• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English
English

Sermons

Ta tajore driaru ri `I 2: Cara

[2-1] Kesu oli amide ta cara `a lekaa ri ani ri, ka ama ari wa ya? (Luka 10:25-30 ojo)

(Luka 10:25-30 ojo)
“Laponyi cara Mose dri inika ri a alu emu Yesu dri ana ti ondijo, ojo, `Laponyi, ta loso mani idele, mani lidri olure tadru rii esu `jo rii a`du? Yesu ojo anini, `Bugu cara Rubanga dri dri o`jo a`du? Nyi ehwi ani, enze ingoni?` Ma`di `dii a`i, `du`ba anyile Opi Rubanga anyidri anya asi cidru si, Endri anyidri cidru si, vua kole anyile anya wadezi ni kendre anya anyi leka ri ani. Oko ojo anini `nya `i anda; nyide`dini ri, nyi lidri olure tadru ri esu ra.` `Ki ani anda ni ite`de jo, ma`di` di ozi Yesu ni, `ma wa`dezi ni adi`i?` Yesu a`i ojo: “ Esu ma`dizi alu komu ana amu ga, enga Yerusaleme a, komu Jeriko a, `ki eciki` ru ogu tro, ogu di `bati unzu ta driaru `rii cidru pi, omgbaki ani oko ofeki pi, e`beki ani ire ka riko.”

Enzi `ba dri retugo rii ingo `i?
Oluka ama ra si `i.

Luka 10:28, “Nyide`dini ri nyi lidri olure tadru ri esu ra.”
`Ba kolu enzi ambgu aia vico dri tro.` Ka rura nyi raa aini dri luci Lari a `aa ani. Kaki endre kendre `ai ciri ani ki ai unza ka ni adu, disidru oluki ta unzi aia idele ri`a unzi ni nika ako. Oti ama amaa ama nika ako, ki adi olu kendre draasa adi ide a ani. Kendre ba`a ai nika aiangasi ku ri ani, Bugu ole ri ka ngwaa amani `di`di ama enzi `ba ni `i. 
`Ba ka ta jo aiangasi aia enzi ni dri, karitiri kendre `ba oma ta anda ri idele kpe ani, ku iri oma ki ai `baka anda ni ra. Kaki recu aia ebu idele loso risi vua kaki ndrea au. Jo te kojoki aia tisi ai enzi `ba sa`i. 
Oniki alusa di ta loso rii aia ni aa ya kusa `di ai`dri mori ta anda ri ide`jo aa ya ni ku, disidru obiki `ba zi ti unzaka vua saa ziti si kaki ai unza aiangasi. “nyemu dia, adiki, kpo olu unzi kpe. Ta loso rii kolu ba`a aa”. 
Diiivu, kaki `ba ziti ndre kakiko kakijoa aini aiangasi, “Wo`oo, ara ide ta nai kuru. Esu kide kuru kolu loso. Jo kojo `diani ri kolu anini loso ndro` Ara esu mani ati, disidru mitiri ka ta ide retu kendre ma`di layu esudira ri dri ani. Mesu layu gbadru ledia, ki kesu mani ta nza midea loso rere si ka ana idele ri nde ra.” Kaki ndrea ma nyi ani ku. 
Tesa jo esuki icandi ni kaki iligo aia asiti ga ria si ni pe. “Nyite dri. Nyindrea ma nya ani ku. Nyiraa nyi mani andraga, ki nyite gaadru. A`dusi osiru Bugu Ole ri `ia `ba vulega ri kevu kolu ati. Disidru ani ote tadii karide mani sa di ani. Nyite mako memu ma tadi itede nyini ra.” `Ba ka ai unza aiangasi.
Nyiraa dria nyi mani ati, ki nyite dri, osira Bugu ole ri`ia `ba vule ri kevu kolu ati. Ani ote madrii aiani nyite mango ma nyini etea ra. `Ba ka ai unza aiangasi` jo kideta ovi alua kendre ani madizi a kare ga risi sa anini ka le`jo alu disi ni okpo jo komba `ba ndra ni sa, konia mgbe ani ka olobo konyi ako rii eri ua isa ote` adusi oni dria ana bongu ovi ni ote. Jo ozi noosi `badri mori ta anda ri idejo rii aa ya, `ba amgbu ri kojoa aia tisi aidri mori iyo. Ki rarii aia asi nia, ai egwi enzi dri enzi dii badia kengwiki aiangasi mori ako ri `i.
Kaki maa okposi olule anda paka aia dra ni nga. Kaki raa `anda anda` aia asi ni a aa vua aidri mori ta anda idejo rii aa. Vua tro sa kaki igenia aiangasi ai `ba loso ndro rere ri `i. Jo koluki dini a ingoti sa, nzanza ani `ba ranika e`bu Rubanga dri di iga nza ribatii, kaki raa ma di bati na tro ide Opi ni wa ya? 
Ki oli jo oduki Opi ni ama lidri nia pi, adiki gba ta anda ri ide wa ya? Ta loso rii`ba`a aa ya? Adiki gba olu e`bu loso ri ideka tro wa ya? `Ba lidri dri mori ta loso ri idejo wa rii hwa alusa iyo. Jo komaki idele aiangasi ni sa, kaki enzi ide au. Ziti ka Yesu ni mwi maraga ani a`ika a vuga `i vua kaki maa olule anda ni aiangasi. Tazi iyo ki rarii ama cidru `a oga ta unzi risi. Saa cidru ama ta unzi ri ide au. Ama amangasi (`Ba rarika ra ri tro) ama te enzi ide au. Dii ondo ovi ama ru dri `i.

