- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
A konglam 8: Thiang Thlarau
[8-6] Na Chung Ah Thiang Thlarau A Um Ti Kha Zum (Matthai 25:1-12)
“Cun Vancung Pennak cu hibantuk hi a si la, voi khat cu ngaknu pahra an um i nupi thi tlangval kha don awkah an meinn cio he an i thawh. Panga cu an hrut i panga cu an fim. A hrut mi nih cun an meinn cu an i put ko nain zinan kha a hlei in an i ken lo. A fim mi tu nih cun an meinn he tu khan, zinan khat tein an rawn mi thawl kha an i ken cio. Nupi thi tlangval cu a rauh caah ngaknu hna cu an ngu i an i hngilh. Zantimpi ah khin mi an hung au i, Nupi thi tlangval cu a ra cang. Ra chuak u law ra tong u, tiah an ti. Ngaknu pahra cu an hun i hlau i an meiinn cu an hun timhtuah hna. Khi tikah a hrut mi hna nih khan a fim mi hna cu, Kan meiinn an mit cuahmah ai, nan zinan kan then ve tuah u, an ti hna. A fim mi hna nih cun, a si kho lai lo. Nanmah ca he kanmah ca he cun kan ngeih mi hi a za lai lo. Chawdawr ah va kal u law vaa cawk ko u, tiah an leh hna. Cucaah a hrut mi ngaknu hna cu zinan cawk ah khan chawdawr ah cun an va kal i cu karah nupi thi tlangval pa cu a ra phan. Bawipa, bawipa, innka hung kan hunh tuah, tiah an au. Sihmanhsehlaw nupi thi tlangval pa nih cun, kan hngal hrimhrim hna lo, tiah a leh hna.”
Thiang Thlarau Umpinak A Comi Ngaknu Thiang Nih Hodah A Aiawh?
Aho sin ah dah Thiang Thlarau a rat?
Jesuh tipil innak le thisen zumhnak in sual ngaihthiam a co mi hna sin ah a ra.
Jesuh tipil innak le thisen zumhnak in sual ngaihthiam a co mi hna sin ah a ra.
A cunglei kan rel mi Baibal caang ah ngaknu thiang fim panga le a hrut panga kong kan hmuh. A hrut mi ngaknu nih a fim kha nan zinan kan then ve u tiah an hal hna. Asinain a fim mi nu hna nih a hrut mi kha, “a si kho lai lo. Nanmah ca he kanmah ca he cun kan ngeih mi hi a za lai lo. Chawdawr ah va kal u law vaa cawk ko u”, tiah an leh hna. Ngaknu hrut panga hna zizan cawk an kal kar ah a fim mi pawl cu nupi thitnak puai ah an rak kal. Zeitindah Bawipa ca zinan kan timhtuah khawh lai? Kan tuah khawh mi cu thinlung sual ngaihthiamnak co he amah hngah kha a si.
Minung hna lak ah zumhnak phun hnih kan hmuh khawh. A pakhatnak cu sual ngaihthiamnak thawngtha zumhnak a si. Hi nih Thiang Thlarau a kan coter. A pahnihnak cu mah tein biaknak lei ah i zuam i zumhawktlak tein um kha a si-Bawipa nih sualnak a ngaithiam maw thiam lo tikha an tuaktan lo. Amah biaknak ah zumhawktlak tein a um mi hna caah cun thawngtha bia dawh hi phur rit men a si. Nupi thi tlangval a rat lio ah zinan cawk ah a kal mi ngaknu hrut panga bantuk in Thiang Thlarau co duh ah hmun kip kaa kip a kal mi hna cu anmah le mah an i hlen a si ko. Cubantuk minung hna nih biaceihnak ni a phak hlan ah an thinlung in thawngtha bia dawh zumh ding ti kha a ruahawk an hngal lo. Anmah duhnak namchih in Pathian kha Thiang Thlarau kan pe tiah an hal. Thiang Thlarau conak ding ah thazaang tampi a chuahtu Khrihfa upa kong kan zoh tuah lai. Hi phuannak hi na caah bawmtu a si kho men.
