- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 1: Enzi
[1-1] Kole duba oniki ama enzi ni ote odriko layu esu (Maruko 7:8-9 ojo)
(Maruko 7:8-9 ojo)
“Anyi le`jo Rubanga dri ba maraga, anyi lini a`bi dri a vu ni ko au-kopo vua ku`do tabo tro uje ka ta amgbu ziti anyia idele ri tro si. Oko ojo ai ni, lokudru anyi dri ciri aa `adusi iga Cara Rubanga drii mgbe lini anyidri oku `dia vu ni okojo.`”
“Anyi le`jo Rubanga dri ba maraga, anyi lini a`bi dri a vu ni ko au-kopo vua ku`do tabo tro uje ka ta amgbu ziti anyia idele ri tro si. Oko ojo ai ni, lokudru anyi dri ciri aa `adusi iga Cara Rubanga drii mgbe lini anyidri oku `dia vu ni okojo.`”
(Maruko 7:20-23 ojo)
“Oko ojo, `Ta ma`di inzi di rii ani ta engadi ma`di a ri `i, adusi ta unzi rii, ra ego ri tro kenga ondoto `bani asi ga amala ta ini ri ideka, ta oguka, `ba `dika, uku `ba zi dri du ka, momo, asi unzi, bate, avi, ru ivoloka, dri okpo, lali ide ka tro. Ta unzi `dii cidru kenga `ba`a vua ka `ba inzi ni.`”
Ati, ale mitede anyini ta enzi ni`dii adu ya i. Enzi ziti a driba ni Rubanga onze ni vua ziti `ba onze ni. Le`jo Giriki `ba ti si enzi, ‘hamartia’ ni dia ehwi ni ‘alama ilika’ ovi zi si, ehwi ani ta ideka ego. Cara Rubanga dri a dri atuka ni enzi. Anyiba ori ki ndrelea driso ovi `baa enzi ndre`jo risi.
Enzi ni adu?
Enzi ni Cara Rubanga dri
a dri atu ka.
Ta enzi nidii a`di nia ta idele ria ruete ka di ce ya kusa mbi ya si. Kurisi ovi `ba`a olujo ausi ri`i kenga ovi ma`di a olujo ri iga ovi uje a ta urajo rii ta cidru ride`di loso kusa unzi ri`i tro.
Amala `ba mgbimgbi ka enzi a driba ni nze mgbimgbi. Ra alua ri karitiri ma`dizi rini enzi kusa enzi ku ni wa kenga ma`di a ovi ni ga. Ledii ra Rubanga a Cara mgbimgbi 613 di`i hwe`jo ama cidru ni ausini kete`de `dru ta enzi ni dii adu ya `i ri `i.
Eno lile ladi ka ta nze `ba`a enzi ni dri.
Cara Rubanga dri`i
Ta `ba`a nile ote rii olu Cara
dri laki a ri`i tro
Cara Laki ni ri`i Cara nya ri`i tro
Kole alu sa oba ki ovi enzi dri`i ta ama idele anda ri idri ku.
Enzi `ba`a idele nile ote rii i`deru ta Rubanga`a driba nzele enzi risi ku. `Disi kole eri ta nya urale ri`i au ku rarii oba ta ungwele enzi ni dii kolu cara Rubanga dri`a jo`joadru ra ri ani.
Ama cidru dri ra ta enzi ni di`i adu ya drii a`a ki `ba ziti le kigenia ai`a enzi oba ni aini cajo ta anda ri iga kpe ni `i. Vua ziti kigenia ovi aia lidri dri`i duka au si.
Ovidru Korea a, `ba ka aia ataka `baa budri a dri ni uba ayise si vua kaki ko kaki ta ani du mbale aiangasi paka a`i sa kaki fu udra. Andrani eze suru Popua ni esule ewo udi vu Guinea dri iga ri`i a kaki laru hwe `ba aidri kpo ri `bati ni itu ogboro ideka ma`di kpo ri`a ru ni dri familia tro si. (Ani ku di gba kaki ru nyuhwa dradi ra di` dri di kpa wio odri ki nya`a ya`i). Ara oleki ai komba ru a ta ni Obu ni nyajoadru ku. Geni di kitedea ba`a urata enzi dri a mgbimgbi etederu tau.
