- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `i 3: Ofu loso Eyidrii Endri dri tro
[3-6] Rulika Anda Endrisi Ri ‘I (Efuka 12:43-49 ojo)
(Efuka 12:43-49 ojo)
“Rubanga oko ojo Mose ti ni Aroni tro, ‘Dii cara alika dri ri ‘i: Ma’di zi maraga rii alu sa kolea konya ku. Ki tiluza cidru ejele okolongo si rii, ‘jo ili ana ru ni ra, konyaa wa. Tiluza ebule ebu ri bati ‘ba ebule ebu anyi loso ri tro kolea konya ki ku. Ta dii cidru kolea konyaru ‘jo alu ri ‘ia; Iza alusa kole kejiru jo a si angwe ni ku, vua aludi sa oci hwa ku. Cara dii kole ‘ba cidru Isaraile dri ri ‘bati kombaki ta ani. Ki vua ‘jo amu oluka anya lofo ga ri bati isa oleki alika dia ta mbaka ole Opi ni, kole ana ‘boronzi ago ni cidru oli ‘aia ru ni ra, vua anyiko anyiba keya ire koko komba ta ani; di koba kengwi kendre ‘ba vu na iga ri bati a’ alu ani. Ki aludi sa ma’di ru lile kuru rii konya lonya alika dri dii ku. Cara alu rii kolu ‘ba tile anya lofo ga ri bati ni vua zikajo rii kolu amu oluka anya lofo ga ri ‘bati ni.”
“Rubanga oko ojo Mose ti ni Aroni tro, ‘Dii cara alika dri ri ‘i: Ma’di zi maraga rii alu sa kolea konya ku. Ki tiluza cidru ejele okolongo si rii, ‘jo ili ana ru ni ra, konyaa wa. Tiluza ebule ebu ri bati ‘ba ebule ebu anyi loso ri tro kolea konya ki ku. Ta dii cidru kolea konyaru ‘jo alu ri ‘ia; Iza alusa kole kejiru jo a si angwe ni ku, vua aludi sa oci hwa ku. Cara dii kole ‘ba cidru Isaraile dri ri ‘bati kombaki ta ani. Ki vua ‘jo amu oluka anya lofo ga ri bati isa oleki alika dia ta mbaka ole Opi ni, kole ana ‘boronzi ago ni cidru oli ‘aia ru ni ra, vua anyiko anyiba keya ire koko komba ta ani; di koba kengwi kendre ‘ba vu na iga ri bati a’ alu ani. Ki aludi sa ma’di ru lile kuru rii konya lonya alika dri dii ku. Cara alu rii kolu ‘ba tile anya lofo ga ri bati ni vua zikajo rii kolu amu oluka anya lofo ga ri ‘bati ni.”
Cara rubadi aninga Ofu Oku
‘a Isaraile ‘ba ni engwi ‘jo ‘ba Rubanga
drii dru rii adu?
Kole ‘aia ru koliru ra.
Lejo Rubanga dri Ofu Oku ‘a ri bati eritruwasi Ofu Udi ri ‘ia ri tro ta okpo ri ‘i vua ani ama cidru Rubanga igeni ka ri ni loso rere. Amadri ociru aludi sa lejo ledi bati ‘a alu si sa ku adusi lejo Rubanga dri rii ani lejo lidri dri ‘i.
Lejo endru di kitedea amani kolea ma’di alu alu ledia ani komba cara alika dri ri a ta ni rii kolea koliru ra dii kole kide koca tazi sa idere kuku. Kolea oraki ta ra Rubanga ‘a lejo di ‘jojo amani ri idri. ‘Jo ma’di oli ru ani kpa ku ri, ka aludi sa alika ta mba kpe.
Ki ‘jo ama ‘ai ‘ba Yesu ni ‘a ri ‘i, kolea eraki ra di Rubanga ‘a cara di hwejo amani rii adu ya ni.
Rulika ‘a ehwini ma’di ‘a eni angwe esi ri lika ‘i. Ra Rubanga ‘a ‘jojoadru Abaramu ni kole ‘ba cidru ana suru ni ‘a ri ‘a ru koliru ra rii adu? Ra ani amala ‘ojo ‘ba tete ‘aia enzi ni “lika pi ri” kengwi ana ‘ba ‘i dru wa rii ni.
Ledii ra ana ‘jojoa dru Isaraile ‘ba ni Ofu Oku ‘a kole koliki ru ra ri ‘i. Engwi ‘jo ‘ba Rubanga dri ri ‘bati ‘a alu ‘i dru, ‘ba Isaraile dri rii kole oli ‘aia ru ni ra. Dii ana tati ubale ‘aini ri ‘i, ta ‘ai ecodi ole ri ‘i, oko engwi Rubanga ‘ba ‘aia enzi ni ebeka rulika si ri ‘bati dri ‘i. Vua Ofu Udi ‘a sa, Engwi Rubanga ‘ba ‘aia enzi ni lika ‘ai si ri bati dri ‘i.
ALIKA
Alika ni adu?
Dii odu Isaraile ‘ba kolea kera ki vua
kanzoki Rubanga ni’aia engaka
Ejito ‘a si pi si ri ‘i.
Odu ovujo okpo rere Isaraile ‘ba ni rii odu alika dri ri ‘i. Dii odu ta erajo vua Rubanga ni anzo ‘jo engajo Ejito ‘a si ri ‘i, amala dii kare Isaraile ‘baa olure ga opigo dru kinya 40 ri ‘i. Rubanga eji juwe 10 rii Faraune ‘a asiti okpo di eco ‘jo ‘au. Ledisidru oko eji ‘ba Isaraile dri rii engajo Ejito ‘a si vu Kanani dri iga.
‘Ba Isaraile dri ri esuki lari dra ‘boronzi ago dri, juwe atijoadru ri si, vua ari biloangwa dri si ‘aia rulika tro. Disidru, Rubanga ojo ‘aini kolea kombaki odu alika dri di ‘a ta ni laki ‘aidri ri ‘i lofo si ana kiza ‘ai etro ri erajo.
KOLE ISARAILE ‘BA KIDE ADU ‘AINI ODU ALIKA DRI RI ‘A TA MBAJO ‘I?
Kole Isaraile ‘ba kide adu ‘aini
odu alika dri ri ‘a ta mbajo ‘i?
Kole ‘aia ru koliru ra.
Kole eraki li amani alika ta mbajo endri si wa kole amaliru ama asiti ga ra. Vua ‘ba Isaraile dri isa ‘aini ebu alika dri ri idejo anda kolea ‘aia ru koliru ra.
Osiru Efuka 12:43-49 ga. “Dii cara alika dri ‘i: ‘Ba angwe anyi ‘aku rii alusa kaki nyaa kpe. Ki tiluza cidru ejele okolongo si rii, ‘jo ili ana ru ni ra, konyaa ‘wa. ‘Ba oluka anya lofo ga amu dru ri ‘bati tiluza ebule ebu ri ‘bati tro cidru kole konyaki ku. Ta dii cidru kole konyaru ‘jo alu ‘a; iza alusa kole kejiru ‘jo ‘a si angwe ku, vua odu na si oci aludi sa iza anya nyale ri ‘a hwa ni ku. Laki cidru Isaraile dri rii kolea kombaki cara di ‘a ta ni. Ki vua ‘jo jurugo oludi anya lofo ga ri isa ole ani komba odu alika dri di ‘a ta ni Opi ni ni ra, anyiba ‘boronzi ago cidru ana tile ri ‘bati ‘a ru ni koliru ra, vua anyiba kizeru ire koko komba ta ani; koko kengwi ‘ba vu na iga ri bati ‘a alu ani.Ki aludi sa ma’di ru lile kuru rii kolea konya ku. Cara alu rii kolu ‘ba tile-anya lofo ga ri ‘bati ni vua zikajo rii ‘ba oluka anya lofo ga olu ri bati ni.” Dii ana jole rii Isaraile ‘ba ni kolea kombaki alikaa ta ni ‘aia ru lika ra ‘a vuga ‘i ‘i.
Cara ohweru adi ti ni iza biloangwa alika dri ri nyajo vua odu alika dri ri ‘a ta mba ‘jo ‘i? Tete ‘ba ru lile ra ri bati ka odu alika dri ri ‘a ta mba wa rii ni.
Biloangwa alika dri rii, kendre anyetro nikaa ote ri ani, Yesu Kristo ni enzi cidru vudri ri dudi pi ri ‘i.
Disidru, rulika Ofu Oku ‘a ri ‘bati Ofu Udi ‘a ri tro ingo ri bati ‘i? Ru lika ‘a ehwi ni ma’di ‘a eni angwe esi edri di lika ‘i. Yesu Kristo isa oti ani vu di idri di olu odu ndindi aro mgbe oko anisa oli ru ani ra. Rubanga ohwe cara ojo ‘ba cidru lekaa ‘ai konya odu alika dri rii ‘aa rii kolea ‘aia ru koliru ra, vua oko itede ru pelere ma’di alu alu ana ru ni lidi kuru rii aludisa ka alika nya kpe.
Disi kole ‘ba alu alu ‘a ru koliru ra kendre Rubanga ‘a bakaa kideru ri ani. ‘Jo nya ‘i Yesu ni ra, kole nyeri rulika Ofu Udi ri ‘ia ri ‘a ehwi isa pelere.
OVI ANI DRU RULIJO RUBANGA ‘A JOLE ABARAMU NI KOLEA KIDE RII INGO ‘I?
Abaramu ti ‘ba anidri ri tro
kaki engwi ‘baciri Rubanga dri
rii dru ingo ni?
‘Ai ru lika ra si
Idoka ga, Rubanga itederu Abaramu ni oko oba cara ni Abaramu tro vua ‘ba anidri ri tro cidru. Ana joti nza 15 ni ga, Rubanga ojo ‘boronzi Abaramu dri ri kevu kinya ‘i ekpadru kendre lelego bu ‘a ri ani vua ani kemu ka vu Kanani dri ri hwe ‘aini ‘au.
Vua ana joti nza 17 ga, Ojo Abaramu ni ‘jo Abaramu ti ‘ba anidri joti ga ri tro otoki cara anidri ri ‘ia ra vua oliki ‘aia ru-ni ra, ani kengwi ‘aia Rubanga ‘i vua kaki ko kaki engwi ana ‘ba ti ‘i. Dii Rubanga ‘a cara Abaramu tro vua ‘ba anidri ri tro ri ‘i. Rubanga ojo ‘aini ‘jo igeniki cara anidri rii ra vua oliki ‘aia ru ni ra, kitedea pelere draa engwiki ana ‘ba ‘i dru ra, vua ani gba isa koko kengwi ‘aia Rubanga ‘i.
Idoka 17:7-8 ojo, “Meya ma cara madri ri ba nyetro vua ‘ba nyidri ri tro ra vua ‘boronzi ‘aidri tro cidru, dii cara oludi tadru ri ‘i, olujo Rubanga dru anyi ni vua ‘ba anyi dri tro. Ziniga di ahwe nyini vua ‘ba nyidri ni vu anya olure ga kendre amu ani dii, vu Kanani dri dii ndutudru si, kolu anya ‘i ‘bo’bo dru; mako molu anya Rubanga ‘i.”
Rulika ni lete Rubanga ‘a cara dri Abaramu tro vua ‘ba anidri ri tro ri ‘i.
RULIKA ENDRI SI RI ‘A EHWI NI ADU?
Rulika Endri si ri ‘a ehwi ni adu?
Dii enzi cidru ama asiti ga ri ‘a rulika
ama batisimu Yesu dri ri ‘ai ka si ‘i.
Ki amala Abaramu ‘a lejo Rubanga dri ri igeni ka ra si, Rubanga oba engwi ma’di anda ri ‘i vua ana ‘barangwa ‘i. Rulika ni ovi Rubanga ‘a cara dri ‘aia lofo ga Abaramu tro ri ‘i.
“Dii cara madri kole anyimba ta ani ri ‘i, cara ‘ba lofo ga nyetro ‘ba nyidri ri tro vua ‘aia ‘boronzi ti tro ri ‘i: ‘Boronzi ago cidru anya lofo ga rii kole ‘aia ru koliru ra” (Idoka 17:10).
Rulika ‘a ehwi ni eni edri ri lika. Vua tro sa ehwi ani enzi ama dri ria rubaka Yesu ni ru ‘ai ama batisimu dri ri si ‘i. Amaru ka ru li pelere ‘jo ama ‘i ama enzi ‘a rulika ama lari Yesu dri ana batisimu si ri ‘ai ka ni ra ‘i. Rulika Ofu Udi ri ‘ia ri ‘a ehwi ni enzi cidru ‘a rulika batisimu Yesu dri ri si ‘i.
Disidru rulika Ofu Oku ‘a rii batisimu Yesu dri Ofu Udi ri ‘ia ri ‘i, vua ‘ai dii eritruwa si cara Rubanga dri, ama ecodi ana ‘ba ti ‘i ri ‘i. Disidru rulika Ofu Oku ‘a ri ‘bati batisimu Yesu dri Ofu Udi ‘a ri tro ta alua ri ‘i.
Kendre ondiku ‘ba engaka suru Abaramu dri ri ‘ia rii ‘jo oliki ‘aia eni edri rii ni ‘aia engwi ka ‘ba Rubanga ‘dri ‘i ri ani, amasa adiki engwi ‘baciri Rubanga dri ‘i ‘jo oliki enzi ama asiti ga rii pi ‘i. Ama di ide igeni kaa draa enzi zi aludi sa vudri di ‘a iyo si amala Yesu ‘a batisimu esuka Yoana Batisita dri si odu enzi cidru vudri rii pi.
Batisimu Yesu dri ri oba enzi ‘ba cidru engwi anda ‘aia ‘aia enzi ni lika si. Kendre ondiku eni angwa gaadru ri ‘a rizeka saa ru lijo risi pi ri ani, alua ri ani enzi cidru ‘ba asiti ri isa oliru pi saa Yesu ‘a batisimu esu ‘jo Yoana Batisita dri Jurudano ‘a na si ‘i. ‘Ba di ‘ai ka rii kaki ruli endri si ra vua kaki engwi ‘ba Rubanga dri ri ‘i, ‘ba anda ri ‘i.
‘AI MBI ‘BADI ‘A ‘BA NI ANA NGASI KA RANZU RUBANGA TRO RA RI ‘I
Aduta oba ‘ba Isaraile dri ri ‘bati
anzuki ru Rubnga tro ra rii ni?
Rulika ku
Rubanga ojo Abaramu ni ma’di ru lile kuru rii kole oga ru ani laki anidri rii lofo si angwe. Jodini ri, Rulika ‘a ehwi ni adu? Oko ru lika Endri si ri ‘a ehwi ni adu? ‘Jo rulika ru si ri kolu eni engwa ru ‘a ri lika ‘i ri, ru lika endri si ri kolu enzi cidru ama asiti ga ri lika vua bakaa Yesu ni ru ana batisimu si ‘i.
