- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 3: Thlarau le Ti thawngtha bia
[3-4] Jesuh Tipil Innak Cu Misual Khamhnak Hmanthlak A Si (1 Peter 3:20-22)
“Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chung ah a lutmi mitlawmte-minung an dihlak pariat hna kha-ti chung cun khamh an si i cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiatha thleidannak thiang nih Pathian sin i biakamnak a tuah mi tu hi a si. Tipil innak nih cun Jesuh Khrih thihnak in a thawh thannak thawng in an khamh hna i vancung mi vialte le vancung nawl ngeihnak vialte le thawnnak vialte kha a uk dih hna.”
Zeithawng in dah mithiang kan si khawh?
Pathian vel thawng in
Hi vawlei kan chuah hlan in Pathian nih a kan hngalh diam cang. Misual cia in kan chuak lai i a fapa Jesuh tipil innak nih vawlei sualnak vialte a tawl dih lai i kan sualnak vialte in a kan tlanh lai ding kha a hngalh diam cang. Zumtu vialte cu a kan khamh i a mi ah a kan ser.
Cu vialte cu Pathian vel thawng in a si. Sam 8:4 ah, “minung hi zeidah a si i na hnakkar ah na tenh?” tiah a ti. Pathian nih a tlanh mi hna cu a dawtnak a tingco mi an si.
A thisen le Thlarau lawng a zum mi hna, Pathian fa kan si hlan ah, mithiang kan si hlan ah le Pathian kha ka Pa tiah kawhnak nawl pek kan si hlan ah, ahodah kan si? Misualfa, hi vawlei ah kum 70 asiloah kan thawn deuh le kum 80 hrawng lawng a nung ding men kan si.
Kan sualnak tawlpiak kan si hlan le Jesuh thisen le tipil innak kan zumh hlan ahcun kannih cu ai rawk ding mi mithiang lo kan si.
Paul nih atu a sining le a dirhmun a phak khawhnak cu Pathian vel thawng in a si tiah a ti. Cubantuk in kannih zong atu kan dirhmun kan phak khawhnak hi a vel thawng in a si. A vel ruang ah amah cu lawm ko u sih. Sertu Pathian cu hi vawlei ah a ra i a kan khamh hnu ah a fa ah a kan ser. Thlarau le ti khamhnak vel ruang ah Pathian cu lawm ko u sih.
Pathian nih mithiang le a fa ah a kan cohlannak a ruang hi zeidah a si hnga? Kan i dawh tuk caah maw a si hnga? Kan i tlak tuk caah maw a si hnga? Asiloah kan that tuk caah dah a si hnga? Ruat hna u sihlaw a ruang kan hmuh mi ah Pathian cu lawm ko hna u sih.
A ruang cu Pathian nih amah mi si ding ah a kan ser i a vancung pennak chung ah amah he umti ding in ser mi kan si caah a si. Amah he zungzal nung ding in Pathian nih ser mi kan si. Hi ruang ah hin Pathian nih zungzal nunnak he thluachuah a kan pek. Kan i dawh ruang, kan i tlak ruang ah ah le ser mi thil dang nakin kan fel deuh ruang ah Pathian nih a mi ah a kan ser a si lo. A kan dawt ruang ah a si deuh.
“Cucu atu i nanmah an khamhtu hna tipil innak a rak sawhtu hi a si” (1 Peter 3:21). “Lawng chung ah a lut mi minung tlawmte-minung an dihlak ah pariat hna kha-ti chung cun khamh an si” (1 Peter 3:20).
Minung tlawmte lawng, khuapi pakhat ah minung pakhat asiloah chungkhar pakhat ah minung pahnih tibantuk lawng khamh an si. Cuti a si ah, midang nakin kan tha deuh tinak a si maw? A si hrimhrim lo. Midang nakin kan tha hlei hrimhrim lo, Thlarau le ti khamhnak kan zumh catu ah khamh kan si.
Khamh kan sinak hi khuaruahhar lak ah khuaruahhar taktak a si i Pathian kha ka Pa, ka Bawipa tiah kan auh khawh hi khel khat lei a dawtnak ruang lawng ah a si. Mah hi biatak hi al khawh a si lo. Misual kan si peng ahcun zeitindah Pathian cu ka Pa, ka Bawipa tiah kan auh khawh lai?
Khamh kan sinak a ruang ah ruah tik ah Pathian nih khel khat lei a kan dawt ruang ah a rak si ko. Pathian cu lawm loin um awk a tha maw? Pathian thluachuahnak le dawtnak um hlah sehlaw, kan chuak lai i kan thi lai i hell ah kan dong ko lai. Pathian nih a fa ah a kan cohlan ruang ah hin a sin ah i lawm zungzal ko hna u sih.