Ta anda laki zia idele ri`i laki ewo zi ga ri kitiria ta ideka nyadru. Amala, Bugu ole ri ojo amani Cara Rubanga dri`a dri atuka ni enzi. “Anyi le`jo Rubanga dri ba maraga, anyi lini a`bi dri a vu ni ko au-kopo vua ku`do tabo tro uje ka ta amgbu ziti anyia idele ri tro si. Oko ojo ai ni, lokudru anyi dri ciri aa `adusi iga Cara Rubanga drii mgbe lini anyidri oku `dia vu ni okojo”` (Maruko 7:8-9). Ovi endrejo rusi ri`i Rubanga ni konyi ako adusi ka ta ndre ama asi ni`a.
Ma`di a anda anangasi rii Rubanga na`ndra enzi
Enzi unzi rere ndedia rii ingo`i?
Cara Rubanga dri gaka `i.
Makaa oluka lidri driaru si kpe ni Rubanga na`ndra enzi. Oviru le`jo driaru a`ika ku tro ra. Rubanga ojo oluka Farazei `ba cara anidri ri gaka mgbe ki rarii bi baka lini oku aia a`bi dri ri iga ri ani ni enzi. Yesu ojo Farazei `ba dii dranga.
“Rubanga anya igenile ri`i ingo`i? Anyi gba mani laru hwe ma ru ni nzika oru si `i ya? Anyi recu ma ru si, ki anyi gba mani laru hwe ya?” `Ba ka te aia ru di`i ndre au kakiko kaki le`jo `driaru ome ra. Enzi unzi rere ndedia rii le`jo driaru ome ka `i, ini dii ote ya?
Cara ako idele pa etu`di aw`i ako dri rii anda ako. Enzi `ba`a idele ta ego vua caku caku ri tro rii enzi tema ri `i ku, ki ama ego `i. Rubanga oba mgbimgbi enzi ti `i lofo ta ego ri tro ra. `Ba le`jo driaru omeka rii enzi `ba, jo kideki enzi kuru sa `i. A`i Rubanga na`ndra enzi `ba gba ri `i.
Ledii ra Yesu a Farazei `ba i`jajo ri`i. Bugu Cara dri `ia ido `jo Idoka ga cajo paka Diotoronomi ga, nyesua Cara ziti kite`dea ta kole amide vua amide ku ri`i adu ya i. Le`jo Rubanga drii, ana Cara ti `i. Adiki ta ani mba 100% trua ni kpe, ki kole oni a`i Cara `driaru i ni ote. Oke ai amani vu `a ido nga disi kole a`i ai kendre le`jo Rubanga dri `i ani.
“Vua ido nga sa le`jo ni aa, le`jo ni olure Rubanga tro, ani Rubanga gba ri ani” oko ojo, “Kole ingwe kolu aa, ingwe oko olu aa”. O`bi ta aa rii kpodru anisi. Vua ru odri ko wi`o Cara ni hwe.
“Le`jo engwi `ba gba ri ani vua olu `ba lofo, ani le`jo `i” (Yoana 1:1, 14). Jodini ri, Rubanga ni anangasi ete`deru amani ingo ni? Ite`deru Cara anidri risi, amala Rubanga ni le`jo `i vua Endri `i. Jo `diniri, adi Bugu ole ri ungwe ingo ni? Adi ungwea le`jo Rubanga dri `i.
Ojoru di a, “Anyi le`jo Rubanga dri`i `ba maraga, anyi lini a`bi dri `a vu ni ko au”. Cara osiru kpodru 613. Anyi`de `di `i, ide na i`ku. Nyiru nya ata ti nya endre tro…. Ziti tro. Osiru Bugu Levitikasi dri i`a uku ago tro koluki `di ingoni ya`i vua jo nya nyuhwa ode `bu a ri kole nyi`de adu ya `i. Cara ai le`di ba ani le`dii le`jo driaru ia kpo dru kate 613.
Cara `dia oluka le`jo `ba `dri `i ku si, kole oraki ta driaru `di`di. Jo oma Cara driaru a ta ni mbale kpodru kpe sa kole `duba ai le`jo `di`i ce vua kole `oru ki Rubanga ni.
Le`jo Rubanga dri` i ndutudru si aaru le`jo gaadru sa mbi ani aa ya? Farazei `ba oba le`jo Rubanga dri `i maraga lini `ba dri a vu ni okojo kovu Cara driaru ra. Le`jo aia a`bi drii konyi a nza si onde aini le`jo Rubanga drii ra. Yesu a olure driso vudri dia rii, `dii ta ana jole ri `i, ta anini asi laza hwe`di nza rii `baa le`jo Rubanga dri gaka mgbe`i.
