• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English
English

Sermons

Ũndũ wa 1 : Mehia

[1-1] No Mũhaka Tũmenye Mehia Maitũ Nĩguo Tũhonokio (Mariko 7:8-9)

(Mariko 7:8-9)
“Mũtiganaga na rĩathani rĩa Ngai, mũkagwatagĩrĩra kĩrĩra kĩa andũ, Agĩcoka akĩmera, Ti-itherũ nĩ wega ma-ĩ, mũkĩrega rĩathani rĩa Ngai, nĩguo mũtũũrie kĩrĩra kĩanyu-ĩ!”
 
(Mariko 7:20-23)
“Agĩcoka akiuga, kĩrĩa kiumaga thĩinĩ wa mũndũ, nĩkĩo kĩgwatagia mũndũ thahu. Nĩgũkorwo nĩ thĩinĩ, nĩ ngoro-inĩ cia andũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ: maũũru macio moimaga na thĩinĩ, makagwatia mũndũ thahu.”
 
 
Wa mbere, nĩ ngwenda gũtaũra mehia. Nĩ harĩ ũtaũri wa mehia wa Ngai, na ũtaũri wa mehia wa mũndũ. Kiugo mehia ‘hamartia’ na Ngiriki ya tene, nĩ kuuga “kũhĩtia gĩthimi.” Na kiugo kĩngĩ nĩ gwĩka ũrũ. Nĩ mehia kũaga gwathĩkĩra wathani wa Ngai. Nĩ tũrore mehia na ũtaũri wa ũmũndũ.
 
Mehia nĩ kĩĩ?
Nĩ kwaga gwathĩkĩra watho Wa Ngai.
 
Tũmenyaga mehia kũhĩtũkĩra thamiri ciitũ. No kũringana na ithimi cia ũmũndũ, no cikorwo citiganĩte kũringana na ũndũire, meciria, mahinda na iũndũ na methugunda.
Nĩ ũndũ ũcio-rĩ, ũtaũri wa mehia, nĩ ũtiganĩte kũrĩ andũ, mwanya. Gĩko no gĩtuĩke mehia, kana kĩage, kũringana na gĩthimi kĩa andũ. Na nĩkĩo Ngai aatũheire icunjĩ 613 cia watho, ũrĩ ta gĩthimi kĩa mehia.
Mbica ĩno, haha thĩ, ĩronania mehia ma mũndũ.
 
Watho wa Ngai
Methugunda ma mũndũ,
mĩtugo, na maũndũ
ma ũndũire
Watho wa kĩbũrũri
 
Tũtiagĩrĩirwo nĩ kwĩigĩra ithimi cia mehia kũrinagana na methugunda maumanĩte na maũndũ ma ũndũire.
Mehia ma methugunda maitũ, na mehia kũringana na watho wa Ngai ti ũndũ ũmwe. Nĩũndũ ũcio-rĩ, tũtiagĩrĩirwo nĩ kũrũmĩrĩra methugunda maitũ, no twagĩrĩirwo nĩ kũrũmĩrĩra ithimi cia Mathani ma Ngai.
O mũndũ wothe nĩoĩ mehia nĩ kĩĩ. Angĩ meciragia nĩ ũhũthũ wao, na angĩ nao meciragia nĩ kũgarũrĩra mĩthiĩre.
Kwa ngerekano, andũ a Korea mahumbagĩra mbĩrĩra cia aciari ao na nyeki, na magatũra macirĩmagĩra o nginya o magakuua. No rũrĩrĩ rwa andũ matarĩ ogĩ a bũrũri wa Papua New Guinea, matĩĩyaga, cimba cia aciari ao na kũrĩa mĩrĩ yao, marĩ hamwe na andũ a nyũmba yao. (Ndirĩ na ma kana, nĩ mamĩrugaga mbere ya ya kũmĩrĩa.) Njĩtĩkĩtie atĩ, makoragwo makĩmĩgirĩrĩria ndĩkarĩyo nĩ igunyũ. Maũndũ maya ma ũndũire maratuonia ũrĩa, ithimi cia mehia, cia andũ mũanya itiganĩte.
Ciĩko njega, harĩ rũrĩrĩ rũmwe, no cikorwo nĩ mehia harĩ rũrĩrĩ rũngĩ. No Ibuku Rĩa Ngai, riugĩte nĩ mehia, kũaga gwathĩkĩra Mathani ma Ngai. “Mũtiganaga na rĩathani rĩa Ngai, mũkagwatagĩrĩra kĩrĩra kĩa andũ, Agĩcoka akĩmera, Ti-itherũ nĩ wega ma-ĩ, mũkĩrega rĩathani rĩa Ngai, nĩguo mũtũũrie kĩrĩra kĩanyu-ĩ!” (Mariko 7:8-9). Ũrĩa tũhana naigũrũ ti wabata harĩ Ngai, tondũ wee aroraga ngoro thĩinĩ.
 
