• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English

Sermons

Ta tajore driaru ri `I 4: Enzi o`du cidru si ria le`jo ikoka

[4-1] Ofu Loso Enzi Ndutu Ebe`jo Ri`i (Yoana 13:1-17 ojo)

2021.05.02 102
(Yoana 13:1-17 ojo)
“Esu itu ogboro alika dri andra, Yesu oni saa ana vu ebe`jo anini ngwi`jo Ata dri rii eca ra ni ote. Ole `ba anidri vudri rii saa cidru si sa ndro ana le ni ite`de ai iru ndi ana vu ebe`jo ri inga. Esu Yesu ti`ba ana vu koka ri tro lonya undrwelaga ri iga. Mgbesa esu sitani osu le`jo Yuda ori Simone Isikariote na si Yesu ni azi`jo rii ra. Yesu oni ote ana Ata ohwe anini ta cidru ra; oni ani enga Rubanga dri vua ani kongwi Rubanga dri isa ote. `Disidru Yesu onga oru, onzi ana bongu edri rii ra, oko umbe bongu ru le jo rii opi`a. Osu eyi cupe `a, ido`ba ani a inile ria pa ni je ka, oko ole aia pa ni bongu ru le `jo ana umbele opi`a risi. Emu Simone Petro dri `di, Simone Petro ojo; `Opi, ile ma pa ni jeka ya?` Yesu a`i, `ini driso ta ma idele rii ku, ki vule ga nyeya nyi nia ra`. Petro ojo: `ije alu sa ma pa ni ku!` Yesu ojo: `Jodini ri nyolu ma`di ma inile ri `i ni kpe.` Petro ojo: `Opi, oje ma pa ni a`dite ku, nyije ma o`u ti ma dri tro sa tro!` Ki Yesu ojo: `ma`di ruje `di ra rii pelere, ka rujeka le `di kpe, ra rii ana pa `i, Anyisa anyi kpo pelere, ki anyi lofo ma`di pelere ku rii alu.` Yesu oni ma`di eya `di ani azidi rii ote, ojo: `Anyi kpo pelere ki anyi lofo ma`di pelere ku rii alu` ni ausi. Iko `ba `dia pa ni je ka `di osu ana bongu edri rii aniru di ongwi ana kare ni ga, ozi ai ini le`jo ma ta`di ide jo rii ote ya? Anyi ma ungwe laponyi vua Opi, ijo ce, ma ani `i. Ma anya Opi `i vua laponyi `i sa aje anya pa ni dria dru ra`di `disidru kole duba anyi`sa anyi`je anya pa ni anyi lofo. Mitede anyini ovi di `i, ausini anyisa anyide dru maa idekaa anyini ri ani. Majo anyini lokuloku, tiluza onde alusa ana amba ni ku, alua ri ani ma`di ofu ejidi ri isa onde ma`di ani ezedi rii ku. `Dria ini ta anda rii ra; jo anyi `de di ani, anya asi kevu kolu egbwe.”

Yesu oje Petro a pa ni o`du alika dri oca ecare kuku a`du si? Ana driso pa driaru jere kuru rii, Yesu ojo, “ini driso ta ma idele rii ku, ki vulega nyeya nyi nia ra.” Petro ni ma`di unde dia maju Yesu dri ri`ia ri `i. A`i Yesu ni Ngwaapi Rubanga dri `i ni ra vua ojo ana ti si Yesu ni Kristo `i. Ta Yesu a pa ani je`jo rii, mara laka ra loso rere ri kolu aa Petro a ana a`i ni ete`deka Yesu ni Kristo `i `a ehwi ni, igeni Yesu ni Aridipi `ba ani dri ari`di aia enzi ni a ri`i ni ra.

Yesu oje ana maju a pa ni oca
ani epare kuruce dri kuku a`dusi?
A`dusi ole keriki lari anidri anda 
ria ehwi ni.

Oje Petro a pa ni a`du le`jo si? Yesu oni eberu ga Petro keya ka ani ga mgbe mgbe vu ina `i vua keya kaci andraga enzi ideka tro `i.
Esu `jo, Yesu kotu bu`a pi, kebe enzi Petro nasi ri kolu bo, karuni emuru Yesu tro alu ni kuru. Ki Yesu oni a`wi ako ana maju tidri isa alu alu si ote disi ole enzi kolu aia lofo ga ana maju tro aa ni ku. `Disidru, ole ani kini aini enzi ai dri rii ndutu dru ojeru pelere `i. Ledii ra ana ana maju a pa ni je`jo ri `i, Yesu a driso drare ana ai ebere ra ni kuru rii, ole ani koni cuwidru di kaki mba okpo ofu loso ana batisimu dri idri vua, lebe aia enzi `dri `bo`bo dru ri idri ingo ni ya` i.
Yoana 13 ojo ta lari lokugo Yesu `a idele ana maju ni ria `dri ga ki aia pa ni jeka nidri le, Yesu ohwe aini lini ciri `dri esu le ofu loso ana batisimu badi a `ba cidru ka ru`je aia enzi nia pelere ri idri ri `i. Ojo aini, 
“Oba sitani kunza anyi o`du vule ga risi ku. A`du enzi anyi dri rii ndutudru ma batisimu esule a`bu Jurudano a risi vua ma lamgba enzi cidru dri du kuruce dri si. Diivu, mako monzi dra ga si ra ausi miko dru le`jo lari dri ruti`jo `di rii anyi cidru ni ide `dejoadru aje anya enzi andra ga rii ra ofu loso tema enzi ebe`jo risi `i, `dii ra ma anya pa ni je `jo oca ma epare kuruce dri kuku ri `i. `Dii zuma`di ofu loso ruti`jo di Endri si ri idri ri`i. Kole anyi kpodru ka `i le`jo `dini”.
Kole ru kpodru si oniki ra Yesu a ana maju a pa ni je `jo rii ote. Vua kole oniki ra ana jo`joadru, “ini driso ta ma i`dele rii ku, ki vule ga nyeya nyi ni a ra ri`i,” jo dini ri dria a`diki ofu loso ruti`jo di Endri si rii a`i wa ausini amasa a`diki ruti ama nga si di.
 

Ojo Yoana 13:12 ga

Ta unzi ama idele rii
ingoni ri`ba ti `i?
`Dii enzi ama idele a`wi ako ama 
dri si o`du cidru si ri`i.

Ana drare driso kuruce `dri kuru rii, Yesu onya lonya alika drii ana maju tro ra, oko onze aini ta ofu loso lebe enzi `dri esujo ri idri ana aia pa ni `jeka ana dri si si.
“Yesu, oni ote ana Ata ohwe anini ta cidru ra `i, oni ani enga Rubanga dri vua ani kongwi Rubanga dri ni ote, `disidru lonya undrwelaga ri a vu ga Yesu onga oru, oco ana bongu ru le`jo rii opi`a. Osu eyi cupe`a, `ido `ba ana inile ri ti `a pa ni je ka. Oko ole aia ru ni bongu ru le`jo ana umbe le opi`a risi. Emu Simone Petro`dri, Simone Petro ojo: `Opi, ile ma pa ni je ka ya? Yesu a`i: `ini driso ta ma idele rii ku, ki vule ga nyeya nyi ni `a ra`” (Yoana 13:3-7). 
Ini ana maju ni ofu loso ana batisimu dri ri idri lebe enzi dri eyi ana batisimu dri rii tro, saa nasi, aia oluka Yesu na`ndra ole nidri si sa, Petro oma ra Opi Yesu a ana pa ni je`jo rii ni le kpe. Ki Petro oce ani kera ta Yesu a idele anini rii`di, ovi ana Yesu ni igeni`jo rii mgbe sa ecoru ra. Yesu ole ani kini laka lebe enzi dri, esule ofu loso ana eyi si vua batisimu si rini.
Ori ori kokoa rii ora risi Petro a enzi retu andraga disi ke mu ka rari ana andraga kpe, ovi zi si, enzi ana ru a idele andra ga risi`i. Yesu oje aia pa ni rii ausini sitani kodu dru a `i maju `di drii kpe si. Vule ga, Petro eya era le`jo dia ehwi ni ra. 
Yesu ide leti ni pelere rii ausini`ba cidru eyi ana batisimu `dri a`ika ana ari tro rii kesu dru layu tadru rii aia enzi nia au si.
Yoana 13 ga le`jo ana jole saa ana ana majua pa ni je`jo ri si ri osiru ni. `Dii le`jo okpo rere tete `ba tile `di ri a erile wa rii ni ri`i. Ra Yesu a ana maju a pa ni je`jo alika a vuga rii konyi hwe`jo aini erarea ga ani o`je aia enzi ni `bo`bo dru `pi `i. Yesu ojo, “Ini driso ta ma idele rii ku, ki vulega nyeya nyi nia ra” le`jo jole Petro ni`di `ia layu olu`di tadru rii ani ni aa.
Anyiba kpodru oniki ote vua a`iki batisimu Yesu dri ta ama idele rii ama enzi tro cidru je`di pelere rini. Batisimu Yesu dri Jurudano a rii ofu loso enzi ba`jo ovi dri ti`jo dri a risi ri `i. Anyi ba kpodru igeniki le`jo Yesu dri ni. Odu enzi vudri rii ndutudru ana batisimu si vua iko lebe enzi drii ana lamgba esu ka si vua ani epaka kuruce dri si.Yesu esu batisimu drimgbo hwejo`ba cidru ni aia enzi si.
 

Lebe Ama Enzi drii eberu `bo`bodru Batisimu Yesu dri riisi vua ana Ari si.

`Matego` sitani dri `ba
anda ri oko`jo rii ingo `i?
Sitani ka`ba anda ri unza ausi
kaki engwi enzi`ba di.

Yesu oni cuwidru ana draka kuruce dri nivu, vua ana onzi ka ana tuka `bu a nivu, sitani ti ayaya a `i mbi ri dri tro keya ko maa maju `di unzaka ra `i. A`di ani di ndre sadini Petro a hwele “Nyi Kristo, ni Ngwaapi Rubanga oru ndedia ridri `i” ni di iga, ehwi ani a`i Yesu ni ra` ki Ziniga di, Yesu ole ani koba Petro kera ofu loso lebe enzi dri esu`jo rii uje a ci. Ofu loso ani naa batisimu Yesu dri, ama enzi vudri ri du`jo ndutudru ri`i. ole ani kini Petro ni ziniga di, ka di ini maju ziti ni sa tro vua ama `ba o`du disi rii ni `ba evuka vule ga rii tro kpodru sa tro. “Ini driso ta ma id le rii ku, ki vule ga ny ya nyi ni a ra.”
Saa cidru si jo maju Yesu dri ri ide enzi ni, sitani ka ai ubi vua ka aia ego ni ete kperi kojo`a. “Nyindre! Jo gba nyaci enzi ideka tro andraga `di ani nyijoa nyi enzi ako ni ingoni? Anyari ru kuru. Anyi enzi `ba gba ri`i.” Ta ledi ani ledi ni ecajo airu ku Yesu ojo aini aia geni a `i tro batisimu Yesu dri i`dri ri oje aia enzi ni pelere. 
“Ini kpodru cuwidru ohwe mani batisimu ra! Ra ma batisimu esujo Jurudano a rii ausini ko`je dru anya enzi ni `bo`bo dru si, `di oko enzi anyi drii ndutudru anyi tijo au tro ri isa tro. Anyi draa ra ma batisimu esu`jo rii a`du ya ni era wa ya. Kusa ini ra ma repa o, vua `drajo kuruce `dri rii ote ya?” Yesu oje ana maju `a pa ni rii ete`dejoadru aini ani oje aia enzi o`du cidru si rii ana batisimu si pelere `i, vua ani ka lamgba aia enzi dri du kuruce dri si pi`i. 
Draa dini, nyi `i vua ma `i esu layu `baa enzi nidri `a a`i `ba dri ofu loso ana batisimu dri ana ari drii tro risi ra, `di oba amesu lebe ama enzi ni a cidru ra. Yesu esu batisimu vua epa ru kuruce dri ama si. Oje ama enzi ni kpodru pelere ana batisimu si vua ari si. Ma`di ofu loso layu dri enzi cidru dria ri ai`di vua nidia ote rii ka lebe esu ana enzi ni a ra. `
Disidru, draa `ba tile, Endri si di ri `bati ka a`duta ide aia rarika nivu`i? Kole kebeki aia enzi ideka o`du cidru si ni ra vua koko ka `iki lari esule batisimu Yesu dri si vua ana ari si ri i, a`dusi dii ofu loso layu tadru ridri aia enzi ni dudi pi ri`i. ofu loso lebe enzi dri esu `jo rii, ama rutika `di Endri si ni, ta gba okpo kole ama`ba ama urata ni driaru ri`i.
Nya ziniga enzi ideka `di si, ehwi ani nyi enzi dipi ya? Ku. Jo oniki gba Yesu odu ama enzi ni pi ni ote ri ama engwi zini ga enzi`ba ni ingoni dru? Batisimu Yesu dri rii ana ari kuruce dri ri tro ofu loso layu hwe`di ama enzi si ri `i ma`di ofu loso tema enzi ndutu dru ebe`jo ri igenidi rii ka oti Endri si rii esu ra, rovika kendre`ma`di anda rii a`di `i ya ni ako.
 

Ba Anda ri kongwi alusa enzi`ba dru di kpe.
 
`Ba anda ri kengwi
enzi`ba dru di kpe a`dusi?
A`dusi Yesu ebe aia enzi 
ni `bo`bo dru ra.

Jo nyigeni ofu loso enzi ebe`jo eyi dri Endri dri tro rii, ki nyitiri nyolu `dri enzidipi a`dusi enzi nya idele itua a ni a risi `i, `da rii kole nyi`da dri Jurudano ni Yesu a batisimu esure enzi nyidri uhwe`jo ri `ia di. Jo nya lebe enzi`dri esuka avuga, nye ngwi enzi dipi`di, kole Yesu isa kesu batisimu`di. Nyiba nya a`i kolu lebe nya enzi dri ofu loso Yesu a batisimu dri idri aa. Nyera ujea ci rii Yesu oje nya enzi ni vu alu ate tri ana batisimu si. `A`i nyidri Yesu Kristo a ru ga ani a `ijo nyini Aridipi dru rii kole k lu a`i ande`di ku ri`i. 
Yesu ni a`ika nyini Aridipi dru a ehwi ni, nya batisimu Yesu dri nya enzi ni`du `di tadru ri a`ika `i. Jo gba nya `i ana batisimu ni ra, ana kuruce`i ana dra `i, vua onzika`i, nyengwi hwa enzidipi dru di ku, jo tee enzi nya idele ri kolu ingoni ri`i sa `i. Nyesu layu enzi nya lidri ni a risi ndutudru a `i si ra. 
Yesu oje nya enzi andraga ri isa tro, oje enzi ama idele ama a`wi ako si ri isa tro. Yesu a ta joka okpo okpo ana batisimu dri idri okposi si, oje ana maju a pa ni eyi si. Etede`joadru dii layu enzi dri ana batisimu si ri`i. Yesu Kristo esu batisimu, eparu kuruce dri ogaru mgbwe, vua otu `bua anda tati Rubanga a ubale layu tadru ri idri enzi cidru vu di idri ridri si lari hwe`jo enzi`ba cidru ni ri idri ri ete`dejo. `Di oba, maju`driaru ri `bati onze ofu loso layu esu`jo enzi cidru dria rii au, `dii batisimu Yesu `dri`i. ana kuruce`i, ana onzikaka`i, `di ido mgbe aia lidri a idore ga vua ana okore ga.
 

A`wi ako Petro a Ru Dri`i

Petro oga Yesu ni a`du si?
Ana oluka a`wi ako si.

