• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search
English
English

Sermons

Ũndũ wa 3 : Ũhoro Ũrĩa Mwega Wa Maĩ Na Roho

[3-6] Kũrua Kũna Ngoro (Thama 12:43-49)

(Thama 12:43-49)
“Nake Jehova akĩĩra Musa na Ηaruni ũũ: Mũtugo ũrĩa ndĩmũtuĩrĩire ũkoniĩ Βathaka nĩ ũyũ, atĩ gũtirĩ mũndũ mũgeni o na ũmwe ũkarĩa Βathaka ĩo; no rĩrĩ, ndungata ya mũndũ o wothe ĩngĩkorũo nĩ kũgũrũo ĩgũrĩtwo na mƅia, warĩkia kũmĩruithia-rĩ, thutha ũcio nĩĩmĩrĩage. No mũũki arĩ mũrũrĩrĩ, na ndungata ya mũcara, matikanamĩrĩe. Nĩĩrĩagĩrũo o nyũmƅa o nyũmƅa ĩmwe thĩinĩ; mũtikanoimie kanyama o na kanini kayo nja karutwo nyũmƅa, kana muune ihĩndĩ o na rĩmwe rĩayo. Na no mũhaka kĩrĩndĩ gĩothe gĩa ciana cia Isiraeli kĩririkanage ũhoro ũcio, gĩkĩwĩkage. Na rĩrĩ, mũũki mũrũrĩrĩ angĩũka atũũranie nawe na ende kũrĩa Βathaka ya Jehova-rĩ, andũ ake othe arũme nĩmaruithio, na thutha ũguo acoke gũkuhĩrĩria Βathaka-inĩ ĩo amĩrĩe; thutha ũcio acoke atuĩke o ta mũndũ ũciarĩirũo ƅũrũri wanyu. Na rĩrĩ, gũtirĩ mũndũ o na ũmwe ũtaruithĩtio ũngĩmĩrĩa. Watho ũrĩgĩtuĩkaga o ũmwe wa gwatha ũrĩa ũciarĩirũo ƅũrũri wanyu, o na mũũki ũrĩa ũtũũranĩtie na inyuĩ.”
 

Nĩ ũndũ ũrĩĩkũ Kĩrĩkanĩro-inĩ Gĩa 
Tene warĩ no mũhaka Aisireali meeke nĩguo 
matuĩke ciana cia Ngai?
No mũhaka mangĩaruithirio
 
Ciugo kĩa Ngai gĩa Kĩrĩkanĩro Kĩrĩa Gĩa Tene hamwe na Kĩrĩkanĩro Kĩrĩa Kĩerũ nĩ ciugo cia ƅata na cia goro kũrĩ ithuĩ, arĩa twĩtĩkĩtie Ngai. Tũtingĩkĩriganĩrũo nĩ mũkururo o na ũmwe wa ciugo ici, tondũ nĩ ciugo cia Ngai na nĩ ciugo muoyo. 
Ithoma rĩa ũmũthĩ rĩratwĩra atĩ mũndũ o wothe ũkũenda kũrĩa Βathaka no mũhaka amƅe aruithio. Nĩ twagĩrĩirũo nĩ gwĩciria gĩtũmi kĩrĩa kĩratũma Ngai atwĩĩre ũũ. Mũndũ no aruithirio, nĩguo atuĩke atĩ no arĩe Βathaka. 
Angĩgĩkorũo nĩ tũũgũtuĩka andũ agwĩtĩkia Jesu-rĩ, no mũhaka tũmenye ũge ũyũ wa Ngai. Kũrua nĩ gũtinio gwa gĩkonde kĩa mũndũrũme. Nĩkĩ gĩatũmire Ngai ere Iƅurahimu na andũ ake maruage? Gĩtũmi nĩ atĩ nĩarĩkanĩire nao atĩ, no andũ arĩa “magũũtinio” mehia mao, no o mangĩtuĩka andũ ake.
Ũndũ ũyũ nĩguo watũmire ere andũ a Isireali maruage Kĩrĩkanĩro-inĩ Kĩrĩa Gĩa Tene. Nĩguo Isireali matuĩke andũ a Ngai, no mũhaka mangĩaruire. Ũyũ warĩ watho Ngai ekĩrĩĩte wa kũamũrania, Nake agagĩtuĩka Ngai warĩa matininagio mehia mao na gwĩtĩkia ũhoro wa kũrua. O ta ũguo-rĩ, Kĩrĩkanĩro-inĩ Kĩrĩa Kĩerũ-rĩ, atuĩkire Ngai wa arĩa matinĩtio mehia mao na ũndũ wa gwĩtĩkia.
 

ΒATΗAKA
 
Βathaka yarĩ ya kĩ?
Warĩ mũthenya ũrĩa andũ a Isiraeli maririkanaga 
na magacokeria Ngai ngatho nĩũndũ 
wa Thama ya kuuma Misiri.
 
Thigũkũũ ĩrĩa ĩrĩ ƅata mũno harĩ andũ a Isireali nĩ Βathaka. Warĩ mũthenya wa kũririkana Thama kuuma Misiri, na gũcokeria Ngai ngatho nĩ ũndũ wa kũmaruta ũkomƅo-inĩ ũrĩa matũrĩire ta mĩaka 400. Ngai nĩ arehire itũhũhũ cia mahũra 10 ciagũcenia ngoro ya Firauni ĩrĩa yarĩ nyũmũ mũno. Na ũũ nĩguo Ngai atongoririe ciana cia Isireali kuuma ƅũrũri wa Misiri nginya magĩkinya Kanaani.
Andũ a Isireali nĩ mahonokirio kuumana na gĩkuũ kĩa marigithathi, ihũra rĩa mũico, na thakame ya gatũrũme ka igongona na kũrua. Na nĩ ũndũ ũcio-rĩ, Ngai nĩamerire marĩage Βathaka na njiarũa ciao ciothe nĩguo makaririkana tha cia Ngai.
 

NĨ ŨNDŨ ŨRĨKŨ WARĨ NO MŨΗAKA MŨISIREALI EKE NĨGUO ARĨE ΒATΗAKA?
 
Nĩ ũndũ ũrĩkũ warĩ no 
mũhaka Mũisireali eke nĩguo 
arĩe Βathaka?
No mũhaka angĩaruire
 
No mũhaka tũmenye atĩ, angĩkorũo nĩ tũkũenda kũrĩa Βathaka kĩroho-rĩ, no mũhaka tũrue ngoro-inĩ ciitũ. O na ciana cia Isiraeli no mũhaka mangĩaruithirio nĩguo marĩe Βathaka.
Nĩ kwandĩkĩtwo Thama 12:43-49. “Nake Jehova akĩĩra Musa na Ηaruni ũũ: Mũtugo ũrĩa ndĩmũtuĩrĩire ũkoniĩ Βathaka nĩ ũyũ, atĩ gũtirĩ mũndũ mũgeni o na ũmwe ũkarĩa Βathaka ĩo; no rĩrĩ, ndungata ya mũndũ o wothe ĩngĩkorũo nĩ kũgũrũo ĩgũrĩtwo na mƅia, warĩkia kũmĩruithia-rĩ, thutha ũcio nĩĩmĩrĩage. No mũũki arĩ mũrũrĩrĩ, na ndungata ya mũcara, matikanamĩrĩe. Nĩĩrĩagĩrũo o nyũmƅa o nyũmƅa ĩmwe thĩinĩ; mũtikanoimie kanyama o na kanini kayo nja karutwo nyũmƅa, kana muune ihĩndĩ o na rĩmwe rĩayo. Na no mũhaka kĩrĩndĩ gĩothe gĩa ciana cia Isiraeli kĩririkanage ũhoro ũcio, gĩkĩwĩkage. Na rĩrĩ, mũũki mũrũrĩrĩ angĩũka atũũranie nawe na ende kũrĩa Βathaka ya Jehova-rĩ, andũ ake othe arũme nĩmaruithio, na thutha ũguo acoke gũkuhĩrĩria Βathaka-inĩ ĩo amĩrĩe; thutha ũcio acoke atuĩke o ta mũndũ ũciarĩirũo ƅũrũri wanyu. Na rĩrĩ, gũtirĩ mũndũ o na ũmwe ũtaruithĩtio ũngĩmĩrĩa. Watho ũrĩgĩtuĩkaga o ũmwe wa gwatha ũrĩa ũciarĩirũo ƅũrũri wanyu, o na mũũki ũrĩa ũtũũranĩtie na inyuĩ.” Nĩ ũndũ ũcio-rĩ, Ngai nĩerĩte andũ cia Isiraeli maruithagio nĩguo marĩage Βathaka.
Nĩa magĩrĩirũo nĩ kũrĩa nyama cia gatũrũme ka Βathaka na maririkange kũrĩa Βathaka? No arĩa tũ marĩ aruu mangĩarĩre Βathaka.
Gatũrũme ka Βathaka o ta ũrĩa ithuĩ ithuothe tũũĩ, nĩ Jesu Kristo ũrĩa wathengirie mehia mothe ma kĩrĩndĩ.
Na rĩu-rĩ, kũrua nĩkĩ, Kĩrĩkanĩro-inĩ Kĩrĩa Gĩa Tene na Kĩrĩkanĩro Kĩrĩa Kĩerũ? Kũrua nĩ gũtinio gĩkonde kĩa ũndũrũme. Jesu Kristo o nake nĩaruthirio arĩ wa thikũ inyanya thutha wa gũciarũo gũkũ thĩ. Ngai nĩathanĩte atĩ arĩa marĩkoragwo ho igongona-inĩ rĩa Βathaka no mũhaka makorwo maruĩte, na agatheria wega atĩ mũndũ ũtaarĩ mũruu ndakarĩe Βathaka.
Na nĩ ũndũ ũcio-rĩ, andũ othe no mũhaka mangĩaruithirio o ta ũrĩa Ngai athanĩte. Okorwo nĩ wĩtĩkĩtie Jesu, nĩ wagĩrĩirũo nĩ kũũmenya ũruu thĩini wa Kĩrĩkanĩro Kĩrĩa Kĩerũ nĩ kuuga atĩa.
 

IGONGONA RĨA KŨRUA RĨRĨA NGAI ATΗIRE IΒURAΗIMU EKE RĨARĨ RĨAKĨ?
 
Iƅurahimu na njiaro 
ciake mangĩatuĩkire ciana
cia Ngai atĩa?
Na kũruithio
 
Iƅuku-inĩ rĩa Kĩamƅĩrĩria-rĩ, Ngai nĩ oumĩrĩire Iƅurahimu na aakĩgĩa na kĩrĩkanĩro nake na njiaro ciake. Thĩinĩ wa gĩcunjĩ gĩa 15, Ngai nĩerĩre Iƅurahimu ũhoro wa njiarwa ciake kũingĩha ta njata cia matu-inĩ, na atĩ nĩ akamahe ƅũrũri wa Kaanani rĩrĩ igai rĩao.
Na thĩinĩ wa gĩcunjĩ gĩa 17, Ngai nĩerire Iƅurahimu atĩ akorwo we na njiaro ciake nĩmakũgĩa na kĩrĩkanĩro na maruithio, we Ngai nĩ egũtuĩka Ngai wao, nao matuĩke andũ a Ngai. Kĩu nĩkĩo kĩrĩkanĩro kĩrĩa Ngai arĩkanĩĩre na Iƅurahimu na njiaro ciake. Ngai amerĩire ũhoro wa gũtuĩka andũ ake thutha wa gwĩtĩkia kĩrĩkanĩro na kũruithio, Nake Ngai atuĩke Ngai wao kũna.
Kĩamƅĩrĩria 17:7-8 yugĩte, “Na nĩngatũũra nũmĩtie kĩrĩkanĩro giitũ nawe, o na mƅeũ yaku ya thutha, o gũata njiaro ciayo ciothe, nĩ getha gĩtuĩke kĩrĩkanĩro gĩa gũtũũra tene na tene; gĩa atĩ nduĩke Ngai waku, na wa mƅeũ yaku ya thutha. Naguo ƅũrũri ũyũ ũtũire wĩ mũgeni, o ƅũrũri ũyũ wothe wa Kanaani-rĩ, nĩwe ngahe, o na mƅeũ yaku ya thutha, ũtuĩke wanyu kĩũmƅe tene na tene; na niĩ-rĩ ngatũũra ndĩ o Ngai wayo.”
Kũrua kwarĩ rũri rwa kĩrĩkanĩro kĩa Ngai na Iƅurahimu na njiaro ciake.
 

NĨKĨĨ KĨONANĨTIE ŨΗORO WA ŨRUU WA KĨROΗO?
 
Ũruu wa kĩroho nĩkĩĩ?
Nĩ gũtinio mehia mothe ngoro-inĩ 
ciitũ na ũndũ wa gwĩtĩkia 
ũƅatithio wa Jesu.
 
Nĩ tondũ Iƅurahimu nĩ etĩkirie Ngai-rĩ, Ngai nĩamũtuire mũthingu, na akĩmũtua mwana Wake. Nakuo kũrua nĩ rũri rwa kĩrĩkanĩro kĩa Ngai na Iƅurahimu. 
“Na rĩrĩ, kĩrĩkanĩro gĩakwa kĩrĩa mũgatũũra mũrũmĩrĩire, giitũ na inyuĩ na mƅeũ yaku ya thutha, nĩkĩo gĩkĩ: atĩ mũndũ o wothe wĩ thĩinĩ wanyu wa mũthemƅa wa arũme no kinya akarua” (Kĩamƅĩrĩria 17:10).
Kũrua mwĩrĩ nĩ gũtinia gĩkonde: na kĩroho, nĩ kũigĩrĩra mehia mothe maitũ harĩ Jesu na wĩtĩkio wa ũƅatithio Wake. Tũruaga kĩroho rĩrĩa twatinio mehia mothe maitũ na gwĩtĩkĩra ũhonokio wa ũƅatithio wa Jesu. Kũrua Kĩrĩkanĩro-inĩ Kĩrĩa Kĩerũ nĩ gũtinio mehia mothe na ũƅatithio wa Jesu. 
Na nĩ ũndũ ũcio-rĩ, kũrua Kĩrĩkanĩro-inĩ Kĩrĩa Gĩa Tene nĩguo ũƅatithio wa Jesu Kĩrĩkanĩro-inĩ Kĩrĩa Kĩerũ, na cierĩ nĩ irĩkanĩro iria Ngai arĩkanĩire na ithuĩ andũ ake. Na nĩ ũndũ ũcio-rĩ, kũrua Kĩrĩkanĩro-inĩ Kĩrĩa Gĩa Tene-rĩ, na ũƅatithio wa Jesu Kĩrĩkanĩro-inĩ Kĩrĩa Kĩerũ-rĩ nĩ ũndũ o ũmwe.
O ta ũrĩa njiarwo cia Iƅurahimu ciatuĩkire ciana cia Ngai hĩndĩ ĩrĩa ciatinio gĩkonde-rĩ, ithuĩ na ithuĩ tũtuĩkaga ciana cia Ngai hĩndĩ ĩrĩa mehia mothe maitũ matinio ngoro-inĩ ciitũ. Twĩĩkaga ũguo na gwĩtĩkia atĩ gũtirĩ mehia gũkũ thĩ nĩ tondũ Jesu nĩathengirie mehia mothe hĩndĩ ĩrĩ aƅatithirio nĩ Johana Mũƅatithania.
Ũƅatithio wa Jesu ũtũmaga andũ ehia matuĩke athingu na ũndũ wa gũtinio mehia mao. O ta ũrĩa gĩkonde gĩtinagio gĩkeherio na kũrua-rĩ, noguo mehia ma kĩrĩndĩ matinirio kuma ngoro-inĩ cia andũ rĩrĩa Jesu aƅatithirio nĩ Johana Mũƅatithania rũĩ-inĩ rwa Jorodani. Andũ arĩa metĩkĩtie ũguo-rĩ, no maruithio kĩroho na matuĩke andũ a Ngai, athingu.
 

