- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
A konglam 8: Thiang Thlarau
[8-5] Thiang Thlarau He Hawikomhnak Ngeih Na Duh Maw? (1 Johan 1:1-10)
“A hramthawk tein a rak um cang mi nunnak Bia kong kha ca in kan in kuat hna: cucu kan hna in kan theih mi le kan mit in kan hmuh mi kha a si, a si, kan mit in kan rak hmuh i kan kut in kan rak tawngh. Cu nunnak cu hmuh khawh mi i a hung can tikah kannih nih khan kan rak hmuh, cucaah cu kong cu kannih kan chim i Pa he a rak um ti mi zungzal nunnak kannih sin ah langhter a si mi kong kha kan in chimh hna. Kannih nih kan hmuh mi le kan theih mi cu nannih zong kha kan nin chimh hna, zeicahtiah Pa le Fapa Jesuh Khrih he hawikomhnak kan ngeih mi chung ah khan nan i tel khawh ve nakhnga kan duh. Hi ca kan in kuat hna cu kan i lawmhnak kha a tlin nakhnga caah a si. Fapa sin in kan theih i nannih kan in thanh mi hna bia cu hihi a si: Pathian cu ceuhnak a si i a chung ah muihnak zeihmanh a um lo. Cucaah kannih nih amah he kawikomhnak kan ngei kan ti i muihnak chung i kan um ko tung ahcun, kan bia in siseh, kan tuahnak in siseh, lih kan chim a si. Sihmanhsehlaw ceunak chung i a um bantuk in kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan sualnak vialte in a kan thianh. Kannih nih, sualnak kan ngeilo kan ti ahcun kanmah le kanmah kan i hlen a si i kan chung ah biatak a um lo. Sihmanhsehlaw Pathian sinah kan sualnak cu kan phuan hna ahcun, a ding mi le zumhawktlak a si mi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai. Asinain kan sual lo kan ti ahcun Pathian cu lichim ah kan ser i a bia cu kan chung ah a um lo.”
Thiang Thlarau he hawikomhnak ngeih ding ah zeidah a herh mi thil a si?
A pakhatnak ti le Thlarau thawngtha bia kan hngalh i zumhnak in kan sualnak vialte kan thianh ding a si.
Thiang Thlarau he hawikomhnak ngeih na duh ahcun a pakhatnak ah theih a herh mi cu Bawipa hmai ah sualnak fate ngeih zong ah Thiang Thlarau he hawikomhnak ngeih khawh a si lo tinak a si. “Zeitindah minung nih Bawipa hmai ah sualnak fate hmanh ngei loin a um khawh lai?” tiah na ruah men lai. Asinain Bawipa he hawikomhnak taktak ngeih na duh ahcun na thinlung ah muihnak hrimhrim a um awk a si lo. Cucaah, Bawipa he hawikomhnak ngeih ding ahcun, khamhnak thawngtha le na sualnak vialte in thianh na si awk a si.
Thiang Thlarau he hawikomhnak ngeih taktak na duh ahcun a pakhatnak ah ti le Thlarau thawngtha bia na zumh i na thinlung sualnak vialte kha zumhnak in na thianh ta ding a si. Ti le Thlarau thawngtha bia na hngalh lo i na thinlung in na co hlan lo ahcun Bawipa he hawikomhnak ngeih cu a ruah zong na ruah awk a si lo. Thiang Thlarau he hawikomhnak ngeih cu ti le Thlarau thawngtha bia thawng in na sualnak vialte ngaihthiam na si tik lawng ah na co khawh lai.
Minung ruahnak le sualnak vialte hi ti le Thlarau thawngtha bia nih a thianh khawh dih. Ti le Thiang Thlarau thawngtha bia na zumh lawng ah Bawipa nih Thiang Thlarau he thluchuahnak an pek lai. Bawipa le Thiang Thlarau he hawikomhnak taktak ngeih na duh maw? Cuti si ahcun na sualnak kha hngal law thawngtha bia dawh in na sualnak kha thianh. Cu hnu ah Bawipa he hawikomhnak na ngei kho lai.
Bawipa he hawikomhnak ngeih an duh ahcun Jesuh nih Johan sin in vawlei sualnak vialte kalpi ding ah tipil a innak le vailam cung ah sual leiba a chamnak thawngtha na zumh a herh. Cun minung nih Thiang Thlarau he hawikomhnak ngeih an duh ahcun Thiang Thlarau cu ahodah a si ti kha an hngalh awk a si. Thiang Thlarau cu a Thiang mi a si. Cucaah thawngtha bia dawh a zum mi hna sin lawng ah khua a sa kho.
Jesuh nih Johan sin in tipil a innak le vailam cung a thisen zumh ruang ah Thiang Thlarau he hawikomhnak a ngei mi le sual thianhnak a co mi sin in tehte khannak ngai tuah hna u sih.
“Vawlei cung minung hi kan i dang dih hna i kanmah ruahnak le lam cio in kan nung hna. Cubantuk minung lakah keimah zong pakhat ka si ve. Ka nunnak lamthluan cu a fawi te mi a si i ka ngakchiat tein ka nu sin ah biakinn ah ka kal tawn caah Pathian cu ka zumh ko. Ka pa cu Pathian a um lo tiah a zum mi a si caah ka zumhnak hi a ka soisel lengmang nain ka chungkhar dang cu biakinn ah a kal peng mi an si. Biakinn kal hi ka nunak he then khawh a si lo.