 
Gĩthimi Kĩa Mũndũ Nĩ Mehia Mbere Ya Ngai
 
Nĩ rĩhia rĩrĩkũ
rĩũru mũno?
Nĩ kũaga gũathikĩra
kiugo kĩa Ngai.
 
Kũremwo kũhingia wendi wa Ngai nĩ mehia. Nĩ ũndũ ũmwe na kũaga gwĩtĩkia Kiugo Gĩake. Ngai oigĩte, nĩ mehia gũikara ta Afarisai, arĩa maregire Mathani ma Ngai, magĩkĩrĩra kĩrĩra kĩo. Jesu ametire hinga Afarisai acio.
“Wĩtĩkĩtie Ngai ũrĩkũ? Nĩũnjĩtigĩrĩte, na nĩũnyambararagia? Wĩtĩaga na Rĩĩtwa, no hihi, nĩũndĩĩte?” Andũ maroraga mũhanĩre wa naigũrũ na makaga gũtĩa Kiugo Gĩake. Rĩhia rĩrĩa inene, nĩ kũaga gũtĩa Kiugo Gĩake. Nĩũĩ ũguo?
Ciĩko cia kuna watho, nĩũndũ wa ũhũthũ witũ nĩ mehia. Mahĩtia na maũru marĩa tũĩkaga, nĩũndũ wa gũkorwo tũtarĩ akinyanĩru, timo mehia marĩa manene, no, nĩ wathe. Ngai nĩ atigithũkanĩtie mehia na maũũru. Arĩa maremagĩra Kiugo Gĩake, nĩ ehia, o na kana matirĩ wathee. Nĩ ehia mũno, mbere ya Ngai. Na ũũ noguo, Jesu arutaga Afarasai mahĩtia.
Kĩrĩkanĩro-inĩ Kĩrĩa Gĩa Tene, kuma o Kĩambĩrĩria nginya Gũcokerithĩria Maathani, nĩ harĩ Maathani ma ũrĩa twagĩrĩrwo nĩ gwĩka, na kwaga gwĩka. Nĩ Kiugo Kĩa Ngai, Maathani Make. No twage kũmahingia 100%, no tũmenye atĩ nĩ, Maathani Make. Atũheire kuuma o kĩambĩrĩrĩa, na no mũhaka tũmetĩkĩre marĩ Kiugo Gĩake.
“O kĩambĩrĩria-rĩ, Ũhoro warĩ o kuo, naguo Ũhoro watũire o harĩ Ngai, o naguo Ũhoro warĩ Ngai.” Nake akiuga atĩrĩ, “Nĩkũgĩe ũtheri, gũkĩgĩa ũtheri.” Akĩũmba indo ciothe, agĩcoka agĩthondeka Watho.
“We Ũhoro-rĩ, agĩgĩtuĩka mũndũ, agĩtũũrania na ithuĩ, nake nĩwe Ũhoro.” (Johana 1:1, 14). Ngai-rĩ, eyonanagia atĩa, harĩ ithuĩ? Eyonanagia na Maathani Make, tondũ Ngai, nĩwe Ũhoro, na nĩwe Roho. Ũguo, tũĩtaga Kĩrĩkanĩro atĩa? Tũgĩtagaa Kiugo Kia Ngai.
Haha herĩtwo, “Mũtiganaga na rĩathani rĩa Ngai, mũkagwatagĩrĩra kĩrĩra kĩa andũ.” Kũrĩ icunjĩ 613 cia watho wa Ngai. Ĩka ũũ, ndũgeke ũũ, tĩa thoguo na nyũkwa, na mangĩ maingĩ. Thĩinĩ wa Maũndũ Ma Alawii, nĩkwandĩkĩtwo, ũrĩa arũme na atumia magĩrĩirwo nĩ gwĩka, na ũrĩa kũngĩkwo mahiũ magwa irima… Kũrĩ icunjĩ 613 cia watho wa Ngai.
Na tondũ ti ciugo cia mũndũ, nĩ rwotwagĩrĩirwo nĩ gwĩciria rĩngĩ na rĩngĩ. O na okorwo tũtingĩhota, kũhingia Maathani mothe ma Ngai, nĩ twagĩrĩirwo nĩ kũmetĩkĩra, na gwathĩkĩra Ngai.
Hihi, nĩkũrĩĩ gĩcunjĩ o na kĩmwe, thĩinĩ wa Kiugo Kĩa Ngai, gĩtagĩrĩire? Afarisai maregire rĩathani rĩa Ngai, nĩguo marũmie kĩrĩra kĩa andũ, handũ ha rĩathani rĩa Ngai. Ciugo cia athuri ao ciarĩ na hinya kũrĩ Kiugo Kĩa Ngai. Rĩrĩa Jesu atũraga gũkũ thĩ, ũũ nĩguo onire, na ũndũ ũrĩa warĩ na ruo harĩ we, nĩ andũ kũaga gwathĩkĩra Kiugo Kĩa Ngai.
Ngai atũheire icunjĩ 613 cia watho, nĩguo tũmenye mehia maitũ, na tũmenye wee, nĩwe Ma, Ngai witũ Mũtheru. Na nĩũndũ ithuothe tũrĩ ehia mbere ya Ngai, twagĩrĩirwo nĩ gwĩtĩkia Jesu hingo ciothe, ũcio watũmirwo nĩ Ngai, nĩũndũ wa ũrĩa atwendete.
Andũ arĩa matiganaga na Kiugo Kĩa Ngai na makaaga gwĩtĩkia nĩ ehia. Arĩa matahotaga gũikara na Kiugo Kĩa Ngai nĩ ehia o nao, no arĩa maregaga Kiugo Gĩake nĩ ehia mũno. Arĩa marĩ na mehia macio, mũico wao no mwaki-inĩ. Kũaga gwathĩkĩra Kiugo Gĩake nĩ rĩhia rĩũũrũ mũno, mbere ya Ngai.
 
