- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-16] Tati rubadi ‘ba Endri Ole ri esuka ra ri bati ni ri ‘i (Izaia 61:1-11 ojo)
(Izaia 61:1-11 ojo)
“Endri Opi dri esi madri, ‘ausi manze dru ofu loso rii ‘ba nya ri ni; Adusi eze ma drimgbo ife re icandile ri ‘bati ni ‘ba ti olile nyadru ri tro; vua ta Nzerea kinya Opi ‘a ‘ba anidri ri arijo ri ecare ni dri, asi egbwe hwere ‘ba owo ka ri ‘bati ni, vua asi limba hwere ‘ba owoka be Zioni dri ri ‘bati ni, anzo hwere ‘aini ta ako ‘aidri ri ‘ia, adu loso rere ri hwere ‘aini ‘aia owo si, bongu lecu dri ri hwere ‘aini endri anzi ri si; ‘ausidru kaki rungwe hwe ehwi anda dri ‘i, hwe ehwi Opi ‘a sale ni ri ‘i, dii hwe ana sale eku eji’jo ana ru ni ri ‘i. ‘Ausi ‘ba di ka kare ati nyo ka ra ri ‘bati isa bi ra, kaki kare ati rivoloka ra ri bati inga oru, vua kaki ganyi oja ‘a usile vuru ri si di, dii oja suru amgbu ‘a dile ni ri ‘i. Anyiba juru ana lofo ga ri ‘bati le komba lolu kondre ki anya bilo ti ‘a dri ni, vua ‘boronzi juru ‘a utile anya lofo ga ni ri ‘bati kolea kondreki moni anyi dri ta uso ka ri bati ‘a dri ni anya abalabanga tro ‘au. Adi anyi ungwe paderea Opi dri ‘i, ki ‘aile kaki anyi ungwe tiluza ama Rubanga dri ‘i. Anyi limi kafiri dri ri ‘bati nya anyi ‘i, vua eku ‘aidri rii anya lecuma ‘i. Drinza anyidri retu ri idri si sa anyi laru retu ri esu ‘au, ki tee kolu driluci tro sa kaki ranzo tga angwa ‘aidri gaadru ri si retu. Disidru amvu angwa ‘aidri gaadru ri iga sa kaki ta esu nza; anzo olure tadru ri kolu tesa ‘aini ‘aa. Ki male, ma Opi ‘i, ma le vua ma anda; Ale molombe azi igwele igwe ri si rii ku; Adusi ale madu ‘aia ebu ‘a dri ni anda si, vua mako ma ‘ai tro cara olu’di tadru ri ba ‘au.
Suru ‘aidri rii adi ni ‘a suru kafiri dri ri ‘i lofo cuwidru, vua ‘aia ‘boronzi isa adi evu adi ni ‘a suru cidru ‘baa utile rii lofo cuwidru. ‘Ba cidru ‘ai ndre ka ri ‘bati kaki laru hwe ‘aini ra, kaki ni ‘a laki dii ‘ba Opi ‘a tutu core ruaru ra rii ni cuwidru. Nainga ma ranzo Opi si retu, ma endri kolu anzo si ma Rubanga si; adusi usu ma bongu ana lari dri ri si ra, ‘oi ma bongu anda dri ri si, ondi kendre izidipi ‘a remuka laki tro ana arusu ‘a odu ni nga ri ani, vua kendre ondi izi arusu dru ri ‘a ani ‘oi ka gweli loso ri si odu arusu dri nainga ri ani. Ondi kendre ta cidru vudri di ‘a ri ‘a uzo ka ri ani, kendre amvu ‘a bakaa ta sale ani ‘a ra ri ‘a zo ka ri ani, Opi isa ka anda lecu tro baa kefu laki cidru vu ndutu dri ri ‘bati ‘a lofo ga ra.”