Asinain tleirawl ka si lio ah ka pa ihkhung cung ah a kuah ko kha ka hmuh i, cu thawk cun, thihnak le nunak le hell le vamram kong ka thinlung ah an hung chuak. Midang nih an chim tawn mi cu Pathian ka zumh ahcun vancung ah ka kai lai tiah an ti, asinain cu kong ahcun fiannak taktak ka ngei lo. Pathian fa ka si lai tiah fiannak ka ngei ka bal lo. Hi vawlei ah thatnak ka tuah ahcun vancung ah ka kai lai tiah ka hngalh caah thiltha tuah kai zuam peng.
Asinain ka thinlung kam khat lei ahcun sualnak ka ngei ko ti kha ka hngalh. Midang mit hmuh ahcun mitha ka lo ko nain ka thinlung ah sualnak a um peng. Cu tikah biakinn ah ka kal i “Bawipa, na fa taktak ka siter ko. Biatak ka hngalhter ko” tiah thla ka cam tawn. Thla ka cam lio ah ka thinlung ah ruahnak thar a hung chuak. Pathian bia cawnpiaknak ka ngeih paoh ka lung a fiang kho lo i biafang zong ka hmu kho lo. Ka nunnak ah zalon lonak, sualnak le thihnak nih hmunhma a lak dih.
Cuticun “hrinthan ka duh. Ka hrinthan ahcun hibantuk in ka nun awk a si lo” tiah khua ka ruat. Cuti ka ruah bu cun biakinn cu ka panh peng i ka tleirawl caan cu a dih. Atu cu rian kawl a hau cang, asinain ka ruahnak nakin a har deuh. Lungretheihnak nih a ka nenh tuk caah kai zuam lengmang zong ah ka mirh kho ti lo. Keimah le keimah kai zoh tikah ka lung a dong i lungzawtnak nih a ka tlaih. Cu caan ah, ka tapa sin in thawngtha bia ka theih.
“Cucaah nan sualnak cu an hnawhpiaknak hna hnga, i ngaichih u law Pathian lei ah khan i mer tuah u” (Lamkaltu 3:19). Hihi ti le Thlarau thawngtha bia cu a si ko. Biakinn ka rak kal lio ah ka cawn mi cu Jesuh cu ka sualnak ruang ah vailam cung ah a thi ti hi a si. Asinain hi thawngtha nih cun Jesuh nih tipil innak in ka sualnak vialte a tawl dih cang i vailam cung a thisen in ka sual leiba a ka champiak dih ti kha a ka cawnpiak.
Ka nunnak lamthluan dihlak biakinn ka panh i Pathian fa ka si tiah ka ruahnak nain ka rak si lo. Pathian bia sullam hngalh ding kha kai zuam, asinain ka hngal kho lo. Zeisihmanh ah, ti le Thlarau thawngtha bia ka hngalh hnu ahcun ka sualnak le a ka buaitertu thil vialte kha an tlau dih i ka thinlung cu daihnak in a khat.
Pathian kha biak tein ka zumh i biakinn caan hman te ka kal ahcun van ah ka kai lai tiah ka rak ruah. Asinain Pathian nih ti le Thlarau thawngtha bia kha vun ka thlak i ka sualnak vailte cu ngaihthiam a si. Thiang Thlarau laksawng kha a ka pek. Khamhnak ka co hlan ah,Thiang Thlarau le holh theih lo kong hna ka hngal lo. Biakinn ah ka kal ve ko i Khrihfabu rian felte ka tuan ahcun Pathian nih thluachuah a ka pek lai tiah ka ruah. Asinain ti le Thlarau thawngtha bia zumhnak in sual ngaihthiamnak co hnu lawng ah Thiang Thlarau co khawh a si ti kha atu cu ka hngalh cang.
Tuan ka nunnak ahcun Pathian ka zumh ko nain sualnak ka ngei peng. Kik zong kik lo, lum zong lum lo nun in ka nung i Thiang Thlarau co a biapitnak zong ka hngal lo. Asinain a salpa, Baibal ning in thawngtha bia a chimtu hmang in, ka chung ah Thiang Thlarau a um cang ti kha ka hngalh i ka zumh.
Khamhnak ka co ka ahcun Thiang Thlarau ka chung ah khua a sa maw sa lo ti mi fiannak ka ngei lo. Asinain Pathian bia ka rel deuhdeuh i ka thinlung ah zumhnak thar a chuak i Thiang Thlarau umpinak ka co ti kha hngalhfiannak ka ngei. Atu ahcun ka chung ah Thiang Thlarau khua a sa ti kha fiannak taktak ka ngei cang. Ka sualnak a ka ngaihthiam ah khan, sualnak in a luat mi lawng nih Pathian fa sinak le Thiang Thlarau an co khawh ti kha ka hngalh.
Cun keimah tein zuamnak le thawnnak in Thiang Thlarau co khawh a si lo ti zong ka vun hngalhfian. Pathian cu misual ka si ti aa hngal lo i zeituah awk a hngal lo mi hna sin ah a ra tawn. Amah a kawl mi le a herh mi hna sin ah ai phuang tawn.
