- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-18] Ta ce a’i ‘ba dri se di Endri Ole ri ni ai aku jo ri ‘i (Josua 4:23)
(Josua 4:23)
“Adusi Opi ni anya Rubanga oba eyi Abu Jurudano ‘a ri onzu aw’i paka ifu eza ‘a pa aw’i si, ondiku kendre anya Opi Rubanga ‘a idekaa anyini meri Ika ri eza ka pa aw’i si ri ani, ide ta dii ama andra ga si paka afu eza pa aw’i si kpa.”
“Adusi Opi ni anya Rubanga oba eyi Abu Jurudano ‘a ri onzu aw’i paka ifu eza ‘a pa aw’i si, ondiku kendre anya Opi Rubanga ‘a idekaa anyini meri Ika ri eza ka pa aw’i si ri ani, ide ta dii ama andra ga si paka afu eza pa aw’i si kpa.”
Ta ride ‘di Abu Jurudano
‘a ri ka amani aduta ini?
Kinia amani Yesu Kristo ni anangasi odu okpo
dra dri enzi ‘a ejile rii pi ‘i vua omba
lamgba esu kole kohweru ‘ba
cidru ni ri ‘a kare ga ra ‘i
Ale draa saa disi manze anyini ta driba ofu loso pelere ndro badia ‘ba ka laku Endri Ole ri dri ri esu di idri. Dra Mose dri ri ivu, Rubanga upe Josua ni olule dri Isaraile ‘ba dri rii dru ‘au. Mose ni ma’di amba cara cidru ni dri ndredi Ofu Oku ‘a ri ‘i. Kesu oli nainga Mose keza Abu Jurudano dri rii kare alu ga ‘ba Isaraile dri ri tro anini eca’jo vu Kanaani dri ri iga ku ri, Josua ni engwi ka amba ‘ba Isaraile dri di dri ‘i ni kengwi ta okpo rere ri ‘i. Ki amala, Rubanga oba Mose eca tete ereze ti vu Kanaani dri iga ki Opi oko oga ani ni ehwika vu Kanaani dri na iga ni mgbe.
Ama Opi ohwe amani Mose ti Josua tro
Mose ni, amba cara cidru ni dri ndredi Ofu Oku ‘a rii, odu ‘ba Isaraile dri ri ‘bati ‘a dri ni vu Kanaani dri ri iga ni ku. Ki esu kodu ‘ba dia dri ni ana cara ta mbaka ni si ni, lejo ani laka rii kolu ta Rubanga ‘a ti ubale ama lari ni ri tro oja ‘bazi. Ma’di alu sa kolu ana enzi ni dri ‘a si kulala Rubanga ‘a andra ga ana cara cidru ni ta mbaka si kpe adusi ma’di zi alu’di sa Rubanga andra anda ta cara ‘a lele ri ide ka si ani iyo. Ta cara ‘a idele ri koba ‘ba ka ana enzi ni ni ote (Roma 3:20).
Ra Rubanga ‘a cara hwejo ‘ba cidru ni rii ‘ausi kebe koni ki dru di ta enzi rii adu ya ni ote si, ‘ausi cara di kengwi anini mgbirila dru ka dri ani se Kristo dri koko koba ma’di di kengwi anda wa rii a’i si adite (Galatia 3:24). Ki amala cara ohwe lini ovi Yesu ni esujo ri idri anda ku si, ‘ba ka Yesu ni le ra, vua ani ledii ra atijoadru kolea ‘ausi Yesu kemu vudri di ‘a ri ‘i. Cara Rubanga ‘a hwele Josua ni rii ojo kole Josua koba ‘ba Isaraile dri ri ‘bati koza ki Abu Jurudano dri ri ni ‘aini to’jo vu Kanaani dri ri iga ‘i.
Rubanga odu ‘aia dri ni ‘aini to ‘jo vu Kanaani dri ri iga amba ‘aidri udi di ‘bati tro, amba dii Josua ‘i, ta dii cidru ideru dra Mose dri ri ‘a vu ga. Josua ohwe cara amba laki dri ri ‘bati ni, ojo, “Anyali kare kevukevu dia pa tra re ’bo`bo dru di iga si anyijo ‘aini, ‘Anyuba anyini anyangasi ta cidru ria ti ni baba, adusiki rijo driadru o`du ina avuaga anyi Jurudano ni za pi, anyivu olure kare OPI ‘a hwele anyini olu’jo ri iga’” (Josua 1:11).
Rubanga ohwe cara dii Josua ni hwi’jo vu Kanaani dri ri iga ‘i ondre kolu Mose ni okpo dii ri ‘i. Rubanga ohwe cara Josua ni, ojo, “Nyihwe cara paderea sanduku cara dria ta umbaka ri ti ni, nyijo, ‘Jo anyeca eyi abu Jurudano ‘a ri ‘a tia asere ga ni, kole mgbe anyi cidru komba eyi Jurudano dri na ‘ia pa si.’
