- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 8: Thiang Thlarau
[8-14] Thiang Thlarau Conak Ah A Kan Hruaitu A Dik Mi Ngaihchihnak Cu Zeidah A Si? (Lamkaltu 2:38)
“Peter nih annih cu a thawh hna i, “Nan dihlak in pakhat hmang bau loin, nan sualnak khan i mer tuah u, nan sualnak kha ngaihthiam nan si nakhnga, nan sualnak khan i mer u law, Jesuh Khrih min in tipilnak ing tuah u, cun Pathian laksawng Thiang Thlarau kha nan co lai.”
Thiang Thlarau conak ding ah a herh mi ngaihchihnak zeidah a si?
Ti le Thlarau thawngtha bia ah kir i Jesuh tipil innak le vailam cung thisen zumh a herh.
Baibal i Lamkaltu 2 ah Peter sermon nih minung tampi thinlun a tawngh i an sual an i ngaichih. An thinlung a tawnghnak tuk hna caah Peter le Lamkaltu dang hna sin ah khan, “Zeidah kan tuah lai?” (Lamkaltu 2:37) tiah an hal hna. Cutikah Peter nih, “Nan dihlak in pakhat hmang bau loin, nan sualnak khan i mer tuah u, nan sualnak kha ngaihthiam nan si nakhnga, nan sualnak khan i mer u law, Jesuh Khrih min in tipilnak ing tuah u, cun Pathian laksawng Thiang Thlarau kha nan co lai” (Lamkaltu 2:38) tiah a leh hna.
Peter sermon nih fiang tein a kan cawnpiak mi cu Thiang Thlarau conak ding ah ti le Thlarau thawngtha bia zumh hi a herh hrimhrim mi a si i a dik mi sual chirnak zong a si ti hi a si. Ti le Thlarau thawngtha bia zumhnak le Baibal ca fiang te zohnak nih sual ngaihthiam le Thiang Thlarau a kan coter ti hi kan hngalh ding a si.
A pakhatnak Thiang Thlarau conak ding ah kan tuahter a herh mi cu Baibal ning in sual ngaihchihnak ngeih hi a si. Asinain hi ngaihchihnak hi lungthat, lung nuam loin um he kan cawhpawlh ding a si lo. Hika a chim mi sual ngaihchihnak cu Jesuh zumhnak kha a si. Baibal ah kan hmuh mi cu Jesuh a thattu kha an lung a nuam, an i chir ve ko ti kha a si. An i chir i Peter hmai ah zeidah kan tuah lai tiah an hal i Peter nih nan sualnak nan i nan i ngaichih a herh tiah a ti hna. Hika Peter nih a chim mi ngaihchihnak cu lungnuam loin um sawhsawh kha si loin thinlung dihlak in Jesuh zumh i ti le Thlarau thawngtha bia dawh Pathian nih a kan pek mi zumh kha a si. Hihi a dik mi sual ngaihchihnak a si.
Jesuh Khrih dawtnak cu kanmah nih sual chirnak pakhat hmanh kan ngeih hlan ah kan hmaika a phan cang. A sullam cu Jesuh nih Jordan tiva tipil a innak, vailam cung a thih le a thawhthannak nih kan sualnak vialte a kan tawl piak dih cang tinak a si. Cuticun kan sualnak le palhnak vialte a kan thianhpiak.
A dik mi ngaihchihnak cu hi biatak zumh hi a si. Kan sualnak ruang ah lungnuam loin kan um i zaangfahnak kan hal ruang ah kan sualnak cu hnawhpiak kan si lai tiah na zum maw? Cucu a dik mi sual ngaihchihnak a si lo. A dik mi sual ngaichihnak cu Jesuh tipil innak le vailam cung a thisen zumhnak in sual ngaihthiamnak co kha a si. Baibal nih sual ngaihchihnak hmang in sual ngaihthiamnak kan co ding a si tiah a kan cawnpiak. Cubantuk in sual ngaihthiamnak tlamtling kan conak ding ah Jesuh tipil innak le vailam cung a thisen kan zumh a herh.
Peter nih Jesuh a zum mi vialte kha “Jesuh Khrih min in” tipilnak a pek hna. Jesuh cu minung sualnak vialte la ding ah tipilnak pek a si. Tipil a innak le vailam cung a thihnak cu Thiang Thlarau umpinak a kan cotertu thawngtha bia dawh tlamtlinnak a si (Matthai 3:15-17). Minung cu Jesuh tipil innak le vailam cung a thisen zumhnak thianter a si. A tawinak cun, Thawngtha bia dawh zumhnak in sual ngaihthiamnak a co mi hna nih Thiang Thlarau an co tinak a si.
Thlacamnak Nih Thiang Thlarau Umpinak A Kan Pek kho Maw?