Batisimu Yesu dri rii rulika endri si ‘ba cidru ni ri ‘i, dii ovi enzi cidru vudri ria ru ga ‘jo amaru ga si pi ana ruba ‘jo Yesu ni ru ri ‘i. Ra Yesu ‘a batisimu esu ‘jo Yoana Batisita dri rii ‘ausini ani kari dru ‘ba cidru ‘aia ru ni rulijo endri si ‘i, dii ta enzi cidru vudri ri dudi pi ri ‘i.
Enzi cidru ‘baa idele ri obaru Yesu ni ru. Rubanga ni, ana engwi ka Rubanga Abaramu dri ri ‘i si, Rubanga Isako dri ri ‘i si, vua Rubanga Yakobo dri ri ‘i si, vua Rubanga ‘ba cidru ‘aidri ri dri ‘i si, uba tati Abaramu tro vua ‘ba cidru anidri joti ga ri tro ra oko ojo ‘aini kolea koliki ‘aia eni edri ri ni. Ledii ra ana engwijo Rubanga ri ‘i, vua ana engwijo Aridipi dru ‘ba cidru ani ‘aika ‘aia ‘aia ru ni lika si ri ‘bati ni ri ‘i.
Jodiniri rulika enzi lidi pi dii ingo ri ‘i? Dii Rubanga ‘a cara Abaramu tro vua ‘ba cidru tile Endri si di ‘aia batisimu Yesu dri ri ‘aika si ana dra kuruce dri ri tro ‘aini lari dru ‘au ri ‘bati ‘i. Ovi disi, Ohwe amani cara engwijo ana ‘ba ti ‘idru ra. Ledisidru ani Rubanga ‘ba cidru ru lile ra ri ‘bati dri ‘i.
Rubanga ojo ta Abaramu dri. “Ma’di alu alu ‘barago tile anya lofo ga rii kole kolu odu aro oko oli ru ani ra, di oko ‘boronzi ago cidru tile anya suru ni ‘a rii cidru, dii ‘ba tile amadri joti ga rii kusa ejele tiluza dru okolongo si ki ani ma’di anya suru ni ‘a ku ri ‘i. ‘Ba cidru tile anyi dri joti ga ri ‘bati ‘ba ejele anya okolongo si ri ‘bati tro cidru kole ‘aia ru koliru ra, vua cara madri di kolu anya ru tro cara ‘bo’bo dru ri ‘i dru. Ki ‘barago ru lile kuru rii, ana ru edri rii oli kuru rii, ma’di na ani naa kole oga ‘ba anidri ri ‘i lofo si angwe; karuni onyo cara madri rii ra” (Idoka 17:12-14).
Ma’di madia emudi Yesu dri rulika endri si dii ako rii kole oga ru ani ‘ba anidri ri ‘i lofo si pi. Rulika Endri si rii batisimu Yesu dri Ofu Udi ri ‘ia ri ‘i, dii ta enzi cidru ‘baa idele ri ‘a rubajo ana ru ga ri ‘i.
Ma’di Yesu ni ‘aidi ra rii kole kigeni rulika Ofu Oku ri ‘ia ri isa tro vua koko kigeni batisimu Yesu dri Ofu Udi ri ‘ia ri isa tro, ‘ausini ka Endri Ole ri esu ra, vua koko ka lari esu enzi cidru ri ‘a dri ga ra, vua trosa koko kengwi ‘barangwa Rubanga dri ri ‘i. Ama ‘ba Yesu ni ‘ai ka ra ri ‘bati ni le, Rulika Ofu Oku ‘a ri ‘bati ‘a mgbimgbi ni batisimu Yesu dri Ofu Udi ‘a ri tro iyo ‘ai ta alu ‘a ri ‘i.
‘Jo omaki rulika-di ‘a ehwi ni erile kpe kusa nosi adiki ama asiti ga lejo ehwi lari rulika endri si di dri ri ‘badia ama ruti endri si di di ‘ai kpe, ‘ai amadri ri kolu nyadru. Adiki raa Rubanga ‘a andra ga ama ‘ai ‘ba ani, ki karuvi kendre nyiraa asi ama ‘jo ni cinyahwi dri ani.
Rubanga ojo ama ‘ani ‘ai ka ri bati ni kole ama ru -koliru ra, layu ‘aika batisimu Yesu ‘dri si si, oko engwi rulika endri si ri ‘i. Rulika ako, amengwi ana ‘ba tii dru kpe. Rulika ako, kole ini ama ru ni ovi ana ‘ba ti dri ri ‘i lofo si sa ra. Disidru Rubanga ka anidri ma’di ani ledi ani ledi upe ‘au, ‘jo tee eje ani okolongo si kusa kolu jurugo sa ‘i, kolea ana ru koliru koca itu ogboro alika dri ri nyare ku.
Vua ‘ba te tile -ondiku ‘ba Isaraile dri ri ‘i lofo ri isa kole oli ‘aia ru ni ‘ba aidri ri ‘i lofo pi ‘jo oli ‘aia ru ni kuru ‘i. Vua cara Rubanga dri rii kolea kitederu ‘ba cidru Yesu ni ‘ai ka ra ri tro.
Bugu Efuka dri ana joti nza rii 12 ga, ‘ba Isaraile dri iza alika dri ri nya ka hwe bi oji ri tro rii kolea ‘aia ru koliru ra. Mori iza alika dri ri nya ‘jo rii tete ohweru ‘ba ru lile- ra ri ‘bati ni.
Kolea anyetro sa eraki cuwidru ‘jo ‘ba Isaraile dri onyaki iza alika dri rii ni vua ‘jo obaki ari bilo angwa dri rii joti ga ni vua aju aia joti dri iga ni, kesua nani sa oli ‘aia ru ni ra ni kpa.
Ki tati Rubanga ‘a ubale rii, ‘jo ma’di oli ru ani kuru, kole oli ani ‘ba anidri ri ‘i lofo pi vua koko ka anda anini engwi ‘jo ‘baciri Rubanga dri ri ‘a alu ‘i rii gaa karuni mgbe. Di kitedea enzi ‘ai ako dri rulika endri si di idri ri ka ‘ba dri se dra ka ga. Tete ‘ba ru -lile endri si batisimu Yesu dri si ra ri ‘bati ka lari esu wa rii ni.
“Ovi zi dria dini sa amani lari hwedi rii ‘aa, ungwea batisimu” (ofu atijoadru Petro ‘a sile ri ‘i 3:21). Nya ‘i enzi nya idele rii cidru obaru Yesu ni ru batisimu ana esule Jurudano ‘a ri si ni ra ‘a? ‘Jo gbadru nyeri vua nya ‘i ta anda rii ra, batisimu Yesu dri rii ana ari tro, nyini ‘a gbadru endri si oli nya ru ni ra vua nyengwi ma’di anda ri ‘i ni ote. Vua tro sa nya ‘ai kolu lejo endri dri anda jodi ‘a ari Yesu dri ri oje ama pelere ni dri ‘aa. ‘Jo omaki ru-lika di ‘a ehwi anda rii erile kpe kusa ‘jo adiki ama asiti ga lari esule rulika endrisi di esu ‘badia ama ruti Endrisi di ri ‘ai kpe, ‘ai amadri ri kolu ta nya ri ‘i. Adiki raa ama Rubangaa andraga ‘ai tro, ki oviru kendre ondi ama ama ‘jo ‘aidri ri si ka cinyahwi dri ri tro vi.
Rubanga kojoa ama ‘ba cidru ani ‘aika ra ri ‘bati ni kolea amaliru-ra, layu Yesu ‘a batisimu si ri ‘ai ka si, eji ama rulika Endri si ri iga. Rulika ako, amengwi ana ‘ba ‘i dru kpe. Rulika ako, kole ama ovi kolu ‘ba anidri ri ‘i ofo iyo. Ledisidru Rubanga ka ‘ba cidru, ‘jo tee eji okolongo si kusa opigo riisa, kolea oli ru ani ra ori wio olu itu ogboro alika dri ri iga ‘aa ‘i.
Ki ‘ba gba tile- Isaraile ‘ba lofo ri isa ‘jo oli ru ani kuru kole oli ana ru ni ‘ba anidri ri ‘i lofo si pi. Disi cara Rubanga dri rii kolea koba ru ‘ba cidru Yesu ni ‘aika ra ri bati tro dere.
Vua ‘jo nya ‘i kuruce Yesu dri rii nyini nya ru ni lika endri si batisimu Yesu dri si ni ako, nyesua kiza Rubanga dri ri iga ebe nyi angwe. Vua nyasua dri enzi olu nya asiti ga ‘aa.
Kole ‘aiki anda Rubanga ‘a layu dri ri ido batisimu Yesu dri ri si vua -eko ana ari kuruce dri ri si ni. Di ide ‘jo, kole odu ki ama asiti ga lejo anda dri rii ‘au, batisimu Yesu dri rii ana ari tro, kendre ama lari ‘i dru ‘au.
‘Ai ovi disi, ama lipa esu okpo vumudi dri ri ‘a dri ga engwi ‘jo ‘baciri ingwe drii dru kpe. ‘Ai ani endri si di ani di ka logo eji ‘ba tile gba loku loku endri si di ri bati ‘i lofo ‘ai ‘ba ziti nya di tro wa.
Ama Opi, Yesu, ojo amani kole amolu ani ‘a. draa dinisa oje enzi cidru vudri rii ana batisimu si vua ana ari si pi. Disidru, ovi olujo ‘ba Rubanga dri ‘i dru ri ni retede ‘jo, Kole ‘ai ki batisimu Yesu dri rii ‘au. Ki ‘jo omaki di idele kpe, adi ama li driaru si pi.
Lari layu dri rii oviru ondiku sa batisimu Yesu dri ofu Udi ‘a ri tro vua rulika Ofu Oku ‘a ri tro. Lari kengwi ndutudru rii kesu ‘a ama ‘ai kolu eritruwasi batisimu Yesu dri (rulika endri si di idri) ana ari kuruce dri ri tro ‘aa (dii ari biloangwa alika dri ri dri ‘i).
Rulika Ofu Oku a ri oviru batisimu Yesu Kristo dri ofu Udi ‘a ri tro vi. Izaia 34:16 ojo amani lejo cidru Bugu Ole ri ‘ia ri ‘bati ovi kiru vi ‘aia ewo ziti ri iga ‘i. “Nyindru ta bugu Opi dri ri ‘ia, vua nyi la: ta ‘aa ru alu sa iyo ani iyo; vua ‘aa ru ruvika zikajo ri tro kuru ani iyo. A`dusi ti madri ri ohwe cara dii ni, vua Endri driaru ri otra lejo di bati ‘a pa ni ni.”
Lejo cidru Ofu Oku ri ‘ia ri oviru lejo Ofu Udi ri ‘ia ri tro vi. Lejo zi aludi sa Rubanga dri ‘aa ru iyo ani iyo.
KI ‘BA LALI ‘AI KAA MBI DRU RI BATI LE?
‘Ai ‘ba cidru vu dri ri ‘a lofo
ga adi oya bu ‘a ku rii ni?
‘Ba lekaa rulika endri si di ni
‘aika ku ri ovu ku rii ni
Odu disi ‘ba ari biloangwa alika dri ri igeni ka rii amgbu. Kaki zi ‘a, “Ta nya jole, rulika di ‘a ehwi ni adu? Ta di ojoru tete Yudei ‘ba aninga oku saa Ofu Oku na dri si ri ‘bati ni. Draa saa Ofu Udi di dri si kolea oli ama ru ‘a eni ni ku.”
Amala dii ce. Ma ‘jole rii ru si dru olidru ama ru ni ku ‘i ku. Majugo Paulo onze ta rulika endri si di idri anda anda, vua dii rulika asiti ‘a ni dria ma ta jore driaru ri ‘i.
Ma jole rii kole rusi sa oli anya ru ni ra ‘i ku. Ru lile ru si ri ‘a konyi ni amani iyo, ra rii kole evuki Yesu dri oko olikiru endri si batisimu Yesu dri ri ‘ai ka amani lari esu ‘jo enzi dri ‘a ‘au si.
Ta ‘ba ni di ni ruti ‘jo Endri si di, kole koliru endri si ra. Ma’di Yesu ni ‘aidi ra rii kole endri si oli ani ra ledii leti tete alu di amani ama enzi ni lijo wa ‘ri ‘i, vua trosa ani leti amani engwijo anda wa ri ‘i. Tete ama engwi pelere enzi ako rii ama rulika Endri si ri ‘a vu ga. Disidru anyiba ‘aiki ama asiti ga rulika endri si rii ‘au dii batisimu Yesu dri ri ‘ai ka si.
Vua tro sa majugo Paulo isa igeni konyi rulika endri si di dri rii ra. Ojo, “Rulika ni asi ‘a” (Roma 2:29). Ama alu alu kole koliru endri si ra olujo enzi dri ‘a kulala ‘i.
Gba nya enzi ni cidru obaru Yesu ni ru ana ‘ai lika pi ‘a vuga ra ‘a? Ofu Udi ri ‘ia sa, ‘ai Yesu ni ‘aika ra ri ‘bati kolea kolikiru endri si ‘aia asiti ga ra ‘aia batisimu Yesu dri ri ‘aika si ‘i.
Majugo Paulo osi dii ana ofu angwa ana sile ri ‘ia pelere. Rubanga ari ‘ba cidru vudri rii ‘aia enzi ni ‘a si ra, vua oba engwiki ana ‘ba ti ‘i. ‘ba Isaraile dri ri ‘bati engwiki ‘ba Rubanga dri ri ‘i rii ‘aia ‘aia eni ni lika si ki amale amengwi ana ‘baciri ‘i rii ama ama enzi ni ba ka Yesu ni ru ama ana batisimu ni igeni ka ‘au si.
Rubanga ka ama ‘ai ana ‘ba ‘i dru ra ‘jo ondre ama ‘ai ni batisimu Yesu dri ri si vua ana ari kuruce dri ri si ni ‘i. ‘Ai di ka ama ji rulika endri si ri iga vua ka ama dri se lari ga.
LARI ENZI ‘BA NI BATISIMU YESU DRI RI SI VUA ANA ARI SI RI ‘I
Lejo lari dri ri eko
Yesu si ingoni?
Eko ana batisimu si vua ana
dra kuruce dri ri si
Lejo lari dri Yesu Kristo ‘a ikole ana batisimu si vua ana ari si rii ide enzi ‘ba ni. Ari biloangwa dri ri omba lali kare ga, oko batisimu Yesu dri rii rulika endri si enzi amadri ri ifu di kpodru si ana ru ga ri ‘i.
Ekelezia Kristo ‘ba dri odu disi dii kolea kawiki leti ingwe dri rulika endri si di dri ri ni. ‘Jo tee rulika Ofu Oku a rii kolu odu disi ga sa ‘i, batisimu Yesu dri rii kole koga ru ku.