Disidru Josua ojo ‘baciri Isaraile dri ri ‘bati ni, ‘Anyevu di ‘a, anyevu uduku Opi ni anya Rubanga dri ri eri re.’ Oko Josua ojo ‘aini, ‘Lejo disi dru anyi ni ‘a Opi ni olu’di tadru rii anya lofo ga ‘aa ni ote, vua alusa dri luci ako ka suru Kanaani ‘ba dri dii suru Hititi dri rii tro suru Hiviti dri rii suru Perizaiti dri rii suru Gigasaiti dri rii suru Amoraiti dri rii vua suru Jubisaiti dri rii tro cidru kodroa anya Andra ga si pi’” (Josua 3:8-10).
Dra Mose dri ri ivu, Rubanga upe Josua ni olule dri Isaraile ‘ba dri rii dru vua ohwe anini cara hwi’jo vu Kanaani dri ri iga ‘ba Isaraile dri ri tro. Ru Josua ni di ‘a ehwi ni “Aridipi ‘i,” omba ovi dru ‘‘Yesu’’ ‘a kare ga kusa omba ovidru ru “Hozea.” Ehwi ani ani tiluza Rubanga dri ri ‘i ni di ani di ‘a kare ga, Josua ojo paderea ni kolea konziki sanduku cara dri rii ni vua koza ki Abu Jurudano dri ri ni anile ana ngasi odu laki di ‘a dri ni ‘au. Paderea sanduku cara dri ri nzi ka ri ‘bati oce kotiki ‘aia pa ni eyi ‘a di (adusi Jurudano ni saa ayi dri anya pa tra’jo ri si sa liri kodi okpo si), eyi engadi idi oru esi ri iga rii oga linyi kare alu ga vua oko odi sa lolu ku paka erijo Adamu ni nga, dii ganyi Zaretani dri ri ‘i laga ire. Ki eyi ani dru di di Meri Araba dri ‘ia dii, ani Meri Ai ri ‘i, zareaga aliru eri disidru ‘ba kali ewo ngwi’di Jeriko ga esi ri si (Josua 3:15-16).
Ta anidru ride’di disi, Rubanga kinia amani draa ani odro dra enzi ‘a ejile ni ri ‘a ti ni ra vua ani omba lamgba unzi esu kole kohweru ‘bani ‘aia enzi si ri ‘a ti ga sa ani omba ra. Ovi zi si, Yesu Kristo ni ama Aridipi odu enzi ‘ba cidru dri rii ovi ana batisimu esu’jo Yoana Batisita dri ri si vua ana dra ka kuruce dri ri si. Ovi ledisidru, ari ‘ba cidru ‘aia enzi ni ‘a si ra ide ledii ana ‘aia dri du ka vu Kanaani dri ri iga ni si, adusi vu Kanaani dri di omba Opi Bu dri ri ‘a kare ga.
Ra Rubanga ‘a cara hwejo ‘ba cidru ni rii ‘ausi kebe koni ki dru di ta enzi rii adu ya ni ote si, ‘ausi cara di kengwi anini mgbirila dru ka dri ani se Kristo dri koko koba ma’di di kengwi anda wa rii a’i si adite (Galatia 3:24). Ki amala cara ohwe lini ovi Yesu ni esujo ri idri anda ku si, ‘ba ka Yesu ni le ra, vua ani ledii ra atijoadru kolea ‘ausi Yesu kemu vudri di ‘a ri ‘i. Cara Rubanga ‘a hwele Josua ni rii ojo kole Josua koba ‘ba Isaraile dri ri ‘bati koza ki Abu Jurudano dri ri ni ‘aini to’jo vu Kanaani dri ri iga ‘i.
Rubanga odu ‘aia dri ni ‘aini to ‘jo vu Kanaani dri ri iga amba ‘aidri udi di ‘bati tro, amba dii Josua ‘i, ta dii cidru ideru dra Mose dri ri ‘a vu ga. Josua ohwe cara amba laki dri ri ‘bati ni, ojo, “Anyali kare kevukevu dia pa tra re ’bo`bo dru di iga si anyijo ‘aini, ‘Anyuba anyini anyangasi ta cidru ria ti ni baba, adusiki rijo driadru o`du ina avuaga anyi Jurudano ni za pi, anyivu olure kare OPI ‘a hwele anyini olu’jo ri iga’” (Josua 1:11).