Bugu ole ri ojo amani amba azi ole ridri ungwele Kaifa a tiluza, oce ani keji sikia laki andra `jojoadru Petro ni `ba Yesu a vu ni okoka ria alu `i rii di, Petro oga sikia dii mgbe mgbe vu ina, ojo, “madri, ani ago dii ku.” Ki, vu inajoadru risi le alu sa ru tro Anyi`ba olaki dri le`jo rusidi bugu Mateo dri 26:69 ni ga ri i. “Petro a rire angwe esi difo dri rii, zaa tiluza alu emu driaru, ojo: `Nyisa anyi olure Yesu ni Galileago ri tro.` Ki uci ci, a`i `ba andra kpodru, ojo: `Ani ta anya j le rii ku.` Ana mu re ketumi ga si rii, zaa tiluza zi ondre ani ra, oko ojo`ba naa ri ni, ma`di `dii esu anisa ai Yesu ni Nazareti go ri tro.` Ziniga di alua ri ani uci ci. `ojo, `ani ma`di naa ku, olu gaadru, `ba umbaka na`a ri`ba ojo Petro ni, lokuloku nyi aia alu`i, a`dusi ti nya ta jole ridri kitedea ni.` Aci vu inajoa disi sa ci ido inyaku mvuka raluka tro kojoa, `ani ago ledii ku!` mgbesa au logo oso cira ra. Oko era ta Yesu a jole anini endru au logo oca cira so re vu eri ni ku kesu a iga ma vu ina ni ra` oko omu angwe, owo okposi” (Mateo 26:69-75).
Petro ni gba ananga si a`i Yesu ni ra vua oko Yesu a vu ni a`i si. A`i Opi Yesu ni anini Aridipi dru ra vua a`i ani Profeta emu`di ri`i ni ra. Oce oji Yesu ni mabusugo dru Pilatu na ndra`di Petro ni ana olu loso Yesu tro ri nzeka cara`ba andra engwi okpo, disi mgbe oga Yesu ni mgbe vua ido raluka anisi `ba le`jo amaka ri andra. 
Petro oni ani keya ka Yesu ni ga mgbe ni ku, ki Yesu le oni keya ka ani ga mgbe ni ote. Yesu oni Petro a a`wi ako ni cuwidru, Disidru Yesu oje Petro a pa ni oko osi ofu loso lari dri dii uje `a ru kendre ana rusika Yoana 13 ga ri ani, “Nye ya nyi enzi ide vulega ra, ki anyi ni ote aje anya enzi andraga ri isa kpodru ra”.
Petro oga gbadru Yesu ni ana lidri a olure lidri okpo a ri `i, ki a`wi ako driaru oba anini di idejo ni. Disidru, ana maju ni arijo aia enzi andraga ri `ia Yesu oje aia pa ni ati ati. 
“Ma anya enzi andraga, ri isa ebe tro. Kole mepa ru kuruce dri kendre ma batisimu esuka ri ani ausini madu dru anya enzi ni ndutudru pi vua ma `ai uhwe yotedru kuruce dri ausi mengwi dru Aridipi dru anyi cidru ni. Ma Opi Rubanga anyi dri `i, anya Aridipi`i. Kole muhwe anya enzi ni ndutudru, vua mengwi anya leidipi `i, ma batisimu si vua ari si. Ma leidipi anya lari dri i” 
Le`jo okpo go di saja aia asi ni a, Yesu oje aia pa ni alika vu. `Dii anda anda ofu Loso ridri`i. 
Ama rutika Endri si di nivu sa ama ru `a oluka a`wi ako si, ama bia enzi idele ku, ki jo le`jo okpo ri eca ama lidri ni a kendre Petro dri ledi ani ni, a`diki esua ide enzi lele ide ku ri isa ra. Ama oluka te sa ru si si, saa zitisi amesua enzi di ka ama dri se rivoloka ga. Ru amadri kaci enzi ideka tro andra andra ama dri olure vu ama`i ku di idri ri `i sa `i. Ki Yesu ebe enzi `di bati cidru ra ana batisimu si vua ana ari kuruce dri risi.
Gbadru ogaki Yesu ni Aridipi `i ni ra. Ki jo a`diki olu ru si, a`diki aci andraga enzi ideka Rubanga a le ni ru tro`i. `Di ka ride ni ama rutika ru iza tro ri`i si. 
Yesu oni jo amolu ru iza tro risi ama enzi ide ra ni cuwidru, `disidru engwi anangasi amani Aridipi dru ana ama enzi ni uhweka ana batisimu si vua ari si si. Uhwe enzi cidru `ba ana lari ni a`ika ana onzika tro ra ri `ba ti dri rii ra. 
Ledii ra ofu loso su dii kpodru aia ido`jo Yesu a batisimu esule Yoana Batisita dri risi ri`i. Ra ana ruti `jo ru si ama ani rii ausini ofu loso ruti`jo `di Endri si dii, ofu loso lari dri dii kengwi dru ce si.
 
Ama enzi ide ru si
koca `bi ingo pi?
Ama idea ama lidri a ru ndi
O`du ama dra jo ri inga.

Petro a ani gaka tete vu alu ku, eri ku, ki aulogo oca cira sore kuku vu ina si, mgbe asi driaru onyo ra! Nyitiri drinza oko ani ingo pi? Nyeraa wa aninga aluru Yesu na`ndra jokaa hwa ani oga Yesu ni ku si ra. Ki ide enzi ledii rii ana rua oluka a`wi ako si, nyitiri engwi kiza na ingo pi ana a`wi ako oba`i vua ana Yesu ni gaka tete vu alu `i ku ki vu ina si `i? Nyitiri eri ani ingo ni aia mi a asore Yesu tro ki Yesu ka ani ndre kiza si ri`i? 
Ki Yesu oni ta `di bati kpodrusi ta ziti tro sa ote. `Disidru, ojo, “Ani ote anyi enzi ide `di`di, ki anyini cuwidru adu enzi `di bati yotedru pi ma batisimu si, alusa draa anya ru kodi ba`joadru enzi ni anyi eco jo enzi`ba dru `di ni ku. Alusa dri luci kolu anyini engwi `jo madri`di iyo. Ma anya Aridipi okpo tro ri`i ma batisimu esuka si vua ma lamgba esuka anya enzi si si. Mengwi anya Rubanga `i. vua anya Leidipi`i. Anyigeni ofu loso anya enzi a rebe`jo rii au. Maci anyi leka tro andraga jo tee anyaci andraga enzi a`wi ako `dri anya idele anya ru si ri ideka tro sa `i. majo anyini aj`e anya enzi ni cidru pelere. Ofu loso enzi ebe`jo rii`bo`bodru ce vua le madri anya ru ga ri isa tadru” 
Yesu ojo Petro ni maju ziti ri tro “Jo maje nya pa ni ku, nyolu` ba ma inile ria alu idru kpe.” Ra ana le`jo ehwi di jo` jo Yoana 13 ga rii amala ani ta okpo rere ri`i `ba ni ruti`jo`di eyi si vua Endri si nya `i dii ra ya?
Ana ciri ciri 9 ojo, “Simone Petro ojo anini, `Opi, oje te ma pa `i adi te ku, ki nyije ma ou` ti ma dri tro sa tro!` Yesu ojo anini, `ma`di ruje`di ra rii pelere. Ka rujeka le`di kpe, rari ana pa `i.`”
Ma ozi ma lele ndro ri, nyi enzi ru dri, ide ovulenga di ya nosi nyide ku? Gbadru nyidea`di. Ki Yesu le ojo ani oje enzi andraga ri isa pi, enzi ama ru drii cidru ojeru ana batisimu si vua ari si, vua onze ana maju tini sa le`jo anda dri dii au, `dii ofu loso layu hwe`di ana ta jore driaru, oca repare kuruce dri kuku ri`i. ondre awiako ama ru dri tro. `Disi ama ikonyia kpe ki ra rii te ama enzi ide au. 
Yesu oje enzi vudri rii ndutudru pelere ana batisimu si. Oje tete ama dri ti ama ru tro au ku. Ki oje ama pa isa tro, ledii, ama enzi andraga ri`i. `Dii ofu loso ruti`jo di Endri si, batisimu Yesu dri risi ri`i. 
Yesu a batisimu esuka nivu Yoana Batisita ohwe sadini driaru ojo, “Dii! Biloangwa Rubanga dri enzi vudri ri du di ri `i!” (Yoana 1:29). Kole dubasi a`iki enzi vudri rii ndutudru oba ru Yesu nidri o`du ana batisimu dri si ni. 
Olure driso vu enzi tro `di idri rii, a`diki tazi ide kpe ki ra rii te a`diki enzi ide au. Ani dii ta ce ri`i. Jo a`wi ako ama ru dri eca ni. Anyi`ba eraki Yesu oje ama enzi ni ndutudru enzi vu di dri rii tro ofu loso enzi ebe`jo ana uhwele ana ari si risi rini. Anyi`ba ohweki anini anzo ama asi cidru si. 
Anyi`ba ojoki a`i si Yesu ni ama Aridipi `i `Ba cidru vu dri dia ri ka tazi ide kpe rarii te kaki enzi ide aia ru si au. `Ba kaci enzi ideka tro andraga vua kaki `udra aia enzi nia `bo`bo dru tadru.
 

Urata unzi asi`ba dri `ia ri`i

Ta ma`di ivolo di rii a`du?
Enzi amgbu urata ego ri tro ri `i.

Yesu ojo Mateo 15:19-20 ga. “Amala ra unzi enga `di asi `a rii, `ba `dika, uku `bazi dri duka, ta ini ri ide ka, ta oguka, enzo joka, vua ta `joka ego `bazi ru tro. `Dii ta kpo `ba inzidi ri`i, ki ta nyaka dri jeka ako o`ba ma`di o`e pelere ku ni ku”. A`dusi enzi cidru ehwi`di yaigo kusa lemuruzi, nosi ago kusa/izi a rii ani ta andi ri`i.
 

Kole ma`di koni anangasi ana ovi unzi `dii ote.

Ta asi`ba cidru `dri 
`ia rii a`du?
Enzi drile mudri a limbi eri ri `i
(Maruko 7:21-23).

Mitiri a`diki joa wa, “Enzi drile mudri a limbi eri dii asi `ba dri`ia. Masa ma asi ga ai dii kpodru aa. Ma asi ni a enzi drile mudri a limbi eri Bugu Ole ria ta sire driaru rii aa.” `Dii ovi ruti`jo Endri si kuru ri `i, kole a`iki enzi ni tesa olure ama asiti ga. Anyi`ba oniki ote ru Rubanga na`ndra enzi `ba, ki ru amgbu saa cidru si era ledii ku. Ru amgbu ziti ka kiza ai ama enzi si, a`diki joa, “Esu mura ta ledii ideka ni ma asi ni a kuru, ki masu ra rii te aku ego `i” 
Ki Yesu ojo `ba dri a`du ta? Ojo ta enga`di ma`di ago kusa /izi asi rii ondi ta ani inzidi ri`i. Ojo amani urata ego ri`ba asi si aa. Ira ingoni? Nyi anda a nosi ego? Nya `i `bacidru `dri urata ego rii aa ni ra ya? Oo, urata`bacidru dri ego. 
Oji dri kinya nza ni kuru, Jo lemu dri retugodru laki zi dri Seoul `a drilahwa ta mba`jo ri onyo vuru. Familia`ba aia lele ndro ri igweka ra rii asi laza retu ri oko ai ci, ki`ba amgbu ri le ovu naa ta unzi ride`di ri ndrere. 
Ziti ora, “Ba odra si? 200 ya? Iyo, weli ladii ga. 300 ya? Ire kolu ra? Lokudru, esu kolu ta la`u retu ri eji`di ri `i jo weli `ba draka ridri rii koca elifu ra `i....” Asiti `ba dri rii kolu unzi ledi ani ni wa. Disidru kole a`iki. Dii laru ako etele `ba draka ra ri `batia ru ga ri `i! Ozi ta ride`di lediani ledii ka icandi eji familia ta ani ani ria ridere ga ri `bati ni au! Zi `ba ka icandi esu okolongo ako si.
`Ba ziti ta uraka diani dia asi isa ka ri mba kpe. “Kaki uraa esu kolu cuwi `jo`ba amgbu kodra ni `i. Ayi ma`di di! ki gba esu ta alua di kideru mopira vu `baa gare ndru ri `ia le? `Ba amgbu elifu ka ruse ni kaki unyo fufu, ani ani ku ya? Oo, ondi ani ani! Esu kolu cuwi rere ka `di nde ra!” Amala esuru urata `ba ziti drii `di ani. Ta alua rii ka ride andra unzi esule mutukari si risi sa wa.
`Ba urata `dri ledi ani ledii nyesua too drinza ka ai ko ru beka gba gaangwadru `disi. Ru kpo ani ote di a`diki olu amangasi unzi ingoni ya `i. Amala, urata ta unzi nadri nai ojo angwe ra ni ku. A`diki ama ti ni amu ci ama asi okpo ni ete`jo ovidru jo amandre adraka ni sa `i, ki ciriciri ni, ama asi ni a a`diki bia mikaa. A`diki lea ondre andra unzi unzi rere, aaru odi`ba elifu ri `i kendre alusa ana endreka ama urata ni ga unzi ku ri ani. Ledii ovi asi`ba dri `a ebu ide`jo ri `i. Ama amgbu ri`bati isa saa ama ruti`jo Endri si`di kuru risi amasa ama ledi ani.
 

`Ba `dika asi`ba cidru `dri `ia ri`i.

Ama enzi ide a`du si?
A`dusi urata unzi rii ama 
asi nia aa.

Rubanga ojo amani `ba `dika asi `ba cidru dri `ia aa. Ki`ba amgbu ka di ga Rubanga na`ndra ni kaki joa, “Nyi ledi jo a`du le`jo si! Urata `ba `di `jo rii ma asi ga iyo! Nyi `ba mengwi ma`di ledi ani ledii a`du le`jo si!” A`iki alusa aia asi ga `ba dika aa ni ku. Kaki uraa `ba `ba dika ria mgbi mgbi ni ai tro aa.
“Ma`di `ba `di`di le`jo ako o`du zisi ofu acadi rii, o`gu `ba `didi `di vua `ba igwe di aidri kare ga ri `i dii `ba anda ku ri`i,`ba `ba udika ri`i!” Engwiki enzi `ba vua kaki owo, “Ba tile enga`jo ori unzi ri iga rii kole `da si odu ai vu di idri pi! Odi ai kpodru kpo!”
Ki andra unzi dru, urata `ba di`jo dii ra unzi na batro asi ni a, kendre ana oluka oca `di `di` nyadru ri a asiga `ba `ba udika ri tro ri ani anyi `ba a`iki le`jo Rubanga dri ni, a`dusi ka ta ndre ta ruzu`di ama uje ni a rii tro kpodru. `Disi, kole a`iki ojoki “Ma enzi dipi, `ba `dika ma asi ni a aa”. 
Oo, Rubanga ojo amani urata unzi rii ama asi nia aa, `di oko `ba dika, asi `ba dri ia ri isa tro. Anyiba a`iki iyo Rubanga dri `i. Draa suru `ba dria engwika enzi `ba si, dri lahwa ma`di ni ana ta ni mba`jo anangasi ri engwi drilahwa `ba `di `jo ri`i. Ledii draa ovi `ba di`jo ria ani ete`deka ama asi nia `i. Nyi `ba di abiri le`jo si, kusa adri ta ziti dri si. Ta ma jole ri a ehwi ni ama alu alu ka `ba di ra `i ku. 
Ki rarii urata laka rii ama asi nia a`a `i. Ama cidru otiru urata unzi ri tro ama asi ni a `i. A`aru ziti gbadru ka `ba `di ki dii ai tika mgbe `ba `ba dika riisi ku, ki tati mbadi ra ama alu alu ni sa engwi jo `ba ba `di`di ri idru wa risi. Rubanga ojo ama ni urata ego rii urata `ba `di`jo ri tro `ba asi aa, Dii ta ce rii. Ama `i lofo ma`dizi alusa le`jo anda `di `ia ku na iyo. 
`Disidru leti anda amani `du le wa rii kole a`iki le`jo Rubanga dri ni vua ideki e`bu ani. A`diki enzi ide vu di idri rii urata unzi ria oluka ama asi nia aa si.
 

Bate ama asi ni a ri `i

Rubanga ojo bate asi ma`di alu alu dri `ia aa. Nya `i `dii ra ya? Nya `i `bate nya asi ga aa ni ra ya? Oo, bate asi `ba cidru `dri `ia aa. 
Ledii ra bate enzi ziti `dejo rua ri tro ria acajo laki `badri `i lofo ri `i. `Dii ovi okolongo a resu`jo emi emi saa lidri `baa odo dri iga ri `i. ide ziti `ia driluci nza. Ki ide angwa ani dii komu andraga hwa driluci ako a`dusi bate ni kolu `ba alu alu cidru asi.
 

Oa Enzi `ba drii enzi.

A`di `ba lidri obi a`du tro?
Hwe te enzi a `di au ri `i tro.

Kendre eleu a `a ka eleu ri ani, vua loolu a ka loolu ri ani, amasa ama `ba rutika enzi drile (12) dii tro ama asiga rii, ka tazi ide kpe ki rarii te ama oa enzi dri a au.
Yesu ojo ta enga di ma`di ago kusa izi a rii ani ta ma`di inzi di ri `i. Nya `i dii ra ya? A`diki te ra `i le`jo Yesu dri iga a`diki joa, “Oo, ama `baciri enzi `dri `i, ` ba ta ego ideka ri `i. Anyi `ba a`iki ta anda rii Rubanga na`ndra amani amanga si.” Kendre Kristo a lari hweka ata a le ni idorega ri ani, `ba sa kole okoki Rubanga a le`jo a vu ni a`ikaa si vua idekaa si. 
Dii leti tete alu amani lari esujo ama enzi nia eyi si vua Endri si ri i. Dii dride Rubanga dri amani ri`i. Vua ama dride loso go ri esu kinya a `a nia okposi. Lofo kinya dia alire rii, hwe cidru oa aia oa ni`voi alua risi, enzi mudri a limbi eri ama asi ni `a di oko ama ci vua ka ama `ji te sa enzi `a. 
Endru rii, nosi `ba dika omba ama asi ga tondo dru ni obu rii, nosi kolu bate `diivu, obuzi rii, urata ego rii, uku `bazi dri `du ka, ogu, ti enzo …vua ta ziti tro. Amaci andraga enzi ideka tro kinya `a ni ru, imba cidru si, o`du cidru si, saa cidru si. O`du alusa ali ama ni enzi ideka ako ni ku. `Driaru si amaci andraga ama alu ka amide hwa `draale enzi zi ku tro `i, ki alusa ama ikonyia kpe a`dusi dii ovi ama ti`jo ri`i.
Indre nya lidri ni ga eleu ole eleu a`ka ku ana lekaa ku si ni ra ya? “Ale madri ma a eleu ku!” Jo tee kole anangasi ani ko a eleu ku sa, ka eleu a au ku ni ingoni? Kori ofu coka keifo nga, eleu `a oa komba koko koka eyi nga vua saa kinya `a nasi ana oa koka mgbe nyaa sa wa` `Dii ovi tacidru a endrejo ri `i vua ovi enzi`ba dri isa kole koko endreka alua ledii au. Enzi `ba ka tazi ide kpe rarii te kaki aci andraga oa enzi dri `a ka tro.
 

