- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `i 7: Le`jo mbi lini rubaka maraga ti idri lungwe Rubanga dri ri tro ri `i
[7-1] Enzo Ehwi Erile ku Leco Amadri ti Rubadi Oku lupe Okpo ri si ri ‘i (Roma 8:28-30 ojo)
(Roma 8:28-30 ojo)
“Oni kpodru sa ote Endri oba ta cidru ka ebu ide kare alu ga leti anda risi loso ‘ba Rubanga le ka vua ungwele ebu ani dri iga rini. ‘Ba Rubanga ‘a upele eze ra rii oba ‘ai maraga, ‘ai ecole ana Ngwaapi ani, ‘ausini ana Ngwaapi kolu dru kayo adrunzi lofo ri ‘i. Disidru Rubanga ungwe ‘ba ani ‘a upele ra rii, vua ‘ba na upele ra rii, ‘ai ai olule ani andra anda, ‘ba ana eku hwere ai ni ra ri ‘i.”
“Oni kpodru sa ote Endri oba ta cidru ka ebu ide kare alu ga leti anda risi loso ‘ba Rubanga le ka vua ungwele ebu ani dri iga rini. ‘Ba Rubanga ‘a upele eze ra rii oba ‘ai maraga, ‘ai ecole ana Ngwaapi ani, ‘ausini ana Ngwaapi kolu dru kayo adrunzi lofo ri ‘i. Disidru Rubanga ungwe ‘ba ani ‘a upele ra rii, vua ‘ba na upele ra rii, ‘ai ai olule ani andra anda, ‘ba ana eku hwere ai ni ra ri ‘i.”
Rubanga upe ama
ziti rii ‘au adu si?
Ka. Upe ama cidru
Yesu Kristo ni ‘a ra.
Lejo driba runze di lejo Rubanga dri ri si layu dri kusa lupe dri ri ‘i, ‘ai dii gba ta okpo rere ‘ai Kristo ‘ba dri ‘a zele ni badi ri ‘i, oba ‘ba cidru lekaa ‘ai ka ‘i Yesu ni rii oma ki lejo Rubanga dri ria ehwi ni eri le kpe. Lejo ehwi anidru goga ako dri di eji dri luci da sa ku.
Lejo ehwi runzedi lini Rubanga dri mbi ri kojoa engwi ka ole dii ta Rubanga ‘a ti ubale ‘ba ana lele ndro ri upe ‘jo ki lali li ‘jo ‘ba ana lele ku ri idri ri ‘i. Dia ehwi ni ‘ba ‘aidru ‘ai kaa ra na ‘bati karuni oti ‘ai di eyisi vua Endri si vua bu ‘a ‘ai ai anda ki ‘ba ziti upele kuru ri le oze ‘ai gwele aci olure tadru ri ‘ia.
Ki esu ‘jo tete Rubanga kupe ama ziti rii ‘au, adi maa ta zi idele kpe ra rii adi ki lazi zi ‘au, “Upe ma lari ni ‘a?” ‘Jo upe ama ku ru, ama ni Yesu ni ‘ai ka kengwi konyi ako. Diani di oba ‘ba weli ubi rere ri ka ta ura nza nza rii di Rubanga upe ‘ai ra ya ni dri kovu ‘ai ana ngasi ra.
Jo ama ‘i dii a’u amolu urata dria kulala amako ama Rubanga ni ‘ai au ni ingo ni? Gba loku loku Rubanga upe ama ra ni ama ni ‘a ingo ni? Ama upe di rii kolu tete Rubanga ‘i, tee kojo, “Rubanga ni tete Yudei ‘ba dri `i ya? Rubanga kafiri ‘ba dri ri isa ani ‘i ku ya? Oo, kafiri ‘ba dri ri isa ani ‘i” (Roma 3:29).
Amala ‘ba amgbu ria lejo ehwi anda leco dri di eri ka mbi ki ‘aia asi traka lejo ehwi lupe okpo tro ri dri erire ga si, ori ka ‘ai ko ko kaki uraa ‘ai kevu ka riza ka esu ra tee ‘ai ka ‘i Yesu ni ra sa ‘i.
Efeso 1:3-5 ojo, “Ohweki anzo Ata Rubanga ama Opi Yesu Kristo dri ni, adusi oco tutu ama ‘i ru ra ama remuka Kristo ti tro si, ohwe amani tutu cidru Endri dri engadi bu ‘a rii ra, vu bire kuru rii esu Rubanga upe ama olule ana ‘i Kristo si ra, ausini olu ‘jo andraaru ole vua enzi ako. Ana le si, Rubanga ole ama upeka ana ‘boronzi ‘i dru Yesu Kristo si, dii ta ana lele ri ‘i vua ana ebu ‘i.”
Disidru kole ondreki ovi reco ‘jo ole lejo Rubanga dri ria jole ri bati lupe okpo tro di tro kpa. Ati joadru rii kole eri -ki lejo Bugu Ole ria jole leco dri rii lupe okpo tro rii tro anda anda oko imba ki ama ‘ai ni lari eyidri Endri tro ri si.
Bugu Roma dri ojo amani adu? ‘Ba amgbu ziti lini Rubanga dri ri esu ka ra rii ido-ki ta dri “lupe tasi ku ri idri.” Jodini ri, lini esule Rubanga dri rii Rubanga ‘a? Lini dii ana ngasi Rubanga ‘i ku.
Aninga vu oca rubire kuku sa, Rubanga upe ‘ba cidru Yesu Kristo ni ‘a ra vua eco ana uje ni ama cidru ari jo ra ‘ausidru ani ka ama eco ole si. Yesu ole ama ta-si ku. Oba kengwi Rubanga lanzu dri ‘i ni ku. ‘Ba -lari esuka kuru ri bati ‘a ‘ai ni ‘aia urata ‘aia ngasi ri idri ki ‘ba lari esu ka ra ri ‘bati le kaki ‘aia ‘ai ni ba lejo Rubanga dri rusidi ra ri idri.
LUPE OKPO TRO OFU OKU ‘A RI ‘I
Lejo ehwi le ta si ku
di dri rii ce ‘a?
Ku. Opi ama dri rii ani Rubanga uje –biria ledi
ani ri ‘i ku. Rubanga upe enzi ‘ba cidru
Yesu ni ‘a rii, ‘ausini ani kupe
‘ba ubi ku ‘au si ku.
Bugu Idoka dri 25:21-26 ga, ala ta ‘boronzi eri Isako dri, Esau ti Yakobo tro ‘a dri ga. Rubanga upe Yakobo ni ‘boronzi eri dia olu re dri ‘aia endre ni ‘a si ri ‘i.
‘Ba lejo Rubanga dri ria ehwi ni eri ka anda ku ri ka ani ledii du kendre le ta si ku ri ‘i ani. Dii oviru rubanga enzo ri emu ka Kristo ‘ba tro si.
‘Jo ‘aiki Rubanga upe ama ovi “lupe tasi ku di dri si” ki Yesu Kristo si ku ni ra, oviru kendre rubanga mbi ri ru ka ta Rubanga ku ri tro ra. Rubanga dii rubanga mbi enzo dri rii ku. ‘Jo adi ki dri rubanga enzo dri ri igeni ‘au, adi ki ta ti Rubanga ‘a ubale ‘ba ni ri ga mgbe tati kusa matego Sitani ‘a bale ‘bani ri si ‘i.
‘Jo ma’di eri le Rubanga dri rii ku, ka ru vi ta lidri dra di ri tro vi. Ki ru ‘ai ‘ba ria olu ka ta lidri mbi ri ‘i ku si, adi ki engwi ‘ai ‘ba ce lejo Rubanga dri rusidi Bugu Ole ri ‘ia ri la ka vua ‘ia kaa anda si ri ‘i. Ta ra ka lejo Rubanga dri rusidi ri idri ku ni oviru ma’di ‘a ani hwe ka Sitani ‘a dri ga tro vi.
‘Ai ce ri esu ‘jo, ati rii kole nyi ra ta anda rusidi Bugu Ole ri ‘ia ri idri nyiko nyo ko ‘ba ruti ka Endri si ‘aia ai Kristo ni ru ri si ria vu ni ‘au.
‘Ba Calvinism dri oluki dri leco iyo ri iga. Di kitedea le Rubanga dri rii ana leco tro ‘ba ziti ri ni iyo. Dii gba kolu ce ‘a?
Bugu Ole ri ojo, “Rubanga ole ‘ba cidru kari ru ra” (1 Timoti 2:4). Ki ‘jo tutu layu dri kolu ‘ba ziti ri ni ri, ‘ai ‘ba amgbu ka ‘aia geni Yesu ni ‘a ria vu ni azi ra. Amla, adi kolea ani kigeni Rubanga uje-biria ledi ani ledii rii ni?
Kole anyetro oniki cuwidru ama Rubanga ‘a uje ni biri ‘a dru ku. Ani Rubanga kiza dri ‘i, Le dri ‘i, vua anda dri ‘i. Kole igeniki Yesu ni ‘au vua oko igeniki ofu loso ruti ‘jo di eyisi vua Endri si rii ‘au vua oko esuki lebe ama enzi ni ‘a si cidru ra. Yesu ni Aridipi ‘ba cidru tile di eyisi vua Endri si ridri ‘i.
Kolu ‘ba Calvinism dria jole risi le, jo noisi ‘ba mudri, ‘ba ziti ‘aii lofo rii Rubanga ka ari a ra vua ziti ri le ka rebe aci olure tadru rini gwele. Dii ce ku.
Ka reri sa mbi ovidru ‘jokaa Rubanga ka ‘ba ziti ri le ndro koko ka ziti ri ga mgbe tro vi. Ovi dru nyira dri esu nosi Rubanga ni endru dini sa kolu ametro. Koko kupe tete ‘ba ri ka ana dri nyare ni dri rii ‘au koko kura ana siti ga ‘ba ziti uri ka ana leji ni ga ri ze ka aci olure tadru ri ‘ia, ama ani igeni Rubanga dru wa ‘a?
‘Ba ‘aidru ebele ra na ido uzaka udu ku si ere angala si ku ‘a? Ta cidru bile ri kowo ra, “Rubanga kolu anda ku dini adu si?” lupe ta si ku dii mbi amala Rubanga upe ‘ba cidru Yesu Kristo ni ‘a.
Disidru ‘ba cidru Rubanga ‘a ungwele ru Kristo dri ri si rii upe ‘ai ra. Disidru, ma’di Rubanga ‘a ungwele anidri rii adi ‘i? Ka enzi ‘ba ungwe ‘au, ki ‘ba anda ri ‘i ku. Rubanga ungwe alusa ‘ba ‘ai igeni ka ‘aia ngasi anda rii ‘au ku.
Rubanga ‘a tutu layu dri rii enzi ‘ba ni ‘ba dri ba ka aci olure tadru ri ‘ia ri tro. Lupe ‘a ehwi ni Rubanga ‘a enzi ‘ba ungwe ka ‘ai eco ‘jo anda vua ana ‘boronzi ‘i dru ‘i.
RUBANGA NI ANDA
Rubanga ole tete ‘ba
ubi kua ana UPELE ra ri ‘i ya?
Ku, Opi ‘a uje ni biri-aru ku.
Rubanga ni anda.
Rubanga ni anda. Ani tete Rubanga ‘ba le di nyadru kendre ana upe kaa ri ani ri ‘i ku. Ka enzi ‘ba ungwe ru Kristo dri ri si. Layu lari dri Yesu Kristo si rii ana lebe enzi dri tro rii ako, ama Rubanga ‘a le ni ni ana lari tro ingo ni? Alusa oba kengwi Rubanga anda ku ri ‘i ni ku.
Kole ta iyo rii ingo ri ‘i ya ni nyibi esu le ‘a nya Efeso 1:3-5 ni la re ri isa ‘i. “Ohweki anzo Ata Rubanga ama Opi Yesu Kristo dri ni, adusi oco tutu ama ‘i ru ra ama remuka Kristo ti tro si, ohwe amani tutu cidru Endri dri engadi bu ‘a rii ra, vu bire kuru rii esu Rubanga upe ama olule ana ‘i Kristo si ra, ausini olu ‘jo andraaru ole vua enzi ako. Ana le si, Rubanga ole ama upeka ana ‘boronzi ‘i dru Yesu Kristo si, dii ta ana lele ri ‘i vua ana ebu ‘i.” Ledia iyo rii adu? Ledia ta iyo rii “Yesu Kristo ni ‘a ‘i.”
Le ta si ku ewo Calvinism dri di ‘ia di oca-dri ta Bugu Ole ria jole ri tro ku. Bugu Ole ri ojo, “Upe ama Yesu Kristo ni ‘a oca vu bi re ku ku.”
Rubanga upe ‘ba cidru Kristo ni ‘a ‘ausi ni kaki ruti di eyisi vua Endri si. ‘ba ‘ai ikonyi ka ‘aia ngasi kpe rarii tete enzi ide ka ‘au rii kaki layu esu ra vua kaki reco ana ‘boronzi ‘i dru ra’ausi ani ka ‘ai upe Yesu Kristo ni ‘a. ‘Oba weli ‘ba cidru dri rii weli ‘ba dri ana lele ka ri ru ri idri tro ‘ausini ani ka ‘ai ari Yesu Kristo ni ‘a.
