- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-17] Kole ‘a dubasi badri a’i kolu a’a vua igeni ki Endri Ole ri ni (Roma 8:16-25 ojo)
(Roma 8:16-25 ojo)
“Endri Rubanga dri emuru ama endri tro ite’dejoadru ama ‘boronzi Rubanga dri ‘i, ama oluka ‘boronzi anidri ‘i si, amevu ama dride — ani ‘a icarale amule Kristo ti tro ri rii esu ra, jo adi ricandi Kristo ti tro ri, adi evu adi ana eku ni esu ra. Ara icandi ama esule odu disi rii ka robi eku eyadi ritede di ama ni ri tro kpe. Ta bile vudri rii cidru kaki ‘boronzi Rubanga dri ‘a ritede ka ni ute asi cidru si. Ta bile rii obaru engwi konyi ako ni ana le ka si ku, ki Rubanga ole kideru di ani ni ni, ki rusa igeni ‘aa rii di ‘i; odu zi si ta bile bi rii kevu karonze opigo mwa’jo wa ri iga pi kaki evu kaki drimgbo eku tro ‘boronzi Rubanga dri ri dri esu ra. Adusi oni ote o’du di si ta bile bi rii kowo ru lo’u si kendre owo ka oti laza si ri ani. Te ta bile bi rii a’dite ku, ki amasa ama Rubanga ‘a Endri hwere ruaru ati hwedru rii, amasa adi evu adi owo Rubanga ‘a ama ecoka ana ‘boronzi ‘i vua ana ama aika si ra. Ariru igeni si; ki jo kesu ondre ta igeni le rii ote igeni ni konyi ako. Ta nile ote rii igeni ‘a ingo ni? Ki jo igeni ta ndrele ku ri ‘i, kole ote luzu ako.”
“Endri Rubanga dri emuru ama endri tro ite’dejoadru ama ‘boronzi Rubanga dri ‘i, ama oluka ‘boronzi anidri ‘i si, amevu ama dride — ani ‘a icarale amule Kristo ti tro ri rii esu ra, jo adi ricandi Kristo ti tro ri, adi evu adi ana eku ni esu ra. Ara icandi ama esule odu disi rii ka robi eku eyadi ritede di ama ni ri tro kpe. Ta bile vudri rii cidru kaki ‘boronzi Rubanga dri ‘a ritede ka ni ute asi cidru si. Ta bile rii obaru engwi konyi ako ni ana le ka si ku, ki Rubanga ole kideru di ani ni ni, ki rusa igeni ‘aa rii di ‘i; odu zi si ta bile bi rii kevu karonze opigo mwa’jo wa ri iga pi kaki evu kaki drimgbo eku tro ‘boronzi Rubanga dri ri dri esu ra. Adusi oni ote o’du di si ta bile bi rii kowo ru lo’u si kendre owo ka oti laza si ri ani. Te ta bile bi rii a’dite ku, ki amasa ama Rubanga ‘a Endri hwere ruaru ati hwedru rii, amasa adi evu adi owo Rubanga ‘a ama ecoka ana ‘boronzi ‘i vua ana ama aika si ra. Ariru igeni si; ki jo kesu ondre ta igeni le rii ote igeni ni konyi ako. Ta nile ote rii igeni ‘a ingo ni? Ki jo igeni ta ndrele ku ri ‘i, kole ote luzu ako.”
‘Ba anda ri ‘bati kaki igeni ba
Endri Ole ri ‘a dri ga ingo ni?
Adusiku ama ‘ba tile Endri si di ri ‘bati le kaki to
bu udi ri ‘ia vu udi ri tro ra tee jo ‘ba tile Endri
si di kuru ri ‘bati kudra ki odu vu
di ‘a ede’jo ri inga ‘i sa ‘i.
Endri Ole ri ‘a dri ga ingo ni?
Adusiku ama ‘ba tile Endri si di ri ‘bati le kaki to
bu udi ri ‘ia vu udi ri tro ra tee jo ‘ba tile Endri
si di kuru ri ‘bati kudra ki odu vu
di ‘a ede’jo ri inga ‘i sa ‘i.
