- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `i 8: Endri Ole ri `i
[8-3] Anya ‘ai’rea rii anyesu Endri Ole rii ra ya? (Ebu majua idele rii 19:1-3 ojo)
(Ebu majua idele rii 19:1-3 ojo)
“Apolo ‘a olure Korinto ‘a rii, Paulo, oya ali Korinto ‘a agaga si, omu Efeso ‘a. Laka esu ‘ba ziti Yesu ‘a vu koka ri ‘i ‘aa ozi ‘ai, ‘Anya ‘ai’rea rii anyesu Endri Ole rii ra ya?’ ‘Aiki, ‘Ameri alusa Endri Ole rii ‘aa ni kuru.’ Paulo ozi ‘ai, ‘Jodiniri batisimu anyia esule rii ingoni ri ‘i?’ Aiki, ‘Batisimu Yoana dri ‘i.’”
“Apolo ‘a olure Korinto ‘a rii, Paulo, oya ali Korinto ‘a agaga si, omu Efeso ‘a. Laka esu ‘ba ziti Yesu ‘a vu koka ri ‘i ‘aa ozi ‘ai, ‘Anya ‘ai’rea rii anyesu Endri Ole rii ra ya?’ ‘Aiki, ‘Ameri alusa Endri Ole rii ‘aa ni kuru.’ Paulo ozi ‘ai, ‘Jodiniri batisimu anyia esule rii ingoni ri ‘i?’ Aiki, ‘Batisimu Yoana dri ‘i.’”
Ra Bugu Ole ri ‘a ‘jojoa’dru,
“Anini arijo ndi Yoana ni Batisimu
hwedi ri inga ‘ba karafu Opi Bu dri
ri iga okpo si vua ‘ba afukaa
okposi ri kipaa ni rii adu?”
Amala ‘ba ka Opi Bu dri ri du ‘aia geni ‘aia
bale ofu loso pelere ndro ‘joadia Yesu odu
enzi cidru vudri rii ana batisimu esule
Yoana dri ri si vua ana ari kuruce
dri ri si si.
Ofu loso Paulo ‘a nzele dii ingo ni ri ‘i? Onze ofu loso Yesu ‘a batisimu dri rii Ana ari dri rii tro ‘au. Ebu majua idele
19:1 ojo, “Apolo ‘a olure Korinto ‘a rii, Paulo, oya ali Korinto ‘a agaga si, omu Efeso ‘a. Laka esu ‘ba ziti Yesu ‘a vu koka ri ‘i ‘aa ozi ‘ai, ‘Anya ‘ai’rea rii anyesu Endri Ole rii ra ya?’ ‘Aiki, ‘Ameri alusa Endri Ole rii ‘aa ni kuru.’ Paulo ozi ‘ai, ‘Jodiniri batisimu anyia esule rii ingoni ri ‘i?’” Amala, ‘ba ‘aidi ‘ai Yesu ni ehwi ana batisimu dri rii ni ka ako. Oniki ta ofu loso pelere ndro badia Endri Ole ri ka ‘ausi amani laku hwe wa di idri ta ku. Ledii ra Paulo ‘a lazi zijo, “‘Anya ‘ai’rea rii anyesu Endri Ole rii ra ya?” ri ‘i amala ani ledii lazi alu uzile be ku ndrole maju oluka Efeso ‘a ri ‘bati ni ri ‘i. Esu kole ‘ba ziti ri kozi ‘ai, “Anya ‘i Yesu ni ra ya?” Ki Paulo ozi lazi dii nyadru di ani ‘ausini kikonyi dru ‘ai ‘aini ‘aia uje ni eco ‘jo Endri Ole ri esu ‘jo ofu loso pelere ndro disi. Ebu Paulo dri rii ofu loso pelere ndro Yesu ‘a batisimu dri dii ana ari dri rii tro nze ka ‘i. Paulo ti, Petro ti tro vua Yoana ti tro ‘aisa ohwe ki sadini batisimu Yesu ‘a esule Yoana Batisita dri ri ‘a dri ga ra.