Joisi adi ki idea ingoni 
cuwi ya nosi unzi?
Unzi.

Ama Bugu lecu dri ia osiru, `nyecu Yesu a ru ni.` Longo zi ri kongoa dini, “♪Yesu ni ako ama trwi ra. Ama konyi ako kendre meli meri a alidi jikaa ako rii ani♪”. Yesu ni ako, amate enzi ide au a`dusi ama enzi `ba ama dri mori ta anda rii i`dejo rii esu lari vu.
Paul ole rii ojo, “mide ta loso ma lele mide rii ku, rari ma ta unzi ma lele mide ku ri, idea `bo au” (Roma 7:19). Jo ma`di kolu Yesu tro, ta zi iyo, ki jo ma`di nita idele anetro iyo, ma`di di koma`a ta loso ri ideka Rubanga a andraga au. Diani disidru ma`di` izi kusa/ago dii jo koma ingoni sa ka enzi ide au. 
Opi Davide isa ide enzi ovi alua di `i. Aninga ganyi dria ru ria olure egbe si vua limi a ri `i, undrwe zi alu, otu anidri jo dri` caka ga. Ki oko`ondre eno lubi dru rii di, mgbesa ura ana asi nia vico dejo rua rii au. Ana Opi ni igwere dria ra rii kendre adi ani`? Kendre gbadru unzi. Ide nyaru Betiseba tro vua oko o`di ago ni Uria ni kpo, ki ka ta unzi di ndre anangasi kpe rarii ozi kiza ra ana dule disi au.
Ki o`du alu, Profeta Natali emu driaru oko ojo, “Esu ganyi zi alu ki aaru `ba eri, zi rii ma`di ta ako ri `i vua zikajo rii ma`di ta tro ri `i. Ma`di ta tro di dri bilo ekpadru ti tro. Ki ma`di ta ako di dri ta alusa iyo, tete bilo angwa alu. Amu oce, kemu ma`di ta tro di dri di ta driaru amgbu di tro sa ebe bilo anidri rii ti anidri di tro ra oko oli bilo angwa alu tende ma`di ta ako di dri dii ana amu ni azijo au” (2 Samuele 12:1-4).
Davide ojo, “Madi ta `di idedi dii kole duba kodra!” Angala oko ani kendre kpe, oko ojo, “driaru anangasi ta ekpwadru, esu kodua alu au sa wa. Ki driaru, oko odu ma`di ta ako dia bilo angwa alu tende dii ana amu ni azijo au. Kole kodra ra!” Diivu, Natali ojo anini, “ma`di `dii nyi `i.” Jo okoki Yesu a vu ni ku vua oluki anitro ku, `ba rutika Endrisi di – di `bati isa kaki ta unzi ledi bati ani ledi ide wa.
`Ba cidru ni sa oviru vi, josa `ba ole ri `i, ama tesa ruvi aietro ra. Ama ta unzi rii ide Yesu ni ako. Disi amanzea endru sa di rii Yesu a ama arika si. Jo kolu ta unzi ama a rii. “♪ale movu lindri kuruce dri iti`♪”. Ama asi ka lovu esu lidri Yesu `a layu dri iti. Jo ebeki lidri `dii ra vua ondreki `ba `baangasi ri, esuki alusa lovu ku.
 

Rubanga ohwe amani anda anda a`i si rii ocacare dri cara ga kuku.