“Endri Opi dri esi madri, ‘ausi manze dru ofu loso rii ‘ba nya ri ni; Adusi eze ma drimgbo ife re icandile ri ‘bati ni ‘ba ti olile nyadru ri tro; vua ta Nzerea kinya Opi ‘a ‘ba anidri ri arijo ri ecare ni dri, asi egbwe hwere ‘ba owo ka ri ‘bati ni, vua asi limba hwere ‘ba owoka be Zioni dri ri ‘bati ni, anzo hwere ‘aini ta ako ‘aidri ri ‘ia, adu loso rere ri hwere ‘aini ‘aia owo si, bongu lecu dri ri hwere ‘aini endri anzi ri si; ‘ausidru kaki rungwe hwe ehwi anda dri ‘i, hwe ehwi Opi ‘a sale ni ri ‘i, dii hwe ana sale eku eji’jo ana ru ni ri ‘i. ‘Ausi ‘ba di ka kare ati nyo ka ra ri ‘bati isa bi ra, kaki kare ati rivoloka ra ri bati inga oru, vua kaki ganyi oja ‘a usile vuru ri si di, dii oja suru amgbu ‘a dile ni ri ‘i. Anyiba juru ana lofo ga ri ‘bati le komba lolu kondre ki anya bilo ti ‘a dri ni, vua ‘boronzi juru ‘a utile anya lofo ga ni ri ‘bati kolea kondreki moni anyi dri ta uso ka ri bati ‘a dri ni anya abalabanga tro ‘au. Adi anyi ungwe paderea Opi dri ‘i, ki ‘aile kaki anyi ungwe tiluza ama Rubanga dri ‘i. Anyi limi kafiri dri ri ‘bati nya anyi ‘i, vua eku ‘aidri rii anya lecuma ‘i. Drinza anyidri retu ri idri si sa anyi laru retu ri esu ‘au, ki tee kolu driluci tro sa kaki ranzo tga angwa ‘aidri gaadru ri si retu. Disidru amvu angwa ‘aidri gaadru ri iga sa kaki ta esu nza; anzo olure tadru ri kolu tesa ‘aini ‘aa. Ki male, ma Opi ‘i, ma le vua ma anda; Ale molombe azi igwele igwe ri si rii ku; Adusi ale madu ‘aia ebu ‘a dri ni anda si, vua mako ma ‘ai tro cara olu’di tadru ri ba ‘au.
Suru ‘aidri rii adi ni ‘a suru kafiri dri ri ‘i lofo cuwidru, vua ‘aia ‘boronzi isa adi evu adi ni ‘a suru cidru ‘baa utile rii lofo cuwidru. ‘Ba cidru ‘ai ndre ka ri ‘bati kaki laru hwe ‘aini ra, kaki ni ‘a laki dii ‘ba Opi ‘a tutu core ruaru ra rii ni cuwidru. Nainga ma ranzo Opi si retu, ma endri kolu anzo si ma Rubanga si; adusi usu ma bongu ana lari dri ri si ra, ‘oi ma bongu anda dri ri si, ondi kendre izidipi ‘a remuka laki tro ana arusu ‘a odu ni nga ri ani, vua kendre ondi izi arusu dru ri ‘a ani ‘oi ka gweli loso ri si odu arusu dri nainga ri ani. Ondi kendre ta cidru vudri di ‘a ri ‘a uzo ka ri ani, kendre amvu ‘a bakaa ta sale ani ‘a ra ri ‘a zo ka ri ani, Opi isa ka anda lecu tro baa kefu laki cidru vu ndutu dri ri ‘bati ‘a lofo ga ra.”
‘Ba ‘ai dru Endri Ole ri esu ka ra
ri ‘bati ‘a ebu ni ingo ‘i?
‘Aia ebu ni ofu loso eyidri Endri drii tro
nzeka ‘ba cidru vu ndutu
dri ri ni ‘i.
Ma’di Endri Ole ri esu di ra ri ka aduta ide? Kolea konze ofu loso eyidri rii Endri dri ri tro ‘ba cidru ni. Rubanga ohwe ofu loso pelere ndro rutijo di eyisi vua Endri si dii ‘ba ‘aidru laku Endri Ole ri dri ri esuka ra ri ‘bati ni. ‘Ba lebe ‘aia enzi dri esu ka Rubanga ‘a andra ga ra ri ‘bati esu Endri Ole rii ni. Jodiniri nyitiri Rubanga ohwe Endri Ole rii ‘aini dride dru adu lejo si?