Batisimu Yesu dri rii ana kuruce tro lebe hwe`jo amani ama enzi si.

Enzi eb ka Yesu dri
ria ehwi ni a`du?
`Dii musara enzi dri uhwe ka Yesu
a batisimu `i (dri tika dria `i vua
ana ari kuruce dri ri`i).

Anyi `ba olaki le`jo Bugu Ole ri `ia rii nijoadru `di enzi `baciri ta unzi dri, kaki `di lebe enzi dri esu Rubanga na`ndra wa ya vua di kaki olu asi egbwe si ingo ni ya `i.
`Dii ofu loso layu esu`jo enzi dria ri `i. Levitikasi 4, ojo, “Jo ma`di anidru `diani di kaci andraga ta unzi ri ideka cara Rubanga dri ni iru tro ta esu kole ideku ri `i. Ma`di dii mgbe enzidipi, jo kusa eya oni ta enzi ana idele ri idri ra, kole keji indri angwa ana azi `i dru, keji izi luzu ako ri `i, enzi ana idele risi au. Koko koti ana dri ni azi enzi ebe`jo ri idri, koko koli azi dii kare azi igwele igwe ri azire ri iga. `Diivu amba azi Ole ridri rii kole keya keji ari dii ana dri si kuyi alitari azi igwele igwe ridri idri, ari rebe`di rii koko kosua alitari a pa ga. Kole kiyi azi dia osa ni pi, kendre osa a riyika azi egbwe dri iga ri ani; kole omba azi ole ridri koko kigwe osa dii alitari dri kendre azi ngudi druwi riidru koti jo lemu dri dri iga Opi na ndra” (Levitikasi 4:27-31).
Saa Ofu Oku ridri risi, `ba ka layu esu enzi aia idele risi ingoni? Ati kaki dri aidri ri ti azi igwele igwe ria driga, kakiko kaki enzi aidri rii ifu azi dia ru ga.
Osiru Levitikasi ga. “Jo anyi alu alu eji azi azile Opi ni ni, kole anyeji azi anyidri azile rii ti, kusa bilo anyidri ri `i. Jo azi ma`di dri rii azi igwele igwe ri `i kusa ti, kole ma`di kazi ago ki luzu ako ri `i; kole ma`di kazi azi dii le driaru anangasi risi joti Kima dri ri iga Opi ni andra. Kole koti dri anidri rii azi igwele igwe ria dri ga, diivu koko kara `i ana kare ga layu hwe`jo `ba cidru ni enzi aia idele risi ra” (Levitikasi 1:2-4). 
Jo `ba saa nasi ri era enzi aia asiti ga aa ni ni, ma`di di ka azi azile ria ti ni uba layu ejijo anini enzi ana idele risi. Kole duba koti dri anidri rii azi azile ria driga ausini enzi cidru ana idele rini e`jo iyo. A`dusi Kima ole di `ia, alitari azi igwele igwe ridri rii aa. Ide tadii kendre sanduku ani hwei-hwei, ana retu onde meza idele bale jo lemu dri `ia andraga rii ra, vua ana gbunyu niga cidru usu oju ci. `Ba Isaraile dri rii nainga kaki layu esu enzi aia idele risi aia enzi aia idele ri ifuka azi igwele igwe ri iru si vua kakiko kaki azi dia iza ni igwe alitari azi igwele igwe ridri ri idri. 
Rubanga ojo Levitikasi ga `ba cidru ni “Kole kaziki azi dii le aidri aiangasi risi Joti Kima dri ri iga Opi ni andra.” Jo otiki dri aidri rii azi azile ria driga ni enzi cidru aia idele rii karifu azi azile ria ruga, diivu ma`di enzidipi ri ka azi azile dia gboro ni li ka ari ani ko koko kobaa alitari azi igwele igwe ridri ri idri. 
Naivu, azi dia ru ni adi jea ana ewo a ga esi ri tro ra, a`diko a`di iza ana ure ciri ciri igwea fufu alitari azi igwele igwe ridri ri idri. Diivu, iza azile azi ngudi druwi riidru rii kaki azia Rubanga ni layu ejijo aini enzi aia idele risi. Dii ovi aia layu esujo enzi aia idele o`du cidru si risi ri `i. 
Rubanga oba kaki azi zi azi enzi aia idele kinya a risi. Dia mgbimgbi ni azi aia azile enzi aia idele o`du cidru si risi ri tro aa. Diani disi, Amba Azi Ole ridri rii ka dri anidri rii ti a`dite azi igwele ria driga `ba Isaraile dri ria kare ga koko ka ari dii uyi ewo ajire alitari dri riiga vu tuderi. Vuasa tro, dri driaru ana tile indri lidri ria driga rii kidea `ba cidru Isaraile dri ri andra si o`du mudri imba tuderijoadru ridri si kinya cidru (Levitikasi 16:5-27).

A`di kendre azi enzi ebe`jo Ofu
Oku a ri ani rii ni?
Yesu Kristo `i.

`Draa, anyi `ba esuki `di ovi azi azi`jo ri ecoru `di Ofu Udi a gbeti ani ingoni ya`i vua ta Rubanga a ti ubale ri olu `di kinya `a riia sa a`du ya `i. 
Nyura Yesu Kristo ni kole kodra kuruce dri ni a`dusi, esu `dia unzi rii a`du Rubanga a lejoadru ana Ngwaapi kodra kuruce dri nidi `i? A`di oba laka lazima dra`jo kuruce dri rii ni? Enzi `ba vudri dia ri `i, ehwi ani ru yotedru. Ozoki enzi a, Yesu eya vudri dia ama arire. 
Esu batisimu Yoana Batisita dri a`bu Jurudano a oko odu lamgba aa rii kuruce dri si enzi`ba cidru ni kare ga. Ovi Yesu a batisimu esu`jo rii vua ovi ana ra`jo kuruce dri rii oviru azi azile Ofu Oku a ri tro vi, `dii dri tika azi enzi ebe`jo ri idri `i vua ari ani su ka `i. 
`Dii ovi ana ride`jo Ofu Oku a ri`i ma`di enzidipi rii ka ana dri ni ti azi enzi ebe`jo ri idri koko ka ana enzi ni jo au si, kojoa, “Opi, mide enzi ra. Adi `ba ra vua mide bate ra.” `Diivu, mgbe enzi driaru ri ka ruba azi enzi ebe`jo ri idri. 
Kendre ondo enzidipi a gboro azi enzi ebe`jo ridri lika vua azikaa Rubanga a andraga ri ani, Yesu isa azi ru ovi alua risi layu hwe`jo ama enzi `ba rini kpodru. Yesu esu batisimu vua odra kuruce dri lari hwe`jo ama ni kpodru vua layu hwe`jo ama ni azi ana ti ubale risi.
A`dusi, Yesu odra ama si. Jo oraki ta driaru ni, ra nyuhwa luzu ako ri azi `jo enzi `ba cidru dri ebe`jo rii a`du? Nyuhwa nai nyitiri kpodru oniki enzi ote ya? Majo nyini nyuhwa oni enzi ku. Ki kole koluki nyuhwa luzu ako ri`i. 
Kendre nyuhwa na batia, oluka kpo dru enzi ako ri ani, disidru, Yesu isa alua ri ani luzu ako, enzi ako. Ani Rubanga ole ri `i, Ngwaapi Rubanga dri `i, vua hwa ide enzi kuru. Disidru, odu enzi vudri rii ndutudru ani ru a`bu Jurudano a ana kinya a olure 30 ri`i. 
Yesu odra kuruce dri rii enzi ana `dule ama dri riisi. `Dii e`bu ana lari dri oje enzi `ba cidru drii pelere rii ni.
 

Idoka Ofu Loso Layu Enzi dri esu jo ri`i

Yesu esu batisimu Yoana Batisita
dri Jurudano a a`dusi?
Kiko dru anda anda
ndutudru rini si.

Osiru Mateo 3 ga, “Yesu enga Galilea ga emu a`bu Jurudano ni ga batisimu kore Yoana dri. Yoana ole ta dii ga ka mgbe, ojo, “batisimu ledi nyidri rii ma i ki nyiko nyemu madri ya?” Ki Yesu a`i ani ojo, “Nyebe ta `di kolu `bo`bo dru dini, ama ta `di ideka `dini ni ama anda Rubanga a lele ri ide au” (Mateo 3:13-15).
Anyi`ba oniki ote vua eriki ehwi ani `di ta Yesu a batisimu esujo kinya a olure 30 rii a`du ya`i. Esu batisimu enzi `ba cidru dri ebe`jo oko iko anda anda `ba cidru dri Rubanga dri tro ra. `Ba cidru arijo aia enzi nia, Yesu Kristo ni enzi ako rii, kole kesu batisimu Yoana Batisita dri. 
Ledi ani ledi si, Yesu odu enzi cidru vudri rii pi vua azi ru anangasi enzi `ba cidru dri uhwe`jo. Lari esujo enzi dria, kole oniki le`jo anda drii cuwidru vua a`iki. Ani ebu `ba `drii `lari driaru igeni`jo vua rari`jo `i. 
Batisimu Yesu dri ria ehwi ni a`du? `Di oviru ondi dri ti ka dri a Ofu Oku `a ri tro. Ofu Oku a, enzi `ba cidru drii a`di baa azi enzi ebe`jo ri idri amba azi ole ri dria dri tika driaru anangasi si. Alua ri ani, Ofu Udi ri` ia sa, Yesu odu enzi vudri rii ana ani azika anangasi azi ole azi enzi ebe`jo ri `i dru ana batisimu esuka Yoana Batisita dri si.
Yoana onde`ba cidru tile ru si rii ra`ba tile ti ri `ia ma`dizi ani obijo iyo, ani sadini enzi `ba dri Rubanga a trile ni ri`i. Ana oluka Sadini `ba kpodru dri`i si, amba azi ole ridri `ba ndutu ni ri`i si, oti ana dri ni Yesu ni dri oko oba enzi vudri rii cidru ruaru. Batisimu`a ehwi ni, `ta `baka ta zi ni, ta seka, kusa ta je ka, ini ra Yesu a emu`jo vudri dia vua ana batisimu esujo Yoana Batisita dri ri a`duya ni ote ya? Nya `i Yesu ni ra `a, ini batisimu a ehwi ni ote ya? Batisimu Yesu dri rii ama enzi kpodru du `jo, enzi ama, `baciri ta unzi ideka ridrii, ama enzi ide ama ru si ama lidri a`a ni ru. Yoana Batisita ohwe batisimu Yesu ni le`jo ehwi tajo`di lebe enzi cidru ama tijo autro ri ebe`jo rii dri. 
(Mateo 3:13-17) ido jokaa `Draa, `oko ka ta jo saa Yesu a batisimu esu`jo ri idri, saa enzi cidru vudri ria ruba`jo aniru ri idri. 
`Draa,` Yesu o`du enzi `ba cidru dri kpodru pi, kinya na di ivu eya odra kuruce dri, oko onzi o`du inajoadru risi, Enzi vu dri ri du`jo esu batisimu vu alu vua ate tri, odra kuruce dri vu alu vua ate tri, vua onzi draga si vu alu vua ate tri. `Ba lekaa ai kesu layu aia enzi si Rubanga nandra rii, odu enzi cidru vudri rii pi vua ari`ba vudri rii vu alu ate tri.
Kole Yesu kesu batisimu ra a`dusi? Esu ta ana oci ititi dru ri sujo dri `a vua lali a ruli`jo driaru vura Pilato dri andra kendre enzi `ba nya nya ziti dri ri ani rii a`du? Nyitiri kole ke paru kuruce dri vua kora ari si kpo a`dusi? A`i kpodru le`jo oru ledi dri ni amala odu enzi cidru vu dri rii ni, enzi nyi drii vua madri `i, odu ani ru ana batisimu si. Enzi ama dri risi, kole ko dra kuruce dri. 
Anyi`ba igeniki le`jo lari dri Rubanga a ama arijo `dini vua asi egbwe koko` ama ani si. Batisimu Yesu dri rii ako, kuruce driaru rii ako, vua onzika driaru rii ako, alusa lari kolu oli amani iyo.
Yesu esu batisimu Yoana Batisita `dri enzi cidru vudri ri du`jo `di, gbadru odu ama enzi ni pi vua ledii, ta ana ama `ba ofu loso ana lari dri a`ika ra ri ari`jo ri`i. `Ba ziti aa kaki uraa, “Yesu odu tete enzi ama ti`jo au tro ri `i, ani ani ku ya?” Ki sa ai mbi. Osiru Bugu ole ri ia pelere Yesu odu enzi cidru vudri rii vu alu ate tri saa ana batisimu esu`jo ri si. 
Enzi amadri kpo dru, di oko enzi ama tijo autro ri isa tro. Kpodru ojeru pelere. Yesu ojo Mateo 3:15 ga, “Nye`be ta dii kolu `bo`bo dru di ni ama ta di ideka `dini ni ama anda Rubanga a lele ri ide au.” Anda lele ri ide au ni jole dia dia ehwi ni enzi cidru `ba cidru drii ru ovika ako, oduru amadri si pi `bo`bo dru `i. 
Yesu oje nyisa nya, enzi ni bo`bodru tro ya? Oo, oje tro. Anyi `ba esuki a`i ani ce rii Levitikakasi ga kpa. Ojo, ama ni ta amba azi ole ridri idri vua azi azile o    du azi enzi ebe`jo risi ri idri.
 

Azi Enzi Ebe`jo Isaraile`ba kpodru ni kinya a ri`i
 
Isaraile `baa enzi ka ru du
mgbe vu alu kate tri azi enzi ebe`jo 
azile vu `di idri risi ya?
Hwa.

“Kole Aroni kazi monigo azi enzi ebe`jo ri `i dru, ani ni anangasi, kole kohwe lebe anini anangasi vua ana jo ni. Kole koji indri eri kite`de ai Opi na`ndra joti jo lemu `dri iga. Aroni ni koko kole kobe agi Opi na`ndra indri eri `disi. Alu rii koba Opi ni zi rii indri ebele kulala enzi du le ri `i dru. Aroni ni koko kole keji indri zi a`lu Opi dria dere driaru `di ni, koko kazi azi enzi ebe`jo ri `i dru. Ki indri zi`jo a`lu `a dere driaru rii kole kolu indri kulala enzi dudi ri idru, kole ete Rubanga nandra li`dri dru, layu ba`jo driaru, a`diko a`di ebea koya kulala indri enzi `du`di ri idru hwesihwesi a” (Levitikakasi 16:6-10). `Dia Aroni ka indri du eri kojia joti jo lemu dri iti enzi Isaraile `baa idele kinya a ri du`jo. 
“Kole Aroni kobe agi indri eri di si: Aru alu ri upejo Opi ni vua zi rii indri ebele kulala enzi du`jo ri i dru.” 
Ovi nyuhwa azi`jo ri oleru cara si enzi ebe`jo ausini enzi enzi `baa idele o`du cidru si rii ka rebe ruaru dri tika azi di idri si. Ki enzi Isaraile `ba dri kinya a ri `du `jo le, amba azi ole ri drii `ba cidru ni kare ga, ka enzi cidru `baa idele kinya a ri ba azi enzi ebe`jo ri idri o`du mudrijoa imba tuderijoa risi kinya cidru si.
Osiru Levitikasi 16:29-31 ga, “Imba tuderijoa, o`du mudrijoa imba cidru a risi, kole duba anyi`je anya asi ni, ide e`bu o`du disi ku, `ba anyidri jotiga rii amu anyi lofo rii tro kpodru. Amala o`du na si amba azi ole ridri ka azi anya enzi ni ebe`jo rii azi ra, anyi je`jo pelere, ausini anyolu dru Opi na ndra enzi anyidri cidru riisi pelere. `Dii o`du sabatu dri anyi cidru ni lovu esu`jo ri `i, o`du disi anyi`je anya asi ni pelere. `Dii cara tadru ri `i” (Levitikasi 16:29-31).
Ofu Oku a, `ba Isaraile dri ri`ba ti ka azi enzi ebe`jo ri azi enzi aia idele odu cidru si ri ebe`jo kaki dri ai `dri ri ti azi di idri, enzi ruka tro, kaki joa, “Opi, mide enzi diani di `i `di ani di `i. Ayi nyebe mani ra.” `Diivu, koko ka azi enzi ebe`jo ria gboro ni li, ka ari ani he amba azi ole ri dri dri, koko koya baru, konia dria ani enzi ako ni ote. Disidru azi enzi `du`jo ri kodra enzi `ba ni enzi cidru baa idele rii baa dria ru. Nyuhwa azile rii ma`di enzi dipi ri `dika kpo a kare ga adi dia kpo rii au. Ofu oku a, azi enzi ebe`jo ri`I dru adi indri, biloangwa, monigo angwa, kusa kajua azi au, ledii nyuhwa ole Rubanga lele ri`i. 
Rubanga ni ana le retu ri si, ai ma`di ago kusa izi ria dra ka ana enzi si nia kare ga kole lidri nyuhwa dri kazi ru ni. 
Ovi di si ofu oku a, enzi `ba ka lebe aia enzi dri esu azi enzi ebe`jo ri si. Enzi ma`di enzidipi ri a idele rii adi `baa azi enzi ebe`jo `di idri dri tika dria ru si, vua ari ani adi hwea amba azi ole ri `dri `dri ausi ni enzi ma`di enzi tro ria idele rii kpdru ka ru du pi.
Disidru, laku esu ka enzi dri a odu cidru si ni okpo. `Di oba Rubanga ohwe okpo amba azi ole ri dri ni enzi kinya a rii du `jo, kinya cidru imba tuderi joa odu mudri joa ri dri si, kole kide dii Isaraile `ba kare ga kpo dru. 
Disidru, layu esuka enzi dri a o`du cidru si ni okpo. Tadi oba Rubanga ohwe okpo amba azi ole ridri ni enzi kinya a rii du`jo, kinya cidru imba tuderijoa ria o`du mudrijoa risi, kole kide dii Isaraile `ba kare ga kpodru. 
Jodini ri e`bu amba azi ole ridri o`du azi enzi ebe`jo rii azi jo risi rii a`du? Ati, Aroni ni amba azi ole ridri ka ana dri ni ti azi enzi ebe`jo ri idri, ka enzi `ba cidru a idele rii `jo driaru, kojoa, “Opi, `ba Isaraile dri ri `bati ide enzi ovi diani dii diani di i`, odiki `ba ra, ideki bate ra, ideki asa ra, oguki ta ra, ojoki ti enzo ra, vua oleki `bazi asi a ra…..”
`Diivu, koko ka azi enzi ebe`jo dia gboro ni li, ka ari ani du, koko ka ari di uyi vu tuderi kare ole egbwe a rire ri iga. (Bugu ole ri ia, 7 ni igeni ta kpo rii ta oko`di ra ri`i.) 
Enzi ba cidru dri kinya a ri ba`ka azi enzi ebe`jo ri idri `ba cidru kare ga ni ebu dria ru `i, vua azi enzi ebe`jo `dii adi azia lini si ku kusa ta ni ka driaru ote si ku.
Rubanga a oluka anda, `Ba cidru arire aia enzi nia ga si, ai azi enzi ebe `jo rii kodra `ba cidru ni kare ga ni ra. Gbadru Rubanga a kizaa oluka retu si, a`i `ba ni nyuhwa lidri rii azile aia kare ga au ni ra. `Diivu amba azi ole ridri ka ari`di`ji kare egbwe `a rire ri iga itua efure ga esi disi, koko ka lebe eji enzi `ba cidru ni kinya amvu ka pi riisi o`du azi enzi ebe`jo ri azi `jo risi, dii o`du mudrijoa imba tuderijoa ridri si.

