- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 8: Thiang Thlarau
[8-15] Biatak Na Hngalh Lawng Ah Thiang Thlarau Na Co Lai I An Umpi Lai (Johan 8:31-36)
“Cucaah Jesuh nih amah a zum mi Judah mi hna kha, “Ka cawnpiaknak kha nan zulh ahcun a ka zultu taktak cu nan si, biatak cu nan hngalh lai i biatak nih cun an luatter hna lai,” tiah a ti hna. Annnih nh, “Kannih cu Abraham tefa kan si i aho sal hmanh kan si bal lo. Cucaah nan luat lain a ti tikah ah hin, a sullam zeidah a si,” tian an leh. Jesuh nih cun a thawh hna i, “Biatak kan chimh hna: a sual mi paoh cu sualnak sal an si. Sal cu innchungkhar chung ah khan zungzal in a um lo, sihmanhsehlaw fapa kha cu a zungzal in a um. Fapa nih nannih kha an luatter hna ahcun nannih cu nan luat taktak lai.”
Thiang Thlarau conak ding ah zeidah kan tuah lai?
Ti le Thlarau thawngtha bia kha kan zumh lai i zumhnak in kan nung lai.
Biatak cu zeidah a si na hngal maw? Jesuh nih, “Keimah cu biatak ka si” (Johan 14:6) tiah a ti. Cucaah Jesuh hngalh cu biatak hngalh a si. Thawngtha bia dawh na zumhnak nih Thiang Thlarau umpinak an pek maw, amah cu lawm ko? Jesuh tipil innak le vailam cung a thisen kha thawngtha bia dawh a nunnak a muru a si ti kha na hngalh ding a si.
Tuchan minung tampi nih “hrinthan” ti biafang hi an hman ngaingai. “Minung hi kan hrinthan a hau. Ramkhel zong hi a hrinthan a hau. Biaknak zong hi a hrinthan a hau” tian an ti. An chim duhnak kha “thanchonak” biafang he ai khat. Asinain hrinthannak nih taksa thanchonak kha a sawh bal lo. Hrinthan ti mi cu ti le Thlarau thawngtha bia dawh zumhnak in Thiang Thlarau umpinak co kha a si.
Hrinthannak A Kan Petu Biatak Cu Zeidah A Si?
Zeiruang ah dah minung hi a hrinthan a herh? Minung cu a tlamtling lo mi kan si caah Pathian fa kan sinak ding ah kan hrinthan i Thiang Thlarau umpinak kan co ding a si. Jesuh a zum mi minung tampi, Thiang Thlarau umpinak a co lo mi kan hmuh khawh hna. Nikodemu cu Judah hruatu upa a si. Johan 3 ah kan hmuh mi Nikodemu hi Judah hruaitu upa, Pathian nih a pek mi nawlbia vialte zulh ai zuam mi pa a si. Asinain Thiang Thlarau umpinak hngal loin biaknak lei hruaitu a tuan mi a si.
Thiang Thlarau umpinak co ding ahcun ti le Thlarau thawngtha bia dawh kan zumh i zumhnak in kan nung a herh. Minung nih Thiang Thlarau umpinak a co cu ti le Thlarau thawngtha bia dawh le Thiang Thlarau a zumh tik lawng ah a si. Jesuh nih, “Hi vawlei cung thil kong ka chim hmanh i nan ka zumh khawh lo ahcun zeitindah vancung thil kong cu chim ning law nan ka zumh khawh lai” (Johan 3:12) tiah a ti.
Ti le Thlarau thawngtha bia dawh cu a tanglei bantuk in a si. Kan Bawipa cu hi vawlei ah a chuak, kum 30 a si ah Johan nih tipilnak a pek, cu hnu kum thum ah vailam cung ah a thi i thihnak in a thawhthan hnu ah kan sualnak chung in a kan khamh. Jesuh nih tipilnak a in mi le vailam cung a thisen in kan sualnak kan khamh tiah a zum mi paoh caah mi Khamhtu a si. Hi thawngtha bia dawh a zum mi paoh cun sual ngaihthiam le Thiang Thlarau umpinak a pek hna.
An thinlung ah sualnak a ngei mi vialte kha Jesuh tipil innak le vailam cung a thisen zumhnak in sual ngaihthiamnak an co awk a si. Pathian hmai ah minung nih kan tuah khawh mi sualnak lawng a si caah Jesuh cu kan Khamhtu a si tiah kan zumhnak i khamhnak kan co awk a si. Jesuh nih thawngtha bia dawh in vawlei sualnak vialte kha tawl dih. Misual vialte nih hi thawngtha bia dawh zumhnak le ngaihnak in khamhnak co khawh a si. Hi thawngtha biatak a zum mi vialte cu Thiang Thalrau umpinak he thluachuah pek an si.
“Moses nih dar rul kha thetse ram car ah a tar bantuk khan Mifapa zong hi tar a si ve lai” (Johan 3:14). Biakam Hlun ah Israel mi hna nih sualnak an tuah i rul nih a cuk hna caah an thih cuahmah lio ah dar rul tar mi a zoh mi paoh nih nunnak an hmuh.
Cubantuk in, kannih zong nih Thiang Thlarau umpinak kan co. Jesuh nih thawngtha bia dawh a zum mi paoh kha Thiang Thlarau umpinak a pek hna. Satan nih ti le Thlarau thawngtha bia dawh thei kho lo ding in ai zuam i biatak thlarau co kho lo dingin lam a kan kham. Asinain, Jesuh tipil innak le vailam cung a thisen thawngtha bia dawh zumhnak Jesuh nih sual ngaihthiamnak le Thiang Thlarau thluachuah a kan pek.
Nangmah zong nih hi thawngtha bia dawh na zumh ahcun Thiang Thlarau umpinak na co khawh ve. Hi thawngtha bia dawh hi Pathian hmai ah na pom kho maw? Hi thawngtha biatak zumhnak in Thiang Thlarau umpinak ka co khawh ti kha na zum maw?
Kan sualnak in a kan khamhtu biatak kha Bawipa nih hngal u tiah a kan ti. “Cun biatak kha nan hngalh lai, biatak nih cun an luatter hna lai” (Johan 8:32). Kan sualnak chung in a kan khamh i Thiang Thlarau umpinak thluachuah a kan petu thawngtha biatak hi na hngal maw? Hi biatak na cohlan ahcun Thiang Thlarau umpinak na co hrimhirm lai.
Copyright © 2021 by The New Life Mission