Jesuh Tipil Innak In A Sunglawi Mi Khamhnak Pek Kan Si
Zeiruang ah dah Noah chan minung an i rawk?
Ti (Jesuh tipil innak) an zumh lo ruang ah
“Cucu nanmah atu i nanmah an khamhtu hna tipil innak hmanthlak a rak sawhtu hi a si.” 1 Peter ah minung pariat khamh an sinak kong kan hmuh. Noah chan ah minung zeizat dah an um hnga? Minung zeizat set dah an um ti cu tuak awk a tha lo. Asinain minung ting hra hrawng an um tiah ruat tuah hna u sihlaw Noah chungkhar minung pariat lawng khamh an si hnga.
Hih tuchan zong ah a dik ko hnga. Atu ah vawlei cung minung hi billion 6 hrawng kan si ti a si. Jesuh a zum mi vialte lakah minung zeizat dah an sual tawlpiak an si cang hnga? Khuapi pakhat lawng zoh u sihlaw minung tlawmte lawng an si hnga.
Keimah ka umnak khuapi, minung 250,000 hrawng an umnak ah minung zeizat dah khamh an si cang hnga? 200 maw? Zatuak in zeizat dah a si hnga? Minung thong khat ah pakhat hrawng lawng nih khamhnak an co tinak a si hnga.
Roman Catholic telh in, Korea ah Khrihfa milu hi 12 million hrawng kan si. Hi vialte lakah minung zeizat dah Thlarau le ti in khamhnak an co hnga? Noah chan ahcun vawlei cung minung vialte lakah pariat lawng khamh an si. Jesuh tipil innak le sual tlanhnak a zum mi paoh cu an sualnak vialte tawlpiak an si kha kan zumh awk a si.
Jesuh vailam thisen le tipil innak nih a kan khamh ti a zum mi an tlawmte. Jesuh thawhthannak hmanthlak kha zoh hmanh. Thothan minung zeizat dah an lang? Jerusalem in an ra i Jesuh nih a kutza a rak chanh hna i a rak don hna. Kha vialte minung lakah theologian le Pathian riantuan zeizat dah an um hnga?
Tuchan ah, kan vawlei ah Baibal thiamsang tampi an um ko nain minung tlawmte lawng nih Jesuh tipil hi khamhnak caah a biapi ti kha an zumh. Cheu khat thiamsang hna nih Jesuh tipil a innak a ruang cu ai toidor caah a si an ti, a cheu nih kanmah bantuk minung sinak ding ah tipil a ing tiah an ti ve.
Asinain Baibal ah ai tial mi cu, Peter le Johan telh in lamkaltu vialte nih Jesuh tipil innak cu kan sualnak tawlpiak ding ah a si tiah an chim dih.
Lamkaltu hna nih tehte an khan mi cu Jesuh nih tipil a innak in kan sualnak vialte a cung ah a chuan dih ti kha a si. Hihi khuaruahhar ngaingai Pathian vel, kan zumh ahcun khamh kan sinak ding cu a si.
Khamhnak Tipil Innak Ah ‘Asikhomen’ Ti A Um Lo
Pathian dawtnak thuk cu ho nih dah a co?
Jesuh thisen le tipil innak a zum mi
Minung nih Jesuh kan zumh ahcun khamh kan si ko lai tiah an zumh. Khrihfa biaknak tampi nih anmah zumhnak in khamh kan si ko lai tiah an zum i Jesuh tipil innak cu a herh lo mi ah an ruah. Asinain cucu a dik mi a si lo. Cauk thong tampi ka rel mi lakah Pathian khamhnak le Jesuh tipil innak a pehltaihter mi cauk ka hmu rih lo.
Noah chan ahcun minung 8 lawng khamh an si. Tuchan ah minung zeizat dah khamh kan si ve hnga? Minung tam cu kan si lai lo. Khamh a si mi cu Jesuh thisen le tipil innak a zum mi an si. Khrihfabu tampi ka kalnak ah thawngtha biatak a si mi Jesuh tipil innak thawngtha a phuang mi an um lo.
Jesuh thisen le tipil innak thawngtha kan zumh lo ahcun zeitluk hmanh biakinn ah kal ko u sihlaw khamh kan si rih lo, misual kan si peng rih tinak a si. Kan nun chung biakinn ah kan kal ve ko lai, asinain kan thinlung ah sualnak a um peng ahcun misualfa kan si peng rih tinak a si.