 
Gĩtũmi Kĩa Ngai Atũhe Watho
 
Ngai atũheire
watho nĩkĩ?
Nĩguo tũmenye mehia maitũ
na ihera, rĩa mehia
 
Nĩkĩĩ gĩatũmire Ngai, atũhe watho? Nĩguo tũmenye mehia maitũ na tũmũcokerere. Atũheire icunjĩ 613 cia watho, nĩguo tũkũũrane mehia maitũ, na tũhonokio thĩinĩ wa Jesu Kristo. Nĩkĩo Ngai, atũheire watho.
Aroma 3:20, “nĩ gũkorwo watho no gũtũma ũtũmaga andũ mamenye o wega atĩ, nĩmehagia.” Ũguo, gĩtũmi kĩa Ngai gũtũhe watho, ti gũtũhinyĩrĩa tũũhingagie.
Twĩrutaga atĩa na watho? Atĩ ithuĩ tũtirĩ ũhoti, na tũtingĩhota gwathĩkĩra watho, na kũũhingia, na tũrĩ ehia mũno, mbere ya Ngai. Nĩkĩĩ, tũgĩaga na ũmenyo wakĩo, kuuma icunjĩ 613 cia watho? Tũmenyaga atĩ tũrĩ, ciũmbe cia Ngai, na tũtirĩ ũhoti na tũrĩ ehia mũno mbere ya Ngai. Na twagĩrĩirwo nĩ gũthiĩ, iherero rĩa mwaki.
Twagĩrĩirwo nĩ gwĩka atĩa, twamenya atĩ tũrĩ ehia matarĩ na ũhoti? Tũgeragia hihi gũtuĩka akinyanĩru? Aca. No mũhaka twitĩkĩre atĩ, tũrĩ ehia, twĩtĩkie Jesu atũthabie na ũhonokio wake wa maĩ na Roho, na tũmũgathe.
Gĩtũmi kĩa Ngai gũtũhe watho, nĩguo tũmenye mehia maitũ, na ihera rĩamo. Hakĩrĩ ũguo-rĩ, tũkamenya wega atĩ, tũtingĩhota kwĩhonokia kuuma iherero, tũtarĩ na Jesu. Twamwĩtĩkia Jesu, arĩ mũhonokia witũ, tũrĩ akũre kũna. Atũheire watho wa gũtũtongoria kũrĩ Jesu Mũhonokia witũ.
Ngai athondekire watho wagũtũma tũmenye, ũrĩa tũrĩ ehia, nĩguo atũhonokie mĩoyo itũ kuuma mehia-inĩ macio. Agĩtũhe watho, na agĩtũma Mũrũ Wake wa Mũmwe, Jesu, atũhonokie na gũkuuwa mehia mothe maitũ na ũbatithio wake. Twamwĩtĩkia nĩegũtũhonokia.
Tũrĩ ehia matarĩ na mwĩhoko, na no mũhaka twĩtĩkie Jesu, nĩguo tuohorwo mehia-inĩ, tũtuĩke ciana Ciake na ũgoci wothe ũcokerere Ngai.
Twagĩrĩirwo nĩ kũgĩa na ũmenyo, mwĩcirĩrie, na matua maringanĩte na Kiugo Gĩake, nĩ tondũ, we nĩwe kĩhumo kĩa maũndũ mothe. No mũhaka tũmenye ma, ya ũhonokio kũringana na Kiugo Gĩake. Ũyũ nĩguo wĩtĩkio wa ma na wa kĩhoto.
 
