(Johan 7:37-38) “Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “Ati a hal mi poah cu ka sin ah ra u law ra ding u. Cathiang nih, ‘Keimah a ka zum mi paoh cu a lung chung in tiva nung an put lai,” tiah a ti bantuk khan a si lai” tiah a ti.”
Thiang Thlarau tinung cu aho nih dah a din khawh?
Jesuh tipil innak le vailam cung thisen thawngtha bia a zum mi nih
Thawngtha bia dawh a zum mi hna nunnak in Thiang Thlarau tinung a luang. Johan 7:8 ah, “Cathiang nih, ‘Keimah a ka zum mi paoh cu a lung chung in tiva nung an put lai,” tiah a ti bantuk khan a si lai” tiah a ti.” A sullam cu Pathian nih a kan pek mi thawngtha bia dawh a zum mi paoh nih sual ngaihthiamnak le khamhnak kan co.
Zeitik ah dah Thiang Thlarau umpinak cu kan co? Jesuh nih tipil a innak in vawlei sualnak vialte a lak dih cang ti le vailam cung a thisen nih sual leiba a cham dih cang ti a zum mi paoh nih Thiang Thlarau umpinak an co. Cuticun Thiang Thlarau tinung kha din khawh a si. Thawngtha bia dawh a zum i Thiang Thlarau a co mi paoh nih cun Pathian bia an theih fate an thinlung kha a thar in a nung than i tiva nung a luang than.
Ti le Thlarau thawngtha bia nih a chim mi Jesuh nih tipil innak in vawlei sualnak vialte a lak dih i vailam cung a thisen in kan sual leiba a cham dih ti a zum mi paoh nih an thinlung ah Thiang Thlarau tinung a luang. Thiang Thlarau cu ti le Thlarau thawngtha biatak he then khawh a si lo i Pathian bia a zum mi paoh nih an co mi zong a si.
Thiang Thlarau tinung din a duh mi paoh nih an sual ngaihthiamnak kha Jesuh tipil innak le vailam cung thisen thawngtha bia dawh zumhnak in an co awk a si. Hi Thiang Thlarau tinung cu Pathian bia zum mi hna thinlung ah a um mi a si. Ti le Thlarau thawngtha bia a zummi hna thinlung ah Thiang Thlarau tinung kha tiva bang a thinlung in a luang. Atu zong ah sual ngaihthiamnak kha Jesuh tipil innak le thisen zumhnak in a co mi hna thinlung ah cun Thiang Thlarau tinung kha tiva bang an luang.
Asinain hi thawngtha bia dawh a zum lo mi hna thinlung ah Thiang Thlarau tinung hi dor khat zong a luang ve lo. Ti le Thlarau thawngtha bia ka zumh hlan paoh cu ka thinlung ah nunnak tinung dork hat zong a luang lo. Cu lio caan ahcun Jesuh cu ka zumh cang ko nain Thiang Thlarau ka tinco lo caah kan nunnak ah Thiang Thlarau tinung dor khat zong a luang lo. Asinain atu ahcun ka thinlung ah Thiang Thlarau tinung aluang cang i Thiang Thlarau zong ka co cang, zeicahtiah ti le Thlarau thawngtha bia kha ka zumh caah a si.
Atu ahcun ka thinlung ah Thiang Thlarau tinung a luang i Pathian bia a zum mi hna thinlung kip ah a luang ve. Jesuh nih “Ati a hal mi paoh ka sin ah ra sehlaw rak ding seh” a ti bantuk in Thiang Thlarau nunnak tinung cu ti le Thlarau in hrinthannak a co mi hna sin in a luang i midang kha an cawm khawh hna. Atu ah hin ka thinlung ah Thiang Thlarau nunnak tinung cu a luang i keimah nunnak in midang zong kha dinter hna. Ka thinlung ah Pathian nih Thiang Thlarau tinung kha tiva bang a luanter. Hihi Thiang Thlarau umpinak a co mi hna lawng nih an hngalh khawh mi a si.
Biathlam cauk ah a co mi lawng nih an hngalh khawh ti a um bantuk in, Thiang Thlarau umpinak le Thiang Thlarau nunak tinung cu ti le Thlarau thawngtha bia a zum mi hna lawng nih an co mi a si. Cucaah aho sin ah Thiang Thlarau a um ti kha na hngalh awk a si. Jesuh thawngtha bia a zum mi hna lawng nih Thiang Thlarau umpinak an co ti hi kan hngalh awk a si.
Vailam Cung Thisen Lawng Ka Rak Zumh
Jesuh vailam cung thisen ka zumhnak hi kum hra a si cang ko nain ka thinlung ah sualnak a um peng. Cu lio caan ahcun ka sualnak hi vailam cung Jesuh thisen lawng nih a ka ngaihthiam tiah ka ruah. Asinain hibantuk zumhnak in sual ngaihthiamnak le Thiang Thlarau umpinak ka co kho lo i ka nunnak ah buainak lawng a karh chin. Jesuh ka zumh ti a langhnak pakhat cu biakinn ka panh mi lawng hi a si ko.