Anyi ba draa ondreki driso ta gaadru sadini maju ‘a hwele ofu loso ana batisimu dri ri idri ‘i. Atijoadru rii Paulo ojo, “Alusa dini ku! Amebe enzi ra jodini dria adi olu ‘etro a’dusi? Ini ama batisimu esure Yesu Kristo si rii esu batisimu ana dra si ni ku ya?” (Roma 6:2-3) Vua “Anyi ‘ba batisimu esuka ru Kristo dri si rii anyemuru Kristo ti tro alu anyesu lidri anidri ‘i” (Galatia 3:27).
Majugo Petro isa ohwe sadini ofu loso Yesu ‘a batisimu dri ri idri ra ofu atijoadru Petro ‘a sile 3:21 ga, ojo, “Eyi dii ovi -batisimu anyi aridi (andi ru dri jeka si rii ku, ki cara icarale Rubanga ni ra anda ri si ri ite’de di ri ‘i), onzi ka Yesu Kristo dri si, otu bu ‘a ori dri nyare Rubanga dri ri iga ka malaika cidru ase vua ka amba ‘bu ‘a rii okpo ‘bu ‘a rii tro ase ni.”
Majugo Yoana isa ohwe sadini ofu loso pelere di ‘a dri ga ofu atijoadru Yoana ‘a sile ana joti nza 5:5-8 ni ga ojo. “Adi ka vu za wa rii ni, ra rii te ma’di ‘ai’dia Yesu ni Rubanga ‘a Ngwaapi ‘i ri ‘i ya? Dii ma’di eyadi eyisi vua ari si ri ‘i ─ Yesu Kristo ‘i; eya tete eyisi adite ku, ki eyi ti ari tro eritruwa si si. Vua Endri ka lejo nze driaru, a’dusi tesa Endri ni anda. Disidru sadini ti ‘ai ina: Ata ‘i, ana lejo ‘i, vua Ngwaapi ‘i; ta dii inatruwa si ‘aikiru alu. Vua ta sadini hweka vudri di ‘a ri isa ina: Endri ‘i, eyi ‘i vua ari ‘i; vua ta dii inatruwa ‘aisa ‘aikiru alu.”
Yoana ni Batisimu hwedi ri ide ebu okpo si lejo ofu loso pelere ndro ri dri ikore ga ‘i. Bugu Ole ri onze ta dri ba Yoana ni Batisimu hwedi ri idri bugu Malachi dri 3:1-3 ni a vua Mateo 11:10-11 ga. Ojoru Yoana ni Batisimu hwedi rii ani ma’di mbadi ‘ba cidru ni kare ga ri ‘i vua tro sa ani Elizeo ni andrani jole profeta ti si kemu keya ra ri ‘i, Kendre ondi ana rusika Ofu Oku ‘a ri ani. Ofu Oku ‘a osiru, azi enzi du di rii adi di ‘a kpo ari ani kora vuru ma’di enzi dipi ri ‘a ana dri ni tika driaru ‘a vu ga ‘i. Ofu Udi ri ‘ia, le, Yesu ni azi enzi vudri du di ana batisimu si ri ‘i vua trosa odra kuruce dri musara enzi drii cidru uhwe ‘jo. Yesu ari ‘ba cidru ra adusi ku Yoana ni batisimu hwedi ri oba enzi cidru vu dri rii ana dri ga ana batisimu esule Abu Jurudano ‘a ri si.
Rubanga uba tati retu rii eri ‘ba ni lari hwejo ‘aia enzi ‘a dri ga ‘i vua ide ta ‘ai dii cidru ra. Ta atijoadru ana idele rii kole Yesu ni kotiru vudri dia ru Viriko Maria dri ri si ‘i, vua kolea kesu batisimu vua koko kole keparu kuruce dri enzi cidru ‘baa idele ri du ‘jo ‘i. Erijoadru rii kole Yoana ni Batisimu hwedi rii kotiru ru Elizabeta dri ri si ‘i. Rubanga oba ta ‘ai eri di ideru lari hwejo ‘ba cidru ni ‘aia enzi ‘a dri ga. Dii tati Rubanga ‘a ubale ana ngasi adute ana peresu ina ri ‘ia ri ‘i. Rubanga eze Yoana ni Batisimu hwedi rii amvu ati ati imba azia kpa odriko wio vuaru Yesu ni eze, Oko eze Yesu Kristo ni, Aridipi enzi ‘‘ba cidru dri rii, kohwedru layu enzi ‘ba cidru ni lamgba ‘aia enzi ‘dri si.
