- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 8: Thiang Thlarau
[8-2] Mizeital Nih Amah Thawnnak In Thiang Thlarau A Caw Kho Maw? (Lamkaltu 8:14-24)
“Samaria mi nih Pathian bia kha an hmuh ve ti kha Jerusalem khua i a um mi lamkaltu pawl nih khan an theih tikah an sinah cun Peter le Johan kha an hei thlah hna.
An va phak tikah zumtu hna nih khan Thiang Thlarau an hmuh nakhnga thla an campiak hna. Zeicahtiah annih lak ah khan Thiang Thlarau cu aho cung hmanh ah a tlung rih lo, Bawipa Jesuh min in tipil lawng an rak ing. Cun Peter le Johan nih an cung ah an kut an chuan i Thiang Thlarau kha an hmuh. Lamkaltu hna nih an cung ah an kut an chuan tikah Thiang Thlarau an hmu ti kha Simon nih a hmuh tikah Peter le Johan kha a thawh hna i, “ka kut ka chuanpiak mi hna paoh nih Thiang Thlarau kha an hmuh ve nakhnga hi thawnnak hi ka pe ve u,” tiin phaisa kha pek a zalh hna. Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruang ah hin nangmah le na phaisa cu hell ah vat la ko u! Pathian mithmuh ah na lung kha a hmaan lo caah kan riantuannak ah hin zeihmanh naa tel venak a um lo. Cucaah cun hi thil tha lo na ruah mi hi i ngaichih law hibantuk thihl tha lo na ruah mi hi an ngaihthiam khawh nakhnga Bawipa sin ah thla cam. Zeicahtiah fiang tein ka hmuh mi cu nahchuahnak in na khat i sual thongtla na si,” tiah a ti. Simon Peter cu a thawh i, “Na chim mi vialte hi pakhat hmang ka cung ah a tlun nakhnga lo Bawipa sinah thla ka campiak tuah,” tiah a ti.
Kutcung chuanpiaknak in Thiang Thlarau co khawh a si maw?
A silo. Ti le Thlarau thawngtha bia zumh a herh.
Kan biatlangpi he pehtlai in van langhter ka duh mi cu “mi pakhat nih amah zuamnak in Thiang Thlarau a co khaw maw” ti hi a si. Khrihfabu hmasa lamkaltu hna cu thawnnak kha Pathian sin in an hmuh i Pathian nih hmun kip ah a thlah hna. Lamkaltu cauk ah khuaruahharnak thil tampi a um i cu lakah pakhat cu lamkaltu hna nih an kut an chuanpiak hna caah an cung ah Thiang Thlarau a phaknak hi a si. Baibal nih cun “Jesuh cu an zumh cang ko nain Thiang Thlarau kha an co rih lo i Lamkaltu hna nih an cung ah an kut an chuanpiak hna i Thiang Thlarau an co” tiah a ti.
Cuti si ah kut cung chuanpiaknak in zeitindah Thiang Thlarau cu an co ning a si? Hi lio caan ah Pathian bia hi rak tial lio a si i a riantuannak zong nih a dih rih lo, cucaah Pathian nih lamkaltu hna kha mission rian tuannak caah thawnnak a pek hna. Lamkaltu hna he khan a um i anmah hmang in khuaruahharnak tampi a tuah. Hi lio caah minung nih Jesuh cu mi khamhtu le Pathian fa a si ti an zumh khawhnak ding ah mit hmuh kuttongh in Pathian nih khuaruahharnak a tuahpiak hna lio caan a si. Jesuh cu Pathian fa le mi khamhtu a si ti minung nih an zumh khawh nakhnga Pathian nih khuaruahharnak thil hi a tuah hrimhrim a herh. Khrihfabu hmasa lio caan ah Pathian nih Thiang Thlarau hmang in khuaruahhar hmelchunhnak a tuah lo ahcun ahohmanh nih Jesuh cu mi khamhtu a si tiah an zum lai lo.
Asinain tuchan ahcun Thiang Thlarau kha khuaruahhar hmelchuhnak he kan co a herh ti lo, zeicahtiah Baibal cauk tlamtling tein kan ngeih cang. Atu ahcun Thiang Thlarau umpinak cu zumhnak cung ah ai hngat mi a si. Phundang in cun, thawngtha biatak zumhnak cung ah ai hngat mi a si. Pathian nih a hmai ah thawngtha biatak a zum mi lawng kha Thiang Thlarau umpinak a coter hna. Thiang Thlarau umpinak cu Pathian bia a zum mi hna le Jesuh nih tipil innak le a thisen in kan sualnak vialte a tawl dih cang ti a zum mi hna sin lawng ah pek an si.
Atu chan ah Pastor tampi nih lenglei khuaruah hmelchunh hi Thiang Thlarau conak a herh tiah an cawnpiak hna. Cuticun zumtu kha Thiang Thlarau co ding ah an hruai hna. Minung kha a palh mi cawnpiaknak, holh theih lo holh te hna hi Thiang Thlarau conak hmelchunhnak a si tiah an cawnpiak hna. Hibantuk Pastor pawl nih amah le mah kha chanthar lamkaltu kan si tiah an ti i khuaruahhar hmelchunhnak le hmuhtonnak in midang thinlung kha tlaih an i tim.
Hi bantuk hlimritnak hi vawlei khuazakip Khrihfa biaknak ah a karh tuk cang i minung tampi nih an zumh caah khuaruahhar hmelchunhnak in Thiang Thlarau kha co an i tim nain cucu khuachia thlarau a rak si diam. Atu zong ah, hibantuk hlim a ri mi pawl nih midang cung ah kan kut kan chuan lai i Thiang Thlarau an co lai tiah an ruah peng.
Cubantuk minung hna cu kan Baibal cang chung ah a lang mi dawihaih thiam Simon bantuk kha an si. Mah diriamnak a kawl mi le a ri mi an si i an tuahsernak nih midang kha a buaiter zungzal hna. Hi bantuk cawnpiaknak cu Pathian hmai ah a dik mi Thiang Thlarau conak lam he ai dang.
Atuchan zong ah profet deu tampi nih Thiang Thlarau min hmang in Satan rian an tuan cuahmah. A dik mi Khrihfa nih cun Pathian bia ah hram an bunh awk a si, zeicahtiah cu lam lawng cu a dik mi Thiang Thlarau conak lam a si. Pentecostalist tiah auh mi pawl nih khuaruahhar hmelchunhnak papek an chiahnak vialte an hlawt i Pathian biatak kha an kir hnawh i Thiang Thlarau umpinak an co awk a si.
Kha lio caan ah Simon cu Samaria ah camhaih lei ah min thang a si. Jesuh zultu pawl hna nih midang Thiang Thlarau co ding in an van bawmh hna kha a hmuh tikah phaisa in cawk a timh hna. Hibantuk minung hna cu Satan sal an si i Satan nih a riantuantu ah a hman mi hna an si. Simon nih Thiang Thlarau cu co a duh nain cucu duhfah hakkauhnak ruang ah a si. Hibantuk zumhnak cu Thiang Thlarau nih a co hlan mi zumhnak a si lo.
