- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Ta tajore driaru ri `i 8: Endri Ole ri `i
[8-19] Ofu loso pelere ndro kateni ‘jo lemu dri ri ‘ia ri sidi ri ‘i (Mateo 27:45-54 ojo)
(Mateo 27:45-54 ojo)
“Onga bi saa azia oca bi saa dricalu logo nai ndutu eci triko triko. Ire saa dricalu si Yesu odi ti ri, owo uduku ere riisi, ‘Eloi, Eloi, lama sabakitani?’ ehwi ani, ‘Rubanga madri, Rubanga madri, nye’be ma adu si?’ ‘Ba ziti umbaka na ‘a ri ‘bati ‘a ta dii erika si, o’joki, ‘Ma’di di ka Elia ni ungwe!’ ‘Aia alu olu ezeeze amori ejire, osu vino ondale ocahwi tro ri ‘ia, osu sosu si, oko ohwe anidri mvule. ‘Ba ziti ojo, ‘Ote dri; oko ondreki dri ‘di elia kemu ani arire ra ya ‘i.’ Ki ziniga Yesu owo olo’bo si, oko odra ra. Mgbesa, bongu ‘jo Rubanga dri ri ‘ia ri osi tra enga’jo oru ndi vuru; vu oyoru, oni sa ufe kperi kperi, budri awiru mgbo; vua ‘ba ole draka ra rii onzi ‘ba draka ri ‘bati ‘ia si ra; ‘ba di ‘bati Yesu ‘a onzika ni vu, oyiki bu dri ‘a si angwe, otoko tauni ole ri ‘ia, vua ite’dekiru ‘ba amgbu ni ra. Amba alu asikari dri ‘ai ana asikari Yesu ‘a laga ni teka ri tro, ondreki vu ‘a royoka ti ta cidru ri’deka ri tro di, ori oko ‘ai ci, O’joki, ‘Lokudru dii Rubanga ‘a Ngwaapi ‘i!’”
“Onga bi saa azia oca bi saa dricalu logo nai ndutu eci triko triko. Ire saa dricalu si Yesu odi ti ri, owo uduku ere riisi, ‘Eloi, Eloi, lama sabakitani?’ ehwi ani, ‘Rubanga madri, Rubanga madri, nye’be ma adu si?’ ‘Ba ziti umbaka na ‘a ri ‘bati ‘a ta dii erika si, o’joki, ‘Ma’di di ka Elia ni ungwe!’ ‘Aia alu olu ezeeze amori ejire, osu vino ondale ocahwi tro ri ‘ia, osu sosu si, oko ohwe anidri mvule. ‘Ba ziti ojo, ‘Ote dri; oko ondreki dri ‘di elia kemu ani arire ra ya ‘i.’ Ki ziniga Yesu owo olo’bo si, oko odra ra. Mgbesa, bongu ‘jo Rubanga dri ri ‘ia ri osi tra enga’jo oru ndi vuru; vu oyoru, oni sa ufe kperi kperi, budri awiru mgbo; vua ‘ba ole draka ra rii onzi ‘ba draka ri ‘bati ‘ia si ra; ‘ba di ‘bati Yesu ‘a onzika ni vu, oyiki bu dri ‘a si angwe, otoko tauni ole ri ‘ia, vua ite’dekiru ‘ba amgbu ni ra. Amba alu asikari dri ‘ai ana asikari Yesu ‘a laga ni teka ri tro, ondreki vu ‘a royoka ti ta cidru ri’deka ri tro di, ori oko ‘ai ci, O’joki, ‘Lokudru dii Rubanga ‘a Ngwaapi ‘i!’”
Kateni ‘Jo Rubanga dri ri ‘ia rii
saa Yesu ‘a dra’jo kuruce dri na si
ana si’jo ra rii adu ta?