Ajo anyini enzi cidru anya idele rii batisimu Yesu dri ri odu pi, oko batisimu Yesu dri ri ari anyi enzi cidru anya idele ri ‘a dri ga ra. Anya ‘i dii ra ‘a? ‘Jo iga batisimu Yesu dri rii mgbe, anyi aludi sa ofu loso ruti ‘jo di ‘di a ehwi ni ni kpe, ofu loso layu ndutudru ri tro batisimu Yesu dri ri si ri ‘i.
Adiki gba batisimu Yesu dri, rulika endri si Rubanga ‘a ehwele amani di ga ingo ni? ‘Jo olaki Bugu Ole rii ni, adi ki ndrea rulika ti ari biloangwa dri ri tro ovikiru ire ire. Dii zumadi rulika endri si ri dri ‘i, ani batisimu Yesu dri ri ‘i.
Ofu loso majugo Yoana ‘a nzele rii ofu loso batisimu Yesu dri ri idri rii ana ari kuruce dri ri tro ri ‘i. Ojo ofu atijoadru Yoana dri 5:6 ga, “Dii ma’di eyadi eyisi ari tro ri ‘i―Yesu Kristo ‘i; eya tete eyisi adite ku, ki eyi ti ari tro eritruwa si si.”
Ojo amani Yesu emu eyi si, ari si, vua Endri si. Ki tete eyisi adite ku, vua tro sa ari si adite ku, ki eyi si, ari si vua endri si kare alu ga. Ta na dii, batisimu Yesu dri ‘i, ari Yesu dri kuruce dri ri ‘i ana onzika draga si ri ‘i, kpodru alu, dii lete tau ama lari dri ri ‘i.
BUGU OLE RI OJO TA BATISIMU YESU DRI RI IDRI ANA ARI TRO ADU SI?
‘Ba Isarile dri rii esuki
lari tete ari biloangwa alika
dri ri si adite ‘a?
Ku. Kaki evu ecare alika ta mbare
ga na sa oli ‘aia ru ni ra.
Batisimu Yesu dri rii ana ari tro ta badia ama ruti di eyisi vua Endri si ri ‘i. Efuka ana joti nza rii 12 ojo, “Anyiko anyidu anyini anya ngasi biloangwa, anyiko anyidu ari ani anyuba kare eri ga koti ga vua anya ‘jo ‘a abi ni ru. ‘Jo andre ari dii ni, mali anya dri ga si pi.”
Di nika ote si, amani lari esu ka ama enzi ni ‘a tete ama ari biloangwa dri alika nga ri esuka si ni ta adu ri ‘i ‘a? ‘Jodiniri ta ojoru batisimu Yesu dri ri idri Ofu Udi ri ‘ia okposi adusi? Maju ojo, “Ose ‘ai anetro ana batisimu si” (Koloso ‘ba 2:12). “Anyi ‘ba batisimu esuka ru Kristo dri si rii anyemuru Kristo ti tro alu” (Galatia 3:27). “... draa dini ta amani lari hwedi rii, ungwea batisimu” (ofu atijoadru Petro ‘a sile ri ‘i 3:21).
Majugo Petro ti Yoana ti tro vua maju ziti Yesu Kristo dri ri ‘bati tro onzeki ta driba batisimu Yesu dri ri ‘a dri ga ra. Kaki ta ‘jo batisimu Yesu dri Jurudano ‘a ri ‘a dri ga, vua dii ‘ai batisimu Yesu dri ri idri ri bati ana ari kuruce dri ri tro ri ‘i dii anda ruti ‘jo di eyisi vua Endri si ri ‘i.
Ta anda ri ete ‘jo anyini, Ma ‘i Yesu ni ‘au, vua tete ana ari ni ‘au, onde kinya 10 ni ra, sa anita batisimu Yesu dri ri idri ku. Ki ta ma nile dii aludi sa odu enzi ma asiti ga rii kuru. Ma ‘i Yesu ni ma asi cidru si, ki ndi draasa ma asiti oga enzi si.
Kinya 10 ‘a vu ga, meya mesu ehwi rulika endri si di dri rii ra (dii batisimu Yesu dri ri ‘i) vua na ivu ako atiru Endri si di. Kesu kolu di ani ku ri ndi driaru sa ani lejo anda dri ‘ ri ‘a ehwi ni kuru: Rulika Ofu Oku ‘a ri kata ‘jo batisimu Yesu dri Ofu Udi ‘a ri ‘a dri ga. Migeni ra vua draasa migeni ‘a.
“Ofu Udi ri ‘ia, ari Yesu dri ri bati igeni ka ana batisimu tro ni eritruwasi ta ce ri ‘ia? Ta ma igeni le dii kolu Bugu Ole ri ‘a jokaa ri ani ri kolu ce ‘a?” Ma tika endri si di ‘a vuga, meya mura ta di ‘a ‘a ni okposi. Tee ma ‘i lejo Yesu ‘a batisimu ni dri rii ana ari tro ra sa, Lazi olu dri mani ‘aa. “Ani ‘ai ce ri ‘ia igenikaa Yesu esu batisimu di mgbe enzi cidru ma idele rii obaru ana ru ga ‘i kusa ani ta ce ri ‘ia igeni kaa Yesu ari ma ana dra kuruce dri ri si ‘i. Igeni kaa Yesu ni ma Rubanga ‘i vua ma Aridipi ‘i ate ku ‘a?” Migeni dii okposi rere rii ma Bugu Efuka ana joti nza 12 ni la re ri ‘i.
‘Ba amgbu odu disi ri ka bugu Efuka dri ana joti nza 12 ni di la oko oraki ta ‘a okposi rajoadru ‘ai konze ta driba Yesu Kristo odra kuruce dri ‘aini Aridipi dru ni dri ku. Kaki raa ari Yesu dri ri ‘ai ka ni ta anda ri ‘i disidru kaki sadini hwe ta anda ri idri ta ‘aia itirile ri si. Kaki ta ura ata kole ki ra kaki ‘joa Opi ni Kristo ‘i vua Ngwaapi Rubanga dri ‘i ki rusa ‘aia asiti ga enzi olu ‘aa. Kaki itiri ‘a ‘jo ‘ai igeni Yesu Kristo ni ‘aini Aridipi dru ni, ‘ai ka lari esu ra tee dri ‘jo enzi kolu ‘aia asiti ga ‘aa sa ‘i.
‘Ai ovi ledi ani ledii ‘ai ce rii ku. ‘Ai ovi ledi koba kaki ruti aludi sa Endri si di kpe. Tete batisimu Yesu dri rii ana ari tro koba amengwi anda wa rii ni.
Disidru, bugu Efuka dri ana joti nza 12 ‘a ehwi ni adu? Andre ta Bugu Ole ri ‘ai, ako ara ta ‘a, “Gba lejo kolu tete ari Yesu dri ri igeni ka ‘au ki ana batisimu ni gaka gbe ‘a dri ga iyo ‘a?” Ki aca bugu Efuka dri di lare oca okore kuru sa, mgbe mesu ra mesu lari ni tete ari Yesu dri ri si adite ku ki ana batisimu ti ana ari tro eritruwasi si. Bugu Ole ri si, Mesu ojoru oli ama asiti ni batisimu Yesu dri ri si vua alu a ri ani oli ana ari kuruce dri ri si.
Kristo ‘ba amgbu ziti rii
odu disi sa enzi ‘ba adu si?
Amala igeniki batisimu
Yesu dri rii kuru.
Meya mera Efuka 12:47-49 ga ma’di ni oca jore ‘a konya iza alika dri ri ni ni ku ku, kole oli ana ru ni ra. Ledii ta ana jole ana joti nza 49 ni ga ri ‘i, “Cara zikajo ri kolu ‘ba tile anyi- lofo ri bati ni vua cara zikajo ri kolu juru oluka anya lofo ga ri ‘bati ni.”
Disidru ma’di ru lile kuru rii kole konya iza alika dri rii ku. Ledii ta ce ma esule ri ‘i. Alua ri ani, ‘Jo ‘aiki Yesu ni kendre Aridipi amadri ri ani ni, kole atijoadru rii eraki enzi amadri rii cidru obaru Yesu ni ru Batisimu ana esule Jurudano ‘a ri si ni vua oko ‘aiki ta ce Yesu odra kuruce dri enzi disi ni.
‘Jo mera lejo ce Yesu odra kuruce dri vua esu lamgba enzi cidru ana dule ana batisimu si ri si ni ni, mgbesa mako ma rulika endri si amani lari hwedi enzi cidru vu dri ri ‘ia ta unzi cidru ama idele ri tro ri era.
Saa nasi dru, meraa enzi cidru ma idele ri onga pi. Ma asiti engwi ingwe bu ‘e kendre lofu ani tati ni asejo ako adu ma asiti ga ofu loso eyidri, ari dri vua Endri dri rii ‘au.
Ako mera ta amani lari hwedi rii ‘ai eri, rulika ti ari biloangwa dri Ofu Oku ‘a ri tro vua enzi baka ana dri ga batisimu Yesu dri ri si vua ana ari kuruce dri Ofu Udi ‘a ri tro si. Rulika Ofu Oku ri ‘ia rii batisimu Yesu dri ofu Udi ri ‘ia ri tro gbadru alu vua avikiru vi.
Yesu Kristo esu lamgba rii ani ana ngasi ide enzi ra si ku, ki amala ana enzi cidru vudri ri du ka ana batisimu si pi si. ‘Ba cidru Yoana Batisita ni igenika, kendre ma’di mbadi ‘ba cidru kare ga ri ani ri, ohwe Yesu ni batisimu ni vua oba enzi cidru vudri rii Yesu ‘a ru ga rii kaki anda Yesu ‘a batisimu dri ri ‘ai ana ari kuruce dri ri tro ra.
Ki ‘ba amgbu oga ana batisimu ni mgbe tee osiru vua angwaru Bugu Ole ri ‘ia vu ekpadru sa ‘i adu si? Di ideka si tee ‘aiki Yesu ni ra sa dri oluki enzi ‘ba. ‘Ai ki Yesu ni ra sa Rubanga oli ‘ai pi. ‘Ai enzi ‘ba vua kaki vu aci olure tadru ri ‘ia tee ka ‘i ki Yesu ni ra sa ‘i.
Kaki olu enzi ‘ba ni ingo ni tee kaiki Yesu ni ra sa ‘i? Kaki olu enzi ‘ba ni ingo ni? Kaki vu rizaka ‘a adu si? Dii gba ta dejo bu ‘a ri ‘i. Kaki aci andraga oluka enzi ‘ba dru tro ‘i adusi ‘aiki anda enzi cidru vudri rii obaru Yesu ni ru, vua eji lari oludi tadru rii ‘ba cidru ni ana batisimu si ni kuru.
‘Ba koraa ‘ai esu layu ‘aia ari Yesu dri ri ‘aika si, Ki aludisa ‘ai ovi ledi ani ledi koba kaki engwi ndutudru si ni kpe. Aduta si? Adusi omaki ‘aia enzi ni bale Yesu ni ru kpe!
Ama tete lari esu ama eyi Yesu dri ri ‘aika si (dii batisimu Kristo dri ri ‘i) Vua ana ari ni ta Rubanga ‘a ti ubale ri ‘i: Lari rulika endri si ri dri ‘i. Disidru, diani disi dru, ama engwi ‘baciri Rubanga dri rii dru wa.
Kole oziki ama ama ngasi lazi si. “Jo ‘aiki tete ari Yesu dri rii ama rulika endri si rii dru ‘au, gbadru ama enzi karuje pelere pi wa ‘a?” Kolea ondruki ‘ai dii ama asiti ga ‘i.
Ofu Oku ri ‘ia, ‘ba ka lari esu ru lika si vua ari biloangwa alika dri ri si kendre ondiku ama lari esu ka batisimu Yesu dri ri si vua ana ari kuruce dri ri tro ri ani. Ovi disi amesu lari lamgba Rubanga dri ri ‘a dri ga ra vua amesu lari vu ga di enzi si ‘di ‘a dri ga sa ra. ‘Ba ‘aikaa ra ri ‘bati kengwi ‘baciri Rubanga dri ri ‘i vua Rubanga kengwi ‘aia Ata ‘i.
Ma’di ka lari esu ra vua koko kengwi Rubanga ‘a ‘i ana ta eri di igeni ka si: rulika vua ari biloangwa alika dri ri ‘i, na.i., ledii batisimu Yesu dri ri ‘i vua ana ari ‘i. Yesu ‘a jore ga ledii lejo anda dri ‘i. Dii rutika di eyisi, ari si vua Endri si ri ‘i.
LAYU RUTIJO DI EYISI VUA ENDRI SI BUGU OLE RI ‘IA RII INGO RI ‘I?
Enzi ‘ba kengwi gba
anda tete ‘aia ari Yesu dri ri
‘ai ka ‘au si wa ‘a?
Hwa kpe
Yesu oga ana komwi bu ‘a rii mgbe ki ra rii esi vu dri di ‘a. esu batisimu Yoana Batisita dri vudri di ‘a ana kinyaa olure 30 ri ‘i di ideru anini enzi cidru vudri ri du ‘jo.
Ari Yesu dri kuruce dri rii ana enzi cidru enzi ‘ba dri vudri di ‘a ri gaka ‘i. Yesu emu vudri di ‘a kendre Aridipi ani oko ari enzi ‘ba cidru vudri di ‘a rii eyi si vua ari si.
Jodiniri oti ama di eyisi vua Endri si adite ‘a? Ku. Amesu lari enzi dri ‘a batisimu Yesu dri ri si vua ana ari si. Ale mazi dri lazi ‘ba tete ari Yesu dri ri ‘aika ‘au ri ‘bati ni. “Gba enzi ‘ba kengwi ole tete ‘aia ari Kristo dri ri ‘aika ‘au si wa ‘a, kusa esu ole kolu batisimu Yesu dri ri ‘bati si ana ari kuruce dri ri tro ‘a? Ani ‘ai amadri ri ‘i ‘jojoadru aba enzi cidru ama idele rii batisimu Yesu dri ri idri ana ari tro ‘i ‘a? Anda rii ingo ‘i, Azi nyi ‘au?”
Rutijo gba di eyisi vua endri si, kole ‘aiki Yesu emu vudri di ‘a ru si, vua oko odu enzi cidru ‘baa idele rii Jurudano ‘a si ana ru ga ana batisimu si vua oko esu lamgba kuruce dri ama enzi si. Yesu ni ‘aika si, ani ‘ai ka ama Aridipi ‘i dru si, ovi di si, ama ruti Endri si di.
Ale mazi nyi di. Bugu Ole ri le ojo ‘ai ni adu? Dii ‘ai ari Yesu dri ri ‘ia ri ‘ia, kusa batisimu Yesu dri ri ‘ia ana ari tro ri ‘i a?