Rubanga ohwe `ba ni Cara kpodru si 613 kebedru ausi era enzi `ba dri ni vua ete`dedru ana anda anda ni. Rubanga ama dri Ole rii. Oluka andraaru enzi `ba si, kole oluki a`i si vua a`iki Yesu ni Rubanga a ezele amani ana le amani risi ri`ni. `Ba le`jo driaru baka maraga vua a`ikaa kuru rii enzi `ba.
`Ba le`jo driaru a ta ni mbaka kpe ri `bati isa enzi `ba. Ki enzi ndedia rii le`jo driaru baka maraga `i. `Ba enzi unzi diani di ideka ri `ba`a zele ti koko aci olure tadru ri`i a. A`dusi le`jo driaru ri a`ika ku ni andraaru enzi `dra`jo ri`i.
Ra Rubanga a Amani Cara Hwe`jo Ri `i
Rubanga ka ama ni
Cara hwe adu si?
Ko `ba amera dru ama enzi ni
lamgba laka ri tro
Ra Rubanga a amani Cara hwe`jo rii adu? `Dii koba dru amera ama enzi ni vua ausidru amengwi anidri. Ohwe amani Cara kpodru 613 kebedru amera ama enzi ni vua amesu dru layu Yesu Kristo si. Ledii ra Rubanga a Cara hwe`jo ama ni ri `i.
Bugu Roma drii 3:20 ojo, “Ta cara a idele ri koba `ba ka ana enzi ni ni ote.” `Disidru kendre nikaa ote ri ani, ra Rubanga a amani Cara hwejo rii kole mgbe dubasi `ba kolu au si `i ku.
`Driale, lini `ba`a esule Cara dri rii ingo `i? `Dii ama a`wi ako bijoadru Cara ta mba`jo kpodru sa kpe ri`i di oba amengwi andraaru enzi `ba budri teka ri `i. Adiki aduta era Cara driaru kpodru 613 di `ia `i? Adiki ta bile kpe rii a`wi ako `ba dri tro era`a makaa oluka Cara driaru si kpe tro. Ama eraa, ama ta Rubanga a bile rii ama ta okpo rii jo sa amolu andraaru enzi `ba budri te ka ri `i.
Kolu esu Cara driaru si le ama cidru kovu aci a. Oce era enzi `ba drii a`wi ako `ba dri tro `bijoaru olujo Cara driaru si kpe rini di `i ri, ide adu? Oma engwile gba ta lidri ani ya? A`a alu sa dini ku, kole a`iki ru enzi `ba, a`iki Yesu ni, oko esuki layu lari driaru eyi si vua Endri si ridri ni vua oko anzoki ani.
Ra ana ama ni Cara hwe `jo rii koba dru ama ni ama enzi ni lali laka rii tro ote si. `Disidru rijo driadru omu andraga, kolea eraki okpo-okpo amani ru ai`jo aci olure tadru ri`i a Yesu ni ako rini. Jo a`i Yesu ni ama Aridipi `i dru ni, adi layu esu ra. Ohwe amani Cara ausini ka amadri se Aridipi Yesu dri.
Rubanga oba Cara ni ausini kobadru amera dru gba ama enzi `ba vua ani kari dru ama Endri ni enzi ledi `ba ani ledi iga `i. Ohwe amani ana Cara `i vua eze ana Ngwaapi ni alu tende, Yesu ni kohwe dru amani lari enzi ama dri ndutu rii duka batisimu anidri risi si. Geni baka ruaru ka amani lari hwe ni.
Ama enzi `ba ra ako ki esu kole ka`i Yesu ni au layu esu jo enzi dri `a ri `i; anyengwi ana baciri `i ausi eku retu rii kingwi ru Rubanga ni.
Kole eriki, oraki vua amaki ta cidru le`jo driaru si adusi ta cidru enga driaru. Kole ziniga eri layu anda le`jo driaru `i a ria ehwi ni. `Dii a`i anda vua ce ri`i.
Ta Asi `Ba `dri `i a Rii Adu?
Ama Rubanga na`ndra adu ta ide?
Kole ama `i ama enzi ni vua amazi Rubanga
ni ausini kari `dru ama.
A`i kido le`jo Rubanga dri si kole igeniki ani le`jo driaru riisi, jo ani ani ku adiki `de ta ego ri `i a ra. `Di kongo kolu ego vua a`i ce ri`i ku.