Cu thawk cun ka zumhnak zohfel hram ka thawk. ‘Thiang Thlarau ka co taktak maw?’ Jesuh ka zumh ka ah khan ka thinlung cu Pathian duhnak in a khat i holh theih lo laksawng zong ka co. Asinain atu ah zeidah ka cang? Hi bantuk duhnak ka rak ngeih mi kha Thiang Thlarau co hmelchunhnak a si lo i Thiang Thlarau zong ka co lo. Jesuh cu ka zumh nain Thiang Thlarau umpinak le tinung cu ka thinlung ah a um lo.
Ka zumhnak kha [4]Calvinism ah hram a bunh mi a si caah ka thinlung a kik maw a lum ti kha a biapi mi a si lo. Biahalnak leh a herh hrimhrim mi cu a tanglei bantuk in a si:
(1) Ka chung ah Thiang Thlarau a um maw?- Si. Ka chung ah a um ti ka hngal fiang lo.-
(2) Ka chung ah sualnak a um maw?-Aw si, a um.-Jesuh vailam cung thisen ka zumh ko nain ka chung ah sualnak a um. Jesuh ka zumh ko bu le nitinte sualchir thlacamnak ka tuah ko bu ah ka chung ah sualnak a um peng. Zeitluk fak kai zuam ko zong ah ka thinlung sualnak hi a dihlak in a thiang kho hrimhrim lo.
| 4Khrihfa zumhnak John Calvin nih a chuahpi mi a si. Khaukhihnak le Khamhnak kha biapi ah a chiah. Arminian dirhmun lehrulhnak ding ah Calvin Cawnpiaknak phun nga a chuahpi. Calvin nih cun 1). Zeihmanh Tuah khawh lonak: minung cu a sinak dihlak in sualnak nih a ciah dih: taksa, thinlung, thlarau, ruahnak, 2). Phu lo vel: Pathian vel cu kan phu lo laksawng a si i minung he tuahsernak pakhat hmanh ai pehtlai lo. Kan phu hrimhrim lo, 3). Rikhiahnak khamhnak: minung vialte caah Jesuh nih sualnak a phurhpiak hna lo, khamhnak caah khaukhih mi hna ca lawng a phurhpiak hna, 4) Kham khawh lo vel: Pathian nih khamhnak a pek mi hna nih an al kho lo, 5). Mithiang |
‘Zeitindah Thiang Thlarau ka co khawh lai?’ ‘Zeitindah ka thinlung sualnak vialte ka thianh khawh lai?’ Hihi biahalnak pahnih hi Jesuh ka zumh hnu zong ah ka thinlung ah a buaipeng mi an si. Jesuh ka zumh hnu ah holh theih lo in ka holh i ka sualnak vialte zong thianh in a um caah Jesuh thisen ka zumhnak ruang ah kai lawm.
Asinain caan a liam lengmang i ka thinlung sualnak a karh chin lengmang. Sualnak he ka khat. Jesuh thisen lawng kai bochan chung paoh cu sualchir thlacamnak le rawl ulhnak nih ka sualnak a thianh kho lo. Ka sualnak ruang ah caan saupi lungrethei in ka um. Ka lungretheih deuhdeuh caah midang sin ah thawngtha bia ka chim deuhdeuh. Biakinn zong ka panh deuhdeuh i Jesuh thisen kai bochan chung paoh cu kai pumpe deuhdeuh.
Caan a liam deuhdeuh i ka thinlung sualnak nih zumhnak ding ngei ding a ka donh. Kha hlannak in Jesuh zumh kai harh deuh cang. Jesuh thisen cu kai bochan peng ko i Pathian lei kai peknak zong a karh deuhdeuh. Asinain hi bantuk zumhnak nih ka sining kha a thlen deuhdeuh i a donghnak ahcun lenglei zumtu sinak lawng biapi ah ka chiah cang. ‘Jesuh hi bantuk zumh ih keimah lang si loin midang zong an si dih ko lai’ tiah ka ruah. Ka zumh a pial ti kha ka cohlang kho fawn lo. Asinain, Jesuh thisen zumhnak le sualchir thlacamnak nih ka sualnak a hnawt kho lo.
Cu si ahcun zeiban tuk zumhnak nih dah ka sualnak a thianh khawh lai? Ka sualnak vialte cu Jesuh nih Jordan tiva tipil a innak a tawl dih cang ti zumhnak lawng in a thiang kho lai. Hihi Matthai 3:13-17 ai tial mi a si. Cuti si ah zeiruang ah dah Jesuh thisen nih ka sualnak vialte a thianh dih lo? Jesuh tipil innak ai tel mi thawngtha bia dawh ka zumh lo caah a si.
Cuti si ah Jesuh tipil innak lawng nih maw vawlei sualnak vialte a tawl dih? Aw si, cucu a dik. Baibal nih a ti mi cu, “Mi zeihmanh ti le thlarau in a hrinthan lo ahcun Vancung Pennak chung ah a lut kho lai lo” (Johan 3:3-5) tiah a ti. Jesuh cu hi vawlei ah a ra i Johan tipil innak a co hnu ah vawlei sualnak vialte a cohlan dih.