‘Ai ari Yesu dri ri idri rii di bati ani. Yesu esu lamgba vua oga ani mgbe enzi vu di dri ri si. Ki amala ani mgbaka vua ani idra ka ama enzi si si, amesu lari lamgba unzi rere ri ‘a dri ga ra. Ki ledii anda ekodi ra ri ‘i ku. Ocaki driso lini di ‘ai re ku, kolea oniki di ta rale rii adu ya ‘a ehwi ni pelere kpa. Yesu ni kole keparu kuruce dri adu si?
Bugu Ole ri ojo amani pelere enzi ‘a musara ni dra. Yesu ide aludisa enzi vudi idri kuru. Eya vudri di ‘a ru ‘ba dri ri si ru Maria dri si, ki eya ovi ana ‘ba dri si kendre ‘Bara Rubanga Ole ri dri ‘i vua Aridipi enzi ‘ba dri ri ‘i ani. Ledii ra kolea ‘ausi kesu batisimu Yoana Batisita dri koca drare kuruce dri kuku ri ‘i. Ki oce kesu batisimu di, odu enzi cidru ama dri rii ana ngasi ana ru ga. Ledisidru, ana batisimu ni ako, Esu oze ani ana ari ni ra le kuruce dri ku.
OVI AZI AZI’JO OFU OKU ‘A RI ‘I
Cara ruledi anda ovi azi
Azi ‘jo ri iga rii ingori bati ‘i?
① Nyuhwa lidri luzu ako ri ‘i
② Dri ti ka driaru ‘i
③ Ana ari ‘i
Anyiba ondreki ta anda di idri ovi azi azi ‘jo kare Ole Lemu dri ri iga ri si. Ofu Oku ri ‘ia, enzidipi kusa amba azi ole ri dri ta azi di Rubanga ni ri ka ana dri ni ti biloangwa kusa indri enzi dudi ri ‘a dri ga koko ka enzi ani dri ana ngasi rii ‘ba kusa enzi cidru ‘ba Isaraile dri ri ‘a idele ri tro baa azi di ‘a dri ga. Azi dii adiko adi dia kpo adi ejia alitari ‘a adra ga. Ofu Oku rii lindri lindri Ofu Udi ri dri ‘i, vua Yesu Kristo ni biloangwa Rubanga dri Rubangaa ti ubale ezele ri ‘i.
Anyi gba cidru oba enzi anyi dri rii Yesu ‘a ru ga adu nga? Ale anyira ta ‘a vua anyiko anya ‘i lazi di ni. Ofu Oku ri ‘ia, ‘ba Isaraile dri ribati ka nyuhwa azile ri di kpo dri tika driaru ako ni kpe (dri tika driaru di kitedea enzi ‘a ruba ka azi di ‘a dri ga ‘i). Ki oca driso azi enzi ebejo ri ejire alitari andra ku, kole oti dri driaru kpa driti ka dri ‘a di obaru ‘ausini ka enzi dii ifu cidru nyuhwa enzi dudi di iru.
“Diivu koko kole koti ana dri ni eritruwasi azi igwele igwe di ‘a dri ga” (Levitikasi 1:4). Osiru Levitika ga azi cidru razidi rii kolea oti dri driaru ra. ‘Aia dri ‘ai dri ri tika azi aidri ri idri si, ‘ba Isaraile dri ri bati komaa ‘aia enzi ni bale azi di idri wa, vua ‘aia ari di azi ka ru di tro Rubangaa andra ga ‘ai si si, kaki lari esu ‘aia enzi ni ‘a si ra. ‘Ba Isaraile dri ri ‘bati lari ‘aia ‘ai aninga saa eze Ofu oku na dri na si.
‘Jo azi igwele igwe rii eji Rubanga na ndra ni, kolea ma’di enzidipi ri koti ana dri ni azi di ‘a dri ga ‘ausini enzi enzidipi ‘a idele rii karebe ra. Azi dii adiko adi dii kpo ma’di enzidipi dia kare ga. Adiko adi ari ani ‘ja ewo su alitari dri ri iga naivu rebedi rii adiko adi su ‘a alitari ‘a pa ni ga. Dii ovi enzi ‘ba ‘a layu esu jo ri ‘i.
Ofu Udi ‘a enzi ‘ba ka layu esu ‘aia ‘ai eyi Yesu dri ri idri ana ari tro ri si. Ofu atijoadru Yoana ‘a sile 5:1-10 ojo ma’di enzidipi ri esu layu saa ana batisimu Yesu dri ri ‘ai ‘jo ari biloangwa dri (ana kuruce) tro ri si.
Disidru ma’di enzidipi ri ka layu esu ra ‘jo ‘ai batisimu Yesu dri rii ana ari kuruce dri rii tro ra ‘i. Batisimu Yesu dri rii, ana ari tro, kpodru Endri Ole ri bati tro, ta badia ama ruti di eyisi vua Endri si ri ‘i.
‘Ba ma lele ndro ri, nyi gba layu esu nya tete layu Yesu Kristo dri ri ‘aika ‘ausi wa ‘a? ‘Ba ‘ai dru itirikaa ‘aidri ‘ai esu layu tete ‘aia ari Yesu dri kuruce dri ri igeni ka si adite ri ‘bati ‘a asiti ga enzi olu ‘aa. Ki gba ama lari esu ama asiti ga ra ama batisimu Yesu dri ri ‘ai ka si vua rulika endri si Ofu Udi ‘a ri ‘ai ka si, dii odu vule ri si oviru kusa karuvi ondi rulika andrani eze ritede di Ofu Oku ‘a ri tro. Dini alu alu dri ta ‘aia igeni le rii ‘aa. Ani cuwidru kpodru obakiru vule aci olure tadru ri ‘ia kesua nosi kaki ta unzi ‘aia igenile ledi ga mgbe ni kpa le ‘i.
Ekelezia Presbyterian dri ri ‘bati obaki ‘aia geni ni lupe ama upe ‘jo ri idri; ekelezia Methodist dri ri bati igeni ki ta ‘baa idele rii onde Rubangaa idele rii ra, na.i., Ta ide ka ru si; ekelezia Baptist dri ri ‘bati igeni, batisimu ‘au; vua ekelezia Ole Ole dri ri ‘bati igeni, aci ole rii ‘au; Ta dii kpodru etu pa lejo anda dri ri iga.
Ki gba lejo anda dri Bugu Ole ri ‘ia ri le ka amani adu ta ‘jo oti udi Endri si ri idri ‘i? Bugu Ole ri ojo amani lejo anda dri rii tete adi esu ‘a batisimu Yesu dri ri ‘ia ana ari tro. Ma’di alu alu ‘ai dii vua lejo Rubanga dri ri ‘a vu ni okodi rii vua driaru ‘ai ovi ruti ‘jo di eyisi vua Endri si rii ‘aa ri ka layu esu ra rii ni.
ZUMADI YESU ‘A BATISIMU DRI RII ADU?
Rulika endri si Ofu Udi ri
‘ia rii ingo ri ‘i?
Batisimu Yesu dri ri ‘i
Batisimu Yesu dri rii rulika endri si ri ‘i. Ofu Oku ri ‘ia, Rubanga ojo ma’di ru lile kuru rii kole oga ani ‘ba anidri ri ‘i lofo si angwe.
Anyi ‘ba ‘ai ki vua igeni ki gbadru rulika endri si Ofu Udi ri ‘ia rii batisimu Yesu dri ri ‘i. Amala Yesu esu batisimu Yoana Batisita dri saa ana ana ebu laki ni ido re ri ‘i, ama ruli endri si ra ‘jo ama ‘i batisimu driaru rii ni ‘i. Anyiba oraki ta ‘a ca ra di Yoana Batisita ‘a batisimu hwejo Yesu ni ni rii adu ya ni dri ‘i.
“Yesu enga Galilea ga emu abu Jurudano ni ga batisimu kore Yoana dri. Ki Yoana ole ta dii ga ka mgbe, ojo, ‘Batisimu ledi nyidri rii ma ‘i, ki nyidri iko nyemu madri ya?’ Ki Yesu ‘ai ani ojo, ‘Nyebe ta dii kolu ‘bo’bo dru dini, ama ta di ide ka dini ni ama anda Rubanga ‘a lele ri ide ‘au.’ Diiri oko ‘ai ra” (Mateo 3:13-15).
Yesu esu batisimu Yoana Batisita dri Jurudano ‘a, “dii abu dra dri ‘i.” Yoana Batisita oti ana dri ni ndi dru Yesu ni dri oko osu ani ndi dru eyi ‘a. Dii ovi anda batisimu esu ‘jo ri ‘i (Batisimu: ni rusuka eyi iti). Yesu ni enzi cidru vudri ri du ‘jo, Ani sa kole kesu batisimu ovi alua ri si, ovi dri ti ‘jo dria rujodi Ofu Oku ‘a ri si.
Batisimu Yesu dri rii rulika endri si ‘ba cidru Yesu ni ‘aika ra ri ‘bati ni ri ‘i. “Ama ta di ideka dini ni ama anda Rubanga `a lele ri ide ‘au” (Mateo 3:15). Ani ta anda ri ‘i Yesu ni ama enzi cidru vudri ri dujo pi ‘i vua ani ta anda ri ‘i anini engwijo ama Rubanga ‘i dru vua Aridipi ‘i dru ‘i. Disi, esi ca, kendre ana rusika ra ri ani, odra kuruce dri ama enzi ti tro cidru ana dri ga.
Batisimu Yesu dri rii okpo tro anini okpo bajoadru enzi ‘ba ni cidru rutijo di Endri si ni ‘aa. Dii zumadi ofu loso eyi dri Endri tro ri dri ‘i.
Ta ati Yesu ‘a idele ana ebu laki dri ri idore ri inga rii enzi ‘ba ari ka batisimu ana esule Yoana Batisita dri ri si ‘i. Batisimu ‘a ehwi ni “ruje ka, ta se ka, kusa ta ba ka tazi dri.”
Ana batisimu esu ka ondiku Rubanga ‘a lekaa ri ani si, Yesu odu enzi cidru vudri rii ana ngasi ani ru. “Dii! Biloangwa Rubanga dri enzi vudri ri dudi ri ‘i!” (Yoana 1:29). Batisimu Yesu dri ri ‘a ehwi ni ‘ba cidru vudri ani ‘ai ka ra rii endri si olikiru ra ‘i.
Vule ga, Oya kuruce dri kendre biloangwa Rubanga dri enzi cidru vudri ri dudi pi ri ani vua oko ‘ai lamgba enzi ‘ba cidru dri rii lile ana dri ga ra. Disi, Ari ‘ba cidru vudri rii ‘aia enzi ni ‘a si ra.
Disidru ‘ba cidru batisimu Yesu Kristo dri ri ‘ai ka rii, vua rulika Ofu Oku ‘a ri igeni ka rii, vua ana ari kuruce dri ri ‘aika ‘aia lari ‘i dru ‘au rii karuni esu ki lari ‘aia enzi ni dri ‘a si cidru ra. Yesu Kristo ari enzi ‘ba cidru ana batisimu si vua ari si. Dii anda ru lile endri si ri dri ‘i.
LARI NI TETE ARI SI ADITE ‘A? KU, TETE ‘AUSI ADITE KU
Yesu emu vudri di
‘a adu si?
Emu eyisi ari tro
Ofu atijoadru Yoana ‘a sile 5:4-8 ojo, “Adusi ma’di Rubanga ‘a ‘bara ‘i rii ka ta vudri ri ‘a mi za ra. Ande oja vudri rii― ama ‘ai si. Adi ka vu za wa rii ni, rarii te ma’di ‘ai dia Yesu ni Rubanga ‘a Ngwaapi ‘i ri ‘i ‘a? Dii ma’di eyadi eyisi ari tro ri ‘i―Yesu Kristo ‘i; Eya tete eyi si adite ku, ki eyi ti ari tro eritruwa si si. Endri ka sadini hwe ta di idri, adusi Endri ni tesa anda. Disidru ta ‘bu ‘a sadini hweka rii ina: Ata ‘i, Lejo ‘i,vua Endri Ole ri ‘i; ta ‘ai dii na truwasi alu. Vua ta sadini hweka vudri di ‘a ri isa ina:Endri, eyi, vua ari; ta dii inatruwa si ‘aiki ru ra.”
Ma Kristo ‘ba ‘bazi, nya sadini ana dri ga kendre nya Aridipi ‘i dru rii ingo ri ‘i? Ledii ‘ai Ngwaapi Rubanga dri emudi eyisi ari tro ri dri ‘i.
‘Jodiniri dri mgbo vu di ‘a mi ndedi rii ingo ri ‘i? Dii mori ‘ai dri pa etudi eyi dri ari tro ri ‘i. Ma’di eyadi eyisi vua ari si rii Yesu Kristo ‘i. Vua Endri Ole ri ka sadini hwe ta di idri ni, adusi tesa Endri ni anda.
Ta sadini hweka vudri di ‘a rii ina: eyi, ari vua Endri. Vua ta ‘ai dii inatruwasi ‘aiki ru alu. Yesu emu vudri di ‘a ru si, Esu batisimu vua oko odra kuruce dri amani lari hwejo icandi oludi tadru ri ‘a dri ga. Ta itede ‘di ‘a, tabidi, engwi Aridipi enzi ‘ba cidru dri ‘i rii ofu loso eyi dri Endri tro ama aridi ri ‘i.
Ledii ta itede di ‘a amani Yesu ni, ma’di emudi vudri di ‘a Endri ru si ri si ri ‘i ri ‘i, esu batisimu Jurudano ‘a enzi amadri rii cidru du ‘jo ana ru ga, vua ari ani oko ora kuruce dri ana lamgba ama enzi dri ri ‘ai ka si. Disi, Oko ari ‘ba cidru ani igeni ka rii ra. Dii ofu loso eze eyi dri Endri tro ri ‘i.
KI GBA EYI ARI TRO SADINI HWEDI RUBANGA ‘A LARI NI DRI DII INGO RI ‘I?
Ewo zi ovi rulijo ri dri
ruetede di Ofu Oku ri ‘ia
rii ingo ri ‘i?
Batisimu Yesu dri ri ‘i
Eyi omba batisimu Kristo dri ri ‘a kare ga. Ofu Oku ‘a, batisimu Yesu dri ri ‘a ehwi ni rulika. Disidru ewo zi alu ruli ‘jo Ofu Oku ‘a rii batisimu Yesu dri Ofu Udi ‘a ri ‘i. ta ce jole oma enzi cidru vudri rii cidru obaru Yesu ni ru ni di ideru batisimu Yesu dri ri si.
