• All e-books and audiobooks on The New Life Mission website are free
  • Explore multilingual sermons in global languages
  • Two new revised editions in English have been released
  • Check out our website translated into 27 languages
Search

Sermons

Ũndũ wa 3 : Ũhoro Ũrĩa Mwega Wa Maĩ Na Roho

[3-9] Rekei Tũhingie Wendi wa Baba na Wĩtĩkio (Mathayo 7:21-23)

2021.05.04 178
(Mathayo 7:21-23)
“To mũndũ ũrĩa ũnjĩtaga, ‘Mwathani ũyũ, Mwathani ũyũ,’ ũgatonya ũthamaki-inĩ wa Igũrũ; no ũrĩa wĩkaga ũrĩa Awa ũrĩa wĩ Igũrũ endaga. Mũthenya ũcio andũ aingĩ nĩmakanjũria, ‘Mwathani ũyũ, Mwathani ũyũ, githĩ tũtigana kũratha mohoro na rĩĩtwa rĩaku, o na tũkĩingata ndaimono na rĩĩtwa rĩaku, o na tũkĩruta mawĩra maingĩ ma hinya na rĩĩtwa rĩaku?’ Na hĩndĩ ĩo nĩngamomĩrĩria ndĩmere atĩrĩ, ‘Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu!” 
 

TO GŨKORŨO NĨ NIĨ….

Hihi nĩ mũndũ ũrĩa wothe ugaga 
Mwathani ũyũ, Mwathani ũyũ ũgatonya
ũthamaki-inĩ wa Igũrũ?
Aca. No ũrĩa wĩkaga ũrĩa 
Ngai endaga

Jesu Kristo augite, “To mũndũ ũrĩa ũnjĩtaga, Mwathani ũyũ, Mwathani ũyũ, ũgatonya ũthamaki-inĩ wa Igũrũ; no ũrĩa wĩkaga ũrĩa Awa ũrĩa wĩ Igũrũ endaga.” Ciugo ici nĩitũmĩte Akristiano aingĩ magĩe na guoya ngoro-inĩ ciao, na ũgatũma marute wĩra na kĩo nũguo mahingie wendi wa Ngai.
Akristiano aingĩ meciragia atĩ ũndũ ũrĩa o magĩrĩirũo nĩ gwĩĩka tu no gwĩtĩkia Jesu nĩguo matonye ũthamaki-inĩ wa Igũrũ, no Mathayo 7:21 ĩtwĩĩrĩte atĩ ti mũndũ ũrĩa wothe ũmwĩtaga, ‘Mwathani ũyũ, Mwathani ũyũ,’ magatonya ũgatonya ũthamaki-inĩ wa Igũrũ.
Andũ arĩa aingĩ mathomaga mandĩko maya marigagwo “No gũkorũo ndĩ ũmwe.” Na ũndũ ũgaikara o meciria-inĩ na ũgaikara o ũkĩmagiaga.
Na nĩ ũndũ ũcio magakĩnyitĩrĩra harĩ mũraini ũcio ũrĩ hau mbere ũrĩa ugĩĩte, “no ũrĩa wĩkaga ũrĩa Awa ũrĩa wĩ Igũrũ endaga.” Magakĩnyitĩrĩra ciugo-inĩ, “ũrĩa wĩkaga ũrĩa Awa ũrĩa wĩ Igũrũ endaga” na rĩu mageciria atĩ nĩ magwĩĩka ũguo na kũruta gĩcunjĩ gĩa ikũmi na wĩhokeku, na makarokera mahoya rũci-inĩ tene, na gwĩĩkaga ciĩko njega, na kũaga kwĩhia… na makageria na hinya. Na ũndũ ũyũ ũtũmaga ndĩmaiguĩre tha mũna ndamona. 
Andũ aingĩ mahĩtagia nĩ tondũ matiũĩ ũtaũri wa mandĩko maya. Na nĩ ũndũ ũcio-rĩ, nĩ ngũenda gũtaarĩria mandĩko maya wega mũno, na nĩguo mamenye wendi wa Ngai na maũrũmie.
Wa mbere, no mũhaka tũmenye wendi wa Ngai nĩ Mũrũwe athengie mehia mothe ma kĩrĩndĩ, na nĩguo atuohore kuuma mahia-inĩ.
Thĩinĩ wa Aefeso 1:5, nĩ kwandĩkĩtwo, “Nĩ tondũ wa gũtwenda-rĩ, nĩaatuorereire o mbere nĩguo tũtuĩke ciana ciake na ũndũ wa Jesu Kristo, agĩgĩĩka ũguo no ũndũ wa ũrĩa endete gũtugana.”
Na ciugo ingĩ-rĩ, mũbango Wake nĩ tũmenye ũhoro-ũrĩa-mwega wa ma, wa atĩ Jesu Kristo nĩatheririe mehia mothe maitũ, na nĩ ũndũ ũcio-rĩ, agĩtwĩtĩkĩria gũciarũo rĩngĩ. Arenda tũciarũo rĩngĩ na maĩ na Roho na kũigĩrĩra mehia mothe maitũ harĩ Jesu, Mũrũwe. Ũyũ nĩguo wendi wa Ngai.
 

NĨ ŨNDŨ WA KUUGA O, “MWATHANI ŨYŨ! MWATHANI ŨYŨ!”

