- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
Ta tajore driaru ri `i 8: Endri Ole ri `i
[8-20] Ma’di laku Endri Ole ri dri ri esudi ra rii ka goga hwe ‘ba ziti ri ni sa ‘aini Endri Ole rii esujo ra (Yoana 20:21-23 ojo)
(Yoana 20:21-23 ojo)
“Ziniga Yesu ojo ‘aini, ‘Egbwe kolu anyini! Ma Ata ‘a ma ezeka ri ani, Masa ma anyize.’ Lejo di ivu, ovu uluvi ai iru, ojo, ‘Anya ‘i Endri Ole ri ni. Jo anyebe enzi ‘ba dri ra, enzi ‘aidri ka rebe ra; ‘jo anyebe enzi ‘aidrii ku, enzi aidri ebe’ru ku.’”
“Ziniga Yesu ojo ‘aini, ‘Egbwe kolu anyini! Ma Ata ‘a ma ezeka ri ani, Masa ma anyize.’ Lejo di ivu, ovu uluvi ai iru, ojo, ‘Anya ‘i Endri Ole ri ni. Jo anyebe enzi ‘ba dri ra, enzi ‘aidri ka rebe ra; ‘jo anyebe enzi ‘aidrii ku, enzi aidri ebe’ru ku.’”
Opi ohwe okpo ingoni rii ‘ba
anda ri ‘bati ni ‘au?
Ohwe ‘aini okpo enzi ‘ba ziti dri ri ebe’jo
okpo ofu loso eyidri vua Endri
dri ri si rii ‘au.
Yoana ana joti nza 20 onze ta driba Yesu ‘a onzi ka ni dri. Ama Opi onzi draga si di oko ojo ana maju ti ni, “Anya ‘i Endri Ole ri ni.” Maju Yesu dri ri ‘bati esuki laku Endri Ole ri dri rii driaru kendre dride dru ani. Yesu ka laku Endri Ole ri dri ri hwe ‘ba ‘aidru ‘aikaa batisimu driaru rii ana ari tro oje enzi cidru vudri rii pelere ri ‘bati ni.
Bugu Ole ri ojo batisimu Yesu dri rii batisimu ama aridi andi rudri jeka si rii ku, ehwi ani batisimu driaru rii ari enzi ‘ba cidru ‘aia enzi ni ‘a si ni (ofu atijaodru Petro ‘a sile rii 3:21).
Yesu esu batisimu adu lejo si?
Yesu esu batisimu Yoana dri rii adu lejo si? ‘Ai lazi ani di dri rii karundre pelere rii ta Yesu ‘a jole Mateo 3:15 ga ri iga, “Ama ta di ide ka dini ni ama anda Rubanga ‘a lele ri ide ‘au.” Dia, “lele ri ide” ni dia ehwi ni Yesu odu enzi cidru vudri rii saa ana batisimu esu’jo ri si pi ‘i. Batisimu driaru ri ideru ovi alu andrani dri tijo azi dri Ofu Oku ‘a ri tro ri si. Ra ana batisimu dri rii ‘ausini kifu dru enzi cidru vudri rii Yesu ‘a ru ga ‘i.
Lejo ehwi jole di ‘a “anda anda ndutu dru ri ‘i ni di ‘a ehwi ni adu?” Kusa lejo ehwi jole “esi’di ca ri ‘i” ni di ‘a ehwi ni adu? “Anda anda ndutu dru ri ‘i” ehwi ani ani ta esi’di ca rii kolea duba Yesu kodu enzi cidru vudri rii ana batisimu si. Vua “esi’di ca rii” ni dia ehwi ni ni ka ride Rubanga ‘a mi ga ce vua anda si ‘i.
Yesu odu enzi cidru ‘baa idele vudri di ‘a rii ana batisimu si vua uhwe ti ani ‘ba cidru ani igeni ka ri ‘bati ni ra. Yesu ni batisimu ohweru oko eparu kuruce dri odra lamgba enzi cidru dri ri si. Dii ofu loso lebe enzi dri ri hwe’di ri ‘i. Anda anda Rubanga dri rii lebe enzi dri enzi cidru enzi ‘ba dri vudri di ‘a ri du’di pi ri ‘i.
Jo ‘ba kesu lejo ehwi ruzudi di Yesu ‘a batisimu dri rii kendre ondiku ana rusika Mateo 3:13-17 ga na ani ni, kaki bia lebe ‘aia enzi dri ri esule wa vua kaki ko kaki laku Endri Ole ri dri ri isa esu ra. Dii ta Yesu ‘a idele ana ebu anidri laki ni ri idere ri ‘i Ana batisimu ‘i, dra driaru ri ‘i vua ana onzika ‘i aidii kpodru ideru kohwedru amani leti anda lari dri ri ni si, kendre ondiku Rubanga ‘a ti ani ubaka ra ri ani. Diani disi, Yesu engwi Aridipi gba enzi ‘ba dri ri ‘i. Ofu loso ana batisimu dri rii ana ari dri ri tro obaru lari ni, ‘ausi oje enzi cidru vudri rii pelere.
‘Ba ka tete Endri Ole ri esu kesua tete kaki ofu loso Yesu ‘a batisimu dri ri ni vua kaki ‘ai ‘a ana ari tro kpa. Adusi batisimu Yesu dri ri odu enzi cidru vudri rii pi rii ni, enzi ama idele rii cidru oba ana ru ga. Ana dra kuruce dri ‘ba cidru ni kare ga rii karuni dra madri mangasi ri ‘i, vua onzika driaru rii karuni onzika madri ri ‘i. Ledi oba, Yesu ‘a batisimu ti ana ari kuruce dri ri tro engwi ofu loso lebe eji ‘jo ‘ba cidru ni ri ‘i vua tro sa engwi leti ma’di ni laku Endri Ole ri dri ri esu’jo ri ‘i.