Dii draa saa urata ako ri ‘i
Draa dini odu disi ‘ba ni ta urale vudri di ‘a ‘aa ‘a? Iyo, hwa alusa iyo. Ideru te Yesu si. Dii draa saa anda dri ‘i vua sa tro saa ta ra ‘jo ku ri ‘i. Ta cidru ka reco odu cidru si vua kareco emi emi, vua ‘ba kolea ‘ai koma okposi ta idele ta cidru recodi emi emi di ‘ia ‘i. Hwa alusa ondruki anda Endri dri rii ‘au ku vua sa tro ondruki anzo Endri dri rii ‘au ku. Ra rii kaki bia asi cidru si ‘ai koma dru ta vudri di ‘a kpe ni ku vua sa tro kaki olu opigo vu di dri ri ‘i.
Ebu udi ri kefu mgbesa ebu oku ri ni dra jo. Alua ri ani, ‘ba isa kaki vu andra andra leco retu ri tro. Disidru tesa kaki ande palanda vua ‘aia olu isa ta ‘aujo ri ‘i. Di ani di oba, ta ‘aia urale vu di ‘a dri ga rii tesa konyi ani iyo. Ta ani di ‘a ra alujoadru rii amala lidri ‘aia olujo rii aludisa laka leci badia kaki ta ra dru ta andraga ri idri wa rii iyo. Anyindre dri adi ki olu vu ani ovi ledi ani ledi idri ledi.
Ebu udi ri kefu mgbesa ebu oku ri ni dra jo. Alua ri ani, ‘ba isa kaki vu andra andra leco retu ri tro. Disidru tesa kaki ande palanda vua ‘aia olu isa ta ‘aujo ri ‘i. Di ani di oba, ta ‘aia urale vu di ‘a dri ga rii tesa konyi ani iyo. Ta ani di ‘a ra alujoadru rii amala lidri ‘aia olujo rii aludisa laka leci badia kaki ta ra dru ta andraga ri idri wa rii iyo. Anyindre dri adi ki olu vu ani ovi ledi ani ledi idri ledi.
Kole ‘a dubasi oraki ta lidri olure tadru ri idri okpo Endri Ole ri dri si
Ama gba geni loku go ri esu ingo ni? Ama esu ama geni baka ofu loso eyidri Endri tro ri idri si. Geni ‘ba ‘aidru laku Endri Ole ri dri ri esuka ra ri ‘bati dri rii geni vu di idri rii ku, ki ani geni engadi bu ‘a ri ‘i. Majugo Paulo onze ta driba geni anda asi bajo wa bu ‘a ri idri ra. ‘Ba ‘aidru laku Endri Ole ri dri ri esu ka ra ri bati tesa kaki ta ra ta bu ‘a ri idri. Ama di ide rii adusiku amigeni Yesu Kristo emu vudri di ‘a ama enzi ni du re oko ohwe lari enzi ‘ba cidru ni ana batisimu esule Yoana dri ri si vua ana ari kuruce dri ri si. Rubanga ohwe tete urata bu dri rii ‘ba ‘aidru ofu loso ta nze’di lebe ‘aia enzi dri ri idri ri ‘ai ka ra ri ‘bati ni.
Roma 8:19-21 ojo, “Ta bile vudri rii cidru kaki ‘boronzi Rubanga dri ‘a ritede ka ni ute asi cidru si. Ta bile rii obaru engwi konyi ako ni ana le ka si ku, ki Rubanga ole kideru di ani ni ni, ki rusa igeni ‘aa rii di ‘i; odu zi si ta bile bi rii kevu karonze opigo mwa’jo wa ri iga pi kaki evu kaki drimgbo eku tro ‘boronzi Rubanga dri ri dri esu ra.’’ Ta cidru bile bi rii oleki ‘ai kesu layu lumbe ogu dri vua dra dri vu di ‘a dri ga ri ‘a dri ga ‘i.
Ta cidru vu di ‘a dri ga rii ce ku, disidru kaki uzu ‘aia lofo ga kaki ngwaapi Rubanga dri ri ‘a ruetede ka ni ute. Inzajoadru, oleki ‘ai kesu layu lumbe ogu dri di ‘a dri ga ra vua oleki ‘ai kesu lidri olu’jo anda si tadru rii ‘au. Ta cidru bile bi rii kaki odu ‘aia egwejo ku ‘aia mwajo sa ku ki ‘aia olujo lidri ‘bo’bo dru rii ute.