 
Nĩkĩĩ Gĩkoragwo, Thĩini wa Ngoro ya Mũndũ?
 
Twagĩrĩirwo nĩ gwĩka
atĩa mbere ya Ngai?
Twagĩrĩirwo nĩ gwĩtĩkĩra mehia
maitũ na tũũrie Ngai atũhonokie 
 
Wĩtĩkio, wagĩrĩre nĩ kũambĩrĩria na Kiugo Kĩa Ngai, na tũmwĩtĩkie ta ũrĩa Kiugo Gĩake kiugĩte. Twaga gwĩka ũguo nĩ, mahĩtia. Na nĩ wĩtĩkio ũtarĩ mwega na ti wa ma.
Rĩrĩa Afarisai na Asadukai monire Jesu na Arutwo ake makĩrĩa mũgate matethambĩte moko, matingĩamarutire mahĩtia, korwo marorete ũndũ ũcio kũringana na Kiugo Kĩa Ngai. Kiugo Gĩtũĩrĩte atĩ kĩrĩa gĩtonyaga thĩinĩ wa mũndũ, tikĩo kĩgwatagia mũndũ thahu, tondũ gĩthiaga ndaa, na gĩkoima gĩtathahĩtie ngoro.
Mariko 7:20-23, yugĩte, “Agĩcoka akiuga, kĩrĩa kiumaga thĩinĩ wa mũndũ, nĩkĩo kĩgwatagia mũndũ thahu. Nĩgũkorwo nĩ thĩinĩ, nĩ ngoro-inĩ cia andũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ: maũũru macio moimaga na thĩinĩ, makagwatia mũndũ thahu.” Jesu atwĩrĩte atĩ, andũ nĩ ehia, nĩ tondũ maciaragwo marĩ na mehia thĩinĩ wao.
Nĩũĩ ũũ, nĩkuga atĩa? Tũciaragwo tũrĩ ehia tondũ, tũrĩ rũciaro rwa Adamu. Tũtingĩmenya ma tondũ, tũtiĩtĩkagĩra, na tũtiĩtĩkĩtie Kiugo Gĩake. Ũguo-rĩ, nĩkĩĩ gĩkoragwo thĩinĩ wa ngoro cia andũ?
Maandĩko macio twathoma hau moigĩte, “Nĩgũkorwo nĩ thĩinĩ, nĩ ngoro-inĩ cia ũndũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ” maũũru macio ma mĩthemba yothe, moimaga ngoro-inĩ cia andũ, na makamagwatia thahu.
Maandĩko ma Thaburi, moigĩte, “Rĩrĩa ngũrora igũrũ rĩu rĩaku, ngona wĩra wa ciara ciaku-rĩ, mweri na njata, icio wĩkĩrĩte kuo, Ngoria atĩrĩ, kaĩ mũndũ akĩrĩ kĩo kĩ, tondũ ũmũririkanaga? Mwana wa mũndũ nĩ kĩ, tondũ ũũkaga kũmũrora?” (Thaburi 8:3-4).
Ngai okaga gũtũrora nĩ kĩ? Atũroraga tondũ nĩ atwendete, nĩwe watũmbire na nĩ atũiguagĩra tha ithuĩ ehia. Atũthabĩtie, mehia maitũ mothe, na agatũtua andũ Ake. “Ĩ Jehova, Mwathani witũ, rĩĩtwa rĩaku-rĩ, ĩ rĩtikĩrĩ bata gũkũ thĩ guothe, na igũrũ matu-inĩ!” Daudi nĩainire Thaburi ĩno, Kĩrĩkanĩro-inĩ Kĩa Mbere, rĩrĩa amenyire atĩ, Ngai nĩagatuĩka mũhonokia wa ehia.
Kĩrĩkanĩro-inĩ Kĩrĩa Kĩerũ, Mũtũmwo Paulo nĩ acokerete Thaburi ĩyo. Nĩũndũ wa magegania atĩ, ithuĩ ciũmbe cia Ngai, no tũtuĩke ciana ciake. Na ũndũ ũyũ, ũngĩhoteka nĩũndũ wa tha ciake tu. Ũyũ nĩ wendo wa Ngai.
Twagĩrĩirwo nĩ tũmenye atĩ, kũgeria kũhingia Maathani ma Ngai nĩ wĩtĩkio ũtarĩ mwega mbere yake. Na nĩ mwĩgatho umanĩte na ũrimũ. Ti wega gũikara njaa ya wendo wa Ngai, ũkĩgeria kũhingia Maathani, na mahoya matarĩ na mwĩhoko. Nĩ wendi wa Ngai, tũmenye na watho atĩ, tũrĩ ehia, na twĩtĩkie ũhonokio wa maĩ na thakame ya Jesu.