Ledii kite’de dru Opi Rubanga dri ri ‘a joti
awiru mgbo ‘ba cidru batisimu Yesu
dri ri ‘aika ana dra tro
ri ‘bati ni ‘i ‘i.
Anda anidru ofu loso pelere ndro di ‘ia ri ‘a ehwi ni erijo pelere, kolea ma’di alu alu koni vua keri ovi azi azi’jo aninga Ofu Oku ‘a Rubanga ‘a Andra ga enzi ma’di enzidipi ri dri ri ebe’jo ri ‘a ehwi ni kpa. Kolea nyini vua anya ‘i anda di ‘bati ‘au.
Kolu andrani ovi ati oku azi azi’jo laku esu’jo ri si, ondi kendre ana rusika Ofu Oku ‘a bugu Levitikasi dri ana joti nzago rii 16 ni ga ri ani, ojoru amba azi ole ri dri ri ka ana dri ni ti idri olu’di lidri ri ‘a dri ga koko ka enzi cidru ‘baa idele kinya ‘a ri
ba indri di ‘a dri ga. Laki Isaraile dri rii ndutu ‘a kare ga, azi dii adi di ‘a kpo amba azi ole ri dri ri koko ka ari ani uyi kare egbwe ‘a rire ri iga. Di koba enzi cidru Isaraile ‘baa idele rii karebe ra. Alua ri ani, tete ‘ba ‘aidru ovi dri ti jo dria di ‘aika ra ri bati, ‘ba ari ni ‘aika lejo Rubanga dri ri tro ri ‘bati koto kare Ole rere ri iga ra rii ni.
Kila sa paderea ta azika Rubanga ni ri ‘bati koto ewo zi alu ‘joa kare lemu dri ri dri iga wa, kaki ebu ide laka na ‘a. Ki kare erijoadru rii, ani kare Ole rere ri ‘i, amba azi ole ri dri rii kohwi laka tete wa rii ni vua kinya ‘a kohwi tete vu alu, kohwi ari ako kpe, kole duba koji ari ana azile lebe ejijo ani ni ana ngasi rii laki ziti enzi ideka ta ni ka ku si ri ‘bati ni rii tro tro (Eberei 9:6-7).
Alua ri ani, amba azi ole ri dri ri isa aludisa kohwi kare Ole rere ri iga azi ari si ti rubadi enzi ebe’jo dri ti ka driaru a’i si rii ako kpe.
Kendre ana rujoka Ofu Udi ‘a ri ani, Yesu Kristo aziru ama si
Ofu Udi ‘a, ojoru amani ma’di ka tete hwi Opi Rubanga dri ri iga wa rii ana a’i batisimu Yesu dri ri idri ri si ana ari kuruce dri ri tro. Kateni ‘Jo Rubnga dri ri ‘ia rii osi engajo ori nditi vuru rii adu nga? Di ideru esu Yesu ‘a emuka vudri ana repaka kuruce dri oko ana batisimu esuka Yoana dri ‘a vu ga.
Ra ruhwedi di idri rii ingo ‘i? Yesu emu vudri di ‘a kendre azi ani, ungwe ani Biloangwa Rubanga dri, enzi vudri ri dudi ri ‘i esu batisimu Yoana dri, disidru dra anidri ri si oje enzi cidru ‘baa idele rii pelere. Sika kateni di dri dia ehwi ni enzi cidru inga zi si ama lofo anzudi Rubanga tro rii draa cidru obaru Yesu ‘a batisimu ni dri ana ari kuruce dri ri tro ‘i.
Yesu ni ana ngasi onyo icandi dii mgbu ana musara enzi dri ri uhweka si, dii dra ‘i. Yesu esu batisimu vua odra kuruce dri enzi cidru vudri ri ni rebe’jo. Ledii ra kateni Jo Rubanga dri ri ‘ia ri ‘a sijo eri ri ‘i. Amala amba azi ole ri dri rii kohwi kare lemu dri ri iga ovi dritijo dria ri si, ki amale draa ama to Opi Bu dri ri iga wa amako ama ranzo ama a’i Yesu ‘a batisimu ni dri ri si ana ari tro ra.