Minung nih zeitluk fak in thla a cam zong ah sual ngaihthiamnak le Thiang Thlarau umpinak a co kho lo. Thiang Thlarau umpinak conak ding ah Jesuh tipil innak le vailam cunga thisen zumh hrimhrim a herh. A sualnak ngaihthiam a si mi lawnglawng nih Pathian thlarau an co.
Thawngtha bia zumh ti cu Jesuh Khrih kha khamhtu ah co tinak a si. Lamkaltu 2:38 ah, “Nan dihlak in pakhat hmang bau loin, nan sualnak khan i mer tuah u, nan sualnak kha ngaihthiam nan si nakhnga, nan sualnak khan i mer u law, Jesuh Khrih min in tipilnak ing tuah u, cun Pathian laksawng Thiang Thlarau kha nan co lai” tiah a ti. Peter nih Thiang Thlarau cu a dik mi sual ngaihchihnak a tuah mi lawng nih an co tiah a kan chimh. Sual ngaihthiamnak le Thiang Thlarau umpinak hi a kalti mi an si.
Baibal nih, “Nan dihlak in pakhat hmang bau loin, nan sualnak khan i mer tuah u, nan sualnak kha ngaihthiam nan si nakhnga, nan sualnak khan i mer u law, Jesuh Khrih min in tipilnak ing tuah u, cun Pathian laksawng Thiang Thlarau kha nan co lai. Zeicahtiah Pathian nih bia a kamh mi hna cu nanmah hi le nan fale hna hi le lam hlat pipi i a um mi hna zong nan si-Bawipa kan Pathian nih a kawh mi hna paoh caah hin a si” (Lamkaltu 2:38-39) tiah a ti.
Mi pakhat cu thianter a si i sualnak loin a um hnu lawng ah Thiang Thlarau a co khawh. Cucaah, Jesuh nih a kan pek mi thawngtha bia dawh kan zumh a herh. Jesuh tipil innak nih vawlei sualnak vialte a tawl dih cang tiah a kan chimtu thawngtha bia dawh zumhnak in sual ngaihthiamnak co hnu ah thianter kan si. Minung sin ah Thiang Thlarau khuasak ding kha Pathian duhnak a si. “Pathian nih nannih cu a thiang mi si hna seh ti kha an duh hna” (1 Thesalon 4:3).
Sual ngaihthiamnak cu minung zuamhnak, pumpeknak le thatnak ruang ah co a si lo, Thumkomh Pathian nih Johan hmang in a tlamtlinh mi thawngtha bia zumhnak thawng lawng in co khawh a si. Thawngtha bia dawh zumhnak in sual ngaihthiamnak a co mi lawng kha Thumkomh Pathian nih Thiang Thlarau umpinak a coter hna.
Pentecost ni i Pathian sermon minung tampi an theih tikah an thinlung a tawngh tuk hna. “Zeidah kan tuah lai?” (Lamkaltu 2:37) tiah an au. Hi nih a langhter mi an thinlung ai thleng i Jesuh khha Khamhtu ah an zumh cang tinak a si. Peter nih a chim mi a dik mi sual ngaihchih thawngtha hmang in sual ngaihthiamnak an co. Jesuh tipil innak le vailam cung a thihnak kan zumh ning zoh in vawleicung minung vialte kha sual ngaihthiamnak pek kan si.
Jesuh tipilnak nih ai tinh mi cu vawlei sualnak phurh ding kha a si. Hi zumh hi Thiang Thlarau conak ding ah a biapi mi a si. Jesuh tipil innak ah hram a bunh mi thawngtha bia zumhnak zoh in Pathian nih Thiang Thlarau umpinak a kan coter. “Tipilnak a in dih cangka khan Jesuh cu tichung cun a chuak. Van kha aa hung i Pathian thlarau cu thuro bantuk in a rung zuan i a cung i aa fut kha a hmuh” (Matthai 3:16). Pentecost ni Thiang Thlarau a ra mi le Lamkaltu hna nih thawngtha bia dawh an zumh mi hi pehtlaihnak a ngei: Jesuh tipil innak, vailam cung a thihnak le a thawhthannak.
Lamkaltu cauk nih mi tampi nih Jesuh min tipil an in i Thiang Thlarau an co ti kha a kan chimh. Thiang Thlarau umpinak co hi Pathian thluachuah sunglawi a si ti kan hngalh awk a si. Thiang Thlarau kan conak ding ah kan sualnak vialte cu Jesuh tipil innak le vailam cung a thihnak ah kan khin dih a hau.