Hi kong ah lungawtawm in ka um peng i Biakam Hlun le Biakam Thar ka tahchunh i cuai ka thlai. Ka hmuh mi cu a dik ko ti hi a si. Vawlei sualnak vialte cu Jesuh tipil innak ah khan a cung ah chuan dih a si i, cu caan ah cun ka sualnak vialte zong amah cung ah chuan dih a si. Hi bia thawng in ka zumhnak cu thianter a si. Hi biatak hi Baibal ai tial mi biatak a si ti kha ka hngalh i vawlei cung ah ai dawh bik mi thawngtha bia a si ti zong ka hngalh fawn.
Cu thawk cun zeiruang ah dah Jesuh thisen lawng zumhnak nih ka sualnak vialte a hnawh khawh lo ti ka hngalhfian. Jesuh nih Jordan tiva ah Johan sin in tipil a innak a ruang ka hngalh lo caah ka sualnak kha Jesuh cung ah ka chuang kho lo. A donghnak ah biatak ka ton. Jesuh cu hi vawlei keimah caah a ra, vawlei sualnak vialte kalpi ding ah tipilnak a in i sual leiba champiak ding ah vailam cung ah thihnak a tuar ti kha ka hngalhfian. Cun Jesuh tipill innak le vailam cung a thisen cu keimah sualnak lakpiak ding caah a si ti kha ka hgalhfian. Atu ahcun miding ka si cang, Jesuh nih a ka pek mi thawngtha bia dawh le sual ngaihthiamnak ka co cang caah kai lawm.
Khrihfabu zumhnak tlaihtleng hi ka sualnak a ka hnawt tu a si lo i Jesuh tipil innak vailam cung a thisen lawng hi ka sualnak hnawttu a si ti kha ka hngalhfian. Jesuh thisen ka zumhnak in ka sualnak ngaihthiam ka si lo i, Jesuh tipil innak le vailam cung a thisen lawng zumhnak lawng nih ka sualnak a thianter.
Cun thawngtha bia dawh ka zumh hnu ah ka cung ah thil a tlung mi ruang ah Pathian sin lawmh bia chim ka duh mi cu a Thiang Thlarau umpinak ka co mi a si.
Bawipa nih hi thawngtha bia dawh a ka hngalhpiak ruang ah le a zultu hna bantuk in a ka chimphuanter ve ruang ah Bawipa cu ka lawmh. Hi thawngtha bia dawh ka zumh ruang ah Pathian nih a Thiang Thlarau laksawng a ka pek. Hi thawngtha bia hi fiannak taktak he vawlei cung ah ka phuan ngam cang. Cun Jesuh thisen lawng zumhnak nih sualnak a hnawt kho lo ti kha ka chim khawh.
Cun an sualnak vialte cu Jesuh tipil innak nih vawlei sualnak vialte a lak dih cang ti le vailam cung a thisen nih sual leiba a cham dih cang ti zumhnak in hnawhpiak an si ti zong ka chimh khawh cang hna. Hi thawngtha bia dawh ka phuannak ah Pathian hmai ah ningzahnak pelte hmanh ka ngei lo. Hi vawlei cung minung vialte sin ah ti le Thlarau hrinthannak thawngtha bia dawh upatnak he ka chim khawh cang. Bawipa cu ka lawmh. Pathian nih ti le Thlarau thawngtha bia a ka peknak in Thiang Thlarau tinung a ka dinter caah Bawipa cu ka lawmh.
Hneksaknak Nih A Dik Mi Thawngtha Cu Ti Le Thlarau Thawngtha Hi A si Tiah A Ti
Sual ngaihthiamnak le Thiang Thlarau umpinak na co taktak cang maw? Zeitindah thawngtha bia hi a dik ko tiah na chim khawh lai? Jesuh nih a kan pek mi thawngtha bia zumh ai tim mi hna sin ah hneksaknak ka rak tuah. Mi pakhat sin ah cun Jesuh vailam cung thisen kong lawng ka chim. Cun a dang pakhat sin ah Jesuh tipil innak le vailam cung a thisen kong ka chim. Cu a theipar cu, Jesuh vailam cung thisen kong lawng a zum mi pa nih cun a sualnak kha nitinte sualchir thlacamnak in ngaihthiam hal a hau tiah a zumh. Asinain Jesuh tipil innak le vailam cung thisen kong a zum mi pa nih cun sualnak ka ngei ti lo tiah a phuan khawh colh.
Ka thinlung ah sualnak ka ngei ti lo a ti mi pa nih zeiruang ah dah cuticun a chim khawh ti ahcun thawngtha bia dawh zumhnak hmang in a thinlung ah Thiang Thlarau a co caah a si. Thiang Thlarau nih a thinlung ah sualnak na ngei ti lo kha a cawnpiak. Johan nih Jesuh tipil in a peknak le vailam cung a thisen a zum mi paoh Pathian nih a Thiang Thlarau a pek hna. Aho sin ah dah Thiang Thlarau khua a sak? Johan nih Jesuh tipil a peknak le vailam cung a thisen a zum mi paoh Pathian nih Thiang Thlarau kha laksawng ah a pek hna.