Nĩkĩ twagĩrĩirũo nĩ kũmenya 
hĩndĩ ĩrĩa twetĩkia Jesu?
Nĩ wendi wa Awa

“To mũndũ ũrĩa ũnjĩtaga, ‘Mwathani ũyũ, Mwathani ũyũ,’ ũgatonya ũthamaki-inĩ wa Igũrũ; no ũrĩa wĩkaga ũrĩa Awa ũrĩa wĩ Igũrũ endaga” (Mathayo 7:21).
Nĩ twagĩrĩirũo nĩ kũmenya wendi wa Awa na njĩra igĩrĩ. Wa mbere, nĩ twagĩrĩirũo nĩ kũmenya atĩ nĩ wendi Wake atĩ tuoherũo mehia maitũ na tũciarũo rĩngĩ na maĩ na Roho. Wa kerĩ, twagĩrĩirũo nĩ kũruta wĩra mũthingi-inĩ wa wĩtĩkio ũcio.
Nĩ wendi Wake gũtheria mehia mothe ma kĩrĩndĩ gĩa gũkũ thĩ. Shaitani arehereirie mũciari witũ wa kĩruka Adamu kũgua nĩ ũndũ wa mehia. No wendi wa Ithe witũ nĩ gũtheria mehia mothe ma mũndũ. Twagĩrĩirũo nĩ kũmenya atĩ ti wendi wa Ithe witũ tũrutage gĩcunjĩ gĩa ikũmi na wĩhokeku na kũhoya mahoya ma rũci-inĩ tene, nĩ gũtũhonokia ithuothe kuuma mehia-inĩ. Nĩ wendi Wake gũtũhonokia ithuothe kumana na kũũrĩra iria-inĩ rĩa mehia.
Kĩrĩkanĩro kiugĩte atĩ to mũndũ ũrĩa ũgaga ‘Mwathani ũyũ, Mwathani ũyũ’ ũgatonya ũthamaki-inĩ wa Igũrũ. Ũũ nĩ kuuga atĩ tũtiagĩrĩirũo no gwĩtĩkia Jesu tu, no nĩ tũmenya ũrĩa Ngai araatwendera. Nĩ wendi Wake gũtũhonokia kuuma mehia-inĩ na itua rĩa iherero rĩa mwaki, tũkĩmenya atĩ kĩrĩa Adamu na Hawa matũtigĩire nĩ kuuga tũtingĩhota kuaga kwĩhia.
 

WENDI WA NGAI

Wendi wa Ngai nĩ ũrĩkũ?
Nĩ gũtũtua ciana Ciake na ũndũ 
wa gũtuohora kuma mehia-inĩ

Mathayo 3:15 yugĩte, “Tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩire na ũthingu.” Ũndũ ũcio warĩ wa kũhingia mũbango wa Ngai, atĩ Jesu oke gũkũ thĩ ĩno nĩguo atũhonokie kuma mehia-inĩ mothe maitũ. Wendi wa Ngai nĩ wahingirio hĩndĩ ĩrĩa Jesu abatithirio nĩ Johana Mũbatithania.
Endagaa gũtũhonokia na atũtue ciana Ciake. Na nĩguo eke ũguo-rĩ, Mũrũwe no nginyagia angĩathengirie mehia mothe maitũ. Warĩ wendi Wake wa gũtua andũ othe ciana Ciake. Atũmire Mũrũ Wake wa mũmwe oke athengie mehia ma andũ othe arĩa magwĩĩte mĩtego-inĩ ya Shaitani. Nĩ wendi Wake kũruta muoyo wa Mũrũwe nĩ ũndũ wa andũ othe nĩguo matuĩke ciana Ciake.
Hĩndĩ ĩrĩa Jesu abatithirio na agĩkua Mũtharaba, nĩrĩo wendi wa Ngai wahingirio. Nĩ wendi Wake twĩtĩkie atĩ mehia mothe maitũ nĩmaigĩrĩirũo harĩ Jesu hĩndĩ ĩrĩa abatithirio na akĩamũkĩra itua rĩa mehia mothe maitũ na gĩkuũ Gĩake Mũtharaba-inĩ.
“Amu Ngai, tondũ wa ũrĩa endete kĩrĩndĩ gĩa gũkũ thĩ, nĩaarutire Mũrũ wake wa mũmwe” (Johana 3:16). Ngai nĩahonokirie andũ Ake kuuma mehia-inĩ. Nĩguo gwĩkĩkĩke ũguo-rĩ, ũndũ wa mbere ũrĩa Jesu ekire wĩra-inĩ Wake kũrĩ mũingĩ nĩ kũbatithio nĩ Johana Mũbatithania. 
“Nake Jesu akĩmũcokeria akĩmwĩra atĩrĩ, Njĩtĩkĩria rĩu, tondũ ũguo nĩguo twagĩrĩirũo nĩ kũhingia maũndũ mothe marĩa merekanĩrĩirũo na ũthingu. Hĩndĩ ĩo akĩmwĩtĩkĩria” (Mathayo 3:15). Warĩ wendi wa Ngai atĩ Jesu nĩokire gũkũ thĩ ĩno, na agĩthengia mehia mothe ma kĩrĩndĩ na ũbatithio Wake, agĩkua Mũtharaba-inĩ, na akĩriũka.
Twagĩrĩirũo nĩ kũmenya ũũ wega mũno. Andũ aingĩ mathomaga Mathayo 7:21 magaciria atĩ nĩ wendi Wake gũtungatĩra Mwathani, o na nginyagia gũkua, na kũruta indo ciitũ nĩguo twake makanitha.
Endwa Akristiano, ithuĩ twĩtĩkĩtie Jesu twagĩrĩirũo nĩ kũmenya wendi wa Ngai na nĩguo tũcoke tũũhingie. Nĩ mahĩtia kwĩrutĩra kanitha-inĩ ũtamenyete wendi wa Ngai.
Andũ meeyũragia nĩ atĩa ũngĩ matigĩtie tiga o gũikara na wĩtĩkio makanitha-inĩ mao ma kĩmerera. O na niĩ nĩ ndathomeire Ũkalvinism kanitha-inĩ wa Ũpresibĩtĩria, na ndareretwo kuuma ndĩ mũndũ mũgima nĩ maitũ warĩ wa ndini mũno o ta mũtungatĩri wĩna ihinda iraya ũtungata-inĩ. Na nĩ ndagĩthomire kĩrĩa gĩtagwo “kanitha wa kĩmerera.”
Mũtũmwo Paulo nĩ ougire atĩ o nake nĩangĩetĩire atĩ oumĩte mũhĩrĩga-inĩ wa Benjameni na agaathomithio Watho nĩ mũrutani mũnene wa mahinda macio wetagwo Gamalieli. Mbere ya Paulo aciarũo rĩngĩ arĩ njĩra-inĩ agĩthiĩ kũnyita arĩa metĩkĩtie Jesu. No nĩacemanirie na wĩtĩkio wa Jesu arĩ njira-inĩ ya gũthiĩ Dameski na agĩtuĩka mũthingu na kĩrathimo gĩa gũciarũo rĩngĩ na maĩ na Roho.
 