Yesu ohwe sadini Yoana ni Batisimu hwedi ri ‘a dri ga Mateo 11:9 ga ojo. “Ki jodiniri ivu a’du ndrere? Profeta go ‘a? Iyo! ajo anyi ni lokudru,ani gba onde profeta sa ra.” Aci andraga ojo, Yoana ni Batisimu hwedi rii, ani ma’di enzi cidru vudri ri badi Yesu ni ru ri ‘i, ondre Yesu ni odu obu zi ri si, oko ohwe sadini driaru ojo, “Dii! Biloangwa Rubanga dri enzi vudri ri dudi ri ‘i” (Yoana 1:29).
Bugu Ole ri ‘ia ta ojoru Yoana Batisita ni dri ekpadru, adusi ani ma’di batisimu hwedi Yesu ni ri ‘i, kolea da si obi ki mori ta nijo ana dri ga nza rii. Yoana ni Batisimu hwedi rii emu vudri di ‘a Yesu ni ati ati. Ebu anidri gba rii lejo ofu loso loku go ri dri iko ka ‘i, dii ofu loso Rubanga ‘a ti ubale ni ri ‘i. Bugu Ole ri ojo amani Yesu ‘ai enzi cidru vudri rii Yoana dri si ra disidru Yoana oba enzi cidru vudri rii ana ru ga tati Rubanga ‘a ubale ri ‘a ce ni ite’de ‘jo.
Ama ani ungwe Yoana ni Batisimu hwedi ri ‘i adusiku ohwe batisimu Yesu ni ni. Jodiniri batisimu gbadru Yesu ‘a esule Yoana dri ri ‘a ehwi ni adu? Lejo ehwi “batisimu” kite’dea “ru jeka.” Ki amala enzi cidru vudri rii ana rubaka Yesu ni ru ana batisimu si si, ‘ai kpodru ojeru pelere. Batisimu Yesu dri ri ‘a ehwi oviru “dri tika dri ‘a tro” adusi azi enzi ebejo Ofu Oku ri ‘ia rii ledi ani. Batisimu ‘a ehwi ni endri si rii “ta baka tazi ru,” “kusa rujeka pelere” kusa “rusuka bu ‘a.” Batisimu Yesu dri ana esule Yoana dri rii ta ete’de di ‘a layu ka ruhwe ‘ba cidru vudri ri ni wa ‘aia enzi ni rebe’jo ‘i ri ‘i.
Batisimu Yesu dri ri ‘a ebu idele rii alu oviru ondiku dri utile dri ‘a ri tro vi, ani ovi azi enzi ebe’jo ri azi ‘jo Ofu Oku ‘a ri ‘i. Ovi zi si, andrani eze ‘ba Isaraile dri ri ‘bati kaki ‘aia enzi idele kinya ‘a ri ‘a lebe ni esu azi enzi ebejo ri si odu layu esu’jo ri si kesua amba azi ole ri dri ri ka ana dri ni ti azi di ‘a dri ga kpa. Ovi azi dri Ofu Oku di ‘ia di ‘a ta inile rii alu oviru batisimu Yesu dri tro vua ana dra kuruce dri ri tro vi.
Rubanga upe odu enzi ebe’jo dii tema olule saa enzi cidru Isaraile ‘baa idele rii du ‘jo rii dru. Odu mudri joadru imba tuderijoadru ri dri si, amba azi ole ri dri ri ka enzi ‘ba cidru dri kinya ‘a ri ba azi enzi ebe’jo ri ‘a dri ga ana dri tika driaru enzi ‘ba cidru dri ni rebe’jo si. Ani dii ovi azi azi’jo Rubanga ‘a ti ubale ni ri ‘i. Ani ledii leti tete aludi enzi ‘ba cidru ‘a idele ri ba’jo azi enzi ebe’jo ri ‘a dri ga ri ‘i, vua enzi ifuka dri tika driaru si ni cara oludi tadru Rubanga ‘a ti ubale ri ‘i.