Kiugo Gĩake gĩtũĩrĩte thĩinĩ wa Mariko 7:20-23, “Agĩcoka akiuga, kĩrĩa kiumaga thĩinĩ wa mũndũ, nĩkĩo kĩgwatagia mũndũ thahu. Nĩgũkorwo nĩ thĩinĩ, nĩ ngoro-inĩ cia andũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ: maũũru macio moimaga na thĩinĩ, makagwatia mũndũ thahu.”
Jesu akiuga, kĩrĩa kiumaga thĩinĩ wa mũndũ, mehia macio nĩmo mamũgwatagia thahu. O na irio iria Ngai atũhete, na ti theru citingĩgwatia mũndũ thahu. Ciũmbe ciothe nĩ theru, no indo iria ciumaga thĩinĩ wa andũ, na nĩmo mehia, nĩmo matũgwatagia thahu. Ithuĩ ithuothe tũrĩ rũciaro rwaAdamu. Gũkĩ-rĩ ũguo, tũciaragwo na kĩ? Tũciaragwo na mehia mĩthemba ikũmi na ĩrĩ. Ũũ nĩ ma?
Na no tũikare tũtakwĩhia? Tũgũtũra twĩhagia tondũ twaciarirwo na mehia. No twage kwĩhia tondũ nĩtũĩ watho? No tũhote kũhingia Maathani? Aca.
O ũrĩa tũgeragia, kũhingia watho, noguo ũtuĩkaga ũndũ mũritũ. Nĩ twagĩrĩirwo nĩ tũmenye wathe witũ, na tũtigane na maũndũ marĩa twamenyerithirio tene. Na kwĩnyihia meciria-inĩ maitũ, no tũhote gwĩtĩkia ũbatithio na thakame ya Jesu, iria itũhonokagia.
Icunjĩ ciothe 613 cia watho, nĩ cia kĩhoto na nĩ njega. No andũ nĩ ehia o kuuma o ndaa cia maanyina. Rĩrĩa tũmenyaga atĩ, watho wa Ngai nĩ wa kĩhoto, na tũciaragwo tũrĩ ehia matangĩtuĩka athingu na hinya witũ, tũgakĩmenya wega atĩ nĩ tũbatarĩte tha cia Ngai, na ũhonokio wa Jesu wa kiugo kĩa maĩ, thakame na Roho. Twamenya ũmocu witũ−na atĩ tũtingĩhota gũtuĩka athingu ithuĩ na hinya witũ na nĩũndũ wa mehia maitũ, tũrorete iherero rĩa mwaki, o tiga twĩhokire ũhonokio wa Jesu.
Ithuĩ, no tũhonokio. Twagĩrĩirwo nĩ kũmenya atĩ tũtingĩhota gũtuĩka ega mbere ya Ngai na hinya witũ. Ũguo twagĩrĩirirwo nĩ gwĩtĩkĩra atĩ, tũrĩ ehia mbere ya Ngai na mũico witũ nĩ iherero rĩa mwaki, na no tũmũhoe nĩũndũ wa tha Ciake, “Ngai, ndakũhoya ũhonokie mehia-inĩ, na ũnjiguĩre tha.” Na Ngai nĩ arĩtuonekanagĩra na kiugo Gĩake. Na ũũ notũtuĩke akũhonokio.
Tũngĩrora ihoya rĩa Daudi. “wee nĩwe njĩhĩtie, wee wiki, ngeka ũrĩa wee wonaga arĩ ũũru: gũtuĩka atĩ wee wagwata kwaria, nĩ kĩhooto ũrĩ nakĩo, wee ũgĩtuaga cira-rĩ, ũgĩtuĩke ũrĩ o mũtheru” (Thaburi 51:4).
Daudi wee nĩamenyaga atĩ nĩ mwĩhia mũno, na atĩ wee agĩrĩirwo nĩ gũikio iherero rĩa mwaki, no nĩetĩkĩrire mbere ya Ngai, “Mwathani, ũngiuga ndĩĩ mwĩhia, ndĩĩ mwĩhia. Ũngiuga, ndĩĩ mũthingu, ndĩĩ mũthingu. Wahonokia, nĩ ndahonoka; na wanjikia iherero rĩa mwaki, mũico wakwa nĩ iherero rĩa mwaki.”
Ũyũ nĩguo wĩtĩkio wa ma, na njĩra ya ũhonokio. Ũũ nĩguo twagĩrĩirwo nĩ gũikara twĩna mwĩhoko wa ũhonokio wa Jesu.
 
