- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-4] ‘Ba a’i aidri rii alua ruvidi maju dri ri tro vi ri ‘i (Ebu majua idele rii 3:19ojo)
(Ebu majua idele rii 3:19ojo)
“Anyiru anya enzi ni anyiko anyengwi Rubanga dri, anya enzi ke’beru dru ca, vua Opi kohwedru anyini saa asi egbwe dri ri ni.”
“Anyiru anya enzi ni anyiko anyengwi Rubanga dri, anya enzi ke’beru dru ca, vua Opi kohwedru anyini saa asi egbwe dri ri ni.”
‘A’i maju dri rii
ovi ingoni ri ‘i?
‘Aiki batisimu Yesu dri rii ana
ari kuruce dri ri tro ‘au.
Jo ondreki maju Yesu Kristo dri ri ‘bati ni, saa eca’di esu ‘aia laku Endri Ole ri dri ri esujo kpa rii mgbimgbi ani driso saa ‘aia esu’joadru kuru ri tro nza rere. Ki ‘aia ru le ‘a mgbimgbi ete’deru kuru, ki ‘aia Endri Ole ri esuka ‘a vu ga, lidri ‘aia olujo rii ingwe Yesu Kristo dri ri si ecoru ra.
Ganyi ma olure ga ri iga be endre’di loso ri ‘bati abu loso ri tro ‘aa. Ki jo andre ta ani endre’di loso go ledii ni, mgbe ta cidru kate mani tri mako ma tazi sa ide kpe ra rii mgbe ma anzo hwe Opi ni ana ta na ‘bati bika si ‘au. Gba eyi naa-dri ‘a suka mijimiji jo itu koka na koba ma asiti koga tri vu ma laga ri isa cidru kendre mula loso ri ani.
Ki kare ziti ta loso ledi ‘bati ‘a rete’de jo ku riisa ‘aa. Kare ziti mgbe laka bua endrere tau eyi ‘a si rii ‘aa, ki eyi itu ‘a kare driaru ri le gbadru kendre nzokoti ani. Ingwe ani na ani na ‘bati
ongwe tau ku. Ta ndreka meri ‘a ledi ani si, manzo Opi ni ana ofu loso pelere ndro ma enzi ni je’di disi okposi adusi dii ta ‘badia mesu laku Endri Ole ri dri rii ra ri ‘i.
Kendre ondiku kare meri dri lindri lindri ‘a dere driaru ci ri ‘a ingwe esu ka kuru ri ani, amasa amaca ingwe Rubanga dri ri iga kpe, vua amale ku sa enzi ama ru ga ri koba ama dri ba kare ama lele ku ri iga. Ki kesu jo Endri Ole ri kolu ama asiti ga ‘aa ri, mgbe ama rite’de kendre ‘baciri Rubanga dri ri ani di koko ka ama dri ni se amani ofu loso ri nze’jo ‘ba ziti ri ni. Amala ama ingwe driaru ri ‘aika ra si, amevu ama su kendre ingwe ani ra.
Alua ri ani,Onzika Yesu dri ri ‘a vu ga, maju driaru ri ‘bati esu Endri Ole rii ra oko engwiki ana ‘baciri ti ‘i vua maju ingwe dri ‘i. Adusi ingwe Endri Ole ri dri rii ani tutu retu ri ‘i ‘bacidru ni ‘i disidru oba ‘ba amgbu ole laku Endri Ole ri dri ri esule ni.
A’i majugo Paulo dri ri ‘i
A’i ovi Paulo dri rii ingoni ri ‘i? Paulo ni, ana ta jore ‘ai dri rii, ojo ani esu lini vua ohwe anini lini enga’jo ma’di ungwele Gamaliele dri si, Gamaliele ni esu laponyi cara dri saa nasi ri ‘i, omba cara ana ata ti dri ri inire ga okpo. Ki eya o’jo cara oba, hwa ani ka lari esu ana enzi ni ‘a kpe disi ani kolu tesa enzi ‘a, adusiku, esu sa ani ma’di sikia eji’di Yesu ni, ama Aridipi ni ru ri ‘i. O’du zi alu ecikiru Yesu tro leti ‘a ana yare Damasiko ‘a ri ‘i oko engwi ma’di ofu loso Yesu dri ri nze’di ri ‘i. ‘Ai Yesu Kristo ni Ngwaapi Rubanga dri ri ‘i, emu vudri di ‘a ra, esu batisimu Yoana dri enzi cidru vudri ri ‘jejo, vua ari ani ora kuruce dri lamgba enzi na ‘bati dri rii cidru ri uhwejo ni ra.
Ovi zi si, Paulo esu ana asiti ga ‘ai enzi ‘a rebe’jo rii ra. Yesu ‘a maju ti igeniki batisimu Yesu ‘a esule Yoana dri ri ‘bati ana ari kuruce dri ri tro obaru cidru ‘aini lebe esu’jo aia enzi ni ‘a. Paulo amu ‘ai ani alua dii maju tro ‘au diivu oko esu lari ana enzi dri rii cidru ra.
Paulo ojo Galatia 3:27 ga, “Anyi ‘ba batisimu esuka ru Kristo dri si rii anyemuru Kristo ti tro alu anyesu lidri anidri ‘i,” vua ojo ana ‘ai batisimu Yesu dri ri idri rii engwi ana lari ‘i. Ziniga di, Petro isa ofu atijoadru ana sile 3:21 ga ojo, “Ovi zi driadinisa anyi aridi rii ‘aa ─ ungwea batisimu (batisimu dii ovi anyi aridi andi ru dri jeka si rii ku, ki cara icarale Rubanga ni ra anda rii ite’de di ri ‘i), onzika Yesu Kristo dri si,” Oko onze ta driba ta ete’de ka ofu loso Yesu ‘a batisimu dri ri idri lejo angwa ana sile di iga si. Maju Yesu dri ri ‘bati igeniki batisimu ana esule Yoana dri ri si oje enzi cidru vudri rii pelere. Disidru ‘aisa esuki lebe ‘aia enzi dri rii ra, vua draa hwa ‘aia anda di ‘aika si ‘ai alu cara dri ri ‘a iti ga ku.