Rubanga ohwe cara dii Josua ni hwi’jo vu Kanaani dri ri iga ‘i ondre kolu Mose ni okpo dii ri ‘i. Rubanga ohwe cara Josua ni, ojo, “Nyihwe cara paderea sanduku cara dria ta umbaka ri ti ni, nyijo, ‘Jo anyeca eyi abu Jurudano ‘a ri ‘a tia asere ga ni, kole mgbe anyi cidru komba eyi Jurudano dri na ‘ia pa si.’
Disidru Josua ojo ‘baciri Isaraile dri ri ‘bati ni, ‘Anyevu di ‘a, anyevu uduku Opi ni anya Rubanga dri ri eri re.’ Oko Josua ojo ‘aini, ‘Lejo disi dru anyi ni ‘a Opi ni olu’di tadru rii anya lofo ga ‘aa ni ote, vua alusa dri luci ako ka suru Kanaani ‘ba dri dii suru Hititi dri rii tro suru Hiviti dri rii suru Perizaiti dri rii suru Gigasaiti dri rii suru Amoraiti dri rii vua suru Jubisaiti dri rii tro cidru kodroa anya Andra ga si pi’” (Josua 3:8-10).
Dra Mose dri ri ivu, Rubanga upe Josua ni olule dri Isaraile ‘ba dri rii dru vua ohwe anini cara hwi’jo vu Kanaani dri ri iga ‘ba Isaraile dri ri tro. Ru Josua ni di ‘a ehwi ni “Aridipi ‘i,” omba ovi dru ‘‘Yesu’’ ‘a kare ga kusa omba ovidru ru “Hozea.” Ehwi ani ani tiluza Rubanga dri ri ‘i ni di ani di ‘a kare ga, Josua ojo paderea ni kolea konziki sanduku cara dri rii ni vua koza ki Abu Jurudano dri ri ni anile ana ngasi odu laki di ‘a dri ni ‘au. Paderea sanduku cara dri ri nzi ka ri ‘bati oce kotiki ‘aia pa ni eyi ‘a di (adusi Jurudano ni saa ayi dri anya pa tra’jo ri si sa liri kodi okpo si), eyi engadi idi oru esi ri iga rii oga linyi kare alu ga vua oko odi sa lolu ku paka erijo Adamu ni nga, dii ganyi Zaretani dri ri ‘i laga ire. Ki eyi ani dru di di Meri Araba dri ‘ia dii, ani Meri Ai ri ‘i, zareaga aliru eri disidru ‘ba kali ewo ngwi’di Jeriko ga esi ri si (Josua 3:15-16).
Ta anidru ride’di disi, Rubanga kinia amani draa ani odro dra enzi ‘a ejile ni ri ‘a ti ni ra vua ani omba lamgba unzi esu kole kohweru ‘bani ‘aia enzi si ri ‘a ti ga sa ani omba ra. Ovi zi si, Yesu Kristo ni ama Aridipi odu enzi ‘ba cidru dri rii ovi ana batisimu esu’jo Yoana Batisita dri ri si vua ana dra ka kuruce dri ri si. Ovi ledisidru, ari ‘ba cidru ‘aia enzi ni ‘a si ra ide ledii ana ‘aia dri du ka vu Kanaani dri ri iga ni si, adusi vu Kanaani dri di omba Opi Bu dri ri ‘a kare ga.
Abu Jurudano dri rii kare enzi ‘baa engwire ga ole enzi ako ri ‘i
Dri ga ri ‘i, kendre ondi ana rusika Ofu Oku ‘a Ofu Udi tro ri ani, odo oku rideka di bati kpodru si ta akpo rere amani lari esu’jo ri ‘i ama lari esu ni ‘ausini amesu dru lipa alu emu’di enga’jo lamgba enzi dri ri ‘a dri ga wa si dii lamgba rubadi ‘ba cidru ni ri ‘i.
Ta ojoru Abu Jurudano dri ri idri ojo dii abu dra dri ‘i, ki ru ana rungwe’jo anda anda rii Meri Kpo ri ‘i. Lejo ehwi Jurudano ni ‘dia ehwi ni “abu di di tete lile esi ri ‘i, kodi dra’jo” kusa “ru su ‘jo, ti ondi ‘jo, mori si kodi liele, kodi pia angwe.” Ani ledii ondiku ka ido ka ‘baa enzi dri ri ite’de ‘au. Abu ani di ‘ia, Yesu ni, ana batisimu si, esu enzi amgbu ‘baa imbale ‘aia ngasi kpe rii kodi abu di ‘ia, azi ani ana ngasi enzi di si vuaru odra kuruce dri odu lamgba esu ‘ba cidru ni esule ni rii ana dri ga dii enzi ana esule ‘di ‘di abu di ‘ia ri ‘i.
