- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `i 3: Ofu loso Eyidrii Endri dri tro
[3-3] Yesu Kristo Emu Eyi si, Ari si vua Endri si (1 Yohana 5:1-12 ojo)
(1 Yohana 5:1-12 ojo)
“Ma`di Yesu ni a`i`di Kristo `i rii, ani Rubanga a `bara `i. Ma`di ata ni ani ti`di ri le`di rii, ole Ngwaapi ni ana tile ri isa ra. Ama nia ale `boronzi Rubanga dri ra ni, ama ani leka ndro vua ama ana cara a ta ni mbaka si. Rubanga leka a ehwi ni cara anidri `a ta mbaka. Cara driaru okpo ku, a`dusi ma`di Rubanga a `bara `i rii, ka ta vudri ria mi za ra. Ande o`ja vudri rii ama a`i si. A`di ka vu za wa rii ni? Rarii te ma`di a`i dia Yesu ni Rubanga a Ngwaapi `i rii. Te ma`di a`i dia Yesu ni Rubanga a Ngwaapi `i ri `i. Yesu eya eyi si ari tro eya eyi si a`dite ku, eyi ari tro si` vua Endri ka le`jo nze driaru, a`dusi tesa Endri ni anda. Disidru sadinia ti ai bua ina. Endri, eyi vua ari, inatruwa a`ikiru ra. Ama le`jo `baa nzele rii a`i, ki le`jo Rubanga a nzele rii onde ni. `Dii le`jo Rubanga a nzele ana Ngwaapi si ri `i. `Ba cidru Rubanga a Ngwaapi ni a`ika ria asi ga le`jo nzele `dii a`a ma`di Rubanga a`i`di kuru ri, ole Rubanga ni `baka enzo, a`dusi a`i lejo Rubanga a nzele ana Ngwaapi si rii ku, le`jo nzele rii di `i: Rubanga ohwe amani lidri olu`di tadru ri `i ra, lidri`dii ana Ngwaapi ni ru. Ma`di Ngwaapi a olure asi `a ru ri dri, lidri `dii a`a; vua ma`di Ngwaapi a olure asiaru iyo ri dri, lidri iyo.”
“Ma`di Yesu ni a`i`di Kristo `i rii, ani Rubanga a `bara `i. Ma`di ata ni ani ti`di ri le`di rii, ole Ngwaapi ni ana tile ri isa ra. Ama nia ale `boronzi Rubanga dri ra ni, ama ani leka ndro vua ama ana cara a ta ni mbaka si. Rubanga leka a ehwi ni cara anidri `a ta mbaka. Cara driaru okpo ku, a`dusi ma`di Rubanga a `bara `i rii, ka ta vudri ria mi za ra. Ande o`ja vudri rii ama a`i si. A`di ka vu za wa rii ni? Rarii te ma`di a`i dia Yesu ni Rubanga a Ngwaapi `i rii. Te ma`di a`i dia Yesu ni Rubanga a Ngwaapi `i ri `i. Yesu eya eyi si ari tro eya eyi si a`dite ku, eyi ari tro si` vua Endri ka le`jo nze driaru, a`dusi tesa Endri ni anda. Disidru sadinia ti ai bua ina. Endri, eyi vua ari, inatruwa a`ikiru ra. Ama le`jo `baa nzele rii a`i, ki le`jo Rubanga a nzele rii onde ni. `Dii le`jo Rubanga a nzele ana Ngwaapi si ri `i. `Ba cidru Rubanga a Ngwaapi ni a`ika ria asi ga le`jo nzele `dii a`a ma`di Rubanga a`i`di kuru ri, ole Rubanga ni `baka enzo, a`dusi a`i lejo Rubanga a nzele ana Ngwaapi si rii ku, le`jo nzele rii di `i: Rubanga ohwe amani lidri olu`di tadru ri `i ra, lidri`dii ana Ngwaapi ni ru. Ma`di Ngwaapi a olure asi `a ru ri dri, lidri `dii a`a; vua ma`di Ngwaapi a olure asiaru iyo ri dri, lidri iyo.”
Yesu emu a`du si?
Eya eyi si, ari si vua
Endri si.
Yesu Kristo emu eyi si ya? O`o, eya ana batisimu si. Eyi omba batisimu Yesu a esule Yoana Batisita dri A`bu Jurudano ga ria kare ga. Ani batisimu layu `dri `enzi vudri ri `du di ndutudru ri`i.
Yesu eya ari si ya? o`o eya ausi. Otiru ru si `ba ani vua oko esu batisimu enzi vu dri e`be`di ndutu rii, Oko uhwe enzi cidru ni ti ari `driaru ra`di kuruce `dri risi` Yesu emu ari si.
Yesu eya Endri si ya? o`o eya ausi. Yesu ni Rubanga, ki eya kendre Endri si ausi ani kolu dru Aridipi enzi `ba dri`i.
`Ba ambgu igeni Yesu emu eyi si, ari`si vua Endri si ni kuru. Tete `ba ubi ku ondre Yesu ni gbadru Opi opi cidru dri `i vua Rubanga rubanga cidru dri `i ni ni. `Ba amgbu olu dri driasa dri ucire ga, di nosi Yesu ni gba loku loku `bara Rubanga dri iya, jo nosi Ngwaapi `badri `i ya si `i. Disi `ba ambgu oko `ba ta laka Rubanga dii ra ri `bati `ba le`jo opi `dri dia dri ndreka ri ro kpodru tro, aisa a`iki Yesu ni` gba Rubanga ku, Aridipi vua ma`di anda ri `i ku.
Ki Rubanga ojo ma`di ai`dia Yesu ni Opi opi cidru `dri `i, Rubanga loku vua Aridipi loku ri `i rii ani oti ni. `Ba Rubanga ni leka ra ri `bati oleki Yesu isa ra vua `ba gba loku loku Rubanga ni igenika ri ka Yesu isa igeni ovi alua risi.
`Ba ka ta vudri ria mi nde kpe jo oti ai di ku `i. `Dii ra, Majugo Paulo a jojo`dru amani Kristo `ba loku rii tete kaki vu `di`a mi ni nde wa rii ni ri `i. `Ba a`i tro ri ondeki vu`dia mi ni a`ia a`i baka eyi anidri vua Endri driaru ri idri si. Mori vu ndejo ri kenga ma`di a le niga kpe, jo kolu gborodru kusa mile mi sa `i.
“Kesu ciri madri ta nzejo rii kolu `ba dri ani, kusa malaika dri ani sa, jo manze ta le ako, oviru leri kusa lungu mgbale nyadru ri tro. Kesu madri hwe le`jo Rubanga a etele rii nzejo Profeta ti si rii kolu a`a, ata ta ruzudi di ria zele nijo kpodru ote, ri `i sa, kesu a`i madri kolu nzagodru `be ize jo sa wa ri`i, kijo le iyo, ma ta konyi ako ri `i. Jo kesu ahwe ta cidru madri a`a ri`i pi, vua jo molu baba ma ru ni hwere igwele sa, jo ma le ako, dride ani iyo” (Korinto 13:1-3).
Le jole dia dia ehwi ni Yesu emu eyi si, ari si vua Endri si `i. Bugu Ole ri `ia, le`jo ehwi le nidii saa cidru si sa katajo le ta anda ridri `idri (Tesalonika 2:10). Gbadru, Rubanga `a le itederu ana Ngwaapi ni alu tende risi (1 Yohana 4:9).
Te madi eyi, ari tro ai`di ri ka vu nde wa rii ni.
A`di ka vu di za wa rii ni?
`Ba geni baka layu Yesu dri idri rii
batisimu ana ari dri ana Endri
dri tro rii.
Bugu Yohana dri 5:5-6 ojo, “Adi ka vu za wa rii ni? Ra rii te ma`di a`idia Yesu ni Rubanga a Ngwaapi `i ri`i. Yesu eyi si ari tro – Yesu Kristo `i”.
Kristo `ba `bazi, sitani a mi ni ndedi vu di za ka wa si rii Yesu Kristo i. `Ba cidru le`jo eyi dri, ari drii vua Endri Yesu dri a`ika rii `bati ka vu di a mi za ra. Yesu oza vu ingo ni si? Di ideru layu eyi dri, ari dri vua Endri dri risi.
Bugu Ole ri i`a eyi ka ta jo `Yesu a batisimu nidri` ofu okpo Petro a sile rii (1 Petro 3:21) ojo, Yesu emu vudri `dia ru si. Emu enzi `ba vu `dri ri arire; esu batisimu enzi ndutu enzi `ba dri ebejo vua odra kuruce dri `ba akujo enzi na `bati iga.
Ari`driaru kuruce dri ri katajo ta loku vua a`i ana emuka vudri `di ru `ba dri si ni dri. Emu ru enzi dri tro ausi ani kari dru enzi `ba wa si oko esu batisimu eyi si, dii, Yesu eya amadri ta eri si eyi si vua ari si`. Le`jo ehwi ziti si, karujo odu enzi vudri rii ta eri si` dii ana batisimu ti ari ana dra tro.
