug tolo ngadto kang Delaia, ang ikakaluhaan ug upat ngadto kang Maazia. Kini mao ang pagsunodsunod kanila sumala sa ilang katungdanan, sa pagsulod sa balay ni Jehova sumala sa tulomanon nga gihatag kanila sa ilang amahan nga si Aaron, ingon nga si Jehova, ang Dios sa Israel, nagsugo kaniya.”
Atong basahon pag-usab ang bersikulo 10. “Ang ikapito ngadto kang Cos, ang ikawalo ngadto kang Abias.” Dinhi, nagtakda si David og mga bunot sa matag usa sa mga anak ni Aaron aron sila makahalad og sakripisyo sumala sa ilang han-ay. (Sama sa inyong nahibaloan, si Aaron mao ang magulang nga lalaki ni Moises. Ang Dios nag-orden kang Moises isip Iyang ahente, ug kang Aaron isip labawng sacerdote sa Balaang Tabernakulo atubangan sa katawhan sa Israel.)
Ang tanang ubang mga Levita gibutang ubos sa mga sacerdote ug si Aaron ug ang iyang mga anak ang nangulo sa tanang mga sakripisyo atubangan sa Dios. Sa wala pa itakda ni David ang sistema sa pagkuha og bunot, ang mga sacerdote, nga kaliwat ni Aaron, kinahanglan magbunot sa matag higayon ug kini nakahatag og daghang kagubot.
Busa gihan-ay ni David ang sistema pinaagi sa pagbutang sa han-ay sa matag dibisyon. Adunay 24 ka mga dibisyon sa usa ka han-ay nga naggikan sa mga apo ni Aaron, ug ang ikawalo mao si Abias. Ug giingon, “Usa ka sacerdote nga ginganlan si Zacarias, sa laray ni Abias.” Busa si Zacarias ug ang iyang asawa nga si Elisabet parehas mga kaliwat ni Aaron nga labawng sacerdote.
Si Zacarias, usa ka sacerdote sa dibisyon ni Abias, mao ang amahan ni Juan nga Bautista. Nasayod kita gikan sa Bibliya nga sila kaniadto nagminyo sulod sa ilang mga pamilya.
Sama sa imong nahibaloan, si Jacob naminyo sa anak nga babaye sa iyang uyoan sa bahin sa iyang inahan. Kini nga pagpasabot sa kagikan adunay dakong kamahinungdanon. Nag-ingon kini, “Usa ka sacerdote nga ginganlan si Zacarias, sa laray ni Abias.”
Busa siya siguradong kaliwat ni Aaron. Kinsa? Si Zacarias, ang amahan ni Juan nga Bautista. Kini usa ka importante nga butang sa pagpasabot sa katubsanan ni Jesus, ug ang ministeryo ni Juan nga Bautista, ug ang pagpasa sa mga sala sa kalibutan ngadto kang Jesus.
Ang mga Anak nga Lalake ni Aaron ang Mahimong Moalagad isip mga Sacerdote
| Kinsa ang mahimong moalagad sa katungdanan sa pagka-labawng sacerdote sa panahon sa Daang Tugon? |
| Si Aaron ug ang iyang mga kaliwat |
Unya asa sa Bibliya gipasabot nga ang mga anak nga lalaki ni Aaron kinahanglan moalagad sa katungdanan sa pagka-labawng sacerdote? Atong tan-awon.
Sa Mga Numeros 20:22-29, “Ug mingpanaw sila gikan sa Cades: Ug ang mga anak sa Israel, bisan ang tibook nga katilingban, mingdangat sa bukid sa Hor. Ug si Jehova nagsulti kang Moises ug kang Aaron didto sa bukid sa Hor sa mga utlanan sa yuta ni Edom, nga nagaingon: Si Aaron pagapaipunon sa iyang katawohan, kay dili siya makasulod sa yuta nga akong gihatag sa mga anak sa Israel, tungod kay nagmasukihon kamo sa akong pulong sa mga tubig sa Meriba. Kuhaa si Aaron ug si Eleazar nga iyang anak nga lalake ug patungason mo sila sa bukid sa Hor, Ug huboon mo kang Aaron ang iyang mga bisti, ug ibisti mo sila kang Eleazar nga iyang anak nga lalake; ug si Aaron pagapaipunon sa sa iyang katawohan, ug didto mamatay siya. Ug si Moises nagbuhat ingon sa gisugo kaniya ni Jehova: ug nanungas sila sa bukid sa Hor sa mga mata sa tibook nga katilingban. Ug si Moises naghubo kang Aaron sa iyang mga bisti, ug iyang gibisti sila kang Eleazar nga iyang anak nga lalake: ug si Aaron namatay didto sa kinatumyan sa bukid, ug si Moises ug si Eleazar nanglugsong gikan sa bukid. Ug sa pagkakita sa tibook nga katilingban nga si Aaron namatay nanagbalata sila alang kang Aaron sa katloan ka adlaw, bisan ang tibook nga panimalay sa Israel.”
Ang Exodo nagtala sa Kasugoan sa Dios, nga nag-ingon nga ang mga anak nga lalaki sa labawng sacerdote kinahanglan moalagad sa katungdanan sa pagka-labawng sacerdote, sama sa ilang mga amahan sa dihang moabot na sila sa hustong pangidaron.
Sa Exodo 28:1-5, “Ug dad-on mo duol kanimo si Aaron nga imong igsoon, ug ang iyang mga anak nga lalake uban kaniya, gikan sa taliwala sa mga anak sa Israel, aron siya magaalagad kanako sa katungdanan sa pagka-sacerdote, bisan si Aaron, si Nadab ug si Abiu, si Eleasar ug si Itamar, mga anak nga lalake ni Aaron. Ug magbuhat ka ug mga bisti nga balaan alang kang Aaron nga imong igsoon, alang sa himaya ug alang sa katahum. Ug sultihan mo ang tanan nga mga masinabuton ug kasingkasing, sila nga akong gipuno sa espiritu sa kinaadman, aron magbuhat sila sa mga bisti ni Aaron, aron sa pagbalaan kaniya aron siya mag-alagad kanako sa katungdanan sa pagka-sacerdote. Ug mao kini ang mga bisti nga pagabuhaton nila: ang tabon sa dughan, ug ang ephod, ug ang kupo, ug ang bisti nga binoldahan, ang mitra, ug ang bakus. Ug magabuhat sila ug mga bisti nga balaan alang kang Aaron nga imong igsoon, ug sa iyang mga anak nga lalake aron manag-alagad sila kanako sa katungdanan sa pagka-sacerdote. Ug magakuha sila ug bulawan, ug azul ug purpura, ug mapula, ug lino nga fino nga linubid.”
Ang Dios klaro nga nagtudlo kang Aaron, ang igsoon ni Moises, ngadto sa pagka-sacerdote. Ang pagka-sacerdote wala giablihan ngadto sa bisan kinsang laing tawo. Busa, gisugo sa Dios si Moises sa pagbalaan kang Aaron isip labawng sacerdote, ug sa paghimo og balaan nga bisti alang kaniya sumala sa gihulagway sa Dios. Kinahanglan dili gayud nato kalimtan ang mga pulong sa Dios.
Ug sa Exodo 29:1-9, “Ug kini mao ang pagabuhaton mo kanila aron sa pagbalaan kanila, aron sila mag-alagad kanako sa katungdanan sa pagka-sacerdote: Kumuha ka ug usa ka lakeng nati sa vaca, ug duruha ka carnero nga lake nga walay ikasaway, Ug tinapay nga walay levadura, ug mga tinapay nga malingin nga walay levadura nga sinaktan sa lana, ug mga tinapay nga manipis nga walay levadura nga dinihogan ug lana; nga kini pagabuhaton mo gikan sa harina sa trigo: Ug igabutang mo kini sa usa ka bukag, ug dad-on mo kini nga sinulod sa bukag, uban ang lakeng vaca ug ang duruha ka carnerong lake. Ug pagadad-on mo si Aaron ug ang iyang mga anak nga lalake sa pultahan sa balong-balong nga pagatiguman ug hugasan mo sila sa tubig. Ug kuhaon mo ang mga bisti, ug isul-ob mo kang Aaron ang sinina nga hataas, ug ang kupo sa ephod, ug ang ephod, ug ang tabon sa dughan, ug baksan mo siya sa maayong pagkahabol nga bakus sa ephod. Ug ibutang mo ang mitra sa ibabaw sa iyang ulo, ug ibutang mo sa ibabaw sa mitra ang purongpurong nga balaan. Unya kumuha ka sa lana nga igdidihog, ug ibubo mo sa ibabaw sa iyang ulo, ug dihogan mo siya. Ug pagadad-on mo ang iyang mga anak nga lalake, ug sul-oban mo sila ug mga bisti. Ug baksan mo sila sa mga bakus, si Aaron ug ang iyang mga anak nga lalake, ug ibugkos mo kanila ang mga bonete; ug ila ang pagka-sacerdote tungod sa tulomanon nga walay katapusan: ug pagagahinon mo si Aaron ug ang iyang mga anak nga lalake alang sa Dios.”
“Baksan mo sila sa mga bakus, si Aaron ug ang iyang mga anak nga lalake, ug ibugkos mo kanila ang mga bonete; ug ila ang pagka-sacerdote tungod sa tulomanon nga walay katapusan: ug pagagahinon mo si Aaron ug ang iyang mga anak nga lalake alang sa Dios.” Ang Dios nagpasabot, nga si Aaron ug ang iyang mga anak nga lalaki lamang ang pagabalaanon aron mag-alagad sa pagka-sacerdote sa walay katapusan. Sa dihang Siya klaro nga miingon, “sa tulomanon nga walay katapusan,” kini nagpabilin nga tinuod bisan human mianhi si Jesus niining kalibutan.
Busa gipasabot ni Lucas sa lawom nga si Zacarias kaliwat ni Aaron nga labawng sacerdote. Sa dihang si Zacarias nag-alagad isip sacerdote sa atubangan sa Dios sa templo sa Ginoo, usa ka anghel mitungha ug misulti kaniya nga ang iyang pag-ampo nadungog; ug nga ang iyang asawa nga si Elisabet manganak og usa ka anak nga lalaki.
Si Zacarias dili makatuo niini ug miingon, “Ang akong asawa tigulang na kaayo, unsaon man niya pagpanganak og anak nga lalaki?” Tungod sa iyang pagduhaduha, gihimo sa Dios nga amang siya sa makadiyot aron ipakita nga ang Iyang mga pulong tinuod.