NO MŨHAKA TŨMENYE WENDI WA NGAI MBERE YA KŨŨHINGIA

Nĩkĩ gĩa bata mũno mbere ya 
mũndũ etĩkĩtie Jesu?
No mũhaka tũmenye wendi Wake

Kwamũũrũo gwitũ nĩguo wendi wa Ngai. “Tondũ rĩrĩ, ũũ nĩguo Ngai enda, atĩ mũtuĩke amũre; atĩ mwĩthemage ũmaraya” (1 Athesalonike 4:3). Nĩtũũĩ nĩ wendi wa Ngai atĩ tũtherio kũna na maĩ na Roho na tũtũũre na wĩtĩkio mũtũũrĩre-inĩ witũ.
Angĩkorũo kwĩna mũndũ wĩtĩkĩtie Jesu no arĩ o na mehia ngoro-inĩ yake-rĩ, mũndũ ũcio ndaraikara kũringana na wendi wa Ngai. Kũrũmĩrĩra wendi Wake twagĩrĩirũo nĩ gũtherio na ũhonokio ũrĩa wonekaga thĩinĩ wa Jesu. Na kũmenya ũguo nĩ kũhingia wendi wa Ngai.
Hĩndĩ ĩrĩa ngũkũũria, “wĩna mehia ngoro-inĩ yaku o na akorũo nĩ wĩtĩkĩtie Jesu?” na macokio maku nĩ ĩĩ, ũguo nĩ kuonania wega mũno atĩ wendi wa Ngai we ndũũĩ o na hanini. Nĩ wendi wa Ngai tũtherio na tũhonokio kuuma mehia-inĩ mothe maitũ, na wĩtĩkio wa maĩ na Roho.
Hĩndĩ ĩmwe nĩ kwarĩ mũndũ warĩ ariũ ake na marĩ athĩki. Mũthenya ũmwe nĩetire ũrĩa mũkũrũ, o ũrĩa warĩ mwathĩki mũno, na akĩmwĩĩra, “Mũriũ, thiĩ itũũra rĩrĩa rĩrĩ mũkĩra…”
Mbere ya arĩkĩĩtie kũaria-rĩ, mũrũwe ũcio akiuga, “Ĩĩ, baba” na agĩthiĩ. Ndetereire amenye nĩkĩ agĩrĩirũo nĩ gwĩĩka. No gũthiĩ athire.
Ithe akĩmwĩĩta, “Mũriũ, nĩ wega mũno nĩ ũndũ wa ũrĩa ũrĩ mwathĩki mũno, no nĩ wagĩrĩirũo nĩ kũmenya ũrĩa ndĩrenda wĩĩke.”
No mũrũwe akiuga atĩrĩ, “Nĩguo baba. Nĩ ngũgwathĩkĩra. Nũũ ũngĩgwathĩkĩra wega kũĩ niĩ?”
No acokire moko matheri. Ndarĩ na ũrĩa angĩekire wendi wa ithe atamenyete kĩrĩa ithe endagaa. Wee no gwathĩka athĩkire o ro ũguo atarĩ na ũmenyo.
No tũkorũo tũhana take angĩkorũo tũtiũĩ Jesu Kristo. Andũ aingĩ merutanagĩria kũrũmĩrĩra morutani ma ũndini, makaruta gĩcunjĩ gĩa ikũmi na wĩhokeku, makahoya ũtukũ wothe, makehinga….mageeka macio mothe matakũmenya wendi wa Ngai.
Hĩndĩ ĩrĩa makua marĩ na mehia ngoro-inĩ ciao-rĩ, magarũragĩrũo mũrango-inĩ wa Igũrũ. Marĩ na wendi mũno wa gwĩĩka wendi wa Ngai, no matiamenyire ũrĩa Ngai endagaa.

gwĩkaga waganu nĩ kuuga atĩa?
Nĩ gwĩtĩkia Jesu ũrĩ mwĩhia ũtaramenya 
ũhoro-ũrĩa-mwega wa maĩ na Roho.

