- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 5: A dik mi sualphuannak
[5-1] A Dik Mi Sualphuannak Tuah Ningcang (1 Johan 1:9)
“Sihmanhsehlaw Pathian sin ah kan sualnak kan phuan hna ahcun, a ding mi le zumhawktlak mi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.”
THISEN THAWNGTHA CU CHEU CHUM THAWNGTHA A SI
Thisen thawng he lawng vancung pennak chung ah kan lut kho lai maw?
Lut kho lai lo. Thawngtha tlamtling kan zumh a herh (Thlarau le ti thawngtha)
1 Johan 1:9 hi miding mi hna ca lawng ah a si. Hi Baibal cang ning in khamhnak a co lo mi nih a sualnak kha a phuan i Pathian hmai ah a palhnak a langhter ahcun a sualnak kha hnawhpiak a si lai lo. Hika zawn ah ka chim duh mi na hmu maw? Hi caang nih hrinthannak a co lo mi a huapchih lo.
Hi vawlei ah hrinthannak a co lo rih lo mi an tampi nain hi Baibal caang an lak ve i sual ngaihthiamnak caah thla an cam i ngaihthiamnak an i ruahchan.
Asinain hrinthannak a co lo mi nih sualphuannak a tuah tikah a sualnak cun khamh a si hnga maw? Hihi a dang kan kal hlan ah buaipi le fianter a hau ngai mi a si.
1 Johan cakuat na rel hlan ah, lamkaltu Johan hi miding maw a si misual ti kha na fian ta a hau. A tanglei bantuk in bia in hal tuah hna ning. Lamkaltu Johan nih ti le thi le Thlarau in hrinthannak a co mi maw a si asiloah misual dah?
Lamkaltu Johan hi misual a si tiah an ti ahcun Baibal ning in na zumhnak a dik lo tinak a si. Lamkaltu Johan hi Jesuh a zumh bakin mithiang a si tiah na zumh ahcun na zumhnak le a zumhnak ai dang ti a fiang. Lamkaltu Johan he zumhnak khat na ngeih a herh.
Bia dang kan hal rih hna lai. Lamkaltu Johan nih hi cakuat hi miding mi hna sin ah maw a tial maw asiloah misual mi hna sin ah dah? Lamkaltu Johan nih hi cakuat hi miding mi han sin ah a tial.
Cucaah, hrinthannak a co lo mi nih 1 Johan 1:8-9 hi an rel i anmah caah an hma ve ahcun cucu a dik lo mi a si. Miding si na duh ahcun na sualnak kha i chir law Thlaru le ti khamhnak thawngtha kha zum. Cutikah vawlei sualnak vialte a tawl dih tu thawngtha in Pathian nih na sualnak kha an tawlpiak ve lai.
Lamkaltu Johan zumhnak cu hibantuk hi a si. 1 Johan 5 ah a “t le thi le Thlarau” in zumhnak ka ngei tiah a langhter. Ti le thi le Thlarau in a ra mi Jesuh Khrih hi na zum maw? Asiloah vailam cung a thisen lawng dah na zumh asiloah Tipi a innak, a thisen le Thlarau dah na zumh?
Jesuh thisen zumhnak lawng in vancung pennak chung ah na lut kho lai maw? Na zumhnak cu vailam cung a thisen lawng a si ahcun nitinte na sual ngaihthiamnak caah thla na cam peng lai ti cu a fiang mi a si ko. Sual chirnak ca thlacamnak nih na sualnak vialte a tawl khawh dih ti na zumh caah a si.
Asinain vailam cung a thisen lawng zumhnak le nitinte sual chirnak thlacamnak thawng in na sualnak tawlpiak dih a si kho hnga maw? Hiti na si ahcun an thinlung ah sualnak a tang peng ko lai zeicahtiah thinsen lawng zumhnak le nitinte sualchir thlacamnak nih sualnak a tawl kho lo. Hibantuk minung na si ahcun ti le thi le Thlarau khamhnak na hngal rih lo i na zumhnak cu zumhnak deu a si.
Lamkaltu Johan cu a hrinthan mi a si, zeicahtiah ti le thi le Thlarau khamhnak thawngtha a zum mi a si. Nangmah hmanh nih thawngtha fiang tein na hngalh lo ahcun zeitindah midang cu na chimh khawh hna lai? Hrinthannak co loin thlacamnak in na sualnak tawl na timh. Cubantuk lam nih cun khuazei hmanh ah an hruai lai lo.