Amala ‘ba amgbu lini Rubanga dri ri hweka ria jokaa ‘ba upele ta si ku rii ubi kua ru ri ani, ‘ba amgbu rii lini ovi di ani di oko ‘ai ci. ‘Ba ‘ai enzo lini Rubanga dri ri uhwe ka di kojo a Rubanga ‘a le ta si ku di si upe ‘ba ziti rii ‘au oko ebe ziti ri le ra lupe driaru tasi ku disi ‘i, ki vua esu lejo driaru anda ri ojo Rubanga upe enzi ‘ba cidru Yesu ni ‘a ra. ‘Ba amgbu weli nza rii kozo mgba lini mbi di ‘ia ‘aia ‘ai mbi di ani di eri ka si.
Ki ‘jo gba ondre ki tati Rubanga ‘a ubale enzi ‘ba cidru ari ‘jo Yesu si vua lebe enzi dri rii ‘ba cidru Yesu ni ‘ai ka ra ri ni ni ni, adi ki lari esu ama enzi ni ‘a si cidru ra, adiko adi ki engwi ‘baciri Rubanga dri ‘i, adi ki engwi ‘ba anda ri ‘i, adi ki lidri olure tadru ri esu ra, vua adiko adiki ni ‘a Rubanga ni anda ni ote.
LUPE OKPO TRO ODO YAKOBO TI DRI ESAU TRO RI IDRI RI ‘I
Rubanga ka adi ni upe ‘au?
Tete ‘ba upele ra ri ‘i ‘a?
Ku. Rubanga upe ‘ba cidru Kristo ni ‘a ra.
Disidru, ma’di Kristo ni ‘ai di ra vua
enzia olure asiti ‘a ru iyo batisimu
Yesu dri si ri esu lupe ni.
Bugu Idoka dri 25:19-28 ga, Esau ti Yakobo tro odri ki rumwire ‘aia endre ni Rebeka ‘a ‘a ga. Rubanga ojo Idoka 25:23 ga, “Ki Opi ojo ani ni: ‘Nya ‘a ga suru eri, ‘ba eri kefu nya ru ga ni; ki alu ri ka zi ri nde okpo si ra, oko amba amba ri ka ebu ide gaga ri ni.’”
Enzi ‘ba eco lejo ehwi dii ‘aia ovi lini uhwejo- Rubanga dri ri si lini hweka lupe okpo tro di idri, ebe kaa ‘ba Yesu ni ‘ai ka ra ria dri luci esu ka ni re ga di gba ‘aisa upe ‘ai ra ya kusa kuru ya si ‘i! ‘Jo tee koraki ‘ai ‘ba upele ra ri ‘i sa, kaki uraa ‘ai ari ru ra disidru mgbe oko ora ki ta oti eyisi vua Endri si ri idri ku.
Ovi lini lupe tasi ku ledi dri rii eco ‘ba weli ubi Yesu ni ‘ai ka ra rii layu loku ri iga pi vua oba kaki vu aci olure tadru ri ‘ia. Vua tro sa oba Rubanga kendre ma’di anda ri ‘i ku.
Amala dria dini sa ‘ba lini uhwe ka Rubanga dri weli ubi ri ka lini mbi engadi ‘aia utata aia ngasi ledi ‘ia ri ini ‘au, di oba ‘ba cidru Yesu ni ‘ai ka ra rii kaki ‘au di gba upe ‘ai ra ya ‘i, kusa di gba layu ‘aidri rii ka dri ba ingo esi ya si ‘i.
Yakobo ti Esau tro di ‘i lofo, Rubanga upe adi ‘i? Lokudru upe Yakobo ni Yesu ‘a kare ga ‘au. Roma 9:10-11 ga, ojoru Rubanga ungwe ani dri Yokobo ni ana adrupi ‘a kare ga ‘au tee ma’di alu ri koti ‘ai ni sa ‘i, ki ‘ai utire kuru rii, ide ki loso kusa unzi ni ku ru.
Ta Rubangaa lele rii ani kupe Yakobo ni ‘au ‘i, ana ebu loso ri si ku ki amala ana ani upe ka ra si. Amala Bugu Ole ri isa ojo amani Yesu eya enzi ‘ba ungwere ‘au, ki ‘ba olu ka anda si ri ‘i ku.
‘Ba di, ‘a olu ka suru Adamu dri ri ‘i si, oti ki ru enzi ‘ba. Davide ojo ana olure driso ana endre ni ‘a ri isa ani enzidipi vua oti sa ani enzi tro. “Lokudru oti ma enzi ‘a, vua mendre oko ma ‘aa sa enzi tro” (Longo 51:5).
Ta ‘ba ni di otiru enzi tro rii amala enzi ana abi ti dri ri si. Disidru ‘ba cidru ti le vu di idri rii kesu kari ki ru ku sa kaki engwi enzi tro ra, vua kaki ko kaki ta ide enzi ‘ba ani, vua kaki ‘oa enzi dri ri ‘a ra.
‘Barangwa gaadru enzi ide di driso kuru ri isa ani enzidipi amala oti ani ‘oa enzi dri tro. Driaru urata ego rii, bate, asa vua ‘ba di ka tro ana asiti ga ‘aa. Oti ani enzi ana abi dri tro. ‘ba ni enzidipi tee driso ani tire ku ru ri isa ‘i.
Ra Rubangaa ama imba ‘jo okpo ku rii di ‘i. ‘Ba ni ta Rubanga ‘a bile ni ri ‘i, ki Opi ni ana ngasi uba tati ra anini ama eco ‘jo ana ‘boronzi ‘i dru vua anini ama ari jo enzi cidru dri ‘a.
Ki ‘ba oce ‘ai kengwi enzi ‘ba dru di, Rubanga eze Yesu ni vudri di ‘a, oba ana Ngwapi alu tende ri odu enzi cidru vudri rii ana batisimu si.
Rubanga ‘a ra ni ani kari dru ‘ba cidru batisimu Yesu dri ri si ana ari kuruce dri ri tro ‘i vua ‘ausi ni ani kohwe ‘aini opko engwijo ana ‘boronzi ‘i ‘aia Yesu ni ‘ai ka si ‘i.
Oba Adamu ide enzi tati ana ubale ‘ausi ani ka ama enzi ni je Yesu Kristo si ri si. Enzi ‘ba lini mbi ri igeni ka ‘au rii, “Kaki Yakobo ti ndre Esau tro. Odu zijo rii oko ebe zikajo rii tasi ku.” Rubanga upe ama ta si ku, ki ra rii upe ama Yesu Kristo ni ‘a. Kole ondreki lejo Bugu Ole ri dri rusidi ra ri ‘i. Roma 9:10-12 ojo, “Te dii adite ku, adusi ‘boronzi Rebeka dri eri ria ata ni alu, ani ama abi ni Isako ‘i (lokudru esu oti driso ‘ai kuru, vua esu ‘aia ta loso rii kusa unzi rii idere kuru rii, ojo ani ni ‘bara kayo rii keya ka ebu ‘bara vule ridri ide ‘au, ta di ideru itede‘joadru Rubanga ka ‘ba ana upele ra ri ungwe ana lekaa ri ani ebu ide ka si ku), kendre ana rujoka laka ra ri ani, ‘’bara kayo ri keya ka ebu ‘bara vule ridri ide ‘au.’”
Rubanga upe Yakobo ni Yesu ni ‘a. Ovi Yakobo dri di oviru enzi ‘ba ‘ai ikonyi ka ‘aia ngasi engwijo anda ni kpe ri tro. Efeso 1:4 ojo Rubanga upe ama ani ‘a.
Rubanga ungwe adi ni ‘au? Ungwe Yakobo ni ‘au amala oni Yakobo ni enzidipi vua anda sa ako Rubanga ‘a andra ga sa ‘i vua ka Rubanga ndru ‘au ni ote. Ungwe Yakobo ni ru ana Ngwaapi ni Yesu dri si vua oko ayu ani ofu loso eyi dri ari tro ri si ‘ausi kengwi dru ana ngwaapi ‘i. Disi, Rubanga ungwe Yakobo ni oko oco tutu ruaru layu ndutudru ri si.
Ungwe enzi ‘ba ‘aini layu hwejo engwijo anda Yesu si. Ledii ta ti Rubangaa ubale ri ‘i.
LINI HWELE MBI LUPE TA SI KU RI IDRI RI ‘I
Rubanga ole Yakobo
ni adu si?
Yakobo ‘a ana anda
ako ni ni ka ote si.
Udiangwadru ari bugu zi la re kata jo lupe tasi ku ri ‘a dri ga. Orobi ubi yaigo angwa zi. Orobi di idri idrazi angwa zi itede ru yaigo angwa di ni oko ojo koya kare zi ga, oko lokudru oya ra. Idrazi angwa di oko ojo laka Rubanga upe nyi ra.
Ki ojo idrazi angwa di ni Rubanga ka ma upe ingo ni ani sa ani ku di ‘i? Ki idrazi angwa di ingwi laka ojo Rubanga ka nyi upe ta si ku ide ta ku tee nyolu dri ‘ai ako sa ‘i.
Dii ce ku. Gba Rubanga ka ‘baziti ri upe lari ni ra koko ka ziti ri le ze aci olure tadru ri ‘ia ingo ni? Rubanga upe ‘ba ‘aa cidru Yesu ni ‘a ra.
Lini ovi uhwele Rubanga dri mgbi mbgi ki ‘aa ru Yesu ni iyo rii enzo. Gbadru ce ku. Ki ‘ba ‘aidru lini uhwe ka Rubanga dri ledi ‘bati kojoa Rubanga upe ama ‘i lofo ‘ba ziti rii ‘au oko ebe ziti rii ra. Ledii ce ku. Rubanga ole ani kari ama cidru Yesu si. Tete ‘ba layu eyisi vua Endri si ri ‘ai ka ku ri ka lari esu kpe rii ni.
Rubanga eji ‘ba cidru lari ga ana Ngwaapi ni, Yesu si, vua uba ta ti ama eco ‘jo ana ‘boronzi ‘i dru oca sa vu di bire ku ku. Uba tati ‘ba cidru ari ‘jo ‘aia enzi ni ‘a layu Yesu Kristo dri ri si. Dii anda kendre ana rusi ka Bugu Ole ri ‘ia ri ani ri ‘i.
‘Ba anda ruti ka Kristo ni ‘a di rii ‘ai ‘ba anda upele ra ri ‘i rii ni. Ki ‘ba lini esuka Rubanga ni dri ra di ‘bati kojoa tete ama ‘i lofo Rubanga upe ‘baziti rii ‘au. Kaki joa, ovidru, ‘ba Budisiti dri ebi ube ka ‘au rii ‘ai ‘ba Rubanga ‘a upele kuru ria alu ti ‘i. Ki ‘aisa Rubanga upe ‘ai Yesu ni ‘a ni.
Ki kolu tazi si ku ki Rubanga kupe ‘ba ziti rii Yesu ni ako ra, kole amanze ofu loso rii ku. Kesu Rubanga kole ani kupe ma’dizi Yesu ni ako, kole enzi ‘ba kigeni esu Yesu ni ku. Jodini ri lejo driaru le dri, anda dri vua layu dri rii kolu ce ni ingo ni?
Ra zi kolu gba alusa tiluza Rubanga dri ri ni ofu loso ri nzejo vu di idri ‘aa ‘a? Kolu gba ta ce ri ‘ia ovidru jokaa Rubanga upe ‘bacidru Yesu ni ako vua oze sa ‘ai ani ako ‘i?
Ra Rubanga ‘a Yakobo ni upe ‘jo Yesu ni ‘a rii, ra ana Yakobo ni le ‘jo ndro ki ana Esau ni ga ‘jo mgbe rii oca ‘ba ‘ai eri dii tire kuku sa oni Yakobo ka Yesu ni ‘ai ra ki Esau le ‘ai ku ni ote.
Draa dini sa enzi ‘ba vudri dia Yesu ni ‘ai ka ra rii ekpadru. ‘Ai lofo ‘ba ziti rii Esau ani vua ziti rii Yakobo ani.
Rubanga ole Yakobo ni ndro adu si? Yakobo ni ma’di anda ri ‘i ku vua oni ana anda ako dii ote. Disidru ojo Rubanga ‘a andraga ani ma’di enzidipi ri ‘i oko ozi Rubanga ‘a kiza ‘i. Ledii ovi Rubanga ‘a Yakobo ni ari ‘jo ri ‘i.
Ki Esau dri ka ani igeni ana ngasi ‘au igeni ani ana ngasi onde Rubanga ra vua abiri Rubanga ‘a kiza dri oza ku. Disidru Rubanga ojo ani ole Yakobo ni ndro ki ani ole Esau le ku.
Dii lejo anda dri ‘i. Rubanga uba tati ama cidru ari ‘jo Yesu si. Ta kole enzi ‘ba cidru kide rii ka ‘i ki Yesu ni ‘i. Diivu anda Rubanga dri rii olu loso driaru ri tro kehwi ‘aia asiti ga ra. Ru enzi ‘ba di ka aludi sa tazi ide kpe ra rii kole ‘ai ki ama asiti ga lari ama esule wa rii Yesu si di ‘i. Ta anyetro idele wa rii kole ‘ai ki layu Yesu si dii ‘au.
OVI ZI EGO VUA MBI LETI LAYU ESU ‘JO RI IGA RI ‘I
Loku loku gba ‘jo ani ce ri
enzi ‘ba kengwi anda ra ‘a?