Simon nih Thiang Thlarau kha chawva in cawk a timh i a nawlngeihnak kha thawnter a timh. Pathian salpa Peter nih fak piin a sik. Simon nih Jesuh a zumh ko nain sual ngaihthiamnak coin Thiang Thlarau a co mi a si lo. Phundang in cun, Simon nih vawlei thilri pek in Pathian Thiang Thlarau co khawh a si ruah tiah a ruah.
A lenglei langhnak ahcun Jesuh zumtu a si ve ko nain a chunglei nun cu Jesuh bia he ai hlat tuk mi a rak si. Duhfak hakkauhnak in a khat mi a si. Simon ruahnak le thinlung a hmutu Peter nih chawva in Thiang Thlarau cawk a timh ruang ah fak piin a sik.
Atuchan zong ah Satan nih a hlen mi profet deu vialte nih khuaruahhar hmelchunhnak an tuah mi vialte hi Thiang Thlarau sin in a ra mi a si tiah an cawnpiak hna. Hibantuk cawnpiaknak a uar i Thiang Thlarau conak ding ah thla a cam mi tampi kan hmuh khawh hna. Thiang Thlarau umpinak hi thlacamnak le vawlei chawva in cawk khawh a si lo ti kha kan hngah awk a si.
Na pawngkam hrawng ah Charismatic minung an um ko lo maw? Hibantuk minung kha nai ralring lai. Zumhnak tlaihtleng i hruhpi buin an kal. Khuachia zong kan thawl i midang cung ah kan kut kan chuan caah Thiang Thlarau an co tiah an ti. Asinain an ngeih mi thawnnak cu Thiang Thlarau thawnnak si loin khuachia thawnnak a si. Kutcung chuannak in Thiang Thlarau kan co tiah a zum mi paoh nih amah he an cawnpiak mi hna he khuachia thlarau ngei ding in an cawnpiak hna a si.
A dik mi Thiang Thlarau umpinak cu ti le Thlarau zumhnak thawng in a rak chuak mi a si (1 Johan 5:3-7). Ti le Thlarau thawngtha bia hi Baibal ah fiang tein ai tial ko nain minung tampi nih an thinlung ah sualnak an ngeih caah Pathian kha khuruahhar hmelchunhnak le thawnnak le holh theih lo te hna hmang in phak an i tim.
Peter nih Simon kha “Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruang ah hin nangmah le na phaisa cu hell ah vat la ko u! Pathian mithmuh ah na lung kha a hmaan lo caah kan riantuannak ah hin zeihmanh naa tel venak a um lo. Cucaah cun hi thil tha lo na ruah mi hi i ngaichih law hibantuk thihl tha lo na ruah mi hi an ngaihthiam khawh nakhnga Bawipa sin ah thla cam. Zeicahtiah fiang tein ka hmuh mi cu nahchuahnak in na khat i sual thongtla na si,” tiah a ti. Hibantuk Pathian riantuantu hi tuchan ah an tamtuk caah ngaihchia ngaingai a si. A tam u cu Charismatic minung an si hna. An mipi sin in phaisa an hal hna. Hibantuk zumhnak hi cu hlat pi ah kan chiah i ti le Thlarau thawngtha bia kha kan zumh ding a si (Matthai 3:15, 1 Peter 3:21, Johan 1:29, Johan 19:21-23).
Charismatic Minung Hna Nih Kutcung Chuannak He Rian An Tuan
Hibantuk zumhnak he hin hlat pi ah kan um awk a si. Tuchan ah mi cheu khat hna nih thawnnak a ngei mi riantuantu hna kutcung chuan in thla an ka campiak ahcun Thiang Thlarau ka co khawh lai tiah an zumh. Baibal zong ah Lamkaltu hna nih kutcung chuan in thla an camnpiak hna i Thiang Thlarau an co ve ko i kannih zong nih kan co khawh lai tiah an ruah. Cun riantuantu cheu khat zong nih kutcung chuannak in Thiang Thlarau umpinak kan in coter khawh ko hna tiah an cawpiak ve hna. Hibantuk minung an um ve mi hi kan i ralrin awk a si.
Kan hngalh ding mi cu hi hna pawl zumhnak hi Khrihfabu hmasa lamkaltu hna zumhnak he ai dang tuk ti kha a si. Tuchan ah Khrihfa cheu khat kan zumhnak zuamcawhnak ngan bik pakhat cu ti le Thlarau thawngtha bia ah zumhnak an ngeih lo mi hi a si. Pathian kan zumh an ti nain Pathian an upat lo caah anmah le anmah an i hlen pin ah midang zong an hlen hna. Zeisihmanh ah misual nih cun Thiang Thlarau umpinak a co kho lo i midang zong a bawm kho hna lo. Mi pakhat nih misual cung ah Thlarau a phan a ti ahcun cucu Thiang Thlarau si loin tha lo, Thiang Thlarau bantu kai langh mi a si.
Khrihfabu hmasa chan Lamkaltu hna cu Jesuh Khrih kha mi khamhtu, vawlei sualnak vialte tipil innak in a tawl dih tu le vailam cung ah a thisen in sual leibia a kan champiaktu tiah a zum mi lawng te an si. Jesuh tipil innak le vailam cung thisen an zumh caah Thiang Thlarau umpinak an o khawh. Midang sin ah ti le Thlarau thawngtha kha an chim i Thiang Thlarau umpinak co ding in an bawmh hna.
Asinain atuchan ah Khrihfa minung tampi nih hlim lawng an rit pi. Atuchan ah sualnak ngei mi riantuantu nih kut cung chuan thlacam piak ruang ah misual mi nih Thiang Thlarau umpinak co khawh a si taktak maw? Hihi a si kho lo mi a si. Tuchan ah mi cheu khat nih cun kan thinlung ah sualnak a um ko nain Thiang Thlarau umpinak kan co tiah an ti tawn. Minung mit hmuh ahcun tuukhal tha ngai a lo ko lai nain a thinlung ah sualnak a um ahcun Thiang Thlarau umpinak a co kho lo.
Hibantuk zumhnak dik lo hi minung tampi nih an ngeih. Hi ruang ah profet deu tampi nih mi tampi kha hell lei ah an hruai khawh hna. Hibantuk in mi a cawnpiaktu cu profet deu an si ti kha nan hngal lai. Khuachia nih a tlaih cang mi hna an si ti kha nan hngalh awk a si.
Mi pakhat nih a thinlung ah sualnak a ngei buin Thiang Thlarau nih khua a sak hnawh kho maw? A lehnak cu a sa kho lo ti hi a si. Cuti si ah thinlung ah sualnak a ngei mi nih midang kha Thiang Thlarau umpinak co ding in a bawm kho hna maw? Hi zong ah a si kho lo ti hi a lehnak a si. Cuti si ahcun tuchan ah Charismatic minung nih khuaruahharnak hmelchunhnak an tuah mi hi zei nih dah a canter mi a si? Thlarau tha lo nih a chuahter mi a si. Thiang Thlarau cu misual hna thinlung ah khua a sa kho hrimhrim lo. Ti le Thlarau thawngtha ah zumhnak a ngei mi sin lawng ah khua a sa kho. Na cung ah a phan mi Thlarau hi Thiang Thlarau a si ti taktak ko ti fiannak na ngei maw?