Thinlung chung sualnak um peng bu in kum 50 chung biakinn kan kal ahcun kum 50 chung kan zumhnak cu a palh mi zumhnak a si. Cunak cunn a dik mi zumhnak nikhat te lawng ngeih kha a tha deuh. Jesuh a zum mi lak ah dik tein a zum mi, a thisen le tipil innak a zm mi lawng vancung pennak chung ah an lut lai.
Pathian fapa Jesuh cu hi vawlei ah a ra i vawlei sualnak vialte tawl ding ah tipilnak a in ti zumh kha a dik mi zumhnak cu a si. Hi zumhnak lawng nih vancung pennak chung ah a kan hruai. Cun Jesuh nih nangmah le keimah caah vailam cung ah a thisen a luanter ti zong kan zumh ding a si. Pathian sunparnak pek le lawmh zong kan hngalh ding a si.
Ahodah kan si? Jesuh thisen le tipil innak in khamh mi minung fa kan si. Zeiruang ah dah lawm lo cun kan um khawh lai? Kanmah khamhnak ding ah Jesuh nih kum 30 a si ah Jordan tiva ah tipilnak a in. Cuticun kan sualnak vialte kha a lak dih i vailam cung ah dantatnak a in.
Hi kong ruah ahcun toidor tein Pathian sin ah lawmhnak bia kan chim awk a si. Jesuh nih hi vawlei cung ah a tuah mi vialte hi kanmah khamhnak caah a s ti kan hngalh ding a si. A pakhatnak ah vawlei ah a ra. Cun tipilnak a in i vailam cung ah an thlai, nithum hnu ah a thothan i atu cu Pathian orhlei kam ah a thu.
Pathian khamhnak cu kan dihlak caah a si. Jesuh khamhnak cu nang le keimah caah a si. A thluachuahnak le a dawtnak ruang ah Pathian cu thangthat ko u sih.
Thangthatnak hla ah hitihin a um. “♫Tuanbia dawh a um. Vawlei cung minung tampi lakah keimah Pathian dawtnak le khamhnak cotu ka si. Oh! Zeitluk khuaruahhar dah a si a dawtnak. A ka dawtnak, A ka dawtnak. Tuanbia dawh a um. Vawlei cung minung tampi lakah kannih cu khamh mi le amah mi kan si. A dawtnak in kan i thuam. Oh! Pathian dawtnak, Pathian vel. Zeitluk khuaruahhar dah a si a dawtnak. A ka dawtnak.♫”
Jesuh cu nangmah le keimah khamh ding ah a ra i, tipil innak in a kan tlanhnak zong kanmah ta a si. Thawngtha bia cu tuanbi dawh sawhsawh a si lo, khur thuk chung in a kan chuah i Pathian pennak chung ah a kan chiatu a si. Zumhnak kan ti mi cu Pathian le nangmah nan i pehtlaihnak kha a si.
Kanmah khamh awk ah vawlei ah a ra. Kan sualnak tawl ding ah vailam cung dantatnak le tipilnak a in.
Pathian kha ka Pa tiah kan khawh tikah zeitluk thluachuahnak lianngan dah a si. Zeitindah Jesuh cu kan zumh khawh lai i kan sualnak in kan thian khawh lai? A kan dawtnak ruang ah a si kho. Amah nih a kan dawt hmasa caah amah thawng in khamh kan si.
Jesuh Nih Voi Khat Ca Zalak In Kan Sualnak A Tawl
Duhsah tein maw voikhat lo ah dah khamh kan si?
Voi khat ca zalak in
Voi khat ca zalak in
Pathian dantatnak in kan luatnak dingah voikhat ca zalak in a kan thihpiak. Tipil innak in kan sualnak a tawlnak, vailam cung a thisen a luanternak le thihnak in a thawhthannak thawng in nang le kei cu vancung pennak chung ah a kan luhter.
Jesuh a thisen le tipil innak in a kan khamh cang ti hi na zum maw? Jesuh tipil innak le thisen na zumh lo ahcun khamh na si kho lai lo. Kannih a derthawm tuk mi kan si caah Jesuh thisen le tipil innak kan zumh lo ahcun kan hrinthan kho lo.
Tipil a innak cu kan sualnak vialte tawlpiak ding ah le vailam cung dantatnak ing ding ah a si. Jesuh nih tipil innak le a thisen in voi khat ca zalak in kan sualnak vialte a tawl dih cang.
Sualnak kan tuah chiarte sualchiarnak tuah lengmang, zeitik caan paoh i that i zuam le Khrihfabu ah thil tampi pekchanhnak in khamhnak kan co kho lo.
Cucaah Jesuh thisen le vailam cung a thisen cu kan khamhnak caah zumh a herh hrimhrim mi a si. Thisen le ti khamhnak kan zumh a hau. Kan sualnak thianhnak caah thiltha tuahnak in a si kho lo.