 
Nĩ Twagĩrĩirwo Nĩ Kũmenya Wega Mehia Maitũ Nĩ Marĩkũ
 
Na tondũ tũrĩ rũciaro rwa Adamu-rĩ, ithuothe nĩ tũrĩ merirĩria ma ngoro. No Ngai atũĩrĩte atĩ? Atũĩrĩte atĩ, tũtigatharie, no ũtharia ũrĩ ngoro-inĩ ciitũ. Thĩinĩ wa ngoro ciitũ nĩ kũrĩ, ũũragani, na Ngai atũĩrĩte tũtikorage. Nĩ twaagaga gũtĩa aciari aitũ na ngoro, na Ngai atũĩrĩte tũmatĩe. Twagĩrĩirwo nĩ kũmenya atĩ Kiugo Kĩa Ngai nĩ gĩa kĩhooto na nĩ kĩega, na thĩinĩ wa ngoro ciitũ, kuumaga mehia.
Nĩguo, kana tiguo? Nĩguo hatarĩ na nganja. Na hihi, twagĩrĩirwo nĩ gwĩka atĩa mbere ya Ngai? Twagĩrĩirwo nĩ, gwĩtĩkĩra atĩ ithuĩ tũrĩ ehia matarĩ na mwĩhoko. Tũtiagĩrĩrwo nĩ gwĩciria atĩ ira tũrarĩ athingu tondũ tũtinahĩtia, no tũrĩ ehia ũmũthĩ nĩũndũ nĩ twĩhirie ũmũthĩ. Tũciaragwo tũrĩ ehia. O na kana, nĩ twĩke atĩa tũrĩ o ehia. Na nĩkĩo, twagĩrĩirwo nĩ gũthambio mehia na wĩtĩkio wa ũbatithio wa Jesu.
Tũtirĩ ehia nĩũndũ wa ciĩko ciitũ: ta ũtharia, ũũragani, ũici… no tũrĩ ehia tondũ twaciarirwo tũrĩ ehia. Twaciarirwo na mehia mĩthemba ikũmi na ĩrĩ, na tondũ twaciarirwo tũrĩ ehia mbere ya Ngai, tũtingĩhota gũtuĩka ega na hinya witũ. No gwĩtua twĩtuaga atĩ tũrĩ ega.
Twaciarirwo na mehia ngoro-inĩ ciitũ, na nĩũndũ ũcio-rĩ, tũngĩhota atĩa gũtuĩka athingu, o na tũtakwĩhia? Tũtingĩhota gũtuĩka athingu mbere ya Ngai ithuĩ ene. Tũngiuga tũrĩ athingu nĩ ũhinga. Jesu etire, Afarisai na Asundekai “nĩ hinga”. Andũ maciaragwo marĩ ehia, na mehagia mĩtũrĩre-inĩ yao yothe mbere ya Ngai.
Mũndũ ugaga atĩ, ndarĩ agũtha mũndũ, kana akarũa haro, kana akaiya o na cindano wa mũndũ mũtũrĩre-inĩ wake nĩ kũhenania, tondũ andũ nĩ ehia kuuma o gũciarwo. Mũndũ ũcio nĩ wa maheni, na nĩ mwĩhia, na nĩ hingaa. Ũguo nĩguo Ngai onaga mũndũ ũcio.
Mũndũ o wothe nĩ mwĩhia kuuma gũciarwo. O na ũngĩaga gwĩka gĩko kĩa mehia, mũico waku nĩ iherero rĩa mwaki. O na kana nĩũhingĩtie watho na Maathani, o mwĩhia na mũico nĩ iherero rĩa mwaki.
Gũkĩrĩ ũguo-rĩ, twĩke atĩa, nĩũndũ wa itua rĩa iherero rĩa mwaki. No tũhoire tha cia Ngai, na tũmũĩhoke atũhonokie mehia-inĩ macio. Angĩaga gũtũhonokia, no tũthire iherero rĩa mwaki. Nĩrĩo mũico witũ.
Nĩ arĩa metĩkagia, kiugo Kĩa Ngai tu, mamenyaga atĩ nĩ ehia. Na makamenya atĩ, no matuĩke athingu na wĩtĩkio. Na makamenya atĩ, kũaga kũigwa na kũaga gwĩtĩkia Kiugo Gĩake nĩ rĩhia inene mũno. Arĩa metĩkagia Kiugo Gĩake nĩ athingu, o na okorwo mbere-inĩ marĩ ehia. Magaciarwo rĩngĩ, na Kiugo Gĩake, wega-inĩ Wake, na nĩo arathime mũno.
 
