- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `I 5: Enzi ruka leti anda si
[5-1] Enzi Ruka Leti Anda vua Ce Ri si (1 Yohana 1:9)
(1 Yohana 1:9)
“Ki jo a`i enzi amadri ra, Rubanga ni anda vua a`di igeni ‘a wa ka ama enzi ni ebe ra ka ama je ta cidru ama dri unzi ri ‘i’a-pelere.”
OFU LOSO ARI DRI ADITE RII OFU LOSO NDI KU RI ‘I
Geni te ofu loso ari dri adite ri idri
risi ama to Opi `bu dri iga wa ya?
Hwa kpe. Kole a`iki ofu loso ndutu ri ‘i
(ofu loso Eyi dri Endri tro ri ‘i).
Ofu atijoa Yohana dri 1:9 ka ta nze tete ‘ba anda ri idri. Jo ma’di enzidipi layu esudi driso kuru rii kobi ana enzi ni akule le`jo rusidi ewo di iga disi vua jo tee kojo ta ego ana idele rii ni sa, enzi driaru ri eberu ku. Indre ta majole dia dii ra ku le? Le`jo ehwi di ka ta jo enzi ‘ba tile Endri si di kuru ri ‘bati idri ku.
Vudri dia ‘ba rutika oti Endri dri si kuru rii amgbu, Ki kaki le`jo rusidi ofu atijoa Yohana dri joti nza alu nidi du kakiko kaki ilegi kaki aia enzi ni ru ausi, kaki uraa aia enzi ka rebe ra.
Ki gba ma’di tile Endri si di kuru rii ka layu ndutudru ri esu ana enzi ni ‘a ilegi enzi rujo risi wa ya? Ani dii gbadru le`jo okpo rere kole oni ta driaru kpa odriko wi’o vu andra ga ri ‘i.
Oca dri ofu atijoa Yohana dri di lare ku, kole nyibi ehwi ani erile kpa di majugo Yoana ni ma’di anda ri ‘i ya kusa nosi di enzidipi ya ‘i. Majugo Yaona ni ma’di anda tile Endri si di ana ofu loso eyi dri Endri tro ri a`ika si ri ‘i a, jo nosi ani ma’di enzidipi ri ‘i, ta nya igenile ri si Bugu Ole ri kitede ‘a nyi ego. Jo majugo Yoana kolu ma’di anda ri ‘i ma’di tile Endri si di ana Yesu ni a`ika si ri ‘i, ka ritede pelere ehwi ani a`i driaru rii oviru nyidri ri tro ku. Kole gbadru nyisa a`i nyidri kolu alu koviru majugo Yoana dri di tro vi.
Draa mazi nyini lazi zi. Jo dini ri majugo Yoana ka ofu ledi bati si ‘ba anda ri bati ni ‘a nosi enzi ‘ba ni? Majugo Yoana ka ofu dii si ‘ba anda ri ‘bati ni.
Disidru, jo enzi ‘ba tile endri si di kuru di ‘bati ondre ofu atijoa Yohana dri 1:8-9 nidii ni mgbe kaki obi’a aietro, di kolu ce ku. Jo nyini engwijo anda, nya ‘i nya enzi ni Rubanga nandra nyiko nya ‘i ofu loso eyi dri Endri tro rii au. Diivu Opi koko ka nya enzi ni je ndutudru ofu loso draa dini sa enzi cidru vudri ri ‘a rujejo risi.
Majugo Yoana ‘a a`i ni di ani. Ofu atijoa Yohana dri ana joti nza rii 5 niga ojo anidri a`i “eyi ni dri aa, ari nidri aa, vua Endri ni sa aa.” Nya ‘i Yesu Kristo ni emudi eyi si, ari si, vua Endri si rii ra ya? Nya ‘i Yesu ni emudi tete Kuruce si ri ‘i ya, ku sa ana batisimu ‘i ya, Ana ari ‘i ya, nosi ana Endri ‘i?
Nyihwi Opi `bu dri iga tete ofu loso ari dri a`i ka au a`dite si wa ya? Jo nya a`i ni tete ofu loso ari kuruce dri ridri idri, karuni ini ofu loso rii nusu. Vua jo nya ‘i te ari kuruce dri rii au, lunza ako nyesu ‘a nyilegi nyangasi enzi ru ka si o`du cidru si. Leco ni nya a`ikaa nya enzi ka ruje pelere rii nya ilegi enzi rujo risi ‘i ku.