WĨTĨKIO WA MAΗEENI ŨRĨA ŨTŨMAGA ANDŨ MEEYAMŨRANIE NA NGAI
 
Nĩkĩ gĩatigithanagia 
Aisireli na Ngai?
Nĩ kũaga kũrua
 
Ngai nĩerire Iƅurahimu atĩ mũndũrũme o wothe ũrĩa ũkũaga kũrua, agĩrĩirũo nĩ kwamũũranio na andũ Ake. Na atĩrĩrĩ, kũrua-rĩ nĩkĩ? Naguo ũruu wa kĩroho-rĩ, nĩguo ũrĩkũ? Angĩkorwo kũrua mwĩrĩ nĩ gũtinio gĩkonde gĩa kĩĩga kĩa mwĩrĩ-rĩ, naguo ũruu wa kĩroho nĩ gũtinia mehia mothe kuuma ngoro-inĩ ciitũ, na kũmaigĩrĩra harĩ Jesu na ũƅatithio Wake.
Ũƅatithio wa Jesu nĩguo ũruu wa kĩroho wa kĩrĩndĩ, na nĩguo wathengirie mehia ma kĩrĩndĩ na makĩigĩrĩrũo harĩ Jesu. Kĩrĩa gĩatũmire Jesu aƅatithio nĩ Johana Mũƅatithania nĩguo ahonokie kĩrĩndĩ gĩothe na ũruu wa kĩroho, ũrĩa wathengirie mehia mothe.
Mehia mothe ma kĩrĩndĩ nĩ maigĩrĩrũo harĩ Jesu. Ngai nĩguo atuĩke Ngai wa Iƅurahimu, Ngai wa Isaaka, Ngai wa Jakuƅu, na Ngai wa njiarwa ciao, nĩagĩire na kĩrĩkanĩro na Iƅurahimu na njiarwa, na no nginya mangĩatinirio ikonde cia ciĩga ciao. Na nĩ ũndũ ũcio-rĩ Ngai agĩtuĩka Ngai, Mũhonokia wa arĩa othe matinĩtio mehia na kũrua.
Nĩ ũruu ũrĩkũũ watinirie mehia? Nĩ kĩrĩkanĩro kĩa Ngai na Iƅurahimu na arĩa othe maciarĩtwo rĩngĩ na gwĩtĩkia ũƅatithio wa Jesu na gĩkuũ Gĩake Mũtharaƅa-inĩ, arĩguo ũhonokio wao. Na nĩ ũndũ ũcio, Ngai agĩtũhotithia gũtuĩka andũ Ake. Na nĩ ũndũ ũcio, Wee nĩ Ngai wa arĩa maruithĩĩtio.
Ngai akĩarĩria Iƅurahimu. “Mwana o wothe wa kahĩĩ wĩ thĩinĩ wanyu, aanina mĩthenya ĩnana, no mũhaka akarua; mũndũ o wothe mũthemƅa wa arũme njiaro-inĩ cianyu ciothe, no mũhaka akarua, o gwata ũrĩa ũtarĩ wa mƅeũ yaku ũciarĩirũo mũciĩ, o na kana akagũrũo harĩ mũndũ wa kũngĩ na mƅia. Mũndũ ũcio ũciarĩirũo gwaku mũciĩ, o na kana ũcio wa ũgũrĩtwo na mƅia ciaku-rĩ, matirĩ hingo matekũrua, nĩguo kĩrĩkanĩro gĩtũũre mĩĩrĩ-inĩ yanyu gĩtuĩke kĩrĩkanĩro gĩa tene na tene. Nake mũndũ wa mũthemƅa wa arũme ũrĩa ũtaruĩte nyama ya mwĩrĩ ĩrĩa ya gĩrima, ũcio no mũhaka aingatwo oime rũrĩrĩ-inĩ; mũndũ ũcio-rĩ nĩ kwagarara aagararĩte kĩrĩkanĩro gĩakwa” (Kĩamƅĩrĩria 17:12-14) 
Mũndũ o wothe angienda gũka harĩ Jesu ataarĩ mũruithie kĩroho nĩ akamũranio na andũ Ake. Ũruu wa kĩroho nĩ ũƅatithio wa Jesu Kĩrĩkanĩro-inĩ Kĩrĩa Kĩerũ, ũrĩa nĩguo aigĩrĩirwo mehia mothe ma kĩrĩndĩ naguo. 
Mũndũ o wothe ũrĩa ũgwĩtĩkia Jesu-rĩ, nĩagĩrĩirũo nĩ gwĩtĩkia ũruu wa Kĩrĩkanĩro-inĩ Kĩrĩa Gĩa Tene na ũƅatithio wa Jesu Kĩrĩkanĩro-inĩ Kĩrĩa Kĩerũ nĩguo agĩe na Roho Mũtheru, na ahonokio kuuma mehia-inĩ mothe, na atuĩke mwana wa Ngai. Kũrĩ ithuĩ aria twĩtĩkĩtie Jesu-rĩ, ũruu wa Kĩrĩkanĩro-inĩ Kĩrĩa Gĩa Tene na ũƅatithio wa Jesu Kĩrĩkanĩro-inĩ Kĩrĩa Kĩerũ nĩ ũndũ ũmwe.
Angĩkorũo no tũage ũmenyo wa ũtaũri wa ma wa ũruu, kana tũage gwĩtĩkĩra ngoro-inĩ ciitũ ũhonokio wa ũruu wa kĩroho ũrĩa ũtũmaga tũciarũo rĩngĩ-rĩ, wĩtĩkio witũ ũgũkorũo ũrĩ o wa tũhũ. No twĩĩcirie atĩ tũrĩ ehokeku mƅere ya Ngai, no nĩ ta gwaka twakĩĩte nyũmƅa itũ ya wĩtĩkio igũrũ rĩa mũthanga.
Ngai arera arĩa othe mamwĩtĩkĩtie maruithio, metĩkie ũkũũri wa ũƅatithio wa Jesu, ũruu wa kĩroho. Tũtarĩ aruu, tũtingĩhota gũtuĩka andũ Ake. Tũtarĩ aruu, twagĩrĩirũo nĩ kũũmũranio na andũ Ake. Nĩ ũndũ ũcio Ngai nĩamũrire atĩ, mũndũ o wothe ũgũrĩtwo na mƅia, o gwata ũrĩa ũtarĩ wa mƅeu, agĩrĩirũo nĩ kũrua mƅere ya kũrĩa gĩathĩ kĩa Βathaka.
O na andũ wa njiaro-inĩ cianyu, Aisiraeli magĩrĩirwo nĩ kwamũranio na andũ Ake, angĩgĩkorwo matiruthĩtio. Kĩrĩkanĩro kĩa Ngai na ciana cia Isiraeli kĩagĩrĩirwo nĩ kũhũthĩka kũrĩ arĩa othe metĩkĩtie Jesu.
Thĩinĩ wa Thama 12, ciana cia Isiraeli arĩa marĩaga nyama ya gĩathĩ kĩa Βathaka na mahuti marũrũ magĩrĩirwo nĩ gũkorwo marĩ aruu.
Nĩ ũndũ wa ƅata tũmenye atĩ, hĩndĩ ĩrĩa andũ a Isiraeli marĩaga nyama ya gĩathĩ kĩa Βathaka na makahaka thakame hingĩro-inĩ cia mĩrango na mĩgamƅa ya igũrũ rĩa mĩrango ya nyũmƅa ciao, no mũhaka mangĩakorirwo marĩ aruu.
Na nĩ ũndũ wa watho mwandĩke wa Ngai-rĩ, mũndũ angĩakorirwo atarĩ mũruu-rĩ, nĩ kũũamũrwo amũranagio na andũ Ake, na agate ũhoti wa gũtuĩka ũmwe wa ciana cia Ngai. Ũũ nĩ kuuga atĩ rĩhia rĩa kwaaga gwĩtĩkia ũruu wa kĩroho nĩ ũtũmaga andũ manyarirĩke. No andũ arĩa maruithĩtio kĩroho na ũƅatithio wa Jesu tu, no o mangĩhonoka.
“Naguo ũhoro ũcio nĩguo ngerekano ya ũrĩa na inyuĩ mũhonokagio rĩu nĩ ũhoro wa kũƅatithio” (1 Petero 3:21). Hihi nĩ wĩtĩkĩtie na ma atĩ mehia maku mothe nĩ maigĩrĩirũo harĩ Jesu na ũƅatithio Wake thĩinĩ wa Jorodani? Angĩkorwo wĩna ũmenyo kũna na ũgetĩkia ũma, ũƅatithio wa Jesu na thakame Yake, nĩ ũkũmenya o na atĩ nĩ ma nĩ ũruĩte kĩroho na ũgatuĩka mũndũ mũthingu. Na nĩ ũkũgĩa na wĩtĩkio thĩinĩ wa ũma wa kĩroho atĩ, na thakame ya Jesu Mũtharaƅa-inĩ ĩngĩkorwo atarĩ na kĩene hatarĩ na ũƅatithio Wake. 
Ũngĩtuĩka atĩ ũgwĩtĩkia Mũtharaƅa wa Jesu ũtaruithĩtio kĩroho na wĩtĩkio wa ũƅatithio wa Jesu, ũngĩĩkora ũikĩtio njaa ya thaa cia Ngai. Na wĩkore atĩ ũrĩ o na mehia ngoro-inĩ yaku.
No mũhaka twĩtĩkie ũma atĩ ũkũũri wa Ngai wamƅĩrĩirie na ũƅatithio wa Jesu Kristo na ũkĩrĩkĩrĩria na thakame Yake Mũtharaƅa-inĩ. Nĩguo twĩĩke ũguo-rĩ, no mũhaka twĩtĩkĩre ngoro-inĩ ciitũ kiugo kĩa ma, kĩa ũƅatithio wa Jesu na thakame Yake, arĩguo ũhonokio witũ. 
Na wĩtĩkio ũyũ-rĩ, no tũkũũrũo kuuma kũrĩ mahinya ma nduma na tũtuĩke ciana cia ũtheri. Wĩtĩkio ũyũ ũtigithũkanagia kĩroho, arĩa maciarĩtwo rĩngĩ kũna, na itari rĩa etĩkia a ndũire. 
Mwathani witũ, Jesu aratwĩra tũikare thĩinĩ wake. Nĩ arĩkĩĩtie gũtheria mehia ma kĩrĩndĩ ƅiũ na ũƅatithio Wake na thakame Yake. Nĩ ũndũ ũcio-rĩ, kũgĩa na rũri rwa gũtuĩka andũ a Ngai, no mũhaka twĩtĩkie ũƅatithio wa Jesu. No tũaga gwĩtĩkia ũhoro ũcio-rĩ, nĩ tũkwamũũranio Nake. 
Ũhonokio wa ũkũũri ti ũngĩ, o tiga ũƅatithio wa Jesu Kĩrĩkanĩro-inĩ Kĩrĩa Kĩerũ na ũruu wa Kĩrĩkanĩro-inĩ Kĩrĩa Gĩa Tene. Ũhonokio ũtuĩkaga nĩ ũhonokio mũkimyanĩru o rĩrĩa twetĩkia hamwe ũƅatithio wa Jesu (ũruu wa kĩroho) na thakame Yake Mũtharaƅa-inĩ (thakame ya gatũme ka Βathaka).
Kũrua mwĩrĩ Kĩrĩkanĩro-inĩ Kĩrĩa Gĩkũrũ nĩ gũkonainie na ũƅatithio wa Jesu Kristo Kĩrĩkanĩro-inĩ Kĩrĩa Kĩerũ. Isaia 34:16 ĩtwĩrĩte atĩ ciugo ciothe thĩinĩ wa Kĩrĩkanĩro-rĩ, nĩ irĩ mũiru. “Atĩrĩrĩ, ta tuĩriai ũhoro iƅuku-inĩ rĩa Jehova, na mũũthome; gũtirĩ nyamũ o na ĩmwe ĩkaaga kuoneka kuo, na gũtirĩ o na ĩmwe ĩkaaga ĩngĩ ya gũtwarana nayo, nĩ gũkorũo kanua gake nĩko gaathanĩte ũguo, naguo roho wake nĩguo ũgũcicokanĩrĩria.”
Kiugo o gĩothe thĩinĩ wa Kĩrĩkanĩro Kĩrĩa Gĩa Tene nĩ gĩkonainie na Kĩrĩkanĩro Kĩrĩa Kĩerũ. Gũtirĩ kiugo kĩa Jehova gĩkaaga mũiru.
 

ĨĨ ARĨA NAO METĨKAGIA NA ŨRIMŨ ŨΗORO ŨTARĨ MŨKINYANĨRU WAO NAGUO-RĨ NĨ ATĨA?
 
Harĩ etĩkia oothe thĩinĩ wa thĩ-rĩ, 
nũũ ũgathiĩ iherero?
Nĩ arĩa matetĩkĩtie ũhoro wa 
kũrua ngoro kũna
 
Ũmũthĩ ũyũ-rĩ, kũrĩ andũ aingĩ mũno metĩkĩtie o thakame ya gatũrũme ka Βathaka ĩrĩ iki. Makĩũragia atĩrĩrĩ, “Nĩ atĩa ũreenda kuuga, kũrua? No Ayahundi maruaga Kĩrĩkanĩro-inĩ Kĩrĩa Gĩa Tene. Ti o mũhaka tũtemwo nyama ya mwĩrĩ wa ngĩrima mahinda-inĩ maya Kĩrĩkanĩro Kĩrĩa Kĩerũ.”
Ĩĩ nĩguo, ũyũ nĩ ũhoro wa ma. Ti kuuga ndĩroiga atĩ nĩ twagĩrĩrĩirũo nĩ kũrua mwĩrĩ. Mũtũmwo Paulo nĩ ataarĩirie wega mũno ũhoro wa ũruu wa kĩroho, na nĩ ũruu wa ngoro ndĩrarĩria rĩu.
Ti mwĩrĩ ndĩrakwĩĩra ũrue. Ũruu wa mwĩrĩ ndũũrĩ na ũguni kũrĩ ithuĩ, no nĩ ũhoro wa ũruu wa kĩroho na nĩũndũ wa gwĩtĩkia ũƅatithio wa Jesu nĩguo tũhonokio kuuma mehia-inĩ mothe maitũ.
Nĩguo mũndũ aciarũo rĩngĩ no mũhaka arue kĩroho. Mũndũ o wothe wĩtĩkĩtie Jesu no mũhaka akorwo aruĩte ngoro. Ĩyo tu noyo njĩra iki ya kũeheeria mehia mothe maitũ, noyo njĩra iki ya gũtuĩka mũthingu. No o rĩrĩa tu twarĩkia kũrua kĩroho, no rĩo tu tũngĩkorwo tũtarĩ na mehia kũna. Nĩũndũ ũcio-rĩ, no mũhaka kũrua ngoro kĩroho, na gwĩtĩkia ũƅatithio wa Jesu. Mũtũmwo Paulo o nake nĩetĩkĩtie ũhoro wa ƅata wa kũrua kĩroho. Akiuga, “Kũrua kũna o nakuo nĩ kwa ngoro, ũguo nĩ ta kuuga atĩ nĩ ũhoro wa roho” (Aroma 2:29). Mũndũ o wothe no mũhaka arue ngoro nĩguo akorwo atarĩ ngomƅo ya mehia.
Hihi mehia maku nĩmaigĩrĩirũo harĩ Jesu hĩndĩ ĩrĩa mehereirio kuuma harĩ wee? O na Kĩrĩkanĩro-inĩ Kĩrĩa Kĩerũ-rĩ, mũndũ ũrĩa wĩtĩkĩtie Jesu no mũhaka arue ngoro na gwĩtĩkia ũƅatithio wa Jesu.
Mũtũmwo Paulo nĩatheretie wega mũno ũhoro ũyũ marũa-inĩ make. Ngai nĩahonoketie andũ othe kuuma mehia-inĩ ma kĩrĩndĩ, na akamatua andũ Ake. Andũ Aisiraeli matuĩkire andũ a Ngai na kweherio kwa mwĩrĩ wa ngĩrima, na ithuĩ tũtuĩkaga ciana cia Ngai hĩndĩ ĩrĩa twaigĩrĩra mehia mothe maitũ harĩ Jesu na gwĩtĩkia ũƅatithio Wake. 
Ngai atũamũkagĩra ta andũ Ake hĩndĩ ĩrĩa ona wĩtĩkio witũ wa gwĩtĩkia ũƅatithio wa Jesu na thakame Yake Mũtharaƅa-inĩ. Wĩtĩkio ũyũ ũtũmaga tũrue ngoro ciitũ na ũgatũtongoria ũhonokio-inĩ witũ. 
 

NĨ KŨRĨ ŨΗONOKIO WA EΗIA WA ŨΒATITΗIO WA JESU NA TΗAKAME YAKE
 
Ũhonokio wakinyanĩirio 
atĩa nĩ Jesu?
Na ũƅatithio Wake na gũkua 
Mũtharaƅa-inĩ
 
Ũhonokio ũrĩa wakinyanĩirio nĩ Jesu Kristo nĩ wa maĩ ma ũƅatithio Wake na thakame Wake Mũtharaƅa-inĩ nĩ ũhonokio wa ehia. Thakame ya gatũrũme yarĩ ya itua rĩa kĩhoto, naguo ũƅatithio wa Jesu nĩkuo kũrua kwa roho, na nĩ nĩguo mehia maitũ maigĩrĩirũo harĩ Wee. 
Makanitha Ũkristiano-inĩ ũmũthĩ ũyũ matiagĩrĩirũo nĩ kũhũthia ũhoro wa kũrua roho. O na akorwo kũrua gwa Kĩrĩkanĩro-inĩ Kĩrĩa Gĩkũrũ gũtirĩ na ƅata mũno kũrĩ ithuĩ matukũ-inĩ maya, ũƅatithio wa Jesu ndũagĩrĩirũo nĩ gũteyanĩrio o na hanini.
Nĩ ngwĩrĩĩte atĩ mehia maku nĩ mathengirio na ũƅatithio wa Jesu, na ũƅatithio wa Jesu nĩ ũkũhonoketie kuuma mehia-inĩ maku mothe. Nĩ wĩtĩkĩtie ũguo? Ũngĩteanĩria ũƅatithio wa Jesu, gũtirĩ hĩndĩ ũkamenya ũhoro-ũrĩa-mwega wa gũciarũo rĩngĩ, ũhoro-ũrĩa-mwega wa ũkũũri mũkinyanĩru wa ũƅatithio wa Jesu.
Tũngĩkĩhota atĩ gũteyanĩria ũƅatithio wa Jesu, na nĩkuo kũrua ngoro ta ũrĩa Ngai atwĩrĩĩte? Hĩndĩ ĩrĩa tũgũthoma Kĩrĩkanĩro-rĩ, nĩ tuonaga atĩ kũrua na thakame ya gatũrũme nĩ itarainie na njĩra ya hakuhĩ mũno. Ĩno nĩyo hitho ya kũrua ngoro, ũƅatithio wa Jesu.
Ũhoro-ũrĩa-mwega wahunjirio nĩ mũtũmwo Johana-rĩ, ti ũhoro ũngĩ, o tiga wa ũƅatithio wa Jesu na thakame Yake Mũtharaƅa-inĩ. Nĩ ougĩte thĩinĩ wa 1 Johana 5:6, “We nĩwe wokĩire na ũhoro-inĩ wa maĩ na thakame, o we Jesu Kristo; ndokĩire ũhoro-inĩ wa maĩ moiki, okĩire ũhoro-inĩ wa maĩ na thakame. Na Roho nĩwe mũira, nĩ gũtuĩka Roho nĩwe ũhoro-ũrĩa-wa-ma.”
Wee ougĩte atĩ Jesu okĩire ũhoro-inĩ wa maĩ, thakame na Roho. Ndokĩire ũhoro-inĩ wa maĩ moiki, ndokĩire na thakame iki, no nĩ na maĩ, thakame na Roho, ciothe hamwe. Indo ici ithatũ, ũƅatithio wa Jesu, thakame Yake Mũtharaƅa-inĩ na kũriũka Gwake kuumana na gĩkuũ-rĩ, nĩ imwe, na nĩguo ũira mwega wa ũhonokio witũ. 
 