Sitani ka vu di ase ingoni? Sitani oba `ba cidru ka le`jo Rubanga `dria `a a ura ura oko osa le`jo ehwi dri okpo dri aia asi ga. Sitani oma`ba ecole anini tiluza dru ai unzaka aini dri okpo ejijo le`jo Rubanga dri iru si ni ra.
Disidru Yesu emu vu `di idri oko obe aia enzi ni eyi ana batisimu dri ari ani dri Kuruce dri ri tro si ri idri: Onde sitani ni ra disi ebe enzi vudri rii ndutu dru ra.
`Di ideru Yesu Kristo a oluka Aridipi enzi `ba `dri `i si. Engwi ama Aridipi `i a`dusi emu eyi si vua ari si.
Yesu odu enzi vudri rii ndutu batisimu `driaru layu tro risi.
Yesu oza vu`di a mi ni wa a
ehwi ni a`du?
Ehwi ani odu enzi vudri `rii
ndutu dru pi.
Yesu esu batisimu enzi vudri ndutu ebejo odra kuruce dri ai aku`jo. Ka ama ayu-enzi cidru` dria wa. A`dusi Yesu esu batisimu Yoana Batisita dri A`bu Jurudano a, ma`di `ba cidru ni dri nzedi ni, rii, enzi vu ndutu dri ohweru driaru. Yesu azi ana lidri ni kuruce dri enzi a musara ni uhwe`jo. Yesu uhwe musara ama enzi drii dra anidri si. Yesu eya enzi `ba dri eyi ana batisimu dri si vua ari driaru kuruce dri risi.
Yesu eya enzi`ba dri eyi ana batisimu dri si vua Ari driaru kuruce dri risi.
Oza okpo sitani dri a mi ni ingoni?
Ana Batisimu, Ari vua Endri dri si.
Majugo Yoana ojo layu esua tete eyi si ku, ki eyi ti ari tro eritrawa si si. Disidru, kendre Yesu a enzi duka ndutudru ana ai izeka ama iru `bobo dru pi ri ani, enzi `ba cidru ka draa lari esu aia enzi nia ra.
Rarii enzi a rubaka ruaru, vua ai baka le`jo driaru a ta mbare ga si Yesu emu vudri `dia, odu pi rii tete ama enzi `i ku, ki tro sa ana luhwe ari ana `dra `dri radi Kuruce `dri risi. Odu enzi ama drii cidru ana batisimu Jurudano ga risi oko uhwe musara enzi cidru drii Kuruce dri, uhwe enzi amadrii dra ani dri si. Cara Rubanga `dri anda jo`dia `enzi a musara ni dra` (Roma 6:23) ri oko ideru ra.
Yesu a ta jole ria ehwi ni a`du ana ta jore vu`dia mi ni ndeka nidri ri `i? Ta vudia mi ndejo wa rii ai ofu loso layu dri, Yesu a ehwele amani eyi si vua ari si ri `i. Emu ovi ru dri si vua ohwe sadini lari`dri batisimu ari ana eyi dri si vua `dra `driaru Kuruce dri risi.
Yesu onde vudia mi ni ra, vudia mi ni ungwele rii Sitani `i. Maju andrani eze ekelezia bero ri ia ri `bati ombaki okpo vua tesa ai baba drale le`jo anda dri si rudoka amba Roma dri isi ni ako kusa rudoka lubi vudi dri isi ni ako.
Dii a`i ta cidru aia igenile ridrii a`iki Yesu emu eyi si (esu batisimu enzi amadrii ndutu dujo pi `i), vua trosa ari anidri kuruce dri riisi (uhwe enzi amadrii ndutu ana dra si).
Yesu emu Endri si (eya ru `ba dri si), oko odu enzi enzi `ba dri `i ana batisimu si vua ana ari kuruce dri ri si ausi ama cidru layu esuka rii ka vu di nde ra.
Ovi zi driadini sa ama aridi rii a`a, ungwea Batisimu, Onzika Yesu Kristo `dri `si ri `i <1 petro 3:21>
Ovi zi lari dri rii ingo `i?
Batisimu Yesu dri`i.
Ojoru petro atijo`a 3:21 ga, “Eyi `dii ovi batisimu anyi ari`di andi ru dri je`ka si ri`i ku, ki (cara icarale Rubanga ni ra anda risi ri ete`de`di ri`i), onzika Yesu Kristo dri si.” Majugo Petro ohwe sadini Yesu nidri pelere ojo ani Aridipi `i emu eyi batisimu driaru ari tro risi.
Daini `disi `dru, kole igeniki Yesu ni emu eyi si vua ari si. Vuatrosa kolea oniki ote Yesu a batisimu eyi drii ovi ama lari dri `i. Majugo petro ojo amani `eyi` batisimu drii, `ari drii vua Endri dri ri bati loku leti ce layu esujo ri `i.
Maju Yesu dri ri `bati a`iki ari kuruce dri rii batisimu Yesu dri ri tro. Ani a`ika a`dite au oviru a`i ndiku ri tro vi. A`i bale ndi ku kusa kpoku rii saa zi si keya kegwe ra. Disidru, a`i `ba ofu loso eyi dri, ari dri vua Endri dri ri igenika au ndi saa di si rii keya kozo okpo` a`dusi o`du disi uduku ofu loso tete ari dri rii ofu loso andraga rii tro kozo vudri dia okpo. `Dii ce a`dusi? `Ba oni le`jo anda drii ku, layu eyi dri Endri tro ri `i, disidru, kaki ruti`di kpe.
Saa zi alu si, ekelezia ewo itu a efure ga ri `bati ozo`ki engwiki icandi `ba geni mbi ri dri `i. Saa gasi kaki endre kendre kaki ilonyi ani, Ki tiluzi sitani dri ni kaki ilonyi hwe a`i ai`dri ecojo geni ehwi si ku ri idri.
Geni ego rii rakaa jo nosi ma`di oko kuruce eno Kristo dri kusa nosi ide hwe si ri sitani kofe pi `i vua sitani ni ka ru`dro pi jo ago/kusa izi etede ana a`i ari Yesu dri si rii ra`i. Di ba ta loso vua geni amgbu ziti tro sitani ka `ba unza kojoa kole tete `ba kigeni ari Yesu dri au. Sitani ka ani ba kendre ani kori ari si ori ani, kojoa ta tete Yesu a idele enzi `ba ni rii ana aria raka kuruce dri`i. Vua Petro ti maju yote ziti ri tro ohweki sadini ofu loso ce Yesu a batisimu `dri idri vua ana ari kuruce dri ri idri sa tro.
Lokudru, Petro ti maju ziti ri tro ohweki sadini anda ofu loso batisimu Yesu dri ridri ri idri ari driaru Kuruce dri ridri ri tro ra. Ki, dria Kristo `ba o`du disi ri `bati ka sadini hwe a`du dri? Kaki ta driba nze tete ari Yesu dri Kuruce dri ri idri.
Anyiba igeniki le`jo rusidi Bugu Ole ri ia`ra rini vua oko esudru a`i lari Endri si, batisimu Yesu dri si vua ana ari si ri dri`ni. Jo ogaki batisimu Yesu drii mgbe ki a`iki tete sadini hwe Yesu a`draka amasi Kuruce dri ri dri ni au, lari amadri kolu ndutudru ni kpe.
Le`jo ehwi sadini`dri rii Rubanga `a Lari eyi si ridri `i.
Ta itede`dia Rubanga
Ari ama ra rii a`du?
Eyi, Ari vua Endri.
Ari ama ra rii a`du?
Eyi, Ari vua Endri.
Bugu atijoa Yoana a sile rii 5:8 ojo, Opi ojo, “Ta sadini hweka rii vu dri `dia ina” atijoa rii Endri, erijoa rii eyi Yesu a batisimu dri `i, vua inajoarii ari driaru Kuruce dri ri `i. Tadii ina truwa si alu. Yesu eya vudri dia ama cidru arire enzi `di iga. Ani alu`di ide ta le`dii ana batisimu si, ari si vua Endri si.
`Disi ta sadini hweka rii na.` Ta itede`dia Rubanga ari ama ra rii ina. Ta ina dii eyi Yesu a batisimu dri `i, ana ari `i vua Endri`i. Ta ai ina dii ta Yesu a idele amani vudri dia ri `i.
Jo ta ai ina ledi ia alua koduru pi, Lari kongo kolu ndutudru ni kpe. A`dusi ta sadini hweka vudri dia ri ina: Endri, eyi, vua ari Yesu Kristo ni, emudi ama dri rusi rii, Rubanga, ani Endri vua Ngwaapi Rubanga dri `i. Eya vudri `dia Endri `ba dri si ri ani oko esu batisimu enzi vudri rii ndutu `du`jo pi. Odu enzi kpodru rii ani ru oko ari ama enzi `ba rii ana `draka ari `dri`aru radi kuruce `dri ri si. Uhwe enzi amadri ndutudru dii ofu loso layu ndutu dru eyi dri, ari dri, vua Endri dri risi.
Kesu mori oli ta `di ia tete alu sa, oviru lai Rubanga` dri ama aridi enzi cidru a rii ga ka tro ra. Kesu oli ama `i ru ai`ba amgbu o`du disi di tro, kole esu ama jo, `ta sadini hweka vu dri `dia ri eri, ari vua Endri`.