“Kolea Aroni koti ana dri ni eritruwasi indri lidri ri ‘a dri ga, koko kojo enzi cidru ‘baciri Isaraile dri ri ‘a idele rii driaru, ta unzi cidru ‘aia idele rii, ‘aia enzi ti tro cidru, koko koba ‘ai indri di ‘a dri ga, koko koze indri dii hwesihwesi ‘a dri ma’di anda ri dri si. Indri di koko koya enzi cidru ‘baa idele ri tro ru ‘a kare ‘ba ako ri iga; kolea ma’di dii koko kebe indri dii hwesihwesi ‘a aduto” (Levitikasi 16:21-22).
Ofu Oku ri ‘ia, ma’di enzidipi rii ka ana dri ni ti azi enzi ebe’jo ri ‘a dri ga koko ka ana enzi ni cidru ifu ruaru odriko wi’o lebe esu ana enzi si ‘i. Vua odu Lejo Ali ‘jo ri si, Aroni I amba azi ole ri dri rii, kendre ondiku ma’di mbadi Isaraile ‘ba ni kare ga cidru ri ani, ka ana dri ni ti ana ngasi azi di ‘a dri ga enzi cidru Isaraile ‘baa idele ri bajo driaru. Azi di ‘a enzi ‘aidri ri duka ‘a vu ga kaki ko kaki azi di di kpo.
Ana ehwi gba endri si rii oviru batisimu tro vi adusi ta ungwele (Batisima ni di ‘a ehwi ni Giriki ‘ba ti si “ta je ka, kusa ta su ka bu ‘a, kusa ta ifu ka tazi ru”) ani dii ta Yesu ‘a esule Yoana dri Ofu Udi ‘a ri ‘i.
Ondi kendre amba azi ole ri dri ri ‘a ana dri ni tika Ofu Oku ‘a azi enzi ebe’jo ri idri vua ana enzi cidru ‘ba Isaraile dri ri ‘a idele ri baka driaru ri ani, enzi ‘ba vudri ri dri isa cidru obaru Yesu ni ru batisimu ana esule Yoana Batisita dri ri si ‘i. Yesu oko odra kuruce dri laku hwe ‘jo amani ama enzi si. Dii ofu loso pelere ndro anda dri ri ‘i.
Kendre ondiku amba azi ole ri dri Aroni ‘a azi azi ka layu eji ‘jo ‘ba Isaraile dri ri ‘a kare ga ri ani, Yoana ni Batisimu hwedi ri isa, ani ondi ma’di engadi suru Aroni dri ri ‘ia ri ‘i, ide ebu okpo rere rii ‘ba cidru ni kare ga ‘au ana batisimu hweka Yesu ni si ‘i, vua ana enzi cidru ‘baa idele rii baka Yesu ni ru si ‘i. Rubanga onze ta driba tati loso ndro ana ubale ana le si di idri Bugu Ole ri ‘ia bugu Longo dri 50:4-5 ni ga ojo, “Ka ‘bu ungwe, vu tro olule sadini ‘a, lejo ana alile ‘ba anidri idri ri dri ‘i:Ojo anyetra ‘ba madri ma ‘aika cara ideka me tro azi si rii madri.” Amen, Alleluya.
Odo ekelezia dri ri ojo saa aninga ati eri amvuka pi kinya bero ekelezia dri ati na si Natali iyo. Kristo ‘ba ekelezia bero na bati ‘ia ri ‘bati Yesu ‘a maju tro kare alu ga tete kaki imba alu ‘a odu 6th ni era ‘au “dii odu Yesu ‘a batisimu esu ‘jo” abu Jurudano ‘a si Yoana ni Batisimu hwedi ri dri ri ‘i. Ki nyitiri obaki igeni nza rere rii Yesu ‘a batisimu ni dri ‘aia geni ni ga ‘i adu si? A’i dii ani gba kifunga okpo rere Kristo ‘ba ni saa eze lati lati maju nga nasi ri ‘bati ni ri ‘i. Disidru ale anya dri kociru eyi batisimu dri ‘ba’ai ‘ba ri ni vua Yesu ‘a batisimu dri ri si ku.
Adusi batisimu a’i ‘ba dri odu disi ri ‘a mgbimgbi ni batisimu Yesu ‘a esule Yoana dri ri tro nza.