Thiltha tuah le Pathian fek tein zumhnak nih van a ka phakter lo ti ka hngalh i ti le Thlarau thawngtha bia lawng nih ka sualnak a ka thianhpiak i hi ruang ah Jesuh cu vawlei sualnak vialte khamh awk ah a ra ti kha ka hngalhfian cang. Ka chung ah a Thiang Thlarau kha zungzal nung ding in a ka pek.
Pathian nih a fa a ka siter ca le a Thiang Thlarau umpinak laksawng a ka pek caah kai lawm tuk. Hihi Bawipa ruang ah a si lo ahcun ka thinlung ah sualnak a um peng hnga i a zungzal in hell kal ding ah sualphawt ka si ko hnga.”
Hibantuk in kei zong caan khat lio ah Jesuh thisen lawng ka rak zumh ve caah ka duh tuk ko nain Thiang Thlarau ka rak co kho lo. Cu lio ah cun Jesuh cu ka zumh nain ka thinlung sualnak nih Thiang Thlarau conak a rak ka donh. Misual nih a thinlung ah Thiang Thlarau a co kho lo. Asinain misualfa tampi nih an thinlung sualnak tampi he Thiang Thlarau co an i tim peng.
Thiang Thlarau co na co duh i amah he hawikomhnak taktak ngeih na duh ahcun ti le Thlarau thawngtha bia kha na zumh i khamhnak na co a herh. Misualfa na si peng maw? Thiang Thlarau a co cang mi hna thawngtha bia na ngaih khawh. Thiang Thlarau he hawikomhnak ngeih a duh mi hna nih an thinlung ah tihalnak an ngeih i ti le Thlarau thawngtha bia kha an i bochan awk a si.
Miding mi hna lawng nih Khrihfabu hmang in Thiang Thlarau aw an theih khawh. Thawngtha bia theih hnu lawng ah zumhawktlak tein an nung kho, asinain misualfa hna cu thawngtha bia thei loin an nunnak cu hell kal ding ah khaukhih a si.
Cucaah ti le Thlarau thawngtha bia hi na cawn hrimhrim a herh. Hi thawngtha bia hi zeiruang ah dah zumh a herh? Biaknak phung in na luat i thawngtha bia dawh Pathian bia ah hram na bunh a herh. Jesuh zultu hna nih hi thawngtha bia dawh hi an zulh i atu ahcun Thiang Thlarau a co mi paoh ta a si cang. Ti le Thlarau thawngtha bia hi Khrihfabu hmasa caanlio ah i lamkaltu hna nih an rak zulh mi kha a si. Khrihfa dihlak nih Thiang Thlarau kan co awk a si. Cu hnu lawng ah Pathian fa tak kan si kho lai.
Ti le Thlarau thawngtha bia a zum rih lo mi cu an thinlung ah sualnak a um peng. Thiang Thlarau he hawikomhnak an ngei kho lo. Thiang Thlarau he hawikomhnak ngei ding ahcun a pakhatnak ah ti le Thlarau thawngtha kha an zumh hnu ah Thiang Thlarau an co lai.
Baibal Nih Thiang Thlarau Kong A Chim Lengmang
Thiang Thlarau umpinak cu Jesuh thihnak in a thawhthan hnu ah ai thawk mi a si. Atu cu khamhank caan le a vel co caan a si. Asinain ti le Thlarau thawngtha bia kan co lo ahcun mi vanchia kan si i Thiang Thlarau he hawikomhnak ngei loin kan um tinak a si.
Thiang Thlarau he hawikomhnak na ngei maw? Na sualnak nih Thiang Thlarau he hawikomhnak ngei kho lo ding in an kham maw? Cuti a si ahcun Pathian nih an pek mi ti le Thlarau thawngtha bia kha cawng law zum ve cang. Ti le Thlarau thawngtha bia na zumh ahcun na thinlung ah Thiang Thlarau khua a sa i na hawikom a si. Thiang Thlarau cu ti le Thlarau thawngtha bia a zum mi hna thinlung lawng ah khua a sa. Thiang Thlarau nih a duhnak kha mithiang hna thinlung ah a phuan tawn. Thiang Thlarau he Paul riantuannak cu thawngtha bia dawh karhternak caah a si.
Zeitindah Thiang Thlarau a co mi cu kan hngalh khawh hna lai? Zeibantuk hmelchunhnak dah a um? Hmelchunhnak cu ti le Thlarau thawngtha a zum maw zum lo ti ah khan a si. Ti le Thlarau thawngtha bia a zumh a si ahcun Thiang Thlarau umpinak a co tinak a si.
Ti le Thlarau thawngtha bia zum lo mi hna sin ah Thiang Thlarau khua a sa bal lo. Thiang Thlarau cu Jesuh nih Johan sin in a co mi tipil innak nih vawlei sualnak vialte a kalpi dih cang ti le vailam cung a thisen nih kan sual leiba a cham dih cang ti a zum mi sin lawng ah khua a sa. Thiang Thlarau he hawikomhnak ngeih na duh maw?
Thiang Thlarau umpinak le hawikomhnak co ding ah zeibantuk thawngtha bia dah theih a herh ti na hngal maw? Thawngtha bia dawh cu Jesuh nih Johan sin in a co mi tipil innak le vailam cung a thisen ah hmuh khawh a si. Ti le Thlarau thawngtha bia na zumh lo ahcun na sualnak ngaihthiam khawh a si lo i Thiang Thlarau umpinak na co kho lai lo. Thiang Thlarau nih a kan hal mi cu nan si ka um khawhnak ding ah ti le Thlarau thawngtha bia kha zum u ti hi a si.
