- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ũndũ wa 1 : Mehia
[1-2] Andũ Maciaragwo Marĩ Ehia ( Mariko 7:20-23)
(Mariko 7:20-23)
“Agĩcoka akiuga, kĩrĩa kiumaga thĩinĩ wa mũndũ, nĩkĩo kĩgwatagia mũndũ thahu. Nĩgũkorwo nĩ thĩinĩ, nĩ ngoro-inĩ cia ũndũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ: maũũru macio moimaga na thĩinĩ, makagwatia mũndũ thahu.”
Andũ Makoragwo Mahĩngĩcĩkĩte Na Morĩte Meciria-inĩ Mao
Nũũ ũngĩhonokio?
Nĩ ũrĩa wĩyonaga arĩ mwĩhia mũno
Nĩ ũrĩa wĩyonaga arĩ mwĩhia mũno
Mbere ya maũndũ mothe, nĩngwenda kũria kĩũria. Wee wĩyonaga atĩa? Wĩciragia ũrĩ mwega, kana ũrĩ mũũru? Wĩciragia atĩa?
Andũ othe makoragwo morĩte meciria-inĩ mao. No ũkorwo ũtarĩ mũũru mũno, kana mwega, taũrĩa wĩciragia.
Na nũũ, hihi, ũngĩikara wega wĩtĩkio-inĩ? No akorwo, nĩ ũrĩa wĩciragia atĩ, nĩ mwega? Kana nĩ ũrĩa wĩyonaga arĩ mũũru?
Nĩ ũrĩa mũũru. Reke ngũũrie kĩũria kĩngĩ. Nũũ ũngĩhonokio−nĩ ũrĩa wĩhĩtie mũno kana nĩ ũrĩa wĩhĩtie o hanini? Ũrĩa wĩtĩkĩrĩte no ahonokio tondũ nĩ oĩ atĩ, nĩ mwĩhia mũno. Mũndũ ũcio no atuĩke wagũĩtĩkĩra kiugo kĩa ũhonokio, kĩrĩa athondekeirwo nĩ Jesu.
Tũngĩĩthuthuria-rĩ, notuone atĩ, ithuĩ tũihũrĩte mehia. Mũndũ nĩ kĩĩ? Harĩ gũtarĩria mũndũ, “nĩ mbegũ ya maũndũ moru.” Isaia 59, yugĩte atĩ, ngoro cia andũ kũrĩ mawaganu maingĩ. Ũguo nĩ kuuga atĩ, andũ marĩ mehia maingĩ. Tũkiuga atĩ, mũndũ nĩ mwĩhia mũno, aingĩ matingĩtĩkania na ũhoro ũcio. No gwĩta mũndũ, “mbegũ ya maũndũ moru” nĩ kwagĩrĩire. Tũngĩĩthuthuria wega na ma, no tuone tũrĩ andũ ooru. Arĩa ehokeku-rĩ, nĩ magwĩtĩkania na ũhoro ũyũ.
No andũ aingĩ nĩ maregaga gwĩttĩkia atĩ, nĩ ũhoro wa ma, o maihũrĩte mehia thĩinĩ wao. Aingĩ maikaraga maiganĩire, nĩ tondũ o matuaga atĩ ti ehia. Na nĩ tondũ tũrĩ aganu-rĩ, nĩ tũgĩĩte na ũthii wa nambere wa wĩhia. Na nĩkio twagaga kũigua thoni tũkĩhia.
O na kũrĩ ũguo methugunda-inĩ mao nĩ moĩ. Mũndũ o wothe methugunda-inĩ make nĩoĩ “nĩũndũ wa thoni.” Adamu na Hawa mehia, mehithire na mĩtĩ. Ũmũthĩ ũyũ, ehia mehithaga thingo-inĩ cia ũndũire−ũndũire wa mehia. Mehithagaa na ehia arĩa angĩ, na hĩndĩ ĩo makoragwo magĩthema itua rĩa Ngai.
