- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
A konglam 1: sualnak
[1-1] Tlanh Kan Sinak Dingah Kan Sualnak Kan I Hngalh Hmasa A Herh (Marka 7:8-9, 20-23)
“Nannih nih cun Pathian nawlbia kha nan chiah riangmang i minung cawnpiaknak tu kha nan zulh deuh,” tiah a ti hna. Cun Jesuh nih cun a thawh than hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.”
(Marka 7:20-23)
Cun aa thawh than i, “Minung a thurhnawmhtertu cu a chung in a chuak mi hi an si. Zeicahtiah thatlonak ziaza a tuahtertu ruahnak tha lo kha a chunglei in a lung chung in a chuak mi an si: nu le pa sualnak te hna, mi thah tehna, va cung pa duh tehna, hakkauh tehna, that lonak a phunphu tuah tehna, lihchim tehna, zuanzam tehna, mi hnachuah tehna, mi congoih tehna, lungpuam tehna, ningcang lo khuasak tehna-hi thil tha lo vialte hi minung chunglei in a chuak mi an si i minung a thurtertu cu hi hna hi an si,” tiah a ti.
A pakhatnak ah, sualnak cu zeidah a si ti hi fianter ka duh. Sualnak kong ah Pathian nih a fianter ning le minung nih an fianter ning a um. Hlanlio Greek biafang ahcun sualnak “hamartia” ti a sullam cu “tinh mi nganh” tinak a si. Phun dang in cun, thil tha lo tuah tinak a si. Pathian nawlngaih lo kha sual cu a si. Minung lei hmuhnak in sualnak hi zoh hmasa u sih.
Sualnak cu zeidah a si?
Sualnak cu Pathian nawlngaih lo a si.
Sualnak cu kan chiatha thleidannak nih a hngalh. Minung nih sualnak kan hmuh ning cu kan sining le kan umnak, kan thinlung put ziaza, le kan chiatha thleidannak ai dan bantuk in ai dang ve.
Cucaah pumpak cio in sualnak kan hmuh ning hi ai dang dih. Kan tuahsernak hi pumpak hmuhnak cung ah i hngat in a sual a sual lo ti mi kong ah ai dang cio lai. Hi ruang ah sualnak tahnak ding ah Pathian nih nawlbia 613 a kan pek.
A tanglei kulh nih minung sualnak a langhter.
Pathian nawlbia
Minung Minung Minung chiatha
hgalhnak, ziaza le zatlang
nunphung
Miphun nawlbia, mipi nawlbia
Zatlang nunphung cung ah i hngat in kan chiatha thleidannak nih sualnak fianter hi a dik mi a si lo.
Kan chiatha thleidannak nih sualnak a fianter ning le Pathian nih a fianter ning hi ai khat lo. Cucaah, kan chiatha thleidannak aw kha kan ngaih ding a si lo, Pathian nawlbia tu kha kan ngaih ding a si.
Kan dihlak tein sualnak cu zeidah a si ti mi fianter kan ngei cio ko lai. Cheu khat nih an thin tawinak kha sualnak a si an ti, cheu khat nih an ziaza rawk mi kha sual a si tiah an ti ve.
Tahchunhnak ah, Korea ahcun nulepa thlan kha hramh in an khuh i ti khan an fale nih an thih tiang an zohkhenh. Asinain hlanlio Papua New Guinea miphun ahcun an nulepa ruak cung ah puai an tuah i ti khan nulepa upatnak kha an langhter. (sa an thah mi kha an ei hlan ah an chumh le chumh lo cu ka fiang lo). An nulepa ruak kha rungrul nih ei hlah seh tiah an i kilvenak a si lai tiah ka ruah. Hi nunphung hna nih minung nih sualnak kan fian ning ai dang cio ti kha an langhter.