Thiang Thlarau cu thinlung sualnak a ngei mi hna sin ah khua a sa kho lo.Thiang Thlarau co na duh ahcun na sualnak vialte thianh ding ah thawngtha bia dawh na zumh a herh. Cun Thiang Thlarau he hawikomhnak ngeih na duh ahcun thawngtha bia dawh karhternak rian fak piin na tuan a herh. Thiang Thlarau hruai mi si na duh ahcun thawngtha bia dawh hi na duh i na karhter peng a hau. Ti le Thlarau thawngtha bia a chimphuangtu sin paoh ah Thiang Thlarau a um.
Thiang Thlarau umpinak cu mithiang mi, thawngtha bia dawh a zum mi hna sin lawng ah pek a si. Miding mi, thawngtha bia dawh a zum mi lawng nih Thiang Thlarau he hawikomhnak an ngei kho. Thiang Thlarau nih a theih mi thawngtha bia cu Johan sin ah Jesuh tipil innak le a thisen he ai pehtlai mi a si (1 Johan 5:3-7).
Peter zong nih thawngtha bia dawh a zumh ve i, “Cucu atu i nanmah an khamhtu hna tipil innak a rak sawhtu hi a si. Tipil in cu pum hnawm kholh hi a si lo, chiatha thleidannak thiang nih Pathian sin in a tuah mi biakamnak tu hi a si. Tipil innak nih cun Jesuh Khrih thihnak in a thawhthannak thawng in an khamh hna” (1 Peter 3:21) tiah a ti. Baibal ah “ti” hi Jesuh nih Johan sin ah a in mi tipil innak kha a si lengmang.
Thiang Thlarau co khawhnak a ngei mi paoh nih an sual ngaihthiamnak kha ti le Thlarau thawngtha zumhnak in an co. Thawngtha bia dawh a zum mi paoh nih thlarau in Pathian kha an biak khawh i Thlarau nih biatak ah a hruai hna (Johan 4:23). Thiang Thlarau nih miding mi kha Thiang Thlarua khat ding in a bawmh hna. Thiang Thlarau umpinak a co mi paoh nih an nun chung Bawipa an thangthat khawh. Thiang Thlarau nih Pathian fa kan si kah tehte a khaan. Thiang Thlarau he a zungzal in ti le Thlarau thawngtha bia in kan nung kho.
Ti le Thlarau thawngtha bia zum lo mi hna sin ah Thiang Thlarau khua a sa bal lo. Thiang Thlarau cu Jesuh nih Johan sin in a co mi tipil innak nih vawlei sualnak vialte a kalpi dih cang ti le vailam cung a thisen nih kan sual leiba a cham dih cang ti a zum mi sin lawng ah khua a sa. Thiang Thlarau he hawikomhnak ngeih na duh maw?
Thiang Thlarau umpinak le hawikomhnak co ding ah zeibantuk thawngtha bia dah theih a herh ti na hngal maw? Thawngtha bia dawh cu Jesuh nih Johan sin in a co mi tipil innak le vailam cung a thisen ah hmuh khawh a si. Ti le Thlarau thawngtha bia na zumh lo ahcun na sualnak ngaihthiam khawh a si lo i Thiang Thlarau umpinak na co kho lai lo. Thiang Thlarau nih a kan hal mi cu nan si ka um khawhnak ding ah ti le Thlarau thawngtha bia kha zum u ti hi a si.
Thiang Thlarau cu thinlung sualnak a ngei mi hna sin ah khua a sa kho lo.Thiang Thlarau co na duh ahcun na sualnak vialte thianh ding ah thawngtha bia dawh na zumh a herh. Cun Thiang Thlarau he hawikomhnak ngeih na duh ahcun thawngtha bia dawh karhternak rian fak piin na tuan a herh. Thiang Thlarau hruai mi si na duh ahcun thawngtha bia dawh hi na duh i na karhter peng a hau. Ti le Thlarau thawngtha bia a chimphuangtu sin paoh ah Thiang Thlarau a um.
Thiang Thlarau umpinak cu mithiang mi, thawngtha bia dawh a zum mi hna sin lawng ah pek a si. Miding mi, thawngtha bia dawh a zum mi lawng nih Thiang Thlarau he hawikomhnak an ngei kho. Thiang Thlarau nih a theih mi thawngtha bia cu Johan sin ah Jesuh tipil innak le a thisen he ai pehtlai mi a si (1 Johan 5:3-7).
Peter zong nih thawngtha bia dawh a zumh ve i, “Cucu atu i nanmah an khamhtu hna tipil innak a rak sawhtu hi a si. Tipil in cu pum hnawm kholh hi a si lo, chiatha thleidannak thiang nih Pathian sin in a tuah mi biakamnak tu hi a si. Tipil innak nih cun Jesuh Khrih thihnak in a thawhthannak thawng in an khamh hna” (1 Peter 3:21) tiah a ti. Baibal ah “ti” hi Jesuh nih Johan sin ah a in mi tipil innak kha a si lengmang.