Ma’di alu alu anda di ‘aidi wa rii komba Rubanga ni andra wa vua koko kojoa asi pelere ri si wa, “Nyi ma Aridipi ‘i, Vua ma Opi ‘i Amala ma batisimu nyidri ri ‘aika nya ari tro ra si, dii ofu loso eyidri Endri tro ri ‘i si. Draa, Madri enzi iyo. Ma ‘barangwa Rubanga dri ri ‘i vua nyi ma Aridipi ‘i.” Draa ama di ‘jo ‘ai anda ri si wa. Ra ama di ‘jojo ‘ai si wa rii ‘ama ‘ai Yesu ‘a batisimu ni dri ana ari tro ri si.
Jodiniri lejo badia ama ruti Endri si di rii ingo ri ‘i? Ledii batisimu Yesu dri rii ana ari kuruce dri ri tro, ledii sadini lari dri ama asiti ga ri ‘i. Dii ofu loso rutijo di eyisi vua Endri si ri ‘i.
Ma Kristo ‘ba bazi, ale mazi anyi di, “Gba ma’di enzidipi rii ka lari esu tete ana ari Kristo dri ri ‘ai ka ‘au si wa ‘a?” Kpe. Lari esu ‘jo tete ana ari kuruce dri ri oleru adite ku. Ra rii tete eyi ti ari tro ‘ai ka eritruwa si si―dii ofu loso eyi dri Endri tro ri ‘i― enzi ‘ba karuti Endri si di wa rii tete di si. Draa anyi ‘ba ale maji anyi Bugu Ole ri ‘ia gaadru, dii nzanza ani ka ta ‘jo eyi dri ovi zi si ka ta ‘jo batisimu Yesu dri ri idri.
Ofu atijoadru Petro ‘a sile 3:21-22 ojo, “Ovi zi dria dini sa ama ari di rii ‘aa, ungwea batisimu (eyi dii ovi batisimu anyi aridi andi ru dri jeka si ri ‘i ku, ki cara icarale Rubanga ni ra anda ri si ri itede di ri ‘i), onzika Yesu Kristo dri si, otu bu ‘a ori Rubanga ‘a nyare ni ga, ka malaika cidru ase vua ka amba ‘bu ‘a rii okpo ‘bu ‘a ri tro ase ni.”
Majugo Petro ojo batisimu Yesu dri rii ovi ama aridi ri ‘i, vua tro sa ani itede di ‘a amesu lari enzi dri ‘a ra ri ‘i. Batisimu Yesu dri rii oviru ondiku rulika aninga Ofu Oku ‘a ri tro vi. Kendre ondiku ‘baciri Isaraile dri ri ‘bati ‘a ‘aia eni edri ri lika Ofu Oku ‘a ‘aini engwi ‘jo ‘baciri Rubanga drii dru ri ani, batisimu Yesu dri rii Ofu Udi ri ‘ia ohwe amani lari ama enzi cidru ri ‘a dri ga ni.
Disidru rulika Ofu Oku ‘a ri bati batisimu Yesu dri Ofu Udi ‘a ri tro alu vua ovikiru vi. ‘Jodiniri draa anyigeni batisimu Yesu dri ri ‘bati alu ovikiru rulika Ofu Oku ‘a ri tro ra ni ra ‘a? Kendre ondi ana rusika ofu atijoadru Petro ‘a sile 3:21 ni ga ri ani, ovi zi dria dini sa amani lari hwedi rii ‘aa, ungwea batisimu. Nyi luzu eji lejo Rubanga dri rusidi ra ri tro wa ‘a?
‘Jodiniri ama ‘ba, oluka vu di idri dii, ama olu enzi dri ‘a kulala wa ‘a? Ledii amala Yesu Kristo esu batisimu anda anda cidru iko ‘jo itede ‘joadru lari enzi dri ‘a rii ama cidru ani igeni ka ri ni ‘aa ‘i. Mateo 3:15 ojo, “Ama ta di ide ka dini ni ama anda Rubanga ‘a lele ri ide ‘au.”
Amala enzi cidru vudri ri ‘a ruba ka Yesu ni ru si, ‘ba cidru ani ‘aika ra ri ‘bati enzi ako. Ama cidru kengwi enzi ako ama anda enzi cidru amadri ri obaru Yesu bi ru ana batisimu si ni ai ka si ‘i. Yesu Kristo odu ama enzi ni cidru ana ru ga oko odra ‘ausi kuruce dri lari hwe ‘jo ama cidru ni lamgba unzi ri ‘a dri ga.
Ma ozi ma lele ndro ri, ta eri ‘ba cidru ari di ‘ai enzi ni ‘a rii eyi ari tro. Ana ama enzi ni duka ti ana draka kuruce dri tro ta gboro eri Yesu Kristo ‘a idele vudri ‘di a kinya 3 ana ebu anidri laki ni ri idejo ri si ri ‘i.
Yoana 1:29 ojo, “Dii! Biloangwa Rubanga dri enzi vudri ri dudi ri ‘i!” Yesu kristo esu batisimu enzi cidru vudri ri du ‘jo oko odra kuruce dri enzi di ‘bati cidru ebe ‘jo. Yesu Kristo ni Ngwaapi Rubanga dri ri ‘i, aani kendre ta bidi ani, Iko cara cidru ti Rubanga ‘a ubale rulijo Ofu Oku ‘a rii ra ana enzi cidru vudri rii du ka si.
Ma’di alu alu ana asiti ga batisimu Yesu dri di ‘aidi rii, vua eyi ari tro di ‘ai di rii gbadru karuti di eyisi vua Endri si. Diivu Opi ni ana ngasi kengwi Aridipi ‘ba cidru ‘ai tro ri ‘bati dri ‘i. Anyanzo Opi ni, Alleluya! Yesu iko lejo ama lari dri rii ra kendre Rubangaa ti ani uba ka ri ani, oko ari ama enzi cidru vudri ri ‘a dri ga ra.
KI TETE ANDI RU DRI JE KA SI RI ‘I KU
Ru keya kengwi ole enzi
ako saa zi si wa ‘a?
Kpe.Ru di kaci enzi ideka tro andra
ga ndi odu ama udra ‘jo ri si.
Ofu atijoadru Petro ‘a sile 3:21 ojo, “Ovi zi dria dini sa ama aridi rii ‘aa, ungwea batisimu (eyi dii batisimu anyi ari di andi ru dri jeka si ri ‘i ku, ki cara icarale Rubanga ni ra anda ri si ri itede di ri ‘i), onzi ka Yesu Kristo dri si.”
‘Jo ma’di eya ‘ai Yesu ni anini Aridipi dru ni, ehwi ani komba enzi ru si ri ide ka tro di ‘i ku. Adi ki aci andraga enzi ideka tro ni wa, ki ama batisimu Yesu dri ri ‘ai ka si, ama ama enzi cidru vudri rii ba Yesu ni ru, adusi ani ma’di ‘ai uhwedi cidru kuruce dri si ra ri ‘i. Ta ‘ai eri ledi igeni ka kendre ama lari ‘a ba zele ‘i ani si, amesu lari ama enzi ni ‘a si ra.
Rutika Endri si di ‘a ehwi ni Yesu ni ‘ai ka ama asiti ga kendre Aridipi enzi ‘ba dri ri ‘i ani. Vua lebe enzi dri ri isa ka resu ama asiti ga ra. ‘Jo amigeni batisimu Yesu dri rii ana ari kuruce dri ri tro ni, ama asiti ka ruti Endri si di, ki ama aci andra ga enzi ta mbi mbi tro ideka ama ru si si ‘i. Ki, nani sa enzi cidru ru ‘a idele ri eberu ra.
Batisimu Yesu dri rii sadini ‘ba cidru lari esu ka ra ri ‘bati dri ri ‘i. Ama olu hwa enzi ako ‘jo ama ‘i lebe enzi dri batisimu Yesu dri ri si rii ra ‘i. Ama ruti Endri si di ‘jo ajo ta ama asiti ga lari anda Yesu ‘a batisimu si di si vua ako amengwi anda ofu loso eyidri Endri tro ri si ‘i.
Dii ‘ai Abaramu dri Ofu Oku ‘a ri ‘i, ‘ai engwi ‘jo anda majugo Paulo ‘a ta jore driaru ri ‘i, vua ovi zi ama aridi majugo Petro ‘a ta jore driaru ri ‘i.
Kendre ondi ku Abaramu ‘a lejo Rubanga dri ri Erika vua ana ‘ai kaa oko ana engwi ka anda ri ani, amasa ama lari esu ra ‘jo ama ‘i batisimu Yesu dri rii ana dra kuruce dri tro ra ‘i.
Yoana 1:12 ojo, “Ki ziti le ‘ai ani ra, disidru ohwe ‘aini okpo recojo ‘boronzi Rubanga dri ‘i, ohwe okpo dii ‘ba cidru ana ru ni ‘ai ka ra ri ‘bati ni sa tro.” Nya ‘i Yesu Kristo ni ra ‘a, ani ma’di ama aridi ana batisimu si vua ana ari si ri ‘i, nya ‘i ani nya Aridipi ‘i dru ra ‘a? Anyi ba esu ki lari ruhwedi amani eyi ari tro Rubanga ‘a Ngwaapi dri si ri ni.
Lari ni tete ari Yesu Kristo dri ri si ‘a? Ku. Lari ni eyi ari tro Yesu dri ri si. Bugu Ole ri ‘ia, ojoru pelere lari ni tete ari Yesu dri ri si adite ku. Ki batisimu Yesu dri ri si vua ana ari si.
Batisimu Yesu dri rii rulika endri si Ofu Udi ri ‘ia ri ‘i. Ani anda lari dri enzi cidru li di ama ru ga si pi ri ‘i. Lejo ce esu lamgba enzi cidru vudri ri si ‘i ehwi ani esu lamgba ama si, nyi si vua ma si.
Ama ofu loso enzi cidru ‘a rebejo di esu ka si, dii batisimu Yesu dri rii ana ari tro ri esu ka si, amesu drimgbo lamgba dri enzi cidru ama idele ri idri ‘a rii ra. ‘Ai amadri ri si, amesu lari enzi cidru ama idele vudi ‘a dri ga ri ‘a dri ga ra. ‘Jo adu batisimu Yesu dri ri bati ana ari tro kendre ama lari ‘i ani ni, enzi cidru ama asiti ga ri karuje pelere. Nya ‘i ra ‘a? Migeni asi cidru si anyi cidru ka ofu loso eyi dri Endri tro di igeni ra. Nya ‘i nyiko nyesu lidri olure tadru ri ni.
Majugo Paulo ojo, “Rulika ni asi ‘a” (Roma 2:29). Adi ama ru ni li ama asiti ga ingo ni? Ama ru ka ruli endri si ra ‘jo ama ‘i emuka Yesu Kristo dri vudri di ‘a ru si rii ra ‘i, di oko ana batisimu ana enzi cidru vudri di ‘a ri du ‘jo rii, ana dra kuruce dri enzi amadri si ri ‘i, vua onzi ka anidri dra ga si ri ‘i.
Ki majugo Paulo ojo rulika ni asi ‘a. Rulika asi ‘a ri ‘a ehwi ni batisimu Yesu dri ri ‘ai ka ana ari tro ‘i. ‘Jo ile nya ru koliru nya asiti ga ra, kolea nyidu nya asiti ga ofu loso Yesu ‘a batisimu dri rii ana ari dri rii tro ‘au. Disi, vua tete disi, nyengwi ‘barangwa Rubanga drii dru wa ri ‘i.
RUBANGA EZE YOANA BATISITA NI VUDRI NI ‘A?
Yoana Batisita ni adi ‘i?
Ani ma’di mbadi ‘ba cidru ni kare ga ri ‘i ani
amba azi ole ri dri tati ‘a eko ‘jo engajo
suru Aroni dri ri ‘ia ri ‘i.
Dia, kole oziki lazi ma’di ungwele Yoana Batisita ni batisimu hwedi Yesu Kristo ni ni dii adi ‘i ya ni dri. Yoana Batisita ni ma’di mbadi-‘ba cidru ni kare ga ri ‘i. Mateo 11:11-14 ojo, “Majo anyini, pelere, ‘boronzi kpodru uku ‘a utile ri ‘ia ma’di Yoana ni Batisimu hwedi ri ndedi ra ani iyo: Ki gaadru ma’di opi bu dri ‘ia ri onde ani ni.Engajo odu Yoana ni Batisimu hwedi ri ‘a eya ‘jo ri si eca ndi endru ‘ba ka opi bu dri afu okpo si, vua ‘ba afukaa okposi ri kipaa ni. Amala ta profetaa jole vua cara Mose ‘a sile rii ka ta ‘jo ondo Yoana ni dri. ‘Jo anya ‘i ra ri Yoana ni ondo Elia ni engwi ‘di ri ‘i.”
Ma Kristo ‘ba bazi, Yesu ojo ‘boronzi kpodru uku ‘a utile ri ‘ia ma’di Yoana ni Batisimu hwedi ri ndedi ra ani iyo. Ki oti Yoana ni Batisimu hwedi ri idri le ojo, dii draa saa Rubanga ‘a cara erijoadru ri dri ‘i, saa Ofu Oku ri dri eko ra. Ekora ni amala Yesu Kristo ni cara Rubanga dri ri ‘a ti ikodi vulega tati ‘a asejo ri emu ra si.
Disidru, kole adi kiko cara Rubanga dri rii ni? Yesu Kristo ti Yoana Batisita tro. Yoana ni batisimu hwedi ri oba enzi cidru vudri rii Yesu ‘a ru ga. Amba azi ole ri dri tati ‘a asejo Ofu Oku ri ‘ia rii adi ‘i? Adi enga suru Aroni dri ri ‘ia rii ni? Yesu Kristo ni ana ngasi ojo aludi sa ma’di zi Yoana Batisita ani na iyo. Yoana Batisita ni ma’di mbadi ‘ba cidru ni kare ga ri ‘i, onde ‘boronzi cidru uku ‘a utile rii ra.
Anyi ba esuki anda di ‘a ehwi ni. Mose ‘i, Abaramu ‘i, Isako ‘i, vua Yakobo ‘i ‘ai dii kpodru si ‘boronzi ukunzi ‘a utile ni ‘i. Ki ‘ba kpodru Ofu Oku ri ‘bati ‘i lofo ‘ba Ofu Udi ‘a ri tro, adi onde retu si ni ‘jo tee ojo ‘boronzi ukunzi ‘a utile ni ri si sa ‘i? Yoana ni Batisimu hwedi ri onde ni.
Yoana Batisita ni, kendre profeta tati ‘a asejo Ofu Oku ‘a ri ani vua kendre ma’di engadi suru Aroni dri ‘ia ri ani, ohwe batisimu biloangwa Rubanga dri ri ni Ofu Udi ri ‘ia ni kendre ondi ku andrani amba azi ole ri dri Aroni ‘a dri ti ka azi enzi ebejo ri indri Ofu Oku ‘a odu enzi ebejo ri si ri ani. Ohwe batisimu Yesu ni oko oba enzi cidru vudri rii Yesu ‘a ru ga. Ani tiluza Rubanga dri ri ‘i. Iko lejo ru lijo asi ‘a ‘ba cidru ni rii ra ana batisimu hwe ka Yesu ni si ‘i.