NĨKĨĨ KĨRATŨMA KĨRĨKANĨRO KĨARĨRĨRIE ŨΗORO WA ŨΒATITΗIO WA JESU NA TΗAKAME YAKE?
 
Hihi ciana cia Isiraeli 
ciahonokagio no thakame ya 
gatũrũme ka Βathaka tu?
Aca. Mamƅagaa kũrua nĩguo 
marĩe Βathaka
 
Ũƅatithio wa Jesu na thakame Yake nĩcio citũhotithagia gũciarũo rĩngĩ na maĩ na Roho. Thama 12 yugĩte, “Wĩyoere gatũrũme, na woe thakame ĩmwe na mamĩhake hingĩro-inĩ cia mĩrango na mĩgamƅa ya igũrũ rĩa mĩrango ya nyũmƅa cianyu. Na ndoona thakame nĩ ngamwaagarara.”
Tũkĩũĩ ũguo-rĩ, no kũhoteke atĩ no tũhonokio mehia-inĩ mothe maitũ na wĩtĩkio wa thakame ya gatũrũme ka Bathaka, ĩrĩ o iki? Na nĩkĩĩ hihi gĩtũmi kĩa ũƅatithio wa Jesu gwĩkĩrĩrũo mũno Kĩrĩkanĩro-inĩ Kĩrĩa Kĩerũ? Atũmwo makiuga, “Nĩ gũthikwo mwathikirũo hamwe nake hĩndĩ ĩrĩa mwabatithirio” (Akolosai 2:12). “Tondũ-rĩ, andũ anyu o arĩa othe maabatithirio thĩinĩ wa Kristo nĩ kwĩhumba mehumbĩte Kristo.” (Agalatia 3:27) … “ũrĩa na inyuĩ mũhonokagio rĩu nĩ ũhoro wa kũbatithio” (1 Petero 3:21).
Atũmwo Petero na Paulo o na arutwo acio angĩ a Jesu Kristo nĩ marĩĩtie ũhoro wa ũƅatithio wa Jesu. Nĩ na ũƅatithio wa Jesu rũũĩ-inĩ rwa Jorodani maaragĩĩrĩria, na nĩ wĩtĩkio wa ũƅatithio wa Jesu na thakame Yake Mũtharaba-inĩ, na nĩguo ũhoro wa ma wa gũciarũo rĩngĩ na maĩ na Roho.
Nĩ ngũkũĩra ũhoro wa ma, niĩ nĩ ndetĩkĩtie Jesu gwa kahinda ka mĩaka 10, no ndetĩkĩtie o ũhoro wa thakame Yake, na ndiarĩ na ũmenyo wa ũhoro wa ũƅatithio wa Jesu. No ũmenyo ũcio ũrĩ wiki ndwaigana gũtheria mehia marĩa marĩ ngoro yakwa. Ndetĩkĩtie Jesu na ngoro yakwa yothe, no ngoro yakwa yaihũrĩte o mehia. 
Na thutha wa mĩaka 10 nĩ ndagundũrire ũtaũri wa kũrua kĩroho (ũƅatithio wa Jesu) na ngĩciarũo rĩngĩ. Hĩndĩ ĩo norĩo ndamenyire ũhoro wa ma: Irua Kĩrĩkanĩro-inĩ Kĩrĩa Gĩkũrũ rĩrũgamĩrĩire ũƅatithio wa Jesu Kĩrĩkanĩro-inĩ Kĩrĩa Kĩerũ. Ngĩwĩtĩkia, na no njĩtĩkĩtie gwata ihinda rĩrĩ.
“Kĩrĩkanĩro-inĩ Kĩrĩa Kĩerũ-rĩ, nĩ wĩtĩkio mũrũngĩrĩru gwĩtĩkia thakame ya Jesu hamwe na ũƅatithio Wake? Hihi wĩtĩkio wakwa nĩ mũrũngĩrĩru kũringana na Kĩrĩkanĩro?” Thutha wakwa gũciarũo rĩngĩ nĩ ndecũranagia maũndũ maya.
O na gũtuĩka nĩndetĩkirie ũhoro wa ũƅatithio wa Jesu na thakame Yake-rĩ, ndaarĩ o na ciũria meciria-inĩ makwa. “Hihi nĩ wega gwĩtĩkia ũhoro wa ma atĩ mehia makwa nĩ maigĩrĩirũo harĩ Jesu hĩndĩ ĩrĩa abatithirio, kana nĩ wega gwĩtĩkia atĩ Jesu nĩ atũhonoketie o na gĩkuo Gĩake Mũtharaba-inĩ tu. Hihi nĩ kũiganĩte o gwĩtĩkia atĩ Jesu nĩ Ngai na Mũhonokia?” Ũguo nĩguo ndecũranagia ngĩthoma Thama mũrango wa 12. 
Andũ aingĩ ũmũthĩ ũyũ mathomaga Thama mũrango wa 12, no makaaga gwĩciria kerĩ atĩ Jesu Kristo nĩakuire Mũtharaba-inĩ arĩ ta Mũhonokia wao. Meciragia atĩ nĩ wega gwĩtĩkia thakame ya Kristo na makoumbura ma ya kwĩigua kwao. Metĩkagia marĩ na ũcamba na makouga atĩ Jesu nĩ Mwathani na nĩ Mũrũ wa Ngai, no o-rĩ, no ehia. Meciragia metĩkia atĩ Jesu Kristo nĩ Mũhonokia-rĩ, nĩ mekũhonokio o na akorwo meena mehia thĩinĩ wa ngoro ciao.
Wĩtĩkio ta ũcio ti wĩtĩkio wa ma. Wĩtĩkio ũcio wiki ndũngĩtũma maciarũo rĩngĩ. Nĩ ũƅatithio wa Jesu na thakame Yake, icio nocio tu, cingĩtũma tũtuĩke athingu. 
Na rĩu-rĩ, Thama mũrango wa 12 ĩrĩ na ũtaũri ũtariĩ atĩa? Ndarorire Kĩrĩkanĩro-inĩ, ngwĩciria atĩrĩrĩ, hihi no akorwo nĩ ũũru gwĩtĩkia o thakame ya Jesu ĩrĩ o iki tu, na tũgĩteyanĩria ũƅatithio Wake. O na itarĩkĩtie gũthoma ibuku rĩa Thama-rĩ, nĩ ndamenyire ũhoro wa ma wa ũhonokio, nĩ atĩ, ti o thakame ya Jesu ĩrĩ o iki tu, no nĩ hamwe na ũƅatithio Wake. Kũhĩtũkũra Kĩrĩkanĩro-inĩ, nĩ ndemenyeire na ma atĩ tũruaga ngoro ciitũ na ũƅatithio wa Jesu o hamwe na thakame Yake Mũtharaba-inĩ.
 
Nĩkĩ gũtũmaga Akristiano aingĩ 
makorwo marĩ o ehia?
Nĩ tondũ matiĩtĩkĩtie ũbatithio 
wa Jesu.
 
Ngĩmenya thĩinĩ wa Thama 12:47-49, atĩ mũndũ ndangĩetĩkĩririo kũrĩa nyama ya Bathaka ataruĩte. Na nĩkĩo gĩtũmi kĩa Ngai kuuga mũhaari wa 49, “Watho ũrĩgĩtuĩkaga o ũmwe wa gwatha ũrĩa ũciarĩirũo ƅũrũri wanyu, o na mũũki ũrĩa ũtũũranĩtie na inyuĩ.” 
Na nĩ ũndũ ũcio-rĩ, mũndũ ũrĩa wothe ũtaruĩte-rĩ, ndagĩrĩirũo nĩ kũrĩa nyama ya Bathaka. Ũcio nĩguo ũhoro wa ũrĩa ndamenyire. O ta ũguo-rĩ, hĩndĩ ĩrĩa twetĩkia Jesu ta mũhonokia witũ-rĩ, no mũhaka twambe twĩtĩkĩre ũhoro wa ma atĩ mehia maitũ mothe nĩ maigĩrĩirũo harĩ Jesu na ũƅatithio Wake rũũĩ-inĩ rwa Jorodani, na ningĩ twĩtĩkie ũhoro wa atĩ Jesu Kristo akuire Mũtharaba-inĩ nĩ ũndũ wa mehia macio maitũ. 
Hĩndĩ ĩrĩa ndamenyire atĩ Jesu akuire Mũtharaba-inĩ nĩguo atuĩrũo nĩũndũ wa mehia maitũ marĩa akuire na ũƅatithio Wake-rĩ, nĩ ndagĩire na ũmenyo wa ũruu wa kĩroho, ũrĩa ũtũhonoketie kuuma mehia-inĩ o na waganu wa thĩ.
Hĩndĩ ĩo ngĩmenya atĩ mehia makwa mothe nĩ mathiru. Ngoro yakwa ĩgĩtheera o ta ira na mũthia ngĩamũkĩra ngoro-inĩ yakwa ũhoro-ũrĩa-mwega wa maĩ, na thakame na Roho.
Nĩ ndamenyire atĩ kũrĩ indo igĩrĩ iria ũtũhonokagia, kũrua na thakame ya gatũrũme Kĩrĩkanĩro-inĩ Kĩrĩa Gĩkũrũ, na kũigĩrĩrũo mehia harĩ Jesu na ũƅatithio Wake na thakame Yake Mũtharaba-inĩ Kĩrĩkanĩro-inĩ Kĩrĩa Kĩerũ. Kũrua Kĩrĩkanĩro-inĩ Kĩrĩa Gĩkũrũ na ũƅatithio wa Jesu Kĩrĩkanĩro-inĩ Kĩrĩa Kĩerũ nĩ ũndũ o ũmwe.
Jesu kristo nĩatuĩrĩirũo, no ti ũndũ wa mehia Wee ekĩĩte, no nĩ ũndũ wa mehia mothe ma kĩrĩndĩ marĩa akuire na ũƅatithio Wake. Arĩa metĩkĩtie atĩ Johana Mũbatithania arĩ ta mũrũgamĩrĩri wa kĩrĩndĩ, nĩabatithirie Jesu, na akĩigĩrĩra mehia mothe ma kĩrĩndĩ harĩ Jesu, na no metĩkĩtie ũƅatithio wa Jesu o hamwe na thakame Yake Mũtharaba-inĩ. 
Nĩkĩĩ gĩtũmaga andũ aingĩ makane ũƅatithio wa Jesu o na wonanĩtio ũcokereirũo Kĩrĩkanĩro-inĩ? Na tondũ wa gwĩĩka ũguo-rĩ, o matũũraga marĩ o ehia ona akorwo no metĩkĩtie Jesu. No makorwo metĩkĩtie Jesu, no nĩ matigithanĩtio na Ngai. Nĩ ehia akũiguĩrwo tha mũno, acio magaikio icua-inĩ rĩa mwaki o na akorwo nĩ metĩkĩtie Jesu. 
Kũngĩhoteka atĩa, o gũkorwo marĩ ehia na nĩmetĩkĩtie Jesu? Maikaraga marĩ o ehia nĩkĩ? Nĩkĩ kĩratũma maharũrũke na njĩra ya ininĩro? Nĩũndũ wa kũiguĩrũo tha nyingĩ. Magũthiĩ o na mbere gũikara marĩ o ehia nĩ tondũ matiĩtĩkĩtie ũhoro wa ma atĩ mehia mothe ma kĩrĩndĩ nĩ maigĩrĩirũo harĩ Jesu Kristo, ũcio warehire ũhonokio wa tene na tene kũrĩ andũ othe na ũƅatithio Wake wa kĩroho.
Andũ meciragia atĩ no makũũrũo na gwĩtĩkia thakame ya Jesu, no wĩtĩkio ta ũcio gũtirĩ hĩndĩ ũngĩmatua akinyanĩru. Nĩkĩ? Nĩ tondũ nĩ maagire kũigĩrĩra mehia mao harĩ Jesu! 
Tũngĩhonokio tu nĩ ũndũ wa gwĩtĩkia maĩ (ũƅatithio wa Kristo) na thakame Yake o ta ũrĩa Ngai amũrĩte: ũhonokio wa ũruu wa kĩroho. Hĩndĩ ĩo no rĩo tũngĩtuĩka ciana cia Ngai kũna.
No mũhaka twĩyũrie. “Hihi twetĩkia o thakame ya Jesu ĩrĩ o iki tu ta ũruu wa kĩroho-rĩ, mehia maitũ no mathere biũ?” No mũhaka tũcũthĩrĩrie na kinyi thĩinĩ wa ngoro ciitũ nĩguo tuone macokio.
Kĩrĩkanĩro-inĩ Kĩrĩa Gĩkũrũ-rĩ, andũ mahonokagio nĩ kũrua na thakame ya gatũrũme ka Bathaka o ta ũrĩa twecindĩire ũhonokio na ũƅatithio wa Jesu o na thakame Yake Mũtharaba-inĩ. Nĩ na njĩra ĩno twahonokirio kumana na itua rĩa Ngai na thĩ ĩno ya mehia. Arĩa metĩkagia matuĩkaga ciana cia Ngai, Nake Ngai agauĩka Ithe wao.
Mũndũ ahonokagio na agatuĩka ũmwe wa andũ a Ngai na gwĩtĩkia maũndũ maya merĩ: kũrua na thakame ya gatũrũme ka Bathaka, nĩguo, ũƅatithio wa Jesu o na thakame Yake. Ũyũ nĩguo ũma wa Jesu. Ũyũ nĩguo ũtaũri wa ma wa gũciarũo rĩngĩ na maĩ, thakame na Roho. 
 

ŨKŨŨRI WA MAĨ NA ROHO NĨKĨ ŨCIO WARĨRĨIRIO KĨRĨKANĨRO-INĨ?
 
Mũndũ mwĩhia no atuĩke mũthingu 
nĩ ũndũ wa gwĩtĩkia o thakame ya 
Jesu ĩrĩ iki tu?
Aca! O na-rĩ
 
Jesu atigire ũnene Wake Matu-inĩ igũrũ, agĩikũrũka gũkũ thĩ ĩno. Akĩbatithio nĩ Johana Mũbatithania hĩndĩ ĩrĩa akinyirie mĩaka 30, nĩguo athengie mehia mothe ma kĩrĩndĩ.
Thakame ya Jesu Mũtharaba-inĩ rĩarĩ ituĩro rĩa mehia mothe ma ehia othe a thĩ. Jesu Kristo okire ta Mũhonokia gũkũ thĩ ĩno, na akĩhonokia ehia othe kuma mehia-inĩ mao na maĩ na thakame.
Hihi tũciaragwo rĩngĩ na thakame ĩrĩ o iki? Aca. Tũhonokagio nĩ ũbatithio wa Jesu na thakame Yake. Nĩ ngwenda kũria kĩũria kũrĩ arĩa metĩkĩtie o thakame ya Jesu ĩrĩ iki tu. “Mũndũ mwĩhia no atuĩke mũthingu nĩ ũndũ wa gwĩtĩkia o thakame ya Jesu ĩrĩ o iki tu, kana nĩ ũbatithio wa Jesu na thakame Yake Mũtharaba-inĩ? Kana nĩ na wĩtĩkio wa atĩ tũigagĩrĩraga mehia mothe maitũ harĩ Jesu na ũbatithio Wake na thakame, kana nĩ na thakame ĩrĩ o iki tu? Maa-rĩ, nĩ ĩrĩkũ, nĩguo ndĩrakũria?” 
Gũciarũo rĩngĩ na maĩ na Roho o ma, no nginya tũhingie maũndũ maya. No mũhaka twĩtĩkie atĩ Jesu nĩokire gũkũ thĩ ĩno na mwĩrĩ na akĩoya mehia mothe ma kĩrĩndĩ rũũĩ-inĩ rwa Jorodani na ũbatithio Wake na agĩtuĩrwo nĩũndũ wa mehia maitũ Mũtharaba-inĩ. Gwĩtĩkia Jesu Kristo arĩ Wee Mũhonokia witũ na njĩra ĩno-rĩ, no tũciarũo rĩngĩ na ma.
Nĩngũkũria rĩngĩ. Nĩ wĩtĩkio ũrĩkũ ũtarĩirio Kĩrĩkanĩro-inĩ? Hihi nĩ wĩtĩkio wa thakame ya Jesu, kana nĩ wa ũbatithio wa Jesu na thakame Yake?
Wĩtĩkio wa thakame ya Jesu ũhana ũũ. Jesu nĩatuĩrĩirũo cira nĩ ũndũ wa mehia mothe ma kĩrĩndĩ. Na nĩ ũndũ nĩathĩnirio na agĩtihangio nĩ tondũ wa mehia maitũ-rĩ, nĩtũhonoketio kuuma na itua rĩa kũmakania. No ũcio-rĩ, ti wĩtĩkio wa ma mũkinyanĩru. Nĩguo twĩtĩkie ũrutani ũyũ-rĩ, nĩ wega tũthererwo nĩ ũndũ ũmwe. Jesu ambirwo Mũtharaba-inĩ nĩ ũndũ wa kĩ?
Kĩrĩkanĩro nĩ gĩtwĩrĩte wega mũno atĩ mũcara wa mehia nĩ gĩkuũ. Jesu Wee gũtirĩ rĩhia o na ekiire e gũkũ thĩ ĩno. Okire na mwĩrĩ wa mũndũ kũgerera harĩ wa Maria, no okire atariĩ o ta andũ ake, arĩ Mũrũ wa Ngai Mũtheru na Mũhonokia wa ehia. Na nĩkio ambire kũbatithio nĩ Johana Mũbatithania mbere ya gĩkuũ Gĩake Mũtharaba-inĩ. Hĩndĩ ĩrĩa abatithirio-rĩ, nĩ mehia maitũ moothe oire na mwĩrĩ wake. Na nĩ ũndũ ũcio-rĩ, hatarĩ na ũbatithio, Wee ndangĩatuĩrĩirũo gũita thakame Mũtharaba-inĩ.
 