 
Arĩa Mageragia Gũĩtheria Na Ciĩko Ciao No Ehia
 
Nĩarĩkũ metĩkĩtie
Jesu na no ehia?
Nĩ arĩa mageragia,
gũĩtheria na ciĩko ciao
 
Nĩ tũthome Agalatia 3:10. “Amu-rĩ, andũ arĩa othe marũmagia maũndũ marĩa methane nĩ watho maikaraga na kĩrumi. Nĩ gũkorwo kwandĩkĩtwo ũũ, kũgwatwo nĩ kĩrumi-rĩ, nĩ mũndũ o wothe ũtarũmagia maũndũ mothe marĩa mandĩke ibuku-inĩ rĩa watho amekage. Na rĩrĩ, ũndũ ũyũ nĩ mũmenyeku wega atĩ gũtirĩ mũndũ ũngĩtuwo mũthingu mbere ya Ngai nĩ ũndũ wa ũrĩa arũmagia watho: nĩ ũndũ nĩ kwandĩkĩtwo atĩrĩ, mũndũ ũrĩa mũthingu agũtũra muoyo nĩ ũndũ wa gwĩtĩkia;”
Kwĩrĩtwo atĩ, “kũgwatwo nĩ kĩrumi-rĩ, nĩ mũndũ o wothe ũtarũmagia maũndũ mothe marĩa mandĩke ibuku-inĩ rĩa watho amekage.” Arĩa meciragia nĩ mehokete Jesu, na mageragia gwĩtheria na ciĩko ciao mena kĩrumi. Meha acio megeragia gwĩtheria na ciĩko ciao? Acio mena kĩrumi.
Nĩkĩĩ gĩatũmire Ngai atũhe watho? Atũheire watho nĩguo tũmenye mehia maitũ (Aroma 3:20). Ngai endaga tũmenye atĩ, ithuĩ tũrĩ ehia mũno, na mũico nĩ iherero rĩa mwaki.
Ĩtĩkia ũbatithio wa Jesu, mwana wa Ngai, ũciarwo rĩngĩ na maĩ na Roho. Ũhonokio mehia-inĩ mothe maku na ũtuĩke mũthingu, na ũgĩe na muoyo wa tene na tene, na ũgatonya matu-inĩ. Ĩtĩkia ngoro-inĩ yaku.
 
 
 
Rĩhia Rĩrĩa Inene Rĩa Mwĩgatho Gũkũ Thĩ
 
Nĩĩ rĩhia rĩrĩkũ inene rĩa mwĩgatho gũkũ thĩ?
Nĩ kũgeria kũhingia watho
 
Tũrĩ arathime nĩ gwĩtĩkia wĩtĩkio wa irathimo Ciake. Ngai ahonokagia arĩa metĩkĩtie Kiugo Gĩake.
No ũmũthĩ ũyũ, harĩ Akristiano aingĩ, etĩkia, mageragia kũhingia watho Wake. Nĩ wega kũgeria kũhingia watho, no, nokũhoteke?
Twagĩrĩirwo nĩ kũmenya atĩ, nĩ ũrimũ kegeria kũhingia watho Wake. O ũrĩa tũrageria mũno kũhingia watho, nĩguo ũkoragwo ũrĩ ũndũ mũritũ. Atwĩrĩte atĩ, “Gwĩtĩkia kuumanaga na ũhoro ũrĩa ũiguĩtwo, nakuo kũigwa gũũkaga nĩ ũndũ wa uuge wa Kristo.” Twagĩrĩirwo nĩ gũtiga mwĩgatho witũ, nĩgetha tũhonokio.
 