Mitiri dria ini ra Yesu ‘a batisimu dri rii ra vua sa tro ‘ai nyidri ri engwi ofu loso ri idri ‘aa. Di koba, enzi cidru nyidri rii konga pi vua nyiko nyi laku Endri Ole ri dri ri esu ra. Jodiniri Yesu esu batisimu adu lejo si? Esu batisimu rii enzi cidru vudri rii dujo pi. “Ama ta di ideka dini ni ama anda Rubanga ‘ a lele ri ide ‘au” (Mateo 3:15). Amen, Alleluya!
endru, ‘ba ziti kuraa ta joka ti mgbi mgbi si ni ovi ite’de di ‘a ma’di esu laku Endri Ole ri dri rii ra ri ‘i. Ki, ta ce vua ‘ai ovi ce ofu loso pelere ndro di dri rii tete enzu asiti ‘ba ‘aidru gbadru Endri Ole ri esuka ra ri ‘bati ‘a asiti ga.
Opi ohwe mori enzi ebejo rii ‘ba anda ri ‘bati ni cidru
Ama Opi ohwe cara ana maju ti ni enzi ‘ba ziti ri dri ebejo, ojo, “Jo anyebe enzi ‘aidri ra, enzi ‘aidri ka rebe ra; jo anyebe enzi ‘aidri ku, enzi ‘aidri eberu ku” (Yoana 20:23). Di kitedea jo maju onze ofu loso eyidri Endri tro rii ni, enzi ‘ba ‘ai kaa vua erikaa ri ‘bati dri rii ka rebe ra. Amala, dia ehwini kaki enzi ‘ba cidru ri ebe wa ‘I ku, ki kenga ‘aia geni ofu loso eyidri Endri tro ri iga.
Maju Yesu dri ri ‘bati ni cara ohweru ra enzi ‘ba cidru geni baka ofu loso eyidri Endri tro ri ‘bati dri ebejo ‘i. Disidru, ‘jo kaki ta sile ra ri ini ‘au, kole igeniki. Kolea duba nyigeni Yesu Kristo ohwe nyini ofu loso eyidri Endri tro rii enzi cidru nya idele rii ebe’jo. Jo di ani ku ri nyi lebe nya enzi dri ri esu kpe vuasa tro nyi laku Endri Ole ri dri ri esu kpe. Yesu isa ohwe amani okpo ‘ba ziti ri arijo ‘aia enzi ni ‘a si ojo ama di ide wa rii ama ofu loso eyidri Endri tro rii nzeka ‘aini si.
Okpo amba vu aseka ri ‘bati dri ‘i
Andrani oku, kare ma olure ri iga, kolea ama du basi ludi leti idele kuru risi ri ‘i, ga dini kolea ‘ba toka basi di ‘ia di ‘bati kesi vuru koko komwiki basi dii utu dri gaadru. Ki vuzi alu si, amba perezidenti dru Korea ‘a rii emu itu ti awire ovi lase anda rini olujo ni rii dri oko ebu leti ani alua nai ‘au. Laki rutraka ri bati ai perezidenti ni oce keriki kemu dii ri okposi oweki leti naa ‘a ni tau vua usaki hwe leti mara si re. Odu amba ‘a eyajo ri oce keca di, pikipiki oga leti ‘a ndru oko perezidenti ‘a mutukari kemu ‘aia ogu ga. Weli ruladi kpe laki dri rii kaki evu ani zire ejiki bera vu na dri rii ‘aia dri ga tro. Ojoru nainga Perezidenti oko ojo, “Gba leti naa ‘a ni guliguli, disidru kolea ohwa ra.” Naivu olu odu ubiku, mgbe leti nai ohwa ndri ndri.
Aduta ideru dia ni? Ta alujoadru okpop rii perezidenti ‘a alika eji leco nzago rii leti dia ‘a ga okposi. Ma’di perezidenti dru ria cara hwele rii tesa mori retu ri tro ledi ani. Amala, kendre kpodru anyetro nikaa ote ri ani ofu loso eyidri Endri tro Yesu ‘a ehwele amani dii mori ana retu rere. Kolea anyetro igeniki ofu loso ani dii mori retu ri tro vua ayu ama enzi cidru ri ‘ia ama lidri ‘a ‘a ni ru dru.
Cara anda enzi ebejo rii
“Jo anyebe enzi ‘aidri ra, enzi ‘aidri ka rebe ra; jo anyebe enzi ‘aidru ku, enzi ‘aidri eberu ku.” Maju Yesu dri ri ‘bati onzeki ofu loso rii adusi ‘ausi ‘aia enzi ti eberu cidru ra. Ojo ki laki rutraka ri ‘bati ni, “Yesu odu enzi cidru vudri rii ana batisimu si vua ana ari si. Draa tazi aludisa anyini orijo ‘ausi ni iyo. Adusi tee nyemu nyide enzi zi andraga ra sa, Yesu odu ‘ai na isa cidru si pi odu nya enzi andraga rii sa pi di ideru ana ari ‘a raka kuruce dri sit a dii cidru ideru batisimu ana esule Yoana dri ri ‘a vu ga. Yesu ohwe nyini lari ra! Draa kole nya ‘i!”
Enzi ‘ba esu layu rii ‘aia ofu eyidri vua Endri rii Erika vua ‘aia ‘aikaa Yesu ‘a maju dri si. Adusi Yesu ohwe cara ana maju ti ni enzi ebejo ofu loso eyidri si vua ofu loso Endri dri si. Amala Yesu ‘a maju a ofu loso eyidri dii nzeka ofu loso Endri drii tro ‘ba cidru vudri ri ni si, ‘ai ‘ba ka lebe ‘aia enzi dri ri esu ra. Yesu ohwe ‘aini dride dii okpo enzi ebejo rii tro kare alu ga.