Draa ama, suru engaka Adamu ti dri Eva tro dii, ama dri ba ingo? Amala ta cidru bile rii obi ru enzi tro si, kaki enzi ide andeka ako, ki amala musara enzi na dri ri si, kaki dri ‘ba drare ga adusi okoki aci dra dri rii ‘au. Ondreni odo ‘ba dri ri ‘a a ni ru, ta cidru bile rii kpodru si sa oba ki dri dra kare ga erijo ndi odu ‘ai utijo ri si sa ‘i oko ki leti riza ka dri rii ‘au. Omaki mori cidru ri si ‘ausi ‘ai kimba dru ‘aia ovi enzi tro dini si sa, omaki kpe, ledii ra ‘aia rize’jo cajo draa lamgba tati’a ase’jo ‘aini esule ‘aia enzi si ri iga ri ‘i.
Amala, Rubanga oli enzi di di rii lali laka rii tro cidru pi. Rubanga oba Josua onze ‘ba Isaraile dri ri ‘a dri ni ana ‘ai jika vu Kanaani dri ri iga Abu Jurudano ‘a si si.
Dii ta Rubanga ‘a lele Josua kide ri ‘i. Odo di kitedea amani layu esu’jo enzi dri ‘a, kolea duba amuhwe musara ama enzi dri ri ni, adusiku ka amani dra eji ‘au, ki ama luhwe di uhwe ka si, amengwi ama enzi cidru ri ‘a dri ga ole vua ama to Bu ‘a ra.
Ofu Oku ri ‘ia, eyi di di rii eco engwi vu aw’i ri ‘i di ideru saa paderea sanduku cara dri ri nzika ri ‘bati ‘a ‘aia pa ni tire eyi ‘a ri si. Di ohwe mori ‘ba Isaraile dri ri ni abu di ali’jo wa ni ni. Ani dii lebe enzi dri ruhwe’di tete ‘ba ‘aidru ofu loso pelere ndro di igeni ka ra ri ‘bati ni ri ‘i. Dii ofu loso eyidri Endri tro musara enzi cidru laki amgbu dri ri ‘a ti ni uhwe’di ri ‘i, amasa ako amesu laku Endri Ole ri dri rii ama ofu loso pelendro dii igeni ka si ra.
Namani ni amba go ru rua rii
Namani ni, ta jore driaru bugu 2 joadru Opi dri ana joti nza 5 ti 2 tro ga rii, ani ma’di retu vua ru rua ri ‘i ani mundara amba ewo Siria dri iga ri ‘i ani ana ngasi ohwe konyi vu ani dri ri ni ojabazi ni majoadru kpe ni okpo si. Vua trosa ani ma’di dobo tro ri ‘i ana laza di oba ire draa ka ebu cidru azi ta cidru tro idele ‘i. Ki diivu oko eri ofu loso pelere ndro jodia ani ka lija esu laza di ‘a dri ga war ii ra. Ojo anini ka lija esu ra ‘jo komu Isaraile ‘a tiluza Rubanga dri ri dri ni ‘i. Zaangwa tiluza dru ana jo ni ‘a ri ogwi lejo dii ani ni ni. Zaangwa di Ojo, “Kesu oli ma amba komu profeta go Samaria ‘a ri dri ri! Ka ana dobo di ija ra” (bugu 2 joadru Opi dri ‘i 5:3).
Namani ‘ai lejo zaangwa di ‘a jole dii ra oko omu Isaraile ‘a ra. Oce ani keca jo Elizeo dri ri ‘a ti ga di, Elizeo oze ma’di ana ofu ni aji’di rii Namani ‘a andra ga, oko ojo laka, “Nyimu nyije nyaru ni abu Jurudano dri ri ‘ia vu tuderi, mgbesa nya ru koja ra, nyengwi pelere.” (bugu 2 erijoadru Opi dri ri ‘i 5:10).
Ana rakaa ani ka lija esu nyuma dru si, Namani engwi anya palanda vua ole ani koda dri anidri baru. Ki amala, tiluza anidri ri ‘a ani ‘aika kiza retu ri si si, eri Elizeo ‘a ti ni ra oya osu ana ru ni ndi dru curu curu Abu Jurudano dri ri ‘ia vu tuderi. Mgbesa na ‘a, ana ru engwi pelere, ru ani engwi rue rue kendre ‘barangwa tile driadru ri dri ani.
Ovi alu ‘a ledi si, amasa amani lebe esu’jo ama enzi ‘a dri ga, kolea ama ga urata ama dri ama ngasi rii mgbe amako ama ‘i lejo rusidi Bugu Ole ri ‘ia rii ‘au. Adiko adi amani tutu loso go di hwe ra. Ma’di alu alu ledia ani kesu lari rii kolea kigeni lejo Rubanga dri ri ni vua kigeni ‘ai kpodru si.