Disidru, kole amasa ‘ai amadri kolu alu koviru kendre Yesu ‘ a maju dri ri tro vi ‘jo oleki laku Endri Ole ri dri ri esu ka ra ‘i. Kole ama cidru kesu laku Endri Ole ri dri rii ama batisimu Yesu dri ri ‘ai ka si, dii batisimu ana esule Yoana ni Batisimu hwedi ri dri ri ‘i, vua kole amigeni ana ari kuruce dri ri ni.
Ki ‘jo ‘ba aninga eze ekelezi bero na ‘ia ri bati kondre ki lejo ehwi batisimu dri dii kendre gba itu ogboro okpo rere ri ani, ideru adu rere rii majua ‘aia a’i ni baka Yesu ‘a batisimu ni dri si, disidru kole amasa odu disi ondreki batisimu Yesu dri ana esule Yoana dri rii kendre gba ta okpo rere ri ani ama lari ni ga ‘i. Zianiga di, kole oca ki vua ombaki a’i anda lini anda ri si ri ‘a ta ni ‘au, ani ledii lejo ‘jodia Yesu ni kole duba batisimu ana esule Yoana dri ri ‘a vu ga kodra ri ‘i. Kole anyetro cidru oni ote laku Endri Ole ri dri kidoa ama asiti ni aku le ni kesua ama ‘ai ‘a Yesu esu batisimu ra ni kpa, vua ama ‘ai ‘a emu odra kuruce dri vua onzi lidri di engwi ‘jo ama Aridipi ‘i dru ni kpa. Batisimu Yesu ‘a esule Yoana dri ri bati ana ari kuruce dri ri tro ‘aia konyi ni nza vua ‘ai ‘a ehwi isa tema ofu loso pelere ndro di ‘ia ‘i.
Leti adu-male kpe nyini Endri Ole ri esu ‘jo wa rii kesua tete nyi ofu loso pelere ndro Yesu ‘a batisimu dri ri ‘ai ana ari kuruce dri ri tro kpa. Yesu a batisimu oje enzi cidru ‘baa idele vudri di ‘a rii vu alu ate tri. Ani dii batisimu layu dri badia ama laku Endri Ole ri dri ri esu wa ri ‘i. Ki amala dri draasa ‘ba ziti ri ‘a okpo Yesu ‘a batisimu dri ri Eri ka kuru si, kaki ehwi ani eri kendre karama gba nya di ani.
Batisimu Yesu dri ri isa ewo ofu loso pelere ndro di dri ri ‘i, kite’de ‘a amani di odu enzi cidru vudri rii pi ingo ni ya ‘i vua di ‘ai lamgba ama kare ga ana ari ‘a raka kuruce dri si ingo ni ya ‘i. Ma’di alu alu lejo ehwi anda dri ofu loso pelere ndro di idri ri ‘ai ‘di rii kengwi laki ekelezia dri ri ‘a alu ‘i dru wa, adusi dria ani Opi ‘a dri lahwa ‘i, vua ka tutu Endri Ole ri dri ri esu ra.
Endri Ole rii ani dride engadi Rubanga dri ruhwedi ‘ba lebe ‘aia enzi dri ri esu ka ra ri ‘bati ni ri ‘i.
Batisimu anidri ri si, Yesu engwi “Biloangwa Rubanga dri enzi vudri ri dudi ri ‘i” ca ate tri (Yoana 1:29). Yoana 1:6-7 ojo, “Rubanga eze ma’di ana ofu ni eji ‘di rii, ru ani Yoana ‘i. Emu ‘ba ni, ingwe ite’de re, emu ite’dea ‘aini ‘ausi ‘ba cidru keri lejo anidri ni vua ka ‘i ki dru ani.” Ma’di ni Yesu ni ‘aijo kendre Aridipi dru ani, vua kendre ma’di enzi cidru ‘baa idele ri du ‘di ri ani, kolea eri ki ebu Yoana dri rii kpa vua eriki ta ana jole Bugu Ole ri ‘ia ri isa kpa. Diivu amako ama Yesu Kristo ni igeni kendre amani Aridipi dru ani wa. Ama ni Endri Ole ri esu ‘jo, kolea a’i ama dri rii kosu zo okpo sadini ana hwele ri ‘a dri ga ‘i. Disidru, lejo ofu loso pelere ndro ri dri iko ‘jo, kolea ‘aiki batisimu Yesu ‘a esule Yoana dri rii ‘au ana ari kuruce dri ri tro.
