- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
Due to COVID-19 and disruption to international mail service
we have temporally suspended our ‘Free Print Book service’.
In the light of this situation we are not able to mail you the books at this time.
Pray that this pandemic will end soon and the resumption of the postal service.
Pray that this pandemic will end soon and the resumption of the postal service.
A konglam 8: Thiang Thlarau
[8-13] Thiang Thlarau Riantuannak Le Laksawng (Johan 16:5-11)
“Sihmanhsehlaw atu cu a ka thlahtu sin ah khan ka kal cang lai, asinain aho zong nih, ‘Khuazei ah dah na kal lai? tiah nan ka hal lo. Cun atu cu kan chimh hna caah nan ngaih a chia. Sihmanhsehlaw biatak kan chimh hna: ka kal hi nan caah a tha deuh, zeicahtiah keimah ka kal lo ahcun Bawmtu kha nan sin a ra kho lai lo. Ka kal ahcun amah cu nan sinah ka ratter lai. A rat tikah vawlei cung mi kha sualnak an ruahning le zeidah a ding ti an rauhning le Pathian nih bia a kan ceih lai ti an ruahning i an palhnak kha fiang tein a hngalhter hna lai. Keimah an ka zumh lo caah hin sualnak kong ah an palh, cun kei cu ka Pa sin ah ka kal lai i nan ka hmuh ti lai lo caah hin, zeidah a ding ti mi kog ah an palh, cun hi vawlei uktu pa hi a bia ceih a si cang caah hin biaceihnak kong ah an palh.”
Thiang Thlarau riantuannak cu zeidah a si?
Biaceihnak kong, dinfelnak kong le sualnak kong ah vawlei kha bia a ceih.
Genesis 1:2 ah, “Vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cung ah Pathian thawnnak cu aa chawk” tiah a ti. Hika zawn ah kan hmuh khawh mi Thiang Thlarau hi thinlung sualnak a ngei mi le lungawtawm mi hna sin ah um loin thawngtha bia a zum mi hna sin lawng ah aum ti kha a si. Asinain minung tampi cu an i hruhpi mi zumhnak kha an i tlaih peng i an thinlung ah sualnak um buin Thiang Thlarau umpinak co kan duh tiah an ti.
Hibantuk zumhnak hrut pi buin co mi thlarau cu Thlarau dawh a si lo. Hi bantuk minung sin ahcun Satan thlarau lawng a um i Satan nih fawi tein a rap ah a fawih khawh mi hna an si. Asinain Thiang Thlarau cu Pathian a si i duhnak, fimnak le lungthawhnak a ngei ve mi a si. Vawlei sernak ah khan Pa Pathian le Fapa Jesuh Khrih he rian an tuan ti. Atu cu vawlei cung ah Thiang Thlarau riantuannak zeibantuk dah a si ti kha kan cawng hna lai.
Thiang Thlarau Nih Vawlei Sualnak Kha A Theihter
Thiang Thlarau nih a pakhatnak a riantuan mi cu zeidah a si? Vawlei sualnak kha a hngalhter. Thiang Thlarau sual a phawt mi hna cu Jesuh tipil innak nih vawlei sualnak vialte a kalpi cang ti le vailam cung a thihnak nih sual leiba a cham dih cang ti thawngtha a zum lo mi hna kha an si. Misual vialte kha le ti le Thlarau thawngtha bia dawh a zum lo mi kha sual a phawt hna.
Pathian Dinfelnak Kha Vawlei A Theihter
Thiang Thlarau a pahnihnak riantuan mi cu zeidah a si? Pathian dinfelnak le Jesuh nih misual a kan khamhnak kha tehte a khaan. Johan 16:10 ah, “Cun kei cu ka Pa sin ah ka kal lai i nan ka hmuh ti lai lo caah hin, zeidah a ding mi kong ah an palh.” Baibal nih Pathian dinfelnak a ti mi sullam hi kan hngalh awk a si. A sullam cu Johan nih Jesuh tipil a peknak in vawlei sualnak vialte a tawl dih cang ti le cu biatak a zum mi vialte cu Pathian nih a vel in a khamh hna i miding ah a cohlan hna ti kha a si. Jesuh cu Johan nih tipilnak a pek i vawlei sualnak vialte kha a cohlan dih hnu ah vailam cung ah thihnak a tuar, cu hnu ah thihnak in a thothan i misual mi vialte khamhtu ah a hung cang. Hihi Pathian nih a kan pek mi thawngtha bia dawh a si. Jesuh nih Pathian duhnak in ti le thisen in vawlei sualnak vialte kha a tawl dih i kan nunnak Uktu Bawi a hung si.