Bugu Ole ri kinia amani enzi cidru vudri rii ojeru pelere ofu loso Yesu ‘a batisimu dri ri si vua ana ari si. ‘Basa kolea ide ki ovi alua risi kendre Namani ni ta nidi ku ri ‘a ide kaa ri ani ku. Adusi ama aludi sa ruje ama enzi ni ‘a si pelere amani ofu loso eyidri Endri tro rii ‘ai ka ako ni kpe. Disidru, amani lebe esu’jo ama enzi ni ‘a si cidru, kolea amigeni ofu loso pelere ndro eyidri rii Endri dri ri tro ‘au. Kendre ondi Namani ‘a ani suka eyi ‘a curu curu vu tuderi vuaru ana engwi ka pelere ri ani, amasa amigeni enzi amadri rii karuje pelere ama ofu loso pelere ndro Yesu ‘a batisimu dri ri ‘aika, ana dra kuruce dri ri tro vua ana onzika tro si ‘i. Kolea igeniki ofu loso pelere ndro dii ondiku kendre ana rusika ri ani.
Nyuma ani ride ‘di Abu Jurudano ‘a dii ohwe ‘ba cidru enga ka suru Adamu dri ri ‘ia rini tutu enzi di di mbaka ako ria dri ga vua oba lamgba esule ri isa ‘a ti omba na ti. Edro ‘ba cidru amvu Edeni dri ri ‘ia si angwe adusi ku Adamu ti Eva tro ide ki enzi Sitani ‘a ‘ai unzka si ra. Ki, ta ride’di Abu Jurudano dri ri i’a rii ta pelere ndro ri ‘i ani ofu loso pelerendro badia enzi ‘ba cidru ka dri da amvu Edeni dri na ‘ia wa ri ‘i.
Ta ride ‘di Abu Jurudano ‘a ri ‘i
Bugu Ole ri ojota ta ani loso ndro jodia Yesu odu enzi cidru ama idele rii Jurudano ‘a si ri idri ojo nainga Yesu ojo. “Nyebe ta dii kolu ‘bo’bo dru dini, ama ta ide ka dini ni ama anda Rubanga ‘a lele ri ide ‘au” (Mateo 3:15). Bugu Ole ri ete’de amani enzi cidru vudri rii ifuru Yesu ni ru oce ani kesu batisimu Abu Jurudano ‘a diiri ‘i. Ovi zi si, batisimu Yesu dri rii ta ride’di mgbirila enzi ‘ba dri umbe’di ri ayu’jo ri ‘i. Ledii ta Yesu ‘a idele ti ekoka enzi cidru dri ni eca’jo ri ‘i vuaru oko ohwe amani lari ana ari kuruce dri ri si.
Jurudano ni abu batisimu dri enzi cidru ama idele ri je’di pelere ri ‘i. Draa ama ta Rubanga ‘a cara ‘a lele ri ide wa adusi ku, “Enzi ‘a musara ni dra” (Roma 6:23), ki Yesu uhwe musara enzi cidru dri ri ‘a ti ni ra di ideru batisimu ana esule Abu Jurudano ‘a ri si vua ana dra kuruce dri ri si. Dii ofu loso pelere ndro ama Opi ‘a ehwele enzi ‘ba cidru ni ri ‘i.
Enzi ‘ba cidru dri rii aci andraga erijo Adamu si, ki oko emu omba di batisimu Yesu dri Abu Jurudano ‘a ri si vua ana ari Kuruce dri ri si. Enzi eberu alu’di sa kuru anzo gba retu rere batisimu Yesu dri ri si. Anzo ani tutu retu tro di ani di ‘i. Ama, ‘ba ofu loso pelere ndro do ‘aika ra ri ‘bati, amesu lari enzi ‘ba we ‘di selu dru ri ‘a dri ga ra, amengwi ama enzi ni ‘a si pelere vua cara Rubanga dri ri isa ka ama ungwe anda. Ledisi dru, oba batisimu Yesu dri ri ‘bati ana ari kuruce dri ri tro engwi ofu loso pelerendro lari hwe’di enzi ‘ba cidru ni ri ‘i. Kole gbadru ‘ai ki dii ‘au. “Ta cidru engaka a’i ga ku rii enzi” (Roma 14:23), Opi ojo dini. Alua ri ani, amasa ama tutu esu wa ni kesu ama ofu loso pelere ndro di ‘ai kpa.
Draadini sa nyijoa nya asiti ga enzi olu ‘aa ‘a tee ta ce rii kojoru batisimu Yesu ‘a esule Yoana dri ri si enzi cidru vudri rii oduru pi sa ‘i? Yesu odu enzi cidru vudri rii pi.