Yesu ‘a drare kuruce dri rii, owo uduku si ere, ojo, “Eloi, Eloi, lama sabakitani?” ehwi ani, “Rubanga madri, Rubanga madri, nyebe ma ra adu si?” (Mateo 27:46) Ki ana okore rii, ojo, “Dria lejo oko ra!” (Yoana 19:30)
Yesu ni Ata ebe kuruce dri si gaadru ra adusiku odu enzi cidru vudri rii batisimu ana esule Yoana dri Abu Jurudano ‘a ri si ana ru ga.
Odra lari hwe’jo ‘ba cidru ni. Amla Yesu ‘a batisimu ti ana dra kuruce dri ri tro oba, ‘ba cidru ‘aia a’i ni baka ana dri ka rii esuki lari ra. Adusiku uti ama enzi ‘ba vua sa tro aba dri rizaka ga, disidru Yesu esu batisimu ama enzi ni ndutu du’jo.
Aninga eri eze sa ‘joti Opi Bu dri ri dri rii aburu ci paka Yesu odu enzi cidru vudri rii ana ru ga kpa. Yesu oce ani kesu batisimu Yoana dri di vua oce ani kodra kuruce dri si di, kateni Jo Rubanga dri ri ‘ia rii mgbe osi tra erijo oru nditi vuru ‘ausini ma’di alu alu ofu loso pelere di ‘aidi rii kohwidru Jo ole Rubanga dri bu ‘a ri iga wa si.
Manzo Opi ni okposi ana bakaa ma a’i ‘a oluka ofu loso pelere ndro ofu loso eyidri Endri tro di idri ‘aa si ‘i. Draa ani cuwidru mahwi Opi Bu dri ri iga ma ‘ai ofu loso pelere ndro Yesu ‘a idele ana batisimu si vua ana ari si disi ‘i.Adsusi ku ma lari esu ma mori ma ngasi ri si kpe, vua hwa mesua ma okpo ma ngasi ri si sa kpe.
Tutu ama dri ni sedi tojo Opi Bu dri ri iga rii adi aludi sa esua ilegi si kpe, di ka resu dride hweka si kusa lejo Rubanga dri laka si sa kpe. Ma’di ka lari esu wa rii tete ana batisimu Yesu dri ri ‘aika ana ari kuruce dri ri tro si. Ma’di kohwi Opi Bu dri ri iga wa rii ana ‘ai ‘a oluka ofu loso pelerendro di idri ‘aa si. Adusi ku Yesu i joti Bu dri ‘i. Geni zi mgbi ‘ba ‘aidru Yesu ni ‘aika ra ri ‘bati ni iyo. Hwika bu ‘a ni ta opale ma’di ‘a ani hweka ta hweka ‘ba ikonyijo ri si kusa, mori vu dri ri ebuka si, kusa nosi ta loso ri ideka si rii ku. Ta tete alu vua anda ‘ai ‘ba ni tojo Opi ni ‘a wa rii ‘ai ofu loso Yesu ‘a batisimu ana esule Abu Jurudano ‘a ri idri ri ‘bati ‘ai ana ari kuruce dri ri tro.
Eyi ni ‘aika ni (Yesu ‘a batisimu Abu Jurudano ‘a ri ‘i) vua ana ari ‘i (dii ana kuruce ‘i) ka nya dri ni se Opi Bu dri ri iga ni. Ki ma’di dria dini sa enzi ‘a olure asiti ‘a ru ‘aa rii, ‘jo tee kesu kai Yesu ni ra sa, kolea draa kai ta alu: dii ofu loso eyidri Endri tro ri ‘i adusi ojoru di koba. “Anyi lejo anda ri ni ote, vua lejo anda ri koba anyengwi ‘ba kulala ri ‘i” (Yoana 8:32).
