- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-15] Nyi Endri Ole ria nyi akuka ni esu ni kesua tete nyi anda ni kpa (Yoana 8:31-36 ojo)
(Yoana 8:31-36 ojo)
“Yesu ojo Yudei ‘ba le`jo anidri a`ika rini, ‘Jo anyi le`jo madri ‘a ta ni mba, anyi loku loku ‘ba ma inile ri ‘i. Anyi le`jo anda ri ni ote, vua le`jo anda ri koba anyolu ‘ba kulala ri ‘i.’ ‘Ba di a`iki ani ojoki, ‘Ama ori Abaramu dri ‘i, amolu alusa opigo ‘bazi drii dru kuru. Ta nya ‘jojoadru, ‘Anyolu kulala ‘a ehwi ni a’du’?’ Yesu ojo ‘aini, ‘Majo anyini, loku loku, ma’di enzi idedi rii kolu opigo enzi dri ‘i. A`dusi opigo olu a’idri joti ga ku, ki ‘bara le kolu ‘aidri joti ga tadru. Disidru ‘jo Ngwaapi ohwe anyini drimgbo ra, lokudru anya dri kolu mgbo.”
“Yesu ojo Yudei ‘ba le`jo anidri a`ika rini, ‘Jo anyi le`jo madri ‘a ta ni mba, anyi loku loku ‘ba ma inile ri ‘i. Anyi le`jo anda ri ni ote, vua le`jo anda ri koba anyolu ‘ba kulala ri ‘i.’ ‘Ba di a`iki ani ojoki, ‘Ama ori Abaramu dri ‘i, amolu alusa opigo ‘bazi drii dru kuru. Ta nya ‘jojoadru, ‘Anyolu kulala ‘a ehwi ni a’du’?’ Yesu ojo ‘aini, ‘Majo anyini, loku loku, ma’di enzi idedi rii kolu opigo enzi dri ‘i. A`dusi opigo olu a’idri joti ga ku, ki ‘bara le kolu ‘aidri joti ga tadru. Disidru ‘jo Ngwaapi ohwe anyini drimgbo ra, lokudru anya dri kolu mgbo.”
Amani laku Endri Ole ri dri ri
esu ‘jo kole amide adu?
Kole ‘a ama ‘i ofu loso pelere ndro ofu
loso eyidri Endri tro rii ‘au vua
ama ko amolu a’i si.
Ini ta ungwele anda di ‘a ehwi ni ote ya? Yesu ojo, “Ma anda” (Yoana 14:6). Disidru Yesu ni nika ote ni anda nika ote. Jodiniri Endri Ole oludi nyi ‘a rii ka nyini anzo hwe nya ofu loso pelere ndro di ‘aika si ‘i ya?
Kolea nyini cuwidru Yesu ‘a batisimu loso go di bati ana ari radi kuruce dri ri tro ‘ai ta okpo rere mbadi amani ofu loso pelere ndro di ‘ai ‘jo vua igeni joadru ri ‘i.
‘Ba amgbu odu disi di ‘bati ka ovi ungwele ‘oti udi Endri si ni di ebu ‘au.’ “Kole ‘ba kotiru Endri si di. ‘Ba ‘ba unzaka uje si ri bati kolea kitiki ru Endri si di. Dini sa kolea kotiru Endri si di.” Kaki lejo ani ciri ciri di bati ani di ebu kendre ‘aini ‘ridu ‘jo ani.’ Amala, Oti Endri si ri ‘a ehwi ni lidu esule ru si ri ‘i ku. Rutika Endri si di ‘a ehwi ni laku Endri Ole ri dri ri esu ka vua ofu loso pelere ndro ofu loso eyidri Endri tro rii ‘aika ‘i.
Lejo ehwi ani anda dri badi ‘a ama ruti Endri si di rii ingo ri bati ‘i?
Kolea ‘ba kotiru Endri si di adu lejo si? Ta ‘ba ni dii ana ngasi ta ‘ate ‘di ku ri ‘i disidru kolea kesu ana ngasi laku Endri Ole ri dri rii kpa odriko wi’o ruti Endri si di kendre Rubanga ‘a Ngwaapi ni gba ri dri ani ‘i. Ama ndrea ‘ba Yesu ni ‘aika ra ki laku Endri Ole ri dri ri esu ka kuru rii amgbu. Nikodemu ni amba lase dri ndredi ewo suru Yudei dri ri ‘ia ri ‘i. Nikodemu ni, ta sire driaru Yoana ga ana joti nza 3 ni ga rii, ojo ani amba cara dri engadi ewo Yudei ‘ba dri iga ri ‘i odri anidri ana ngasi cara cidru Rubanga ‘a ehwele ri ‘a ta ni umbare ‘au. Ki tro sa, ka ebu ide ‘ba cidru ni ana amba dini dri ndre ‘jo ri iga, oni ta laku Endri Ole ri dri ri idri ku.