Ri le okole bero rii
ingo `i, a`i `a nosi Cara?
A`i
 
Paul ole ri ojo Rubanga ehwe amani anda anda a`i si dii taa ido nga. Ohwe ai Adam tini Eva tro, Kaino tini Abele tro, Seti tini Enoki tro, Nue tini Abaramu tro, Isako ni vua tatini asejo, Yakobo tini `Boronzi anidri mudri alimbi eri ri tro. Cara ako sa, le`jo driaru risi esuki tutu lovu tro aia le`jo driaru rii a`ika si. 
Saa ali diiri suru Yakobo dri ri odri olure opigo dru Ejito a kinya 400 Yozefu si. Rubanga oko eji ai olure vu Kanaani dri ri iga Mose si. Ki, kinya 400 aia olujo opigo a riisi igweki anda anda a`i dri rii ra. 
Rubanga oba ozaki meri Umbizakpwe ni nyuma anidri si oko oji ai hwesihwesi a. Oce kocaki hwesihwesi a vu enzi dri iga di, ohwe aini cara be Sinai a dri ga. Ohwe aini cara ani dii cara mudri rii vua ana ewo ranzudi ciriciri kpodru 613 rii tro kpodru. Rubanga ojo, “Ma opi Rubanga anyidri `i, Rubanga Abaramu dri `i, Rubanga Isako dri `i vua Rubanga Yakobo dri `i. Anyiba Mose kemu be Sinai nidri, mako ma anyini cara madri hwe ra.” Diivu, oko ohwe Isaraile ni ana cara ni. 
‘Ohwe anini cara ni ausini konikidru ta enzi dri ote’ (Roma 3:20). Dii ziniga di ai inijo ta ana lele ra vua ana lele ku ri idri vua kitededru ana anda anda ti ana ole ole tro.
`Ba Isaraile dri kpodru engaka opigo ga Ejito a paka kinya 400 ri `bati aliki meri Umbizakpwe ni a si. Ai kpodru esu Rubanga Abaramu drii, Isako drii vua Rubanga Yakobo drii kuru. 
Oniki ani ate draa kinya aia olure opigo ga kinya 400 di i`a ri `i, igweki Rubanga a anda ni ra. Saa na si, ai dri dri iyo. Yakobo ti Yozefu tro aia dri ti i, ki aisa udra ki oku. Nyiraa Yozefu ofu a`i di hwe si ana `boronzi ni Manase tini Eferemu tro kuru ani. 
Disidru, kole kesuki aia Rubanga ni `di vua kovuki driaru adusi igweki ana anda ni ra. Kole eraki ujea a ci rii Rubanga ohwe aini ana anda anda a`i dri rii oko ohwe aini ana cara `i aia ani igweka di si. Aia cara ani igweka di si. 
`Ba Isaraile dri rini lari esujo vua ai ecojo `ba anidri riidru, ojo aini kole koliki ru ra.
Isaraile ni arijo vua a`ijo `ba anidri ri tro, ojo aini kole koliki ru ra ana ai ungwejo rii kebedru koniki ote ani aia ata `i ana aini cara hweka si rijoa rii, kebe konikidru ai anda `ai enzi `ba ni ote `i. Rubanga ole kovuki ana ndra koko kengwiki ana `ba ti `i layu aia esule azi ovi ana hwele aini risi risi, oba engwiki ana `ba ti `i.
`Ba Isaraile dri esu layu ovi azi cara dri si dii aia Aridipi ni emudi ri a`ika si ovi azi azijo diisa saa oce koca naiti di eya oe iyo. Anyiba ondreki dri di ideru adunga ya `i.
Luka 10:25 ga, Ta ojoru laponyi alu cara dri emudi ana ti endijo ri idri. Laponyi cara dri dii Farazeigo. Farazei `ba dii `ai `ba gba anda oluka le`jo Rubanga dri a vu si ri `i. kaki bia aia vua tani mbale naivu kaki bia olule cara Rubanga dria vu si. Amala `bazi sa okpo retu tro di ani rii aa ai dii ungwea Zealots, aidii `ba ta ideka a`a raka ako ri `i vua oleki rudika ndro ausini ai kesu dru anda anda ta aia urale ri dri ni, dii drimgbo Isaraile dri Roma `ba dri `a ri `i.

Yesu ole ani kesu adi `i?
Enzi `ba leidipi ako ri `i.
 

Dini weli `ai ani ledii o`du disi sa `aa. Ka aci andraga egbwe lase aia ebu dri tro ovidru `Anyari `ba icandi ……a rii vu ndutu dri. A`iki ra Yesu eya lari hwere `ba ta ako vua `ba icandi hwere aini ri `bati ni disidru tanika seminary a Rubanga dri ni vu, kaki ewo ciri lase dri dri isa du tro; vua kaki bia `lase hweka lemu ewo mgbimgbi ri iga.
`Ai `ba jokaa, “Anyiba kpodru oluki cara ole vua kiza tro ria vu si ri `i….oluki cara si, kaki maa ufele ofu cara dri si ki mori okpo tro letedru cara anidri ia rii raka ako.”
Disidru, adiki joa Profeta nainga iyo; tiluza Rubanga drii, Isaraile `a kate ire kinya 400 Kristo oca eyare kuku ri `bati `i. Di oba, engwiki bilo acaka leidipi ako si ri ani.
Lidri cara ma`di a`i dri `a ta mbadi anda anda tro sa iyo. Rubanga ete`de ani amba dini dri ndreka o`du nasi ri `bati ni kuru a`dusi nainga vu engwi lari amba Roma ni asidi ridri iti. Disidru Yesu ojo Isaraile `ba ana vu koka hwesihwesi a rini ani oze ai abiri tro pi ku. 
Kiza oko ani bilo leiba ako risi a`dusi nainga `ba ni amgbu weli ani ubi` Laponyi cara drii `ba Farazei `ba drii tro a`iki di ani. Ewo andaanda lini cara dri hweka dini Yudei `ba dri idri ri isa iyo. 
Adusi ai lecu `a `ba. Amba cara dri di ozi Yesu ni Luka 10:25 ga, “Ta mani idele mani lidri olure tadru ri esujo rii a`du?” ori kitiria kendre ma`di loso ana ani `ba Isaraile dri `i lofo iyo ani. Disidru Laponyi dii (ma`di layu esudi kuru ria alu `i) ozi ani, ojo, “Ta mani idele mani lidri olure tadru ri esujo rii adu?” 
Laponyi dii ondo `ba dri `ba ngasi rii ozi Yesu ni, “Ta mani idele mani lidri olure tadru ri esujo rii a`du?” Yesu ojo anini, “Bugu cara Rubanga dri dri ojo a`du, nyi ehwi a ni enze ingoni?” 
Ma`di dii a`i`, “Duba anyile Opi Rubanga anyidrii anya asi cidru si, Endri anyidri cidru si, okpo anyidri cidru si, ra anyidri cidru si, vua kole anyile anya wadezi ni kendre anya anyi leka ri ani”. 
Yesu ojo, “nyai anda; nyide dini ri nyi lidri olure tadru rii esu ra”. 
Ozi Yesu ni ani unzi vua dobo enzi dri alusa ta anda ide`di kpe ri `i ni nika ako. Ki Yesu ozi ani, “Bugu cara Rubanga dri dri o`jo a`du? Nyi ehwi a ni enze ingoni?”