Ku. Dii okpo. Vu alu ate tri, Rubanga oba enzi ‘ba cidru
engwi anda vua luzu ako rii ana batisimu
si vua ana dra kuruce dri ri si.
Sitani ka enzi ‘ba unza ovi zi mbi jole karide odu cidru si ledi si ‘ausini kesu ki dru lari ‘aia enzi ni ‘a ku si. Ole ole saa cidru si dia ehwi ni enzi ‘ba ‘ai ki Yesu ni ni ‘i.
Lini di koya ovi ani dini. Enzi ‘ba kengwi anda vua vu alu kate tri ni kpe rarii jo ‘aiki Yesu ni ra enzi ‘ai ti jo ‘autro rii ka rebe ra. Enzi gba loku loku rii karuje wa rii ilegi ilegi le odu cidru si enzi ru jo ri si di koko koba ma’di kengwi tau pelere wa rii ni.
Ovi ta ani di dri rii leco esule be ri ‘i. Kareri nyiraa ma’di ka Yesu ni igeni kpa ani koko kengwi kristo ‘ba ole ri ‘i ri ani. Lini ovi ani di unza Kristo ‘ba kinya amvu ka pi rii si okpo si rere, koba kaki ‘tesa ‘ai itiri loso ku. Ledii ra olu-gba mani olu le ma ‘i ‘a olu ‘jo Kristo ‘ba lofo ubi ri ‘i.
Kaki uraa too saa zi keya keca ra adi ko adi ‘ai ebe ra ‘ai oko ‘ai ide enzi zi di ku. Ki kaki olu ‘aia lidri ni ‘a enzi ‘ba ani vua enzi keya ka ru li ‘aidri Rubanga ‘a andra ga saa ‘aia dra jo ri si ra.
Nyila lejo anda Bugu Ole ri ‘ia ri ni. Roma 8:30 ga, “Disidru Rubanga ungwe ‘ba ana upele ri ‘i, vua ‘ba ana ungwele rii; ‘’ai ‘ai olule anandra anda, vua’ba ana bale anandra anda dibati ni ohwe eku ra.”
Vua ana joti nzago 29 ga ojo, “’Ba ana upele eze ra rii oba ‘ai mara ga ‘ai ecole ana Ngwaapi ani ‘ausini ana Ngwaapi kolu dru kayo adrunzi lofo ri ‘i.” Ondre ni ati rii engwi ka anda. Ki lejo ojo ama ni anda anda dii ka ru hwe vu alu adi te kate tri.
“Vua ‘ba ana ungwele ra ri ‘ai, ai olule ana andra anda.” Yesu ungwe enzi ‘ba oko oba engwi ki anda ana batisimu Jurudano ‘a ri si vua ana dra kuruce dri ri si.
Disidru ma’di layu Yesu dri ri ‘ai di ra ri kengwi ngwaapi Rubanga dri eku esu di ra ri ‘i rii ni. Ani Rubanga ‘a le ‘i enzi ‘ba ayu ‘jo vua eku hwejo ‘aini ana ru si ‘i.
Dii ta Rubangaa jole amani ri ‘i. Ki kristo ‘ba ziti ri kojoa amani ondre ki bugu Roma dri 8:30 ni ‘au. “Saa zi engwi ‘jo ole rii ‘ai. Ledia ehwi ni leco kole kide ru odu cidru si ‘i ku ‘a?” Ledii ovi ‘aia ‘ba unza ‘jo ri ‘i. Kaki ‘ba ni ta andraga ri ‘jo ‘au kaki ta ‘jo enzi ‘ba kevu ka lari esu vua kaki engwi andraga anda ra ni dri.
Ki Bugu Ole ri ka amani ta ‘jo ta andraga ri si ku, rarii ka ta ‘jo ama dri ta draasa ka ride ri si ledii ovidru amengwi ama enzi ni ‘a si cidru anda vu alu ate tri ‘i. Lokudru gba mgbi mgbi ta ta emudi andra ga ri bati ‘i lofo ta dria dini sa ridedi ri tro ‘aa.
Kole gba ‘aiki Bugu Ole rii ‘au. Kolu ovi rusidi ri si, adi ki engwi ‘baciri Rubanga dri ri ‘i vu alu vua kate tri. Dia mgbi mgbi ni lini inile enzi rujo odu cidru si ri tro nza.
‘Ba lini ledi ‘bati hweka ri kojoa tete enzi ama ti jo autro ri ka rebe wa rii ni ‘jo tee ama ‘i Yesu ni ni sa ‘i. Di kitedea kole amolu lidri dini dri si vua kole amaru enzi odu cidru si, ‘ausini ‘jo amba Rubanga ni andra ni amengwi anda.
Amala laki amgbu ria ta dii igeni ka ‘au si, driso olu ki enzi ‘ba tee ‘aiki Yesu ni ra sa ‘i. Ledii ra enzi ru ka odu cidru si ‘a olu ‘jo ego ri ‘i.
Bugu Ole ri ojo loku loku amani ra amengwi Rubanga ‘a ‘baciri anda tro ri ‘i rii ‘ai si adite. Kendre ondi ku ‘baciri tile udi ria evu ka vu di idri ri ani, ‘baciri Rubanga dri ri isa kaki engwi enzi ako ole ‘jo era ki vua ‘ai ki layu Yesu dri rii ra ‘i. Ovi ‘jole kolea enzi koru ru odu cidru si ledii enzo vua sa tro etu pa enzo ga.
LEBE ESULE NDUTUDRU ENZI DRI ‘A RI ‘I
Amani engwi ‘jo gba enzi
ako kole amide adu?
Kole ama ‘i layu eyidri
Endri tro ri ‘i.
Roma 8:1-2 ojo, “Ba remu-ka Yesu Kristo tro alu ri idri lejo alika iyo, adusi Kristo Yesu si, cara Endri lidri ri idri rii enze ama cara enzi ti dri dra tro ri ‘ia pi.” Di kitedea amani Rubanga oba enzi ‘ba cidru engwi anda vua oko ayu ‘ba cidru evu ka Yesu dri enga ka cara enzi dri dra trori iga rii ra.
Bugu Ole ri onze amni ta driba layu tadru vua ndutudru ria dri ga Eberei 9:12 ga. “Ohwi kare ole ri iga vu alu ate tri, oji ari indri ti ngwanzi tro rii ku, ki ra rii oji ana ari gba ri ‘i eji amani lari oludi tadru rii ‘ausi.” Dia ehwi ni ama ‘ba Yesu ni ‘ai ka ra rii amesu layu ra vua ‘ai amani tole bu ‘a sa ra.
Ameri vua ama ‘i ofu loso layu dri eyisi vua Endri si Yesu Kristo dri rii ra vua ebe amani ama enzi isa cidru ra. Ki enzi ‘ba itiri kaa ‘aidri ‘ai esu lebe enzi ‘aia idele ni ku ki ‘ai ti ‘jo autro ri iga rii kaki gba loku loku rari ra ni kpe. ‘Aini layu esu jo enzi cidru ‘aia idele aninga oca ki Yesu ni esure kuku ri iga, kaki ura da rii kole ‘ai koru ‘aia enzini odu cidru si.
‘Ai aidri goga ako di ka ‘ai dri se aci olure tadru ri ‘ia. ‘Aia lini mbi di oba kaki enzi ru odu cidru si kaki uraa ‘ausini ‘ai ka layu esu ‘aia enzi ni ‘a si ra si ‘i. ‘Ai ledi ani ledii ‘ai ce amani lari hwedi aci olure tadru ria dri ga wa ri ‘i ku.
Jo oli kesu ka ‘i ki Yesu ni ra vua kesu ki layu vua alu kete tri ni ra, lokudru tee dini engwi ki anda vua ‘baciri Rubanga dri ‘ri ‘i ni ra. Layu loku ri ka ‘ba ‘ai ‘ba ri eco-anda ka ‘ai eco kaki engwi ‘baciri Rubanga dri ri ‘i vu alu vua kate tri.
Ki tee ‘ba ‘ai kaa ra ri kesu lari aia enzi ni ‘a vudri di ‘a ra sa, ‘aia ru iza eco ru ku paka odu ‘aia dra ‘jo na si. Ki ‘aia asiti kumvu ra rii anda anda Rubanga dri ri si. Alusa anyiba eri ki ta ani ce dia ehwi ni mbi ni ku.
Bugu Ole ri ojo amani ‘jo amengwi ole ra vuaru amengwi anda ‘jo ama ‘i ofu lso rii ni ‘i.
Ta ndrejo ofu loso ri idri anyiba ondreki dri Eberei 10:9-14 ni ‘au. “Ziiniga, ‘Ojo, Memu nya le ni idere ‘au, Rubanga madri.’odu ati rii ‘au rii ausini ani kide dru vulega ri ni si. Ki ledi si dru eco ama ole Kristo ‘a ana ru ni azi ka amasi si vu alu vua ate tri. ‘Ba Yudei dri ta azika Rubanga ni rii cidru ka ebu ide odu alu alu si, ka ki azi alua enzi dudi kpe ri azi di di. Ki ma’di di le, oce kazi azi enzi cidru ebedi vu alu ate di tri rii di, ori vuru dri nyare Rubanga dri ri iga, dria ka ana ‘oja’bazi ni ba ka ani pagada ga ni ute. Azi ani dri alu di ana azile di si eco ‘ba anidri esi ki ca vua eco ‘ai olule ole li ri.”
“Ausini ama engwi ole enzi ako razi ka Yesu kristo ‘a ru dri si vu alu vua kate tri” Nyera li di osiru ovi dria dini ka ride ri si ki keya ka ride andra ga ri si ku.
Engwi ‘jo gbadru ole enzi ako wa, kole ‘ba ka ‘i layu eyi dri Endri tro Yesu ‘a hwele amani ri ‘i.
YESU OHWE LAYU OLUDI TADRU RII AMANI VU ALU VUA ATE TRI
Ta ‘ba ni dii kole kanzoru odu
cidru si adu si? (1 Tesalonika 5:16)
Amala Yesu odu ana enzi ni cidru pi, ka draa
tazi ide kpe ra rii kole kodo ani Yesu ni
andra vua kanzoru ana le retu ri si
‘Jo ama ‘i layu retugo oludi tadru Yesu si rii ni, ama kpodru kengwi vu alu si hwici dru. Bugu Ole ri ojo, “Anyolu tesa anzo si, anyilegi odu cidru si ande ka ako, ta cidru si anyihwe anzo Rubanga ni” (1 Tesalonika 5:16-18).
Anyolu tesa anzo si. Ki gba ma’di ka ranzo saa cidru si ingo ni? Ma’di layu esu di vu alu vua ate di tri ‘bo’bo dru rii ka ranzo saa cidru si. Adusi dria engwi enzi dria kulala,
draa oni cuwidru Yesu odu ana enzi cidru rii Jurudano ‘a si pi ni ‘i. odo dria ani andra ‘a ru vua ka ranzo le driaru kiza tro ri si ‘i vua ka ranzo ande ka ako.
“Ba Rubanga ‘a ta ego ego ‘aidri ri ebere ra rii, vua ‘ba ana enzi aidri e’bere ri ‘a andra adu” (Roma 4:7). Dia ehwi ni tee enzi ma’di dri rii kolu dri ana asiti ga karebe ra ‘i ku kusa ka layu laka ri esu ra ‘i ku tee kitede ru pelere enzi asiti ‘a ru ‘aa sa ‘i. Adusi enzi ana asiti ga ri ojeru pelere. Ma’di dini dii Yesu oje enzi cidru driaru rii pelere vua oko ohwe laka lari vu alu vua ate tri.
Ofu Udi ri ‘ai layu ani ovi olu di tadru dii ta ojoru driaru ra. Yesu esu batisimu di, ojo, “Nyebe ta dii kolu ‘bo’bo dru dini, ama ta di ide ka dini ni ama anda Rubanga ‘a lele ri ide ‘au” (Mateo 3:15).
Kendre ondi ku indri bilo tro ‘a enzi ‘baa idele ri du ka dri ti ka driaru si Ofu Oku ‘a ri ani, Yesu isa odu enzi cidru vudri rii oko eco ‘ba vudri rii cidru ole ovi anda vua esidi ca ri si.
“Ama ta Rubanga ‘a lele ri ide ‘au,” Yesu ojo ‘i. Yesu esu batisimu ovi anda esi di ca ri si ledi si dru odu enzi cidru ‘baa idele rii ana ru ga, ledii amaa lari hwe ‘jo.
Mateo 3:15 ga, osiru Yesu odu enzi cidru vudri rii pi. Anda anda Rubanga dri ri eko ra. Kolea eri ki layu oludi tadru dia ehwi ni ku. Ra rii kole odu ki kendre ana lejo di layu esu ‘jo ri ani. “Ma’di enzi e’bele ra ri ‘a andra ni adu, ma’di enzi driaru si kiza idere ra ria andra ni adu” (Longo 32:1).
Enzi cidru asi ‘a rii ru ‘a ri tro, Yesu oje ‘ai pelere saa ana batisimu esure Yoana batisita dri abu Jurudano ‘a ri si. Oke ani ni lamgba vu unzi go di idri enzi cidru ama idele ri si ra. Ki ana enzi cidru vudri ri du ka ni vu, oko odra kuruce dri ra.