Odu zi alu si ta cidru Rubanga ‘a bile rii ka lidri recodi udi rii esu ra. Ki tee ‘jo ofu ko’wi vua kivoloru vu di’a dri ga ‘i sa, odu tati ‘a asejo nasi ofu di keya kengwi lidri di vua kolu ru dru vu ti ‘a asere ‘jo ri inga ‘i. Ama ‘ba laku Endri Ole ri dri ri esuka ra ri ‘bati le adiki vu udi di isa ndre ra.
Yesu Kristo ojo ani kengwi vudri di ‘a di, ani kemu ‘ba laku Endri Ole ri dri ri esuka ra ri bati ingare oru, ojo ani kemu ka ru mwadi kpe ri ‘bati hwe ‘aini ru dra di kpe ri tro dere,
vua ojo ani kemu ka ‘aini lidri olure tadru ri isa hwe ra. Vua ojo ‘aini ta ti ubaru ‘aini ra kaki evu kaki olu bu ‘a kare alu ga Rubanga tro ru dru. Ta cidru bile vudri di ‘a ri ‘bati kaki odu ta ledi ‘a ride’jo rii ute. Adusi kaki olu ametro sa ‘bo’bo dru, ‘jo odu na keca ni kaki evu kaki rungwe ‘boronzi Rubanga dri ‘i.
Vu di ka rundre wa rii ana urata si
Orobi dii kengwi ce ni ingoni ‘ba anda ri ‘bati ni ‘i? Kengwi ce ni kesua ama Opi kengwi kpa. Kolea ‘badri geni kolu ‘aa ‘jo oleki ta vu dia dri ga ri ndre ka sa ‘i. Yesu ojo odu nainga abiri retugo rii kode ra, obu ka anya ivolo ra, vu ka royo ra vua ayaya oja dri ri ka reri kare cidru ga (Mateo 24:7). Ki sa hwa vua ti ‘a ase ka eca ku. Odu vu ti ‘a asejo ri inga, ama Opi kengwi di, ka ta cidru vudri di ‘a ri eco kengwi udi vua ka amani ru endri si dradi kpe ri anzu ‘au. Di kite’dea hwe nyuhwa tro sa kaki ru dradi kpe di esu ra. Di ‘ai ka si, kolea ondreki vu dii ovi ra recodi ra ri dri si.
Vu dia dri ga, tee ‘ba laku Endri Ole ri dri ri esuka ra ri ‘bati isa kaki uzu ‘aia lofo ga si ‘i kaki ta dii ide taziti bile bi ri bati tro kare alu ga, gbadru kaki eku ru layu tro ri dri ri ute kendre ana ‘boronzi ti dri ani. Ama vu di ndre igeni retu ri tro adusiku Opi ni ana ngasi eco ama ana ‘baciri ti ‘i dru, oba amengwi ‘ba draka ku vua mwaka sa ku jo ani emu ani engwi ni ri ‘bati ‘i.
Ki tee vu dii odu zi si keya kivoloru ra sa, ta cidru ‘aa ru rii ka ringwi di ra ‘jo ama Opi eya engwi ni ‘i. Kolea olu ki geni tro ledi igeni ka si. Vu recodi ra dii kolu anzo retu ri tro vua pelere palanda kolu pelere si ka odo nya lale kare zi ga rii za ra. Nyira driso ta ovi olu’jo vu ani ledi ani ledi idri kate ahwa kinya elifu ri dri. Ki amasa adiki lidri olure tadru ri esu ra ‘jo otoki Opi bu dri ri ‘ia ni ‘i di karide oluka ana ‘baciri ti ‘i si. Kole oluki geni ani ovi ledi ani ledi tro.
Indre geni ovi zi vudri di ‘a ra ya? Kuru.
‘Ba kolu asi-egbwe tro vua kaki olu kaki aci andraga-lidri asi egbwe eji’di ri si, adusiku obaki asi lejo vu di dri ri si ku. Ki ama Opi ohwe urata Bu dri rii ‘ba ‘aidru lebe ‘aia enzi dri ri esu ka ra ri ‘bati ni ‘ba ecole engwika anda ri ‘bati tro. “ki jo kesu ondre ta igeni le rii ote igeni ni konyi ako. Ta nile ote rii igeni ‘a ingo ni? Ki jo igeni ta ndrele ku ri ‘i, kole ote luzu ako.”