Farazei `ba laponyia Cara Mose dri inika ri tro oce kondre ki maju Yesu dri a mugati nyaka `dri andi tro nidi, esu oli i`ja `ki ai ku jo kondreki tadii ewo le`jo Rubanga dri a lejoadru risi `i. Le`jo Rubanga dri ri ojo amani, ta enga`di angwe odri hwi ma`di a ri`i ka ani inzi kpe adusi ohwi asi `a ru ku, kali a`a ru si odri efu angwe, asi koka ako.
Kendre ana rusika Maruko 7:20-23 ga ri ani, “Oko aci le`jo anidri tro andraga ojo, `Ta ma`di inzi di rii ani ta enga `di ma`di a odri efu angwe ri `i. Adusi ta unzi rii, ra ego rii tro kenga ondoto `ba ni asi ga, amala ta ini ri ideka,ta oguka, `ba` dika, uku `ba zi `dri du ka, momo, asi unzi, ti enzo, bate,avi, ru ivolo ka, dri okpo, lali ideka tro. `Ta dii cidru kenga `ba`a vua ka `ba inzi ni.`” Yesu ojo `ba cidru enzi `ba adusi otikiru enzi tro.
Nyeri dia ehwi ni adu ya ni ote ya? Oti ama enzi `ba ni ama oluka cidru suru Adamu `dri `i si. Ndi `driaru sa ama tadii ndrejo kpe rii adusi ama `i vua amigeni le`jo driaru kpodru sa kuru si. Jodini ri, ta asi `ba dri `i a rii adu?
Le`jo rusidi oru le`di onze, “Ta ma`di inzi `di rii ani ta enga `di ma`di a ri`i, adusi ta unzi rii, bate, uku bazi dri duka, `ba dika, ta oguka, ru ivoloka, ti enzo, momo, avi, dri okpo, lali ideka tro.” Ta unzi `dii cidru kenga `ba`a vua ka `ba inzi ni.
Osiru Bugu longo dri `i a, “Ace mandre `bu nya idele nya dri si rii di, imba lelego tro sa nyu ba ai kare ai dri iga si, `ba ni adu ta nya ana le`jo ni ra jo nza di ni ri `i, vua `ba oni ta nya ta mbale rii ingoni ya?” (Longo 8:3-4).
Rubanga ni anangasi emu ama dri ingo ni ya? Emu ama dri ana ama leka ndro si, obi ama ni vua kiza ka ani ko ama oluka enzi `ba si odu enzi ama drii cidru pi ana ama ecoka ana boronzi tii si. “Opi, nyi opi ama dri `i nya ru oku vu dri cidru `dini nya eku oci vu ndi!” Opi Davide ongo longo dii Ofu Oku a ana era rea Rubanga kemu kengwi Aridipi enzi `ba dri `i ri`i.
Ofu Udi a, Majugo Paulo angwa longo alua dii au. `Dii gba ta aujo ri `i, ama Rubanga a `bile `dini engwijo boronzi ta `bi `di dri `i. Karide te wa rii ana le ama ruga risi.
`Dii le Rubanga dri `i. Kole oniki ote rii makaa oluka Cara cidru Rubanga dri si ni anini lazi gba okpo ri`i. `Dii amala lecuma enga`di ama tanika ku dri ri `i. Ani ta ce rii ku le driaru ebe `jo angwe ki makaa oluka Cara driaru a ta ni mbaka amangasi au si vua ilegijo lidri ovi disi `i. Ani `le Rubanga dri `i amani amangasi erajoadru ama enzi `ba Cara si `i, i.
Le`jo driaru osiru Maruko 7:20-23 ga, “Ta ma`di inzi di rii ani ta enga `di ma`di a ri `i. Adusi ta unzi rii ra ego rii tro kenga ondoto `ba ni asi ga, amala ta ini ri ideka,ta og ka, `ba `dika, uku `ba zi dri duka, momo, asi unzi, ti enzo,bate,avi,ru ivoloka,dri okpo,lali ideka tro. Ta unzi `dii cidru kenga `ba`a vua ka `ba inzi ni”.
Yesu ojo ta enga`di ma`di a rii, enzi `aaru rii ka ani inzi ni. Ku `i ri lonya unzi Rubanga a hwele ri isa ka ama inzi kpe.Ta cidru bile rii pelere, ki te ta enga `di ba`a rii, dii enzi ama inzi`di ri `i. Ama cidru otiru suru Adamu dri `i a. `Disi, oti ama adu tro? Oti ama enzi drile mudri a limbi eri tro. `Dii ce ku ya?