Ma’di ana lebe enzi dri ri igeni di ri kengwi anda ra vua kengwi luzu ako vu alu kate tri. Amla Yesu ‘a olu ka ru si, ma’di alu alu layu Yesu ni ‘a ri igeni di vua ‘ai dia rii tesa kolu anda.
Draa le adi ki mba Rubanga ni andra okpo tro adi ki ‘joa, “Nyi ingo ni, Opi? Ma ‘i nya Ngwaapi ni alu tende, Yesu Kristo ni ‘au vua masa ma nya ngwaapi ‘i. Manzo nyi okposi, Ma Ata. Manzo nyi okposi nya ma ‘ai ka nya ngwaapi ‘i dru ra si. Ani ote dii ebu loso ma idele ri si ku, ki ra rii ‘ai madri ma ruti ‘jo di eyisi vua Endri si Yesu ni ‘a ri si. Nyari ma enzi cidru vu di idri ri iga ra. Ma ‘i lejo nya jole, “Ama ta di ide ka dini ni ama anda Rubanga ‘a lele ri ide ‘au ni dii ra” (Mateo 3:15). Batisimu yesu dri ri si vua ana kuruce si, mengwi nya ngwaapi ‘i. Disidru anzo oko ma nyisi okpo si.”
Iba nya enzi ni cidru Yesu ni dri ra ‘a? Odu nya enzi ni cidru pi ra ‘a? Bugu Ole ri ojo ama ni anzo retu ri ohweru batisimu Yesu dri ri si vua ana dra kuruce dri ri si, enzi ‘ba kengwi enzi ako rii ‘ai di ‘ai ka si.
ALU ALU BATISIMU YESU DRI RI BATI ‘I LOFO LAYU ESULE RI TRO RI ‘I
Alu alu batisimu Yesu
dri ri bati ‘i lofo layu esule
ri tro rii ingo ‘i?
Batisimu Yesu dri rii ovi layu esu ‘jo dri ti
ka ta dri si taa rujore driaru profeta
ti si Ofu Oku ‘a ri ‘i.
Nyira driso ta ma’di olu di enzidipi kilegi ekelezia ‘a vua ‘ai Yesu ni ra ri idri, kojoa “Rubanga madri, ayi nyebe mani enzi ma idele sabiti ajeni ri ‘ia ri si ra. Nyebe mani odu amvu ka pi pi na di si enzi ma idele ra rii ra. O Opi, nyebe mani enzi ma idele endru rii ra. Ma ‘i Yesu ni ‘au.”
Draa anyi ‘ba oraki ovidru nosi ma’di dii esu lebe ana enzi odu cidru si ledi ‘ia ra. Ki ziniga di, ongwi ana lidri odu cidru si na iga di oko ide enzi ra. Ziniga, kengwi enzidipi dru di.
Yesu engwi Biloangwa Rubanga dri ri ‘i oko odu enzi cidru enzi ‘ba dri rii ana batisimu si pi oko oba engwi ki enzi ako ana repa ka kuruce dri si. Enzi ‘ba ni layu esu ‘jo, kole enzi ba ka ‘i lejo dii ‘aini layu esu jo ‘aini engwi jo enzi ‘ako ‘i.
Enzi cidru ‘aa rii Yesu odu pi saa ana batisimu esu ‘jo Yoana Batista dri ri si, ledii lejo anda anda dri cidru ri iko ‘jo. Adusi enzi cidru vudri ri ojeru pelere. Ma’di alu alu anda di igeni di rii ka layu esu ra. Kendre ondi ku ana rusika Mateo 3:13-17 ga ri ani, “ama ta di ide ka” ehwi ani Yesu esu batisimu Yoana Batisita dri anini engwi ‘jo Aridipi ‘ai ‘ba dri ‘i dru ‘i.
Ofu loso anda dri ri kojoa amani Yesu odu enzi cidru vudri rii vu alu vua ate tri. Ki lini mbi Rubanga dri ri kojoa amani kole amesu lebe enzi drii odu cidru si. Kole ama ‘i aduta ‘au? Amesu layu vu alu vua ate tri ‘a, jo nosi ama layu esu odu cidru si?
Ani loku loku ta ce ri ‘i Yesu ayu ama vu alu vua ate tri. ‘Ai ce rii ‘ai layu esu ‘jo eyisi vua Endri si vu alu vua atedi tri ri ‘i. ‘ba itiri kaa kole amesu layu odu cidru si ri ka alusa layu esu kpe.
Kolea koni ki ote layu loku rii kenga ‘ai kaa Yesu ayu ama vu alu ate tri ana batisimu si vua ana dra kuruce dri ri si ‘i. Ta draa kole amide rii kole amanzo Rubanga ni vua ama ‘i ofu loso driaru ri ni.
Ki ‘ba goga ako ‘aia ‘ai ni ‘a ri kojoa amesu layu tete enzi ama tijo ‘autro ria dri ga, disidru kole amesu layu ama enzi loku loku ri iga odu cidru si, vua kole “bebe ani” liri ama ma engwi le anda. Ledii ta mbi ri ‘i.
Batisimu Yesu dri rii ana dra kuruce dri ri tro iko lejo lebe enzi dri ri dri rii vua alu ate tri. Dii lejo anda dri ‘i. Enzi ama dri rii kole cidru koba ru Yesu ni ru Yoana Batisita si vua kole kodra kuruce dri amani lari esu ‘jo ‘i.
Jokaa “nyebe mani ra” enzi ide ka avu ga aso anda anda Rubanga dri ri tro ku. Cara Rubanga dri ojo enzia musara ni dra. Kole oni ki ote Rubanga ni Anda vua Ole.
‘Ba ‘aidru ilegi ka Rubanga dri, “Ayi kiza si, nyebe mani ra” ‘aia enzi ide ka ‘a vu ga ri oni anda anda Rubanga dri rii ku. Kaki ilegi enzi ebejo ri ilegi ‘au, Ki dii tete lovu hwejo ‘aini ta ‘aia urale ri si. Ku ri gba ani ta ce ‘i ‘a ma’di ni enzi idele odu cidru si kusa ma’di ni ana uje ni uma ka enzi- ru ka odu cidru si ni ga ‘i? Leti tete alu ma’di ni layu esu ‘jo wa rii ana batisimu Yesu dri ri ‘aika ana ari kuruce dri ri tro ‘i. Kole ‘aiki dii ama asiti ga ‘au. Ledii tete leti aludi amani lamgba Rubanga dri ria mi ni za ‘jo wa ri ‘i.
Anyi ba zini ga dri oraki ta layu enzi dria ria dri ga gaadru. Eberei 9:22 ojo, “Karujo cara si ta cidru ecoru ari si pelere, vua enzi ka ru du ari ni osu ka ako ni kpe.”
Cara Rubanga dri anda ri ojo, kole enzi kodu ru ari si, adusi ari ni ra ka ako enzi ka ru du alusa kpe. Dii Rubanga ‘a cara anda ri ‘i. Adusi musara enzi dri rii uhweka ako, lebe enzi dri kolu aludi sa iyo.
Ki cara Rubanga dri rii anda. Yesu esu batisimu Yoana Batisita dri vua ari a ora kuruce dri ama enzi ‘ba di ni layu hwe ‘jo. Odu enzi cidru idele rii ana batisimu si pi vua ari ani ora kuruce dri enzi di bati uhwe ‘jo. Uhwe musara enzi cidru dri rii ama ni ra.
Layu ohweru vu alu vua ate tri ‘a,
‘jo nosi kole kolu odu cidru si?
Vu alu vua ate tri, Yesu odu enzi enzi
‘ba cidru dri rii ana batisimu si pi.
Mateo 3:15 ga, Yesu oce ani kesu batisimu ovi esidi ca ri si di, Oje enzi cidru vudri rii ana batisimu si pi oko vua odra kuruce dri layu hwejo ama cidru ni enzi vudri ledi si.
Ilegi enzi ebejo ri zi ka odu cidru si ‘a ehwi ni ‘jokaa ani ni kolea kodu enzi ‘badri rii pi vua kole ziniga kodra amasi di ‘i. Kole gba eri ki lejo Rubanga dri anda ria ehwi ni. Kole Yesu ni kodra amass di di ama ayu ‘jo ama enzi ni ‘a ‘i ku.
Rubanga ka ta ledi bati ledi ani ledi ndre kendre ti londi ‘ba Yesu ni ‘ai ka ra ri bati ni kiza aile ‘aia enzi si di di ‘i. “’ba sikia lali dri di eji ka rii! Kaki ma Ngwaapi ni, ni Yesu ni zi, kole kesu ziniga batisimu vu eri joadru ri si di vua koko kodra ziniga kuruce dri di! ‘Ai ki layu Yesu ni ‘a rii ra ki dri draasa kaki ‘ai ungwe enzi ‘ba! Ma lejo ali ‘aia dri ga ma cara anda di si ra makop ma ‘ai cidru ze aci olure tadru gwedi okpo si ri ‘ia. Nyilea gba nya ngwaapi ni alu tende ri di ka vu eri ni ra ‘a? Anyi dri joa mani ma’di ma Ngwaapi ni anya enzi idele ri si vu eri ni dii. Draasa adi ma Ngwaapi ni alu tende rii vu alu vua ate tri anya enzi cidru vudri ri uhwejo ra. Disidru inga ma ‘a ni zi kaa kolea muhwe anya enzi loku loku rii di di si ku, ra rii anya ‘i ofu loso layu dri eyisi vua Endri si rii ‘au.”
Yesu ojo ‘ba olu ka enzi ‘ba ri ni kolea kovu ki ekelezia ‘aa ru adi ofu loso ce rii nze ‘au ri iga, kogaki ‘ai mbi rii mgbe koko kesu ki layu anda rii ‘aia ta ce ria mi ni nde ka ‘ai si si.
Draa dii saa nyini lari esujo nya ‘aikaa nya asiti ga si ri ‘i. Nya ‘i ra ‘a?
RETEDE KA ‘AI CE KU, KI ‘AI EBU SI RI DRI ‘I
Ki gba Kristo ‘ba amgbu ziti
oma ki olule leti anda Endri dri
ri si kpe adu si?
Amala otraki asi ebu ‘aidri ‘ai
ngasi ri idri.
Ki enzi ‘ba Yesu ni ‘ai ka ku ru ri isa kaki su ahwa kinya kate 3-5 ingwe bu ‘e. Ana idore ga kaki endre anda ani, ki ‘aia ‘ai kegwe saa si saa si. ‘Jo nya ‘i Yesu ni nya ebu si, nyisa nya geni kegwe, tro.
‘Ba mi ako ri ondre ta ku. Disidru kaki asi tra ‘aia ta urale ura ri iga ta rutra ka ‘aia uje ni ‘a ri tro ovi di si. ‘Jo itiri ki mindra ke ya, luna keca ‘aia ru ga kaki ‘joa nai ovi lebe esu ‘jo enzi ‘a ri ‘i. Ki lebe esu ka enzi ‘a ehwi ni ura kaa ura ‘i ku.
‘Ba endri si mi ako dii kaki ria ‘aia le ce ku di itede le atijoadru rii vu ka lemu leco eji di ri iga si, ki alusa kaki ‘ai itiri ka di esu kpe. Vua lebe enzi dri esu ka isa kolu ‘ai ni okpo rere. Jo tee ana idore ga ka ‘i ki anda anda sa ‘i, lebe driaru ri bati ana kiza tro kosu anda anda rii odu ziti ria mure andra ga ri ‘i.
Ki lebe enzi dri mbi rii kosu tete ana idore rii draa ‘jo oca adraga ni mgbe kegwe ra. Kaki su ta ce anda ri si ku disidru gbe kaki egwe emira alu adusi ‘ba Endri si mi ako di ‘bati oma ki ofu loso ri ‘a ehwi ni erile ana idore ga kpe.
Laponyi cara dri dranga rii ‘ai Farazei ‘ba tro kaki Bugu Ole ri unzi te sa ‘aia dri ga, kaki ilegi Opi dri ri era lejo Maju dri ri tro, kaki ko kaki ilegi saa cidru si. Adi ‘ai itu ekelezia ‘a andra andra ki kaki ‘a ga esi endre tau ‘aia enzi koti-andra andra vua tati a asere ga Rubanga ka ‘ai ga mgbe. Angwe esi ubi ki ‘aia ru ni iswe ingwe bue dini dri kiza esu jo ri si, ki ‘a ga esi ‘aia uje oga enzi si. Dii unzi unzi ‘ai dri lejo anda ri idri ku ki dini dri mbadi ebu ide ka si ri ‘i.
ADI KI ENGWI ANDA RII ‘AI SI
Lebe enzi dri vu di idri
Cidru ri ide ru ra ‘a?
Oo. Ideru batisimu Yesu dri ri si
ana dra kuruce dri ri tro.
Anyi ba olaki Eberei 10:16-18 ‘i. “‘Dii cara ma eyale ma bale ‘ai tro odu na bati ‘a vu ga ri ‘i, Opi okpo tro ri ojo ta dii ni: meya ma cara madri ri si ‘aia asiti ga, vua masia ‘aia uje ga,’ inza ojo, ‘ta cidru unzi ‘aia idele rii cara ako aidri ri tro meya mera ‘ai di ku. Kare ta di bati ebe re ra ri iga, azi zi enzi ti uhwe ‘jo ri oleru di ku.’”