“Thiang Thlarau conak ding ah thil phun kip ka tuah. Ka zumhnak kha fek tein ka dirpi ahcun Thiang Thlarau ka co khawh rua lai tiah ka ruah i thlacam inn pakhat hnu pakhat kai thial lengmang. Thlacamnak inn pakhat ka kalnak ahcun pumhnak an tuahnak electric piano le drum kha an hman. Pastor pa nih Thiang Thlarau co a duh mi paoh hmai ah rak chuak u tiah a auh hna i a bengh pah hna in holh theih loin a holh. Microphone ai tlaih pah in a tli i, “Mei alh co u, mei alh co,” tiah a ti hna i cheu khat cu an thir i tihnak in an khat. Hihi Thiang Thlarau conak lam a si hnga maw tiah lungawtawmnak ka ngei nain ka kal lengmang nak a si caah kai nek cang. Hi vialte tuah a si ko nain, Thiang Thlarau ka co bal lo.
Cu hnu ah, tlang cung ah ka kai i, far kung kai tlaih i zan khuadai tap ding le thlacam ding in timhlamhnak ka ngei. Cun lungkua chung ah thlacam ding in kal nain zei san a tlai hlei lo. Ni khat cu Thiang Thlarau kong cawng ding ah an ka sawm. Cu cawnnak cu zarh khat voi khat tuah mi a si i zarh sarih chung tuah a si.
Cawn mi pawl cu Pathian dawtnak, Vailamtah, Jesuh thawhthannak, kut cung chuannak, Thlarau theitlai kong le thlarau lei thanchonak a si. Cu cawnnak a dih lai ahcun cawnpiaktu pa nih ka lucung ah a kut a chuan i Thiang Thlarau a ka halpiak i a ka chimter ning paoh in ka chim ve. Dai tein a ka umter i ka kut kha cunglei ah a ka thlirter i, “la-la-la-la” tiah atu le tu a ka chimter. Cu ti, “la-la-la-la” ti ka chim lio ahcun ruah lo pi ah holh phun dang in naal ngai in ka holh. Minung tampi nih Thiang Thlarau na co cang tiah an ka conglawmh. Asinain inn keimah lawng ka um ah tihnak in ka khat. Cucaah cu cawnnak hmun ahcun pumpek riantuantu si ding in kai pumpe. Ka si khawh chung in kai pumpe lai tiah ka ti i ramchung hmun tampi khual ka tlawng i cawnpiaknak ka tuah. Mi cheu khat cung kut ka chuan i thla ka campiak hna tikah an zawtnak a dam nain cucu caan sau loin an zaw than lengmang. Cun mang ka manh fawn i profet biaphuan khawhnak zong ka ngei fawn. Cun profet biaphuan ka chim mi zong an dik lengmang. Cu thawk cun hmunkip ah an ka sawm i minthang lemcang bantuk in an ka zohkhenh. Asinain tihnak ka ngei peng. Nikhat cu, “hibantuk in hmun khat hnu hmun khat ah vak lengmang hlah, va kal law, na chungkhar kha khamhnak co ding ah va cawnpiak hna” ti aw ka theih. Asinain khamhnak cu zeidah a si ti sullam ka hngal lo. Ka hngalh mi cu an ka cawnpiak bantuk in, laksawng ka co mi ka hmang lo ahcun lakpiak than ka si lai ti lawng kha a si. Kam khat lei in, ka thil ti khawhnak kha hman ka ngamh lo nain ka ngol kho fawn lo.