‘Ba amgbu ola bugu ma usile rii ni, oko ‘ai lofo ‘ba amgbu esu lari ‘aia enzi ‘a dri ga ni bugu di laka ‘a vuga ‘i.
‘Aii lofo ‘ba amgbu ri ‘bati evu ojoki ra dii ‘aia urata kole kolu ra Yesu ‘a drajo kuruce dri rii ana batisimu esuka oba ni ‘ausini ani kodu dru enzi cidru vudri rii pi ‘i, eduki lejo ehwi jodia, “Idra ani ama enzi si, odi ani kpo ama enzi si” (Izaia 53:5).
Ana onzika nivu, Yesu ojo ana maju ti ni, “Anya ‘i Endri Ole ri ni. Jo anyebe enzi ‘aidri ra, enzi ‘aidri ka rebe ra; jo anyebe enzi ‘aidri ku, enzi ‘aidri eberu ku” (Yoana 20:22-23). Yesu ohwe ‘aini okpo enzi ‘ba ziti dri ri ebejo rii ‘au.
Adusiku esuru driluci umbe ama ci, ama asiti ni mgbo ta ako enzi umbe ama ama driso anda dii ‘aire kuru rii ci. Amala, draa ‘ai amadri ri ‘a oluka Yesu ‘a batisimu ni dri ana ari tro ‘aa si, vua ama layu esuka ama enzi ‘a dri gar a si, draa ama ‘ba ofu los ri nzeka ‘ba ziti ri ‘bati ni ri ‘i. Inzajoadru, ama Opi ohew ana maju ti ni egbwe ‘au. Ama Opi ohwe amani egbwe vua tutu Endri Ole ri dri riisa, tro. Disidru amani egbwe esujo Endri Ole ri tro Rubanga dri, kolea duba amesu lebe ama enzi dri rii ama batisimu Yesu dri ri ‘aika ana ari kuruce dri tro si kpa.
Ta amani layu hwedi enzi dri ‘a rii ama geni ofu loso eyidri Endri tro di idri ri ‘i. Dii ‘ai Endri si tutu bu dri ri hwe’di amani ri ‘i. Ki geni ovi mbi engadi urata ma’di dri ana ngasi ri iga rii ka ana dri ni se rizaka ga. Kolea duba amesu layu ama ofu loso eyidri Endri tro rii igenika si vua ani di koba ama Endri Ole ri esu ra. Amani ‘ai ani ovi ledi ani ledi esu ‘jo, kolea duba ameebe urata amadir vudri rii ra vua amigeni ofu loso eyidri Endri tro rii ‘au.
‘Ai gba badia ama Endri ole ri esu war ii, kolea ma’di alu alu kai ofu loso Yesu ‘a batisimu esujo ri ni vua ‘aia repaka kuruce dri amani tro ‘i.
Opi ohwe amani lebe ama enzi dri rii ra, ohwe amani egbwe laku endri Ole ri dri ri tro ra adusiku amigeni ofu loso eyidri Endri tro rii ra. Ohwe ana maju ti ni laku Endri Ole ri dri rii ra vuasa tro ohwe ‘aini okpo enzi ‘ba cidru ofu loso eyidri endri tro ri ‘aika ra ri ‘bati dri ebejo.
Amasa amesu laku Endri Ole ri dri rii ama ofu loso ani di ‘ai ka si. Ofu loso eyidri Endri tro rii ka ‘baziti amgbu ri isa ikonyi idejoadru leti alua ri si. Jo ama ofu loso ri nze ama wadezi ti ni ‘ba vudri ri tro, ‘ba duka asiti ‘a ri ‘bati ni adi Endri Ole ri hwe ra, ledii ofu loso ce rii ku. Ovi zi si, jo ofu loso ama nze le rii koba kaki laku Endri Ole ri dri ri esu wa, ofu loso ani na ani na kolu ofu loso anda vua ce ri ‘i.
Kolea amesu tutu vua amanzoru ofu loso ani na ani nasi ‘i. Ofu loso nya nzele vua ma nzele rii ani ofu loso anda vu ace ledi ani ledi ‘i. Ki sa Andra unzi dru, aludi sa ma’di zi anda ri esu ka odu disi nyesua igeni ofu loso anda dii ‘au ni okpo. Disi kolea onzeki ofu loso rii vu ndutu dri. Kolea ikonyi ‘ba ziti rii ‘aini Endri Ole rii esujo ‘i.
‘Ba remuka Sitani ti tro alu ‘aini ofu loso eyidri Endri tro rii ga’jo mgbe ri ‘i
Ama vua gba ‘ba dria dini Yesu ni ‘ai ka ra ri ‘bati isa ikonyi tro. ‘Ai draasa amgbu esu dri Endri Ole rii ‘aia Yesu ni ‘aika ‘a vu ga sa kuru. Disidru ama ‘ai ikonyi ama ofu loso rii nzeka ‘aini si ‘ausini ka ‘aisa ‘ai ikonyi ‘aini Endri Ole ri esujo ra.
Jo ma’di ana Yesu ni ‘aika ‘a vuga sa dri esu Endri Ole rii kuru, karuni ta ana ‘aile ri ‘ia driluci angwa olu ‘aa. Tete ‘ba Endri Ole ri esuka ‘aia geni Yesu ‘a ruga ri si ri ‘bati kaki rungwe ‘ba ‘ai anda ri esuka rii dru wa rii ni. Disidru kolea ama cidru komba ‘ai badia ama Endri Ole ri esu wa ria ta ni ‘au. Kolea oniki ta ofu loso eyidri Endri tro ri idri ote, adusi anda ofu loso ce di dri rii ta badia ama laku Endri Ole ri dri ri esu wa ri ‘i.