‘Aiki batisimu Yesu dri rii ana ari kuruce dri ri tro eritruwa si ra. Ete’deru pelere ‘ai ani ovi di ani dii ‘ai badia ma’di kesi ‘ausi ungwele maju dru ca wa ri ‘i. Ebu majua idele 1:21-22, ga ojoru, “Disidru, kole ma’di zi alu kohwi ama i’a olure sadini dru onzika Opi Yesu dri iga kolea kolu ma’di ama i’a o’du Yesu ‘a acijo ama tro ri inga sa ‘aa ri ‘i, Idojo Yoana ‘a ta nzejo ana batisimu ni dri ri inga ndi Yesu ‘a tujo bu ‘a ri inga ri ‘i, keya kolu sadini dru ametro Yesu ‘a onzika dri ‘i.” Engwika maju Yesu dri ri ‘i ni ki’do ‘ai Yesu ‘a batisimu Yoana dri ri idri ri si.
Anda amani lele lebe esu’jo ama enzi ni ‘a si ‘ausi wa rii ‘ai Yesu ‘a batisimu ni dri ri ‘bati ana ari kuruce dri ri tro ri ‘i. “Anyi ‘ba batisimu esuka ru Kristo dri si rii anyemuru Kristo ti tro alu anyesu lidri anidri ‘i” (Galatia 3:27). Ledisidru Paulo isa igeni Yesu ‘a batisimu Yoana dri ri ‘bati ana ari kuruce dri ri tro ‘au.
Anyiba ondreki dri ofu Tito ‘a sile 3:5 ni ‘au. “Ari ama ra di i’deru ebu loso ama idele ama ngasi ri si ku, Ki ra rii kiza anidri si oje ama pelere, ohwe amani lati u’di rii lidri u’di ri tro Endri Ole anidri si.” Lejo ehwi angwa ani di ‘a jole, “ki kiza anidri si oje ama pelere” ni di ‘a ehwi ni enzi cidru vudri rii Yoana oce ani kohwe Yesu ni batisimu di mgbe o’jeru pelere ‘i. Alua ri ani, jo nyisa ile nyesu lebe nya enzi dri rii ni ra, kole mgbe nyisa nyigeni ofu loso pelere go dii ‘au, dii ofu loso jo’dia enzi cidru nya idele ra rii obaru Yesu ni ru batisimu ana esule Yoana dri ri si ri ‘i. Ra Yesu ‘a repa’jo kuruce dri vua ari ‘aa ra’jo paka ana drajo tro rii ana enzi cidru vudri ri duka pi batisimu ana esule Yoana dri ri si ‘i. Anda ani di igeni ka ate ma’di ni laku Endri Ole ri dri esu’jo ca. Paulo isa ohwe sadini ojo ani igeni Yesu ‘a batisimu esule Yoana dri ri ‘bati ana ari kuruce dri ri tro ra.
Anyiba draa ondreki lejo rusidi Eberei 10:21-22 ga, jodia, “Amadri ma’di ta azi’di Rubanga ni nde’dia rii Rubanga dri jo ‘a ‘aa, disidru ovuki Rubanga andra ire asi igeni retu ri tro, a’i loku ri tro asi jele pelere ra unzi ako ri tro vua ru jele eyi ole si ri si ri tro.” Di ‘a, “ru jele eyi ole ri si ri tro” ni dii ka ta jo Yesu ‘a batisimu esule Yoana dri ri ‘a dri ga, ani dii ta enzi cidru ‘ba dri ri je’di pelere ri ‘i.
Disidru, Ofu Oku ri ‘bati ‘ia Ofu Udi ri tro eritruwasi, ama ndrea gba ta okpo rere ofu loso ri idri rii ana batisimu ti ana dra kuruce dri ri tro. Nyisa, kole nyamu ‘ai alua dii Paulo tro ‘au.
O’du disi, Kristo ‘ba amgbu ka ani ‘ai nyadru nikaa di Yoana ohwe di Yesu ni batisimu adunga ya ni ako, vua di enzi cidru vudri rii o’jeru pelere rii adunga ya ni ako. ‘Ba amgbu ziti ta laka Rubanga dri ri ‘bati kaki joa kole ‘bacidru sa kesuki batisimu eyisi ra ‘aisa ‘aini lebe ‘aia enzi dri ri esu’jo ‘i. Ta ‘ai dii kpodru si sa ka rujo ta ni ka anda ofu loso ce vua pelere ofu loso eyidri vua Endri dri di idri ni ako, kendre ondi ana rusika Bugu Ole ri ‘ia ra ri ani. Alusa ama enzi ka rebe ca ama batisimu esuka eyisi vua itu ogboro laka nya di ideka si kpe. ‘Ai Yesu ‘a batisimu ni dri ri ‘bati ana ari dri ri tro ka ama enzi ni je cidru pelere wa rii ni. Tete ‘ba ofu loso pelere di igenika ri ‘bati esuki lebe ‘aia enzi dri rii ra rii ni. Ki ‘aia ana ari ni ‘aika si, uhweki lamgba ‘aidri ri ‘a ti ni ra. Tete ‘ba ‘ai di tro ri ‘bati ka Endri Ole ri esu wa rii ni.
