- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-1] Endri Ole ri ka ebu ide ta Rubanga ‘a ti ubale ri ‘a vu si (Ebu majua idele rii 1:4-8 ojo)
(Ebu majua idele rii 1:4-8 ojo)
“Aia rutrare kare alu ga rii, ohwe ‘aini cara di ‘i hwa ebe Yerusaleme ni ku, ki anyite hwe ma Ata ‘a icara, le ma ta ‘jore’ driaru ri ni, Yoana ohwe batisimu eyisi, ki o’du ubiku ‘a vu ga anyevu anyi batisimu esu Endri Ole ri si.’ Disidru, ‘aia rutrare kare alu ga rii, oziki ani, ‘Opi, o’du eca ra ya nyeya nyi Opi ni ingwi Isaraile dri ra ya?’ Ki ojo ‘aini, O’du a ti ebu a ti tro nia ni Ata kobaa okpo anidri si ni. Karide adunga ni nika ni ebu anyi dri ‘i ku jo Endri Ole ri esi anyi dri ra; anyevu anyi okpo esu ra vua anyevu anyolu ma sadinia ti ‘i te Yerusaleme ‘a adite ku, ki Yudea ‘a ndutu vua Samaria ‘a, ndi vua ti asere ga.’”
“Aia rutrare kare alu ga rii, ohwe ‘aini cara di ‘i hwa ebe Yerusaleme ni ku, ki anyite hwe ma Ata ‘a icara, le ma ta ‘jore’ driaru ri ni, Yoana ohwe batisimu eyisi, ki o’du ubiku ‘a vu ga anyevu anyi batisimu esu Endri Ole ri si.’ Disidru, ‘aia rutrare kare alu ga rii, oziki ani, ‘Opi, o’du eca ra ya nyeya nyi Opi ni ingwi Isaraile dri ra ya?’ Ki ojo ‘aini, O’du a ti ebu a ti tro nia ni Ata kobaa okpo anidri si ni. Karide adunga ni nika ni ebu anyi dri ‘i ku jo Endri Ole ri esi anyi dri ra; anyevu anyi okpo esu ra vua anyevu anyolu ma sadinia ti ‘i te Yerusaleme ‘a adite ku, ki Yudea ‘a ndutu vua Samaria ‘a, ndi vua ti asere ga.’”
Endri Ole ri ‘a ama akuka ni hwe
engadi Rubanga dri ri ‘ia nosi karuhwe
ma’di alu alu ni mori ana bale
ana ngasi ana dri ga ri si?
Dii hwe ruhwedi ma’di lebe enzi dri ri esudi ra
ri ni ri ‘i,oko ‘aa ru rii ta Rubanga
‘a ti ubale rite’de di ri ‘i.
O’du zi alusi ani ta ta ritede ‘di aci lendra si kendre Endri Ole ri ani ri indri esu ma ilegi re ri ‘i. Ki aci lendra di olu para ni kuru, oko mgbe ondra andra gadi enzi si di ‘a andraga si ra. Ki draa, ale mitede anyini ta ce Endri Ole ri idri ri ni, ani ma’di oludi ama ‘a ru dru ri ‘i, Te Endri unzi ri konga pi rii enzi ruka si ku, ki tete ofu loso ce ri si. Ki Endri Ole ma itede le anyini ta ma nzele di iga dii Endri Ole nya esule ilegi si wa rii ku, ki nyesua tete nya a’i ofu loso eyidri Endri tro ri idri ri si.
Ale mase anya dri ni ausidru anyesu dru 1okpo Endri Ole ri ‘a anyi aku ‘jo ri ni bugu di si. Naivu anyini ‘a cuwidru lejo ma nzele anyini dii manzea mori Endri Ole ri dri si ‘i. Ani gbadru ta Rubanga ‘a lele ri ‘i amani Endri Ole ri esujo saa disi ni ‘i. Nyi draa ta ni ovi Endri Ole ri a ‘ba akujo ri idri ra vua nyiko nyi Endri Ole ri esu tete bugu alu disi. Ki jo bugu di ate nyini ku, ma nyini ra hwe nyila bugu eri ma sile ati ati ra ri ‘bati isa tro. Nyi ‘ai anda ri esu Rubanga ‘a andraga bugu disi ra ni wa.