Dii ete’dejoadru ‘aini draa tati ni ase’jo ani eco ‘ai ana ‘boronzi tii dru ra ‘i, Ohwe ‘aini dride dru Endri Ole rii ‘au. Vua sa tro ole ani kikonyi ‘ai ‘aini Sitani ‘a mi ni nde’jo.
Oba ‘ba ‘aidru lebe ‘aia enzi dri esu ka ra ri ‘bati ‘ba laku Endri Ole ri dri ri esu ka ra ri ‘bati tro kaki ta ledi bati ide ‘au:
Oba kaki ofu loso drimgbo dri ri ife ‘ba nya ri ni
Ofu loso ‘ba nya ri ni rii ingo ri ‘i? Dii ofu loso eyidri Endri tro ri ‘i. Rubanga ohwe cara ‘ba ‘aidru laku Endri Ole ri dri ri esu ka ra ri ‘bati ni ofu loso pelere ndro dii nze’jo ‘ba nya ri ni. ‘Ba Endri Ole ri esu ka ra ri bati, oniki ote ‘ai kovu bu ‘a ra, disidru ta vudri di ‘a ri oca ‘aini olu’jo ‘ausi ni ku.
Rubanga ohwe ofu loso eyidri Endri tro dii ‘ba nya ri ni vua oko ebe ‘aia enzi ti isa cidru ra. Oko ohwe ‘aini laku Endri Ole ri dri ri isa ra vua oba ‘ai vu olu’di tadru ri iga. Rubanga ohwe cara ‘ba anda ri ‘bati ofu loso eyidri Endri tro rii nze ‘jo ‘ba nya ri ‘bati ni. Vua trosa ohwe ‘aini cara ‘ai Yesu ni dri vua Rubanga ni dri ri ‘a ofu ni ica’jo nzejoadru ‘ba ziti ri ni. Ra Rubanga ‘a Endri Ole ri hwe’jo amani rii ‘ausini amanzedru ofu loso pelere ndro dii andeka ako ‘ba nya ri ni vu ndutu dri si.
Eze ama li’ja hwere ‘ba ‘aia asiti onyo mgbu ri ‘bati ni
Opi ka li’ja hwe ama uje ni ingo ni? Ka asi nyodi mgbu ri i’ja ofu loso eyidri Endri tro ri si. ‘Ba asi ‘aidri onyo mgbu rii ekpadru. Disidru ‘aini, lidri ni konyi ako, adusi ‘aia anda ‘aingasi rii ate ku. Lidri ‘aidri rii rumuka tro vua asi laza retu tro adusi enzi ‘aidri risi. Disidru, esuki asi laza dri luci tro ati ati ‘aia ra ‘i ka ku lidri ri si dasa ku. ‘Ba alu alu ole ‘ai kolu kiza retu ri tro ‘ai konya limi ‘aia ru si vua endri si, ki ani ledi ideru adu rere kendre ‘baa lunzu esuka ‘aia limi vu di ‘a dri ga ri si ri ani ‘i.
Alua ri ani, ‘ba dria dini sa enzi ‘a olure asiti ‘a ru ‘aa ri ‘bati karuni unzu ‘ai ‘aia anda ni ga ra, ki tati ‘a asere ga, kaki vu aci olure tadru ri ‘ia aia enzi si ‘i. Ledii ra Opi ni, kizaa kojoadru asi nyoka mgbu ri si ri ‘i, ohwe amani cara ofu loso ri nze’jo aini . Jodiniri Rubanga ka ‘aini li’ja hwe lejo ehwi ingo ni ri si? Ka di ide ana ofu loso eyidri Endri tro ri si. I’ja asiti nyoka mgbu ri ‘bati ra vua sa tro ohwe ‘aini lidri olure tadru rii ra.