Thiang Thlarau co khawhnak a ngei mi paoh nih an sual ngaihthiamnak kha ti le Thlarau thawngtha zumhnak in an co. Thawngtha bia dawh a zum mi paoh nih thlarau in Pathian kha an biak khawh i Thlarau nih biatak ah a hruai hna (Johan 4:23). Thiang Thlarau nih miding mi kha Thiang Thlarua khat ding in a bawmh hna. Thiang Thlarau umpinak a co mi paoh nih an nun chung Bawipa an thangthat khawh. Thiang Thlarau nih Pathian fa kan si kah tehte a khaan. Thiang Thlarau he a zungzal in ti le Thlarau thawngtha bia in kan nung kho.
Mah le Mah Ai Hleng Mi Hna He Thiang Thlarau Hawikomhnak A Ngei Bal Lo
Thiang Thlarau nih misualfa kha 1 Johan 1:8 ah, “Kannih nih sualnak kan ngei lo, kan ti ahcun kanmah le kanmah kan i hlen a si i kan chung ah biatak a um lo” tiah a ti hna. Amah le mah ai hleng mi hna nunnak ah Thiang Thlarau khua a sa kho lo. Thiang Thlarau nih misualfa kha, “zeiruang ah dah Jesuh tipil innak le vailam cung a thisen nih a tlamtlinh mi thawngtha bia dawh na zumh lo?” tiah a ti hna.
Hrinthannak a co mi Khrihfa, ahmasa ah Jesuh tipil innak le thisen um loin Thiang Thlarau ka co rua tiah a ruat mi tehte khaannak ngai tuah hna u sih. Atu ahcun ti le thisen thawngtha bia a zumh cang i Thiang Thlarau zong a co cang. Hika zawn ah aho sin ah Thiang Thlarau khua a sak ti kha kan langhter lai.
“Hi vawlei ah ka um ti ka vun hngalh bak in ka thinlung ah Pathian a um tiah ka hngalh. Keimah le keimah kai zoh tikah hi vawlei harsatnak lakah keimah lawng khuasak ding kha ka ruat kho lo i Pathian lei ah ka panh. Pathian cu ka kawl lo nain keimah sining tein Pathian cu aum ko, asinain hmuh khawh a si lo tiah ka zumh. Cun keimah le keimah kha, “Pathian a um taktak hnga maw?” tiah kei hal lengmang i Pathian cu zeizong sertu a si tiah ka zumh.
Pathian a um lo tiah a zum mi hna khi mihrut an sinain caam tampi ahcun keimah nakin thil an ti kho deuh. Anmah tein zeizong an tuah khawh tiah ka hmuh hna i keimah cu a der tuk mi hmuh in kai hmu. Asinain thih hnu nunnak ruahchannak ka ngeih caah, Pathian cu ka upat peng ko. Cun vancung khua hi keimah bantuk a zungzal in ka derthawm tiah ai ruat mi hna caah a si hnga maw tiah ka ruat tawn. Hi biahalnak nih Vancung Paradise phak duhnak a ka ngeihter chinchin.
Ka nu le pa nih biaknak hi zei ah an rel lo i ka unau dang hna cu pumpeknak ngei lem loin biakinn an panh. Keimah zong biaknak lei kai peknak a dih colh te ko lai tiah an ruah caah siang lairun ka kai tiang an ka thlauh lo. Cun biakinn pakhat hnu pakhat ka panh i a donghnak ah kan inn kam biakinn fate ah college ka kai tiang kai pum thai.
Hi biakinn kai thimnak a ruang cu thawngtha bia kha biapi ah an chiah caah a si. Cun pastor pa hi Baibal he ai kalh mi thil paohpaoh a tuah bal lo mi revivalist a si fawn. Cun ka cawnnak kong ah lungretheihnak ka ngeih zong ah biaknak lei ahcun kai pe peng thiamthiam.
A ruang cu ka hawile nih kan Khrihfabu member dang kha zumlotu tiah an auh hna zong ah kei cu zumtu ka si i van ah ka kai lai tiah fiannak ka ngei. Cucu thawngtha bia ah hram a bunh mi a si. Misualfa cu vancung ah an kai lai lo tiah an ti nain Khrihfabu member dang zong nih kan thinlung ah sualnak kan ngei ko tiah an ti ve. Cun biakinn ka kal hrimhrim ah kan Khrihfabu member pawl zong misualfa an si ve ko tiah ka hmuh hna caah hi kong ah ka buai tuk lemlo.
Asinain evangelical revivalist tiah ai ti mi hna pawl hi tu hlan ka hmuh mi hna pawl he an i dang. An ti mi cu Jesuh hi dik tein kan zumh ahcun misual kan si ti lo tiah an ti. Cun Jesuh nih vailam cung dinnak a kan pek caah misual kan si lo, miding kan si cang tiah an ti. Hihi a hramthawk ahcun ka zumh lo nain ka ruah lengmang tik ah sullam a ngei tuk. Ka ngakchia rih i, ka ruah mi cu vancung kai ka duh ahcun sualnak ka ngeih lo lawng ah Pathian nih a ka kaiter lai, zeicahtiah Pathian nih sualnak cu a huat.