| 1Endri Ole ri kolu ba-tile Endri si di ri ‘bati ‘a asiti ga, ‘ai dii ‘ba lebe ‘aia enzi dri ri esuka ‘aia ofu loso eyidri Endri tro ri ‘ai ka si ri ‘i. Ki kemu kehwi ‘ba anidri rii lofo ni, Kolu ma’di dia ru ga ‘bo’bo dru, vua hwa ebe ma’di dii ku ‘jo gba igeni ofu loso rii ra ‘i. Ka ‘ba anidri ri ‘bati ‘a asiti ni umwi, koba kaki Rubanga ‘a le ‘aini Bugu Ole ri ‘ia ri ni ote, Ka ‘ai imba lubi mi nde’jo lidri okpo esule vudri di ‘a ri tro, vua koba kaki ‘oa Endri dri ri ‘a teretere dru. Rubanga ka eku hwe ru laki anidri ri ‘bati dri ni kendre ‘jo ole Rubanga dri Endri Ole ri a olujo ri ani (Ebu maju ‘a idele rii 2:38-39, Yoana 14:16, 16:8-10, Ofu atijoadru Korinto ‘ba ni ri ‘i 3:16, 6:19, Galatia 5:22-23). |
Kristo ‘ba amgbu kobia kendre ‘ai kesudru Endri Ole rii kendre ani nga ana esi ka Yesu ‘a maju ‘a dri ga ri ani. ‘Ba ziti otra vua esu okolongo ekpadru ‘aia ovi di ani di ebu ka si ‘i. Kaki inia kendre Endri Ole rii ta esule okpo ‘badri si wa ri ‘i ani. Kaki le ‘a ‘ai kondre ta orobi ‘a, ‘ai kide nyuma, ‘ai keri mgbe ‘aaru uduku, ‘ai kojo ta ti mgbimgbi si, kaki le ‘ai ki’ja ‘ba avu ri ni vua ‘ai kudro ori unzi ri ni. Ki ru sa, enzi olu ‘aia asiti ga ‘aa, vua dri endri unzi ri olu ka ‘ai ebu ni (Efeso 2:1-2). Ki ndi driaru sa ‘ba amgbu kolu dri nikaa ‘ai okpo endri unzi ri dri ‘a dri ga ni ako rii ni. Ledii ra Sitani ‘a aci jo andraga ‘ba unzaka tro ovi dru nosi ta ‘aujo ri ide ka si kusa nosi nyuma ide ka si ri ‘i adusi ta ‘ai naa kpodru ta nya a’wi ako dri ‘i.
Yesu tia rutrare ana maju ti tro kare alu ga rii ohwe aini cara di ‘i “Ebe hwa Yerusaleme ni ku, ki anyite hwe ma Ata ‘a icarale ma ta jore driaru anyini ri ni” (Ebu majua idele rii 1:4). Ovi Endri Ole ri esujo maju nga rii karide “ta ma’di ‘a nile ote ri si ku,” “lejo Rubanga dri ulaka si ku” kusa nosi “ilegi enzi ti uhwejo ri si sa ku,” ki tete “ta Rubanga ‘a ti ubale ‘ai ni rii ute ka si” ‘ausini ani kohwe dru ‘aini Endri Ole rii au si. Disidru ta kolea oni lejo ehwi di iga rii Endri Ole ri esu ka ni karide ilegi ma’di ‘a ilegi le kiza si ri si ku. Adusi ani hwe engadi Rubanga dri ri ‘i, karesu wa rii tete ofu loso pelere ndro ofu loso eyidri Endri tro ri si, dii ta Ata Rubanga ti Yesu Kristo tro ‘a hwele enzi ‘ba cidru ni ri ‘i. Endri Ole ri ka rumu ama asiti ga wa rii tete a’i ofu loso pelere ndro Yesu Kristo ‘a hwele amani ri si. Rubanga ohwe amani anda eyidri rii Endri dri rii tro au ausini amesu dru laku Endri Ole ri dri ni si (ofu atijoadru Yoana ‘a sile rii 3:3-5).