Nyi Cara a ehwi ni nze ingoni?
Ama enzi `ba Cara ta mbaka
kpe ri `i.

“Nyi ehwi ani enze ingoni?” Le`jo disi, Yesu kozia alu alu ni, oko nyi `i vua ma `i, Kole oniki vua eriki cara a ehwi ni kendre `ba amgbu a idekaa jozi ri ani, Laponyi di isa ora Rubanga ohwe cara dii anini ta`a mbale, disi a `i, “Duba anyile Opi Rubanga anyidrii anya asi cidru si,Endri anyidri cidru si, okpo anyidri cidru si, ra anyidri cidru si, vua kole anyile anya Wadezi ni kendre anya anyi leka ri ani.”
Duba oleki Opi Rubanga `ba drii `ba asi cidru si, Endri `ba dri cidru si, okpo `ba dri cidru si, ra `ba dri cidru si vua kole oleki `ba wadezi ti kendre `ba`a `ba leka rii ani. Ani ta ce ri `i `bani Rubanga `ba drii le jo asi `ba dri cidru si vua okpo `ba dri cidru si ni `i, ki ani cara ole rere taa ka rumba sa kpe ri `i.
“Nyi ehwi ani enze ingoni?” ehwi ani cara ni anda vua ce, ki nyile nyeri ingoni? Laponyi di ora Rubanga oba cara ni ani ni erile, kuri, cara Rubanga dri ohweru amani ama enzi ta anda idejo kpe rii erajo. “Ta enzi `a idele ri baka corokpo si. Nyide enzi ra majorea o`di `baku ri isa idi `ba ra. Nyeri ma ku a`dusi?”
Cara ka enzi `ba asi `a ri ete corokpo. Oraki dri ovidru tee ma emure dia rii, mendre injumundru amwadi ra rii amvu a na `a. Rubanga i`jo mani cara si, “edu injumundru na`i nyale ku; Jo nyide ra ka mani drinza ke ra”. “iye baba.” “Amvu nai adi ti dri `i, disidru, odu ta aru ku”. “Iye baba”.
Jo gaadru sa eri odu ku ni au, a`diki bi ba durea ga ku. Ovidru jo nyipi sipiringi vuru konga oru ka ta gba. Enzi `ba dri isa ondo ladi ani. Rubanga ojo amani kole alusa` ideki enzi ku vua `alusa` oluki pelere andi ako. 
Rubanga ojo amani kole ideki ta ego rii au ku. Rubanga a ra tadi jojo rii ana oluka ole si, vua driaru okpo tacidru ana ti ubale ra ri idejo aa. Leti zi si, ama ‘hwa’ alusa enzi ide ku kusa ama ‘hwa’ olu anda pelere ni kpe. Ta anda rii ‘hwa’ alusa ama asiti ga iyo. Le`jo sile Cara a ri kojoa amani ‘hwa’ alusa kole ide enzi ku `i. A`dusi? A`dusi asiti `ba dri ri iga `ba leka asi `a aa. Tazi amani idele wa ani iyo rarii ama aci `ba leka asi `a di tro andraga. Ama asa ide ni vico asa idejo ria oluka ama asiti ga aa si.
Mamarea ati rii manzu le`jo ofu ni `a rii aia ovi si. Dia Yesu odra Kuruce dri mani vua ka mindra ni imba `dire ga kpe. Ma ma`di enzidipi diani rii disi odra kuruce dri ma enzi si …Ma asi ka ma nya `dasa ku ausini ma dru ani igeni au. Diivu ara, `jo maya aia ru, `mai`a le`jo driaru a lekaa ri ani.
Ace mala bugu Aci dri 20 ni di, a`jo, “alu sa nyidri Rubanga zi ma andraga iyo”. Milegi enzi rule cara si risi. Muraa asi cidru si di madri Rubanga zi mandra ga iyo ya `i; kusa di mungwe ru ani nyadru kuru ya kusa nosi awo `di Rubanga zi andra kuru ya `i. Aya mera awo Rubanga zi andra vu ekpadru si ndrolea saa ma ta azijo laru hwejo ma a`bi ni risi. Mide enzi madri Rubanga zi raka aa si. 
Diiri milegi enzi rujo, “Opi ahwe laru ori unzi ni ra. Vua kole mesu lali lamgba tro ausi. Ayi nyebe mani ma enzi ni ra. Hwa amide enzi zi di ku”. Disidru, kolea enzi ta kombaru. 
Disidru ari asi trale `di ajo ru driru rii nyadru kuru ya `i. Oko, mera vu atijoadru ma Rubanga, ni igenijo risi ma tuba se. ma ozi ti ojo mani dii nyi drinza hwe Rubanga ni nya tuba sekasi `i ku ya? Kristo `ba ka tuba se ingoni? 
Ladii ta alua ruvidi ru driaru ungweka nyadru tro vi ri `i, ani ani ku ya? Disidru milegi “di Opi, mungwe nya ru ni nyadru. Ayi nyebe mani ra. Ma tuba seka imba di.” Ango ama tuba seka ni imbale `di sa mesu maci dukaa tro andraga, zitisi ma sea ra zitisi ase ku paka kinya ndi. Dii gbadru okpo, tuba seka imbaka apa olule ta okpo rere ri `i lidri madri ri `ia `i. Ki vulega, ama gba mgbe tuba imbale ru ni wa. 
Dia enzi iyo ri isa adi bia idele ra. Iyo rii, “Anyimba o`du sabiti dria tani kolu dru ole” ehwi ani kole mide e`bu o`du Rubanga dri risi ku; jo kolu e`bu nosi ziti `i sa `i…..kole mamba e`bu ideka o`du Opi dri risi tro di. 
Le`jo cara dri ri `ia ziniga sa osiru “Kole duba nyiru nya ata ti nya endre tro.” Ma ma endre ti ru ma ata tro wa ni kesua ma aia laga ga lolu, ki jo ma aia laga ga ire ai mani dri legbwi. “Ayi mani ma `i, Mide enzi Rubanga a andraga ra. Nyebe mani ra, Opi.” Milegi enzi ruka tro.
Ki dria ma ma ata ti ru ma endre tro kpe a`dusi udraki dria ra. Ki dria ma a`du ide? “Opi, nyebe enzidipi konyi ako dini ana enzi ni ra. A`dusi idra Kuruce dri ma si.” Tadisi asiti madri rii egbwe titi!
Ayi Opi, nyebe enzi dipi ci ako dini ra, `Idra Kuruce dri ma si` Anzo oko ma lase ovi disi, kusa amide ebu enzi madri tro alualu. Cara ziti isa aa ovidru o`di `ba ku, ide nyaru ku, ole ta `bazi dri ku….Paka o`du ma erajoadru ta dii amba ta ani alusa kuru risi, milegi iniasi ra iniasira` ki ini ra, ilegika enzi mika si ni `a alusa ta cuwi iyo. Anyiba dri ojoki ta driaru. 
Jo dria ta joa ana repaka, kuruce dri nidri, ma ari imba okposi jo kolu lou sa` i. Odra ama oluka le`jo driaru a anda si kpe si. Mesu lini cidru ana ma leka ndro vua ana mani egbwe hweka si. 
Kinya ma rijoadru ayajo ekelezia a rii tro adu ki kinya oce ani kinzaru di oluka enzi tro si engwi mani okpo rere amala kole marata okposi mindra ni efujo ma mi ga `i kendre ma idekaa be ri ani, jo mindra emu mami ku, mgbesa madri maya o`du bale ilegi abiri take tro ri iga. Diivu mgbe mindra kegwe di. Masi omvu ma mindra a, emuka si pi, vua mowo ekelezia a. 
`Ba Malaga ri kojoa, “ilegi nyidri be dri di oba nyengwi ole rere.” Ki mindra mami ri onzu zinaiga ci. Engwi gba kinya najo risi le okpo. Ma enzi ma idele ma ozi tini Kristo`ba ziti tro rii era vua zina iga di. Ma mi niga ta mindra badi ri aa, ki ide e`bu alusa ku. Oce kamvu di mgbe ama owole kpe, mamaa ingoni sa ama kpe. 
Kinya 5 a vu ga, ma owo kpe tee mabi mori si ani ingoni sa `i. Ma omvo kido rale ni. Kinya ali amgbu dia vuga di, kiza oko ma ni, di oba Rubanga ide mani kiza Bugu Ole rii la `jo idi.
 