“Disidru ovuki Rubanga andra ire asi igeni retu ri tro, a’i loku ri tro asi jele pelere ra unzi ako ri tro vua ru jele eyi ole si ri si ri tro” (Eberei 10:22). Ma’di bugu Eberei dri di sidi ri ojo amani kole ovuki Rubanga andra ire asi igeni retu ri tro, a’i loku ri tro asi jele pelere ra unzi ako ri tro vua ru jele eyi ole si ri tro. Vuasa tro kole ovuki laga ‘a ru ire asi anda ‘aitro ri si vua ‘ai ofu loso ri tro ri si.
Odu disi, gbadru Kristo ‘ba ole laku Endri Ole ri dri ri esuka ni asiti cidru si. Ki unzi dru esuru Endri Ole rii tete kolu asiti ‘ba ‘aia enzi ni ebe ra ri ‘bati ‘a asiti ga. Ki laki amgbu ri ‘bati oni ta dii ku disidru kaki bi ‘a Endri Ole ri esule ‘aini ofu loso ta jo’di batisimu Yesu dri ri idri ri ‘aika ana ari kuruce dri rii tro rii ako. ‘Ba cidru Yesu ni ‘aika ra ki driso ana batisimu ni ‘aika ana ari kuruce dri ri tro kuru ri ‘bati ka hwa alusa laku Endri Ole ri dri ri esu kpe. Ledii a’du ni amala asiti ‘aidri rii pelere ku si.
Paulo le igeni batisimu Yesu dri ri ‘bati ana ari kuruce dri ri tro ‘au disidru oko esu Endri Ole rii ra. Amala, emu ica geni dii vua oko eji sikia ana ru ga nza ana lini mgbi ri nzeka ‘au si ‘i. Ki amala Endri Ole ri ‘a oluka ana asiti ga ‘aa si, ka ofu loso eyidri vua Endri dri ri ica paka ana eko re ga. “Konyi Kristo ni mani okpo hwe’di ri dri si tazi mani idele kpe ani iyo” (Filipi ‘ba 4:13). Anzo kolu retu Endri Ole ri ‘a laku hweka si, adusiku oba ide ebu vua olu goga Endri Ole ri dri ri iti paka ofu dri da Rubanga dri. Disidru tete ‘ba ‘ai ‘aidri rii Paulo dri ledi ani ri ‘bati ka laku Endri Ole ri dri ri esu wa rii ni.
Anyiba ondreki ‘ai Paulo dri rii. Koloso 2:12 ga, ojoru, “ose anyi bu ‘a Kristo tro o’du anya batisimu esu’jo ri inga, vua batisimu si anyonzi Kristo tro anya okpo Rubanga ‘a ani inzijo dra ga ri ‘aika si.” Ebe anini enzi cidru ana idele rii ra ana Yesu ni, batisimu esu’di Yoana dri ri ‘aika si.
Lini Kristo ‘ba dri ri ecoru erijo saa eze nasi ingoni?
Draa, anyiba ondreki dri ta amvoti ana enzi ni rudi engwi’di maju dru ana laku Endri Ole ri dri ri esuka ‘a vu ga ri ni.
“Maya ‘e si amba ki hwa alusa madri ‘barangwa iyo, ki disi anini tutu anini ‘barangwa tijo ri esujo ilegi si aya ekelezia ‘a si. Ki tee ma olure driso ega ri isa milegi ziti si saa mi ndi alu kusa eri kesudru ‘barangwa si ‘i ta ani di oko engwi ovi ma geni dri ma dini ni ‘a ri ‘i o’du cidru si sa ‘i.
Ki ma olure ma ngasi lidri dini dri disi rii mgbe ako mesu idrazi endre amba rii ra. O’jo mani jo ale Rubanga ni zika kohwe mani ‘barangwa si ni ra, kolea dubasi ma bi ilegi ana ilegi le mani ana dri tika madri si ri esule kpa. Adusi meri kare zi ga izi dii ani ma’di ofu Rubanga dri ri aji’di ri ‘i ni ra disidru ako ma ‘i koti ana dri ni ma dri ga ni ra. Mgbe saa nasi, mitiri ma kendre ati ri ani ku. Ma ti ido rupika ako mido ta joka ti mgbimgbi ri si ako mitiri ma ru ga mori zi mgbi rii ka ma nzu oru esi.
O’du nainga mgbe ta ani ride’di dii kendre mesu ma ngasi Endri Ole rii ra ani vua ara ri si dii ilegi ma ilegi le ri ‘a ti ‘a ra ‘i ka ‘i. Izi dri ti’di ma dri ga dii nyiraa ri si driaru hwe Endri Ole ri dri rii ‘aa ani ka ta jo profeta ti si vua ka lija hwe.Ki esu hwa alusa ana ngasi lini lejo Rubanga dri ri idri kuru, sa ka mori Endri Ole ri dri ebu, ikonyi lei’ba ekpadru ‘ba ziti lini esuka ra ri ‘bati tro ana dri tika ‘aia dri ga si ‘ausini kaki dru Endri Ole ana hwele ‘aini ri esu wa si ‘i.