Pastor rawlhrawm sawm le misifak ca hnipuan thatha cawkpiak zong khamhnak a si lo. Jesuh nih a thisen le tipil a innak a zum mi lawng a khamh hna. Pathian nih Jesuh tipil a innak le a thisen in a kan khamh ti na zumh ahcun khamh na si lai.
Micheu nih cun Pathian cuticun a chim ko nain fak deuh in kan ruah a hau tiah an ti. Cucu anmah nawl a si, asinain kannih Baibal ah ai tial ning tein kan zumh ko lai.
Hebru 10:1-10 ah voi khat ca zalak in khamh kan si tiah kan hmuh. Pathian nih a fapa tipil innak le thisen a zum mi cu voi khat ca zalak in a khamh hna ti biatak a si. Cucu kan zumh awk a si. “♫Voi khat a thi. Voi khat a kan khamh. Unau, zum law khamh na si lai. Na thilri kha Jesuh tipil innak tang ah thum tuah.” Jesuh nih vailam cung thisen luanternak le tipil a innak in voi khat ca zalak in kan sualnak vialte chung in a kan khamh cang.
“Miding lo mi caah miding mi a thi” (1 Peter 3:18). Jesuh cu Pathian a si i zeitik hmanh sualnak a tuah bal lo. Minung vialte sualnak lakpiak ding ah taksa in a ra. Tipilnak a in i kan sualnak vialte a tawl dih. Dinfel lonak le sualnak chung in a kan khamh.
Vailam cung a thihnak le tipil a innak ah kan chuahka in kan thih tiang sualnak vialte kha chuan a si cang. Misual hna aiawh ah tipilnak a in i thihnak fak bik kha kan caah a tuar.
Cucu tipil innak in tlanhnak cu a si. Misual nangmah le keimah kha voi khat ca zalak in a kan khamh. Nangmah le keimah zeitluk mider thawm dah kan si! Kan chuahka in kan thih tiang sualnak vialte kha Jesuh nih a cung ah a chuan dih i vailam cung ah a thih pi. Jesuh a zum mi nih cun a tipil innak le vailam cung a thisen kan zumh chih awk a si.
Kannih cu kan derthawm, asinain Jesuh cu a thawng. Kannih cu zumhawk kan tlak lo, Jesuh cu zumhawk a tlak. Pathian nih voi khat ca zalak in a kan khamh. “Pathian nih vawlei hi a dawt hringhran caah a fapa ngeih chung te kha a pek, cucaah amah a zum mi paoh cu an thi ti lai lo, zungzal nunnak an ngei lai” (Johan 3:16). Pathian nih a fapa ngeihchun te a kan pek. Vawlei sualnak vialte kalpi ding ah a fapa cu tipil a inter i minung aiawh ah vailam cungah dantatnak a pek.
Zetluk khuaruahhar khamhnak dah a si! Zetluk khuaruahhar dawtnak dah a si! A khamhnak le a dawtnak ruang ah Pathian cu lawm ko u sih. Jesuh thisen le tipil innak a zum mi paoh cu Pathian nih a khamh hna: Jesuh tipil innak le a thisen, cun Pathian fapa a si tiah a zum mi paoh cu a khamh hna.
Jesuh thisen le tipil innak a zum mi paoh cu khamh an si lai i a zungzal in mithiang ah cohlan an si lai. kan dihlak in kan zumh a herh.
Ahodah a kan khamh? Pathian nih maw a kan khamh asiloah a ser mi thil pakhat khat nih dah a kan khamh? A khamhtu cu Pathian tling a si mi Jesuh hi a si. Pathian tlanhnak kha kan zumh caah khamh kan si.
Jesuh a thisen le tipil innak in a kan khamh cang ti hi na zum maw? Jesuh tipil innak le thisen na zumh lo ahcun khamh na si kho lai lo. Kannih a derthawm tuk mi kan si caah Jesuh thisen le tipil innak kan zumh lo ahcun kan hrinthan kho lo.
Tipil a innak cu kan sualnak vialte tawlpiak ding ah le vailam cung dantatnak ing ding ah a si. Jesuh nih tipil innak le a thisen in voi khat ca zalak in kan sualnak vialte a tawl dih cang.
Sualnak kan tuah chiarte sualchiarnak tuah lengmang, zeitik caan paoh i that i zuam le Khrihfabu ah thil tampi pekchanhnak in khamhnak kan co kho lo.
Cucaah Jesuh thisen le vailam cung a thisen cu kan khamhnak caah zumh a herh hrimhrim mi a si. Thisen le ti khamhnak kan zumh a hau. Kan sualnak thianhnak caah thiltha tuahnak in a si kho lo.