Cara ni ta nijo enzi dri

Kole amera Cara `a a`du?
Ama Cara ta mba kpe `i.

Bugu Roma dri 3:20 ka rula dini “cara oba ani ama enzi ni ote.” Aijoa rii, le`jo rusidi ofu loso ri `ia ri `ia majugo Paulo a`i le`jo ani ma jole dii ra. Ma mindra oce ani konzu di mgbe abi mule andraga a`i madri dini a ritro kpe.
Adri ma enzi ide sawa cidru si vua enzi tesa ma asi ni `a `aa di itede `ba kolu anda ni cara si kpe `i. Abi kpe, ki di ite`de aga cara ni mgbe `i ku, amala cara ni ma`i ra ohweru ta ani mbale. Tati okore ga mengwi ma`di le`jo alidi ri `i kendre sika na bugu ole ri `ia ri ani. Lidri okpo o`ko eca mani mujo andraga leti a`i dri ri iga ci. 
Enzi madri ekpadru, ki saa ma bugu cara dri lajo risi, oba mera enzi ma idele cara mudri ri `ia rii nyoka si rii ma asiti ga ra. Ta enzi rii raka asi `a ni enzi ideka, vua abi mangasi mengwi dru anda cara vu okoka si ta cara a idele dia ehwi ni erika anda kpa ni ako.
Disidru jo anyo cara ni kuru, ma asi ni egbwe, ki jo anyo cara ni ra, ma asi kolu laza, mengwi anya mama eri unzi, vua madri ka ruci ta di batisi ra. Esu kolu loso na ingo ti oliku jo ini ma le`jo andrani cara dri risi mani ta driaru pelere `i. “Ka, kole nyeri cara a ehwi ru gba ni ati. Cara kitedea nyolu enzi tro; vico siti le `jo risi, vico uku le `jo risi, vua vico ta vudri dia rii le `jo ri tro cidru. Nyi ta vudri ri le ka Rubanga nde ra. Nyilegi vua nyi ta vudri ria vu ni oko ka Rubanga nde ra. Cara ohweru `ba ni ta ani mbale adite ku, kolea koba nyini nyi enzidipi vua enzi kolu nyasi `a ni ote.”
Esu ma`dizi kini mani ta anda cara dri rii ra micandiru kinya mudri dipi akoko ku. Ta anda cara dri rii mitiri ma nikaa kuru si oba menzu cara ru kinya mudri nyadru dii vu adri ta anda cara dria ehwi ni esu.
Cara isujoa rii ojo “Nyera o`du sabatu dri vua nyiba kolu ole.” Le`jo sile di ite`de amani kole ide e`bu o`du sabatu dri si ku. Kolea aci kusa omu lolu itu Rubanga si ku. `Bazi `bati koraa risi risi ani ta ce ri `i vua laru hweka Opi ni amala esu kare ma ta onzere `ba Opi dri ni rii lolu sa ace memu mala cara isujoa dii di, ale mabi vu ani okole di, oba ta ma nzele ri ideka au ni engwi okpo. Di oba ire ma e`bu ta onze jo rii ebe.
Kendre ana rusika ra rii ani, “Nyi dia ehwi nze ingoni?” Abi lazi dia ehwi ni erile kpe oba micandiru kinya mudri (10). Ma`di ta nidi cara dri ote rii isa oma ta ani dru rusidia dia ehwi ni erile pelere ni kpe. Ma`di cara dri ta nidi ote di ora risi jo ani ka cara ta mba `i ri Rubanga ka tutu co aniru ra.
Ki Yesu ojo anini, “Karula ingoni”. Ma di cara dri ta nidi ote di a`i ani ondi ovi ani inijo risi. “Yesu ojo nya `i anda; nyide ondo ana rusika ri ani. Jo dini nyolu lidri ki nyidea ra ya jo nosi nyide ku, a`dusi enzi a musara ni dia nyidra ra `i jo nyide ku i”. (Lidri a ri `jo ni dra `i, ani ani ku ya?) 
Ki draa Laponyi di eri ehwi ani ku Laponyi dii anyetro ru ziti di ani, nya ani vua ma ani, ala ta Rubanga dri kinya 10 ama ta aa rii cidru ra, ala ta aa rii cidru vua mide ai cidru ndrole: abiri taka, ta uele nyadru ta joka ti mgbimgbi si tro, …. A`la Bugu Ole rii kinya 10. Ki oli mama tazi ikoka ra sa endri si le, ma draa ma`di ta ndredi kpe mi ako ri `i. 