Pentecost ni ah a cang mi le Thiang Thlarau an conak kong ah minung tampi nih an ruahnak an palh i thawngtha bia dawh kha an hlawt. Minung nih fak piin thla ka cam i kan kawl ahcun Thiang Thlarau umpinak kan co khawh ko lai tiah an ruah. Kum caan saupi chung Khrihfa mi nih Jesuh tipil innak le vailam cung a thisen zumhnak thawng lawng in Thiang Thlaru co khawh a si ti kha an rak hngal lo. Asinain atu ah cun Pathian saltha tampi Thiang Thlarau umpinak a co mi hna nih vawlei cung khuazakip ah hi thawngtha hi Thiang Thlarau bawmhnak thawn in an chimphuan cang. Cu a theipar cu, vawlei cung Khrihfa minung tampi nih hi thawngtha hi an zumh cang i Thiang Thlarau umpinak an co cang.
Pathian nih hi thawngtha bia dawh a zum mi paoh a Thiang Thlarau umpinak a coter hna. Baibal ah, “Ni hmanung bik ahcun mi vialte kha ka Thlarau ka toih hna lai” (Lamkaltu 2:17) tiah a ti. Cun thawngtha bia dawh hngal loin Thiang Thlarau co i timh hi a palh ti zong kan hngalh awk a si. Johan nih Jesuh tipil a peknak le vailam cung a thisen zumhnak dah ti lo, Thiang Thlarau umpinak conak ding lam a um lo.
Pathian nih Vancung Pennak chung luhnak ding ahcun ti le Thlarau in hrinthannak nan co a herh a kan ti caah vancung pennak chung ah luh kan duh ahcun Thiang Thlarau umpinak kan co a herh hrimhrim tinak a si. Ti le Thlarau thawngtha bia dawh um loin zeitindah Vancung kai ding le Thiang Thlarau co ding cu nai ruahchan ngam? Thawngtha bia dawh zumhnak dah ti lo, Vancung luhnak ding lam dang a um ti lo. Jesuh tipil innak le vailam cung a thisen na zumh lawng ah Thiang Thlarau na co khawh lai. Thil kan cawk tikah phaisa kan pek bantuk in Thiang Thlarau conak ding ah thawngtha bia dawh kan zumh ve a herh.
Thiang Thlarau co taktak na duh ahcun a pakhatnak ah ti le Thlarau thawngtha bia na zumh a herh. Cu hnu lawng ah Thiang Thlara hmuhtonnak na ngei lai. Ti le Thlarau thawngtha bia dawh zumhnak lawng in Thiang Thlarau co khawh a si. Pathian nih Thiang Thlarau umpinak coter an duh.
Thawngtha bia dawh ka zumh i caan a rauh deuh tik ah hi thawngtha hi Pathian nih vawlei cung ah akan pek vialte lakah a sunglawi bik a si ti kha ka hngalh. Pathian cung ah kai lawm. Cuticun na hmu kho ve maw? Thiang Thlarau a co mi cu Pathian nih thluachuahnak a kan pek taktak ko.
Thawngtha bia dawh zumhnak in zeitindah Thiang Thlarau na co khawh lai ti kha kan chimh cuahmah mi a si. Minung nih ti le Thlarau thawngtha bia a zumh lawng ah Thiang Thlarau co tlak a si ti kha ai hngalh awk a si.
Johan 3:38 ah, “Cathiang nih keimah a ka zum mi paoh cu a lung chung in tiva nung a put lai” tiah a ti. A sullam cu Jesuh nih a kan pek mi thawngtha bia dawh zumhnak in sual ngaihthiamnak a co mi vialte nih Thiang Thlarau umpinak an co tinak a si. An thinlung in Thiang Thlara tining cu tiva bang a luang. Thawngtha bia dawh a zum mi paoh nih an thinlung in thlarau tiva a luang lai.
Ti le Thlarau thawng in hrinthannak ka co hlan ah Jesuh zumtu cu ka si ko nain ka thinlung ah Thiang Thlarau tiva nung cu a luang lo. Asinain, ti le Thlarau thawngtha bia ka zumh hnu ahcun, Baibal ah ai tial bantuk in Thiang Thlarau tiva nung cu kan thinlung ah luan hram ai thawk. Kum fatinte ka thinlung in Thiang Thlarau tiva nung duhdim tein a luang peng. Cuticun evangelish rian ka tuan, thawngtha chim rian ka tuan i Thiang Thlarau umpinak he thawngtha bia dawh ka phuang ve.