MŨRUTĨRE WA MAGONGONA KĨRĨKANĨRO-INĨ KĨRĨA GĨKŨRŨ
 
Nĩ maũndũ marĩkũ mabataranagia 
ũhoro-inĩ wa kũruta magongona?
① Nyamũ ĩrĩ muoyo ĩtarĩ kaũgũ
② Kũigĩrĩra kwa moko
③ Thakame yayo
 
Rekeii tũrore ũhoro ũyũ wa ma harĩ ũruti wa magongona ma Hama Theru ya gũtũnganwo. Kĩrĩkanĩro-inĩ Kĩrĩa Gĩkũrũ-rĩ, mũndũ ũrĩa wĩhĩtie kana mũthĩnjĩri Ngai aigĩrĩre moko make mũtwe wa ndũrũme kana thenge ya igongona, nĩguo aigĩrĩre mehia make kana mehia ma ciana cia Isiraeli. Thutha ũcio nyamũ ĩo ya igongona ĩkooragwo na ikarutwo mbere ya kĩgongona. Kĩrĩkanĩro-inĩ Kĩrĩa Gĩkũrũ nĩkĩo gĩtongoretie Kĩrĩkanĩro-inĩ Kĩrĩa Kĩerũ, Nake Jesu Kristo nĩwe ndũrũme ya igongona ĩrĩa Ngai eranĩire atĩ nĩagatũma. 
Nĩrĩĩ hihi wee waigĩrĩire mehia maku harĩ Jesu? Nĩ ngwenda wĩcirie ũhoro ũcio na ũnjokerie kĩũria kĩu. Kĩrĩkanĩro-inĩ Kĩrĩa Gĩkũrũ, andũ a Isiraeli matingĩoragire nyamũ ya igongona matambĩte kũigĩrĩra moko (kũigĩrĩra moko nĩ kũigĩrĩra mehia harĩ igongona rĩa mehia). Ihaki rĩa mehia rĩtanarehwo mbere ya kĩgongona-rĩ, moko no nginya mangĩambire kũigĩrĩrwo, nĩguo mehia maigĩrĩrwo harĩ nyamũ ya igongona rĩa mehia. 
“Nake aambe aigĩrĩre guoko gwake mũtwe wa nyamũ ĩo ĩkũruwo ihaki rĩa njino” (Maũndũ ma Alawii 1:4). Nĩ kwandĩkĩtwo thĩinĩ wa Maũndũ ma Alawii atĩ nĩ kwagĩrĩire mahaki ma njino maigĩrĩrwo moko. Na kũigĩrĩra moko mũtwe wa nyamũ ya igongona-rĩ, Aisiraeli nĩ mahotaga kũigĩrĩra mehia mao harĩyo, na kũruta thakame yayo na nyama ciayo marĩ na wĩtĩkio ũcio mbere ya Ngai, na moĩ atĩ nĩ mahonokagio kuuma mehia-inĩ mao. Aisiraeli o nao nĩmahonokagio na wĩtĩkio hĩndĩ ya Kĩrĩkanĩro-inĩ Kĩrĩa Gĩkũrũ.
Hĩndĩ ĩrĩa ihaki rĩa njino rĩarutagĩrwo Ngai-rĩ, mũndũ ũcio wĩhĩtie no mũhaka aigĩrĩre moko make mũtwe-inĩ wayo, nĩguo aigĩrĩre mehia make. Nyamũ ĩo nayo ĩkoragwo ithenya rĩa mũndũ ũcio wĩhĩtie. Thakame yayo ĩkaminjĩrio hĩa inya cia kĩgongona na ĩrĩa ĩngĩ ĩgaitwo thĩ hau gĩtina-inĩ gĩa kĩgongona. Ũũ nĩguo ehia makũũragwo mehia-inĩ mao.
Thĩinĩ wa Kĩrĩkanĩro Kĩrĩa Kĩerũ-rĩ, ehia nĩ makũũrĩtwo kuuma mehia-inĩ mao na wĩtĩkio wa maĩ na thakame ya Jesu. 1 Johana 5:1-10 yugĩte atĩ mũndũ mwĩhia nĩakũũrĩtwo hĩndĩ ĩrĩa etĩkia ũbatithio wa Jesu na thakame ya gatũrũme (Mũtharaba).
Nĩ ũndũ ũcio-rĩ, mũndũ o wothe mwĩhia no akũũrũo, bata no gwĩtĩkia ũbatithio wa Jesu hamwe na thakame Yake Mũtharaba-inĩ. Ũbatithio wa Jesu na thakame Yake, hamwe na Roho Mũtheru, nĩ cia bata mũno nĩguo mũndũ aciarũo rĩngĩ na maĩ na Roho.
Mũrata mwende, hihi no ũkũũrũo nĩ gwĩtĩkia o thakame ya Jesu Kristo ĩrĩ o iki tu? Aria meciragia atĩ no maciarũo rĩngĩ na wĩtĩkio wa thakame Mũtharaba-inĩ marĩ o na mehia ngoro-inĩ ciao. No tũhonokio kuuma mehia-inĩ maitũ mothe na gwĩtĩkia ũbatithio wa Jesu arĩ ta ũruu wa kĩroho Kĩrĩkanĩro-inĩ Kĩrĩa Kĩerũ, nĩguo wa thikũ ici ũhanaine na ũruu ũrĩa ũtarĩirio Kĩrĩkanĩro-inĩ Kĩrĩa Gĩkũrũ. 
Ndini ciiothe nĩ irĩ moorutani mao. Na nĩ tũũĩ matuĩrĩirũo gũthiĩ icua-inĩ rĩa mwaki maaga gũteyanĩria mawĩtĩkio mao ma mathara. Kanitha wa Presbyteria wĩkĩrĩire ũrutani wa ũharĩrĩria; kanitha wa Methodist wĩkĩrĩire ũrutani wa ũruminia, na nĩguo ũmũndũ; kanitha wa Baptist, ũbatithio; naguo kanitha wa Holiness, ũthingu na macio mothe nĩ mareganĩte na kiugo kĩa ma.
No kiugo kĩa ma Kĩrĩkanĩro-inĩ kiugĩte atĩa ũhoro-inĩ wa gũciarũo rĩngĩ na maĩ na Roho? Kĩrĩkanĩro kĩaragia ũhoro wa ma, ũrĩa wonekaga ũbatithio-inĩ wa Jesu na thakame Yake. Mũndũ o wothe ũrĩa wĩtĩkĩtia na akarũmĩrĩre kiugo kĩa Ngai, na arĩ na wĩtĩkio wa gũciarũo rĩngĩ na maĩ na Roho nĩ akũũrĩtwo.
 

HITHO YA ŨBATITHIO WA JESU NIKĨ?
 
Ũruu wa kĩroho Kĩrĩkanĩro-inĩ 
Kĩrĩa Kĩerũ nĩkĩ?
Nĩ ũbatithio wa Jesu
 
Ũbatithio wa Jesu nĩguo ũruu wa kĩroho. Kĩrĩkanĩro-inĩ Kĩrĩa Gĩkũrũ-rĩ, Ngai nĩ ougĩte atĩ mũndũ o wothe ũtagũkorwo arĩ mũruu nĩ arĩtigithũkagio na andũ Ake. 
No mũhaka tũmenye na twĩtĩkie atĩ ũruu wa kĩroho Kĩrĩkanĩro-inĩ Kĩrĩa Kĩerũ nĩ ũhoro wa ma atĩ nĩ ũbatithio wa Jesu. Nĩ tondũ Jesu nĩ abatithirio nĩ Johana Mũbatithania kĩambĩrĩria-inĩ kĩa ũtungata Wake-rĩ, no tũruithio kĩroho tũngĩĩtĩkia ũbatithio Wake. Nĩ twagĩrĩirũo nĩ gwĩciria mũno kĩrĩa gĩtũmire Jesu abatithirio nĩ Johana Mũbatithania. 
“Hĩndĩ ĩo Jesu nĩomire Galili, agĩthiĩ Jorodani kũrĩ Johana, akabatithio nĩwe. Nake Johana nĩendaga kũmũgiria, akĩmũũria, Niĩ-rĩ, njagĩrĩirũo nĩ kũbatithio nĩwe, nawe ũgũũka kũrĩ niĩ, atĩa? Nake Jesu akĩmũcokeria akĩmwĩra atĩrĩ, Njĩtĩkĩria rĩu, tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩire na ũthingu. Hĩndĩ ĩo akĩmwĩtĩkĩria” (Mathayo 3:13-15). 
Jesu nĩ abatithirio nĩ Johana Mũbatithania rũĩĩ-inĩ rwa Jorodani, “rũĩĩ rwa gĩkuũũ.” Johana Mũbatithania akĩigĩrĩĩrĩra moko make mũtwe-inĩ wa Jesu na akĩmũrinda biũ. Ũyũ nĩguo mũbatithĩrie ũrĩa mũkinyanĩru (Ũbatithio: kũrindwo maĩ-inĩ). Nĩguo Jesu athengie mehia mothe ma kĩrĩndĩ, ũguo nĩguo abatithirio, na kũigĩrĩrũo moko ta ũrĩa gwekagwo Kĩrĩkanĩro-inĩ Kĩrĩa Gĩkũrũ. 
Ũbatithio wa Jesu nĩguo ũruu wa kĩroho kũrĩ aria mamwĩtĩkĩtie. “Tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩire na ũthingu” (Mathayo 3:15). Nĩ kwagĩrĩire Jesu athengie mehia mothe ma kĩrĩndĩ na atuĩke Ngai witũ na Mũhonokia. Nĩ ũndũ ũcio nĩ kwaagĩrĩire, o ta ũrĩa kwandĩkĩtwo, atĩ akuire Mũtharaba-inĩ na mehia maitũ mothe mũtwe-inĩ Wake.
Ũbatithio wa Jesu ũrĩ na hinya wa gũtũma ehia othe maciarũo rĩngĩ. Nĩyo hitho ya ũhoro-ũrĩa-mwega wa maĩ na Roho.
Ũndũ wa mbere ũrĩa Jesu ekire ambĩrĩria ũtungata Wake kũrĩ mũingĩ nĩguo ahonokie ehia kuuma mehia-inĩ mao nĩ kũbatithio nĩ Johana Mũbatithania. Ũbatithio nĩ “gũthambio, gũthikwo, na kũigĩrĩra.”
Na kũbatithio ũguo ta ũrĩa Ngai endagaa-rĩ, Jesu nĩakuire mehia mothe ma kĩrĩndĩ. “Onei Gatũrũme ka Ngai, Karĩa ga Gũtwara Mehia ma Kĩrĩndĩ!” (Johana 1:29). Ũbatithio wa Jesu nĩ kuuga atĩ, andũ arĩa othe a thĩ mamwĩtĩkĩtie nĩ maruithĩtio kĩroho.
Thutha ũcio-rĩ, agĩthiĩ Mũtharaba-inĩ ta Gatũrũme ka Ngai Karĩa ga Gũtwara mehia mothe ma kĩrĩndĩ na agĩĩtĩkĩra itua rĩa cira wa ehia othe. Na nĩ ũndũ ũcui-rĩ, akĩhonokia andũ othe kuuma mehia-inĩ. 
Na nĩ ũndũ ũcio-rĩ, arĩa othe metĩkĩtie ũbatithio wa Jesu Kristo, kũrua Kĩrĩkanĩro-inĩ Kĩrĩa Gĩkũrũ, na thakame Yake Mũtharaba-inĩ ta ũhonokio wao, nĩ mahonoketio kuuma mehia-inĩ mothe mao. Jesu Kristo ahonokirie ehia othe na ũbatithio Wake na thakame Yake. Ũyũ nĩguo ũma wa kũrua kĩroho.
 

NĨ KŨRĨ ŨHONOKIO WA THAKAME ĨRĨ IKI? ACA, GŨTIRĨ
 
Nĩkĩ Jesu okire na kĩo 
gũkũ thĩ?
Nĩ maĩ na thakame
 
1 Johana 5:4-8 yugĩte, “Nĩgũkorũo kĩrĩa gĩothe gĩciarĩtwo nĩ Ngai nĩgĩtoragia ũhoro wa gũkũ thĩ; naguo ũtoria ũrĩa ũtoretie ũhoro wa thĩ nĩ atĩrĩrĩ, nĩ gwĩtĩkia gwitũ. Ũrĩa ũtoragia ũhoro wa gũkũ thĩ nũ, tiga ũrĩa wĩtĩkĩtie atĩ Jesu nĩwe Mũriũ wa Ngai? We nĩwe wokĩire ũhoro-inĩ wa maĩ na thakame, o we Jesu Kristo; ndokĩire ũhoro-inĩ wa maĩ moiki, okĩire ũhoro-inĩ wa maĩ o na wa thakame. Na Roho nĩwe mũira, nĩ gũtuĩka Roho nĩwe ũhoro-ũrĩa-wa-ma. Amu aira nĩ atatũ Igũrũ, nĩo Ithe witũ, na Ũhoro, na Roho Mũtheru; nao atatũ nĩ ũmwe. Gũkũ thĩ nao aira nĩ atatũ, Roho, na maĩ, na thakame; nao atatũ marĩ ũhoro o ũmwe.” 
Endwa akwa Akristianno, ũira waku ũtariĩ atĩa harĩ Jesu ta Mũhonokia waku? Gũtirĩ wĩtĩkio ũngĩ o tiga wa Mũrũ wa Ngai ũcio wokĩire na ũhoro wa maĩ na thakame.
Nĩ ũtoria ũrĩkũ ũtoragia thĩ? Gũtirĩ o tiga hinya wa maĩ na thakame. Nĩ Jesu Kristo wokire na maĩ na thakame. Nake Roho nĩwe mũira, tondũ Roho nĩwe ũhoro wa ma. Gũkũ thĩ nao aira nĩ atatũ, maĩ, thakame na Roho. 
Nao atatũ marĩ ũhoro o ũmwe. Jesu okire gũkũ thĩ ĩno na mwĩrĩ, akĩbatithio na agĩkua Mũtharaba-inĩ na agĩtũhonokia kuumana na itua rĩa tene na tene. Ũhoro wa ma nĩ atĩ, Ngai ũrĩa watũmbire nĩatuĩkĩte Mũhonokia wa ehia, na ũma ũyũ ũrĩ thĩinĩ wa ũhoro-ũrĩa-mwega wa maĩ na Roho ũrĩa ũtũhonoketie ithuothe. 
Ũyũ nĩguo ũma atĩ Jesu, ũcio wokire gũkũ thĩ ta Roho arĩ na mwĩrĩ, akĩbatithĩrio rũũĩ-inĩ rwa Jorodani, nĩguo akuue mehia mothe maitũ, na akiura Mũtharaba-inĩ na gwĩtĩkĩra itua rĩa mehia maitũ. Na Nĩ ũndũ ũcio-rĩ, akĩhonokia arĩa othe mamwĩtĩkĩtie. Ũyũ nĩguo ũhoro-ũrĩa-mwega wa kĩhumo wa maĩ na Roho.
 

MAĨ NA THAKAME-RĨ, NĨKĨĨ, O ICIO CIRĨĨ NA ŨIRA WA ŨHONOKIO WA NGAI?
 