Andũ nĩ mehenagia methugunda-inĩ mao. Mageciragia atĩ, o nĩ ega mũno kũrĩ andũ arĩa angĩ. Rĩrĩa maigua mohoro moru, moigaga atĩrĩ, “mũndũ-rĩ, angĩka ũguo atĩa? Mũndũ noeke ũguo? Mwana noeke aciari ake ũguo?” o metĩkĩtie atĩ, matingĩka maũndũ ta macio.
Arata akwa, nĩũndũ mũritũ, mũndũ gũtuĩka atĩ nĩeyũĩ. Nĩguo tũĩmenye wega, wambere no mũhaka tũthambio mehia. Nĩ ũndũ woyaga ihinda iraya kũĩmenya wega, na kũrĩ aingĩ aitũ matakemenya o nginya gũkua.
Wĩĩmenye
Arĩa mateyũĩ-rĩ, maikaraga atĩa?
Maikaraga na ũhinga makĩgeria
kũhitha mehia mao
Maikaraga na ũhinga makĩgeria
kũhitha mehia mao
Mahinda maingĩ, nĩ tũcemanagia na andũ aingĩ mateyũĩ. Socrates akiuga, “Wĩĩmenye.” No-rĩ andũ aingĩ matiũĩ nĩkĩĩ gĩkoragwo ngoro-inĩ ciitũ: ũici, na ũũragani, na ũtharia, na ũcumĩkĩri, na waganu, na ũhenania…
Ũrĩa ũteyũĩ, akoragwo na ũrogi wa nyamũ mĩromo-inĩ yake, no aragia maũndũ mega mũno. Gĩtũmi nĩ kũaga kwĩmenya, atĩ nĩ mwĩhia kuuma gũciarwo.
Kũrĩ andũ aingĩ mũno gũkũ thĩ, matũũraga mateyũĩ, na mehithĩte mehia-inĩ mao. Na matiũĩ atĩ merekeire iherero rĩa mwaki na mehia mao.
Andũ Matũraga O Moimagaa Mehia Ngoro-inĩ Hĩndĩ Ciothe
Andũ marathiĩ iherero rĩa mwaki nĩũndũ wa kĩ?
Nĩ tondũ matiĩyũĩ
Nĩ tondũ matiĩyũĩ
Nĩ tuone mandĩko thĩinĩ wa Mariko 7:20-23, “Agĩcoka akiuga, kĩrĩa kiumaga thĩinĩ wa mũndũ, nĩkĩo kĩgwatagia mũndũ thahu. Nĩgũkorwo nĩ thĩinĩ, nĩ ngoro-inĩ cia andũ, kuumaga meciria moru, ũmaraya, na ũici, na ũũragani, na ũtharia, na ũcumĩkĩri, na ũrimũ: maũũru macio moimaga na thĩinĩ, makagwatia mũndũ thahu.” Thĩinĩ wa ngoro cia andũ, kũihũrĩte meciria moru, o kuuma mũthenya ũrĩa mũndũ aciarirwo.
Tuoye kĩonereria kĩa ngirathi ya maĩ, ĩhũrĩtio maĩ ma gĩkoo, marĩ ta mehia maitũ. Kũngĩhana, atĩa mũndũ angĩtindĩkwo mbere na thutha? Maĩ macio mathũku (mehia) mangĩitĩka handũ hothe. O ũrĩa ĩratindĩkwo noguo mehia maikaraga o magĩitĩkaga.
Ithuĩ tũrĩ hũbaa ya mehia, na ũguo nĩguo tũtũraga. Tũitangaga mehia o handũ hothe twathiĩ. Twĩhagia o mũthenya tondũ, tũrĩ hũbaa ya mehia.
