- All e-books and audiobooks on The New Life Mission website are free
- Explore multilingual sermons in global languages
- Two new revised editions in English have been released
- Check out our website translated into 27 languages
A konglam 8: Thiang Thlarau
[8-16] Thiang Thlarau A Co Mi Vialte I Mission Rian (Isaiah 61:1-11)
“Bawipa Pathian nih thlarau in a khahter. Sifak mi hna sin ah thawngtha phorh awk le lung a kuai mi hna damter awk le sal i a tang mi hna sin ah chuahnak than hawk le thong chung i a um mi hna sin ah luatnak than hawk ah a ka thim i a ka thlah. Bawipa nih a mi cu a khamh cang hna lai i an ral cu a tei cang hna lai, ti thanh awk ah a ka thlah. A ngaih a chia mi vialte kha hnemh awk le Zion i ngaihchia in a um mi vialte hna cu vutcam caah pangpar thi, mitthli caah lawmhnak chiti le thangthatnak hla pek awk ah a ka thlah. Annih cu Bawipa hrimhrim nih a phun mi thinkung bantuk an si lai. Thil tha kha an tuah lai i Pathian cu a tuah mi thil ruang ah khan an thangthat lai. Saupi a rawk cang mi khua kha an remh than hna lai. Jerusalem, ramdang mi nih na rian an in tuanpiak lai. Na satil kha an in zohkhenhpiak hna lai i na lo kha an in thlawhpiak lai, na mitsur dum kha an in conghpiak hna lai. Nangtu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai. Na ningzahnak le na thangchiatnak cu a dong cang. Nangmah ramte ah khan na um cang lai i na rummnak cu a let hnih in a thang lai, na lawmhnak cu zungzal in a hmun lai. Bawipa nih, “Dinnak kha ka duh i hremnak le thil tha lo tuahnak kha ka huat. Ka mi cu ka lehrulh hrimhrim hna lai i anmah he zungzal hmun mi biakamnak ka ser lai. Miphun dang sin ah khan an min a thang lai i a hmu mi hna paoh nih, thluachuahnak ka pek mi miphun an si kha an hngalh lai,” a ti. Bawipa nih a tuah mi thil ruang ah Jerusalem cu aa lawm. Va ngei lai ngaknu aa tamh mi bantuk a si. Pathian nih khamhnak le teinak he a thuamh cang. Thlaici cu an keuh i an than bantuk in Bawipa Pathian nih a mi cu a khamh hrimhrim hna lai. Cun miphun vialte nih amah cu an thangthat lai.”
Thiang Thlarau a co mi hna mission rian cu zeidah a si?
Vawlei cung miphun dihlak ah ti le Thlarau thawngtha bia chimphuan.
Thiang Thlarau a co mi hna nih zeidah an tuah awk a si? Minung dihlak sin ah ti le Thlarau thawngtha bia a chimphuan ding a si. Pathian nih Thiang Thlarau umpinak a co cang mi hna kha ti le Thlarau thawngtha bia dawh chimphuan ding rian a pek hna. Pathian hmai ah sual ngaihthiamnak a co cang mi hna nih Thiang Thlarau an co. Zeiruang ah dah Pathian nih Thiang Thlarau a pek hna tiah na ruah?
A donghnak a fa an sinak hmelchunhnak langhter ding ah Pathian nih a Thiang Thlarau a pek hna. Cun Satan an teinak khawhnak ca zong ah pek an si. Sual ngaihthiamnak a co cang mi le Thiang Thlarau umpinak a co cang mi kha Pathian nih a tanglei bantuk in a tuahter hna:
Sifak Sin Ah Thawngtha Bia A Chimter Hna
Misifak caah thawngtha cu zeidah a si? Ti le Thlarau thawngtha bia hi a si. Pathian nih Thiang Thlarau umpinak a co cang mi kha misifak hna sin ah ti le Thlarau thawngtha bia dawh a chimter hna. Thiang Thlarau umpinak a co cang mi hna cu vancung lei ruahchannak an ngeih cang caah hi vawlei thil ah diriamnak an ngei kho ti lo.
