- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 3: Thlarau le Ti thawngtha bia
[3-9] Zumhnak In Pa Duhnak Tuah Hna U Sih (Matthai 7:21-23)
(Matthai 7:21-23)
“Bawipa, Bawipa tiah a ka ti mi paoh in Vancung Pennak chung ah an lut lai tinak a si lo, sihmanhsehlaw vancung i a um mi ka Pa nih tuah hna seh ti a duh mi a tuah mi lawnglawng kha an lut lai. Cu ni cu a phak tikah, mitampi nih keimah cu, Bawipa, Bawipa! Na min in Pathian bia kha kan chim i na min in khuachia kha tampi kan thawl hna i khuaruahharnak tampi kan tuah hnam an ti lai. Khi tikah annih cu ka thawh hna lai i, “Nannih cu aho nan si kan hngal bal hna lo. Kak ko u, that lonak a tuahtu hna, tiah ka ti hna lai.”
“Bawipa, Bawipa tiah a ka ti mi paoh in Vancung Pennak chung ah an lut lai tinak a si lo, sihmanhsehlaw vancung i a um mi ka Pa nih tuah hna seh ti a duh mi a tuah mi lawnglawng kha an lut lai. Cu ni cu a phak tikah, mitampi nih keimah cu, Bawipa, Bawipa! Na min in Pathian bia kha kan chim i na min in khuachia kha tampi kan thawl hna i khuaruahharnak tampi kan tuah hnam an ti lai. Khi tikah annih cu ka thawh hna lai i, “Nannih cu aho nan si kan hngal bal hna lo. Kak ko u, that lonak a tuahtu hna, tiah ka ti hna lai.”
KEIMAH HI KA SI KHO
‘Bawipa, Bawipa’ a ti mi pah vancung pennak ah an lut maw?
Lut lo. Pathian duhnak a tuah mi awng an lut
Jesuh Khrih nih, “Bawipa, Bawipa tiah a ka ti mi paoh in Vancung Pennak chung ah an lut lai tinak a si lo, sihmanhsehlaw vancung i a um mi ka Pa nih tuah hna seh ti a duh mi a tuah mi lawnglawng kha an lut lai” tiah a ti. Hi bia nih Khrihfa mi tampi thinlung ah harnak a pek hna i Pathian duhnak fak pi kawlnak a pek hna.
Khrihfa tampi nih vancung pennak chung luhnak ding ah Jesuh zumh ah a za tiah an ruah, asinain Matthai 7:21 nih “Bawipa, Bawipa’ tiah a au mi paoh vancung pennak chung ah an lut lai lo tiah a kan chimh.
Hi Baibal caang a rel mi tampi nih “keimah ka si men lai” tiah an ti. Anmah le anmah kha, “Jesuh nih zumlotu a ti ko hna lai” tiah thazaang an i pe. Asinain an ruahnak kha an thinlung ah a tang peng i a buai peng hna.
Cucaah, a tanglei Baibal caang, “Ka Pa duhnak a tuah mi lawng an lut lai” a ti mi ah khan an i thlai. “Ka Pa duhnak a tuah mi” ti ah khan an i lak i cheu hra cheu khat caan hman te peknak, zinglei thlacamnak, thawngtha chimnak, thiltha tuahnak le sualnak tuah lonak in kan tuah khawh lai tiah an ruah. Fak piin an i zuam. An ca hrang ah ka ngaih a chia ngai.
Minung tampi nih hi Baibal caang hi an hngalhfian lo caah palhnak an tuah. Cucaah Pathian duhnak kan tuah i a duh ning in kan nun khawh nakhnga hi caang hi fianter ka duh.
A pakhatnak ah Pathian duhnak cu a Fapa nih vawlei sualnak vialte lak dih i sualnak in luatter kha a si.
Efesa 1:5 ah, “Pathian nih cun kannih cu Jesuh Khrih thawng in a fa i cohlan awk kha a rak timh cang mi le a duh mi a si” tiah a ti.