Thĩĩna ũrĩa tũkoragwo naguo nĩ kũaga kũmenya atĩ, ithuĩ tũrĩ hũbaa ya mehia kana mbegũ cia mehia. Ithuĩ tũrĩ hũbaa cia mehia na tũkoragwo na mehia ngoro-inĩ ciitũ, kuuma gũciarwo gwitũ.
Hũbaa cia mehia ikiriĩ gũitĩka. No andũ matiĩtĩkĩtie atĩ, maihũrĩte mehia thĩinĩ wao. Meciragia atĩ, andũ arĩa angĩ nĩo mamatongoragia mehia-inĩ, no o ti oru.
O na hĩndĩ ĩrĩa marehia, meciragia atĩ ũndũ ũrĩa wagĩrĩire nĩ mũndũ gwĩtheria, nĩguo mehia mathire. Magagĩikara o makĩhuragaa mehia, o meka ihĩtia, makĩĩraga atĩ o ti oru. Tondũ nĩ tũhuraga-rĩ, nĩ wega tũikare o tũgĩitaga mehia? Tũngĩgĩtũra o tũhuraga mĩndĩ na mĩndĩ.
Rĩrĩa ngirathi ĩihũrĩte mehia, maikaraga o magĩitĩkaga. Ũguo, no tũhũ kũhura naigũrũ. O na twatũra tũhuraga naigũrũ na ciĩko ciitũ njega, no tũhũ tondũ, ngirathi ĩihũrĩte mehia.
Tũciaragwo na mehia maingĩ ngoro-inĩ ciitũ, ũũ atĩ, o na maitĩka matingĩthira. Ũguo twĩhagia mĩtũrĩre-inĩ itũ yothe.
Rĩrĩa mũndũ akoragwo atoĩ atĩ, aihũrĩte mehia, aikaraga o ahithĩte wĩhia wake. Mehia-rĩ, marĩ ngoro-inĩ ciandũ othe, na matingĩthira nĩ ũndũ wa kũrihũrwo ta handũ harathabio. Twehia tũmehia tũnini, tũhuraga na gĩtambaya gĩtheru, twehia rĩngĩ tũkahura na gĩtambaya kĩna gĩko, na tũgathiĩ o na mbere kũhura. Tũkoragwo na mwĩhoko atĩ, twathiĩ na mbere kũhura mehia, rĩngĩ na rĩngĩ atĩ, nĩ tũgũthera, no mehia magacoka rĩngĩ na rĩngĩ.
Ũgwĩciria ũndũ ũyũ ũgũthiĩ na mbere nginya-rĩ? Ũgũthiĩ na mbere o nginya mũndũ agakua. Andũ mehagia o nginya mũthenya wa gũkua. Na gĩkĩĩ nĩkĩo gĩtũmi gĩa gwĩtĩkie Jesu, atũhonokie. Nĩguo tũhonokio no mũhaka, twambe twĩmenye.
Nũũ, ũngĩamũkĩra
wendo wa Jesu na ngatho?
Nĩ mũndũ ũrĩa, ũmenyaga na
agetĩkĩra atĩ nĩ mwĩhia mũno.
wendo wa Jesu na ngatho?
Nĩ mũndũ ũrĩa, ũmenyaga na
agetĩkĩra atĩ nĩ mwĩhia mũno.
Tuoe kĩonereria, na kĩo nĩ andũ erĩ, mahananĩtio na ngirathi cihũrĩte maĩ mathũkũ. Ngirathi icio cierĩ cihũrĩte mehia. Mũndũ ũmwe eroraga akoiga, “niĩ ndĩ mwĩhia ũũ.” Nĩ ũndũ ũcio-rĩ, akanoga, na agagĩthiĩ gũcaria mũndũ wa kũmũteithia.