Hi Khrihfabu cu ka ruahnak nakin zumhnak dang deuh an ngei i service kong zong ah an i dang deuh. Vancung khua cu thim mi mitlawm te lawng luhnak ding hmun a si ahcun hi Khrihfaub nih lam dik an i thim tiah ka ruah. Jesuh Khrih thisen le taksa kha biapi ah an chiah caah, zarhchiar te Bawipa zanriah kan hmang peng. Hiti tuahnak cu Baibal ah hram a bunh mi a si caah, ka cohlan ko. Asinain a donghnak ah ka fian mi cu mipi nih a sullam hngal lo an tuah lengmang ti kha a si.
Zumtu hna thinlung ah Thiang Thlarau khua a sa i mithiang hna thlacamnak cu a ngaih tiah ka zumh. Cucaah Thiang Thlarau cu ka chung ah khua a sa tiah ka zumh. Pathian cu ka hawikom a si i thawngtha bia ka zumhnak ah lungawtawmnak ka ngei bal lo. Harsatnak ka ton caan ah, Pathian cu ka pawng te ah a um mi bantuk in ka chawnh. Cun ahohmanh ka chimh khawh lo mi hna bia ka chimh zong ah a ka ngaihpiak tiah ka ruah. Cucaah Amah cu kai bochan peng.
Cun revival meeting a kai i holh theih lo a holh mi hna le rawl ulh thlacamnak a ngei mi hna ka khuaruah an har tuk i ka nihsawh hna. Ka zoh hna i, “Zeiruang ah dah Thiang Thlarau co ding ah hibantuk harnak hi an tuar hnga?” tiah ka ti hna. Thiang Thlarau cu sualnak an ngeih l tik lawng ah an sin ah a ra lai i a zungzal in an sin ah aum lai. Misualfa an si ko lai. Zeitluk fak an i zuam zong ah an sin ah a ra lai lo.’ Ka zaang an fak tuk. An hrut tuk tiah ka ruah. Cubantuk ruahnak he, midang zumhnak cu a palh i keimah zumhnak hi a dik cem tiah ka ruah.
Ka thinlung hahnak kha a par a phan. Kum 10 chung keimah tein biaknak ah kai hruai. Caan a rau deuh i ka thinlung le ruahnak biahalnak a hung chuak. Ka ruah mi cu, “vailam cung thisen ruang ah sualnak ngei lo ka si, asinain zumtu dang vialte hi teh sualnak ngei lo an si ve maw?” ti hi a si. Hi biahalnak hi zeiruang ah dah kai hal ti a ruang ka hngal lo. Biahalnak cu ka thinlung ah a rak chuak ko i ahohmanh ka hal kho hna lo. Hihi pumpak keimah zumhnak a si i sawksam ding a si lo. Cun midang va hal ding zong ah an caah harnak a si sual lai ti phan a um.
Hi biahalnak hi keimah le keimah kai hal. College ka lio ah biaknak nih a ong lo mi thil hna ka tuah i ka thinlung cu muihnak in a khah caah ka zumhnak cu zorchuk hram ai thawk. Ka zumhnak kong ah hnangamnak ka ngei ti lo. ‘Keimah le mah mithiang tiah kai ti kho maw?’ Jesuh nih ka sualnak vialte a thianh dih taktak maw?’ Cu vialte lakah vailam cung thawngtha bia cu ka ruah peng i keimah le mah kai awtawm peng. Ka ruah deuhdeuh i ka tlau deuhdeuh caah a donghnak ahcun biakinn zong ka panh ti lo. Kan sianginn rian kha sawlhphelhnak ah ka hman.
Hiti buaibainak le rawhralnak lak ah biatak ka ton. Ti le Thlarau thawngtha bia kha ka theih i ka sin ah minthla lek bantuk in a ra. A ka tongh ning a fak tuk i ka tap deng. Asinain cu thawngtha cu ka ngeih i, kha hlan ka rak zumh mi vialte kha a palh dih tiah ka phuan.
Jesuh cung ah ka sualnak ka rak chuang bal lo. Jesuh nih ka sualnak vialte a lak dih cang i misual ka si ti lo ti kha zumh sawh in ka rak zumh. Jesuh cu hi vawlei ah zeiruang ah dah tipil ing ding ah a rat? Tuufa bantuk in a nun a nem mi a si kha hmuhsak a kan duh caah maw a si? Minung mui in a ra ko ti langhter ding ah maw a si? Asiloah hrial khawh lo mi a thihnak kong langhter ding ah maw a si? Tipil innak kong ah ruahnak ka rak ngeih mi vialte pakpalawng an si ti kha a ruah awk ka rak hngal lo. Biatak cu, Jesuh cu Johan nih tipilnak a pek i cu tipil a innak cun kan sualnak vialte a tawl dih cang ti kha a si.
‘Oh! Hi ruang ah pei Jesuh cu kan sualnak vialte akalpitu Pathian tuufa a sinak a si hi!’ Atu ahcun zeizong te nih sullam an ngeih dih cang. ‘Jesuh cu ka sualnak caah vailam cung ah biaceih a si. Hi ruang ah ka thinlung ah sualnak ka ngei ti lo.’ Ti thawngtha (Jesuh tipil innak), thisen (vailam) le Thiang Thlarau (Jesuh cu Pathian a si) ti ka theih bak in ka thinlung sualnak vialte a lo dih.