Di ‘a ehwi ni kolea oteki Yesu ‘a engwi ka ni luzu ako adusiku esuki lari ama geni baka lejo Rubanga dri ri idri si.
Laku Endri Ole ri dri rii ama endri ni ‘a ‘aa adusiku amesu lari ama enzi ni dri ‘a si ra. Ledia ehwi ni, ‘ba ‘aidru lebe aia enzi dri ri esuka Yesu ‘a ebe kaa ‘aini ra si ri ‘bati ‘aia asiti ga Endri Ole rii omba enzi kare ga ni. Ki jodiniri ru amadri ri le ingo ni? Ru amadri a’wi ako ri isa keya konzi lidri ra, ka lidri olure tadru ri esu ru dradi kpe ri tro ra. Adi ki evu adiki remu Rubanga ti tro kare aluga ‘jo Yesu eya engwi ni ‘i. Tete ‘ba ‘aidru tile Endri si di ri ‘bati kolea kide ki ta dii geni si rii ni, di koba ama endri ti ama ru tro kengwi ce ka te ta ce ri ide ‘au. Ru amadri ri kengwi kodra kpe vua laza sa icandi ama ku. Adusiku ru ama dri vudri di ‘a dii awi ako, disidru, amani oluka lidri ce ri si isa engwi ta okpo rere ri ‘i. Ki sa amevu ama olu lidri ce ri si ra. Anyi ‘ba otraki asi engwika Opi dri vu erijoadru ri si ri utere ga.Ki tete ‘ba ‘aidru laku Endri Ole ri dri ri esuka ra ri ‘bati kaki urata ani ovi ledi ani ledi ‘a ta mba wa vua kaki olu lidri ovi ani ledi ani ledi si wa rii ni.
Geni ‘ba anda ri ‘bati dri rii tete bu ‘a ku ki vudri di ‘a sa kengwi ce. Bugu Ole ri ojo amani ama Opi keya kengwi di tee ‘jo vu dii keya kizaru icandi retu na ‘ia ra sa ‘i. Gbadru kengwi di. Andrani emu vu atijoadru ri si di, Oko batisimu enzi ‘ba cidru ni kare ga, vua oko odra kuruce dri ‘ai cidru eco ‘jo anda, vulega oko otu bu ‘a. Draa dii saa ire Opi ni engwijo ri ‘i.
Jo saa na keca ni ka ‘ba cidru Yesu ni ‘ai ka ra de ka odu ga ‘aia laku Endri Ole ri dri esuka ‘a vu ga ri ‘bati inga oru vua ka ‘aini lovu hwe lubi dri ‘a ra. Ka ‘aini ru udi bu dri mwadi ku vua ‘e di avu sa ku ri hwe ‘au. Inzajoadru, adi ‘ai tra eri ‘a Opi ‘a dri ni ‘au re adiko adi ta cidru eco kengwi udi.
Naa vu ga, ama, oluka lidri dii traa alu Yesu ni ama Opi ti tro, ama olu ama ebu ide anietro kinya elifu alu paka kinya ofu loso ria ritede’jo ce ri inga. Dii ta ‘ba vuka Bu ‘a rii kolea keri ki ri ‘i. Dii ta asi bajo yajo ‘bu ‘a ri ‘i vua ani ta ce ri ‘i. Saa ani nasi, ta cidru ego rii kengwi anda ta mbi rii kengwi ce, vua ta esu kolea komwa ri isa draa omwa ku. Lejo ehwi, “Ovi ‘ba dra ka ra ria onzijo ri idri keya kolu di ani, ta yile rii ka rivolo wa ki ta yile enga’di ra rii ivoloru ku” (Ofu atijoadru Korinto ‘ba ni rii 15:42), kemu kengwi ce ondiku saa Yesu Kristo ‘a engwijo ri dri si. Kolea ru anyetro laku Endri Ole ri dri ri esuka ra ri ‘bati dri geni kolu ‘aa! Kolea nyera ci tee ta cidru rii kengwi a’wi ako vua kudra ki sa, dii ta cidru ‘a ti eko ka ‘i ku. Kole ‘badri geni kolu a’i tro ama Opi keya ka vu di eco udi di ni dri ri kolu ‘aa. Kolea oluki geni bu udi ri dri vu udi ri dri ri tro ri si. Jo amadri geni dii ‘aa, mgbe ama ofu loso ri nze wa. Amesu laku Endri Ole ri dri rii ra ni amala ama lebe enzi vu di dri ri dri ri esuka ra si. Alua ri ani, Endri Ole ama asiti ga ri isa ka Opi ‘a engwi ka ni ute. Ka ta zi ama Ata Rubanga dri ama kare ga ‘ausini ama olu geni tro vua a’i si ‘ausini drinza oko ama ama asiti ga ku.