Ki majugo Yoana ojo ta sadini hweka rii ai ina eyi Yesu `a batisimu drii, ana ari kuruce dri ri, vua Endri `i. Majugo Yoana ohwe ana sadini `dii gbo.
A`i enzidipi idaka `di wa rii a`i Endri drii, eyi drii, vua ari dri ri `i. A`i ovi ma`di ikonyi `di wa vudia mi nde`jo rii ingo `i? vua a`i ovi ledi `bati ani ledii adiki esua ingo? Dii gba Bugu Ole ri ia di `a. Dii Yesu ni emudi eyi si, ari si, vua Endri si ri a`ika si. Anyiba a`i tadi bati idri lari esujo lidri olure tadru ri tro.
Lari Rubanga dri ri kolu ndutudru
Waa batisimu Yesu dri rii ako `i?
Kpe.
Aninga eze, ma lari esure kuku rii, masa ma, Kristo `ba go tete ari Yesu dri Kuruce dri ri igenidi Endri Ole rii tro ri `i. Migeni emu vudri dia Endri ole ri ani vua odra Kuruce dri lari hwejo mani enzi cidru ma idele risi. Migeni ta eri dii tete au vua ma recu dasaku driba ani nzejo `ba cidru ni.
Muba tati lini Rubanga dri ri esujo ausini madra dru ma`di ofu loso ri jidi vu juru dri iga ri ani ausini ma e`bu ide layu ejijo endri egweka di ri `bati ni, ausi midea dru ondi kendre Yesu a idekaa ri ani. Muba tati loso loso rii idele ekpadru.
Ki ma geni baka ta tete eri danga dri si, enzi ka tesa rinza ma asiti ga ni. Diani di oba, ama le`jo vudri dia ria mi ni ndele kpe. Ama layu esule enzi dri a kpe. Ace migeni tete ari driaru rii Endri Ole ri tro di sa, masu enzi olu ma asiti ga aa.
Ra enzi a olujo driso ma asiti ga aa rii, a`dusi ma Yesu ni igenire ra riisa, ani ta eyi, ta jodi Yesu a batisimu nidri ri idri ku. Layu madri rii ndutu dru ku paka aba geni madri rii eyi Yesu a batisimu dri ri idri, ari driaru ri idri vua Endri Ole ri idri kpa.
Abi enzi vudri dia ma idele ru madri risi ria mi ni ndele kpe a`dusiku ani ta batisimu Yesu dri ri idri ku. Tee driaru sa, `ba Yesu ni igenika ra ani amgbu, ki oluki driso kaki enzi ide ru aidri risi `i. Enzi olu driso aia asiti ga aa ki kaki bia aia le ati Yesu ni le jo rii ingwika nyadru sa `i.
Ki kaki hwa alusa ngwi aia lidri ati kusa geni ati riiga kpe a`dusi ojekiru enzi aia idele ri `ia si tau pelere eyi si kuru. Oniki Yesu esu batisimu diiri enzi cidru aia idele rii ifuru Yesu a ruga ni kuru, diani disi obiki dri daka a`i aidri ri iga ni kpe ana deka nivu `i.
Ale maba anyi cidru keri dia ehwi ni pelere. A`diki olu a`i si vua a`diki ta cidru vudri dia ria mi ni nde ra jo obaki igeni amadri rii Yesu a ruga ni `i. Tee jo a`wi ako amadri rii kolu ingoni sa `i, tee jo amide enzi vudri dia be ani ingoni sa `i, jo amigeni Yesu ni amani Aridipi dru ni, dii ma`di ama ebedi kulala enzi ama idele risi ri `i ni ni ana batisimu si vua ari driaru radi kuruce dri risi rii, koba ama mba ana andraga drimgbo `a.
Lokudru, jo igeniki Yesu ni igeni baka eyi ta driba nzedi ana batisimu nidri rii ako, ama layu esu hwa alusa enzi ama idele risi kpe. Majugo Yoana ojo amani a`i anda tacidru vudri dia ria mini ndejo wa rii a`i Yesu Kristo ni igenidi ri `i, ani ma`di emudi eyi ana batisimu dri risi, ari driaru risi vua Endri Ole risi ri `i.
Rubanga eze ana Ngwaapi ni alu tende rii layu hwere `ba batisimu ari tro `driaru ai`ka ri `bati ni. Yesu odu enzi amadrii ndutudru batisimu anidri si. Yesu ni, Ngwaapi Rubanga dri, alu tende ri emu amadri Endri (Rubanga dri si). Oko, ora arisi kuruce dri musara ama enzi drii cidru uhwejo. `Di oba, Yesu ebe `ba cidru a enzi ni ra.
A`i amadri sedi vudi ndere ga ri kenga geni a`i `dri baka Yesu Kristo a emuka ama dri eyi si, ari si, vua Endri si nidri, anidii gbadru ta ama e`be`di kulala enzi cidru a ri `i.
Kesu oli eyi batisimu dri ri kolu iyo vua ari kuruce dri ri isa kolu iyo lari loku ri isa kolu iyo. Ta ai ina le`dia alu ni ako, a`diki lari loku ri esu kpe. Lari loku ri karesu eyi ako, ari ako, vua Endri ako kpe. Disi kole igeniki lini eyi dri, ari dri, vua Endri `dri rii au. Nyini `dii ote ri nyi a`i ce ri esu ra.
Majonyini lari sadini Eyi dri ako Ari dri ako,
vua Endri `dri ako rii Lari loku ri`i ku.
Ta ina okpo rere sadini
hweka lari dri rii ingo ti `i?
Eyi, Ari, vua Endri.
Ma`di ka ta ra lazi oru ledi idri `di ani. “Yesu ni ma Aridipi`i. Ma`i ari driaru Kuruce `dri rii ra disi ale madra le`jo `driaru si. Enzi kolu josa masi aa sa ma`i Yesu ni au. Aru ma enzi ni okposi vua mide e`bu okposi ru etede jo loso, anda vua geni nza tro o`du cidru si. Ahwe ma lidri ni ta cidru ma esule vudri dia rii tro kpodru nyidri. Ale sa oni ma`dru ku. Rubanga ka ma ni ku ni ingoni? Yesu odra kuruce dri ma enzi si. Ama Rubanga ole rii emu vudri `dia `ba ani oko odra kuruce dri amasi. Migeni nyi au. Mazi ru nyini, vua ma e`bu di ide a`i si nyini. Jo molu konyi ako vua enzi kolu driso masi a`a sa, Yesu ka ma ze ausi acia ra ya? Oze ma ku.”
`Ba ta raka diani rii ekpadru. A`iki Yesu esu batisimu enzi vudri rii dujo pi ni kuru ki Kristo `ba ru si, Yesu ni a`ika ra ki draa oluka enzi tro `di `bati kudra ra, kaki vu ingo? Kaki vu aci `a.
Inzajoadru, `ba ziti kojoa Yesu a enzi cidru `duka pi saa ana drajo kuruce dri risi si, draa enzi vudri dia iyo. Dii, tete ta jole ari dri vua Endri dri ri `i. `Dii a`i `ba dri se`di layu tadru ri iga rii `ku. Kole igeniki Yesu odu ama enzi ni pi rii batisimu anidri risi, ali le`jo `driaru, vua odra kuruce dri ama si, oko onzi o`du inajoa riisi dra ani dri a vuga `i.
Anyiba igeniki Yesu odu enzi cidru ama idele rii pi batisimu driaru risi, esu lamgba ama kare ga, vua odra Kuruce dri ama si, vua dra driaru riivu onzi lidri idi o`du ina a vuga.
A`i `diani dii ako, layu ndutudru ri kolu adu ku. Yesu Kristo esu batisimu ra, odra eyi si, ari si, vua oko onzi ra. Yesu Kristo emu `ba dri eyi si, ari si vua Endri si.
Odu enzi vudri rii ndutudru pi. Le`jo ehwi okpo rere sadini hweka lari driaru vudri dia ri idri ri ina: Endri, Eyi vua ari.
Atjoaa rii, Endri ole ri ojo Yesu ni Rubanga ki esi vudri dia ru `ba dri si.
Erijoa ri ojo ta eyi dri, igeniru katajo batisimu Yesu a esule Jurudano a Yoana Batisita dri ri idri. Di oba enzi amadri ohweru Yesu dri enzi amadri kpodru ohweru driaru ana batisimu si (Mateo 3:15).
Sadini inajoadru rii ana `ari `i` di omba Yesu `a a`ikaa lamgba esuka ama enzi si `a kare ga. Lokudru Yesu odra ra, ai lamgba ana Ata dri rii ama kare ga vua o`du ina dra anidri ri ivu onzi lidri di `ausini ani kohwedru amani lidri udi rii wa si.
Rubanga ama ata eze ana Endri ni `ba batisimu, ari tro Ngwaapi dri a`ika ra ri asi ausi kohwedru sadini ama layu ni dri.