Pastor rawlhrawm sawm le misifak ca hnipuan thatha cawkpiak zong khamhnak a si lo. Jesuh nih a thisen le tipil a innak a zum mi lawng a khamh hna. Pathian nih Jesuh tipil a innak le a thisen in a kan khamh ti na zumh ahcun khamh na si lai.
Micheu nih cun Pathian cuticun a chim ko nain fak deuh in kan ruah a hau tiah an ti. Cucu anmah nawl a si, asinain kannih Baibal ah ai tial ning tein kan zumh ko lai.
Hebru 10:1-10 ah voi khat ca zalak in khamh kan si tiah kan hmuh. Pathian nih a fapa tipil innak le thisen a zum mi cu voi khat ca zalak in a khamh hna ti biatak a si. Cucu kan zumh awk a si. “♫Voi khat a thi. Voi khat a kan khamh. Unau, zum law khamh na si lai. Na thilri kha Jesuh tipil innak tang ah thum tuah.” Jesuh nih vailam cung thisen luanternak le tipil a innak in voi khat ca zalak in kan sualnak vialte chung in a kan khamh cang.
“Miding lo mi caah miding mi a thi” (1 Peter 3:18). Jesuh cu Pathian a si i zeitik hmanh sualnak a tuah bal lo. Minung vialte sualnak lakpiak ding ah taksa in a ra. Tipilnak a in i kan sualnak vialte a tawl dih. Dinfel lonak le sualnak chung in a kan khamh.
Vailam cung a thihnak le tipil a innak ah kan chuahka in kan thih tiang sualnak vialte kha chuan a si cang. Misual hna aiawh ah tipilnak a in i thihnak fak bik kha kan caah a tuar.
Cucu tipil innak in tlanhnak cu a si. Misual nangmah le keimah kha voi khat ca zalak in a kan khamh. Nangmah le keimah zeitluk mider thawm dah kan si! Kan chuahka in kan thih tiang sualnak vialte kha Jesuh nih a cung ah a chuan dih i vailam cung ah a thih pi. Jesuh a zum mi nih cun a tipil innak le vailam cung a thisen kan zumh chih awk a si.
Kannih cu kan derthawm, asinain Jesuh cu a thawng. Kannih cu zumhawk kan tlak lo, Jesuh cu zumhawk a tlak. Pathian nih voi khat ca zalak in a kan khamh. “Pathian nih vawlei hi a dawt hringhran caah a fapa ngeih chung te kha a pek, cucaah amah a zum mi paoh cu an thi ti lai lo, zungzal nunnak an ngei lai” (Johan 3:16). Pathian nih a fapa ngeihchun te a kan pek. Vawlei sualnak vialte kalpi ding ah a fapa cu tipil a inter i minung aiawh ah vailam cungah dantatnak a pek.
Zetluk khuaruahhar khamhnak dah a si! Zetluk khuaruahhar dawtnak dah a si! A khamhnak le a dawtnak ruang ah Pathian cu lawm ko u sih. Jesuh thisen le tipil innak a zum mi paoh cu Pathian nih a khamh hna: Jesuh tipil innak le a thisen, cun Pathian fapa a si tiah a zum mi paoh cu a khamh hna.
Jesuh thisen le tipil innak a zum mi paoh cu khamh an si lai i a zungzal in mithiang ah cohlan an si lai. kan dihlak in kan zumh a herh.
Ahodah a kan khamh? Pathian nih maw a kan khamh asiloah a ser mi thil pakhat khat nih dah a kan khamh? A khamhtu cu Pathian tling a si mi Jesuh hi a si. Pathian tlanhnak kha kan zumh caah khamh kan si.
Jesuh Cu Khamhnak Bawi A Si
Khrih sullam cu zeidah a si?
Tlangbawi, siangpahrang le profet
Jesuh Khrih cu Pathian a si. Jesuh sullam cu khamhtu tinak a si i, Khrih ti sullam cu ‘chiti thuh mi’ tinak a si. Biakam Hlun ah Samuel nih Saul chiti a thuh bantuk in, tlangbawi le profet zong kha mission rian caah chiti thuh an si.
Jesuh cu hi vawlei ah a ra i rian phun thum caah chiti thuh a si: Tlangbawi, Siangpahrang le Profet caah. Vancunglei tlangbawi ngan a si bantuk in vawlei sualnak vialte kalpi ding ah tipilnak pek a si.