Sa gitakdang panahon, nagmabdos ang iyang asawa ug human sa pipila ka panahon, si Maria, usa ka ulay, nagmabdos usab. Kining duha ka panghitabo mao ang pangandam nga buhat sa Dios alang sa atong kaluwasan. Aron sa pagluwas sa dunot nga katawhan, kinahanglan Niya ipadala ang Iyang alagad nga si Juan ug ipadala ang Iyang bugtong Anak nga si Jesus niining kalibutan.
Busa, gipabawtismo sa Dios ang Iyang Anak kang Juan nga Bautista aron ipasa ang tanang mga sala sa kalibutan aron kadtong mituo kang Jesus maluwas.
Ang Espesyal nga Plano sa Dios!
| Kinsa ang giandam sa Dios sa wala pa si Jesus alang sa buhat sa katubsanan? |
| Si Juan nga Bautista |
Giandam sa Dios ang pagkatawo ni Juan niining kalibutan sa wala pa si Jesus. Si Juan natawo aron siya makabawtismo kang Jesus ug makahatag sa tanang sala sa kalibutan ngadto Kaniya. Ang kaliwat sa labawng sacerdote kinahanglan mohalad sa pagtabon-sa-sala aron matuman ang Pakigsaad sa Dios nga gihimo sa Daang ug Bag-ong Tugon; aron ang ebanghelyo sa katubsanan ni Jesus tuohan ug ipatuman sa husto nga paagi.
Sa Exodo, gihatag sa Dios sa Israel ang Iyang Kasugoan ug mga Pakigsaad; ang Kasugoan sa Dios, ug ang mga lagda sa paghalad diha sa Tabernakulo, lakip na ang bisti sa mga sacerdote, mga detalye sa mga sakripisyo; ug ang pagpanunod sa pagka-sacerdote ngadto sa mga anak nga lalaki sa mga sacerdote. Gitudlo sa Dios si Aaron ug ang iyang mga kaliwat ngadto sa pagka-labawng sacerdote sa walay katapusan.
Busa, ang tanang kaliwat ni Aaron makahimo sa paghalad ug mga sakripisyo ug ang mga labawng sacerdote mahimo lamang nga gikan sa panimalay ni Aaron. Nakita ba ninyo kung unsa kini?
Apan sa daghang mga kaliwat ni Aaron, gipili sa Dios ang usa ka sacerdote nga ginganlan og Zacarias, ug ang iyang asawa nga si Elisabet. Siya miingon, “Tan-awa, igapadala ko ang akong magsasangyaw nga mag-una kanimo.” Sa dihang gisultihan sa Dios si Zacarias nga Iyang tugotan si Elisabet nga magkaanak og usa ka anak nga lalaki, ug nga kinahanglan niya kining nganlan og Juan; nahibulong kaayo siya nga nahimo siyang amang sa Iyang sugo hangtud nga natawo ug ginganlan ang anak.
Ug sa pagkatinuod, usa ka anak nga lalaki ang natawo sa iyang panimalay. Sa dihang panahon na sa pagngalan sa bata sumala sa naandan sa Israel, tuyo nila nga nganlan ang anak sunod sa ngalan sa iyang amahan.
‘Ug miabut ang panahon nga igalanak na ni Elisabet, ug siya nanganak sa usa ka bata nga lalaki. Ug ang iyang mga silingan ug mga paryenti nakadungog nga ang Ginoo nagpakitag dakung kaluoy kaniya, ug sila nangalipay duyog kaniya. Ug sa ikawalo ka adlaw sila nangabut aron sa pagsirkunsidar sa bata; ug buot unta nila nga hinganlan siyag Zacarias, sama sa iyang amahan. Apan ang iyang inahan miingon, “Dili; kondili pagahinganlan hinoon siyag Juan.” Ug sila miingon kaniya, “Wala bayay paryenti nimo nga nagdala sa maong ngalan.” Ug ilang gisinyasan ang iyang amahan sa pagpangutana kaniya kon unsay buot niyang ingalan sa bata. Ug siya nangayog sulatanan ug iyang gisulat kini, “Ang iyang ngalan si Juan.” Ug nahibulong silang tanan. Ug dihadiha nabuka ang iyang baba ug naluag ang iyang dila, ug siya misulti nga nagdayeg sa Dios. Ug ang ilang tanang mga silingan giabut ug kahadlok. Ug kining tanang mga butanga gisultisultihan sa tibuok kabungturan sa Judea; ug ang tanang nakadungog niini nagtipig niini sa sulod sa ilang mga kasingkasing, ug nanag-ingon, “Maunsa man kaha diay kining bataa?” Kay ang kamot sa Ginoo diha uban kaniya’ (Lucas 1:57-66).
Niadtong panahona, amang na si Zacarias, busa dili siya makasulti. Sa dihang panahon na sa pagngalan sa bata, ang mga paryente misugyot nga ang bata tawgon og Zacarias. Apan ang iyang inahan miinsister nga ang iyang ngalan kinahanglan Juan. Sa niini, ang mga paryente miingon nga walay usa niana nga ngalan sa pamilya ug nga ang bata kinahanglan nganlan sunod sa iyang amahan.
Sa dihang padayon nga miinsister si Elisabet sa ngalan, ang mga paryente miadto kang Zacarias ug nangutana kung unsa ang kinahanglan nga ngalan sa bata. Si Zacarias, tungod kay dili pa siya makasulti, nangayo og sulatanan ug misulat og ‘Juan’. Ang tanang mga paryente natingala niining talagsaong pagpili sa ngalan.
Apan human sa pagngalan, diha-diha dayon nabuka ang baba ni Zacarias. Siya midayeg sa Dios ug napuno sa Espiritu Santo ug nanagna.
Gisugilon ni Lucas ang pagkatawo ni Juan nga Bautista sa balay ni Zacarias. “Dihay usa ka sacerdote nga ginganlan si Zacarias, sa laray ni Abias.” Sa espesyal nga plano sa Dios, si Juan nga Bautista, ang representante sa katawhan, natawo kang Zacarias, usa ka kaliwat ni Aaron.
Ug pinaagi kang Juan nga Bautista ug Jesu-Cristo, gituman sa Dios ang kaluwasan sa katawhan. Naluwas kita sa tanan natong mga sala pinaagi sa pagtuo sa buhat sa katubsanan nga gihimo pinaagi kang Juan ug Jesu-Cristo.
Ang Pagbautismo kang Jesus
| Nganong gibautismohan si Jesus ni Juan? |
| Aron kuhaon ang tanang mga sala sa kalibutan |
Si Juan nga Bautista nagpamatuod nga si Jesus mao ang Anak sa Dios ug Siya ang nagkuha sa tanan natong mga sala. Siya mao si Juan nga Bautista, ang alagad sa Dios nga nagpamatuod sa atong kaluwasan. Wala kini magpasabot nga ang Dios dili mismo magsulti kanato nga Siya ang atong Manluluwas. Ang Dios naglihok pinaagi sa Iyang mga alagad sa simbahan, ug pinaagi sa mga baba sa tanan Niyang katawhan nga naluwas na.
Ang Dios nag-ingon, “Pagsulti kamo nga maloloy-on sa Jerusalem ug singgiti siya, nga ang iyang panahon sa gubat natapus na, nga ang iyang kasal-anan gipasaylo (ang sala hingpit nga nawala) na, nga nakadawat siya ug pinilo gikan sa kamot ni Jehova tungod sa tanan niyang mga sala. Ang balili nagakalaya, ang bulak nagakalawos; apan ang pulong sa Dios nagapabilin sa walay katapusan” (Isaias 40:2, 8).
“Dili na kamo mga makasasala. Gitabon-sa-sala ko na ang tanan ninyong mga sala ug natapos na ang pakiggubat.” Busa ang tingog sa ebanghelyo sa katubsanan padayon nga nagsinggit ngari kanato. Mao kini ang gitawag nga giandam nga ebanghelyo.
Sa dihang atong masabtan ang mga buhat ni Juan nga Bautista, sa dihang tinuod natong masabtan nga ang tanang sala sa kalibutan gihatag ngadto kang Jesus pinaagi kang Juan nga Bautista, kitang tanan mahimong gawasnon gikan sa atong mga sala.
Ang upat ka Ebanghelyo nagsulti kanato bahin kang Juan nga Bautista, ug ang katapusang propeta sa Daang Tugon nagpamatuod usab kang Juan nga Bautista, ang alagad sa Dios. Ug ang Bag-ong Tugon nagsugod sa pagkatawo ni Juan nga Bautista ug sa pagbalhin sa mga sala ngadto kang Jesus pinaagi sa iyang bautismo.
Unya nganong gitawag nato siya og Juan nga Bautista? Tungod kay siya nagbautismo kang Jesus. Unsa ang kahulogan sa bautismo? Kini nagpasabot og ‘pagpasa sa sala, paglubong, paghugas’― sama sa ‘pagpandong sa mga kamot’ sa Daang Tugon.
Sa Daang Tugon, sa dihang ang usa ka tawo nakasala, iyang gipasa ang iyang mga sala ngadto sa ulo sa halad sa pagtabon-sa-mga-sala, ang sakripisyo nga walay buling, pinaagi sa pagpandong sa iyang mga kamot sa halad sa pagtabon-sa-mga-sala, ug ang sakripisyo namatay uban niadtong mga sala. Ang ‘pagpandong sa mga kamot’ nagpasabot og ‘pagpasa ngadto sa.’ Busa, ang ‘pagpandong sa mga kamot’ ug ang ‘bautismo’ parehas ra og kahulogan apan lahi ang ngalan.
Unya unsa man ang kahulogan sa bautismo ni Jesus? Ang Iyang bautismo mao lamang ang paagi aron mahimo ang pagtabon-sa-sala sulod sa ordinasyon sa Dios.
Sa Daang Tugon, ang mga makasasala kinahanglan mopandong sa ilang mga kamot sa ulo sa halad aron ipasa ang ilang mga sala ngadto sa iyang ulo. Unya kinahanglan nila putlon ang liog sa halad ug ang mga sacerdote magdala sa dugo aron ibutang kini sa mga sungay sa halaran sa halad-nga-sinunog. Kini mao ang paagi sa pagtabon-sa-sala sa matag adlaw nga mga sala.
Unya, unsaon nila pagtabon-sa-sala ang tinuig nga mga sala?
Si Aaron, ang labawng sacerdote, naghalad alang sa tanang katawhan sa Israel. Tungod kay si Juan nga Bautista natawo sa panimalay ni Aaron, angay nga siya mahimong labawng sacerdote, ug gipili siya sa Dios nga mahimong katapusang labawng sacerdote sumala sa Iyang saad sa katubsanan.