Ife drimgbo ‘ba enzi ‘a umbele ci ri ‘bati ni ra
Ife drimgbo ‘ba okole ci ri ‘bati ni ra. Di ‘a ehwi ni adu?Di ‘a ehwi ni Rubanga ayu endri cidru ‘ba dri rii enzi cidru vu di idri ri ‘a dri ga ra. Ohwe ebu dii tete ‘ba ‘aidru Endri Ole ri esu ka ra ri ‘bati ni, ‘ausini kaki layu hwe ‘ba ziti ri ni sa ‘aia enzi ni ‘a si wa.
Ta ‘ba ni dii ru tro vua endri tro. Ki ana ru ti ana endri tro kaki olu lidri, adusi cara alu dri enzi dri rii cara dri ri tro umbe ‘ai ci. Oba kaki tazi ide kpe ra rii kaki olu opigo enzi dri ‘i, laka aludisa di igeni ki Rubanga ra ya kusa di kuru ya ni iyo. Adusi uti ‘ai enzi tro, disidru kaki ‘ai ikonyi ‘aia ngasi kpe ra rii kaki aci andraga enzi ide ka tro ‘i. Ledi si dru, ebe ta ‘ba ni dii olule opigo enzi drii dru ana lidri ‘a ‘a ni ru. Kolu lidri ovi di si vua tati ‘a asere ga adiko adi ani ze kare riza’jo ri iga.
Ledii ra ana olu’jo lidri unzi ana imbale ana ngasi kpe ri ‘ia ana ani ama ‘jo mgbe ana-ngasi sa kpe ana olu’jo aw’i ako tro vua ani eco’di olu’jo draa ovi di ‘ia ri ‘i. Rubanga eze Endri Ole rii ‘ba ‘ai ikonyi ka ‘aia ngasi enzi ide’jo ku ni kpe ri ‘bati dri ‘ai dii ‘ba tazi sa ide ka kpe dri ba ka drare ga ri ‘bati ‘i, disi kolea onze ki ofu loso pelere ndro dii ‘aini ‘ausini emukiru enzi tro alu ku, vua ‘ausini ka dru drimgbo hwe ‘ba enzi ‘a umbele ci ri ‘bati ni ra.
Ka asi egwe hwe ‘ba owo’ka ri ‘bati ni
Rubanga ka ‘ba owoka ri ‘bati ni aduta hwe? Ka ‘aini ofu loso enzi cidru ‘a rebe’jo ri hwe ‘au, Rubanga ka ‘ba cidru vudri di ‘a owoka ri ‘bati ‘a asiti ni igbwe. Eze Yesu Kristo ni vu di idri enzi ‘ba cidru dri ri ebere. Vua eze ani ‘ausini enzi ‘bacidru dri vudri di ‘a rii kobaru dru ruaru si, Oba esu batisimu Yoana dri oko oba odra kuruce dri si. Ledii ta Rubanga ‘a ama eco’jo ole ama enzi ni ‘a ri ‘i. Ledii ta Rubanga ‘a amani lari hwe’jo enzi cidru vudri ri iga ri ‘i.
Ama Opi ka asi limba hwe ‘ba ‘aidru owoka ri ‘bati ni ana ‘aini ta driba nzeka ofu loso pelere ndro ofu loso eyidri Endri dri tro disi. Ana di ide ka si, Oco tutu ‘ba ricandi ka ‘aia ‘ai ‘a ca ka ku si ri ‘bati ‘a ru ga ra. Onze tete ‘ba Endri Ole rii ‘ai iru ‘aa rii ‘aini ofu loso pelere ndro dii nze’jo ‘au, li’ja hwere asi nyoka mgbu ri ‘bati ni vua layu hwere ‘ba enzi ‘a umbele ci ri ‘bati ni.
Ra ama olu’jo vu di ‘a dri ga rii ‘ausini ama Opi kebedru amani ta cidru unzi ama idele rii ra ‘i vua ‘ausini amanze dru ofu loso pelere ndro dii ‘ba enzi ‘a umbele vu dri di ‘a ci ri ‘bati ni vua ama hwe dru ‘aini asi limba ‘aini layu esu’jo ‘aia enzi ni dri ‘a ‘i si. Rubanga kojoa amani tee ama oluka vudri di ‘a ni kolu aliadru sa, konyi ani iyo rere ku. Rubanga uba tati enzi ebe’jo rii tutu retu rii tro ‘ba cidru ni ni ani ta loku loku ce ri ‘i.