Atu ahcun keimah cu sualnak ngei lo le mithiang ka si cang i ka thinlung ah Thiang Thlarau khua a sa cang. Vailam cung thawngtha ka rak zumh mi kha ka sualnak vialte tawl ding ah a rak za lo. Na sualnak vialte Jesuh cung ah chuan a si dih cang ti na zumh lo ahcun na sualnak ngaihthiam khawh na si lo i Thiang Thlarau zong na chung ah khua a sa kho lo. Bawipa ah kai lawm. Thawngtha bia dawh hmang in Thiang Thlarau ka co khawh cang.
Mah thazaang chuah lo tein ti le Thlarau thawngtha bia zumh i ka thinlung ah Thiang Thlarau khua a sa. Atu ahcun sualnak ngei lo ka si i vancung pennak cu keimah ta a si tiah uang ngai in ka ti khawh cang. Hi thawngtha bia man loin tein a ka petu Bawipa cung ah ka lung ai lawm tuk. Halleluijah!”
Thiang Thlarau a co mi paoh nih Pathian hmai ah sual ka ngei lo tiah an ti khawh. Jesuh zeitluk sau dah na zumh cang ti kha a biapi lo, Pathian nih an pek mi thawngtha bia dawh an zumh lo ahcun, na thinlung ah sualnak na ngei hrimhrim. Cubantuk minung nih cun anmah le mah an i hlen pin ah Pathian kha an hlen. Hi bantuk minung nih Bawipa an tong bal lo. Misual mi nih Thiang Thlarau he hawikomhnak ngeih a duh ahcun a pakhatnak ah amah le mah ai hlennak kha a ngol i sualnak ka ngei ko tiah a phuan a herh. Cu hnu lawng ah ti le Thlarau thawngtha bia zum ding ah ai tlak lai. Hi thawngtha bia dawh a zum mi lawng hi Thiang Thlarau co ding ah ai tlak mi an si.
Thiang Thlarau nih misualfa sin ah zei bia dah a chim? Jesuh tipil innak le vailam cung a thisen nih a tlamtlinh mi thawngtha bia dawh zumhnak in sual ngaihthiamnak co ding ah a fial hna. Sualnak na ngeih ko bu ah misualfa ka si lo na ti ahcun, zeitik hmanh Thiang Thlarau na co lai lo. Thawngtha bia dawh zum tung loin sualnak ka ngei lo a ti mi cu amah le mah ai hlen pin ah Pathian zong a hlen a si. Misualfa nih ti le Thlarau thawngtha bia dawh an theih i Thiang Thlarau an co a herh. Cu hnu lawng ah Pathian dantatnak fak chung in an luat kho lai.
Miding Mi Nih An Sualphuannak In Thiang Thlarau He Hawikomhnak An Ngei Kho
Ti le Thlarau thawngtha bia a zum i Thiang Thlarau a co mi hna sin ah bia ka chim. Miding hna sin ah Pathian nih zeidah a chim ti zoh tuah hna u sih. 1 Johan 1:9 ah, “Sihmanhsehlaw Pathian sin ah kan sualnak cu kan phuan hna ahcun, a ding mi le zumhawktlak mi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai” tiah a ti. Hi Baibal cang nih a chim duh mi cu, Jesuh nih tipi a innak in vawlei sualnak vialte a lak dih cang i vailam cung a thisen nih kan sual leiba vialte a pek dih cang ti thawngtha bia zumhnak in kan thinlung sualnak vialte kan thiah khawh dih ti kha a si. Miding mi nih Pathian hmai ah an sual an phuan a herh. Cu hnu lawng ah Thiang Thlarau he hawikomhnak an ngei kho lai. Miding mi nih sualnak an tuah mi kha an phuan i thawngtha bia dawh kha an zumh peng ding a si.
Hlanpi in, Jesuh tipil innak le thisen thawngtha nih kan sualnak vialte a thianh dih cang caah miding mi hna nih cu thawngtha cu an zumh i an sualnak khan an luat awk a si. Bawipa nih ti le Thlarau thawngtha bia hmang in an sualnak vialte a ngaihthiam cang hna. Miding hna nih an sualnak vialte an luatnak ding ah thawngtha bia dawh an zumh ding a si. Miding hna nih an taksa sinak in sualnak hnahnawhnak a pek hna tikah ti le Thlarau thawngtha bia zumhnak hmang in an thinlung kha an thianh ding a si.
Kan Bawipa nih hlani khan tipi a innak le vailam cung a thisen miding mi hna sualnak kha a thianh dih cang. Cucaah a zum mi paoh nih luatnak tling an hmuh. Asinain miding mi nih Pathian hmai ah an sualnak kha an phuan a herh. Cun an sualnak in an luatnak ding ah ti le Thlarau a sertu Jesuh tipil innak le vailam cung a thisen kha an zumh a herh. Cu hnu ah Thiang Thlarau hruainak tang ah nun ning thar in an nung kho zungzal lai. Anmah derthawmnak kha zoh loin Pathian a zoh mi paoh nih ti le Thlarau thawngtha bia kha an thangthat khawh.
Thiang Thlarau He Hawikomhnak Taktak Zeitindah Kan Ngeih Khawh Lai?
Thiang Thlarau he hawikomhnak ngeih a duh mi an tampi. Asinain Jesuh an zumh ko bu ah zeitindah kan tuah lai ti an hngal lo. Minung vialte hi ti le Thlarau thawngtha bia zumhnak lawng in Thiang Thlarau co a si i Thiang Thlarau he hawikomhnak zong cu tik lawng ah ngeih khawh a si.