Johan 3: 5 ah Jesuh nih, “Mi zeihmanh ti le thlarau in hrin a si lo ahcun Pathian Pennak chung ah a lut kho lai lo” tiah a ti. Thiang Thlarau umpinak cu ti le Thlarau thawngtha bia a zum mi hna lawng nih an co khawh. Tuchan Khrihfa tampi nih an palhnak cu Thiang Thlarau hi kut cung chuan thlacampiaknak in co khawh a si ko tiah an zumh mi hi a si. Hihi palhnak nganpi a si. Pathian riantuantu le Khrihfa tampi nih Thiang Thlarau umpinak cu kut cung chuanpiaknak in a ra tiah an zumh.
Sualngaihthiam Dik Le Kut Cung Chuan An I Pehtlaihnak
“Kut cung chuan” cu thil pakhatkhat kha hmun dang ah a siloah midang cung ah chuannak caah a si. Hitihin ruat hmanh: Microphone in bia kan chim tikah mei hri in amplifier ah a kal i cu hnu ah a aw a hong chuah tikah mizapi nih theih khawh a si. Cubantuk in Biakam Hlun ah misual mi nih thawinak saram cung ah a kut a chuan tikah, a sualnak cu thawinak saram cung ah chuan a si i amah cu ngaihthiam a si. Cubantuk in Pathian sal le hna nih an kut an chuan tikah Pathian thawnnak kha an cung ah a phan. Cuticun kut cung chuan nih “chanh, pek” ti sullam a ngeih.
Charismatic minung nih midang kha Thiang Thlarau umpinak co ding in an bawm hna lo, thlarau tha lo ngei ding tu in an bawmh hna. Thlarau tha lo a ngei mi lawng nih an kut an chuan i midang cung ah thlarau tha lo an coter hna tikha na hngalh ding a si. Khuachia nih a tlaih mi pa nih midang cung ah kutchuan in thla a cam tikah a chung khuachia nih thla a campiak mi pa kha a tlaih ve, zeicahtiah Satan nih misual hna hmang in rian a tuan. Hi ruang ah Thiang Thlarau umpinak co a duh mi paoh nih cun ti le Thlarau thawngtha bia an zumh a herh. Sualnak chung ah a um mi paoh Satan nih a uk hna, Jesuh an zumh ko zong ah sual ngaihthiamnak an co lo.
Khuachia nih a tlaih mi pa kut cung chuan thlacamnak na co ahcun amah bantuk in khuachia thlarau nih an tlaih ve lai i khuaruahahrnak deu kha na tuah ve ko lai. Khuachia kha midang kut cung chuan thlacampiaknak in a ra ti le Thiang Thlarau umpinak cu ti le Thlarau thawngtha zumhnak thawng lawng in a ra ti kha kan hngalh awk a si.
Kutcung chuan cu thil pakhatkhat midang cung phakternak caah Pathian nih a ser mi lam pakhat a si. Asinain Satan nih minung kha a hlennak hna i kut cung chuannak in thlarau tha lo a coter hna. Cun a poi tuk rih mi cu minung tampi nih Thiang Thlarau thawnnak kha chawva cawk an timh mi hi a si.
Khirhfa Minung Tam U Nih Thiang Thlarau Umpinak Kong Ah A Fian An I Palh
Thiang Thlarau umpinak zeitindah kan co khawh lai tiah minung tampi kan hal tik ah sualchir thlacamnak le rawl ulhnak in kan co khawh tiah an ti. Cucu a dik lo. Thlacam fak pi na cam tik ah maw Thiang Thlarau na cung ah a phak? A si lo. Ti le Thlarau thawngtha bia kan zumh tik lawng ah Thiang Thlarau cu kan cung ah a phan.
Pathian cu biatak a si caah Thiang Thlarau co khawhnak lam le nawlbia zong a ser. A thinglung ah sualnak a ngei mi sin ah Thiang Thlarau khua a sa kho maw? A lehnak cu a sa kho lo ti hi a si. Kutcung chuannak in Thiang Thlarau co khawh a si lo. Mi pakhat nih rivial meeting a kai i fak piin Thiang Thlarau co ding ah thla a cam zong ah Thiang Thlarau cu a phak khawhnak ah a um bal lai lo. Misual mi nih Thiang Thlarau umpinak an co kho hrimhrim lo. Misual mi hna nih Thiang Thlarau an co khawhnak lam cu ti le Thlarau thawngtha bia hmang in sual ngaihthiamnak an co tik lawng ah a si.
Ti le Thlarau thawngtha bia a thei lo mi nih cun Thiang Thlarau umpinak an co kho lo. Atu ahcun ti le Thlarau thawngtha bia hi ca hmang in, internet le electronic cauk hmang in vawlei khuazakip ah karh ter a si. Thawngtha biatak a kawl mi paoh nih an zumh khawh i Thiang Thlarau umpinak an co khawh. Thiang Thlarau umpinak na co rih lo a si ahcun ti le Thlarau thawngtha bia zumhnak thawng in co rak i zuam.
Zumhnak Deu Kong Tahchunhnak Ngan
Tuchan ah thlarau tha lo a co mi hna sining kan zoh tikah khuachia a rak um taktak ko hngalh khawh a si. “Thiang Thlarau Revival Meeting” an tuah i Thiang Thlarau co ding ah fak piin an i zuam. Hibantuk meeting ahcun fak piin thla an cam, sualchir thlacamnak an tuah i rawl an ul. Thawngtha chimtu nih cu ti nan tuah lo ahcun Thiang Thlarau nan co lai tiah a cawnpiak hna. Cutikah mipi nih “Bawipa” tiah an au i fak piin thla an cam.
Hibantuk in hlim a ri mi pawl nih Thiang Thlarau umpinak an co kho maw? Co kho lo. Mipi heh tiah an au, an hnulei ah an tlu, an thir i thil khuaruahhar an tuah tawn kha nan hmuh lai. Cheu khat cu an hnulei an tlu i a kakip ah thir le phang in an um i holh theih lo in an holh. Mi pakhat nih a lu a khun pah in a au lai i midang zong nih lungthawhnak taktak he an tuah ve lai. Cheu khat nih holh thei loin an rak holh ve lai. Cucu Thiang Thlarau rat hmelchunhnak a si tiah an ti. Asinain Satan nih rian a tuan tikah zeidah a cang ti kha ruat hmanh. Cubantuk cu Thiang Thlarau riantuannak a si maw? A si hrimhrim lo.
Satan Nih Khrihfa Tampi A Hlen Hna
Tuchan ah Khrihfa tampi nih Satan duh ning in biaknak an kalpi. Satan nih Thiang Thlarau umpinak co nan duh ahcun riantuantu sin in kutcung chuan thlacamnak nan co awk a si tiah a ti hna. Khirhfa minung tampi nih cucu zumhnak dik a si rua tiah an ti. Cun Satan nih a ti than mi hna cu thla fak piin nan cam ahcun Thiang Thlarau nan co lai tiah a ti hna. Hi bantuk zumhnak a ngei mi hna Satan nih thuat hnih thuat thum in a hlen mi hna an si.