Jodini ri, adi olu enzi ideka ako wa ya? adiki aci Andraga enzi ideka tro adusi otiru enzi a di `i. Adiki mba enzi ideka tro `di adusi oni Cara ote si wa ya? Jodiniri adiki olu Cara si ya?A`a alusa dini ku, jo omaki oluka Cara si ni ni sa keya keca amani okpo. Kole eraki ama ujea caka ku ni vua kole ebeki ovi andrani amadri bare ga ki ali`dipi rii ra. Naivu, ra laru tro ri si, adiki batisimu Yesu dri rii a`i ari anidri ama aridi rii tro au.
Cara rusi`di kpodru si 613 dii cuwi vua anda. Ki `ba ni enzi`ba erijo ndi saa aia endre a `ai kojo a`a risi. Kesu amera jo Cara Rubanga drii anda`i , ki amadri ama engwile amangasi anda kpe ni ama tika enzi tro si, ama nia ale kiza Rubanga dri Kristo a layu dri esule Ofu Loso Eyi drii, Ari dri`i vua Endri drii tro ra ni ote. Jo eraki uje `badri a caka ku ni ni—naa ovi dru adi ki engwi anda `bangasi kpe `i vua adi ki vu enzi `ba dri si aci a `i—adiki maa kpe ki rarii kole oduki ra layu Yesu dri iru. Adiki lebe enzi dri esu ra.
Kole oniki ote omaki olule Rubanga andra anda vua cuwi ni amangasi kpe. `Disidru, Kole a`iki Rubanga a andraga ama enzi `ba vuka aci a ri `i vua ilegika kiza driaru si ri `i. “Rubanga madri, nyari ma enzi madri iga vua kiza koko nyi ma si”. Mgbe, Rubanga ka lokuloku emu amadri ra ana le`jo si. `Diani disi dru, adiki lebe enzi dri esu ra.
Anyi`ba ondreki ilegi Davide dri `ni. Ojo, “Disidru nyi le`jo alire madri ga anda, vua ta nya alile riisi adi ta iro nyiti kpe” (Longo 51:4).
Davide oni ani enzidipi unzi rere nde`dia esu kole obe aci olure tadru ri ia ri `i ni ote ki ojo Rubanga na`ndra. “Opi, jo nyungwe ma enzidipi, ma enzidipi, jo nyungwe ma anda, lokudru molu anda. Jo nyari ma ra, lokudru ma rari ra; Vua jo ize ma aci a, ma ya aci a”.
`Dii a`i ce vua rarijo ausi wa ri `i. `Dii ovi adiki evu adiki olu ausi ri`i jo oleki geni `baka layu Yesu dri ri idri ra `i.
Kole Oniki ama Enzi gba rii adu ya ni ote
Ru kpodru a engaka suru Adamu dri `i si, ama cidru dri vico tema asi a rii aa. ku ri, Rubanga ojo amani ingo ni? Ojo amani kole amide nyaru ku jo oli kesu tee nyaru kolu ama asiti ga aa sa `i. Asi `ba dri `ia `ba dika kpo aa, ki Rubanga ojo amani ingo ni? Ojo amani o`di `ba ku. Ama kpodru ka `ba ama tika ri ga ama asi ni a mgbe, ki Bugu Ole ri ojo, anyi hwe laru `ba anyi tika rini. Kole eraki le`jo driaru rii anda vua ce, ki le ru cidru dri asi a enzi aa.
`Dii ce a nosi mbi? `Dii gbadru ce. `Diani disidru, kole amide adu Rubanga na`ndra `i? Kole ama`i ama cidru `ba enzi ideka ri`i vua `ba dri egweka `di ta raka enzi dri ku ri`i. Kolu ceku ama ni rakaa ajeni ama `ba anda rii a`dusi amide enzi kuru ni `i. Ki amengwi enzi `ba ni endru adusi amide enzi endru ra si ya, iyo alusa dini ku, oti ama enzi `ba. Josa ami`de adu, amolu enzi`ba. `Dii ra amani lebe enzi dri esu jo ri `i. A`i Yesu a batisimu dri si.
Ama `dria enzi `ba ku rii ta ama idele risi: ovidru bate ide ka, ogu, asa tro si ku ____ ki ama enzi `ba rii ama tika enzi `ba si. Oti ama enzi drile mgbimgbi mgbimgbi mudri a limbi eri tro ama rutika Rubanga na`ndra enzi `ba si, adiki engwi anda mori `ba dri si kpe. Ra rii adiki rumu ru anda ani.