Thiang Thlarau nih minung kha Jesuh nih Johan sin in tipil a innak le vailam cung a thihnak thawngtha bia zum ding in a bawmh hna i sual ngaihthiamnak a coter hna. Thumkomh Pathian riantuannak hi pakhat le pakhat ai dirkamh mi an si ti kan hngalh awk a si. Thiang Thlarau nih thawngtha bia dawh caah rian a tuan i Pathian dawtnak kha minung a hngalhter hna. Cun ti le Thlarau thawngtha bia kha a dik mi a si ko tiah aamah a khaan.
Vawlei Biaceihnak Kha A Hngalhter
Thiang Thlarau riantuan mi pathumnak cu zeidah a si? Satan riantuannak a hrawh. Satan nih minung ruahnak ah khan, “Jesuh cu na zumh khawh ko, asinain Khrihfa biaknak hi vawlei biaknak tampi lak i pakhat bantuk in ruat ko” tiah biathli a chimh hna. Satan nih minung kha Jesuh tipil innak le vailam cung thisen zum kho lo ding le sual ngaihthiamnak co kho lo ding a kham hna. Satan nih minung tampi kha Khrihfa biaknak cu biaknak dang “sawhsawh” bantuk ah a zumhter hna caah minung tampi caah Jesuh zumh hi mi tha pakhat sinak men ah ai cang. Asinain Jesuh zumhnak nih aa tinh taktak mi cu hrinthannak co ding le miding siter ding kha a si.
Zumhnak dik lo na ngeih ding a si lo. Zeitluk fak in Jesuh na zumh ko zong ah zumhnak dik lo nih cun an thianter kho lo. Zumhnak dik lo na ngeih ahcun Satan hlennak ruang ah Jesuh kha fiang tein na hmu kho in na zum kho lai lo. Ti le Thlarau thawngtha bia zumhnak in khamhnak a co mi vialte caah Thiang Thlarau cu aamahkhanpiaktu a hung si. Thinlung sualnak a ngeimi vialte hna zumhnak cu santlai lo a si.
Thiang Thlarau nih thawngtha biatak kha tehte a khaanpiak. Jesuh cu vawlei sualnak vialte kalpi ding ah tipilnak pek a si i sual leiba champiak ding ah vailam cung thihnak a tuar. Hi biatak cu Thiang Thlarau nih tehte a khaan. Vawlei cung mi vialte nih ti le Thlarau thawngtha bia zumhnak in sual ngaihthiam co ding ah Thiang Thlarau nih ruahnak a pek hna. Cun thawngtha bia dawh a zum lo mi vialte kha Thiang Thlarau nih sual a phawt hna i bia a ceih hna.
Mizei Hmanh Nih Thluachuak Mi Zumhnak An Ngeih Ding A Si
Thluachuak mi zumhnak cu zeidah a si? Sual ngaihthiam hmang in Thiang Thlarau umpinak a kan cotertu zumhnak a si. Asinain minung tampi cu Jesuh an zumhnak a sau tuk cang ko nain an thinlung ah sualnak a um peng. Jesuh an zumhnak a sau deuhdeuh, an sualnak a tam deuhdeuh. An sualnak in khamhnak ding ah a dawnkhantu hna thil ngan bik cu holh theih lo holh le mangmanh te hna hi Thiang Thlarau conak hmelchunhnak a si tiah an ruah caah a si. An sualnak ruang ah Pathian biaceihnak an in ding mi kha an hngal lo.
Hi vawlei cung minung tampi nih Thiang Thlarau riantuannak le Satan riantuannak an thleidang thiam lo. Satan riantuannak nih minung kha buaibainak le zumhnak dik lo ah a hruai hna caah a donghnak rawhralnak a phakpi hna. Hihi Satan nih Pathian a dohnak ah tlamtlinh ai timh mi cu a si. Satan nih minung kha khuahrum biaknak ah a hruai hna i a sal ah a tlaih tawn hna. Satan nih cunglei khuaruahharnak thil kha a hmuhtonter hna Ii cu thil tuahnak cu thawngtha bia dawh zumhnak in Thiang Thlarau umpinak conak in a sunglawi deuh tiah a ruahter hna.