Ama Opi oko ohwe dride eku dri rii ‘ba owo ka ri ‘bati ni sa ra. Di ‘a ehwi ni enzi ‘ba lebe ‘aia enzi dri ri esu ka ri ‘bati kaki ranzo batisimu Yesu dri ri si vua ‘ausi kaki to Opi Bu dri ri iga ra.
‘Jo ma’di alu alu esu lebe ana enzi dri rii ra, ma’di ani di ani di ka lovu esu ana uje ni ‘a ra vua ka tutu retu ri isa esu ra. Ama Rubanga usu ama ana eku si. Ohwe enzi ‘ba ni ofu loso eyidri Endri tro rii vua ‘ba ‘ai kaa ra ri ‘bati oba engwi ki ana ‘boronzi ti ‘i. ‘Ba ‘aidru ofu loso pelere ndro di ‘ai ka ra ri ‘bati oba engwi ki kaki anzo itiri ‘aia asiti ga asi laza kare ga ‘au.
Kendre ondiku ma’di alu alu ‘a rutika vua ‘aia dra ka owo si ri ani, anzo ni ka re ra wa, adusi ‘aia uje ni tesa oga kiza si. Amala, Rubanga esu ‘ai oko oba otikiru di urata anda ri si vua oba kaki olu anda ‘a. Alua ri ani, ‘ba ‘aidru tile Endri si di ‘aia ofu loso pelere ndro di ‘ai ka si rii kaki olu lidri udi ri si vua ebu ‘aia idele ri isa engwi udi rere. Inzajoadru, kaki ta Rubanga ‘a lele kide ki ri ide wa, vua ani ledii ofu loso eyidri Endri tro rii nzeka enzi ‘ba cidru vudri ri ni ‘i, oluka kiza ‘aia asiti ga ri dro ka pi ‘i vua ‘bakaa ‘aini oluka asi ti ingwe bue ri si vua tro sa anzo si ‘i.
‘Ba ‘aidru lebe ‘aia enzi dri ri esu ka ra ri ‘bati ka eku hwe Rubanga ni. Ojo ‘ba anda ri ‘bati ni kolea konzeki ofu loso pelere ndro dii ‘au. Ojo ‘aini konzeki di ani adi ‘i ya ni ‘au, ofu loso ana hwele amani dii ingo ri ‘i ya ‘i, vua di eku Opi Bu dri dri ana hwele amani rii ingopi ya ‘i. Ama eku Rubanga dri ri ndre ‘ba ana ‘aia enzi ni ebere ra ri iru wa. ‘Ba andrani ati ati owoka Endri Ole ri ‘a ‘ai aku ka kuru si ri ‘bati dria kaki olu anzo si, ‘ba andrani enzi ‘a umbele ci ri ‘bati ka draa ‘ai itiri drimgbo ‘a, vua ‘ba andrani oluka lidri konyi ako ri si ri ‘bati kaki olu dria lidri anda ri si. ‘Ai dii kpodru ka Rubanga ‘a eku ni ete. Rubanga ojo ta ‘ba anda ri ‘bati ‘a dri ga ojo ‘ai dii ‘ba evuka ganyi andrani ati ati rivoloka ra ri ‘bati si ka ziniga di ri ‘bati ‘i.
Amala, ofu loso pelere ndro ofu loso eyidri Endri tro dii ofu loso aninga maju saa nzele saa eze ekelezia bero na dri si ri ‘i. Yesu ni eze vudri di ‘a ate dria ire kinya elifu eri ni ra. Ofu loso pelerendro ofu loso eyidri Endri trod ii onzeru vudri di ‘a paka kinya 300 AD Yesu ‘a dra ni vu ri si. Ofu loso ‘ba anda ri ‘a nzele odu disi ri isa ofu alua Endri Ole ri dri ri ‘i, oviru ondi kendre andrani majua nzele saa eze nasi na tro vi. Amala, odu andrani ati eze 4th joadru amba Roma ni ase’di na dri ri si, Roma ‘ba oce ‘ai koba dini Kristo ‘ba dri di kengwi dini vu ‘ai dri na dri rii di, vua oko ohweki drimgbo dini di dri rii ‘ba ‘aidri ri ni di, ofu loso Yesu ‘a batisimu dri rii mgbe ogaki mgbe obaki oya kegwe sa egwe. Ki ideru ta di ivu, Kristo ‘ba ni kendre dini bale ba ri ani engwi ta ilonyi ‘jo ri ‘i oko omu andra ga, oga tete mgbe rii ‘ba ofu loso ce ri nze ka rii ‘au.