Pathian duhnak ai thim i a Pa hmai ah sualthawinak caah ai pe. “Keimah cu lam le biatak le nunnak ka si. Keimah sin in dah ti lo, ahohmanh Pa sin an phan kho lai lo” (Johan 14:6) tiah a ti. Jesuh cu vailam cung a thisen a luang i tipilnak a in ti a zum mi paoh cu Pathian nih a khamh hna.
“Zeitintiah titsa nunnak cu thi chung ah a um” (Leviticus 17:11). Jesuh nih tipilnak a in dih in vailam cung ah a thisen a luanter i sual leiba a cham dih, cu a zum mi paoh cun khamh an si lai.
Vailam cung a thih hnu ah a thothan i thong tla hna sin ah thawngtha bia a va chim. Khamhnak a co rih lo mi cu sual sal ah thong a tla mi an si i cu hna sin ah Jesuh nih tipil innak a thisen thawngtha a chim ve. Kan khamhnak ding ah Pathian nih ti le thisen thawngtha a kan pek. A zum mi paoh nih hrinthannak an co lai.
Jesuh Tipil Innak Le Thisen Nih Misual A Khamh
Pathian hmai ah hodah chiatha thleidannak thiang a ngei?
Jesuh tipil innak le thisen a zum mi
Jesuh Khrih cu kan khamhtu a si i 1 Peter 3:21 ah, “cucu atu i nanmah an khamhtu hna tipil innak a rak sawhtu hi a si. (taksa hnawm kholhnak ca a si lo, Pathian hmai ah chiatha thleidannak thiang ngeih a si).” Misual hna khamhnak ding ah Jesuh tipil innak cu a herh hrimhrim mi a si.
Jesuh nih tipil a innak in misual vialte kan sualnak cu a cun ah a chuan i a kan tawlpiak. Jesuh tipil innak na zum cang maw? Jesuh tipil innak nih kan thinlung sualnak vialte a tawl dih cang ti na zum maw? Kan thinlung sualnak cu tawl dih a si cang nain kan taksa cu a sual peng.
Hrinthan ti cu kan sual kho ti lo tinak a si lo. A hrinthan mi zong kan sual ko nain kan thinlung cu sualnak in a thiang, a ruang cu Jesuh tipilnak in kan sualnak a tawl dih cang caah a si. Cucaah a cung Baibal cang nih, “tipil in cu kan pum hnawm kholhnak ca siloin Pathian ah chiatha thleidannak thiang kan ngeihnak caah a si” (1 Peter 3:21) tiah a ti.
Jesuh nih ka sualnak vialte a tawl dih cang i Pathian nih keimah aiawh dah dantatnak a pek cang caah zeitindah zum loin ka um khawh lai? Pathian bak a si mi Jesuh nih a thisen le tipil innak in a ka khamh ti ka hngalh caah zeitindah zum loin ka um khawh lai? Pathian hmai ah khamh kan si cang i kan chiatha thleidannak cu a thiang cang. Pathian nih a kan daw lo tiah kan chim khawh lo bantuk in Pathian hmai ah Jesuh thisen le tipil a innak nih a kan khamh lo tiah kan ti ve kho lo.
Hrinthannak kan co hnu ah kan chiatha thleidannak nih sualpalhnak kan tuah sual zong ah a kan chimh. Kan chiatha thleidannak thiang kha sualnak nih tlawmte a hnursuan tik ah Jesuh tipil innak kha kan ruah than i sualnak in kan luat than. Cuticun Pathian hmai ah chiatha thleidannak thiang kan ngeih khawh.
Kan chiatha thleidannak a cawlcang ahcun thil pakhatkhat a palh cang tinak a si. Jesuh tipil innak nih kan sualnak le hnawm vialte a tawl dih cang. Jesuh tipil innak nih thiang tein a kan tawl cang i kan chiatha thleidannak tiang in a tawl dih. Zeitindah kan chiatha thleidannak a thian khawh lai? Jesuh tipil innak le thisen zumhnak thawng in a thiang kho lai. Kan dihlak tein kan i chuahpi mi chiatha thleidannak cu a sual, asinain kan sualnak vialte Jesuh cung ah chuan a si cang ti kan zumh ahcun sualnak kan tei khawh.
Cucu a hrinthan mi hna zumhnak a si. Mah hihi nanmgh tuaktan chom mi a si lo. Na chiatha thleidannak a thiang maw? Nun ning dawh in na nug ruang ah maw a thiang asiloah Jesuh nih ka sualnak vialte a tawl dih cang ti na zumh ruang ah dah a thian? Kan chiatha thleidannak a thiannak cu Jesuh kan zumh ruang ah a si.
Nunnak a ngei lo mi bia le nunnak a rak um. Zeitindah mi vialte chiatha thleidannak a thian khawh lai? Jesuh tlanhnak tlamtling zumhnak thawng lawng in mithiang le chiatha thleidannak thiang kan ngei kho.