Ofu Oku ojo biloangwa
azile rii a`di `i?
Yesu ni enzi ako ri`i.

O`du azi enzi ebe`jo ri azi`jo risi amba azi ole ridri kole ka zi Rubanga nandra indri eri `ba Isaraile `dri ri`bati ni `i. Alu rii a`di ungwea indri kulala ri`i ehwi ani `adi zea angwe hwesihwesi `a;. Alua ri ani, indri kulala Ofu Udi ri `ia rii Yesu Kristo `i. “Rubanga a `ba vudri ri le ka ndro si eze ana Ngwaapi ni alu tende rii ausini `ba cidru ani a`ika rii kudra dru ku, kesuki dru lidri olure tadru ri `i” (Yoana 3:16).
Rubanga ehwe `ba ni ana Ngwaapi ni kendre Biloangwa azile ri ani. Kendre biloangwa azi le`ba cidru ni ri ani, esu batisimu Yoana Batisita dri oko engwi ama Aridipi `i, Laponyi vu di dri `i. Yesu a ehwi ni `Aridipi `i` vua Kristo a ehwi ni `Opi, ni trile ra ri `i` `disidru Yesu Kristo a ehwi ni `Rubanga a Ngwaapi ni emu `di ama cidru arire ri `i.` 
Kendre ondo azi enzi ebe`jo ri azika Ofu Oku a ri ani, Yesu Kristo ni anangasi emudi dria ate kinya 2000 rii, emu vu`dri dia batisimu esu`jo vua ora ari si kuruce dri le`jo ofu loso enzi ebe`jo enzi `ba cidru ni ria anda ni ete re. 
`Diani disi dru, anyi `ba olaki le`jo rusi di Levitikasi ga ri ni. “Kole Aroni koti ana `dri ni eritruwa si indri lidri ria `dri ga, koko ko`jo enzi `baciri Isaraile dria i`dele rii kpodru dria ru, ko`ba ai kpodru indri di idri, koko koze indri dii hwesi hwesi a dri ma`di anda ridri si. Indri di koko koya kare `ba ako ri iga aia enzi ti tro ru a; `diivu koko kole kebe indri dii ya le hwesihwesi a `i” (Levitikasi 16:21-22). 
Osiru enzi cidru Isaraile `ba dri rii oba indri `di indri kendre ana rusika Levitikasi 1 ga ri ani. `Enzi aia idele rii kpodru` ka ta `jo enzi cidru aia idele aia ru si vua asi si ri idri. Vua `enzi aia idele rii` kpodru obaru azi enzi ebe`jo ri `idri amba azi ole ri `dri a ana `dri ni ti ka driaru si.
 

Cara Rubanga dri risi, Ama ama enzi ni ni cidru ote.

Rubanga ohwe amani
cara a`du ni?
Amani ta ni jo enzi dri.

Lejo Rubanga ehwele ri `ia cara kpodru si 613. Gbadru jo oraki ta driaru ni, a`diki esua a`di ta ana jo le amani ide ku ri ide au, vua tro sa ide ki ta ana jole amani ide rii ku. 
`Diani disidru, ama enzi `ba osiru Bugu ole ri `ia Rubanga ohwe amani ana cara ni rii amani ama enzi ni era`jo (Roma 3:20). `Dia, ehwi ni ohwe ana cara ni ama ini jo ama enzi `ba `i. Ohwe ai amani rii ausidru ama olu ausi wa `i ku. Ki amani ama enzi ni era`jo. 
Ohwe amani ana cara ni ta ani mba le ku. Nyuraa oce kolu `ba lidri ani ni kpe. Alua ri ani, a`diki alusa olu cara Rubanga dri si kpe, ra ri` a`di ki enzi ama dri ni ama ego tro cara ana `ba le risi au. 
Rubanga ohwe ai amani rii ama enzi ideka si, ki ru sa omaki eralea kpe. “Anyi `ba `ba udi ka ri `i, bate, `ba ta unzi ideka au ri `i,” Rubanga ojo amani ta ani`dia unzi ni cara ani `dri ri `ia. Ojo amani odi `ba ku, ki a`diki `ba di saa ziti si ama asi si vua ziti si ama ru si.
Ki, ana rusika cara a o`di `ba ku si, oniki mgbesa ru`ba`ba udika ri`i ni ote, a`diki joa, “Ah, ma ego, ma enzidipi rii ma ta esu lele mide ku ri ideka si`i . Mide enzi ra.”.
`Ba Isaraile `dri arijo aia enzi ni a, Rubanga oba Aroni ka azi enzi ebe`jo ri azi Ofu Oku a au, vua Aroni ni dii ma`di layu eji`di `ba `dini kinya alu a vu alu ri `i. 
Ofu Oku a, azi enzi ebe`jo rii o`du azi enzi ebe`jo ridri si kole kaziru Rubanga a andraga eri. Alu rii a`di azi `a Rubanga nandra ki zi`jo ri le a`di zea hwesihwesi a dri tika driaru riivu, ka enzi `ba cidru dri kinya a rii `du pi. Oca driso indri dii ze re hwesihwesi a`dri ma`di anda ridri si ku, Amba azi ole ridri ka ana dri ni ti indri olu`di lidri ria driga koko ka enzi Isaraile `ba dri rii `ba driaru. Kojoa “Opi, `ba di odi `ba ra. Olu ki uku `bazi dri tro ra, oguki ta ra, oruki Rubanga enzo rii ra… Amide nya ndra enzi ra.”
Kare Falastei drii hwesihwesi a`wi ri `i, indri ebele kulala enzi du jo rii a`di zea hwesihwesi ti asedi ku ri `ia koko kodra sa na`a. Jo oze indri dii ni, `ba Isaraile dri rii kaki indri dii ndre paka gwa`da kegwe `di tro, kakiko kaki igenia enzi ai`dri rii sa egwe indri di tro. `Ba `di ka egbwe egbwe esu aia uje ni `a, vua indri ebele kulala enzi `du jo dii ko dra hwesihwesi a enzi `ba `dia idele kinya a rii `du`jo ovi alua di si, Rubanga ebe enzi ama dri rii biloangwa Rubanga dri Yesu Kristo si. 
Enzi amadri rii ndutudru ojeru pelere batisimu Yesu dri rii si vua ana ari kuruce dri risi. Yesu ni Rubanga vua ama Aridipi `i. 
Ani Rubanga a Ngwaapi ni emu`di `ba cidru ari`di aia enzi nia ri`i. Ani ta `bi `di ni ama `bi`di ovi anidri si ri `i emu vudri `dia ama arire enzi cidru dri `a. Tete enzi ama idele ama ru si o`du cidru si rii oba ru Yesu ni ru ni ku. 
Ki enzi cidru ama idele andra ga ri ba ti enzi ama idele ama uje si ri bati enzi ama idele ama ru si ri `ba ti tro kpodru. Ledii, ta ana batisimu esu`jo Yoana Batisita dri anda anda Rubanga dri ete`jo ri`i, dii lebe tadru enzi dri vudri ri `i. 
Kinya ina Yesu a repare kuruce dri kuru kuru rii, ana e`bu anidri laki dri ri idore rii, odu enzi ndutu `ba cidru dri rii batisimu ana esule Yoana Batisita `dri a`bu Jurudano a risi. Ana lari lebe ejijo ama enzi ni ri ido ana batisimu si A`bu Jurudano a. 
Ana lari lebe eji`jo ama enzi ni ri ido ana batisimu si. A`bu Jurudano dri igenile ire ka`ba su opi si rii, Yoana Batisita oti ana dri ni Yesu nidri laka si oko osu Yesu ni eyi iti. Batisimu `di oviru ovi dri ti jo dri `a Ofu Oku a rii tro vi vua ovi enzi a rebe `jo ri isa oviru vi. 
Rusuka eyi iti`a ehwi ni dra, vua engaka oru eyi a si a ehwi ni onzika. Ledi, ideru rii ana batisimu esuka Yoana Batisita dri si, Yesu iko lejo cara cidru drii ra oko ojo ta ana ebu ina ri idri kpodru ra `dii: enzi vudri ri `du ka kpodru `i, ani epaka kuruce dri `i, vua ana onzika`i.
A`diki lari esu wa ni tete jo eriki le`jo ehwi Yesu a ama arijo ; enzi dria rii ra `i. Rubanga uba tati ama ari`jo Yesu si, vua cara cidru ana ti uba le Ofu Oku a rii ide ra. `Disidru, ovi disi Yesu oya kuruce dri enzi ama dri tro ani dri.

E`bu draa ingoni rii eberu 
amani ni anini eri`jo Yesu a ama
enzi ni du`jo ri inga `i?
Ta ama idele wa rii kole ama a`i kolu
le`jo Rubanga dri idri a`a.

Osiru Yoana 1:29 ga, “O`bu zi Yoana ondre Yesu kemu anidri, ojo, `dii! biloangwa Rubanga `dri enzi vu`dri ri `du `di ri `i!`” Yoana Batisita ojo, “dii! biloangwa Rubanga `dri enzi vudri du `di ri`i!” Enzi `ba cidru dri rii obaru Yesu ni ru ana batisimu esure Jurudano a ri `i. Nya `i di`i! nyingo nyi leco tutu tro ri esu nya enzi ni a ra. 
Anyi `ba a`i `ba dri kolu le`jo Rubanga `dri ri idri aa. Anyi `ba obaki dri okpo `ba drii urata `ba drii tro maraga oko a`iki le`jo Rubanga `dri rusidi ra rii au. Anyi`ba a`iki le`jo anda dri Yesu odu enzi vudri rii ndutudru pi ni. 
Ojo ni Yesu odu enzi vudri rii cidru pi. Vua ojo ni iko anda anda Rubanga `dri rii vua ana lebe eji ka amani ama enzi si ni kpo ta alua ri`i. Dri tika dria batisimu si isa kpo ta alua ri`i. 
Ide ta ku jo nosi ojoki `kpodru,` ta yotedru,` kusa ndutu dru,` aia ehwi ni yote kolu alu. Lejo ehwi, dri tika dria` ni Ofu Oku a ri oviru ofu ledi ia ri tro vi, ki tete lejo batisimu ni ebu mbi rii au. 
Eya engwi ta adu rere vua ce rii amani nijoadru Yesu esu batisimu vua esu lamgba kuruce dri lebe ejijo ama enzi ni cidru si `i. Ama lari esu ra jo amigeni ofu loso tema `dii ra `i. 
Bugu ole ria jorea Yesu odu enzi vudri rii yotedru pi rii, (Yoana 1:29), enzi vudri ria ehwi ni a`du? Ehwi ani enzi cidru ama ti`jo au tro ri `i, `dii, urata ego ri`i, ogu, oluka uku `bazi dri tro, `ba leka asi a, a`wi ako, ta ideka nyadru, lecuma, lali olu`di ama uje ni a ri tro. `Di oko ta unzi ama idele rii enzi ama idele rii tro kpodru sa tro dii enzi ama idele ama ru si vua asi si ri`i. 
“Enzi a musara ni dra, ki hwe Endri drii lidri olure tadru Kristo Yesu ama Opi si ri `i” (Roma 6:23). “Vua ari biloangwa dri rini raka ako alusa lebe enzi drii iyo” (Eberei 9:22). Kendre ana rusika `dia ra ri ani enzi cidru ti kole kuhweru ra. Yesu Kristo ni, `ba cidru ari`jo aia enzi nia, azi ru anangasi enzi cidru ti uhwe`jo vu alu vua ate tri. 
Disidru, amaa lebe esu`jo ama enzi nia, anyi `ba igeniki ofu loso tema rii __batisimu Yesu dri`i vua ana ari`i vua ana oti vudri `dia ri`i.
 

Lebe Enzi O`bu rini ri`i

Kole ziniga ama zi azi
ama enzi si `i ya?
Alusa `di ku.