Ki gba nya enzi ka ruje pelere wa ‘a jo tete nya ‘i ari kuruce dri rii au ‘i, kusa jo iru nya enzi ni nyilegi ilegi enzi ru jo rii o`du cidru si ‘i? Jo nyi ‘ba di ani di ‘a alu ‘i, karuni enzi nyidri ri kolu nya asi ga, a`dusi ma’di zi alusa enzi anidri anangasi ri je di ari kuruce dri risi ani iyo, kusa nosi ilegi o`du cidru si enzi rujo risi ‘i. Jo nyi ‘ba di ani dia alu ‘i, karuni ini driso ofu loso eyi dri Endri tro dii ku, disidru a`i nyidri rii kpo ku.
Majugo Yoana otiru Endri si di a`dusi a`i ofu loso eyi dri ari dri vua Endri dri rii ra. Ki nyidri nya ‘i tete ari kuruce dri rii au. Jo nyeri ofu loso ri ‘a ehwi ni nyangasi anda anda kuru, nyi ‘ba ziti ri ‘a dri se lari ga ingoni? Itiru nyangasi Endri si di kuru di ‘i, nyi nyi imba layu esujo nya enzi ni ‘a ilegi enzi rujo risi di ‘i. Di ide alu sa ebu ku.
Jo ma’di kimba ani ilegire ga enzi ruka tro ingo ni sa, ana enzi ka ruje ana asi ga si kpe. Jo nyi nyi itiri saa ziti si kendre nya enzi ojeru pi ani, ledii karuni ta nya urale nyangasi ri ‘i vua mori nya urata dri ‘i. Jo nyilegi vua iru enzi ni, nyitiri ‘a ahwa nyesu lovu ra kate ahwa o`du alu kusa ubi. Ki alusa nyengwi enzi ako leti disi kpe.
Enzi ‘ba kilegi vua kaki enzi ru, kaki uraa ai ka rari aia enzi ni ‘a si ra. Ledii ta aia Yesu ni a`ika oca draa para ni ra sa dri aia olu jo enzi tro ri ‘i. Oniki ofu loso eyi dri Endri tro rii ku. Jo nya ‘i Yesu ni ra ki driso itiru Endri si di kuru ri, nyolu ‘ba na ‘bati ani naa alu ‘i ni wa. Jo nyi bi’a lebe nya enzi dri esuka ilegika vua enzi ruka o`du cidru si si, ledii sadini tau ri ‘i ehwi ani itiru dri Endri si di kuru. Kole nyama di nyi ofu loso eyi dri Endri tro ri a`i kendre majugo Yoana ‘a a`ikaa ri ani au ya ‘i, kusa nosi di nyi nya a`i ni ba urata nyidri nyangasi ri idri ta nya itirile ri tro ya ‘i. Alu rii ta ce endredi tau ri ‘i, vua zikajo rii ta ce ri ‘i ku.
Ofu loso ce Bugu Ole ri ‘a jole rii Yesu esu batisimu ra ‘i vua odu enzi vudri rii vu alu vua ate tri ‘i vua esu lamgba enzi cidru drii kuruce dri si ra ‘i. Jo ma’di a`i batisimu Yesu dri rii ana dra kuruce dri rii tro au, ka lari esu ana enzi ni ‘a vu alu kate tri. Ovi zi si, Jo ma’di koma ana enzi ni je ka ilegi enzi ru jo risi ingoni sa, alu sa kengwi kulala ana enzi nidri ‘a kpe. Nyitiri nyi nya enzi o`du cidru si ri era wa ya? Rubanga ebe enzi nya rule kuru ri isa ra ya? Ilegi enzi ru jo o`du cidru si rii leti ama dri luci enzi tro o`du cidru si ri dri ‘i ya? Ku.
ENZI RUKA ANDA RII LETI JO’JOADRU ANDA RI TRO
Enzi ruka ti e`bu loso ri tro
ti ki na komba ingo pi?
Jo tee ama ru enzi ama dri rii ama lidri
‘a ru sa, hwa ama rari kpe nosi enzi ama
dri ru ka recoka e`bu anda vua
loso ri ideka si sa‘i.