Ani ni idojo nainga, Mido ayale lemu ani ledi ani ledii iga, alu ani ungwea “ 3Recoka/Lini engwijo vule Opi dri ri iga.” Odu zi alu si ma ilegire lemu di iga rii, mitiri ma ru osa ndutudrusi ci ma asiti ido ngwele mgbe le Rubanga dri si vua le ma wa’dezi ti ‘a ru ga ri si. Ta alua di i’deru ‘ba ziti ri ni sa ra oba mi ki ani koni driki ani ka ruci vua kaki ta jo ti mgbimgbi ri si. Esu ‘ba zi na ‘a ori unzi ri ‘a icale ra ri ‘bati ‘aa, ma’di amba dru lemu na iga ri oko alu ori unzi dii onga ‘ba di iru si pi. Ra Recoka/Lini engwijo vule Opi dri ni di dri rii obaru ondiku sa ma’di ni laku Endri Ole ri dri ri esu’jo ndrole ru ‘a saka si, ta joka profeta ti si si, ori unzi ri udroka si, vua ta joka ti mgbimgbi ri si si. Ki ta amgbu ride’di di tro sa, enzi olu dri ma asiti ga ‘aa, vua enzi ma asiti ga ri oba ma ma eri ori retu ri tro vu drinza sa ka ma oko oko. Disidru, jo milegi ni sa, milegi rii nosi le’jo enzi dri rii konga ma asiti ga pi si. Ma’joa ma ngasi mide enzi ra sa dri ‘ba di ‘ai ma ku adusiku mendre ‘aini malaika gba ri ani. Ara ri si ‘ai madri rii anda, ki mesu ma mbi. Ki jo mera ta mbi ma idele rii ni, saa angwa kolu mani gaadru sa laku Endri Ole ri dri ri esu’jo iyo.
| Recoka anda rii mgbe ati ati sa obaru ra vua ani ta kole kideru lidri Kristo ‘ba dri ri ‘ia ri ‘i, adusiku ka ozo Endri ‘a ri eji ‘oa Endri dri ri tro okposi. Ki kinya amvu’di udi ‘a disi, lejo zi aca’di rii ‘ba nainga ri onze le’jo ungwele “recoka” ni di ‘a driba ni kendre ta laka endre’di ruvi’di ta Bugu Ole ri ‘a jole ri tro ani iyo. ‘Aia “recoka” ritiri ka nza tro ejidi imbale kpe ri tro rii, karide ta ‘aia sule su ‘aia itirile keya ka ride ra ri si, ta ani di emuru lejo-anda vua okpo Bugu Ole ri ‘ia ri tro vua taziti edule-Bugu Ole ri ‘ia ku ri tro lini laka rii ta idele ri tro mgbi. Ta ‘ai di ani dii ta gba driluci ejidi lini ta idele ri tro ‘ba leco ejika asi ecoka si ri ‘bati ‘a dri ejile ni ri ‘i, ta ‘aia itirile rule’di ma’di ni asi ecojo rii tesa ka ta Bugu Ole ri ‘a jole ri ‘a dri ni nde ra, rite’deka ta mbi ri ‘i, lini mbi ri ‘i, lejo jole profeta ti si enzo dru ri ‘i, nyuma mbi rii ta ‘aujo mbi ri tro, vu ta ziti tro. Amala, ta gba ndrele unzi rere palanda lejo ani aci’di andraga di iga rii ‘ba inikaa rii obaki laki amgbu ri ‘bati ‘a dri ociru ra oniki ta leti anda rule’di ma’di ni Endri Ole ri esu’jo ri idri ku vua obaki ofu loso pelere dii maraga. |
Ta na ivu, Ako meya mesu ‘ba ofu loso eyidri di nzeka ofu loso Endri dri ri tro ri ‘bati ako mesu lebe ma enzi dri rii cidru si ra ma lejo Rubanga dri anda ri igeni ka ‘au si ‘i. Draa saa disi gbadru ma asiti ni egbwe rere. Migeni ofu loso eyidri rii ofu loso Endri dri ri tro ra di oba ako mesu laku Endri Ole ri dri ri isa ra. Manzo Rubanga ni okposi. Mitiria Kristo ‘ba vu ndutudri ri ‘bati kaki ofu loso pelere di ‘ai ra kaki ko kaki laku Endri Ole ri dri isa esu ra. Manzo Opi ni ra.”
Di ‘a amini ma’di ni laku Endri Ole ri dri esu’jo, kole duba amesu ofu loso eyidri rii ofu loso Endri dri ri tro kpa. Jo ile gba ebe nyini enzi cidru nya idele rii ra ni ra, kole ati ‘ai nyidri ri kolu batisimu Yesu ‘a esule Yoana dri ri idri ‘aa. Anyiba ondreki lejo rusidi Efeso 4:5 ga ri ni. “Opi ni alu, a’i alu, batisimu sa alu.” Dia ojoru Opi ni alu vua batisimu sa alu, dii ta ama igeni le ra ri ‘i. Kolea kpodru igeniki batisimu Yesu ‘a esule Yoana dri ri ni ana ari kuruce dri ri tro ‘i ‘ausini esuki dru laku Endri Ole ri dri rii wa si ‘i. Jo amide di ani ku ri, hwa Endri Ole ri emu olule ama asiti ga ni ku.Andrani eze ‘baziti ri kinia oma aci ‘aidri andraga rii ta ziti inile laka ri tro ka konyi hwe ‘aini laku Endri Ole ri dri ri esu’jo ra. Ki gba, nyitiri Endri Ole ri kesi lidri amadri ri iga ni kesu ‘a ama vu lemu ani ledi ani ledi iga kpa ya? Nyesu Endri Ole rii nya yaka lemu nyuma dri ledi ani ledi iga ri si kuru ya? Ki jo karide wa si, mgbe nyolu ‘ai ta mbare ga ciri. Ki vua jo Endri Ole ri esi nya dri ga ra disi, kole esu Yesu kemu vudri di ‘a vua kohwe sa amani lari ku kole kesu batisimu Yoana dri sa ku vuasa tro kodra kuruce dri ku.