`Ba rutika`di ri `batia ari nia le`jo `dii aa, di oba ondeki vu ra. `Ba layu esuka ra ri `bati ka sitani ni nde ra, enzo Profetaa enzo ridrii, vua dri luci, lidri okpo vu di dri ai re`di gboro dru ritro ondeki mi ani ra, okpo `dia alu`jo ama`dri aa rii amala ama sadini hwe ama asi nia ta anda dri idri. Eyi Yesu dri `i, ana ari `i, vua Endri `i.
A`diki vu`dia mi ni nde sitani
tro ingoni?
Sadini ina ri a`ika si.
A`diki sitani ti nde vu `di tro ra a`dusi igeniki Endri, eyi, vua ari au. `Ba batisimu ari tro Yesu dri a`ika ra ri `bati ni lunza Profetaa enzo ri `dri a mi ndeka ni epe. Ama a`i vua mori vu `dia mi ndejo ri tro, esua kpodru eyi, ari, vua Endri a. Nya`i dii ra`ya?
Nyini dii kpa kusa nyi vu nde ra jo nyidri a`i layu Yesu a batisimu si, ana ari si vua geni Yesu ni Ngwaapi Rubanga drii vua ani ama Aridipi `i ni aa `i. A`i diani `dii nya asiti ga aa`ya?
Nya asiga eyi `dii Endri `di tro aa`ya? Nya`i enzi nyidri ni cidru ohweru Yesu dri ni ra`ya? Nya asi ga ari kuruce `dri `dii aa`ya?
Nyi vu di nde ra jo nya asi ga a`i eyi `dri Yesu a ari`dri tro a`a `i. Jo nya `i Yesu odra kuruce dri nyisi vua odu lali enzi dri nyidri pi ni ra nyi vu di nde ra.
Majugo Yoana onde vu ra rii a`i ina gboro dia oluka asi `a ru aa si. Vuatro sa ojo ta layu `dri ana adrunzi tini aia icandi mi ka tro vua e`bu aia idele ri ingoni ti tro. Ojo `dii (ovi nyi sa nyi vu di nde dru ri `i. Yesu emu Endri si, eyi si vua Ari si. Ana vu di ndeka ra si, `ba a`i tro ri `bati isa ka vu`di nde ra. `Dii leti tete `ba a`i tro ria vu di nde`jo ri `i.
Ofu atijoa Yohana a sile 5:8 ojo, “Ta sadini hweka vudri `dia rii ina: Endri, eyi, vua ari; ta`dii inatruwa a`iki ru ra.” `Ba amgbu ziti dria dini sa kaki ta jo ari Yesu dri idri Endri driaru tro. Kakiko kaki eyi Yesu a batisimu dri ebe ra. Kolea Kenga ki oluka ogu ga urata unzi aia asi nia ri iga pi. Kongo koruki ai`a enzi ni.` Kole ka i`ki `eyi Yesu a batisimu dri rutijo di rini. Ma`di ka alusa vu di nde kpe jo a`i ari eyi tro Yesu Kristo drii kuru `i majoa anyini `di le`jo `driaru le`jo Endri dri`i, vua ingwe dri `i.
Ma`di ka hwa alusa vudia mi nde anini eyi ari tro Yesu dri ri igenika ako ni kpe. Majoa anyini ziniga sa idi, ma`dizi hwa alusa iyo! Anyiba odiki oja ebuki eyi ari tro Yesu dri rii apahwa amadri okpo riidru au. A`dusi Le`jo driaru rii iligo Endri dri `i, vua ingwe amadri `i.
`Ba dra`a sa batisimu Yesu dri enzi amadri di jedi ndutudru rii a`ika kuru rii amgbu. Vua `ba geni `baka tete ta eri dri ri isa amgbu. Disi, Yesu a jorea aini` `anyinga oru anyi su,` rii omaki hwa sule kpe. A`dusi enzi olu driasa aia asiga a`a. Jo kai`ki Yesu ni ra sa kaki vu aci `a.
Ofu loso Batisimu `dri rii Ari Yesu `dri ri tro kolea gbadru sadini kohweru `driaru ausini `ba keri a, kaki a`i `a, kakiko kaki rari ra
A`i ana batisimu nidri rii geni ya?
Ku, dii geni ku dii ta ce ri `i.
Ku, dii geni ku dii ta ce ri `i.
Jo adi ta jo ofu loso ri idri, kole kolu ce. Yesu emu Endri si, batisimu (enzi ama `dri dudi ndutu risi), vua ari (enzi ama `dri uhwe `di ndutu risi) kole igeniki ta `di `bati ina truwa si. Jo
ide ku ta nzele rii ofu loso rii ku, ki dini gba ri `i. Kristo `ba amgbu ka lidri Kristo`ba dri du kendre dini gba ri `i ani, ki Kristo `ba ni kafiri `ba kendre `dini `ba ani ni kpe. A`du si `dii a`i layu dri rusidi anda dri rii, aii nga ndrejo Rubanga dri rii disi kolu `dini kpe.
Dini ni ta `baa bale ni ri `i, ki a`i ni nya ndre`kaa lari Rubanga a hwele amani ri iga `i. `Dii aia mgbimgbi `i jo iya andraga ni `i, a`dusi nyiba lini Kristo `ba dri kengwi kendre dini zi ani nyingo nyidoa ta nze`le o`do si vua anda anda si.
Yesu Kristo emu vudri dia `dini `bare ku. Oba dini ungwele Kristo`ba `dii ba ku. Disi nya ra jojoadru a`i kolu lini ni a`du? Kesu kpo kovikiru vi, nyigeni dini Buddhism `drii au ku a`dusi? Nyitiri ma mbi`a `di joka si `i?
`Bazi `bati ka Yesu ni igeni olujo leti dini dri si, diivu aia zeleti keko kaki joa, “Mgbimgbi ni a`du? Bu `a, eri a oru a, paradizo a.... Dii kpo ta alu ri `i, ru aidri rii mgbimgbi ru ni. Zeleti `ba dri rii kpodru si keko kare alu ga.”
`Ba ziti igeni Yesu ni ovi dini dri si, kakiko kaki recu kaki joa ta alu ri `i, aia mgbimgbi ni te ru ga. Ovi zisi a`diki `ba `bazi ori au, anyiba ombaki anda dri okpo. `Anyiba angaki oru vua osu ki.` Anyiba eteki le`jo anda drii ueka go `go ako.
Jo ma`di zi o`jo, “Na kolu leti tete alu yajo bua ri `i ni kpe,” kole nyijo dii uduku ce risi, “O`o! Dii tete leti alu ri `i. Nyi ya bua warii nya tete Yesu ni emudi di eyisi, ari si, vua Endri si ri a`ika si.” Nyi su ingwe bue ausini Endri ziti isa kolea le`jo layu dri, rutijo di, vua vujo bua ri erika ra.
A`i nyidri kolu ce: `Ba `dri`de esuka Yesu ni leka si ri oniki ta layu Yesu a batisimu dri idri
ana Ari dri tro ku, disi kaki udra ra.
A`di kodra ni jo nosi ka `i
Yesu ni ra sa `i?
`Ba batisimu Yesu dri a`ika
kuru ri `i.
Jo kaa nya`idru migeni Yesu ni au ovidru le luhwe ako rii `ba`ka Yesu a ruga tro vua dii leti ali rere engwijo Kristobago dini dri ndre`di ri `i dru ri `i.
Meli meri a ali di rii oya lile vua `ba lidri esuka ri isa ebe lidri ku. Oce koze ki ofu di sa, eyi adika okpo si imba meli ziti ci evure ai ikonyire ga `i. Disi, elikopita elu oko ebe iba vuru au. Jo `ba di koko iba `dii dri si kumbeki ai iru ku oviru `ba le`ba`ka Yesu ni luhwe kusa dride ako ri tro: Rubanga ni igeniki kendre ana ide`kaa ri ani. Ani dri mgbo ku, ki kojoa, “maira nyari ma. Maira, `disi mura ma rari wa”.
Ki kojoa, ma` di nyari ma. Ma`i ra, `disi ma`di bi ta eri`di ku ri kigenia ani ka rari iba`di koka si.
Ki jo onzi ani oru, dri na koma iba ni kole okpe. Komaa kole ana okpo si. Ana okorea ga komaa iba ni kole kpe. Jo mori na okora, Koma ta kole okpo kpe, koko kengwi vule kede zianiga `di meri ni` a.
Le luhwe ako ri isa Yesu ohwe `ba amgbu ni. A`dusi kakijoa ai igeni Rubanga ti Yesu tro ra; vua tro sa ai igeni Yesu ni emudi Endri si rii, ki dii lazi ru vidi vi ri `i. Kaki gba ai ba kusa kaki olu ofu loso anda ri `ia ni wa, `disi kaki ai unza ia ngasi joreaga ai a`i ani ausi`i dii mako a`i aka ta alu rii iku.
Igenikaa ti bikaa igenikaa tro ta mgbimgbi ri `i. Kaki ce ai kevu ka Yesu a vu ni ko tatia asere ga ra, a`di evu adi ai be angwe tatia asere ga ra a`dusi enzi olu driso aia asiti ga aa. Ole ki Yesu ni nika emu batisimu driaru risi, ari driaru risi, vua Endri Ole risi ni ku. Ki jo oleki Yesu ni tete ari driaru risi, kaki vu aci olure tadru ri `ia.