Kolea nya ‘i ta rusidi Bugu Ole ri ‘ia ra ri ni. Tete ofu loso Yesu ‘a batisimu dri ri ‘bati ofu loso ana ari Kuruce dri ri dri tro ka nya enzi ni du pi kojea pelere wa rii ni ‘ausi ka nyi edu dra ‘a si alu ziti tro pi. Batisimu esuka ‘a ehwi ni “ru je ka, ru suka vuru, ru suka inyaku ‘a kusa seka, ta baka tazi ru, kusa ta ifuka tazi ru.”
Enzi ‘ba cidru vudri ri ‘bati ka lebe ‘aia enzi dri ri esu ‘aia ofu loso pelerendro Yesu ‘a ehwele ri ‘aika si. Ledii ra Yesu ‘a ani ungwe’jo ana ngasi ‘leti ya’jo ‘Bu ‘a ri ‘i ri ‘i.’ Ama to ‘bu ‘a vua amako ama lidri olure tadru ri esu ama ani ‘aika si. Ani ama Opi ‘i, ani ma’di amani laku Endri Ole ri dri ri hwe’di ri ‘i. Edu ama lamgba cidru amani esule ri ‘ia si pi ama ana batisimu ni ‘aika ana ari tro si.
Alu omba di meri ecoru logo aw’i ri ‘i adusiku ‘ba ta azika Rubanga ni paderea dru sanduku Cara dri ri nzika ri ‘bati otiki ‘aia pa ni eyi di ‘ia a’i si. Dii ta Rubanga ‘a ti ubale ni ri ‘i, naivu batisimu Yesu dri ri ‘bati ana ari tro ikoki tati Rubanga ‘a ubale dii ni. Ani dii ofu loso pelere nde’dia ri ‘i. Dii cara lari dri ri ‘i adusi dii ako lari amadri kengwi okpo karide sa kpe. ‘Ba cidru draa dini ofu loso pelere ndro di ‘aika ra ri ‘bati kaki Abu Jurudano dri ri za vujo vu Kanaani dri ri iga ni. Eyi abu ni ‘a ri ‘a nzuka hwici hwici ‘a ehwi ni enzi cidru vudri rii obaru Yesu ni ru vua lamgba laka ri isa oliru Yesu ni ru ama kare ga ‘i. Dii ofu loso laku Endri Ole ri dri ri hwe’di amani ri ‘i.
Rubanga ni, ‘ba bi di rii, oni ta ma’di ru ovisi ana IQ ni tete 110 paka nosi koca 130 ni cuwidru. Disidru, Ka anda ani ledi obi ovi Endri Ole ri esu’jo ri tro kpe. Adusi Rubanga odu ‘aia enzi ni cidru si pi batisimu Yesu dri ri si vua ana ari kuruce dri ri si. Oba ‘aini laku Endri Ole ri dri ri esuka engwi adu rere ni ‘aia ofu loso eyidri ri ‘aika ofu loso Endri Ole ri dri ri tro si ide tadii dini ni ‘ausini koniki dru ote si.
Vua nyemu nyi Endri Ole ri ‘a nyi akuka ni esu nya ofu loso pelere ndro di ‘aika si.
Adusiku lejo rusidi Bugu Ole ri ‘ia ri ojo, ama alu alu ka hwa laku Endri Ole ri dri ri esu ilegi ilegile enzi rujo ri si kpe. ‘Ba amgbu kuraa risi Endri Ole ri esuka ni ta ‘aia esule kesua ‘ai ilegi ilegi drile mgbi mgbi enzi rujo rii ekpadru ri ‘i. Ki, dii gbadru ce ku. Endri Ole rii ohweru tete ‘ba ‘aidru ofu loso pelere ndro di igeni ka ra ri ‘bati ni, adusi ani dii ta ruledi ‘aini engwi’jo ‘boronzi Rubanga dri rii dru wa ri ‘i. Ledii ojo dri ni, laku Endri Ole ri dri rii ta ite’de dia draa ma’di dii engwi ‘barangwa Rubanga dri rii dru ra ri ‘i. Rubanga ka tete laku Endri Ole ri dri ri hwe ‘ba ‘aidru ofu loso pelere ndro di ‘aika ra ri ‘bati ni itede’joadru pelere ‘ai ana ‘boronzi ‘i ‘i.
‘Jo ‘ba ka ‘i Yesu ni ra ki koni ki kusa kigeniki ofu loso rii kuru ri, kaki nia kusa kaki itiri ‘a enzi ‘ai dri rii cidru obaru ruaru ni kpe. Disidru, kolea dubasi ‘ba cidru koni ote vua ka ‘i ki batisimu Yesu dri rii Ana ari Kuruce dri ri tro ofu loso pelere ndro enzi cidru vudri di ‘a ri ‘je’di pelere ri ‘i.