Amasa amani laku Endri Ole ri dri ri esu ‘jo, kole ama ‘i ofu loso pelere ndro ofu loso eyidri Endri tro dii ‘au vua kolea amako amolu ‘ai si. Ma’di ka laku Endri Ole ri dri ri esu wa ni kesu ‘a keya ka lejo ehwi anda dri ri ‘ai kpa dii anda ofu loso pelere ndro eyidri vua Endri dri ri ‘i.
Yesu ojo, “Ki ‘jo manze anyini ta vudri di ‘a rii ni sa anya ‘i ma ku, ki ‘jodiniri anyi ma ‘ai ingoni ‘jo manze anyini le`jo ta bu ‘a ri idri ri ‘i?” (John 3:12)
Ofu loso pelere ndro ofu loso eyidri Endri tro rii di ani. Ama Opi ni otiru vu di idri, esu batisimu Yoana dri ana kinyaa olure 30 rii, amvu kinya ina naivu oko odra kuruce dri, onzi dra ga si lidri di oko ayu ama enzi cidru dri ‘a ra. Engwi Aridipi dru ‘ba ‘aidru ‘aikaa Yesu esu batisimu Yoana dri vua oko onzi dra ga si di ri ‘bati dri ‘i. Ohwe lebe enzi dri rii laku Endri Ole ri dri ri tro ‘ba cidru ofu loso pelerendro di ‘aika ra ri ‘bati ni ra.
‘Ki ‘ba cidru enzi ‘a olure driso asiti ‘a ru ‘aa ri ‘bati isa kolea kesu ki lebe ‘aia enzi dri rii ‘aia batisimu Yesu dri rii ‘aika ana ari tro si. Ma’di ka aludisa ani ikonyi ana ngasi enzi idejo Rubanga andra ku ni kpe disidru kolea kesu lari ana Yesu ni ‘aika ani ni Aridipi dru si. Yesu oje enzi cidru vudri rii ofu loso pelere ndro ofu loso eyidri Endri drii tro di si. Disidru draa enzi ‘ba ka lebe ‘aia enzi dri ri esu ‘aia ta eri ka vua ‘ai ‘baka ofu loso pelere ndro ofu loso eyidri Endri tro di idri si. ‘Ba ‘ai ofu loso pelere ndro di ‘ai ka ra ri ‘bati esuki laku Endri Ole ri dri rii ra.
“Kendre Mose ‘a ini idele mula si ri ingaka dahwe si oru hwesihwesi ‘a ri ani, Ngwaapi ‘ba dri isa keya ka ringa alua ri ani” (Yoana 3:14). Ofu Oku ‘a, ‘jo ‘ba Isaraile dri ri ‘bati kide ki enzi ni, ini unzi ri ka ‘ai uga ni hwesihwesi ‘a si ‘i, vua kaki udra kaki ricandi sa daku, ‘aia lofo ga ‘ba amgbu olu lidri ni ‘aia ta ndreka ini bale oru ‘aini cara dru dahwe si ri si ‘i.
Alua ri ani, amasa esuki laku Endri Ole ri dri rii ra. Yesu ohwe Endri Ole rii tete ‘ba ‘aidru ofu loso pelere ri ‘aika ra ri bati ni. Sitani obi ama igoga le ra ‘ausini amani dru anda ofu loso eyidri Endri dri rii tro rii ku si ‘i vua igo ga ama saa ubi si ‘ausini amesu dru Endri anda dri rii ku si ‘i.
Ki, Rubanga oco tutu ama ru ga ra ana lebe hweka amani ama enzi ni dri ‘a si ‘i vua ana amani laku Endri Ole ri dri ri hweka ama geni baka ofu loso pelere ndro Yesu ‘a batisimu dri ri idri ana ari dri ri tro si ‘i.
Nyisa nyi laku Endri Ole ri dri ri esu ra ‘jo nya ‘i ofu loso pelere ndro dii ra ‘i. Nyai ofu loso pelere ndro dii Rubanga ‘a andra ga anda rii ‘au ni ra ya? Nyai nyi laku Endri Ole ri dri ri esu nya ofu loso, ce di ‘aika si ni ra ya?
Opi ojo amani kolea amani anda ama ayudi enzi cidru dri ‘a rii ote. “Anyi le`jo anda dri ri ni ote, vua le`jo anda dri ri koba anyi engwi ‘ba kulala ri ‘i” (Yoana 8:32). Ini anda ofu loso pelere ndro lari hwedi amani vua laku Endri Ole ri dri ri hwedi amani ri idri ta ote ya? ‘Jo nya ‘i ofu loso ani dii ni, nyi gbadru laku Endri Ole ridri ri esu ra.
Copyright © 2021 by The New Life Mission