Nyumbe nya endri ni iba ofu loso loku ridri risi, dii ofu loso eyidri vua Endri dri ri `i. Yesu ebe iba lari dri rii vuru di, `ba ai umbaka eyi si, ari si, vua Endri Ole risi ri `bati esu lari ra.
Ma`di konyi hwedi ndeke a rii eza olobo ere risi megafoni si ojo, “Anyeri ta ma jole rini. Jo abe iba dii ni, anyuti anya aga ga, anya dri tii lofo. Diivu, anyolu anya olure ga. Oko iba dii dri anyidri risi ku. Ra rii anyuti anya aga ga anyiko anyolu di. Diivu, anyi lari esu ra.”
Ma`di ati rii eri ta jole rii ra oko uti ani anangasi iba disi ondi kendre jokaa ri ani, oko ari ru ra. Ki ma`di zikajo ri ojo, “Ori ku. Ma okpo. Adri e`bu idere lemu ru egbwe dri iga. Nyindre! Indre ou madri usudi dii ra ya? Ma ta ko okpo ahwa gwada wa.” Disidru iba dii kure oru rii oko iba dii dri si.
`Ba dii eri truwa si onziki ru oru ra. Ki aia mgbimgbi ni ma`di zikajo rii eri cara ruhwedi rii ra oko uti ana aga ni ondikusa jokaa ri ani disidru onziru oru driluci ako. Nzirea rii dria ociru ra, ki sa onziru oru ra.
Ana mori ta kojo ri okora adusi mori dii` ana okpo `i. Adra ra a`dusi oga ta jole anini ri a`ika ni mgbe.
Layu tadru ri esujo, kole ma`di kigeni layu eyi ana batisimu `dri si rii vua ari driaru Endri cidru ari `di enzi `dria ri ni. Lari saa cidru si sa aa `ba le`jo `driaru a`ika asi cidru si ri `bati ni `i. “mari anyi ra rere rii batisimu ma esule Yoana Batisita dri risi vua ari madri ma drajo ra di kuruce dri risi”.
`Ba tete ari ni a`ika au ri kojoa, “ori ku, ma` i ra rii ni. Ma lidria a okore ga meya molu asi egbwe si ari Yesu Kristo `dri a`ika si. Ma Yesu a vu ni ko paka tati a asere ga vua ma geni tete ana ari ni `dri ri kate ka, ate isa nde ra mani vu di nde`jo vua enzi cidru ma lidri ni a ri tro”.
Lokudru, di oca ku. `Ba Rubanga a a`ile olule `ba anidri riidru ra ri `bati kole koba geni aidri rii ta ina dri: kole kigeniki Yesu emu vudri dia Endri Ole risi, esu batisimu (Yesu odu enzi `ba cidru a idele rii pi batisimu ana esule Abu Jurudano a risi), odra Kuruce dri musara cidru enzi dri rii uhwejo, vua onzi draga si o`du inajoadru risi idi.
Endri emu tete `ba ta ina `di a`ika risi vua ka ta jo`driaru. “Oo, ma nya Aridipi `i. Ma ri nyi eyi si vua ari si. Ma nya Rubanga `i”.
`Ba ta ina`di a`ika kuru rii, Rubanga ohwe aini lari ku. Jo aru alua koduru tete ni sa `i, Rubanga ojo, “Ka, nyari ru kuru”. Maju driaru igeni ta ina dii kpodru. Yesu ojo batisimu anidrii ovi lari dri `i, vua ana ari ni ovi lali dri`i.
Majugo Paulo ti Petro tro aisa ohweki sadini Yesu a Batisimu nidri ana Ari tro eritruwa.
Maju Yesu dri ri `bati ohwe
sadini a`di nidri?
Yesu a batisimu nidri ana
ari tro.
Majugo Paulo ojo ta Yesu a batisimu ni `dri ra ya? Anyiba ondreki `di ojo ta batisimu Yesu `dri idri vu si ya `i. Ojo Roma 6:3 ga, “Ini ama batisimu esure Yesu Kristo si rii, esu batisimu ana `dra` si ni ku ya?” 6:5 ojo, “Jo amemuru anetro `drare ga kendre ani a dra`ka ri ani, amevu ama remu anetro ana onzire ga kendre ana onzi ka ri ani”.
Ojo zini ga Galatia 3:27 ga, “Anyi `ba batisimu esu ka ru Kristo `dri si rii anyemu ru Kristo ti tro alu” Maju Yesu `dri ri `bati isa kpodru ohweki sadini eyi Yesu a batisimu `dri ri idri. “Ovi draa ama ari `di rii aa, dii ungwea batisimu” (1 Petro 3:21).
Lari layu tro Opi `dri ri emu eyi ari tro Yesu dri si.
Ma`di Rubanga a ungwele
anda rii a`di `i?
`Ba enzi aia asiga iyo ri `bati `i.
Layu Yesu a `bale `ba dri rii eyi Yesu a batisimu `dri ri dri `i vua ana ari kuruce dri ri dri `i. Layu ledi si a`diki nga oru vua adiki su. A`dusi? `Aia sadini hweka ta ina `di idri si.
“Anyi nga oru, anyisu; Adusi ingwe anyi dri eca ra! Vua eku Opi `dri efu anyi dri ra” (Izaia 60:1). Rubanga etede ingwe `dii ama dri oko ojo kole amasa ama su.
Kole eriki cara `di ni oriki wio ofu loso ri nze ama mori cidru si. Disidru, te `ba amgbu keri kuru sa `i. Nya `i Yesu ni au nyiko nyi layu esu ra. Nyengwi anda jo enzi kolu dri nya si a`a sa `i. A`dusi nyi driso anda ku. Inde driso enzi vudri ria mi ni kuru.
Nyi alusa enzi nya ari nia rii ini kpe jo nya `i eyi Yesu dri (ana batisimu drii au ku `i). Nyi alusa lali ga kpe jo nya `i ari Yesu `dri rii auku `i. Nyi lari esu kpe jo nya`i Yesu Kristo ni emudi Endri si rii au ku `i. Nyolu hwa ndutudru anda ni kpe paka kesua nyi sadini jole ina ledi a`i kpa anda anda ca `di ku ledii tete ka `ba dri se `ta ingwe anda ri iga` jo madizi ago kusa/izi ojo `driso anidrii enzi a`a, ki ka ani ba anangasi ma`di anda ri `i, ma`di na ani na `i driso Yesu ni`a ku. `Ba ziti o`du di si di komaa ai ayule ta ungwele anda risi` osiki uduku le`jo ehwi konyi ako ridri ta jole `di idri.
Rubanga ungwe ma`dizi ago nosi izi enzi ako ki esu enzi asiaru a`a ni ra ya? Ide ledi `i kuru. A`dusi kungwea kendre ana ndrekaa ri ani. Ani okpo rere, vua ojo enzo ku. `Ba eri dria sa le`jo ehwi jole anda dii kuru. A`diki ta ungwe `ta u` rii tete kesua lokudru tau. A`diki joa `anda` ki vua naa enzi aa.
Nyiraa Yesu isa ka nyi ungwe anda jo te enzi kolu nya si a`a sa `i, ki ledii ce ku.
Yesu ka te ama ungwe anda rii kesua ama ani igeni kendre ma`di emudi Endri si vua eyi si/odu enzi ama drii ndutudru ana batisimu esuka`si ri ani), vua Endri si ri ani (emu ru si vua odra ama si).
Kristo `ba `ba zi, `ta –ungwele anda anda` ni dini ta idele ofu loso eyi dri ri `batini Endri a ri tro iyo. Ta-ungwele anda anda` kusa `rungweka anda ni `dii lini `baa dri ejile ni ri `i. Rubanga ungwe nyi anda ra`a enzi`a olure nya asi ga a`a ri `i? Rubanga ungwe ma`dizi ago kusa nosi/izi alu anda ni ku jo enzi olu driso asiaru a`a `i jo ma`di na kigeni Yesu ni ingoni sa `i. Yesu ojo hwa enzo ku.
Driso, nyisa nyitiri ka madizi ago kusa izi ungwe anda jo nosi enzi kolu asi a ru a`a sa `i ya? Ledii ta `ba`a urale ri `i, Rubanga i`ku. Rubanga ole ti enzo ku. Ka nyi ungwe anda`a jo te nyi geni `Endri ti `ari tro `i? Hwa.
Ma`dizi Rubanga `a ungwele anda rii tete alu. `Dii `ba enzi ai asi iyo ri `i. Vua oni ote rii `ba tete ta ina `di igeni ka ri `i. Na`a a`idia Yesu ni, Rubanga, eya vudri `dia ru si, esu batisimu Jurudano a, vua ora ari si, kuruce dri enzi ama dria ti uhwejo ri `i.
`Ba tete ofu loso layu dri ri a`ika rii `ba Rubanga a nile ote anda ri `bati `i rii ni. Ai `ba geni anda tro ri `i. Ai`ki ta ana idele `bani rii kpodru. A`iki Yesu emu ra, odu aia enzi pi ana draka kuruce dri si, vua onzi dra ga ra.