Enzi ama idele o`bu, dru zi, vua enzi ama idele paka o`du ama `dra jo risi ri oko `enzi `vu `di drii tro,` vua enzi ai vudri dii gbadru obaru Yesu ni ru ana batisimu si. Enzi cidru ama idele ndi o`du ama `dra `jo risi rii dria dini sa oduru ama `dri pi. Anyiba igeniki ofu loso tema `dii au, `dii lejo Rubanga dri rusi `di ra ri `i, vua anyigeni anda aaru rii au anyiko anyi rari ra. 
Anyiba ebeki ama urata a vu ni okoka au ni ra, ebeki ura ta ama dri ni layu esu`jo ama enzi ni a `i. No`isi nyi zia “ka enzi driso idele kuru ri le `du ingoni?” Diivu, masa ma nyingwi lazi si, “nyitiri Yesu ni kole keya vudri dia saa cidru ama enzi ide`jo ra risi vua ari a kora kuruce dri di`di ya?” Omgba didi ya?
Ofu loso ruti`jo di Endri ri `ia, cara lebe esu`jo ama enzi ni a rii a`a “Vua ari biloangwa dri ni raka ako alusa lebe enzi drii iyo” (Eberei 9:22). Aninga Ofu Oku nga jo ma`dia ole layu esule ana enzi si, kole koba enzi dii azi enzi ebe`jo ri idri `dri tika driaru si, `diivu azi enzi ebejo dii kole kodra ma`di dia enzi si. 
Leti alua risi, Ngwaapi Rubanga dri ri emu vudri di `a `ba cidru ari re. Esu batisimu enzi cidru vudri ri dujo pi, ari driaru ri ora kuruce dri enzi cidru amadri ri uhwejo, vuaru oko odra kuruce dri, “Dria l`ejo oko ra.” O`du ina dra anidri ri `i vu onzi lidri vua draa dini ori dri nyare Rubanga dri ri iga. Ledii, ta badia anini engwijo amani Aridipi dru ru dru ri `i. 
Ama ni lebe esu`jo ama enzi nia ndutu, anyi `ba ebeki ama lini ego rini ogaki lini dini dri ni. A`di ojo ama layu esu amangasi wa rii ilegi enzi ebe`jo o`du cidru si rii ilegika si ni ni. Enzi `ba cidru dri ni le`jo iyo, kole azi cara si ri kazi ru ni, vu alu a`dite. Rubanga ni `bua ri oba anangasi enzi vudri rii ana ngwaapi ni ru ana batisimu si vua eparu kuruce dri sa ama si. Onzika ani dri dra ga ri si, iko lejo ama lari drii ra. 
“Ki idra ani enzi amadri si, icandi ani ama enzi si, gbadru odu ama icandi ni vua odu ama asi laza ni pi; Ama ndrea icandi ru `da ku. Rubanga azi ra, oko onzi ru oru…opi oko oba ama enzi ni cidru ani dri.” Izaia 53 ojo, ojoru ta unzi cidru `baa idele rii, enzi aia idele vudri rii tro cidru obaru Yesu Kristo ni ru. 
Ofu Udi ri `ia, Efeso 1:4 ga, osiru, “Kendre ana ama upeka ana andraga vua ido kuku nga ri ani.” `Di kite`dea ama ni upe ama ani a vu oca rubire kuku. Vua `driso rubire kuru kuru ri isa, Rubanga ni Kristo ni a. `Draa ta andrani ama urale ri `ia, anyi `ba draa a`iki vua ideki lejo Rubanga `dri au, lejo eyi dri `i, lejo ari `dri `i, vua Endri `dri `i a`ika si. 
Rubanga ojo amani biloangwa ani dri, Yesu Kristo, odu enzi vudri rii ndutudru ana lebe enzi `ba cidru dri ri ebeka si. Ta rusi `di Eberei 10 ga ri ojo. “Lokudru cara ni, lindri lindri ovi ta loso emu`di ri ite`de `di ri `i. Ani ovi ta loku ridri iku, `disidru azi alua azile `di`di kinya cidrusi rii kate `ba ni ca`jo Rubanga a anda anda ni ga kpe” (Eberei 10:1).
`Dii ondo azi alu a, aia azile kinya si kinya si ri, koba kaki engwi anda ni kpe rii ni. Cara ni lindri lindri ta loso emu`di ri`dri `i, ki ovi ta loso ria endre`jo ri `i ku. Yesu Kristo ni, laponyi ni emu`di ri `i, oba Amengwi anda vu alu ate tri (kendre ondo enzi Isaraile `ba `dria rebeka vu alu kate tri ri ani). Esu batisimu vua epa ru kuruce `dri enzi ama`dri cidru si. 
`Disidru, Yesu ojo Eberei 10 ga, “Ziniga ojo ‘‘Rubanga ma ta nya lele ri idere ga baba,’’ ri `i. Kristo odu azi ati rii azi erijoadru rii `bajo. Yesu Kristo ide ta Rubanga a lele ani kide rii ra, vua azi ana ru ni vu alu ate tri ausi eco ama ole. Ba Yudei dri ta azika Rubanga ni ri cidru ka ebu ide o`du alu alu si, ka azi alua enzi dudi kpe rii angwa didi ki Yesu ni ta azi di Rubanga ni di azi anidri azi enzi ti uhwejo rii vu alu ate tri, kendre Bugu Ole ria joka ri ani, ori Rubanga `a dri nyare rii iga `dria ka ana o`ja`bazi ni baka ani pagada ni ute. Azi anidri aludi ana azile disi eco` ba ani dri esiki ca vua eco ai ole liri. Endri ole ri onze amani le`jo ra; ana driso ta di jore kuru rii, `Ojo dii cara ma eyale ma bale aitro o`du nabati `a vu ga ri `i, Opi okpo tro ri ojo ta dii ni: ma cara madri ba aia asiti ga, vua meya masia aia uje ni a.` oko inza ojo, `ta unzi aia idele rii cara ako aia idele rii tro meya mera ai di ku.` Kare ta di bati ebere ra ri iga azi zi enzi ti uhwejo ri oleru di ku” (Eberei 10:9-18).
Amigeni Yesu ari ama enzi cidru vu `di idri ri iga ana batisimu si vua ana ari kuruce `dri risi.
 

Lari ruti`jo `di eyi si vua Endri si rii oseru ama asi ni a vua ama uje ni a.

Ama anda rii ama enzi zi
ide ka`di kuru si ya?
Ka. Ama anda rii Yesu a ama enzi
ni `du ka ndutudru pi si a`dusi
am geni ani ra.

Anyi kpo a`i ana lari loku rii ra ya? ___Ame.___ Nyi lejo Rubanga drii igeni a`i si ya, ovi dru Yesu Kristo ni anangasi esu batisimu vua ari `a ora kuruce `dri ama ari `jo `i? Kole ama a`i kolu le`jo driaru idri aa amani ruti`jo Endri si `di `i. A`diki lari esu ra jo a`iki Yesu Kristo ni, ofu loso layu dri si `i, oje ama enzi ni cidru enzi vu `di dri rii tro `i. 
Amengwi alu sa enzi ako cara Rubanga `dria ta mbaka si kpe, ki ama engwi tete anda wa rii a`i ebu `driaru idri risi. Yesu odu ama enzi ni ndutudru si ana batisimu esule Jurudano a risi, icandiru kuruce dri vua esu lamgba ama enzi ni cidru si. Ofu loso ani`di igenika ama asi cidru si si, ama layu esu enzi ama `dri cidru ri `ia ra vua Amengwi anda nya `i dii ra ya?
Batisimu Yesu `dri rii, repaka `driaru kuruce `dri rii vua onzika anidri rii lebe enzi `ba cidru drii ebe`jo vua anda cara Rubanga a lari retedi tete ana le si rii ete `jo ri `i. Rubanga ole ama ndro kendre ama oluka ri ani vua ani anda, disi eco ama anda ati ati. Eco ama anda rii ana enzi ama`dri rii ndutu `baka Yesu ni ru ana batisimu si si. 
Ama enzi ni ru`je`jo pelere, eze ana Ngwaapi ni alu tende rii au; Yesu i, eze ani vudri dia rii du le ana batisimu si ni ra vua ali lali ana Ngwaapi a `dri ga enzi ama kpodru `dri si. Oba Amengwi ana `baciri anda rii lari eyi `dri si, ari dri si dii le Rubanga dri ilili ri`i.
Osiru Eberei 10:16 ga, “Ma cara madri `ba aia asi ga, vua masia aia uje ni a.”
`Ba asi ni a vua `ba uje ni a, itiri ru Rubanga nandra enzi `ba ya nosi ru `ba anda ri `i? jo `ba dri a`i le`jo Rubanga `dri ri idri a`a, a`diki engwi `ba anda ri`i. Yesu odu enzi ama dri rii kpodru pi vua esu sa lamgba laka rii ra. Yesu Kristo ni ama Aridipi`i. Nyi raa, “Amala ama enzi ide o`du cidru si, ama olu `ba anda rii ingoni? Ama gba enzi `ba dii,” ki jo igeniki le`jo Rubanga `drii, kendre Kristo Yesu a Ata a le ni erika ri ani, ni a`diki engwi anda. 
Amala kendre majokaa liri tesa rari ani, enzi ama asiti ga aa rii saa ama rutire Endri si di kuru ri`i. Ki ace ama`du ofu loso enzi ndutu ebejo rii ama asi ga `di, amesu mgbesa lari ama enzi cidru ri `ia ra. Ama ofu loso ri nire kuru rii, ama enzi `ba. Ki ari engwile anda rii ari lari Yesu `dri ri igeni le kpa, ako Amengwi `baciri Rubanga `dri anda ri`i. `Dii ovi engwi`jo anda a`i si majugo Paulo a ta jore driaru ri`i. A`i ofu loso enzi ebe`jo ri idri ri oba Amengwi `ba anda ri `i. 
Ovidru tee Paulo `i, kusa Abaramu `i kusa a`bi a`i dri ri `bati `i engwiki anda rii e`bu loso aia idele risi ku, ki ra rii a`i aidria oluka lejo Rubanga `dri idri aa si, lejo ana tutu `dri enzi cidru ebe`jo ri`i.
Eberei 10:18 ojo, “Kare ta di bati ebere ra ri iga azi enzi ti uhwejo ri oleru di ku.” Kendre ana rusika ra ri ani, Rubanga ari ama rii ausi ama dra `dru ama enzi tro ku si. Nya `i dii ra ya? ___Ame. ___ 
Osi ru Filipi `ba 2 ga, “Anyi `ba ra anyi `dri rii kovi ru ra Kristo dri tro vi, ana lidri ni Rubanga `dri `i, ki orata aia ruvika Rubanga tro vi ni afure ga ku, ebe e`ku anidri, engwi kendre opigo ani, ecoru `ba ite`de ru `ba ani. Oba ani epe, olu laru tro dra kuruce dri ri a`ire ga sa `i. Le`jo `disi Rubanga inga ani oru, ohwe anini ru ru zi cidru nde `di ra ri `i, ausi ni ta cidru `bu `a rii vu dri rii vua vu iti ni tro, kowoki dru laru tro ru Yesu dri si. Vua `ba cidru ko`jo dru Yesu Kristo ni opi, e`ku Rubanga Ata dri `i ni” (Fillipi `ba 2:5-11).
Yesu Kristo ni, ma`di e`ku anidri nzi `di oru rii ma`di ondi e`bu driaru a lidri ni vidi au ri `i (Eberei 1:3), ondru alu sa e`ku ejika aini anangasi kuru. Ki ra rii oba ani anangasi kendre ti luza ani, vua otiru ru si ama ani. Omu ru ci vua olu laru tro paka saa ana `dra jo risi ausi ani kohwe dru ama ni lari wa si. 
`Disidru, ecu Yesu ni, “Ani Rubanga `ba `dri `i, Aridi `i` vua Opi `i”: Ra ama anzo hwejo Rubanga ni vua lecu hwe`jo Yesu ni rii a`dusi Yesu oko ana Ataa le ni ndi tatia asere ga. Kesu kohwe laru ku hwa kengwi Rubanga a Ngwaapi `i ni kpe. Ki Rubanga a Ngwaapi a Ata a ti ni erika ndi tati a asere ga paka ana `dra si si, Ta cidru bi le vudri dia rii `ba tro kpodru ka e`ku hwe ani ni, vua kaki idea tadru. 
Yesu Kristo engwi bilo angwa Rubanga `dri enzi vudri ri `du `di ri `i, vua osiru, odu ai batisimu anidri ri si. `Draa odu enzi vudri rii ndutudru si ali kinya oca 2000 rii ra. Nyi `i vua ma `i ido olule vu di idri mgbe sa anini erijo ruti jo ri inga, vua enzi `ba dri ri `bati isa obaru enzi vudri ri `ia tro.

Jo amide enzi o`bu ni
ama engwi enzi `ba ya?
Amengwi enzi` ba ku a`du si Yesu
odu ama enzi ajeni rii, endru rii
vua obu rii yotedru pi.

Enzi ama tijo autro ria `a ni anzuka enzi ama idele andra andra ama lidri nia risi rii ako, erijo ama ti`jo risi hwa amide enzi kuru ya? ___Oo, amide kuru.____
Yesu oni ama enzi ide anini erijo saa ama ti jo risi paka amafu dra ni ote, disidru odu ama enzi ni ati ati. Draasa nyi ndrea enzi ama `dri ri isa koga ka mutukari gboro rii mvu mia. Ki Yesu odu ama enzi ni ndutudru ana batisimu si vua onzi ai kuruce `dri ani tro. Kesu Yesu kodu tete enzi ubiku au mgbe amavu aci olure tadru ri `ia. Jo tee amitiri ama kendre odu ama enzi ni kuru ani sa `i, eco alusa lejo ehwi Yesu a ama enzi du`jo ndutu vua ana `dujoa dru pi rii ku. 
Jodiniri ama enzi ide vu di idri koca `bi ingopi? Enzi cidru ama idele rii enzi ru`ba`di vu`dia dri ga ra ri`i. 
Yesu a jorea Yoana kohwe anini batisimu ni, dii ojo ondi ta ana urale ri `i. Yesu ojo anangasi ani odu ama enzi ni cidru pi. Rubanga eze ana tiluza ni Yesu nandra vua oba ohwe batisimu Yesu ni ni. Batisimu ana esule Yoana ni sadini enzi `ba kpodru dri di dri risi, ilu ana `dri ni andraaru batisimu esu`jo, Yesu odu enzi `ba cidru `drii pi.
Enzi ama drii kpodru erijo kinya 20 paka 30 kusa ri `jo kinya 30 paka 40 kusa ziti tro; enzi ama `baciri `drii sa obaru enzi vu `di `dri ri` ia tro, Yesu odu ai kpodru ana batisimu si pi. 
A`di ti kojoa aia enzi olu vu di idri rii ni? Yesu Kristo odu enzi vu di idri rii pi, vua ru kpodru ka lari esu ra jo a`iki `dii `ba asi nia ra `i, driluci lindri lindri ta Yesu a idele ama enzi ni ebe`jo ri drii ako: Ana batisimu `i vua ari driaru loso go ra `di ri`i. 
`Ba amgbu kolu aia lidri nia urata aidri si, kaki ta jo aia olu nidri kendre okpo rere rii aia olu `i ani. Ki gbadru `ba ziti kolu lidri okpo ri `ia. `Ba amgbu olu lidri unzi risi ni. Masa ma rutire di Endri si kuru rii molu lidri okpo unzi lebe enzi dri esu`jo `dia ehwi ni erika ako ni ra, Ki nyi lejo dia ehwi ni eri ku ni ingoni kusa nya `ia ku ni ingoni, `dii batisimu Yesu drii vua ana ari si nyeria ku hwa kusa nyaia ku hwa ni ingoni?
 

Lari Enzi `ba dria le`jo oko ra

Yesu oje Petro a pa ni
A`du le`jo si?
Ole Petro a a`i komba okpo koni ani oje 
enzi driaru andraga ri sa
ana batisimu si ni ote.

Anyi `ba olaki Yoana 19 `i. “Ana, efure angwe rii ga enzi ana kuruce ni tro kare ungwele endredi Drihwa ani Eberei `ba ti si, Gologota ni ga, laka epa ki ani kuruce dri, epaki ani laga ogu eri alu rii ana nyarega, zi rii ana leji ga, Yesu ni agaga. Pilato osi ta epa Yesu ni drile dini: YESU NI NAZARETI GO RII, OPI YUDEI `BA DRI`I. Yudei `ba amgbu ola ta `dii ra, amala kare Yesu ni epare ga rii tauni tro lolu ku; ta sile dii osiru Eberei `ba ti si, Latini ti si vua Giriki ti si” (Yoana 19:17-20).
Ma ozi ma lele ndro ri, Yesu odu enzi vudri rii ndutudru vua osu ani lejo `driaru ama le vura Pilato `dri andra oko oli driaru dra au. `Draa anyiba oraki ta lejo `di idri gaadru.
Anyi `ba olaki ana ciriciri 28 ni, “Diivu, Yesu a nikaa ta cidru ideru oko ra si, ta sile Bugu Ole ri `ia rini engwi`jo anda” Yesu odu enzi cidru ama idele rii pi ausini le`jo Bugu Ole ria jole ri kengwi dru anda si. Diivu ojo, `Eyi vi oza ani kpo!` Esu naa vino asa rii muda a a`a: osu ki amori ni vino asa ri `ia osu sosu si, iju ki Yesu dri. Yesu omvu vino asa rii di ojo, `dria le`jo `oko ra!` mgbesa ilu dri vuru, odra ra” (Yoana 19:28-30).
Yesu ojo, “Dria le`jo oko ra!” oko odra kuruce dri ra. O`du ina dra anidri ria vu ga, onzi lidri dra ga si ra otu bua. 
Batisimu Yesu a esule Yoana Batisita dri rii ana dra kuruce dri ri tro eritruwa ka ta jo oviru vi; zi ri kolu zi rii ako kpe. `Disidru, anyiba ecuki opi Yesu ni ana ama arika ofu loso ama enzi a rebe`jo risi si. 
Iza`ba lidri `dri tesa ka vico ru dri a vu oko au, `disi a`diki tazi ide kpe ki a`diki aci andraga enzi ideka ama ru si si `i. Yesu Kristo ohwe amani ana batisimu ti ana ari tro ama ari le enzi cidru ama rua idele ri iga. 
`Ba cidru lebe ndutudru enzi dri ri esuka ra ri `bati saa cidru si kaki to Opi `bu dri ri iga wa `aia Yesu ni igenika si `i, Yesu ni ma`di tile Beteleme ga ri `i, esu batisimu Jurudano `a, odra kuruce dri vua ziniga onzi o`du inajoadru risi lidri di. Ama Opi `a ru ni ecu vua ama e`ku retu ri hwe ana ru ni ru dru. 
Lejo sile Yoana ga tati a aserega rii, onzi ka Yesu `dri `i oko ojo Petro ni Simone Petro ori Yoana gba ile ma ra ya? Petro a`i, “Oo, Opi; ini ta cidru ote ini ote ale nyi ra,” Yesu ojo anini, “Nyimba ma bilo a ta ni”. 
Mgbe Petro era ta aa rii kpodru ra. Dii ofu loso Yesu a batisimu dri `i vua ana ari `dri `i dii ofu loso lebe enzi `dri esujo ri `i. `Draa ana ofu loso eyi dri vua ari dri ri a`ika si esu lebe enzi dri ra mgbesa oko era andrani Yesu ana ana pa ni je ka ni di ehwi ani adu ya ni ra, mgbe ana a `i Yesu niru ri engwi okpo rere.
Anyiba olaki Yoana 21:15 ni`di. “Lonya a vuga, Yesu ojo Simone Petro ni, `Simone, ori Yoana, ile ma gba ndro onde `ba ziti ra ya?` Petro ai, `Oo, Opi; ini ta cidru ote ini ote ale nyi ra.` Yesu ojo ani ni, `Nyimba ma bilo a ta ni.`” Ka ana bilo ti hwe Petro dri amala Petro ni ana maju `i, majugo Petro engwi Rubanga a tiluza anda vua ce ri `i. 
Esu Petro kengwi enzi ana idele risi enzi dipi dru `di ri, Yesu ojo laka konze ofu loso layu esu`jo enzi dria rii ni ku, amala ani ananga si vua maju ziti tro, kaki ai ikonyi kpe ki rarii tete kaki enzi ide ru aidri risi o`du cidru si au. `Disidru, Yesu ojo aini konzeki ofu loso enzi aidri ndutu a rebe`jo ana ari kuruce dri rii tro ra, `dii ofu loso enzi ndutu a rebe`jo ri`i.
 