Jesuh tipil innak zumhnak nih a kan thianter nain kan taksa pum a thiang dih tinak si loin Pathian hmai ah kan chiatha thleidannak a thiang tinak a si. Hi caah, Jesuh cu a ra i tipilnak a in hnu ah vailam cung ah a thi i thihnak in a thawhthan hnu ah atu cu Pathian orhlei kam ah a thu cang.
A caan a tlin tik ah vawlei ah a ra than lai. “Cubantuk thiamthiam in mi tampi sualnak lakpiak awk ah Khrih cu voi khat raithawinak ah pek a si. Cun a hung lang than lai i cu a hung langh than cu sualnak kong ah si ti loin amah a hngak mi hna khamh awk ah a si lai” (Hebru 9:28) tiah a ti.
Zumhnak Chekhlatnak
Jesuh tipil innak tel loin khamh kan si kho maw?
Si lo
Daejeon Khrihfabu timhlamh pi in zumhnak chekhlatnak kan tuah.
Daejeon Khrihfa i Rev. Park nih Jesuh tipil innak langhter loin vawlei cung ah sualnak a um lo tiah nuva hna kha a ti hna. An pa cu biakinn dang ai khawmh tawn ah ai hngilh lengmang, a ruang cu thawngtha an chim tik ah nitinte sualchiarnak thlacamnak tuah lengmang a hau tiah an cawnpiak caah a si.
Asinain Daejeon Khrihfabu ah Jesuh cung ah sualnak vialte chuan a si i kan sualnak vialte a kan tawlpiak dih cang tiah kan cawnpiak caah a mit kau piin ai au i ai hngilh ti lo. An nu nih an pa cu biakinn lei hruai ai fawih deuh cang.
Nikhat cu an pa cu biakinn ah a thu i Rom 8:1, “Atu cu Khrih Jesuh he i pehtlai in a nung mi hna caah cun sualphawtnak a um ti lo” ti kha a theih. Cutik ah a ti mi, mi pakhat nih Jesuh cu a zumh ahcun sual phawt a si ti lo, kei zong ka zumh caah sualphawt ka si ve ti lo tia a ti.
Cu tikah a unau le a hawikom tampi ka fawn a chonh hna i, “na thinlung sualnak a um maw? tiah a hal hna. A um ahcun nan sualnak a hman lo tinak a si” tia a ti hna. Hi zawn ah, Rev. Park cu a sung, zeicahtiah kha pa kha Jesuh tipil innak cawnpiak loin sualnak ka ngei ti lo tiah a ruahter caah a si.
A hnu ah, cu hna nuva cu buaibainak an ngei. An nu kha biaknak lei ah ai pe deuh nain a thinlung ah sualnak a ngei peng, asinain an pa cu a thinlung ah sualnak a ngei lo. An pa cu biakinn ah a caan te lawng ah a kal nain ka thinlung ah sualnak ka ngei lo tiah a ti. An nu nih cun kan pahnih in kan thinlung ah sualnak a um ko tiah a ti. Cu kong cu an i al. An pa nih cun sualnak ka ngei lo, zeicahtiah a zum mi paoh sualphawt an si ti lo tiah a ti nain an nu nih cu a thinlung ah sualnak a um peng.
An nu kha a simh cang i sualnak vialte Jesuh cung chuan ti zei sullam dah a si tiah hal ding in biakhiahnak a tuah.
Voi khat zanlei cu pumhnak a dih hnu ah an pa lawng a lawiter i Rev. Park cu bia a hal. “Thil pa khatkhat chimh na kan timh mi a um ti ka theih, abiapi mi thil ai thupu mi a um ti ka hmuh khawh, cucu zeidah rak ka chim tuah” tiah a ti. Cu tikah Rev. Park nih Thlarau le ti hrinthannak kong a rak chimh.
Cutik ah chikkhat lo te ah, Rom 8:1 “Atu cu Khrih Jesuh he i pehtlai in a nung mi hna caah cun sualphawtnak a um ti lo” ti kha a vun i fiang. Chikkhat teah a zumh i khamhnak a co. Kan sualnak vialte Jesuh cung ah chuan a si cang ti a zum mi paoh cu sualphawt an si ti lai lo ti kha a dongh ahcun a vun i fiang.
Cuticun Pathian bia kha duhsah in a lung a hung pem. A hnu ahcun khamhnak tawhfung pi cu Jesuh tipil innak hi a si ti kha a van pemh khawh.