Si Juan nga Bautista mao ang representante sa tanang katawhan ug ang katapusang labawng sacerdote sa tanang katawhan tungod kay ang Daang Tugon natapos sa dihang natawo si Jesu-Cristo. Kinsa pa man gawas kang Juan nga Bautista, ang nagpasa sa tanang sala sa kalibutan ngadto kang Jesus sa Bag-ong Tugon, sama sa pagtabon-sa-sala ni Aaron alang sa mga sala sa iyang katawhan sa Daang Tugon? Isip katapusang labawng sacerdote sa Daang Tugon ug representante sa tanang katawhan, si Juan nga Bautista nagpasa sa tanang sala sa kalibutan ngadto kang Jesus sa dihang iyang gibautismohan Siya.
Tungod kay si Juan nagpasa sa tanang sala ngadto kang Jesus, kita mahimong matubos pinaagi sa pagtuo sa ebanghelyo sa tubig ug sa Espiritu. Si Jesus nahimong Cordero aron sa pagluwas sa tanang mga makasasala, sa ingon nagtuman sa buhat sa katubsanan sumala sa plano sa Dios. Si Jesus nagsulti kanato nga si Juan nga Bautista mao ang katapusang propeta, ang katapusang labawng sacerdote nga nagpasa sa tanang sala sa kalibutan ngadto Kaniya.
Nganong dili man mahimo ni Jesus kini nga Siya ra? Nganong gikinahanglan man Niya si Juan nga Bautista? Adunay rason nganong si Juan nga Bautista natawo unom ka bulan sa wala pa si Jesus. Kini aron sa pagtuman sa Kasugoan sa Daang Tugon, aron sa paghingpit sa Daang Tugon.
Si Jesus natawo kang Maria nga dalaga pa, ug si Juan nga Bautista natawo sa usa ka tigulang nga babaye nga ginganlan og Elisabet.
Kini mao ang mga buhat sa Dios, ug Iyang giplano kini aron sa pagluwas sa tanang mga makasasala. Aron sa pagluwas kanato gikan sa walay katapusang pakiggubat batok sa sala, ug sa tanang mga pag-antos sa makasasalang katawhan, Iyang gipadala ang Iyang alagad nga si Juan, ug unya ang Iyang Kaugalingong Anak nga si Jesus. Si Juan nga Bautista gipadala isip representante sa tanang katawhan, ang katapusang labawng sacerdote.
Ang Labing Daku sa Tanang Gipanganak sa Babaye
| Kinsa ang labing daku nga tawo sa yuta? |
| Si Juan nga Bautista |
Atong tan-awon ang Mateo 11:7-14. ‘Ug sa paglakaw na nila, si Jesus misugod sa pagsulti ngadto sa mga panon sa katawhan mahitungod kang Juan. Siya miingon kanila: “Unsa bay inyong giadto aron tan-awon didto sa mga awaaw? Ang usa ba ka bagakay nga ginakusokuso sa hangin? Nan, nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang managsul-ob ug luho nga mga bisti anaa sa mga balay sa mga hari. Apan ngano lagi nga miadto man kamo? Aron ba pagtan-aw sa usa ka profeta? Oo, sultihan ko kamo, ug labaw pa gani sa profeta. Kay kini siya mao man ang gihisgutan sa nahisulat nga nagaingon: ‘Tan-awa, igapadala ko ang akong magsasangyaw nga magauna kanimo; siya mao ang magaandam sa imong dalan sa atubangan mo.’ Sa pagkatinuod, magaingon ako kaninyo, nga sa mga gianak ug babaye, wala pay nahitungha nga molabaw pa ka daku kay kang Juan nga Bautista; ngani, ang labing gamay diha sa gingharian sa langit daku pa kay kaniya. Sukad sa mga adlaw ni Juan nga Bautista hangtud karon, ang gingharian sa langit nakaagum na sa mga paglugos, ug kini ginaagaw sa mga manglolugos pinaagig kusog. Kay ang tanang mga profeta ug ang kasugoan nanaghimog mga profesiya hangtud kang Juan; ug kon buot kamo motoo niini, siya mao si Elias nga magaanhi.”’
Ang mga tawo miadto sa kamingawan aron makita si Juan nga Bautista, nga misinggit, “Paghinulsol kamo, kamong anak sa mga bitin!” Ug si Jesus miingon, “Nan, nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang managsul-ob ug luho nga mga bisti anaa sa mga balay sa mga hari.”
Si Jesus mismo nagpamatuod sa pagkadako ni Juan. “Unsa may inyong giadto aron tan-awon? Usa ka barbaro nga nagsul-ob og balhibo sa kamelyo ug nagasinggit sa bug-os nga kusog? Sigurado nga nagsul-ob siya og bisti nga hinimo sa balhibo sa kamelyo. Unsa may inyong giadto aron tan-awon? Usa ka tawo nga nagbisti og humok nga mga bisti? Kadtong nagsul-ob og humok nga bisti anaa sa mga balay sa mga hari. Apan siya mas labaw pa kay sa hari,” nagpamatuod si Jesus. “Tan-awa, ang managsul-ob ug luho nga mga bisti anaa sa mga balay sa mga hari. Apan ngano lagi nga miadto man kamo? Aron ba pagtan-aw sa usa ka profeta? Oo, sultihan ko kamo, ug labaw pa gani sa profeta.”
Sa karaang mga panahon, ang mga profeta mas dako pa kay sa mga hari. Si Juan nga Bautista labaw pa kay sa usa ka hari, ug labaw pa kay sa usa ka propeta. Labaw pa siya sa tanang mga propeta sa Daang Tugon. Sa pagkatinuod, si Juan, ang katapusang labawng sacerdote ug representante sa katawhan, labaw pa kay kang Aaron ang unang labawng sacerdote. Si Jesus mismo ang nagpamatuod sa kaugalingon Niya mahitungod kang Juan.
Kinsa ang representante sa tanang katawhan? Gawas kang Cristo mismo, kinsa ang labing daku nga tawo sa yuta? Si Juan nga Bautista. “Sultihan ko kamo, ug labaw pa gani sa profeta. Kay kini siya mao man ang gihisgutan sa nahisulat nga nagaingon: ‘Tan-awa, igapadala ko ang akong magsasangyaw nga magauna kanimo; siya mao ang magaandam sa imong dalan sa atubangan mo.’”
Si Juan nga Bautista nagpamatuod nga ang gubat batok sa sala natapos na. “Tan-awa, mao kana ang Cordero sa Dios, nga magakuha sa sala sa kalibutan!” Si Juan nga Bautista ang nagpamatuod nga si Jesus nagkuha sa mga sala sa kalibutan.
Sa Mateo 11:11, “Sa pagkatinuod, magaingon ako kaninyo, nga sa mga gianak ug babaye, wala pay nahitungha nga molabaw pa ka daku kay kang Juan nga Bautista.” Aduna bay nahitungha nga labaw pa ka daku kay kang Juan nga Bautista sa tanang natawo sa babaye?
Unsa ang kahulogan sa ‘nga sa mga gianak ug babaye’? Nagpasabot kini sa tanang katawhan. Gawas kang Adam, natawo ang tanang katawhan gikan sa babaye. Oo, sa tanang mga gianak ug babaye, wala pay nahitunga nga labaw pa kay Juan nga Bautista. Busa, siya ang katapusang labawng sacerdote ug representante sa katawhan. Si Juan nga Bautista mao ang labawng sacerdote, ang propeta, ug atong representante.
Sa Daang Tugon, si Aaron ug ang iyang mga anak gi-orden sa Dios aron moalagad sa walay katapusan. Ang tanang mga sala kinahanglan hugasan pinaagi kang Aaron ug sa iyang mga anak. Kini sumala sa gisugo sa Dios.
Kon adunay laing tawo sa mga Levita nga miduol ug nangahas sa pagbuhat sa katungdanan sa pagka-sacerdote, sigurado nga mamatay siya. Ang ilang mahimo lamang mao ang pagpanguha og kahoy alang sa kalayo sa halaran, pagpanit sa mga mananap, paglimpyo sa mga tinai, ug pagpili sa tambok. Kon sila magmapangahason sa pagsulay sa pagbuhat sa buluhaton sa mga sacerdote mamatay lamang sila. Kini mao ang Kasugoan sa Dios. Dili sila makalapas sa linya.
Sa yuta, walay mitungha nga tawo nga mas labaw pa kay Juan nga Bautista. Siya ang labing bantugan sa tanang mga mortal. “Sukad sa mga adlaw ni Juan nga Bautista hangtud karon, ang gingharian sa langit nakaagum na sa mga paglugos, ug kini ginaagaw sa mga manglolugos pinaagig kusog” (Mateo 11:12).
Ang katubsanan sa katawhan natuman sa dihang si Juan nga Bautista nagbautismo kang Jesus, ug kadtong nagtuo kang Jesus makasulod sa gingharian sa Langit. Sila mahimong matarung. Atong tan-awon kung giunsa pagpamatuod sa amahan ni Juan ang iyang anak.
Ang Pagpamatuod ni Zacarias, ang Amahan ni Juan
| Unsa ang gitagna ni Zacarias bahin sa iyang anak? |
| Si Juan moandam sa dalan sa Ginoo pinaagi sa paghatag og kahibalo sa kaluwasan ngadto sa Iyang katawhan. |
Atong basahon ang Lucas 1:67-80. ‘Ug si Zacarias nga iyang amahan napuno sa Espiritu Santo ug naghimog usa ka profesiya nga nag-ingon, “Dahaygon ang ginoong Dios sa Israel, tungod kay iyang giduaw ug gitubos ang iyang katawhan, ug alang kanato iyang gipatindog ang usa ka gamhaang Manluluwas diha sa kaliwatan ni David nga iyang alagad, sumala sa iyang gisulti pinaagi sa baba sa iyang mga balaang profeta sukad pa sa karaang panahon, nga kita pagaluwason gikan sa atong mga kaaway, ug gikan sa kamot sa tanang nagadumot kanato; aron sa pagtuman sa kaluoy nga iyang gisaad ngadto sa atong mga ginikanan, ug sa paghinumdom sa iyang balaang pakigsaad, sa panumpa nga iyang gihimo ngadto kang Abrahan nga atong amahan, aron sa pagtugot kanato nga kita, ingon nga linuwas gikan sa kamot sa atong mga kaaway, magaalagad unta kaniya sa walay pagkahadlok, diha sa kabalaanon ug pagkamatarung, sa iyang atubangan, sa tanang mga adlaw sa atong kinabuhi.” “Ug ikaw, bata, pagatawgon nga profeta sa Labing Halangdon; kay ikaw mao man ang magauna sa Ginoo aron sa pag-andam sa iyang mga dalan, sa paghatag ngadto sa iyang katawhan sa kahibalo mahitungod sa kaluwasan diha sa kapasayloan (ang sala hingpit nga nawala) sa ilang mga sala, pinasikad sa malomong kaluoy sa atong Dios, inigbanagbanag unya kanato sa adlaw gikan sa kahitas-an, aron sa paghatag ug kahayag ngadto sa mga nagalingkod sa ug sa landong sa kamatayon, aron sa pagmando sa atong mga tiil ngadto sa dalan sa pakigdait.” ug ang bata midaku ug nahimong kusgan sa espiritu, ug siya didto magpuyo sa mga awaaw hangtud sa adlaw sa iyang pagpadayag ngadto sa Israel.’