Nikhat cu khuachia ngei minu pakhat nih hrinthannak co a duh ti kha ka theih i ka hawile he kan va leng. Hlankan in kan in leng lai tiah thawng kan thanh ta lo. Asinain cu mi nih cun inn leng in a rak kan hngah i “nan ra lai ti ka hngalh caah kan hngak ko hna” a rak kan ti. Ruah lo pi ah ti a kan theh i “Nichuahlei khuachia ngei mi le Nitlaklei khuachia ngei kan i dannak a um lo” tiah a au. “Jesuh khuachia ngei” hna tiah a kan ti i a kut dong in a kan sawh i, “hi pa hi thei tha a tlai nain hi pa hi a tlai lo” tiah a kan ti. Cu nu bia nih ka lu ah meithal kah in a ka kah. Cutik ah ka tuah mi vialte hi khuachia ngei nu tuahnak he zeihmanh dannak a ngei lo ti teh tiah khua ka ruat. Ka tuah mi thil vialte Thiang Thlarau a ka phurh hrimhrim lo, zeicahtiah ka thinlung ah sualnak a um peng.”
Hi phuannak ah kan hmuh khawh mi cu Thiang Thlarau conak hi kan tuah khawh leng a si ti kha a si. Hibantuk zumhnak cu Pathian bia ah hram a bunh mi a si lo caah an biaknak nun ah zinan a um lo.
Baibal ah mei inn nih a langhter mi cu Khrihfabu a si i zinan nih Thiang Thlarau a langhter. Baibal nih Pathian inn a si ah maw, zeibantuk in Khrihfabu ai pumh zong ah Thiang Thlarau a co lo ahcun mihrut a si tiah a ti.
Mihrut nih cun biaknak nun an ngeih mi kha ni khat hnu ni khat mei in an khangh thluahmah. Phundang in cun, mihrut nih Pathian an duhnak kha mitcawt buin mei kangh in an kanghter. Kan lungthawhnak hi 20cm a si hei ti u sihlaw, ni khat ah 1cm peng in a kang i a dihlak kanghnak ding ah ni 20 lawng a rau. An lung thawhnak kha zingchiar te thlacamnak, zan khuazei thlacamnak, rawl ulh thlacamnak le revival meeting kainak in an thawnter nain an nun chung an lungthawhnak cu a kangh in a kang. A dong kho lo mi lungthawhnak mei kang ah an nun an i pe.
An lungthawhnak cu Jesuh min in an kanghter. Biakinn ah an kal i an lunghthawhnak mei cu an kanghter nain an thinlung nih thil dang a hlam peng i a kawl peng. A ruang cu, an zumhnak hi taksa pum hmuhtonnak in a ra mi a si i, cucaah an lungthawhnak a thih lonak ding ah thazaang chuah peng an hau. Asinain hibantuk zumhnak nih Thiang Thlarau a co kho lo. A kang mi an lungthawhnak nih Thiang Thlarau a coter kho hna lo.
Kan dihlak in Pathian hmai ah Thiang Thlarau kan conak ding ah a dik mi zumhnak kan ngeih awk a si. Cu hnu lawng ah Thiang Thlarau co ding ah kan i tlak lai. Thiang Thlarau ting cotlak zumhnak cu zeitindah kan hmuh? Hi biatak cu Jesuh nih Jordan tiva ah tipil a innak le vailam cung a thisen chung ah ai thup mi a si.
Pathian nih “thil tha lo a tuahtu hna” (Isaiah 1:4) tiah a kan ti. Hihi kan hngalh awk a si. Minung cu sualnak phun 12 he hrin kan si (Marka 7:21-23). Minung cu kan chuahka in kan thih ni tiang sualnak a tuah peng mi kan si.