Zatlang bu pakhat nih a thianghlim tiah an ruah mi kha a dang zatlang bu pakhat ca ahcun a sual kho mi a si. A zei si hmanh ah, Baiba nih a kan chimh mi cu, Pathian nawlbuar cu sual a si ti hi a si. “Nannih nih cun Pathian nawlbia kha nan chiah riangmang i minung cawnpiaknak tu kha nan zulh deuh,” tiah a ti hna. Cun Jesuh nih cun a thawh than hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko” (Marka 7:8-9). A lenglei kan langh ning hi Pathian ca ahcun a biapi mi a si lo, zeicahtiah Pathian cu thinlung a zohtu a si.
Kanmah Tahnak Cu Pathian Hmai ah Sual A Si
Sualnak fak bik hi zeidah a si?
Hihi Pathian Bia zeirel lo a si.
Pathian duh ning in nun lo cu Pathian hmai ah sual a si. Mah cucu amah bia zumh lo he ai khat mi a si. Farasi pawl, Pathian bia hnulei a chit i anmah cawnpiaknak lawng biapi ah a chia mi pawl hna nun ning kha Pathian nih sual a ti. Jesuh nih Farasi pawl kha chungthulengnal tiah a ti hna.
“Zeibantuk Pathian dah na zumh? Nan ka upat in nan ka hlorh taktak maw?” Minung nih lenglei langhnak kha an zoh i amah Bia kha an hlawt. Sualnak fak bik cu Pathian bia zeirel lo hi a si. Mah hihi na hngal ve maw?
Kan derthawmnak chung in a rak chuak mi nawlbuarnak cu sualnak tuah hi a si. Kan tlamtlin lo ruang ah kan tuahsual mi thil hi sualnak si loin palhnak tu a si. Pathian nih sualnak le palhnak hi a thleidan. A bia zei ah a rel lo mi palhnak an ngeih lo zong ah misual an si. Pathian hmai ah misual lianngan an si. Hi ruang ah Jesuh nih Farasi pawl kha fak piin a sik hna.
Pentateuch, Genesis in Deuteronomy ah zeidah tuah ding le zeidah tuah lo ding kha a kan chimh. Mah cucu Pathian bia an si i, a nawlpeknak an si. Za ah za in kan zul kho lo men lai nain a nawlbia a si ti cu kan hngalh peng ding a si. A hramthawk tein a kan pek cang mi an si i Pathian bia tiah kan cohlan awk a si.
“Vawlei hi ser a rak si hlan ah Bia cu a rak um cang; cu Bia cu Pathian sin ah a rak um i cu Bia cu Pathian a si” (Johan 1:1). Cun Pathian nih “ceunak um seh a ti i ceunak cu a hung um” (Genesis 1:3). Amah nih zeizong te a ser dih. Cu hnu ah, nawlbia a tuah.
“Bia cu minung ah a cang i kan lak ah khua a rung sa, Bia cu Pathian a si” (Johan 1:1; 14). Pathian nih zeitindah kan sin ah ai langh? Kan sin ai langhnak cu a nawlbia in a si, zeicahtiah Pathian cu Bia le Thlarau a si. Cucaah, Baibal hi zeitindah kan auh? Pathian Bia tiah kan auh.
Hitihin a chim, “Pathian nawlbia kha hnulei nan chit i, minung phung kha nan i tlaih.” A nawlbia cu 613 a um. Hihi tuah u, hihi tuah hlah u, nan nulepa upat hna u tibantuk an si. Leviticus ah, zeitindah nu le pa kan cawlcangh lai ti le inn zuat satil hor chung a tlak tik ah zeitindah kan tuah lai ti pawl a kan chimh. A nawlbia cu 613 a um.
Minung bia sawhsawh an si lo caah atu le tu kan ruah lengmang ding a si. A nawlbia vialte kan zul kho lo nain, kan thinlung tal cun kan hngalh peng i Pathian bia cu kan ngaih ding a si.
Pathian bia hi tlang khat tetal a dik lonak a um maw? Farasi pawl nih cun Pathian nawlbia kha hnulei an chit i minung phung tu kha fek tein an i tlaih. Pathian bia nakin an hruaitu bia kha an ngaih deuh. Jesuh vawlei a um lio ah, hi vialte hi a hmuh dih mi a si i a fak bik ah a ruah mi cu minung nih Pathian bia zeirel lo an um hi a si.