Ki draa ama layu esu ka eyi Yesu ‘a batisimu dri si si vua ana ana ari kuruce dri ri si si, kole dria ondru ki lebe enzi drii di ku. ‘Jo nyeri dri vu ati ‘joa ri si ka reri mbi ani, ki nyesua aso lejo Bugu Ole ria jole ri tro aso. Jodini ri ledii lejo ‘ba dri ‘i ‘a? Bugu Ole rii meza ‘a dri oru ri ‘i vua laini loso ta cidru ipima ‘jo ri ‘i.
“Odu na bati ‘ivu, ma cara madri ri ba ‘aia asiti ga, vua masia ‘aia uje ga.” Layu esu ka avu ga nyi nyi itiri ingo ni? Ovi dru draa nya asiti ga enzi iyo, nyi nyi itiri lovu ‘a. Nyengwi ma’di anda ri ‘i vua nyolu ingwe ‘a.
Vua Opi ojo Eberei 10:17 ga “Enzi ‘aidri rii cidru cara ako ‘ai dri ri tro meya mera ‘ai di ku.” Ojo amani ani emu ani era enzi cidru cara ako cidru ri tro ‘ba layu esu ka ri ‘bati drii ‘u. Aduta si? Adusi Yesu esu batisimu ovi esidi ca ri si, “di ani.” Enzi cidru ri du ka ni vu, Yesu esu lamgba ‘ba cidru ani ‘ai ka ri a kare ga.
Ki dria ana ama enzi ni uhweka cidru pi si, adiki le eraa ra ki kole asiti ‘ba dri ri kaza ‘ausi ku. Kole draa uhwe enzi ‘ba dri rii ‘ba ngasi kusa odra ‘ausi ku adusiku Yesu odu ama enzi ni cidru pi vua ari ani ora kuruce dri ama kare ga.
Eberei 10:18 ojo, “Kare ta di bati ebere ra ri iga, azi enzi ti uhwejo ri oleru di ku.” Dia ehwini odu enzi cidru vudri rii pi ‘i. Vua ziniga dia ehwi ni ehwiani draa ma’di tile di yesu ni ‘a ra rii draa azi enzi ti uhwe ‘jo rii oleru driaru ku.
“O Rubanga, ayi nyebe mani ra. Ra ma ‘I Yesu ni ra ki driso ma olu ‘jo enzi ‘a rii amala mesu layu ma enzi ni ‘a si ku ru. Ma Kristo ‘ba, ki ma uje omwa enzi si ra.” Ilegi ‘badi ria ovi ni kole kolu ledi ani ku.
Enzi ‘ba ka enzi ide nikaa keya kolu ledi ni ni ako. Oni ki di ta eni rii adu ya ni kuadu si adusi oni ki anda Rubanga dri cara si ria ehwi ni ku. Ta tete ‘aia nile ote rii kolea ‘ai kide enzi ‘aia urata si ku ‘i ki oni ki di enzi ide ka Rubanga ‘a andra ga dia ehwi ni adu ya ni ku. Rubanga itede amani Yesu ni ‘ai ka ku ni enzi.
Yoana 16:9 Ga ojota ta Rubanga ‘a andraga enzi ri idri. “Kaki enzi ide rii, ‘aia ma ‘ai ka ku ru si.” Rubanga ni andra ani ‘ai ka ku ni enzi. Yoana 16:10 ojo ta di anda anda ni adu ya ni dri. “Anda anda dii, maya ma Ata dri vua iko indre ma di ku ‘i.” Ovi zi si, yesu ayu vu dii ndutudru enzi dri ‘a ra, ledisi dru kolea ziniga kayu ama di batisimu vu erijoa kusa ana dra kuruce dri vu erijoa ri si ku.
Ungwe ‘ba layu igeni ka ra rii oko eco ‘ai engwile ole enzi ako ‘au. Latu esule vudri dia rii gbadru ideru ana batisimu si ana dra kuruce dri ri tro. Layu zi ruledi di enzi ‘ba azu ‘jo ani iyo.
“Disidru ma’di zi alusa vu ndutu dri Rubanga ‘a ru ehwele ‘ba ni rari ‘jo ‘ausi ani iyo” (Ebu majua idele rii 4:12). Yesu emu vudri dia, esu batisimu Yoana Batisita dri, vua ari ani ora kuruce dri enzi ‘ba cidru ebe ‘jo. Nya ‘i dii nya asiti ga ‘au nyi ko nyesu lari ‘au si. Yesu ohwe nyini layu eyisi vua Endri si.
Yesu uhwe enzi cidru ama idele ru si rii eyisi vu Endri si. Amesu lari ‘ai si. ‘Jo ama ‘i anda dii ni, ‘jo ama ‘i ofu loso rii Kristo si ni, amengwi anda vu alu vua kate tri. Batisimu Yesu dri rii ana dra kuruce dri rii tro, ta ‘ai eri rii idoka anda dri ‘i.
LEJO EHWI ENZI ‘BA ‘A EBU LE ‘AI DRI JO GA RI ‘I
Adi ki gba layu esu ama ama
enzi ni ru ka si wa’a, kusa nosi
draa amesu layu ra ‘a?
Rubanga ohwe layu vu alu
vua ate tri.
Ofu atijoadru Yoana dri 1:9 ojo, “Jo ‘ai enzi amadri ra, ani anda vua adi igeni ‘a wa ka ama enzi ni ebe ra ka amaje ta cidru ama dri unzi ri ‘ia si pelere.”
Kolu anda rere jo ‘ai ki enzi ama dri rii ‘ausini adi ebea amani ra ‘i. Urata ovi disi, ‘Ba ziti ta laka Rubanga dri ra ri efu lini zi ovi mgbi ri tro. Kaki inia saa cidru si ‘jo ma’di enzidipi ri oru ana enzi ni ra karebe laka ra. Ledii gba anda ‘a? Ki Yesu le ojo adi amani ebea saa cidru ama ama enzi ni ru ‘jo Rubanga andra ri si ni kuru.
Ama gba lebe esu ama tete ama enzi ni ru ka si wa ‘a, kusa draa dini amesu layu ra ‘a? Nya ‘i ingo rii ‘au?
‘Ba lini mbi di ani di igeni ka rii kaki ‘aidri raa ‘jo ‘ai oru ‘aia enzi ni odu cidru si ni ka re be ‘aini ra, ki gba ta ce rii, tee kide ki ledi ani sa enzi kolu ‘aia asiti ga ‘i adusi oni ki lejo ehwi anda layu dri rii ku. Alusa ehwi ani eri ru anda ku ovidru jojo ‘a dru ‘jo ma’di Yesu ni ‘ai di ra ri oru ana enzi anda anda ani ti ‘jo ‘autro rii ni karebe ‘anini ra ‘i.
Ra disi, amura ana lejo ni baka layu amadri ri idri vua mgbi mgbi esu ‘jo ta mbi ri bati ‘i lofo ta ce ri tro, ‘jo tee lejo jole amani ri kolu adu ya sa ‘i Enzi ‘ba eri lejo rusidi ofu atijoadru Yoana dri 1:9 ni ga dii ku. Kaki raa risi ka ta jo enzi ebele odu cidru si ri ‘a dri ga. Anyiba olaki dri lini dii anda anda. “’jo ‘ai enzi amadri ra, ani anda vua igenia wa ka ama enzi ni ebera koko ka ama ‘je ta cidru amadri ego ri ‘iasi pelere.” Anyitiri tete esuki lari enzi amati ‘jo ‘autro ria dri ga ‘a ongo disi kole amaru ama enzi anda anda rii ana andraga amani engwi ‘jo anda vua ole ani ni ‘ai ebejo ra ‘i ‘a? Ledii lini mbi engadi awi ako ru dri ri iga ri ‘i.
Batisimu Yesu dri ri ‘ai re ana ari tro ri ‘i. Enzi cidru ‘aa rii ojeru pelere ana batisimu si vua ana ari kuruce dri ri si eze, eze oku oji saa ra.
Igeni kaa Endri ‘a lekaa ri ani ti ‘a mgbi mgbi ni igeni kaa urata amadri goga ako ri tro tro nza ‘ai dii eritruwasi ta mgbi mgbi ri ‘i. ‘Ba igeni kaa ‘aia uje ‘aia ngasi ri si ri kondrea ilegi ka enzi ni ru ‘je ‘jo odu cidru si ‘a konyi ni ‘aini nza, ki ‘ba ‘aidru ‘ai kaa layu eyidri vua ari dri ri si ri ‘bati oni ‘ai esu layu vu alu ate tri batisimu Yesu Kristo dri ri si vua ana ari si ni ote.
‘Ba ‘aidru lekaa ‘ai kesu layu odu cidru ‘aia ‘aia enzi ni ru ka si rii ondre sa ni kaki enzi layu Yesu dri batisimu si vua ari si ri ‘ai ka ku dri ri ide ‘au.
‘Jodiniri nyesu layu vu alu vua ate tri batisimu ari tro Yesu dri ri si ‘a? ‘Ba layu esu ka driso kuru rii kaki bi ‘a lari esule odu cidsru si enzi ‘aia rule odu cidru si ri si. Di oba draa dinisa lejo olu ‘aini ‘aia enzi gba tema tema ‘aia evule idele andraga ri tro ‘aa.
Kaki bia enzi ‘ai kevu kidea andraga ri rule ati ati. Ki di ide ka kitedea pelere ‘aia ‘ai ni Yesu ni ru iyo. ‘Ba dia mi ali ru ofu loso layu dri ri iga ci. Yesu ayu ama cidru enzi dri ‘a vu alu vua ate tri ana batisimu si vua ari si, odu lamgba dii ana dri ga. Disidru amesu layu ra rii ama ani ‘ai ka si.
‘Jo nyitiri kole nyiru nya enzi andraga rii nyini lari esu ‘jo ‘au ‘i ri, karu ni nya mgbi mgbi ni enzi ‘ba ta ni ka ana layu ruti ‘jo di eyisi vua Endri si ku ri idri ri tro iyo. Enzi ‘ba ka aludi sa lebe enzi dri esu ‘aia ‘aia enzi ni ru ka si kpe.
Ki ‘jo iru nya enzi ni anda si, “Ma enzidipi driso layu esudi kuru ri ‘i,” vua ‘jo nyeri vua nya ‘i ofu loso ana batisimu drii ana dra kuruce dri ri dri tro ni, Rubanga ka nyi ayu nya enzi cidru si ri ‘a dri ga ra.
Ki ‘jo nya ‘i ofu loso enzi ‘a rebejo rii kuru ra rii nyidri nyi ra ni ilegi enzi rujo ri ‘a ogu ga, nyeya nyi lamgba esu da sa ku ‘jo Yesu eya engwi vu di ‘a dri ga kendre ma’di lejo alidi anda si ri ani ni ‘i.
‘Ba layu ofu loso eyidri Endri tro risi ri ‘ai ka kuru rii kaki lamgba retu ri esu ra. Jo kaniki ru ‘aia enzi rule ri ogu sa, kaki evu kaki lamgba laka ri esu ni. Disidru, ote ndi odu lamgba esu ‘jo na keca tro ku. Nya ‘i nyini draa ofu loso tutu ‘a rucore driaru ra ofu loso eyi dri Endri tro di ni ‘au.
ENZI RU KA ANDA RII ‘AI ANDA RI TRO
Ovi enzi ru ‘jo leti anda
si rii ingo ‘i?
Jokaa dri enzi olu driaru ‘aa vua ‘jo
‘ai ofu loso ce rii ku koya
aci olure tadru ri ‘ia ‘i.
Rubanga ebe ama enzi ni vu alu vua ate tri. Dia draa ovi lidri-anda ma ta jore driaru ri ‘a ovi ni ‘aa. Ojo dri ni ‘ba ‘ba udi ka ewo Korea dri Oru esi ri iga ri ‘a alu kemu ewo Lile esi ri iga. Koko kondre ama ilonyi dii ni, kido uralea kumbe unza ani ra, disidru kolea ani kazi ani ta andrani ana idele nabati ‘adri ga idejoadru draa ku.
Koce ani komu kare Polisi ‘jo tro ireadru ri iga, mgbe kidoa ana enzi ni ru ka di ani, kojoa, “Ma ma’di ‘ba udidi engadi ewo Oru ri iga ri ‘i,” kusa “Meya kare Lile esi di iga esu ta di bati ta di bati ndre re, ki mide dii ra vua mide na isa ra, ki vua esu mide di isa ra, ki draa ale mazi ma ma ngasi ra. Ausini molu dru ma’di ‘ba udidi ri ‘i dru di ku.”
Dii gba enzi ru le leti anda si ri ‘i a? ‘jo kesu kole ana enzi ni ru ka, esu ta kolea kojo rii “Ma ma’di unzi ‘ba udi di ri ‘i.” Lejo ehwi jole ali ledi iko lejo ‘aa rii kpodru ra:ani ma’di unzi ri ‘i disidru kolea ani kesu lamgba ra. Lejo ehwi jole ali ‘a ledi si, ta jole anini kole kide ri kolu ingoni sa, ta ana zile ri ka reri ra.