Oti ama uje enzi dri tro, disi adiki olu anda ingoni gba jo ideki enzi dii kuru sa `i? Alusa adiki olu Rubanga andra `ba ngasi kpe. Jo oce ru anda ri, ru dranga. Yesu ungwe farazei `ba laponyia Cara Mose drii inika rii tro `ba dranga ri`i. `Ba cidru otiru enzidipi disidru kaki enzi ide Rubanga na`ndra aia lidri a ru.
Ma`di cedia ani dri ani omgba o`ja kusa ani ore ma`dizi kusa nosi ani ogu libira ana lidri niga ma`dizi dri kuru ri ka enzo jo au adusi `ba cidru otiru enzi`ba. Ma`di na ani na`i enzo, enzidipi, vua dranga. `Dii ovi Rubanga a ani ndrejo ri`i.
Ma`di alu alu enzidipi erijo ndi o`du ani tijo ri inga. Nyi`de ta enzi rii alusa kuru sa, nyiya aci olure tadru ri `ia. Jo sa nyimba Cara cidru ni ta, nyolu dri enzidipi vua nyi ya aci olure tadru ri `ia.
`Dria ama aduta ide au ovi dri bajo diani di si `i? Kole du`ba oziki kiza Rubanga dri rini vua omukiru ruaru `ba ni lari esu`jo ama enzi si `i. Jo ari ama kuru, ama vu aci olure tadru ri `ia. Naa kare ama vure ga ri`i.
`Ba tete le`jo Rubanga dri a`ika ra rii a`iki a`i gba enzi `ba ni ra rii ni. Vua tro sa oniki ai kengwi anda wa rii a`i si ni ote rii ni.` Disidru, oniki le`jo `driaru gaka vua `baka maraga era kaa ako ni enzi nde`dia ri`i ni ote. `Ba le`jo driaru a`ika ra rii anda, jo `jozi koluki enzi `ba sa `i. `Dria oti ai di le`jo driaru si ana le si vua ai `ba tutu core ruaru nza ri `bati `i.
`Dii ce a nosi mbi? `Dii gbadru ce. `Diani disidru, kole amide adu Rubanga na`ndra `i? Kole ama`i ama cidru `ba enzi ideka ri`i vua `ba dri egweka `di ta raka enzi dri ku ri`i. Kolu ceku ama ni rakaa ajeni ama `ba anda rii a`dusi amide enzi kuru ni `i. Ki amengwi enzi `ba ni endru adusi amide enzi endru ra si ya, iyo alusa dini ku, oti ama enzi `ba. Josa ami`de adu, amolu enzi`ba. `Dii ra amani lebe enzi dri esu jo ri `i. A`i Yesu a batisimu dri si.
Ama `dria enzi `ba ku rii ta ama idele risi: ovidru bate ide ka, ogu, asa tro si ku ____ ki ama enzi `ba rii ama tika enzi `ba si. Oti ama enzi drile mgbimgbi mgbimgbi mudri a limbi eri tro ama rutika Rubanga na`ndra enzi `ba si, adiki engwi anda mori `ba dri si kpe. Ra rii adiki rumu ru anda ani.
Oti ama uje enzi dri tro, disi adiki olu anda ingoni gba jo ideki enzi dii kuru sa `i? Alusa adiki olu Rubanga andra `ba ngasi kpe. Jo oce ru anda ri, ru dranga. Yesu ungwe farazei `ba laponyia Cara Mose drii inika rii tro `ba dranga ri`i. `Ba cidru otiru enzidipi disidru kaki enzi ide Rubanga na`ndra aia lidri a ru.
Ma`di cedia ani dri ani omgba o`ja kusa ani ore ma`dizi kusa nosi ani ogu libira ana lidri niga ma`dizi dri kuru ri ka enzo jo au adusi `ba cidru otiru enzi`ba. Ma`di na ani na`i enzo, enzidipi, vua dranga. `Dii ovi Rubanga a ani ndrejo ri`i.
Ma`di alu alu enzidipi erijo ndi o`du ani tijo ri inga. Nyi`de ta enzi rii alusa kuru sa, nyiya aci olure tadru ri `ia. Jo sa nyimba Cara cidru ni ta, nyolu dri enzidipi vua nyi ya aci olure tadru ri `ia.