Batisimu Yesu dri ri si kare alu ga, kole ‘ai ki ana ari isa tro kendre sadini ama lari dri ri ‘i dru ani. Yesu Kristo odu enzi cidru vudri rii ana batisimu si vua oko esu lamgba ‘au si. Vua ta amani draa idele wa rii kole ‘aiki ‘i. Ani Rubanga ‘a le ‘i amani ta Yesu ‘a idele ri igeni ‘jo ‘i.
‘Jo gba vu alusa idu nya asiti ga geni ofu loso rutijo di eyi vua Endri si dii ra, nyengwi ma’di engadi suru Abaramu dri ri ‘ia ri ‘i vua nyengwi ‘barangwa Rubanga dri ri ‘i. ‘Ba Yesu ni ‘a rii tete gaadru ki ‘ba ani ‘ai ka ‘aia asiti ga kuru ri le ekpadru.
Itu ni dria ire kode vua vu ni ire keci. Nya ‘i nyini batisimu Yesu dri ri ni nyiko nyiba kohwi nya asiti ga. Nya ‘ai batisimu Yesu dri ri idri ri bati nya ‘ai ana ari ni dri ri tro koba nyi tutu lari endri si ri dri esu ra.
Kole saa cidru nyira asi ‘a ci rii rutrika endri si rii tesa kenga ofu loso lari dri ri iga, dii ofu loso batisimu Yesu dri idri ri ‘i ‘ai ana ari tro. Ale anyi ni ote anyi tara endri si (Ekelezia) vua adu (Endri Ole) dii ba kendre inzo nzi ciri (Mateo 25:4) ga ri ‘a ideka ri ani ofu loso Yesu ‘a batisimu dri ri igeni ka ana ari tro si. ‘Ba ‘aidru Yesu ni ‘ai ka ra ri ‘bati kaki vu ekelezia ‘a sa endri Ole ri tro ‘aia asiti ga.
YESU ESU BATISIMU ADI NI?
Ra Yesu ‘a batisimu
esu ‘jo rii adu?
Koje dru enzi cidru ‘ba
‘a idele rii pelere ‘i
“‘Batisimu ledi nyidri rii ma ‘i, ki nyidri iko nyemu madri ya?’ Ki Yesu ‘ai ani ojo, ‘Nyebe ta dii kolu ‘bo’bo dru dini, ama ta di ide ka dini ni ama anda Rubanga ‘a lele ri ide ‘au’” (Mateo 3:14-15).
Yesu esu batisimu enzi ‘ba cidru ‘a idele ri jejo. Yesu Kristo ni Ngwaapi Rubanga dri ‘i vua ani ama Aridipi ‘i. Ani ta bidi ni ama bidi ri ‘i. Yesu Kristo emu le Rubanga dri si, ana Ata ‘i, ‘ausini ka ama eco ana ‘ba ti ‘i.
Profetaa cidru odri ki Ofu Oku ‘a ta jore adi ni dri? Odriki ta jore Yesu Kristo ni dri. Profetaa cidru Ofu Oku ‘a ri ‘bati odri kaki ta ‘jo Yesu ‘a emu ka vudri di ‘a vua ana enzi cidru duka pi vua ana ama ebeka enzi dri ‘a kulala ‘bo’bo dru ni dri.
Yesu emu vudri di ‘a kendre ondi ana rujoka profeta ti si Ofu Oku ‘a ri ani oko odu enzi cidru ‘baa idele engajo Adamu ti dri Eva tro ri si rii paka cajo ma’di evule tile tati ‘a asejo ri si.
Draa, nyidu nya asiti ga lari batisimu Yesu dri ri si ri ‘bati ana ari si ri tro. Nyigeni ku ‘a dii ta ce ri ‘i ni ‘i? Jodiniri dri enzi olu nya asiti ga ‘aa ‘a? “Ama ta di ideka dini ni ama anda Rubangaa lele ri ide ‘au.” Yesu ni Yoana Batisita ohwe batisimu ni anda anda iko ‘jo.
Lejo ehwi “batisimu” ni dii ana ngasi ehwi ani “ruje ka ra.” Yesu esu batisimu Yoana ni Batisimu hwedi ri dri ovi dri tijo dri ‘a retede ‘di Ofu Oku ‘a ri si.
Ana enzi ‘ba cidru dri ri du ka ana ru ga ni vu, Oko osu ani ana ngasi abu Jurudano ni ‘a. Abu di ‘a ehwi ni dra vua lamgba enzi ‘ba ni ri ‘i. Rusuka Kristo dri eyi ‘a di ka ana dra ka kuruce dri ni itede ‘au. Ana enga ka eyi ‘a si oru omba ana onzi ka dra ga si ‘a kare ga. Yesu ‘a draka kuruce dri ‘a vu ga onzi ziniga lidri odu inajoa dru risi ‘i.
Yesu ni ama Rubanga ‘i vua ama Aridipi ‘i. Ta gba ce Yesu ‘a emu ‘jo vudri di ‘a rii esu batisimu, ari ‘a ora vua oko odra kuruce dri, ki onzi odu inajoadru risi di, vua jokaa draa ori dri nyare Rubanga dri ri iga esi jole odra layu hwejo ‘ba cidru ni ni ca. Nya ‘i dii ra ‘a?
Batisimu Yesu dri rii rulika endri si Ofu udi ‘a ri ‘i. “Rulika ni asi ‘a.” Ruli-ka asi ‘a rii kolu ce ni ‘jo ‘ama ‘i batisimu Yesu dri rii ra ‘i, dii ta ce enzi cidru vudri ri ‘a ruba’jo Yesu ni ru ri ‘i. Rulika asi ‘a rii ta ni ka batisimu Yesu dri badia aba ama enzi ni cidru Yesu ni ru ri ni ka ‘i.
‘Jodiniri iliru nya asiti ga ra ‘a? ‘Jo nyigeni ru lika asiti ‘a rii ra, nya enzi ni cidru ka ruje pelere vu alu vua kate tri. Amala ra disi Yesu iko lejo anda -anda cidru ri dri rii ra oko oba lari enzi ‘ba dri ri engwi ce.
Ma Kristo ‘ba bazi, nyidu lubi lari dri dii nya asiti ga vua nya uje ga. Dii ta ce ri ‘i. ‘Jo gba vu alu sa idu nya asiti ga lari Yesu dri dii ni, nyengwi enzi cidru nyidri ri iga kulala. “Ki ziti le ‘ai ani ra, disidru ohwe ‘aini okpo recojo ‘boronzi Rubanga dri ‘i, ohwe okpo dii ‘ba cidru ana ru ni ‘ai ka ra ri ‘bati ni sa tro” (Yoana 1:12).
Draa indre ra kolea Yesu kemu vudri di ‘a koko kesudru batisimu rii adu ya ni ra ‘a? Draa nya ‘i ra ‘a? Yesu esu batisimu enzi cidru ‘baa idele ri du ‘jo. Dii batisimu ru li ‘jo ri ‘i. Batisimu Yesu dri ri ka amani rulika endri si ri hwe wa rii ni. Ledii ra majugo Paulo ‘a ‘jojo ‘a dru amani kole amaliru asiti ‘a ra ri ‘i. Yesu ni gba loku loku ari ama ana batisimu si ana ari tro disidru tazi amani lele di ani iyo ra rii kole ama ‘i ama asiti ga ‘i. Kole ojo ki “Oo. Ame” lejo Rubanga dri ri si ama asiti ga ‘i. Dii ce ku ‘a? Nya ‘i ra ‘a?
NYA ‘I ANDA DII NYA ASITI GA RA ‘A?
Kole amaca driso laru hwere
Yesu ni kuku amide adu?
Kole odu ki ama asiti ga anda
eyidri ari tro rii ‘au.
Yesu emu vudri di ‘a di dria ire amvu kinya 2000 ni ra. Kinya dii saa di tro Rubanga ‘a kiza dri ‘i, kole odu ki ama asiti ga anda ‘au, dii eyi ari tro Yesu dri ri ‘i. Tazi mgbi amani idele iyo.
“Rulika ni asi ‘a.” Kole oliki ru ‘ai ama asiti ga ri si. Adusi ama lari esu wa rii tete ‘ai si. Ofu Oku ri ‘ia, ‘ba Isaraile dri ri ‘bati esu ki lari ‘aia rulika si vua ari biloangwa alika dri ri dri ‘aia bale ‘aia joti ni ga vua abi ‘aia jo dri iru ri si.
‘Ba ‘aidru batisimu Yesu dri ri igeni ka ana ari tro rii aludi sa ori oko ‘ai lamgba Rubanga dri emudi ri si ku adusi kemu kali ‘aia dri ga si pi. Ki ra rii lamgba Rubanga dri ri kode ‘ba aidru lejo ehwi anda dri di duka ‘aia asiti ga kuru ri ‘bati ‘a dri ga. ‘Ba draa dinisa Yesu ni ‘aika nyaru rii ekpadru disidru draasa oluki dri opigo enzi dri ‘i.
‘Jodiniri ecaki ovi ani ledi iga ingo ni? Kaki draasa ricandi enzi dri ‘a adu si? Di karide rii amala ‘aia anda Yesu ‘a batisimu dri ri ni ka ana ari tro ku si. ‘Aiki tete ari Yesu dri rii ‘au, ebeki kusa ondreki batisimu driaru rii nya.
Ki gba lari karesu gba tete ari Yesu dri ri ‘ai ka si wa ‘a? Bugu Ole ri ojo amani ledi ani ‘a? Ofu Oku ri bati Ofu Udi ri tro kaki ta ‘jo di idri ingo ni? Bugu Ole ri ojo, ta ni tete ari Biloangwa Rubanga dri ri dri ri si ku, ki trosa batisimu Yesu dri ri si lari ka resu ‘i (ofu atijoadru Yoana ‘a sile ri ‘i 5:3-6).
Nya ‘i nyidri ari Yesu dri rii adite ‘au ‘a? ‘Ba idekaa ledi ani rii kole dubasi enzi kolu dri ‘aia asiti ga ‘aa. Kolea koga ki ‘aia ‘ai mbi dii mgbe koko kengwi ki ofu loso ce ri iga.
‘Ba ai ako ri ‘bati kolea draale keraki kumbe oku sa unza ‘ai ra ni, oniki oku sa Yesu odu ‘aia enzi ni ana batisimu Jurudano ga ri si ni ku. Kolea draa ka ‘i ki ‘aia batisimu Yesu dri ri ga ka si ‘ai ide enzi ra ni. Kolea ka ‘i ki ‘aia asiti ga Yesu odu ‘aia enzi cidru vudri rii ana batisimu si ni. Lari ni saa cidru si sa ‘aa ‘jo ama ‘I batisimu Yesu dri ri ‘bati ana kuruce tro ‘au ‘i. Ovi zi si, ama tete lidri olure tadru ri esu wa rii ofu loso eyi dri Endri tro ri si.
Ma Kristo ‘ba bazi, anyolu ndi driaru si anyi asi ba vua anyigeni tete ari Yesu dri rii aduto ‘au ‘a? Jodiniri, liro ako mgbe anya asiti ga enzi ‘aa. ‘Jo nyide enzi ra, karuni enzi nya asiti ga ‘aa. ‘Jo nyitiri nya asiti ga enzi iyo vua esu dri nyolu cara Rubanga dri ri si, karuni nai nya nyi itirika nya ngasi engadi nya urata dri ri ‘i. Ta ledi ani ledi ojoru aso lejo Rubanga dri ri tro ku.
KI DRAASA OLU DRI ORO KU ‘A
Anda ama ebedi kulala
ri enga ingo?
Enga cara enzi dri ri
iga dra tro
Olu dri oro ku. Nya ‘i nyini batisimu Yesu dri rii ana ari tro ‘au, nyiko nyi ruli nya asiti ga ra vua nyiko nyengwi enzi ako.Engwi ka enzi cidru dri ‘a kulala ‘a ehwi ni lari esu ka ofu loso Yesu ‘a batisimu dri ri ‘aika si ana ari tro ‘i.
Nyilea batisimu Yesu dri ri ‘ai ka ana ari tro nyini lari esu ‘jo nya enzi ni ‘a si ra ‘a? ‘Jo gba nya ‘i ni, nyini ‘a ta lari dii kendre ingoni ya ni cuwi dru. Vua nyi lovu esu nya uje ni ‘a ra. Disidru, vua tete disi, nyengwi anda ni wa rii ‘i. Ki ebu nydri risi ku, Ki nya ‘ai lejo Rubanga dri ri idri ri si. Ki ‘jo anyi alu alu olu dri ka ari Yesu dri ri ‘ai vua kigeni ‘a anini lari esu ‘jo ‘au, Malea majo anyini anyigeni ana batisimu ti ana ari tro eritruwasi.
Ma Kristo ‘ba bazi, lari ndutudru ‘ba cidru ni ri ideru ofu loso Yesu ‘a batisimu dri ri si ana ari tro. Endri ni Rubanga. Rubanga esi vuru vudi idri ru ‘badri si.
Rubanga onze lejo profeta ti si ojo kole amungwe ru ani Yesu ‘i, adusi keya ka ‘ba anidri ri ari ‘aia enzi ni ‘a ni. Rubanga ojo, “‘Zaa ago ni di ku rii ka ‘ba ko ‘a ga ra, koti ‘a ago,vua kaki evu kaki ani ungwe Emmanuele ‘i,’ ru di ‘a ehwi ni, ‘Rubanga ni ametro’” (Mateo 1:23).
Rubanga emu vudri di ‘a enzi ‘ba ari re. Ohwe ani ni batisimu enzi cidru ‘ba dri vudri di ‘a ri du ‘jo ledii ta ana enzi ‘ba cidru ari ‘jo ri ‘i. Dii lejo anda dri ‘i vua dii lari eyi dri ari tro ri ‘i. Ma di ‘a rii di ‘jo ‘jo anyi ni. Esu ki gba lari tete ari Yesu dri ri si ‘a? Loku gba ‘ausi adite ku. Esuki lari batisimu Yesu dri ri si ana ari kuruce dri ri tro.
Odu disi profetaa enzo rii ‘ba enzo inika rii tro ekpadru ‘aidri ‘aiki batisimu Yesu dri rii kuru. Yesu ojo, “Anyiko anyi ta anda ri ni ote, vua ta anda ri koba anyengwi kulala” (Yoana 8:32).
Kole dubasi oniki ta anda rii ote. Oniki ra ta di Yesu ‘a ta ‘jo ‘jo ana batisimu ni dri rii adu ya ni ote,vua oko ‘ai ki. Anyiba oraki dri ta ra di Rubanga ‘a ‘jo ‘joadru Isaraile ‘ba ni kole kolikiru ra Ofu Oku ‘a vua ra di ana ta ‘jo ‘jo ari biloangwa alika dri ri idri rii adu ya ‘i.