Ama ofu loso eyidri Endri tro dii nzea ni ‘ausini ‘baziti ri isa kesuki dru Endri Ole ri ni si. Adusi, ‘ba ofu loso rii nzeka ri ‘bati obaki ru driluci retu rii esule. Kristo ‘ba ziti ri kuraa ‘ai kevu ka Endri Ole ri esu saa gaadru mudi andraga ri si. Ta ‘aia inile rii aso ku oviru sa leti anda ruledi ma’di ni esu anini Endri Ole rii esujo ri tro ku. Disidru saa oleru razika tro nza ingwe ofu loso eyidri vua Endri dri di ite’dejo ‘aini ‘i.
Amigeni esu ofu loso eyidri Endri tro rii ku ‘a jo nosi ma’di alu alu kigeni ma’di ka laku Endri Ole ri dri ri esu ‘ai ofu loso eyidri Endri tro disi ku ‘i? Andrani ofu loso anda ria emure kuru rii Sitani unza laki ofu loso mbi ri si amgbu. ‘Ba ‘ai na ani na ‘bati ka ‘au kaki joa tazi dria dini aini igenile rii ingo ri ‘i adusi itiriki ‘ai ofu loso anda vua ce Yesu dri ri ‘ia. Disidru evu ogaki ofu loso eyidri Endri tro rii mgbe.
‘Ba amgbu saa disi di ‘bati ogaki ofu loso anda ofu loso eyidri Endri tro dii mgbe ‘aiki ndutudru kuru, adusi Sitani abu ‘aia mi ni ci. Di oba, kaki uraa ta tete ruledi rii Yesu ni ‘aika ‘i. Ki amala, emuka ta ndutudru ofu loso anda vua ce ri dri ‘a ehwi ni erika ni ta adu rii ku. Adusi ofu loso anda ofu loso eyidri Endri tro dii ofu loso mbi enzo dru di aku ci.
‘Ba amgbu kuraa ma’di komwi Opi Bu dri ri iga jo kaya ekelezia ‘a vua kojoa ani ‘ai Yesu ni ra ‘i. ‘Ba amgbu kuraa laku Endri Ole ri dri ri karuhwe ‘aini mori ‘aidri ‘aia ngasi ‘aia ebule ri si, ovidru nosi ilegika abiri taka tro ri si.
Amala, geni ani ledi ani ledii geni anda Endri Ole ri esujo ri tro lolu. Kaki uraa risi ta joka ti mgbimgbi si ti nyuma ziti rideka ri tro ta itede dia ‘ai esu Endri Ole rii ra ri ‘i.
Ledii ta ‘ai ehwi ani erijo andeka ako ma’di ni Endri Ole ri esujo, kolea duba kigeni ofu loso eyidri rii Endri dri ri tro ‘au ri ‘i. Adusiku, Bugu Ole ri ojo ma’di ka Endri Ole ri esu wa rii tete ana lejo Rubanga dri ri ‘aika si. Adusi Rubanga onze ta driba ta ruzudi di ovi ‘ba ni Endri Ole ri esu’jo ri idri ta ana lejo ni ‘a ra.
‘Ba laku Endri Ole ri dri leka ra ri ‘i
Odu zi alu aya Taiwani ‘a avu ebu ‘ba ziti amadri di ‘a ri tro. ‘Ba na ‘a ri ‘bati oziki ama bugu ta jodi Endri Ole ri idri ri si. Ta alua ri emu ideru Japani ‘a vua Rasia ‘a ni. Amala ra ‘ba amgbua ‘a bugu ta jodi Endri Ole ri idri ri lejo rii ‘ba amgbu odu disi rii oleki ‘ai kesu laku Endri Ole ri dri ri ni. ‘Ba amgbu ‘ai Yesu ni ni ki gba oniki anda anda di ‘ai esu Endri Ole rii ra ya ni ku, adusiku esuki laku Endri Ole ri dri rii kuru.
‘Ba draa dinisa Yesu ni ‘aika ra vua jokaa ‘aia ngasi ‘ai esu Endri Ole rii ra ri isa amgbu. Amala, ‘ba Endri Ole ri esuka ‘bobo dru ri ‘bati esuki ru dru vua koba kaki olu ori ako.’Ba amgbu ziti rii tee ‘aia ‘ai kolu Yesu ni dri ‘aa sa kaki ta di ide kpe, ledii ra ‘aia lejoadru ‘ai kide driadru ri ‘i.
Kristo ‘ba amgbu vudri di ‘a ri ‘ia, ‘ba itirikaa ‘ai onita Endri Ole ri idri ote rii ekpadru. Ziti ri ‘bati kaki joa ‘ai ondre vua ‘ai izuta Yesu ti tro ‘aia orobi ni dri si ra, vua ‘aii lofo ziti ri kojoa ‘ai esu Endri Ole rii ra adusiku ‘ai ka ori unzi rii udro wa si ‘i. Ledi oba, ‘ba geni ‘aidri ri baka ta ‘aia nile ‘aia ngasi ri idri ri ‘a weli olu amgbu.
Ki amala, vu amgbu si ‘ba ‘ai ledi ani ledi ‘bati evu esuki laku Endri Ole ri dri rii ‘aia geni baka ofu loso eyidri ri idri ofu loso Endri dri ri tro si.
