All e-books and audiobooks on The New Life Mission website are free
Explore multilingual sermons in global languages
Two new revised editions in English have been released
Check out our website translated into 27 languages

English

Sermons

Sermons

पाठ ८: पवित्र आत्मा

< 8-6 > विश्वास गर्नुहोस् ताकि पवित्र आत्मा तपाईंमा बास गरून् (मत्ती २५:१–१२)

2021.04.16 165

( मत्ती २५:१–१२ )

“तब स्वर्गको राज्य दश कन्याहरूसँग तुलना गर्न सकिन्छ । तिनीहरूले आ–आफ्नो बत्ती लिएर दुलहालाई भेट्न निस्के । तीभध्ये पाँच जना निर्बुद्धि र पाँच जनाचाहिँ बुद्धिमती थिए । किनकि जब निर्बुद्धिहरूले आफ्ना बत्ती लगे, तब तिनीहरुले साथमा तेलचाहिँ लगेनन् । तर बुद्धिमतीहरुले चाहिँ आफ्ना बत्तीसँगसँगै पात्रमा तेल पनि लगे । दुलहाले बियाँलो गर्दा ती सबै निद्राले लट्ठ भए र निदाए । तर मध्य रातमा ‘हेर दुलहा, उनलाई भेट्न आओ,’भन्ने आवाज आयो । तब ती सबै कन्याहरू ब्यूँझे, र आफ्नो–आफ्नो बत्ती ठीकठाक पारे । निर्बुद्धि कन्याहरूले बुद्धिमतीहरुलाई भने, ‘तिमीहरुको तेलबाट हामीलाई अलिकता देओ, किनभने हाम्रा बत्ती त निभ्न लागे ।’ तर बुद्धिमतीहरुले यसो भनेर जवाफ दिए, ‘हामी र तिमीहरु दुवैलाई पुग्ने यथेष्ट तेल छैन होला, बरु पसलेकहाँ जाओ र आफ्नो लागि किन ।’ तिनीहरु किन्न जाँदा दुलहा आइपुगे, र तयार हुनेहरु उनीसँग विवाहको भोजमा भित्र पसे, र ढोका बन्द भयो । पछिबाट ती अरु कन्याहरु आइपुगे र यसो भन्न लागे, ‘प्रभु, प्रभु, हाम्रालागि खोलिदिनुहोस् ! तर उनले जवाफ दिएर भने, ‘साँच्चै, म तिमीहरुलाई भन्दछु, म तिमीहरुलाई चिन्दिनँ ।’

कसकोमा पवित्र आत्मा आउनुहुन्छ ?
वहाँ उनीहरुकोमा आउनुहुन्छ जसको पाप येशूको
बप्तिस्मा र वहाँको रगतमा आस्थाद्वारा
क्षमा गरिएको छ ।

पवित्र आत्माको बास हुने कन्याहरुको प्रतिनिधित्व कसले गर्दछ ?

माथिको अनुच्छेदमा, पाँच जना बुद्धिमती कन्याहरु र पाँच जना मूर्ख कन्याहरु छन् । पाँच जना मूर्ख कन्याहरुले पाँच जना बुद्धिमती कन्याहरुलाई तेल बाँड्नको लागि आग्रह गर्दछन् । तर बुद्धिमतीहरुले मूर्खहरुलाई भन्दछन्, “ हामी र तिमीहरु दुवैलाई पुग्ने यथेष्ट तेल छैन होला; बरु पसलेकहाँ जाओ र आफ्नो लागि किन ।” त, जब मूर्खहरु तेल किन्नको लागि बाहिर गए, पाँच जना बुद्धिमती कन्याहरु जोसँग बत्तीमा तेल थियो विवाह समारोहमा गए । त्यसो भए कसरी हामी परमेश्वरको लागि तेल जुटाउन सक्छौं ? हामीले गर्न सक्ने एउटै मात्र काम के हो भने आफ्नो हृदयको पापको क्षमा पाउने र वहाँको प्रतिक्षा गर्ने ।

हामी मानिसहरुमा दुई प्रकारको आस्था पाउँछौं । एउटा पाप–क्षमाको सुसमाचारमा आस्था । यसले पवित्र आत्माको प्राप्ति गराउँछ । अर्को मात्र आफ्नो धार्मिक सिद्धान्तप्रति आस्था— परमेश्वरले पाप क्षमा गर्नुभएको छ कि छैन यसमा कुनै चासो नराख्ने ।

उनीहरुलाई जो आफ्नै धार्मिक सिद्धान्तप्रति आस्थावान छन्, उनीहरुलाई यो सुन्दर सुसमाचर बोझ हुन्छ । मूर्ख कन्याहरु जस्तै जो दुलहा आउँदै गर्दा तेल किन्न बाहिर गए, उनीहरु जो पवित्र आत्मा पाउने आशले एक प्रार्थना घरबाट अर्कोमा जान्छन् उनीहरु अरू कसैलाई होइन बरु आफैलाई धोखा दिइरहेका छन् । त्यस्ता मानिसहरु यो तथ्यप्रति अन्जान छन् कि उनीहरुले न्यायको दिन आउनु भन्दा पहिले आफ्नो हृदयमा सुन्दर सुसमाचारप्रति आस्था राख्नुपर्दछ । उनीहरु परमेश्वरलाई आफ्नो उत्साहले प्रभावित पारेर पवित्र आत्मा प्राप्त गर्न खोज्छन् । हामी एकजना डेकनको स्वीकारोक्ति हेर्नेछौं जसले पवित्र आत्मा प्राप्त गर्न धेरै प्रयास गरे ।