Nawlbia 613 a kan pek mi cu kan sual hmuhnak caah le Pathian cu biatak a si i a thiang mi a si ti langhternak caah a si. A hmai ah misual kan si dih caah, a kan dawt tuk ruang ah vawlei ah a van thlah mi a fapa Jesuh kha kan cohlan i zumhnak in kan nun awk a si.
Pathian bia hnulei a chit i a zum lo mi cu misual an si. A Bia a zul kho lo mi zong misual an si, asinain a Bia zei i a rel lo mi sualnak kha a fak deuh mi sualnak a si. Cubantuk sualnak a tuah mi cu hell ah an dong te lai. A Bia zumh lo cu sualnak ngan bik a si.
Pathian Nih Nawlbia A Kan Peknak A Ruang
Zeiruang ah dah Pathian nih nawlbia a kan pek?
Kan sualnak hngalhnak ding ca le dantat ding caah a kan pek.
Pathian nih nawlbia a kan peknak a ruang hi zeidah a si hnga? Kan sualnak i hngalh i amah lei kir ding caah a kan pek mi a si. Nawlbia 613 a kan pek mi nih kan sualnak kha a kan hngalhter i Jesuh Khrih thawng in tlanhnak kan conak ding caah a si. Hi ruang ah Pathian nih nawlbia a kan pek.
Rom 3:20 ah, “nawlbia zulhnak thawng in ahohmanh Pathian hmai ah thiam a co kho mi an um lo” tiah a ti. Cucaah kan hngalh mi cu Pathian nih nawlbia a kan peknak a ruang cu nawlbia hmang in nung hna seh tiah hnekchih mi kan si lo ti hi a si.
Cuti a si ah, nawlbia hmang in zeibantuk fimnak dah kan hmuh? Nawlbia dih lak zul ding ah kan derthawm tuk hringhran i misual taktatk kan si ko ti hngalhfiannak kan co. Nawlbia 613 hmang in zeidah kan hngalh khawh? Kan tlamtlin lonak le nawlbia kan zulh khawh lonak kha kan hngalh khawh. Pathian ser mi vialte hi zeihmanh a tuah kho lo mi lawngte kan si i a hmai ah misual kan si dih ti kha kan hngalh. Nawlbia ning in cun kan dihlak tein hell ah a dong ding lawngte kan si.
Kan sualnak kan i hngalh i nawlbia kan zul kho lo ti kan hngalh tik ah zeidah kan tuah? Tlamtling mi si kan i tim peng maw? Tim hlah. Misual ka si ti kha kan cohlan i Jesuh kha kan zumh, Thlarau le ti in hrinthannak kan co i a sin ah lawmhbia kan chim.
Nawlbia a ka peknak a ruang cu misual kan si ti hngalhnak ca le dantatnak caah a si. Jesuh lo cun hell chung in luatnak lam a um lo ti kha kan hngalh fian. Jesuh cu khamhtu le Bawipa ah kan zumh ahcun, khamhnak kan co lai. Nawlbia nih khamhtu Jesuh lei ah a kan hruai awk a si.
Pathian nih nawlbia a sernak a ruang cu zeitluk misual dah kan si i cu sualnak cun zeitluk in khamh kan herh ti hngalhnak ding caah a si. Nawlbia a kan pek i a fapa Jesuh zong a vun thlah, cucu tipil a innak hmang in kannih nih khamhnak kan co nakhnga caah a si. Amah zumhnak nih a kan khamh.
Kannih cu ruahchannak a ngei lo misual kan si i kan sualnak in luatnak ding caah Jesuh zumh kan herh, cun a fa ah a kan ser i Pathian sunparnak kan pek khawh.
Zeizong vialte hi a Bia hmang in kan ruahawk, cuai kan thlai awk le kan fian awk a si, zeicahtiah zeizong vialte hi a Bia in hram ai thawk mi an si. A Bia thawng in kan co mi tlanhnak zong hi kan hngalhfian awk a si.