Johan 1:6-7 ah, “Pathian nih a lamkaltu Johan kha a run thlah i Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si” tiah a ti. Johan nih Jesuh cu tipilnak a pek i vawlei sualnak vialte a cung ah a dih hnu ah, “Zohhmanh u! Pathian tuufa, vawlei sualnak a kalpitu khi” (1 Johan 1:29) tiah a ti. Johan nih Jesuh tipilnak pek ruang ah kan sualnak vialte in khamh kan si caah Johan tipil peknak hi lawm ko hna u sih. Johan nih Jesuh kha tipilnak rak pe loin Jesuh cu vawlei sualnak a kalpitu a si tiah kan chim hlah sehlaw, Jesuh nih vailam cung ah kan sualnak a tawl dih cang ti kha kan hngal kho hnga lo. Cun Thiang Thlarau conak lam zong kan hngal kho lai lo. Johan tehte khaannak hi lawm ko hna u sih, Jesuh nih vawlei sualnak vialte a kalpi dih ti le Thiang Thlarau conak lam a kan hmuhsak caah lawm ko hna u sih.
Hi zumhnak in nupi thi tlangval rat tikah timhcia tein a um mi ngaknu thiang kan si kho lai. Kannih cu Jesuh a zum mi ngaknu thiang le Thiang Thlarau co ding ah ai timlam mi kan si.
Na thinlung in ti le Thlarau thawngtha na zum maw? Johan nih Jesuh tipil apeknak in vawlei sualnak vialt a kalpi dih cang ti hi na zum maw? Baibal nih “Zumhnak cu Pathian bia theihnak thawng in a ra” (Rom 10:17) tiah a ti. Thiang Thlarau conak ding ah Johan nih Jesuh cu tipilnak a pek i vailam cung ah a thisen a luanter ti kha kan zumh awk a si. Thiang Thlarau conak cu Jesuh cu hi vawlei ah a ra i Johan nih tipilnak a pek hna ah vailam cung ah a thisen a luanter i thihnak in a thothan ti kha kan zumh a herh.
Tuchun zong ah, ngaktu fim panga le ngaknu hrut panga bantuk in minung hi phun hnih in kan um. Nang khuazei lei ah dah na um? Ti le Thlarau zumhnak in Thiang Thlarau na co a herh. Biakinn na panh peng ko bu ah Thiang Thlarau a hngak peng mi na si sual maw? Thiang Thlarau conak ding lam dik na hngal maw?
Zeibantuk zumhnak he dah Thiang Thlarau kan co khawh lai? Khuachia riantuannak hmang Thiang Thlarau na co kho maw? Biaknak i hruhpinak nih Thiang Thlarau a kan coter maw? Na sual ngaihthiamnak ding ah sualchir thlacam peng a hau maw? Baibal nih a kan chimh mi cu, Jesuh nih tipilnak a in dih i ti chung a hung chuah tikah Thiang Thlarau kha thuro hmang in a hung lang. Kan sualnak phur ding ah Jesuh cu tipil pek a si i kan sual leiba cham ding ah vailam cung thihnak a tuar.
Jesuh cu vawlei sualnak vialte phur ding ah Johan nih tipilnak a pek i khamh kan sinak ding le Thiang Thlarau conak ding ah vailam cung ah thihnak a kan tuarpiak. Cucu biatak a si. Jesuh cu Johan nih tipilnak a pek, sual dantatnak caah vailam cung ah an khenh chih i thihnak in a thothan. Sual ngaihthiamnak co ding ah Jesuh tipil innak le vailam cung a thihnak kha kan zumhnak a herh. Jesuh tipil innak (Matthai 3:13-15) nih a langhter mi cu Jesuh tipil innak a zum mi cung ah Thiang Thlarau cu daihnak thuro he a ra ti kha a si.
Thiang Thlarau conak ding ah Johan nih Jesuh tipilnak a pek le vailam cung a thisen zumh hi a biapi tuk mi a si. Mi pakhat cung ah Thiang Thlarau cu daihnak thuro bantuk in, sual ngaihthiamnak thawngtha a zumh tikah a ra tawn. Thiang Thlarau a co cang mi nih kan hngalh ding mi cu sual ngaihthiamnak thawngtha zumhnak thawng hi kan co mi a si ti hi a si. An thinlung in sual ngaihthiamnak thawngtha a zum mi hna sin ah Thiang Thlarau a rung tum.