Cucaah minung tampi nih ti le Thlarau thawngtha bia hi hngalh le cawn zong an i tim lo. Satan nih kan thluak ah chiah a timh mi hi kan hrial thiam i ti le Thlarau thawngtha bia kan zumh awk a si. Thiang Thlarau umpinak cu ti le Thlarau thawngtha a zum mi hna sin lawng ah a phan. Hihi na zumh a herh.
Khrihfa Nih Thiang Thlarau Umpinak Kong Ah Kan Palh Mi Ruahnak
A pakhatnak ah ruahpalhnak hi Charismatic Khrihfa biaknak velchum ah tam bik hmuh khawh a si. An thinlung sualnak um biin Thiang Thlarau co an i tim. Kan thinlung ah sualnak um buin Thiang Thlarau umpinak kan co khawh tiah an palh sual. Asinain ti le Thlarau thawngtha bia zumhnak um lo cun Thiang Thlarau co khawh a si hrimhrim lo.
A pahnihnak ah, lunghah tuk ruang ah Thiang Thlarau umpinak co khawh lo hi a tamtuk. Cuti si ah lunghak lo tein kan um ahcun Thiang Thlarau umpinak kan co kho lai tinak a si maw? Hi vawlei ah tlawmte tal a lung a hak lo mi kan um maw? Pathian nih a ngaihthiam khawh lo mi milung hak nih cun amah ruahnak kha Pathian bia ah a chapchih tawn. Minung tampi nih Thiang Thlarau umpinak kha ti le Thlarau thawngtha bia hngal loin co an i tim. Asinain Thiang Thlarau umpinak cu ti le Thlarau thawngtha bia a zum mi hna sin lawng ah a phan.
A pathumnak ah, Thiang Thlarau umpinak cu mi pakhat nih a sualnak dih lak thul lo tein Pathian hmai a phuan tik ah a co tawn mi a si. Cu tikah Thiang Thlarau co an duh tik ah na sualnak phuang dih tiah an ti hna. Asinain kan hngalh ding mi cu Thiang Thlarau umpinak hi Pathian hmai sualphuannak sawhsawh in co khawh mi a si lo. Tuchan ah minung tampi nih Thiang Thlarau umpinak co an duh tuk nain an co kho lo, zeicahtiah an thinlung ah sualnak an ngei peng. Hibantuk minung cu a rauh hlan ah Khuachia nih a tlaih colh ko lai.
A palinak ah, Thiang Thlarau umpinak cu Pathian sin ah thluachuah fak piin kan hal tikah kan co tiah an ti. Asinain halnak in hmuh khawh a si lo. A palh mi ruahnak a si.
A panganak ah, mi cheu khat Thiang Thlarau umpinak cu thlarau thawnnak in an tah. Holh theih lo holh hi Thiang Thlarau conak hmelchunhnak ah an hman. Asinain mi pakhat nih holh theih lo a holh ruang le khuachia a dawi khawh ruang ah Thiang Thlarau umpinak a co tinak a si lo. Sualnak cu Satan ta a si. Mi pakhat nih a thinlung ah sualnak a ngeih buin thawnnak pakhat khat a ngeih ruang ah Thiang Thlarau umpinak a co tinak a si maw? Cucu Satan lentecelhnak a si.
Jesuh nih a kan pek mi ti le Thlarau thawngtha lawng hi Thiang Thlarau umpinak co khawhnak lam taktak cu a si. Lam dang in Thiang Thlarau umpinak le sual ngaihthiamnak ka co khawh na ti ahcun fak piin dehhlen na si cang tinak a si. Hibantuk hlennak i na luat i a dik mi thlarau zumhnak le ruahnak na ngei lai tiah ruahchannak ka ngei.
Tuchan Khrihfa tampi nih khuachia nih a tlaih cang ti hna lih a si hrimhrim lo. Vawlei cung Khrihfa tampi cu Satan uknak tang ah an phan, zeicahtiah Thiang Thlarau umpinak kha lamdang, revival meeting le kutcung chuanpiaknak tibantuk in co an i tim. Thlacamnak inn hna an kal, Khrihfa upa sin ah, revivalist sin ah le Pastor sin ah Thiang Thlarau umpinak co ding ah an fuhpanh hna. Kutcung chuanpiaknak in Thiang Thlarau umpinak co ding kha an duh mi cu a si. Asinain hibantuk lam in zeitihmanh in Thiang Thlarau umpinak co khah a si lo, Jesuh an zumh ko zong ah. Phundang in cun, Pathian dah ti lo, ahohmanh nih Thiang Thlarau coter khawhnak an ngei lo.
Simon bantuk in, tuchan Khrihfa tampi nih Thiang Thlarau kha chawva in cawk an timh. Thawngtha bia cawnpiaknak si loin vawlei cawnpiaknak hmang in minung nih Thiang Thlarau co an i tim. Vawlei cung Khrihfa tampi cu hi ruahnak ah an i tap. Thiang Thlarau cu co khawhnak dirhmun a tlinh mi hna sin lawng ah a phan. Cu Thiang Thlarau co khawhnak lam cu ti le Thlarau thawngtha bia zumh lawng kha a si i cucu biatak kong biahalnak ah a lehnak cu a si (Lamkaltu 2:38).
Kutcung chuan in Thiang Thlarau conak cu Khrihfabu hmasa chanlio caan tawite chung ah rak hman a si. Cu hnu ahcun Thiang Thlarau umpinak cu ti le Thlarau thawngtha zumhnak thawng lawng in co khawh a si cang. Cucaah, Pathian bia zumhnak thawng in a chuak mi Thiang Thlarau dah ti lo, a dang paohpaoh cu Satan riantuannak a si. Pathian nih khuachia cu Satan sal an si i Satan nih Jesuh a zum mi zong kha Thiang Thlarau umpinak co kho lo ding in a tuah hna tiah a ti. Satan nih mipi kha Jesuh nan zumh i kutcung chuan thlacamnak nan co ahcun Thiang Thlarau kan pek hna lai tiah a hlen hna. Satan nih hibantuk hlennak in a vawlei a kauhter.
Atu cu khuachia nih a tlaih mi hna sining kan zoh lai. Pakhatnak ah, hmalei kong chimtu le Shaman pawl nih khuachia nih a hman hna ning kan zoh lai. Cu hna pawl cu an kaa chung chuak mi le an duhnak taktak kha ai dang. Holh khuaruahhar in an holh tawn.
Camhaih thiam le Khrihfa tampi, kut cung chuan thlacampiaknak in khuachia nih a tlaih mi hna nih an hmuhton mi hi ai khat. Charismatic thawngtha chimtu nih a mike a van i put i “mei he, mei he, mei he”tian a vun au tikah mipi cu an i lawm tuk hringhran. Kutcung chuan thlacampiak a duh mi paoh hmai ah an rak chuak. Tlaih khawh loi an thir i holh theih loin an holh. Cubantuk cu Satan nih Thiang Thlarau mui lak in rian a tuannak a si.