Zeitluk fak hmanh in thlacam law an sualnak i chir ko law, sualnak cu an thinlung in a tlau kho lai lo. A caan ah sualnak vialte a tlau dih ti na zumh lai nain cucu na lungthawhnak le khuaruah sawhsawh lawng a si. Thla na cam i na sual nai chir ahcun nikhat chung ah na zalong ko men lai. Asinain cuticun na sualnak zeitik hmanh ah na luat kho lai lo.
Misual mi nih thla an cam i an sual an i chir i an sualnak in khamh an i ruahchan. Hi ruang ah hin Jesuh an zumhnak caan saupi a si cang ko nain misualfa an si peng nak a si. Thlarau le ti thawngtha an hngal lo. Jesuh na zumh i hrinthannak na co lo ahcun hibantuk minung phu ah nai tel ve tinak a si. Nitinte thlacamnak le sualchir thlacamnak in na sual hnawh na timh peng ahcun, a fiang mi cu, na hrinthan rih lotinak a si. Lamkaltu Johan bantuk in Thlarau le ti thawngtha na zum lai maw asiloah nangmah ruahnak le zumhnak ah na dir peng lai. Pakhat hi a dik mi biatak a si ahcun a dang pakhat hi a deu tinak a si.
Baibal ning in thawngtha biatak cu Jesuh cu vawlei sualnak vialte kalpi ding ah tipilnak pek a si i sual leiba champiak ding ah vailam cung ah biaceihnak a tuar ti hi a si. Ahohmanh nih Jesuh tipil innak le vailam cunga thisen a zumh ahcun a sualnak vialte chung in voi khat ca zalak in khamh a si lai. Cun kam khat lei in, mi pakhat a sualnak kha nitinte thlacamnak le sualchirnak in hnawh a timh ahcun a sualnak in zeitik hmanh a luat kho lai lo. Nitinte na sualnak dihlak na hngal kho dih hnga maw? Na hngalh lo mi sualnak kha teh Pathian nih tuanvo a la lai maw? Nitinte sualnak hi sualchir thlacamnak nih a hnawt kho maw? A lehnak pakhat lawng a um cu, a hnawt kho lo ti hi a si.
A DIK MI CHIRNAK LE SUAL PHUANNAK NIH AI TINH MI
Sual phuan le riantha rikhiah cu zeidah a si?
Nawl kan buarnak nitinte phuannak le thil tha tuahnak thawng in khamh kan si kho lo.
Baibal ning in sualchirnak cu zumhnak dik lo in zumhnak dik ah kir, asiloah miding mi caah cun palhnak kha i hngalhfian i thawngtha bia ceunak tang ah kir tinak a si.
Atu ah misual na si ahcun a tanglei bantuk in phuannak na tuah lai, “Pathian, sualnak ka tuah caah hel kal tlak ka si ko. Asinain ka sualnak chung khamh ka duh hringhran. Zaangfahnak tein ka sualnak in ka khamh ko sawh. Hrinthannak ka co rih lo, i hell kal ding ka si ti zong ka hngalh ko” tiah na ti lai. Hihi a dik mi sualphuannak a si.
Cuti asi ah, a hrinthan mi nih teh zeibantuk sualphuannak dah a tuah lai? “Pathian, ka taksa duhnak zulh in sualnak ka tuah. Jesuh cu ka sualnak vialte tawl ding ah Johan nih tipilnak apek tiah ka zumh i atu ah ka tuah mi sualnak vialte, thih tlak a si mi sualnak ca zong ah tipilnak a in i ka saulnak a tawl dih cang tiah ka zumh. Ti le thisen in a ka khamh caah Bawipa ah kai lawm” tiah ti ding a si. Hrinthannak a co cang mi sualphuannak le a co rih lo mi sualphuannak cu ai dang.
Lamkaltu Johan bantuk zumhnak kan ngeih dih ding a si. Miding mi nih an sualnak kha sualphuannak an tuah tikah an thuh ahcun zeitikhmanh ah khamh an si lai lo, zeicahtiah sual man cu thihnak a si.