“Mũthenya ũcio andũ aingĩ nĩmakanjũria, ‘Mwathani ũyũ, Mwathani ũyũ, githĩ tũtigana kũratha mohoro na rĩĩtwa rĩaku, o na tũkĩingata ndaimono na rĩĩtwa rĩaku, o na tũkĩruta mawĩra maingĩ ma hinya na rĩĩtwa rĩaku?’ Na hĩndĩ ĩo nĩngamomĩrĩria ndĩmere atĩrĩ, ‘Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu!’” (Mathayo 7:22-23).
Kũrĩ na maũndũ maingĩ mũno Ngai arenda twĩĩke na kwĩna wĩtĩkio ũrĩa arenda kuuma kũrĩ ithuĩ. Arenda twĩtĩkie atĩ Jesu nĩathengirie mehia mothe maitũ. Andũ aingĩ nĩ marathaga, na makaruta ndaimono, o na makaruta mawĩra maingĩ ma hinya na rĩĩtwa Rĩake matooĩ ũhoro wa ma wa maĩ na Roho.
Kũruta mawĩra maingĩ ma hinya nĩ gwaaka makanitha maingĩ, mũndũ kwendia indo ciake nĩguo arute kanitha-inĩ, kwĩrutĩra mũtũũrĩre wa mũndũ kũrĩ Mwathani, hamwe na mangĩ maingĩ.
Kũratha na rĩĩtwa Rĩake nĩ gũtuĩka mũtongoria. Andũ ta acio mahana Afarisia arĩa meganaga ũrĩa maikaraga kũringana na Watho o makĩmenagĩrĩria Jesu. Ũndũ ũrĩ okuo o na Akristiano-inĩ a kĩmerera. 
Kũingata ndaimono nĩ kuonania hinya. Na makoragũo na kĩo mũno na wĩtĩkio wao, no rĩa mũico Mwathani aakamera atĩ Wee ndamooĩ. Akamoria nĩ atĩa mamũũĩ hĩndĩ ĩrĩa Wee atamooĩ.
Mwathani akouga, “Na hĩndĩ ĩo nĩngamomĩrĩria ndĩmere atĩrĩ, ‘Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu!’” Mũthenya ũcio-rĩ, ikundi nene cia andĩ nĩikamũrĩra, “Mwathani, nĩ ngwĩtĩkĩtie. Nĩ njĩtĩkĩtie atĩ ũrĩ Mũhonokia wakwa.” Nĩ makoiga nĩ mamwendete no mena mehia ngoro-inĩ ciao. Mwathani ametagaa eki waganu (ehia matarĩ akũũre) na nĩ akamere moume kũrĩ Wee.
Mũthenya ũcio-rĩ, arĩa makuire matarĩ aciare rĩngĩ nĩ makarĩra mbere ya Jesu. “Nĩ ndaraathire, na ngĩaka makanitha, na ngĩtũma amĩceni 50 na rĩĩtwa Rĩaku.”
No Jesu nĩ akeera ehia acio, “Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu!” 
“Nĩ atĩa ũrenda kuuga? Nĩ ũũĩ nĩ ndarathire na rĩĩtwa Rĩaku? Na ngĩtungata kanitha-inĩ mĩaka mĩingĩ… nĩ ndarutagaa andũ magwĩĩtĩkie. Ũngĩaga kũmenya atĩa?”
Wee nĩ agacokia, “Gũtirĩ hĩndĩ ndakũũĩ. We ũrouga nĩ ũnjũũĩ na ũrĩ o na mehia ngoro-inĩ yaku-rĩ, uma kũrĩ Niĩ!”
Nĩ gwĩĩka waganu mbere ya Ngai, kũmwĩtĩkia na mehia ngoro-inĩ ya mũndũ kana kũaga gwĩtĩkia kũringana na watho Wake wa ũhonokio. Nĩ waganu kũaga kũmenya wendi Wake. Nĩ waganu kũgeria kũhingia wendi Wake ũtaũmenyete o kana ũtooĩ kĩrathimo gĩa gũciarũo rĩngĩ na maĩ na Roho. Nĩ waganu kũmũrũmĩrĩra ũtambĩte gwathĩkĩra wendi Wake. Waganu nĩ mehia.
 