Opi, ini ote Ale Nyi ra`i

Nyengwi `enzi dipi` dru 
dia jo nyide enzi ni `i?
Ka. Yesu odu enzi ma idele andraga 
rii sa yote Jurudano a si pi.

Anyiba oraki dri lejo Yesu a jole Petro ni dia rii. “Simone, ori Yoana, ile gba ma ndro onde `ba ziti ra ya?” “Oo, Opi; ini tacidru ote ini ote ale nyi ra.” Ta ana jo le le `dri rii ce. Ongo ide kendre driba laka ria runzeka ofu loso lebe enzi dri esu`jo ri`ia ri ani. 
Kesu Yesu kini Petro ni maju ziti tro ofu loso enzi a rebe`jo risi ana aia pa ni je ka si ku, kaki aia le ni ite`de ovi ledii si kpe. 
Rarii, Yesu a emure aidri vua ana zirea, “ile gba ma onde `ba ziti ra ya rii?” Esu Petro ka `i`a, “Opi, ma `ba ndi rii ku. Ma enzi dipi nyi le di `badi `bati ani kpe ri`i. Ayi nyebe mani ma adu te.” Esu kole Petro kofe pi, kozu ani Yesu si `di. 
Ki anyiba oraki ta Petro a a`i nidri. Esu tutu ofu loso enzi ndutu a rebe`jo risi ra, `dii batisimu Yesu `dri rii ana ari `ba cidru aridi rii tro. 
Diani disi, Petro ojo, “Opi ini ote, ini ote ale nyi ra.” Enzi ana rule di ideru leti anda risi vua le si ana geni baka ofu loso lebe enzi dri ria driba nzedi Yesu a idele risi si. Petro igeni ofu loso ta driba nzedi lebe enzi dri ri idri rii ra, dii ta Yesu a enzi cidru vudri dia ri dujo pi ri `i. Di oko enzi `baa evule idele andraga riisa tro, `ba kaci enzi di ideka tro andraga ni mori ako a`wi ako tro aia ru dri risi.
Petro igeni ofu loso enzi ndutua rebe`jo rii okposi, vua tro sa ana igenikaa ra si, obi opi a ti a`ile lazi ana zi le ri iga dri luci ako. Lari Yesu dri ri kenga ofu loso enzi ndutu ebe`jo ri `i a dii, ra petro a lari esu`jo ana enzi o`du cidru si ri `ia sa ra ri`i. Petro igeni ofo loso enzi ndutudru vu di idri ri a re`bejo rii au. 
Nyisa nyi petro ani ya? Nyi Yesu ni le vua nyigenia wa ya? Ani ma`di enzi nyidri `du `di ofu loso enzi ebe`jo risi ana batisimu si vua ari si ri `i. Nyi ani igeni kusa nyi ani le ingoni? Leti zi alu sa iyo. 
Jo Yesu kodu tete enzi alika pi ri `i kusa endru ri `i ri koko kebe andraga rii ama dri ga, oli alusa a`diki ani ecu kendre ondi driasa ama idekaa `di ani kpe. Inzajodru koba `ba kovvu aci a. `Disidru, kole ru kpodru ko`jo ama igeni ofu loso enzi ebe`jo ri idri ri ari ama ni a`dusi ta cidru ru `a idele rii saa cidru si sa enzi, disidru ama enzi ide liri. `Disidru, kole ojoki ofu loso enzi ndutu ebe`jo Yesu a hwele amani dii, ofu loso batisimu dri Yesu a ari tro `di, ari ama ni. 
Jo igeniki ofu loso enzi ndutu ebe jo `dii kuru, dii batisimu Yesu dri rii ana ari tro, ma`di a`i tro rii hwa alusa ariru ana enzi ni a `bo`bo dru kuru. Inzajoadru, jo amesu layu ama enzi nia `bo`bodru saa cidru si enzi ruka si ra, a`diki engwi olu `ka anda tro manza vua enzi kolu saa cidru si sa `ba asi ga aa. 
Jo di bati ce, a`diki Yesu ni le kpe vua a`diki evu ani laga ireadru isa kpe. `Disidru, draa a`diki sa lari retugodru Yesu `dri dii a`i kpe vua tro sa a`diki ana vu ni oko ndi tati a asere ga kpe. 
Yesu ohwe amani ofu loso lebe esu`jo enzi `dria rii vua ari `ba igenikaa ra rii ra. Engwi Aridipi ni anda rii vua oje ama enzi o`du cidru si rii pi ausini ama ani le ndro si. 
Ama a`i `ba ri ka ta zi ide kpe rari ama ofu loso Yesu a batisimu dri ana ari dri tro ri a`i au, amadi a`i lebe enzi dri esu`jo. A`i `ba cidru ka Yesu ni le ru dru vua kaki ga ndru le ofu loso lari `dri ridri si ofu loso aia esule Yesu a hwele aia enzi ni ebe`jo risi. 
`Ba ma lele ndro ri! Kesu Yesu kebe tee enzi angwa maraga tileadru sa ra, koba nyengwi sadini ofu loso enzi ndutu ebe`jo ridri `i dru kpe. Nyi maa alusa e`bu idele kendre tiluza Rubanga dri ani kpe. 
Ki, jo nyigeni ofu loso enzi ndutu a rebe`jo rii ni, nyi lari esu nya enzi nia ndutudru ra. A`i nyini lari esule nya enzi ni a ra jo nya `i ofu loso lebe enzi `dri esu`jo sile lejo Yesu `dri `ia rii ra `i.
 

“Ile gba ma onde `Ba ziti ra ya?”

A`duta oba ale Yesu ni
onde ta ziti ra rii ni?
Ana le batisimu driaru si enzi ama 
dri du jo pi ri `i di oko enzi
andraga riisa tro.

Rubanga ohwe biloangwa anidri rii ana tiluza ti ni, ai dii `ba ofu loso layu esu`jo enzi dria ri a`ika ra ri `i Yesu ozi ani vu ina, “Simone, ori Yoana, ile gba ma ndro onde `ba ziti ra ya?” “Oo, Opi, ini ta cidru ote ini ote ale nyi ra” `Draa anyi `ba oraki `dri ta a`i Petro a hwele di idri. Adiki ndrea `dia odri ana le ni etedere au ku, ki ana a`i ofu loso lebe enzi dri esu`jo ri `ia ri `i. 
Jo oleki ma`dizi ndro, vua jo le nai ta engadi ama le ni a ri `i, kengwi iyo jo oba a`wi ako ani ni `i. Ki jo le na etu pa okpo Rubanga a le dri iga, koko kolu, `bo`bo `dru. `Dii le Rubanga dri, ungwele, layu tadru lebe enzi dri esu`jo ri`i, lari eyi batisimu Yesu dri si vua Endri si rii na ani. 
Kole a`i amadri ofu loso ndutu lebe enzi dri esujo ridrii kengwi `ba zele ama le dri opi a e`bu ni idejo ri `i. Kole tete ole ki ani ama le si, mgbe o`bu a`diki zo ra. A`diki mgbe idoa rulele ama enzi si asi a. Disidru Yesu ojo enzi ama idele rii kpodru: Enzi ama ti jo autro ri `i, enzi amvuka pi ama idele o`du cidru si ri`i, enzi ama idele ama lidri si ri `i, enzi endru rii o`bu ri tro, vua enzi ama idele ama lidri ni a rii tro kpodru. Alusa ebe ma`dizi lari anidrii ni i`a angwe ni kuru. 
Ta `di `bati kpodru ce. Jo a`i amadri `i le ama drii tro komba ama le nia, a`i amadri ka dri ci ra. Ki a`i amadri ria mbaka ofu loso enzi ebe`jo Yesu a hwele amani ri idri si, ama draa `baciri Rubanga `dri `i, oma anda amala ama ofu loso eyi dri Endri tro ri igenika amani lari esu`jo ra si, `draa ama enzi ako. 
`Draa le`jo ce ama lari a emu`jo ri idri, dii ama makaa olu ka Rubanga andra anda si ku `i, ki dii le Rubanga `dri ana cara ofu enzi ebe`jo ri idri ri `i, ama `ba anda ri`i jo tee ausi ako ama dri kolu ingoni sa `i. Ama to opi bu`dri ia ra vua ama Rubanga ni ecu tadru. Nya `i `dii ra ya?
Yoana atijoadru rii 4:10 ojo, “Dii le ma jole ria ehwi `i, le ama Rubanga le`jo ri `i ku, ki Rubanga a le ama ru ga risi eze ana Ngwaapi ni azi dru enzi ama dri `dule.” Yesu ari ama eyi si vua Endri si, disidru a`i `ba dri kolu ofu loso enzi ndutu du`jo ri idri a`a, `di bati, batisimu Yesu dri rii ana ari tro. 
Kesu Rubanga kari ama ofu loso enzi ebe`jo disi ku, oli `dri amari ru kuru, jo tee amigeni ani ingoni sa `i. Amala Yesu oje enzi cidru ama idele ama asi si vua ru si rii pi. 
Amani engwijo anda, kole ombaki okpo a`i ama dri le`jo eyi`dri Endri tro ri idri risi, dii ofu loso enzi ndutu ebe`jo ri`i. Ofu loso enzi ndutu vudri ri ebe`jo rii ojo ta batisimu Yesu dri ri idri ana ari tro. Ofu loso enzi ndutu ebe`jo rii idoka a`i ce ri dri `i, ba zele lari`dri `i, vua kifunga hwi`jo opi Rubanga dri iga ri`i.
 

Anyiba ebeki A `i amadri amangasi rini

A`i ce ri kenga ingo?
Kenga le, Opi ni ama enzi andra
ga rii sa je di pi ridri.

A`i enga `di ma`di alu alu a le niga rii kolu ce kusa mbi. `Ba ziti vudri dia amgbu aa kaki ati Yesu ni igeni ta loso aia idele risi, ki tatia aserega kaki a`i aidri ebe ra a`dusi enzi amgbugo mbadi aia asi ni a risi.
Ki anyiba eraki ci Yesu oje enzi cidru vudri rii pi. Te enzi manyi manyi rii `ku, ki enzi gboro ziti idele ta ni ka ku si ri bati isa tro.
Yoana 13 ga, anini lini hwe`jo ana maju ni konyi okpo tro ana lari dri idri, Yesu otra ana maju a pa ni kare alu ga oca repare kuruce `dri kuku. Aia lonya undrwelaga ri nyare ana maju tro rii, onga oru mgbe ido ana majua, pa ni jeka anda lari tadru ridri si `jo aia asi ga. Anyiba kpodru oniki ote vua a`iki ofu loso enzi ndutudru ebe`jo dii au, `dii ofu loso Yesu a nile ana maju ni aia pa ni je ka si ri si.
Ki atijoa risi le Petro oga Yesu koje ana pa ni ni mgbe. “Ije alusa ma pa ni ku!” vua dii a`i okpo tro engadi ana le nia ananga si ri`i. Ki Yesu ojo anini. “Ini driso ta ma idele rii ku, ki vulega nyeya nyi nia ra.”
`Draa, ofu loso eyi dri si vua Endri dri si a`diki le`jo Bugu ole ri`ia ria ehwi ni eri pelere ka ta joisi idele ri dria dri nde ra. `Dii lejo anda dri`i ofu loso eyi dri `i vua Endri dri `i, lebe enzi dri, badia enzi dipi kengwi anda ta dii a`ika ana asi ga si ri `i.
Petro ni maju ziti ri tro oriki ebi ubere au kendre ondi andrani aia Yesu ni esujo kuru ri ani. `Diivu, Yesu esu ai oko ungwe ai, Yesu odi lonya aini, aia lonya `di nyare rii. Mgbe Petro era le`jo andrani Yesu a jole rii ra. “Ini driso ta ma idele ri a ehwi ni ku, ki vulega nyeya nyi ni a ra `i.” Oko tati ni ase jo era ra gba Yesu a ana pa ni jejo ati ati ri isa ra. 
“Opi oje ma enzi ni ndutudru si. Enzi cidru ma idele cidru ma emule ma idele andraga ri tro kpodru odu pi oje pelere”. Petro ebe mgbe ana le ana urata tro anangasi rii ra. Oko ido mgbe mbaka okpo batisimu ari tro Yesu dri idri, `dii ofu loso enzi ndutu ebe`jo ri`i. 
Lonya a vuga, Yesu ozi Petro ni, “Ile gba ma ndro onde `ba ziti ra ya?” `Draa, Petro oga a`i si le Yesu dri si, Petro ojo. “Oo, opi; ini ta kpo ote, ini ote ale nyi ra.” Petro ka draa ta a`i wa amala era lejo ehwi Yesu a jole andrani ana jorea “Ki nyeya nyi nia vulegara rii ra.” Obi ana a`i ce rii ite`dele wa, a`i batisimu Yesu `dri idri vua ana ari nidri ri `i, dii ofu loso lebe enzi `dri esu`jo ri `i.
 

Diivu, Engwi Tiluza Loso Rubanga Si ri `i

Ta di nika nivu, Petro ti maju ziti tro onzeki ofu loso rii maju ziti tro paka saa aia dra`jo risi. Paulo ni Kristo`ba isiki `di kiza ako rii, Ohwe sadini ofu loso riidri aninga o`du okpogo Roma a vu ase`jo ni risi ra.
 
Nyengwi tiluza anda
Rubanga dri ri `i ni ingoni?
Ana layu tadru ri igenika ma enzi 
nia ndutudru au si.

Maju Yesu `dri mudri a limbi eri ri `ia, Yuda azi Yesu ni ni oko ani sa vule ga oti ru anangasi kpo. Ma`di kare a niga mba`di rii majugo Paulo `i. Vulega Maju oko upe ai lofo Matia `i, ki Rubanga oko upe anidri Paulo ni au `disidru Paulo engwi majugo Yesu dri `i oko onze ofu loso enzi ebe`jo rii maju ziti ni, maju amgbu Yesu dri rii udi a`i le`jo Rubanga dri si. Ai uma re le`jo dra `dri si ri isa, hwa ogaki aia a `i ni kuru, ra rii aciki andraga ofu loso tema rii nzeka tro `i. 
Oriki nzea `di ani: “Yesu Kristo oje enzi cidru anya ru `drii ana batisimu si vua ari si, ledii, ana ofu loso enzi ndutudru ebejo ana batisimu Jurudano a risi ri `i vua esu lamgba anya kare ga kuruce `dri. Anya`i ofu loso Yesu a batisimu `dri `i vua ana ari kuruce dri ri `i anyiko anyesu lari.” 
Ofu loso loku rii a`ika ni gbadru ari `ba amgbu. `Dii a`i okpo tro ofu loso Yesu a batisimu nidri ri `i, ana ari nidri ri `i vua Endri nidri ri`i. 
Maju onze ofu loso eyi dri Endri tro ri `i, kaki joa, `Yesu ni Rubanga vua Aridipi `i `dii amala aia a`i `a oluka ofu loso eyi `dri idri Endri dri tro aa si. `Disi dra ru nye tro ka ofu loso Yesu a batisimu drii ana ari dri tro a`i amani mori esu`jo wa, vua ama dru lari esu enzi `dri a ra. Ki le Rubanga `dri si vua lari Kristo `dri ndutudru risi, ama kpodru engwi maju Yesu `dri `i.
Kpodru anya `i dii ra ya? Yesu a ama le ka ndro si ohwe amani ofu loso eyi dri vua Endri dri `i, `dii ofu loso lebe esu`jo enzi dri `a ri `i, vua oba Amengwi maju Yesu dri anda ri`i. Ofu loso enzi ndutu ebe`jo ri ini jo wa, Yesu oje ana maju a pa ni ra. 
Yesu oje ana maju `a pa ni rii inijoadru aini vua amani enzi vudri rii kpodru, di oko enzi ama idele ama lidri nia riisa tro, ojeru kpodru pelere batisimu ana esule risi vua ana ari ra`di kuruce dri risi. Ama Yesu ni anzo le driaru risi vua ana ofu loso enzi ndutu ebe`jo risi. 
Lini ana ana maju a pa ni je`jo ri idri Yesu ini amani ta eri Atijoa rii, a`i inijo, kendre ana jokaa ra ri ani, “ini driso ta ma idele rii ku, ki vule ga nyeya nyini a ra, ri i,” enzi amadri rii cidru ojeru ofu loso enzi cidru ebe`jo risi `dii batisimu Yesu `dri `i vua ana ari `i. 
Lini erijoadru rii, Yesu a ani `baka anangasi, vuru enzi`ba ari`jo vua ai eco`jo anda `i, ama, `ba rutika ___Endri si di rii, kole ikonyiki `ba ziti ofu loso enzi cidru ebe`jo risi `i, `dii batisimu Yesu dri risi `i, Yesu a ani `baka anangasi vudri enzi`ba ari`jo vua ai eco`jo anda si, ama, `ba rutika___Endri si `di rii, kole ikonyiki `ba ziti ofu loso enzi cidru ebe`jo ri ini ka aini si. Ani ta ce rii ama`ba evuka ati rini, e`bu ideka `ba evuka vule ri `bati ni `i. 
Ra erijoa Yesu a ana maju a pa ni jejo o`du alika dri si ria ehwi ni tau vua pelere vua ondreru lini ani ledii ndi endru sa Ekelezia driaru ri`ia kaci andraga kendre ma`di maju dru inile ri ka alusa laponyi ani dri ni nde kpe ri ani. `Disidru, ama ofu loso rii nze vu ndutu dri vua ama e`bu ideka Yesu ni ri ani. Ama, `ba rarika ra ati ati rii, anyiba ikonyiki `ba evuka ama `ivu rini. Di inijo, Yesu oje ana maju a pa `i. Inzajoadru, ana Petro a pa ni jeka si, ite`de amani ani Aridipi ni ce ri `i ausini sitani unza ama `di ku.
Anyi kpo lari esu ofu loso enzi ndutu ebe`jo risi wa, `dii ofu loso eyi dri Endri tro ri `i. Yesu oje ama enzi ni cidru ana batisimu si, ana repaka kuruce dri si vua ana onzi ka si. `Ba te ana ofu loso ri a`ika ra rii ka lari esu enzi vu di idri ri idri a `bo`bo dru rii ni.
 