Ani driso odu gba ndo ama drajo rii ku ki Yesu le oni ote. Ki amala ama ama ru enzi ide’di andeka ako di nika cuwidru si, oje ama enzi ni cidru si pelere Ana batisimu si vua ana ari kuruce dri ri si di ideru draa oji kinya elifu eri ni ra.
Draa anyiba igeniki ofu loso pelerendro kateni Jo Rubanga dri di ‘ia di si’di di ni
Aridipi otiru ru Viriko Mari dri si lari hwe’jo ‘ba cidru vudri ri ni ‘aia enzi si. Di ideru batisimu ana esule Abu Jurudano ‘a ana kinyaa olure 30 ri si, ledi oba Yesu odu enzi cidru vudri rii pi. Enzi cidru ‘ba dri vudri di ‘a awi ako ‘aidri tro rii cidru eberu ra anzo kolu Yesu ni. Batisimu driaru ri ‘bati ana ari tro kifunga olu’di tadru lari hwe’jo enzi ‘ba cidru ri ni ri ‘i. Yesu esu batisimu vua ari ani ora kuruce dri oba ‘ba ‘ai tro ofu loso pelere ndro di idri ri ‘bati kaki to Opi bu dri ri iga ra.
Kateni ‘Jo Rubanga dri ri ‘ia ri osi saa Yesu ‘a drajo kuruce dri ri si. Kateni ‘Jo Rubanga dri ri ‘ia rii kosi karanzu eri saa Yesu ‘a drajo kuruce dri ri si ni ingoni? Ra ani adusiku lari enzi ‘ba cidru vudri ri ni rii esuru ani si ofu loso ani pelere ndro disi.
Ofu Oku ‘a, esuki lini ‘jo lemu dri Isaraile ‘ba ni ri ‘a dri ga. ‘Aa ru oba alitari azi igwele igwe ri azijo ri bati cupe azi azijo ri tro. Nyi cupe di ebe gaadru, mgbe nyihwi kare lemu dri ri ‘ia, oguaru oba kateni sanduku cara dri ri ani di ri ‘i, dii kare Rubanga ‘a olure ga ana eku tro ri ‘i.Kateni dii ide uzi anda ri si ‘ausini tee kaino isu ‘oi ruaru koku ki ru kare ata ga sa kaki sia kpe ri ‘i. Amala Opi Solomone eya eco ‘jo Ole Rubanga dri rii kare lemu dri ri si di sa, ovi ta ani ‘aa ru ri dri ri ecoru kuru, kateni na olu liri sa na ‘a ka goga hwe lofo lofo kare Ole rere ri dri iga. Ki, Yesu eya odra vua ari ani ora kuruce dri di mgbe kateni di osi tra anzuru eri ido’jo drile ga nditi vuru. Di kinia di anda anda kusa di pelere ofu loso Yesu ‘a ikole ana batisimu si vua ana ari si dii ingo ni ya ‘i.
Rubanga oco tutu enzi ‘ba cidru vudri ri iru ana tutu coka ‘aia ru ga ana lidri olure tadru ri hweka ‘aini si, ose ‘aia dri ni ofu loso pelere ndro ri iga, kendre azi enzi ti uhwe’jo ri ani Yesu isa odu enzi cidru vudri rii pi saa ana batisimu esu’jo Yoana dri ri si vua saa ana drajo kuruce dri ri si. Bugu Ole ri ojo, “Enzi ‘a musara ni dra” (Roma 6:23). Kendre ondiku andrani saa Ofu Oku nadri nasi na ani, ma’di kohwi ‘Jo Ole Rubanga dri ri ‘ia ari azi dri ri tro koko ka laku esu ana enzi si ‘ausi, disidru adiki evu Rubanga niandra ama azi tro, azi dii Yesu ‘i, di koba ama lebe esu enzi cidru ama idele risi ra. Dii lejo anda ri ‘i. Adusi lejo ojo, “Enzi ‘a musara ni dra” di kite’dea amani di ofu loso pelere ndro dii di anda ani ingoni ya ‘i.