Pathian nih misifak kha ti le Thlarau thawngtha bia a theihter hna i an sualnak a ngaihthiam hna. Cuticun Thiang Thlarau umpinak kha a coter hna i zungzal hmun mi vawlei ah a lanhter hna. Pathian nih miding kha ti le Thlarau thawngtha bia misifak sin phuang ding ah nawl a pek hna. Cun Pathian le Jesuh zumhnak thawngtha zong karhter u tiah rian a pek hna. Pathian nih Thiang Thlarau a kan peknak a ruang cu hi vawlei misifak hna sin ah thawngtha bia duhdim an chimphuannak khawhnak caah a si.
Thinlung Kekkuai Mi Hna Damter Ding Ah A Kan Thlah
Bawipa nih zeitindah kan thinlung a damter? Ti le Thlarau thawngtha bia in kan thinlun kekkuai mi a damter. Thinlung kekkuai mi an tamtuk. Cu hna caah cun nunnak hi man a ngei lo i anmah dinfelnak cu ai rawk dih. An sualnak nih tangdornak le nun sifak in a nunter hna. Cucaah a caan ahcun nunnak kong ah lungawtamnak an ngeih mi nih harnak a pek tawn hna. Minung dihlak nih taksa le thlarau ah nun nuam tein nun kan dih, asinain cucu fawi tein kan ruanak bantuk in a cang kho lo, zeicahtiah minung nunnak hi mifir nih tamtuk a fir cang.
Cubantuk in, thinlung sualnak a ngei mi hna dinfelnak cu firpiak dih an si i a donghnak ah an sualnak ruang ah hell ah an kal. Hi ruang ah Pathian nih thinlung kekkuai mi kha a zaangfak hna i thawngtha bia dawh va chim hna u tiah a kan ti. Pathian nih zeibantuk bia in a damter hna? Ti le Thlarau thawngtha bia in a damter hna. A kekkuai mi thinlung kha a damter i zungzal nunnak a pek hna.
Saltang Mi Hna Luatnak A Thanh
Saltang mi kha luatnak a pek hna. Cucu zeidah a sullam a si? A sullam cu Pathian nih minung vialte vawlei sualnak in an thlarau kha a luatter tinak a si. Hi rian hi Pathian nih Thiang Thlarau a co mi lawng a pek hna i cu hna nih cun midang kha an sualnak in an luatter khawh hna.
Minung nih taksa le thlarau kan ngeih. Cu a taksa le a thlarau cu sual chiatserhnak le nawlbia nih a tlaih. Pathian a zumh zong zumh lo zong ah a tuah khawh mi cu sual saltan lawng kha a si. A nun chung vialte sual saltang ding a si. Cuticun a nung i a donghnak ah rawhralnak phak ding kha a si.
A sining le a dirhmun nih cubantuk in a nunter caah amah le mah a zaang ai fak i cu nun cu a hrial kho lo. Sualnak dah lo, zeihmanh a tuah kho ti lo mi kha Pathian nih a Thiang Thlarau a thlah hnawh hna i anmah zong nih sual sal a tang mi hna sin ah ti le Thlarau thawngtha bia dawh an chim i luatnak an pek hna.
Ataphram Mi A Hnemh Hna
A taphram mi kha Pathian nih zeidah a pek hna? Vawlei cung ah a taphram mi kha Pathian nih sual ngaihthiamnak thawngtha a pek hna i a hnemh hna. Minung sualnak ngaithiam tu ding ah Pathian nih Jesuh Khrih a vun thlah. Cun minung sualnak vialte a cung chuannak ding ah Johan nih tipilnak a pek. Cuticun Pathian nih kan sualnak in a kan thianh. Cuticun Pathian nih vawlei sualnak vialte in a kan thianh.
A taphram mi vialte kha Pathian nih ti le Thlarau thawngtha bia peknak in a hnemh hna. Cuticun zumhnak ah a chambau mi kha a hnemh hna. Thiang Thlarau a tingco i sual tang mi hna sin luatnak, a kekkuai mi thinlung damter ding thawngtha chim mi lawng kha Pathian nih a hruai hna.
Vawlei cung kan umnak a ruang ah sual ngaihthiamnak co i sualnak sal a tang mi le sual chung in luat a herh mi hna sin ah ti le Thlarau thawngtha bia dawh chim ding kha a si. Kan nunnak a tawi zia le man a ngeih lo zia cu Pathian nih fiang tein a kan chimh. Cucaah Pathian nih sual ngaihthiamnak le khuaruahhar thluachuahnak kha minung caah a timhlamh.