Mũiru wa kũrua kũrĩa kwarĩtio 
ũhoro wa kuo Kĩrĩkanĩro-inĩ Kĩrĩa 
Gĩkũrũ nĩkĩ?
Nĩ ũbatithio wa Jesu
 
Maĩ nĩ ũbatithio wa Jesu. Kĩrĩkanĩro-inĩ Kĩrĩa Gĩkũrũ-rĩ ũbatithio wa Jesu nĩguo kũrua. Mũiru wa kũrua kũrĩa kwarĩtio ũhoro wa kuo Kĩrĩkanĩro-inĩ Kĩrĩa Gĩkũrũ nĩ ũbatithio wa Jesu Kĩrĩkanĩro-inĩ Kĩrĩa Kĩerũ. Ũira wa atĩ mehia mothe nĩ maigĩrĩirũo harĩ ũrĩ thĩinĩ wa ũbatithio wa Jesu.
Mũndũ ũrĩa wothe wĩtĩkĩtie ũhoro ũyũ wa ma no arũgame mbere ya Ngai na auge na thamiri theru, “Wĩ Mũhonokia wakwa, Mwathani wakwa nĩ tondũ nĩ njĩtĩkĩtie ũbatithio waku na thakame yaku, ũhoro-ũrĩa-mwega wa maĩ na Roho. Nĩ ũndũ ũcio ndirĩĩ na mehia. Niĩ ndĩ mwana wa Ngai, na nĩ Mũhonokia wakwa.” Tũhotagaa kuumbũra wĩtĩkio ũũ na wĩtĩkio wa ma. Kĩrĩa gĩtũmaga tuuge ũũ nĩ ũndũ wa wĩtĩkio witũ wa ũbatithio wa Jesu na thakame Yake.
Nĩ kiugo kĩrĩkũ gĩtũmaga tũciarũo rĩngĩ? Nĩ kiugo kĩa ũbatithio wa Jesu na thakame Yake Mũtharaba-inĩ, na nĩguo ũira wa ũhonokio ũrĩa ũrĩ ngoro-inĩ ciitũ. Ũyũ nĩguo ũhoro-ũrĩa-mwega wa gũciarũo rĩngĩ maĩ na Roho. 
Endwa Akristiano, nĩngũkũria rĩngĩ, “Hihi mũndũ mwĩhia no ahonokio nĩ wĩtĩkio wa thakame ya Jesu ĩrĩ iki?” Aca. Ũhonokio ndũũrabatara o wĩtĩkio wa gĩkuo Gĩake Mũtharaba-inĩ. No nĩ wa wĩtĩkio wa maĩ na thakame - ũhoro-ũrĩa-mwega wa maĩ na Roho – nĩ nĩguo ehia mangĩtuĩka agũciarũo rĩngĩ naguo. Reke rĩu ngwerekerie mandĩko-inĩ ma Kĩrĩkanĩro, na nĩmo marĩĩtie ũhoro wa maĩ kana na ciugo ingĩ, ũbatithio wa Jesu. 
1 Petero 3:21-22 yugĩte, “Naguo ũhoro ũcio nĩguo ngerekano ya ũrĩa na inyuĩ mũhonokagio rĩu nĩ ũhoro wa kũƅatithio ˗ na ti ũhoro wa kweheria o gĩko kĩa mwĩrĩ, no nĩ wa gũkaĩra Ngai na thamiri njega ˗ na ũndũ wa kwa kũriũka kwa Jesu Kristo. Nake nĩaathire Igũrũ, agaikaraga guoko-inĩ kwa ũrĩo kwa Ngai, nao araika, na aria ene wathani, o na aria marĩ na hinya matuĩtwo a gwathagwo nĩwe.” 
Mũtũmwo Petero arutire ũira wa ũbatithio wa Jesu ũrĩguo ngerekano ya ũrĩa tũhonokagio na ũma wa ũrĩa tũhonokagio mehia-inĩ. Ũbatithio wa Jesu nĩ ũndũ ũmwe na kũrua Kĩrĩkanĩro-inĩ Kĩrĩa Gĩkũrũ. O ta ũrĩa ciana cia Isiraeli cietĩkirie kiugo kĩa Ngai Kĩrĩkanĩro-inĩ Kĩrĩa Gĩkũrũ makarua gĩkonde kĩa ngĩrima nĩguo matuĩke ciana cia Ngai hĩndĩ ĩo ya Kĩrĩkanĩro-inĩ Kĩrĩa Gĩkũrũ, ũbatithio wa Jesu nĩguo ũtũhonokagia mehia-inĩ mothe maitũ mahinda maya ma Kĩrĩkanĩro-inĩ Kĩrĩa Kĩerũ.
Na nĩ ũndũ ũcio-rĩ, kũrua Kĩrĩkanĩro-inĩ Kĩrĩa Gĩkũrũ na ũbatithio wa Jesu Kĩrĩkanĩro-inĩ Kĩrĩa Kĩerũ nĩ o ũndũ ũmwe. Inyuĩ othe rĩu nĩ mwĩtĩkĩtie ũbatithio wa Jesu na kũrua atĩ nĩ ũndũ ũmwe? O ta ũrĩa kwandĩkĩtwo 1 Petero 3:21, nĩ kũrĩ ngerekano ya ũrĩa tũhonokagio rĩu, na nĩguo ũbatithio. Hihi no ũkararie kiugo kĩa Ngai kĩrĩa kĩandĩkĩtwo?
Kwahoteka atĩ, ithuĩ tũikaragaa gũkũ thĩ ĩno, tuohorũo, mehia-inĩ? No nĩ ũndũ Jesu Kristo nĩabatithirio, nĩguo ahingie maũndũ mothe merekanĩrio na ũthingu, ũguo nĩguo ũhonokio wa mehia wonekanĩte kũrĩ ithuĩ. Mathayo 3:15 yugĩte, “Tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩirũo na ũthingu.”
Na nĩ tondũ mehia mothe ma kĩrĩndĩ nĩ maigĩrĩirwo harĩ Jesu-rĩ, aria othe rĩu mamwĩtĩkĩtie matirĩ na mehia. No tũtuĩke athingu ithuĩ ithuothe na ũndũ wa gwĩtĩkĩra ũhoro wa ma, atĩ mehia mothe maitũ nĩ maigĩrĩirũo harĩ Jesu na ũbatithio wake. Jesu kristo nĩakuuire mehia mothe maitũ na agĩkua mũtharaba-inĩ nĩguo atũhonokie kumana na itua rĩamo.
Endwa arata akwa, indo igĩrĩihonokagia ehia othe kuuma mehia-inĩ mothe mao nĩ maĩ na thakame. Gũkua mehia mothe maitũ na gũkua gwake Mũtharaba-inĩ, nĩmo maũndũ marĩa manene ekire hĩndĩ ya ihinda rĩa mĩaka 3, rĩa ũtungata wake mũingĩ-inĩ gũkũ thĩ ĩno.
Johana 1:29 yugĩte, “Onei Gatũrũme ka Ngai, karĩa ga gũtwara mehia ma kĩrĩndĩ!” Jesu kristo abatithirio nĩguo athengie mehia mothe ma kĩrĩndĩ na agĩkua Mũtharaba-inĩ nĩguo atherie mehia maitũ. Jesu nĩ Mũrũ wa Ngai, na arĩ ta Mũmbi, nĩ ahingirie kĩrĩkanĩri kĩa kũrua kĩrĩa Ngai aharĩrie Kĩrĩkanĩro-inĩ Kĩrĩa Gĩkũrũ na gũthengia mehia mothe ma kĩrĩndĩ.
Mũndũ o wothe ũrĩa ũgwĩtĩkia na ngoro yake ũhoro-ũrĩa-mwega wa ũbatithio wa Jesu, maĩ na thakame, nĩegũciarũo rĩngĩ na maĩ na Roho. Na Mwathani nĩ agũtuĩka Mũhonokia wa aria othe magwĩtĩkia. Thengiũ Mwathani, Halleluyah! Jesu ahingirie ũhonokio witũ o ta ũrĩa Ngai arĩkanĩire, na nĩatũhonoketie kuuma mehia mothe ma kĩrĩndĩ. 
 

NA TI ŨHORO WA KWEHERIA O GĨKO KĨA MWĨRĨ
 
Mwĩrĩ hihi no ũtherio 
kwa ihinda?
Aca. Mwĩrĩ ũthiaga na mbere kwĩhia, 
o nginyagia mũthenya 
ũrĩa tũgakua.
 
1 Petero 3:21 yugĩte, “Naguo ũhoro ũcio nĩguo ngerekano ya ũrĩa na inyuĩ mũhonokagio rĩu nĩ ũhoro wa kũƅatithio ˗ na ti ũhoro wa kweheria o gĩko kĩa mwĩrĩ, no nĩ wa gũkaĩra Ngai na thamiri njega ˗ na ũndũ wa k wa kũriũka kwa Jesu Kristo.” 
Hĩndĩ ĩrĩa mũndũ atuĩka wagwĩtĩkia Jesu Kristo ta Mũhonokia wake-rĩ, ti kuuga atĩ nĩatigagaa kwĩhia na mwĩrĩ. No tũthiaga o na mbere na kwĩhia, no na ũndũ wa gwĩtĩkia ũbatithio wa Jesu, no tũigĩrĩre mehia maitũ na ma thĩ ĩno harĩ Jesu, ũcio wamarĩhĩire na thakame Yake Mũtharaba-inĩ. Na ũhoro wa gwĩtĩkia indo o icio cierĩ itangĩtigithĩĩka cia ũhonokio witũ-rĩ, hĩndĩ ĩo nĩtũhonoketio kuuma mehia-inĩ maitũ.
Gũciarũo rĩngĩ nĩ kwamũkĩra Jesu ngoro-inĩ ciitũ arĩ ta Mũhonokia wa kĩrĩndĩ. Kuoherũo kwa mehia o nakuo gũgatonya ngoro-inĩ ciitũ. Hĩndĩ ĩrĩa twetĩkia ũbatithio wa Jesu na thakame Yake Mũtharaba-inĩ, ngoro ciitũ nĩ iciaragwo rĩngĩ, no tũthiaga o na mbere na kwĩhia na mĩrĩ. No, nĩ atĩrĩrĩ, mehia mothe ma mĩĩrĩ itũ nĩ tuoheirũo. 
Ũbatithio wa Jesu nĩguo ũira wa arĩa othe mahonoketio. Tũkoragwo tũtarĩ na mehia hĩndĩ ĩrĩa twetĩkia ũhoro wa kuoherũo kwa mehia na ũbatithio wa Kristo. Tũciaragwo rĩngĩ hĩndĩ ĩrĩa twamũkĩra ngoro-inĩ ciitũ ũma wa ũhonokio wa ũbatithio wa Jesu na tũgatuĩka athingu na ũhoro-ũrĩa-mwega wa maĩ na Roho.
Ũyũ nĩguo wĩtĩkio wa Iburahimu thĩinĩ wa Kĩrĩkanĩro-inĩ Kĩrĩa Gĩkũrũ, wĩtĩkio wa gũtuĩka mũthingu na nĩguo mũtũmwo Paulo arĩtie ũhoro waguo, na nĩyo ngerekano ya ũhonokio ũrĩa mũtũmwo Petero arutĩte ũira waguo. 
O ta ũrĩa Iburahimu aiguire na agĩtĩkia kiugo kĩa Ngai na agĩtuĩka mũthingu, o na ithuĩ tũhonokagio hĩndĩ ĩrĩa twetĩkia ũhoro wa ũbatithio wa Jesu na gĩkuũ Gĩake Mũtharaba-inĩ. 
Johana 1:12 yugĩte, “No arĩa othe maamwĩtĩkirie, nĩo arĩa mehokete rĩĩtwa rĩake, acio akĩmahotithia gũtuĩka ciana cia Ngai.” Nĩ wĩtĩkĩrĩte Jesu Kristo ta Mũhonokia waku, Ũrĩa watũhonokirie kuuma mehia-inĩ mothe maitũ na ũbatithio wake na thakame yake Mũtharaba-inĩ? No mũhaka twamũkĩre ũhonokio ũrĩa tũhetwo na njĩra ya maĩ na thakame ya Mũrũ wa Ngai. 
Ũhonokio-rĩ, nĩ wa thakame ya Jesu Kristo oyo iki tu? Aca. Nĩ wa maĩ na thakame ya Jesu. Kĩrĩkanĩro-inĩ nĩ twĩrĩtwo wega mũno atĩ ũhonokio ti wa thakame ya Jesu ĩrĩo iki tu. Nĩ na ũbatithio wa Jesu na thakame Yake. 
Ũbatithio wa Jesu nĩguo ũruu wa kĩroho Kĩrĩkanĩro-inĩ Kĩrĩa Kĩerũ. Nĩguo ũma wa ũhonokio ũrĩa watinirie mehia mothe maitũ marĩa maarĩ thĩinĩ witũ. Ũma wa atĩ nĩatuĩrĩirũo nĩ ũndũ wa mehia ma kĩrĩndĩ, nĩ kuuga atĩ atuĩrĩirũo nĩũndũ wa mehia maitũ, niĩ nawe.
Nĩũndũ wa kwamũkĩra ũhoro-ũrĩa-mwega wa kũoherũo mehia, ũbatithio wa Jesu na thakame Yake, rĩu nĩ tuohoretwo kuumana na ituĩro rĩa mehia mothe maitũ. Na ũndũ wa wĩtĩkio ũyũ witũ, nĩ tũhonoketio kuuma mehia-inĩ mothe marĩa twĩkaga gũkũ thĩ ĩno. Hĩndĩ ĩrĩa twaiyũkia ũbatithio wa Jesu na thakame Yake cirĩ ta ũhonokio witũ-rĩ, mehia mothe ngoro-inĩ matheragio kũna. Nĩ ũmenyete ũhoro ũyũ wama na ũkawĩtĩkia? Ndĩna mwĩhoko na ma atĩ inyuothe nĩ mũgwĩtĩkia ũhoro-ũrĩa-mwega wa maĩ na Roho. Ĩtĩkia na ũgĩa na muoyo wa tene na tene.
Mũtũmwo Paulo akiuga, “kũrua kũna nakuo nĩ kwa ngoro” (Aroma 2:29). Tũruithagio ngoro atĩa? No tũrue ngoro hĩndĩ ĩrĩa twetĩkia ũhoro wa Kristo gũũka gũkũ thĩ ĩno na mwĩrĩ, na ũbatithio Wake ũgĩthengia mehia mothe ma kĩrĩndĩ, na gĩkuũ Gĩake Mũtharaba-inĩ nĩ ũndũ wa mehia maitũ, na kũriũka Gwake kuuma kũrĩ akuũ. 
Mũtũmwo Paulo akiuga atĩ, kũrua kũna nakuo nĩ kwa ngoro. Kũrua ngoro nĩ gwĩtĩkia ũbatithio wa Jesu na thakame Yake. Angĩkorũo nĩũkwenda kũrua ngoro-rĩ, no mũhaka wamũkĩre ngoro-inĩ yaku ũhoro-ũrĩa-mwega wa ũbatithio wa Jesu na thakame Yake. Hĩndĩ ĩo norĩo mũngĩtuĩka ciana cia Ngai kũna.
 

JOHANA MŨBATITHANIA AATŨMĨTWO NĨ NGAI?
 
Johana Mũbatithania arĩ ũũ?
Arĩ mũrũgamĩrĩri wa kĩrĩndĩ na mũthĩnjĩri 
Ngai wa mũico wa rũciaro rwa Haruni.
 
Haha nĩtwagĩrĩirũo nĩ kwĩyũria Johana Mũbatithania ũrĩa wabatithirie Jesu arĩ ũũ? Johana Mũbatithania arĩ mũrũgamĩrĩri wa kĩrĩndĩ gĩothe. Mathayo 11:11-14 yugĩte, “Ngũmwĩra atĩrĩ na ma, atĩ, Kũrĩ arĩa maanaciarũo nĩ andũ-a- anja, gũtirĩ kwagĩa mũnene kũrĩ Johana Mũbatithania: no rĩrĩ, ũrĩa wĩ mũnyinyi ũthamaki-inĩ wa Igũrũ nĩ mũnene kũrĩ we. Na gwata matukũ ma Johana Mũbatithania nginyagia rĩu, ũthamaki wa igũrũ nĩũgiginyagĩrũo, na arĩa agiginyani nĩo mawĩgwatagĩra na hinya. Nĩ ũndũ anabii othe, o na watho-rĩ, o na nĩ maatũire marathaga ũhoro nginya hĩndĩ ya Johana. Na mũngĩenda gwĩtĩkĩra, ũcio nĩwe Elija ũrĩa weranĩirũo atĩ nĩagoka.”
Endwa akwa Akristiano, Jesu ougire gũtirĩ kwagĩa mũnene kũrĩ Johana Mũbatithania kũrĩ arĩa maanaciarũo nĩ andũ-a-anja. Thutha wa gũciarũo kwa Johana Mũbatithania, Ihinda rĩa Kĩrĩkanĩro kĩa Ngai kĩa mbere na nĩrĩo ihinda rĩa Kĩrĩkanĩro-inĩ Kĩrĩa Gĩkũrũ rĩgĩkinya mũico. Rĩagĩkinya nĩ tondũ Jesu Kristo ũrĩa warĩ ahingie Kĩrĩkanĩro kĩa Ngai-rĩ, mũico wa ũhoro nĩokire.
Nũũ warĩ ahingie kĩrĩkanĩro kĩa Ngai? Jesu Kristo na Johana Mũbatithania. Johana Mũbatithania aigĩrĩire mehia mothe ma kĩrĩndĩ harĩ Jesu. Nũũ warĩ mũthĩnjĩri Ngai wa mũico? Nũũ warĩ wa rũciaro rwa Haruni? Jesu Kristo Wee mwene nĩ arutire ũira atĩ gũtirĩ ũngĩ o tiga Johana Mũbatithania. Johana Mũbatithania arĩ mũrũgamĩrĩri wa kĩrĩndĩ, ũrĩa mũnene kũrĩ arĩa maanaciarũo nĩ andũ-a-anja.
Reke twĩcũranie ũhoro wa ma atĩ haha twĩna Musa, Iburahimu, Isaaka, na Jakubu othe maciarĩtwo nĩ andũ-a-anja. No harĩ andũ arĩa othe a Kĩrĩkanĩro-inĩ Kĩrĩa Gĩkũrũ na arĩa a Kĩrĩkanĩro-inĩ Kĩrĩa Kĩerũ-rĩ, nũ mũnene harĩ arĩa maanaciarũo nĩ andũ-a-anja? Nĩ Johana Mũbatithania.
Johana Mũbatithania, arĩ ta mũnabii wa mũico Kĩrĩkanĩro-inĩ Kĩrĩa Gĩkũrũ na arĩ wa rũciarũo rwa Haruni, nĩ abatithirie Gatũrũme ka Ngai Kĩrĩkanĩro-inĩ Kĩrĩa Kĩrĩa Kĩerũ o ta ũrĩa Haruni aigagĩrĩraga moko make harĩ igongona rĩa mehia Mũthenya wa Ũhorohio Kĩrĩkanĩro-inĩ Kĩrĩa Gĩkũrũ. Abatithirie Jesu Kristo na akĩigĩrĩra mehia mothe ma kĩrĩndĩ harĩ Jesu. Wee arĩ ndungata ya Ngai. Nĩ kũhingia ahingirie ũruu wa kĩroho thĩinĩ wa ngoro cia andũ othe na kũbatithia Jesu Kristo.
Hamwe na ũbatithio wa Jesu, no mũhaka twĩtĩkie thakame Yake arĩ ta ũira wa ũhonokio witũ. Jesu Kristo akuire mehia mothe ma kĩrĩndĩ na ũbatithio Wake na agĩtuĩrũo nĩ ũndũ wamo. Na ũndũ ũrĩa twagĩrĩirũo nĩ gwĩĩka ithuĩ no gwĩtĩkia ũhoro ũcio. Nĩ wendi wa Ngai atĩ twĩtĩkie ũrĩa Jesu ekĩĩre. 
Hĩndĩ ĩrĩa wamũkĩra ũhoro-ũrĩa-mwega wa gũciarũo rĩngĩ na maĩ na Roho ngoro-inĩ yaku, no ũtuĩke wa njiarũa cia Iburahimu na mwana wa Ngai. Kũrĩ o andũ anini tu arĩa marĩ thĩinĩ wa Kristo, rĩrĩa andũ aingĩ nao matarĩ maramwĩtĩkĩra ngoro-inĩ ciao.
Mũthenya ũrĩ hakuhĩ gũthira, na nduma nĩ gũũka ĩroka. Ĩtĩĩkia ũbatithio wa Jesu na wĩtĩkĩre Atonye thĩinĩ wa ngoro yaku. Wĩtĩkio waku wa ũbatithio wa Jesu na thakame Yake nĩ ũgũtũma ũrathimwo na ũhonokio wa kĩroho.
Ũmenya wega atĩ gũitĩrĩrio maguta kĩroho hingo ciothe gũkaga hĩndĩ ĩrĩa wetĩkia ũhoro-ũrĩa-mwega wa ũhonokio, ũhoro-ũrĩa-mwega wa ũbatithio wa Jesu na thakame Yake. Nĩngwenda ũmenye atĩ no ũharĩrie tawa wa kĩroho (kanitha) na maguta (Roho) o ta airĩtu arĩa atano marĩ ogĩ (Mathayo 25:4) na ũndũ wa gwĩtĩkia ũhoro-ũrĩa-mwega wa ũbatithio wa Jesu na thakame Yake. Aria metĩkĩtie Jesu mathiaga kanitha marĩ na Roho thĩinĩ wa ngoro ciao. 
 