“मैले पवित्र आत्मा प्राप्त गर्न हरसम्भव प्रयास गरे । म सोच्थें कि यदि आफूलाई आफ्नै आस्थामा उत्साहपूवर्क लगाए भने, म पवित्र आत्मा प्राप्त गर्न सक्छु र यसकारण म एक प्रार्थना घरबाट अर्कोमा धाउँथे । यी प्रार्थना घरहरुमध्ये एउटामा मानिसहरु विद्युतीय पियानो र ड्रम बजाउँथे । यस सभाको पास्टरले जो–जो पवित्र आत्मा प्राप्त गर्न इच्छुक छन् उनीहरुलाई एक–एक गरेर बोलायो र जसै ऊ मानिसको निधारमा थप्पड माथ्र्यो, ऊ अनौठो भाषामा बोल्न शुरु गथ्र्यो । ऊ माइक्रोफोन लिएर वरिपरि घुम्थ्यो र कराउँथ्यो, “आगो प्राप्त गर, आगो प्राप्त गर, आगो, आगो, आगो” र आफ्नो हात मानिसहरुको शिरमा राख्थ्यो, तीमध्ये कोहीलाई कम्पन हुन्थ्यो र बेहोश हुन्थे । मलाई शङ्का भयो कि यो अभ्यास पवित्र आत्मा प्राप्त गर्नको लागि हो कि हाइन तर म पहिले नै यस्ता सभाहरुमा जान अभ्यस्त भैसकेको थिएँ । यसो भएता पनि, मैले कहिल्यै पवित्र आत्मा प्राप्त गर्न सकिन ।

त्यो अनुभवपछि, म पर्वतमाथि गए र धुप्पीको रूख समातेर रुने र रातभरि प्रार्थना गर्ने प्रयास गरे । मैले गुफाभित्र पनि प्रार्थना गर्ने प्रयास गरे तर त्यसले पनि काम गरेन । त्यसपछि, मैले रातभरि ४० दिनसम्म प्रार्थना गर्ने प्रयत्न गरे तर मैले कदापि पवित्र आत्मा प्राप्त गर्न सकिन । अनि एक दिन मलाई पवित्र आत्मासँग सम्बन्धित सेमिनारमा बोलाइयो । यो सेमिनार हप्ताको एकपटक हुन्थ्यो, र सात दिनसम्म चल्थ्यो ।

सेमिनार चाहिँ परमेश्वरको प्रेम, क्रूस, येशूको पनरुत्थान, हात राख्ने कार्य, पवित्र आत्माको फल, र आध्यात्मिक विकास को सम्बन्धमा थियो । त्यो बेलामा जब सेमिनार लगभग अन्त्य हुन लाग्यो, सेमिनारको प्रचारकले मेरो शिरमा हात राखेर पवित्र आत्माको लागि प्रार्थना ग¥यो, र उसले जे भन्यो मैले त्यही गरे । म शिथिल भए र आफ्नो हत्केला आकाशतिर फर्काए र “ला–ला–ला–ला” भनेर पटक–पटक कराए । अकस्मात, जब म “ला–ला–ला–ला” भनेर कराउँदैथिए, म अनौठो भाषामा धाराप्रवाह बोल्न थालें । धेरै मानिसहरुले मलाई पवित्र आत्मा प्राप्त गरेकोमा धन्यवाद दिए । त्यसैले, त्यो सेमिनारको लागि म स्वंसेवक भएर काम गर्न थाले । मैले सोचें कि जतिसक्दो धेरै काममा मैले सघाउनुपर्छ त्यसकारण म आफ्नो सेवा प्रदान गर्नको लागि देशभरि घुमे । र जब म आफ्नो हात बिरामीहरुको शिरमा राख्थे, उनीहरुको रोग निको भएको जस्तो हुन्थ्यो, यद्यपि त्यो चाँडै फेरि बल्झिन्थ्यो । र त्यसपछि मैले मेरो आँखा अगाडि दृश्यहरु पाएँ र मैले थाह पाए कि म भविष्यवाणी गर्न सक्छु । कस्तो अचम्म, मेरा भविष्यवाणीहरु सधैं सत्य हुन्थे । त्यो समयदेखि, मलाई सबै किसिमका ठाउँहरुबाट निम्तो आउँथ्यो र मलाई सेलिब्रिटीको रुपमा व्यवहार गर्थे । तर म अझै डराउँथे । तब एक दिन, मैले एउटा आवाजले यसो भनेको सुने, “यसरी ठाउँ–ठाउँमा नघुम, बरु जाऊ आफ्नो परिवारलाई मुक्ति प्राप्त गर्न मद्दत गर ।” तथापि, मलाई मुक्ति भनेको के हो थाह थिएन । मलाई अरूले जे भनेका थिए त्यो मात्र थाह थियो— कि मैले पवित्र आत्माको वरदानलाई उपयोग गरिन भने, वहाँले यसलाई मबाट लग्नुहुनेछ । एकातर्फ, क्षमता प्रयोग गर्न डराउँथे र पनि यसलाई प्रयोग गर्नबाट आफूलाई रोक्न सक्दिन थिएँ ।