Ta dii kpodru ideru Rubanga `a le` ni a, Yesu esi bu `a si vuru oko ojo, “Anyi `ba cidru teri a ndele ra vua ricandika ri enyevu madri, memu ma`ba anyovu” (Mateo 11:28). Ide `dii ana ama enzi ni duka pi si.
Rubanga oni `ba tete ari Yesu dri a`ika au rii ku. `Ba tete ari Yesu dri a`ika au ri `bati draa sa enzi olu dri aia asiti ga a`a. Ma`di Yesu a nile ote layu esudi wa rii adi `i?
Nyigeni batisimu Yesu dri `i, ari dri`a ru `i vua anda anda ce ari Rubanda dri `i, dii kpodru ta `badia `ba ka ra ni wa ri `i “Adu enzi anyidri cidru ma emure vudri `dia rii vua mesu batisimu Yoana Batisita dri. Ajo enzi vu dri `dia riikpo dru ohweru ma dri. Muhwe enzi dii ti ni kpodru kuruce dri si ra, vua mari anyi ausi”.
`Ba ta di igenika ina truwasi rini Yesu, ojo, “o`o, nyariru ra. Anyi anda vua `baciri Rubanda `dri `i”. Nyi gba isa ka rari ra jo nya `i batisimu Yesu dri `i ana ari `i, Endri ti tro alu dru `i. `Ba tete ari ti a`ika Endri tro ri `bati asi enzi olu driso a`a rii ni.
E`ku Rubanda `dri ia, anda anda tete alu. `Dii anda, ta loku rii joka `i, le vua kiza. Enzi fufu sa na`a iyo. Enzo lunza tro `bua naa iyo.
Ma`di cara ako ete`de di rii a`di`i?
Ma`di batisimu Yesu `dri ai`di
kuru Ri `i.
kuru Ri `i.
“Jo o`du na keca ni, `ba amgbu kojoa mani `Opi, Opi, aninga amini ta nya ru si kuru ya? Adro ori unzi nya ru si kuru ya? Amide nyuma nyaru si kuru ya?” (Mateo 7:22)
Rubanga oba `bi e`bu loso `baa idele ri iga anini engwi`jo ta `bani to`jo ana e`ku ni ga ri `i dru ni ku. “Majoa aini kperi, ani anyi ku, anyi `ba unzi `di konga mandra pi!`” (Mateo 7:23).
“Ahwe nyini jo eri. Vua mazi ma lidri isa anyi si. Indre ma ku ya? Aga hwa nyi kuru paka ma o`ja tatia ase`jo rii inga. Indre draasa ma ku ya?”
“Disi enzi nya asiga aa ya?”
“O`o, Opi aa. Ki gaa dru.”
“Draa, nyinga ma laga pi! Ole enzi `dipi keya alusa `dia ku”.
“`Ki odra gba ru si kpo Endri esujo opi le`jo nyidri risi di iya”.
“Nyi `dii a`du jo, draka le`jo madri si ya? Idra rii nya ta erika ku si. Ini ta ma batisimu nidri ma ari tro ote ya? Ajo nya asi ni a nyi ma `barangwa `i ni ra ya? Anya `i ma batisimu ni kuru `disi masa ma`i anyi ma `boronzi `i ni kuru. Jo anyi ndila vua anyidra enzuka anya a`i niru si sa `i. Ajo ta anyidri rii a`du nga? Anyeji anyanga si. Ile ma ra ki anyi layu anyidri ma esule anyangasi. Anyera ma ra ya? `Draa, anyolu anya oluka ri ani.”
Yesu ojo amani amanga oru vua ama su. `Ba bugu ole ri a`ika ra rii ori oko ai `ba cekaa ai Kristo niru unzi risi kusa Profetaa enzo risi ku, vua omaki su le ingwe bua kpe ni ku. Ki`ija si tilea ri ka aci retugo ri `du ni. Jo ma`di omba okpo vua ojo ta anda dri, ingwe ko`su vu`di idri ndutu ra.
Izaia 60:1-2, ojo, “Anyinga oru, vua anyi su; a`dusi ingwe anyidri eca ra! vua e`ku opi dri efu anyi `dri ra: vua, vu mudi ka vu`di aku ra, vua vu mu`di ka `ba aku ra: Ki Opi komba anyi drile okpo vua e`ku driaru ka vu`ji anyi dri pelere.”.
Rubanga ohwe amani cara nga`jo oru vua su`jo a`dusi vu mu`di anda ako dri ofu loso enzodru ri nze`jo ri aku vu dia dri ni ndutu. `Ba tete Yesu ni a`ika ri `bati ka ani le ni. `Ba layu esuka kuru ri ka ani le kpe. Kaki ani le ingoni? Kaki ta jo tete le dri, ki gbadru kaki ani le kpe kesua nosi kaki anda `di a`i kpodru kpa le `i.
Ta sadini hwe`ka lari enzi`ba `dri idri rii ina
Sadini lari`dri ama asi
nia rii ingo `i?
Batisimu Yesu `dri `i.
“Vua ta sadini hwe`ka rii vudri `dia ina: Endri, eyi, vua ari: ta `dii ina truwa si aiki ru ra” Yesu emu vudri `dia vua ide ana e`bu ni eyi si ari tro. Ide `dii oko ari ama au si.
“Ama le`jo `baa nzele rii a`i, ki le`jo Rubanga a nzele rii onde rii ni. `Dii le`jo Rubanga a nzele ana Ngwaapi si ri `i. `Ba cidru Rubanga a Ngwaapi ni a`ika ri `a asi ga le`jo nzele `dii aa;. ma`di Rubanga a`i di ku rii ole Rubanga ni`baka enzo, a`dusi a`i le`jo Rubanga a nzele ana Ngwaapi si rii kuru. Le`jo nzele rii `di `i, Rubanga ohwe amani lidri oludi tadru rii ra, lidri `dii ana Ngwaapi ni ru, ma`di Ngwaapi a olure asia ru `aa ridri, lidri `dia a`a vua ma`di Ngwaapi a olure asi aru iyo ri dri, lidri dii iyo” (1 Yohana 5:9-12).
`Ba rutika-di ri `bati esu sadini `ba ndutu dri ra. Oba ama kendre `ba anda ri `i ani. Jo `ba tile `di layu esuka ra ri `bati ka tajo le`jo ce layu dri idri, `ba kirota driaru ku. Kaki a`ia ra. Kaki joa ama`i ledii anda, ama a`i ni ondo jo amajo aini ama rutika `di ni ni, ma`di alusa komba ofu loso ce ama sadini kwere `driaru ri andra kpe `i. Kaki joa amace. Ameri ta `ba`a jole rii au.
Ki le`jo ehwi `dii isa ojo, “Ta Rubanga a jole rii retu; a`dusi `dii ta Rubanga a jole ri `i.” Ojo ta sadini Rubangaa hwele ana Ngwaapi nidri ri idri. Ee ya? Sadini Ngwaapi ni dri rii ingo`i? Sadini Rubanga a ama arijo rii Yesu a emujo Endri si, eyi layu dri si vua ari kuruce `dri risi ri `i. Rubanga ojo `dii ovi ana ama arijo ri `i, vua ama `ba ani `dri `i a`dusi ama `i ra.
“Ba cidru Rubanga a Ngwaapi ni a`ika ria asiga le`jo nzele dii aa; Ma`di Rubanga a`i `di ku ri ole Rubanga `baka enzo, a`dusi a`i le`jo Rubanga a nzele ana Ngwaapi si rii kuru.”
Le`jo `di kitedea amani pelere di `ba layu esuka ra rii a`di ti `i ya `i ojo ma`di Rubanga a Ngwaapi ni a`idi ridri geni aa. Nya asiga igeni di aa ya? `Azi nyi `i vua ma `i. Yesu emu vudri dia ama si. Emu ru si ru Maria dri si okpo Endri ole ridri si. Kinya a`i a olujo risi, esu batisimu enzi madri ndutu `du jo aniru. Ana olure kuruce dri rii lali ama enzi `dri cidru oli driaru. Onzi odu inajoa risi lidri olure ta dru ri hwejo ama ni. Dii ta Yesu a ama arijo ri `i.
Esu jo konzi kuru aduta ka ride ni? Ani seka bua ohwe mani sadini ingoni ri `i? `Dii ta ana olu`jo ma Aridipi `i ri `i. `Dii ta ama igeni le ri `i.
Kendre ana jokaa ra ri ani, ana ri ama ana batisimu si vua ana ari si. A`ikaa ra si, ru nyetro ariru ra. Ta jole `dii nyi`i vua ma`i. `Ba tile Endri si di rii alusa ogaki `eyi` ana batisimu drii ku. Kole ogaki alusa ta ana idele ama arijo dii ku.
“Nyi`ba ta `dii kolu `bo`bo dru dini ama ta `di ideka `dini ni ama anda Rubanga a lele rii ide au” (Mateo 3:15). Aga alusa a`ikaa Yesu odu ama enzi ni ndutudru pi ana batisimu esuka Yoana Batisita dri Jurudano a si ni kuru. `Ba layu esuka ra ri `bati alusa ogaki `eyi,` Yesu a batisimu `drii kuru.