Thawngtha Bia Dawh Le Thiang Thlarau Umpinak Ka Co Hnu Ka Zumhnak
Kum kul hrawng ka si lio khuasik chuah lai hrawng ah khin a si. Cu khuasik lio caan ahcun ka thihnak ding kong rumro ka ruat. Cu kum ka nunnak cu buaibainak, zeihmanh lo sinak le ka thinlung muihnak lawng te nih a khuh. Lam ding in ka pial i khuazei in dah ka kir lai ti ka hngal kho lo. Cun ka thinlung muihnak pin ah ka taksa hrimhrim nih zawtnak a tuar.
Ka sualnak ruang ah lungretheihnak ka tuar i a ruang set zong cu ka hngal kho lo. Duhthimnak ka ngei ti lo i ka nunnak dongh lei ah Pathian dantatnak hngak in sual ngaihthiamnak caah ka nawl. “Oh, Bawipa, ka thih hlan ah nangmah kan zumhnak hmang in sual ngaihthiamnak co ka duh. Cun ka taksa dam lonak zong hi ka damter ko” tiah ka ti. Thlacam lawng kha ka nolh lengmang.
Cu tikah ka thinlung thuhnak bik in ruahchannak thar keuh hram ai thawk. Ka thinlung cu Pathian hlamnak in a khat i mei alh kangh bantuk in a kang. Cucu lungdonghnak si loin, ka thinlung ah a thar in a keuh mi ruahchannak thar a si. Cu thawk cun biaknak thar, Jesuh cu vailam cung ah ka sualnak in khamh ding ah a thi ti kha ka zumh.
Cu hnu caan tlawmpal ah, holh theih loin holh hram kai thawk. Cun Jesuh vailam cung a thisen kong ka ruah ah ka mitthli a tla peng. Vailam cung ah a thisen ka caah a luanter caah kai lawm tuk.
Cu hnu ah ka nun ning hlun kha ka hlawt khawh i Zarhpi ni riantuan lonak hmun ah rian thar zong ka hmuh. Cu lio ah cun ka thilung hi Jesuh dawtnak in akhat i ka sualnak khamh ding ah Jesuh nih vailam cung ah a luanter mi a thisen ka ruah tikah ka mitthli a tla zungzal. Biaknak thlarau ka co mi than hram ai thawk, asinain cucu Jesuh vailam cung thisen lawng ah hram a bunh mi a rak si.
Asinain, biaknak caan sau deuh kai pek tikah ka sualnak le ka derthawmnak nih harnak chung ah a ka luh pi deuhdeuh. Jesuh vailam cung thisen lawng ka zumh caah ka sualnak kha thianhpiak taktak ka rak si lo. Sualchri thlacamnak in ka sualnak kha thianh ka timh peng. Asinain, Pathian sin ah ka thlacamnak nih sual ngaihthiamnak taktak a ka pe kho lo. A ruang cu Pathian nawlbia ka zulh khawh dih lo caah a si. Ka sualnak kha ai khong.
Sualchir thlacamnak nih ka sualnak cu thianh kho taktak hlah hmanhsehlaw sualchir thlacamnak cu ka tuah peng ko. Sualnak ka tuah fate, sualchir thlacamnak ka tuah mi le Jesuh thisen ka zumh mi nih sual ngaihthiamnak a ka pek ko lai tiah ruahchannak ka ngei. Biaknak lei ah kai pek deuhdeuh, ka sualnak ai khong deuhdeuh. Ka sualnak ruang ah ka temtuarnak a karh deuhdeuh.
Farasi bantuk Khrihfa ka hung si i, Khrihfa upa ah an ka thim, cun kan sualnak thilrit pi he evangelish rian an ka pek fawn. Ka sualnak a tamtuk cang ti ka ruah paoh ah thawngtha bia chim ah kai hnawh i cuticun ka sualnak cu thianh kai zuam. Asinain hi bantuk zumhnak le pumpeknak in sualnak thianh khawh a rak si lo.
Cun Satan zong nih a rak ka tlaih bal. Kan sualnak ruang ah sualphawtnak nganpi ka tong i nawl ka buarnak ruang ah thih hmanh ka rak duh. “Na sual. A si ko lo maw?” Satan nih sual a ka phawt i ka sualnak in a ka hrem.
Ka zumhnak a tlau dengmang. Cutikah Jesh thisen zumhnak le sualchir thlacamnak nih ka sualnak a ka thianhpiak kho lo ti kha ka hgalh caah rawhralnak in a ka khat.
Baibal sianginn ah Calvinism ka cawn bantuk in, zeiruang ah Johan nih Jesuh tipilnak a pek ti kha ka ruat. Saya tampi kha zeiruang ah dah Johan nih Jesuh tipilnak a pek ti kha ka hal hna. Asinain an bialehnak cu tining kel bantuk in, tongdornak langhternak caah asiloah Pathian a sinak hlawtnak caah ti tehna an si. Asinain an bialehnak nih theih ka duhnak di a riamter kho lo.