Si Zacarias nanagna og duha ka butang. Siya nanagna nga ang Hari sa tanang katawhan miabot na. Gikan sa bersikulo 68 hangtud 73, siya nanagna uban ang kalipay nga ang Dios wala malimot sa Iyang mga saad ug nga si Jesus, sumala sa gisaad sa Dios kang Abraham, natawo pinaagi kang Maria nga usa ka ulay, aron sa pagluwas sa iyang mga kaliwat gikan sa mga kamot sa ilang mga kaaway.
Ug unya gikan sa bersikulo 74, “Aron sa pagtugot kanato nga kita, ingon nga linuwas gikan sa kamot sa atong mga kaaway, magaalagad unta kaniya sa walay pagkahadlok.” Kini usa ka pahinumdom sa Saad sa Dios kang Abraham ug sa katawhan sa Israel, ug siya nanagna. “Aron sa pagtugot kanato nga kita, magaalagad unta kaniya sa walay pagkahadlok.”
Gikan sa bersikulo 76, siya nanagna ngadto sa iyang anak. “Ug ikaw, bata, pagatawgon nga profeta sa Labing Halangdon; kay ikaw mao man ang magauna sa Ginoo aron sa pag-andam sa iyang mga dalan, sa paghatag ngadto sa iyang katawhan sa kahibalo mahitungod sa kaluwasan diha sa kapasayloan (ang sala hingpit nga nawala) sa ilang mga sala, pinasikad sa malomong kaluoy sa atong Dios, inigbanagbanag unya kanato sa adlaw gikan sa kahitas-an, aron sa paghatag ug kahayag ngadto sa mga nagalingkod sa ug sa landong sa kamatayon, aron sa pagmando sa atong mga tiil ngadto sa dalan sa pakigdait.”
Dinhi siya miingon, “Sa paghatag ngadto sa iyang katawhan sa kahibalo mahitungod sa kaluwasan diha sa kapasayloan (ang sala hingpit nga nawala) sa ilang mga sala.” Kinsa ang giingon niya nga mohatag sa kahibalo sa kaluwasan? Si Juan nga Bautista. Nasabtan ba ninyo kining tanan? Si Juan nga Bautista, pinaagi sa mga pulong sa Dios, mao ang mohatag kanato sa kahibalo nga si Jesus mao ang Anak sa Dios nga mikuha sa mga sala sa kalibutan.
Karon, atong tan-awon ang Marcos 1. ‘Sinugdan sa Maayong Balita mahitungod kang Jesu-Cristo, ang Anak sa Dios. Ingon sa nahisulat diha sa basahon ni Isaias nga profeta: “Tan-awa, igapadala ko ang akong magsasangyaw nga mag-una kanimo, siya mao ang magaandam sa imong dalan.” “Ang tingog sa magasinggit diha sa mga awaaw: ‘Andama ninyo ang dalan alang sa Ginoo. tul-ira ninyo ang iyang mga agianan.’” Diha sa mga awaaw si Juan nga magbabautismo mitungha nga nagwali mahitungod sa bautismo sa paghinulsol alang sa kapasayloan sa mga sala (ang sala hingpit nga nawala). Ug nangadto kaniya ang mga katawhan gikan sa tibuok yuta sa Judea, ug ang tanang tawo sa Jerusalem; ug sa suba sa Jordan iyang gibautismohan sila, sa pagsugid nila sa ilang mga sala’ (Marcos 1:1-5).
Sa dihang ang mga Israelita nakadungog gikan kang Juan nga Bautista, sila mitalikod sa pagsimba sa mga diosdios sa mga Hentil ug gibautismohan ni Juan nga Bautista. Apan si Juan nagpamatuod, “Gibautismohan ko kamo sa tubig aron kamo makabalik sa Dios. Apan ang Anak sa Dios moanhi kanako ug magpabautismo, unya ang tanan ninyong mga sala maipasa ngadto Kaniya. Ug kon motuo kamo sa bautismo ni Ginoong Jesus samtang gibautismohan ko kamo, ang tanan ninyong mga sala mapasa ngadto Kaniya, sama sa mga sala nga gipasa pinaagi sa pagpandong sa mga kamot sa Daang Tugon.” Mao kana ang gipamatuod ni Juan.
Ang kamatuoran nga si Jesus gibautismohan sa Jordan nagpasabot nga Siya gibautismohan sa suba sa kamatayon. Mag-awit kita sa lubong, “♪Sa matam-is nga umaabot, magkita kita nianang matahum nga baybayon. Magkita kita nianang matahum nga baybayon.♪” Kon kita mamatay, motabok kita sa Suba sa Jordan. Ang Suba sa Jordan mao ang suba sa kamatayon. Si Jesus gibautismohan sa suba sa kamatayon.
Ang Pagbautismo nga Nagpasa sa Atong mga Sala
| Unsa ang ‘pagpandong sa mga kamot’ sa Bag-ong Tugon? |
| Ang Pagbautismo ni Jesus |
Sa Mateo 3:13-17, atong mabasa, ‘Ug niadtong panahona si Jesus gikan sa Galilea miadto kang Juan sa Jordan aron sa pagpabautismo kaniya. Apan kaniya si Juan misulay sa pagsalanta nga nag-ingon, “Ako mao ang may kinahanglan nga imong pagabautismohan, ug ikaw na hinoon ang mianhi kanako?” Si Jesus mitubag kaniya, “Itugot lang kini karon, kay angay kanato ang pagbuhat niini aron sa pagtuman sa tibuok pagkamatarung.” Ug siya mitugot na lang. Ug sa nabautismohan na si Jesus, siya mihaw-as dayon gikan sa tubig, ug tan-awa, nabukas ang kalangitan ug iyang nakita ang Espiritu sa Dios nga mikunsad nga ingon ug salampati, ug mipahiluna kini diha sa ibabaw niya; ug ania karon, usa ka tingog gikan sa langit nag-ingon, “Kini mao ang akong Anak nga pinalangga, kaniya may kalipay ako.”’
Si Jesus miabot sa Jordan ug gibautismohan ni Juan nga Bautista. “Bautismohi Ko.” Ug si Juan, nga nag-ingon, “Ako ang nagkinahanglan nga bautismohan Nimo, ug moanhi Ka kanako?” Ang labawng mga sacerdote sa langit ug yuta nagtagbo.
Sumala sa Hebreohanon, si Jesu-Cristo mao ang Labawng Sacerdote sa walay katapusan sumala sa laray ni Melquisedec. Siya walay talaan sa kagikan. Siya dili kaliwat ni Aaron, ni dili usab kaliwat sa bisan kinsa nga tawo dinhi sa yuta. Siya ang Anak sa Dios, atong Magbubuhat. Busa, wala Siyay talaan sa kagikan. Apan gibiyaan Niya ang himaya sa langit ug mikunsad sa yuta aron sa pagluwas sa Iyang katawhan.
Ang hinungdan nga mikanaog Siya niining kalibutana mao ang pagluwas sa tanang mga makasasala nga nag-antos sa pagpanglimbong ni Satanas. Dugang pa, gikuha ni Jesus ang tanan nga mga sala sa kalibutan pinaagi sa pagpabautismo kang Juan nga Bautista. ‘Si Jesus mitubag kaniya, “Itugot lang kini karon, kay angay kanato ang pagbuhat niini aron sa pagtuman sa tibuok pagkamatarung.” Ug siya mitugot na lang.’
“Itugot lang kini karon.” Tugoti kini! Si Jesus nagsugo sa representante sa tanang katawhan ug miduko sa Iyang ulo. Sa Daang Tugon, sa dihang ang halad gihalad ngadto sa Dios, ang makasasala o ang labawng sacerdote mipandong sa iyang mga kamot sa ulo niini ug mipasa sa mga sala. Ang ‘pagpandong sa mga kamot’ nagpasabot og ‘pagpasa ngadto sa.’
Si Jesus gibautismohan ni Juan nga Bautista. Ang kahulogan niini parehas sa pagpandong sa mga kamot sa Daang Tugon. Ang ‘pagpasa sa sala,’ ‘paglubong,’ ‘paghugas,’ ug ‘paghalad’ parehas usab. Ang Bag-ong Tugon mao ang katinuoran samtang ang Daang Tugon mao ang anino niini.
Sa dihang ang makasasala mipandong sa iyang mga kamot sa nating karnero sa Daang Tugon, ang iyang sala gipasa ngadto sa nating karnero ug ang nating karnero namatay. Sa dihang namatay ang nating karnero, kini gilubong. Ang sala sa tawo nga mipandong sa iyang mga kamot sa nating karnero gipasa ngadto sa nating karnero aron ang nating karnero mamatay uban sa sala! Sa dihang ang sala gipasa na ngadto sa nating karnero; nahimo ba usab nga walay sala ang tawo nga nagdala sa nating karnero?
Atong isulti nga kining panyo mao ang sala ug kining mikropono mao ang nating karnero. Ug sa dihang akong ipandong ang akong mga kamot niining mikropono, kining sala ipasa ngadto niining mikropono, ang nating karnero. Ang Dios mismo ang nagdesisyon nga buhaton kini sa ingon. “Ipandong ang imong mga kamot.” Busa aron maluwas gikan sa sala, kinahanglan nga magpandong sa mga kamot. Pagkahuman niana, siya mahimong walay sala na. Ang pagbautismo ni Jesus alang sa paghugas, paglubong, ug pagpasa sa sala ngadto Kaniya. Mao kana gayud ang buot ipasabot.
| Unsa ang gipasabot sa pagtuman sa tanang pagkamatarung? |
| Kini mao ang paghugas sa tanang mga sala pinaagi sa pagpasa sa mga sala ngadto kang Jesus. |
Busa sa dihang si Jesus gibautismohan aron kuhaon ang tanang mga sala sa kalibutan, gipasa ba gayud kining tanan ngadto Kaniya? Ang tanang mga sala sa kalibutan gipasa ngadto kang Jesus ug ang tanang katawhan natubos. Kini sama sa pagpasa sa mga sala ngadto sa mga halad sa Daang Tugon. Si Jesus mianhi niining kalibutan ug didto sa Jordan, Siya miingon, “Itugot lang kini karon, kay angay kanato ang pagbuhat niini aron sa pagtuman sa tibuok pagkamatarung” (Mateo 3:15).