WENDI WA NGAI KĨRĨKANĨRO-INĨ
 
Ciana cia Ngai nĩ irĩkũ?
Nĩ athingu arĩa matarĩ na mehia

Nĩ wendi Wake ithuĩ twĩtĩkie ũhoro-ũrĩa-mwega wa gũciarũo rĩngĩ na maĩ na Roho. Ũhoro-ũrĩa-mwega wa ma ũteithagĩrĩria gũciarũo rĩngĩ. Na nĩ wendi Wake tũtũrĩre ũhoro-ũrĩa-mwega ta ciana Ciake. Twagĩrĩirũo nĩ kũmenya wendi wa Ngai, no andũ aingĩ matiũũĩ ũhoro-ũrĩa-mwega wa gũciarũo rĩngĩ na maĩ na Roho.
Ndoria andũ gĩtũmi kĩao gĩa gwĩtĩkia Jesu-rĩ, aingĩ mougaga metĩkĩtie Jesu nĩguo mahonokio kuuma mehia-inĩ mao.
Njũragia, “Rĩu-rĩ, wĩna mehia ngoro-inĩ yaku?” 
Magagĩcokia atĩrĩ, “Ĩĩ, ndĩna mo.”
“Na rĩu ũrĩ mũhonoku kana aca?”
“Ĩĩ, ndĩ mũhonoku.”
“Hihi mũndũ wĩna mehia ngoro-inĩ yake no aingĩre ũthamaki-inĩ wa Igũrũ?”
“Aca, ndangĩtonya.”
“Na rĩu wee ũrorete ũthamaki-inĩ wa Igũrũ kana mwaki-inĩ wa iherero?”
Mougaga atĩ marorete ũthamaki-inĩ wa Igũrũ, no rĩrĩ, no mathiĩ? Magathiĩ iherero-inĩ.
Andũ amwe meciaragia atĩ tondũ nĩ metĩkĩtie Jesu-rĩ, atĩ no matonye ũthamaki-inĩ wa Igũrũ o na akorũo mena mehia ngoro-inĩ ciao, na atĩ nĩ wendi wa Ngai harĩ o gwĩĩka ũguo. No Ngai ndetĩkĩraga ehia ũthamaki-inĩ wa Igũrũ.
Wendi wa Ngai nĩ ũrĩkũ? Nĩ twĩrĩtwo Kĩrĩkanĩro-inĩ wendi wa Ngai nĩ twĩtĩkie Mũrũwe, na twĩtĩkie kĩrathimo gĩa gũkũũrũo na ũbatithio wa Jesu na thakame Yake Mũtharaba-inĩ.
Arĩa metĩkagia kĩrathimo gĩa gũciarũo rĩngĩ na maĩ na Roho matuĩkaga ciana cia Ngai. Nĩ riri witũ gũtuĩka ciana Ciake. Ciana Ciake nĩ thingu.
Hĩndĩ ĩrĩa Ngai atwĩtaga athingu-rĩ, nĩ gũtua atuaga Mũkristiano-mwĩhia ta mũthingu? Ngai ndarĩ hĩndĩ angĩhenania. Na nĩ ũndũ ũcio mbere Yake ũrĩ mwĩhia kana ũrĩ mũndũ mũthingu. Gũtirĩ hĩndĩ ‘mangĩtuo atĩ maatirĩ na mehia.’ Etagaa o arĩa metĩkĩtie ũhoro-ũrĩa-mwega wa maĩ na Roho amũũre.

Nĩ atĩa tũngĩtuĩka ciana 
cia Ngai?
Na gwĩtĩkĩra ũhoro-ũrĩa-mwega 
wa maĩ na thakame
 
Na nĩ tondũ Ngai nĩaigĩrĩire mehia mothe ma kĩrĩndĩ harĩ Mũrũwe-rĩ, o Nake no mũhaka angĩatuĩrĩirũo Mũtharaba-inĩ. Ngai ndangĩhenania. Augite atĩ, “Mũcara wa wĩhia nĩ gĩkuũ” (Aroma 6:23). Hĩndĩ ĩrĩa Mũrũwe akuire-rĩ, nĩ kũagĩire nduma thĩ kwa ihinda rĩa mathaa matatũ.
“Jesu akĩgũũthũka na mũgambo mũnene akiuga atĩrĩ, ‘Elii, Elii, lama sabakithani?’ Naguo ũguo nĩ ta kuuga atĩrĩ, Ngai wakwa, Ngai wakwa, ũndiganĩirie nĩkĩ?” (Mathayo 27:46)
Jesu athengirie mehia mothe ma kĩrĩndĩ na ũbatithio Wake nĩguo ahonokie andũ othe kuuma mehia-inĩ mao. Athengirie mehia ma andũ othe, akĩmenyaga o wega atĩ nĩakambwo Mũtharaba-inĩ na atiganĩrio nĩ Ngai, Ithe. Nĩ ũndũ ũcio Ngai nĩatuĩrĩire Mũrũ wake wa mũmwe nĩ ũndũ wa mehia marĩa akuĩire Jorodani na agĩthengia ũthi Wake harĩ Mũrũwe kwa ihinda rĩa mathaa matatũ. 
“No arĩa othe maamwĩtĩkĩrire, nĩo arĩa mehokete rĩĩtwa rĩake, acio akĩmahotithia gũtuĩka ciana cia Ngai” (Johana 1:12).
Mũrĩ ciana cia Ngai? Tũciaragũo rĩngĩ nĩ ũndũ wa gwĩtĩkĩra ũhoro-ũrĩa-mwega wa gũciarũo rĩngĩ na maĩ na Roho. Arĩa maciarĩtwo rĩngĩ na maĩ na Roho nĩ athingu. Rĩu ithuothe nĩ tũtuĩkĩte athingu.
“Akorũo Ngai arĩ mwena witũ-rĩ, nũ ũngĩhota gũtũtuma ũthũ?” (Aroma 8:31). Hĩndĩ ĩrĩa mũndũ mũthingu eĩtaga mũthingu mbere ya Ngai na andũ-rĩ, arĩa matarĩ akũũre nĩ mamũtuagĩra cira. Nĩ ũndũ ũcio mũtũmwo Paulo nĩ ougire, “Atĩrĩrĩ, andũ arĩa Ngai ethurĩire-rĩ, nũ ũngĩona ũndũ angĩmathitangĩra?” (Aroma 8:33). Ngai ahurire mehia mothe maitũ na Jesu na agĩtwĩta amũũre, athingu, na ciana Ciake. Atũheire ũhoti wa gũtuĩaka ciana Ciake ciihũrĩtwo nĩ riri.
Arĩa maciarĩtwo rĩngĩ na maĩ na Roho nĩ ciana Ciake. Matũũraga Nake tene na tene. Rĩo o ti o ciũmbe cia thĩ ĩno, no nĩ ciana cia Ngai cia Igũrũ.
Rĩu o tondũ nĩ ciana cia Ngai thingu-rĩ, gũtirĩ mũndũ ũngĩrehe ũndũ wa kũmathitangĩra, kũmatuĩra o na kana kũmatigithania na Ngai.
No mũhaka tũmenye ũhoro-ũrĩa-mwega wa maĩ na Roho nĩguo twĩtĩkie Jesu. No mũhaka tũmenye Kĩrĩkanĩro. Nĩ ũndũ wa bata mũno tũmenye na twĩtĩkie wendi wa Ngai nĩguo tũhote kũũhingia kũringana na wendi Wake.
 