Masa meya vu alu mera ra kumbe gba aludisa bugu vudri di ‘a ta driba nzedi ovi Endri Ole ri esujo ‘ai ofu loso pelere eyidri vua Endri dri ri idri ri si ni iyo. ‘Ba amgbu ka ta driba nze ta ‘aia nile Endri Ole ri idri ri idri, ki hwa bugu aludisa ‘a olujo ta driba nzele laku Endri Ole ri dri idri iyo rii adu? Adusi bugu na ani esuka ni okpo, jo tee nyindru ireadru kusa nosi vu ndutu dri sa ‘i. ‘Ba jokaa mbi dru ‘ai esu laku Endri Ole ri dri rii ra ri ‘bati kaki joa ‘ai ondreru Yesu ti tro ru si vua ‘ai ovu ‘ai endre Opi Bu dri rii aci olure tadru ri ‘bati tro sa ra. Kaki uria kaki joa Yesu ojo, “Anyevu ati ati eze. Draasa ta eberu anyini idele vudri di ‘a amgbu, anyida dri vule anya olure ga.” Ki gba ta ani ledi ani ledii adu ku. Amala, gba Yesu ‘aia esule dii kolu Yesu ni gba rii ni ingoni? Yesu kemu ‘ai esure ri esu driso enzi olu ‘aia asiti ga ku ‘a? Kuri gba Yesu kolu enzi ‘ba tro wa ‘a?
Ani gbadru ta loku ri ‘i Kristo ‘ba amgbu odu disi ri ‘bati esuki Endri Ole rii kuru tee kideki ta cidru ruledi ma’di Yesu Kristo ni esujo rii ra sa ‘i. Disidru ama, Endri Ole ri ‘a olure asiti ‘a ru ‘aa di ‘bati, kole icaki ofu loso badia ‘ba ziti ri isa kaki dride di esu wa rii ‘au. Kolea ‘ba alu alu kesuki laku Endri Ole ri dri ri ni, vua di ide jo, ‘ai ofu loso eyidri vua Endri dri ri oleru ni. Adusi ma’di ka Endri Ole ri esu ofu loso ri ‘aika si. Ofu loso anda ama cidru ‘a nile ote disi, ama dride Endri Ole ri dri engadi Rubanga dri di esu ra.
Kolea ama cidru kanzo vua kecu Opi ni ana amani ofu loso eyi dri ri hweka ofu loso Endri dri ri tro si. Meya mesu anzo Endri Ole ri dri rii ana mani okpo hweka bugu dii sire ga si ra.
Bugu di oce kosiru di, ‘ba amgbu ka laku Endri Ole ri dri ri esu ‘aia geni bale ofu loso eyidri vua Endri dri ri idri ri si ra. “Anya ‘airea rii anyesu Endri Ole rii ra ya?” (Ebu majua idele 19:2) Paulo ojo ta dii ‘ba evuka oluka maju -dru Efeso ‘a ri ‘bati ni.
Kolea ama cidru kesu Endri Ole rii ‘au. Kristo ‘ba vu ndutu dri rii draa saa disi oleki laku Endri Ole ri dri ri esule saa ani unzigo erijo odo vu di dri ri iga disi okposi. Ma ovi Endri Ole ri esujo ri nze kendre ondiku Bugu Ole ri ‘a lekaa ri ani, kendre ondiku Endri Ole ri ‘a madri duka mide ri ani. Ki olu’jo lidri ate’di tri ri si, kolea nyigeni anda nyini laku Endri Ole ri dri ri esu’jo ri ‘i. Ki dii draa saa tati ‘a ase’jo nyini Endri Ole ri esu’jo nya asiti ga ri ‘i.
Ma ma itiri pelere palanda ma ofu loso di icaka ‘ba ziti ri ni Endri Ole ri esujo si ‘i adusi Yesu Kristo ohwe amani ofu loso eyidri Endri tro rii ‘au vua oko ohwe mani dride Endri Ole ri dri rii ra.
Kole ‘ai kafiri ‘ba dri rii kolu ofu loso eyidri vua Endri dri ri idri ‘aa
Bugu Ole ri onze ta driba okposi di ovi Yesu ‘a majua bajoadru ‘baziti esu laku Endri Ole ri dri rii ingoni ya ni dri ‘i. Kolea da rii kafiri sa kesuki ‘ai alua maju dri ri ani rii ‘au ‘aini Endri Ole rii esujo ‘i. Inzajoadru, kolea gbadru kafiri ‘ba dri ai kolu ofu loso eyidri Endri tro ri idri ‘aa, dii ondiku ‘ai maju saa esule ri ‘i, dii ‘ai badia toka vu Rubanga dri ri iga ‘a engwijo adu ri ‘i.
Disidru ama, kafiri ‘ba dii, kole amasa igeniki ofu loso anda rii ‘au amani Endri Ole ri esu’jo ‘i. Rubanga oze Petro ni Koronelio dri, Adusi ani ma’di kafiri ri ‘i, kolea kesu ofu loso eyidri Endri tro rii kpa, adusi ani ledii ta ruledi ma’di ni Endri Ole rii esu’jo ri ‘i.
Yudei ‘ba ‘ai ‘ba ri ‘bati ‘au okpo si oce keriki dride Endri Ole ridri rii osuru kafiri dri sa ra diiri ‘i. Petro oce koda dri ekelezia Yeruseleme ‘a ri iga ana ofu loso eyidri ri nzeka ofu loso Endri tro ri ‘a vu ga di, ‘Ba rulika ra ri ‘bati ejiki sikia ana ru ga retu. “Nyi olure amu kafiri ‘ba ru olile kuru ri dri baru vua inya ta sa ‘aitro ra!” (Ebu majua idele rii 11:3) Ki sa Petro onze ‘aini ta driba paka ta dia idore ga.