Leti anda vujo Bu ‘a rii tete ofu loso pelere ndro di ‘aika ‘i. Kateni dia sika ‘a ehwini Opi Rubanga dri ria rawika ‘i. Jo amevu ani vua amigeni ofu loso ani pelere dii ni, ama joa, “Oh, Yesu odu ma enzi ni cidru si pi. Oh, Yesu uhwe musara ma enzi dri rii cidru kuruce dri si ra!” draa joti vujo Bu ‘a rii karawi ama andraga si ra. Bu ni dria awiru mgbo ‘ba layu esuka ‘aia ‘ai Yesu ‘a batisimu ni dri vua ana ari ni dri ri ‘bati ni ‘i. Ari Yesu dri ri ari enzi ‘ba ‘aini drajo ku ni vua batisimu driaru ri le ideru enzi cidru vudri ri du’jo.
Opi oce ani kodra kuruce dri diiri vu oyoru ra vua oni sa ofe kperi.
Diani di oba, ari driaru ri ri osu vudri di ‘a oko ido dika kare ziti ri iga. Adusiku Yesu ‘a drare kuruce dri rii, enzi cidru ‘baa idele ri onga pi, lejo ofu loso loku ri dri ri eko ra, di eco ‘ba cidru ‘ai tro ri ‘bati oba kaki to Opi Bu dri ri iga wa. Ani dii ondi anda oti udi ri dri ri ‘i.
Laki ziti amgbu ‘aa obiki ta zeledri undrule ra ‘ausini ‘ai koga dru Yesu Kristo ni ma’di ru si rii ni mgbe si. Ki lejo ‘aii nzele erijo odo oku ri iga itedeajoadru ta ‘aia jole ri ce ni aludi sa iyo. ‘Aii lofo, ‘ba amgbu ebe ovi ta ‘aia inile ri dri rii ni oko evu igeni ki ofu loso Yesu ‘a batisimu dri rii ana ari dri ri tro ‘au. Evu eraki ta amgbu tau Yesu ‘a dri ga rii ra disi ta itede’dia ani adi ‘i ya ni di gaka ni ta okpo rere re ‘i. Evu esuki ta ani anda dia ehwi ni diiri ‘aiki Yesu ni aini Aridipi dru ra ‘aia ofu loso pelerendro di ‘aika si, adi di ungwe ana, oti ‘i, batisimu ‘i, dra ‘i, onzi ka ‘i, tuka bu ‘a ‘i vua engwika driaru vu erijaodru si ri ‘i.
Esu ani ta aludi sa batisimu Yesu dri ri idri ku. Mi amadri ri ondre di adute ideru kinya 2,000 ledi ‘ia ni ya isa ku. Adusiku, ta rusidi ra ri si, ma’di alu alu keya ka ofu loso pelere ndro dii ni wa. Yesu onyo lofo enzi dri ‘ba tia lofo ni anzudi Rubanga tro rii ana batisimu si vua ana ari si, vua ani ledii ta badia kateni Rubanga ‘a Opi dri ri dri ‘a sijo tere ido’jo oru nditi vuru ri ‘i.
Amala draa ma’di alu alu ofu loso pelere ndro eko’di batisimu Yesu dri ri si vua ana ari si di igeni di rii kohwi Opi Bu dri ri iga ra. Jodiniri nyidri gba ‘ai ce rii batisimu Yesu dri ri idri ana ari tro ‘aa ya, dii ungwele ofu loso anidru pelere di ‘i, anyigeni ani kifunga Opi Bu dri ri dri ‘i ni ra ya?