NĨ WENDI WA NGAI ATĨ EHIA MACIARŨO RĨNGĨ NA MAĨ NA ROHO

Nĩkĩ gĩatũmire Ngai atũme Mũrũwe 
na mũhano wa mũndũ mwĩhia?
Nĩguo aigĩrĩrũo mehia mothe

Nĩ wendi wa Ngai tũkũũrũo na tũciarũo rĩngĩ na maĩ na Roho. “Tondũ rĩrĩ, ũũ nĩguo Ngai enda, atĩ mũtuĩke amũre” (1 Athesalonike 4:3).
Warĩ wendi wa Ngai gũtũma Mũrũwe nĩguo mehia mothe maigĩrĩrũo harĩ Wee, na nĩguo tũtuĩke akũhonokio. Ũyũ nĩguo watho wa Roho, ũrĩa ũtũhotithagia gũciarũo rĩngĩ na maĩ na Roho. Na nĩ watuohorire kuuma mehia-inĩ mothe.
Nĩ tũkũũrĩtũo. Rĩu no ũhote gũkũũrana wendi wa Ngai? Nĩ wendi Wake gũtũkũũra ithuothe. Wee ndendagaa tũiguane na thĩ, no endaga twĩtĩkie o kiugo Gĩake na tũmũinamĩrĩre o Wee wiki tu.
O na no wendi wa Ngai o naguo, atĩ arĩa maciarĩtũo rĩngĩ moumbũre ũhoro-ũrĩa-mwega na maikare kanitha-inĩ, makĩĩrutagĩra kũrehe mĩoyo ĩngĩ ĩcokerere Ngai.
Twĩhagia tũtakwenda, nĩ tondũ tũrĩ amocu. No Jesu nĩathengirie mehia macio. Ngai nĩ aigĩrĩire mehia mothe ma kĩrĩndĩ harĩ Jesu kũgerera harĩ Johana Mũbatithania. Atũmire Mũrũ Wake wa mũmwe nĩ ũndũ wa ũndũ ũcio na agĩtũma abatithio nĩ Johana. Tũhonokagio nĩ ũndũ wa gwĩtĩkia ũguo. Ũũ nĩguo Ngai endaga.
 

NĨ WENDI WA NGAI KŨRĨ ITHUĨ, TWĨTĨKIE JESU, ŨRĨA ATŨMIRE

Nĩkĩ gĩatũmire Jesu oke na mũhano 
wa mũndũ mwĩhia?
Nĩguo athengie mehia mothe 
ma kĩrĩndĩ