No mũndũ ũcio ũngĩ, eciragia atĩ ti mũru mũno. Ndonaga mehia maihũrĩte thĩinĩ wake, na eciragia ti mwĩhia mũno. Mũtũrĩre-inĩ wake, aikaraga o akĩhuraga gĩko kĩrĩa kĩraitĩka. Agathaambia mwena ũyũ, agacoka mwena ũyũ ũngĩ, agateng’era mwena ũyũ…
Kũrĩ andũ aingĩ mũno, maikaraga memenyereire matikehie o na hanini. No tondũ mena mehia ngoro-inĩ ciao-rĩ, ũndũ ũcio ũngĩkĩhoteka atĩa? Kũĩmenyerera gũtingĩkinyia mũndũ Matu-inĩ. Kũĩmenyerera, kũmaroragia o iherero rĩa mwaki.
Mũrata wakwa, Kwĩmenyerera gũtwaraga mũndũ o iherero rĩa mwaki. Nĩ twĩĩrute na ũrutani ũyũ ngoro-inĩ ciitũ. Rĩrĩa andũ maremenyerera, mehia mao no mage kuoneka, no makoragwo marĩ o ehia.
Nĩ kĩ gĩkoragwo ngoro-inĩ cia andũ? Mehia? Waganu? Ĩĩ! Meciria moru? Ĩĩ! Nĩ ũici? Ĩĩ! Nĩ mwĩtĩo? Ĩĩ!
Tũtingĩteithĩka o tiga twĩtĩkĩre atĩ, ithuĩ tũrĩ hũbaa cia mehia, na tuone atĩ, no twĩhagia, o na tũtarĩ arute ũhoro wa kwĩhia.
Ũndũ ũyũ nowage kuoneka tũrĩ twana. Ĩĩ twaneneha? Twathiĩ high school, college, tũgĩaga na ũmenyo, atĩ nĩ tũrĩ mehia thĩinĩ witũ. Ũndũ ũyũ nĩ wa ma? Ũhoro wa ma nĩ atĩ, tũtingĩhota kũhitha mehia maitũ. Nĩguo? Tũtingĩhota kwaga gũitĩka mehia. Tũgacoka kwĩrira, “aa, ndiagĩrĩirwo nĩ gwĩka ũũ.” No nĩtuonaga nĩ hinya kũgarũrũka. Na nĩkĩ? Tondũ o ũmwe witũ aaciarirwo na mehia maingĩ ngoro-inĩ yake.
Tũtingĩhota gũtuĩka atheru na kũĩmenyerera. Ũrĩa twagĩrĩirwo nĩ kũmenya nĩ atĩ, twaciarirwo na mehia maingĩ, nĩguo tũhonokio. No arĩa mamenyaga mehia mao mahonokagio na ũhonokio ũrĩa wa harĩrĩirio nĩ Jesu.
Arĩa meciragia atĩ, “ndiĩkĩte ũũru mũno, kana ndiĩhĩtie mũno,” matiĩtĩkĩtie atĩ Jesu niathambirie mehia mothe mao na merekeire iherero rĩa mwaki. Twagĩrĩirwo nĩ kũmenya atĩ tũrĩ mehia maingĩ thĩinĩ witũ tondũ, twaciarirwo na mo.
Mũndũ wagwĩciria atĩ, “niĩ ndiĩkĩte ũũru mũno, korwo nohonokio o tũmehia tũtũ tũnini,” mũndũ ũcio hihi no ohorwo mehia-inĩ? Ũũ gũtingĩhotekeka.
Mũndũ no ahonokio amenya ũrĩa arĩ na mehia thĩinĩ wake, na etĩkie na ma atĩ, Jesu nĩathambirie mehia maitũ mothe, rĩrĩa abatithĩirio rũĩ-inĩ rwa Jorodani, na akĩrĩha thirĩ wa rĩrĩa atũkuĩrĩire.
Tũhonoketio kana caa, ithuothe no tũgĩe na meciria moruu. Tũrĩ hũbaa cia mehia. Nĩguo tũhana. No tũngĩtĩkia atĩ, jesu nĩathambirie mehia mothe, no tũhonokio.
Ngai Ndahonokirie Arĩa Marĩ Na “Tũmehia Tũnini”
Nũũ ũhenagia Mwathani?