Phundang in cun, Pathian duhnak cu Jesuh nih vawlei sualnak vialte a tawl dih cang ti kan hngalh i hrinthannak kan co ding kha a si. A Fapa Jesuh ah kan sualnak vialte kha khin dih Thlarau le ti in hrinthannak co hna seh ti kha a kan duh. Cucu Pathian duhnak a si.
“BAWIPA, BAWIPA!” TI RUANG AH
Jesuh kan zumh tikah zeidah kan theih a herh?
Pa duhnak
“Bawipa, Bawipa tiah a ka ti mi paoh in Vancung Pennak chung ah an lut lai tinak a si lo, sihmanhsehlaw vancung i a um mi ka Pa nih tuah hna seh ti a duh mi a tuah mi lawnglawng kha an lut lai” (Matthai 7:21).
Pa duhnak hi lam hnih in kan fian ding a si. Pakhatnak ah, sual ngaihthiamnak kan co i Thlarau le ti in hrinthannak kan co ding hi Pa duhnak a si. A pahnihnak ah kan zumhnak ah hram bunh kan rian kan tuan ding a si.
Hi vawlei sualnak vialte hnawh dih hi Pa duhnak a si. Satan nih kan pupa a si mi Adam sin ah sualnak a rak luhpi. Asinain Pathian duhnak cu sualnak vialte hnawh dih kha a si. Cheu hra cheu khat caan hman te pek le zing dei ka thlacam kha Pa duhnak a si lo i kan sualnak hnawhpiak kha a duhnak a si. Sualnak tilet chung in kan i lionak khan Pa nih khamh a kan duh.
Baibal nih ‘Bawipa, Bawipa’ tiah a au mi paoh vancung pennak chung ah an lut lai lo tiah a ti. A sullam cu Jesuh zumh lawng si loin Pathian duhnak zong kan hngalh ding a si. Sualnak le biaceihnak chung in khamh i Adam ro kan co mi cu sualnak dah lo, zeihmanh kan tuah kho lo ti hngalh kha Pa duhnak a si.
PATHIAN DUHNAK
Pathian duhnak cu zeidah a si?
Sualnak in luatter i a fa siter kha a si.
Matthai 3:15 ah “Pathian nih tuah u a ti mi paoh cu i tuah ko seh” tiah a ti. Jesuh nih hi vawlei rat i kan sualnak a kan khamh ding kha Pathian duhnak tlinternak caah a si. Tipil petu Johan nih Jesuh tipilnak a pek tikah Pathian duhnak a tling.
Khamh a kan duh i a fa ah ser a kan duh. Cu tuahnak ding ah cun a Fapa nih kan sualnak a hnawh ta a herh. Minung vialte a fa ah ser kha pa duhnak a si. Cucaah satan rap ah a tla cang mi vialte khamh awk ah a fapa a run thlah. A fa kan si khawhnak ding ah a fapa nunnak pek kha Pa duhnak cu a si.
Jesuh nih tipilnak a in i vailam cung a thih tikah, Pathian duhnak a tling. Cun Jesuh tipil innak nih kan sualnak vialte a hnawh dih i vailam cung a thihnak nih kan sualnak a kan ngaihthiam cang ti zumh kha Pa duhnak a si.
“Pathian nih vawlei a dawt hringhran caah a Fapa ngeihchun te a pek” (Johan 3:16) tiah a ti. Pathian nih a mi cu sualnak chung in a khamh hna. Cu tuahnak ding ah, Jesuh nih a pakhatnak bik a tuah mi cu Johan sin ah tipilnak in kha a si.
“Asinain Jesuh nih a leh i, atu cu hitihin si ko seh. Pathian nih tuah u a ti mi paoh cu i tuah ko seh” (Matthai 3:15) tiah a ti. Jesuh hi vawlei ah rat i vawlei sualnak vialte lak dih i vailam cung thihnak tuar i thihnak in thawhthankha Pathian duhnak a si.