Hrinthannak a co rih lo mi misual vialte nih sualphuannak sual tawl an timhnak vialte kha an kaltak i ti le thisen le Thlarau khamhnak thawngtha kha an zumh ding a si. Lamkaltu Johan zumhnak hi an cawn ve i khamhnak an co ding a si.
Misual mi nih zeitluk in dah sual biaceihnak a fah ti kha an hngal lo. Pathian hmai ah a fak bik mi sualnak cu Thlarau le ti khamhnak thawngtha zumh lo hi a si.
Jesuh a zum i hrinthannak a co rih lo mi hna nih, “Bawipa, kei cu hell ah tlak awktlak misual ka si, ka sualnak vialte ka tawlpiak dih ko” tiah an ti awk a si. Misual mi nih Jesuh tipil innak le vailam cung a thisen nih a ka khamh cang ti thawngtha a zumh tikah a sualnak vialte in khamh an si. Hihi misual mi nih Pathian hmai ah sual thianhnak an co khawhnak hnga, an phuan ding mi sualphuannak cu a si.
Misual mi nih cun hrinthannak ka co rih lo, cucaah Thlarau le ti hrinthannak thawngtha ka zumh a hau ti kha a phuan awk a si. Cutikah chikkhat te ah a sualnak in khamh a si lai. Thlarau le ti thawngtha nih misual mi khamhnak cu a tlamtlinter. “Zeicahtiah vawlei cung dihlak ah hin a kan khamh khotu ding min dang zeihmanh a um lo,” (Lamkaltu 4:12). Pathian nih minung vialte cu a fapa Jesuh tipil innak le vailam cung a thihnak in a kan khamh.
Pathian nih minung taksa sualnak vialte cu an chuah in a thih ni tiang in a khamh dih hna. A kan khamhtu thawngtha biatak hi kan zumh ding a si. Hi lam lawng hi sualnak vialte chung in luatnak lam le thianhlimnak lam a si. Thlarau le ti thawngtha kan zumhnak lawng ah voi khat ca zalak in mithiang kan si kho.
Jesuh cu tipilnak pek a si, vawlei sualnak vialte a kalpi dih, vailam cung ah a nunnak a pek i nithum hnu ah thihnak in a thawhthan hnu ah atu cu Pathian orhlei kam aha thu. Hihi biatak cu a si.
Hibantuk phuannak hi kan tuah awk a si. “Bawipa, ka thih tiang sualnak tuah dah ti lo, ka tuah khawh mi dang a um lo. Ka nu pawchung in misual in hrin ka si i ka taksa nih a tuah mi sualnak ruang ah hell mei ah kal ding ka si. Hi ruang ah ti le thi le Thlarau a ra mi ka Khamhtu Jesuh hi zumh ka duh” tiah kan ti awk a si.
Matthai 3 ah ai tial bantuk in, Jesuh nih Jordan tiva tipil a innak thawng in kan thih ni tiang kan tuah mi sualnak vialte a tawl dih cang. “Biatak kha nan hngalh lai i biatak nih cun an luatter hna lai” (Johan 8:32).
Jesuh nih Adam sualnak lawng in kan khamh sehlaw a dang sualnak kan tuah mi kha kanmah tein kan buaipiter sehlaw lungretheihnak in kan khat hnga. Asinain Jesuh nih tipil a innak le a thisen in kan sualnak vialte in a kan khamh cang. Zeidah lungretheih ding kan ngeih ti? Tipil a innak le vailam cung a thisen kan zumh ahcun, kan thinlung ah Thlarau a um caah Bawipa kha thangthat ko.
Jesuh na zum maw? Thlarau na chung ah a um ti na zum maw? Na sualnak vialte kha Jesuh tipil a innak in a cung ah khin dih a si. A hnu ah kan sualnak caah biacei a si i zungzal sualphawtnak in a kan luatter. Hihi a dik mi thawngtha a si.
MIDING MI SUALPHUANNAK
Miding mi sualphuan dik cu zeidah a si?
Nitinte an sualnak kha hngalh i cu sualnak cu Jesuh nih a luancia kum 2000 ah a tawl dih cang ti zumh `kha a si.