Kha lio ah khan, an pa nih inn ah lawi loin leng in a rak hngah peng. An nu tehte khaannak kha a rak ngaih i a sualnak in thianh a si cang ti a hngalh tik ah, “Aw asi, atu cu khamh na si cang maw?” tiah a hal.
An pastor nih an nu a chimh mi a ngaih ve tikah an pa cu a buai cang, zeicahtiah Jesuh tipil innak thawngtha kha a thei bal lo. Jesuh tipil innak tel loin kan thinlung ah sualnak a um ti lo tiah a zumh peng. Inn ah an phak tikah an i al than.
Atu ahcun thil sining linglet in a kal cang. An nu nih an pa kha na thinlung ah sualnak na ngei maw ngei lo tiah a hal cang. Jesuh tipil innak zum loin zeitindah na thinlung sualnak a um lo tiah na ti khawh tiah a hal cang. Na chiatha thleidannak kha tha tein zoh tuah tiah a ti. An pa nih a chiatha thleidannak kha a zohthan tikah a thinlung ah sualnak a um ti kha a hmuh.
Cu tikah Rev. Park sin ah a va kal i, ka thinlung ah sualnak a um ko tiah a va phuan. “Meheh lucung ah an kutchuan kha an thah hlan ah maw a si an thah hnu ah?” tiah a rak hal. Thlarau le ti khamhnak thawngtha a theih bal lo tikah a buai cang.
Mah cucu thlarau chekhlatnak kan ti mi cu a si. Vawlei sualnak vialte tawl ding ah Jesuh cu tipilnak pek a si. Cu hnu lawng ah sualman leiba cham dingah vailam cung ah a thi kho lai.
“Saram an thah hnu ah maw an thah hlan ah dah a cung ah a kut an chuah?” tiah a hal. Zeicahtiah Jesuh cung ah vawlei sualnak vialte chuan a sinak kong ah a buai peng. Cu tikah Rev. Park nih Jesuh tipilnak in tlanhnak kan hmuhnak kong tlamtling tein a hrilhfiah.
Cu ni cu, an pa nih Jesuh tipil innak le Thlarau khamhnak thawngtha a voikhat theihnak a si i hrinthannak a co colh. Thawngtha bia voi khat lawng a theih nain khamhnak a co.
Jesuh tipil innak kan philh sual ahcun kha bantuk khan chekhlatnak kan tuah khawh. Kan thinlung ah sualnak kan ngei lo kan ti ko lai nain Jesuh tipil innak tel lo cun sualnak kan ngei peng ko. Mi tampi nih Jesuh nih kan sualnak vialte cu vailam cung ah a thisen in a tawl dih cang tiah an ti nain Jesuh tipil innak a zum mi lawng nih Pathian hmai ah sualnak ka ngei lo tiah an ti khawh.
Hi hna nupa hmang in Rev. Park nih a langhter mi cu Jesuh tipil innak zumh lo cun khamhnak tling kan hmu kho lo ti kha a si.
Khamhnak Hmanthlak: Jesuh Tipil Innak
Khamhnak hmanthlak cu zeidah a si?
Jesuh tipil innak
“cucu atu i nanmah an khamhtu hna tipil innak a rak sawhtu hi a si.” Jesuh cu hi vawlei ah kan sualnak tawlpiak ding ah a ra ah le Pathian hmai ah kan chiatha thleidannak kha hawrhra bantuk ranter awk ah a ra. Kan sualnak vialte in thianh kan sinak cu Jesuh nih tipil innak in kan sualnak vialte a tawl dih cang caah a si. A thisen le tipil a innak in a kan khamh. Cucaah, ser mi vialte nih a hmai ah kan khup kan i bil ding a si.
Jesuh nih a kan khamh ti zumhnak in Pathian fa kan si i vancung ah kan kai lai. Jesuh zumhnak thawng in mithiang kan si. Tlangbawi chungkhar kan si. Pathian cu ka Pa tiah kan ti khawh. Vawlei ah kan um nain siangpahrang kan si.
Jesuh thisen le tipi innak a zum mi paoh Pathian nih a khamh ti hi na zum taktak maw? Jesuh tipil innak um loin kan khamhnak hi a tlamtling kho lo. Jesuh le Pathian nih a dik tiah an ti mi zumhnak Jesuh tipil innak, vailam cung a thihnak le kan sual a tawl dih ti zumhnak a si. Hi lawng hi a dik mi zumhnak a si.
Jesuh tipil innak nih kan sualnak vialte a lak dih i vailam cung a thihnak nih sual man leiba vialte a kan dih. Khrih Jesuh nih a thisen le ti in a kan khamh. Aw a si! Ka zumh cang!
Copyright © 2021 by The New Life Mission