Ledii ra kolea enzidipi kesu ma`dizi ana mi ni awile aussi ra ri `i, vua ma`di ledii ama Opi Yesu `i. Disi Ma`di alu alu keraa “oo ama cara ta mba kpe. Jo e`bu okpo cara ta mbare ga ingoni sa, adiki cara ta mba kpe. Ki Yesu emu ama arire eyi si vua endri si! Alleluya!” Eyi endri tro rii ka tete ama ayu ni. Ani kiza hwe tro Rubanga dri `i. Disidru ecuki Opi ni.
Ma andra adu ma engaka ra ako ta caku caku ri dri iga si pi si `i, ki `ba ziti ka aia saa ni hwe ndutudru ta le`jo Rubanga dri a jole ria vu okoka si sa hwa eraki ta anda rii ku paka o`du aia dra dri ri inga. `Ba ziti igeni tadii cara kinya mudri vua ziti kigenia a`bi si a`bi si).
Amesi olule enzi`ba ni ama erarea hwa ama cara ta mba kpe nidi si ku, disi anyiba dria ombaki Yesu na ndra vua eriki ofu loso eyidri vua endri dri dini. Jo oleki Yesu ni ra, ikoki le`jo cidru ra a`dusi dria ovuki aci olure tadru ri `ia ku. Ru enzi `ba ndekaa ri `i, ki engwi anda rii ana ama arika eyisi vua ari si` si. 
Yesu ojo amani hwa amolu ana le ni` a kpe ojo dii laponyi cara dri rini ki laponyi cara dri ri obi le`jo dia ehwi ni erika kpe. Disi Yesu eta anini o`do ani ikonyijo ehwi ani erijo.

Aduta oba a`i `ba
dri ede ni?
Enzi.

“ Esu ma`dizi alu komu ana amu ga, enga Yerusaleme a, komu Jeriko a, `ki eciki` ru ogu tro, ogu di `bati unzu ta driaru `rii cidru pi, omgbaki ani oko ofeki pi, e`beki ani ire ka riko” (Luka 10:30). Yesu ojo le`jo ehwi dii laponyigo dini engajo le`jo lokugo ana ricandijo ana lidri ni a ri idri, kendre ondo ago dii ogu a` mgbakaa ire ka riko ri ani.
Ago di eya lile esi ngajo Yerusaleme ga yajo Jeriko a. Jeriko ka vu dria di ete au ki Yerusaleme ka ganyi `dini dri itede au, kitede`dea amani jo isiki Yesu ni ovi dini dri si, adiki rivolo ra.
“ Esu ma`dizi alu komu ana amu ga, enga Yerusaleme a, komu Jeriko a, `ki eciki` ru ogu tro, ogu di `bati unzu ta driaru `rii cidru pi, omgbaki ani oko ofeki pi, e`beki ani ire ka riko.” Yerusaleme ni ganyi retugo ledii kare amba a olure ga ri `i amba azi ole ri dri naa aa, aidri paderea dri sa aa, `ba engaka suru cara nika ote riiga riisaa Yerusaleme a ekpadru, disi, kaki bia olule cara si. Leti vujo Jeriko a dii ojoru laka ogu aa.
Ago di oca dri ogu tro ngajo Yerusaleme yajo Jeriko a diiri ogu di `bati unzu bongu driaru pi, bongu driaru `unzuka pi dia ehwe ni` ana ana anda anda ni igweka di `i; Amani olulea cara si ni ta okpo ri `i, oluka cara si dri majugo Paulo ojo ta Roma 7:19-20 ga, “mide ta loso ma lele mide ri ku rarii ma ta unzi ma lele mide ku ri ide `bo au, ki jo mide ta ma lele mide ku rii au sa, `di kite`dea midea ma`i ku rarii enzi ma asi ga ri kidea ni”.
Ara oli midea anda ausi molu dru le`jo driaru si ki ta asi `ba dri `ia rii urata enzi dri `i, Bate, uku `bazi dri duka `ba dika ta ogu ka, asi unzi, ru ivoloka, dri okpo, laki tro (Maruko 7:21-23).
Amala `ai ama asi nia oyiki dria angwe ausini, ideki dru ta esu lele idele rini. Adiki aci andraga enzi di angwaka `ba asi ni a tro. Ta sitani a idele rii bakaa amade enzi a `i.
 