`Dria ama aduta ide au ovi dri bajo diani di si `i? Kole du`ba oziki kiza Rubanga dri rini vua omukiru ruaru `ba ni lari esu`jo ama enzi si `i. Jo ari ama kuru, ama vu aci olure tadru ri `ia. Naa kare ama vure ga ri`i.
`Ba tete le`jo Rubanga dri a`ika ra rii a`iki a`i gba enzi `ba ni ra rii ni. Vua tro sa oniki ai kengwi anda wa rii a`i si ni ote rii ni.` Disidru, oniki le`jo `driaru gaka vua `baka maraga era kaa ako ni enzi nde`dia ri`i ni ote. `Ba le`jo driaru a`ika ra rii anda, jo `jozi koluki enzi `ba sa `i. `Dria oti ai di le`jo driaru si ana le si vua ai `ba tutu core ruaru nza ri `bati `i.
`Ba Makaa ai Ayuka Ebu loso Aia Idele Risi rii Driasa Oluki Enzi`ba
`Ba dria sa oluka enzi `ba aia Yesu
ni a`ika avu ga rii adi ti `i?
`Ba makaa ai ay ka ebu loso aia
idele risi ri `bati `i.
Anyiba olaki Galatia 3:10 ti ana ciri ciri 11 tro, “Ba te e`bu Cara dri ideka au rii alu kode ai dri; Bugu ole ri ojo:`jo ma`di Cara cidru sile bugu `a ri a vu ni oko`di ku rii, alu Rubanga dri ko`de driaru.`Disidru ite`deru pelere ma`di alu sa ru ba `di anda Cara si Rubanga andra ni iyo adusi Bugu Ole ri ojo; ma`di anda a`i si Rubanga andra rii kolu lidri`”.
Ojoru, “…ma`di alu alu tacidru sile Bugu Ole ri `ia ria vu ni okodi ku rii alu Rubanga dri ri kode driaru ra.” `Ba itirikaa ai igeni Yesu ni ra, ki bikaa oluka anda ni ebu loso aia idele risi ri bati alu kode aia driga ra. `Ba bikaa engwika anda e`bu aia idele risi ri bati ingo.
Rubanga ohwe amani Cara adu le`jo si? Ohwe amani Cara ni rii ausini ameradru ama enzi ni (Roma 3:20). Vua tro sa ole amani ote ama enzi `ba vuka aci a ri`i.
Nyigeni Batisimu Yesu dri`i, Ngwaapi Rubanga dri`i, vua nyitiru `di eyi si vua Endri si. Jo`dini nyi rari enzi `dri a ra, nyengwi anda, nyi lidri olure tadru ri esu ra vua nyi ya bu a. A`i kolu anya asi ni a aa.
Enzi Lecuma Dri Nde`dia Vudri Dia Ri`i
Enzi lecuma dri ndedia vudri dia rii ingo `i?
Makaa oluka Cara si`i.
Amesu tutu ama a`i `a oluka tutu driaru idri aa si. Rubanga ka lari hwe `ba a`i aidrii le`jo driaru idri aa ri `bati ni.
Ki o`du disi, a`i `ba lofo, Kristo`ba amgbu omaki oluka Cara si ni ra. Ojoru gbaru omaki olule Cara si. Ki `di engwi adu ni ingo ni?
Kole eraki ani `dii lali ovi ingoni ri`i ya `i amani olujo cara `driaru si `i. Omaki ra sa keya keca okpo. Ojo aini, “a`i kenga le`jo nzele ri erika niga, vua erile rii le`jo Rubanga `dri`i”. Kole obeki mi ngwengwe `ba dri rii pi `bani lari esu jo `i.
Ki o`du disi, a`i `ba lofo, Kristo`ba amgbu omaki oluka Cara si ni ra. Ojoru gbaru omaki olule Cara si. Ki `di engwi adu ni ingo ni?
Kole eraki ani `dii lali ovi ingoni ri`i ya `i amani olujo cara `driaru si `i. Omaki ra sa keya keca okpo. Ojo aini, “a`i kenga le`jo nzele ri erika niga, vua erile rii le`jo Rubanga `dri`i”. Kole obeki mi ngwengwe `ba dri rii pi `bani lari esu jo `i.
Kole Ebeki Ama Ovi Tema Rii Ra `Ba ni Lari Esu jo`i
Kole amide adu ama
ni lari esu jo `i?
Kole ebeki ama ovi tema
rii ra.
ni lari esu jo `i?
Kole ebeki ama ovi tema
rii ra.