Laku Endri Ole ri dri ri esuka ni ani dri’de enga’di ‘ai bale ofu loso ta jo’di Yesu ‘a batisimu ni dri ri si ana ari tro ri ‘i, dii ta lebe eji’di nya enzi ni ri ‘i.
Laku Endri Ole ri dri rii dri’de ruhwe’di ‘ba enzi ‘aidri ri ‘a rujere pelere ‘aia ofu loso ce ri ‘aika si ri ‘bati ni ri ‘i.
Odu disi, ‘ba amgbu vu amgbu dri Recoka/Asi ecoka si ovi engwi’jo Rubanga dri rii nzeka si rii, ‘aa ru ‘ba ziti amgbu kuraa ilegi enzi rujo ‘aia ilegile asiti cidru si ri ka konyi hwe ‘aini laku Endri Ole ri dri ri esu’jo ra. Kaki joa tee ma’dizi ‘a asiti ga dri enzi kolu ‘aa sa, jo ilegi enzi ruka tro ni, mgbe ka Endri Ole ri esu ra.Aci Pentekositali-Asiti ecoka eco, di ‘bati dri rii aca vu ndutu dri, idojo vu Amerika dri Remu’di Alu ri iga si dii kinya 1800 si. Aci ani di ido kendre ebu Cuma ta idejo ri ‘a idoka ebu idejo ri ani, esu ovi ‘ba ‘a olujo ri ‘bati ‘aia gbeti ti tro ivoloru kpa. Aci di eca kare ‘ba tro ri iga di sa esu mgbe ‘aia asiti kaza ta retu ri si. Erijo saa nasi, ‘ia bale lejo Rubanga dri ri iga ri ido mbaka di, vuaru aci udi dini udi ri dri di ido yale andra ga ni. Ondreru gba aci Pentekositali-Asiti ecoka eco di ‘bati dri rii kpodru sa otraru ta ru dri rajoadru ‘ausi ‘ai kofu Endri Ole ri esu ri iga (Rubanga) – ebu Rubanga dri ri ndreka mi si vua okpo Rubanga ‘a lejo dri itirika ru si vua uje si.
Ki tazi unzi aci ani di iga rii ize Krissto ‘ba amgbu lejo anda Rubanga dri ri iga si lolu vua karate’de te sa kendre dini ledia ani ka tutu ru si ri hwe ‘bani ‘au ri ani. Ta unzi aci di ‘ia rii, oba ‘ba amgbu vu ani okoka ri ‘bati engwiki ‘ba ta ujoka nyadru ri ‘bati ‘i. Ndi endru sa, ‘ba ‘ai baka ‘aia ngasi ta andrani eze aci Pentekositali-Asiti ecoka eco di ‘bati dri ri ‘ia ri ‘bati kaki uraa Yesu ni ‘aika ‘aisi ni ‘e ka ma’di limi amgbu tro ri ‘i, kusa ana laza ka rija ra ‘i, ana andra kolu ta cidru ga loso ‘i, ani ka Endri Ole ri esu ra ‘i vua ani ka ta jo ti mgbimgbi ri si ra ‘i vua mori kolu anini ‘ba ziti ri i’ja jo laza ‘a wa ‘i. Ki lini andrani eze Pentekositali-Asiti ecoka eco di ‘bati dri ri aca vu ndutu dri. Lejo ‘ai ‘a dri ejile di engwi teri anzi rere ri ani ‘ai ‘ba dri ri iga ‘i ndrole ‘aia urata ofu loso anda di ‘a dri ga ri iga ‘i vua ‘aia mori Endri Ole ri esu’jo ri iga ‘i.
Ki Kristo ‘ba anda udi di etu pa Luther ti dri Kalivini tro ire erijo kinya 500 si. Ki leci Kristo ‘ba dri ri iga le, lejo anda Bugu Ole ri ‘ia mba’di okpo vua ta driba nze’di laku Endri Ole ri dri ri idri rii obaru kuru. Lejo laka rii amala dria lini Kristo ‘ba dri anda di ‘a rire rii, esu laki amgbu igeniki Yesu ni ‘au ta okpo ana batisimu ni dri rii nika ta ana dra ni kuruce dri ri tro rii ako. Ta cidru ni engwijo unzi, ‘ba amgbu ido ta mbi ri inile dini Kristo ‘ba dri rii lofo si kaki tete ta ru dri ri ini adute ‘au. Kole draa Kristo ‘ba cidru kigeni ofu loso pelerendro jodia Yesu esu batisimu Yoana dri enzi cidru vu dri ri dujo pi vua ari ani ora kuruce dri si enzi na’ bati uhwejo rii ‘au. Geni di ani di koba nyi Endri Ole ri esu ra.
Odu disi, ra dini Kristo ‘ba dri ri ‘a engwijo anda ku rii amala ‘ba amgbu oleki ‘ai koga batisimu Yesu ‘a esule Yoana dri rii ana ari kuruce dri ri tro mgbe. Yesu ojo amani kole amani ta anda rii ote. Batisimu Yesu ‘a esule Yoana dri ri igenika ti ana ari kuruce dri ri tro ehwi ani ofu loso eyidri vua Endri dri ri igeni ka. Ki jo ile Endri Ole ri esuka ra, kole nyigeni saa Yoana ‘a batisimu hwe’jo Yesu ni nasi, enzi nyidri rii cidru obaru ana ru ga vua dra driaru kuruce dri rii lamgba nya enzi cidru ri dri ‘i. Di koko koba nyi Endri Ole ri esu ra.