Minung Thinlung Chung ah Zeidah A Um?
Pathian hmai ah zeidah kan tuah lai?
Kan sualnak kha kan phuan i Pathian khamhnak kan hal ding a si.
Zumhnak cu a Bia in ai thawk awk a si i a Bia kha kan zumh awk a si. Cuti a si lo ahcun, palhnak ah kan tlu ko lai. Mah cucu a dik lo mi zumhnak a si.
Farasi le nawlbia cawnpiaktu hna nih Jesuh zultu hna nih an kut hnawm pin changreu an ei an hmuh hna tikah Pathian bia hmang in an zoh tik ahcun an sualnak an hmu kho hna lo, zeicahtiah Pathian bia nih cun lenglei in a lut mi nih minung hi a thurhawmhter lo tiah a ti. Zeicahtiah lenglei in a lut mi cu pawpi chung in lenglei ah a chuak than, thinlung a hnursuang lo.
Marka 7:20-23 ah, Cun aa thawh than i, “Minung a thurhnawmhtertu cu a chung in a chuak mi hi an si. Zeicahtiah thatlonak ziaza a tuahtertu ruahnak tha lo kha a chunglei in a lung chung in a chuak mi an si: nu le pa sualnak te hna, mi thah tehna, va cung pa duh tehna, hakkauh tehna, that lonak a phunphu tuah tehna, lihchim tehna, zuanzam tehna, mi hnachuah tehna, mi congoih tehna, lungpuam tehna, ningcang lo khuasak tehna-hi thil tha lo vialte hi minung chunglei in a chuak mi an si i minung a thurtertu cu hi hna hi an si,” tiah a ti. Jesuh nih a ti mi cu, minung hi misual an si zeicahtiah sual in hrin an si tiah a ti.
Hi a sullam hi na hngal fiang maw? Sual in hrin kan si dih, a ruang cu Adam tefa kan si dih. Biatak kha kan hmu kho lo, a ruang ah Pathian bia kan zumh lo caah a si. Cuti a si ah, minung thinlung chung ah zeidah a um?
A cunglei Baibal cang nih a langhter mi cu, “Minung a thurhnawmhtertu cu a chung in a chuak mi hi an si. Zeicahtiah thatlonak ziaza a tuahtertu ruahnak tha lo kha a chunglei in a lung chung in a chuak mi an si: nu le pa sualnak te hna, mi thah tehna, va cung pa duh tehna, hakkauh tehna, that lonak a phunphu tuah tehna, lihchim tehna, zuanzam tehna, mi hnachuah tehna, mi congoih tehna, lungpuam tehna, ningcang lo khuasak tehna-hi thil tha lo vialte hi minung chunglei in a chuak mi an si i minung a thurtertu cu hi hna hi an si,” ti hi a si. Thatlonak vialte hi minung thinlung chung in a chuak mi a si i minung a thurhnawmhtertu a si.
Sam ah cun, “Nangmah na ser mi van le an hmun ciote an na chiah mi thlapa le arfi hn akhi ka zoh tikah, minung hi zeidah a si i na hnakkar ah na tenh? Minung menmen a si mi hi zeidah a si i a zawn na ruah? ti hi ka ruat” (Sam 8:3-4).
Pathian nih zeiruang ah dah a kan rat hnawh? A kan rat hnawhnak a ruang cu a kan dawt caah a si, amah nih a kan ser mi kan si i misual fa kan i can tikah a zaang a kan fak. Kan sualnak vialte a kan hnawhpiak i a fa ah a kan ser than. “Maw Bawipa, kan Bawipa, na lianngannak cu vawleicung dihlak ah hin a lang ko! Nangmah thangthat hi van tiang a phan” (Sam 8:1). Davi siangpahrang nih Pathian nih misual a khamh hna lai ti a hngalhfian tik ah hi hla ah Biakam Hlun ah a rak sak mi a si.