Lejo ehwi angwa rujodi “Endri Ole ti rubadi anyini rii” ni di itederu Ofu Udi ri ‘ia vu ubi. Petro ojo lejo ana nzele ri iga (Ebu majua idele rii 2:38-39) o’du batisimu Endri Ole ri dri na inga o’du Endri Ole ria esi ‘jo majua dri ga na si, “ani tati Rubanga ‘a ubale ra ri ‘i anini Endri Ole ri hwejo ‘ba lebe aia enzi dri ri esuka ra ri ‘bati ni ‘i di karide wa rii tete aia ofu loso pelere ndro rii ‘aika si.”
Endri Ole ri ‘a ama akuka ni hwe ruhwedi tete ‘ba lebe ‘aia enzi dri ri esu ka ra ri ‘bati ni ri ‘i, vua ta ana ete’dele ‘aaru rii tati Rubanga ‘a ubale ra ria ruetede ka anda ‘i. Endri Ole Ofu Udi ri ‘ia rii ta ‘ba ti ka reri driaru Rubanga tro eri rii ku, ki ani dride atiati sa Rubanga ‘a ti ubale ra ri ‘i. Disidru, Endri Ole ria ama aku ka ni, kendre ana ruetede ka Ebu majua idele ri iga ri ani, ani ta esule ilegi si ku ri ‘i (Ebu majua idele rii 8:19-20).
Endri Ole ri kesi tete ‘ba ‘aidru ofu loso eyidri Endri tro Yesu ‘a hwele amani di ‘aika ra ri ‘bati ‘a dri ga.
Yesu oja ani ka Endri Ole ri eze ana maju ti ni ra ausini Endri Ole ri ka ‘ai aku ni. “Yoana ohwe batisimu eyisi, ki o’du ubiku ‘a vu ga anyevu enyi batisimu esu Endri Ole ri si” (Ebu amjua idele rii 1:5). Disidru ana maju ti ute ta Rubanga ‘a ti ubale ria rideka ni ra.
‘Ai ‘ba andrani oku Bugu Ole ri ‘ia laku Endri Ole ri dri ri esuka ra ri ‘bati ndreka si, amitiria ideru ‘aini aia mori aia ngasi ri si ku ki ideru le Rubanga dri ri si. Endri Ole esidi ‘ba akudi o’du Endri Ole ri ‘a esijo maju dri ri inga ri ideru ovi ta ‘baa lele ri dri si ku kusa kole duba Endri Ole rii esu o’du nasi si ku.
Ovi Endri Ole ria esijo ana majua ‘a dri ga rii, kendre ondiku ana rusika Ebu majua idele ri iga ra ri ani, mgbe gaadru oko ideru ra. Ideru ondiku kendre Yesu ‘a jokaa ri ani, “ani ni rijo driaru oji draa saa para ni ku.” Ani dii tutu atijoadru saa aninga eze ekelezia ati na dri si ri ‘i. ‘Jo ondre ki lejo Bugu Ole ri ‘ia rii ni, adi ki ndrea tati Rubanga ‘a ubale ra rii na inga ideru abiri ta ka si ku, kusa nosi ilegi ra-zijo ri si ku, ki ideru tete a’i Yesu ni ru ri si. Amala Yesu ‘a tuka bu ‘a ni vu, mgbe nainga a’i ‘ba esu lebe ‘aia enzi dri rii laku Endri Ole ri dri ‘aini rii tro kare alu ga.
Yesu tia rutrare ana maju ti tro kare alu ga rii ohwe aini cara di ‘i “Ebe hwa Yerusaleme ni ku, ki anyite hwe ma Ata ‘a icarale ma ta jore driaru anyini ri ni” (Ebu majua idele rii 1:4). Ovi Endri Ole ri esujo maju nga rii karide “ta ma’di ‘a nile ote ri si ku,” “lejo Rubanga dri ulaka si ku” kusa nosi “ilegi enzi ti uhwejo ri si sa ku,” ki tete “ta Rubanga ‘a ti ubale ‘ai ni rii ute ka si” ‘ausini ani kohwe dru ‘aini Endri Ole rii au si. Disidru ta kolea oni lejo ehwi di iga rii Endri Ole ri esu ka ni karide ilegi ma’di ‘a ilegi le kiza si ri si ku. Adusi ani hwe engadi Rubanga dri ri ‘i, karesu wa rii tete ofu loso pelere ndro ofu loso eyidri Endri tro ri si, dii ta Ata Rubanga ti Yesu Kristo tro ‘a hwele enzi ‘ba cidru ni ri ‘i. Endri Ole ri ka rumu ama asiti ga wa rii tete a’i ofu loso pelere ndro Yesu Kristo ‘a hwele amani ri si. Rubanga ohwe amani anda eyidri rii Endri dri rii tro au ausini amesu dru laku Endri Ole ri dri ni si (ofu atijoadru Yoana ‘a sile rii 3:3-5).