Hihi fiang tein kan hngalh awk a si. Minung tampi Matthai 7:21 kha an rel i Pathian duhnak cu a rian kan tuan i kan nunnak zong pek tiang in a ram caah i pekchanh kha a si tiah an ruah.
Khrifa hawi dawt hna, Jesuh a zum mi nih cun a pakhatnak ah Pathian duhnak kan hngalh i kan tuah ding a si. Pathian duhnak hngal loin Khrihfabu ah i pek hi a palh.
Mi cheu khat nih an Khrihfabu chung ah fel tein i pekchanh tluk in zeidang dah Pathian riantuan cu a um ti an ti. Keimah zong hi Presbyterian Khrihfa ah Calvin cawnpiaknak ka nu ei Pathian a a duhnak taktak mi hmang in a thanglian mi ka si. Khrifabu fek kong hi ka cawn dih.
Paul zong nih Benjamin hrinsor a sinak le minthang saya Gamaliel kut tang ah ca a cawnnak kha kai porhlaw kho ko tiah a ti. Paul nih hrinthannak a co hlan ah, Jesuh a zum mi kha a rak hrem hna. Asinian Damascus lam ah Jesuh a ton i Thlarau le ti hrinthannak thawngtha in hirnthannak a co i miding a hung si.
PATHIAN DUHNAK KAN TUAH HLAN AH KAN THEIHTA A HAU
Jesuh kan zumh hlan ah zeidah a herh?
A duhnak theih a herh.
Kan thianhlim ding kha Pathian duhnak a si. “Pathian nih nannih cu a thiang mi le nu le pa sualnak aa sum mi hna si hna seh ti kha an duh hna” (1 Thesalon 4:3) tiah a ti. Thlarau le ti in thianhlimnak kan co i zumhnak in kan nun ding kha Pathian duhnak a si.
Jesuh a zum tung i a thinlung ah sualnak a ngei i nan um ahcun, Pathian duhnak in na nung rih lo tinak a si. A duhnak zulh in nun ti cu Jesuh nih a kan khamhnak thawngtha hmang in thianhlimnak co kha a si. Hi hngalh cu Pathian duhnak tuah khawhnak a si.
“Jesuh na zumh hnu ah na thinlung ah sualnak na ngei maw?” tiah kan hal tikah na ka lehnak ding cu, aw ngei e ti a si ahcun a fiang mi cu, Pathian duhnak na hngal rih lo tinak a si. Thlarau le ti hrinthannak thawngtha in sual tlanhnak kan co i thiamhlimnak kan co ding kha Pathian duhnak a si.
Voi khat cu fapa le nawlngai taktak a ngei mi pa pakhat a um. Nikhat cu a upa bik kha a auh i, “ka fa, khi khua va lawnh ah khin lo ah va kal tuah” tiah a ti.
A bia hmanh a dih hlan ah a fapa nih, “Aw, ka pa” tiah a leh i a kal diam. Lo ah zeidah va tuah ding a si ti chimh kha a hngak ti lo. Cuticun a kal.
A pa nih a hnulei in a hei auh i, “Ka fapa, nawl na ngaih mi hi kai lawm taktak, asinain zeidah tuah seh ti kan duh kha na hngalh awk a si” tiah a ti.
Asinain a fapa nih, “Aw si, ka pa, na nawl ka ngaih lai. Keimah nakin ahodah na nawl ngai kho deuh a um?” tiah a leh.
Asinain a fapa cu kut lawng in a hung kir. A pa nih zeidah tuah seh ti a duh kha a hngalh lo caah zei tuah awk a hngal lo. Tonghmang lo in a pa nawl a ngaih.