Ondi ledi ani, ‘jo ma’di enzidipi ri oru ana enzi ni Rubanga ni andra ni kojoa, “Ma enzidipi driso lebe enzi dri ri esu di kuru ri ‘i. Aba dri dria dini sa mu ‘jo aci olure tadru ri ia disidru ole mesu sa lamgba ta cidru unzi ma idele ri si ra. Ayi nyari mani ma” ‘jo oko ‘ai Yesu ni ni, ka layu esu ra. Yesu esu batisimu vua ari ani ora ama si, disidru ta kolea dria amide rii kole ama ‘i lari anisi rii amani layu esu ‘jo ‘au.
Lete 2:17 ojo, “Memu ma zi ani oni ingwebue ri hwe ‘aini dere, kpo ruaru adi ru udi ri si ci ‘ba zi oni ku aludi ma’di hwerea driaru ri konia ni.” Bugu ole ri ojo amani ma’di tete ofu loso ce ri esudi ri ka ru Yesu dri ri ni ote rii ni. Ki tete ma’di layu esudi vu alu vua ate’di tri ri ka zumadi engwi jo anda ri ni ote rii ni.
Ki ma’di driso ni dia ku rii kolu enzidipi tee kilegi ilegi enzi ru ‘jo rii odu cidru si sa ‘i. Enzi ru ka ‘a ehwini ilegi enzi ru ‘jo ri ilegi ka odu cidru si ‘i ku. ‘Jo tee ma’di zi rii kolu Kristo ‘ba dru kinya 10 sa, ka rungwe enzidipi ‘jo ka Rubanga ni zi enzi ru ka si odu cidru si ‘i.Kolu driso ‘barangwa Rubanga dri ‘i dru ni kpe.
Lari esu ‘jo kole ma’di ka ‘i ani ma’di enzidipi ri koko vu ‘a ru ka ‘i layu Yesu dri ri ni. Dii ‘ai ce ri ‘i.
ENZI MA’DI DRI RI USI KA NI TA BUGU ATIJOADRU YOANA DRI 1:9 ‘A JOLE RI ‘I KU
Kole ama ru ama enzi ni
odu cidru si ‘a, Nosi vu alu kate
amani lari esu ‘jo ra?
Tete vu alu
Ki gba ma’di ogu ri ‘bati ma’di ‘ba udi di ri tro ‘jo kojoki ta unzi ‘aia idele rii ni karebe ‘aini ra ‘a? Enzi ‘ba ka lebe esu ‘aia ‘aia enzi ni ru ka si aludi sa kpe. Kaki tete lebe esu wa rii layu ofu loso eyidri Endri tro Yesu dri tutu ‘a rucore driaru ra ri si. Kristo ‘ba ziti ‘ai mbi ri tro ri ‘bati ka enzi ru ovi ani ledi ani ledi si.
“Rubanga madri, ziniga endru sa muzu ma’di zi tro ra. Mide enzi ra. Munza ma’di zi ra. Mogu ta ra.”
Ki ‘jo kaci andraga ledi ani Rubanga kojoa anini, “Nyivu ciri, nyi enzidipi! Draa adu?”
“Ayi nyeri dri mani ma. Rubanga, Ijo amani kolea amaru ama enzi ni. Disidru draa madri ma ‘i nya kiza ni ‘au.”
Ilegi ovi di ani dii ilegi Rubanga ‘a lele ani keri ri ‘i ku. Ole ani keri ilegi ‘ba layu eyidri Endri tro ri ‘ai ka ra ri dri rii‘au: ‘Ba enzi ‘aidri ri ‘ai ka ra rii ‘ai ‘ba ofu loso ri ‘aika ra ri ‘bati ‘i disidru kaki gbadru ruti Endri si di.
Agusitino ojo ani oru enzi ana ndrukaa ana endre ‘a ba ni ti si. Ora ri si enzi ru ka na ani na ka ani ji opi bu dri ri iga ra. Adiki sa di gugu. Enzi amadri ri ruka ikonyi ta aludi sa ku.
Rubanga ojo, “Nyivu ciri ra rii nyijo mani di nyide enzi ra ya ‘i. ‘Jo nyide ra, nyiko nyebe tajoka driaru ra. Ndi driadru sa nyigeni ta mbidru rii ‘au, disidru nyimu ekelezia ‘aaru adi ta anda ri ini ‘au ri iga. Nya ‘i ofu loso layu dri rii ovi anda ri si nyiko nyesu layu ‘au si. ‘Jo ani ani ku, Memu ma lali li nya dri ga ra.”
Ilegi ilegi le enzi ru ‘jo ri bati ovi ziti ubi ebule enzi ru ‘jo ri tro kitedea ama ‘ai ni goga ako vua mbi.
Osiru ofu atijoadru Yoana ‘a sile 1:9 ni ga ‘jo ‘ai enzi amadri ra, ofu loso eyidri ari tro ri ka amani layu hwe ama enzi cidru ri ‘a dri ga ra.
“ANYINGA MA NDRA PI”
Cara ako etede
kaa ehwi ni adu?
Ehwi ani ma’di a Yesu ni
‘ai ka ki kesu ‘a dri enzi olu
ana asiti ga ‘aa ‘i.
Kristo ‘ba enzi ‘ba ri ‘bati ‘a ‘ai ni goga ako, Kaki cara ako itede Yesu ni andra ‘au. “Ki jo odu na keca ni ‘ba amgbu kojoa mani, ‘Opi, Opi, aninga anze ta nya ru si kuru ya, adro ori unzi rii nya ru si kuru ya, amide nyuma ta ‘aujo ri tro nya ru si kuru ya?’ Ki majoa ‘aini kperi, ‘Ani anyi ku; anyi ‘ba dranga di, konga mandra pi!’” (Mateo 7:22-23).
Nyira driso ta’a ovidru nosi ma’di ta ego ri igeni di ri odra ni, oko eya omba Rubanga ni andra ni, koko kojoa, “Nyi ingoni ya, Opi? Ma aninga ta ura re nyidri vudri dia rii ara ri si nyi loso ndro rere, ki kumbe oru di ‘a sa nyendre loso rere. Manzo nyi ra, Opi. Adusi nyari ma ra. Mitiri tee dri enzi kolu ma asiti ga ‘aa sa nyi ma ndre enzi ako. Meya di ‘a ndi saa nya tati ubajo ma jijo bu ‘a ri si. Draa ale maya kare ofu ‘a sure da ku ledi iga. Odri-endre meya ma to nyi ndre ra.”
Ido ya ka amvu ni ‘a, ki Yesu imba ani ci. “Nyite dri! Ondre dri ma’di di ‘a asiti ga enzi iyo ya ‘i. Nyi enzidipi ‘a?”
“Lokudru madri enzi ‘aa. Ki gbadru ma ‘i nyi kuru?”
“Nya ma ‘aire ra ri isa nya asiti ga enzi olu ‘aa ya?”
“Gbadru loku, madri enzi ‘aa.”
“Aduta? Nyidri enzi ‘aa ya? Nyeji mani Bugu Lidri dri ri ni. Nyiko nyeji Bugu Ebu dri ri isa, tro. Nyindru ana ru ni. Nyindre di ru ani bugu ingo ri ‘ia ya ‘i.”
Ojo ga loku ‘i, ana ru ni Bugu Ebu dri ri ‘ia.
“Draa, nyiru nya enzi nya idele vudri di ‘a ri ni.”
‘Ba kolea ‘ai kide ku, ki Rubanga ka anini mori ba ‘ausi ni ka ana ti ni awi vua ka dru ana enzi ni ‘jo ra.
“Oo, mide enzi ledi ani ledii ra...”
Ki sa dri ani ociru ra ka aludi sa ana ti ni bi ci ni kpe.
“Ledi isa kpo cuwi, draa ledi ate ra! Ide ate anini mujo aci olure tadru ri ‘ia ra. Esi gba mule ca! Anyize ani kare gwedi na iga.”
Oze ani kare ofu ‘a sure da ku na iga ku, ki nyize ani kare aci ‘a gwere da ku ri iga. Ani jire aci ‘a rii ka ana si ci dasa ku.
“Ma ‘i nyi ra, anze ta profeta ti si nya ru si ra, anze ofu loso rii nya ru si ra, mazi ma ‘jo ni ebu ide ‘jo nyi ni, mikonyi emvo ekpadru, ami ta nya ru si okpo si, milegi ande ka ako, mikonyi ‘ba avu rii ra... Esu kole maya bu ‘a.”
Ka ana si ni ci dasa ku kojoa ani odri kpo ta di idere nyadru. Ki oce koca aci olure tadru ri ‘ia di, ondre Kristo ‘ba anda layu-dri Yesu ni ‘a di ni ka ku ri ‘bati ‘i. ‘Ba ofu loso layu dri ria ehwi ni eri ka mbi ri ‘i vua ‘ai ‘ba ana gale mgbe ri ‘i.
ENZI ‘BA TA CE KU RI IGENI KA ‘AU RI ‘BATI DRI OSIRU BUGU EBU DRI RI ‘IA
Enzi enzi ‘ba cidru
dri rii osiru ingo?
Osiru ‘aia asiti ga vua
Bugu Ebu dri ri ‘ia.
‘Jo tee ama ‘i Yesu ni ra kusa kuru sa, Rubanga ka ‘ba ‘aia asiti ga enzi ‘aa ri ‘bati ivolo ‘au. Jo kesu tee enzi angwa ma’di zi ‘a asiti ga gaangwadru sa, ma’di na ani naa adi ani ze aci olue tadru ri ‘ia vua adi lejo ali driaru odu lejo alijo risi ra. Rubanga ojo ‘ba enzi ‘ba ri ni kole ka ‘i ki ‘ai enzi ‘ba vua ‘ai esu layu kuru kojoki ledi ani ‘jo oleki layu esu ka ra ‘i.
Enzi enzi ‘ba dri ri osiru ‘aia asiti ga. ‘Ba tile di eyisi vua Endri si ri ‘bati kaki ‘aia enzi ni era, ki sa enzi di iniru ‘aia asiti ga si pi. Engwiki anda.
Ki ‘ba ruti ka Endri si di kuru ri bati ‘a asiti ga enzi olu dri ‘aa. Disidru Rubanga ‘a andraga ‘ai enzi ‘ba. Jo tee kowoki vuru ilegi re ni sa, ‘aia enzi anzu ‘aia lofo ni Rubanga tro ra vua koba eri ‘aia ilegi ni ku. Kaki ilegi disi vua na si, ki ‘aia enzi olu ‘aa. ‘Aia zeleti keko ‘ai ni ‘aia enzi ni ru re ga, kaki ‘aia -enzi ‘aia idele amvudi kinya 10 rii ru ‘au, kinya 11 rii ru ‘au, vua kinya 20 rii ru ‘au.
Ki gba esu kolea koru ki aia enzi ni didi ‘a? Kaki di ide adu lejo si? Oleki ide ka ani ku, ‘jo kidoki ilegi ka ni sa, mgbe kaki eraa ‘ai Rubangaa andraga enzi ‘ba ni ’i. Disidru kaki lea ‘ai kesu laku ‘aia enzi dri rii ‘ai koca ilegire ‘ausi okposi ni kuku.
Rubanga osi ‘aia ru ni kalamu aya ri si ‘aia asiti ga ‘i ausini hwa ‘aia enzi kiniru dru kpe. Di oba, kaki itiri ‘a kolea ‘ai koru ‘aia enzi ni saa cidru ‘aia evu ‘jo Rubanga ni andra ra ri si. Disidru ‘ba ‘aidru ofu loso Yesu dri ndutudru di igeni ka kpodru ku ri ‘bati kolu kiza enzi ‘ba ani vua ‘aia zeleti keko aci olure tadru ri ‘ia.
Jeremia 17:1 ga, osiru, “Enzi Yuda dri ri osiru Kalamu aya si ri si;osiru kalamu mula si ri si oko obaru ‘aia asiti ga, Vua obaru ‘aia alitari ‘a dri ga.”
Yuda ni ru Opi dri engajo suru Isaraile dri ‘i lofo ri ‘i. Bugu Ole ri ojo Yuda omba ‘ba cidru ‘a kare ga, disidru Yuda ‘a ehwi ni ‘ba cidru.
Enzi Yuda dri ri osiru kalamu aya si ri si oko oba laka mula ci ‘ausini ka aya sa li tu. Mula ni drilahwa vudri di ‘a okpo rere ri ‘i. Enzi amadri ri osiru kalamu idele mula si ri si.
‘Jo osikiru ra ri, aludi sa ka rini kpe. Kaki rini pi ni kpe paka adi ofu loso ce ri ‘ai kpa adi ofu loso eyidri Endri tro ri ‘ai kpa.
‘Aini layu esu ka ‘aia urata si ‘a konyi ni aludi sa iyo, ‘ai kaa lini Kristo ‘ba dri si, lini Rubanga dri ri era ka si, vua ‘ai hweka ebu ekelezia dri ri idere ga kesua vua enzi olu ‘aia asiti ga ‘aa ‘i.
Ki amala ‘aia enzi ‘a rini ka pi ni batisimu Yesu dri rii ako kpe si, enzi ‘ba kaci ta di eraka tro andraga, kaki joa, “Opi, Ma enzidipi,” ‘Jo tee milegi ni sa ‘i. Enzi olu dri draasa ‘aia asiti ga ‘aa ‘jo tee kemukiru Rubanga tro be ani kolu ingoni sa ‘i, kideki ebu ekelezi ‘a retugodru ani ingoni sa ‘i, vua ‘jo tee kesu ki lini ovi Rubanga dri ri idri rii ingoni sa ‘i.