Cubantuk in, miding mi hna caah Thiang Thlarau he hawikomhnak khawnak lam pakhat lawng a si mi cu ti le Thlarau thawngtha bia zumhnak thawng in a si. Miding mi le Thiang Thlarau hawikomhnak hi thawngtha bia um loin a tlamtling kho lo. Thiang Thlarau he hawikomhnak teh? Thawngtha bia dawh zumhnak thawng lawng in a si kho.
Minung Cu A Nun Chung A Sual Tiah Pathian Nih A Ti
1 Johan 1: 10 ah, “Asinain kan sual lo kan ti ahcun Pathian cu lihchim ah kan ser i a bia cu kan chung ah a um lo” tiah a ti. Pathian hmai ah sualnak a ngei lo mi ahohmanh an um lai lo. Baibal nih “Thatnak a tuah zungzal i a sual bal lo mi miding pakhat hmanh vawlei cung ah hin an um lo” (Phungchimtu 7:20) tiah a ti. Pathian hmai ah minung vialte kan sual dih. Mi pakhatkhat nih sualnak ka ngei lo a ti ahcun, amah cu mi lihchim a si. Minung hi kan thih ni tiang a sual mi kan si caah, Jesuh nih tipil innak in vawlei sualnak vialte a lak dihnak a si. Kan sual lo ahcun Pathian cu kan khamhtu ah zumh a herh hnga lo.
Bawipa nih, sualnak ka ngeih lo a ti mi hna sin ah cun “ka bia an chung ah um lo” tiah a ti. Ti le Thlarau thawngtha bia kan zumh lo ahcun, rawhralnak kan phurh lai tinak a si. Miding mi nih siseh, misual mi ih siseh, Pathian hmai ah sualnak ka ngei lo a ti ahcun thawngtha bia dawh zum ding ah ai tlak lo tinak a si.
Bawipa nih kan dihlak tein thawngtha bia dawh laksawng a kan pek. Thawngtha bia dawh in sual ngaihthiamnak co ding ah kan sualnak kan phuan i kan i chir. Pathian nih a kan pek mi thawngtha bia dawh zumhnak in amah he hawikomhnak kan ngei kho than. Thiang Thlarau he hawikomhnak dik taktak cu ti le Thlarau thawngtha bia lawng ah a um caah, ti le Thlarau thawngtha bia a co mi lawng nih Pathian he hawikomhnak taktak an ngei kho.
Adam le Evi sualnak ruang ah minung cu Pathian he kan i hlat. Asinain sualnak nih Pathian he a then mi minung nih a tu ahcun Pathian kan zoh khawh than. Cu a si khawhnak ding ah Jesuh ti le Thlarau thawngtha bia ah kan kir than i Pathian he a kan thentu kan sualnak kha ngaihthiamnak kan co a herh.
Hi thawngtha bia dawh a zum mi paoh cu an sualnak vialte in ngaihthiam an si lai i Thiang Thlarau in an khat lai. Miding mi hna cu Thiang Thlarau he hawikomhnak an ngei kho, zeicahtiah Thiang Thlarau an co. Cucaah sualnak nih Pathian he a then mi vialte nih ti le Thlarau thawngtha bia dawh kan kir than i kan zumh a herh. Cu hnu lawng ah Pathian hawikomhnak dik kan thawk khawh lai.
Thiang Thlarau umpinak cu hi thawngtha bia dawh zumhnak in ai thawk mi a si. Thiang Thlarau umpinak cu ti le Thlarau thawngtha bia zumhnak lawng in co khawh a si ti kha kan zumh awk a si. Thawngtha bia dawh zumhnak nih Pathian lei ah lamthar a ser. Pathian nih kan i pehtlaihnak a dawntu kha hlei kha a chah dih i ti le Thlarau thawngtha bia dawh in hawikomhnak hleithar a kan serpiak.
Thiang Thlarau he kawikomhnak thar kan thawk awk a si. A dik mi Thiang Thlarau he hawikomhnak cu ti le Thlarau thawngtha bia dawh kan zumh i a nawl kan ngaih tikah ai thawk mi a si. Thiang Thlarau he hawikomhnak cu thawngtha bia dawh zumhnak nih sual ngaihthiamnak a kan pek ti kan zumh ti a chuak mi a si. Sual ngaihthiamnak a co lo mi nih cun Thiang Thlarau he hawikomhnak an ngei kho lo. Phundang in cun, ahohmanh ti le Thlarau thawngtha bia zumhnak tel loin Thiang Thlarau he hawikomhnak an ngei kho lo.
Thiang Thlarau he hawikomhnak ngeih a har tiah na ruah ahcun ti le Thlarau thawngtha ka zum rih lo i sual ngaihthiam ka co rih lo tiah na phuan i na cohlan a hau. Thiang Thlarau he hawikomhnak ngeih na duh maw? Jesuh tipil innak le thisen a tlamtlinh mi thawngtha bia dawh kha zum. Cu hnu lawng ah na sualnak vialte ngaihthiam na si lai i laksawng ah na thinlung ah Thiang Thlarau pek na si lai. Hi thawngtha bia dawh nih Thiang Thlarau he hawikomhnak an ngeihter hrimhrim lai.