JESU ABATITHIRIO NĨŨNDŨ WAŨ?
 
Jesu abatithirio nĩ ũndũ wa kĩĩ?
Nĩguo atherie mehia mothe ma kĩrĩndĩ
 
“Nake Johana nĩendaga kũmũgiria, akĩmũũria, Niĩ-rĩ, njagĩrĩirũo nĩ kũbatithio nĩwe, nawe ũgũũka kũrĩ niĩ, atĩa? Nake Jesu akĩmũcokeria akĩmwĩra atĩrĩ, Njĩtĩkĩria rĩu, tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩire na ũthingu. Hĩndĩ ĩo akĩmwĩtĩkĩria” (Mathayo 3:14-15).
Jesu abatithirio nĩguo atherie mehia mothe ma kĩrĩndĩ. Jesu Kristo nĩ Mũrũ wa Ngai na nĩwe Mũhonokia witũ. Jesu Kristo okire nĩ ũndũ wa wendi wa Ngai Ithe, nĩguo atũtue ciana Ciake. 
Nũũ anabii othe Kĩrĩkanĩro-inĩ Kĩrĩa Gĩkũrũ maragia ũhoro wake? Maragia ũhoro wa Jesu Kristo. Anabii othe a Kĩrĩkanĩro-inĩ Kĩrĩa Gĩkũrũ maragia ũhoro wa Jesu gũka gũkũ thĩ ĩno na gũthengia mehia mothe maitũ na atuohoore kuuma mehia-inĩ tene o na tene. 
Jesu okire gũkũ thĩ ĩno o ta ũrĩa kwarathĩtwo thĩinĩ wa Kĩrĩkanĩro-inĩ Kĩrĩa Gĩkũrũ na agĩthengia mehia mothe ma kĩrĩndĩ kuuma Adamu na Hawa nginya mũndũ wa mũico gũkũ thĩ ĩno.
Rĩu, amũkĩra ngoro-inĩ yaku ũhonokio wa ũbatithio wa Jesu na thakame Yake. Hihi no ũkorũo ũrĩ o na nganja, atĩ ũyũ nĩ ũhoro wa ma? Ũrĩ o na mehia ngoro-inĩ yaku? “Tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩirũo na ũthingu.” Jesu abatithirio nĩ Johana Mũbatithania nĩguo ahingie maũndũ mothe merekanĩrĩirũo na ũthingu.
Kiugo “ũbatithio” nĩ kuuga “gũthambia.” Jesu abatithirio nĩ Johana Mũbatithania na njĩra ya kũigĩrĩrũo moko ta ũrĩa gũtaarĩirio Kĩrĩkanĩro-inĩ Kĩrĩa Gĩkũrũ.
Thutha wa gũthengia mehia mothe ma kĩrĩndĩ, akĩĩrindire rũũĩ-inĩ rwa Jorodani. Rũũĩ rũrũgamĩrĩire gĩkuũ na itua rĩa cira wa ehia. Kũrindwo gwa Kristo kũrarũgamĩrĩra gĩkuũ Gĩake Mũtharaba-inĩ. Na kuumĩra igũrũ rĩa maĩ thutha wa kũrindwo nĩ kuonania kũriũka. Jesu ariũkirio mũthenya wa gatatũ thutha wa gũkua Mũtharaba-inĩ. 
Jesu Kristo nĩ Ngai witũ na Mũhonokia. Ũma atĩ, Jesu nĩokire na akĩbatithio, akiura thakame nginya agĩkua Mũtharaba-inĩ, na akĩriũka mũthenya wa gatatũ, na rĩu aikaire guoko-inĩ kwa ũrĩo kwa Ngai, nĩ ũhoro wa ma mũkinyanĩru atĩ, nĩahonoketie kĩrĩndĩ kuumana na gĩkuũ. Nĩ wĩtĩkĩtie na ma ũhoro-inĩ ũyũ wa ma?
Ũbatithitio wa Jesu nĩguo ũruu wa kĩroho wa Kĩrĩkanĩro Kĩrĩa Kĩerũ. “Kũrua kũna nakuo nĩ kwa ngoro.” Kũrua kwa ngoro gũkinyanagĩra hĩndĩ ĩrĩa twetĩkia ũbatithio wa Jesu, ũma wa kũigĩrĩra mehia mothe maitũ harĩ Jesu. Kũrua kwa ngoro nĩ gwĩtĩkĩra kwa ũbatithio wa Jesu ũrĩa nĩguo twaigĩrĩire mehia mothe maitũ harĩ Jesu.
Hihi nĩũruĩte ngoro-inĩ yaku? Wetĩkia kũrua kwa ngoro-rĩ, mehia maku nĩ magũtherio kũna o ihinda rĩmwe rĩa kũigana. Na nĩ atĩrĩrĩ, Jesu nĩahingirie maũndũ mothe merekanĩrĩirũo na ũthingu na agĩtũmenyithia kũna ũhonokio wa ehia.
Endwa Akristiano, ĩkĩĩra ũma ũyũ wa ũhonokio ngoro-inĩ na meciria-inĩ manyu. Ũyũ nĩguo ũhoro wama. Wamũkĩra ngoro-inĩ yaku ũhonokio wa Jesu, nĩũkuohorũo mehia-inĩ maku mothe. “No arĩa othe mamwĩtĩkirie, nĩo arĩa mehokete rĩtwa rĩake, acio akĩmahotithia gũtuĩka ciana cia Ngai” (Johana 1:12).
Nĩ ũrona kĩrĩa gĩatũmire Jesu oke gũkũ thĩ ĩno nĩguo abatithio? Nĩ wĩtĩkĩtie rĩu? Jesu abatithirio nĩguo athengie mehia mothe ma kĩrĩndĩ. Warĩ ũbatithio wa kũrua. Ũbatithio wa Jesu ũtũheaga ũruu wa kĩroho. Na nĩkĩo mũtũmwo Paulo atwĩĩrĩte tũrue ngoro-inĩ ciitũ. Jesu nĩatũhonoketie kũna na ũbatithio Wake na thakame, ũũ atĩ tũtirĩ na ũndũ ũngĩ o tiga gwĩtĩkia ngoro-inĩ ciitũ. Twagĩrĩirũo nĩ kuuga “Ĩĩ. Ameni” harĩ kiugo kĩa Ngai ngoro-inĩ ciitũ. Kana ũhoro ũyũ ti wa ma? Nĩ ũwĩtĩkĩtie? 
 

NĨ WĨTĨKĨTIE ŨHORO ŨYŨ WAMA NGORO-INĨ YAKU?
 
Nĩ atĩa twagĩrĩirũo nĩ gwĩka mbere 
ya kũinamĩrĩra Jesu?
Twagĩrĩirũo nĩ gwĩtĩkĩra ngoro-inĩ ciitũ 
ma ya maĩ na thakame
 
Nĩ hakuhĩ mĩaka 2000 mĩthiru kuuma rĩrĩa Jesu okire gũkũ thĩ ĩno. Ũmũthĩ ũyũ na ihinda rĩrĩ rĩa wega wa Ngai-rĩ, no mũhaka twaamũkĩre ngoro-inĩ ciitũ ũhoro wa ma wa maĩ na thakame ya Jesu. Gũtirĩ ũndũ ũngĩ twagĩrĩirũo nĩ gwĩĩka.
“Kũrua kũna nakuo nĩ kwa ngoro.” No mũhaka tũruithio ngoro-inĩ ciitũ na wĩtĩkio. Tũngĩhonokio o na gwĩtĩkia tu. Kĩrĩkanĩro-inĩ Kĩrĩa Gĩkũrũ Aisiraeli mahonokagio na ũhoro wa kũrua na thakame ya Bathaka ĩrĩa yahakagwo hingĩro cia mĩrango na mĩgamba ya mĩrango ya nyũmba ciao.
Arĩa metĩkĩtie ũbatithio wa Jesu na thakame Yake ta ũhonokio wao matikoragwo na guoya wa itua rĩa cira wa Ngai nĩ tondũ nĩ ũkamagarara. No itua rĩa cira wa Ngai nĩrĩkagwĩĩra arĩa othe mataamũkĩire ũhoro ũyũ wa ma ngoro-inĩ ciao. Kũrĩ na andũ aingĩ metĩkĩtie Jesu o tũhũ na nĩ ũndũ ũcio o no ngombo cia mehia.
Makinyĩte hau atĩa? Nĩkĩ kĩratũma mathiĩ o na mbere kũnyarirĩka nĩ mehia? Nĩ tondũ matimenyete ma ya ũbatithio wa Jesu na thakame Yake. Metĩkĩtie o thakame ya Jesu, makaagarara na magateyanĩria ũbatithio wa Jesu.
Ũhonokio no woneke na wĩtĩkio mũhũthũ o thakame-inĩ ya Jesu iki tu? Kĩrĩkanĩro nĩgĩtũĩrĩte ũguo? Kĩrĩkanĩro-inĩ Kĩrĩa Gĩkũrũ na Kĩrĩkanĩro-inĩ Kĩrĩa Kĩerũ ciugĩte atĩa ũhoro ũcio? Kũringana na Kĩrĩkanĩro, ti o thakame ya Gatũrũme ka Ngai ĩrĩ o iki, no nĩ hamwe na ũbatithio wa Jesu ũhonokio wonekaga  (1 Johana 5:3-6).
Wĩtĩkĩtie o thakame ya Jesu ĩrĩ o iki tu? Arĩa mekĩĩte ũguo marĩ o na mehia ngoro-inĩ ciao. No nginyagia matorie wĩtĩkio wao ũtarĩ mũkinyanĩru na macokerere ũhoro-ũrĩa-mwega wa maĩ na Roho.
Arĩa matetĩkĩtie-rĩ, no mũhaka mamenye rĩu atĩ nĩ mahĩngĩcĩtwo, na kũaga kũmenya atĩ Jesu akuire mehia mothe rũĩ-inĩ rwa Jorodani na ũbatithio Wake. No mũhaka metĩkĩre atĩ nĩ marahĩtĩtie nĩ ũndũ wa gũteyanĩria ũbatithio wa Jesu. No mũhaka mamũkĩre ngoro-inĩ ciao atĩ Jesu nĩakuire mehia mothe ma kĩrĩndĩ na ũbatithio Wake. Ũhonokio ũngĩoneka o rĩrĩa tu twetĩkia ũbatithio wa Jesu hamwe na thakame Yake Mũtharaba-inĩ. Na ciugo ingĩ, no na ũhoro-ũrĩa-mwega wa maĩ na Roho tũngĩona muoyo wa tene na tene.
Endwa Akristiano, hihi ũtũrĩte o nginyagia ũmũthĩ ũyũ wĩhokete o wĩtĩkio wa thakame ya Jesu tu? Angĩkorwo nĩguo ngoro yaku ĩrĩ o na mehia. Angĩkorwo nĩ wĩhagia, ũguo ũrĩ o na mehia ngoro-inĩ yaku. Ũngĩĩciria atĩ ndũrĩ muohe hĩndĩ ĩrĩa wahingia watho wa Ngai-rĩ, gũkũ no kũigua kuumanĩte gũtumbuyũka gwaku. Itua rĩrĩ rĩtiumanĩte na kiugo kĩa Ngai.
 

TI ATĨ NĨ ŨCEREIRŨO MŨNO
 
Ũhoro wa ma ũtũkũraga
kuuma kũrĩ kĩ?
Kuuma watho wa gĩkuũ na mehia
 
Ti atĩ nĩ ũcereirũo mũno. Ũndũ ũrĩa wagĩrĩirũo nĩ gwĩĩka nĩ gwĩtĩkia ũbatithio wa Jesu na thakame Yake, na nĩ ũkwamũkĩra ũruu wa ngoro na ũtuĩke mũndũ muohore kuuma mehia-inĩ mothe. Gũtuĩka atĩ nĩ wohoretwo mehia-inĩ mothe nĩ kuuga atĩ nĩ ũhonoketio na gwĩtĩkia ũhoro-ũrĩa-mwega wa ũbatithio wa Jesu na thakame Yake.
Nĩ ũkwenda gwĩtĩkia ũbatithio wa Jesu na thakame Yake nĩguo ũhonokio kuuma mehia-inĩ maku? Wona wetĩkia ũhoro ũyũ, nĩ ũkũmenya ũhonokio nĩkĩĩ. Na nĩ ũkũgĩa na thayu ngoro-inĩ yaku. Na rĩo, hĩndĩ ĩo norĩo ũngĩtuĩka mũthingu. No ti na ciĩko ciaku, nĩ na wĩtĩkio wa kiugo kĩa Ngai. Angĩkorwo ũmwe wanyu no etĩkĩtie na akehoka o thakame ya Jesu ĩrĩ o iki arĩguo ũhonokio-rĩ, nĩ ingĩenda gũkũria wĩtĩkie ũbatithio wa Jesu hamwe na thakame Yake. 
Endwa Akristiano, ũhonokio mũkinyanĩru wa mehia ma kĩrĩndĩ wa hingirio na ũhoro-ũrĩa-mwega wa ũbatithio wa Jesu na thakame Yake. Roho nĩ Ngai. Ngai okire gũkũ thĩ ĩno na mwĩrĩ wa mũndũ.
Ngai ougĩte kũhĩtũkĩra anabii atĩ twagĩrĩirũo nĩ kũmwĩĩta Jesu, nĩ ũndũ nĩwe ũkahonokia andũ ake mehia-inĩ mao. Ngai akiuga, ‘“Onei mũirĩtu nĩakagĩa ihu, na aciare kahĩĩ, Nako gatuwo Imanueli; ũguo naguo ũgĩtaũrũo,’ nĩ kuuga, ‘Ngai hamwe na ithuĩ’” (Mathayo 1:23).
Ngai okire gũkũ thĩ nĩguo ahonokie ehia. Abatithirio nĩguo athengie mehia mothe ma kĩrĩndĩ, na nĩ ũndũ ũcio nĩ ahonoketie ehia othe. Ũyũ nĩguo ũhoro wa ma na ũhonokio wa maĩ na thakame. Ndĩ haha ngwĩĩre ũũ. Nĩ ũhonoketio nĩ wĩtĩkio o wa thakame ya Jesu ĩrĩ o iki tu? Aca ndũhonoketio. Tũhonoketio nĩ ũbatithio wa Jesu na thakame yake Mũtharaba-inĩ.
Kũrĩ na anabii aingĩ mũno a maheni o na andũ mena ũrutani mũhĩtanu ũmũthĩ ũyũ na matiĩtĩkĩtie ũbatithio wa Jesu. Jesu akiuga, “na nĩmũkamenya ũhoro-ũrĩa-wa-ma, naguo ũhoro-ũrĩa-wa-ma ũmũũkũre ũkombo-inĩ” (Johana 8:32).
No mũhaka tũmenye ũhoro ũrĩa wa ma. No mũhaka tũmenye gĩtũmi kĩa Jesu kũaria ũhoro wa ũbatithio Wake, na kĩrĩa kĩratũma ũtuĩke atĩ no mũhaka twĩtĩkie. Nĩ twagĩrĩirũo nĩ kũmenya nĩkĩ gĩatũmire Ngai ere andũ Aisiraeli maruage Kĩrĩkanĩro-inĩ Kĩrĩa Gĩkũrũ na akĩaria ũhoro wa thakame ya gatũrũme ka Bathaka.
Hĩndĩ ĩrĩa tũramenya o mwena ũmwe tu wa rũgano, tũtingĩhota kũmenya ũhoro wa ma. Jesu akiuga, “Ndakwĩra o ma, ma, Mũndũ aaga gũciarũo nĩ maĩ o na Roho, ndangĩhota gũtonya ũthamaki-inĩ wa Ngai” (Johana 3:5).
 