Lejo ehwi angwa rujodi “Endri Ole ti rubadi anyini rii” ni di itederu Ofu Udi ri ‘ia vu ubi. Petro ojo lejo ana nzele ri iga (Ebu majua idele rii 2:38-39) o’du batisimu Endri Ole ri dri na inga o’du Endri Ole ria esi ‘jo majua dri ga na si, “ani tati Rubanga ‘a ubale ra ri ‘i anini Endri Ole ri hwejo ‘ba lebe aia enzi dri ri esuka ra ri ‘bati ni ‘i di karide wa rii tete aia ofu loso pelere ndro rii ‘aika si.”
Endri Ole ri ‘a ama akuka ni hwe ruhwedi tete ‘ba lebe ‘aia enzi dri ri esu ka ra ri ‘bati ni ri ‘i, vua ta ana ete’dele ‘aaru rii tati Rubanga ‘a ubale ra ria ruetede ka anda ‘i. Endri Ole Ofu Udi ri ‘ia rii ta ‘ba ti ka reri driaru Rubanga tro eri rii ku, ki ani dride atiati sa Rubanga ‘a ti ubale ra ri ‘i. Disidru, Endri Ole ria ama aku ka ni, kendre ana ruetede ka Ebu majua idele ri iga ri ani, ani ta esule ilegi si ku ri ‘i (Ebu majua idele rii 8:19-20).
Endri Ole ri kesi tete ‘ba ‘aidru ofu loso eyidri Endri tro Yesu ‘a hwele amani di ‘aika ra ri ‘bati ‘a dri ga.
Yesu oja ani ka Endri Ole ri eze ana maju ti ni ra ausini Endri Ole ri ka ‘ai aku ni. “Yoana ohwe batisimu eyisi, ki o’du ubiku ‘a vu ga anyevu enyi batisimu esu Endri Ole ri si” (Ebu amjua idele rii 1:5). Disidru ana maju ti ute ta Rubanga ‘a ti ubale ria rideka ni ra.
‘Ai ‘ba andrani oku Bugu Ole ri ‘ia laku Endri Ole ri dri ri esuka ra ri ‘bati ndreka si, amitiria ideru ‘aini aia mori aia ngasi ri si ku ki ideru le Rubanga dri ri si. Endri Ole esidi ‘ba akudi o’du Endri Ole ri ‘a esijo maju dri ri inga ri ideru ovi ta ‘baa lele ri dri si ku kusa kole duba Endri Ole rii esu o’du nasi si ku.
Ovi Endri Ole ria esijo ana majua ‘a dri ga rii, kendre ondiku ana rusika Ebu majua idele ri iga ra ri ani, mgbe gaadru oko ideru ra. Ideru ondiku kendre Yesu ‘a jokaa ri ani, “ani ni rijo driaru oji draa saa para ni ku.” Ani dii tutu atijoadru saa aninga eze ekelezia ati na dri si ri ‘i. ‘Jo ondre ki lejo Bugu Ole ri ‘ia rii ni, adi ki ndrea tati Rubanga ‘a ubale ra rii na inga ideru abiri ta ka si ku, kusa nosi ilegi ra-zijo ri si ku, ki ideru tete a’i Yesu ni ru ri si. Amala Yesu ‘a tuka bu ‘a ni vu, mgbe nainga a’i ‘ba esu lebe ‘aia enzi dri rii laku Endri Ole ri dri ‘aini rii tro kare alu ga.
Endri Ole ri esi Yesu ‘a maju‘a dri gaengajo bu ‘a si!
“Itu ogboro pentecoste dri eca di, esu otrakiru kpo ‘jo alu ‘a” (Ebu majua idele rii 2:1). Yesu ‘a maju otra pa kare alu ga ‘aia tati Rubanga ‘a ubale ‘aini Endri Ole ri esujo ri utere ri ‘i. Vua naivu gbadru Endri Ole ri emu esi ‘aia dri ga ra.