1 Johan 1:9 ah, “Sihmanhsehlaw Pathian sin ah kan sualnak kan phuan hna ahcun, a ding mi le zumhawktlak mi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.” Hi a sullam cu mi pakhat nih Thlarau le ti thawngtha ka zumh cang lai tiah biakhiahnak a tuah ahcun, “Bawipa, sualnak dah ti lo ka tuah khawh mi zeihmanh a um lo, sualchir thlacamnak nih a ka khamh kho lo ti ka hngalh. Sualnak man cu thihnak a si i Jesuh tipil innak le vailam cung a thisen dah ti lo, a ka khamh khotu dang an um ti lo ti ka hngalh. Tuni ah sualnak ka tuah nain ka sualnak vialte cu Jesuh nih a luancia kum 2000 ah a ka tawlpiak dih cang ti kha zumh” tiah an ti awk a si. Hiti thla na cam ahcun na chiatha thleidannak a um mi sualnak kha chikkhat teah a lo ko lai.
Hrinthannak a co cang mi nih cun an sualphuan lawng a tang cang. Sualnak an tuah mi vialte Jesuh nih a tawl piak dih cang ti kha an hngalh peng a si. Jesuh nih misual mi caah a luancia kum 2000 ah tipilnak le thihnak a in caah, zeitluk miderthawm si hna hmanhsehlaw, an sualnak vialte Jesuh nih a tawl dih cang.
Tunih ah kan rel mi Baibal cang hi mithiang mi caah a tha tuk mi Baibal cang a si. Asinain misual mi hi Baibal cang hi lain a si loning in a hman ahcun hell ah a kal ko lai. Cun hi Baibal cang hi Baibal ah lakpalh bik mi Baibal cang pakhat a si ve. Khrihfa karlak ah ruahnak phunphun a chuahtertu Baibal cang zong a si.
Siibawi thiam lo mi nih a mizaw a thah tawn ti chimphung a um tawn. Siibawi thiam lo mi nih a ti khawhnak pin lei tiang riantuan ai zuam ahcun a mizaw kha a thah ko lai.
Mi pakhat nih a tuanvo a lak khawhnak ding ah cun tha tein cawnpiak le training pek ta a hau. Hihi zumhnak lei zong ah a si ve. Pathian bia a cawnpiaktu hna nih cun dikte le fiang tein an cawnpiak hna i, an sinah a cawng mi hna zong nih cawnpiak an si bantuk in zumhnak an ngei ve lai.
Thawngtha chimtu an hnuzul kha a dik lo mi zumhnak an cawnpiak hna ahcun asiloah zumtu nih Baibal kha a si loning in a cawn ahcun biaceihnak an tuar lai i hell ah an kal ko lai. Hrinthannak a co mi lawng nih Baibal dik tein an cawnpiak khawh. Sii tha zong hi a ningcang te hman lo ahcun mi a thattu a si bantuk in Pathian bia cawnpiak le cawn zong hi a si ve. Mah hihi mei bantuk in kan nunnak ah a biapi mi a si. Mei kha ngakchia kut ah kan chiah ahcun fahnak a pek bantuk in Pathian bia kha a dik lo mi kutcung kan phakter ahcun fahnak a chuak ve lai.
Miding mi hna sualphuannak le misual mi hna sualphuannak hi kan thleidan thiam a herh. 1 Johan 1:9 hi cu miding caah a si. Miding mi nih zumhnak he Pathian hmai ah a sual a phuan tikah a sualnak vialte in luatnak a hmu, zeicahtiah a luancia kum 2000 ah Jesuh nih a sualnak a tawlpiak dih cang caah a si.
Misual mi hna nih sual chirnak thla an cam tikah an sualnak hnawhpiak an si ti an zumhnak hi a palh mi zumhnak a si. Hrinthannak a co lo mi nih sualphuannak an tuah tikah an sual hnawhpiak an si maw?
Pathian cu a ding mi a si. A fapa ngeihchun te kha hi vawlei ah a vun thlah i vawlei sualnak vialte kha tipil innak in a kalpi dih hnu ah ti le thi le Thlarau khamhnak thawngtha a zum mi paoh a khamh hna. Cucaah, a ding mi nih a sualnak a phuan tikah, Pathian nih na sualnak vialte cu a luancia kum 2000 ah Jesuh nih an tawlpiak dih cang tiah a rak ti. Cutikah a taksa nih sualnak tuah hmanh sehlaw a thinlung ah sualnak a ngei ti lo kha a hngalhfian.
Copyright © 2021 by The New Life Mission