Jesuh Khrih cu zungzal nunnak changreu le mitsur hang in a ra (Matthai 26:26-28, Johan 6:53-5). Jesuh cu tipilnak a in dih i ti chung in a hung chuah tikah vancung in aw pakhat a hung thang i, “Hihi ka Dawt mi ka Fapa a si, a cung ah ka lung a tling” (Matthai 3:17) tiah a ti.
Pathian hi thumkomh Pathian a si ti zumh hi a si fawi ko. Pathian cu Jesuh pa a si i Jesuh cu Pathian fapa a si. Thiang Thlarau zong Pathian a si. Thumkomh Pathian cu kan caah pakhat a si.
Nangmah tuahsernak le dinfelnak thawng in Jesuh vailamtah lawng na zumh ahcun zeitik hmanh ah Thiang Thlarau na co kho lai lo. Johan nih Jesuh tipilnak a pek i kan sualnak vialte a tawl dih ti le kan sualnak leiba champiak awk ah vailam cung thihnak a tuar ti zumh lawng ah Thiang Thlarau co khawh a si. Hi biatak hi a fawi tuk mi a si. Thiang Thlarau co le sual ngaihthiamnak co hi a fawite mi a si.
Pathian nih kan sin ah biafang hngalh fawi mi tein bia a chim. Minung pakhat hi a IQ hi a tlang piin 110 in 120 tiang hrawng a si. A thawngtha bia hi mi sawhsawh ca zong ah hngalh fawi mi te a si. Kum 4 kum 5 minung ca zong ah thawngtha bia hi hngal khawh a si. Pathian nih Thiang Thlarau conak kong hi kan sin ah hartuk in phuang sehlaw, kan hngal kho hnga maw? Pathian nih amah a zum mi paoh kha an sualnak a ngaihthiam hna i Thiang Thlarau kha laksawng ah a pek hna.
Sualchir thlacamnak le kut cung chuannak in Thiang Thlarau co khawh a si lo ti kha Pathian nih a kan chimh. Thiang Thlarau cu tlangcung ah thlacam ruang le zan khuadei thlacamnak tibantuk in kan co khawh mi a si lo. Kan chung ah Thiang Thlarau a kan cotertu zumhnak cu zeidah a si? Jesuh cu hi vawlei ah a ra i sual vialt tawl ding ah tipil pek a si i sual leiba champiaknak ding ah vailam cung thihnak a tuar ti zumh kha a si.
Hihi Zumh Hrimhrim A Herh Maw?
Sual ngaihthiamnak co khawh in maw Thiang Thlarau co a si lai? Pathian pennak chung luhnak ding ah, a Thlarau kan herh. Cucaah, Thiang Thlarau conak ding ah Jesuh mi khamhtu ah kan zumh i tipil a innak le vailam cung a thisen nih kan sualnak a kan ngaihthiam cang ti kha kan zumh awk a si.
Sual ngaihthiam a si cang mi hna sin lawng ah zeiruang ah dah Pathian nih Thiang Thlarau a pek hna? A ruang cu a mifa an sinak hmelchunhnak caah a si. A bia hmang in Jesuh a zum mi vialte kha a Thiang Thlarau aamahkhannak a tuahpiak hna.
Minung tampi nih zumhnak dik lo an ngeih. Jesuh tipil innak zumh i Thiang Thlarau co hi a fawi tuk mi a si. Thiang Thlarau a co cang mi caah cun a fawi tuk i a co rih lo mi hna caah cun a si kho lo. Biatak kha an hngal lo i Thiang Thlarau conak kha biaknak lei biatak tein i pumpeknak in an kawl. Satan nih an chung ah a tuh mi thlaici nih biatak a hngalhter kho hna lo i khuahrum biaknak ah an pial tawn.