Hlanlio khuachia nih a tlaih mi hmalei kong chimthiam pawl le tuchan ah kutcung chuannak in khuachia nih a tlaih mi hna an sining le an hmuhton mi ai khat. Zeisihmanh ah, a theipar an hmuh ko nain, minung nih an palh peng rih. Hibantuk hmelchunhnak kan ngeih caah Thiang Thlarau kan co tiah an ruah nain an thinlung cu a buaibai peng.
Satan Nih Khrihfa Hmailei Kong Chimthiam Hmang In Rian A Tuan
Khuachia nih a tlaih mi pawl hna kha Satan nih profet biaphuan khawhnak a pek hna. “Hruaitu sunglawi na si lai tiah bia an phuan piak hna. Tuu thong tampi na hmai ah ram an tam lai tiah an ti hna. Pathian nih training an pek lai i hmailei ah nangmah thawng in hruaitu lianngan a chuak lai” an ti. Midang sin ah “Pathian saltha na si lai. Limhang a ngei taktak mi Pathian saltha na si lai” tiah phun dang in an chimphuan piak hna i mipi nih an hnuzulh an duhnak hnga le Satan sal an si nakhnga an cawnpiak hna.
Hmailei kong chim mi zong nih midang kha hmaile kong kha an phuanpiak hna. “Hmailei ah ti na vai ralring lai.” “Phaisa tampi na hmuh lai.” “Nichuak lei in mi lianngan a r alai i an bawmh lai” tiah an ti hna. Hihi an chim mi tahchunhnak cheu khat a si. Khuachia nih a tlaih mi hna nih a pakhatnak an langhter mi hmelchunhnak cu hmailei kong a dik lo ning in phuan a si.
Anmah hmanh ni a sullam an hngalh lo mi holh theih loin an holh. An pum dihlak kha an thirter i hawi dang he i lo loin an um. Hmailei kong chimphuangtu hna khi pumpak sining dirhmun tha a ngei mi an si maw? An nak upa zong awhrang in an chawnh hna.
Asinain Baibla ning in Thiang Thlarau a co mi hna nih cun Jesuh nih tipil a innak vawlei sualnak vialte a tawl dih cang i vailam cung a thisen in sual leiba a cham dih cang ti kha an zumh. Hibantuk minung nih midang zong kha ti le Thlarau thawngtha bia zumh ding an bawmh hna i sual ngaihthiamnak an co hnu ah Thiang Thlarau umpinak zong an coter ve hna. Nun ning thiang in Pathian hmai ah an nung, an minung sinak kha duh a nung tuk i midang kha Pathian zumhnak lei ah an hruai khawh hna i Pathian duh ning in an nung. An ruahnak khaw vawlei lei kir ai timh caan ah Pathian nih a kal hnawh hna i bia a ruah lengmang hna.
Sual ngaihthiamnak a co mi miding mi hna cu Khuachia thlarau nih a tlaih mi hna he an sining ai dang. A dik mi sinak cu sual ngaihthiamnak le Thiang Thlarau umpinak co hnu lawng ah a chuak mi a si. Cun midang mi hna cu sining dirhmun tha a ngei lo mi hna caah zawnruahnak an ngei i an luatnak ding ah thla an campiak hna, anmah bawmhnak caah an pum an i pe.
Kam khat lei cun khuachia thlarua nih a tlaih mi hna nunnak cu rawhralnak lei a panh. Satan nih a duh paoh in a uk hna, a kunter hna, zeicahtiah holh theih lo holh le pum dihlak thirter kha Thiang Thlarau riantuannak ah an ruah caah a si. Asinain cu bantuk hmuhtonnak cu Thiang Thlarau laksawng a si hrimhrim lo.
Pathian riantuantu tampi cu holh theih lo an holh khawh mi, khuaruahharnak an tuah khawh mi le profet biaphuan an ngeih mi kha an i porhlaw. Asinain an thinlung ah sualnak a um peng ah an tuahsernak vialte cu khuachia riantuannak lawng a si. Cucaah midang kha Thiang Thlarau umpinak co ding ah an bawm kho hna lo i khuachia thlarau lawng an pek khawh hna. Cun Satan cu hlenthawi hmang a si bantuk in a tuahsernak khuaruahhar cu caan tawite chung ah a ziam than tawn.
Thiang Thlarau riantuannak le thlarau tha lo riantuannak cu dannak nganpi a ngei. Thiang Thlarau riantuannak nih a hramthawk ahcun khuaruahahr hmelchunhnak a chuahpi lo hmanh ah, caan a rau deuhdeuh i Pathian thawnnak cu miding mi hna thinlung ah zingka ni ceu bantuk a chuak i a thang lian chin lengmang.
Khuachia Tlaih Mi Khrihfa Hna
Zeiruang ah Khrihfa tampi Thiang Thlarau co an i tim ko nain khuachia nih a tlai hna?
Profet deu sin in kutcung chuan thlacamnak an co ruang ah khuachia thlarau an co.
Jesuh a zum mi Khrihfa tampi cu an pum hrimhrim hi rawhralnak a phan, zeicahtiah profet deu sin in kutcung chuannak thlacamnak an co caah khuachia thlarau nih a tlaih hna. Hibantuk minung hna cu Pathian he zeihmanh pehtlaihnak an ngei lo, zeicahtiah an zumhnak cu Baibal in a rak chuak mi a si lo. An thawnnak nih minung tampi Satan sal ah a hruai hna ti hngal lo an thawnnak kha hehtiah an hman. Khrihfa biaknak ah zeiruang ah an thawnnak kha fak piin an hman? Zeicahtiah an thawnnak kha an hman lo ahcun a rauh hlan a tlau lai caah a si. Hi ruang ah manh lo ngai in rian an tuan.
Jesuh min khuaruahhar hmelchunhnak tuah kha an cawn peng. “Thawngtha chim thiamnak laksawng ka co” a ti mi nih khan hehtiah thawngtha bia an chim peng a hau, zeicahtiah an chim lo ahcun an thiamnak kha a tlau colh ding a si. Hibantuk minung nih khuachia sin in an co mi khuaruaharh le hmelchunhnak tuah khawhnak kha zumhawktlak tein an hman lo ahcun, phundang in cun Satan rian kha zumhawktlak tein an tuan lo ahcun Satan nih ruang um loin an cung ah zawtfahnak hna a phakter tawn. Hmailei kong chimthiam hna zong nih an rian an daithlan ahcun hibantuk in Satan sin in zawtfahnak an hmuh tawn. Hi ruang ah Satan nih a pek mi laksawng tha tein an hman lo ahcun an nunnak ah awlokchon vansannak nih a phak tawn hna.
Mi pakhat le zumtu tha, Pathian sin in thawnnak tampi a ngei mi tiah ruah mi pakhat ka rak hngalh bal. Revival meeting kha a hruai hna i Thiang Thlarau co u tiah mipi kha a forh hna, khuaruahhar hmelchunhnak le holh theih lo te hna in a holh thluahmah i mizaw hna damter hna. Minung thong tampi nih a hnu an zulh. A rauh hlan ah, “Jesuh cu a rian a tlamtlinh lo mi pa a si. Pathian fapa a si lo” tiah Jesuh hlawt hram ai thawk. Jesuh kha chiat a serh i amah le mah kha Pathian ka si tiah a ti. A donghnak ah Jesuh cu a thinlung in le Khrihfa minung tampi thinlung in a thah.