“Mgbesa olobo eriru bu ‘a, kou kendre lotiti kolwe ni ani, dii ri oga ‘jo ‘aia rutrare na ‘ia ndru. Oko ondreki tazi kendre aci ledra ani, anzuru vua ori ‘ai idri , alu alu dere. Ogaki kpodru Endri Ole ri si vua idoki ta ‘joka ti mgbimgbi si, kendre Endri Ole ria ‘baka ‘a aia jokaa ri ani” (Ebu majua idele rii 2:2-4).
Endri Ole ri esi mgbe saa na si ‘aia dri ga “engajo bu ‘a si.” Lejo ehwi dia “enga” ni di kitedea karide mori ‘ba dri si ku. Inza ‘joadru, lejo ehwi angwa “engadi bu ‘a” ni di ka ta driba nze di Endri Ole rii kenga ingo ya ni dri, vua tro ka ta driba nze itedejoadru Endri Ole ria ma’di akuka ni ta esule mori ‘ba dri si kpe ri ‘i. Lejo ehwi angwa di ‘a “engadi bu ‘a rii” ni di kitede jokaa Endri Ole ri ka resu ilegi si ni ta urile enzo dru ri ‘i.
Ovi zi si, jokaa Endri Ole rii enga bua ‘a ehwi ni laku Endri Ole ri dri rii ta ridedi kendre ta vu dri dia ri ani ku ri ‘i, karide aludisa ta joka ti mgbimgbi si si ku, kusa ma’di ‘a ani azika ana ngasi si ku. Ani nga atijoadru ri si maju Yesu dri ri ‘bati isa onzeki ofu loso pelere ndro dii kare cidru ga ti mgbimgbi si. Ra ta di dri rii ‘ausini kobadru konzeki dru ofu loso rii Yudei ‘ba ziti juru ti joka ‘au ri ni ‘aia ti gba ri si konyi Endri Ole ri dri ri ebu ka ‘au si si. ‘Ba amgbu engaka kare mgbimgbi ga ri ‘bati ondri nainga kaki ndrea dii ta ingoni ri ‘i ya ‘i odri kendre ‘aini kendre ta mgbi ri ‘i ani aia ndrerea majua ta jore ti mgbimgbi ‘ba dri si ri ‘i adusi odri kaki eria maju di ‘bati kaki ta jo ‘aia ti gba ri si, Adusi maju dii kpodru si engaki Galilea ‘a.
“Oko ondreki tazi kendre aci ledra ani, anzuru vua ori ‘ai idri, alu alu dere. Ogaki kpodru Endri Ole ri si” (Ebu majua idele rii 2:3-4). Dia kole otraki asi lejo angwa rusidi dia ehwi ni ga anda anda, Endri Ole rii “ori ‘aia dri ga alu alu dere.” Maju dii, odri kaki Endri Ole ria emu ka ‘aia dri ga ni ute otrakiru kare alu ga, esu amala ati ati igeni ki ofu loso rutijo di eyisi vua Endri si rii ra.
Kristo ‘ba o’du disi amgbu eriki lejo dia ehwi ni ku rii ni, Kaki uraa kole Endri Ole rii kou kendre loti loti ani ‘jo ‘ai kilegi ‘i. Ki, dii ta ni ka Endri Ole ri idri ku pa etu di engadi lali ga dri luci tro ri ’i.
Kuri gba Endri Ole ria olobo ka reri le di ani ‘a jo kesi ‘ba dri ’i? Hwa, Ide ta ledi ani ku.
Ta ‘baa erile bi ‘aidri si rii olobo Sitani ‘a ebule saa ana endri ‘ba dri uvu ‘jo ri si ri ‘i. Ka olobo di ebu saa ana ebu idejo dri luci tro ri si, uduku reri di mgbi rii nyuma ce ku rii tro Sitani kebua ‘ba unza ‘jo kojoa ani Endri Ole ri ‘i. ‘Ba amgbu ovu kaki ta di ondi ta ce jole Endri Ole ri kemu kesi anya dri ga ra tro ondi. Vua tro sa ‘ba amgbu kuraa Endri Ole ri kemu uduku ‘e di “Suihhh~ di tro” ka reri kendre lotiti retu ri ani. Ori unzi ri ondi ‘ai koli koli. Endri Ole ri ‘a emuka ni kendre ana rusika bugu ebu maju ‘a idele ri dri iga ra ri ani karesu tete a’i ofu loso pelere ndro di idri ri si.