Thiang Thlarau cu Jesuh tipil innak a zum i vailam cung a thisen thawng in sual ngaihthiamnak a co mi hna sin lawng ah a phan. Pathian khamhnak a zum mi lawng nih “ sualnak ka ngei lo” tiah an phuan khawh. Ti le Thlarau thawngtha bia kan zumh lo a si ahcun sualnak ka ngei lo tiah kan ti kho lo. Cubantuk in, Pathian nih Jesuh tipil innak le vailam cung a thisen zumhnak in sual ngaihthiamnak a co mi vialte kha a fa an si ti hmelchunhnak ah Thiang Thlarau a pek hna.
Aho nih dah Jesuh tipil innak le thisen nih kan sualnak vialte a lak dih tiah a phuan? Jesuh, a zultu le Thiang Thlarau nih an phuan. Minung sualnak vialte khamh ding ah aho nih dah a timhlamh? Pathian Thiang nih a timhlamh. Cun hi timhlamhnak hi aho nih dah a donghnak aamah a khaan? Thiang Thlarau nih.
Pathian nih a fa ah canter a kan duh caah Jesuh tipil innak le vailam cung a thisen in a kan khamh. Cucaah, Cunglei thumkomh Pathian nih a donghnak ah kan khamhnak cu aamah a khanpiak i kan sualnak a kan ngaihthiam.
Matthai 3:17 ah, “Hihi ka dawt mi ka fapa a si. A cung ah ka lung a tling” tiah a ti. Pathian thlarau a ngei mi paoh cu Pathian fa an si. A fa an si. “Hihi ka dawt mi ka Fapa a si. A cung ah ka lung a tling.” Jesuh cu a hramthawk tein Pathian a si. Pa Pathian nih “sual ngaihthiamnak co na duh ahcun, ka fapa ngeihchun Jesuh nih na sualnak vialte a lak dih cang ti kha zum, Thiang Thlarau kha co law ka fa si” tiah a kan ti. Hi a zum mi vialte nih sual ngaihthiamnak an co i Pathian fanu fapa an si. A fa an si hmelchunhnak ah Pathian nih a Thiang Thlarau kha hmelchunhnak ah a pek hna. Jesuh tipil innak le vailam cung a thisen kan zumh lawng ah sual ngaihthiamnak kan co.
Minung nih a thinlung kha tha tein a chekhlat lo i sual ngaihthiamnak thawngtha a zumh lo tikah hramthawk Adam sualnak cu a dih cang i nitinte sualnak caah sualchir thlacamnak ngeih peng a hau tiah an ti. Hiti an zumhnak a kal tikah Baibal ca hi an caah sullam ngei lo le buaitertu a si. Cucaah, Jesuh zultu hna bantuk zumhnak a si lo mi zumhnak dang an ngei.
Cheu khat nih cun Thiang Thlarau cu, “thlacamnak thawng in” kan co tiah an ti. Asinain hihi Baibal chunglei kap in zoh ahcun a dik lo. Conglawmhnak awktlak a lo ngai nain, Baibal nih a kan chimh mi cu, Jesuh nih tipil a in dih i ti chung a hung chuah tikah Thiang Thlarau cu thuro hmang in a cung ah ai fu tiah a kan chimh. Hi nih a langhter mi cu Thiang Thlarau co kan duh ahcun Jesuh cu hi vawlei ah a ra i vawlei sualnak vialte kalpi ding ah Johan sin ah tipilnak a in, vailam cung ah sual leiba a cham, thihnak in a thawhthan hnu ah kan khamhtu a hung si ti kha kan zumh awk a si.
Hi biatak kan zumh i Thiang Thlarau kan zumh tikah Pathian nih zeidah a chim? A kan ti mi cu, “Nangmah cu ka fapa na si. Hihi ka dawt mi ka Fapa a si, a cung ah ka lung a tling” tiah a ti. Jesuh a zum i hmailei caan ah sual ngaihthiamnak thawngtha a co te ding mi sin ah hibantuk thiamthiam in Pathian nih a chim ko lai. Hi biatak hi Pathian fa a kan cantertu biatak a si.