Di ‘a ehwi ni kolea oteki Yesu ‘a engwi ka ni luzu ako adusiku esuki lari ama geni baka lejo Rubanga dri ri idri si.
Laku Endri Ole ri dri rii ama endri ni ‘a ‘aa adusiku amesu lari ama enzi ni dri ‘a si ra. Ledia ehwi ni, ‘ba ‘aidru lebe aia enzi dri ri esuka Yesu ‘a ebe kaa ‘aini ra si ri ‘bati ‘aia asiti ga Endri Ole rii omba enzi kare ga ni. Ki jodiniri ru amadri ri le ingo ni? Ru amadri a’wi ako ri isa keya konzi lidri ra, ka lidri olure tadru ri esu ru dradi kpe ri tro ra. Adi ki evu adiki remu Rubanga ti tro kare aluga ‘jo Yesu eya engwi ni ‘i. Tete ‘ba ‘aidru tile Endri si di ri ‘bati kolea kide ki ta dii geni si rii ni, di koba ama endri ti ama ru tro kengwi ce ka te ta ce ri ide ‘au. Ru amadri ri kengwi kodra kpe vua laza sa icandi ama ku. Adusiku ru ama dri vudri di ‘a dii awi ako, disidru, amani oluka lidri ce ri si isa engwi ta okpo rere ri ‘i. Ki sa amevu ama olu lidri ce ri si ra. Anyi ‘ba otraki asi engwika Opi dri vu erijoadru ri si ri utere ga.Ki tete ‘ba ‘aidru laku Endri Ole ri dri ri esuka ra ri ‘bati kaki urata ani ovi ledi ani ledi ‘a ta mba wa vua kaki olu lidri ovi ani ledi ani ledi si wa rii ni.
Geni ‘ba anda ri ‘bati dri rii tete bu ‘a ku ki vudri di ‘a sa kengwi ce. Bugu Ole ri ojo amani ama Opi keya kengwi di tee ‘jo vu dii keya kizaru icandi retu na ‘ia ra sa ‘i. Gbadru kengwi di. Andrani emu vu atijoadru ri si di, Oko batisimu enzi ‘ba cidru ni kare ga, vua oko odra kuruce dri ‘ai cidru eco ‘jo anda, vulega oko otu bu ‘a. Draa dii saa ire Opi ni engwijo ri ‘i.
Jo saa na keca ni ka ‘ba cidru Yesu ni ‘ai ka ra de ka odu ga ‘aia laku Endri Ole ri dri esuka ‘a vu ga ri ‘bati inga oru vua ka ‘aini lovu hwe lubi dri ‘a ra. Ka ‘aini ru udi bu dri mwadi ku vua ‘e di avu sa ku ri hwe ‘au. Inzajoadru, adi ‘ai tra eri ‘a Opi ‘a dri ni ‘au re adiko adi ta cidru eco kengwi udi.