Ta ana jole rii gbadru osiru Ebu majua idele 11:5-17 ni ga. “Esu ma ilegire ganyi Jafa ‘a ri iga; andre ta orobi ‘a, andre ta zi kendre cuka ekpa ri ani, gbunyu ani isu; adi isia ana gbunyu isu riisi vuru, vua omba ma laga ire. Andre ‘a ani dii, anyuhwa pa- isu rii nyaraga tro,anyuhwa ruseka ‘a ada si rii,vua arinzi ayise ‘a ri tro. Diiri meri uduku ojo mani, ‘Nyinga oru, Petro; nyili nyi nya.’Ki ajo, ‘Dini ku, Opi! Eze sa ta andi pelere ku dii oku sa anya kuru.’Olobo enga ziniga bu ‘a si ojo, ‘Ta Rubanga ‘a idele pelere rii ungwe andi ni ku.’Ta dii ideru vu ina, odri ngwi bu ‘a. Mgbesa saa nasi, ‘ba ina ezele engaka Cesarea ga ri ecaki jo ama olure ri iga ra. Endri ojo mani amavu ‘aitro, kala ako. Avu Cesarea ga adrunzi azia Jafa ‘a ri tro, avu kpodru Koronelio dri baru. Ite’de amani ovi ovi malaika ‘a mbajo anidri jo ga ana andra, jodia, ‘Nyize ‘ba kovu Jafa ‘a, ma’di ungwele Simone ‘i ki oni ote rii Petro ‘i ri ungwere, ka anyini lejo ‘ba nyidri tro lejo rari’jo rii nze ra.’Mgbesa mido ta jole dii, Endri Ole ri esi ‘ai idri, kendre ana esika ama idri ana ‘idojo nainga ri ani. Ki ako mera ta Opi ‘a jole rii ra, Ta Opi ‘a jole, ‘Yoana ka batisimu hwe eyisi, ki anyi evu anyi batisimu esu Endri Ole ri si rii ra.’Ite’deru pelere hwe Rubanga ‘a hwele kafiri ‘ba ni rii ondo andrani ani ‘a hwele amani Opi Yesu Kristo ni ‘aijo ri ‘i, Ki Male Ma Rubanga igoga di wa rii adi ‘i?”
Petro ojo ani omu tete ma’di ru lile kuru ri dri jog a vua ‘ai enya ta anetro adite ku, ra rii ani enze ofu loso ri isa ‘aini tro anzo kolu Endri Ole ri ni an goga hweka si. Oce keriki lejo di idi mgbe ovuki ciri, vua ohweki eku retu rii ru Rubanga dri ri ni, adusiku ani ma’di enzi ruka anda ri hwe’di ‘ai cidru rini-Koronelio ti tro ri ‘i, ohwe tad ii Koronelio ti ni ana kaka ti tro vua ozi anidri ana laga ga ire ri ‘bati tro.
Ofu loso majua nzele Endri Ole ri esujo ri ‘i
Ebu gba dui esu kole
maju kide rii ingo ‘i?
Ofu loso eyidri Endri tro ri nzeka
‘aini Endri Ole ri esu’jo ‘i.
Gba loku loku maju onze ofu loso eyidri rii Endri dri ri tro ra ‘a? Kole atijoadru rii igeniki di majugo Petro igeni ofu loso eyidri rii Endri dri ri tro ra ya ni kpa. Bugu Ole ri ‘ia, Petro ojo, “Ovi zi dria dini sa ama aridi rii ‘aa-ungwea batisimu” (ofu atijaodru Petro ‘a sile rii 3:21). Gbadru majugo Petro ai ra ‘ai Yesu ari enzi ‘ba cidru ‘aia enzi ni ‘a si saa ana batisimu esujo ri si vua ana ari kuruce dri ri si ni ra. Vua trosa ‘ai saa Yesu ‘a batisimu esujo ri si (Mateo 3:15), enzi cidru vudri rii obaru ruaru ni ra, eparu kuruce dri vua odu ubiku ‘a vuga onzi lidri di lari hwe’jo ama cidru ni.
Odu disi sa ‘ba ziti ‘ai tro Petro dri ani na aa.’Ba ofu loso eyidri vua Endri dri ri nzeka rii kaki ondo ofu loso Petro a nzele ri nze au .Dika ama ikonyi bajoadru ‘ba ofu loso ama nzele ri erika ri ni sa Endri Ole ri esujo.
Kendre ondo ‘ba amgbu a Endri Ole esuka sawa Petro a ta nzere aini ofu loso eyidri vua Endri tro rii dri ri ‘i, amasa andre ‘ba amgbu ofu loso alua dia ani ama nzele ri aika rii kaki Endri Ole ri esu.Madizi ka alusa Endri Ole rii esu kpe a’i zi mgbia risi ‘i,madi koya bua wa ni tete ana Yesu Kristo ni a’i ka anini opi drusi adite,vua ofu loso eyi dri vua Endri dri ‘ai ka si.
Petro o’bi kafiriba sau angwa dedi inyakua dria edi konyi ako ri tro.Adusikua cara si ,a’i kendre anyuhwa andi pelere ku rii ani Yesu a driso batisimu esure kuru,ana drare kuruce dri kuru vua ana onzire draga sa kuru rii. Disidru, kafiriba sa ka tutu esu aia ofu loso eyi dri vua Endri dri aika vua Endri Ole ria hwika ai’a ana oluka ai tro alusi. Olobo ojo Petro ni, “Ta Rubanga a idele pelere rii ungwe andi ni ku” (Ebu majua idele rii 10:15).
Ama, andrani ondo kendre kafiriba ani, ama Endri Ole ri esule kpe ki draa Endri Ole ri ohwi kolu ama asi nia ni ama olu ka a’i tro ofu loso eyi dri vua Endri dri iga si. Jo onje ofu loso anda dii cece ‘ba ni ni aia ra koga ausi na avuga kaki ko kaki. evu ai anda ofu loso ridri iga kaki ko kaki Endri Ole ri esu tati ‘a asere ga ra.Adiko adiki ndrea ‘ba di ka ai ‘a ‘aia asiti ga enzi alujdi sa iyo ‘aia batisimu Yeszu dri ri ‘aika ana ari tro ‘a vu ga ‘i. Jodini ani ku ri hwa Endri Ole ri kolu ‘ai ‘a kpe.