Johan Nih Jesuh Tipil A Peknak Biatak Nih Thawngtha Bia Dawh A Ka Hngalhter
Baibal sianginn ka chuah hnu zong ah ka sualnak cu a um peng ko i kha hlannak hmanh khan ka sualnak thil a rit deuh. Ni khat cu zeiruang ah Jesuh nih tipilnak a in ti kha ka vun hngalhfian i zeiruang ah dah tipil a innak nih Pathian duhnak vialte a tlinter ti kha ka hngalh. Thawngtha bia dawh nih cun Jesuh nih Jordan tiva tipil a innak in kan sualnak vialte a lak dih cang ti kha a kan chimh. Hihi Pathian bia ai tial mi hmang in ka vun hngalhfian.
Pathian ka rel lengmang, ka rel lengmang i a donghnak ahcun Jesuh nih tipil innak in kan sualnak vialte kha a cung ah a chuan dih i vailam cung ah biaceihnak a kan tuarpiak ti kha vun hngalhfian.
Cuti ka vun hngalhfian cu Thiang Thlarau umpinak ka co hramthawk zong a si. Thawngtha bia dawh ka zumh bak in ka thinlung sualnak vialte ngaihthiam ka si dih. Nitinte hnahnawhnak le a ka buaitertu ka sualnak vialte kha thawngtha bia dawh nih a ka hnawhpiak dih. Pumpak fakpi le sualchir thlacam tuah zong ah ngaihthiam a rak si lo mi ka sualnak kha voi khat lo ah a tlau dih. Bawipa sin ah lunglawmhnak bia ka chim.
Jesuh vailam cung thisen lawng nih vawlei sualnak vialte a hnawt dih kho lo ka ti mi hi biatak a si. Jesuh nih Johan sin in tipil a innak nih sual ngaihthiamnak a chuahpi. Atu ahcun kan dihlak tein vawlei sualnak vialte hnawhpiak dih kan si cang caah ti le Thlarau thawngtha bia dawh hi lawm ko hna u sih. Ti le Thlarau thawgtha bia dawh ka zumh caah Thiang Thlarau umpinak ka co i, Pathian bia nih Jesuh nih vawlei sualnak vialte a thawl dih ti tehte khaannak ka co caah ka sualnak cu ngaihthiam a si. Thawngtha bia dawh ka zumh caah Thiang Thlarau c thuro bantuk in ka co.
Cu ni thawk cun ka thinlung ah Thiang Thlarau rian a tuan i thlarau lei rian, phundang in cun, thawngtha bia dawh ka chimphuan khawh. Atu ah cun ka thinlung ah sualnak a um ti lo. Jesuh nih Johan sin tipil a innak le vailam cung a thisen nih sual ngaihthiam ka sinak le Thiang Thlarau ka conak c tehte an khan. Halleluijah! Bawipa ka thangthat. Ti le Thlarau ka zumh ni in Thiang Thlara cu thawngdai tein thuro bantuk in ka thinlung ah ka co. Hlan ahcun ka thinlung ah mei bantuk in rian a tuan tawn mi kha atu cu thuro nunnem bantuk in rian a tuan.
Atu zonga ah ti le Thlarau thawngtha bia na zumh ahcun Thiang Thlarau umpinak na co khawh ve. Thiang Thlarau umpinak co in ti le Thlarau thawngtha bia zumh ruang ah keimah he Bawipa kan thangthat ti lai lo maw? Hi vawlei cung khuaziakip ah keimah ti le Thlarau thawngtha dawh chimphuan na huam ve lo maw? Ti le Thlarau thawngtha bia dawh nih an thianter lai i Thiang Thlarau umpinak an pek lai. Pathian dinfelnak cu thawngtha bia zumhnak hmang in a lang. Hi ruang ah ti le Thlarau thawngtha bia dawh zumhnak thawng in Thiang Thlarau umpinak cu pek kan si.
Thiang Thlarau Khuaruahhar Thil Cu Ka Caah Tuah A Si
Thiang Thlarau umpinak ka co hnu ah Khrihfabu dang ah thawngtha biadawh phuang ding in kai pum cang. Thiang Thlarau nih hmual ngei tein thawngtha bia dawh chim khawhnak a ka pek.
Culio caan ahcun a tanglei bantuk thil hi ka cung ah a cang. Ka umnak khuapi ah hin ramdang lei he pehtlaihnak a ngei mi thilthitu pakhat a um. Amah cu Khrihfa upa a si. Voi khat cu hotel riantuantu hna he riantuan ding an i ceih lio ah kan catar mi a hmuh. Kan catar mi nih a lung a lak caah pehtlaihnak tuah a ka timh. A ka ton i a ti mi cu caan saupi chung sualnak he ka nung tiah a ka ti. Suimilam panga chung ka cawnpiak hnu ah ti le Thlarau thawng bia a zumh i sual ngaihthiamnak a co. Cu caan thawk cun hrinthannak a co i Thiang Thlarau umpinak zong a co.