Unya, si Juan nagbautismo kang Jesus. Si Jesus miingon kang Juan nga angay alang kanila nga tumanon ang tanang pagkamatarung pinaagi sa Iyang bautismo. Ang ‘Tibuok pagkamatarung’ nagpasabot og ‘labing angay ug husto.’ ‘Kay pagbuhat niini’ angay alang kanila ang pagtuman sa tanang pagkamatarung. Kini nagpasabot nga husto alang kang Juan ang pagbautismo kang Jesus, ug si Jesus nga pabautismohan kang Juan, aron ipasa ang tanang mga sala sa kalibutan ngadto kang Jesus.
Ang Dios naghatag og katubsanan base sa pagbautismo ni Jesus, sa Iyang sakripisyo, ug sa atong pagtuo. “Ang tanang katawhan nag-antos sa sala ug gisakit sa yawa tungod sa ilang mga sala. Busa, aron sila maluwas ug mapadala sa Langit, ikaw isip representante sa tanang katawhan ug kaliwat ni Aaron, kinahanglan magbautismo Kanako alang sa tanan. Busa, angay nga Ako magpabautismo. Unya ang buhat sa katubsanan matuman na.”
Unya gitugutan niya.
Busa si Juan nagbautismo kang Jesus. Gipandong niya ang iyang mga kamot sa ulo ni Jesus ug gipasa ang tanang sala sa kalibutan ngadto kang Jesus. Si Jesus mao ang Manluluwas nga naghugas sa tanan natong mga sala. Kita naluwas pinaagi sa pagtuo sa Iyang katubsanan. Nagtuo ba kamo?
Pagkahuman sa Iyang bautismo, ang unang buhat ni Jesus sa Iyang publiko nga ministeryo didto sa Jordan pinaagi sa mga kamot sa representante sa tanang katawhan, Siya milakaw ug nagwali sa ebanghelyo sulod sa tulo ka tuig ug tunga nga dala ang tanang mga sala sa kalibutan ibabaw sa Iyang ulo.
Siya miingon sa babaye nga nadakpan sa buhat sa pagpanapaw, “Dili usab ako mohukom kanimog silot.” Si Jesus dili makahukom kaniya tungod kay gikuha na Niya ang tanang mga sala sa babaye ngadto sa Iyang kaugalingon ug hapit na Siya mamatay sa Krus alang niini. Samtang Siya nag-ampo sa usa ka dapit nga gitawag og Getsemani, Siya nag-ampo sa tulo ka higayon nga nagpakilooy sa Amahan nga ipalabay ang kopa gikan Kaniya, apan sa wala madugay misurender ug miingon, “Dili ang akong pagbuot maoy matuman kondili ang imo” (Lucas 22:42).
“Tan-awa, Mao kana ang Cordero sa Dios, nga Magakuha sa Sala sa Kalibutan!”
| Pila ka sala ang gikuha ni Jesus gikan kanato? |
| Ang tanang mga sala sa kalibutan |
Sa Juan 1:29, ‘Ug sa pagkasunod nga adlaw iyang nakita si Jesus nga nagpaingon kaniya, ug siya miingon, “Tan-awa, mao kana ang Cordero sa Dios, nga magakuha sa sala sa kalibutan!”’ Si Juan nga Bautista nagbautismo kang Jesus. Ug sa pagkasunod adlaw, si Juan nga Bautista nakakita kang Jesus nga nagpadulong kaniya misinggit, ug nagpamatuod sa mga tawo. “Tan-awa, mao kana ang Cordero sa Dios, nga magakuha sa sala sa kalibutan!”
Ang Anak sa Dios mianhi niining kalibutan ug mikuha sa tanang mga sala sa kalibutan. Si Juan nga Bautista nagpamatuod pag-usab. Sa Juan 1:35-36, ‘Ug sa pagkasunod nga adlaw didto na usab si Juan nagtindog uban sa duha sa iyang mga tinun-an. Ug siya mitan-aw kang Jesus samtang kini naglakaw, ug siya miingon, “Tan-awa, mao kana ang Cordero sa Dios!”’
Ang Cordero sa Dios nagpasabot nga Siya mao ang tinuod ug aktuwal nga katinuoran sa halad sa Daang Tugon, nga namatay alang sa mga sala sa Israel. Alang kanimo ug kanako, si Jesus, ang Anak sa Dios ug atong Magbubuhat, mianhi niining kalibutan ug mipas-an sa tanan natong mga sala; tanang mga sala gikan sa paglalang sa kalibutan hangtud sa adlaw nga kini matapos, gikan sa orihinal nga sala ngadto sa tanan natong mga kalapasan, gikan sa atong mga kakulangan ngadto sa atong mga sayop. Iyang gitubos kitang tanan pinaagi sa Iyang pagpabautismo ug sa Iyang dugo didto sa Krus.
Si Jesus mikuha sa tanan natong mga sala ug mihatag kanato og katubsanan. Nasabtan ba ninyo kini? “Ang Cordero sa Dios, nga magakuha sa sala sa kalibutan.”
Mga 2000 ka tuig na ang milabay. Kini nagpasabot nga mga 2000 ka tuig na ang milabay sukad sa Iyang pag-anhi niining kalibutan. Ug sa tuig 30 T.G, gikuha ni Jesus ang tanang mga sala sa kalibutan. Ang tuig 1 T.G mao ang tuig sa pagkatawo ni Jesus. Atong gitawag ang panahon sa wala pa si Cristo og W.C (Sa wala pa si Cristo). Busa, hapit na 2000 ka tuig ang milabay sukad si Jesus mianhi niining kalibutan.
Sa tuig 30 T.G, si Jesus gibautismohan ni Juan nga Bautista. Ug sa sunod adlaw, si Juan misinggit sa mga tawo, “Tan-awa, mao kana ang Cordero sa Dios, nga magakuha sa sala sa kalibutan!” “Tan-awa!” Gisultihan niya ang mga tawo nga motuo kang Jesus, nga mikuha sa tanan nilang mga sala. Nagpamatuod siya nga si Jesus mao ang Cordero sa Dios, ang Usa nga nagluwas kanato gikan sa tanan natong mga sala.
Gikuha ni Jesus ang tanan natong mga sala ug gitapos ang atong walay katapusang gubat batok sa sala. Kita karon wala nay sala sukad ang Anak sa Dios mikuha sa tanan natong mga sala. Si Juan nga Bautista nagpamatuod nga Siya mikuha sa tanan natong mga sala, ang mga sala nimo ug nako. “Siya mianhi sa pagsaksi, sa pagpanghimatuod mahitungod sa kahayag, aron ang tanan motoo pinaagi kaniya” (Juan 1:7).
Kon wala pa ang pagpamatuod ni Juan, unsaon man nato pagkahibalo nga gikuha ni Jesus ang tanan natong mga sala? Ang Bibliya kanunay nagsulti kanato nga Siya namatay alang kanato, apan niadtong panahona, si Juan nga Bautista lamang ang nagpamatuod nga Siya mikuha sa tanan natong mga sala.
| Unsa ka daghan ang sala sa kalibutan? |
| Ang tanang mga sala sa mga tawo gikan sa sinugdanan hangtud sa katapusan sa kalibutan |
Daghan ang nagpamatuod human sa kamatayon ni Jesus, apan si Juan lamang ang nagpamatuod samtang Siya buhi pa. Siyempre, ang mga tinun-an ni Jesus nagpamatuod usab sa katubsanan ni Jesus. Sila nagpamatuod nga gikuha ni Jesus ang atong mga sala, nga Siya ang atong Manluluwas.
Gikuha ni Jesus ang sala sa kalibutan. Karon, wala pa ka mag-edad og 100 ka tuig, husto ba? Gikuha ni Jesus ang sala sa kalibutan sa dihang Siya 30 ka tuig ang edad. Karon, hunahunaa kini nga diagram.
Kung moingon ta nga 4000 ka tuig sa wala pa moanhi si Jesus. Ug milabay na og kapin sa 2000 ka tuig sukad mianhi si Jesus. Wala kita mahibalo kung unsa ka dugay pa, apan sigurado nga moabot ang katapusan. Siya miingon, “Ako mao ang Alfa ug ang Omega, ang nahauna ug ang nahaulahi, ang sinugdan ug ang katapusan” (Gipadayag 22:13).
Busa sigurado nga adunay katapusan. Ug kita karon anaa sa punto sa panahon nga gimarkahan sa tuig 2024. Gikuha ni Cristo ang atong mga sala sa 30 T.G, ug tulo ka tuig sa wala pa Siya namatay sa Krus.
“Tan-awa, mao kana ang Cordero sa Dios, nga magakuha sa sala sa kalibutan.” Gikuha Niya ang sala sa kalibutan, ang mga sala nimo ug nako. Mga 2000 ka tuig na ang milabay sukad sa pagkatawo ni Jesus. Kita karon nagpuyo mga 2000 ka tuig human gikuha ni Jesus ang atong mga sala. Ug kita nagpadayon sa pagpuyo ug pagpakasala niining panahona. Si Jesus mao ang Cordero sa Dios nga mikuha sa sala sa kalibutan. Kita nagsugod sa pagpuyo niining kalibutan gikan sa higayon nga kita natawo.
Nagpakasala ba kitang tanan gikan sa higayon nga kita natawo, o wala? ―Nagpakasala kita.― Atong susihon ang tibuok butang. Gikan sa adlaw nga kita natawo hangtud kita mag-edad og 10, nagpakasala ba kita, o wala? ―Nagpakasala kita.― Unya ang mga sala ba gipasa kang Jesus o wala? ―Ang mga sala gipasa kang Jesus.― Tungod kay ang tanang mga sala gipasa kang Jesus, Siya ang atong Manluluwas. Kon dili, unsaon man Niya pagkahimong atong Manluluwas? Ang tanang mga sala gipasa kang Jesus.
Gikan sa edad nga 11 hangtud 20, nagpakasala ba kita, o wala? Nagpakasala kita sa atong mga kasingkasing, sa atong mga buhat. Maayo kaayo kita niini. Gitudloan kita nga dili magpakasala, apan kita nagabuhat niini sa hilabihan ka sayon.