A’i ‘ba ofu loso ce ri igeni ka ra vua sa tro inikaa Kristo ‘ba ziti ni ra ri bati dri ri ecoru ofu loso ce ri iru ingo ni? Dini Kristo ‘ba dri ri oce ani kengwi dini vu amba Roma ni ase’di ri dri ‘i di, lejo gale Kristo ‘ba ni mgbe rii ‘oe ekpadru vua idoki dini Kristo ‘ba dri di idele kendre ondiku Roma ‘baa lekaa ri ani kendre ondiku laki Roma dri ri ‘a ide kaa ri ani. Oko oba draa Kristo ‘ba ka suru enga ka laki Roma dri ri ‘i lofo ri du wa, vua trosa kaki to lase amba vu Roma ni ase’di ri dri ri iga wa. Amala ta di ‘a rubaka dini si, ‘ba dia ‘ai enga’jo Yesu ‘a onzika ni ga ri engwi gba dini nya di ‘i. Disidru rijo saa nasi dru, ofu loso pelerendro ofu loso eyidri Endri tro dii egwe ‘di, naivu mgbe dini nya nya Kristo ‘ba lofo ri ido efu ka.
Ki Rubanga ohwe ama Kristo ‘ba odu disi di ‘bati ni ojo kolea onzeki ofu loso pelere ndro ofu loso eyidri Endri tro nzele kuru para dii ana engwi ka tro sa ‘au, vua ledii ta ana enzi ‘ba cidru vudri ri ari’jo ‘aia enzi ni ‘a si ri ‘i. Ana ra si dru ka ofu loso pelere ndro ofu loso eyidri vua Endri dri andrani maju saa nzele ra saa andrani ‘aidri oku nasi na nze ra. Ofu loso pelere ndro andrani maju ‘a nzele rii ofu loso Yesu ‘a batisimu dri rii ana ari kuruce dri ri tro ri ‘i.
Ka ama ungwe ‘ba ganyi nyoka ra ri usika ri ‘i. oba ani vua ama ‘i ofu loso eyidri rii Endri dri ri tro ra, oko eco ama ‘ba ana abalabanga ‘a dri ndre ka vua ‘a ani upi ka ri ‘i.
Rubanga ohwe amani ebu alua ana hwele andrani maju ni rii ‘au. Oba nyi ‘i vua ma ‘i adi ofu loso tema anda anda ofu loso eyidri vua Endri dri tro ri nze ‘au. “Endri OPI RUBANGA dri esi madri, adusi OPI upe ma ofu loso rii nzele ‘ba nya ri ni.” Rubanga oba ‘ba ‘aidru Endri Ole ri esuka ra ri ‘bati kaki ofu loso rii nze Endri Ole rii hwe’jo ama ziti ri ni.
Rubanga usu ama ofu si, odu rumuka ama ru ga rii pi, oko osu ama ru ga bongu lecu dri ‘i vua oba ana eku ni ama ‘a. ‘Ba Endri Ole rii ‘aia asiti ga ‘aa ri ‘bati kaki ‘oa ofu loso pelere ndro di dri rii sa ‘au ‘ba ziti ri ni ‘aisa Endri Ole ri esu ‘jo ‘i. Vua ‘aisa kaki ofu loso ama Opi ‘a hwele ri ‘ai ra, kaki ko kaki lebe ‘aia enzi dri ri esu ra, vua kaki ko kaki Endri Ole ri esu ra.