‘Jo oniki tete odo di ‘a nusu ‘i, adiki aludi sa ta anda ri ni kpe. Yesu ’ai, “Majoa, Nyini loku loku, ma’di aludi sa hwidi opi Rubanga dri ‘ia ni iyo ‘jo oti ani eyisi vua Endri si ku ‘i, kohwi aludi sa opi Rubanga dri ri iga kpe” (Yoana 3:5).
BATISIMU ESU KA KRISTO NI ‘A
Ama remu dra Kristo
dri ri tro ingo ni?
Ama enzi amadri ri baka Yesu
ni ru ana batisimu si si
Bugu Ole ri onze ta driba zumadi lari dri ri idri ra. Dii tete ari Yesu dri ri si adite ‘a? Ku. Dii ana ari ti ana batisimu tro kare alu ga si. Majugo Paulo onze ta driba di idri vu ubi bugu Roma dri ana joti nza rii 6 ni ga ‘i vua onze dii vu ekpadru si ofu anidri ana usile ciri ciri ri ‘ia sa ‘i.
Anyiba olaki dri bugu Roma dri 6:3-8 ni. “Ini ama batisimu esure Yesu Kristo si rii esu batisimu ana dra si ni ku ya? Batisimu amadri si ose ama anetro dra anidri iga, ‘ausini kendre Kristo ni inzi ka Ata ‘a eku okpo si ri ani, amasa esuki dru lidri udi ri ‘i. ‘Jo amemuru anetro drare ga kendre ana draka ri ani, amevu ama remu anetro ana onzire ga kendre ana onzika ri ani, Oni amasa dii ote, ama lidri oku rii epa Kristo ti tro kuruce dri ra, ‘ausini okpo enzi dri kivolo dru ru ra, amolu dru opigo enzi dri ‘i di ku. ‘Adusi ‘jo ma’di odra ra ebere okpo enzi dri ‘ia mgbo. Ki draa ‘jo odraki Kristo ti tro, karuni ‘ai ki ama evu ama olu lidri anetro.”
Anyiba draa ondreki ana cirri cirri 5 ni ‘au. Ka ru la dini, “Jo amemuru ane tro drare ga kendre ani ‘a draka ri ani, amevu ama remu ane tro ana onzire ga kendre ana onzi ka ri ani.”
Dra driaru rii dra amadri ri ‘i adusi batisimu driaru ri si enzi cidru ama idele ri obaru ana ru ga. Disidru batisimu Yesu dri ri katajo ari Yesu dri kuruce dri amani ri ‘a dri ga.
Ama ‘ai batisimu Yesu dri ri idri rii ana ari ni dri ri oba amani remu ‘jo alu Yesu ti tro ni. “Enzi ‘a musara ni dra” (Roma 6:23). Disidru dra Yesu dri kuruce dri oviru ama draka ama tro vi. Esu batisimu enzi cidru ama idele ri du ‘jo ana ngasi ana ru ga. Anda di igeni ka ‘a ehwi ni remuka Yesu Kristo ni, ama Aridipi tro.
KOLE IGENI KI YESU NI OVI KUSA LIDRI DINI DRI RI SI KU
Lejo ehwi “Ani anda vua
kiza tro ni di ‘a ehwi ni adu?”
‘Di ‘a ehwi ni Yesu oje enzi cidru ama idele
rii vu alu vua ate tri oko ari ‘ba cidru
anda dii ‘aika ra rii ra ‘i.
‘Ba amgbu ziti ‘aiki Yesu ni ovi lidri dini dri ri si, disidru kaki vu ekelezia ‘a kaki owo ‘aia mi ndika oru ilegi enzi rujo ri ilegi ka si. Kaki ‘aia enzi ni ru kaki ko kaki kiza zi ‘ausi odu cidru si. Kaki ilegi dini, “Yesu, Ani ote vua ma ‘i idra kuruce dri masi ni ra. Oo, ma ‘i ra.”
Loku loku, eriki lejo ehwi ani lile ledii anda ku. “Jo ‘ai enzi amadri ra, ani anda vua igenia wa ka enzi amadri ebe ra vua ka ama je ta amadri ego ri ‘ia si pelere” (ofu atijoadru Yoana ‘a sile ri ‘i 1:9). Kaki le ‘a ebe ‘aini ‘aia enzi ni odu cidru si ‘aia ‘aia enzi ni ru ka si. Ki ta jole enzi dri lejo rusidi ri ‘ia ri ‘a ehwi ni kole ‘ba koru ‘aia enzi ni odu cidru si ‘i ku. Lejo ehwi ani ledi ani ledia ta jole rii enzi amadri rii cidru karebe ra ‘jo ajo driso amari ru kuru ‘i.
“Disidru ‘ai kenga lini nzele ri erika ni ga, vua nzele rii lejo Rubanga dri ‘i” (Roma 10:17). “Anyi lejo anda ri ni ote, vua lejo anda ri koba anyengwi kulala” (Yoana 8:32).
Ma Kristo ‘ba bazi, anda di itederu ta ‘u pelere. ‘Jo nyigeni Yesu odra kuruce dri si anini ama enzi ni du ka cidru si ana batisimu Jurudano ‘a ri si ni ako, ‘ai nyi dri rii ta iyo ri ‘i.
‘Jo ma’di Kristo ‘ba go kusa zi ri ole lari esu ka ana enzi cidru ri ‘a dri ga, kolea ka ‘i enzi anidri rii cidru obaru Yesu ni ru ana batisimu Jurudano ‘a ri si vu alu vua ate tri vua oko odu lamgba enzi cidru dri esu evule lile ama dri ga rii kuruce dri ana dri ga. Ovi zi si, kolea igeni ki batisimu Yesu dri rii ana ari tro eritruwa si.
“Disidru ma’di zi aludi sa vu ndutu dri Rubanga ‘a ru ehwele ‘ba ni rari ‘jo ‘ausi ni iyo” (Ebu maju ‘a idele ri ‘i 4:12). Yesu Kristo odu cidru ama idele rii ana batisimu si pi oko engwi ama Aridipi ‘i. Yesu eya eyisi ari tro lari hwejo amani icandi oludi tadru ri ‘a dri ga. “Ama ‘ai asi si anda esu ‘jo, ama ‘ai itede ama ti si lari esujo” (Rom 10:10). Nyi enzidipi ‘a nosi nyi ma’di anda ri ‘i?
Galatia 3:27 ojo, “Anyi ‘ba batisimu esuka ru Kristo dri si rii anyemuru Kristo ti tro alu.” Lejo anidru rusidi di `a di kite`dea amani pelere Yesu ni epa vua odra kuruce dri esu odu enzi cidru amadri vudri di `a rii ana batisimu si kpa. O`du ina dra anidri ri `i vu onzi lidri ga di vua draa dini ori dri nyare Rubanga dri ri iga. Engwi Opi lari dri ri `i `ba cidru ani igenika ri `bati ni `i.
Kesu oli Yesu kesu batisimu kuru ri, vua ari ani kora kuruce dri kuru ri, engwi aludisa olujo ama Aridipi ‘i dru ni ku. Ama lari esu wa rii tete ‘jo ama ‘i ofu loso eyi dri rii Endri tro ra ‘i.
‘BORONZI MOSE DRI RI ISA ANI ANI
Rubanga ‘a lejoa dru ani kodi
Mose ni leti ‘a si ana yare
Ejito ‘a rii adu?
Adusi oli ana ‘boronzi
‘a ru ni kuru.
‘Ba ma lele ndro ri, anyi draa zumadi anya layu dri ri eri eyi ari tro Yesu dri ri si. Ani gba tutu retu Rubanga dri ri ‘i lejo ehwi ziti tutu retu tro ledi ani ledi bati eri ‘jo ‘i.
Ki dii gba tete ari Yesu dri ri ‘i adite ‘a? Saa andrani Ofu Oku ri dri si, ‘ba kengwi suru Abaramu dri ri ‘i rii ru lika si vua ari biloangwa alika dri ri dri si. Ki draa amengwi ‘ba Rubanga dri ri ‘i dru rii ama batisimu Yesu dri ri ‘ai ka ana ari tro si.
Rubanga itede dia anda ni amani Ofu Oku ‘a Mose si. ‘Ba Isaraile dri ri arijo, Rubanga ojo ta Mose dri ojo kole keji ‘ba anidri rii Ejito ‘a si pi koyi ki vu Ejito dri ri ‘ia si angwe. Disidru Mose ni, ra ana izi ‘a-ata ni Jetoro dri si, ebe kare Midia drii ra oko oba dri vu Ejito dri iga ana izi tro vua ‘boronzi tro. Ki oce koba familia ani dri rii kaino dri di, kare ‘aia rutrare na iga Opi itederu Mose ni uza Mose ni dri okposi vua esu ole ani kodi Mose ni kpo.
Ki ana lemuruzi ni Zipora oni ra ani ote. Odu oni loci rii oko oli ana ‘bara ‘a ru ‘a eni edri rii dru oko oba eni di ‘bati oni di tro Mose ‘a pa ga diivu ojo, “Gbadru nyi ma ago ni ari si ri ‘i!” Rubanga nyebe ani komu.
Dii ovi ana ‘jo ‘joadru ani ka gbadru ma’di zi di ra ri ‘i, tee ‘jo kolu ‘barangwa Mose dri ri ‘i sa ‘i, ‘jo oli ru ani kuru ‘i. Ki ‘ba Isaraile dri ‘bati ni le, rulika ni ovi Rubanga ‘a cara dri ‘i. Oniki gbadru Rubanga ka ma’di zi li laki anidri ri ‘i lofo pi ra ni ote, ‘jo tee kolu ki ‘boronzi ‘ba dri dru ri dri ‘i sa ‘i, ‘jo oluki ‘aia ru ni lika ra ni ako ‘i. Disidru, ani ni bajoadru ana ‘baciri ni rulijo ku, Rubanga inga Mose ‘a mi ni ovi na si.
Bugu Ole ri ojo ra Zipora ‘a ana ana ‘barangwa ‘a eni edri ri lijo vua ana bajoadru Mose ‘a pa ga oko ana ‘jo ‘joadru “Gbadru nyi ma ago ni ari si ri ‘i!” rii ketededru Rubanga ‘a ta lele ewo ru lijo ri iga ri ni ‘i (Efuka 4:26).
Ma’di alu alu ru lile ‘ba Isaraile dri ri ‘i lofo kuru rii kolea oli ru ani ‘ba ani dri ri ‘i lofo si pi. ‘Ba tete ru lile ra rii ‘ai ‘aini iza biloangwa alika dri ri nyaka ra rii ni vua ‘ai ‘aini remule alu itu ogboro di iga kendre ‘ba Rubanga drii dru ra rii ni.
Majugo Paulo ni Eberei go. Oti ani di olu odu 8 mgbe oli ana ru ni ra, esu lini laponyi Retu ungwele, Gamaliele dri, disi eri lejo ehwi di ra Yesu Kristo ni di ‘a batisimu esu ‘jo Jurudano ‘a rii ana draka tro adu ya ni ra. Disidru majugo Paulo osita batisimu Yesu dri ri idri ofu ciri ciri ana usile ri ‘ia sa vu ekpadru si.
Vua majugo Paulo ni ziniga sa di ojo ta ari Yesu dri ri idri okposi ojo ari dii ta okpo lari ikodi ri ‘i. Ari ni tati iko ka ana layu dri ri ‘i ki gba rulika anda endri si ri le batisimu Yesu dri ri ‘i. Amala ani ta anda rii ku ta ‘jo ka ari Yesu dri ri idri ana batisimu ni ako ‘i.
Vu ekpadru si majugo Paulo ojo ta kuruce Yesu dri ri idri corokpo. Adu ta si? Adusi ani lete tati ‘a ase’jo ama lari ni ri ‘i. Kesu oli Yesu kodu enzi vudri rii cidru si ana ru ga ki ari ani koko kora kuruce dri si anini lamgba di esujo ama kare ga kuru, tee dini sa esu amesu lari kuru. Ledii ra majugo Yoana ‘a ta ‘jojo kuruce Yesu dri ri idri vu ekpadru si ri ‘i. Kuruce ni ewo tati ‘a asejo ama lari ni ri ‘i.
Kesu oli anda lari dri rii kohweru ‘ba odu disi ri dri ta zi duka ‘aa ru pi ni ako, oli draa dini ‘ba enzi ako ani kolu ekpadru. Ki andra unzi dru, saa na si anda di egwe ‘ba amgbu ni di disidru ‘aiki ana ari ni ‘ai ni ta ura ka di ana batisimu ‘a ehwi ni adu ya ni ako.
Amala ta ‘aia igeni le ri ‘a oluka ofu loso ‘aa ru ta iyo ri ‘i si, kaki gba olu enzi ‘ba na ani tee jo ‘aia Yesu ni igeni ka palanda ani kolu kinya si kusa ingoni sa ‘i. Kinya 10 vu sa kaki olu enzi ‘ba, tee ‘jo kolu ki lidri dini dri ri iga kinya 50 sa ‘i.
MA SADINI ‘I
Rubanga ka enzi
‘ba sa ndre anda ‘a?
Ku. Ani anda.’Ba anda rii ‘ai ‘ba enzi
ako ri ‘i rii ni, adusi obaki ‘ai enzi
ni Yesu ni ru ana batisimu si.
Mido Yesu ni igenile ma kinyaa olure 20 ri ‘i. Esu saa naa ecare kuru rii, Ani di enzi ma idele ma lidri ni ‘a rii ingo ti ya isa ku adusi nainga ani cara Rubanga dri ri isa ku. Adri molu ma lidri ni ‘a si adite ani Rubanga ku paka sawa na ofu eca.
Ako ‘ae avu. Ma avu rere madri ara ri si madra sa ra. Disi, Mgbe mura ta ‘a ara da rii kole mesu layu ma enzi ti idri ‘a ra maca drare kuku. Adusi meri oma Yesu odra ma’di enzidipi ma ani di si, Disidru draa mura ta ‘a ani igeni ‘jo ‘au. Ana idore ga, ma asiti oga anzo si vua le si.
Ki ma ma itiri ka loso dii ido ‘e ka iyo. Kinya amvu gaa dru, Ama ta zi idele kpe mido enzi zi udi ri ide ka odu cidru si. Mido engwi ka enzidipi di di vua di di. Kinya amvu 10, Molu enzidipi, mengwi enzidipi rere na onde andrani ati ri isa ra. Ma ‘i Yesu ni di amvu kinya 10, ki lejo ehwi ce ma olujo enzidipi ni dii hwa aludi sa ecoru ku. Ma ta eri ‘ai dipi vua enzidipi.