Biakam Thar ah lamkaltu Paul nih hi bia hi a nolh than. Pathian ser mi Pathian fa ah kan i can khawh hi khuaruahhar ngaingai a si. Hi thil vialte a cannak cu a zaangfahnak thawng in a si. Mah hihi Pathian dawtnak cu a si.
Nawlbia thawng in ka nung lai i ka tlamtling lai ti cu Pathian zuamcawh a si. Pathian zeirel lonak thinlung in a rak chuak mi a si. Pathian dawtnak leng ah um in nawlbia zulh i timh pah in thla hna cam lengmang khawh a si lo. Nawlbia tang ah um i kan sualnak hngalhfian, cun Jesuh thisen le ti in tlanh kan sinak zumh kha Pathian duhnak a si.
Marka 7:20-23 ah, “Minung a thurhnawmhtertu cu a chung in a chuak mi hi an si. Zeicahtiah thatlonak ziaza a tuahtertu ruahnak tha lo kha a chunglei in a lung chung in a chuak mi an si: nu le pa sualnak te hna, mi thah tehna, va cung pa duh tehna, hakkauh tehna, that lonak a phunphu tuah tehna, lihchim tehna, zuanzam tehna, mi hnachuah tehna, mi congoih tehna, lungpuam tehna, ningcang lo khuasak tehna-hi thil tha lo vialte hi minung chunglei in a chuak mi an si i minung a thurtertu cu hi hna hi an si.” tiah a ti.
Jesuh nih minung cu a chunglei in a rak chuak mi nih a thurhnawmhter tiah a ti. Pathian nih a kan pek mi a thianghlim lo mi tirawl zong nih a kan thurhnawmhter kho lo. Ser mi thil vialte hi an thianghlim dih, asinain minung chung in a rak chuak cu sualnak a si i cu nih cun a kan thurhnawmhter. Adam tefa kan si dih. Cucaah zeidah kan i chuahpi? Sualnak phun hleihnih he hrin kan si. Cucu a dik maw?
Cuti a si ah, sualnak tuah loin kan nung kho maw? Sualnak kan tuah peng ko lai, a ruang cu sual in hrin kan si. Nawlbia kan theih ruang ah sualnak tuah kan ngol hlei maw? Nawlbia hmang in kan nung kho maw? Nung kho hlah.
Nawlbia hmang in nun kan i tim deuhdeuh, a har deuhdeuh. Ri a ngei tuk mi kan si hi kan hngalhfian i hnulei thil nih kan hruai ti hlah seh. Tangdor tein kan khamhnak a si mi, Jesuh thisen le tipil innak hi cohlang hna u sih.
Nawlbia 613 hi an tha i an dik dih. Asinain minung cu nu paw chung in pawi a si in misual a si cang. Pathian nawlbia cu a dik ti kan hngalh tung i sual in hrin kan si fawn tik ah kanmah tein kan dingfel kho fawn lo tik ah Pathian zaangfah kan herh ti kha kan i hngal i Jesuh thisen, Thlarau le tipil innak kha kan cohlan. Kanmah tein kan ding fel kho lo i hell kal ding kan si ti kan hngalhfian tik ah Jesuh tlanhnak lawng kha kan i bochan cang.
Tlanh khawh mi kan si ko. Kanmah tein Pathian hmai ah a dingfel kho mi kan si lo ti kan hngalh awk a si. Cucaah, Pathian hmai ah misual ka si, hell tla ding ka si ti kha kan phuan i a zaangfahnak co ding ah thla kan cam a herh, “Pathian ka sualnak in ka khamh law ka cung ah zaangfahnak ngei ko” tiah thla kan cam awk a si.
David thlacamnak hi zoh hna u sih. “Cucaah cun bia na ka ceih tikah na hmaan ko i sual na ka phawt tikah na ding ko” (Sam. 51:4) tiah a ti.