 
No Mũhaka Tũtige Ithimi Ciitũ Nĩguo Tũhonokio
 
Twagĩrĩirwo nĩ gwĩka
atĩa nĩguo tũhonokio?
No mũhaka tũtigane
na ithimi ciitũ
 
Mũndũ-rĩ, angĩhonoka atĩa? No kũhoteke mũndũ amenya atĩ we nĩ mwĩhia . Nĩ kũrĩ andũ aingĩ, matahonoketio, tondũ matitiganĩte na wĩtĩkio wao mũru, na kwenda kũhonokio na ciĩko ciao. Ngai augĩte atĩ, andũ arĩa marũmagia maũndũ ma watho mena kĩrumi. Arĩa metĩkĩtie atĩ maĩikaraga o magĩtuĩkaga athingu na kũgeria kũhingia watho, thutha wa gwĩtĩkia Jesu, acio mena kĩrumi. Nĩ metĩkĩtie Ngai, no, meciragia atĩ no mũhaka, mahingie watho nĩguo mahonoke.
Arata akwa, notũtuĩke athingu na ciĩko ciitũ? Tũtuĩkaga athingu nĩ ũndũ wa gũĩtĩkia Kiugo Kĩa Jesu, na noguo tu, tũkũragwo. No wĩtĩkio wa ũbatithio wa Jesu, thakame Yake, na we nĩ Ngai noguo tu, ũngĩtũkũũra.
Na nĩkĩo, Ngai atũheire watho wa wĩtĩkio nĩguo tũtuĩke athingu. Ũhonokio wa maĩ na Roho, ti wa ciĩko cia andũ, no nĩ wa wĩtĩkio wa kuigo kĩa Ngai. Ngai atũhonokirie na wĩtĩkio na nĩguo aharĩirie na karĩkia ũhonokio witũ.
Nĩkĩĩ gĩtũmi kĩa arĩa metĩkĩtie Jesu, magĩte gũkũrwo? Nĩ kũaga gwĩtĩkia kiugo kĩa ũhonokio kĩa maĩ na Roho. Na ona ithuĩ twarĩ amocu, o tao nĩ tũhonoketio nĩ wĩtĩkio wa Kiugo Kĩa Ngai.
Andũ erĩ, mangĩkorwo makĩruta wĩra na gĩthĩi kĩa ihiga-rĩ, mũndũ ũmwe athiĩ, ũrĩa watigwo agathiĩ o nambere kũruta wĩra, ona ũcio ũngĩ athiĩte. Ũcio watigwo, arũgamĩrĩire ũrĩa ũtarĩ mũkũre mehia-inĩ. Nĩkĩĩ, gĩtũmi kĩa ũmwe kuoywo, na ũcio ũngĩ gũtigwo?
Gĩtũmi kĩa ũmwe gũthiĩ, na ũco ũngĩ gũtigwo nĩũndũ nĩaiguire Kiugo Kĩa Ngai na agĩtĩkia, nake ũrĩa watigirwo, ageragia mũno kũhingia watho, no thutha-inĩ agĩikio iherero rĩa mwaki. Mũndũ ũcio ageragia gũkuruma akinyĩre Ngai, no Ngai akĩmũhuura ta gatambi gatambaga kũgũrũ Gwake. Mũndũ ũcio agĩtamba nĩguo akinyĩre Ngai, na kũgeria kũhingia watho-rĩ, no mũhaka aikio iherero-inĩ rĩa mwaki.
Nĩkĩo tũhonoketio na wĩtĩkio wa maĩ na Roho.
“Amu-rĩ, andũ arĩa othe marũmagia maũndũ marĩa methane nĩ watho maikaraga na kĩrumi. Nĩ gũkorwo kwandĩkĩtwo ũũ, kũgwatwo nĩ kĩrumi-rĩ, nĩ mũndũ o wothe ũtarũmagia maũndũ mothe marĩa mandĩke ibuku-inĩ rĩa watho amekage. Na rĩrĩ, ũndũ ũyũ nĩ mũmenyeku wega atĩ gũtirĩ mũndũ ũngĩtuwo mũthingu mbere ya Ngai nĩũndũ wa ũrĩa arũmagia watho: nĩ ũndũ nĩ kwandĩkĩtwo atĩrĩ, mũndũ ũrĩa mũthingu agũtũra muoyo nĩ ũndũ wa gwĩtĩkia;” (Agalatia 3:10-11, Aroma 1:17).
Kũrega gũĩtĩkia Kiugo Kĩa Ngai nĩ mehia harĩ Ngai. Na gũtigana na Kiugo Kĩa Ngai, nĩ ũndũ wa ithimi ciitũ, nĩ mehia. Ithuĩ tũtirĩ ũhoti wa kũhingia watho wa Ngai, nĩ tondũ tũiaragwo tũrĩ ehia kuuma gũciarwo o nginya gũkua. Twĩhagia haha, na harĩa, o handũ hothe twathiĩ. Twagĩrĩirwo nĩ kũmenya atĩ, nĩũndũ tũrĩ na mwĩrĩ na thakame, tũtingĩhota kwaga kwĩhia.
Mũndũ atariĩ ta ndoo ya thumu ĩihũrĩtio, rĩrĩa ĩkuĩtwo ĩthiaga ĩgĩitaga thumu handũ hothe. Ithuĩ nĩguo tũhana. Tũitĩkaga mehia handũ hothe twathiĩ. Nĩ wona mbica ĩyo?
Hihi, no’ũthiĩ na mbere o gĩtuaga atĩ ũrĩ mũtheru? Ũngĩmenya wega ũrĩa ũhana, no ũtige kũgeria o tũhũ gũtuĩka mũthingu, na wĩtĩkie maĩ na thakame ya Jesu.
Arĩa matarĩ aciare rĩngĩ, magĩrĩirwo nĩ gũtiga kũmia ngoro, na metĩkie atĩ, nĩ ehia mbere ya Ngai. Magarũrũkĩre Kiugo Kĩa Ngai, na metĩkie ũrĩa amahonoketie na maĩ na Roho. 
LIST Download FREE eBook & AudioBook