एक दिन, मैले सुनें कि एउटा तन्त्रमन्त्र गर्ने महिला येशूमा विश्वास गर्न चाहन्छे र त्यसकारण म आफ्ना मित्रहरुसँग उसलाई भेट्न गए । तर हामीले उसलाई अगाडि नै भेट्न आउँदैछौं भनेर भनेका थिएनौ । तर ती तन्त्रमन्त्र गर्ने महिला पहिले नै हामीलाई द्वारमा हामीलाई पर्खिरहेकी थिइन् र भनिन्, “मलाई थाह थियो तपाईंहरु आउनुहुनेछ ।” त्यसपछि उनले हामीतिर पानी फ्याँक्न थालिन् र भनिन्, “पूर्वीय तन्त्रमन्त्र र पश्चिमा तन्त्रमन्त्रमा केही फरक छैन ।” उसले हामीलाई “येशूका तन्त्रमन्त्र गर्नेहरु” भनिन्, हामीतिर औंला देखाई र भनी, “यो केटा डरपोक छ, तर त्यो चाहिँ छैन ।” त्यो तन्त्रमन्त्र गर्ने महिलाले जे भनी त्यसले मेरो शिरमा बज्र प्रहार भएझैं लाग्यो । मैले सोच्न थालें कि जति पनि कुरा म अगाडिदेखि गर्दै आइरहेको थिए त्यो यस तन्त्रमन्त्र गर्ने महिलाले गर्नेभन्दा बिल्कुलै फरक थिएन । मैले अगाडि जेसुकै गरे पनि त्यसले ममा पवित्र आत्मा ल्याउन सकेन किनकि मेरो हृदयमा अझै पाप थियो ।”

यस स्वीकारोक्तिबाट, हामी के सिक्छौं भने पवित्र आत्मा प्राप्त गर्ने कुरा आफ्नो क्षमताभन्दा पर छ । किनकि त्यस्तो आस्था परमेश्वरको सुसमाचारमा आधारित हुँदैन, जो यस प्रकारको धार्मिक जीवन जिउँछन् उनीहरुको बत्तीमा तेल हुँदैन ।

बाइबलमा बत्ती भन्नाले चर्चलाई बुझाउँछ र तेल भन्नाले पवित्र आत्मालाई । बाइबलले के सङ्केत गर्छ भने, पवित्र आत्मा प्राप्त नगरिकन, जो चर्च जान्छन्, चाहे त्यो परमेश्वरको चर्च होस् अथवा नहोस्, उनीहरु मूर्ख हुन् ।

मूर्खहरु दिनदिनै तीब्र धार्मिक चाहना र उत्साह अनुभव गर्दछन् । अर्को तरिकाले भन्दा, मूर्खहरु आफ्नो अनुभव र परमेश्वरप्रतिको अन्धो उत्साहलाई तीब्रता दिइरहेका छन् । यदि हाम्रो संवेग २० से.मि. छ भन्ने हो भने, तब यसलाई पूर्णरुपले तीब्रता दिन दिनको १ से.मि. को दरले २० दिन मात्र लाग्छ । उनीहरुको आस्था पछाडिको संवेगले प्रातकलनि–प्रार्थना, रात्रि–प्रार्थना, उपवास–प्रार्थना र पुनरुत्थान सभाद्वारा नयाँ शक्ति प्राप्त गर्दछ, तर उनीहरुको संवेगले जीवनभरि नै तीब्रता पाइरहन्छ । उनीहरु संवेगलाई तीब्रता दिने यो कहिल्यै–नरोकिने विधिप्रति अभ्यस्त हुन्छन् ।

उनीहरुको संवेगले येशूको नाउँमा तीब्रता पाउँछ । उनीहरु चर्चमा उपस्थित हुन्छन् र आफ्नो संवेगलाई तीब्रता दिन्छन् तर उनीहरुको हृदय अझै अन्योलमै हुन्छ र अरू नै कुरालाई खोज्दछ । यसको कारण के हो भने उनीहरुको आस्था शारीरिक अनुभवबाट आउँछ; त्यसकारण, उनीहरुले निरन्तर यी संवेगहरुलाई पुनः बल दिइरहनुपर्छ ताकि यो ज्वाला ननिभोस् । तथापि, उनीहरु यस प्रकारको आस्थाले पवित्र आत्मा प्राप्त गर्न सक्दैनन् । आफ्नो संवेगहरुलाई तीब्रता दिएर पवित्र आत्मा प्राप्त हुने होइन । यसले उनीहरुलाई पवित्र आत्मा प्राप्त गर्न डो¥याउँदैन ।