Asinain Thiang Thlarau nih cun minung kha Pathian bia a hmuhter hna. Thiang Thlarau thawng in minung nih Pathian nih a kan ser, a kan dawt i khamh a kan duh ti kha an hngalh. Pathian timh mi cu misual mi kha Jesuh Khrih hmang in an sualnak in khamh le ti le Thlarau thawngtha bia zumhnak in sual ngaihthiamnak co i zumhnak in nun ding kha a si.
1 Peter 3:21 ah, “Cucu atu i nanmah an khamhtu hna tipil in a rak sawhtu hi a si.” Cun 1 Peter 1:23 ah, “Pathian bia a nung mi le zungzal in a hmun mi thawng in hrinthar mi nan si cang, thih a thiam mi nulepa fa si loin thih a thiam lo mi pafa nan si cang” tiah a ti.
Thiang Thlarau riantuannak cu sualnak kong ah, dinfelnak kong ah le, biaceihnak kong ah minung kha hngalhnak pek i biatak zumhter kha a si. Thiang Thlarau nih Pathian biaceihnak kha a hnngalhter hna i Jesuh tipil innak le vailam cung thisen zumhnak in sual ngaihthiamnak a coter hna. Thiang Thlarau nih ti le Thlarau thawngtha kan zumh tikah nan thinlung ah ka um ti kha a hngalhter hna.
Atu kan zoh mi hi Thiang Thlarau riantuannak a si. Vawlei cung minung vialte nih Thiang Thlarau umipinak an co khawh i Jesuh tile thlarau thawngtha bia zumhnak in sual ngaihthiamnak co buin Pathian dawtnak an co khawh.
Thiang Thlarau Mi A Sinak
Thiang Thlarau cu a thawng mi Pathian a si. Mi sinak ah a herh mi thil kha a ngeih hna, cu hna cu: fimnak, lungthawhnak le duhnak an si. Thiang Thlarau nih fimnak a ngeih caah, Pathian thil thuk kha a kawl hna (1 Korin 2:10) i minung thinlung kha a hngalh.
Thiang Thlarau cu lungthawhnak a ngei mi a si caah, Pathian bia a zum mi hna cung ah a lung ai lawm i zumlotu kha a doh hna. Cun miding mi nih Thiang Thlarau thawng in Pathian dawtnak an hngalh khaw.
Thiang Thlarau hi “Hnemtu” ti zong ah ti a si. A sullam cu Thiang Thlarau nih miding mi kha harnak caan ah a bawmh hna, teinak a pek hna i an ral a dohpiak hna. Minung bantuk in fimnak, lungthawhnak le duhnak a ngei ve i ti le Thlarau thawngtha bia dawh a zum mi hna sin ah khua a sa.
Thiang Thlarau Riantuannak Cu A Tanglei Bantuk In A Si
Thiang Thlarau nih minung kha an sual ngaihthiamnak biatak a hngalhter hna i zumtu hna thinlung ah khua a sa. Jesuh tipil innak le vailam cung thihnak in vawlei sualnak vialte a lak dih cang ti tehte khaan kha Thiang Thlarau rian a si (1 Johan 5:6-8). A sal le a mithiang hna kha harsatnak caan a bawmh hna i fek tein a dirter than hna. Zeitindah thla kan cam lai ti kan hngalh lo lio ah a kan bawmh (Rom 8:26). Cun miding mi kha Pathian Khrihfabu dinhnak a pek hna i a bia duhdim nunnak ah a hruai hna (Salm 23).
Baibal He Ai Pehtlai Mi Thiang Thlarau Riantuannak
Thiang Thlarau nih miding mi kha an thinlung in biatak a zumhter i thawngtha bia kha midang sin a phuanter hna. “Cathiang hi a dihlak in Pathian thawchuah hnawhmi a si i biatak cawnpiaknak caah le palhnak cawnpiaknak alnak caah le palh mi remhnak caah le ding tein nunnak ding cawnpiaknak caah a thahnem mi a si” (2 Timote 3:16).
“Thil nung kong tialnak Bawipa cauk chung ah khan kawl tuah u law zeidah a chimti kha rel tuah u. Hi thil nung vialte hna hi pakhat hmanh a bau mi an um lai lo i pakhat hmanh keptu ngei lo zong an um lai lo. Cu bantuk in siseh tiah Bawipa nih a ti i amah hrimhrim nih hmun khat ahcun a umter hna lai” (Isaiah 34:16).
“Cun cu pin ah hihi philh hlah u. Cathiang chung i a um mi profet bia kha ahohmanh nih anmah tein a sullam an i hngalh kho lo. Zeicahtiah profet bia cu minung duhnak chung menmen in a chuak mi a si lo, sihmanhsehlaw Pathian sin in a ra mi bia kha mi nih an chim tikah, Thiang Thlarau nih a fial hna caah a si” (2 Peter 20-21).