David nih a sualnak vialte ruang ah hell kal tlak ka si ti kha a hngalhfian, asinain cu vialte cu Pathian hmai ah a phuan, “Bawipa, misual tiah na ka auh zong ah misual ka si ko, miding ti na ka auh ahcun miding ka si ko. Na ka khamh ahcun khamh mi ka si ko, i hell na ka thlak ahcun hell ah ka dong ko lai.”
Mah hihi a dik mi zumhnak le khamhnak lam cu a si. Jesuh tlanhnak kan i ruahchan ahcun mah hihi kan lungput a si ve awk a si.
Kan Sualnak Zeisetdah A Si Ti Kha Kan Hngalh Awk A Si
Adam tefe kan si dih bantuk in, kan thinlung ah duhfah hakkauhnak kan ngei dih. Pathian nih teh zeitindah a kan chimh? Kan thinlung ah nulepa sual duhnak a um ko bu ah nulepa sualnak tuah hlah u tiah Pathian nih a kan ti. Kan thinlung ah lainawn duhnak a um ko bu ah Pathian nih zeitindah a kan ti? Lainawng hlah u tiah a kan ti. Kan thinlung in kan nulepa kan hnawmhtamh ko bu ah Pathian nih nulepa upat hna u tiah a kan ti. Pathian bia cu a ding i a that ko bu ah kan thinlung ah sualnak cu a um peng.
Mah hihi a dik maw dik lo? A dik bak mi a si. Cucaah, Pathian hmai ah zeidah kan tuah lai? Kan dihlak in ruahchannak a ngei lo mi misual kan si ti kha kan phuan lai. Nizan ah sualnak kan tuah lo ruang ah nizan ahcun miding ka si i tuni ah sualnak ka tuah caah tuni ahcun misual ka si tiah kan ruah awk a si lo. Hi ruang ahhin Jesuh tipil innak zumhnak thawng in tlanh kan herhnak cu a si.
Kan tuahsernak, nulepa sualnak, lainawnnak, firnak ruang ah misual kan si a si lo, sual in hrin ka si ruang ah misual kan si. Sualnak phun hleihnih he hrin kan si i Pathian hmai ah misual fa kan si dih caah kanmah tuahsernak in mitha kan si kho lo. Mitha bantuk in kan i titer khawh lawng khi a si.
Kan ruahnak zong a sual cia in hrin kan si caah sualnak kan tuah theng lo zong ah zeitindah miding kan si khawh lai? Kanmah tein Pathian hmai ah a dingfel kho mi kan um lo. Kan dingfel kan ti a si ahcun, chungthulengnal kan si hnga. Jesuh nih Farasi le phungbia cawnpiaktu kha, “chungthulengnal Farasi le Cawnpiaktu” tiah a ti hna (Matthai 23:23). Minung cu sual in hrin a si i a nun chung sualnak a tuah.
Mi pakhat nih kan nun chung sualnak ka tuah bal lo, mi zong ka vua bal hna lo, thim fang khat zong ka fir bal lo caah ka sual lo tiah a ti ahcun amah cun mi lihchim a si, zeicahtiah minung cu sual in hrin kan si. Cubantuk minung cu mi lihchim, misual fa le chungthulengnal a si. Cucu Pathian mit hmuh ah a si.
Mi zeipaoh hi a chuah ka in misual a si cang. Sualnak pakhat te hmanh na tuah lo zong ah, hell ah na kal ko lai. Nawlbia zong a zapi ti awk in na zulh ko men lai nain misualfa na si i hell ah na kal ko lai.
Cuti a si ah zeidah kan tuah kun lai? Pathian zaangfahnak kha kan hal i kan sualnak in khamhnak ding ah amah kan i bochan a hau. Amah nih a kan khamh lo ahcun hell ah kan kal ko lai. Cucu kan donghnak a si.
Pathian bia a cohlang mi lawng nih misualfa ka si tiah an cohlan khawh tawn. Zumhnak thawng lawng in miding fel kan si ti zong kha an hngalh. Cucaah Pathian bia zeirel loin hnulei chit cu sualnak fak bik a si ti kha an hngalhfian. A luancia caan ah misual an si ko zong ah Pathian bia an cohlan ahcun miding fel an si. Pathian vel thawng in a bia ah hrinthannak a co mi an si caah thluachuahnak ngan bik a cotu an si.