Nĩ mũndũ ũrĩa ũhoyaga oherwo mehia o mũthenya
Nĩ mũndũ ũrĩa ũhoyaga oherwo mehia o mũthenya
Ngai ndahonokagia arĩa me na “tũmehia tũnini.” Ngai ndahonokagia arĩa moigaga, atĩ, Ngai ndĩna “tũmehia o tũnini.” Arĩa aiguagĩra tha, nĩ arĩa moigaga atĩ, Ngai, ndĩna mehia maingĩ, na mũico wakwa no iheroro rĩa mwaki, honokia. Arĩa moĩ, atĩ nĩ ehia, mahoyaga, “Ngai, no honoke ũngĩhonokia, no ndingĩcoka kũhoya mahoya ma kwĩrira tondũ, nĩ njũĩ atĩ, niĩ ndingĩhota kwaga kwĩhia rĩngĩ, o na rĩngĩ. Wenda, honokia.”
Ngai ahonokagia arĩa mamwĩhokaga hatarĩ nganja. O na niĩ, nĩ ndageretie mũno kũhoya, mahoya ma kwĩrira, o mũthenya, no ndigana kuohorwo mehia-inĩ. Nĩ ndaturirie nduu mbere ya Ngai, na ngĩhoya, “Ngai nĩ ndagũthaitha, ũnjiguĩre tha, na ũhonokie kuuma mehia-inĩ makwa.” Mũndũ ũrĩa ũhoyaga ũguo, nĩ ahonokagio, agetĩkia ũhonokio wa Ngai, na ũbatithio wa Jesu, ũrĩa abatithirio nĩ Johana Mũbatithania. Acio nĩ mahonokagio.
Ngai ahonokagia arĩa moĩ atĩ, nĩ ehia mũno. Arĩa nao moigaga, “njĩhĩtie o hanini. Wenda njohera,” o no ehia, na Ngai ndamahonokagia. Ngai ahonokagia, arĩa moĩ atĩ, o nĩ ehia mũno.
Isaia 59:1-2 nĩ kwandĩkĩtwo, “Atĩrĩrĩ, guoko kwa Jehova ti kuonju, gũgatuĩka atĩ gũtingĩhota kũhonokania; o kana gũtũ gwake gũkagĩa njiika, gũgatuĩka atĩ gũtingĩhota kũigua; no rĩrĩ, mawaganu manyu nĩmo ma mwamũranĩtie makamũtigithania na Ngai wanyu, namo mehia manyu nĩmo matũmĩte amũhithe ũthiũ wake, akarega kũmũigua.”
Ithuĩ tũtingĩhota kũgucĩrĩria Ngai, nĩ tondũ, tũciaragwo na mehia maingĩ mũno. Guoko gwake ti kuonju, kana gũtũ gwake gũkagĩa na njiika, ũũ atĩ, akaga gũtũigua twamũhoya atuohere.
Ngai atũĩrĩte atĩ, “no rĩrĩ, mawaganu manyu nĩmo ma mwamũranĩtie makamũtigithania na Ngai wanyu, namo mehai manyu nĩmo matũmĩte amũhithe ũthiũ wake, akarega kũmũigua.” Na nĩ tondũ tũrĩ na mehia maingĩ ngoro-inĩ ciitũ, tũtingĩtonya Matu-inĩ, o na mũromo ũtarĩ mũhinge.
Angĩkorwo ithuĩ ehia, no tũhoyage mahoya ma mũhera o hĩndĩ ĩrĩa twehia, Ngai angĩtũraga o atũmaga Mũrũ wake, ambwo mũtharaba-inĩ rĩngĩ, na rĩngĩ. Ũyũ ti wendi wa Ngai. Atwũĩrĩte, “ndũgoke kũrĩ nĩi na mehia maku o mũthenya, nĩ ndatũmire mũrũ wakwa oke akũhonokie mehia maku mothe. Ũrĩa wagĩrĩrwo nĩ gwĩka, nĩ kũmenya ũrĩa akũhonoketie, na wĩtĩkie ũhoro ũcio wa ma. Ũcoke wĩtĩkie ũhoro-ũrĩa-mwega wa maĩ na Roho, nĩ guo ũhonokio. Ũyũ, nĩguo wendo wakwa mũnene, kũrĩ inyuĩ ciũmbe ciakwa.”