Masa andrani ati ma mangasi ma’di enzidipi ri ‘i, migeni nainga sa Yesu ni ma Aridipi ‘i ni ra ki hwa alu’di sa ani ta ofu loso pelere di idri ku. Ki zi si, meya ala ta ana le tasi ku mani ri ‘a dri ga Bugu Ole ri ‘ia. Meya masu kumbe esu batisimu mani, odra kuruce dri sa mani vua sa tro onzi lidri di mani.
Yesu ohwe amani lari ana batisimu esu ka Abu Jurudano ‘a si vua oko odra kuruce dri musara cidru ama enzi dri rii uhwe’jo adusi ana le ama ru ga rii retu. Draale ama to Opi Bu dri ri iga wa ama ofu loso ani pelere ndro di igani ka si ‘i.
Dii Rubanga anda retugodru ‘ba cidru ni ri ‘i-vua ta ani di eri anda oku odo dri ri iga. Onzeta driba ana-Ebu ni dri-Ana oti ni dri, ana batisimu Abu Jurudano ‘a ri idri, ana dra kuruce dri ri idri, ana onzika ni dri- ta ai ledii cidru ohweru amani lari esu’jo ama enzi ‘a dri ga. Esu oze ama vule aci olure tadru ri ‘ia dra vu ra, ki Yesu edu ama ‘bobo dru si aci olure tadru di ‘ia pi oko ohwe amani ofu loso pelere ndro badia ama vu Opi Bu dri ri iga wa rii ‘au.
Ma andrunzi ma lele ndro ri, Yesu odra kuruce dri di, asikari go zi oso ana mara ni aju si kuruce dri si ‘i, mgbe emi emi ari eyi tro oyi ana mara ga si angwe. Di i’deru ondiku kendre ana rusika Bugu Ole ri ‘ia ri ani. Di ka ta driba nze ofu loso pelere ndro Yesu ‘a batisimu dri ri idri ana ari tro.
Nya ‘i raa, nya ‘i nya geni Yesu ‘a ari ni dri ri ate nyini lebe esu’jo nya enzi ‘a driga ni ra ya? Yesu ‘a batisimu ‘a konyi ni ga ya nosi ana batisimu isa ate nyini lari esu’jo tri? ‘Jo nyigeni di ani, kole gbe nyiru nya enzi ni. Kolea draa igeniki ofu loso Yesu ‘a batisimu dri rii ana ari tro ‘au vua igeni ‘ai kendre anda ama Rubanga dri ‘i ani.
Ile nya enzi kojeru pelere ni ra ya?
Ondiku kendre kole ‘a amuhwe ama mori ‘a tini amani engwi ‘jo mori ako ri ani, kolea amadri geni kolu ofu loso pelerendro Yesu ‘a batisimu dri ri idri ana ari kuruce dri ri tro ‘aa ‘jo ale amajeru ama enzi ni ‘a si pelere ni ra ‘i.
Kole aludisa ideki enzi ofu loso Yesu ‘a batisimu ana ari tro ri ‘aijo ku rii ku. Jo tee dri mgbe amaba enzi ama dri rii gbo Yesu ni ru kuru sa ‘i, ma’di o’ja sa di mba’di ama lofo ga rii ide ta ledii ama kare ga ra.
Yesu odra kuruce dri di, budri ‘ba ziti draka ani ‘a ri ‘bati dri ri ‘a ti awi’ru mgbo naivu anisa olu o’du ubiku mgbe onzi ra oko oya Galilea ‘a. Ta ani gba pelere di odu kare ra, ki sa ‘ba ‘aikaa ku rii amgbu.