Kan Bawipa nih a taphram mi vialte kha sunparnak luchin he a hnemh hna. A sullam cu misual mi nih Jesuh tipil innak in sual ngaihthiamnak an co i Vancung Pennak chung ah an lut kho tinak a si. Mi pakhat nih sual ngaihthiamnak a co tikah a thinlung ruah kha ai tharchuah than i khuaruahhar thluachuahnak kha upat zia a thiam. Kan Bawipa nih sunparnak luchin a chinh. Misual mi kha ti le Thlarau thawngtha bia dawh apek hna i a zum mi paoh kha a fa ah a ser hna. Hi thawngtha bia dawh a zum mi paoh cu ngaihchiatnak si loin lawmhnak a tincoter hna.
Minung cu kan chuahka in kan thih ni tiang ah kan thinlung ruahnak cu ngaihchiatnak nih a uk, lawmhnak hi caan tawite lawng kan ngei. Asinain Pathian nih a kan ton i ruahchannak le lawmhnak thar a kan pek. Cubantuk ti le Thlarau thawngtha bia dawh a zum mi paoh nih nunnak thar le rian thar an ngeih. Pathian nih tuah hna seh ti a duh mi, vawlei misual hna sin ah ti le Thlarau thawngtha bia chim, an thinlung in ngaihchiatnak vialte hnawhpiak le lawmhnak le hnangamnak in khahternak thawngtha bia kha an chimphuan khawh.
Pathian sin in sual ngaihthiamnak a co cang mi hna nih cun Pathian kha sunparnak an pek. Miding mi kha thawngtha bia dawh phuan ding rian a pek hna. Pathian cu ahodah a si ti le thawngtha bia nih zeidah a kan pek ti le Pathian nih kan caah a timhtuah mi Vancung Pennak cu zeitluk in dah a sunglawi ti chinphuan ding rian kha a kan pek. Pathian nih a ngaihthiam cang mi hna nunnak cu a sunparnak kan hmuh khawh. Thiang Thlarau in an khah hlan ah a rak taphram mi hna nih atu ahcun lawmhnak in an khat, sualnak sal a tang mi hna nih zalonnak an co cang i nun man ngei lo mi hna nih dinfelnak he an nung cang. Hi vialte hi Pathian sunparnak a langhtertu lawng te an si. Pathian nih miding vialte kha a rawk cang mi khuapi le nunank remhtu ding tiah a ti hna.
Cun hi ti le Thlarau thawngtha hi Khrihfabu hmasa Lamkaltu hna nih an rak chimphuan mi kha a si. Jesuh cu a luancia kum 2000 hrawng ah khan vawlei ah thlah a rak si. Ti le Thlarau thawngtha bia dawh kha hi vawlei ah AD 300 tiang hrawng rak chimphuan a si. Atu ah miding mi hna nih an chimphuan mi thawngtha bia hi Khrihfabu hmasa i Lamkaltu hna nih an rak chim mi thawngtha bia le Thiang Thlarau he khan ai khat mi a si. Asinain zabu 4 lio Rom cozah nih Khrihfa biaknak in rampi biaknak a ser i mi zapi kha biaknak kong ah zalonnak apek hna thawk khan tile Thlarau thawngtha bia dawh duhsah tein a tlau i a donghnak a lo thai. Cu hnu ah Khrihfa biaknak in a thangcho chin lengmang i a donghnak ahcun thawngtha biatak a chimphuang tu an um ti lo.
Zeiruang ah Khrihfa dik tak le thawngtha biatak a phuang mi hna zumhnak ai thlen? Khrihfa biaknak cu Rom rampi biaknak an ser tikah Khrihfa mi hna nih zalonnak taktak an hmuh i temtawnnak chung in an luat tikah anmah Rom mi hna bantuk covo kha an vun ngei. Cuticun Khrihfa mi nih Rom miphun sang pawl zong an thit an vat khawh hna i cozah rian ah an hung lut kho. Hibantuk caantha ruang ah thawhthannak an rak zumhnak pi cu biaknak zumhnak sawhsawh ah ai thleng diam. Cu thawk cun ti le Thlarau thawngtha bia dawh cu a tlau i vawlei lei sital in dirh mi biaknak thawn hram ai thawk.