Kĩrĩkanĩro kiugĩte atĩ gwĩĩka wendi wa Ngai nĩ gwĩtĩkia Ũrĩa atũmire. “Nao magĩkĩmũũria atĩrĩ, ‘Twĩkage atĩa, nĩguo tũtuĩke nĩ mawĩra ma Ngai tũraruta?’ Nake Jesu agĩcokia akĩmera, Wĩra wa Ngai nĩ rĩrĩ, nĩ mwĩhoke ũrĩa areketie. Magĩkĩmũũria atĩrĩ, Wee-rĩ, kĩmenyithia gĩkĩrĩ kĩrĩkũ ũrutaga, nĩguo tuone tũgwĩtĩkie? Nĩ ũndũ ũrĩkũ wĩkaga? Maithe maitũ ma tene maarĩaga irio iria cietagwo mana, me werũ-inĩ, o ta ũrĩa haandĩkĩtwo, atĩ, Aamaheire mũgate uumĩte Igũrũ marĩe.” (Johana 6:28-31)
Andũ merire Jesu atĩ Ngai nĩahete Musa kĩmenyithia hĩndĩ ĩrĩa marĩ werũ-inĩ maarorete Kanaani, na kũhee ciana cia Isireali mana kuuma Igũrũ, na moona ũguo magĩĩtĩkia Ngai (Johana 6:32-39). Andũ makĩũria Jesu, “Twĩkage atĩa, nĩguo tũtuĩke nĩ mawĩra ma Ngai tũraruta?” 
Nake Jesu akĩmacokeria atĩ magĩrĩirũo nĩ mamwĩtĩkie nĩguo marũte wĩra ũrĩa Ngai endaga. Angĩkorũo nĩ tũkũruta wĩra wa Ngai, no mũhaka twĩtĩkie mawĩra ma Jesu Kristo. Nĩ wendi wa Ngai atĩ to gwĩtĩkia na kũhunjia ũhoro-ũrĩa-mwega tu, no nĩ nginyagia kũũtũrĩra.
Ngai atwathire, “Nĩ ũndũ ũcio, thiĩi mũgatũme andũ a ndũrĩrĩ ciothe matuĩke arutwo akwa, mũkĩmabatithagia thĩinĩ wa rĩĩtwa rĩa Ithe witũ, na rĩa Mũriũ, na rĩa Roho Mũtheru: mũkĩmarutaga kũrũmia maũndũ marĩa mothe ndĩmwathĩte inyuĩ: na atĩrĩrĩ, niĩ ndĩ hamwe na inyuĩ mĩthenya yothe, o nginya ithirĩro rĩa mahinda maya” (Mathayo 28:19-20).
Jesu atwĩrire wega mũno tũbatithie na rĩĩtwa rĩa Ithe na rĩa Mũriũ na rĩa Roho Mũtheru. Maũndũ marĩa mothe ekire nĩ ũndũ wa Ithe na Roho Mũtheru marĩ thĩinĩ wa ũbatithio Wake. Hĩndĩ ĩrĩa twamenya ũguo-rĩ, no twĩtĩkie Ngai na tuone maũndũ marĩa Jesu ekire gũkũ thĩ na ũrĩa Roho arutĩte ũira maũndũ-inĩ macio. 
Jesu atũmĩtwo nĩ Ngai arute ũira wa ũhoro-ũrĩa-mwega wa maĩ na Roho. Na nĩ ũndũ ũcio-rĩ, no rĩrĩa tu twetĩkia kiugo kĩa Ngai na ndungata Yake tũngĩhonokio.
 

KŨRUTA WĨRA WA NGAI

Bata wa mũtũrĩre witũ nĩ ũrĩkũ?
Nĩ gwĩĩka wendi wa Ngai na kũhunjia 
ũhoro-ũrĩa-mwega thĩ yothe

Angĩkorũo nĩ tũkũruta wĩra wa Ngai-rĩ, no mũhaka twambe twĩtĩkie ũhoro-ũrĩa-mwega wa ũbatithio wa Jesu na gĩkuũ Gĩake Mũtharaba-inĩ. Nĩ wĩra wa Ngai gwĩtĩa Ũrĩa Ngai atũmire. Nĩguo twĩtĩkie Jesu, twagĩrĩirũo nĩ kwaamba gwĩtĩa atĩ nĩatũhonoketie na maĩ na thakame.
Wendi wa Ngai ũhingagio thĩinĩ witũ o rĩrĩa twetĩkia Jesu na kũhunjia ũhoro-ũrĩa-mwega. Na ũũ nĩguo kũruta wĩra wa Ngai. Atwĩrire atĩ no arĩa tu metĩkĩtie kĩrathimo gĩa gũciarũo rĩngĩ na maĩ na Roho mangĩtonya ũthamaki-inĩ wa Igũrũ.
Rekei twĩyoere handũ ũthamaki-inĩ wa Igũrũ na gũkũũrana maũndũ macio ma bata, na ma ma. Gũkũũrana wendi wa Ngai wa ma, na kũmenya na gwĩtĩkia atĩ mehia mothe maitũ nĩ maigĩrĩirũo harĩ Jesu na ũbatithio Wake. Ũtũũre nĩ ũndũ wa kũaramia ũthamaki Wake. Na wa mũico-rĩ, hunjia ũhoro-ũrĩa-mwega nginya mũthenya ũrĩa ũgakua.
Endwa Akristiano! Arĩa metĩkĩtie ũhoro-ũrĩa-mwega wa maĩ na Roho nĩo marutaga wĩra wa Ngai. Wĩra wa Ngai nĩ gwĩtĩkia Ũrĩa Ngai atũmire. Atĩrĩrĩ, nĩ gwĩĩka wendi Wake gwĩtĩkia atĩ mehia mothe nĩ maigĩrĩirũo harĩ Ũrĩa Ngai atũmire, na atĩ Jesu Kristo nĩwe Mũhonokia witũ.
Wĩra wa kũhonokia mũndũ kuuma mehia-inĩ wahingirio rĩrĩa Jesu abatithirio thĩinĩ wa Jorodani na agĩkua nĩ ũndũ witũ Mũtharaba-inĩ. Gĩcunjĩ gĩa kerĩ kĩa wĩra wa Ngai nĩ gwĩtĩkia ũrĩa Ngai atũmire, gwĩtĩkia Mũhonokia ũrĩa wathengirie mehia mothe ma kĩrĩndĩ, na kũhunjia ũhoro-ũrĩa-mwega thĩ yothe.
Rĩu ithuĩ tũciarĩtwo rĩngĩ twagĩrĩirũo nĩ gũikara tũkĩhunjagia ũhoro-ũrĩa-mwega nginya mũico wa thĩ. 