हामी सबैले परमेश्वरको पूर्ण उपस्थितिमा पवित्र आत्मा प्राप्त गर्न उचित आस्थाद्वारा तयार हुनुपर्छ । तब र अनि मात्र हामी पवित्र आत्मा प्राप्त गर्न योग्य हुन्छौं । हामी कसरी त्यो आस्था पाउँछौं जसले हामीलाई पवित्र आत्मा प्राप्त गर्न योग्य बनाउँछ ? यसको सत्य हामी यर्दन नदीमा भएको येशूको बप्तिस्मा र वहाँको क्रूसमा बहेको रगतद्वारा सम्पन्न यो सन्दर सुसमाचारमा पाउँदछौं ।

परमेश्वरले हामीलाई यस्तो भन्नुभएको छ, “भ्रष्टाचार गर्नेहरुका सन्तान” (यशैया १:४) । हामीले यसलाई स्वीकारनै पर्छ । मानिसहरु वंशानुगत रुपले १२ प्रकारका पापहरु लिएर जन्मेका हुन्छन् (मत्ती ७:२१–२३) । मानिसहरु जन्मेदेखि नमरेसम्म पाप नगरिकन रहन सक्दैनन् ।

यूहन्ना १:६–७ मा, यस्तो लेखिएको छ, “परमेश्वरबाट पठाइएका एकजना मानिस थिए, जसको नाउँ यूहन्ना थियो । उनीद्वारा सबैले विश्वास गरून् भनेर त्यस ज्योतिको गवाही दिन उनी साक्षी भई आए ।” बप्तिस्मा–दिने यूहन्नाले येशूलाई बप्तिस्मा दिए र संसारका सबै पापहरु वहाँमा सारिदिए, र यसो भने, “हेर, संसारको पाप उठाइलैजाने परमेश्वरको थुमा!”(यूहन्ना १:२९) । यूहन्नाले येशूलाई बप्तिस्मा दिएको कारणले हामी सम्पूर्ण पापबाट बचाइएका छौं । यदि यूहन्नाले येशूलाई बप्तिस्मा नदिएको भए र वहाँ संसारको पाप उठाइलैजाने परमेश्वरको थुमा हुनुहुन्छ भनेर घोषणा नगरेको भए, हामीले यो जान्ने थिएनौ कि येशूले आफूसँगै क्रूसमा संसारको सबै पाप लैजानुभयो न त पवित्र आत्मा प्राप्त गर्ने उपाय नै जान्ने थियौं । तर यूहन्नाको गवाहीलाई धन्यवाद, हामीले बुझ्यौं कि येशूले हाम्रो सबै पाप लैजानुभयो र हामीले पवित्र आत्मा प्राप्त गर्न सक्यौं ।

यो आस्थाले गर्दा, हामी बेहुली भयौं जो येशूलाई, दुलहालाई ग्रहण गर्न पूर्ण रुपले तयार छन् । हामी ती कन्याहरु जस्ता हौं जो येशूमा विश्वास गर्छन् र पवित्र आत्मा प्राप्त गर्न पूर्णरुपले तयार छन् ।

के तपाईं आफ्नो सम्पूर्ण हृदयले पानी र आत्माको सुसमाचारमा विश्वास गर्नहुन्छ ? के तपाईं विश्वास गर्नुहुन्छ कि येशू ख्रीष्टले यूहन्नाको बप्तिस्माद्वारा तपाईंको सम्पूर्ण पाप लैजानुभयो ? बाइबलले भन्छ, “जे सुनिएको छ, त्यसैबाट विश्वास आउँछ र जे सुनिन्छ त्यो ख्रीष्टको प्रचारबाट आउँछ” (रोमी १०:१७) । पवित्र आत्मा प्राप्त गर्नको लागि हामीले विश्वास गर्नुपर्छ कि येशूले यूहन्नाद्वारा बप्तिस्मा पाउनुभयो र कू्रसमा मर्नुभयो । हामीले यो महसुस गर्नुपर्छ कि पवित्र आत्मा तब मात्र प्राप्त हुन्छ जब हामी यो विश्वास गर्छौं कि येशू मानिसको रुपमा यो पृथ्वीमा आउनुभयो र यूहन्नाद्वारा बप्तिस्मा पाउँनुभयो, र क्रूसमा मर्नुभयो अनि पनरुत्थान हुनुभयो ।

आज पनि, विश्वासीहरुको दुई समूह छ, ठीक त्यस्तै जसरी माथिको कथामा दस कन्याहरु दुई प्रकारका थिए । तपाईं चाहिँ कुन पक्षमा हुनुहुन्छ ? तपाईंले पानी र आत्मामा विश्वासद्वारा पवित्र आत्मा प्राप्त गर्नैपर्छ । के तपाईं चर्च जानुहुन्छ, तर अझै आफूलाई पवित्र आत्मा कहिले आउनुहुन्छ भनेर पर्खिरहेको पाउनुहुन्छ ? तपाईंले पवित्र आत्मा प्राप्त गर्ने सही तरिका थाह पाउनुपर्दछ ।