Pathian nih a hnubik Khrihfa hna i ti le Thlarau thawngtha bia dawh chim ding le caan sau tuk rak thlau cang mi thawngtha bia chim phuan than i minung vialte kha an sualnak in khamhnak an conak ding thawngtha chim kha a kan fial. Lamkaltu hna chan ah an rak chim mi tile Thlarau thawngtha bia dawh kha a nunnter than lai. Lamkaltu hna chan thawngtha bia dawh cu Jesuh tipil innak le vailam cung a thisen kong kha a si. A rawk mi khuapi remhtu tiah a kan ti. Ti le Thlarau thawngtha bia a zumtu le a loram riantuantu ah a kan ser.
Pathian nih Lamkaltu hna a rak pek mi hna mission rian kha a kan pek ve. A hramthawk ah an rak chim mi ti le Thlarau thawngtha bia dawh chimphuang than ding ah nangmah le keimah a kan thim. “Bawipa Pathian nih thlarau in a khahter. Sifak mi hna sin ah thawngtha phorh ding ah.” Pathian nih Thiang Thlarau a co cang mi kha thawngtha bia chim ding rian ak an pek i a Thiang Thlarau a kan pek.
Pathian nih kan ngaihchiatnak vialte kha a lak dih i lunglawmhnak pangpar he a kan thuamh hnu ah lunglawmhnak taktak a kan pek. An thinglung ah Thiang Thlarau a co mi hna nih thawngtha bia dawh thlaici kha an tuh i Pathian an cohlan ding ah Bawipa duhnak a si. Bawipa nih a kan pek mi thawngtha bia kha an cohlan i, sual ngaihthiamnak an co hnu ah a donghnak ah Thiang Thlarau an co lai.
Pathian riantuantu kan si. Nangmah le keimah cu Vancung Pennak chung in thluachuah pek mi kan si. Asinain Pathian nih Thiang Thlarau a co lo mi kha an mit a cawtter hna caah, thawngtha bia dawh kha an hmu kho lo, an hngal lo i an fiang kho lo. Jesuh zumh tiang kha an hruai khawh ko hna nian Thiang Thlarau co ding tiang cu an hruai kho hna lo.
Bawipa nih Thiang Thlarau hmang ina tanglei bantuk hi a tuah. Misifak hna sin ah thawngtha bia a chimphuanter hna i ti le Thlarau thawngtha bia dawh in a kekkuai mi thinlung a damter. Cun sual sal a tang mi kha thawngtha biatak in luatnak a pek hna i a taphram mi kha ti le Thlarau thawngtha bia dawh in a hnemh hna. An derthawmnak ruang ah sual nih a tlaih mi hna kha a luatter hna hnu ah Vancung ah a kai than.
Kan chung ah a um mi Thiang Thlarau nih vawlei cung minung dihlak sin ah ti le Thlarau thawngtha bia dawh an phuanter. Jesuh nih Thiang Thlarau a co cang mi hna le sualngaihthiamnak a co cang mi kha midang thlarau tlai ding ah rian a kan fial. Thiang Thlarau a co cang mi kha Bawipa nih thawnnak a pek hna i a riantuan a timh mi kha a tuanter hna. Miding vialte kha a riantuantu ah a ser hna. Kannih cu Pathian Khrihfabu ah riantuantu ding ah tuanvo pek mi kan si. Kannih a sal le kan si. Pathian nih hi khuaruahhar thluachuahnak a kan pek.
Kanmah le kanmah kan i zoh ahcun kan derthawmnak lawng kan i hmu nain Pathian cu kan chung ah rian a tuan cah, amah cu kan zumh i zumhnak in a saltha kan si. Kanmah hmang in Pathian nih khuaruahhar in rian a tuan lai i a kan uknak hi a karhlai tiah kan zumh.
Pathian nih khualipi ai rawk cang mi le a kulhnak remh kha ai tim. Kha hlan bantuk kha khualipi ai rawk cang mi cu ka remh lai tiah a ti. Hi vawlei cung ah thanghnak thawngtha bia lianngan a um than lai tiah ka zumh.
Asinain hihi keimah duh bang cun si hlah seh. Pathian nih a si lai tiah a ti caah ka zumh. Thiang Thlarau a co mi vialte kha vawlei cung khuazakip ah thawngtha bia chim ding ah Bawipa nih a kan auh. Hi vawlei ah a fapa a van thlah i thawngtha bia a tlamtlinh i atu Thiang Thlarau a co mi kanmah hmang in a duhnak a tlinter rih lai ti ka zumh. Hi thawngtha bia dawh a zum mi paoh nih Pathian sunparnak an hmuh lai. Halleluijah!
Copyright © 2021 by The New Life Mission