Ma`di ka rari wa ni ingoni? `Dii te ce rii kesua Ma`di a`i ani enzidipi ni kpa. `Draa sa `ba amgbu ziti esuki driso layu kuru adusi kaki ta ego aia igenile ri ga kpe. Rubanga ojo `ba enzuka Cara ru rini alu ode aiidri ra.
`Ba itirikaa ai kengwi anda makaa Cara ta mbaka si aia Yesu ni a`ika avuga rii alu ode aia driga ra. A`iki Rubanga ni ra, ki ru sa kaki uraa kole ai kolu Cara a lekaa ri ani lari esu jo.
Ma ozi ma lele ndro ri, adiki engwi anda ebu `baa idele ri si wa ya? Adiki engwi anda wa rii tete geni `baka le`jo Yesu dri ri idri si vua adiki layu esu ausi adi`te. Tete geni `baka batisimu Yesu dri ri idri, ari driaru ri idri, vua Ata, Ngwaapi, Endri Ole ri tro ri idri ka ama ayu ni.
`Ledii ra Rubanga a Cara aidi hwejo ama cidru ni engwi jo anda ri`i. Layu eyi dri Endri tro rii ovi ru ebu `ba dri tro ku. Ki rarii oviru a`i le`jo Rubanga dri `ia ri tro. Rubanga ebe ama kulala rii a`i si a`dusi dii ovi ana lari amadria tini uba jo vua ikojoadru ri`i.
`Ba Yesu ni a`ika rarii esuki layu kuru adu si? Adusi a`iki le`jo layu dri eyi dri vua Endri dri rii kuru. Amasa, ama tesa mbi `ai ani, a`dusi amesu layu a`i si rii le`jo Rubanga `dri a`ika si.
Kesu oli jo `ba eri ko`i ta oni anya `i`jo ri idri, ma`di tesa ebele vule ga ri kaci andraga ebu ni ideka tro, jo ma`dizi rii odu pi, Ma`di ebele vulega rii kite`dea ma`di layu esu`di kuru ri`i. Alu ri le odu pi ki vua alu ri le ebe mara ga adu si?
Ra ni amala ma`di zikajo ri otra asi le`jo Rubanga dri eri re vua a`i re a, ki zikajo ri le otra asi okpo si rere rii Cara ta mbare ga disi mgbe sa obe ani aci olure tadru ri `ia. Ma`di na ani na ori kaga Rubanga dri, ki Rubanga oyo ani angwe kendre la`gu a agaka ana pa nidri ri ani. Jo ma`di obi agaka Rubanga dri makaa Cara ta mbaka si ni, adi bea aci olure tadru ri `ia.
Ledii ra layu esujo eyi si vua Endri si ri`i.
“Ba te ebu Cara `dri ideka au rii alu ko`de ai dri; adu si osiru,`jo ma`di Cara cidru sile Bugu a ria vu ni oko`di vua ide`dia ku rii,”` “Ma`di alu sa rubadi anda Cara si Rubanga andra ni iyo, adusi ojoru, `ma`di anda a`i si Rubanga andra rii kolu lidri`” (Galatia 3:10-11, Roma 1:17).
Le`jo Rubanga dri a`ika ku ni andraaru enzi. Inzajoadru, le`jo driaru baka maraga ovi `ba dri tema ria vu ni okoka si isa enzi. Ru `ba dri di kolu Cara `driaru si kpe a`dusi oti ama enzi `ba vua adi aci enzi tro lidri `ba dri a ru. Adiki enzi ide gaadru dia, gaadru na `a vua kare cidru vure ri iga. Kole eraki oti ama ru si disidru amikonyia kpe ki te wa rii amaci enzi ideka tro andra ga.
`Ba ni kendre evu retugo peteleza dri ani, jo obi unzile ire ire ni, kozo kaca kare cidru ga, amasa ama na ani. Adiki enzi unzi ri ide kare cidru vure ri iga. Nyidia eno ni ko wa ya?
Nyi driasa `rumu kendre nyi ole ani ya? Jo ini ta gba nyangasi nyidri ote, nyi makaa oluka ole nyadru ni ga mgbe ki ra rii nyi eyi vua ari Yesu dri a`i au.
`Ba cidru driso rutika di kuru rii kole kobeki aia `dri okpo ni pi vua ka`iki ai Rubanga na`ndra enzi `ba `bu dri teka ri`i. Naivu, kole duba kengwiki le`jo driaru ri iga ausini koniki dru ana lari `ai arijo eyi si vua Endri si rii ote.
Copyright © 2021 by The New Life Mission