Adiki olu Cara si wa ya?
Kpe.

Ojoru Maruko 7 ga, “Ta enga`di angwe odri hwi`ba`a rii inzi `ba ku rarii ta engadi `ba a efudi angwe rii ka `ba inzi ni”.
Yesu kite`dea ama asi ga ta unzi rii aa ndrole bate, uku `bazi dri duka ku ya?. `Ba dika, ta oguka, asi unzi, ru ivoloka, dri okpo, momo, lecuma, lali `ba asi riitro cidru.
Ru kpodru asi `ba dika aa, a`dusi ma`di alusa `ba `di`di kuru ani iyo Endre alusa owoka aia baciri si ani iyo “Aa, ide ta na`i ku.A`dusi ajo nyini ide ta nai ku, a`dusi koba alu kode nyidri ra. Ajo nyini dii di kole ide ta unzi na ani nai ku. Meya ma nyidi kpo, ajo nyini ide ta nai ku” a`dusi na`i `ba `dika. Le`jo ehwi ata nya asi  risi nyi nga `baciri nyidri nyangasi ri di kpo sa wa.
Kole ama `baciri kolu lidri anda risi ausini ofeki amadri si emira alu pi ku kesu jo tee angala koko ama aisi sa `i: kole ama cidru koni tadii ote. Saa ziti si ama ori hwe amani amanngasi. “Ayi Rubanga madri! Mide dii a`dusi?” Adiki ele ini tro ri ti amani `baciri ni diivu adingo adi eraa di ori olure lali tadi ideka dini si `i ingoni ya `i. Adiki ta zi ide kpe rarii a`diki olu na ani adusi `ba dika asi badri ri `ia a`a. 
Disi ma ta lele mide au ku ri ide au. Ehwi ani adi ta unzi rii ide au a`dusi ru unzi sitani a ama unzaka dejo enzi a si.
Ojoki `dii ma`di layu esudi kuru ri `i ani ma`di ricandi di kinya 10 ri` i. Ka drici  le`jo a`bi dri a vu ni okore ga vua kobia olule anda okpo anidri si. Dii oluka lidri andaku vua lini dini dri si `i. Esu kolu cuwi jo ma`di ani diani dii kare Le`jo Rubanga dri rii erire ri iga kori ka ana andrati ni ifu abi ni  ru `i, ki kole ma`di ani diani dii ma`dizi keji anini ofu layu dri rini ausini koru dru ana enzi ni.
Kole koba ma`dizi ni magatala e`bu idejo anini. Jo ago le kolu unzi rere sa anyiba ojoki ovidru izi cuwi rere rii ni. Kesu oli jo kesu saa ndrejoadru ra, saa cidru ana ebule rijo rii kolu nyadru. Kongo koraa, “Darii mide bate ku, jo kolu masiga a`a sa `i nyinga ma asiti ga pi!” 
Ki ana urata konga oru jo gaadru sa ondre izi dii ni `i. Jo izi di oya pi, komu koraa ana asi ni `a ondikusa di ani. E`bu kinya 5 ana asi egbwe ako dri engwi ta nja ri `i, kpodru ta nja rii.
Sitani ni anda anda ma`di dri duka ni ta epe rere ri` i. Ta te sitani `a idele rii ma`di mwika andraga gaadru dejo enzi a. Jo ma`di ka ani imba enzi ide`jo ku ki layu ako `i ri, ma`di ka ana ta ni mba anangasi `de`jo enzi a. Ma`di di ka alu mudri dri hwe itu Rubanga cidru si luzu ako. Ka abiri ta o`du 40, vua o`du 100 dii ka`di ziniga vuru ilegi … a. Ki sitani ka `ba ubi vua ka `ba unza ta endredi lidri ga loso risi.
“Ale mahwe nyini e`bu idele lemu rere `di tro, ki vua nyi Kristo `ba vu esu kole ide e`bu itu Rubanga si ku, nyi e`bu ma hwele nyini di ide wa ya? E`bu ni retugo dru ri `i. Nosi nyi e`bu ide itu Rubanga 3 nyingo nyiya ekelezia `a imba alu a tete vu alu. `Diivu, nyinyi ikonyi nya yaka karatasi retugo okolongo esu jo rii undru ka au si, Ki na le?” `Disidru gbadru `ba 100 a adi `ba 100 je pi. 
Jo na ide ebu ku, sitani ka uje ava `ba kole emi emi vico uku dri iga rii si. Sitani ka izi `ba andraaru koko ka mgbe ria le joka au, ka Rubanga ni igwe dri `a bobo dru. Ledi oko ondo anda anda `ba dri `i. 
Jo omaki olule Cara si, ta `baa esule tatia asere ga rii bi enzi dri `i, rua `ba zaka `i vua oce Endri si ri `i; adiki anda anda igwe kpodru. “Esu ma`dizi alu komu ana amu ga, enga Yerusaleme a, komu Jeriko a, `ki eciki` ru ogu tro, ogu di `bati unzu ta driaru `rii cidru pi, omgbaki ani oko ofeki pi, e`beki ani ire ka riko.” 