Adi ojo Yesu odu enzi cidru vudri rii pi ni ni? Yoana ni Batisimu hwe’di ri ojo ta ta di idri ni. Adusi ana batisimu esuka Yoana dri enzi cidru vudri ri je’jo ni ta ati ati sa Ata Rubanga ‘a ti ubale ra ri ‘i (Levitika 4:13-21, 16:1-30). Ta Ata ‘a ti ubale dii adi ide ni? Yesu ide ni. Adi iko lejo tati Rubanga ‘a ubale di dri rii vule ga ni? Endri Ole ri ide ni. Ata ni peresu ina tro rii iko lebe cidru enzi dri rii batisimu Yesu dri ri si vua ana ari kuruce dri ri si ide ta dii ama eco’jo ana ‘boronzi ti ‘i dru. Endri Ole rii tesa kolu ama asiti ga kite’dea amani amesu lari ra amesu lari saa Yesu ‘a tati Rubanga ‘a ubale ri ‘a lejo ni iko’jo ri si.
Ta cidru vudri di ‘a rii efu ka eri se ni ta ‘aujo ri si ‘a? Ku jodini ri nya dri ociru ingo ni? Ma’di ka hwa alu’di sa ofu loso pelere ndro di igeni kpe kesua tete ka ana urata ana ngasi di ga kpa le ‘i.
Odu disi lati Kristo ‘ba dri laki amgbu ‘a igenile rii ‘enzi ama tijo ‘autro ri konga pi wa rii ni ‘i, Ki enzi ama tijo ‘autro rii konga ma’di ru si pi ni kesua saa ana ilegi enzi ru’jo ri ilegi ‘jo ri si.’ Amala, ani dii ta ce ri tro lolu palanda; ondre sa ni ani dii gbadru ofu loso mbi ri ‘i. Jo nya ‘i ni, nyi hwa Bugu Ole ria ehwi ni eri ana idore ga kusa nosi ana ekore ga sa kpe, jo saa koya andraga nyesua nyiria driluci esule Yesu ‘a vu ni kore ga retu. Ledii ra nya esu’joadru odu disi Kristo ‘ba lofo ‘ba ziti rii kaki ofu loso mgbi ri igeni Rubanga zi mgbi ri tro ‘au ri ‘i.
‘Baziti kaki ‘joa ‘ai esu laku Endri Ole ri dri rii ‘ilegi si.’ Ka reri nyiraa ce ani, ki Bugu Ole ri le ojo Yesu esu batisimu diiri ana efure eyi ‘a si angwe rii Endri Ole Rubanga dri endre’di amamu ani ri esi ori ana dri ga. Dii ofu loso loku ri ‘i vua endri Ole rii kesi ‘ba ‘aidru ofu loso ani di igeni ka ri idri ra.
Inzajoadru, ‘ba ziti ri kojoa ‘ai esu Endri Ole rii ‘aia ilegi enzi rujo ri ilegi ka si. Ki gba Endri Ole ri karuhwe ‘bani ‘aia aikaa kole ebe ‘aini ‘aia enzi ni ra si wa ya? Rubanga ni anda. Endri Ole ri emu hwa aludisa kizaa ani ko ka ‘aisi si ku. Ide ta ku tee ‘ba kowo okposi kusa nosi kilegi ki okposi ani ingoni sa ‘i, hwa Endri Ole ri esi ‘aia dri ga ku. Kesi tete ‘ba ‘aidru igenikaa Rubanga iko tati ana ubale ‘ai arijo rii ra ri ‘bati ‘a dri ga. Kole nyera uje ‘a ci rii hwa aludi sa nyi Endri Ole ri esu kpe ‘jo tee nyowo Rubanga dri mori si na ingoni sa ‘i vua tee ‘jo nyilegi okposi na ingoni sa ‘i. Endri Ole ri ‘a dri ni mgbo ide ta ‘baa lekaa ri ani ku.
Adusi odo ‘baa ra odu ‘jo vudri di ‘a ri isa draa ire ka reco, ki ofu loso pelerendro di le cara tro vua laku Endri Ole ri dri tro karu la kpe; ledii jokaa hwa ecokiru ku ‘i. Ki ‘jo ‘ba eri ofu loso pelere ndro di ‘a ehwi ni ku,dri edaka ovi a’i dri anda ri iga ni kengwi ‘aini lejo gba ri ‘i. Ra ‘ba amgbu ‘a laku Endri Ole ri dri esu’jo kpe rii di ‘i.