Disidru kaki vu be ‘a, kaki bi ‘a ta jole ti mgbi mgbi ekpadru si nyadru kaki ko kaki lea ‘ai kondre ovi ingwe gwedi ri dri ni, ki ta ‘aidii kpodru sa konyi ako. ‘Jo enzi kolu nya asiti ga, alu sa nyolu egbwe si ni kpe.
Enzi amadri rii, kendre ondi ana rusika Jeremia 17:1 ga ri ani, osiru vua obaru alitari ‘a dri ga. Bu ‘a nale, Bugu Lidri dri ri bati Bugu Ebu dri ri tro ‘aa. Enzi enzi ‘ba dri ri osiru Bugu Ebu dri ri ‘ia ledisidru ‘ba ka aludi sa rogu ‘aia enzi si kpe. Rubanga osi ‘ai Bugu ebu dri ri ‘ia vua osi ‘ai urata amadri ri ‘ia vua ka ‘ai itede amani ana cara si.
Anyiba oba ki ta dii kengwi anda ama batisimu Yesu dri ri ‘aika ana ari radi ama si ri tro si oko esu ki dru lari ‘ausi. ‘Ausini adiki olu baba lidri olure tadru ri ni ‘i, Vua dru ru amadri ri karusi Bugu Lidri dri ri ‘ia ra.
NYA RU OSIRU BUGU LIDRI DRI RI ‘IA RA YA?
Osi adi ti ‘a ru ni
Bugu Lidri dri ri ‘ia ‘au?
‘Ba ‘aia asiti ga enzi iyo ri ‘bati
‘a ru ni usi ‘na ‘a ‘au.
Nya ru ni rusika Bugu Lidri dri ri ‘ia ni ta okpo rere ri ‘i. Adusi ‘jo nya ru osiru na ‘a kuru, Yesu ni ‘ai kaa konyi kolu adu? Layu esu ‘jo gbadru ra, kole nya ‘i oti eyisi vua Endri si rii ‘au.
Yesu emu vudri di ‘a, esu batisimu ana kinya ‘a olure 30 rii enzi cidru vudri rii jejo, oko odra kuruce dri ama cidru ayu ‘jo. Kendre ana rusika Mateo 3:15 ga ri ani, Yesu ni dii “anda anda itede ‘jo” esu batisimu oko odra kuruce dri. Kole amigeni dii ama ru ni rusi ‘jo Bugu Lidri dri ri ‘ia ‘au.
‘Jo ‘ba odra vua ombaki Rubanga ni andra ni, Rubanga kojoa, “Nyindre dri di ma’di di ‘a ru ni Bugu Lidri dri ri ‘ia ‘aa ya ‘i.”
“Oo ‘aa, Opi.”
“Oo, nyicandiru vua nya mindra ora vudri di ‘a ma si, draa ale ma ba lejo dii kengwi ce ‘ausini nyangwa dru ‘ai di ku.”
Rubanga oba ana dri ga dride anda dri rii ‘au.
“Manzo nyi ra, Opi. Draale ma asiti ni ‘bo’bo dru egbwe.”
“Malaika, ka dride retugodru ri ba ma’di dia dri ga.”
“Opi, nya mani lari hwe ka ate tri. Vua dride diisa kolu mani nza rere. Manzo nyi ra. Manzo nyi okposi nya mani lari hweka si. Ma ‘a oga onde oga isa ra ma olu ka nya andra ga si ‘i.”
“Malaika, kowo vuru koko ka ma ‘boronzi 10,000th di du konia ana ogu ga.”
Malaika koko ka ‘ia, “Oo, ‘ba di.”
“Ayi enyeni ru ma ogu ga.”
“Asi egbwe ani sa retu. Ma di ide ce ‘a? ‘Jodiniri ovu andraga.”
Malaika odu leti ciri si rii ‘au.
“Ta nya lele nyidu aci nyimu laka rii adu?”
“Wooo, dia le cuwi ndro. Kare di ‘a retu ni ingo pi?”
“Ari ayare kare ubi ga kinya ire ate Milioni ni ra, ki mesu driso vu ‘a ti ‘a eko ka ni kuru.”
“Ledii ce ku ‘a? Aya molu anyini anzi ku ‘a. Nyi ma ba draa vuru wa.”
“Ama mori eko draasa di ‘a kuru.”
“Manzo nyi ra, ki ale mamba vu opi bu dri ri tro ri iga. Ki ‘jodiniri ‘ba anda evuka mani ati ati ri ‘bati ingo?”
“’Ai na ‘a na.”
“Basa ovu ki na ‘a.”
Alleluya! Amvoki ‘ai alu alu cici kaki ci vua kaki olu ru dru asi egbwe si.
Ki nyira driso ta ovidru ma’di zi Yesu ni ‘aidi ra ki driso oludi enzidipi rii ‘jo kodra ni vua komba Rubanga ni andra ni. Kojoa anisa ani ‘ai Yesu ni ra vu ani ma’di enzidipi ri ‘i.
Rubanga ojo, “Anyindre dri di ma’di dia ru osiru Bugu Lidri dri ri ‘ia ra ya ‘i.”
“Ru ani Bugu Lidri dri ri ‘ia iyo, Opi.”
“Jodiniri nyindre ru ani Bugu Ebu dri ri ‘ia.”
“Ana ru ti ana enzi ti tro kpodru si dia di.”
“Draa jodini ri nyize ma’di dii kare ana asiti ‘a azare laje tara adu dri si ku ri iga, vua nyiko nyiba kolu na ‘a ‘bo’bo dru.”
“Oh, Opi, di le gba kiza ako...”
Kojoa dii gbadru kiza laka iyo. Adi ani ze kiza ako aci olure tadru ri ‘ia esu ‘ai Yesu ni ra sa ‘i adu si?
Lejo ru gba rii adusi Sitani Unza ani ra disidru oba eri lejo ehwi anda dri ofu loso ri dri rii kpodru ku. ‘Jo eriki lejo ehwi Yesu ‘a layu dri anda dii ra, amasa ba zeleti keko aci olure tadru ri ‘ia, alua ri ani.
Ma’di di ‘ai Yesu ni ra, ki oba sitani unza ani ra koraa ani ma’di enzidipi ri ‘i. Esu oli keri ofu loso ce rii ra ri, nosi keraa ta ana igeni le rii mbi ni ra. Ki sa obi eraasi kuru ana geni ana ngasi mbi ana urale ri si ‘i.
Jo ile yaka opi bu dri ri iga ra, kole nyigeni oti udi eyisi vua Endri si rii ‘au. Kendre ondi ana rusika Mateo 3:15 ga ri ani, “anda anda etedejo” Yesu odu enzi cidru vudri rii ‘i. Kole nya ‘i lari eyisi vua ari si rii ‘au.
Aditia ru ni usi Bugu
Ebu dri ri ‘ia rii ‘au?
‘Ru ‘ba ‘aia asiti ga enzi ‘aa
ribati dri ni usi na ‘a ‘au.
‘Jo nyidri idu ta cidru igeni le ‘au, kendre ma’di izole-anda ta ana endre ‘a jole ri ga di kuru ri ani, nya zeleti keko aci olure tadru ri ‘ia. Adusi ‘ba lizo-anda ri esu ka ‘au ri ‘bati isa aci olure tadru ri ‘ia ‘aa, ki bu ‘a le, nyi ‘ba oja di ka anda si ri esu ‘au ‘ba oja di ka ta ‘aia ‘aile ra ri si ri ‘i.
‘Ba bu ‘a ri oniki ‘ai enzi ‘ba zele vule aci olure tadru ri ‘ia ri ‘i ni ote disidru igeniki asi egbwe si ‘aia enzi ojeru pelere batisimu Yesu dri ri si vua ana ari si.
Ojoru ti bi tro oga bu ‘a kendre kpe. Amala ‘ba amgbu ziti ri ‘a layu Yesu dri ri igeni ka ‘aia ti si vua bi si si, Rubanga obe ‘aia ru ziti rii meri gwedi aci si ri ‘ia.
Nyira driso ta ovidru nosi ma’di Yesu ni ‘ai di ra ki dri enzi ‘a olure asiti ‘a ru ‘aa ri komba Rubanga ni andra koko kojo, “Opi, ‘ba ka ma ungwe anda rii amala ma Yesu ni ‘aika ra si tee dri enzi kolu ma asiti ga ‘aa sa ‘i. Mitiri nyisa nyi ma ndre ma’di enzi ako ri ani. Ledii ta ma igeni le vua ma nile ote ri ‘i. Masa migenia ‘ba ziti amgbu ri ‘a ide kaa ri ani. Menga kare lini laka rii ‘ba amgbu igeni ni ri iga.”
Opi koko ka ‘i ‘a. “Ma aludi sa enzi ebe ‘ba ‘aia asiti ga enzi ‘aa ri ni kpe. Aje anya enzi ni cidru si tutu rutijo di eyisi vua Endri si ri si. Ki iga ‘ai kaa ni mgbe. Malaika! Anyiba ma’di lali ta idedi caku caku dii aci olure tadru ri ‘ia.”
Ma’di Yesu ni ‘aidi ra ki draasa itiri di ‘a enzi olu ana asiti ga ‘aa rii zeleti ani keko aci olure tadru ri ‘ia. Anyeri ofu loso loku layu dri rini anyiko anyesu layu anya enzi ni ‘a si cidru. Ku ri, anyevu anyi gwe aci olure tadru ri ‘ia ra.
‘Jokaa nyidri enzi iyo ki kesua nya asiti ga enzi olu ‘aa dru ni Rubanga unza ka. Tati ‘a asere ga ‘ba kevu ka mgbi mgbi enzi ‘ba dri ri ndre ‘ba anda ri tro ra. Too ovule nga nye ya nyeraa ma ‘jokaa nyini kole nyesu layu ra ni ce ni ra.
Nyi mgbi mgbi ‘ba layu tadru ri ‘ai ka ri ‘bati dri ri ndre ra (dii ‘ba batisimu Yesu dri ri ‘ai ka Ana dra kuruce dri ri tro ra ‘ri ‘i) ‘ai ‘ba ra kaa ku te nyimba leti yajo bu ‘a ri iga kusa aci olure tadru ri iga sa ‘i ri ‘i. Mgbi mgbi ani keya kolu nza. Ziti ri koto opi bu dri ri iga vua ziti ri kovu aci olure tadru ri ‘ia.
Nya ‘i Yesu ni ra ki dri nyolu enzidipi ‘a? ‘Jodiniri kole nyera esu kole oti nyi di eyisi vua Endri si ni. Amala Rubanga keya ka ‘ba ‘aia asiti ga enzi ‘aa ri ‘bati ze aci olure tadru ri ‘ia. Tete ‘ba lebe enzi dri tadru ri ‘ai ka ra ri kevu koto opi bu dri ri iga ni.
Nyide Nyini driadru. ‘Jo iba ote ra, keya ko ‘e oro rere. Nyolu baba ati ati. Oca yare aci olure tadru ri ‘ia ku, Nyigeni layu eyidri Endri tro rii ‘au nyiko nyengwi enzi ako.
Eku kolu ama Opi Yesu ni! Ama ani anzo ana kiza bajoadru ama enzi ‘ba di ‘a engwi ‘jo anda ri si. Alleluya!
YESU: NI MA’DI MBADI ‘BA ANDA RI ‘A
KARE GA RI ‘I
Enzi amadri rii gba karu du
pi ilegi enzi ru ‘jo risi wa ‘a?
Kpe, ani dii ru dru sa okpo.
Ledii ovi zi Sitani ‘a ama
unza ‘jo ri ‘i.
Anyiba olaki dri ofu atijoadru Yoana ‘a sile 2:1-2 ni. “Ma ‘boronzi, ma ta di si ‘jo anyini rii, anyebe dru enzi ide ka ra. Ki ‘jo ma’di ka enzi ide, ma’di ama dri ama ikonyidi Ata tro rii, Yesu Kristo ni anda rii ‘aa. Ani azi ama enzi ni du ‘di ri ‘i, ki te amadri a’dite ku ki enzi ‘ba vudri ri dri tro cidru.”
Nyindre dri dini? Ma’di zi ‘aidi ‘a ra ki driso enzi ‘a olure asiti ‘a ru ‘aa ani ‘aa ya? ‘Jo dri enzi olu nya asiti ga ‘aa ki nyijoa Rubanga ni nya asiti ga enzi iyo, karuni nyi ani unza. Nyiko nyi nyi unza nya ngasi sa tro, nyi nyi unza tro.
Ki gba ‘jo nyeri Yesu ‘a ehwi ni ni vua nya ‘i ta ana idele Jurudano ‘a ama enzi ni ‘jejo cidru rii ni, gba loku loku nyengwi enzi dri ‘a kulala. Nyiko nyi ‘joa, “Opi, Oti ma di eyisi vua Endri si nyi ‘a. Madri enzi iyo. Draa mamba nya andraga drinza ako.”
Opi koko ka ‘i ‘a. “Oo, nyi anda. Kendre ondiku Abaramu ‘a ma ‘ai ka vua ana ani igeni ka ana ngasi anda ri ani, anyisa anyi anda adusi aje anya enzi ni cidru si pi.”