Naa vu ga, ama, oluka lidri dii traa alu Yesu ni ama Opi ti tro, ama olu ama ebu ide anietro kinya elifu alu paka kinya ofu loso ria ritede’jo ce ri inga. Dii ta ‘ba vuka Bu ‘a rii kolea keri ki ri ‘i. Dii ta asi bajo yajo ‘bu ‘a ri ‘i vua ani ta ce ri ‘i. Saa ani nasi, ta cidru ego rii kengwi anda ta mbi rii kengwi ce, vua ta esu kolea komwa ri isa draa omwa ku. Lejo ehwi, “Ovi ‘ba dra ka ra ria onzijo ri idri keya kolu di ani, ta yile rii ka rivolo wa ki ta yile enga’di ra rii ivoloru ku” (Ofu atijoadru Korinto ‘ba ni rii 15:42), kemu kengwi ce ondiku saa Yesu Kristo ‘a engwijo ri dri si. Kolea ru anyetro laku Endri Ole ri dri ri esuka ra ri ‘bati dri geni kolu ‘aa! Kolea nyera ci tee ta cidru rii kengwi a’wi ako vua kudra ki sa, dii ta cidru ‘a ti eko ka ‘i ku. Kole ‘badri geni kolu a’i tro ama Opi keya ka vu di eco udi di ni dri ri kolu ‘aa. Kolea oluki geni bu udi ri dri vu udi ri dri ri tro ri si. Jo amadri geni dii ‘aa, mgbe ama ofu loso ri nze wa. Amesu laku Endri Ole ri dri rii ra ni amala ama lebe enzi vu di dri ri dri ri esuka ra si. Alua ri ani, Endri Ole ama asiti ga ri isa ka Opi ‘a engwi ka ni ute. Ka ta zi ama Ata Rubanga dri ama kare ga ‘ausini ama olu geni tro vua a’i si ‘ausini drinza oko ama ama asiti ga ku.
Kole ‘a oluki geni retu ri ‘ia okpo Endri Ole ri dri ri si
Kare ‘ba anda ri dri rii ingo ‘a? dii keya kolu 5kinya elifu ri ‘ia ojoru Opi ni ana ngasi keya ka vu di eco kengwi udi vua keya ka Opi bu dri ri isa si pelere. Disidru, kolea oluki di odu ledia ecaka ni utere ga ‘i. Kolea oniki cuwidru tee vu di kemu kede ra sa Opi ni ana ngasi ka ru ama dri ri ‘a ta ni mba enzi ako. Kolea geni ‘badri ri kolu odu amadri emudi andraga eku retu tro ri ‘a dri ga ‘aa.
| 5Ki jo Opi Yesu kemu kengwi vudri di ‘a vu erijoadru ri si kendre ana jokaa ri ani ni, kesi bu ‘a si vuru, koko ka ‘ba draka Kristo ti tro ri inzi ati. Di ‘a vu ga, Ka ‘ba ana upele ra ri ‘bati eco kaki engwi mgbi, di oko ‘ba oluka driso lidri ri ‘bati ‘ba udraka ra ri ‘bati tro cidru, ka ‘aini ru oludi tadru rii hwe ru hwa’di kpe ri tro ‘au, naivu ka ‘ba ani ‘aika ra ri ‘bati tra rocare anietro eria Opi ‘a dri ni ‘aure (ofu atijoadru Tesalonika ‘ba ni rii 4:16-17, ofu atijoadru Korinto ‘ba ni rii 15:51-53). Ana cupe tuderi ana angala dri ri suka enzi ‘ba vudri ri ‘a dri ga ni vu ka ta cidru eco kengwi udi. Diivu koko ka Opi ani dri ri si vu udi di idri, koko ka vu ase kinya elifu ‘ba ‘aidru ewo esuka onzika ati ri iga ra ri tro ‘i (Lete 20:4-5). Kinya elifu ri ‘a vu ga, Opi ka lejo ali ‘ba cidru draka ra ri ‘bati ‘a dri ga, ka ‘ia be meri aci si ri’ia (Lete 20:11-15). Diivu koko ka ‘ba anidri gba ri ‘bati lea dri ni du ganyi retugodru bu dri ri iga, dii Yerusaleme ni Udi ri ‘i, koko kolu ‘aitro ‘bobo dru (Lete 21:1-4). |
Ana ga ka Endri Ole ri si ndru si, Paulo isa oba geni alua kendre ama bale di ani rii ‘au. Kole amasa oluki geni ani ovi alua ledi tro uje ‘a ‘i, olujo ‘baba kinya elifu Opi ‘a engwijo di utere ga Opi Bu dri ri tro si. ‘Ba ‘aidru oti Endri si ri esu ka kuru ri ‘bati kaki ezo vua kaki udra odu vu di ‘a rivolojo ri si ra, Ki ama Kristo ‘ba utile Endri si di di ‘bati le ama to bu udi ri ‘ia vu udi ri tro ra. Geni ani dii gbadru kemu kengwi ce. Ru amadri rii kareco enzi ako anda ama olu vua ama vu ase Yesu ti tro kinya elifu vu udi na ‘ia ‘i. Asi tra ka odu ledia dri ga si, ama olu geni retu ri tro vua ama olu vudri di ‘a ri isa kolu ori ako.