Thiang Thlarau nih Pathian sal hna kha thaw a chuah hnawh hna i Pathian bia a tialter hna i atu kan rel khawh mi hi a si. Vawlei ah chimphuang ding in a kan fial. Cucaah miding mi nih harsatnak tampi tong hna hmanhsehlaw Thiang Thlarau thawnnak thawng in tei khawhnak thazaang an ngei.
Thiang Thlarau Laksawng Le Theitlai
Thiang Thlarau laksawng cu Pathian nih a mithiang hna thawngtha bia phuannak ah a herh mi thawnnak a pekmi hna a si. Cucaah mithiang mi nih cu laksawng he Pathian rian ah an i pumpe i Thiang Thlarau nih Bawipa sunparnak an peknak ah a bawmh hna. “Thlarau kan chung i a um kha phun khatkhat in a lang cio i cucu kan dihlak ca i thatnak ding caah khan a si” (1 Korin 12:7).
Thiang Thlarau laksawng nih ai tinh mi cu mithiang mi kha an zumhnak ah bawmh i an hami i a um mi tlikzuamnak ah teinak an hmuh nakhnga bawmhchanh kha a si (Efesa 4:11-12). Thiang Thlarau nih Pathian sal le kha thil ti khawhnak a pek hna i thawngtha bia phuannak ah a bawmh hna. Pathian Khrihfabu cu Jesuh Khrih nih a thianh mi hna mithiang pawl umnak bu a si (1 Korin 1:2).
Thiang Thlarau kan co mi Khrihfa kip nih kanmah le kan sinak zawn cio ah Jesuh Khrih cu Khrihfabu lu a si bantuk in, kan rian kha kan tuan ding a si. Thiang Thlarau nih mithiang mi kha Pathian pennak chung ah rian an tuan khawh nakhnga thlarau lei fimnak a pek cio hna. Hi ti a tuahnak cu Pathian nih a kan pek mi thawngtha bia sunparnak caah a si. “Sihmanhsehlaw zei nan tuah hmanh ah, nan ei ah siseh, nan din ah siseh, nan tuah mi cu a dihlak in Pathian thangthatnak caah siter ko u” (1 Korin 10:31).
Thiang Thlarau Laksawng Dangdang
Thiang Thlarau laksawng phun 12 a um. Baibal ah kan hmuh khawh mi cu hi laksawng hna hi minung cung ah a phunphun pek an si tiah a ti. Laksawng a langhnak hna cu, Rom 12:6-8, 1 Korin 12:8-10, le Efesa 4:11 ah an si. A tanglei hna hi thlarau laksawng phun 9, 1 Korin 12 nih a langhter mi an si.
1) Fimnak biachim thiamnmak: hi nih ti le Thlarau thawngtha bia hngalh khawhnak le thawngtha bia dawh chimphuan khawhnak a kan pek.
2) Hngalhnak biathuk: Pathian bia hmang in a ra mi nih miding mi hna harsatnak a phakter hna tik ah hi hngalhnak nih harsatnaka daihter khawh.
3) Zumhnak: Thiang Thlarau nih mithiang kha zumhnak fek a pek hna i Satan le an sualnak chung in kharuahhar in khamhnak a chuahpi. Miding mi hna nih an sualnak ngaihthiam an si i thlarau an damlonak kha zumhnak thawnnak in an damter khawh.
4) Damter khawhnak: Thiang Thlarau nih mithiang hna nih Pathian bia an zumhnak ruang ah damhternak khawhnak a pek mi hna a si.
5) Khuaruahharnak: Hihi Pathian bia zumhnak thawng in mithiang hna sin ah khuaruahhar in pek mi laksawng a si. Khuaruahharnak cu zumhnak in vancunglei thil a cang mi le minung fimnak le nawlbia lawnh in riantuannak a si.
6) Profet biaphuan: Hika zawn ahcun, Pathian bia ai tial ning tein a zum mi hna lawng nih
7) Thlarau sin in a ra maw ti thleidan thiamnak: Mi pakhat nih sual ngaihthiamnak a co maw co lo ti hngalh khawhnak a si. Laksawng kan co lo ahcun Satan nih lam ping ah a kan hruai khawh. Hi vawlei hi Satan uknak tang ah a um caah thawngtha bia dawh zumhnak lawng in vawlei harnak, tukforhnak le thil tha lo kan tei khawh lai. Miding mi nih thawngtha bia dawh zumhnak in laksawng an co. Cuticun mi pakhat thinlung ah sualnak a um maw um lo ti kha a chim khawh.