Ug ang Dios nag-ingon kanato nga ang mga sala gipasa ngadto kang Jesus. Nasayod Siya kung unsa kita, mao nga gikuha Niya kadtong mga sala nang daan.
Ug unsa ka dugay kita kasagaran nagpuyo niining kalibutan? Ingnon ta nga mga 70 ka tuig. Kung atong idugang ang tanang mga sala nga atong nabuhat sulod niadtong 70 ka tuig, unsa kaha ka bug-at kini? Kung ato kining ilulan sa mga trak nga 8 ka tonelada, tingali kini molapas pa sa 100 ka karga sa trak.
Sulayi lang paghunahuna kung unsa kadaghan ang sala nga atong mahimong buhaton samtang kita nagpuyo sa tibuok natong kinabuhi. Kana ba ang mga sala sa kalibutan, o dili? Kana ang mga sala sa kalibutan. Kita nagpakasala gikan sa pagkatawo, hangtud sa edad nga 10, 10 ngadto sa 20, 20 ngadto sa 30... hangtud sa adlaw nga kita mamatay, apan kining tanan nga mga sala nalakip na sa mga sala sa kalibutan nga gipasa na ngadto kang Jesus pinaagi sa Iyang pagpabautismo.
Ang Manluluwas sa Tawo, si Jesu-Cristo
| Pila ka daghan nga mga sala ang gipapas ni Jesus? |
| Ang tanang mga sala sa atong mga katigulangan, sa ato ug sa atong mga kaliwatan, hangtud sa katapusan sa kalibutan |
Gisultihan kita ni Jesus nga Iyang gihugasan ang tanan niadtong mga sala. Tungod kay dili man mabautismohan ni Jesus ang Iyang kaugalingon, gipadala sa Dios ang Iyang alagad nga si Juan nga nag-una, ang gipiling representante sa tanang mga tawo. “Ang iyang ngalan pagatawgon Kahibulongan, Magtatambag, Dios nga Makagagahum” (Isaias 9:6). Ang Dios mismo, pinaagi sa Iyang kaalam ug sa Iyang lawom nga plano, Iyang gipadala ang representante sa katawhan nga nag-una, ug Siya mismo, ang Anak sa Dios, mianhi sa unod ug mikuha sa tanang mga sala sa kalibutan pinaagi sa pagpabautismo ni Juan nga Bautista. Dili ba kini usa ka kahibulongang kaluwasan?
Kahibulongan kini, dili ba? Busa, sa makausa lang, pinaagi lamang sa pagpabautismo ni Juan nga Bautista, Iyang gihugasan ang tanang mga sala sa mga tawo sa tibuok kalibutan ug giluwas ang tanan gikan sa sala pinaagi sa paglansang sa krus. Iyang giluwas kitang tanan. Hunahunaa kini. Ang tanan nimong mga sala gikan sa edad 20 hangtud 30, 30 hangtud 40, 40 hangtud 60, hangtud 70, hangtud 100, ug bisan pa ang mga sala sa imong mga anak gihugasan usab Niya. Gipapas ba Niya ang tanan nimong mga sala, o wala? Oo, gipapas ni Jesus ang tanang mga sala. Siya si Jesu-Cristo, ang Manluluwas sa katawhan.
Tungod kay gipasa ni Juan nga Bautista ang tanan natong mga sala ngadto kang Jesus, ug tungod kay ang Dios nagplano niini, kita mahimong maluwas pinaagi sa pagtuo kang Jesus. Mga makasasala ba kita? Ang tanan ba natong mga sala gipasa ngadto kang Jesus o wala? ―Dili na kita mga makasasala, ug ang tanan natong mga sala gipasa na ngadto kang Jesus.―
Kinsa ang mangahas moingon nga adunay sala niining kalibutan? Gikuha ni Jesus ang tanang mga sala sa kalibutan. Nasayod Siya nga kita magpakasala, ug gikuha usab ang tanang mga sala sa umaabot. Ang uban kanato kapin na sa 50 ang edad ug ang uban wala pa gani mabuhi og katunga sa atong kinabuhi, apan kita naghisgot sa atong kaugalingon, lakip ang akong kaugalingon, nga daw kita nabuhi na sa hangtud.
Daghan kanato ang nagpuyo og masamok nga kinabuhi. Tugoti ko nga ipasabot kini sa ingon niini nga paagi. Unsa ang katunga sa kinabuhi sa usa ka mayfly? Mga 12 ka oras kini.
“Akong kaayo! Nakahinagbo ko og ingon-ana nga tawo, ug iyang giwarawara ang pangpuga sa mga langaw kanako, ug hapit na ko mapatay, kabalo ka.” Ang mayfly dose ka oras pa lang nabuhi ug dili kini makahunong sa pagsulti. Apan kana na ang katunga sa kinabuhi niining insekto.
Sa alas 7 o 8 sa gabii, nag-atubang na siya sa katapusan sa iyang kinabuhi, ug sa mubo nga panahon, kamatayon. Ang ubang mayfly mabuhi og 20 ka oras, ang uban 21, ug ang uban mabuhi hangtud sa hamtong nga edad nga 24 ka oras. Mahimo silang magsulti sa ilang tibuok kinabuhi nga mga kasinatian, apan unsa man kini tan-awon alang kanato? Samtang kita nagkinabuhi og 70 o 80 ka tuig, mahimo kitang moingon, “Ayaw ko pakataw-a.” Ang ilang kasinatian wala gyud pulos sa atong panan-aw.
Ang Dios walay katapusan. Siya nagpuyo alang sa kahangturan. Siya ang nagdesisyon sa sinugdanan ug katapusan. Tungod kay Siya nagpuyo sa walay katapusan, Siya nagpuyo sulod sa panahon sa kahangturan. Siya nagtan-aw kanato gikan sa Iyang kahangturan nga posisyon.
Kaniadto, Iyang gikuha ang tanang mga sala sa kalibutan, namatay sa Krus, ug miingon, “Tapus na.” Nabanhaw Siya human sa 3 ka adlaw ug mikayab sa langit. Karon, nagpuyo na Siya sa kahangturan. Karon, Siya nagtan-aw sa matag usa kanato gikan sa itaas.
Ug usa ka tawo miingon, “Ay, sus, nakasala gyud ko og grabe. Bisan tuod 20 ka tuig pa lang ko nabuhi, nakasala na ko og hilabihan.” “Nabuhi ko og 30 ka tuig ug nakasala og sobra kaayo. Daghan kaayo ang akong mga sala. Unsaon man nako pagkadawat og kapasayloan?”
Apan ang atong Ginoo sa Iyang kahangturan moingon: “Ayaw ko pakataw-a. Wala lamang Nako gitubos ang imong mga sala hangtud karon; apan lakip usab ang mga sala sa imong mga katigulangan sa wala pa ikaw matawo ug ang mga sala sa tanang henerasyon sa imong mga kaliwat nga mabuhi human sa imong kamatayon.” Ginasulti Niya kini kanimo gikan sa sakop sa kahangturan nga panahon. Nagtuo ka ba niini? Tuohi kini. Ug dawata ang gasa sa kaluwasan nga gihatag kanimo nga walay bayad. Ug pagsulod sa gingharian sa Langit.
Ayaw pagtuo sa atong mga hunahuna, apan sa mga pulong sa Dios. ‘Kay angay kanato ang pagbuhat niini aron sa pagtuman sa tibuok pagkamatarung.’ Ang tanang pagkamatarung natuman na pinaagi sa Cordero sa Dios, nga mikuha sa sala sa kalibutan. Gikuha ni Jesus ang tanang mga sala sa kalibutan. Gikuha ba Niya ang tanang mga sala, o wala Niya kini kuhaa? Oo, gikuha Niya.
| Unsa ang giingon ni Jesus sa katapusan didto sa Krus? |
| “Tapus na.” |
Si Jesu-Cristo mikuha sa tanang mga sala sa kalibutan, gihukman sa kamatayon sa hukmanan ni Poncio Pilato, ug gilansang sa Krus.
‘Busa ilang gikuha si Jesus, ug siya milakaw nga nagpas-an sa iyang kaugalingong krus, paingon sa dapit nga ginganlan ug dapit sa kalabera, nga sa Hebreohanon ginganlan ug Golgota. Ug didto ilang gilansang siya sa krus uban sa duha pa ka tawo, ang matag-usa sa masigkakilid, ug si Jesus sa taliwala nila. Ug si Pilato usab nagsulat ug usa ka pahibalo ug kini iyang gibutang sa ulohan sa krus. Ang pahibalo nag-ingon, “SI JESUS NGA TAGA-NAZARET, ANG HARI SA MGA JUDIO.” Daghan sa mga Judio nakabasa sa maong pahibalo kay ang dapit diin didto si Jesus ilansang sa krus, haduol ra man sa siyudad; ug kini gisulat man sa mga pinulongan nga Hebreohanon, Latin, ug Gresyanhon’ (Juan 19:17-20).
Atong tan-awon ang nahitabo human Siya gilansang sa Krus. “Tapus niini, sa nahibaloan ni Jesus nga ang tanan nahingpit na, siya miingon (sa pagtuman sa kasulatan).” Gikuha Niya ang tanan natong mga sala sumala sa Kasulatan. Miingon Siya, ‘“Giuhaw Ako!” Ug sa duol dihay usa ka panaksan nga puno sa suka, ug ilang gibutang sa isopo ang usa ka espongha nga natuhop sa suka ug kini ilang gitunol sa iyang baba. Sa nakainom na si Jesus sa suka, siya miingon, “Tapus na.” Ug siya, dinuko ang ulo, mitugyan sa iyang espiritu’ (Juan 19:28-30).
Human Niya nadawat ang aslom nga bino, miingon Siya, “Tapus na!” ug miduko sa Iyang ulo ug gitugyan ang Iyang espiritu. Si Jesus namatay. Ug si Jesu-Cristo nabanhaw human sa 3 ka adlaw ug mikayab sa langit.