Jesuh kan hngalh lo ahcun hibantuk hi kan si kho. Minung tampi cu an pum an i pe, theology cawnnak sang an ngei, caan hman tein cheu hra cheu khat an pek, zan khuadei thla an cam i rawl an ul, asinain Pathian duhnak an hngal lo.
An thinlung sualnak um bu he an thih tikah, vancung kutka in khirh an si. Pathian duhnak cu tuah an duh tuk ko nain zeidah a si ti kha an hnngal lo.
Nawlbuar cu zeidah a si?
Thlarau le ti thawngtha hngalh loin Jesuh zumh
“Cu ni cu a phak tikah, mitampi nih keimah cu, Bawipa, Bawipa! Na min in Pathian bia kha kan chim i na min in khuachia kha tampi kan thawl hna i khuaruahharnak tampi kan tuah hnam an ti lai. Khi tikah annih cu ka thawh hna lai i, “Nannih cu aho nan si kan hngal bal hna lo. Kak ko u, that lonak a tuahtu hna, tiah ka ti hna lai” (Matthai 7:22-23) tiah a ti.
Pathian nih tuah hna seh ti a kan duh mi a um i cu tuahnak ding ah zumhnak a herh. Jesuh nih vawlei sualnak vialte a lak dih cang ti kha zum hna seh ti a kan duh. Minung tampi nih profet bia an phuan, khuachia an thawl nain Thlarau le ti thawngtha biatak an hngal lo.
Khuaruah tuah cu biakinn thatha sak, ngeihchiah vialte zuar i biakinn saknak ca pek, nunnak kha Bawipa pek i thil tha tampi kha a si.
A min ah profet biaphuan cu hruaitu ka si tinak a si. Cubantuk minung hna cu nawlbia bia thawng in a nung i Jesuh ngaih a chiattertu Farasi pawl bantuk an si. Hihi Khrihfa tha ka si ai ti mi chung ah hmuh an si.
Khuachia thawl cu thawnnak langhter a si. An zumhnak ah an lung a tho ngaingai asinan Bawipa nih a donghnak ahcun kan hngal hna lo a ti hna lai. Zeitindah keimah hmanh nih kan theih lo mi hna cu nanmah nih nan ka theih khawh tiah a hal hna lai.
Bawipa nih, “kan hngal bal hna lo, kal ko u, that lonak a tuahtu hna” tiah a ti hna. Cu ni ahcun, minung tampi cu Bawipa hmai ah, “Bawipa kan zumh. Ka khamhtu ah kan zumh” tiah an tap te lai. Bawipa cu kan dawt an ti lai nain an thinlung ah sualnak a um peng. Bawipa nih that lonak a tuahtu hna tiah a ti hna (khamhnak a co lo mi misual) i a sin in a thawl hna lai.
Cu ni ahcun Jesuh ah hrinthannak co loin a thi mi hna cu an tap ruangmang lai. “profet bia ka phuan, biakinn ka sak i Missionary 50 ka thlah hna” an ti lai.
Asinian Jesuh nih “Kan hngal bal hna lo, kal ko u, that lonak a tuahtu hna!” tiah a leh hna lai.
“Zeidah na chim duhnak a si? Na min in profet bia ka phuan kha na hngal lo maw? Khrihfabu ah kum tampi na rian ka tuan…mindang nih nangmah an in zumh nakhnga ka cawnpiak hna. Zeitindah na ka theih lo ning a si?” an ti lai.
A lehnak hna cu, “Kan hngal bal hna lo. Kan hngalh a ti tung i thinlung ah sualnak a ngei mi hna, ka sin in kal ko hna” tiah a ti hna lai.
Jesuh nih a kan khamh ning tein zumh lo le thinlung sualnak ngei buin Jesuh zumh cu that lonak tuah a si. Pathian duhnak hngalh lo hi that lonak tuah a si. Pathian duhnak hngal lo buin tuah i zuam le Thlarau le ti hrinthannak thawngtha hngalh lo hi that lonak tuah a si. A duhnak zul loin Jesuh zulh zong hi that lonak tuah a si. That lonak tuah cu sual a si.