“Mgbesa olobo eriru bu ‘a, kou kendre lotiti kolwe ni ani, dii ri oga ‘jo ‘aia rutrare na ‘ia ndru. Oko ondreki tazi kendre aci ledra ani, anzuru vua ori ‘ai idri , alu alu dere. Ogaki kpodru Endri Ole ri si vua idoki ta ‘joka ti mgbimgbi si, kendre Endri Ole ria ‘baka ‘a aia jokaa ri ani” (Ebu majua idele rii 2:2-4).
Endri Ole ri esi mgbe saa na si ‘aia dri ga “engajo bu ‘a si.” Lejo ehwi dia “enga” ni di kitedea karide mori ‘ba dri si ku. Inza ‘joadru, lejo ehwi angwa “engadi bu ‘a” ni di ka ta driba nze di Endri Ole rii kenga ingo ya ni dri, vua tro ka ta driba nze itedejoadru Endri Ole ria ma’di akuka ni ta esule mori ‘ba dri si kpe ri ‘i. Lejo ehwi angwa di ‘a “engadi bu ‘a rii” ni di kitede jokaa Endri Ole ri ka resu ilegi si ni ta urile enzo dru ri ‘i.
Ovi zi si, jokaa Endri Ole rii enga bua ‘a ehwi ni laku Endri Ole ri dri rii ta ridedi kendre ta vu dri dia ri ani ku ri ‘i, karide aludisa ta joka ti mgbimgbi si si ku, kusa ma’di ‘a ani azika ana ngasi si ku. Ani nga atijoadru ri si maju Yesu dri ri ‘bati isa onzeki ofu loso pelere ndro dii kare cidru ga ti mgbimgbi si. Ra ta di dri rii ‘ausini kobadru konzeki dru ofu loso rii Yudei ‘ba ziti juru ti joka ‘au ri ni ‘aia ti gba ri si konyi Endri Ole ri dri ri ebu ka ‘au si si. ‘Ba amgbu engaka kare mgbimgbi ga ri ‘bati ondri nainga kaki ndrea dii ta ingoni ri ‘i ya ‘i odri kendre ‘aini kendre ta mgbi ri ‘i ani aia ndrerea majua ta jore ti mgbimgbi ‘ba dri si ri ‘i adusi odri kaki eria maju di ‘bati kaki ta jo ‘aia ti gba ri si, Adusi maju dii kpodru si engaki Galilea ‘a.
“Oko ondreki tazi kendre aci ledra ani, anzuru vua ori ‘ai idri, alu alu dere. Ogaki kpodru Endri Ole ri si” (Ebu majua idele rii 2:3-4). Dia kole otraki asi lejo angwa rusidi dia ehwi ni ga anda anda, Endri Ole rii “ori ‘aia dri ga alu alu dere.” Maju dii, odri kaki Endri Ole ria emu ka ‘aia dri ga ni ute otrakiru kare alu ga, esu amala ati ati igeni ki ofu loso rutijo di eyisi vua Endri si rii ra.
Kristo ‘ba o’du disi amgbu eriki lejo dia ehwi ni ku rii ni, Kaki uraa kole Endri Ole rii kou kendre loti loti ani ‘jo ‘ai kilegi ‘i. Ki, dii ta ni ka Endri Ole ri idri ku pa etu di engadi lali ga dri luci tro ri ’i.
Kuri gba Endri Ole ria olobo ka reri le di ani ‘a jo kesi ‘ba dri ’i? Hwa, Ide ta ledi ani ku.
Ta ‘baa erile bi ‘aidri si rii olobo Sitani ‘a ebule saa ana endri ‘ba dri uvu ‘jo ri si ri ‘i. Ka olobo di ebu saa ana ebu idejo dri luci tro ri si, uduku reri di mgbi rii nyuma ce ku rii tro Sitani kebua ‘ba unza ‘jo kojoa ani Endri Ole ri ‘i. ‘Ba amgbu ovu kaki ta di ondi ta ce jole Endri Ole ri kemu kesi anya dri ga ra tro ondi. Vua tro sa ‘ba amgbu kuraa Endri Ole ri kemu uduku ‘e di “Suihhh~ di tro” ka reri kendre lotiti retu ri ani. Ori unzi ri ondi ‘ai koli koli. Endri Ole ri ‘a emuka ni kendre ana rusika bugu ebu maju ‘a idele ri dri iga ra ri ani karesu tete a’i ofu loso pelere ndro di idri ri si.