Minung nih ti le Thlarau thawngtha hlawt kha an duh, zeicahtiah Satan nih a hruai hna caah a si. A hramthawk tein an zumhnak kha an palh, zeicahtiah Khrihfabu hmasa chan Lamkaltu hna bantuk kha thil ti khawhnak ngeih le, holh theihlo holh, in khuachia thawl khawh kha an i tim. Thiang Thlarau umpinak kan co cang tiah fek tein an zumh.
Midang kha Thiang Thlarau co khawhnak lam an canwpiak hna i, cucu sualchir thlacamnak in co khawh a si tiah an ti hna. Asinain hibantuk cawnpiaknak hi Pathian bia ah hram a bunh mi a si lo. Cun zumtu pakhat nih holh theih lo a holh i profet biaphuan a ngeih ahcun, cucu Thiang Thlarau co hmelchunhnak a si tiah an ti. Minung tampi nih Thiang Thlarau umpinak co ningcang an hngalh lo caah anmah zong nih profet deu cawnpiak zulh ahcun Thiang Thlarau co khawh a si tiah an ruah. Hitihin Satan nih Khrihfa tampi kha a hruai hna i thlarau tha loin a khahter hna. Hi ningcang vialte hi Satan rap an si.
Profet deu cawnpiaknak ruang ah Khrihfa tampi nih khuachia nih a tlaih hna. Khrihfa sawhsawh cu anmah sining tein an nung nain khuachia nih a tlaih mi hna cu an thawnnak kha an hman i biaknak caah kan nung an ti. An thawnnak an langhter mi cu zeidah a si? Mizaw an damter, holh theihlo in an holh i midang cung kutchuan thlacamnak khan midang kha khuachia thlarau an tlaihter ve hna. Kutcung chuan cu thil pakhat kha a dang thil pakhat cung ah pekchanhnak a si i, hihi tuchan Satan nih a pennnak kauhnak ding caah fak piin a hman mi tlaihtleng pakhat a si.
Thlarau Thalo Nih Minug Hakkauhnak Hmang In Rian A Tuan
Satan nih Baibal ah kan hmuh mi Simon sin ah rian a tuan bantuk in rian a tuan peng. Hibantuk minung hna nih ti le Thlarau thawngtha bia tel loin kutcung chuan thlacampiaknak in Thiang Thlarau umpinak kan co khawh tiah an zumh. Tuchan ah Satan nih mitampi a hlen hna i sualchir thlacamnak, rawl ulhnak, pum hremnak le kutcung chuannak in Thiang Thlarau co khawh a si tiah a cawnpiak hna. Satan nih a tlaih mi hna an si i chiatserh mi an si.
Tuchan kan i ralrin ding mi cu Khrifa tampi nih Satan rian kha “kutcung chuannak in”an bawmh cuahmah hi a si. Simon bantuk in thiltha lo a tuahtu hna cu Pathian hmai ah profet deu an si. Zumtu zong an thinlung ah sualnak an ngeih ahcun khuachia nih a tlaih khawh ko hna. Hibantuk minung hna nih Satan thawnnak in thil khuaruahhar an tuah khawh. Satan nih a zultu hna hmang khan kutcung chuan rian kha a tuan i thlarau tha lo kha a pek hna i hi vawlei cung ah a pennak kha kauhter. Atu ahcun [2]Pentecostal-Charismatic Movement zong ah vawlei pi theih in Khrihfa biaknak pakhat ah theihpi a hung si cang.
| 2Nitlaklei Khrihfa cu zabu 20th canceo hrawng khan vawlei chawva hnuzulh le dawinak ah a rak zuang cang. Cu a theipar cu, Jesuh Khrih hnuzulh a duh taktak mi zumtu hna nih an Khrihfabu chung ah lungdiriamhnak an ngei ti lo. Cheu khat cu an thlarau thancho ning khua a nuar tuk caah an di a riam kho lo i a cheu khat an zumhnak kha Jesuh Khrih dawtnak taktak ah an langhter khawh lo caah an di a riam kho ve lo. Hibantuk thil sining karlak ah Pentecostal-Charismatic Movement a hong tho. Hi cawlcanghnak ah ai teltum mi paoh taksa lungthawh le cawlcanghnak kha biapi ah an chiah, tahchunhnak ah, holh theihlo holh, profet biaphuan, khuaruahhar tuah le hmelchunhnak le hlanlio Pentecost ni bantuk cawlcanghnak kha an uar khun. An cawlcanghnak ah ah an i biatak tuk i Thiang Thlarau hruainak tang ah kan um an ti ko nain, tha te le fiang chim ko ahcun an cawnpiaknak hi Baibal biatak ah hram a bunh hrimhrim lo. Vawlei cung a thangcho lio mi ram cheu khat ahcun hi cawlcanghnak hi an herh mi he ai pehtlaih caah rianrang ngai in a karhcho. An hruaitu hna nih a thangcho cuahmah mi ram minung kha vawlei thluachuahnak le ngandamnak in an soilem hna. Cun lam a pialsual mi cawlcanghnak Neo-Pentecostalism zong nih an chimnak ahcun New Age Movement he ai khat tiah an ti. |
Kan vawlei hi duhsah in a donghnak a phan cuahmah. Hi caanpar chung ah hrinthan kan duh a si ahcun khuachia riantuannak hi kan hngalh i fak piin kan doh awk a si. Cun kan sualnak chung in voi ca zalak in khamhnak kan co i ti le Thlarau thawngtha bia kan zumh ruang ah Thiang Thlarau umpinak zong laksawng ah kan co ding a si. Pathian Thlarau biatak hmang in thawngthan biatak ah kan kir awk a si.
Pathian nih “Ka mi hna nih keimah an ka hngalh duh lo caah an rawk” (Hosea 4:6) a tibantuk in, tuchan ah biatak a kawltu tampi nih Charismatic minung hna nih a ping ah an hruai hna. Cheu khat nih cun Pentecostal-Charismatic Khrihfabu cu ramcar hmanh dirh sehsawl kan kal ko lai tiah an ti. Zeiruang ah? Charismatic minung nih Satan thawnnak an co mi hmang in an Khrihfabu karhchonak rian an tuan. Kutcung chuannak in thlarau tha lo an co tikah biaknak lei pek duhnak thinlung zong an ngei.
Cun Charismatic minung an thawnnak rih cu chawva tampi an thawh i hlimritnak kha fak piin an i tlaih. Minung tampi cu Satan thawnnak in thawngtha bia fak piin an au i an tuahsernak ruang ah hell ah kan kal lai ti kha an hngal lo. Hibantuk minung, satan hlennak le thawnnak kha khamhnak tehtekhaannak a hmang mi vialte hna nih lungawtawmnak ngei lo tein vancung kai ding ah an i ruah ve. Asinain an thinlung ah sualnak an ngeih caah rawhralnak an phan lai.