Atwĩraga ũũ, “ĩtĩkia Mũrũ wakwa, na ũhonokio mehia-inĩ. Niĩ, Ngai waku, nĩ ndatũmire Mũrũ wakwa, oke amũthambie mehia na waganu wanyu wothe. Ĩtĩkia Mũrũ wakwa, ũhonokio.”
Acio matoĩ, atĩ nĩ ehia mũno, mahoyaga moherwo o tũmahĩtia o tũnini. Mathiyaga mbere ya Ngai matoĩ atĩ, o maihũrĩte o mehia thĩinĩ wao, makahoya, “njohera o rĩhia o rĩrĩ tu, na ndigacoka kwĩhia rĩngĩ.”
Na makageria kũmũhenia na mahoya ta macio. Tũtiĩhagia o rita rĩmwe, no tũtũraga o twĩhagia nginya tũgakua. Na nĩ ũndũ ũcio, no tũgĩtũre o tũhoyaga mũhera nginya gũkua, tondũ tũtingĩtiga kwĩhia na mĩrĩ itũ, ĩrĩ rungu rwa watho wa mehia nginya gũkua.
Kuoherwo rĩhia rĩmwe inini gũtingĩnina thĩĩna wa mehia, tondũ twĩkaga mehia matangĩtarĩka o mũthenya. Ũguo njĩra ĩrĩa tu, ĩngĩtũma tuohorwo mehia-inĩ, no kũneana mehia maitũ mothe kũrĩ Jesu.
Mũndũ akoragwo ahana atĩa?
Ta hũbaa ya mehia
Ta hũbaa ya mehia
Ibuku Rĩa Ngai-rĩ, nĩrĩtuonetie mehia ũũ, “nĩ gũkorwo moko manyu magwatĩtio thahu nĩ thakame, o na cio ciara cianyu ikagwatio thahu nĩ ũũru ũrĩa ciĩkĩte; tũnua twanyu nĩtwarĩrĩtie ndeto cia maheni, narwo rũrĩmĩ rwanyu rũng’ung’uaga o cia ũmaramari. Gũtirĩ mwĩtanie na ũthingu, na gũtirĩ mũciranĩrĩri ũciranagĩrĩra na ma; mehokete ũhoro wa tũhũ, na makaria ndeto cia maheni; mahaana ta me mahu ma kĩũnũhu, na magaciara waganu. Ningĩ maikaraga ta makomereirie matumbĩ ma nduĩra, na makaamba mĩtego ta rũrenda rũa mbũmbũĩ; nake mũndũ o wothe ũrĩa ũngĩrĩa matumbĩ macio mao no akue, narĩo rĩrĩa rĩahehenjwo rĩgatathũka nduĩra. No rĩrĩ, rũrenda rũu rũao rũtigatuĩka nguo, o na kana nguo na ũndũ wa wĩra wao ũrĩa marutaga, amu mawĩra macio marutaga nĩ mawĩra ma waganu, nacio ciĩko cia ũhinga ii moko-inĩ mao. Mateng’eraga na magũrũ mao nũguo mageke ũũru, na magatema ihenya nĩguo magaite thakame ya mũndũ ũrĩa ũtarĩ na ũũru, macũranagia meciria ma waganu, nakuo kũrĩa guothe mathiaga magatiga gwakira ihooru na gũkaanangĩka. Ĩndĩ njĩra ya thayu matimĩũĩ, o na mĩthiĩre-inĩ yao gũtirĩ ũhoro wa gũtuanĩra cira na kĩhooto; nĩ njĩra njogomu metemeire, na mũndũ o wothe ũrĩa ũcigeraga agakorwo atoĩ ũrĩa thayũ ũtariĩ.” (Isaia 59:3-8)
Ciara cia andũ cigwatagio thahu nĩ ũũru ũrĩa ciĩkĩte na magatũũra o mekaga ũũru. Na rũrĩmĩ rwitũ ‘nĩ twarĩtie ndeto cia maheni’. Na kĩrĩa kiuumaga tũnua twitũ no maheni.