BAIBAL AH PATHIAN DUHNAK
Ahote dah Pathian fale an si?
Sualnak ngei lo miding mi
Thlarau le ti hrinthannak thawngtha zumh kha Pathian duhnak a si. A dik mi thawngtha nih hrinthannak a chuahpi. A fa kan si bantuk in thawngtha bia caah kan nun ding kha a duhnak a si. Pathian duhnak kan hngalh ding a si, nain minung tampi nih Thlarau le ti hrinthannak thawngtha an hngal lo.
Minung tampi kha zeiruang ah dah Jesuh na zumh tiah ka hal hna tikah ka sualnak in khamhnak ding caah ka zumh tiah an ka leh tawn.
Cutikah, “Na thinlung ah sualnak na ngei maw?” tiah ka ti hna.
An ka lehnak cu, “aw, ngei ko” an ti.
Cu tikah, “Khamh na si lo maw?” tiah ka hal than hna.
“Khamh cu ka si ko” an ti.
“A thinlung ah sualnak a ngei mi misualfa cu vancung pennak chung ah an lut kho lai maw?” tiah ka hal than hna.
“An lut kho lai lo” an ti.
“Cu ti si ah, Vancung pennak chung ah maw na luh lai, hell ah dah?” tiah ka ti hna.
Vancung pennak chung ah ka lut lai tiah an ti, an lut kho hnga maw? Hell ah an kal ko lai.
Mi cheu khat nih Jesuh kan zumh caah kan thinlung ah sualnak kan ngeih ko zong ah vancung pennak chung ah kan lut ko lai tiah an ti, asinain cucu Pathian nih an duhnak a tuahter hna caah a si. Asinain Pathian nih vancung pennak chung ah misual a cohlang hna lo.
Pathian duhnak cu zeidah a si? Baibal nih a chim ning ahcun a Fapa Jesuh kan zumh ding le Jesuh tipil innak le vailam cung a thisen kan zumh ding kha a duhnak a si tiah a kan chimh.
Thlarau le ti hrinthannak a zum mi paoh cu Pathian fa an si. Pathian fa sinak cu kan sunparnak a si. A fale cu miding an si.
Pathian nih miding tiah a kan ti tikah misual mi kha miding a kan tinak a si maw? Pathian nih lih a chim bal lo. Cucaah a hmai ahcun, misualfa na silo ahcun miding na si ko. Thlarau le ti in hrinthannak a co mi lawng nih a thianter hna.
Zeitindah Pathian fa kan si khawh lai?
Ti le thisen thawngtha cohlannak thawng in
Pathian nih kan sualnak le vawlei sualnak vialte a fapa Jesuh cung ah a khin dih caah vailam cung biaceihnak a herhnak cu a si. Pathian nih lih a chim kho lo. “Sualnak man cu thihnak a si” (Rom 6:23) tiah a ti. A Fapa a thihnak tikah vawlei ah suimilam pathum chung muihnak a tlung.
“Suimilam pathum tluk ah khin Jesuh cu a au i, “Eli, Eli, lema sabakthani” a ti, a sullam cu, “Ka Pathian, ka Pathian, zeicahdah na ka kaltak” ti a si (Matthai 27:46) tiah a ti.
Jesuh nih vawlei minung vialte an sualnak in khamhnak ding ah vawlei sualnak kha tipil innak a cung ah a khin dih. Minung sualnak vialte a lak dih i Pathian nih a ka hlawt lai i vailam cung ah thihnak ka tuar lai ti kha a hngalh. Cucaah Jordan tiva ah minung sualnak vialte a lak mi ruang ah khan Pathian nih a Fapa cu bia a ceih i suimilam pathum chung a hmai a thuhkanh.
“Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna” (Johan 1:12) tiah a ti.