कस्तो आस्थाद्वारा हामी पवित्र आत्मा प्राप्त गर्न सक्छौं ? के तपाईं तन्त्रमन्त्रको उल्लसित उत्साहद्वारा पवित्र आत्मा प्राप्त गर्न सक्नुहुन्छ ? के तपाईं कोमाको अवस्थामा पवित्र आत्मा प्राप्त गर्न सक्नुहुन्छ ? के तपाईं कट्टर धर्महरुमा विश्वास गरेर पवित्र आत्मा प्राप्त गर्न सक्नुहुन्छ ? के तपाईंले आफ्नो पापको क्षमाको लागि परमेश्वरसँग निरन्तर प्रार्थना गर्नुपर्छ ? बाइबले भन्छ कि जब येशूले बप्तिस्मा पाउँनुभयो र पानीबाट बाहिर आउनुभयो, परमेश्वरको आत्मा ढुकुरझैं ओर्लनुभयो । वहाँले हाम्रा सबै पाप बोक्नको लागि बप्तिस्मा लिनुभयो, र यो भन्नको लागि कि हाम्रा दुष्कर्महरुको ज्याला तिर्नको लागि वहाँ क्रूसमा टाँगिनुहुनेछ ।

येशूले संसारको पाप लिनको लागि यूहन्नाद्वारा बप्तिस्मा लिनुभयो र क्रूसमा जानुभयो ताकि हामी बाँच्न सकैं र पवित्र आत्मा प्राप्त गर्न सकौं । यो नै सत्य हो । येशूले यूहन्नाबाट बप्तिस्मा पाउँनुभयो, हाम्रो पापको लागि क्रूसमा सजाय भोग्नुभयो र पुनरुत्थान हुनुभयो । हामीले हाम्रो पापबाट क्षमा पाउनको लागि येशूको यूहन्नाद्वारा भएको बप्तिस्मा र वहाँको क्रूसको रगतमा विश्वास गर्नैपर्ने हुन्छ । हामी येशूको बप्तिस्माबाट (मत्ती ३:१३–१५) हेर्न सक्छौ कि पवित्र आत्मा ढकुरझैं शान्तिपूर्ण तरिकाले उनीहरुमा आउनुहुन्छ जो येशूको बप्तिस्मामा विश्वासद्वारा शुद्ध पारिएका छन् ।

पवित्र आत्मा पाउनको लागि, येशूको यूहन्नाद्वारा भएको बप्तिस्मा र वहाँको क्रूसको रगतमा विश्वास गर्नु आवश्यक छ । पवित्र आत्मा मानिसमा ढकुरझैं शान्तिपूर्ण तरिकाले आउनुहुन्छ जब ऊ पाप–क्षमामा विश्वास गर्दछ । जसले पवित्र आत्मा पहिले नै पाइसकेका छन् उनीहरुले जान्नुपर्छ कि यो पाप–क्षमाको आस्थाद्वारा सम्भव भएको छ । पवित्र आत्मा उनीहरुमा ओर्लनुहुन्छ जो आफ्नो सम्पूर्ण हृदयले पाप–क्षमामा विश्वास गर्दछन् ।

येशू अनन्त जीवनको रोटी र अंगूरको रसद्वारा आउनुभयो (मत्ती २६:२६–२८, यूहन्ना ६:५३–५६) । जब येशू बप्तिस्मापछि पानीबाट बाहिर आउनुभयो, त्यहाँ स्वर्गबाट यसो भन्दै एउटा आवाज आयो, “यिनी मेरा प्रिय पुत्र हुन्, यिनीसँग म अति प्रसन्न छु” (मत्ती ३:१७) ।

परमेश्वरलाई त्रिएकको रूपमा विश्वास गर्न सजिलो छ । परमेश्वर येशूका पिता हुन् र येशू परमेश्वरका पुत्र । पवित्र आत्मा पनि परमेश्वर हुन् । त्रिएक हाम्रा लागि एक परमेश्वर हुनुहुन्छ ।

तपाईंले के जान्नुपर्छ भने खालि क्रूसमा मात्र विश्वास गरेर अथवा आफंैले धार्मिक कार्यहरुद्वारा शुद्ध भएर तपाईंले कहिले पनि पवित्र आत्म प्राप्त गर्न सक्नुहुन्न । तपाईंले तब मात्र पवित्र आत्मा प्राप्त गर्न सक्नुहुन्छ जब तपाईं यो विश्वास गर्नुहुन्छ कि यूहन्नाले हाम्रो सबै पाप येशूलमा सार्न वहाँलाई बप्तिस्मा दिए, र वहाँ हाम्रो सबै पापको प्रायश्चित्तको लागि क्रूसमा टाँगिनुभयो । यो सत्य कति सरल र प्रष्ट छ ! पापको क्षमा पाउन र पवित्र आत्मा प्राप्त गर्न गा¥हो छैन ।