Petro ‘a a’i (ofu atijoadru Petro ‘a sile rii 3:21) ‘ia ri ate tri ani ni Endri Ole ri esu jo ‘i
Ta joka ta andrani ridedi o’du pentekoste dri nasi kendre Ebu majua idele 2 ‘a jokaa ri ani ri si, Rubanga ole ani kitede ‘aini di Endri Ole ri keya kesi ‘aia dri ga ra ya ‘i adusi ‘ai cidru igeni ofu loso eyidri Endri tro rii ra. Ki tesa ‘ba koraa “Pentekoste” ni saa Endri Ole ria esijo vuru nyuma idele kpe ri tro vua ta ‘aujo ri ideka tro ri ‘i.
Ledii ta o’du disi lemu layu esujo ri iga, ta igeni joadru ma’di ka Endri Ole ri esu ilegi ana ilegile kilikili ri si ri ‘i, kusa nosi jokaa ka Endri Ole ri esu ana abiri ta ka si, kusa nosi dri tika driaru si ri ‘i. Ta ziti rideka ovidru ori unzi ria ‘ba icaka ‘i, deka asi laza unzi ri ‘ia ‘i, kusa de ka a’wi unzi ri ‘ia o’du ubi ‘i, kusa makaa nyini goga esuka nya ngasi kpe ni ebu Endri Ole dri ri ‘i ku.
Endri Ole rii tesa mgbi oviru ovi ‘baa endrejo ri tro ku. Ide ta ‘baa idele ri ani ku adusi ani Rubanga ciri ndrudi ‘au ri ‘i, ka ta itiri wa vua ani le tro. Kesi ‘ba dri ni kesua tete kaki lejo ofu loso eyidri Endri tro ri dri ‘ai kpa (Ebu majua idele rii 2:38).
Petro ohwe sadini ojo Endri Ole esi maju dri kendre ondiku profeta Joeli ‘a jokaa ri ani. Ani ta Rubanga ‘a ti ubale ra ria ride ka ‘i, adusi ojoru Endri Ole rii kesi ‘ba ‘aidru lebe ‘aia enzi dri ri esuka ra ri ‘bati ‘a dri ga ra. Ovi zi si, Endri Ole rii ohweru ‘ba ‘aidru ‘aikaa Yesu esu batisimu Yoana dri vua naivu oko eparu kuruce dri ‘ba cidru arijo ‘aia enzi ni ‘a ri ‘bati ni. Lejo Petro ‘a nzele ri iga, kendre lejo Joeli ‘a nzele profeta ti si ra ri ani, kite’dea amani kolea ama ni di Yesu esu batisimu adu si ya ‘i vua kolea di ama ‘i ani adu si ya ‘i. Anda ani di nika ka Kristo ‘ba dri se ‘aini Endri Ole ri esu ‘jo ni. Nyigeni ofu loso pelere ndro Petro ‘a sadini hwere driaru dii ra ya? (ofu atijoadru Petro ‘a sile rii 3:21) Jo nosi ‘ai nyidri ri olu dri konyi ako etupa ori unzi ri dri kusa nosi oviru ofu loso pelere ndro di tro ku ‘a? Ima nya mori nya ngasi ri si Endri Ole rii esule ra ‘a kovu Rubanga ‘a le ni ra dru ‘i? Jo tee ma’di ani ka’i Rubanga ni ra sa vua ‘jo kilegi okposi igenikaa oli ana enzi ka ruje wa si sa, ovi zi mgbi ma’di ni Endri Ole ri esujo ‘ausi kovu ofu loso eyidri Endri tro rii ra ani iyo. Nyolu dri nyi Endri Ole ria nyi aku ka ni ute ‘a, dri draasa ini ta ofu loso eyidri Endri tro ri idri ku ‘a? Ini gba batisimu Yesu dri ria ehwi ni ana ari kuruce dri ri tro ote ‘a, adu ta kobaa Endri Ole ri ni olujo nya asiti ga ni? Kolea nyini cuwidru laku Endri Ole ri dri rii nyesua wa rii tete nya ofu loso eyi dri Endri tro rii ‘ai ka si. Laku Endri Ole ri dri rii ka ra ‘i ra rii tete ‘ba ofu loso pelerendro ofu loso eyidri Endri tro ri ‘aika ra ri ‘bati ni. Ama Rubanga ni anzo ana amani ofu loso eyidri Endri tro dii hwe ka si, dii ta badia ama laku Endri Ole ri dri ri esu wa ri ‘i.