Ki anyira dri ta ma’di Yesu ni ‘aidi ra ki driso enzi ‘a olure asiti ‘a ru ‘aa ri ‘a dri ga. Kojoa, “Amala ma Yesu ni ‘ai ka ra si, madri maya bu ‘a tee ma asiti ga enzi kolu gaangwa ngwa dru ‘aa sa ‘i.”
Ole yaka bu joisi ana gale mbe di ‘ia ndro ki kolea ani komba komwi lejo alijo ri andra ku. Aduta si? Amala oni ofu loso tutu ‘a rucore driaru ra ofu loso eyidri Endri tro dii ku.
Ma’di alu alu ana saa olu ‘jo vudri di ‘a ri si kole ka ‘i ani ma’di enzidipi ri ‘i. “Ma ma’di enzidipi ri ‘i. Ma ya aci olure tadru ri ‘ia. Ayi nyari mani ma.” Enzidipi ka aludi sa layu esu ana ilegi enzi ru ‘jo ri si kpe. Ra rii, kole ka ‘i ani ma’di enzidipi ri ‘i koko kole ka ‘i lari eyidri Endri tro rii anini layu esu ‘jo ‘au. Ka tete engwi anda wa rii layu eyi dri Endri tro ri si.
Jokaa enzi ama tijo ‘autro ri ojeru pelere rii Yesu ni ‘a ni disidru kolea amaru enzi ama ri ni rii ofu loso enzo dri ‘i. di ka mgbe ama ji anda aci olure tadru ri ‘ia. ‘Ai ‘ba amgbu draa dinisa kovu aci olure tadru ri ‘ia ‘aia ofu loso mbi di ani di igeni ka si amala ovi ani ledi ani ledii lini ledi ani ledi tro kaci andraga dasa ku.
Nyi ni ‘a draa ide ofu loso mbi ri ‘ia ra ni ote ‘a? Nyolu ma’di mori ‘a gare ruaru ri ‘i ni wa ‘a ‘jo nyuhwe nya mori ni kpodru ra sa ‘i? Nyira driso ta ‘a driaru. ‘jo nyitiri nya Yesu ni ‘aika ra ‘a vu ga sa nyolu dri enzidipi ‘i, karujo nyigeni ani anda anda kuru ni wa ‘a? Nyi ma’di ‘ai tro ri ‘i vua ma’di enzidipi ri ‘i ‘a, ‘jo nosi nyi ma’di ‘ai tro ri ‘i vua ma’di anda ri ‘i?
Nyupe ‘a nyini nya ngasi wa. Nyupea nyini ‘ai ‘joadru nya enzi eberu kpodru ra ni wa, kusa nyigeni ‘a kolea nyiru nya enzi ni odu cidru si ni wa. Ta nya upele nya ngasi ri kitedea di nyiya bu ‘a ya kusa aci olure tadru ri ‘ia ya ni ni. Kole nyeri ma’di ofu loso ri nzedi nyini anda si ri ni.
‘Ba ofu loso mbi ri igeni ka ‘au ri bati ka ilegi enzi ebejo ri ilegi okposi rere tee saa ‘aia remujo ilegi ga risi sa ‘i, itu Na cidru si, itu Tou cidru si vua ilegi-ini ‘a ru rii kaki idea ‘aia enzi ni ruje ‘jo.
“Opi, Mide enzi ra. Mide enzi sabiti disi ra,” kaki ‘jo ‘a ‘i. Kaki enzi kinyaa ‘a ni ‘a ri isa era kaki ko kaki ilegi ‘ausi ‘ausini kebea ‘aini ra. Ledii ofu loso ruti ‘jo di eyisi vua Endri si ri ga ka.
Kolea enzi amadri ri kuhweru ari si. Eberei 9:22 ojo, “Enzi ka ru du ari ni osuka ako ni kpe.” ‘Jo nyitiri nyidri enzi ‘aa, karuni nyi ani zi kolea ari ani kora nyisi ziniga di ‘i ‘a? ‘Ba ‘aidru layu ndutudru Yesu dri ri ‘aika kuru ri bati ‘ai ‘ba enzi ‘ba ri ‘i aia layu Yesu dri ce di eco ka ana engwi ka enzo si ‘i. Aidii ‘ba jokaa sa Yesu ayu ama vu alu ate tri ni kuru ka enzo nze ri ‘i.
Layu esu ‘jo Yesu ni ‘a, kole nya ‘i layu anda esule eyisi vua Endri si rii ‘au. Gba nyitiri adi nya enzi ni ebe ilegi enzi ru ‘jo nya ilegi le vu mia, kusa elifu, kusa milioni ri si ra ‘a? Ofu loso ri aku ama ama enzi ni ‘a vu alu vua ate tri. Amengwi anda, amavu bu ‘a ra, vua saa cidru si amolu lidri anda dri ri si.
♪Molu Yesu ni ‘a lidri udi ri si. Draa ma ta udi ri ‘i. Ta oku ri amvu pi udi ri eca ni. O, Yesu ni ma lidri ‘i. Molu Yesu ni ‘a lidri udi ri si.♪
Nyolu Yesu ni ‘a lidri udi ri si. ‘Ide ta ku tee nyendre loso ndro nya lekaa ri ani ku sa ‘i, tee nyolu aliadru sa ‘i kusa tee aga ‘a esi nyiziru ci sa ‘i, ‘Ba tutu esuka ofu loso rutijo di eyidri si vua Endri dri si ri ‘bati kolu lidri asi egbwe dri si rii ni. Ka konyi ingoni ri itede ‘au ovidru ‘jokaa nya omvo omba ovi zi si ‘i kusa nosi nyi ali tunduru ‘i? Amala tesa ama ce ku si, amesu lari ama geni oti Endri si Yesu dri ana eyisi vua Endri si ri ‘ai ka si. Ki ‘ba gakaa mgbe ri ‘bati kovu aci olure tadru ri ‘ia.
Manzo nyi ra, Opi. Ma saa cidru si anzo hwe Opi ni. Adusi amigeni oti udi rutijo di eyisi vua Endri si rii ‘au, disidru ama ra ‘i bu ‘a ra.
TA ANDA KU RI KA AMA JI ACI OLURE TADRU RI ‘IA
Adi ka tati ‘a asere ga
dride anda dri ri esu ni?
Ma’di anda ako mi
ndedi ra ri ‘i
‘Ba anda ako dri ri ‘bati kojoa amani kolea amaru ama enzi ni odu cidru ‘jo amani layu esu ‘jo ra ‘i, ki ofu loso eyidri Endri tro ri le kojoa amani dria dini sa ama enzi eberu ra disidru ta kolea amide rii ama ‘i ‘i.
Jodiniri anda rii ingo ri ‘i? Kole amaru enzi odu cidru si ‘a? Kusa ta loso rii ‘aikaa Yesu esu batisimu ovi esidi ca ri si oko odu ama enzi ni cidru pi ‘i ‘a? Lejo ce rii Yesu odu ama enzi ni cidru si pi vu alu vua ate tri oko ohwe amani lari leti anda ledi si ‘i.
Kolea draa omba ki ta anda ku di ‘a dri ga okpo endri dri oja di ‘jo ri si. ‘Ba amgbu ka ta anda ku di ‘a vu ni oko ‘au. “Nyisi malaika Kristo ‘ba Perigamu ‘a ri dri dini, ‘Dii ofu engadi ma’di iligo-loci si rile rile ri tro ri dri ri ‘i: Ani nya ebu ni ote, ani ote nyolu Sitani ‘a komwi anidri ‘bare ga’” (Lete 2:12-13).
“Ba oja di ndeka ri ni memu ma mana ruzudi di ri hwe ra. Memu ma zi ani oni ingwebue ri hwe ‘aini dere, kpo ruaru ‘adi ru u’di ri si ci ‘ba zi oni ku aludi ma’di hwerea driaru ri konia ni” (Lete 2:17).
Kare amgbu endri unzi ri ‘a olure ri iga vua anda ako ‘a mbare ‘ai bajo kendre ‘ba anda ani ri iga, aninga Sitani itede ru kendre malaika ingwe dri ri ani. Rubanga ka ma’di anda lari dri eyidri Endri tro ri ni di ote vua eri di ‘a ra ki igeni di ‘a kuru ri ‘a lejo ni eri kpe. Zeleti ani keko aci olure tadru ri ‘ia ‘a.
Ma’di alu alu draa kolea kura ana ngasi di ani ka lari Yesu dri ri ‘ai wa ya ‘i. Ma’di zi aludi sa wodi nya andraga, nya dede ni zi nya ‘i nyini layu esu ‘jo ‘i na iyo.
‘Jo ile lari esu ka nya enzi ni dri ‘a si, kole nya ‘i lari eyidri Endri tro ri ‘i. ‘Jo nyitiri nya asiti ni egbwe rere lari ana le dri ana ama ari ‘jo ri si ‘i, kole nya ‘i. Esu ‘jo nyolu enzidipi kole koya aci olure tadru ri ‘ia ri ‘i sa ‘i, nyiko nya ‘i eyi Endri tro ri ni, batisimu Yesu dri rii ana dra kuruce dri ri tro. Nyiko nyengwi gbadru anda.
‘Jo nyitiri nyi nya ngasi enzidipi ku, kole aludi sa esu layu nya Yesu ni ‘ai ka si ku. Adusi tete enzi ‘ba esu layu ‘aia enzi ni dri ‘a ‘aia ofu loso eyi dri Endri tro ri igeni ka si rii ni. Yesu ni Aridipi enzi ‘ba dri ri ‘i vua ma’di asi limba hwedi ‘ba icandi ‘a ri ni ri ‘i. Ani ma’di ta bi di ri ‘i. Ani ma’di le cidru ‘a engare driaru ri ‘i.
Ale gba majo anyini anyigeni ofu loso ruti ‘jo di eyisi vua Endri si rii ‘au. Anya ‘i. Nyini ‘a cuwidru Yesu kolu Aridipi, Ozi, Leidipi vua kolu nya Rubanga ‘i. Enzi ‘ba kigeni ‘aini Yesu ni ‘au. ‘Jo ile nya zeleti keko aci olure tadru ri ‘ia ku, kole nya ‘i. Rubanga ozi ama dede ni kole ama ‘i ofu loso lari dri ri ni ni kuru.
Ile oze nyi ‘bu ‘a ni ra ‘a? ‘Jodiniri nya ‘i ofu loso ruti ‘jo di eyisi vua Endri si ri ni.Yesu ojo, “Ma leti, anda, vua lidri. Anya ‘i ma ‘au.” Nya jole rii ile obe nyi aci olure tadru ri ‘ia ‘i ‘a? ‘Jodini ri igeni ku. Adusi ojo ani uba kare nyini olujo aci olure tadru ri ‘ia ra.
Rubanga ozi aludi sa dede ‘au ku. ‘Ba limi amgbu tro ri ‘bati ka ofu ase kaki ‘ba ndru ta ‘aidri ri azile, ki Rubanga le ohwe opi bu dri rii ‘ba layu esu ka ra ri ‘bati ni ilili. Rubanga ni anda.
‘Ba kojoa draale vua ‘tia eko ka ni ire. Oo, Masa mitiri ani ani. Vua disidru ofu loso ruti ‘jo di eyisi vua Endri si ri igeni ka ku ni lali.
Nya ‘i ofu loso tutu ‘a rucore driaru ra ruti ‘jo di eyisi vua Endri si rii ‘au. Anyiba ovu ki opi bu dri ri iga kare alu ga. Ivu metro kare Yesu ‘a olure ri iga ku ‘a?
Nyi enzidipi ‘a
nosi nyi ma’di anda ri ‘i?
Ma’di anda asiti ‘a ru
enzi iyo ri ‘i
Olaki dri Roma 8:1-2 ni ‘au. “Ba remuka Yesu Kristo ti tro alu ri idri lejo alika iyo, adusi kaki aci ru si ku, ki kaki aci Endri si.Adusi Yesu Kristo si cara Endri lidri ri idri rii enze ama cara enzi ti dri dra tro ri ‘ia pi.”
Yesu odu ama enzi ni cidru si pi ana batisimu si vua ana dra kuruce dri ri si. Ayu enzi ‘ba cidru esu kolea kesu ki lamgba ‘aia enzi si rii ra.
Lari Rubanga dri ri oko ta drile eri. Alu rii cara vua zikajo rii le. Cara kinia amani ama enzi ‘ba. Kolu cara si le, enzi ‘a musara ni dra. Ama aludi sa lari esu cara si kpe. Adusi te sa ka ta ini amani ama ovi endre ‘jo enzi ‘ba ri idri ama lali tro. Kobaa ama ni ‘a ama enzi ‘ba ni ote.
Musara enzi dri ri uhwe ‘jo, Yesu emu vu di idri, odu enzi ‘aa rii cidru si pi oko uhwe ‘ai cidru ana lidri si ama ari ‘jo lamgba eyadi ri ‘a dri ga. Le Rubanga dri ri ari ama enzi cidru dri ‘a ni.
Draale kole esuki drimgbo ta ego ri idri ‘a. Rubanga ohwe tutu rutijo di eyisi vua Endri si rii ‘ba anda ako mi za ka ra ri bati ni.
Amesu lari ama Yesu ni a`i `ka si. Ama lejo driaru ri a`i ka si, Ama anda esu ra vua ama lejo anda dri ri ‘a ehwi ni eri ra. Nya ‘i anda rutijo di eyisi vua Endri si dii nya asiti ga, nyiko nyi lari esu ra.