Nya A`i kolu ofu loso ama Enzi o`du cidru si ri jedi ri idri aa.
 
A`diki alu alu sitani drii li pi wa rii tete ofu loso enzi ebe`jo rii a`ika si, `dii ofu loso eyi dri Endri tro ri`i. Sitani unza `ba amgbu au, vua sitani kaci andraga koyo koyo ujoka `ba bi tro `i. A`dusi oni ote ru`ba `bi tro ri `i. A`dusi oni ote ru`ba dri ka enzi ide vu `di idri andeka ako, kojoa kaki olu enzi ako ni ingoni si? `Ba kpodru enzi `ba ki oni a`i ani ote. 
“Oni ote Yesu odu enzi cidru ama ru dri `i ana batisimu si, jodiniri ma`di a`idia ra ri kolu enzi tro ni ingoni? Yesu uhwe musara enzi cidru drii ra, jo dini ri enzi musara rebe`di ama ni uhwele rii ingo `i?” 
Jo igeniki ofu loso eyi dri rii ari dri rii tro ku, le`jo sitani dri kengwi amani konyi tro. Ki, jo Ofu loso rii ama dri aa, ama a`i okpo lejo Rubanga dri ia ri esu ra. 
Anyiba a`i `ba dri kolu ofu loso rutijo di eyi si vua ari si di idri aa. A`i loku rii ofu loso Yesu a batisimu dri a`ika, ana ari kuruce dri ri `i, ana dra `i vua ana onzika `i. 
Indre eno kare ilegijo ridri Ofu Oku a rii ra ya? `Dii jo angwa ani gaangwadru si a- Kima si. Jo dia `a ni anzu eri, Kare angwe esi rii kare Ole ri `i, oko kare a ga esi rii Kare Ole rere azi azijo ri `i, tro sa dii kare egwe a rire ga ri `i.
Aju weli 60 omba joti jo lemu dri di a ewo angwe esi ri iga ni, vua kare Ole `di iga ta mgimgbi mgbimgbi 48. Anyiba okoki dri jo ole lemu dri dia eno ni ama uje ni a ama ni lejo Rubanga dria ehwi ni eri jo.
 

Joti jo lemu dri dii ide a`du si?

Joti angwe esi jo
lemu dri rii ide a`du si?
Ide bau endredi pelere obedi obe 
emule uzi drile ubi tro risi.

Lejo ehwi tajodi joti jo lemu dri di idri ri `a driba onze ru Efuka 27:16 ga, “Kole azo joti jo lemu dri ridri kolu kpodru koviru vi mudiri mudiri, kole ide ifo kendre pelere uzi dri le amgbu si, aju a kolu isu vua paa isa ko mba isu.” `Dri lahwa ebule joti jo lemu dri di idejo rii kendre pelere uzi dri le amgbu si vua ta ubi si dii gbadru uzi ovi pelere ri `i. `Dii uzi ovi amgbu osale osa ri `i. 
Rubanga ohwe cara Mose ni joti Kima dri rii ifujo ruburubu, foro, vua ika ausini ketumi laka rii esuka kengwi `ba cidru ni adu. Ketumi Kima di dri ifole ruburubu, wara, ika, vua uzi cale lobu adu riidru risi rii kindila aju isu si.
Ta drile dia isu di omba ama Lari Rubanga dri ria kare ga, `dii ta ana idele lari hwe jo `ba cidru Ngwaapi ni a`ika ra rini ri `i. `Di ka ride batisimu Yesu dri risi vua ana ari si vua ana olu ka Rubanga si.
`Dri lahwa alu alu ru ebudi `jo lemu dri sire ga rii alu alu a ta mbare vua dri`ba nzele rii tema ta nzanza ani ana nzele rii tati Rubanga a ubale enzi `ba cidru ari jo Yesu si ri`i.
`Draa, e`bu drilahwa joti angwe esi jo lemu dri ri sirea ga si? E`bu drilahwa isu; ovi endredi ruburubu rii, foro ri `i, wara ri `i vua uzi loso loso ri tro. Ta isu dii loso rere amani ama a`i ni imbajo ofu loso rutijo di Endri si ri `ia `i. Jo esu kolu okpo ku, esu ta osiru driaru Bugu ole ri`a tau rere ku.
`Dri lahwa cidru ebule jo`dia ti angwe esi ri sire ga rii ama lari ni okpo rere. `Disidru, Rubanga ite`de ta dii Mose ni vua ojo kide ondo ana jokaa laka ri ani.
 

Ehwi Ruburubu, foroforo, vua wara `di ka amani A`duta ite`de ofu loso Rubanga `dri ri `i `a `i? 

Drilahwa cidru eb le jo
lemu dri siregari ka a`duta ite`de?
Lari Yesu dri ana batisimu si 
vua ari si ri `i.

Jo ole lemu dri ri `ia, ruburubu, foro, wara vua uzi loso dii ebu kesiga dru `i le kare ole ri batia lofo ni anzu `di ole ole rere ri tro ri `iga au. Drilahwa alua ledii a`di ebua diga amba azi ole ria oile ri isa idejo au. A`dusi amba azi ole ridrii ani ma`di hwi`di kare ole rere ri iga kinya alu`a vu alu ri`i.
Ruburubu ingwe tro `dia ehwi ni batisimu Yesu dri `i. Ofu atijoa Petro dri 3:21, ojo, “Ovi zi ama aridi rii aa ungwea batisimu”. Petro ojo ta batisimu Yesu dri, ana enzi vu`di dri du`jo ri idri le`jo ana sile di iga ra. Ojo dii ovi lari dri lebe enzi dri esuka si ri`i. Enzi amadri rii yotedru obaru Yesu niru ana batisimu si. `Disidru ruburubu ingwe tro dii, batisimu Yesu dri, i, `dii lejo ehwi okpogo lari `dri `i. 
Ovi endre di wara ri ka ta jo ari Yesu `dri ri idri, vua foro ri ka ta jo ana ovi vudi idri ri idri __jo dia Yesu ni opi vua Rubanga ri`i. Ovi drile mgbi mgbi ina ledii ama a`i Yesu ni ru ri iga vua ana lari ni ga okpo rere. 
Kanzu loso rere amba azi ole ridria sule rii adi ungwe a suelele, iba suelele di umbajo ri isa kpodru ruburubu. Amba azi ole ridri ka cupeo su ana dri ga ci, cupeo `di idri usu mula loso cuwe rii `OLE OLE OPI NI RI`I.` Mopira loso ri isa uso cupe di iru ovi ani anisa kendre ruburubu.
 

Le`jo Ehwi Anda ovi Ruburubu Dia ta jore dri a ru ri`i

Ovi ruburubu `di omba
A`duta kare ga?
Batisimu Yesu dria 
kare ga.

Andre masa lejo ehwi ta dri`ba nze`di ovi ruburubu ri idri rii Bugu ole ri`i a. Bugu ole ri ojo ta ruburubu nidri ingoni? Anyiba eriki ruburubu ani `dia ehwi ni ruburubu ziti ri`ia si, wara ri`ia si, vua Foro ri`ia si. 
Wara ri `i ia si, vua Foro ri`ia si. Ruburubu ingwe ri omba `eyi kare ga; ledii, batisimu Yesu dri`i. Yesu Kristo esu batisimu Yoana dri`i. Yesu Kristo esu batisimu Yoana Batisita dri enzi vudri rii du`jo yote ani ru (Mateo 3:15).
Kesu Yesu kodu enzi vudri rii yotedru ana batisimu si kuru, oli tee dinisa engwiki Rubanga andra enzi ako ni kuru. `Disidru, kole Yesu Kristo kemu vu `di `idri vua kesu batisimu Yoana dri enzi vudri rii ndutu `du `jo `i. 
Ra lejoadru ovi ruburubu ingwe tro ri dri kolu joti jo lemu dri iga Ofu Oku a aa rii amala ama engwi enzi ako batisimu Yesu dri rii ako kpe. 
Ovi wara ri ka ana ari ni ite`de au, dra Yesu`dri `i. Foro ri ka ta`jo `Yesu nidri ana oluka alu ina dri `i `i, di ka Yesu ni ite`de kendre “ma`di tete okpo si nde dia ri` i, Amba amba cidru dri `i vua Opi opi cidru dri `i” (1 Timoteo 6:15).
Ta ce rii ovi wara rii omba ari Yesu dri ria kare ga, ani ma`di ari driaru sudi kuruce dri enzi `ba cidru ari `jo `i. Yesu Kristo emu vudri dia ru si ama ani enzi `ba cidru drii duka si ana batisimu si vua uhwe enzi `ba cidru dria ti ni ana razika ana nga si kuruce `dri `si. Batisimu Yesu dri rii ana ari tro ai ofu loso ce enzi be`jo profetaa ta jore driaru Ofu Oku a ovi dri lahwa endre di pelere ebule jo ole lemu dri ri si`jo risi ri`i. 
Aju jo ole lemu dri di dri rii usu bau loso risi, pa ani aya, vua pa aya rii aku mula si. 
Enzi `ba cidru ka lamgba esu aia enzi si ra amala enzia musara ni dra. Rubanga oca tutu co re ma`di ru anini lidri udi ri esujo ku ago kusa izi dii kole nainga Ofu Oku nga keji azi enzi ebe`jo rii koko kazi Opi nandra kpa.
Disidru, batisimu Yesu dri Ofu Udi a rii, ovi ruburubu Ofu Oku a jo lemu dri ole aninga ri ia ri ojo ta driaru ri `i, disi odu ama enzi ni ndutudru pi. Yesu odu enzi dii kuruce dri, ora ari si kuruce `dri vua esu lamgba ausi ra diani disi, ari ama `ba kpo dru a`i baka ofu loso enzi ndutu ebe`jo ri idri rii ra. Ani amba amba cidru dri`i vua Rubanga ole ri`i. 
Kristo `ba ma lele ndro ri, batisimu Yesu dri rii lari Yesu dri`i, ari ama ana ama enzi ni`duka ndutudru pi si. Yesu ni, Rubanga `di, emu vudri dia ru si ama ani (ovi foro risi); esu batisimu enzi ndutudru vudri ri `du `jo (ovi ruburubu ri`i); eparu kuruce dri vua ora ari si kuruce dri a`i lamgba ama kare ga (ovi wara ri`i). Batisimu Yesu dri ri kinia amani driluci ako Yesu engwi Aridipi enzi `ba cidru ni ri`i. 
A`diki vuatro sa ndre a ovi ebule joti jo lemu dri iga Ofu Oku a sa wa. Inzajoadru bongu joti niga ri isa kendre ruburubu, foro, vua wara ide uzi loso risi di ka amani anda Rubanga a lari dri ete au. Uzi loso rere ri kitedea ehwi ani ari ama cidru enzi dri `a `ba ovi ka ako. `Dii gbadru esi ca lari enzi a rebe`jo ebe ri ni `i. 
A`diki ndrea dri lahwa alua joti jo lemu dri iyo Ofu Oku a ledi `ia a`diki ndrea Yesu Kristo ari ama `ba enzi`ba dii, tia uba ka ako ku. Ka ta Rubanga a ti ubale ra ria vu oko anda anda, esu batisimu ra, epa ru kuruce dri ra vua onzi dra ga si ra anda enzi `ba dri ete`jo. `Dii ovi ruburubu vua foro, enzi dri esu `jo ri `i. Yesu ari`ba cidru lari ari dri igenika rii ra.
 

Ahwa`jo azi dri Ofu Oku a rii lindri lindri Batisimu Yesu dri ridri Ofu Udi a ri `i.

Paderea ka aia dri ti je 
pa tro kpa odri ki to, kare ole
ri iga `i a`du si?
A`dusi ole kombaki Rubanga na 
ndra enzi ako.

Ahwa`jo azi dri dii sa ide aya si. Aya `di omba lamgba Yesu a ricandi `jo amasi ri `dri i. Eyi cupe a ri omba le`jo ofu loso ridri iga, dii ta jodia amani ama enzi ni kpodru si ojeru pelere ri`i. 
Ite`de amani `di enzi idele o`du cidru si rii karide ingoni ya `i. Enzi`baa idele o`du cidru si rii Yesu a batisimu si oduru pi. 
Alitari azi igwele igwe ridri omba lali kare ga. Eyi Yesu dri `i, endre`di ruburubu ri`i ofu loso lebe enzi dri esu`jo risi, ovi zi si, batisimu Yesu dri Yoana Batisita dri ri`i. (Mateo 3:15, 1 Yohana 5:5-10). `Dii lejo ehwi sadini `dri ofu loso lari `dri si vua lebe enzi dri esuka si ri`i. 
osi ru 1 Yohana 5 ga, “Draa dii drimgbo ama vu di nde`jo ri `i ___ a`i amadri`i: A`dusi ta sadini hweka rii vudri dia ina: Endri; Eyi, vua ari; vua aidii inatruwa si a`iki ru alu.” Vua tro sa ojo amani ma`di Ngwaapi ni a`i di rini ka lini hwe eyi dri ari dri vua Endri dri vua ka ta ni driaru ote. 
Rubanga oba Amengwi enzi ako a`i ofu loso enzi ndutu ebe`jo ridri si vua oba ama to jo lemu `dri ole ri `ia wa. Disidru, `draa ama olu a`i si, ama lejo Rubanga dri nya au, vua ama tutu esu, ani si, ama ngo ama olu lidri anda risi. Engwika; ba Rubanga dri `i a ehwi ni rarika a`i ofu loso enzi ndutu ebe`jo ri si `i vua oluka Rubanga a jo ole ri` ia `i. 
`Ba amgbu o`du disi ri kojoa mgbe nya `i nyini a`i ta raka di ruburubu, kusa foro kusa, wara nidii di a`du ya ni ako oraki ta joti jo lemu dri di idri ku. Jo ma`di ago kusa izi a`i ta nika ta `di `bati idri ni ako a`i driaru ri kolu ce ni kpe a`dusi enzi olu driso asi `a ru aa. Ma`di diani dii rusa enzi kolu asi a ru aa amala ana le`jo ehwi anda ofu loso enzi ndutu ebe`jo eyi si, ari si vua Endri si ri a`ika kuru si. 
Jo ovidru ojo ma`di zi ni kondru ta zele ma`di zi dri anini tazi esuka kengwi okpo ki jo, `ba ta erika ri a asi ni igbwe `jo, kojoa “Oo, ma `i ma`di dii ra. Amala, amesu ru ma`di `di tro kuru, ki sa migeni ani ra.” Nyitiri `ba ta erika ri a asi kolu ta di erika si egbwe ya? Noisi anyi ziti lejo `ba dri ujore ga anya lidri ni ledi ani, ki `dii geni ovi Rubanga a lele anyetro `ba dri `rii ku. 
Rubanga ole igeniki ofu loso enzi ndutu ebe`jo ri `i dii (batisimu Yesu dri si ri`i), foro (Ru Yesu dri`i). Anyi `ba oniki ote, ocaki a`i bare Yesu niru ku, vua oraki `di ari ama enzi dria ingoni ya`i. 
Jo a`iki Yesu ni ra, kole oniki ote `di ari ama enzi cidru dria ana eyi si (batisimu Yesu dri si) ingoni ya `i. Dii ana ari (dra `i) ana Endri `i) ana oluka Rubanga `i). 
Jo gba eriki dii ra, a`diki ai ce rii ni vua esu ra. A`i ama drii alusa kolu ce ta anda dii nika ako kpe. A`i ce rii tesa kenga sadini loso Yesu `a lari `dri erika niga, `dii ofu loso enzi ndutu ebe`jo ri `i vua Yesu Kristo a engwika Aridipi loku enzi `ba ni ri`i. 
Jodiniri, a`i Yesu ni ededi ede rii kolu ingoni? Anyi`ba ondreki dri.
 

A`i Ledema Eji`di Yesu ni ru ri`i

A`i lele rii ingo `i?
Lini anda Yesu a batisimu 
nidri ri `i.