Cun biaknak saknak ding hmun ka kawl lio ah thil pakhat a cang mi a um than. Inn tha tak mi le khuaruahhar a si mi pakhat ka hmuh. Asinain inn hlannak ding ah a zatawk in phaisa ka ngei lo. Keimah tuaktan ning ah cun inn hlawh khawh dawh ka si hrimhrim lo. Asinain ka chung um mi Thiang Thlarau nih, “raltha tein um law tihhlah” tiah a ka ti. Khuaruahhar ngai in, cu inn cu ka hlan khawh i Thiang Thlarau bawmhnak thawng in a rian ka tuan khawh. Cu caan thawk cun Thiang Thlarau nih ti le Thlarau thawngtha bia a ka chimphuanter khawh. Ka chung ah a um mi Thiang Thlarau nih cu caan zong ah a ka um pi i, thawngtha bia dawh a ka chimphuanter khawh. Cun thawngtha bia dawh a zum mi paoh nih Thiang Thlarau an co ti zong ka hmuh.
Hi thawngtha bia dawh a ka chimphuantertu Thiang Thlarau cu ka lawmh ko. Thiang Thlarau nih ka cung ah a tuah mi vialte hi ka nun chung hmanh tial ning law a dih kho lai lo. Thiang Thlarau nih ka thinlung ah nunnak tiva nung a luanter. Ka chung ah a um mi Thiang Thlarau cu ka lawmh ko.
Ti Le Thlarau He Riantuanti Ding In Thiang Thlarau Nih Khrihfabu A Dirh
Voi khat cu ramcar ah thawngtha bia dawh chim ding ah ka kal. Pathian nih khuate pakhat a ka hruai i minung tlawmpal a rak pum mi, Pathian a rak kawl mi kha ka ton hna. Pathian nih thawngtha bia dawh chimphuannak caan tha a ka pek i anmah zong nih Thiang Thlarau umpinak an co ve. Thawngtha bia dawh an ngaih i an zumh caah Thiang Thlarau an co. Thiang Thlarau nih keimah he riantuan ding ah a sawm hna i cu thawk cun, vawlei khuazakip ah anmah he thawngtha bia dawh kan phuan.
Cu lio caan ahcun minung tlawmpal te lawng an rak si i zei Khrihfabu hmanh ah an um lo. Pathian duh ning in nun an i tim peng, asinain sual sal an tannak caah an sualnak ruang ah Pathian sin ngaihthiam hal in an tap tawn. Thiang Thlarau nih anmah sin ahcun a ka hruai i thawngtha bia dawh ka chimh hna. Thiang Thlarau nih anmah he tonnak caan tha a kan serpiak tiah ka ruah. Pathian nih ti le Thlarau thawngtha bia dawh ka chimter i Leviticus cauk i raithawinak phung in ka vun thawk in cu thawngtha bia dawh hmang in Thiang Thlarau an co.
Thawngtha bia dawh a zum mi he Pathian nih Thinag Thlarau Khrihfabu a dirh. Thiang Thlarau nih Jesuh zultu kha thawngtha bia dawh caah a thim hna. Atu ahcun minung tam deuhdeuh nih Thiang Thlarau an co cang i Khrihfabu ah an lut cang.
Thiang Thlarau nih Mission sianginn a ka dirhter i zultu ser rian a ka tuanter. Pathian bia ka cawnpiak hna i zumhnak le nawlngaihnak an cawn i Pathian riantuantu ah an i chuah. An kalnak kip ah thawngtha bia dawh a phuanter hna i anmah hmang in Pathian nih a Khrihfabu a dirh thluahmah. Thiang Thlarau nih a sal le hna cu ti le Thlarau thawngtha bia dawh chim ding ah a hruai hna. Thiang Thlarau nih sual ngaihthiamnak a co mi miding mi kha a Khrihfabu he a pehtlaihter hna i hi vawlei ah nunnak thiang he a nunter hna.
Satan nih caan hngalh lo mi khan minung a rak hlen cang hna i atu zong ah a hlen peng hna lai. Satan nih sualchir thlacamnak, rawlulhnak le kut cung chuannak in Thiang Thlarau co khawh a si ko tiah a ti hna. Hihi a dik lo mi a si. Minung nih sualchir thlacamnak le kut cung chuannak in Thiang Thlarau an co kho hrimhrim lo. Pathian nih a kan pek mi ti le Thlarau thawngtha bia dawh zumhnak in sual ngaihthiamnak a co mi lawng nih Thiang Thlarau an co khawh. Hihi Thiang Thlarau umpinak sullam taktak cu a si. Thiang Thlarau nih zultu hna c ti le Thlarau thawngtha bia dawh chimphuang ding ah a hruai hna i anmah thawng in midang nih Thiang Thlarau umpinak an co.
Thiang Thlarau Nih Vawlei Cung Khuazakip Ah Ca Lei Riantuan Ding In A Kan Hruai
Paul nih a cakuat ah thawngtha bia dawh kong a chim bantuk in, ka chung ah a a um mi Thiang Thlarau nih ti le Thlarau thawngtha bia dawh ca tial in phuan ding ah lam a ka hruai. Hi ruangah ti le Thlarau thawngtha bia dawh ca in kan phuan i mi tampi nih Thiang Thlarau an co. A hramthawk ahcun catlap tlawmpal te lawng in kan rak chuah nain a rauh hlan ah ti le Thlarau thawngtha bia ai tel mi cauk in kan vun chuah khawh.