Enzi ru ka Bugu Ole ri ‘ia rii ogu ecoka a`i mbi ri iga si a`i ce vua loku ri iga ‘i, vua anda ga ‘i, ehwi ani enzi ma’di zi dri ndreka ‘i vua dri edaka ingwe ofu loso ridri iga ‘i.
Jo draa sa nyolu dri enzidipi, kole nyiru enzi ovi disi. “Rubanga madri, Mide enzi ra vua esu kole sa oze ma aci olure tadru ri ‘ia. Ki ale mesu lebe ma enzi ni ‘a. Ayi nyari mani ma ma enzi ni ‘a cidru si. Ati driso ru Endri si di kuru, vua ani ote mumbe ru ra yale aci olure tadru ri ‘ia.” Diani dii enzi ruka ce ri ‘i.
Jodiniri enzi ru ka ‘ba tile Endri si di ri ‘a jole rii ingoni ri ‘i? “Rubanga madri, Mide enzi ru madri si ra. Ma ‘i Yesu esu batisimu Yoana Batisita dri mani lari hwejo ma enzi ni ‘a cidru ni ra, di oko enzi ma idele dri ‘a di isa tro, amala esu kole madra ma enzi di iti. Manzo Opi ni ana ma arika eyi si vua Endri si si ra.” Enzi ruka ‘ba tile Endri si di ri ‘bati dri ni ‘ba tile Endri si di kuru ri dri tro ovi ru ku.
Anyiba ‘ba sa a`i ‘ba dri kolu majugo Yoana dri ani. Jo nyibia nya enzi ni ani le enzi ru ka ce ku di ogu, alu sa nyi lari esu dra dri ‘a kpe, a`dusi dii dra ‘a musara ‘i.
Enzi ‘ba cidru tile driso Endri si di kuru rii kole kebeki ranika ilegi enzi rujo ri ogu ra rarii kidoki ofu loso ce ofu loso eyi dri ari dri vua Endri dri rii igenile au. Kole koniki a`i majugo Yoana dri ni au vua koko koba kaki lari esu ra.
Enzi ‘ba ura ta alusa di lamgba aia enzi drii keya kolu unzi rere ani ingoni ya nidri sa ku. Enzi unzi rere Rubanga nandra ndedia rii ofu loso rutijo di eyi si vua Endri si rii a`ika ku ‘i.
‘Ba cidru Yesu ni a`ika ra ki dri dri oti ki ru Endri si di kuru rii kole ka ‘i ki kiza Rubanga nandra kojo ki, “Opi, Ma enzidipi kole owa aci olure tadru ngwedi ri ‘ia ri ‘i,” kole nyolu jorea ga, “Opi, ayi nyije mani ma enzi ni pelere.” Jo gba ma’di enzidipi ri oba ana asiti ga Yesu ari ani batisimu ana esule Jurudano ‘a risi ‘i, ka lebe enzi dri esu enzi ana idele ri ‘ia si ndutudru ra. Dii ovi enzi ru jo anda kole esu ma’di enzidipi ri kide Rubanga nandra anini lari esujo ri ‘i.
Ma’di enzidipi rii kole dubasi ka ‘i ani oti dri ru Endri si di kuru kole dubasi ka ‘i ofu loso eyi dri Endri tro rini. Koko gbadru ka lari esu vu alu kate tri. Ofu loso eyi dri Endri tro risi, lari enzi ‘ba dri ‘a le`jo oko ra. “Adi rarika esu anisi adite disidru ma’dizi alu sa, vu ndutu dri Rubanga ‘a ru ehwele ‘ba ni rari ‘jo ausi ani iyo” (Ebu maju ‘a idele ri ‘i 4:12). Rubanga ari ‘ba cidru aia enzi ni ‘a bakaa ana Ngwaapi ni, Yesu ‘a, batisimu esu ka Yoana Batisita dri si vua ana dra ka kuruce dri si.