Kole nyera ci Yesu ni igenika asi pelere si ku ni ani inya `di ka. Jo nyitiri, “nyini a`i kaa ni opko, ki ana oluka Rubanga si vua Ngwaapi Rubanga dri`i si, kole draa migeni `di ni”. Draa nyiko nyi ledema eji Yesu niru. Jo gba dru ile nyitiru endri si di, kole nya`i batisimu Yesu dri ni ana ari tro, dii ofu loso enzi ndutu ebejo ri `i Yesu ni a`ika ta nika ofu loso enzi ndutu a rebe`jo ri `i dri ri ako oza unzi si Yesu ni a`ika ku isa ra. Ofu loso tete Yesu a ari drii nzeka au ni e`bu ideka nyadru ta anda rii nika ako `i. 
Yesu ole alusa ma`di zi koya ana ru ni nzesi ani a`ika tro nyadru ra ako ni ku, kusa a`iba ka anidrii ra ako. Ole igeniki ani tanika ofu loso lebe enzi dri esujo ri idri ote si. 
Jo a`iki Yesu ni ni, kole a`iki ofu loso enzi ndutu a rebejo rii batisimu Yesu dri `i ana ari tro. Jo a`iki Yesu ni ni, kole ofu loso enzi ndutu ebejo ri ana le`jo si vua kole eriki cuwidru `di oje ama enzi ni pelere ingoni ya `i? 
Vuatro sa kole oniki ote `di ruburubu, foro, vua wara ovi dri bale joti jo ole lemu dri ri iti Ofu Oku a rini vua oraki ta driaru `di ehwi ani a`du ya i.`Diivu, a`diki ai oludi tadru ri esu ra.
 

A`diki hwa ruti Endri si Di Yesu Ni a`ika ako ta `ai ledi eraka si ovi Ruburubu rii, Foro ri `i vua wara rii a`ika ako kpe
 
Paderea oca tore kare ole
ri `i ga ku k ki a`du ide?
Kaki aia dri ti je pa tro eyi ahwa`jo 
azi azi`jo ri`ia risi.

Ama opi Yesu, ari ama ra. Ama draa tazi ide kpe rarii ama lecu hwe anini au jo ame ra anda anda ana ama ari`jo rii ni `i. Anyi`ba ondreki jo ole lemu dri rini. Ohwe amani ofu loso enzi ebe`jo ovi ruburubu si, foro si, vua wara jo lemu dri ri `ia risi rii au vua ari ama ausi. Ama anzo lecu tro hwea opi ni. 
Enzi`ba koto alusa kare ole ri iga lamgba ni ruhweka aini ako ni kpe. Ma`di ago kusa izi kohwi kare ole ri iga ani ni lamgba esuka ana enzi ni a ni ako ingoni? `Di kolu okpo. Jo ma`di di ohwi kare lele ku di iga ni. Ma`di dii ago/izi dii mgbe a`di `dia na`a si ra. Kolu anini icandi retugo ri`i. Ma`di enzi dipi rii alusa kohwi kare ole ri iga vua kolea ani kolu naa ni kpe. 
Opi amadri ri ari ama zumadi le`jo driaru aia risi, dii ketumi tojo jo lemu dri ole ri `ia risi. A`i vua azi ovi loso rere rii, ari ama au si. Ojo amani zuma`di ana lari drii ta `dibati si. 
Ari ru nye tro ovi disi ya? Jo a`iki lejo ehwi ruburubu drii, foro drii, vua wara drii kuru, lari kolu amani alusa ofu loso enzi ndutu ebe`jo risi iyo. Ovi ruburubu ri omba Rubanga kare ga ku; ite`de tazi kovu batisimu Yesu drii ra rii kuru. Tete batisimu Yesu dri ri odu enzi vudri rii yotedru rii ni. 
Disidru kohwi kare ole Rubanga olu re ri iga kpe. 
`Disidru, ovuki to re joti si kare lemu dri ri `ia ku. Kole mgbe igeniki ovi ruburubu (batisimu Yesu dri rii), wara rii (ana ari kuruce dri rii, vua foro rii (Yesu a oluka Rubanga vua Ngwaapi Rubanga `dri `i `i) kole a`iki dii kpa. Jo a`iki dii ra Rubanga ka ama a`i ra `vua koba ama to kesiga ni ogu si ca`jo kare ole rere ri iga ra. 
Kole ebeki cupe azi igwe`jo rii ku. Cupe azi igwe`jo di ka ta jo batisimu Yesu dri ri idri, vua kole amera ama enzi o`du cidru si rii batisimu Yesu dri si vua Amengwi enzi ako ausi ama to dru kare ole rere ri iga wa si `i Ofu Oku ri `ia, kole Paderea kojeki ai aiangasi kpa odriki wio to kare ole rere ri iga `i, vua Ofu Udi `a` Yesu oje ana maju a pa `i itedejoadru ani oje aia enzi ni `bo`bo dru `i. 
Cara Rubanga dri ojo, “Enzi a musara ni dra, ki hwe Endri drii lidri olure tadru Kristo Yesu ama opi si ri `i” (Roma 6:23). Rubanga ka enzi `baa idele rii ali ru ovi ka ako, ki oba enzi amadrii ana Ngwaapi nidri vua esu sa lamgba ausi ama kare ga ra. `Dii le Rubanga dri`i, vua ana lari `i. Lari loku rii a`di esua tete jo a`iki ofu loso enzi ndutu ebe`jo Yesu a batisimu si, ari si, dra si, vua onzi ka si rii ra `i.
 

Ma`di Ni Ruti`jo di Endri si, kole Alu Sa ki gwe anda Bugu ole ridrii ku, di `i Ofu loso Enzi Ndutu a Rebe`jo Ri `i

Ta tete rebe`di alu
amani idele rii a`du?
ofu loso Rubanga dri rusi 
`di ri a`ika `i.

Me `de hwa `ba zi ku. Jo ma`di zi kata`jo ta gbu sa ma erile kuru ri idri, Ma `bia ani zile kiza si ausini konze dru mani driba ani. Ki jo mamu mazi ta ebu`jo lemu dri ri idri Ofu Oku a rii ni, ma`dizi alusa kojoa mani kpe. 
Jodini ri dria ma a`du ide? Kole mada dri Bugu ole ri `ia. Bugu ole ri `ia, ewo ta jodi jo ole lemu dri ri idri rii ingo ri `i? Ta onzeru driaru pelere rii Efuka ga. Jo gba ma`di ka anda anda ani erile jo Rubanga `dri ru si`di ri si ra. 
Ma ozi ma lele ndro ri, nyi alusa lari esu Yesu ni igenika ata si kpe. Vua hwa nyi ruti di Endri si ayaka Ekelezia a kila si kpe. Oniki ta Yesu a jole Nikodemu ni rii ote. “Majo, nyini lolu loku, jo ma`di oti di eyi si vua Endri si ku ri, kohwi opi Rubanga dri iga kpe…Nyi opi Isaraile`ba dri `i ki ndi driadru sa ini le`jo`dia ehwi ni ku ya?” (Yoana 3:5, 10). 
`Ba cidru Yesu ni a`ika rii kole ka`iki ovi ruburubu rii (enzi vudri rii cidru obaru Yesu niru ana batisimu si`i), ovi wara ri `i (dra Yesu`dri ama kpodru a enzi si ri`i), vua ovi foro rii (Yesu ni Aridipi amadri `i; Rubanga amadri `i, vua Ngwaapi Rubanga dri`i) ni. 
Anyi`ba a`iki Yesu ni Aridipi enzi `ba vudri rii cidru dri`i. A`i diani dii ako, ma`di ka alusa ruti`di Endri si kpe. Kusa ma`di kohwi kare ole opi bu`dri iga kpe. Vua ma`di ka sa olu vudri ole ani dii ako kpe.
Esu kolu a`du kua jo ma`di otiru di Endri si Yesu ni a`ika si `i? ___Oo. ___ “♫ anyari ru ra. Mari ru ra. Ru kpo ari ru ra. ♫” Loso rere! Ki gbadru `ba Yesu ni a`ika ra ki otikiru `Endri si `di kuru rii ekpadru: 
Anyi `ba oniki anda Bugu ole ri`ia rii ote kendre a`i `ba dria oluka Yesu nidri aa ri ani. Anyi`ba eriki ofu loso enzi ndutu ebe`jo Bugu ole ri` `ia ria ehwi ni vua ruburubu, a ehwi ni ausi a`diki ta ni a`i si jo lemu dri ole ri `ia Rubanga tro wa. `Dii jo lemu `dri a`i dri`i. A`diki olu asi egbwe si paka saa Yesu a emujo ama jijo ana e`ku nia ri inga. Amani Yesu ni a`i ka leti anda risi ni ta loso rere ri `i.
 

Ofu Loso Loku rii oti Layu Ruburubu risi.

Kovu kuruce Yesu dri ra 
dru ta zi rule`di amani lari 
esujo rii a`du?
Batisimu Yesu dri `i.

`Ba koraa ai kolu tesa anda enzi ideka ako. `Disidru, jo kebuki mori majoadru ta anda ri idejo rii ingopi sa, kaki esua tati a asere ga ai nya. Ta`ba ni `dii ta ndutu ru rii ku, disidru ai ni enzi ideka ku ni dii ta okpo rere ri`i. `Disidru, Yesu a ama ari ka ovi ruburubu risi si, foro risi si, vua wara risi si, ofu loso enzi ndutu ebe`jo risi si, a`diki lebe enzi `drii esu ra vua a`diki to kare ole ri iga olure Rubanga tro ra. 
Kesu oli jo Rubanga kari ama ovi ruburubu disi ku, foro disi ku, vua wara disi ku, alusa a`diki to kare ole ri iga `ba nga si pke. `Dia ehwi ni a`du? Jo oli tete `ba oluka aia ru si anda ri koto kare ole ri iga ni, ma`di alusa idedia wa ani kolu iyo. Jo ma`di `a a`i Yesu ni ofu loso loku ri nika ako, ma`di `a ka enzi inya `i anangasi au. 
Yesu ohwe amani lari le`jo driaru ti ruba`di anda anda ri si; `dii lari ruburubu si, foro si, wara si, vua uzi loso rere risi ri`i. Oje ama enzi ni yotedru pelere. Nya `i dii ra ya? ___Oo.___ Nyi sadini hwe ofu loso ce ri idri ya? ___Oo.___ 
Jo ile sadini hweka ofu loso ce ri idri kole nyindre cupe ta sire ruaru, `OLE OLE OPI NI RI`I` Rii sa cidru si, di koba nyiko nyengwi Familia `amba azi ole ridri `ia`` (1 Petro 2:9). Jodiniri dria nyimba `ba andra nyiko nyijoa aini nyi tiluza Rubanga `dri `i ni ingoni si, kusa nyi e`bu ide kendre ma`di engadi familia amba azi ole ridri `ia ri ani ni ingo ni. 
Bongu amba azi ole ridria sule rii oi ru ani mula suka su riisi mgbi vua ovi mula ziti dri kendre ruburubu. Kendre ruburubu a`du si? A`dusi Yesu ari ama ofu loso enzi ebe`jo ri si, odu ama enzi ni cidru pi vua oba amengwi enzi ako ana batisimu si. Batisimu Ofu Udi a ri oviru dri tika dria Ofu Oku a ri tro. 
Ide ta alusa ku `di ama Yesu ni igeni ingoni ya `i. A`diki alusa cupeo sirea ruaru, `OLE OLE OPI NI RI`I` ri esu kpe jo oniki zuma`di lejo ehwi ruburubu ridri `ia, foro ridri `ia vua wara ridri `ia rii ku `i. 
Jo `dini ama engwi anda ni ingoni? Mateo 3:15 ojo, “Ama ta `di ideka dini ni ama anda Rubanga `a lele ri ide au.” Yesu esu batisimu vua ari ama enzi vu`di dri ri `ia yotedru si ra. `Dii ana batisimu si, odu ama enzi ni ndutudru pi, vua ama `ba a`i `ba di engwi anda. 
Ama joa draa ama enzi ako ni ingoni jo kesu batisimu Yesu drii kolu iyo`i? Jo igeniki Yesu ni ra vua owoki ani dri sa, ora ki ta `dra driaru kuruce dri ri idri ni sa, mindra`ba dri vu dri dia ri ka enzi `ba dri vu dri dia ri je alusa kpe. Hwa kpe. Jo owo ki ingoni vua oru ki enzi ingoni sa `i, enzi amadri kolu ama tro.
`OLE OLE OPI NI RI` `i. Ana enzi amadri duka ndutudru ana batisimu si vua ari si si. Opi oba enzi ama cidru enzi `ba ri di karuba aniru, amala lejo lari`dria rusika Bugu ole ri `ia `a si, Amengwi anda rii ama a`i si, jo tee amide enzi a`wi ako tro ingoti sa ide ta ku. 
Disidru, draa a`diki mba Rubanga nandra wa. A`diki dria olu`ba anda ri ani wa vua a`diki ofu loso rii nze vu dini wa. “♫ Mari ru ra. Nyari ru ra. Ama kpo ari ru ra ♫” Amari ru Rubanga a tati ubale ana kiza si risi.
Alusa lejo ofu loso enzi ebe`jo rini oluka nya asi ga ni ako nyi le`jo anda dri ri ni kpe. Lari iyo, ide ta ku jo nyima leti ani ingoni sa `i. Oviru ondi Longo Korea `baa ngo le le tia ri idri rii tro. “♫ Eh, ma asi ka mgbe sa mvu jo andre lemuruzi na`i lejo ako. Saa cidru ma lagaa ru. Molu le retu ri tro. ♫” ma asi ko mvu `da ku, ki ani le asi a umvu`jo dii ku. Abi le madri ma hwele ri ingwile vule kpe. Andra unzi dru, Kristo `ba amgbu a le Rubanga niru rii draasa ka ringwi vule wa. 
`Ba oba ai kaki uraa lari keya `ba mgbimgbi ni leti mgbi mgbi si wa. Kaki zia, “Keya tete ofu loso batisimu dri si ingo ni?” Ki kolu lari loku ri `i ni kpe jo eya batisimu Yesu dri si ku `i. `Dii leti tete ama engwi `jo Rubanga nandra anda wa ri `i, amala ledii tete leti amani ru je`jo ama enzi nia pelere wa ri `i.
 

Lari ovi Ruburubu ridri Yesu a hwele amani rii ingo `i?

A`duta oba amengwi anda rii ni?
Ofu Loso ruburubu ri `i, foro ri `i,
 vua wara ri`i.

Ofu loso ruburubu rii, foro rii vua wara rii dii Rubanga a hwe `ba cidru ni ri`i. Dride `di oba ama to jo ole Rubanga dri ri `ia vua, oba Amengwi anda vua oba amolu Ekelezia a vua ama lini esu Bugu ole ri `i a Ekelezia a si. 
Jo avu Rubanga andra ilegi si ni, ofu loso ri ka tutu co ama ru ana le si ra. `Dii ta laria olujo amani loso rere ri `i. Yesu ojo amani kole amasi jo a`i dri zeledri eri `di `oni dri ri `i: Oni ni ofu loso ana batisimu dri `i. Kole kpo ariki ru ra, oluki lari a, ovu ki bu `a, esuki lidri olure tadru ri `i, oko engwiki `baciri Rubanga dri `i. 
Ma ozi ma lele ndro ri, ofu loso enzi ndutu ebe`jo risi, amato jo ole lemu `dri `ia a`i si wa. Ama enzi `a rujeka kpodru pelere si. (batisimu Yesu dri si) vua ana lamgba esule kuruce dri risi, amesu lari a`i amadri ofu loso Yesu a batisimu nidri ri si. 
Lebe enzi dri ndutu ama enzi si ri `i dii batisimu Yesu drii ana ari tro, ai ofu loso ama enzi ndutu ri ebe`jo ri `i. Nya `i dii ra ya? Ofu loso ce rii ofu loso enzi ebe`jo enga `di `bu `a ri `i, dii ofu loso enzi amadrii ndutu je`di pelere ri`i. 
Oti ama Endri si `di rii ama ofu loso enzi ndutu ebe`jo ri si. Yesu ohwe amani ofu loso enzi ndutu ebe`jo rii, dii ofu loso enzi ama dri o`du cidru si ri je`di pelere, enzo andraga ri tro ri`i. Ecu Opi ni. Alleluya!
Ofu loso eyi dri Endri tro rii (ofu loso eyi dri ari tro rii) ofu loso ce Yesu Kristo a nzele ri`i. Bugu `di osiru zuma`di ofu loso Yesu dri ri idri ri ete`jo, `dii ofu loso eyi drii vua Endri dri`i.
Ki `ba amgbu `a Yesu ni a`ika aii ta anda rii nika ako si, kaki resu aianga si kendre `ba vua ido nga aa ri `i kusa dini `ba Kristo `a lini (dii lini – ungwele geni ta le`jo Rubanga dri ia ri`i)` Leti ali si, kaki olu a`i mbi ri i`a vua dri luci `a. Disidru, odaki dri vule vua igeniki ofu loso ce rii au. Olu jo ole.
Bugu erijoa ri `ia ma ta dri`ba nze a` ahwa azo`ba lazi tro, kusa ai`i lazi aa ofu loso ruti jo `di eyi si vua Endri si ri idri ri `bati ikonyijo `i. 
LIST Download FREE eBook & AudioBook