Kristo ‘ba amgbu igeni tete ari Yesu dri rii kendre ofu loso ‘aia layu dri rii dru ‘au. Ki anyi gba ziti tete ari driaru di ‘aika ‘au di ‘bati ka lebe anya enzi dri ri esu wa ya? Nyesu ‘a wa yo? Jo nosi nyitiri di kolu ce, karuni hwa nyidri ini ta batisimu Yesu dri anda di idri ku. Ra ledisidru karuni dri enzi olu nya asiti ga ‘aa. Ki jo nyeci Yesu ‘a batisimu ti ana ari tro kare aluga kendre ‘ai alu ri ani ni nyi lari esu nya enzi ni ‘a si cidru ra nyiko nyi laku Endri Ole ri dri ri isa esu ra. Bugu Ole ri ojo amani dii ofu loso ce badia ama vu di ‘a mi ni nde wa ri ‘i.
“Ta sadini hweka vudri di ‘a rii ina: Endri, eyi vua ari; vua ta dii ina truwasi ‘aikiru alu” (ofu atijoadru Yoana ‘a sile rii 5:8). Disidru, kolea oniki ledii ote, ana le amani lari hwejo ama enzi ni ‘a si ri iga, Rubanga oba Yoana ohwe Yesu ni batisimu vua oba odra kuruce dri.
Ra Kristo ‘ba amgbu ri ‘bati ‘a lebe ‘aia enzi dri ri esujo draasa kuru tee ‘aiki Yesu ni ra sa ‘i rii adusiku ‘aiki ofu loso pelere ndro Yesu dri ana batisimu esu’jo Yoana dri dii ana ari ra’di kuruce dri ri tro kuru. Adusiku ‘ba ta eri di ‘aika ra ri ‘bati ka lebe ‘aia enzi dri ri esu ra vua Endri Ole ri isa kolu ‘aia asiti ga ra.
Ki jo ‘ba kera enzi ‘aidri rii cidru ojeru pelere ni ni, asiti ‘aidri rii kengwi egbwe rere vua pelere ndro kendre eyi ani. Jo gba Endri Ole ri kolu ma’di ‘a asiti ga ri, egbwe kendre meri ani rii kodi pi angwa vua ma’di di ‘a asiti ga. Amasa amesu Opi ni ama anda di igenika si vua amaci tesa Endri ‘a si ama ofu loso laku Endri Ole ri dri esujo ri nzeka ‘au si ‘i. Hwa ama asiti esu asiti egbwe ani di ani dii gbu sa kuru. Idojo saa ama ofu loso eyidri vua Endri dri ri igeni jo ri si, ama lidri engwi ta ‘aujo ri ‘i vua asiti amadri ri engwi ru dru egbwe rere. Hwa alusa amebe ofu loso ani dii ku. Adusi Endri Ole rii tesa kolu ama asiti ga, ka ama ikonyi ana lejo ni ica’jo vua ka ‘ba ‘aika ra ri ‘bati ‘a aga ni ikonyi ‘aini Endri Ole ri esu’jo.
Ki amala ama ofu loso Yesu ‘a batisimu dri ri igeni ka ana ari kuruce dri ri tro ‘au si, Endri Ole ri si tutu ocoru ama ru ga ra. Draa kole nyidri ‘ai kolu batisimu Yesu dri ri idri ana ari kuruce dri ri tro ‘aa nyini Endri Ole ri esu’jo ra ni ‘i. Ani gba ta okpo rere ri ‘i kolea ‘ba cidru vu ndutu dri rii kidoki geni baka lejo Rubanga dri ri idri igenikaa Yesu esu batisimu Yoana dri enzi cidru vudri rii du ‘jo vua oko odra kuruce dri esu lamgba enzi na ‘bati cidru uhwe’jo si ‘i. Jo ideki dii ni ri, tati ‘a aserega kaki Endri Ole ri esu ra.
’i Yesu ‘a batisimu ana esule Yoana dri ri si vua ana ari kuruce dri ri si ku ‘i ri hwa aludi sa ma’di ka lebe ana enzi dri ri esu kpe vua ka laku Endri Ole ri dri ri isa esu kpe.
Ma’di alu alu kengwi Opi ‘a Ngwaapi ‘i dru wa, ma’di ani di ‘a ru ga Endri Ole ri ka rumu ra, di kolu ama adrunzi ti ‘i kusa nosi ama amvonzi ti ‘a alu ‘i ni wa karide ‘aia ofu loso pelere ndro ofu loso eyidri Endri tro ri igeni ka si. Anyisa anya a’i kolu ofu loso pelere ndro di idri ‘aa kendre ondiku Paulo isa ‘a a’i ‘a oluka ofu loso pelere ndro di idri ‘aa ri ani. Manzo Opi ni ra ana amani ofu loso pelere ndro di hwe ka si ru driaru kolu ecu le. Amen.
Di ‘a amini ma’di ni laku Endri Ole ri dri esu’jo, kole duba amesu ofu loso eyidri rii ofu loso Endri dri ri tro kpa. Jo ile gba ebe nyini enzi cidru nya idele rii ra ni ra, kole ati ‘ai nyidri ri kolu batisimu Yesu ‘a esule Yoana dri ri idri ‘aa. Anyiba ondreki lejo rusidi Efeso 4:5 ga ri ni. “Opi ni alu, a’i alu, batisimu sa alu.” Dia ojoru Opi ni alu vua batisimu sa alu, dii ta ama igeni le ra ri ‘i. Kolea kpodru igeniki batisimu Yesu ‘a esule Yoana dri ri ni ana ari kuruce dri ri tro ‘i ‘ausini esuki dru laku Endri Ole ri dri rii wa si ‘i. Jo amide di ani ku ri, hwa Endri Ole ri emu olule ama asiti ga ni ku.Andrani eze ‘baziti ri kinia oma aci ‘aidri andraga rii ta ziti inile laka ri tro ka konyi hwe ‘aini laku Endri Ole ri dri ri esu’jo ra. Ki gba, nyitiri Endri Ole ri kesi lidri amadri ri iga ni kesu ‘a ama vu lemu ani ledi ani ledi iga kpa ya? Nyesu Endri Ole rii nya yaka lemu nyuma dri ledi ani ledi iga ri si kuru ya? Ki jo karide wa si, mgbe nyolu ‘ai ta mbare ga ciri. Ki vua jo Endri Ole ri esi nya dri ga ra disi, kole esu Yesu kemu vudri di ‘a vua kohwe sa amani lari ku kole kesu batisimu Yoana dri sa ku vuasa tro kodra kuruce dri ku.