8) Holh theih lo: Baibal nih holh theih lo kong a kan chimh: “Sihmanhsehlaw pumpak ahcun midang cawnpiaknak ding caah, holhtheihlo in bia thong hra chim nakin theih mi holh in bia fang ng aka chim deuh lai” (1 Korin 14:19) tiah a ti. Mithiang mi hna nih kan hngalh ding mi cu kanmah hmanh nih kan hngalh lo mi holh theih lo nakin Pathian biatak hngalh a biapi deuh ti kha a si.
9) Holhtheih lo leh khawhnak: Hi laksawng cu Khrihfabu hmasa lio ah thawngtha bia dawh chimphuannak ding ah zultu hna kha rak pek an si. Atu ahcun Thiang Thlarau nih thawngtha bia kha holh phun tampi le ca phun tampi in vawlei cung kakip ah a phuan cang. Thawngtha bia chimtu nih holh phun dang a thiam dih ko cang caah holh theih leh khawhnak a herhnak a um ti lo. Holh nih a kan donhkhanh tikah Pathian nih a rian tlamtlinh ding ah a leh a kan sianh tawn. Thiang Thlarau nih thawngthia bia dawh hmang in rian a tuan i mithiang mi hna kha holh phun tampi in a lehter hna.
Thiang Thlarau Theitlai Cu Zeidah An Si?
Thiang Thlarau theitlai he pehtlai in Baibal nih a kan chimh mi cu, “Sihmanhsehlaw Thlarau nih a chuahter mi hna cu: dawtnak, lawmhnak, daihnak, lungsaunak, zaangfahnak, thatnak, zumhawktlak mi sinak, nunnemnak le mah le mah uk khawhnak tehna hi an si” (Galati 5:22-23).
1) Dawtnak: a dik mi dawtnak cu mithiang mi hna nih ti le Thlarau thawngtha bia dawh chimphuannak in thlarau tlau tlaih kha a si. Miding mi hna nih a di k mi dawtnak a si mi thawngtha bia dawh kha an co caah cu thawngtha bia dawh midang thlarau tlaihnak ah an hman.
2) Lawmhnak: Hihi hrianthannak kan co tikah kan thinlung chung a thuhnak bik in hmun a rak chuak mi lawmhnak kha a si. A sualnak vialte ngaihthiam a si cang mi miding hna cu an thinlung ah lawmhnak taktak an ngei (Filipi 4:4). Miding mi hna thinlung ah lawmhnak a um caah, cu lawmhnak cu midang hrawmh khawhnak thazaang an ngei.
3) Daihnak: Hihi ti le Thlarau thawngtha bia zumhnak in sual ngaihthiamnak a co mi hna, miding mi hna nih an thinlung ah an tinco mi lungdaihnak hnangamnak a si. Thiang Thlarau nih miding mi kha daihnak thawngtha bia dawh a chimphuanter hna. Hi daihnak thawngtha bia dawh a thei mi hna nih midang zong kha vawlei tei khawhnak le khamhnak hnangamnak an pek tawn hna. Pathian le minung kar ah daihnak a sertu miding mi kha Pathian fa tiah ti an si (Matthai5 :9) i midang kha sual ngaihthiamnak co ding ah an hruai tawn hna (Phungthlukbia 12:20). Thiang Thlarau nih miding kha dinfelnak nunnak ah a hruai hna i midang sin ah thawngtha bia dawh a chimphuanter hna.
4) Lungsaunak: Lungsaunak theipar cu thawngtha bia dawh zumhnak in sual ngaihthiamnak a co cang mi hna thinlung ah a par tawn mi a si. Hi bantuk theipar cu Thiang Thlarau he caan saupi hawikomhnak ngeih hnu ah kan chuahpi khawh mi a si. Miding mi hna thinlung ah lungsaunak le intuar khawhnak a um.
5) Zaangfahnak: Sualnak in kan khah lio ah Pathian nih a zaangfahnak a langhter i a fapa Jesuh tipil innak le vailam cung a thisen in a kan khamh. Midang cung ah zaangfahnak kan ngeih khawh cu Jesuh nih kan cung ah zaangfahnak a ngeih i kan sualnak vialte a hnawh dih caah le kan thinlung in amah kan zumh i a vel kan co caah a si. Miding mi hna thinlung ah zaangfahnak le thawngtha bia dawh theipar a tlai.