GŨBATITHIO NA KRISTO
 
Twatonyirio atĩa gĩkuũ-inĩ 
gĩa Kristo?
Na ũndũ wa kũigĩrĩra mehia mothe maitũ harĩ 
Jesu na ũbatithio Wake.
 
Kĩrĩkanĩro nĩ kĩrutĩte ũira wa hitho ya ũhonokio. Hihi nĩ na thakame ya Jesu ĩrĩ o iki? Aca. Nĩ na thakame Yake hamwe na ũbatithio Wake. Mũtũmwo Paulo nĩarĩtie ũhoro ũyũ mũno thĩinĩ wa Aroma mũrango 6 na marũa-inĩ mangĩ maingĩ.
Reke tũthome Aroma 6:3-8. “Kai mũtoĩ atĩ ithuothe aria twabatithirio tũtonyio thĩinĩ wa Kristo Jesu twabatithirio tũtonyio thĩinĩ wa gũkua gwake? Tondũ ũcio-rĩ, twabatithio nĩ gũthikwo twathikirũo hamwe nake gĩkuũ-inĩ kĩu: nĩ getha atĩ, o ta ũrĩa Kristo aariũkirio agĩkiuma kũrĩ akuũ nĩ hinya wa riri wa Ithe, ithuĩ na ithuĩ tũtũũre na mĩtũũrĩre muoyo mwerũ. Amu twagĩkorũo nĩ gũciarithanio tũciarithanĩtio nake na kĩgerekanio kĩu gĩa gũkua gwake-rĩ, no taguo tũgatũũra tũciarithanĩtio nake kĩgerekanio gĩa kũriũka gwake o nakuo. Tondũ nĩtũũĩ ũũ, atĩ ũmũndũ witũ wa kĩĩmerera nĩwaambanĩirio nake mũtĩ igũrũ, nĩ getha mwĩrĩ ũrĩa wa wĩhia ũninwo, nĩguo tũtikanacoke gũtuĩka ngombo cia wĩhia; nĩ gũkorũo mũndũ ũrĩkĩtie gũkua ũguo nĩatuĩtwo mũthingu agatigithanio na wĩhia. Na rĩrĩ, twagĩkorũo nĩ gũkua twakuire hamwe na Kristo, nĩtũgwĩtĩkia atĩ o na gũtũũra tũrĩ a gũtũũra muoyo hamwe nake.”
Reke tũrore mũhari wa 5 “Amu twagĩkorũo nĩ gũciarithanio tũciarithanĩtio nake na kĩgerekanio kĩu gĩa gũkua gwake-rĩ, no taguo tũgatũũra tũciarithanĩtio nake kĩgerekanio gĩa kũriũka gwake o nakuo.” 
Gĩkuũ gĩake nĩ gĩkuũ giitũ nĩ tondũ mehia mothe maitũ nĩ maigĩrĩirũo harĩ Wee na ũbatithio Wake. Nĩ ũndũ ũcio-rĩ, ũbatithio wa Jesu nĩguo ũratũnyitithani na thakame Yake Mũtharaba-inĩ.
Wĩtĩkio witũ wa ũbatithio wa Jesu na thakame Yake nĩguo ũtũgwatanĩtie na Jesu. “Mũcara wa wĩhia nĩ gĩkuũ” (Aroma 6:23). Nĩ ũndũ ũcio gĩkuũ kĩa Jesu Mũtharaba-inĩ kĩarĩ gĩkuũ giitũ. Abatithirio nĩguo akue mehia mothe maitũ. Gwĩtĩkia ũhoro ũyũ wa ma nĩ kũgwatana na Jesu Kristo, Mũhonokio witũ.
 

TŨTIAGĨRĨIRŨO NĨ GWĨTĨKIA JESU O ŨGUO TA GĨCUNJĨ KĨA ŨNDINI WA MŨTŨRĨRE
 
Nĩ kuuga atĩa na “we nĩ mwĩhokeku o 
na nĩ mũthingu?”
Nĩ kuuga atĩ Jesu nĩatheririe mehia mothe maitũ 
o ihinda rĩmwe na akĩhonokia ũrĩa wothe 
ũgwĩtĩkia ũhoro ũyũ wa ma.
 
Andũ aingĩ metĩkĩtie Jesu arĩ ta mũtũrĩre wa ũndini, ũguo, mathiaga kanitha, makĩhoyaga makarĩraga, maitho maihũrĩte maithori o na makĩheraga. Moumbũraga mehia mao na makahoya moherũo o mũthenya. Mahoyaga, “Jesu nĩnjũĩ na nĩ njĩtĩkĩtie atĩ wakuire Mũtharaba-inĩ nĩ ũndũ wakwa. Ĩĩ, nĩ njĩtĩkĩtie.”
Nĩ ũhoro wa atĩ nĩ magĩte ũmenyo wa gĩcunjĩ gĩkĩ kĩrĩ haha thĩ. “Twakiumbũra mehia maitũ, we nĩ mwĩhokeku, o na nĩ mũthingu, agatuohera mehia maitũ, na agatũtheria tũgatherio nĩ maũndũ marĩa mothe matarĩ ma ũthingu” (1 Johana 1:9). Mougaga atĩ nĩ magĩrĩirũo nĩ kũoherũo mehia mao o mũthenya, hĩndĩ ĩrĩa moumbũra mehia. No mehia macio magwetetwo gĩcunjĩ kĩu ti kuuga ũndũ ũtarĩ kĩene wa wĩhia wa o mũthenya. Ũrĩa gĩcunjĩ gĩkĩ kiugĩte nĩ atĩ tuohagĩrũo mehia maitũ o ihinda o rĩmwe, hĩndĩ ĩrĩa tũombũra atĩ tũtihonoketio.
“Gũgakĩoneka atĩ gwĩtĩkia kuumanaga na ũhoro ũrĩa ũiguĩtwo, nakuo kũigua gũũkaga nĩ ũndũ wa uuge wa Kristo” (Aroma 10:17). “Na nĩmũkamenya ũhoro-ũrĩa-wa-ma naguo ũhoro-ũrĩa-wa-ma ũmũkũũre ũkombo-inĩ” (Johana 8:32). 
Endwa Akristiano, ũhoro wa ma nĩ mũkembũku. Angĩkorwo wĩtĩkĩtie atĩ Jesu nĩakuire Mũtharaba-inĩ atathengetie mehia mothe na ũbatithio Wake rũĩ-inĩ rwa Jorodani-rĩ, wĩtĩkio waku nĩ wa tũhũ. Angĩkorwo Mũkristiano o wothe nĩ ekwenda kũhonokio kuuma mehia-inĩ mothe make-rĩ, no mũhaka etĩkie atĩ mehia make nĩ maigĩrĩirũo harĩ Jesu hĩndĩ ĩrĩ abatithĩrio rũĩ-inĩ rwa Jorodani o ihinda rĩmwe rĩa kũigana, na akĩamũkĩra itua rĩa cira wa mehia mothe maitũ Mũtharaba-inĩ. Na ciugo ingĩ nĩ atĩ, twagĩrĩirũo nĩ gwĩtĩkia ũbatithio wa Jesu hamwe na thakame Yake.
“Nĩ ũndũ atĩrĩ, gũtirĩ rĩĩtwa rĩngĩ rĩanaheanwo gũkũ kũrĩ andũ rĩngĩagĩrĩra rĩa gũtũhonokia” (Atũmwo 4:12). Jesu Kristo athengirie mehia mothe maitũ na ũbatithio Wake na agĩtuĩka Mũhonokia witũ. Jesu okire na maĩ na thakame nĩguo atũhonokie kumana na kĩrumi gĩa tene na tene. “Nĩgũkorũo nĩ ngoro mũndũ etĩkagia nayo agagĩtuwo mũthingu, na nĩ kanua oimbũraga nako agakĩhonoka” (Aroma 10:10). Ũrĩ mwĩhia kana ũrĩ mũthingu?
“Tondũ-rĩ, andũ anyu o arĩa othe maabatithirio thĩinĩ wa Kristo nĩ kwĩhumba mehumbĩte Kristo” (Agalatia 3:27). Mũhari ũyũ ũratwĩĩra ũma atĩ Jesu nĩambirũo nĩ ũndũ wa mehia ma kĩrĩndĩ marĩa athengirie na ũbatithio Wake. Na nĩariũkire mũthenya wa gatatũ na rĩu aikaire guoko-inĩ kwa ũrĩo kwa Ngai. Nĩatuĩkire Mwathani wa Ũhonokio wa arĩa othe mamwĩtĩkĩtie.
Angĩkorũo Jesu ndabatithirio-rĩ, angĩkorũo ndaitire thakame Mũtharaba-inĩ, ndangĩatuĩkire Mũhonokia witũ. Tũngĩhonoka o rĩrĩ tu twetĩkia ũhoro-ũrĩa-mwega wa maĩ na Roho. 
 

O NA ARIŨ A MUSA
 
Nĩkĩ gĩtũmire Ngai ende kũraga 
Musa agĩthiĩ Misiri?
Nĩ tondũ ndaruithĩtie ariũ ake.
 
Mũrata mwende, ũrathikĩrĩria thirii ya ũkũũri wa mehia maku mothe na maĩ na thakame ya Jesu. Nĩ kĩrathimo kĩa magegania kũhota gũthikĩrĩria ciugo ici cia Ngai.
Hihi no thakame ya Jesu Kristo iki tu? Hindĩ ya Kĩrĩkanĩro Kĩrĩa Gĩkũrũ-rĩ, andũ matuĩkaga njiarũa cia Iburahimu na kũrua o na thakame ya gatũrũme ka Bathaka. Na rĩu no tũtuĩke andũ a Ngai na ũndũ wa gwĩtĩkia ũbatithio wa Jesu na thakame Yake. Ngai nĩatuonetie ũira wa ũhoro ũyũ na Musa Kĩrĩkanĩro-inĩ Kĩrĩa Gĩkũrũ.
Nĩguo Ngai ahonokie ciana cia Isiraeli, nĩarĩirie Musa na akĩmwĩra arute andũ ake bũrũri wa Misiri. Na nĩ ũndũ ũcio-rĩ, Musa arĩ na rũtha rwa mũthoniwe Jethero, akiuma Midiani arorete Misiri marĩ na mũtumia wake na ariũ ake. Hĩndĩ ĩo arĩkia kũigĩrĩra andũ ake ndigiri-inĩ, Mwathani nĩatũnganire nake na akĩenda kũmũraga.
No nĩ tondũ wa ũgĩ wa mũtumia wake Zipora, akĩmenya gĩtũmi. Akĩoya ihiga rĩarĩ rĩũgĩ na agĩtinia gĩkonde kĩa gĩrima wa mũrũwe na agĩgĩikia magũrũ-inĩ ma Musa na akiuga, “nĩwagĩtuĩka mũ’hikia na njĩra ĩo ya thakame.” Ngai agĩgĩtigana nake.
Ĩno yarĩ njĩra ya Ngai ya kuonania atĩ ahota kũũraga mũndũ o wothe, o nginya mũriũ wa Musa, angĩkorũo atarĩ mũruithie. Kũrĩ andũ Aisiraeli, ũruu warĩ rũri rwa Kĩrĩkanĩro kĩa Ngai. Nĩmoĩ atĩ Ngai nĩakamũrania mũndũ o wothe wa andũ Ake, o na akorũo arĩ mũriũ wa mũtongoria, angĩkorũo atarĩ mũruu. Na nĩ ũndũ ũcio, nĩguo Ngai ndakamũranie mũrũwe-rĩ nĩonanirie na njĩra ĩno nĩguo Musa amenye.
Ibuku rĩa Ngai nĩrĩtwĩrĩte gĩtũmi kĩa Zipora arute gĩkonde kĩa gĩrima ya mũrũwe na agĩgĩikia magũrũ-inĩ ma Musa na akiuga, “nĩwagĩtuĩka mũ’hikia na njĩra ĩo ya thakame!” nĩguo etĩkĩre rĩathani rĩa Ngai rĩa kũrua (Thama 4:26).
Mũndũ o wothe ũrĩa wakoragwo atarĩ mũruithie harĩ andũ Aisiraeli no mũhaka angĩamũranirio na andũ Ake. No aria maruĩte tu mangĩetĩkĩririo kũrĩa nyama ya gatũrũme ka Bathaka na atungate na andũ a Ngai.
Mũtũmwo Paulo arĩ Mũhibirania. Aruithĩtio mũthenya wa 8 thutha wa gũciarũo, agĩthomithio nĩ Mũrutani mũnene, Gamalieli, na nĩamenyete o wega mũno gĩtũmi kĩa Jesu Kristo abatithĩrio Jorodani na o na kĩrĩa gĩatũmire ambwo. Na nĩ ũndũ ũcio Mũtũmwo Paulo nĩandĩkĩte ũhoro wa ũbatithio wa Jesu marũa-inĩ make mothe. 
Mũtũmwo Paulo o nake nĩaririe kaingĩ ũhoro wa thakame ya Jesu ta ũhoro wa kũrĩkĩrĩria ũhonokio witũ. Thakame yarĩ o gĩcunjĩ kĩa mũico kĩa ũkũũri Wake, hĩndĩ ĩrĩa kũrua kũna ngoro warĩ ũbatithio wa Jesu. Hatirĩ bata gwĩkĩrĩra thakame ya Jesu hatarĩ ũbatithio wa Jesu.
Mũtũmwo Paulo nĩarĩtie kaingĩ mũno ũhoro wa thakame ya Jesu ĩmwe kwe ĩmwe. Gĩtũmi nĩ kĩĩ? Nĩ tondũ nĩguo ũira wa mũcio wa ũhonokio. Korwo Jesu nĩoire mehia mothe ma kĩrĩndĩ na mwĩrĩ Wake acoke age guita thakame Mũtharaba-inĩ nĩguo amũkĩre itua rĩa cira wa wĩhia witu, tũtingĩhonokirio kaimana. Na nĩkĩo gĩtũmi kĩa mũtũmwo Paulo kwarie ũhoro wa Mũtharaba kaingĩ. Mũtharaba nĩrĩo ikinya rĩa mũico rĩa ũhonokio witũ. 
Korwo ũma wa ũhonokio nĩwakinyĩirio rũciaro rũrũ ũtarĩ mũgarũre-rĩ, ũmũthĩ ũyũ kũngĩrĩ na andũ aingĩ matarĩ na mehia. No mũtino-rĩ, ma ĩno nĩyateyanĩirio, na andũ aingĩ moĩ o ũhoro wa Mũtharaba tu, matarĩ na ũmenyo wa ũtaũri wa ũbatithio Wake.
Na nĩ tondũ wĩtĩkio ũrĩa marĩnaguo no gĩkorogoca gĩtheri kĩa injiri-rĩ, magũgĩtũũra marĩ o ehia, gũtakũmakania mĩaka ĩrĩa magũkorwo metĩkĩtie Jesu na wendi mũnene nĩ mĩingĩ. Magũtũũra marĩ o ehia o na thutha wa mĩaka 10, o na thutha wa mĩaka 50 ya mũtũũrĩre ya ũndini. 
 

ŨIRA WAKWA
 
Ngai no atue atĩ mũndũ 
mwĩhia nĩ mũthingu?
Aca. Wee nĩ wa kĩhoto. Andũ arĩa athingu nĩ 
arĩa mohoretwo kuuma mehia-inĩ mothe mao,
nĩũndũ wa kũigĩrĩra mehia harĩ Jesu 
na ũbatithio Wake.
 