A tanglei biahalnak, “Pathian na zumh buin na thinlung ah sualnak na ngei maw?” ti hal hna u sihlaw, sualnak cu kokek sinak a siko hen cu tiah an ti ko lai. Jesuh zumh hnu ah thinlung sualnak ngei lo tein um khawh a si ti kha a ruah awk an hngal lo.
Cheu khat nih Jesuh kan zumh i thawnnak kan ngeih caah kan thinlung ah sualnak a um ko zong ah vancung pennak chung ah kan lut ko lai tiah an ruah.
Zeibantuk ruahchannak deu dah a si? Cuti fek tein an zumh ngamnak a ruang cu thil ti khawhnak pakhat khat an ngeih caah a si. Holh theihlo in an holh, mang an manh, mizaw an damter i an tuahsernak vialte kha Thiang Thlarau riantuannak a si tiah an ti. Cucaah, khamhnak le Thiang Thlarau kan co tiah fiang tein an chim.
Hibantuk minung hna nih khamhnak biatak tling hngalhnak an ngeih lo caah, an khamhnak kong ah mit hmuh khawh mi thil ti khawhnak pakhatkhat a um lo ahcun fiannak le hnangamnak an ngei kho lo. Cucaah, lenglang thil ti khawhnak pakhat khat langhter an i zuam i a donghnak ah Satan rian an tuan thai. Hibantuk minung hna nih ti le Thlarau thawngtha bia zumhnak in si loin sualchir thlacamnak le pum hremnak in Pathian sin bialehnak an kawl caah, Thiang Thlarau co loin thlarau tha lo tu an co.
Khuachia nih a hna hram ahcun biathli a chimh hna i, “na sual cang khah, na sual ko lo maw?” a ti hna i mah le mah sualphawtnak ah a tlukter hna. Atu ahcun sual ngaihthiamnak le Thiang Thlarau a co cang ka hngalh pakhat a aum. A cung kan chim mi thil hna hi kha hlan ah a sin ah a rak cang mi lawng te an si. Holh theih lo zong a holh i khuaruahhar thil zong tampi a tuah. Zan khuazei te sualchir thlacamnak a ngeih zong ah a thinlung sualnak nih umkhua nuam loin a tuah peng. Cucu Satan biathli chimh ai thawknak cu a si. “Na sual cang, cucaah na nunnak in na thih ah na caah a tha deuh” tiah a ti hna. A sin ah Satan cu a tuletu a ra i sual a hung phawt, a hrem i a sualnak a hngalhter than lengmang. Satan nih mah le mah sualphawtnak le biaceihnak ah a hruai. Asinain a tuah khawh mi dih lak cu a thinlung sualnak vialte phuan kha a si. Thawngtha bia dawh a theih i a zumh hlan paoh cu Satan sualphawtnak in a luat kho hrimhrim lo.
Ti le Thlarau thawngtha a zum lo mi paoh cu Satan rawl an si ti hi kan hngalh awk a si. Sual ngaihthiamnak a co lo mi paoh nih Satan thawnnak tei khawhnak an ngei lai tiah na ruat maw? Ti le Thlarau thawngtha biatak a zum lo i ai tlaih lo mi paoh cu Satan nih a hrem hna lai i a tlaih peng ko hna lai. Satan thawlnak ding ah Pathian ti le Thlarau thawngtha bia hi a herh hrimhrim mi a si. Cucaah, Jesuh a zum mi paoh nih ti le Thlarau thawngtha kha an zumh i vawlei khuazakip ah thawngtha an phuan awk a si. Hi bia a thei mi paoh nih- kan ngaih i kan zumh ding a si.
Pathian nih “Ka mi hna nih keimah an ka hngalh duh lo caah an rawk” (Hosea 4:6) a tibantuk in, tuchan ah biatak a kawltu tampi nih Charismatic minung hna nih a ping ah an hruai hna. Cheu khat nih cun Pentecostal-Charismatic Khrihfabu cu ramcar hmanh dirh sehsawl kan kal ko lai tiah an ti. Zeiruang ah? Charismatic minung nih Satan thawnnak an co mi hmang in an Khrihfabu karhchonak rian an tuan. Kutcung chuannak in thlarau tha lo an co tikah biaknak lei pek duhnak thinlung zong an ngei.
Cun Charismatic minung an thawnnak rih cu chawva tampi an thawh i hlimritnak kha fak piin an i tlaih. Minung tampi cu Satan thawnnak in thawngtha bia fak piin an au i an tuahsernak ruang ah hell ah kan kal lai ti kha an hngal lo. Hibantuk minung, satan hlennak le thawnnak kha khamhnak tehtekhaannak a hmang mi vialte hna nih lungawtawmnak ngei lo tein vancung kai ding ah an i ruah ve. Asinain an thinlung ah sualnak an ngeih caah rawhralnak an phan lai.
A tanglei biahalnak, “Pathian na zumh buin na thinlung ah sualnak na ngei maw?” ti hal hna u sihlaw, sualnak cu kokek sinak a siko hen cu tiah an ti ko lai. Jesuh zumh hnu ah thinlung sualnak ngei lo tein um khawh a si ti kha a ruah awk an hngal lo.
Cheu khat nih Jesuh kan zumh i thawnnak kan ngeih caah kan thinlung ah sualnak a um ko zong ah vancung pennak chung ah kan lut ko lai tiah an ruah.
Zeibantuk ruahchannak deu dah a si? Cuti fek tein an zumh ngamnak a ruang cu thil ti khawhnak pakhat khat an ngeih caah a si. Holh theihlo in an holh, mang an manh, mizaw an damter i an tuahsernak vialte kha Thiang Thlarau riantuannak a si tiah an ti. Cucaah, khamhnak le Thiang Thlarau kan co tiah fiang tein an chim.
Hibantuk minung hna nih khamhnak biatak tling hngalhnak an ngeih lo caah, an khamhnak kong ah mit hmuh khawh mi thil ti khawhnak pakhatkhat a um lo ahcun fiannak le hnangamnak an ngei kho lo. Cucaah, lenglang thil ti khawhnak pakhat khat langhter an i zuam i a donghnak ah Satan rian an tuan thai. Hibantuk minung hna nih ti le Thlarau thawngtha bia zumhnak in si loin sualchir thlacamnak le pum hremnak in Pathian sin bialehnak an kawl caah, Thiang Thlarau co loin thlarau tha lo tu an co.
Khuachia nih a hna hram ahcun biathli a chimh hna i, “na sual cang khah, na sual ko lo maw?” a ti hna i mah le mah sualphawtnak ah a tlukter hna. Atu ahcun sual ngaihthiamnak le Thiang Thlarau a co cang ka hngalh pakhat a aum. A cung kan chim mi thil hna hi kha hlan ah a sin ah a rak cang mi lawng te an si. Holh theih lo zong a holh i khuaruahhar thil zong tampi a tuah. Zan khuazei te sualchir thlacamnak a ngeih zong ah a thinlung sualnak nih umkhua nuam loin a tuah peng. Cucu Satan biathli chimh ai thawknak cu a si. “Na sual cang, cucaah na nunnak in na thih ah na caah a tha deuh” tiah a ti hna. A sin ah Satan cu a tuletu a ra i sual a hung phawt, a hrem i a sualnak a hngalhter than lengmang. Satan nih mah le mah sualphawtnak le biaceihnak ah a hruai. Asinain a tuah khawh mi dih lak cu a thinlung sualnak vialte phuan kha a si. Thawngtha bia dawh a theih i a zumh hlan paoh cu Satan sualphawtnak in a luat kho hrimhrim lo.