Opi oje enzi cidru ‘ba ‘a idele ai ‘a ru si rii ai ‘a idele aia asi si eri jo ai tijo ri inga rii paka aia dra jo ri inga ri tro. Kole dubasi aiki ofu loso ce rii au ‘bani rari ‘jo wa ‘i. Ani dii tete leti alu ama ni rayu ‘jo ama enzi ni dri ‘a wa ri ‘i vua ama ni engwijo ole enzi ako ausi wa ri ‘i. Ama engwi anda vu alu vua ‘bo’bo dru jo gba ama ‘i ofu loso eyidri Endri tro rii ni ‘i.
Yesu esu batisimu ra, vua odu enzi cidru vudri rii pi, uhwe lamgba dii cidru kuruce dri si ana lidri si, onzi lidri di o`du inajoadru risi `i vua draa dini ori dri nyare Rubanga dri ri iga. Dii lejo ce ri `i.
Kpo any ba ‘ba sa oru ki enzi ovi di si. “Opi, ma ta zi ide kpe ki ma enzi ide paka odu ma dra jo ri si. Engajo gbe ma endre ni ‘a sa oti ma enzidipi, vua esu draa dini enzi cidru ma idele di si, esu kole owa ma aci olure tadru ri ‘ia. Ra disi dru, ale ma ‘i Yesu ni au, adu si emu eyisi, ari si, vua Endri si oko engwi ma Aridipi ‘i.”
Kendre ondi ana rusi ka Mateo ga ana joti nzago rii 3 ni ga ri ani, ojo ru Yesu odu enzi vu dri rii cidru pi, di oko enzi ama ide le paka ama udra ‘jo ri inga ri isa tro, ide ta dii batisimu ana esule Jurudano ‘a ri si. “Anyi lejo anda ri ni ote vua lejo anda ri koba anyolu ‘ba kulala ri ‘i” (Yoana 8:32).
Kesu Yesu kari ama enzi ama tijo autro ri iga koko kojo ama ni dri ‘a ama ndre ama dri ni ama ngasi lejo ama ru ziti ri iga ‘i, icandi amadri kolu ‘bo’bo dru. Ki Yesu ebe ama cidru kulala enzi amadri ri ‘ia ana batisimu si vua ana ari si. Jo dini ri dri ‘a ori ka ama ko adu si? Jo ama ‘i batisimu Yesu dri rii ana ari kuruce dri ri tro, vua ama nzo Opi ni ni, Endri dri ‘a ru ri kolu ama asiti ga.
Jo dini ri nya ‘i Yesu ni ra ‘a? Nya ‘i Endri dria ru rii kolu nya asiti ga ni ra ‘a? Kole nyini ote cuwidru enzi nyi drii cidru oba ru Yesu ni ru saa ana enzi vu dri dure ana batisimu si ri ‘i. vulega evu oli lamgba dri ‘a ru kuruce dri, layu hwejo amani candi ru dri di iga. Dii ofu loso ce ri ‘i.
ENZI RUKA ‘BA ANDA RIDRI ‘I
Enzi ruka ‘ba anda ridri
rii ingoni ri ‘i?
Kole ka ‘i ki ai ka enzi ide o`du cidru si ki
rari aia a`i kolu le`jo ehwi ce Yesu oje
aia enzi o`du cidru si rii ate dri
‘a ire kinya 2000 ra nidri.
Ofu atijoa Yohana dri 1:9 ojo, “Ki jo a`i enzi amadri ra, Rubanga ni anda vua igeni ‘a wa ka ama enzi ni ebe ra ka ama je ta cidru amadri unzi ri ‘ia pelere.” Di ‘a ehwi ni ma’di alu alu ai di ‘a anidri ani ka ofu loso eyidri Endri tro ri ai au rii kole koru ana enzi ni, ko‘jo, “Opi. Ma ma ikonyi kpe ki rarii ma enzi ide ma lidri ‘a ru ki ani cuwidru hwa alusa ma lari esu ma ilegi odu cidru si enzi ru jo di si kpe. Ma ‘i ra enzi ‘a musara ni dra disidru ta zi iyo te batisimu Yesu dri rii dra ani dri kuruce dri rii tro rii ka ma enzi ni cidru je pelere wa rii ni. Ma enzi ru odu endru di si ki gbadru ma ‘i ra ma ‘i gbadru Yesu oje enzi cidru ma idele-endru rii Jurudano ‘a ate dri a ire kinya 2000 isa ra.” Jo ma’di kilegi di ani ovi di si, lejo cidru enzi dri ana urale ri ‘a lejo koko vu alu ra.