Oba amengwi Rubanga ‘a ebu ‘ba ‘i. Ru anye tro kpodru si esu ki eku tutu tro Opi Bu dri ri dri rii ra. Amala, Rubanga oba ‘ba ‘aidru Endri Ole ri esu ka kuru ri ‘bati engwi ki mi ako ‘ausini koni ki dru ta ku, kondre ki dru ta ku, vua sa tro keri ki dru ofu loso pelerendro di ‘a ehwi ni ku. Ki kaki ‘baa ‘baziti ni le Yesu ‘a ehwi ni erijo wa tesa kaki baa ‘ba ka Yesu ni ‘ai wa, ki kaki baa ‘ba di kesu Endri Ole rii ni kpe.
Adusi Rubanga ka ta ani ledi ‘bati ide ru ‘ba Endri Ole ri esu ka ra ri ‘bati dri si. Oba kaki ofu loso pelere ndro di nze ‘ba nya ri ‘bati ni oba kaki li’ja hwe asiti nyoka mgbu ri ‘bati ni ‘aia ofu loso eyidri rii ebu ka Endri dri ri tro ‘au si. Vua trosa eji ‘ba enzi ‘a kole opigo dru ri ‘bati drimgbo loku go lari dri ri iga vua ingwi ‘ba owoka ri ‘bati isa ‘a asiti ni ofu loso pelere ndro ofu loso eyidri Endri tro di si. Ayu ‘ba enzi ‘a umbele ci ‘aia aw’i ako ru dri si ri ‘bati kulala, emu ‘ai alu anzo retu ri si vua geni retu ri si naivu ondriko wio tu bu ‘a ‘i.
Ta di ide ka si, Endri Ole oludi ama asiti ga ri oba ama ofu loso eyidri Endri tro rii nze ‘ba cidru ni. Yesu Kristo ojo ‘ba lebe enzi dri ri esuka ra vua laku Endri Ole ri dri ri esu ka ra ri ‘bati kole kari ki ‘baziti oluka driso enzi ‘a rii. Opi oba ‘ba ‘aidru laku Endri Ole ri dri ri esu ka ra ri ‘bati olule amba ta ana ti ubale ana lele ani kide ri dri ‘i. Eco ‘ba anda ri ‘bati cidru kaki ana ebu ni ide ‘au. Ama ana ebu ‘ba ti ‘i, ama kendre ebu ‘ba upele ana abalabanga ni ‘a ri ani, ama ekelezia Rubanga dri ‘i. Ama Ana tiluza ti ‘i. Rubanga ohwe amani tutu ‘au’jo dii ni.
Andre ama ru ni di mgbesa amera ama aw’i ako ni ra, ki amala Rubanga ‘a ebu ide ka amani si, amigeni ani ‘au ako amengwi ana tiluza ti ‘ai si ri ‘i. Amigeni Rubanga ka ta retu ri ide ana ebu ni kujo vudri di ‘a amgbu di koba ana ebu kaca emi emi ana ama ebu ka ‘au si ‘i.
Rubanga ole ani kosi ziniga di ofu loso pelere ndro andrani nyo’di mgbu ganyi ziti ri ‘ia si rii di. Ojo ani ka ta andarni rivoloka ra ri bati ingwi anda di, vua ganyi rivoloka ra ri isa ani kobaa kengwi anda di. Disidru mitiri ofu loso ce dii ziniga di konzi lidri vu ndutu dru dri ‘i!
Ki ani dii ma le ‘i ku. Migeni ra rii amala Rubanga ‘a jokaa ka ride ledi ani ra si. Ama Opi oba ‘ba ‘aidru laku Endri Ole ri dri ri esuka ra ri ‘bati kaki ofu loso pelere ndro dii nze vu ndutu dri. Eze ana ngwaapi ni vu di idri oko iko lejo ofu loso ce ri dri rii ni, vua migeni ka ta cidru ana lele ani kide ri ide ru ama cidru Endri Ole ri esu ‘ka ra ri ‘bati dri ri si di. ‘Ba cidru ofu loso pelere ndro di igeni ka ra ri ‘bati kaki eku Rubanga dri ri ndre ra. Alleluya!
Copyright © 2021 by The New Life Mission