`Ba a`ikaa ra, ki layu esuka kuru ri `bati, `ba batisimu Yesu `dri ri gaka tatia aserega mgbe ri `ba ti `i.
A`di` oba Rubanga engwi
enzo rii ni?
Ma`di batisimu Yesu `dri a`idi
kuru Ri `i.
Ari gba nyi ingoni, Majugo Yoana uza Jurudano a, “Ma`di Rubanga ai`di ku rii ole Rubanga baka enzo” Kesu oli kendre Majugo Yoana kolu `dia aa rii ira ka amaa a`du `jo, ama Kristo `ba o`du `disi `di ni `i? “Ka amazi `di Yesu esu batisimu `di odu ama enzi ni yotedru si ra ya `i.”
Yoana Batisita isa ohwe sadini Yesu a ama arika ana batisimu si nidri ofu loso ri `ia kuru ya? “Enzi anyidri cidru obaru Yesu nidri vua onzi ai ana ogu ga saa ana batisimu hwe`jo ama kpodru arijo risi” (Yoana 1:29, 1 Yohana 5:4-8).
`Ba Rubanga ni a`ika kuru rii, ovi zisi, `ba ta ana idele ama arijo ri a`ika kuru ri `bati, koba kengwi enzo. Jo ojo Yesu `a batisimu esure rii, odu ama enzi ni cidru pi, kaki joa, “Ayi, maa ma`i! odu enzi madri kpodru kuru! odu tete enzi ama tijo autro ri `i, enzi amadri o`du cidru si rii `driso olu”.
Diri, kaki ai uri ilegi enzi aia idele o`du cidru si ri rure ga ausini ai kesudru layu ausi. `Dii ta aia igenile rii, anyisa anyi geni di ani ya? Ma`di a`idia enzi amadri ojeru pi rii Yesu a batisimu si ni ku rii ko`ba Rubanga kengwi enzo.
Yesu ari ama vu alu ate tri batisimu anidri risi vua Ari `driaru radi kuruce dri risi.
Adi ka enzo nze ni?
Ma`di batisimu Yesu dri ai`di
Kuru ri `i.
Yesu esu batisimu vu alu ate tri. Rubanga ka lari hwe tete `ba batisimu ari tro Yesu dri igenika ra ri `bati ni, ki ka `ba a`ikaa ku ri le ga mbge. Kaki vu aci `a. Amala ariru ra ya ti kuru tro konga ta `baa a`ile ri iga. Ki `ba a`ikaa `driso kuru ri `bati esu driso lari kuru a`dusi obaki Rubanga engwi enzo.
`Ba ovu aci `a aia awi ako si ku, ki aia ta a`ika ku si. “Ma`di Rubanga ni ai`di ku rii ole Rubanga baka enzo” (1 Yohana 5:10). `Ba a`ikaa enzi aidri cidru obaru Yesu niru ni kuru rii ndi driasa enzi olu ai asi ga a`a. Kaki joa ai enzi ako ni kpe.
Odu zisi mesu amba Ekelezia `dri nze`di ria gaga ni ako azi ani, “amba a gaga, nya` `i Yesu ni `di mgbe enzi nyidri cidru oe iyo ya?”
“O`o ledi ani.”
“Amala kendre Yesu a enzi vudri ri duka ndutudru pi ri ani ojo `Dria le`jo oko ra, nyari ru ra. `Dii ce ku ya?”
“O`o mariru ra.”
“Draa nyolu enzi ako.”
“O`o ma ani ani.”
“Aduta ka ride ni jo nyide enzi zi di `i?”
“Ama te `ba. Ama enzi ide `di ku ni ingoni ya? Kole amaru ama enzi ni vua ama je ama enzi ni o`du cidru si.”
Amba a ga`ga nidi asi enzi olu `driso aa a`dusi oni anda ndutudru layu esujo rii ku.
Ta ana lele rii Rubanga ni inyadika vua ani `baka enzo. Yesu ni ana oluka Rubanga si sa ide unzi vu dri `dia ra`ya? Dii gba kiza, kesu Yesu kolu enzi ako ku ri, kolu Rubanga lari `dri `i dru ingoni? Kojoa amani amigeni ani au ni ingo ni? Draa nyi ani`ba kengwi enzo wa ya? Ma nyi zi hwa ide ledii ku!.
Bugu Ole rii ojo amani inya `di ani ku. `Dia ehwini oba kengwi enzo ni ku vua sa ani ama ani ku.
Majugo Yoana ojo gbadru amani ta ofu loso layu dri idri ra. `Ba amgbu ole geni baka ta Rubanga a idele `bani ri idri ku. Ovi draa ta ce ridrii _____ Yesu Kristo emu eyi si, ari si, vua Endri si `i.
Kristo `ba`a drile ni eri. `Ba igeni kaa Bugu ole ria jokaa ri ani rii`ku vua enzi ru ka, ma enzi `dipi, vua ziti ta Rubanga a idele aini rii igenika ri `bati ka enzi ni ai si “ma andra” ewo nya itirile ta anda rii joka rii ingo ri `i?
`Ba ta Opi a idele rii a`ika ku rii, ovi zi si, ta joka sadini eyi `dri idri, ari `dri idri, vua Endri `dri idri ku rii kaki enzo nze au. Ai aidri enzo. `Ba a`i ako ri koba Rubanga kengwi enzo.
Oba kengwi enzo ku. Yesu emu Abu Jurudano niga vua dii kare (ana batisimu esure ga ri `i) di iko anda anda ra (odu enzi vu `dri rii pi).
Ba a`i ako ri `bati oga Batisimu Yesu drii ana ole ole tro mgbe.
Ta sitani ti ori unzi tro a gale
mgbe rii a`du?
Batisimu Yesu dri`i.
Ma`di a`i tro Ngwaapi ni ru ri ka sadini hwe Ngwaapi ni dri wa. Ma`di tile di rii ago kusa nosi/izi kigenia ana enzi ni ohweru Yesu `dri saa ana batisimu esujo risi, vua koko kigenia ani ayuru eyi si vua ari Yesu `dri si ni wa. Kristo`ba tile `di ri `bati kigenia Yesu Kristo otiru vudri `dia ru Viriko Maria `dri si, oko esu oca`drare kuruce dri kuku esu batisimu Jurudano a, vua onzi ra ni wa.
`Ba anda ri `bati a asiti ga sadini `dii aa. Ta itede`dia ariru ra rii a`i Kriso niru ri `i, emu eyi si, ari si, vua Endri si `i. Sadini `dii nyi a vua ma a disidru ma nyini ra hwe sadini `dii kolu nyidri nyangasi sa wa. Majo nyini ra ta sadini ako rii lari ku, a`dusi ta lari itiri jo rii nyiru.
Majugo Yoana ojo, “Ba cidru Rubanga a Ngwaapi ni a`ika ria asi ga le`jo nzele dii aa” (1 Yohana 5:10). `Dii sadini hweka tete ana ari kuruce `dri ri idri ya? Kusa, geni baka eyi`dri ki ana ari nidri ku ya? Kole Rubanga ni nyini jo ote nyi geni ta di bati ina truwa si.
Di koko ko`ba Yesu kojoa `nyariru ra. Nya jole rii jo tee nyigeni ta eri ta ina ledi `ia sa nya sadini ni ce `i ya? `Di oviru Rubanga ni igenika ovi nya lele risi tro vi. Di oviru nya sadini `hweka nyidri tro vi.
`Ba diani rii ekpadru. Vua `dria dini sa vudri dia `ba amgbu ta tete eri igenika au ta ina ledi ia ri `i. Koko kaki joa ai ariru ra kaki ido mgbe bugu sile tadi idri. Ta aia jole dii keriru tee tau na ingoni! Dii ta maka kpe e`bu. Kaki ai ungwe aia ngasi `ba ofu onzeka ri `i.` Kaki itiri a ai tete `ba ofu nzeka ri `i adite ku ki tro sa `ba dini dri `i. A`iki eyi ni kuru ki kaki recu aia lari si! kaki reri ce ani, ki sadini Rubanga drii aia uje ni a iyo. Kaki te ura`a ura.
`Dii nyungwea lari ni ingo ni? `Ba tete a`ikaa Yesu, emu eyi si, ari si, vua Endri si ri` `bati`dri sadini Rubanga drii sadini `ba `dri tro aa rii ni.
Majugo Paulo ojo, “A`dusi ama ofu loso ri ejire anyi dri ri `i, eca anyi dri te le`jo ani ku, ki eca anyi dri okpo tro Endri ole ri tro vua ra anda ri tro” (Ofu atijoa Tesalonika `ba ni rii 1:5). Sitani a asi ni egbwe jo `ba ka tete ari Yesu dri a`i au `i. Kojoa “Oo, anyiba lali di, munza anyi ra ha-ha!” `Ba ziti amgbu aa kaki uraa jo ma`dizi igeni ari Yesu dri ni koba sitani ko`fe pi kaki raa ori ka sitani ni ko kuruce si ci. Ki kole nyera ujea ci sitani ka ta di bati ndre. Oluki lali tro `dini ku.