6) Thatnak: Thatnak sullam cu “ziaza thatnak” chim duh mi a si. Miding mi hna thinlung ah thatnak le Bawipa zumhnak an ngei.
7) Zumhawktlak mi sinak: Zumhawktlak mi sinak cu thinlung dihlak in Pathian zumh kha a si. Hi zumhawktlak mi sinak cu Jesuh cu zumhawktlak nakin a rak chuak mi a si.
8) Nunnemnak: a sullam cu midang kha theihthiam khawhnak le kan thinlung in lum tein pomhlawm khawhnak kha a si. Miding mi hna nin an ral kha an dawt khawh hna i an luatnak ding ah thla an campiak khawh hna.
9) Mah le mah uk khawhnak: mah le mah uk khawhnak cu pumpak nun kha lam ding lo a zawh nakhnga lo kilven khawh i nun ning dawh le mah le mah i uk khawh kha a si.
Thiang Thlarau In Khah
Thiang Thlarau khah theipar cu zeidah a si? Hi thluachuah a co mi mithiang mi hna cu Jesuh Khrih hnuzul tha bantuk in a nunter hna i Pathian Khrihfabu ah a pehtlaihter hna. Thiang Thlarau nih miding mi kha dinfelnak lam ah a hruai hna i Khrih duhnak tlinter ding ah an nun a hman. Miding mi hna duhnak cu Thiang Thlarau duhnak he ai khat i an thiamnak le an ngeihchiah kha siang tein an pek. Thiang Thlarau nih miding mi kha vawlei teinak lam ah a hruai hna i an nunnak ah teinak, lawmhnak, hnangamnak, thlarau tamhal lonak le sunghzatlak chung in a khamh hna (Rom 7).
“Asinain Thiang Thlarau nan cung i a tluk tikah cun, thawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai” (Lamkaltu 1:8). Thiang Thlarau in khahnak nih miding mi kha thawngtha bia dawh chim ding ah a hruai hna.
Thiang Thlarau umpinak a co cang mi hna kha Bawipa nih zumhnak thawnnak a pek hna. Jesuh thawngtha bia dawh a zumhnak in sual ngaihthiam a co mi vialte kha Pathian nih a fa sinak nawl a pek hna (Johan 1:12). Zumhnak thawng in Pathian fa a si mi vialte nih vawlei cung ah thawngtha bia dawh an chim khawh.
Thawngtha bia dawh in sual ngaihthiamnak a co mi miding hna nih Satan tei khawhnak thazaang an ngei. Thlarau lei damlonak zong damter khawhnak an ngei (Marka 16:18), Satan thawnnak an ketang ah an chiah khawh (Luka 10:19), i Vancung Pennak chung ah an lut kho (Biathlam 22:14). Miding mi hna nih Pathian bia an zumhnak thawng in an siangpahrang bantuk in nawlngeihnak he an nung kho (2 Korin 6:17-18).
Thiang Thlarau nih miding mi kha an vawlei taksa duhnak vialte a hlawtter hna. Cun thawngtha bia dawh chim ding ah a hruai hna (Galati 5:5).
Thiang Thlarau nih miding mi kha thawngtha bia dawh a relter hna i a zumhter hna, cu hnu ah midang zong an cawnpiak hna (1 Timote 4:13).
Thiang Thlarau nih miding mi kha nitinte Pathian Khrihfabu ah a pumh khawmh hna (Hebru 10:25).
Thiang Thlarau nih miding mi kha an sualnak a phuanter (1 Johan 1:9) i an thinlung kha biatak ceunak in a khahter (Efesa 5:13).
Thiang Thlarau nih miding mi kha lam ding ah a hruai hna (Salm 23).
Thiang Thlarau nih miding mi kha a laksawng hmit lo ding in a cawnpiak hna (1 Thesalon 5:19).
Thiang Thlarau nih khuaruahhar thawngtha bia hmang in rian lianpi a tuan (Marka 16:17-18).
Thiang Thlarau nih mithiang mi kha Khrih hnuzultu tha dirhmun in Pathian Khrihfabu ah a pehtlaihter hna. Miding mi kha thlarau nun in a nunter hna i thawngtha bia dawh an chim caah Thiang Thlarau in a khahter hna. Hihi khuaruahhar thawngtha bia hmang in Thiang Thlarau riantuannak an si (1 Peter 2:9).
Atu caan zong ah mithiang thinlung ah rian a tuan cuahmah ko. Halleluijah!