‘Ba draa dini sa rutika Endri si di rii kole koru ki aia enzi ni. Kole keri ki ehwi ani cuwidru Yesu ebe enzi cidru ai idele rii ra. Amala Yesu ‘a batisimu esu ka vua ana dra ka kuruce dri dria ire ana ate ka kinya 2000 si, jo ‘ba kolu aw’i ako ani ingo ni sa, aia enzi ni cidru si oje ru pelere.
Lejo ehwi ama lale endru dii ani lejo okpo rere ‘ba anda ri ni ri ‘i. Ki jo enzidipi odu lejo dii oko ebu leti ego ri si, zeleti dri ‘a ru keko aci olure tadru ri ‘ia. Gba ondre ni dru, ani lejo Bugu Ole ri ‘ia vu amgbu si rebudi leti mbi ri si ri ‘i. At e dri ‘a kinya tere tere dru Kristo ‘ba oma ehwi ani erile aia lofo ga kpe.
Lejo ehwi zi kojo ‘a dakitari ta su di su rii ka avu ‘ba di ra . Jo dakitari ta sudi su rii ide ta amvu ana nile ote ri ‘a dri ni ra, zele ti ‘a keko ka avu ‘ba di au.
Ani lase lidri dri ‘i ma’di ni lini esu ‘jo vu ta ni jo ote ta cidru kole kide ri ide ‘jo anda ca pelere. Lejo ai dri isa ‘a ehwi ni ondiku alu ‘a ledi ani. ‘Ba cidru lejo Rubanga dri ini ka rii kole kesu ki aa ‘ru lini ce rii kendre ondiku ana rusika ri ani rile ‘rile vua anda anda, vu ‘ba cidru ai eri ka rii kole dubasi aia ai kolu ta cidru inile ai ni ri idri aa.
Jo ‘ba ofu nze ka rii ka lini mbi ri hwe ‘ba aia vu koka ri ni au, kusa ‘jo ai ‘ba ka Bugu Ole rii ini mbi mbi, zeleti ki ‘a koko ai ni eritruwasi lamgba vua aci olure tadru ri ‘i. Tete ‘ba tile Endri si di rii ka Bugu Ole rii ini ce rii ni. Eruwa loso ri isa ka laza ‘ba di kpo wa jo oze driba ebu joadru rii anda ku ‘i, oviru lejo Rubanga dri inile vua ni le di tro vi. Ani okpo rere kendre aci ani lidri ama dri iga ‘i. Ki kendre ondi jo oba aci baranga dri ‘a ana icandi eji ka ri ani, lejo Rubanga dri isa ka icandi unzi ledi ani ledi eji dri mbi ri ‘ia au.
Anyi ba eri ki vua oniki enzi ru ka ana mgbi mgbi ‘ba anda ri ‘i lofo ‘ba enzi ‘ba ri tro ri ni. Ofu atijoa 1 Yoana dri 1:9 ni ‘ba anda ri ‘bati ni. ‘Jo ma’di anda rii ojo ana enzi ni Rubanga na ndra ai si, ka lebe laka ri esu ra adusi Yesu ebe enzi vudri rii cidru ate dri ‘a ire kinya 2000 ni ra.
Ani ta gba ego rere ri ‘i enzi ‘ba ni urajo ‘a dru aia enzi ka rebe saa cidru aia ilegi enzi ru jo ri ilegi ka si ‘i. Jo ma’di zi oti dri ru Endri si di ku ru, gba enzi driaru ka ruje pelere enzi ruka danga disi wa ya?
Rubanga ni anda. Eze ana Ngwaapi ni alu tende rii vudri di ‘a oko oba odu enzi cidru vudri rii ana batisimu si vua oko ari ‘ba cidru eyi ana batisimu dri a`ika ana ari kuruce dri rii tro rii ra. Disidru, jo ma’di anda ri ojo enzi ani drii ni, Rubanga kojo ‘a laka Yesu odu dria dini sa enzi vudri rii ate dria ire kinya 2000 ni ra. Ma’di di koko koni ‘a cuwidru draa ani dri enzi iyo ‘i, tee ru driaru ri kaci enzi ideka tro andra ga sa ‘i.