Ndambĩrĩirie gwĩtĩkia Jesu ndĩna mĩaka 20. Hau mbere ndioĩ nĩ mehia maigana atĩa ndeehĩtie mũtũrĩre-inĩ wakwa, nĩ tondũ ndioĩ watho wa Ngai. Ndatũũraga o mũtũrĩre wakwa itoĩ Ngai, o nginya hĩndĩ ĩo.
Nĩ ndacokire ngĩrwara. Ndaarĩ mũrũaru o hakuhĩ gũkua. Na nĩ ũndũ nĩ ndatuire itua rĩa gũkũũrwo mehia makwa mothe mbere ya gũkua. Na tondũ nĩ ndaiguĩte atĩ Jesu akuire nĩũndũ wa ehia ta niĩ, ngĩtua itua rĩa kũmwĩtĩkia. Kĩambĩrĩria-inĩ ndaarĩ na gĩkeno mũna na ngaatho nyingĩ. 
No ũndũ ũyũ nĩ wathire ũgĩthiraga. Thutha wa mĩaka mĩnini, ndingĩahotire kũaga kwĩhia rĩhia rĩerũ o mũthenya. Ndatuĩkaga mwĩhia o rĩngĩ na rĩngĩ. Thutha wa mĩaka 10 ndarĩ o mwĩhia, o na mũũru kũrĩ mbere. Nĩ ndetĩkirie Jesu ihinda rĩa mĩaka ikũmi, na ũma wa atĩ ndarĩ mwĩhia ndwacenjirie. Ndarĩ mwĩtĩkia na mwĩhia hamwe. 
O na akorwo nĩ ndainaga, “♪kũrĩra gũtingĩhonokia! O na ũthio wakwa ũngĩthambio na maithori, ndĩngĩnina guoya wakwa, matingĩatheririe mehia makwa ma mĩaka! Kũrĩra gũtingĩhonokia!” Ndarĩraga o hĩndĩ ndahĩtia.
“Ngai mwendwa, na kwenda gwaku njohera rĩhia rĩrĩ. Njohera o ihinda rĩrĩ tu, na ndĩgũcoka kwĩhia rĩngĩ.” Thutha wa kwĩhia ndacokaga ngathiĩ mahoya-inĩ thikũ ithatũ. Ngeehingĩra goico ka rumu na ngahoya ndĩhingĩte ta thikũ ithatũ. Nĩ tondũ thamiri yakwa nĩyakoragwo ĩrĩ nditũ mũno-rĩ, nĩ ndarĩragĩra Ngai, ngĩhoyaga anjohere. Mũthenya wa gatatũ nĩ ndaiguaga wega na ngeciria atĩ rĩu nĩngwĩtĩkĩrĩka mbere ya Ngai. 
“O rĩngĩ nĩndatheria mehia makwa. Halleluyah!” Hĩndĩ ĩo ngauma, na ngaikara wega kwa ihinda. No ica-ikuhĩ ngeehia rĩngĩ, na ngĩambĩrĩria gũte mwĩhoko. Ndacokeraga ũndũ ũyũ wa gũthambia ũthiũ rĩngĩ na rĩngĩ. Ndaiguaga wega mũno nĩ gwĩtĩkia Jesu hau kĩambĩrĩria, no o ũrĩa ndathiire na mbere gwĩtĩkia, noguo mehia makwa meyũmbagĩrĩraga ta rũkũngũ ũrĩa rũĩyũmbaga rumu ĩrĩa ĩtarahũthĩrwo.
Thutha wa mĩaka 10, ndatuĩkĩte mwĩhia mũũru gũkĩra ũrĩa ndatariĩ kĩambĩrĩria-inĩ. “Ndetĩkirie Jesu tene ũũ nĩkĩ mũtũrĩre-inĩ wakwa? Ũngĩakorirũo ũrĩ ũndũ mũhũthũ korwo ndetĩkirie ndĩna mĩaka 80, ndigĩtie hanini ngue. Na hĩndĩ ĩo ndingĩkorwo ndĩna thamiri ya mehia na ndingĩkorwo na ũhoro wa kwĩrira o mũthenya.” Nĩ ndonaga njagĩrĩirũo nĩgwĩĩka kũringana na wendi wa Ngai, no gũtingĩahotekire. Ndaiguaga ta ngũrũkĩte!
Na nĩndambĩrĩirie kũmatha Ngai rĩngĩ werũ. Na nĩndahũthĩrire ihinda inene ngĩthoma gĩthomo kĩa ndini, no thutha wa mĩaka mĩnini ngoro yakwa ĩgĩkorwo ĩtarĩ na maciaro o na manini. Mbere ĩo nĩ ndambĩrĩirie gũthoma mabuku ma ngano cia ndini, na nĩ ndouga atĩ ingienda gũikara ta mũtheru Damien, itagũkoma wega o na-rĩ, ũrĩrĩ wa bono o ũrĩa ũkoragwo wĩna na ũrugarĩ. Ndehĩtĩte atĩ ndegetukania, no kwĩrutĩra mũno kũrĩ arĩa athĩni na abatari. 
Hĩndĩ ĩo ndaathomaga ũhoro wa mũtũrĩre wa mũtheru ũcio-rĩ, nĩndehĩtire gũtũũra taake. Nĩ ndageragia gũtũũra itagwĩkenia na maũndũ ma mwĩrĩ. Rĩmwe ndaturagia nduu thimiti-inĩ na ngahoya mathaa maingĩ. Thuthua ũcio-rĩ, ngaigua ta mahoya makwa makorwo na ũigĩrĩki mũno o na ngaigua wega thutha-inĩ nĩũndũ wakwa kĩũmbe.
No thutha wa mĩaka 10, ndiacokire kũhota kũmĩrĩria rĩngĩ. Nĩ ũndũ ũcio nĩ ndahoire Ngai. “Ngai mwende wa matuu-inĩ, honokia. Nĩ ngwĩtĩkĩtie na ngoro yakwa yoothe. Nĩ njũĩ atĩ o na mũndũ angĩnjigĩrĩra kahiũ mũmero ndingĩcenjia wĩrutĩri wakwa. No o na akorwo nĩ ngwĩtĩkĩtie na ngoro yakwa yoothe-rĩ, nĩkĩ kĩratũma njigue nathĩinĩ ndĩ o ũtheri? Nĩkĩ gĩtũmĩĩte ngue ngoro ũũ? Nĩkĩ gĩtũmi kĩa nduĩke mwĩhia ũũ gũkĩra mbere? Ndieciragia ũhoro wa mehia mũno hau kabere. Ndagwĩtĩkirie na nĩndĩrarigwo nĩkĩ ndatuĩkire mũũru ũũ thutha wa gũgwĩtĩkia maĩka mĩingĩ. Nĩkĩ kĩũru na niĩ?”
Haha nĩho ndokĩire kũmenyera gĩtũmi. Ndĩtĩkĩĩtie Ngai itarĩ mũhonokie kuuma mehia-inĩ makwa. Ndiamenyete ũhoro wa ma hĩndĩ ĩo, na ũguo ũndũ ũcio warĩ mũiganu kũngũrũkia. 
Ndĩna mehia ngoro-inĩ yakwa-rĩ, ingiakĩhotire atĩa kũĩra andũ arĩa angĩ ũhoro wa ũkũũri wa Wega wa Ngai? Ingĩerire andũ arĩa angĩ metĩkie Jesu atĩa? Nĩ ndahoire rĩngĩ na rĩngĩ. “Ngai mwende, ica ikuhĩ nĩ ngũrĩkia gĩthoma kuuma cukuru wa ũndini na nyamũrwo ta mũtungatĩri. No nĩ atĩrĩrĩ, ndatuĩka mũtungatĩri ũihũrĩtwo nĩ mehia-rĩ, ingĩhota atĩa kwĩĩra ehia arĩa angĩ ũhoro wa ũkũũri? Niĩ mwene ndĩ mwĩhia, na ndathoma marua ma mũtumwo Paulo nĩ ndonire atĩ mũndũ ũrĩa ũtarĩ na Roho wa Kristo ti mwana wa Ngai. No o na ndacaria na kinyi atĩa, Roho ndũarĩ thĩinĩ wakwa. Ndaiguaga ta arĩ ho hau mbere-inĩ, no agĩcoka agĩthiĩ. Nĩ atĩ gũathire na mbere? Wenda njĩĩra nĩkĩ, Mwathani.”
Ũma nĩ atĩ, gĩtũmi kĩrĩa gĩatũmaga ndĩĩcirie atĩ niĩ ndĩmũkũũre na wĩtĩkio wakwa mũhũthũ thĩinĩ wa Jesu. Nĩ ndatuurirũo mũno kwa ihinda iraya nĩ ũndũ ũcio.
Ngai nĩarĩkanĩire ũhoro wa kwĩyonania kũrĩ arĩa mamũmathaga na kinyi. Na mũico nĩacemanirie na niĩ na ũhoro ũyũ wa ma. Ndaarĩ o mwĩhia ihinda rĩa mĩaka 10 kuuma ndetĩkia Jesu, no rĩrĩa ndamenyire thiri ya ũbatithio wa Jesu na thakame Yake, rĩrĩa ndamenyire ũtaũri wa ũruu wa Kĩrĩkanĩro-inĩ Kĩrĩa Gĩkũrũ na ũruu wa kĩroho Kĩrĩkanĩro-inĩ Kĩrĩa Kĩerũ, rĩrĩa ndamenyire na ngĩĩtĩkia hitho ya ũhonokio ya ũbatithio wa Kristo, mĩnyamarĩko yakwa yothe ĩgĩthira. Ngoro yakwa ĩgĩthera o ta ira.
No ũguo noguo o nawe ũkũhana. Wetĩkia ũhoro-ũrĩa-mwega wa ũbatithio wa Jesu na thakame Yake, nĩ ũgũkorwo ũtarĩ na mehia. Ũgũkorwo ũtarĩ mũkinyanĩru, no ũrĩ mũthingu. Hĩndĩ wamũkĩra ma ĩno ngoro-inĩ yaku, na watũma ĩmenyekane nĩ andũ arĩa angĩ, o nao nĩ makũhonoka na magooce Ngai, makĩanagĩrĩga “Hallelujah!”
Nĩ ingĩenda gũkũngũĩra ariũ na arĩ a Ithe witũ aria makũũrĩtwo. Nĩ ndĩragaatha Jesu nĩ ũndũ wa gũtũhonokia kuuma mehia-inĩ mothe maitũ. Hallelujah! Twĩna gĩkeno nĩ gũkũũrũo kuuma mehia-inĩ mothe maitũ.
Nĩ kĩrathimo kĩnene ũũ atĩ, tũtingĩhota gũtarĩria gĩkeno giitũ na ciugo tu. Rekei tũine rũĩmbo hamwe. “♪Rĩĩtwa Rĩake nĩrĩtuĩkĩte hitho, tondũ tũtiumbũrĩire ciũmbe ciotho hitho ici. Nĩ aikirio nja ta mahiga marĩa meregirũo nĩ aki, no rĩĩtwa Rĩake rĩgĩtuĩka kahiga ka goro ngoroinĩ yakwa.♪”
 

ŨBATITHIO WA JESU NA THAKAME YAKE NĨ CIGANĨTE KŨHONOKIA EHIA OTHE KUUMA MEHIA-INĨ MAO
 
Nĩkĩ gĩthengagia mehia mothe 
kuuma ngoro-inĩ ciitũ?
Nĩ ũbatithio wa Jesu
 
Jesu Kristo nĩatheririe mehia mothe ma kĩrĩndĩ na ũbatithio Wake na thakame. Nĩatũruithirie ngoro ciitũ na agĩtũtua andũ a Ngai. Wee nĩ Ngai wa arĩa maciarĩtwo rĩngĩ.
Mehia hingo ciothe nĩ magũtuĩrũo cira. No Jesu nĩabatithirio na agĩtuĩrũo Mũtharaba-inĩ nĩguo atũhonokie. Na thakame Yake nĩatũhonoketie ithuothe na akĩriũka mũthenya wa gatatũ. Nĩ Ngai Ithe wariũkirie Jesu kuuma kũrĩ akuũ.
Muoyo wa Jesu nĩ muoyo witũ na nĩ ruo rũri rwa gũkorwo twĩĩho ta ciana cia Ngai. Ũbatithio Wake wathengirie mehia mothe maitũ nayo thakame ya goro ya Jesu Mũtharaba-inĩ nĩ ũira wa atĩ nĩ atuĩrĩirũo handũ haitũ.
Arata endwa, mwĩna ũira wa ũbatithio wa Jesu na thakame Yake ngoro-inĩ cianyu? Njũrie rĩngĩ. Hihi ũhonokio witũ ũkaga o na thakame ya Jesu iki tu? Aca. Ũkaga na ũbatithio wa Jesu na thakame Yake hamwe.
 

NŨŨ WĨNA ŨRUTANI MŨHĨTANU?
 
Nũũ wĩna ũrutani mũhĩtanu?
Nĩ mũndũ ũrĩa wĩtuagĩra cira na ũndũ wa 
kũaga gwĩtĩkia ũbatithio wa Jesu
 
Arata endwa, hihi ũrĩ o mwĩhia o na ũkiumbũraga wĩtĩkio waku harĩ Jesu o mũthenya mũtũrĩre-inĩ waku? Angĩkorũo ũrũ o mwĩhia o na akorũo nĩ wĩtĩkĩtie Jesu, we ũrĩ mũndũ wĩna ũrutani mũhĩtanu. Ũrutani mũhĩtanu nĩ kũaga gwĩtĩkia ma ya Ngai. Tito 3:10-11 nĩyarĩtie ũhoro wa ũrutani mũhĩtanu, “Na ha ũhoro wa mũndũ wĩtĩkĩtie ũrutani mũhĩtanu-rĩ, warĩkia kũmũkania hĩndĩ ya mbere naya kerĩ, regana nake: ũkĩmenyaga atĩ mũndũ ũrĩa ũtariĩ ũguo nĩ mũgariũkanu na akahĩtia, nake nĩ gwĩtuĩra etuĩrĩire cira atĩ nĩ mwĩhia.”
Mũndũ ũrĩa wĩtuagĩra cira ougaga, “Ngai mwende! Ndĩ mwĩhia. Nĩ ngwĩtĩtie, no ndĩ o mwĩhia. Gũtiramakania ũrĩa mũndũ ũngĩ ekuga, ndĩ mwĩhia na nĩnjũĩ atĩ ũcio nĩguo ũhoro wa ma.”
Ngai amwĩragaa, “ũrĩ o mwĩhia na ndũrĩ ũra tuĩka mwana wakwa? Nĩ ũndũ ũcio ũrĩ mũndũ wĩna ũrutani mũhĩtanu, na nĩ ũgaikio mwaki-inĩ wa iherero.” 
Ũngĩĩtĩkia Jesu ũtetĩkĩtie ũhoro-ũrĩa-mwega wa ũbatithio wa Jesu na ngoro yaku, angĩkorũo nĩ wĩtuagĩra cira atĩ wĩ mwĩhia na ũkoumbũra mbere ya Ngai atĩ ngoro yaku ĩna mehia-rĩ, na nĩ ũndũ ũcio-rĩ we ũrĩ mũndũ wĩna ũrutani mũhĩtanu mbere ya Ngai. 
 

ETĨKIA A ŨHORO WA MA NĨ ARĨKŨŨ?
 
Ũira wa ũhonokio wa
Ngai nĩkĩ?
Nĩ maĩ, na thakame na Roho
 
Arĩa othe metĩkĩtie ũhoro-ũrĩa-mwega wa ũbatithio wa Jesu na thakame Yake, acio nĩo matuĩkĩte andũ a Ngai, na arĩ mehia mao matheretio, nĩ athingu. Ũngĩkorũo ũrĩ o mwĩhia atĩa o na wĩtĩkĩtie Jesu? Mũndũ mwĩhia ndangĩtonya ũthamaki-inĩ wa Ngai.
Arĩa matuĩkĩĩte athingu na gwĩtĩkia Jesu marĩ na ũira wa Ngai ngoro-inĩ ciao. Ũira nĩ wa ũbatithio wa Jesu na thakame Yake. Ũyũ nĩguo wĩra wa ũhonokio ũrĩa Jesu Kristo arutire rĩrĩa arĩ gũkũ thĩ.
Nĩ ũndũ ũcio-rĩ, ũrĩa wothe ũkũrega gwĩtĩkia ũhoro-ũrĩa-mwega wa ũbatithio ũrĩa Jesu akuire naguo mehia mothe maitũ-rĩ, nĩakamũranio na Ngai.
Mũrũ na mwarĩ wa Ithe witũ wa wĩtĩkio, nĩ wĩtĩkĩrĩte ngoro-inĩ yaku ũhoro-ũrĩa-mwega wa atĩ ũhonokio wa ehia ti wa o ũhoro wa thakame ya Jesu ĩrĩo ika, no nĩ nginya maĩ ma ũbatithio wa Jesu?
Mũndũ o wothe ũgwĩtĩkia wĩra ũrĩa Jesu arutire gũkũ thĩ, na ũrĩa ũgwĩtĩkĩra maĩ, na thakame, na Roho, nĩakũhonokio kuuma mehia-inĩ mothe. Ũyũ nĩ ũhoro wa ma na ũgĩ wa ũhoro-ũrĩa-mwega wa maĩ, na thakame na Roho.
Jesu nĩatũtheretie biũ kuuma mehia-inĩ mothe na ũbatithio Wake nĩguo andũ othe mahonokio nĩwe. Rĩu, angĩkorwo nĩ wĩtĩkĩtie Jesu, ndũngĩkorũo ũrĩ mwĩhia rĩngĩ.
Jesu nĩatũriũkirie kuuma kũrĩ gĩkuũ. Ahonokirie mĩoyo yothe ĩrĩa yorĩte na ĩkaraihĩrĩria Ngai nĩ ũndũ wa maheni ma mũcukani. Jesu arenda gũcaria mĩoyo yothe ĩrĩa yũrĩte. Ngai arutaga wĩra na Jesu na ũhoro-ũrĩa-mwega wa maĩ, na thakame na Roho. Nĩatwĩtĩte na rĩu no tũkũũrũo na tũhonokio nĩwe.
Nĩwĩtĩkĩtie ũma ũyũ wa ũmenyo mũnene? Ndĩrakwĩra atĩ ũhonokio ti wa o thakame ya Jesu tu, no nĩ hamwe, ũbatithio wa Jesu na thakame Yake Mũtharaba-inĩ. Aria mougaga atĩ mahonoketio na thakame tu no mũhaka mamenye atĩ marĩ o na mehia ngoro-inĩ ciao.
Ithuothe tweciragia atĩ nĩ kũiganĩte ha ũhoro wa ũhonokio witũ gwĩtĩkia o thakame ya Jesu. Nĩguo tweciragia hĩndĩ ĩo, no rĩu twagĩrĩirũo nĩ kũmenya atĩ ti njiganu. Nĩ tũhonoketio na tũgaciarũo rĩngĩ na gwĩtĩkia Jesu Kristo, ũcio wokire na maĩ, na thakame, na Roho. 
Mũndũ o wothe mwĩhia no aciarũo rĩngĩ na wĩtĩkio wa ũbatithio wa Jesu na thakame ake (1 Johana 5:5-10). Rekei tũgoce Ngai. Halleluyah! 
LIST Download FREE eBook & AudioBook