Pathian fa na si maw? Thlarau le ti hrinthannak thawngtha kan cohlan caah a hrinthan mi kan si. Thlarau le ti in hrinthannak a co mi paoh cu mithiang an si. Kan dihlak in mithiang kan si ding a si.
“Pathian kan lei a tan ahcun aho nih dah a kan doh khawh lai?” (Rom 8:31). Miding mi nih amah le mah Pathian hmai ah miding tiah aa ti tikah, hrinthannak a co lo mi nih bia an ceih tawn. Cucaah lamkaltu Paul nih, “Pathian thim mi cu aho nih dah sual a phawt khawh lai? Amah Pathian hrimhrim nih pei nan sual lo tiah a ti cu” (Rom 8:33). Pathian nih Jesuh thawngin sualnak vialte a tawl dih i miding tiah a kan auh i a fa ah a kan cohlan.
Thlarau le ti hrinthannak a co mi paoh cu ka fa tiah a ti hna. Amah he zungzal an um lai. Hi vawlei ser mi thil sawhsawh an siti lo, vancung rocotu Pathian fa an si cang.
Atu ahcun Pathian fa a dingmi an si cang caah, ahohmanh nih sual an phaw kho ti hna lo i Pathian he an thenter kho ti hna lo.
Jesuh zumhnak ding ah Thlarau le ti hrinthannak thawngtha kan theih ding a si. Baibal zong kan theih ding a si. Pathian duh ning tein kan nun khawh nakhnga Pathian duhnak kan hngalh i kan zumh a herh.
MISUAL HNA THLARAU LE TI IN HRINTHANNAK CO DING KHA PATHIAN DUHNAK A SI
Zeiruang ah dah Pathian nih a fapa cu misual bantuk in a vun thlah?
Sualnak vialte a cung khin ding ah
Khamhnak kan co i Thlarau le ti thawngtha in hrinthannak kan co ding kha Pathian duhnak a si. “Nan thianhlim ding kha Pathian duhnak a si” (1 Thesalon 4:3) tiah a ti.
Pathian nih vawlei sualnak vialte a fapa cung ah khin dih i misual mi hna khamh kha a duhnak a si. Hihi Thlarau le ti in hrinthannak kan hmuh khawh nakhnga Thlarau phung a si. Kan sualnak vialte in luatter kan si.
Kannih cu tlanh mi kan si. Atu ahcun kan dihlak in Pathian duhnak kan hngalfian cang ko lo maw? Kanmah tlanh kha Pathian duhnak a si. Vawlei he i cawhpawlh ding kha a kan duh lo i a bia kha zum hna sehlaw amah lawng ka bia hna seh ti kha a duhnak a si.
Hrinthannak co mi hna nih thawngtha bia kha phuang hna sehlaw Khrihfabu chung ah i pe hna sehlaw thlarau dang zong kha amah lei ha hruai hna seh ti kha Pathian duhnak a si.
Sualnak kan tuah cu kan duh caah si loin kan derthawm caah a si. Asinain Jesuh nih kan sualnak a kan hnawhpiak dih cang. Pathian nih vawlei sualnak vialte cu a fapa cung ah tipil petu Johan hmang in a khin dih. Cu tinh mi caah cun Pathian nih a fapa cu a vun thlah i Johan hmang in tipilnak a inter. Hi zumhnak thawng in khamh kan si. Cucu Pathian duhnak a si.
A VAN THLAH MI ZUMH KHA PATHIAN DUHNAK A SI
Zeiruang ah dah Jesuh cu misual mi muisam lak in a rat?