परमेश्वरले हामीसँग सरल शब्दमा बोल्नुभएको छ । एउटा सामान्य मानिसको आइ.क्यु. ११० देखि १२० जति हुन्छ । वहाँको सुसमाचार एउटा सामान्य मानिसले पनि बुझ्ने खालको सरल छ । यो ४ अथवा ५ वर्षका केटाकेटीहरुको लागि पनि सरल छ, यो सुन्दर सुसमाचार उनीहरुलाई बुझ्न कदापि कठिन छैन । तर यदि परमेश्वरले हामीसँग पवित्र आत्माको बासको बारेमा जटिल तरिकाले बोल्नुभएको भए, के हामी वहाँलाई बुझ्न सक्थ्यौं ? परमेश्वरले न्यायपूर्वक हाम्रा सबै पाप क्षमा गर्नुभयो र यसमा विश्वास गर्नेहरुलाई पवित्र आत्मा वरदानको रूपमा दिनुभयो ।

परमेश्वरले हामीलाई भन्नुहुन्छ कि हामी हात राख्ने कार्यद्वारा अथवा प्रायश्चित्तको प्रार्थनाद्वारा पवित्र आत्मा प्राप्त गर्न सक्दैनौं । पवित्र आत्मा उपवासको कारणले अथवा भक्तिको कारणले अथवा पर्वतमा अहोरात्र प्रार्थनाको कारणले गर्दा पनि आउनुहुन्न । कस्तो प्रकारको आस्थाले हामीमा पवित्र आत्माको प्राप्ती हुन्छ ? यो यस तथ्यमा आस्थाले गर्दा हुन्छ जसले भन्छ कि येशू यस संसारमा आउनुभयो, हाम्रा सबै पाप लिनको लागि बप्तिस्मा लिनुभयो, क्रूसमा मर्नुभयो, र पनरुत्थान हुनुभयो ।

के हामीले यसमा साँच्चै विश्वास गर्नुपर्छ ?

हामीले किन पापको क्षमा पाउनुपर्छ र यसरी नै पवित्र आत्मा प्राप्त गर्नुपर्छ ? परमेश्वरको राज्यको नागरिक हुन, हामीलाई पवित्र आत्मा चाहिन्छ । त्यसकारण, पवित्र आत्मा प्राप्त गर्नको लागि, हामीले येशूलाई मुक्तिदाताको रूपमा विश्वास गर्नुपर्छ, वहाँको बप्तिस्मा र रगतमा विश्वास गनुपर्छ, र अन्त्यमा, हामीले हाम्रा सबै पापबाट क्षमा पाउनुपर्छ ।

परमेश्वरले किन उनीहरुलाई पवित्र आत्मा प्रदान गनुहुन्छ जसको पाप क्षमा भएको छ? यसको कारण उनीहरुलाई आफ्नो प्रजाको रुपमा चिन्नलाई हो । जो परमेश्वरको वचनमा आधारित भएर येशूलाई विश्वास गर्छन्, उनीहरुलाई आफ्नो बनाउन पवित्र आत्मा प्रदान गर्नुहुन्छ ।

त्यसैले धेरै मानिसहरु गलत आस्था राख्दछन् । येशूको बप्तिस्मामा विश्वास गर्न र पवित्र आत्मा प्राप्त गर्न कति सजिलो छ । यो हामीलाई सजिलो छ जसले पवित्र आत्मा पहिले नै पाइसकेका छौं, तर यो उनीहरुको लागि असम्भव छ जसले पापको क्षमा पाएका छैनन् । उनीहरुलाई सत्य थाह छैन बरु पवित्र आत्मा प्राप्त गर्ने अरु तरिकाहरुको खोजी गर्दछन्, जस्तै आफूलाई कट्टर कार्यद्वारा धार्मिक कोमामा डुबाउनु । उनीहरु यति अज्ञानी छन् कि उनीहरु शैतानले रोपेको बीजद्वारा अन्योलमा पर्छन्, धार्मिक अन्धविश्वासको प्रभावमा पर्दछन् ।

पवित्र आत्मा उनीहरुमा बास गर्नुहुन्छ जो येशूको बप्तिस्मा र वहाँको क्रूसको रगतमा विश्वास गर्दछन् र जो पापको क्षमा पाउँदछन् । उनीहरु मात्र जो परमेश्वरको मुक्तिमा आस्था राख्छन्, यस्तो भन्न सक्छन्, “ममा पाप छैन ।” यदि मानिसहरु पानी र आत्माको सुसमाचरमा विश्वास गर्दैनन् भने, उनीहरु आफूमा पाप छैन भनेर भन्न सक्दैनन् ।

कसले गवाही दिए कि येशूको बप्तिस्मा र रगतले हाम्रो सबै पाप उठाइलग्यो ? येशू, येशूका चेलाहरु, र पवित्र आत्माले यसको गवाही दिए । कसले मानिसहरुलाई उनीहरुको सम्पूर्ण पापबाट बचाउँने योजना बनाउनुभयो ? पवित्र पिताले बनाउनुभयो । यो योजनालाई कसले सम्पन्न गर्नुभयो ? येशू ख्रीष्टले । अन्त्यमा कसले निश्चित गर्नुभयो कि यो योजना सम्पन्न भयो भनेर ? पवित्र आत्माले गर्नुभयो ।