An Tuahsernak In Khamhnak Co A Tim mi cu Misualfa An Si Rih
Jesuh zumh hnu zong ah ahodah misualfa a si peng rih?
An tuahsernak in khamhnak hmuh ai tim peng rih mi.
Kalati 3:10-11 rel hna u sih. “Nawlbia zulh aa bochan mi cu chiatserhnak tang ah an um, zeicahtiah Cathiang nih, “nawlbia cauk chung ah aa tial mi a dih lak in a zul zungzal lo mi cu Pathian nih chiat a serh hna,” a ti. Atu cu, nawlbia zulh thawng in ahohmanh nih Pathian he remnak an hmu kho ti lo ti kha a fiang, zeicahtiah, Cathiang nih ‘zumhnak thawng in Pathian he aa rem mi lawng an nung lai a ti.’”
A ti mi cu, “nawlbia cauk chung ah aa tial mi a dih lak in a zul zungzal lo mi cu Pathian nih chiat a serh hna” ti hi a si. Jesuh ka zumh cang a ti tung i an tuahsernak in khamh co ai tim peng mi cu chiatserh a si. An tuahsernak in thiamco ai tim mi cu khuazei ah dah an um? Pathian chiatserhnak tang ah an um.
Pathian nih zeiruang ah dah nawlbia a kan pek? Kan sualnak kan i hngalh khawh nakhnga a kan pek (Rom 3:20). Kan dihlak in misualfa kan si i hell kal ding lawngte kan si ti hngal hna seh ti kha a kan duh.
Jesuh tipil innak le Pathian fapa a sinak kha zum law Thlarau le ti in hrinthan ve cang. Na sualnak in khamh na si lai i miding fel ah cohlan na si lai, cun vancung cu na ta a si cang. Na thinlung ah zumhnak ngei ko.
Vawleicung Ah Aa Porhlaw Bik mi Sualnak
Vawleicung Ah Aa Porhlaw Bik mi Sualnak cu zeidah a si?
Nawlbia hmang in nun i timh hi a si.
Pathian thluachuahnak thawng in zumhnak an co caah thluachuak mi kan si. Pathian nih a bia a zum mi paoh cu a khamh hna.
Asinain tuchun ahcun, Khrihfa ai ti mi tampi cu nawlbia in nun an i tim. Nawlbia in nun i timh cu a tha ko nain cucu zeitindah a si khawh lai?
Nawlbia hmang in nun i timh cu zeitluk hruh thil dah a si ti kha kan fian a hau. Kan i zuam deuhdeuh i a har deuhdeuh. A ti mi cu, “Cucaah zumhnak cu bia theihnak thawng khan a um i bia cu Khrih kong chimnak thawng khan a um” (Rom 10:17) tiah a ti. Khamh kan si khawhnak ding ah kan lunghahnak vialte kha kan chiahta a hau.
Khamh Kan Si Khawh Nakhnga Kanmah Tahfung Kha Kan Hlawnh A Hau
Khamhnak ding ah zeidah kan tuah lai?
Kanmah tahfung kha kan hlawt ding a si.
Kanmah tahfung kha kan hlawt ding a si.
Zeitindah mi pakhat cu khamh a si khawh lai? Amah le mah kha misualfa ka si ti ai hngalhfian lawng ah a co khawh lai. Anmah tuahsernak le thazaang hlawt khawh lo ruang ah khamhnak a co rih lo mi tampi an um.
Pathian nih nawlbia ai tlaih peng mi cu chiatserh an si tiah a ti. Jesuh Khrih an zumh hnu zong ah nawlbia tlaih a hau peng rih, cu nawlbia thawng in dinfelnak kan co lai tiah a um mi cu chiatserh an si. Pathian cu an zumh nain khamhnak ca nawlbia zulh a hau tiah an ruah peng.