Lamkaltu cauk ning in, Peter sermon “chantha lo chung in khamhnak co u” (Lamkaltu 2:40) a ti mi a theih mi paoh nih a bia kha an zumh i tipilnak an in. Kan cawn khawh mi cu Khrihfabu hmasa hna chan lio Lamkaltu hna nh Thiang Thlarau an conak a ruang ah Jesuh tipil innak le vailam cung a thisen an zumh caah a si. Hihi Thiang Thlarau conak ding ah a biapi tuk mi a si. Jesuh tipil innak le vailam cung a thisen zumh hi sual ngaihthiamnak conak ding ah um lo awk tha lo a si.
Sualngaihchihnak Hmang In Thiang Thlarau A Kan Cotertu Zumhnak
Lamkaltu 3:19 zoh hna u sih. “Cucaah nan sualnak cu an hnawhpiak nakhnga, i ngaihchih u law Pathian lei ahcun i mer tuah u” tiah a ti. Ngaihchihnak hi zeitindah kan fianter lai? Hikong hi ruat than hna u sih.
Baibal ah sual ngaihchihnak cu khamhnak thawngtha zumh a si tiah a kan chimh. Hi lio caah minung nih an duh mi kha an biak hna i Pathian serchom mi kha an biak hna. Asinain Jesuh nih tipil a innak le vailam cung a thisen in a kan khamh ti an hngalh hnu cun hrinthannak an co. Hihi Baibal ning sual ngaihchihnak a si. A dik mi sual ngaihchihnak cu ti le Thlarau thawngtha bia ah kir kha a si.
Thiang Thlarau conak ding ah a herh mi ngaihchihnak cu zeidah a si? Jesuh tipil innak le vailam cung a thisen zumhnak kha a si. “Tharchuah caan cu Pathian hmai in a ra lai.” Minung nih hihi an zumh ahcun sual ngaihthiamnak le Thiang Thlarau an co lai. Jesuh nih tipil a innak le vailam cung a thisen in vawlei cung minung vialte a kan thianh caah hi thawngtha bia dawh hi kan zumh i khamhnak le Thiang Thlarau kan co ding a si.
Jesuh zumh ding le Thiang Thlarau umpinak co ding ah cun kan sualnak vialte kha Jesuh tipil innak le vailam cung a thisen ah kan chuan ding a si. Jesuh tipil innak nih kan sualnak vialte a tawl dih cang i vailam cung a thihnak nih sual leiba a kan champiak dih cang ti kha kan zumh ding a si. Hihi a dik mi sualngaihchihnak, Thiang Thlarau umpinak a kan cotertu zumhnak cu a si.
Thiang Thlarau cu sual ngaihthiamnak a co cang mi hna sin ah khua a sa. Khamhnak a co cang mi hna sin ah zeiruang ah Pathian nih Thiang Thlarau hi laksawng ah a kan pek? Thiang Thlarau kha minung thinlung chung ah khuasak i Pathian fa kan sinak caah hmelchunh a kan duh caah a si.
Thiang Thlarau cu Pathiana si. Pa, Fapa le Thiang Thlarau cu Pathian pakhat an si. Mi an sinak ahcun pathum an sinain Jesuh a zum mi caah cun pakhat an si. Pa nih kan khamhnak a timhlamh, Fapa nih Johan sin tipil innak in vawlei sualnak vialte a lak dih i vailam cung ah a thih pi, nithum hnu ah thihnak in a thothan i vancung ah lak than a si. Thiang Thlarau nih Jeush tipil innak le vailam cung a thihnak nih nan sualnak vialte a tawl dih cang ti kha tehte a khanpiak.
Thiang Thlarau thawng in khamhnak a co mi kha Pathian nih hmelchunhnak a tuah hna. Jesuh Khrih nih vawlei sualnak vialte a lak dih cang ti thawngtha a zum mi kha Pathian nih Thiang Thlarau a coter hna. Pathian nih a fa an si hmelchunhnak caah Thiang Thlarau kha a pek hna. Thawngtha bia zumhnak in sual ngaihthiamnak a co mi hna hmelchunhnak a donghnak cu Thiang Thlarau hi a si.
Thiang Thlarau a ngei mi paoh Pathian fa an si. Thiang Thlarau umpinak a co mi paoh cu an hninghno peng. Pathian bia, Jesuh tipil innak le vailam cung a thisen kha fek tein an zumh. An lung ai lawm peng. A dik mi lam in sual ngaihchihnak a ngei mi hna nih sual ngaihthiamnak le Thiang Thlarau an co.
Baibal nih sual ngaihthiamnak a chuahpitu sualchirnak a um tiah a kan chimh. Cubantuk sualchirnak cu na ngei cang maw? Na sual nai chir i a dik mi zumhnak na ngeih ahcun thawngtha bia dawh na co lai. Na sualnak kha i chir lawng Thiang Thlarau co ve cang tiah ruahnak pek kan duh. Sualchir ding ah le Thiang Thlarau umpinak a kan cotertu thawngtha bia zumh ding ah timhcia na si maw?
Copyright © 2021 by The New Life Mission