परमेश्वर हामीलाई वहाँको प्रजा बनाउन चाहनुहुन्थ्यो र त्यसकारण हामीलाई हाम्रो सबै पापबाट येशूको बप्तिस्मा र रगतद्वारा बचाउने प्रतिज्ञा गर्नुभयो । त्यसकारण, त्रिएक परमेश्वरले हाम्रो अन्तिम मुक्तिको सुनिश्च्तिता गर्नुहुन्छ र हाम्रो पापको क्षमाको स्वीकृति दिनुहुन्छ ।

मत्ती ३:१७ मा, यस्तो लेखिएको छ, “यिनी मेरा प्रिय पुत्र हुन्, यिनीसँग म अति प्रसन्न छु” जोसँग परमेश्वरको पवित्र आत्मा छ उनीहरु परमेश्वरका प्रजा हुन् । उनीहरु वहाँका सन्तान हुन् । “ यिनी मेरा प्रिय पुत्र हुन्, यिनीसँग म अति प्रसन्न छु ।” येशू शुरुदेखि नै परमेश्वर हुन् । पिता परमेश्वरले हामीलाई भन्नुहुन्छ, “यदि तिमीहरु आफ्नो पापको क्षमा पाउन चाहन्छौं भने, विश्वास गर कि सबै मानिसहरुको पाप सदाका लागि येशूले, मैले जन्माएको एकमात्र पुत्रले उठाइलगे, पवित्र आत्मा प्राप्त गर, र मेरा सन्तान बन ।” जसले यसमा विश्वास गर्छ उनीहरुले आफ्नो पापको क्षमा पाउनेछन् र परमेश्वरका छोरा र छोरीहरु हुनेछन् । वहाँले उनीहरुलाई पवित्र आत्माको वरदान दिनुहुनेछ आफ्नो सन्तानको रूपमा चिनाउन । येशूको बप्तिस्मा र रगत दुवैमा विश्वास गरेर मात्र हामी हाम्रो पापको क्षमा प्राप्त गर्न सक्छौं ।

जब मानिसहरुले आफ्नो हृदय खाली गर्दैनन् र क्षमाको सुसमाचारमा विश्वास गर्दैनन्, उनीहरु शुरुको पाप मात्र हट्यो भनेर विश्वास गर्छन् तर उनीहरुले यद्यपि निरन्तर प्रायश्चित्तको प्रार्थनाद्वारा आफ्ना वास्तविक पापहरुको लागि क्षमा माग्नुपर्छ । यदि उनीहरु यस्तो विचारको शिकार भए भने, बाइबल बुझ्न नसकिने र अन्योलपूर्ण हुन्छ । त्यसकारण, उनीहरुको आस्था वहाँको चेलाको भन्दा फरक हुन्छ ।

कोही भन्छन् कि पवित्र आत्मा “प्रार्थनाद्वारा” उनीहरुकोमा आउनुहुन्छ । तर यो बाइबलको दृष्टिकोणबाट सत्य ठहर्दैन । यो सुन्दा विश्वासयोग्य लाग्न सक्छ, तर बाइबलले भन्छ कि जब येशू यूहन्नाको बप्तिस्मापछि पानीबाट बाहिर आउनुभयो, पवित्र आत्मा वहाँमा ढुकुरझैं ओर्लनुभयो । यसले के प्रमाणित गर्छ कि यदि हामी पवित्र आत्मा प्राप्त गर्न चाहन्छौं भने, हामीले मात्र विश्वास गर्नुपर्छ कि येशू यो संसारमा आउनुभयो, संसारको सबै पाप लिनको लागि यूहन्नाद्वारा बप्तिस्मा लिनुभयो, ती पापहरुको लागि क्रूसमा सजाय भोग्नुभयो र हाम्रो मुक्तिदाता हुनको लागि पनरुत्थान हुनुभयो ।

परमेश्वरले के भन्नुहुन्छ जब हामी यस सत्यमा विश्वास गर्छौं र पवित्र आत्मा प्राप्त गर्दछौं ? वहाँले भन्नुहुन्छ, “तिमी मेरा पुत्र हौ । यिनी मेरा प्रिय पुत्र हुन, यिनीसँग म अति प्रसन्न छु ।” परमेश्वरले उनीहरुलाई यही कुरा भन्नुहुन्छ जो येशूमा विश्वास गर्छन् र उनीहरुको भविष्यको पापको लागि पनि क्षमा प्राप्त गर्दछन् । यो सत्य परमेश्वरको प्रतिज्ञा हो हामीलाई वहाँको सन्तान बनाउने ।

तर मानिसहरु अझै पनि पवित्र आत्मा प्राप्त गर्ने यहाँ अरु उपायहरु छन् भनेर सोच्छन् । के तपाईं सोच्नुहुन्छ पवित्र आत्मा तपाईंको रुवाइद्वारा र सांसारिक प्रयासद्वारा तपाईंकोमा आउनुहुन्छ ? परमेश्वरको कार्य वहाँको इच्छाद्वारा मात्र निर्देशित हुन्छ र वहाँले उनीहरुलाई मात्र पवित्र आत्मा दिनुहुन्छ जसले आफ्नो पापको क्षमा पाएका छन् । वहाँ भन्नुहुन्छ, “मैले मेरो पुत्रलाई बप्तिस्मा लिन लगाए ताकि वहाँले तिम्रा सम्पूर्ण पापहरु लिन सकून र वहाँलाई ती पापहरुको सजाय भोग्न क्रूसमा टँगाए । मैले मेरो पुत्रलाई तिम्रो मुक्तिदाताको रुपमा नियुक्त गरे । यदि तिमी मेरो पुत्रले सम्पन्न गरेको पापको क्षमा स्वीकारछौ भने, म तिमीलाई पवित्र आत्मा पठाइदिने छु ।”