Asinain minung nih Thiang Thlarau conak ding lam a um rih tiah an ruah. Nangmah zuamnak le thlacamnak thawng in Thiang Thlarau ka co lai tiah na ruat maw? Pathian riantuannak cu a duhnak chung in a hung chuak mi a si i sual ngaihthiamnak a co mi lawng a Thiang Thlarau a pek hna. A ti mi cu, “na sualnak vialte lakpiak ding ah ka Fapa tipil ka inter i nangmah aiawh ah vailam cung dantatnak ka tuarter. Ka Fapa cu na khamhtu ah ka thim. Ka fapa nih a tlamtlinh mi sual ngaihthiamnak na zumh ahcun Thiang Thlarau kan pek lai” tiah a ti.
Kan Pathian nih a duh ning paoh in rian a tuan ko. Zan khuadei thla kan cam i kan cuap ai rawk dih deng tiang kan au zong ah Pathian nih a Thiang Thlarau cu a kan pe hlei lai lo. “Biatak na cohlang lo i a palh mi zumhnak na tlaih peng” tiah a kan sik ko lai. Zumhnak dik na hlawt chung paoh cu Thiang Thlarau lakkanh na si peng ko lai.
Hi vawlei ahcun thil sining le pawngkam hoih in minung nih kan biakhiahnak kan thlen lengmang, asinain Pathian nih sual ngaithiamnak le Thiang Thlarau conak phung a ser mi cu ai thleng bal lo. Zumhnak dik lo ah na tlak ahcun lam dik hmuh a fawi ti lo. Baibal nih nawlngai lo mi hna caah cun Jesuh hi dawnkhantu a si tiah a ti (1 Peter 2:8).
Jesuh a zum tung i zeiruang ah dah tipil a in ti a hngal lo mi hna cu biatak cheuchum lawng a hngal mi an si caah hell ah an tla ko lai. Cucaah, Jesuh zumh hram nai thawk tikah sual ngaihthiamnak thawngtha a chuahpitu Jesuh tipil innak le vailam cung a thisen na zumh colh a herh. Sual ngaihthiamnak na co ahcun Thiang Thlarau zong na co chih ko lai.
Jesuh hi vawlei cung a nunnak hi ruat tuah hna u sih. Jesuh cu minung ah a hung cang i tipil innak in vawlei sualnak vialte a kalpi dih. Cun hell chung in khamhnak ding ah vailam cung ah a thi i kan sualnak leiba a kan champiak. Amah a zum mi paoh nih Thiang Thlarau kha laksawng ah an co.
Cucaah, Thiang Thlarau conak ding ah kan dihlak in lam dik kan zawh a herh. A herh mi cu biatak in khuaruah khawh kha a si. Cuti na tuah tikah Jesuh nih thluachuah an pek lai. A thinlung a lawnter i a bia a zum mi paoh nih sual ngaihthiam le Thiang Thlarau an co khawh. Cun midang zong kha Thiang Thlarau bawmhnak in lam ding ah an hruai khawh hna.
Jesuh nih tipil a innak le a thisen in a tlamtlinh mi khamhnak hi zum ve tuah. Cu hnu lawng ah zumhnak in kan nung kho i sual ngaihthiamnak, zungzal nunnak le Thiang Thlarau umpinak kan co khawh lai. Jesuh cu tipil innak in le vailam cung thisen in vawlei sualnak vialte a la dihtu ngaihthiamnak Bawi a si. Jesuh nih kan sualnak vialte a thianh dih i thawngtha biatak a zum mi kha Thiang Thlarau a pek hna. Hi zumhnak ding hmang in Thiang Thlarau na co khawh.