Nyi nyi itiri gba nyangasi ingoni ‘jo nya Yesu ni ‘aika ‘a vu ga evu ivolo nyi ra amala esukaa nya ofu loso pelere ndro di nika ku si ‘i? Bugu Ole ri ojo ofu loso Yesu dri pelerendro dii ‘baziti ri ni kendre oni pa rejo ri ani kusa kendre oni konyi ako ri ani.
Ki ‘jo esu nyemu nyeri ta lejo ehwi ruzu’di di batisimu Yesu ‘a esule Yoana dri ri idri ni, nyisa nyi lebe nya enzi dri ri esu ra vua naivu nyiko nyi laku Endri Ole ri dri ri esu ra. Ari enzi ‘ba cidru batisimu ana esule ri si, ana draka kuruce dri si vua onzika anidri ri si. Layu Yesu ‘a hwele amani rii leti anda lari dri ri ‘i. Engwi Aridipi anda enzi ‘ba cidru ni ri ‘i, vua anisi laku Endri Ole ri dri ri ohweru ‘ba ‘aikaa ra ri ‘bati ni ra.
Kesua te nya ‘i ‘a kpa!
Osiru Ofu Oku ri ‘ia ojoru nainga paderea ta azika Rubanga ni ri ‘bati otiki ‘aia pa ni eyi Jurudano dri ri ‘ia di, oba mgbe eyi di engwi aw’i kendre vu logo ri ani. Eyi di ‘a mbaka ana nzuka dii ate nyuma itede ‘jo tri, ki naivu sa nyuma ideru ekpadru. Ki gba ta ride’di okpo rere ‘au’jo rii abu dii eyi ‘aa ru ri tro ecoru vu aw’i ri ‘i. Ta ani dii ideru anda Rubanga ‘a lari dri ite’de ‘jo, di eji ama lebe ama enzi dri ri iga batisimu Yesu dri ri si vua ana ari kuruce dri ri si. Eyi di ‘a nzuka ka ovi enzi cidru vudri di ‘a rii karebe ingo ni ya dri ite’de anzo kolu retu batisimu Yesu dri ri si vua ana ari Kuruce dri ri si. Enzi aca ‘ba cidru dri erijo Adamu si, ki lejo lali dri enzi cidru si ri omba batisimu Yesu dri ri si. Draa, ta rebe’di amani idele rii kolea esuki lebe ama enzi dri rii ama dri a’i ‘a oluka ‘aa si vua ama laku Endri Ole ri dri ri esuka a’i si si. Nya ‘i anda ani pelere ndro jodia Yesu odu nya enzi ni cidru ana batisimu Abu Jurudano ‘a ri si rii ra ya?
Kolea nyigeni asiti cidru si Yesu Kristo ni esu batisimu enzi cidru vudri rii du ‘jo pi. Inzajoadru, kolea ziniga sa di nyini ote, kole nyeri vua nya ‘i okpo okpo ana batisimu dri rii ingoni ya ‘i. Kesu oli paderea di ‘bati koto Jurudano ‘a kuru, ‘ba Isaraile dri ri ‘bati ni to ka ndrie vu Kanaani dri ri iga ni kengwi adu ku. Ta atijoadru rule’di ‘ba di ni to ‘jo vu Kanaani dri ri iga rii kolea koza ki Abu Jurudano dri ri ni kpa. Disidru, kesua tete ama abu dii za Sanduku Cara dri ri tro kpa ku iri ama to vu Kanaani dri ri iga kpe. Di kinia amani ma’di ka lebe ana enzi dri ri esu tete ana ofu loso eyidri ri ‘aika ofu loso Endri dri tro si.
Bugu Ole ri ojo amani batisimu Yesu dri rii ebu Rubanga ‘a idele ni ri ‘i. Anidi oko ideru anisa ondiku kendre andrani ana rideka paderea ta azika Rubanga ni ri ni ri ani. Kendre ondiku andrani paderea di ‘bati ‘a pa tika eyi Abu Jurudano dri ri ‘ia vua mgbe eyi naa nzuka ra ri ani, ‘ba cidru vudri ri isa esuki lebe ‘aia enzi dri rii ‘aia ofu loso ani pelere ndro di ‘aika si.
Laku Endri Ole ri dri ri isa karuhwe kenga ondiku a’i pa etu’di ofu loso pelerendro di iga ri si. Batisimu Yesu dri ri ‘bati ana ari Kuruce dri ri tro ka nya dri ni se nyini lebe enzi dri ri esu’jo ra rii ni vua ka nyini laku Endri Ole ri dri ri isa hwe ra. Ofu loso eyidri Endri tro dii ta gba ruledi ma’di ni laku Endri Ole ri dri esu’jo ri ‘i.
Copyright © 2021 by The New Life Mission