Ama ra ofu loso ri nzejo rii koba dru ‘ba keri ‘i ku, ki kose dru ‘aia dri ni ‘aini Endri Ole rii esu ‘jo ‘i. Ta gba ce jojoadru ‘ba cidru ofu loso ama nzele ri Erika rii esuki lebe ‘aia enzi dri rii ra ni dii gbadru t ace ri ‘i. Vua ta ce ovidru ‘aia laku Endri Ole ri dri ri esu’jo saa alua ri si ri idri rii gbadru anisa ta okpo rere ri ‘i. Adusi ama ofu loso rii nze tete ‘ba vudri di a ri ‘bati ni ku, ki ama ‘aia dri ni se andraga gaadru bajoadru ‘aini laku Endri Ole ri dri ri esu’jo saa alua ri si.
Kolea onzeki ofu loso eyidri vua Endri dri rii ovi ani di si ‘ba lekaa erikaa asi cidru si ri ‘bayi ni ‘i. Ki esu ‘jo nosi amevu ama mba ofu loso ri nzeka tro di ri, lejo ndutudru ebu ama ricandijo ri dri ri kegwe di. Kolea oniki cuwidru ofu loso ani di ka ‘ba dri se ‘aini laku Endri Ole ri dri ri esu’jo ni. Jo gba ama ofu loso rii nze di tro uje ‘a, vu ji’ka Endri Ole ri dri rii gbadru kongwe vu ndutu dri kendre aci gwe’di rudru ‘a ri ani ra.
Ki gba ‘jo ma’di ofu loso rii nzedi ri igeni ofu loso ani di ka ‘ba ziti vu ndutu dri ri ‘a dri ni se ‘aini laku Endri Ole ri esu ‘jo wa ni ra, keya gbadru konia cuwidru ebu ani dii ‘ba ziti ri ‘a dri ni sejo ‘aini Yesu Kristo ni ‘aijo ku, ki ani gbadru ‘ai ikonyijo laku Endri Ole ri dri esu’jo. Disidru ani gbadru ta okpo rere ri ‘i ‘aini ofu loso rii nzeka saa disi ni ‘i.
Kole ma’di alu alu keri ana bi si vua kigeni ana asiti cidru si ofu loso ama nzele anini Endri Ole ri esu’jo dii ‘au. Gbadru tau, ofu loso ama nzekle dii ka lini pelere rii hwe lidri ‘ba cidru dri ri ‘ia ‘au. Adusi mori ofu loso ri dri rii okpo tro eji tutu retu Rubanga ‘a ehwele ni ri ‘i.
Petro ni ma’di ofu nze’di engadi Yudei ‘ba lofo ri ‘i, Ki Paulo le enga kafiri lofo.
Petro ‘a ilegire jo dri si rii, ondre nga bu ‘a oko ondre suka kesi ana dri ga gbunyu isu riisi. Adusi ‘aaru nyuhwa drile andi mgbi mgbi rii ekpadru dii nyuhwa Bugu Ole ria ungwele andi vu sa kole onya ku ri ‘bati ‘i.
Petro onya gbu sa ta tau ku kusa andi di ani dii kuru. Amala, Rubanga ohwe anini cara ojo koli konya. Ki Petro oga mgbe, ra rii ojo, “Aleku, Opi! Gbusa anya ta andi di ani dii kuru!” Ki uduku oko ejo ta anidri ojo, “Ta Rubanga ‘a idele pelere rii ungwe andi ni ku.” Ani di ka ta jo adu dri? Rubanga ‘a jole rii Yesu odu enzi cidru vudri rii pi ‘i, oje enzi kafiri dri isa tro, di ideru saa ana batisimu esu’jo ri si vua saa ana drajo kuruce dri ri si.
Ta Rubanga ‘a jole kole koko nyuhwa andi dii koli konya ni di ‘a ehwini endri si rii kini drui Petro ni tee kafiri go gba ri isa kengwi ‘barangwa Rubanga dri rii dru wa ‘jo ‘ai eze Yesu ni vudri di ‘a ra ni ra ‘i, esu batisimu enzi cidru ama dri rid u ‘jo vua odra kuruce dri lamgba esu ama enzi si ‘i.
Petro olu ana ngasi ka dri ka ta cara ‘a lele ri ide ‘au esu koea kondre ta dii mi endri si vua ‘ai si ‘a kare ga ‘i, adusi nairi esu Endri ni ra. Ki Petro oru ana enzi ni ra oko igeni ra igeni kumbe gba Rubanga oje enzi kafiri dri ri isa pelere ni ra. Petro emu esu lejo ekpadru ofu loso pelere ndro di dri rii ra. Ondre Endri Ole ri esi ‘ba lejo di eri ka ri ‘bati ‘a dri ga ana lejo Rubanga dri ri nzere rii.
Ki draa ama ndrea kusa amani ‘a ma’di ofu loso ri nze’di odu disi rii esu Endri Ole rii ra kusa kuru ni ingoni? Di konga di ‘aiki ofu loso eyi dri rii Endri dri ri tro ra ya ni ga. Ma’di alu alu ofu loso pelere di ‘aidi tee ma’di ofu nzedi ri’a nzere ri ‘i sa ‘i rii gbadru ‘jo ‘ai lejo dii Rubanga dri ‘i ni ra ka laku Endri Ole ri dri ri esu ra.
Endri Ole oludi ma’di ofu nze’di naa asiti gaa rii kemu kolu ana asiti ga sa ra. Ma’di ofu nzedi dii ‘ai ma’di lejo ana nzele ri eri’di ri tro kaki evu kaki remu alu kendre ozi ‘boronzi nga ri ani. Kaki ndrea le Rubanga dri rii kolu ‘ai alu alu tro. Ma’di ofu nze’di ri kondrea ma’di ofu loso ana nzele ri eridi rii kengwi ‘ba Rubanga dri ‘i ana ofu loso eyidri di ‘aika ofu loso Endri dri ri tro ‘au si ‘i.