Anyiba oluki di ote ki ta. Tee lidri amadri rii kande to sa, ta ama igenile rii kemu ka ritede ce adusi ku aba geni amadri rii Rubanga ni ru. Adusi ku ‘ba ‘aidru geni ako ri ‘bati tee dri kolu ki lidri sa oviki ru ‘ba draa dini sa udra ka ra ri tro vi.Ayi anyidri geni kolu ‘aa anyiba anya orobi kengwi ce anya lejo Rubanga dri ri igeni ka si.
Kendre ondiku lebe ama enzi dri ri ‘a oluka ce ri ani, leco ama ru dri ri isa kemu kolu ce vua ani ta ce ri ‘i ta lidri cidru ri ni lidri olure tadru ri esuka ni ‘i. Amasa ama geni kemu kolu loku ce. Kole nydri a’i kolu ta nya igeni le ri idri ‘aa. Adusi ‘ba a’i tro ri ‘bati kaki olu pelere vua asi egbwe si. Asi ‘ba cidru dri rii kengwi anzo ako ‘jo ‘aidri geni iyo ‘i. ‘Ba orobi ako ri ‘bati dri asiti egbwe iyo.
Ama olu ka ni asi egwe si adusi geni amadri rii kinya elifu ri ‘a dri ga Opi Bu dri ri tro ‘aa, geni amadri rii bu udi ri idri vu udi ri tro ‘aa.
‘Ba anda ri bati ‘a asiti ga kole geni dii kolu ‘aa vua kolea konzeki geni dii okpo Endri Ole ri dri si. Kolea obaki igeni jojoadru kolea ofu loso ama nzele dii kaca vu ndutu dri ‘i. Adusi jo a’i nyidri rii okpo, mgbe nyeraa kumbe vu dii ekpa ku ni ra. Tee ri ka amadri rii kolu anda anda ku sa, ama ofu loso rii nze vu ndutu dri wa ‘jo amadri igeni ta mika tro rii ‘aa ‘i. Kendre ondiku Paulo ‘a ide kaa ri ani, amasa ‘ai ki.
‘Ba geni tro ri ‘bati kaki ‘aia ebu ofu loso pelere go di ica’jo ri ide a’i si. Kole anyetro igeni ki ofu loso rii kaca ‘ba lofo si saa ‘baa driso ta rajo ku disi ‘i. Kole ohweki lini ofu loso pelere ndro di dri ri ni ‘ba andeka to ri ‘bati ni, ‘ba ta uraka ku ri ‘bati ni, ‘ba ta ako ri ‘bati ni ‘ba rumuka ci ri ‘bati tro cidru. Kole ohwe ‘aini layu ‘ai e’dujo vu mudi ‘a si ri ni ta nzeka ‘aini Opi Bu dri ri idri si, adusi tete ‘ba ‘aidru lebe ‘aia enzi dri ri esuka ‘aia ofu loso eyidri ri ‘aika ofu loso Endri dri ri tro ri ‘bati koto Opi Bu dri ri iga wa rii ni. Kole ini ‘ai ojo ‘aini geni ‘aidri rii kolu lejo Rubanga dri ri ‘a dri ga ‘aa tee saa icandi dri lidri okpo tro di ‘ia sa ‘i adusi Opi ‘a engwi ka ni kemu kolu kendre ogu ‘a emuka ri ani.