Ti le Thlarau thawngtha a zum lo mi paoh cu Satan rawl an si ti hi kan hngalh awk a si. Sual ngaihthiamnak a co lo mi paoh nih Satan thawnnak tei khawhnak an ngei lai tiah na ruat maw? Ti le Thlarau thawngtha biatak a zum lo i ai tlaih lo mi paoh cu Satan nih a hrem hna lai i a tlaih peng ko hna lai. Satan thawlnak ding ah Pathian ti le Thlarau thawngtha bia hi a herh hrimhrim mi a si. Cucaah, Jesuh a zum mi paoh nih ti le Thlarau thawngtha kha an zumh i vawlei khuazakip ah thawngtha an phuan awk a si. Hi bia a thei mi paoh nih- kan ngaih i kan zumh ding a si.
Ningcang Lo Khuasaknak Hi vawlei Ah A Um Diam Cang
Vawlei pumpi hi khuachia riantuannak nih a tuam dih cang. Hi vawlei ah midang nih Thiang Thlarau co ve hna tiah thawngtha chim na duh ahcun Thiang Thlarau umpinak kong ah a palh mi ruahnak hi na hnawh ta a hau.
A pakhatnak ah Thiang Thlarau cu kutcung chuan thlacampiak in co a si ti mi kan hnon a hau. Hmuhtonnak a si mi, “kutcung chuan khawh in holh theih lo holh, rawl ulhnak le sualchirnak hmang in thil pakhatkhat feeling, le Jesuh sin in dairek in awka theihte hna” hi khuachia riantuannak an si. Ti le Thlarau thawngtha zumhnak thawng lawng in Satan hlennak chung in kan luat kho lai. Ti le Thlarau thawngtha zumhnak thawng lawng in kan sualnak in khamh kan si lai.
Ti le Thlarau thawngtha in khuachia “lih vialte pa” a si mi hi kan tei a hau. Satan nih vawlei mi vialte hi mah le mah sualphawtnak sal ah a tanter dih hna i, cubantuk minung hna cu Satan hlen an sinak kha kan theihter hna i biatak ah kan kirpi hna awk a si.
Tuchan ah Samaria khua mi Simon, chawva in Thiang Thlarau cawk a tim mi bantuk in Khrihfabu rian an tuan cang. Mitcaw nih mitcaw a hruai mi hna bantuk an si. Ti le Thlarau thawngtha kha an zumh lo ca le an thinlung ah sualnak a um peng caah midang kha khamhnak dik lam kha an hmuhsak kho hna lo. Cucaah an zultu pawl kha zan khuadei thla an campi hna, sualchir thlacamnak an ngeih pi hna i an cung ah an kut an chuahpiak hna, cuticun an chung ah Satan khua an sakter. Satan nih a tlaih hna caah, Satan kut chung in chanhchuah kan duh hna ahcun ti le Thlarau thawngtha biatak tlamtling kan chimh hna awk a si. Minung nih Satan rap kan hngalh lo a si ahcun, lamdang a um ti lo, Satan hremnak kan tuar ko lai.
Ka chim cang bantuk in, kutcung chuannak dih in, holh theih lo holh le profet phuan vialte hna hi Satan riantuannak lawng te a si. Phundang in cun, Charismatic minung hna thawnnak cu Satan hmang in a lang. Kan cawnpiak hna awk a si. “Na thinlung ah sualnak a um ahcun cucu khuachia riantuannak a si. Na thinlung ah sualnak a buin Thiang Thlarau ka chung ah a um ti na zumh ahcun hlen na si cang tinak asi” tiah kan chimh hna awk a si.
Lamkaltu hna le lamkaltu hna nih kutcung chuan piak ruan ah Thiang Thlaraua co mi hna, Lamkaltu 8 ah kan hmuh mi kha cu ti le Thlarau thawngtha bia a zum cang mi le a co cang mi an si. Lamkaltu hna zumhnak le atu chan ah kutcung chuanpiaknak in Thiang Thlarau co khawh a si ti a zum mi hna an zumhnak cu ai dang tuk hringhrang.
Sual ngaihthiamnak a co cang mi riantuantu nih kutcung chuan thlacamnak piak ruang ah mi pakhat nih Thiang Thlarau a co kho maw? Co kho lo. Baibal nih Pathian Thlarau cu ti cung ah ai chawk (Genesis 1:2) tiah a ti. A sullam cu sual ngaihthiamnak le Thiang Thlarau conak ding ahcun, ti le Thlarau thawngtha bia zumh a hau tinak a si. Pathian nih a Thiang Thlarau cu ti le Thlarau thawngtha bia a zum i hrinthannak a co cang mi hna sin ah laksawng ah apek mi hna a si.
Thiang Thlarau conak ding ah kutcung chuan aherh tiah kan cawnpiak ahcun Pathian nih a Thiang Thlarau conak ding lam a kan serpiak mi ti le Thlarau thawngtha bia kan hlawt tinak a si. Mi pakhat nih kutcung chuannak in a dang pakhat kha Thiang Thlarau a pek khawh ko ti cu Pathian zuamcawh bantuk a si i hibantuk zumhnak a ngei mi hna cu fawi tein Satan rap an an tla tawn. Hi thil hi kan canter hrimhrim awk a si lo.
Kan sualnak vialte cu ti le Thlarau thawngtha bia kan zumh tikah ngaihthiam kan si i cu kong cu Thiang Thlarau nih tehte a khaan. Ti le Thlarau thawngtha bia a zum cang mi cu a thinlung ah sualnak a ngei ti lo. Sualnak a ngei lo tinak si loin, ti le Thlarau thawngtha bia thawnnak a zumh tinak a si. Ti le Thlarau thawngtha bia a thinlung chung ah sualnak na ngei ti lo tiah tehte a khan i Thiang Thlarau zong nih a khan ve. Mi zeihmanh nih a chung ah Pathian Thlarau ngei loin Jesuh Khrih kha mi khamhtu tiah a au kho lo.
Khuachia thlarau nih a tlaih mi hna nih cun ti le Thlarau thawngtha kha an hngal lo, ceihawktlak zong ah an ruat bal lo. Ti le Thlarau thawngtha kha an hngalh lo caah biatak kha an hngal kho lo. Kutcung chuannak le khuaruahharnak tuah tik lawng ah Thiang Thlarau a ra tiah an ti. Asinain Thiang Thlarau cu kutcung chuan ruang ah a ra mi a si lo. Satan riantuannak nih vawlei cung Khrihfabu tampi ah cawnpiaknak dik lo hmual ngei taktak in rian a tuan cang ti hi kan hngalh awk a si. Hi ruang ah, ti le Thlarau thawngtha bia zumhnak thawng in a dik mi Thiang Thlarau umpinak kan co ding ah a herh hrimhrim mi a si.
Copyright © 2021 by The New Life Mission