Jo ama ofu loso ri nze, ama gbe ndrea Endri Ole rii kesi ‘ba erikaa ri ‘bati ‘a dri ga ‘aia ofu loso eyidri ri ‘ai ka Endri ri tro si ‘i. Ani dii tazi inile mgbi lari ga rii ku. Ani ledii bazele gbadru lejoadru kolea ‘ausi ama nze ofu loso eyidri ri ni ofu loso Endri ri tro ri ‘i. Ofu loso ama nzele rii ani ofu loso badia ‘ba ziti ri isa kaki laku Endri Ole ri dri esu wa ri ‘i.
‘Ba ‘aia asiti ga laku Endri Ole ri dri ri ‘aa rii ‘ai ‘baciri Rubanga dri ‘i. Ofu loso eyidri vua Endri dri rii ta zi mgbi pa etu’di lini ta ini’jo enzo tro Rubanga dri rii ku vuatrosa ani dini ku, disidru jo ama di nze ‘ba ziti ni, kaki ‘ai esu ra, kaki Endri Ole ri isa esu ra vua kaki ko kaki reco ‘baciri Rubanga dri ‘i. Ani dii tutu retugo ingoni ri ‘i! Ofu loso ‘aujo ingoni ri ‘i! Ebu anidri ‘a retu ni ingoni ri ‘i! ‘Ba ofu loso eyidri ri nzeka ofu loso Endri dri tro rii kaki ta ikonyi Opi bu dri Rubanga dri ri sire ga ‘i. Amadri tea ma ofu loso ri nze ‘au, ki ‘aile kaki Endri Ole rii esu ‘au.
‘Ba ziti ri kuraa Yesu ni ‘aika ni tazi mgbi ri ‘i vua Endri Ole ri esuka isa ta nge mgbi ri ‘i. Disidru, oba draa odu disi sa dri Kristo ‘ba kilegi ‘ausi ‘ai kesu dru Endri Ole ri ni si. Amala, Bugu Ole ri ojo Endri Ole rii kesi ‘ba erikaa ra vua ‘aikaa ‘jo eriki ana tiluza ti konzea ri ‘bati dri. ‘Ba cidru vu ndutu dri ri ‘bati kaki Endri Ole rii undru. Disi ofu loso ama nzele di koba kaki vi ‘aia asiti ga ri iga ta ‘aia lele ri tro ra. Ledii ta ama ebua olujo ofu loso ri icaka vu ndutu dri ‘i ri ‘i. Ama ‘baciri Ata dri ‘i vua ama Ana dri ‘i, ama ‘ba ana cara ofu loso ri ica’jo vu ndutudri ri erika ri ‘i.
Kolea onzeki ofu loso rii ‘ai si oraki uje ‘a ci rii ama ebu ni bakaa ‘ba kesu Endri Ole ri ni ‘i. Ofu loso eyidri Endri tro rii ta kole ‘ba ofu loso rii nzeka rii gbadru ka ‘i ra kpa dru vuaru odriki wio nzea ‘baziti ni ri ‘i. Di koba ‘ba ‘ai erika ri ‘bati ka ka laku Endri Ole ri dri ri esu ‘aia ‘ai ofu loso ri idri ri si ra. Ovi ani disi, ama uluvi lidri olu’di tadru ri dri rii vu ‘ba cidru ofu loso ri ‘aika ra ri ‘bati ‘a rug a ra. Ta ama idele rii ‘ausini kesu ki dru layu okpo vu mudi dri ri ‘a dri ga wa vua kotoki dru Opi Rubanga dri ri iga ra ‘i. ‘Ba ofu nzeka ri ‘bati ka enzi ‘ba ni dri ‘ba okpo vumudi dri ri tro Opi Ngwaapi Rubanga dri ri dri iga. Ani gba ebu okpo rere vua loso ndro ri ‘i amani enzi ‘ba eco’jo ‘aini engwi’jo ‘baciri Rubanga dri rii dru ‘i.
‘Ba ziti amgbu draasa oniki kifunga ma’di ni Endri Ole ri esu’jo rii ku disidru kaki maa Endri Ole ri esule ‘aia mori ‘aia ngasi ri si. Amala, di kite’dea ta ‘aia idele rii ta mbi ri ‘i. Adusi tete ‘ai ofu loso ri idri ri oleru ni, adusi ‘ai ka ma’di ni layu hwe enzi dri ‘a ni.
Jodiniri nyesu Endri Ole rii ingoni? Ilegi si ‘a? Kusa nosi nyesu dritika nyidri si ‘a? Hwa dini ku, leti ani ce rii ledi ‘i ku. Ama Endri Ole ri esu ni kesua ama ofu loso eyidri ri ‘ai ofu loso Endri dri ri tro kpa. Kolea ilegiki vua onzeki ofu loso rii ‘ausini ‘ba cidru vudri ri ‘bati kaki Endri Ole ri esu ra.
Lejo ehwi “Maju” ni di ‘a ehwi ni “ma’di Rubanga ‘a zele ni ri ‘i.” Jodiniri maju ka aduta ide ‘au? Kaki ofu loso eyidri ri nze ofu loso Endri dri ri tro ‘au ‘ausini koba dru ‘baziti ri isa kesuki dru Endri Ole rii wa si ‘i.
Jodiniri ile gba nyide ebu dii ametro kare aluga ni ku ya? Kolea gbadru ama alu alu dri laku Endri Ole ri dri ri kolu ‘aa vua kolea onzeki ‘ba ziti ri ni sa ‘i. Alleluya! Ecuki lejo anda vua ce ofu loso anda Opi ‘a hwele amani Endri Ole ri esu’jo di ni!