Tiluza cidru ‘ba upele ra ri tro, anyinze ofu loso dii ndi vu ti ‘a asere ga, anyiba anya geni Opi Bu dri ri idri rii komba okpo. Tee ‘jo vu dia ede ka ni kolu emi ani ingo ni sa ‘i, ‘ba igeni tro rii hwa alu sa udra ki ku adusi ‘aidri ta zi olu’di tadru rii ‘aa kovu driso lidri vudri dii ra. Gba loku loku Opi ohwe ‘aini lidri erijoadru rii ni.
Anyiba oluki di ote ki ta. Tee lidri amadri rii kande to sa, ta ama igenile rii kemu ka ritede ce adusi ku aba geni amadri rii Rubanga ni ru. Adusi ku ‘ba ‘aidru geni ako ri ‘bati tee dri kolu ki lidri sa oviki ru ‘ba draa dini sa udra ka ra ri tro vi.Ayi anyidri geni kolu ‘aa anyiba anya orobi kengwi ce anya lejo Rubanga dri ri igeni ka si.
Kendre ondiku lebe ama enzi dri ri ‘a oluka ce ri ani, leco ama ru dri ri isa kemu kolu ce vua ani ta ce ri ‘i ta lidri cidru ri ni lidri olure tadru ri esuka ni ‘i. Amasa ama geni kemu kolu loku ce. Kole nydri a’i kolu ta nya igeni le ri idri ‘aa. Adusi ‘ba a’i tro ri ‘bati kaki olu pelere vua asi egbwe si. Asi ‘ba cidru dri rii kengwi anzo ako ‘jo ‘aidri geni iyo ‘i. ‘Ba orobi ako ri ‘bati dri asiti egbwe iyo.
Ama olu ka ni asi egwe si adusi geni amadri rii kinya elifu ri ‘a dri ga Opi Bu dri ri tro ‘aa, geni amadri rii bu udi ri idri vu udi ri tro ‘aa.
‘Ba anda ri bati ‘a asiti ga kole geni dii kolu ‘aa vua kolea konzeki geni dii okpo Endri Ole ri dri si. Kolea obaki igeni jojoadru kolea ofu loso ama nzele dii kaca vu ndutu dri ‘i. Adusi jo a’i nyidri rii okpo, mgbe nyeraa kumbe vu dii ekpa ku ni ra. Tee ri ka amadri rii kolu anda anda ku sa, ama ofu loso rii nze vu ndutu dri wa ‘jo amadri igeni ta mika tro rii ‘aa ‘i. Kendre ondiku Paulo ‘a ide kaa ri ani, amasa ‘ai ki.
‘Ba geni tro ri ‘bati kaki ‘aia ebu ofu loso pelere go di ica’jo ri ide a’i si. Kole anyetro igeni ki ofu loso rii kaca ‘ba lofo si saa ‘baa driso ta rajo ku disi ‘i. Kole ohweki lini ofu loso pelere ndro di dri ri ni ‘ba andeka to ri ‘bati ni, ‘ba ta uraka ku ri ‘bati ni, ‘ba ta ako ri ‘bati ni ‘ba rumuka ci ri ‘bati tro cidru. Kole ohwe ‘aini layu ‘ai e’dujo vu mudi ‘a si ri ni ta nzeka ‘aini Opi Bu dri ri idri si, adusi tete ‘ba ‘aidru lebe ‘aia enzi dri ri esuka ‘aia ofu loso eyidri ri ‘aika ofu loso Endri dri ri tro ri ‘bati koto Opi Bu dri ri iga wa rii ni. Kole ini ‘ai ojo ‘aini geni ‘aidri rii kolu lejo Rubanga dri ri ‘a dri ga ‘aa tee saa icandi dri lidri okpo tro di ‘ia sa ‘i adusi Opi ‘a engwi ka ni kemu kolu kendre ogu ‘a emuka ri ani.
Tiluza cidru ‘ba upele ra ri tro, anyinze ofu loso dii ndi vu ti ‘a asere ga, anyiba anya geni Opi Bu dri ri idri rii komba okpo. Tee ‘jo vu dia ede ka ni kolu emi ani ingo ni sa ‘i, ‘ba igeni tro rii hwa alu sa udra ki ku adusi ‘aidri ta zi olu’di tadru rii ‘aa kovu driso lidri vudri dii ra. Gba loku loku Opi ohwe ‘aini lidri erijoadru rii ni.
Copyright © 2021 by The New Life Mission