Ledii ta o’du disi lemu layu esujo ri iga, ta igeni joadru ma’di ka Endri Ole ri esu ilegi ana ilegile kilikili ri si ri ‘i, kusa nosi jokaa ka Endri Ole ri esu ana abiri ta ka si, kusa nosi dri tika driaru si ri ‘i. Ta ziti rideka ovidru ori unzi ria ‘ba icaka ‘i, deka asi laza unzi ri ‘ia ‘i, kusa de ka a’wi unzi ri ‘ia o’du ubi ‘i, kusa makaa nyini goga esuka nya ngasi kpe ni ebu Endri Ole dri ri ‘i ku.
Endri Ole rii tesa mgbi oviru ovi ‘baa endrejo ri tro ku. Ide ta ‘baa idele ri ani ku adusi ani Rubanga ciri ndrudi ‘au ri ‘i, ka ta itiri wa vua ani le tro. Kesi ‘ba dri ni kesua tete kaki lejo ofu loso eyidri Endri tro ri dri ‘ai kpa (Ebu majua idele rii 2:38).
Petro ohwe sadini ojo Endri Ole esi maju dri kendre ondiku profeta Joeli ‘a jokaa ri ani. Ani ta Rubanga ‘a ti ubale ra ria ride ka ‘i, adusi ojoru Endri Ole rii kesi ‘ba ‘aidru lebe ‘aia enzi dri ri esuka ra ri ‘bati ‘a dri ga ra. Ovi zi si, Endri Ole rii ohweru ‘ba ‘aidru ‘aikaa Yesu esu batisimu Yoana dri vua naivu oko eparu kuruce dri ‘ba cidru arijo ‘aia enzi ni ‘a ri ‘bati ni. Lejo Petro ‘a nzele ri iga, kendre lejo Joeli ‘a nzele profeta ti si ra ri ani, kite’dea amani kolea ama ni di Yesu esu batisimu adu si ya ‘i vua kolea di ama ‘i ani adu si ya ‘i. Anda ani di nika ka Kristo ‘ba dri se ‘aini Endri Ole ri esu ‘jo ni. Nyigeni ofu loso pelere ndro Petro ‘a sadini hwere driaru dii ra ya? (ofu atijoadru Petro ‘a sile rii 3:21) Jo nosi ‘ai nyidri ri olu dri konyi ako etupa ori unzi ri dri kusa nosi oviru ofu loso pelere ndro di tro ku ‘a? Ima nya mori nya ngasi ri si Endri Ole rii esule ra ‘a kovu Rubanga ‘a le ni ra dru ‘i? Jo tee ma’di ani ka’i Rubanga ni ra sa vua ‘jo kilegi okposi igenikaa oli ana enzi ka ruje wa si sa, ovi zi mgbi ma’di ni Endri Ole ri esujo ‘ausi kovu ofu loso eyidri Endri tro rii ra ani iyo. Nyolu dri nyi Endri Ole ria nyi aku ka ni ute ‘a, dri draasa ini ta ofu loso eyidri Endri tro ri idri ku ‘a? Ini gba batisimu Yesu dri ria ehwi ni ana ari kuruce dri ri tro ote ‘a, adu ta kobaa Endri Ole ri ni olujo nya asiti ga ni? Kolea nyini cuwidru laku Endri Ole ri dri rii nyesua wa rii tete nya ofu loso eyi dri Endri tro rii ‘ai ka si. Laku Endri Ole ri dri rii ka ra ‘i ra rii tete ‘ba ofu loso pelerendro ofu loso eyidri Endri tro ri ‘aika ra ri ‘bati ni. Ama Rubanga ni anzo ana amani ofu loso eyidri Endri tro dii hwe ka si, dii ta badia ama laku Endri Ole ri dri ri esu wa ri ‘i.
Copyright © 2021 by The New Life Mission