Jo ori unzi ri eto ma`dizi ru ni, ko`ba ma`di di kengwi lali vua tia koe kpo fufu. Dii ori unzi rini ta okpo ri `i ku, a`dusi anini bakaa madizi ni ta cidru ni e`bu ideka au ni a`du. Rubanga ohwe sitani ni mori `ba di jo rii. Ori unzi ri koba ma`di di kodi hwe bi epe ri ani, kuza, vua tia koe kpo fufu.
Jo `di ide wa ri, `ba a`i tro ri kuza, “nyinga pi ru Yesu dri si! Nyinga fu re!” vua jo draa ma`di ori unzi dia icandile dia a`i ni iyo ori unzi ri oma engwile ra, oko engwi ondo kendre andrani ati rii ani, kaki joa ledii ari Kristo dri okpo tro nyi aridi ri `i. Ki `dii mori ana ari dri `i ku. Ani tete ta sitani a bale ondre ri `i.
Sitani ni ori retu ri kokoa `ba Yesu ni a`ika ra risi ni, a`dusiku Yesu ni ma`di ama jedi pelere ana batisimu si ri `i, odu lamgba cidru esu ruhwedi amani rii ana batisimu si pi vua o`du inajoadru risi, onzi lidri di. Hwa alusa Sitani kolu sadini batisimu Yesu dri ri tro ri `i laga lari ana ari si ri tro kpe.
Kendre anya nikaa ote ri ani paderea Katoli `dri ri `bati saa ziti si ta aia ndrele rii ori unzi rii ori ka. Undre dii senema a si ra. Senema `ma`di ta itirile ride`di ri ide `di ungwele, Padere ri ka kuruce idele ba`u si ri ko `dri`a koko kojoa, padere di isa kodra ra. Ki ma`di tile Endri si di rii alusa oza mia ni diani ku.
Ma`di a`idia oti ani Endri si `di rii saa cidru si sa ka tajo ari vua eyi Yesu `dri idri. Jo sitani koma ani icandile ni sa, ka sitani ni zi lazi si, “ini Yesu odu ma enzi ni cidru si pi ni ote ya?” Sitani koko kolu pi. Sitani ole oluka `ba tile Endri si idi ri ibati `i laga ku. Jo ma`di tile Endri si `di ri ori naa, mgbe sitani koria enze ka. Ojoru `ba di a`iki ta jole Ngwaapi nidri, rii kuru vua sadini driaru ai eyi dri ari dri rii tro sa kuru.
Sadini Rubangaa Ngwaapi
dri rii ingo `i?
Ana Batisimu,`i, Ari `i vua
Endri `i.
Sadini Rubanga a Ngwaapi dri rii ingo `i? `Dii ana emuka Endri si ki ana enzi ama `dri `duka eyi si `i. Odu enzi vudri rii ndutudru aniru vua ari driaru ora kuruce `dri ama cidru si. `Dii layu eyidri ari dri, vua Endri `dri `i ku ya?
`Ba ka enzo nze Rubanga nandra a`dusi igeniki ofu loso eyi `dri, ari dri, ofu loso layu `dri dii kuru. Ofu loso ziti rii enzo dru. Disidru a`i aidri dii mgbi.Kakiko kaki esu `a ofu loso enzodru `dii ta yo ri `i.
Anyi `ba ongwiki 1 Yohana 5 ni ga, ana ciriciri rii 11 ojo, “le`jo nzele rii di `i. Rubanga ohwe ama ni lidri oludi tadru rii ra, lidri `dii ana Ngwaapi ni ru.” Ojoru Rubanga ohwe amani lidri olure tadru rii ra, vua lidri dii ma`di esudia ri `ia aa. Vua lidri dii ana Ngwaapi ni ru.
`Ba lidri olure tadru ri esuka ra ri `bati ai`ba layu esuka aia batisimu Yesu dri a`ika ana ari tro si ri `bati `i. `Ba ayule ra ri `bati ka lidri olure tadru ri esu ra vua kaki olu ru. Nyesu lidiri olure tadru rii ra `ya?
Ana ciriciri 12 ojo, “ma`di Ngwaapi a olure asi a`ru ri `dri, lidri dii a`a; vua ma`di Ngwaapi a olure asi a ru iyo ri `dri, lidri iyo.” Ovi zi si, ma`di ta Ngwaapi a idele vu`dri `dia ri a`i di __Aria `i, batisimu `i, ana`dra kuruce `dri ri `i, vua ana onzi`ka __ni ai `di rii esu, lidri olure tadru rii ra. Ki ma`di ta dia alu ni ebe`di rii esu lidri ku, vua trosa esu layu ku.
Majugo Yoana ojo `ba Rubanga `dri rii engwiki anda ni aia a`i ta Yesu a idele ri idri ri si, Eyi si, ari si, vua Endri si. Ta `di ketedea `ba ni `di le`jo `dii aidri aa ya kusa iyo ya ni `ni. Ondre `ba ayule ra rii wa rii aia a`i eyi Yesu a batisimu dri a`ika si, ana ari si, vua ana Endri si. `Ba tile Endri si, di kuru ri `bati ka bilo upe indri tro kpe.
`Ba Tile Endri si di Kuru ri `bati ka Indri ti upe Bilo tro kpe
Adi ka ba ayule ra ribati
upe ba ayule kuru ri tro wa
rii ni?
Madi ruti di Endri si ri `i.
upe ba ayule kuru ri tro wa
rii ni?
Madi ruti di Endri si ri `i.
Majugo Paulo isa `di ani. Tiluza Rubanga `dri ri `bati ka bilo ti ovi indri tro pelere wa ni ingoni? Kaki tiluza anda Rubanga `dri ri `bati upea `ba ai muka mu rii tro ingoni? `Ba layu esuka eyi Yesu a batisimu `dri si ana ari tro ri `bati esu mori ta ndrejo wa rii ra.
Jo ma`di kolu Padere kusa nosi ma`di ofu nze `di rii, kusa amba ekelezia ikonyi `di rii, jo ka `ba layu esuka ra rii ndre kpe, jo kusa ka bilo ti ovi indri tro kpe, karuni otikiru `dri di kuru, vua sadini driaru aa na iyo. Ki `ba tile `di ri le mgbe kaki mgbimgbi ani ndre wa. `Ba lidri ako ri kaki mgbimgbi ani ndre wa kusa kaki mgbimgbi ani ni ote.
Jo nosi ondreki mgbimgbi ta endredi ayi ebi ani ri kendre ayise ebi ani vua ingwe rii ingwe. Ki jo nye`ji nya mi ni ire, nyindrea ote kusa nyi ovi ani ni ote.
Ki `ba mi mgbo rii kaki ta ndre `di ayise ebi oru rii endre `di ingwe rii tro ndrea ra rii lofo`ba ayule kuru ri tro wa. Anyiba onzeki ofu loso layu `dri`i, ari drii, vua Endri dri`i. Kole ongaki oru vua osu ki.
Jo otra `ba ama `i laga ausini kaki dru aci a`i ce riisi `i, ojo aini ta le`jo `ba dri si ku. Ofu loso ri ia bugu atijoa Yohana a sile rii 5 onze ehwi ani pelere. Kole onze`ki duba aini alualu sadini driaru tro ausini dri kia kociru ku.
Le`jo `baa nzele rii di `i, le`jo eyi dri, ari dri, vua Endri Yesu dri ingwe layu dri`i. Ba`joadru bani eyi Yesu `dri nijo ole ridri `i, kole ongwe ki ingwe bu`e. Kole onzeki `driba ani pelere ausini ma`dizi alusa vu`dri `dia anda `di nidi ku ani kolu iyo.
Jo`ba tile Endri si di ri `bati ongaki oru vua osuki ku, `ba ambgu kodra layu esuka ako, Rubanga`a asi koko kolu `disi egbwe ku. Ka ama ungwe tiluza manza ri`i. Anyiba `du`ba ka`iki ofu loso eyi dri vua Yesu a ari `dri di ni.
Ra ma di angwajo vu ekpadru rii amala batisimu Yesu `dri rii `baa lari ni okpo rere. Jo ojo ta `baciri dri, kole onze;dri`ba ani `di di, ovuki le`jo ehwi nia si ausini a`diki nia ote eriki ehwi ani ra `i.
Jo oleki ta inika `ba ta nika ku ri `bati ni, a`diki mgbe idoa ta laka si. A`di ko a`di ai ini kidoki dru ta sika ta aia lale `disi `i. Jo nosi kaki draa le`jo ehwi pa emu alu wa ovidru sikaa `lali `i,` A`diko a`di idoa le`jo dia `bisi `bisi ti nzele aini. Dii ondiku sa ovi `baa ta jo`jo `baziti ni Yesu nidri ri `i ausini a`diki nia cuwi dru eriki di ehwi ani ra ya kusa di kuru ya `i.
Kole onzeki batisimu Yesu dri `a ehwi ni anda anda. A`dusi Yesu emu vudri dia eyi si, ari si, vua Endri si. Milegi ni ausini anyi Yesu ni igeni anyini Aridipi dru au anyingo anyi layu esu ra.
Layu eyi dri Endri tro rii keti engajo a`i Yesu a batisimu ni a ri `iga, ari driaru kuruce `dri ri iga vua a`i Yesu ni Rubanga, ama Aridipi `i ni ga.