Hawi dawt hna, kan tuahsernak hmang in kan dingfel kho maw? Jesuh Bia zumhnak thawng lawng in kan dingfel kho i khamhnak kan hmuh khawh. Jesuh Pathian a sinak zumhnak, a thisen zumhnak le tipil a innak zumhnak thawng lawng in khamh kan si kho.
Cucaah Pathian nih midingfel kan si khawh nakhnga a kan timhlamhpiak mi lam cu zumhnak hi a si. Thlarau le ti in khamhnak hi minung tuahsernak cung ah hram a bunh mi a si lo, Pathian bia zumhnak cung ah hram a bunh mi a si. Pathian nih zumhnak thawng in a kan khamh i cucu Pathian nih kan khamhnak a tlamtlinternak lam a si.
Zeiruang ah Jesuh a zum mi paoh khamh an si lo? A ruang cu Thlarau le ti khamhnak thawngtha an zumh lo caah a si. Asinain, kannih, anmah bantuk in a tlamtling ve lo mi nih cun Pathian bia hmang in khamhnak kan co.
Sum su mi pahnih lak ah pakhat cu lak a si lai i pakhat cu nganhta a si lai. Nganhta mi nih khamhnak a co lo mi kha ai a awh hna. Zeiruang ah dah pakhat cu lak a si i a dang pakhat cu ngnahta a si?
A ruang cu, pakhat nih Pathian bia a zumh i a dang pakhat nih nawlbia ai tlaih peng ruang ah a donghnak hell ah thlak a si. Pathian kha tlaih ai timh peng ve ko nain Pathian nih a ke a thin hnawh i a tla. Nawlbia zulhnak thawng in Pathian tlaih ai tim mi paoh cu hell ah an dong te lai.
Hi ruang ah Thlarau le ti khamhnak thawngtha kan zumh i khamhnak kan co a herhnak cu a si.
“Nawlbia zulh aa bochan mi cu chiatserhnak tang ah an um, zeicahtiah Cathiang nih, “nawlbia cauk chung ah aa tial mi a dih lak in a zul zungzal lo mi cu Pathian nih chiat a serh hna,” a ti. Atu cu, nawlbia zulh thawng in ahohmanh nih Pathian he remnak an hmu kho ti lo ti kha a fiang, zeicahtiah, Cathiang nih “zumhnak thawng in Pathian he aa rem mi lawng an nung lai a ti.” “Cathiang nih, zumhnak thawng in Pathian he aa rem mi cu an nung lai, a ti bang khan, Pathian he i remnak cu a hram in a dongh tiang zumhnak thawng in a si” (Kalati 3:10-11; Rom 1:17).
Pathian bia zumh lo cu Pathian hmai ah sual a si. Kan chap a si ahcun, kanmah tahfung ruang ah Pathian bia hlawt cu sual a si. Minung cu nawlbia in nun khawh a si lo, a ruang ah sual in hrin kan si i kan nun chung sualnak a tuah mi kan si. Kan kalnak kip ah sualnak tlawm tete a tuah lengmang mi kan si. Taksa minung kan si i sualnak dah lo zeidang thil kan tuah khawh mi a um lo.
Minung hi khengpi lianpi khat in caw ek a phur mi bantuk kan si. Kan kalpi tik ah tlawmtap tete in kan thlawh lengmang. Cubantuk cu kan si, kan kalnak kip ah sualnak kan thlauta ve tawn. Na van tlai kho maw?
Ka thianghlim ko tiah nai titer peng ko rih lai maw? Nangmah le mah kha fiang tein nai hmuh khawh ahcun kan thianghlim ko tiah i titernak kha na hlawt lai i Jesuh thisen ti khamhnak thawngtha khan a zumh ko hnga.
Hrinthannak a co rih lo mi nih an lunghahnak vialte kha an hlawt dih i Pathian hmai ah misual ka si ko ti kha an phuan awk a si. Cun, a bia ah an kir i Thlarau le ti in zeitindah a khamh hna ti kha an kawl awk a si.