Andũ arĩa metĩkĩtie Jesu matoĩ wendi 
wa Ngai mathiaga kũ?
Mathiaga iherero rĩa mwaki

“Mũthenya ũcio andũ aingĩ nĩmakanjũria, Mwathani ũyũ, Mwathani ũyũ, githĩ tũtigana kũratha mohoro na rĩĩtwa rĩaku, o na tũkĩingata ndaimono na rĩĩtwa rĩaku, o na tũkĩruta mawĩra maingĩ ma hinya na rĩĩtwa rĩaku? Na hĩndĩ ĩo nĩngamomĩrĩria ndĩmere atĩrĩ, Gũtirĩ hĩndĩ ndamũũĩ; umai kũrĩ niĩ, inyuĩ mwĩkaga waganu!” (Mathayo 7:22-23).
Gĩcunjĩ gĩkĩ kĩa mandĩko nĩ gĩtwĩrĩte wega mũno ehia nĩa mbere ya Ngai na arĩa mekaga waganu.
Nĩ kũrĩ andũ aingĩ mũno matarĩ aciare rĩngĩ harĩ arĩa mougaga ‘Mwathani ũyũ, Mwathani ũyũ.’ Marĩ na ruo nĩ tondũ marĩ o na mehia ngoro-inĩ ciao. Ũguo marĩragĩra Ngai, magĩtaga, ‘Mwathani ũyũ, Mwathani ũyũ’ na njĩra mwena ũmwe nĩ gũtetia, mahoya magũthathaia matagĩrĩire.
Metĩkĩtie atĩ thamiri ciao nĩ igũtherio mangĩrĩra makĩhoya, no gũtingĩhotekeka tondũ marĩ o na mehia ngoro-inĩ ciao. Mahoyagĩra irĩma-inĩ, makĩrĩraga na ruo rũnene, ta Ngai arĩ kũnene mũno. Hĩndĩ ĩrĩa wĩtĩkio witũ ũtarĩ mũkinyanĩru-rĩ, tũikaraga tũgĩĩtaga ‘Mwathani ũyũ, Mwathani ũyũ’ kaingĩ mũno. 
Kanitha-inĩ imwe iria kĩũngano kĩao andũ mataciarĩtwo rĩngĩ-rĩ, mahoyaga na kĩo kĩnene mũno ũũ atĩ nginya hau mbere hakaya kuunĩka.
No Kĩrĩkanĩro-inĩ tũrona atĩ ti arĩa othe mamwĩtaga ‘Mwathani ũyũ, Mwathani ũyũ’ makaingĩra ũthamaki-inĩ wa Igũrũ. No arĩa tu metĩkĩtie ũhoro-ũrĩa-mwega wa maĩ na Roho mena wĩtĩkio ũrĩa ũmatongoragia kũruta wĩra wa Ngai.
Kĩrĩkanĩro gĩgatwĩra atĩ nĩ waganu gwĩĩta rĩĩtwa Rĩake mũndũ arĩ na mehia ngoro-inĩ yake. Nĩ ũrĩ wathiĩ irĩma-inĩ mĩcemanio-inĩ ya mahoya? Atumia amwe akũrũ andikoni, marĩraga, makarĩra, magĩĩtaga rĩĩtwa Rĩake nĩ tondũ matirĩ macemania na Jesu na ũhoro wa ma, kana magetĩkĩra Roho ngoro-inĩ ciao, o na kana magaciarũo rĩngĩ na Roho. Metaga rĩĩtwa rĩake na ihenya mũno tondũ na guoya ũtarathira wa atĩ nĩ magũthiĩ iherero.
Reke tuge mũndũ wĩrutĩire mũno mũtũrĩre-inĩ wake gũtungata kanitha ta mũndũ mũtũme kũhunjia o na kana mũtungatĩri nĩaikio nja mũico-inĩ nĩ Mwathani. Gũtigwo nĩ mũciari kana mwedwa wa mũndũ nĩ kũiganĩte kũraga mũndũ ngoro, no gũtigwo nĩ Ngai, Mũthamaki wa athamaki, mũcirithia wa mĩoyo itũ, ũngĩthiĩ kũũ?
Gwĩhoka ũndũ ũyũ ndũkahanĩkĩra o na ũmwe wanyu. Wenda thikĩrĩria na wĩtĩkie ũhoro-ũrĩa-mwega wa maĩ na Roho. Nĩ wendi wa Ngai tũciarũo rĩngĩ na tũtũrĩre ũhoro-ũrĩa-mwega wa maĩ na Roho.
Ithuĩ Akristiano no mũhaka twĩtĩkie na ma ũhoro-ũrĩa-mwega wa maĩ na Roho na tũgĩe na hinya kuuma kũrĩ ũhoro wa ma ũrĩa ũrĩ Kĩrĩkanĩro-inĩ. Ũguo noguo tũngĩhonoka kuumana na cira wa Ngai.