“Rĩrĩa ekwaria ndeto cia maheni, nĩ ũhoro wa ngoro yake mwene aaragia; amu na nĩwe ithe wamo” (Johana 8:44). Arĩa matarĩ aciare rĩngĩ mendete kuuga, “ndĩrakwĩra ũhoro wa ma… ndĩraria ũhoro wa ma. Ũrĩa ndĩrakwĩra nĩ ma.” No ũrĩa wothe maragia nĩ ũhoro wa maheni. Nĩ kwandĩkĩtwo atĩ, “Rĩrĩa ekwaria ndeto cia maheni, nĩ ũhoro wa ngoro yake mwene aaragia; amu na nĩwe ithe wamo.”
Andũ mehokaga maũndũ ma tũhũ na makaaria o ndeto cia maheni. Andũ mahana ta me mahu ma kĩũnũhu na magaciara waganu. Ningĩ maikaraga ta makomereirie matumbĩ ma nduĩra, na makaamba mĩtego ta rũrenda rwa mbũmbũĩ. Ngai oigĩte, “nake mũndũ o wothe ũrĩa ũngĩrĩa matumbĩ macio mao no akue, narĩo rĩrĩa rĩahehenjwo rĩgatathũka nduĩra.” Ngai akoiga, kwĩna matumbĩ ma nduĩra ngoro-inĩ yaku! Matumbĩ ma nduĩra! Kũrĩ na waganu ngoro-inĩ yaku. Na nĩkĩo tũhonoketio na gwĩtĩkia ũhoro-ũrĩa-mwega wa maĩ na thakame.
Ngĩaria ũhoro wa Ngai kũrĩ andũ, moigaga, “oh mwendwa! Ndũkanjarĩrie ũhoro wa Ngai.o hĩndĩ, ngĩka ũndũ, mehia nĩmo moimaga thĩinĩ wakwa. Makarahaa handũ hothe. Na hatirĩ handũ ingĩthiĩ mage kuuma. Ndingĩteithia. Ndĩ na mehia. Na ndirĩ na kĩrĩgĩrĩro o na hanini. Nĩ ũndũ ũcio, ndũkanjarĩrie ũhoro wa Ngai, Ũcio mũthingu.”
Mũndũ ũyũ nĩoĩ atĩ, nĩ mwĩhia mũno na ma, no ndoĩ atĩ Ngai no amũhonokie na ũhoro-ũrĩa-mwega wa wendo wake. No arĩa, mamenyete ũrĩa marĩ na mehia maingĩ, nĩo mahonokagio.
Ũhoro wa ma nĩ atĩ, andũ othe nĩguo mahana. Mũndũ o wothe, aikaraga o akĩhagia o handũ hothe. Mehia magakĩaraha nĩ tondũ, andũ marĩ na mehia maihũrĩte ngoro-inĩ ciao. No hinya wa Ngai tu, ũngĩtũhonokia. Ũndũ ũcio hihi, ti wa magegenia? Acio mehagia o handũ hothe-rĩ, makoragwo marĩ akenu, arakaru kana maiganĩire? No Mwathani Jesu ũngĩmahonokia. Jesu okire gũtũhonokia.
Nĩ atũtheretie mehia maitũ mothe. Ĩtĩkĩra wĩ mwĩhia, akũhonokie.