Ama Opi ohwe Opi Bu dri rii ama ni, ohwe Opi dii ‘ba anda, lebe ‘aia enzi dri ri esuka ra ri ‘bati ni. Amesu lari ra vua sa tro oti ama Endri si di, ta di ideru ama mori ama ngasi kusa nosi ovi loso ama olu’jo ama dini ni ‘a ri dri si ku hwa alusa i’deru mori okpo tro ama dini dri ri si ku, ki i’deru ama ‘ai ofu loso pelerendro di idri ri si. Ofu loso ani dii odo nyadru rii ku. Adusi enzi cidru vudri rii obaru Yesu ni ru oce kesu batisimu di ‘i ri ‘i. Enzi alu sa ana ru ga iyo, ki sa kolea kodra kuruce dri laku hwe’jo enzi cidru ana dule ana batisimu si ri ni rebe’jo.
Yesu ‘a drare rii, vu oyoru ra, vua oni sa edra kperi ra. Ki asikari go amba Yesu ‘a laga ti teka ri bati asikari ziti ana laga ga ri tro oce kitiri ki vu royodi rii ta amgbu ziti ride’ka ri tro di, ori retugo ri oko ‘ai ni, ohweki sadini oko ojoki, “Lokudru dii Rubanga ‘a Ngwaapi ‘i” (Mateo 27:54).
Yosefu ni ilonyidipi Arimatia go rii oya odu ru imwa Yesu dri rii, oli bongu pelere ri si ci oko ose ani bu anidri ana ngasi ri ‘ia. Amba ‘ba ta azika Rubanga ni ri drii Farazei ‘ba tro ohwe cara budri di ‘a laga ni te ‘jo ndi odu inajoadru ri inga.
Ki sa, Yesu onzi lidri di lidri udi ri hwe’jo ‘ba ‘aidru ofu loso pelere ndro di igenika ra ri ‘bati ni. Oko oya Galilea ga dii kare ana jorea ani ka ana maju ti esu laka oca driso drare kuku nga ri ‘i. Ta ‘aidii cidrusi – Ana oti ‘i, batisimu ‘i, draka ‘i, onzika ‘i, ana tuka bu ‘a ‘i vua ana engwika vu erijoadu ri si ‘i – kpodru ka ta driba nze ofu loso pelerendro di ‘a dri ga.
Vua tro sa mengwi ma’di sadini hwe’di ‘ba sadini hweka ri ‘bati ni ri ‘i ma ma’di jo’dia Yesu ni Ngwaapi Rubanga olu’di tadru ri dri ‘i ri ‘i vua ani ma Aridipi ‘i.
Ofu loso ce rii ka runze adi ‘a ru si?
‘Ba ‘ai tro batisimu Yesu dri ri idri ana ari tro ri ‘bati kaki sadini hwe ofu loso pelere vua ce ri idri wa. Ofu loso pelere vua ce rii sadini ‘ba lari esuka ‘aia enzi ni ‘a ra ri ‘bati dri ri icaka ‘i. Jo ma’di esu layu ana enzi ni ‘a ri dri rii ana ofu loso pelerendro di ‘aika si ni, mgbe Endri Rubanga dri ri kidoa ma’di di aseka, ni koko ka ma’di di eco ovi ana lele ri si ondiku kendre ana lekaa ri ani. Lejo Rubanga dri anda eji’di wa di kaci andraga lidri ecoka hweka ma’di anda ri ni ana ‘ai ni mba’jo okpo tro ‘i. Ka ma’di di eco, koba ka Opi ‘a ru ni ecu okposi. Adusi Rubanga ‘a lejo kolu anietro, di ani di koba ma’di di ka leco esu ani ‘a odu alu alu si ra. Kendre ma’di reco’di ra ri ani, ‘ba koko kidoa sadini hweka ma’di di ‘a dri ga, “Kaki joa gbadru ani ma’di layu esu’di ra ri ‘i.Engwi Kristo ‘ba anda ri ‘i vua ‘barangwa Rubanga dri ‘i.”