Minung sualnak vialte lakpiak ding ah
Baibal nih Pathian duhnak cu a thlah mi a fapa zumh hi a si tiah a ti. “Cucaah annih cu a thawh hna i, “Pathian nih tuan hna seh ti a kan duh ning in kan tuah ahcun, zei hi dah kan tuan awk cu a si lai?” tiah an hal. Jesuh nih cun a leh hna i “Pathian nih tuah hna seh ti an duh mi hna rian cu hihi a si: a thlah mi zumh hi,” tiah a ti hna. Cathiang nih, “Ei awk changreu van in a pek hna” tiah a ti bantuk khan, kan pupa hna nih khan thetse ram ah manna kha an ei taktak,” tiah an ti (Johan 6:28-31).
Mi nih Jesuh kha Pathian nih Moses kha Kanaan lei an kalpah ah hmelchunhnak a pek i van in Manna a thlak hna i cu tikah amah cu an zumh tiah an ti (Johan 6:32-39). Mi nih Jesuh kha, “Pathian duhnak kan tuah khawhnak ding ah zeidah kan tuah lai?” tiah an hal.
Jesuh nih Pathian duhnak nan tuah khawhnak ding ah keimah nan ka zumh a hau tiah a ti hna. Pathian duhnak tuan kan i timh ahcun Jesuh tuahsernak kan zumh a herh. Thawngtha bia kan zumh i kan phuan lawng kha Pathian duhnak a si lo i kan i nunpi ding zong kha a duhnak a si chih.
Pathian nih, “Va kal ulaw, miphun zakip kha ka zultu ah va ser hna u, a zum mi paoh kha Pa le Fapa le Thiang Thlarau min in tipilnak va pe hna u, nawl kan pek mi vialte hna an zulh nakhnga va cawnpiak hna u” (Matthai 28:19-20) tiah a ti hna.
Jesuh nih fiang tein, Pa le Fapa le Thiang Thlarau min in tipilnak va pe hna u tiah a kan cawnpiak. Jesuh nih a Pa le Thlarau caah a tuah mi vialte hi tipil a innak ah ai khumh dih mi an si. Hihi kan hngalhfian tikah, Pathian kan zumh khawh i Jesuh nih hi vawlei ah tuah mi vialte le Thlarau nih zeitindah tehte a khaan ti kha kan hmuh khawh.
Jesuh cu Thlarau le ti thawngtha bia tehte khang ding ah Pathian nih a vun thlah. Cucaah Pathian bia le a salpa kan zumh tik lawng ah khamh kan si.
PATHIAN RIAN KHA TUAN U
Kan nunnak nih ai tinh mi cu zeidah a si?
Vawlei cung ah thawngtha bia karhternak in Pathian duhnak tuah
Pathian rian kan tuan khawnak ding ah a pakhatnak ah Jesuh tipil innak le vailam cung a thihnak kan zumh a herh. Pathian nih a vun thlah mi zumh kha Pathian riantuan cu a si. Jesuh zumhnak ding ah, Jesuh nih ti le thisen in a kan khamh ti kha kan zumh ding a si.
Jesuh le a thawngtha bia kan zumh tikah kan nunnak ah Pathian duhnak a tling. Cuticun Pathian rian kan tuan. Thlarau le ti hrinthannak thawngtha a zum mi lawng Vancung pennak chung ah an lut lai tiah a kan ti.
A biapi mi biatak hngalhnak in kan dihlak in Vancung pennak chung ah hmunhma la hna u sih. Pathian duhnak taktak hngal bu in Jesuh nih kan sualnak vialte a kan tawlpiak dih cang ti kha zum hna u sih. A pennak kauhnak ding ah nung. A donghnak ah, na thih tiang thawngtha bia phuang.
Khrihfa hawi dawt hna! Thlarau le ti thawngtha a zum mi paoh hi Pathian rian a tuan mi cu an si. Pathian nih a vun thlah mi zumh kha Pathian riantuan cu a si. Pathian nih a vun thlah mi Jesuh nih vawlei sualnak vialte a lak dih ti le Jesuh cu kan khamhtu a si ti zumh cu Pathian duhnak a si.