Ka chung ah a um mi Thiang Thlarau nih minung tam deuhdeuh kha sual ngaihthiamnak a coter hna i hi cauk relnak thawng in minung tampi kha Thiang Thlarau a coter hna. Cun, vawlei cung holh tampi in thawngtha bia dawh phuannak ding lam zong a kan on piak. US ram telh in vawlei cung ram 150 hrawng ah thawngtha bia dawh kan phuan cang.
Thiang Thlarau nih vawlei cung khuaza ramkip mission tuan ding le holh phun tampi in kan riantuannak let kho ding in lam a kan hruai i minung tampi nih ti le Thlarau thawngtha bia an theih khawh. Thiang Thlarau nih ram dang in zumtu thar hna he riantuannak lam kan onpiak i anmah he hmun khat ah thawngtha bia dawh kan phuang ti. Thiang Thlarau cung ah kai lawm.
Thiang Thlarau nih thawngtha bia dawh Russia ram ching ding ah thinlung a kan pek. Thiang Thlarau thla kan cam i Russia ram ah biatak a kawl ve mi Evangelist he tonnak caan tha a kan pek i anmah he hmun khat ah thawngtha bia kan phuang ti. Cun ti le Thlarau thawngtha bia an hngalh hnu ah kanmah bantuk in Thiang Thlarau an co ve.
An lak ah pakhat, Moscow National University saya pa nih thawngtha bia dawh a theih hnu i a zumhnak ka sin ah a phuan.
“Pathian ka zumhnak hi kum 6 a si cang i amah cu ka hngal fiang taktak lo. Atu ti le Thlarau thawngtha ka theih hnu ahcun ka thinlung ah hnangamnak le zumhnak taktak ka ngei. Bawipa ah kai lawm tuk. Cubantuk zumhnak in atu tiang hi ka nung peng. Biaknak lei ka zumhnak cu kan caah a thi mi Jesuh thisen zumhnak lawng ah hram a bunh. Pathian nih ka sualnak a thianh cang ti kha a ruah awk ka rak hngal lo.
Cu hnu ah hrinthannak a co mi pastor ka ton i amah nih Pathian nih a kan pek mi thawngtha bia dawh a kan chimh i misualfa ka si tiah ka hngalh. Cutikah thawngtha bia dawh sullam kha hngalh kai zuam i dinfelnak ti mi sullam zong hngalh kai zuam. Cutikah ka sualnak vialte cu Jesuh tipil innak ah khan chuan dih a si cang ti kha ka hngalh. Cucu thawngtha bia dawh cu a si. Adam sualnak lawng si loin, atu ka sualnak le hmailei ka sualnak vialte zong Jesuh tipil innnak nih a tawl dih cang ti kha ka zumh. Hi thawngtha biatak zumhnak le theihnak in ka thinlung ah lawmhnak taktak ka co.”
Ti le Thlarau thawngtha bia dawh theihnak in saya tampi telh in, Russia minung tmapi nih Thiang Thlarau an co. Atu ahcun Thiang Thlarau Khrihfabu zong dirh a si cang i, Thiang Thlarau riantuannak hmang in minung tampi nih ti le Thawngtha bia an vun zumh. Hi vialte hi Pathian nih a tuah mi a si caah Thiang Thlarau cu ka lawmh.
Ka chung ah a um mi Thiang Thlarau nih hrinthannak a ka pek i, keimah bantuk in zumhnak a ngei mi vialte zong a pek ve hna caah kan dihlak in vawlei cung khuazakip ah thawngtha bia kan chim. Thawngtha bia cauk kan tial mi zong mirang holh lawng si loin vawlei cung holh tampi in a kan lehpiak cang. Hi thawngtha bia dawh hi vawlei cung khuazakip ah kan chimter. Thiang Thlarau cu ka lawmh. Nangmah zong nih Thiang Thlarau umpinak na co khawh ve. Pathian nih Thiang Thlarau umpinak co seh ti an duh. Minung tampi nih Pathian kha sualchir thlacamnak in an auh i Thiang Thlarau co an i tim. Jesuh nih a kan pek mi Thawngtha bia dawh zumhnak tel loin Thiang Thlara co timh cu palh a si. Ti le Thlarau thawngtha bia dawh tel loin Thiang Thlarau co khawh a si ti cu cawnpiaknak dik lo a si.
Jesuh zultu hna nih ti le Thawngtha bia dawh zum loin Thiang Thlarau an co maw? An co lo. Atu ahcun ti le thawngtha bia dawh a zum mi lawng nih Thiang Thlarua an co i an thinlung in nunnak tiva nung aluang. Atu caan zong ah thawngtha bia dawh he ka thinlung ah Thiang Thlarau tinung a luang. Hallleluijah. Bawipa cu thangthat si ko seh.