`Di kitedea omaki olule Yerusaleme a, olu Rubanga ni ole ria le si sa, a`diki rure saa si saa si `baa awi ako si vua a`diko adi rivolo ra. 
Nyi draa ilegi enzi rujo rii ilegi Rubanga na`ndra wa. “Opi, mide enzi ra. Ayi nyebe mani ra; mide di ku. Ale majo nyini, dii gba dru kolu saa tati a asejo ri `i. Azi nyi vua ma `i nyi nyebe mani dii alu dru.”
Ki oji saa nza ni kuru, `ba kolu vudri dia enzi ideka ako ni kpe. Kaki maa `ai igoga le saa angwa ga si, ki enzi ideka di ku kolu aini ta okpo rere ri `i. Disi, a`diki ikonyia kpe rarii adiki aci andraga enzi ideka tro `i. “Opi, ayi nyebe mani ra.” Jo ta dii kaci andraga, kaki aia ekelezia ni ebe ra vua kaki aia lidri dini dri isa ebe ra. Enzi aidri si kaki Rubanga isa ebe ra zeletikia koko keko aci olure tadru ri `ia. 
Aci duka yajo Jeriko a oviru oluka vuzi dri tro vi; nyirize vu nidri ire ngajo Yerusaleme a si `i. Ki idorega le, Yerusaleme ni ire rere, ki ovi rupidi enzi idejo vua rujoadru di oce kangwa ru bo di, asu ombaki amangasi lile ganyi Jeriko dri ia; Oko edeki vu di idri. `di `i? Esu ogu. Ma`di ta nidi ku oludi sa cara si ku rii kolu kendre oce gale mgbe ri ani. Ma`di izi kusa/ago di ka ta mvu, koko kode odu ga ata vua ka udre sa su ata. Oce di konga lovuru di kongo ka ziniga ta mvu. Oce gale mgbe ri ka ana ze ni nya au. Ledii ra ma`di na ani ria rungwejo oce ri `i. Ma`di ago kusa/izi di oni ta mvuka ku, ki komvua koko ka obuzi inini enzi ru, ka ta alua di ide didi. 
Di oviru ma`di ogu esudi leti Jeriko dri iga di tro, ebe ani vuru, idra ani ebe ani ire ka riko. Amala di kitedea ana asi ga enzi aa. Dii ovi ta `ba nidia endrejo ri `i. 
`Ba Yerusaleme a rii kaki bia Yesu ni a`ile aia e`bu cara dri ideka si, a`dusi ai laki dini dri `i, ki ebe `ai aia enzi tro maraga esu driso enzi olu aia asiga dru. Ta tete aia itedele aia dini nia wa rii ele enzi dri `i. `Ba enzi tro asi a rii o`du tatia asejo riisi adi ai be aci olure tadru ri ia. Oniki ote ki oleki idekaa ku. Nyi `i kusa nosi ma `i enga ganyi dini dri ovi alua ledi ani ledi iga ra ya? Oo. `Basa ru na `a. 
Laponyi cara Rubanga dri `a ehwi ni eridi kuru rii ka ricandi ana lidri `a ni ru, ki tatia asere ga ka ani asu aci `a, vua rua kolu kpo bi. 
Ani ru dia alu i, nyi `i vua ma `i. Yesu ka tete `ba ari wa rii ni. Ama laga `ba ciri rii ekpadru ki kaki ricandi ta aia nile ote risi okposi. Kaki ai ba aiangasi kendre kaki olu cara Rubanga dri si ani ki ta aia jole rii ce ku. Kaki aco ungwe aco ni kpe, ki kaki te aia ovi angwe esi ri ete kendre `ba a`i tro ri ani. 
Aii lofo rii enzi `ba vuka leti Jeriko dri si ri `i, `ba ogu `a mgbale aia ebele ire kaki riko ri `bati `i. 
Kole ojoki andraaru, “Opi, jo nyari ma ku ri mamu aci `a. ayi nyari mani ma. Mamu kare nya lele ri iga, jo kolu eri nosi lotiti sa ma asi kolu egbwe jo meri uduku ofu loso ce ridri ni  `i. Jo nyebe ma adite, mgbesa mamu aci `a. Ma`i nyi nyari mani ma.” 
`Ba nikaa ote `ai ka dri ba aci olure tadru ri ia, vua anda anda `aidri aiangasi ri ndruka ni gaka mgbe ri `bati, jo kenzuki Opi niru ni ri, kaki olu `ba rarika ri `i. Adiki olu `ba rarika ra ri `i rii mori `badri si kpe. 
Anyiba itiriki ama amangasi kendre ru ma`di ogu `a mgbale di `i ani. 
LIST Download FREE eBook & AudioBook