हाम्रा पिताले जे इच्छाउनु हुन्छ त्यही गर्नुहुन्छ । यदि एउटा मानिस घुँडा टेकेर रातभरि बस्छ र आफ्नो फोक्सो नफाटेसम्म वहाँलाई कराइरहन्छ भने पनि, परमेश्वरले उसलाई पवित्र आत्मा पठाइदिनुहुन्छ भन्ने जरुरी छैन । वहाँले उसलाई यसो भन्दै हप्काउनु मात्र हुनेछ, “तिमीले साँचो ज्ञानलाई स्वीकारेका छैनौ र गलत विश्वासलाई समातिरहन्छौ । पवित्र आत्मा तिमीमा आउनबाट रोकिराखिने छ जबसम्म तिमी साँचो आस्थालई अस्वीकार गर्दछौ ।”

यो संसारमा, मानिसका निर्णयहरु परिस्थिति अनुसार बदलिन सक्छन्, तर परमेश्वरले पापको क्षमा र पवित्र आत्मा प्रदान गर्न बनाउनुभएको व्यवस्था अपरिवर्तनीय छ । यदि तपाईं गलत आस्थाहरुको फन्दामा पर्नुहुन्छ भने, फेरि सही बाटो पहिल्याउन गा¥हो हुन्छ । बाइबलले भन्छ कि विश्वास नगर्नेहरुका लागि येशू ठेस लगाउने ढुङ्गा हुनुहुन्छ (१ पत्रुस २:८) ।

मानिसहरु जो येशूमा विश्वास गर्छन् र पनि जान्दैनन् किन वहाँले बप्तिस्मा लिनुप¥यो उनीहरु मुक्तिको आधा सुसमाचारमा मात्र विश्वास गर्छन् र निश्चित रुपले नर्कमा झर्छन् । त्यसकारण, जब तपाईं पहिला येशूमा विश्वास गर्नुहुन्छ, तपाईंले येशूको बप्तिस्मा र वहाँको रगतको बारेमा जान्नुपर्छ, यी दुई कुरा मिलेर नै पापको क्षमाको सुसमाचार बनेको छ । र यदि तपाईं पापको क्षमा पाउनुहुन्छ भने, तपाईंले पवित्र आत्मा पनि प्राप्त गर्नुहुनेछ ।

हामी पृथ्वीमा येशूको जीवनको बारेमा सोचौं । येशू मनुष्य हुनुभयो र आफ्नो बप्तिस्माद्वारा यस संसारको पाप उठाइलैजानुभयो । वहाँ क्रूसमा मर्नु पनि भयो र हामीलाई नर्कको आगोबाट बचाउन हाम्रो पापको सजाय भोग्नुभयो । जो वहाँमा विश्वास गर्छन् पवित्र आत्माको वरदान पाउँदछन् ।

त्यसकारण, पवित्र आत्मा प्राप्त गर्न हामी सबैले सही बाटामो हिँड्नुपर्छ । के आवश्यक छ भने हामीले सत्यको वचनको आधारमा सोच्नुपर्छ । जब हामी यसो गर्छौं, येशूलाई हामीलाई सङरक्षण गर्नुहुनेछ र आशिष् दिनुहुनेछ । जसले आफ्नो हृदयलाई खाली गर्छन् र वहाँको वचनमा विश्वास गर्छन् उनीहरु पापको क्षमाद्वारा सत्यमा जिउँन सक्छन्, पवित्र आत्माद्वारा डो¥याइन्छन् । यसबाहेक, उनीहरु अरूलाई पवित्र आत्मा प्राप्त गर्ने सही बाटोमा डो¥याउन सक्छन् ।

येशूको बप्तिस्मा र रगतद्वारा सम्पन्न मुक्तिमा विश्वास गर्नुहोस् । तब मात्र हामी आस्थापूवर्क वहाँलाई पछ्याउन सक्छौं र पाप–क्षमाको, अनन्त जीवनको, र पवित्र आत्माको बासको आशिष पाउन सक्छौं । येशू क्षमाको परमेश्वर हुनुहुन्छ, जसले आफ्नो बप्तिस्माद्वारा र क्रूसमा मृत्युद्वारा संसारको सम्पूर्ण पाप उठाइलैजानुभयो । येशूले हाम्रो सबै पाप धुनुभयो र जसले सत्यको सुसमाचारमा विश्वास गरे उनीहरुलाई पवित्र आत्मा दिनुभयो । साँचो आस्थालाई अँगालेर नै तपाईं पवित्र आत्मा प्राप्त गर्न सक्नुहुन्छ ।

LIST Download FREE eBook & AudioBook