Jesuh nih Jordan tiva ah tipil a innak le vailam cung a thihnak nih sual tlanhnak rian vialte a tlamtlinh dih cang. A pahnihnak Pathian riantuan cu a van thlah mi zumh, sualnak vialte a hnawt dih tu mi Khamtu zumh le vawlei khuazakip ah thawngtha bia phuan kha si.
Atu cu hrinthannak a co mi nih thawngtha bia kan nuni i vawlei dongh tiang kan chimphuan ding a si.
Pathian duhnak hngal loin Jesuh a zum mi hna khuazei ah dah an kal?
Hell ah an kal.
“Cu ni cu a phak tikah, mitampi nih keimah cu, Bawipa, Bawipa! Na min in Pathian bia kha kan chim i na min in khuachia kha tampi kan thawl hna i khuaruahharnak tampi kan tuah hnam an ti lai. Khi tikah annih cu ka thawh hna lai i, “Nannih cu aho nan si kan hngal bal hna lo. Kak ko u, that lonak a tuahtu hna, tiah ka ti hna lai” (Matthai 7:22-23).
Hi Baibal caang nih fiang tein aho hi dah Pathian hmai ah misual a si i that lonak a tuahtu an si ti kha a kan chimh.
“Bawipa, Bawipa” tiah a au mi minung tampi lakah hrinthannak a co lo mi tamtuk an um rih. Nganfahnak fak pi an tuar, zeicahtiah an thinlung ah sualnak a um peng rih. Cucaah ‘Bawipa, Bawipa’ tiah vuivai pah in le Pathian biakpah in an au.
Thlacamnak in an au peng ah an chiatha thleidannak a thiang lai tiah an ruah, asinain cucu a si kho lo mi a si, zeicahtiah an thinlung ah sualnak a um rih. Tlang cung ah thla an cam, thinlung kekkuai in an au i Pathian nih a hlat tuk mi hna bang an au an khuang. Zumhnak tlamtling kan ngeih lo tikah, ‘Bawipa, Bawipa’ tiah atu le tu kan au lengmang.
Khrihfabu cheu khat i member pawl a hrinthan lonak ahcun, fak piin thla an cam tawn i pulpit zong kiah dih ai zawl tawn.
Asinain Baibal ah kan hmuh mi cu ‘Bawipa, Bawipa’ tiah a au mi paoh hi vancung pennak chung ah an lut lai tinak a si lo tiah a ti. Thlarau le ti thawngtha zumhnak a ngei mi lawng nih Pathian duhnak le a rian an tuan khawh.
Baibal nih thinlung sualnak ngeih buin Bawipa tiah a min auh cu that lonak tuah a si tiah a kan chimh. Tlangcung thlacamnak ah na kal bal lo maw? Cheu khat nu upa cu Jesuh kha biatak in an ton rih lo caah, an thinlung in Thlarau an co rih lo caah le Thlarau le ti in hrinthannak an co rih lo caah tah buin fak piin thla an cam tawn. Hell ah kan kal ti an phan tuk ah Jesuh min kha a zungzal in an auh tawn.
Mi pakhat Khrihfabu missionary ah le pastor ai pe mi kha a donghnak Pathian nih a hlawt hei ti ko u sih. Nulepa le nupi pasal nih hlawt hmanh ah thinlung a kekkuai ahcun Siangpahrang lak ah siangpahrang le biaceihtu a si mi Pathian nih a hlawt ahcun khuazei ah dah a kal lai?
Hibantuk hi ahohmanh sin hmanh phan hlah seh ti ka duh. Thlarau le ti thawngtha kha ngai law zum ve cang. Thlarau le ti thawngtha in hrinthannak co i nunpi hi Pathian duhnak a si.
Khrihfa hna nih Thlarau le ti thawngtha kha kan zumh i Baibal biatak chung in thawnnak kan lak ding a si. Cu hnu lawng ah Pathian biaceihnak chung in khamh kan si la.
Copyright © 2021 by The New Life Mission