Laku Endri Ole ri dri ri esuka ni ani dri’de enga’di ‘ai bale ofu loso ta jo’di Yesu ‘a batisimu ni dri ri si ana ari tro ri ‘i, dii ta lebe eji’di nya enzi ni ri ‘i.
Laku Endri Ole ri dri rii dri’de ruhwe’di ‘ba enzi ‘aidri ri ‘a rujere pelere ‘aia ofu loso ce ri ‘aika si ri ‘bati ni ri ‘i.
Odu disi, ‘ba amgbu vu amgbu dri Recoka/Asi ecoka si ovi engwi’jo Rubanga dri rii nzeka si rii, ‘aa ru ‘ba ziti amgbu kuraa ilegi enzi rujo ‘aia ilegile asiti cidru si ri ka konyi hwe ‘aini laku Endri Ole ri dri ri esu’jo ra. Kaki joa tee ma’dizi ‘a asiti ga dri enzi kolu ‘aa sa, jo ilegi enzi ruka tro ni, mgbe ka Endri Ole ri esu ra.Aci Pentekositali-Asiti ecoka eco, di ‘bati dri rii aca vu ndutu dri, idojo vu Amerika dri Remu’di Alu ri iga si dii kinya 1800 si. Aci ani di ido kendre ebu Cuma ta idejo ri ‘a idoka ebu idejo ri ani, esu ovi ‘ba ‘a olujo ri ‘bati ‘aia gbeti ti tro ivoloru kpa. Aci di eca kare ‘ba tro ri iga di sa esu mgbe ‘aia asiti kaza ta retu ri si. Erijo saa nasi, ‘ia bale lejo Rubanga dri ri iga ri ido mbaka di, vuaru aci udi dini udi ri dri di ido yale andra ga ni. Ondreru gba aci Pentekositali-Asiti ecoka eco di ‘bati dri rii kpodru sa otraru ta ru dri rajoadru ‘ausi ‘ai kofu Endri Ole ri esu ri iga (Rubanga) – ebu Rubanga dri ri ndreka mi si vua okpo Rubanga ‘a lejo dri itirika ru si vua uje si.
Ki tazi unzi aci ani di iga rii ize Krissto ‘ba amgbu lejo anda Rubanga dri ri iga si lolu vua karate’de te sa kendre dini ledia ani ka tutu ru si ri hwe ‘bani ‘au ri ani. Ta unzi aci di ‘ia rii, oba ‘ba amgbu vu ani okoka ri ‘bati engwiki ‘ba ta ujoka nyadru ri ‘bati ‘i. Ndi endru sa, ‘ba ‘ai baka ‘aia ngasi ta andrani eze aci Pentekositali-Asiti ecoka eco di ‘bati dri ri ‘ia ri ‘bati kaki uraa Yesu ni ‘aika ‘aisi ni ‘e ka ma’di limi amgbu tro ri ‘i, kusa ana laza ka rija ra ‘i, ana andra kolu ta cidru ga loso ‘i, ani ka Endri Ole ri esu ra ‘i vua ani ka ta jo ti mgbimgbi ri si ra ‘i vua mori kolu anini ‘ba ziti ri i’ja jo laza ‘a wa ‘i. Ki lini andrani eze Pentekositali-Asiti ecoka eco di ‘bati dri ri aca vu ndutu dri. Lejo ‘ai ‘a dri ejile di engwi teri anzi rere ri ani ‘ai ‘ba dri ri iga ‘i ndrole ‘aia urata ofu loso anda di ‘a dri ga ri iga ‘i vua ‘aia mori Endri Ole ri esu’jo ri iga ‘i.
Ki Kristo ‘ba anda udi di etu pa Luther ti dri Kalivini tro ire erijo kinya 500 si. Ki leci Kristo ‘ba dri ri iga le, lejo anda Bugu Ole ri ‘ia mba’di okpo vua ta driba nze’di laku Endri Ole ri dri ri idri rii obaru kuru. Lejo laka rii amala dria lini Kristo ‘ba dri anda di ‘a rire rii, esu laki amgbu igeniki Yesu ni ‘au ta okpo ana batisimu ni dri rii nika ta ana dra ni kuruce dri ri tro rii ako. Ta cidru ni engwijo unzi, ‘ba amgbu ido ta mbi ri inile dini Kristo ‘ba dri rii lofo si kaki tete ta ru dri ri ini adute ‘au. Kole draa Kristo ‘ba cidru kigeni ofu loso pelerendro jodia Yesu esu batisimu Yoana dri enzi cidru vu dri ri dujo pi vua ari ani ora kuruce dri si enzi na’ bati uhwejo rii ‘au. Geni di ani di koba nyi Endri Ole ri esu ra.