Atong basahon ang Hebreohanon 10:1-9. ‘Kay maingon nga ang kasugoan aduna man lamay landong sa mga maayong butang nga umalabut, ug wala makabaton sa katinuod niining mga butanga, kini dili arang makahingpit sa mga managpanuol, pinaagi sa mao rang mga halad nga kanunayng ginahalad tuig-tuig. Kon dili pa, dili ba gihunong na unta ang pagpanghalad niini? Kon ang mga magsisimba nahinlo pa sa makausa ug sa dayon, wala na unta silay pagbati nga may sala pa. Apan diha sa maong mga halad anaa ang tigpahinumdum ug sala tuig-tuig. Kay dili gayud mahimo nga ang dugo sa mga toro nga baka ug mga kanding makakuha sa mga sala. Tungod niana, sa pagtungha ni Cristo sa kalibutan, siya miingon, “Ang mga halad-inihaw ug mga gasa wala mo tinguhaa, kondili usa ka lawas kanako imong gitagana. Sa mga halad nga sinunog ug sa mga halad tungod sa sala ikaw walay kahimuot. Unya miingon ako, ‘Tan-awa, ako mianhi sa pagtuman sa imong kabubut-on, O Dios,’ sumala sa nahisulat mahitungod kanako diha sa basahon nga linukot.” Sa iyang pag-ingon sa unahan, “Ikaw wala magtinguha ni may kahimuot sa mga halad-inihaw ug sa mga gasa ug sa mga halad nga sinunog ug sa mga halad tungod sa sala” (kini ginahalad tuman sa kasugoan), siya midugang sa pag-ingon “Tan-awa, ako mianhi sa pagtuman sa imong kabubut-on.” Ang nahauna iyang gibungkag aron ang ikaduha iyang pagatukoron.’
Ang Walay Katapusang Pagtubos
| Unsaon nato pagsulbad ang problema sa adlaw-adlaw nga sala human sa pagtuo kang Jesus? |
| Pinaagi sa pagpanghimatuod nga si Jesus nakapapas na sa tanang sala pinaagi sa Iyang pagpabautismo |
Ang Kasugoan usa ka anino sa maayong mga butang nga moabot. Ang mga halad sa Daang Tugon, sa mga karnero ug mga kanding, nagpadayag kanato nga si Jesu-Cristo moanhi ug mokuha sa atong mga sala sa samang paagi aron papason ang tanan natong mga sala, sama sa gibuhat sa mga halad.
Ang tanang mga tawo sa Daang Tugon, si David, si Abraham, ug ang tanan pa, nakahibalo ug mituo sa kahulogan sa sistema sa paghalad alang kanila. Kini nagpadayag nga ang Mesias, si Cristo (ang Cristo nagpasabot og Manluluwas), moabot usa ka adlaw ug manglimpyo sa tanan nilang mga sala. Mituo sila sa ilang katubsanan ug naluwas pinaagi sa ilang pagtuo.
Ang Kasugoan usa ka anino sa maayong mga butang nga moabot. Ang paghalad alang sa ilang mga sala adlaw-adlaw, tuig-tuig, dili gayud makatubos kanato sa hingpit. Busa, ang hingpit ug walay katapusang Binuhat, Ang Usa nga walay buling, ang Anak sa Dios kinahanglan moanhi sa yuta.
Ug Siya miingon nga mianhi Siya aron pagbuhat sa kabubut-on sa Iyang Amahan sumala sa nahisulat sa basahon nga gisulat mahitungod Kaniya. ‘Siya midugang sa pag-ingon “Tan-awa, ako mianhi sa pagtuman sa imong kabubut-on.” Ang nahauna iyang gibungkag aron ang ikaduha iyang pagatukoron.’ Kita natubos sa atong mga sala tungod kay si Jesu-Cristo mikuha sa atong mga sala sumala sa nahisulat sa Daang Tugon, ug tungod kay kita nagtuo Kaniya.
Atong basahon ang Hebreohanon 10:10. “Ug pinaagi sa maong kabubut-on kita nangahinlo gikan sa sala pinaagi sa makausa ra ug dayon nga paghalad sa lawas ni Jesu-Cristo.” Pinaagi niana nga kabubut-on kita nabalaan pinaagi sa paghalad sa lawas ni Jesu-Cristo sa makausa ra alang sa tanan. Nakabaton na ba kita og pagkabalaan o wala pa? ―Nakabaton na kita og pagkabalaan.―
Unsa ang kahulogan niini? Ang Dios nga Amahan nagpadala sa Iyang Anak ug gipasa ang tanan natong mga sala ngadto Kaniya pinaagi sa Pagbautismo ug gihukman Siya sa makausa ra alang sa tanan didto sa Krus. Sa ingon, Iyang giluwas kitang tanan nga nag-antos tungod sa sala. Kini mao ang Kabubut-on sa Dios.
Aron sa pagluwas kanato, si Jesus mihalad sa Iyang kaugalingon, sa makausa ra alang sa tanan, aron kita mabalaan. Nakadawat na kita og pagkabalaan. Si Jesus nagsakripisyo sa Iyang kaugalingon alang sa tanan natong mga sala ug Siya namatay puli kanato aron dili na kita kinahanglan nga pagahukman.
Ang halad sa Daang Tugon gihalad matag adlaw tungod kay ang tanang bag-ong mga sala nagkinahanglan og laing halad aron mahugasan.
Ang Espirituhanong Kahulogan sa Paghugas ni Jesus sa mga Tiil ni Pedro
Sa Juan 13, adunay sugilanon sa paghugas ni Jesus sa mga tiil ni Pedro. Iyang gihugasan ang mga tiil ni Pedro aron ipakita kaniya nga si Pedro makasala pa sa umaabot ug aron tudloan siya nga Iyang gitubos na usab kadtong tanang mga sala. Nasayod si Jesus nga si Pedro makasala pa pag-usab sa umaabot, mao nga Iyang gibubo ang tubig sa usa ka palanggana ug gihugasan ang iyang mga tiil.
Si Pedro misulay sa pagbalibad, apan si Jesus miingon, “Sa karon dili pa ikaw makasabut niining akong gibuhat, apan unya ugaling makasabut ra ikaw” (Juan 13:7). Ang kahulogan niini mao, ‘Makasala ka pa pag-usab human niini. Human Nako mahugasi ang tanan nimong mga sala ilimod mo Ako ug makasala ka pa pag-usab. Makasala ka pa bisan human sa Akong Pagkayab. Busa, gihugasan Ko ang imong mga tiil aron pasidan-an si Satanas nga dili ka sulayon tungod kay Akong gikuha na ang tanan nimong mga sala sa umaabot.’
Naghunahuna ka ba nga Iyang gihugasan ang mga tiil ni Pedro aron sultihan kita nga kinahanglan kita maghinulsol matag adlaw? Dili. Kon kinahanglan pa kita maghinulsol matag adlaw aron matubos, si Jesus wala unta mikuha sa tanan natong mga sala sa makausa ra alang sa tanan.
Apan si Jesus miingon nga Iyang gibalaan kita sa makausa ra alang sa tanan. Kon maghinulsol pa kita matag adlaw, maayo pa mobalik na lang kita sa panahon sa Daang Tugon. Unya kinsa man ang mahimong matarung? Kinsa man ang matubos sa hingpit? Bisan pa kon kita nagtuo sa Dios, kinsa man ang makapuyo nga walay sala?
Kinsa man ang mahimong mabalaan pinaagi sa paghinulsol? Kita nagpakasala nga walay hunong matag adlaw, busa unsaon man nato pagpangayo nga kuhaon ang matag usa sa atong mga sala? Unsaon man nato pagkahimong walay ulaw nga magsamok Kaniya matag adlaw alang sa katubsanan? Kita adunay tendensiya nga makalimot sa mga sala nga atong nabuhat sa buntag inig abot sa gabii, ug sa mga sala nga atong nabuhat sa gabii pagka-buntag na sa sunod adlaw. Imposible alang kanato ang hingpit nga paghinulsol sa tanan natong mga sala.
Busa, alang kanato, si Jesus gibautismohan sa makausa ug mihalad sa Iyang kaugalingon sa Krus sa makausa aron kita mahimong mabalaan sa makausa alang sa tanang panahon. Makasabot ka ba niini? Kita gitubos sa makausa alang sa tanan natong mga sala. Wala kita matubos matag higayon nga kita maghinulsol.
| Aduna pa bay mga sala nga kinahanglan nato iampo alang sa paghinulsol? |
| Wala na |
Kita naluwas na gikan sa atong mga sala pinaagi sa pagtuo nga si Jesus mikuha sa tanan natong mga sala, sa imong mga sala, ug sa akong mga sala.
‘Ug ang matag-usa ka sacerdote sa adlaw-adlaw anaa sa iyang pagpang-alagad, sa pagsublisubli sa paghimo sa mao rang mga halad-inihaw nga dili gayud makawala sa mga sala. Apan sa nakahimo na si Cristo sa usa ra ka paghalad tungod sa sala alang sa tanang kapanahonan siya milingkod sa too sa Dios, sa pagpaabut sukad niadto hangtud nga ang iyang mga kaaway pagahimoon nga tumbanan sa iyang mga tiil. Kay pinaagi sa usa lamang ka paghalad iyang gihingpit alang sa tanang kapanahonan sila nga mga gipanagbalaan. Ug ang Espiritu Santo usab nagapanghimatuod kanato; kay tapus siya makaingon, “Kini mao ang pakigsaad nga akong pagahimoon uban kanila tapus niadtong mga adlawa, nagaingon ang Ginoo: Igabutang ko ang akong mga sugo sa sulod sa ilang mga kasingkasing, ug igasulat ko kini diha sa ilang mga salabutan,” siya midugang sa pag-ingon, “Ug ang ilang mga sala ug mga kasaypanan dili ko na pagahinumduman.” Kay sa diha nga mapasaylo (ang sala hingpit nga nawala) na kini, wala na usab kinahanglan ang halad tungod sa sala’ (Hebreohanon 10:11-18).
Unsa ang kahulogan sa “Kay sa diha nga mapasaylo (ang sala hingpit nga nawala) na kini”? Sa 10:18, kini nagpasabot nga ang sala mismo, bisan unsang sala, gitubos na sa walay katapusan, walay eksepsyon. Ang Dios nagwagtang sa tanang mga sala sa kalibutan. Nagtuo ka ba niini? “Kay sa diha nga mapasaylo (ang sala hingpit nga nawala) na kini, wala na usab kinahanglan ang halad tungod sa sala.”
Atong i-summarize ang tanan hangtud karon sama sa mosunod. Kung wala pa gitapion ni Juan nga Bautista ang iyang mga kamot kang Jesus, sa laing pagkasulti, kung wala niya gibautismohan si Jesus, mahimo ba kita nga matubos? Dili unta kita matubos. Atong hunahunaon patalikod. Kung wala pa gipili ni Jesus si Juan nga Bautista isip representante sa tanang mga tawo ug mikuha sa tanang sala pinaagi kaniya, mahimo ba Niya nga mahugasan ang tanan natong mga sala? Dili unta Niya mahimo.