Mateo 11:12 ga osiru, “Enga’jo odu Yoana ni Batisimu hwedi ri ‘a eya ‘jo risi eca ndi endru `ba ka Opi Bu dri afu okpo si, vua ‘ba afukaa okposi ri kipaa ni.” Lejo ani rusidi dii gbadru ani lejo okpo rere ehwi ani erika ni okpo rere Bugu Ole ri ‘ia ri ‘i. Ki anyetro kole otraki asi okposi rere rii ana lejo ehwi angwa zi ‘jo’dia “Enga’jo odu Yoana ni Batisimu hwedi ri ‘a eya ‘jo ri inga ni di iga.” Lejo ana inile rii gbadru ebu Yoana ‘a idele rii oviru ondiku ebu Yesu ‘a idele ama lari ni ri tro vi ‘i.
Yesu ole ama to Opi bu dri ri iga a’i okpo tro ri si, ama a’i kolu okpo rere kendre ‘ba oja ndeka ra ri dri ani. Ondreru ama enzi ide odu cidru si, amoli ru enzi si dasa ku ki sa ohwe amani cara to jo Opi ani dri ri ‘ia ra tete ama igeni ‘ba ka ana dri ga si kovu ama aw’i ako ni ra. Lejo ani di ‘a ehwi ni ‘ba ka Opi ‘bu dri ri du ‘ai’a a’i ofu loso pelere ndro di idri ri si dii ofu loso jo’dia Yesu odu enzi cidru vudri rii ana batisimu esule Yoana dri ri si vua ana ari kuruce dri ri si ri ‘i.
Ovi zi si, ehwi ani ‘bu ni ka rudu wa rii tete a’i okpo ofu loso pelere ndro Yesu ‘a batisimu ni dri ri si vua ana ari ni dri ri si.
Batisimu Yesu dri ri odu ama enzi ni cidru pi, vua ama a’i ta ani di idri ri kite’dea ama ni pelere ama laku Endri Ole ri dri ri esu ra. Kole onzeki ofu loso dii ‘ba oluka ama laga ga ri ‘bati ni sa ‘i, onzeki ama kaka ti ni, ama oja ‘bazi ti ni, vua ‘ba cidru vudri ri ‘bati ni sa ‘i. Kolea ‘badri a’i kolu ‘aa ofu loso pelere ndro ‘joadia enzi cidru vudri rii ifuru Yesu ‘a dri ga ana batisimu si ri iga ‘i. A’i ama dri disi ama tutu layu dri ri esu ra vua ama laku Endri Ole ri dri ri isa esu ra.
Batisimu Yesu dri ri odu ama enzi ni cidru si pi ari driaru rii lamgba ama enzi dri ‘i. Kolea onzeki ‘ba-a’i ‘ba ku ri bati ni sa ofu loso pelere ndro ofu loso eyidri Endri tro dii ‘au. ‘Jo te ta ‘di ide ka si ku ri, kaki hwa ofu loso rii igeni kpe vua kaki Endri Ole ri isa esu kpe. Disidru ale anya ‘i. Tete karide wa rii a’i Yesu ‘a batisimu ana esule Yoana dri ri si vua ana ari kuruce dri ri si ku ‘i ri hwa aludi sa ma’di ka lebe ana enzi dri ri esu kpe vua ka laku Endri Ole ri dri ri isa esu kpe.
Ma’di alu alu kengwi Opi ‘a Ngwaapi ‘i dru wa, ma’di ani di ‘a ru ga Endri Ole ri ka rumu ra, di kolu ama adrunzi ti ‘i kusa nosi ama amvonzi ti ‘a alu ‘i ni wa karide ‘aia ofu loso pelere ndro ofu loso eyidri Endri tro ri igeni ka si. Anyisa anya a’i kolu ofu loso pelere ndro di idri ‘aa kendre ondiku Paulo isa ‘a a’i ‘a oluka ofu loso pelere ndro di idri ‘aa ri ani. Manzo Opi ni ra ana amani ofu loso pelere ndro di hwe ka si ru driaru kolu ecu le. Amen.