Odu disi, ra dini Kristo ‘ba dri ri ‘a engwijo anda ku rii amala ‘ba amgbu oleki ‘ai koga batisimu Yesu ‘a esule Yoana dri rii ana ari kuruce dri ri tro mgbe. Yesu ojo amani kole amani ta anda rii ote. Batisimu Yesu ‘a esule Yoana dri ri igenika ti ana ari kuruce dri ri tro ehwi ani ofu loso eyidri vua Endri dri ri igeni ka. Ki jo ile Endri Ole ri esuka ra, kole nyigeni saa Yoana ‘a batisimu hwe’jo Yesu ni nasi, enzi nyidri rii cidru obaru ana ru ga vua dra driaru kuruce dri rii lamgba nya enzi cidru ri dri ‘i. Di koko koba nyi Endri Ole ri esu ra.
Kristo ‘ba amgbu igeni tete ari Yesu dri rii kendre ofu loso ‘aia layu dri rii dru ‘au. Ki anyi gba ziti tete ari driaru di ‘aika ‘au di ‘bati ka lebe anya enzi dri ri esu wa ya? Nyesu ‘a wa yo? Jo nosi nyitiri di kolu ce, karuni hwa nyidri ini ta batisimu Yesu dri anda di idri ku. Ra ledisidru karuni dri enzi olu nya asiti ga ‘aa. Ki jo nyeci Yesu ‘a batisimu ti ana ari tro kare aluga kendre ‘ai alu ri ani ni nyi lari esu nya enzi ni ‘a si cidru ra nyiko nyi laku Endri Ole ri dri ri isa esu ra. Bugu Ole ri ojo amani dii ofu loso ce badia ama vu di ‘a mi ni nde wa ri ‘i.
“Ta sadini hweka vudri di ‘a rii ina: Endri, eyi vua ari; vua ta dii ina truwasi ‘aikiru alu” (ofu atijoadru Yoana ‘a sile rii 5:8). Disidru, kolea oniki ledii ote, ana le amani lari hwejo ama enzi ni ‘a si ri iga, Rubanga oba Yoana ohwe Yesu ni batisimu vua oba odra kuruce dri.
Ra Kristo ‘ba amgbu ri ‘bati ‘a lebe ‘aia enzi dri ri esujo draasa kuru tee ‘aiki Yesu ni ra sa ‘i rii adusiku ‘aiki ofu loso pelere ndro Yesu dri ana batisimu esu’jo Yoana dri dii ana ari ra’di kuruce dri ri tro kuru. Adusiku ‘ba ta eri di ‘aika ra ri ‘bati ka lebe ‘aia enzi dri ri esu ra vua Endri Ole ri isa kolu ‘aia asiti ga ra.
Ki jo ‘ba kera enzi ‘aidri rii cidru ojeru pelere ni ni, asiti ‘aidri rii kengwi egbwe rere vua pelere ndro kendre eyi ani. Jo gba Endri Ole ri kolu ma’di ‘a asiti ga ri, egbwe kendre meri ani rii kodi pi angwa vua ma’di di ‘a asiti ga. Amasa amesu Opi ni ama anda di igenika si vua amaci tesa Endri ‘a si ama ofu loso laku Endri Ole ri dri esujo ri nzeka ‘au si ‘i. Hwa ama asiti esu asiti egbwe ani di ani dii gbu sa kuru. Idojo saa ama ofu loso eyidri vua Endri dri ri igeni jo ri si, ama lidri engwi ta ‘aujo ri ‘i vua asiti amadri ri engwi ru dru egbwe rere. Hwa alusa amebe ofu loso ani dii ku. Adusi Endri Ole rii tesa kolu ama asiti ga, ka ama ikonyi ana lejo ni ica’jo vua ka ‘ba ‘aika ra ri ‘bati ‘a aga ni ikonyi ‘aini Endri Ole ri esu’jo.
Ki amala ama ofu loso Yesu ‘a batisimu dri ri igeni ka ana ari kuruce dri ri tro ‘au si, Endri Ole ri si tutu ocoru ama ru ga ra. Draa kole nyidri ‘ai kolu batisimu Yesu dri ri idri ana ari kuruce dri ri tro ‘aa nyini Endri Ole ri esu’jo ra ni ‘i. Ani gba ta okpo rere ri ‘i kolea ‘ba cidru vu ndutu dri rii kidoki geni baka lejo Rubanga dri ri idri igenikaa Yesu esu batisimu Yoana dri enzi cidru vudri rii du ‘jo vua oko odra kuruce dri esu lamgba enzi na ‘bati cidru uhwe’jo si ‘i. Jo ideki dii ni ri, tati ‘a aserega kaki Endri Ole ri esu ra.
’i Yesu ‘a batisimu ana esule Yoana dri ri si vua ana ari kuruce dri ri si ku ‘i ri hwa aludi sa ma’di ka lebe ana enzi dri ri esu kpe vua ka laku Endri Ole ri dri ri isa esu kpe.
Ma’di alu alu kengwi Opi ‘a Ngwaapi ‘i dru wa, ma’di ani di ‘a ru ga Endri Ole ri ka rumu ra, di kolu ama adrunzi ti ‘i kusa nosi ama amvonzi ti ‘a alu ‘i ni wa karide ‘aia ofu loso pelere ndro ofu loso eyidri Endri tro ri igeni ka si. Anyisa anya a’i kolu ofu loso pelere ndro di idri ‘aa kendre ondiku Paulo isa ‘a a’i ‘a oluka ofu loso pelere ndro di idri ‘aa ri ani. Manzo Opi ni ra ana amani ofu loso pelere ndro di hwe ka si ru driaru kolu ecu le. Amen.
Copyright © 2021 by The New Life Mission