Ang Kasugoan sa Dios makiangayon. Kini patas. Dili lang Niya mahimong isulti nga Siya ang atong Manluluwas, nga Iyang gikuha ang tanan natong mga sala. Kinahanglan Niyang kuhaon ang atong mga sala sa pisikal nga paagi. Nganong si Jesus, ang Dios, mianhi kanato diha sa unod? Tungod kay Siya nakahibalo sa tanang mga sala sa katawhan, ang mga sala sa kasingkasing ug sa unod, aron sa pagkuha sa tanang mga sala sa katawhan, Siya, ang Anak sa Dios, kinahanglan moanhi kanato diha sa unod.
Kung si Jesu-Cristo wala pa gibautismohan, ang atong mga sala magpabilin pa. Kung Siya gilansang sa krus nga wala una mikuha sa atong mga sala, ang Iyang kamatayon wala untay kahulogan. Wala gyud kini kalabotan kanato. Hingpit nga walay kapuslanan.
Busa, sa dihang Siya nagsugod sa Iyang publiko nga ministeryo sa edad nga 30, mianhi Siya kang Juan nga Bautista didto sa Jordan aron magpabautismo. Ang Iyang publiko nga ministeryo nagsugod sa edad nga 30 ug natapos sa edad nga 33. Sa dihang 30 anyos na Siya, miadto Siya kang Juan nga Bautista aron magpabautismo. “Tugoti karon, kay angay kini kanato nga buhaton aron ang tanang tawo maluwas ug mahimong matarung. Mao kini ang hustong buhaton. Karon, bautismohi Ako.” Oo, si Jesu-Cristo gibautismohan alang sa katubsanan sa tanang tawo.
Tungod kay si Jesus gibautismohan ug mikuha sa tanan natong mga sala, ug tungod kay ang tanan natong mga sala gipaagi ngadto Kaniya pinaagi sa mga kamot ni Juan nga Bautista, bisan ang Dios milingiw sa Iyang mga mata sa dihang si Jesus namatay sa Krus. Bisan og si Jesus mao ang Iyang bugtong Anak, kinahanglan Niyang tugotan ang Iyang Anak nga mamatay.
Ang Dios gugma, apan kinahanglan Niyang tugotan ang Iyang Anak nga mamatay. Busa, sulod sa tulo ka oras, adunay kangitngit sa tibuok yuta. Si Jesus misinggit sa wala pa Siya mamatay, ‘“Eli, Eli, lama sabactani?” nga sa ato pa, “Dios ko, Dios ko, nganong gitalikdan mo ako”’ (Mateo 27:46). Gipas-an ni Jesus ang tanan natong mga sala ug midawat sa paghukom sa Krus alang kanato. Sa ingon, Iyang giluwas kita. Kon wala pa ang pagbautismo ni Jesus, ang Iyang kamatayon wala untay kahulogan.
| Makasasala ka ba o matarung nga tawo? |
| Usa ka matarung nga tawo nga walay bisan unsang sala sa akong kasingkasing. |
Kung si Jesus namatay sa Krus nga wala mikuha sa tanan natong mga sala, nga wala gibautismohan, ang Iyang kamatayon wala unta nakatuman sa katubsanan. Aron sa pagtubos kanato, si Jesus gibautismohan ni Juan, ang representante sa tanang katawhan, ug midawat sa paghukom sa Krus, aron ang tanan nga nagtuo Kaniya maluwas.
Busa, gikan sa mga adlaw ni Juan nga Bautista hangtud karon, ang gingharian sa langit nag-antos og kapintas. Tungod kay si Juan nga Bautista mipaagi sa tanang mga sala sa kalibutan ngadto kang Jesus, ang mga sala nimo ug nako mahimo nang pagtabon-sa-sala. Busa, ikaw ug ako karon makahimo na sa pagtawag sa Dios nga atong Amahan ug makasulod nga may kaisog sa gingharian sa Langit.
Sa Hebreohanon 10:18, “Kay sa diha nga mapasaylo (ang sala hingpit nga nawala) na kini, wala na usab kinahanglan ang halad tungod sa sala.” Mga makasasala ba kamong tanan? Karon nga si Jesus mibayad na sa tanan ninyong mga utang, kinahanglan pa ba ninyo magbayad og mga utang?
Adunay usa ka tawo nga ang iyang grabe nga pag-inom mibutang kaniya sa utang sa daghang mga tigpautang. Unya, usa ka adlaw, ang iyang anak nakakwarta og dako ug gibayaran ang tanang utang sa iyang amahan, ug mibayad usab og igo kaayo nga kantidad nga daan. Ang iyang amahan dili na magkautang bisan unsa pa kadaghan ang iyang imnon.
Mao kini ang gibuhat ni Jesus alang kanato. Siya mibayad og sobra pa sa igo nga paunang bayad alang sa tanan natong mga sala. Gibayaran Niya dili lang ang mga sala sa tibuok natong kinabuhi, kondili ang tanang mga sala sa kalibutan puli kanato. Kining tanang mga sala gipaagi ngadto kang Jesus sa dihang Siya gibautismohan. Busa mga makasasala pa ba kamo karon? Dili, dili na kamo mga makasasala.
Kung nahibalo pa unta kita niining Ebanghelyo sa katubsanan gikan sa sinugdanan, pagkasayon unta alang kanato ang pagtuo kang Jesus. Apan ingon nga bag-o kaayo kini nga paminawon, daghang mga tawo ang natingala niini.
Apan kini dili bag-o nga butang. Kini anaa na sukad pa sa sinugdanan. Wala lang kita nahibalo niini kaniadto. Ang ebanghelyo sa tubig ug sa Espiritu kanunay nga nakatala sa Kasulatan ug kanunay nga epektibo. Anaa na kini sa tanang panahon. Ania na kini sa wala pa kita matawo. Anaa na kini sukad sa pagbuhat sa kalibutan.
Ang Ebanghelyo sa Walay Katapusang Katubsanan
| Unsa ang kinahanglan natong buhaton atubangan sa Dios? |
| Kinahanglan kitang motuo sa ebanghelyo sa walay katapusang katubsanan. |
Si Jesu-Cristo, nga naghugas sa tanan natong mga sala alang kanato, gibuhat kini bisan sa wala pa kita matawo. Si Jesus mikuha sa tanang mga sala. Aduna ka bay sala? ―Wala, walay sala.― Unya unsa man ang mahitungod sa mga sala nga imong buhaton ugma? Kini lakip usab sa mga sala sa kalibutan.
Atong ihukas na ang mga kabalaka bahin sa mga sala sa ugma. Ang mga sala nga atong nabuhat hangtud karon lakip usab sa mga sala sa kalibutan, dili ba? Gipasa ba ang mga sala sa kalibutan ngadto kang Jesus o wala? Oo, gipasa kini ngadto kang Jesus.
Unya gipaagi ba usab ngadto Kaniya ang mga sala sa ugma? Oo, Iyang gikuha ang tanang mga sala, walay eksepsyon. Wala Siya nagbilin bisan usa ka sala. Ang ebanghelyo nagsulti kanato sa pagtuo sa tibuok natong kasingkasing nga si Jesus mikuha sa tanan natong mga sala, sa makausa ug sa tanan, ug gibayaran kining tanan.
“Sinugdan sa Maayong Balita mahitungod kang Jesu-Cristo, ang Anak sa Dios” (Marcos 1:1). Ang ebanghelyo sa Langit mao ang malipayong balita. Siya nangutana kanato, “Akong gikuha ang tanan ninyong mga sala. Ako ang inyong Manluluwas. Nagtuo ba kamo Kanako?” Sa dili maihap nga mga tawo, pipila lang ang mitubag, “Oo, nagtuo ako. Nagtuo ako sumala sa Imong gisulti kanamo. Yano kaayo kini nga nasabtan ko dayon.” Kadtong nag-ingon niini nahimong matarung sama kang Abraham.
Apan ang uban moingon, “Dili ko makatuo. Kini paminawon bag-o ug katingad-an kaayo alang kanako.”
Unya Siya mangutana, “Sultihi lang Ko, gikuha Ko ba ang tanan ninyong mga sala o wala Ko kini kuha?”
“Gitudloan ko nga Imong gikuha ang orihinal nga sala lamang, apan dili ang akong adlaw-adlaw nga mga sala.”
“Akong naamgohan nga sobra ka kaayo ka maalamon aron motuo sa Akong gisulti. Tungod kay wala na Koy laing ikasulti kanimo, kinahanglan kang moadto sa impyerno.”
Naluwas kita pinaagi sa pagtuo sa Iyang hingpit nga katubsanan. Ang tanan niadtong nagpamugos nga sila adunay sala kinahanglan moadto sa impyerno. Kini ilang kaugalingong pagpili.
Ang ebanghelyo sa katubsanan nagsugod gikan sa pagpamatuod ni Juan nga Bautista. Tungod kay si Jesus naghugas sa tanan natong mga sala pinaagi sa pagpabautismo kang Juan nga Bautista, kita mahimong balaan sa dihang kita motuo.
Ang Apostol Pablo naghisgot og daghan bahin sa pagbautismo ni Jesus sa iyang mga Sulat. Sa Galacia 3:27, “Kay ang tanan kaninyo nga gibautismohan ngadto kang Cristo gikasul-uban ug Cristo.” Ang pagkabautismo ngadto kang Cristo nagpasabot nga gikasul-uban ug Cristo. Sa dihang si Jesus gibautismohan, ang tanan natong mga sala gibalhin ngadto Kaniya pinaagi kang Juan nga Bautista, ug ang tanan natong mga sala nahugasan.
Sa 1 Pedro 3:21, “Agig hulad niini ang bautismo usab nagaluwas kaninyo karon, dili ingon nga paglugod sa buling gikan sa lawas kondili ingon nga pangamuyo diha sa atubangan sa Dios alang sa maayong kaisipan, pinaagi sa pagkabanhaw ni Jesu-Cristo.”
Kadto lamang nga nagtuo sa pagpamatuod ni Juan nga Bautista, sa pagbautismo ni Jesus, ug sa dugo sa Krus, adunay grasya sa katubsanan sulod kanila.
Dawata sa imong kasingkasing ang pagbautismo ni Jesus, ang ilhanan sa kaluwasan, ug maluwas.
Kini nga sermon magamit usab sa format nga ebook. I-klik ang hapin sa libro sa ubos.
![IKAW BA TINUD-ANAY NGA NATAWO PAG-USAB SA TUBIG UG SA ESPIRITU? [Bag-ong Gibag-o nga Edisyon]](../../upload/book/IKAWBATINUDANAYNGANATAWOPAGUSABSATUBIGUGSAESPIRITUBagongGibagongaEdisyonD.jpg)