Tee jo ma ‘ngo, “♪Owolara ka ma ari kpe! Jo tee’ ma andra ti ni mindra koje tau sa ‘i, ledi ka ma ori ni du kpe, ka ma enzi kinya ‘a ri je kpe! Owolara ka ma ari kpe!♪” Mowo saa cidru ma enzi ide jo ra risi.
“Rubanga madri, ayi nyebe mani enzi alu ma idele disi le ra. Nyebe mani vu alu di le ra, vua hwa draa mide enzi zi di ku.” Andrani masa jo mide enzi ni, milegi o`du ndi ndi na. Ma ma zu gbunyu ama jo dri ri iga milegi okposi abiri taka o`du ndi ndi ina tro. Adusiku urata madri ri engwi mani anzi rere, mowo vua ma Rubanga ni zi `ausi kebedru mani ra si. Ki tesa o`du inajoadru ri si, ma ma itiri loso rere mako midoa urale driale maca ana andraga wa.
“Ziiniga, Aje ma enzi ni di. Alleluya!” Disidru draa mefu pi ako molu dri anzo si gaadru. Ki mgbe gaadru mido ziniga enzi ide ka di vua ma enzi ido zo ka. Ako maci ovi ani joisi ma idele ledi ide ka tro di di andra ga. Yesu ni ‘aika ana idore ga ni karitiri ta retu ri ‘i, ki maci ‘autro andra ga di, enzi ma idele ri ido ga ka kendre orinya gadi jo ebule ku ri ‘ia ri ani.
Kinya 10 di ‘a vu ga, mecoru enzidipi rere na oza andrani ma lidri di idojo kuru ri isa ra. “Ki gba ma ‘i mani Yesu ni ma lidri ni ‘a eze rere dini adu si? Esu kolu loso rere mate mani paka oli ma kinya koca 80 kpa ri ‘i, ki le kole kesu maca drare kuku. Esu, Ma asiti aza enzi si sa ku vua ra zi sa kolu mani ma enzi ni rujo odu cidru si iyo.” Madri esu adri muraa meya molu Rubanga ‘a le si, Ki mesu okpo. Meya mitiri nyi raa ma dri ociru ra ani!
Mido Rubanga ni undru ka vua mido ani undru le. Adu saa lejo Rubanga dri ri lare ga kinya ubi ki kinya ubi ku ‘a vu ga, ma asiti engwi sa ondo rere ta ako. Andrani ma idore bugu lare ovi dini dri ri idri kuru rii, majoa madri ale meya molu ma’di ole rere ungwele Damieni dri ani, mako odu bgolo aci rere ri idri anzo si ku. Ajo hwa meya meco ma urata dii ku, ra rii nosi meya ma ‘ba konyi leka ri ikonyi ma ngasi ‘au.
Ki ma ta lare lidri ‘ba ole ri dri ri idri rii, Ajo mangasi masa ale molu ‘ai ani. Mido lidri mgbe mgbi ri ecole mani ma ngasi. Mido wole gba simeti okpo di idri vua ziti si milegi saa alu ndi. Diivu, mido itirile ‘a kendre ilegi madri ri ‘a konyi ni nza ani mako mido ‘a mitirika ma ngasi anda paka andra ga sa ‘i.
Kinya amvu 10 di, Ama hwa ziniga mbale di si kpe. Disidru mido ilegi le Rubanga dri. “Ama Rubanga ni bu ‘a ri, ayi nyari mani ma. Ma ‘i nyi ma asi cidru si. Ani ote hwa ma olu ka nyetro saa cidru si nya andrati ni ndrure ga dii meco ‘a kpe tee ‘jo ma’di zi koba ili ma gboro ga sa ‘i. Ki tee migeni nyi ma asi cidru si sa, ‘a ga ma ma itiri ta ako ta ma ‘a iyo adu si? Ma dri ociru ra dini adu si? Mengwi gba enzidipi unzi rere gbu sa ma engwire kuru ri ‘i dini adu si? Esu oku sa mura ta enzi dri nza rere ni kuru. Meya migeni nyi di meya mura di ‘ae unzi rere oza andrani eze amvu kinya ubi ma ma ‘ai ni bajo nyiru rii ra adusi ya ‘i. Aduta karide ma tro dii ni?”
Ki meya ako ani ra ani ra. Ma ‘i Rubanga ni mani lari esu ka ma enzi ni ‘a ni ako. Esu saa na si ani anda ku, disidru ma ji ka mbi isa adu rere.
Enzi ma asiti ga ri si, ma lejo ehwi Rubanga ‘a layu kiza si di dri nze ingo ni? Majoa ‘ba ziti ri ni kigeni ki Yesu ni ‘au ni ingo ni? Milegi di di. “Rubanga madri, Draale ma ma fonyi iko Seminari ‘a vua adi ma eco ebu idele nyini ‘ba nyi dri ‘a dri ndrejo udi ‘a dru. Ki ‘jo mengwi ma’di ‘ba dri ndredi rii dru enzi tro dini, ma enzi ‘ba ni ta nze layu dri ingo ni? Masa ma mangasi enzidipi ki ‘jo ala ofu majugo Paulo ‘a sile rii ni mesu ‘jo ma’di esu Endri Kristo dri rii kuru, karuni ani Rubanga ‘a ‘bara ‘i ku. Ki tee ma ndru kaa ni kolu mori si ani ingo ni sa, Endri Ole rii ma ru ga iyo. Mitiri taa ido nga sa ondiku ledi ani, ki oko eya ‘oe iyo. Adu ta ideru ni? Ale nyijo ma ni di aduta ideru ni ya ‘i, Opi.”
Gbadru, ra ani munza ma ma ngasi ra ‘i adri muraa ma ngasi mesu layu ma Yesu ni ‘ai ka leti ali ‘a dru ri si si. Micandiru ta di si kinya ubi.
Rubanga uba tati ana ngasi ‘ba cidru ani ndruka ri ni ra. Esu ma anda ani dri ri si tati ‘a asere ga. Ma ‘i Yesu ni di sa dri kinya 10 sa molu dri enzidipi, ki ace mera zumadi Yesu ‘a batisimu dri rii ana ari tro di, vua ako mera rulika Ofu Oku ri ‘ia ri ‘a ehwi ni di vua ‘jo mera rulika endri si Ofu Udi ‘a rii ni, vua ako ‘jo mera vua ma ‘i zumadi lari dri batisimu Kristo dri si rii ni, candi madri rii cidru ‘koe iyo. Ma endri engwi igwe bu ‘e kendre lofu ani.
Nyini sa kolu ani ani. ‘Jo nya ‘i ofu loso batisimu Yesu dri si rii ana ari tro ni, nyisa nyengwi enzi ako. Nyolu dri draasa ndi ku, ki dri nyolu anda. Ki ‘jo idu anda dii nya asiti ga ni vua ‘jo iba ‘ba ziti ri oni ni, kaki ‘aisa lari esu ra vua kaki ko kaki Rubanga ni ecu ra, Kaki uza “Alleluya!”
Ale manzo andrunzi amvonzi tro ‘aia layu esu ka ra si. Ma Yesu ni anzo ana ama arika ama enzi cidru ri ‘ia ra si. Alleluya! Asi egbwe retu ri si amesu lebe ama enzi cidru ri idri ‘a ra.
Ani gba tutu retu badia ama anzo retu ri esu ta ama idele ri si kpe ri ‘i. Anyiba ongo ki longo kare alu ga. “♪Ru driaru ri engwi zumadi, ki dri driasa anze zumadi dii ‘ba cidru ni ta cidru ri tro kuru. Obe ani angwe kendre oni ebu ‘ba a gale mgbe ri ani, disidru ru driaru ri engwi ta loso rere ri ani ma asiti ga ‘i♪”
BATISIMU YESU DRI RI ‘BATI ANA ARITRO ATE TRI ONDE ATE ISA RA ENZI ‘BA ARI ‘JO ‘I
Ta enzi cidru dudi
ama asiti ga si pi rii adu?
Batisimu Yesu dri ri ‘i
Yesu Kristo oje enzi cidru vudri rii pi ana batisimu si vua ana ari si. Oli ama ru ni endri si ra oko oba amengwi ana ‘ba ti ‘i. Adusi ani Rubanga ‘ba tile Endri si di ri ‘bati dri ri ‘i.
Ki tesa lamgba enzi dri rii `aa. Ki Yesu le esu batisimu vua esu lamgba kuruce dri rii lari hwejo ama enzi `ba cidru ni. Ari driaru risi ari ama cidru, vua onzi lidri di o`du inajoadru ri si. Ondiku ama Ata Rubanga inzi Yesu ni draga si ni.
Lidri Yesu dri rii ama lidri ‘i vua lete ama olujo ‘boronzi Rubanga dri ‘i ri ‘i. Batisimu driaru ri odu ama enzi ni cidru pi vua ari Yesu dri loso kuruce dri di kitedea odu lamgba ama ru ga rii ana ngasi ana dri ga.
Ma ozi ma lele ndro ri, nya asiti ga lete Yesu ‘a batisimu dri dii ana ari dri di tro ‘aa ‘a? Ale mazi nyi ziniga di. Lari ama dri ri emu tete ari Yesu dri ri si ‘a? Ku. Emu batisimu Yesu dri ri si ana ari tro eri truwa si si.
MA’DI ENZO INI DI RII ADI ‘I?
Ma’di enzo ini di
rii adi ‘i?
Ma’di ani isiki di ana ngasi makaa
batisimu Yesu dri ri
‘aidi kpe ri ‘i
Ma ozi ma lele ndro ri, Ijo nya ‘ai Yesu ni ‘a rii nya lidri ni ‘a odu cidru si sa nyolu dri enzidipi ‘a? ‘Jo nya ‘i Yesu ni ra sa dri nyolu enzidipi, karuni nyi ma’di enzo ini di ri ‘i. Enzo ini ka ni lejo Rubanga ‘a anda dri ri ga ka mgbe ‘i. Tito 3:10-11 ojo ta enzo inika dri, “Ma’di ‘ba lofo anzu di ri ni nyi’ja vu eri vua oba bi laka ku, anyini cuwidru ma’di ani na ani naa ka enzi ide, vua ana ego ana ngasi ri itede- ani ego.”
Ma’di ana ego-ana ngasi ri a itedele tau ri kojoa, “Rubanga madri! Ma ma’di enzidipi ri ‘i. Ki ma ‘i nyi ra, ki dri draasa molu enzidipi. ‘Jo tee ta ma’di zi ‘a jole ri kolu adu sa ‘i, Ma ma’di enzidipi ri ‘i vua ani kolu di loso rii ingo ni ya isa ote.”
Ki Rubanga koko kojoa laka, “Kumbe dri driasa nyolu enzidipi ‘a vua dri nyi ma ‘barangwa ‘i ku ‘a? Jodini ri, nyi ma’di enzo inidi ri ‘ia, vua nyitiri adi nyi be aci olure tadru ri ‘ia ra ‘a.”
‘Jo nya ‘i Yesu ni ofu loso Yesu ‘a batisimu dri ri ‘aika nya asiti ga ni ako, iko nyigeni nyi nya ngasi ma’di enzidipi ri ‘i oko nyi enzi ru Rubanga ‘a andra ga ‘jokaa dri draasa nya endri kolu enzi ‘a si, karuni Rubanga ‘a andra ga nyi ma’di enzo ini di ri ‘i.
‘AI ‘BA ANDA RII ADI TI ‘I?
Sadini Rubanga dri
lari dri rii ingo ri ‘i?
Eyi, ari, vua Endri
‘Ba cidru ofu loso Yesu ‘a batisimu dri ri igeni ka ana ari tro rii, vua ‘ba cidru engwika ‘ba Rubanga drii ri ‘i, vua ‘ba ‘aia enzi cidru ri ojeru pi engwiki anda ri ‘ba ti ‘i. Nyolu gba enzi ‘ba dru di ni ingo ni ‘jo nya ‘i Yesu ni ra ‘i? Enzidipi ohwi aludi sa opi bu dri ri iga ku.
‘Ba engwi ka anda ‘aia sadini Yesu dri ri igeni ka si ri ‘bati ‘a asiti ga sadini Rubanga dri rii ‘aa. ‘Aia sadini ni batisimu Yesu dri ri bati ana ari tro. Ebu lari dri dii ta Yesu Kristo ‘a idele vu di idri ri ‘i.
Disidru, ma’di alu alu ledia ofu loso batisimu dri Yesu si enzi cidru ri dudi pi ri igeni di kuru rii adi ana run ni ga ‘ba Rubanga dri rii lofo si angwe.
Ma adri nzi amvonzi tro ‘ai a ri, Anya ‘i anya asiti ga lari enzi ‘ba dri rii tete ari Yesu dri ri si adite ku ni ra ‘a, ki nya ‘i trosa eyi Yesu ‘a batisimu dri ri si ni ra ‘a?
Ki ma’di alu alu ebu Yesu ‘a idele vudri di ‘a ri ‘aidi rii, vua ma’di alu eyi ni aidi, ari ni ‘aidi rii, ka lari esu enzi cidru dri ‘a ra. Dii t ace vua ciri ofu loso eyi dri ri dri, ari dri ri dri, vua Endri dri ri dri ‘i.
Yesu oje gbadru ama enzi cidru dri ‘a pelere ana batisimu si ‘ausini enzi ‘ba cidru ka lari esu ani si. Draa, gba ‘jo nyi geni Yesu ni ni, ra zi alu di sa nyini olu jo enzidipi dru iyo.
Yesu inzi ama dra cidru dri ‘a ra. Aria ama endri ni endri dri badi lotu engwi di enzo lini mbi Sitani dri ri si ri ‘i. Yesu ole ani kesu endri cidru engweka di ri ni. Rubanga ide ebu cidru Yesu si ofu loso eyi dri, ari dri, vua Endri dri ri si. Ungwe ama ra vua draa ama layu esu ra vua ama lari esu ani si ra.
Nya ‘i dii ra ‘a? Ale majo anyini lari ni tete ari Yesu dri ri si adite ku, ki ana batisimu Yedu dri ri bati ana ari kuruce dri ri tro eri truwa si si. ‘Ba ‘aidru ‘jokaa ‘ai esu lari tete ari si rii kolea koni ki cuwidru dri enzi olu ‘aia asiti ga ‘aa.
Ama kpo odri kuraa ledi ani adri ama uraa ari Yesu dri ri ate ama lari ni ra. Amura dii ati ati ra, ki draa kole eraki di oca ku. Esu ki lari vua esu ki oti udi Endri si rii ama Kristo ni ‘ai ka si, ani ma’di emudi eyisi, ari si, vua Endri si ri ‘i.
Enzi ‘ba cidru ka ruti di ‘aia ‘ai Yesu ‘a batisimu ni dri ri si ana ari tro (ofu atijoadru Yoana ‘a sile ri ‘i 5:5-10). Anyiba ecuki Rubanga ni. Alleluya!