Adusi endri unzi ri isa ka ofu pelere go di igeni vua ka sa ‘ai ‘a. “Ani ta ma idele rii ote!” kojoa ‘i. “Ki lokudru enzi vudri di ‘a iyo ni ledii ta ce ri ‘i. Ma’di alu alu ‘a asiti ga enzi iyo.” Disidru Sitani ka ebu ide urata ‘ba dri ri ‘ia, karizu ‘aia ovi oluj’o anda riisi. Ta Sitani ‘a lele ani kide rii ani koba ‘aia dri kociru ra ‘ausini kesuki dru tutu Endri si ofu loso ri dri rii ku ‘i.
Sitani ede ana oja Yesu tro ri iga ra gbadru onde ani ra. Sitani ide ta onzi dri ra rii ana Yesu ‘a draka ni baka ta laki uje umbe’jo ri ‘i rii si. Ki sa, Yesu ni mgbe oce kesu batisimu diiri odu enzi cidru vudri rii pi, Dia vu ga oko odra kuruce dri musara enzi cidru dri ri uhwe’jo. Ledi si dru ari ‘ai ‘ba cidru ofu loso pelere ledi si ra.
Sitani oma hwa mori bijoadru ani koba dru Rubanga ‘a le enzi ‘ba cidru arijo ri koe iyo ni dii kpe. Yesu uhwe enzi cidru vudri rii gbadru ra ana batisimu vua ari lejo ofu loso ri dri iko’di ri si. Draa enzi aludisa vudri iyo. Adusi Yesu odu enzi cidru vudri rii ana batisimu si pi vua oba enzi cidru vudri ri ‘a ti omba di ana dra kuruce dri ri si ‘i, ojo, “Dria lejo oko ra!” (Yoana 19:30) ga ‘i. Sitani ‘a mori oca sikia eji’jo ‘ba ‘aidru ofu loso pelere di ‘aika ra ri ‘bati isiki ‘jo ku. Yesu onde Sitani ‘a mi ni ra ana oti si, batisimu si, ana dra si vua onzika anidri ri si.
Jodiri dri driasa enzi olu nya asiti ga ‘aa ya? Iyo. Kristo ‘ba gba rii asi okpo dru kaki joa, “Enzi ma asiti ga iyo” ledii adu ni ‘aia ‘ai ofu loso pelere anda dri di idri ri si. Adusi ma’di alu alu ofu loso anda dri Yesu ‘a batisimu dri di ‘ai’di ana ari tro ra rii enzi angwa tileadru sa ana asiti ga iyo.
Amala draa ofu loso pelere ndro dii ose ama asiti ga. Draa ama mba Rubanga ‘a andraga urata ekpadru rii ako tazi undrule amadri ga nza ni dria iyo. Anyi cidru ‘ai dria Yesu odu enzi cidru anyi dri rii ana batisimu Abu Jurudano ‘a risi ni ra ya? Jo nya ‘i ra, nya anzo ti nya asi egbwe tro enga’di Rubanga dri rii koga pia vuru. Anya ‘ai ‘a oluka ofu loso pelere ndro di idri ‘aa si, anyengwi cidru ole vua anyesu layu anya enzi cidru vudri dia ri ‘a dri ga ra. Amanzo Rubanga ni ra.
“Adusi ide ta dii ni onze ama okpo vu mudi dri ‘ia pi vua ohwe amani kare Opi Ngwaapi ni ana lele ndro ridri ‘ia, amesu ama lari ni enzi amadri e’beka tro driaru” (Koloso 1:13-14). Alleluya, ecu Opi ni.
Yesu awi joti lari dri rii ofu loso pelere ndro disi. Kole anyisa anyi nyo mori unzi anya asiti ga rii okpo ofu loso pelere ndro di dri ri si, kendre ondiku kateni ‘jo lemu dri ri ‘ia ria sika ana ranzuka eri ri ani. Ofu loso pelere dii obaru nyini vua ma ni. Ama to Opi Bu dri ri iga ama ofu loso pelere ndro di igeni ka si, ani dii anda loku badia ama laku Endri Ole ri dri ri esu wa ri ‘i.
Copyright © 2021 by The New Life Mission
